|
|
 يا الصافي جعفر حرام عليك ويا الانقاذ ستين حرام عليك
|
والله العظيم ما في حاجة محيراني في الدنيا زي الفيلم بتاع سندس
والصافي جعفر ده ؟؟؟ حاجة غريبة ... حاجة تمرض .. حاجة تحير الما بتحير
مشروع ليهو خرتمية سنة ... واستلم كميات من الدولارات والريالات والدراهم من المغتربين
مغتربين مقتدرين وواحدين مفلسين وواحد يا دوبك وواحدين ماتوا ربنا يرحمهم وده حق ايتام
والصافي جعفر العضو المنتدب والمدير العام لمشروع سندس كل يوم يطلع لينا برواية جديدة
القنوات جاهزة .. الموية كبت .. الافتتاح قريب ... الشنو ما شنو
خداع وكضب ولف ودوران لا ينتهي .. ده شنو دا ؟؟؟؟؟
آآآآي الصافي شيخ وواعظ ومهندس وامام جامع وجبهجي قدر الدنيا ما قلنا حاجة
طيب الانقاذ دي نفذت كميات من المشاريع الكبيرة الناجحة .. بترول .ز كهرباء ..
سد مروي ... طرق .. معابر .. جياد .. مطار ... كبري الانقاذ ... كبري الجريف ..
كبري الدباسين .. كبري المك نمر .. كبري توتي ... وعييك ... وده كلو في سنوات
محددة وبدون لكلكة ولف ودوران وكلام كتير ... طيب حكاية سندس دي شنو ؟؟؟
العارف يورينا ؟؟؟ في سرقة ؟؟ في حرامية ؟؟ في شنو ؟؟؟
زول فاشل اداريا بنسبة 500 في المية ويكفي دليلا على فشلو ان المشروع لا جديد
فيهو رغم السنوات والريالات ورغم انو الرئيس ونائب الرئيس جو وزاروه وسمعو
منو الشعر بتاعو ده وانو خلاص شهر كده وشهر كده الموية حا تكب والناس حا تستلم
والخضرة حا تم زي ما في السيديهات الافة واتخموا بيها الكثيرين ...
الصافي جعفر رفض ان يقطع موعدا محددا لانهاء المشروع ما لم يتسلم عشرة مليارات
من المالية !!! والرأي العام (23 فبراير) كشفت ان البنيات التحتية التي تم انجازها
توشك على التلف ووووووووووووووووووووو
المحيرني وما لاقي ليهو اجابة :
الصافي جعفر دي ما بخاف الله ؟؟؟
الصافي جعفر ده سيد البلد دي ؟؟؟
الصافي جعفر ده سيوبر مان ؟؟؟ ما في زول بسألو ولا بحاسبو ؟؟؟
يكضب ويلف ويدور لمتين ولمصلحة منو ؟؟؟
والانقاذ التي انجزن عشرات المشاريع التي ظلت حلما وخيالا في تاريخ السودان
لماذا تحتمل مثل هذا الفشل ؟؟؟ ولماذا تسكت عليه ؟؟؟؟ منتظرين المسيح ؟؟؟
القروش دي معظمها حقوق ناس واسر وابرياء اليس حراما السكوت والطناش ؟؟؟
بعدين المساهمين ديل ذاتهم لماذا يسكتوا ويستكينوا ؟؟؟
لماذا لا يمشوا ويسعوا ويطالبوا بحقوقهم وتعبهم بكل الوسائل ؟؟؟
والله لو كان عندي مليم واحد في سندس دي لم اكن لاصمت او اتساهل ؟؟؟
الصافي دي وراهو منو او المعاهو منو ؟؟؟
وهو ذاتو ما بحس ولا بشعر ؟؟؟ ما تستقيل وترجع للناس حقوقها او توريهم
مشت وين ؟؟؟
والله حرام عليك يا الصافي
ووالله حرام عليك يا الانقاذ
وحرام على كل من بيده رد المظالم وضارب طناش
والظلم ظلمات في الدنيا قبل الآخرة
ومهما كان موقفنامن الانقاذ ومشاريعها وانجازاتها ومسيرتها
فإن الحق حق والصاح صاح
واشهد الله انني لا املك شبرا في سندس ولا اعرف احدا من اسرتي او اصدقائي يملك
شبرا ولم ارها بعيني .. لكن القريتو بعمل الضغط ويجيب المرض
النصيحة ليك يا الله
معزتي
|
|
 
|
|
|
|
|
|
|
|
Re: يا الصافي جعفر حرام عليك ويا الانقاذ ستين حرام عليك (Re: مهند مامون)
|
Quote: كان اكرم للرجل انو يقدم استقالتو قبل 15 سنة ...
لكن تقول شنو ..؟؟
أهو زى ما عبد القادر قال كان ببكي الناس في المسجد هسه بقى يبكيهم في سندس ....!! |
بس عليك يا الطاهر
وانتو اكيد بتكون عندكم معلومات اكتر ومتابعين اكتر من غيركم
الزول ده حكايتو شنو ؟؟؟
عندو قدرات خارقة ؟؟؟ نظريتو شنو في الفيلم ده ؟؟؟ والحكومة رايها شنو وساكتة ليه ؟؟؟
وهو المشروع ده تابع لياتو وزارة ولا المسؤول عنه بالضبط كده منو ؟؟؟ ولاية الخرطوم ولا وزارة
الزراعة ولا جهاز المغتربين ولا الاستثمار ولا ياتو حتة بالضبط ؟؟؟
انا اتمنى اعرف انهم منطقهم شنو ؟؟؟ لمن يسألوهم من الكلام ده والفشل ده بقولو شنو ؟؟؟
حاجة تمخول وتشطب المخ
معزتي
| |
|
|
|
|
|
|
|
|
|
Re: يا الصافي جعفر حرام عليك ويا الانقاذ ستين حرام عليك (Re: مهند مامون)
|
| Quote: (في خطوة كما هو واضح الهدف منها تهدئة خواطر المغتربين المساهمين في مشروع سندس الزراعي بعد ان امضوا اكثر من 15 عاما او يزيد في انتظار استلام استحقاقاتهم وانجاز ما اتفق عليه حيث دعا جهاز المغتربين بالتعاون مع ادارة سندس مجموعة من الصحفيين والمغتربين لزيارة المشروع جنوب مدينة الكلاكلة ومن المشاهدات التي اتفق عليها عدد من الذين امضوا نحو خمس ساعات فوق ارض جرداء او شبه ذلك ان المشروع ما يزال في مراحله الاولى) ... |
مقتطف من مادة (مشاهدات) للصحفية مشاعر عثمان
صحيفة الوطن 28 فبراير 2007م
العناوين :
| Quote: في رحاب جهاز المغتربين : الصافي جعفر ذو شهادة مجروحة |
| Quote: صاحب سندس هل هو ساحر ؟؟؟ |
| Quote: اموال المغتربين تحتضر فهل تنقذها وزارة المالية ؟؟؟ |
؟؟؟؟؟
دنيا
| |
|
|
|
|
|
|
|
|
|
Re: يا الصافي جعفر حرام عليك ويا الانقاذ ستين حرام عليك (Re: مهند مامون)
|
أخي مهند
الشيخان
مهندس الصافي جعفر
مهندس تاج الدين مغتربين
قاعدين ومستمرين كل في منصبة ليوم القيامة ، الصافي منتظر دعم المالية عشان يمشي أموره أقصد أمور المشروع لأنو المشروع ما عندو ميزانية ، وما يهمه تلف أو هلاك البنيات الرئيسة للمشروع التي كانت طعما ابتلعه بسهولة المخدوعين من المساهمين بالداخل والخارج - تاج الدين موجود لغاية عودة آخر جواز من الخارج - عاوزين تكملوا المشروع يالله أجمعوا للصافي المبالغ المتبقية وعلى الطلاق أول موسم انتاج المشروع من
التفاح والرومان والبرتقال والعنب يكون في الصين ، الزول جاد ومجتهد بس التمويل
وبعدين جماعة الموتمر ما عندهم مهندسين وإداريين انظف وأحسن منهماوماشين بنظرية الجن التعرفو ؟؟؟؟
لك تقديري
الشفيع
| |
|
|
|
|
|
|
|
|
|
Re: يا الصافي جعفر حرام عليك ويا الانقاذ ستين حرام عليك (Re: مهند مامون)
|
Quote: آآآآي الصافي شيخ وواعظ ومهندس وامام جامع وجبهجي قدر الدنيا ما قلنا حاجة
طيب الانقاذ دي نفذت كميات من المشاريع الكبيرة الناجحة .. بترول .ز كهرباء ..
سد مروي ... طرق .. معابر .. جياد .. مطار ... كبري الانقاذ ... كبري الجريف ..
كبري الدباسين .. كبري المك نمر .. كبري توتي ... وعييك ... وده كلو في سنوات
محددة وبدون لكلكة ولف ودوران وكلام كتير ... طيب حكاية سندس دي شنو ؟؟؟
العارف يورينا ؟؟؟ في سرقة ؟؟ في حرامية ؟؟ في شنو ؟؟؟ |
وزعلان ليه يا مهند بدل سندس شيل ليك كبرى من الكبارى دى مبروك عليك نحن دا طرفنا منها!
جنى
| |
|
|
|
|
|
|
|
|
|
Re: يا الصافي جعفر حرام عليك ويا الانقاذ ستين حرام عليك (Re: مهند مامون)
|
Quote: : ومهما كان موقفنامن الانقاذ ومشاريعها وانجازاتها ومسيرتها
فإن الحق حق والصاح صاح
واشهد الله انني لا املك شبرا في سندس ولا اعرف احدا من اسرتي او اصدقائي يملك
شبرا ولم ارها بعيني .. لكن القريتو بعمل الضغط ويجيب المرض
النصيحة ليك يا الله |
ولو عندك فيها 5 فدان كنت جاهدت فى الصافى جعفر!
طيب البلد ما كلها سندس واستبرق!
لو كل واحد حكى ليك الظلم الوقع عليهو لما دافعت عن كبارى او طرق نهبت مئات المليارات لتبنى ببضع ملايين ما يبرر بقاءها فى عبون السذج والبسطاء!
جنى
| |
|
|
|
|
|
|
|
|
|
Re: يا الصافي جعفر حرام عليك ويا الانقاذ ستين حرام عليك (Re: مهند مامون)
|
Quote: ولو عندك فيها 5 فدان كنت جاهدت فى الصافى جعفر!
|
اخي جني
ان كنت تلمح الى المجاهدة بالسيف فلا أرى ان ذلك هو الوسيلة الانسب لاسترداد الحقوق
بس صراحة المحيرني كيف انو مشروع زي دي يلقى اعلام وتدخلوا كميات من القروش من الدولة
ومن المساهمين ... ويفشل فشلا ذريعا ... ويقدم مديره تجربة فاشلة محبطة .. كيف تبقى
الدولة ويبقى المساهمون بلا حراك لمعالجة الخلل وايقاف الفشل والمحاسبة ؟؟؟
يا عزيزي
الظلم ظلم وما في زول عندو عقل وايمان يمكن ان يؤيد او يصمت على ما يراه كذلك ...
وارجو الا تكون من تلك (النوعية) التي تنتقد وترفض وتشجب من زاوية سياسية فقط بمعنى
انهم لا ينتقدون الا خصومهم ويسكتون ويصمتون عن ذات الفشل والاخفاق ان كان من عند انفسهم
واحزابهم وتنظيماتهم واصدقائهم ومن يحبون ويستلطفون من القيادات والاشخاص ... بل لا يريدون
لأحد غيرهم ان ينتقد ويرفض !!! يعني لو زول قال الصافي جعفر زول تمام وسندس مشروع رائع ينزل
عليه النقد والقصف من ماركة (تافه ، وغد ، سافل ، حقير) ولو انتقد المشروع ومديره يكون
نقده مدعاة ألم للذين ينصبون من أنفسهم أوصياء للحق وأدعياء للحقيقة ...
معزتي واحترامي
| |
|
|
|
|
|
|
|
|
|
Re: يا الصافي جعفر حرام عليك ويا الانقاذ ستين حرام عليك (Re: مهند مامون)
|
مهند
سلام
عندما قلت للمهندس الصافي جعفر أن مشروعك دا ضارب وأنه قائم على الفرقعة الإعلامية وأن دراسة جدوته غير سليمة.. ساعتها وصفني الرجل بالسفيه.. أآي والله سفيه عديل كده..
أخي مهند.. أسئلتك تلك كان يجب أن يرد عليها من منح الصافي جعفر نجمة الإنجاز.. أول مرة في حياتي أرى مشروع فاشل يمنح إدارته نجمة إنجاز والله ديل ما يستاهلوا شهادة من ورق تسالي..
ذكر المهندس الصافي جعفر أنه لن يستقيل، وقال أنه فكر في ذلك وأن أصحابه المقربين نصحوه بالإستقالة ولكنه بعد الإستخارة رأي أن فشله في المشروع يختلف عن فشل الأخرين وتبريره أنه إذا فشل فأنه فاشل في مشروع كبير وعظيم.. وهذا في حد ذاته حسب وصفه مفخره.. شفت العجايب دي كيف..
.
.
نسأل الله أن يعوض المساهمين خيرا
| |
|
|
|
|
|
|
|
|
|
Re: يا الصافي جعفر حرام عليك ويا الانقاذ ستين حرام عليك (Re: مهند مامون)
|
الاخ مهند مامون
المسالة واضحة انه الفساد واعجب لاهل المؤتمر الوطني الذين ملأوا صحف الخرطوم عن فساد حكومة
جنوب السودان ، والمقصود منهم الحركة الشعبية والمدهش حقا ان يقوم الضلالي الصافي جعفر لتحرير
بالغات ضد اللذين كتبوا عن مشلوع ( وليس مشروع ) سندس وتسانده السلطة وذلك لسبب واهي ان جعفر
واعظ ديني ومن دهاقنة المشروع الحضاري ومن مجاهدي الانقاذ وكما فعلت الحكومة قبل توقيع اتفاق السلام
ان برأت وزير الدفاع الحالي عبد الرحيم محمد حسين في قضية عمارات الرباط ..... يا اخ الفساد ليس له لون
ولذلك المطلب المشروع تقديم الصافي جعفر الي المحاكمة وليس الحديث عن الحيرة
| |
|
|
|
|
|
|
|
|
|
Re: يا الصافي جعفر حرام عليك ويا الانقاذ ستين حرام عليك (Re: مهند مامون)
|
| Quote: ساعتها وصفني الرجل بالسفيه.. أآي والله سفيه عديل كده.. |
سبحان ربي الأعلى وبحمده
المكرم وراق
(سفيه) دي سمعتها من خشمو لأضانك ؟!!! معقولة وصلت للدرجة دي ؟!!!
| Quote: أخي مهند.. أسئلتك تلك كان يجب أن يرد عليها من منح الصافي جعفر نجمة الإنجاز.. |
سؤال واحد بس وواضح يردوا عليهو : الإنجاز وينو ؟؟؟
| Quote: تبريره أنه إذا فشل فأنه فاشل في مشروع كبير وعظيم. |
الفشل ذاتو داير يعمل ليهو انواع ودرجات ... الزول ده ما بخاف الله ؟؟؟
والحكومة الموظفاهو وساكتة عليهو او عاملة مطنشها ليه ؟؟؟ وحتى متى ؟؟؟ ولماذا ؟؟؟
| Quote: نسأل الله أن يعوض المساهمين خيرا |
نقول بالصوت العالي آمين ...
لكن ينبغي الا يكون ذلك مدعاة للتحبيط والسكون والركون ... الناس الدفعت قروشها ودم
قلبها مثلما تكتب الصحف لا بد ان يستردوا حقهم على دائر المليم ؟؟؟ واطة ، كاش ، شيكالمهم حقهم كامل مع مراعاة فرق القيمة عند الدفع وعند السداد ...
ويدوهم كمان بدل ألم وعذاب
والمهندس الصافي يتحاسب زيو وزي اي زول ... لو احسن يقولو ليهو احسنت ويعملوا ليهو تمثال
ولو تعدى وأساء ياكل نارو بما جنت يداه ...
وما ضاع حق وراءه مطالب
معزتي
معزتي
| |
|
|
|
|
|
|
|
|
|
Re: يا الصافي جعفر حرام عليك ويا الانقاذ ستين حرام عليك (Re: مهند مامون)
|
Quote: (سفيه) دي سمعتها من خشمو لأضانك ؟!!! معقولة وصلت للدرجة دي ؟!!!
|
نعم يا مهند وكمان معاها كلمة (تطاول) أي أنني سفيه ومتطاول.. المهم نحن ساهلين، المهم أصحاب الوجعة الذين دفعوا مال دمهم ولا يزال الأمر محلك سر..
أدناه ما كتبته في صحيفة السوداني بتاريخ 25/2/2007م
Quote: كـلمة حـق
مشروع سندس.. سراب يحسبه الظمآن ماء
[email protected]
رفعت (الإنقاذ) في بداية عهدها شعارات اقتصادية كثيرة أهمها (نأكل مما نزرع ونلبس مما نصنع)، وشعار آخر (من لا يملك قوته.. لا يملك قراره).. وفي سبيل تحقيق تلك الشعارات سعت لزيادة رقعة بعض المحاصيل كالقمح على حساب المحاصيل النقدية (القطن) مثالاً.. وذهبت أبعد من ذلك من خلال تكثيف حملات الدعاية والإعلان لهذه السياسات.. وسط هذه الأجواء، تم تأسيس شركة تنمية شرق جبل أولياء المحدودة ليكون مشروع سندوس بمثابة مولودها الأول، وأحسب أنه الأخير كذلك.. وللذين لا يعرفون معلومات عن المشروع فإنه (يقع على بعد 30 كيلومتر جنوب مدينة الخرطوم بمحاذاة الضفة الشرقية للنيل الأبيض في مساحة تقدر بمائة ألف فدان تبدأ حدوده الشمالية بقرية طيبة الحسناب وتنتهي جنوباً بقرية ود الكريل بمحافظة القطينة ومن الناحية الشرقية يحده مشروع الجزيرة ومن الناحية الغربية يحده طريق الاسفلت الخرطوم – ربك وتقع منطقة المشروع بين خطي طول َ30-ْ32 وَ40–ْ32 وخطي العرض َ6 – ْ15).. وبهذا فإن المشروع يتمدد في ثلاث ولايات هي (الخرطوم، النيل الأبيض والجزيرة)... السؤال.. ما هو وضع المشروع الآن؟؟.. وهل شرب إخواننا المغتربون المقلب باعتبارهم الشريحة الأساسية المستهدفة وفق خطة المشروع؟؟ أقول أن المشروع لم يبرح مكانه (محلك سر) ومهما عدد القائمون على أمره إنجازاتهم أو استعرضوا أوسمة الإنجاز التي منحها لهم رئيس الجمهورية.. فالحال وحده يغني عن السؤال.. ويكفي فقط أن المشروع لم يأت ثماره طيلة عقد ونصف من الزمان.. ولكن من يقنع المهندس الصافي جعفر وفريق عمله بأن المشروع فاشل.. فاشل.
الشاهد أن المشروع أعتمد في مراحل تمويله الأولى على شريحة المغتربين، وهكذا دائماً المغتربون هم البقرة الحلوب التي تدر على الجميع رغم الجحود ونكران الجميل لدورهم في الفترة الأخيرة.. أموال كثيرة ساهم بها المغتربون في هذا المشروع (اللا شئ).. بل عقدوا أحلامهم الجميلة، ومنّوا النفس بإستثمار ينفض عنهم عناء الغربة ووجع السنين، ولكن هيهات.. صارت أحلامهم كسراب بقيعة يحسبه الظمآن ماء.. فلا مشروع قام ولا أموال استردت.. ومن عجائب القول، عندما علت أصوات أصحاب الحق في الفترة الأخيرة مطالبين بحقوقهم نجد أن إدارة المشروع كتبت على موقعها الإلكتروني مناشدة للـ(المغتربين) تقول (نناشدهم الآن بالإسراع بسداد ما عليهم من أقساط حتى يتسنى لهم استلام مزارعهم والتهيؤ لبداية الموسم الزراعي.. ويجدر بالذكر أن نسبة مشتريات جميع المغتربين لا تتجاوز 10% من جملة مبيعات المشروع).. الآن فقط صارت نسبة مشتريات المغتربين لا تتجاوز الـ 10% فليكن ذلك، ولكن أعطوهم حقوقهم.. فهل أنتم فاعلون!!!
رسالة أوجهها للمعنيين بالأمر وأخص الذين اتصلوا بي لعرض مشكلتهم عبر صفحة ملتقى المهجر بصحيفة السوداني الغراء.. فأقول يجب عليكم أن تتخذوا موقفاً واضحاً.. صحيح أن الوعود صارت كثيرة.. ومع كل زيارة لمسئول يأتي خبر جديد بأن الخير قادم.. ولكن إلى متى؟؟؟.. هذا السؤال لا يجيب عليه أحد سواكم، (ما حك جلدك غير ظفرك)... أما أخي الذي يقول لو أنه إستثمر فلوسه في وديعة بأحد البنوك لتضاعفت قيمتها عشرات المرات.. أقول له.. خيرها في غيرها.
|
| |
|
|
|
|
|
|
|
|
|
Re: يا الصافي جعفر حرام عليك ويا الانقاذ ستين حرام عليك (Re: حيدر حسن ميرغني)
|
أدناه ما كتبه الأخ هارون الشريف بصحفة ملتقى المهجر بالسوداني وهو احد المساهمين.
Quote: مشروع سندس وغزوة بدر الكبرى
أين الذي هو خير؟
بقلم هارون الشريف – الرياض
Haroon_elshareif@hotmail
لقد تعود أبناء الجالية السودانية بالمملكة العربية السعودية ومنطقة الرياض تحديداً على الزيارات المتكررة للمهندس الصافي جعفر المدير العام لمشروع سندس الزراعي وفي الغالب تتوافق زيارته مع ذكرى غزوة بدر الكبرى، حيث دأب على إحيائها سنوياً في أمسية احتفالية بالسفارة السودانية ويدعى إليها اكبر عدد من أفراد الجالية السودانية بمنطقة الرياض مع التركيز على المساهمين في المشروع لتذكيرهم بهذه الذكرى العطرة والمجاهدات العظيمة وشجاعة وحكمة الرسول (ص) وإعجازه في التخطيط الحربي، وتذكيرهم بمآثر وبطولات صحابته رضوان الله عليهم وتضحياتهم بالغالي والمرتخص وكم كانوا يسترخصون النفس والمال والولد ومن ثم يدلف الى موضوعه الأساس (مشروع سندس الزراعي) معدداً فوائد المشروع ومزاياه الكثيرة ومجدداً مطالبته للمساهمين تسديد ما عليهم من أقساط متبقية.
وغالباً ما تحمل زيارة الشيخ المهندس الكثير من البشريات والأحلام الجميلة للمساهمين من المغتربين من تغيير سياسات المشروع وتنويع إنتاجيته التي لا وجود لها في الأصل من الأعلاف والخضر والفواكه وغيرها وإدخال الزراعة المختلطة في المشروع لتدخل فيها دورة الحيوان بحيث يضيف منتجات جديدة مثل الألبان والاجبان واللحوم ثم نسمع بعدها تصريح له بإضافة منتجات أخرى للمنتجات السابقة التي لم ترى النور بعد!! كإضافة مزارع للدواجن أخرى للأسماك ليتمكن من المشروع بجانب ما ينتجه من أعلاف وخضروات وفواكه لينتج أيضا الألبان والاجبان واللحوم بأنواعها المختلفة الحمراء والبيضاء، وعليه يستطيع المستهلك الحصول على وجبة كاملة متكاملة تكتمل وتتكامل فيها جميع عناصر الغذاء الرئيسة والمهمة والضرورية والمطلوبة للمواطن المستهلك. وأما ما يحصل عليه المنتجون وهم مجموعة المساهمين ومنهم بعض المغتربين من مزايا تسيل لها اللعاب وما يعود عليهم من فوائد عظيمة فهذا ما لا يستطيع احد تخيله ووصفه أو تصوره إلا شيخنا المهندس بذكائه وطريقته الفذة في الإقناع وأسلوبه الرصين في الخطابة والمخاطبة بحيث لا تستطيع معه الرجوع للواقع (واقع المشروع) بأصوله المتمثلة فقط في مجموعة من أنابيب المياه العملاقة وصورة الشيخ المهندس داخل فوهة أحداها. فهل يكفي بربكم هذا لكل هذه الإنتاجية الكبيرة للمشروع والمزايا الفوائد الربحية الهائلة؟ وهل بقي المهندس الصافي جعفر ما يبشر به ويقنع ويصبر المساهمين ويطلب منهم المزيد؟ أعتقد ذلك ربما يأتي في ذكرى بدر القادمة ليبشرنا بإضافة منتجات جديدة مثل العسل وغذاء ملاك النحل من خلال شروعه في بناء مناحل للنحل بالمشروع أو يقول لنا دخلنا في أنتاج قطعان من الغزلان والأرانب أو بدأنا بالتحسين النوعي للدواجن باستجلاب الديك الرومي بدلاً عن الديك السوداني، ربما يأتي بعد عامين ويبشر المساهمين بأنه تم اكتشاف معادن بأرض المشروع مثل الذهب والبترول واليورانيوم.
ورغم مرور 15 عاماً من الحلم السراب إلا أن شيخنا المهندس يملك سحر الإقناع بما يصبّر به المساهمين خمسة عشرة عاماً أخرى وتبقى الحقيقة المرة هي أن أموال المساهمين تلك هي التي جعلت للمهندس الصافي جعفر علاقة النظام المصرفي عبر إيداع أموال المساهمين التي جعلته اكبر المساهمين في رأس مال بنك الشمال الإسلامي الذي تبوأ إدارته العامة وعضوية مجلس إدارته.
واختم حديثي بهذه القصة: فعندما إلتقيته قبل عامين بالسفارة السودانية وطلبت منه بأدب واحترام لمقامه أن يرد لي المشروع قيمة أسهمي حيث لا ارغب في الانتظار طويلاً فكانت إجابة شيخنا المهندس بالآية الكريمة مقرونة من البسمة التي تدل على الثقة بالنفس (أتستبدلون الذي هو أدنى بالذي هو خير)؟
|
| |
|
|
|
|
|
|
|
|
|
Re: يا الصافي جعفر حرام عليك ويا الانقاذ ستين حرام عليك (Re: محمد عبدالقادر سبيل)
|
مهند
#انت عندك مشكلة مع الصافى جعفر دا
# عندك حواشة هناك....# فى زول عندو حواشة فى المنبر دا فى سندس
# فى زول مضرر من قيام المشروع دا
@ كدى هو داتو مشروع سندس دا هو ويييييييييييييين يامهند
دحين شفت الارض دى..ولا حكاوى تلفزيون وصحف..
الصافى زول عديل وسمح..
داير الارض تنتج قمح
جبهجى كلامو مو جرح..
الصافى جعفر زيو زى اى اى كوز
لملم ليه قروش من ناس مغتربين قال يثتثمرها ليهم فى المشروع دا..بدل تقعد فى بنوك الاغتراب..وتفقد قيمتها....
.اها الصافى دا زول مولانا وبخاف الله ...اكل منها البسيط ,قراية اولادو فى بلاد بره..وكمل بيتو زى ناس المنشية....امال يعزمهم ليكم وين لما يجوه زيارة ويقعد ينشد ليهم الشعر..بتاع الجامعة زمان..بالمناسبة الصافى دا شاعر سيخى(مش من البنجاب)...يعنى عندو قصائد عن العهد السخى..القصائد دى بتبكى على عثمان ..والشلة الحاكمة لانها بتدكرهم عهد الطلبة الفلس..وفتة العدس .اها الزول دا اكل القاسمها ليه الله ..والباقى حفر بيه القنوات..عشان تجيب الموية...
مشروع الصافى دا زى مشاريع الحكومة التى عملتها بمزانية قدر الدنيامن المال العام وكان رئيس المشروع .جبهجى كبير اكل 3 ارباع الميزانية ..وعمل مشروعك الناجح الواضح للعيان بالربع الاخير...عشان هو زول بخاف من الله....شفت كيف...يامامون ياوطنى....
اما عن مشروع سندس دا ..انا ولدت فى بطنو...وسرجت فيه وقرصنى داى فيهو...وقطعت عروق اراك منو..كانت ارض سهلة خضراء..ينبت فيها شجر الارك..ومسرح لصيد الارانب..فى الخريف كانه البطانة..تزرع تروس..يعنى احواض..ارض ملك الجميلية والكواهلة..اقرب ارض للنيلين..نسبة لانحدارها الشديد..لا يساعد على انسياب الماء عرضى...ثم اخر فحص لارضها من الفصيلة الخامسة...فصيلة الرقيطاء..يعنى لاتصلح للزراعة..الا فى اماكن متفرقة..او عن طريق احواض...
عندما تسلط عليها المدعو الصافى جعفر..رحل اهلها الطيبين بحجة التعويض..فلا عوض ولا اهل عوض
حفروا غنواتها...التى بالامس الغريب...اعدمت لنا روزا..والله روزا...جديدة صاحبها اشتراها بحصاد الغربة.. عندما مرت بارض سندس قامت كطاحة عمت الساحة..فانعدمت الرؤية وانقلبت الروزا
الله ستر مافى زول مات...لكن جروح ساى..اها الروزا اتعدمت والسببالصافى زولك دا
جدى عندو ترس متاكل اخر ترعة حفرت لسندس..الله سملمه من جور الصافى علية..يزرع مطرى كل عام....لما قامت حفريات سندس..ابوى قال..الزول الاسمو الصافى دا فايق ساى...(الارض دى كان فيها عمار ما تركوها الخواجات.)..اشرح ليك كلام ابوى دا ولا وقع ليييييك...
اها يامهند اخوى الصافى دا زول مسكين ساى..نحن اهل الارض دى بنعرف شعابها ووديانها..
# وقد كتب العظيم ود قاسم فى سندس..بوستات وبوسات..وقد شاركتو فيها بحقائق خافية على الصافى مهندس المشروع..اول فشل المشروع هو ضم ارضه لمحلية جبل اولياء ..
ما تمغصنا ياخى الزول زولك...القروش التى اكلها حقتو ودا نصيبو وتمت الشعر البقولو لناس الحكومة فى جلساتهم الخاصة...
بس لوالحكومة عاوزة الخير لاهل المنطقة وناس غرب الجزيرة (ابقوتة) حتى تسلم الارواح والاموال ..عليه دفن تلك القنوات آليا..بدل من دفن الزفاية...
الله بعوض المغترين الضحاية..
ودمت
| |
|
|
|
|
|
|
|
|
|
Re: يا الصافي جعفر حرام عليك ويا الانقاذ ستين حرام عليك (Re: مهند مامون)
|
| Quote: ذكر المهندس الصافي جعفر أنه لن يستقيل، وقال أنه فكر في ذلك وأن أصحابه المقربين نصحوه بالإستقالة ولكنه بعد الإستخارة رأي أن فشله في المشروع يختلف عن فشل الأخرين وتبريره أنه إذا فشل فأنه فاشل في مشروع كبير وعظيم.. وهذا في حد ذاته حسب وصفه مفخره.. شفت العجايب دي كيف.. |
طيب ما يمشى يفشل فى امواله واموال ابوه ليه فى اموال الغلابة!
ويستخير الله فى اموال الناس! وجماعتوا لواستقال من مشروع سندس حيدوهوا مشروع استبرق عشان ينجح فيهو وبرضو حيفشل ويستخير تانى!
وفى السيرة الذاتية يكتب مدير مشروعى سندس واستبرق!
جنى
| |
|
|
|
|
|
|
|
|
|
Re: يا الصافي جعفر حرام عليك ويا الانقاذ ستين حرام عليك (Re: مهند مامون)
|
Quote: لو كل واحد حكى ليك الظلم الوقع عليهو لما دافعت عن كبارى او طرق نهبت مئات المليارات لتبنى ببضع ملايين ما يبرر بقاءها فى عبون السذج والبسطاء!
جنى |
صدقت و الله
حتى لو إفترضنا إنو مشاريع هذه الكباري و الطرقات تمت بكل ميزانياتهاالمرصودة بس على حساب الدواء و العلاج و التعليم الذي كنا نحصل عليه قبل هذا الإنقاذ ، ما عاوزنها أحسن لينا نلقى حق الكلوركين و المضادات الحيوية من هذا الاسفلت.
انا شخصيا عارف اين ذهبت قروش الكتب و الكراسات التي كانت تصرف اول كل عام للطلاب من الإبتدائي إلى الثانوي، ذهبت في السيارات الفارهة و القصور الفخمة و الزوجات الأربع.
تحياتي
عمار يس النور
عاشق بخت الرضا
| |
|
|
|
|
|
|
|
|
|
Re: يا الصافي جعفر حرام عليك ويا الانقاذ ستين حرام عليك (Re: عمار يس النور)
|
آخر أخبار سندس
عن صحيفة اخبار اليوم أمس
بعد الغبار الكثيف الذي أُثير حوله مؤخراً: أخبار اليوم تزور مشروع سندس وتحصل على معلومات مثيرة
الإحباط يسيطر على الزوار والادارة تصفه بمشروع المصابرة والمباصرة
المستشار الإقتصادي للمشروع يدلي بإفادات هامة ويقول: المتغيرات إضطرتنا لإعادة النظر في دراستنا
من جملة المشروع ونسبة لضيق الوقت تم ّ توجهنا الى استراحة جبل اولياء لتناول وجبة الغداء بعد ذلك عقد مؤتمر. فتحدث اولا المهندس الصافي جعفر مدير المشروع مؤكدا ان وزارة المالية بدأت تضخ مبالغ لاكمال المشروع، الاّ انه قال ان هذه الاموال لم تخرج من ميزانية واضحة او اموال جاهزة.
ثم تحدث عمر محجوب على التوم المستشار الاقتصادي للمشروع الذي اكد على اكتمال شبكة الري وتوقع ان يبدأ ري المشروع منتصف ابريل القادم.
وقال ان المشروع تم تنفيذه من خلال دراسة اعدها فريق وطني ولكننا الآن اخذنا في اعتبارنا المتغيرات الاقتصادية واخضعنا الدراسة السابقة لاعادة دراسة من خلال بيت خبرة عالمي وهو شركة جنوب افريقية اسمها قولدراسسويت بالتعاون مع شركة شمس النيل والذين باشروا إعداد الدراسة ونتوقع ان تصلنا خلال ايام. وقال نتوقع ان تؤمِّن الدراسة الجديدة على ما اعددناه سابقاً.
واشار الى انهم طالبوا الشركة بان تعكف على تنفيذ ما اعدته . وقال ان ادارة المشروع ستستضيف فريق من هؤلاء الخبراء. وقال ان اول ما سيقوم به هؤلاء الخبراء هو انشاء مشروع نموذجي تجريبي في مساحة الف فدان لزراعة المحاصيل والمنتجات الحيوانية. وقال انهم اخذوا خصائص المنطقة وطبيعة التربة وطريقة الري. واستقر الرأي على تنفيذ الدورات الزراعية باختيار المحصولات ذات القيمة النقدية العالية وقال انه تم انتقاء عدد من المحصولات التي تتناسب مع طبيعة المنطقة بالاضافة الى تربية الحيوان في مراعي مروية ومتوقعا ان يتم تربية الابقار. وايضا قال انه سيتم زراعة اعلاف مروية وتربية اعداد من المواشي لانتاج اللحوم الطرية، مشيرا الى انه سيتم تطوير زراعة المحصولات البستانية بدون اسمدة.
وتوقع ان يتم استلام الدراسة في منتصف مارس القادم لبداية العمل.. وقال انه تم تخصيص ميزانية للمزرعة واشار الى ان الميزة من تنفيذ المزرعة هو التأكد من جدوى ماذهبت اليه الدراسة النظرية.
وتحدث د. عمر العوض من شركة دانفوديو واكد على جودة الطلمبات المستخدمة في المشروع. وقال انها تحتل المرتبة الثالثة بعد الرهد وكنانة. وقال ان الشركة وقّعت عقد مع المشروع بمبلغ 24 مليار جنيه وثمّن دفع 14 مليار في شكل سندات.
مشيراً الى 50% من ابو عشرينات تم تركيبها المتبقي 50% مشيرا الى ان هناك تطهير قنوات وثلاثة كباري ثقيلة ومصارف سيتم تنفيذها.
وقال ان العمل ا لمتبقي تكميلي في المستوى الادنى من الشبكة. وقال ان المشروع تم تنفيذه في خمس مراحل وقال ان هناك اربع قنوات دخلتها المياه وقال ان 40- 45% من مساحة المشروع كان من المفترض ان تبدأ الزراعة فيها قبل 16 شهرا وقال ان المشروع توزع اراضيه على ثلاث ولايات هي الخرطوم والجزيرة والنيل الابيض.
ثم تحدث المهندس عبد الرحمن ساجو معتمد برئاسة ولاية شمال كردفان معتبراً ان المشروع واحد من المشاريع التي يتم فيها استغلال الخبرات السودانية مؤكدا ان ولايته ستحذو حذو مشروع سندس وذلك بنقل فكرة المشروع للمدينة المحورية التي ستقام في الولاية.
وقال المهندس خالد ابراهيم سيد احمد الامين العام لنقابة العاملين بالمشروع ان عدد العاملين حوالي 80 عاملا مشيرا الى ان الضرر الذي وقع على الناس جراء تأخر المشروع تضرر منه العاملين ايضا مناشدا وزارة المالية ان تسارع بتوفير الدعم لقيام المشروع.
وقال تاج الدين المهدي الامين العام لجهاز تنظيم شئون السودانيين العاملين بالخارج ان مشروع سندس عند طرحه وجد قبول لدى المغتربين لان طرحه كان مختلف ولامس الجانب الوطني لدى الناس كما انه جاء في ظروف مختلفة عن الآن.
وقال ان هذه الزيارة للمشروع مواصلة لجولة جديدة لتوضيح الحقائق للناس.. مؤمنا على قيام المزرعة التجربية داعيا الى ضرورة ان يتواكب التطوير والبحث في المشروع مع خطط وزارة الزراعة واعتبر ا نه من حسن الطالع ان يتأخر المشروع لهذا الوقت وذلك لادخال التقنيات الحديثة. وقال انهم طالبوا بتعويض الفترة الطويلة لتأخر قيام المشروع مؤكدا ان الادارة وافقت على هذا الامر واقترح عمل لجنة تكون لصيقة بالمشروع لتتابع ما تم تنفيذه واقترح تسميتها بلجنة مشروع سندس الزراعي. وفي الختام تحدث المهندس الصافي جعفر مدير المشروع مؤكدا ان اي موعد تم تحديده لاكتمال المشروع مربوط بتدفق الاموال من وزارة المالية. وقال انه ليس بساحر حتى يكمل المشروع دون دعم وزارة المالية الا انه قال انها ابدت نوايا طيبة وبدأت تتحرك.
http://www.akhbaralyoumsd.net/modules.php?name=News&file=article&sid=6621
| |
|
|
|
|
|
|
|
|
|
Re: يا الصافي جعفر حرام عليك ويا الانقاذ ستين حرام عليك (Re: مهند مامون)
|
Quote: وقال ان المشروع تم تنفيذه من خلال دراسة اعدها فريق وطني ولكننا الآن اخذنا في اعتبارنا المتغيرات الاقتصادية واخضعنا الدراسة السابقة لاعادة دراسة من خلال بيت خبرة عالمي وهو شركة جنوب افريقية اسمها قولدراسسويت بالتعاون مع شركة شمس النيل والذين باشروا إعداد الدراسة ونتوقع ان تصلنا خلال ايام. وقال نتوقع ان تؤمِّن الدراسة الجديدة على ما اعددناه سابقاً.
|
عندما قلت للمهندس الصافي جعفر أن دراسة جدوى المشروع فاشلة وصفني بالسفه والتطاول على العلماء.. الآن حصحص الحق..
أها يا جماعة.. أعمل شنو مع الصافي دا...
| |
|
|
|
|
|
|
|
|
|
Re: يا الصافي جعفر حرام عليك ويا الانقاذ ستين حرام عليك (Re: مهند مامون)
|
Quote: انت المساهمين المتضررين ديل ما عندهم جمعية او نقابة
او حاجة ممكن تعمل حاجة ؟؟؟
|
الأخ مهند
تحياتي.،
نعم لديهم رابطة كونت مؤخراً بالرياض..
.
.
سمعت أن المهندس الصافي أخترع مصطلح جديد إسمه جبر الضرر ومن خلاله سوف يجبر بخاطر أي زول خسر في المشروع..
.
.
نفسي ومنى عيني أعرف الباشمهندس دا بجيب المصطلحات دي من وين؟؟
| |
|
|
|
|
|
|
|
|
|
Re: يا الصافي جعفر حرام عليك ويا الانقاذ ستين حرام عليك (Re: محمد عمر الفكي)
|
Quote: وقال تاج الدين المهدي الامين العام لجهاز تنظيم شئون السودانيين العاملين بالخارج ان مشروع سندس عند طرحه وجد قبول لدى المغتربين لان طرحه كان مختلف ولامس الجانب الوطني لدى الناس كما انه جاء في ظروف مختلفة عن الآن.
وقال ان هذه الزيارة للمشروع مواصلة لجولة جديدة لتوضيح الحقائق للناس.. مؤمنا على قيام المزرعة التجربية داعيا الى ضرورة ان يتواكب التطوير والبحث في المشروع مع خطط وزارة الزراعة واعتبر ا نه من حسن الطالع ان يتأخر المشروع لهذا الوقت وذلك لادخال التقنيات الحديثة. وقال انهم طالبوا بتعويض الفترة الطويلة لتأخر قيام المشروع مؤكدا ان الادارة وافقت على هذا الامر واقترح عمل لجنة تكون لصيقة بالمشروع لتتابع ما تم تنفيذه واقترح تسميتها بلجنة مشروع سندس الزراعي |
اشرح ما تحته خط
| |
|
|
|
|
|
|
|
|
|
Re: يا الصافي جعفر حرام عليك ويا الانقاذ ستين حرام عليك (Re: مهند مامون)
|
| Quote: واشهد الله انني لا املك شبرا في سندس ولا اعرف احدا من اسرتي او اصدقائي يملك |
يا مهند مأمون، حالتو دي انت ما تملك فيها شبر، وامال نحن البنملك فيها شبرين (مش بتاع الفنون داك)، نحن من شدة الفينا اتبكمنا، غلبنا الكلامن سيما ونحن بره البلد..
عموماً شكراً ليك على الموضوع الثر ده، وعلى المعلومات الهامة اللي ساقها الأخوة الكرام
| |
|
|
|
|
|
|
|
|
|
Re: يا الصافي جعفر حرام عليك ويا الانقاذ ستين حرام عليك (Re: مهند مامون)
|
| Quote: يا اخي العزيز ابو قوتة.. سندس فرقعة اعلامية.. مشروع لم تتوفر فيه حسن النوايا.. اغتصبت ارض اهله الاصليين، وتم تحويلهم الى مناطق اخري بعيدة كل البعد عن منطقته الاصلية..عشان الواحد يشيل سلوكته وتيرابه ويصل للضحوية بتاعته، يلزمه بوكس سريع وطريق مسفلت.. انا جدي من الكبوراب تم تحويله الى الشيخ حبيب الله.. تصور!! يعني قرابة الاربعين كيلو متر...!!!! |
شكرا اختي حليمة على مداخلتك الدسمة المرتبة
عارفة يا حلوم .. تنفعي رئيس قسم في دار الوثائق
مع العلم ان رؤساء الاقسام لا يشترط فيهم الاعمار الكبيرة ... الفهم كفاية
معزتي
| |
|
|
|
|
|
|
|
|
|
Re: يا الصافي جعفر حرام عليك ويا الانقاذ ستين حرام عليك (Re: مهند مامون)
|
Quote: عرفت ليه انازعلانةعشان الارض نسبت الى الكواهلة فقط؟
تحياتي..
|
أختنا حليمة.. علشان ما تزعلي من أبو قوته... الأرض للكواهلة وأبناء عمومتهم من القبائل الأخرى.. يكفي أنها أرض سلبت ظلماً وجوراً من ملاكها الأصليين أهل الطورية والسلوكة والضحوية والضهرية..
.
.
تخريمة:
بعدين.. أستخدمي الفرامل شوية.. علشان جدودك الكواهلة ما يزعلوا منك.. 
| |
|
|
|
|
|
|
| |
مهند مامون
الطاهر ساتي
رشا سالم
أحمد الشايقي
jini
إسماعيل وراق
مصطفي سري
حيدر حسن ميرغني
محمد عبدالقادر سبيل
abuguta
عمار يس النور
محمد عمر الفكي
حليمة محمد عبد الرحمن
Mandingoo
فيس بوك
تويتر
انستقرام
يوتيوب
بنتيريست