|
Re: صور أعضاء المنبر (Re: محمد أبوالعزائم أبوالريش)
|
الأخ ود الباوقة ...
ممكن تواصل معاي ... وأنا طبعاً بافترض إنو الأخوة الأعضاء ما عندهم مانع .. والمسألة ما مقصود بيها الهزو من شخصياتهم.
لكن برضو ما رديت على سؤالي ... أنا الوحيد البحس بالشئ دة؟
| |
|
|
|
|
|
|
Re: صور أعضاء المنبر (Re: عاصم ابوبكر حامد)
|
مرحب ابو الريش.. وفعلا الصورة الاسفيرية للاعضاء جديرة بالتامل واحنا عندنا سابقة طريفة شديد..مع الاخ نادوس في مطار الدوحة كنا الاثنين معا في انتظار الاخ الصديق الكاتب محسن خالد اثناء حضوره للدوحة... وطبعا اثناء وجودنا في صالة القادمين نترقب حضوره وفي مخيلتنا (صورة محسن خالد في البروفايل) ذات الملامح الواضحة والقوية.. تسرب محسن خالد بين الحضور ومن امامنا (عينك يا تاجر) ولم نتعرف عليه ابدا رغم تفرسنا لكل القادمين...الا بعد ان تعرف هو علي نادوس وجاءنا من خلف الصالة ... هذا الموقف جعل لنا نقاشا ثرا في حضرة محسن خالد عن الصور والصور الاسفيرية وكلام عميق عن الصورة من ناحية ماوراء طبيعية.. لك كل الود وموضوع لذيذ شديد ..
| |
|
|
|
|
|
|
Re: صور أعضاء المنبر (Re: عاصم ابوبكر حامد)
|
Quote: منى خوجلي: ما عارف صورتها فعلاً والا مستعارة ... لكنها – رغم جمالها – توحي بالغموض. |
وفي مكان آخـر قيل توحي بالجنون..
ياربي دي صـورتي ولا صـورة زول تاني? أعتقـد انها صوره "صـوعتارة" يللا أضـحك
Quote: وأنا طبعاً بافترض إنو الأخوة الأعضاء ما عندهم مانع .. والمسألة ما مقصود بيها الهزو من شخصياتهم. |
بوست لطـيف جـدا.. كـل سنة وانت وانتم طـيبين..
مني..
| |
|
|
|
|
|
|
Re: صور أعضاء المنبر (Re: Muna Khugali)
|
Quote: almulaomar يحاول أن يغيير صورة طالبان في مخيلتنا .. كلنا يعرف الملا عُمر بلحيته الطالبانية الكثة، ولكن الملا بتاعنا ده "حاجة رقيقة كدة" وأظنها بت أثيوبية ... وسواء كان الملا عمر أو "الحاجة الرقيقة" الظاهرة في الصورة ... ما بتشبه الكتابة البتصدر عنه/ عنهم. |
الخيال عندك! الملا دا شوفتو وين مالك داير تجيب لى نفسك الهوا! جنى
| |
|
|
|
|
|
|
Re: صور أعضاء المنبر (Re: محمد أبوالعزائم أبوالريش)
|
عبدالكريم إزيك
إنت طبعاً عارف إني بوردابي جديد .. عشان كدة ما بعرف معظم الأعضاء. لكن مرة وأنا في مركز أصدقاء البيئة قابلت الأخ عبدالغني كرم الله ... وقمت بإدهاشه لما سلمت عليه بإسمه. بس زي هشام هباني ده أجيب ليهو جيفارا من وين؟
تحياتي
| |
|
|
|
|
|
|
Re: صور أعضاء المنبر (Re: محمد أبوالعزائم أبوالريش)
|
Quote: ممكونة: ما عايزانا نشوف غير عينها ...... والشمال كمان. ده حجاب ما سمعنا بيهو قبل كدة |
تصدق يا أبو العزائم..دي ما عيني الحقيقية؟! ناس كتاااار مفتكرينها حقتي.. مُش يمكن الحقيقيات ..الإتنين شمال..؟! قايلني ممكونة من هين ؟!!!
| |
|
|
|
|
|
|
Re: صور أعضاء المنبر (Re: محمد أبوالعزائم أبوالريش)
|
سلام يا أخينـا أبوالريش،
صحيـحـة تماما ملاحظتك، فى أن الصـورة لا بد وأن تعنى شيئـا.. وأزيـد بأنه ليست الصـورة المختارة فقـط، وإنما صـورة العضـو نفسـه، وال pose الذى أخذه للصـورة، وزاويتهـا، وملبسـه وألوان ما يلبس، تدل كلهـا على حالـة نفسيـة معينـة عليهـا العضـو، أو كان عليهـا عندمـا رفـع تلك الصـورة.. ولكن من الذى يريـد أن يدرس شخصيـات الناس.. هناك معلومـات بالأطنـان عن كل عضـو.. أختياره للمواضيـع التى يتداخل فيهـا جزء من طريقـة تفكيـره، الطريقـة التى يرد بهـا، الكلمـات التى يستعملهـا...الخ. كل هـذه لو تفرغ لهـا دارس وقام بتحليلهـا نفسيـا، يجد معلومـات سايكولوجيـة كاملـة عن الموضـوع.. هـذه كلهـا تصلح كمواضيـع لطلبـة التحليل النفسى، ولكن فى هـذا البورد، فإننا نأخـذ الحديث "إن الله تجاوز عن أمتى ما حدثت به نفوسهـم، مالم يقولوا أو يفعلـوا"
| |
|
|
|
|
|
|
Re: صور أعضاء المنبر (Re: Abureesh)
|
اخى محمد كيف حالك
بصراحة انا جابتنى سيرة برى الاميرية لان لنا فيها زكريات جميلة وعزيزة
بس ماعارفك دفعة كم عموما دفعتنا من اولاد برى المحس / عبيد عمر الهادى
وعزالدين سليمان ( طبعا دا عشان ماازكر التاريخ ) وبعد دا احسبا انت
وبرجع ليك فى مرات جاية انشاء الله
أحمد العمار
| |
|
|
|
|
|
|
Re: صور أعضاء المنبر (Re: محمد أبوالعزائم أبوالريش)
|
ابو العزائم احمد الله الهي ( بالرداء )مابي الجلابية لكن احتمال لو لقيت ليك صورة من الابتدائي ( مدرسة بري المحس الابتدائية) حتكون بالجلابية أفتش ليك ... شكلك كدا ما عرفتني ماجد مضوي الشافعي فيصل النقر مامون يسن طارق معاوية ووووووو واسماء كثيرة لم تسعفني الذاكرة اقول كدي اتذكر انا في انتظار رد ..
| |
|
|
|
|
|
|
Re: صور أعضاء المنبر (Re: عبد العظيم أرباب)
|
أخونا أبوالريش (كان 1 ولا 2) أنا قاصد صاحب البوست
مساءات زينة
شايف الجماعة شغلوك بالأميرية وهددوك بحكاية الصورة بالرداء وخليت البوست الجميل ده وبقيت
تجامل في الجماعة توزع في صكوك الوجاهة ساكت وعلى كيفك.
كدى عليك الله واصل لينا في تخيلاتك للجماعة المندسين وراء الأشكال والصور.(بلاش تبدا بي).
دم بخير..
محمدنور
| |
|
|
|
|
|
|
Re: صور أعضاء المنبر (Re: معاذ حسن)
|
Quote: أول خطوة للتأقلم مع هذا الأمر هو التخلص من صورة هذا الشاب الذي ترونه وسأضع بدلا منها أي شيء شجرة ...كديسة ... |
لكن والله الكديسة ما عندك .... دي منو دي ... نفر تيتي؟؟
ده يا حبيب إمعان في تعتيم الشخصية. وهو يضعك تحت المادة كم ما عارف (تعتيم شخصية مع سبق الإلحاح).
| |
|
|
|
|
|
|
Re: صور أعضاء المنبر (Re: محمد أبوالعزائم أبوالريش)
|
Quote: أخونا أبوالريش (كان 1 ولا 2) أنا قاصد صاحب البوست
مساءات زينة
شايف الجماعة شغلوك بالأميرية وهددوك بحكاية الصورة بالرداء وخليت البوست الجميل ده وبقيت
تجامل في الجماعة توزع في صكوك الوجاهة ساكت وعلى كيفك.
كدى عليك الله واصل لينا في تخيلاتك للجماعة المندسين وراء الأشكال والصور.(بلاش تبدا بي).
دم بخير..
محمدنور |
الأخ محمد نور ....
معليش ديل لازم نسايرهم شوية .. لأنهم بدأوا يطلعوا فضايح ....
بس إنت ما وريتنا صورتك/ رمزك .... عشان الخيال يشتغل فيها شوية ....
تحياتي
| |
|
|
|
|
|
|
Re: صور أعضاء المنبر (Re: محمد أبوالعزائم أبوالريش)
|
أبو الريش ازيك .. كل سنة وانت طيب .. أنا ما عايز أمارس التعتيم زي جماعتك الزانقنك ديل.. بس كل الفكرة أنه التكنولوجيا أبت تشتفل معاي .. والا كنت - وما زلت - ناوي أخت صورة لخلقتي العاجباني دي من باب وأما بنعمة ربك فحدث. رفعنا الأمر للسيد/ بكري سيد الحوش في بوست المشاكل الفنية وما زلنا ننتظر التوجيهات. أقترح ليك طريقة تانية لتحليل شخصيات الناس الهنا، بس المرة دي ما بالصور وانما عن طريق بيانات البروفايل ، خاصة للناس الما خاتين صور ومحاوبين على أسئلة البروفايل بأشكال مختلفة ووحدين ما مجاوبين خالص ، والأهوات بالذات. جرب الحكاية دي وحتشكرني .. ما تنسى الحق الأدبي والملكية الفكرية وقانون الصحاقة والمطبوعات وطرق التوثيق الواردة في مراجع البحث العلمي وقانون براءة الإختراع.
دم بخير....
محمدنور
| |
|
|
|
|
|
|
Re: صور أعضاء المنبر (Re: محمد أبوالعزائم أبوالريش)
|
ابوالريش ليك وحشة والله جابنى الاسم طبعا ماصدقت انك انتا اها عرفتنى منو لو ماعرفتنى تكون بالغتا عديل كدة عبدالعظيم ارباب جابتنى ريحة برى وسيرة برى ياسلام بقى عندى اهل فى المنبر كدى تانى زول افتح خشمو معاى الحمد لله مابراى طوالى بحرش عليهواولاد حلتنا
| |
|
|
|
|
|
|
Re: صور أعضاء المنبر (Re: محمد أبوالعزائم أبوالريش)
|
الحبيب جني ....
Quote: الخيال عندك! الملا دا شوفتو وين مالك داير تجيب لى نفسك الهوا! جنى |
يا زول أنا بقصد الملا عمر بتاعنا هنا في البورد .... مالي ومال الكبسيبات التانية؟ (محمد معانا ما تغشانا)
تحياتي
| |
|
|
|
|
|
|
Re: صور أعضاء المنبر (Re: محمد أبوالعزائم أبوالريش)
|
في بوست آخر حمل عنوان: (كفرت بصور اعضاء المنبر بما فيهم نفسي..) كتبت الأخت نادية عثمان:-
Quote: وليد 500 ياهو وليد زااااتو زى فى الصورة !!
ومعتصم دفع الله ياهو زاااااااتو زى فى الصورة !!
صلاح غريبة .. فى الصورة دى اصغر كتيير من الان (بصراحة وماتزعل ياغريبة) !!
ناذر الخليفة فى الحقيقة اقيف مليون مرة من الصورة الهنا دى !!
ملاسى هو ملاسى وان كان فى الاصل اوسع ابتسامة من مايظهر فى الصورة (فى الصورة ابتسامتو مقتضبة زى بوستاتو لكنها معبرة عن الواقع ومواكبة الغموض الذى يسود هذا المكان احيانا ) !!
منى خوجلى كما هى زهرة بل واجمل !!
انعام عبد الحفيظ .. ماشاء الله عليها !!
نهال كرار .. عينى باااااااارد ربنا يحفظها !!
عنيدة .. شرط للارض !!
نجود شهادتى فيها مجروحة !!
سجيمان هو سجيمان (زى رودا مردا هى رودا مردا البقولها حسين ملاسى وماعارفة قاصد بيها شنو دى ) !!
بكرى ابو بكر ايضا هو بكرى ابو بكر وان كانت (جلحاته) فى الحقيقة اكثر اتساعا !!
|
أملي أن لا يكون لدى الأخت نادية مانع في إدراج مشاركتها هنا
| |
|
|
|
|
|
|
Re: صور أعضاء المنبر (Re: محمد أبوالعزائم أبوالريش)
|
i defiantly agree with you, and i think me too i start judging people from their pictures. what i find funny is during school time i developed a serious crush in Che Guevara. so then you can imagine how ridicules i feel corresponding with someone i deal with as Che Guevara really a nice post
| |
|
|
|
|
|
|
|