|
|
 Re: "ولا مات هو" في ذكرى 17 يناير الحزين (Re: Ishraga Haimoura)
|
( ولا مات هو )
ولا رحل صوت المغني حزين ..
ولا ضاع الحادث التاني ..
ولا ماتت جذوة الترحال !!
على قبرك .. وقف الغنا مكلوم..
على العود .. رجف الوتر .. مازوم
(ولا مات هو )
اطلقها خالد ... حزينة وعميقة ... !!
كانت مؤثرة ... كفرح طاريء .. !!
دافئة .. كشهقات طفل نائم !!
شفيفة .. كقلب يصلي !!
( ولا مات هو ) ..
ولن يموت !!
ولا واقف براك ولا الهم .. عصف .. !!
ولا صابرين ...
اهدي مرثية الشاعر محمد صالح بادي ... للعزيزة اشراقة ، نادية السر ، ولخالد ماسا ...
سافر ...
مطارات الوداع
ضجت بعد موتك
ولا غيرت من جتة
ولا بدلت من صوتك
مؤانى الغربة ليك ناحت
كتير ابكت وراها سفن
باوترا اللى شقوا الضيم
عويل وحزن
رحل فنان ..
غريب فى موته وحدانى
صداها الموج رواه نشيج
رحل فنان ..
غريب وحدانى حاضنه خليج
وكنت تحدى ليك زمان
متل واحد فى رقمه بيان
تعاين فى مداكا بعيد
تعدى صغائر الحرمان
تقول يا هى يا تغرق
تخاف الضفة ترجع بيك
وترجع بيك قبل تلحق
تخاف غيم المنى الشايل
تسوقه الريح ويتفرق
تشد وترك وتتحرق
عشان فرحا تجيبه معاك
رضيت فى المستحيل ترسو
تكون انسان
وهب لى منيته نفسه
ووصل صوتا على حسه
وربط ساعد على المجداف
دى كيف الدنيا دون اهداف
تجوس والليل اليك دافر
دى نار الالفة بيك سنين
تصحى احلام ليوم باكر
وانت فى قسوة الموحش
زمن كهربته فيها حريق
تقيف واصف تورى طريق
وواصف للطيور جهات
ونحن فى هولنا نحلم بيك
برغم البعد نحلم بيك
ونحكى معاك خد يا هات
وانت بتحنو لى نسمة
زمانا يحين تكون نسمات
تصحى امل هبد ما مات
وتصبح للامل دة رفيق
ما اصلك درته من ديمة
تبشر بيهو يوم غيمة
يكون بقدرة القادر
تشوفه حقيقة بان انتم
دى اصلو الدنيا حالها يغم
بتسرق منية طالة عشم
وكنت الغيم جلبته رحط
وكنت النيل نسجته زفاف
وكنت الشوق حرقته بخور
وكنت الريد فرشته لحاف
وفت تغنى تمشى تضوع
لى اطفال عرايا ضلوع
تطمن روع وتمحى دموع
لبسمة بكرة ماها تمنى
ما الاطفال تملى تغنى
بيكا تغنى تمشى تغنى
دى الافراح ضرورى تعود
ولو احلام قست من دونها
لو نصمد صباحها بجود
على قبرك بكن واقفات
بيبكيك الهنا المافى
ويبكيلك رهافة حسه
يبكى على ضياع اماله
قالوا المات وماهو المات
كمان قالوا ..
فت ترفل فى شبابك
قالوا مات ..
فى جنان الخلد حبابك
قالوا مات ..
زادوا اولادك صحابك
قالوا مات ..
طلعوا ماشين فى ركابك
قالوا مات ..
قالوا ما مات برضو قالوا
|
|
 
|
|
|
|
|
| |
سمرية
فيس بوك
تويتر
انستقرام
يوتيوب
بنتيريست