العنصري الجديد

Quote: الصديق عبدالحميد، ياعزيزي، راي بقولو عديل، عنقر مامدنقر. موقفك من الفاجعة دي ذي ماقلت ليك فعلا محزن، مؤسف او كمان مخزي. انصرافيتكم انتو مثقاتية الوردة اللاهوتية، ابدا يابرنس ماصدفة. او كلامي ده ماجديد، قلتو لي اسامة للفكي، او للبقية مرارا، اوتكرار! ده مااحتجاج، مااعتراض، ولا مطالبة باي شء. دي فقط ملاحظة وسرد ولاغير قصدنا بيها الاستدلال علي مرارة واقع مستنيرينا، اوغربتم او انبتاتم او جهويتم. راجع اسماء اصحاب البوستات المتصدرة الصفحة الاولي، عن مذبحة المتمة الجديدة، او شوف في كم واحد من حسانية شلة لاهوت الوردة مشاركين؟ هل ده صدفة؟ ابدا، اومافي حاجة اسمها صدفة اصلا! ذي ماذكرت ليك للاسف وسطكم ملوث بالشليلة او عقلية القطيع او نفاق اكرش ضهري واكرش ليك ضهرك، او شيلني واشيلك، مع تعالي اوغرور اجوف مخلوط بي كم مقدر من الغل والحسد والغيرة! مناخ مفعم بالمؤمرات والصراع الدافعو الاساسي الايقونة من "الايقو" او الذات المتورمة انتفاخا!! اذا ده حال مستنيرينا، ابدا ماصدفة يكون ده حالنا كشعب في الداخل حيث الموت بالملايين، وفي الخارج حيث هوانا كشعب او رخسة دمنا اليوم الكون كلو شاهد عليهو! شوف ذي تكالب اسامة او بولا او نجاة علي عجب الفيا باسم عهر الصرامة العلمية، ثم شوف انقلاب افراد شلة اسامة علي بعضها لا لاي سبب موضوعي او اختلاف فكري من اي نوع! برضو كمثال اخر، شوف ذي غنج غرور المدعو حسن موسي واعتداؤ الاهبل والجاهل علي عضوية هذا المنبر رغم كل كلام بولا اونجاة عن الصرامة العلمية او توقير الخصوم! او انت يابرنس عضو في المنبرين، للاسف جبنت عن مواجهة سفاهة حسن موسي واعتداؤ علي زملاك هنا بلا مبرر بلامسوغ بخلاف العطنزة والقرضمة العورا! انت عشت في مصر او ليك علاقات وثيقة بي مثقفيها، والان ساعة الحارة رحت لابد او ماخد ساتر، لاي سبب اي كان، او ده ماصدفة ولاموقف عارض، بل ده ياهو راس جبل الجليد الغاتس في محيط علاقات السودانيين الطبقية والجهوية في مصر، ومن الجانب الاخر مرارة واقع السودان المازال مصري، الي هذا التاريخ بعد مرور خمسين سنة من رحيل المحتل المصري المجازي والافتراضي، عن السودان. انا ماعندي شلة في المنبر ده، او ابدا مابجامل، او علي كده بي قسوتي عليك يابرنس كنت عادل جدا، لاني ماطالبتك بي اكتر من البطالب بيهو روحي، وفي الختام شكري وتقديري لي سعة صدرك

(عدل بواسطة Bashasha on 10-29-2006, 02:53 PM)
(عدل بواسطة Bashasha on 10-29-2006, 02:56 PM)