|
انـا ودينـق واســرار بابكـر فـي (الاوزون)
|
لبيت ظهر اليوم دعوة الاخ الزميل عبد المنعم سليمان لتناول فنجان من القهوة في مقهي اوزون بالخرطوم2 وذلك علي شرف زيارة الصديق العزيز دينق لارض الوطن في اجازة. وكان حضوراللقاء الصديق علاء الدين بشير المحرر السياسي بصحيفة الصحافة والفنانة الاستاذة اسرار بابكر والصديق الدكتور اولاو دينق ولاستاذ محمد بدوي من مركز الامل لحقوق الانسان بالفاشر وقد حضر لاحقا الاستاذ ضياء الدين بلال الصحفي الكبير بالزميلة الرأي العام والزميل احمد يونس والاستاذ اباذر من صحيفة رأي الشعب ومن الدوحة عبر الهاتف عانقت مسامعناكلمات الاستاذ بدر الدين الامير الذي اتصل وتحدث مع الاخ دينق مهنئيا بسلامة الوصول لارض الوطن وقد كانت الجلسة جميلة كجمال حضورها تشعب بنا الحديث سياسيا واجتماعيا وثقافيا ورياضيا لم يفسدها مريخية دينق ولا هلالية ابن خالته..ولا سخونة النقاش الفني الذي دار بين دينق والفنانة اسرار بابكر ونصائحه الفنية لاسرار حيث اثبت علو كعبه الفني .. واتمني صادقة للاخ دينق اجازة سعيدة وسط اهله واحبابه واصدقائه الذين اتعشم ان اكون واحدة منهم
|
|
|
|
|
|
|
|
Re: انـا ودينـق واســرار بابكـر فـي (الاوزون) (Re: بدر الدين الأمير)
|
Quote: صباح ودينق وسرار وعبدالمنعم والاصفياء
سرنى كثيرا ذلك الهاتف وايقنت من خلاله
ان سودانيز اونلاين هى مشتل مدنا الانسانى
ولكم شتلات من المحنة والتقدير |
ود الامير تسلم علي الكلمات الطيبات وانا الاسعد بسماع صوتك والاعتذار لك عن اشياء كثيرة لا يسمح المكان بذكرها
| |
|
|
|
|
|
|
Re: انـا ودينـق واســرار بابكـر فـي (الاوزون) (Re: صباح احمد)
|
صباح
مساء الخير
متين وصلتي وعملتي ليهو بوست .. والله تنافسي معتز قريش في الاخبار !!
جلسة جميلة وزادها جمالا ذلك الجو الجميل اليوم وحديث دينق واسرار
ومطالبتة بالغاء الاشرطة الكاسيت والعمل بسي دي !!
انا قلت لية انت قايله دي واشنطن سي دي !!
اقصد دي سي !!
ادام الله الافراح وجمع بيننا
منعم
| |
|
|
|
|
|
|
Re: انـا ودينـق واســرار بابكـر فـي (الاوزون) (Re: صباح احمد)
|
صباح الدعوات الصالحات لودالامير ما ليك ما تتكركري ساكت !!
ناذر ود الخليفة
لم تكن الدعوة مبرمجة كان لي موعد مع دينق منذ الامس لمشوار وتاجل فقررنا ان نلتقي
وكانت معه صباح عبر الهاتف والاخوة المتبقيين كان بالنسبة لي لقاء معايدة معهم
مرحبا واهلا وسهلا بيك ..
والبجينا عديييل نبقي ليهو دليييييييل
تحياتي
منعم
| |
|
|
|
|
|
|
Re: انـا ودينـق واســرار بابكـر فـي (الاوزون) (Re: عبد المنعم سليمان)
|
Quote: يا اخوي غنية شنو قول بسم الله
|
.
والله كل ما أفتح البوست بتجينى أغنية من جنوب السودان , و حاجة رائعة جداً.
Quote: بديت متين يا شمس الدين ؟!!!!!! |
.
إحنا صلينا العشا قبييييل , و بعد العشا مافى إختشا زى ما قال مخضرمينا , و بنص الدستور.
أعوامك سعيدة يا منعم , و لناذر مثلها , و بالطبع للأستاذة صباح. دمتم. ( شوف لى قصة الأغنية دى بالله ) والله يكون الهناى من النوع الفرايحى الليلة ؟؟!!!!
| |
|
|
|
|
|
|
Re: انـا ودينـق واســرار بابكـر فـي (الاوزون) (Re: ناذر محمد الخليفة)
|
Quote: كوستاوي إنت إشتريت ليك قطعة (واطة) ورا مكتبة الكونجرس وداير تزرعا ولا شنو !! |
كدي سيبنا من حكاية (الكبتل هل دي) و عايزنك تودي دينق سوق التيراب
و ما يغشوكم بالتيراب المهجن, فتشو التيراب السوداني الأصيل, يعني ما داير لي تيراب بتاع خضرة شحمانة و مجضمة بعيد عنك.
| |
|
|
|
|
|
|
Re: انـا ودينـق واســرار بابكـر فـي (الاوزون) (Re: صباح احمد)
|
كوستاوى كل سنة وانت والمدام والشاكسين الصغار بخير وسنة الفين وسبعة فى السودان..
Quote: بالله لمن تجي, جيب لي معاك تيراب جرجير و خضرة و كمان رجلة و بالمرة تيراب كوارع. I am very serious fi altalata alawail
|
عاوز تبدا زراعة الجنينة الخلفية من هسع؟؟ خلي موسم ال snow يعدى بخير عشان البامية تطرح ونولع فيكم.. رجلة شنو يا خردة .. اقع سبانخ.. الخضار مفيد للجبنة!!!!!
منان
| |
|
|
|
|
|
|
Re: انـا ودينـق واســرار بابكـر فـي (الاوزون) (Re: صباح احمد)
|
تحياتي للاخت الانسانة الفاضلة صاحبة المبادرات الانسانية الكبيرة رندا حاتم من الدوحة وقد اتصلت اليوم للمعايدة ولامر يخص العمل الخيري والانساني لعلاج الاخت غادة نوري وقد جاء اتصالها بعد مغادرة الاخ دينق وتحدثت مع الاخت الفنانة اسرار بابكر .
تحياتي وتقديري واحترامي للاخت رندا وكل عام انت والاسرة والوطن ب1000 خير .
| |
|
|
|
|
|
|
Re: انـا ودينـق واســرار بابكـر فـي (الاوزون) (Re: صباح احمد)
|
Quote: دي إلا تحمص معاها من أردب الفياغرا الرسلتو ليك مع دينق |
خائن تصدق يا كوستاوي لهسة ما اداني ليها !!
انا من العيد شغال بمديدة !!!!!
يبارك فيك يا كوستا
من فرج عن مسلم كربة بفياغرا له اجران
والله مشكور وبذكرك في اللحظة ديك
وللا جدادة
منعم
| |
|
|
|
|
|
|
Re: انـا ودينـق واســرار بابكـر فـي (الاوزون) (Re: صباح احمد)
|
اجمل ايام الخرطوم كانت مساء الامس
حيث كنا .. انا والاخ دينق وآخرون في ضيافة كاتب وصحفي كبير
للتهنئة بالعيد والسلام !!
حقيقة اذهلني دينق بعمق افكارة ومعلوماتة الكثيرة ومتابعتة الجيدة
وقبولة الكبير للاخر ..
احترامي يا دينق
كوستاوي تجي السودان ما تلقا البقابلك لو دي الفاظك
منعم
| |
|
|
|
|
|
|
|