لها .. و لمن كن على شاكلتها!!

Quote: يكتب حسين ملاسي سطراً فيكتب محسن خالد معلقة ... يكتب حسين ملاسي كلمة واحدة فيكتب مجاهد دفتر يوميات .. يضع ملاسي نقطة فيكتب عبد الكريم شوال كلمات .. محسن خالد ثبت بما لايدع مجالاٍ للشك إنو زول قلبو أسود وبيدفن للناس ويتحين الفرصة المناسبة عشان يفش غلّو بي طريقة صارت مفضوحة .. محسن خالد انا بعذروا عشان في مجموعة مطبلاتية بيقنعوهوا بي إنو منتصر في أي معركة يدخلها .. محسن وجماعتو بيذكروني بي الصحاف وصدام ..صدام منتهي والصحاف يجي يقول بغداد صامدة .. بغداد تسقط والصحاف يقول العلوج .. صدام قبضوهوا والصحاف يقول صدام سيلقنهم درساً .. يا جماعة ما تختشوا !!!!!!!! محسن يتلاعب بالألفاظ فتتلاعب عقولكم .. محسن كلامو الكتيييييييييييييييييييير ده بيجي ملاسي يردوا ليهو بي كلمة واحدة توازي ما كتب وده الحارق جوف محسن .. محسن من الملاحظ يحاول تكسير مجاديف كل من له معجبين في هذا المنبر ويحاول خوض معاك بغرض الضربة القاضية .. يكتب ويكتب ويكتب وصراحة أجد بعض ما يكتبه محسن فارغاً ورغماً عن ذلك يقولوا ليك مالكم لبدتو من محسن .. ومحسن بيني وبينكم عجبتو الشغلانة وطرح نفسو كملقن دروس لنجوم البورد .. تخريمة : علييييييييييييييييييك الله يا ملاسي ولو مرة واحدة أدي الناس ديل حقهم ورد ولو في خمسة سطور ..

Quote: محسن خالد ثبت بما لايدع مجالاٍ للشك

Quote: يا جماعة ما تختشوا !!!!!!!! محسن يتلاعب بالألفاظ فتتلاعب عقولكم ..

طبعا لي ما قادر افهم الخلي مافي مجال للشك شنو .. ؟؟
فتشت جوا الكلام عشان اشوف الدليل ما لقيت ..

يا جماعة دي طبعا انا اعتبرت نفسي منهم واتوكلت علي البورد

تعرف يا حبيب خليني انقول ليك حاجة .. زمان اهلنا قالو مافي دخان
من غير نار .. والنيران الطالعة دي كلها عندها اسبابها
يعني اسة انت ما جيت ساي كدا علقت لانو الموضوع عادي وجيت تمارس
حقك الديمقراطي ولا انا زاتي جيت هنا كتبت عشان امارس حقي الديمقراطي

نبدا ليك بي روحي .. انا جيت اتشمشرت لانو يوم ملاسي دا فتح
فيني نار لا ايدي لا كراعي وحتي بدأ يتحدث عن حاجات ممكن نعتبرها
تدخل في الجانب الشخصي .. ما رديت بي الطريقة المفروض يترد بيها
لاعتبارات كتيرة .. لكن ختيتها في حناني واي اي محله القاهو فيها مزنوق
اجي اتشمشر وامشي .. .. كما يفعل هو مع الاخرين ..

اها نجي ليك انت .. انت يا اخوي عندك تار مع محسن خالد زمان ورايك
القلتو فوق دا ما احقاق حق ولكن حاجات مدفنة برضو .. يعني الحكاية ما
ممارسة ديمقراطية شمشمرة حق ولكنها ديمقراطية ابو الدفان يعني ما جاي
هنا عشان ملاسي لكن جاي بي محرك قديم ضد محسن خالد.. شفت كيف ؟
ارجع هنا ( عزيزي القاري ) .. ( عملت ليك فيها بشاشا مش ؟ انا زاتي عجبتني )
زول عادي

وفي بوست تاني كدا محسن خالد دور فيك ومعاك شاب تانيين ..
كان زنقتني بجيبو ليك وكان اقتنعت كمان بخليهو للزمن ..

و طبعا ما داير ادخل ليك في مقارنة ومباراة بين محسن خالد وملاسي
كل واحد عندو ادواتو البعرف يستعملها .. لكن كمان المثل حق ندي
القلعة دي ما لافق .. انت زول قلت زول بتاع موسيقي ياخ ..

محسن خالد ما جاء يوم دخل لي زول وهبشو الا يكون الزول دا
اتعرض ليهو ودي حسب متابعتي ..يعني الحكاية ما حقد دفين زي ما صورتها انت
ارجع لي بوست ( الحسن البكري ) وانت تعرف جزء من المشكلة بينو وبين ملاسي ..

ما لا يدع مجال للشك انو اعداء ملاسي كثر جدا بي طريقتو العبيطة
البدخل فيها شمال للناس وبعتبرها ظرافة .. وما عارف انو ما كل شخص
بتحمل خفة الدم .

وبرضو ما عاوز ادور في باقي الناس المتداخلة هنا ..واقول ليك
كل واحد منهم جاي وهدفو شنو لكن ارجع للارشيف واقرأ اكتر
حتشوف الصورة الكاملة ودائما خلي الارشيف في بالك ..

وارجع لي بوست زمان لي د. بيان اسمو كومي وكومك .. بفيدك ..

ياخ الارشيف دا اختراع حلو خلاس ..



دي نظرتي للمسعلة يعني ..

احترامي ..