|
|
 Re: ناس الزقازيق ... أجدع ناس (6) (Re: عمر نملة)
|
| Quote: انت وين احمد السني؟ |
الزول ده قاعد في الفيس بوك باسم : أحمد الحسن
ابحث عنه ... وضيفو ...
ومقيم بالسعودية ... الرياض ...
يانملوز ...
بتعملو وسط التلج في شنو ...
ده سباق ... ولا صيد سمك ....
الاتين مابجو في ... البرد ده ...
===================
اللغة مالا ... ياكوتش ...
كمان قايلني ساقط في امتحان ... الصحفيين ...
ولا مناسب ناس منصور ....
| |
 
|
|
|
|
|
|
|
|
Re: ناس الزقازيق ... أجدع ناس (6) (Re: عمر نملة)
|
انا عرفة محمد عثمان
كان بتقول كده لما يرسلو لي شريط مسجل فى الزقازيق
حسن برى بكون قاعد جمبى .. يقوم يقول هسه الغالطتك منو ..
اقوم اديهو رفسة برجلى واواصل الشريط
دنقلاوية سألوها بتعرفى ( الدهشــــة ) يا حاجة
قالت ليهم A بسم الله الدهشة ما ولد الهمار ...
،،،،
وانا بقول A بسم الله ليك الهالة واهــد ..
،،،،
جدى الله يرحمو بعد اتوفت حبوبتى فى السبعينات عرسو ليهو
وحدة من ( اندينا ) جات مرة زيارة معاهو للخرطوم قلنا
نفسحها ... كل البيت طلعنا معاهم قلنا نمشى جنينة الحيوانات
وبعد داك نمشى الاستدويو فى الخرطوم نتصور كلنا ..
العروس ختت الكلام فى راســا ... ركبنا الباص ونزلنا قدام الجنينة
قامت العروس سألتنى بصوت مسموع ...
دآآآ يــا الجنينة ولا يــا الاستوديو ؟؟
جدى سمعها اتقدم وجاها يأشر بالعكاس ... بالله شوف المرة العوير دآآ...
انت ما شايف الزرافة مادى رقبتــو ... تقول دآآ يا الاستوديو ..
اهن هاك دآآ ... رمادن يعصرك ...
ما قصرت جابت لينا منو خالين و خالتين صـــغار ....
| |
|
|
|
|
|
|
|
|
Re: ناس الزقازيق ... أجدع ناس (6) (Re: عبد الدائم سيد أحمد)
|
ربنا يحفضا ويخليها ليكم ... يا نضيف ...
عمر والله خيارك نضيف ... حنه وزغرودة ...
صورة بهجة بس ...
==========================
Quote: دنقلاوية سألوها بتعرفى ( الدهشــــة ) يا حاجة
قالت ليهم A بسم الله الدهشة ما ولد الهمار ... |
========================
الصورة دي كانت في عرس جعفر ؟؟؟!!!
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
صبحكم الله بالخير
الصفحة دي ذكرتني بالأيام الخوالي....
يديكم العافية جميعا و يزيد جمالكم جمال...
نملوز من الصورة بس كنكشت من البرد....
أولادي شافو الصور قالوا لي لازم نمشي بلجيكا في الشتاء..
عايزين يلعبوا في الجليد قالو...
كتر الدفايات و البطاطين يا عمر لي أنا و ست بيتي...
و انت سوق أولادي لعبهم مع أولادك....
يا ديدو ضحكتني من جوه قلبي...
ياخي ان شاء الله أيامك كلها أفراح...
قال ليك واحد أستاذ في مدرسة في دنقلا عايز يفهم الطالب 1+1=2....
قال ليهو اذا كان عبد الودود أداك كلــب و عبد الرحيم اداك كلــب يبقى عندك كم كلــب...
قال ليهو يبقى اندي أربعة كـــلاب....
الأستاذ بغيظ شديد كيف يعني أربعة كـــلاب....
قال ليهو على الكلــبين اللي اندي في البيت يبقوا أربعة كـــلاب....
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
الكوتش كيفاك و الآخرون
طبعاً صعب جداً أن تكتب و انت مغمض و في هذه الحالة تكون فطيت سطر دون قصد أو عمد
وهذا أفضل من تكون فاطي أسطر أو صفحة بكيفك وهنا بتكون جنينة
المهم دخول سودانيز صعب إلا بالإستعانة بأصدقاء و ليس صديق
أولهم مجتبى فاروق و آخرهم الرشيد و الذي شغال بأضعف الإيمان
كون إنك تكتب مغمض غصباً عنك كأنك قاعد تكتب سطر و تفط سطر
ود طبعاً أحسن من تفط أسطر أو صفحة كاملة و بإرادتك فالحالة الثانية بتكون جنينة
كثيرون يقولون شوقنا لا حدود له
و لكن شوقي لكم ليس له خارطة جغرافية (أبو الجغرافيا زاتها يااااخ )
طبعاً الأخوات بيكونوا محجبات أقصد محتجبات عن الموقع لزوم تجهيز الأولاد و البنات للعرس
قال ليك قاب قوسين أو أدنى من ..........
مسرد:
تقرأ هذا المداخلة مع المداخلة المأرشفة في الربع الكم كدا ما عارف
محمد آدم النور
أو
جلا
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
| Quote: قال ليهو على الكلــبين اللي اندي في البيت يبقوا أربعة كـــلاب.... |
وصدقني يارشيد القوم ... الكلــــــبين الفي البيت ...
الدنقلاوي ده بكون قاصد .... اولادو ....
مشكور .....
=============================================
Quote: محمد آدم النور
أو
جلا |
غايتو رجل الشرطة لمايكون فاضي ...
اهو النتيجة النبش في القديم ... وبوليس حركة في اللغة ...
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ياسر نجيلة)
|
سلامات يا حلوين
Quote: اهو النتيجة النبش في القديم ... وبوليس حركة في اللغة ...
|
شوف كده :-
Mon, Feb 11, 2013 at 3:07 PM
Mon, 3:07 PM
Message starred
Re: My E-mail
Show Details
From Mohamed Elnour
To Mohamed Siddeeg
الكوتش كيفاك و الآخرون
طبعاً صعب جداً أن تكتب و انت مغمض و في هذه الحالة تكون فطيت سطر دون قصد أو عمد
وهذا أفضل من تكون فاطي أسطر أو صفحة بكيفك وهنا بتكون جنينة
المهم دخول سودانيز صعب إلا بالإستعانة بأصدقاء و ليس صديق
أولهم مجتبى فاروق و آخرهم الرشيد و الذي شغال بأضعف الإيمان
كون إنك تكتب مغمض غصباً عنك كأنك قاعد تكتب سطر و تفط سطر
ود طبعاً أحسن من تفط أسطر أو صفحة كاملة و بإرادتك فالحالة الثانية بتكون جنينة
كثيرون يقولون شوقنا لا حدود له
و لكن شوقي لكم ليس له خارطة جغرافية (أبو الجغرافيا زاتها يااااخ )
طبعاً الأخوات بيكونوا محجبات أقصد محتجبات عن الموقع لزوم تجهيز الأولاد و البنات للعرس
قال ليك قاب قوسين أو أدنى من ..........
مسرد:
تقرأ هذا المداخلة مع المداخلة المأرشفة في الربع الكم كدا ما عارف
Regards
Mohamed Adam Elnour
Training/ Human Development Specialist
Mobile Telephone: (+249) 912319724
Khartoum - Sudan
From: Mohamed Siddeeg
From: Mohamed Elnour
To: "[email protected]"
Sent: Wednesday, January 9, 2013 12:13 PM
Subject: My E-mail
Dear Gorge
Thanking you, this is my e-mail hope I get to sudaneseonline soon
Regards
Mohamed Adam Elnour
Training/ Human Development Specialist
Mobile Telephone: (+249) 912319724
Khartoum - Sudan
");
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
سلام
Quote: يانملوز ...
بتعملو وسط التلج في شنو ...
ده سباق ... ولا صيد سمك ....
الاتين مابجو في ... البرد ده
لا هذه ولا تلك دا جري عديل كدا شفته الخرطه بتاعت السباق
عاامله زي التخطيط البياني لقلب واحد مشكوش
عرفه محمد عثمان عاشت الاسامي لو مااخاف دي الشكرها اسماعين حسن
في جبل عرفات. ربنا يدها الصحه واسالها دعواتها. شيخي قال امهاتنا لم يتقدموا
في العمر بيوزعوا في الدعوات المقبوله.
| Quote: جيت اسلم علي عمر نملة صاحبي |
صاحبك ودفعتك وحبيبك ياابو الزوز والله مشتاقين واخبار النابغه ميار وين وصلت
وماتقول لي ممتحنه الجامعه؟
| Quote: ما تمشى ليهو فى محل التلج الهو فيهو ده |
جري ما مشي ناس المشي يمشوا الحج ويخطو الصفا والمروه.
Quote: نملوز من الصورة بس كنكشت من البرد....
أولادي شافو الصور قالوا لي لازم نمشي بلجيكا في الشتاء..
عايزين يلعبوا في الجليد قالو...
كتر الدفايات و البطاطين يا عمر لي أنا و ست بيتي...
و انت سوق أولادي لعبهم مع أولادك... |
يا راش درجة الحراره الان تحت الصفر بس البحر جميل المشكله
لما يكون في هواء غيره كدا كله جميل.
مرحب بكم في صيفا وربيعا وخريفا وشتاءا. وياريت لما تجوا يكون مكاموكا اكتمل.
Quote: تقرأ هذا المداخلة مع المداخلة المأرشفة في الربع الكم كدا ما عارف
محمد آدم النور
أو
جلا |
دا تنقيط ولا تجليه انت من الاول ماتقول العميل السري حلا.
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: عمر نملة)
|
سلام يااحباب
اليوم الخميس والليله الجمعه ومتوقع اختفاء جماعي لانه خميس استثنائي بعيد القديس فالنتاين
عيد الحب أو عيد العشاق أو "يوم القديس فالنتين" مناسبة يحتفل بها الكثير من الناس في كل أنحاء العالم في الرابع عشر من شهر فبراير من كل عام. وفي الاخص في البلدان الناطقة باللغة الإنجليزية وأصبح هذا اليوم تحتفل به جميع دول العالم المتحضر تقريبا ولو بصورة رمزية وغير رسمية، يعتبر هذا هو اليوم التقليدي الذي يعبر فيه المحبون عن حبهم لبعضهم البعض عن طريق إرسال بطاقات عيد الحب أو إهداء الزهور أو الحلوى لأحبائهم. وتحمل العطلة اسم اثنين من (الشهداء) المتعددين للمسيحية في بداية ظهورها، والذين كانا يحملان اسم فالنتين. بعد ذلك، أصبح هذا اليوم مرتبطًا بمفهوم الحب الرومانسي الذي أبدع في التعبير عنه الأديب الإنجليزي جيفري تشوسر في أوج العصور الوسطى التي ازدهر فيها الحب الغزلي. ويرتبط هذا اليوم أشد الارتباط بتبادل رسائل الحب الموجزة التي تأخذ شكل "بطاقات عيد الحب". وتتضمن رموز الاحتفال بعيد الحب في العصر الحديث رسومات على شكل قلب وطيور الحمام وكيوبيد ملاك الحب ذي الجناحين. ومنذ القرن التاسع عشر، تراجعت الرسائل المكتوبة بخط اليد لتحل محلها بطاقات المعايدة التي يتم طرحها بأعداد كبيرة.[1] وقد كان تبادل بطاقات عيد الحب في بريطانيا العظمى في القرن التاسع عشر إحدى الصيحات التي انتشرت آنذاك. أما في عام 1847، فقد بدأت استر هاولاند نشاطًا تجاريًا ناجحًا في منزلها الموجود في مدينة ووستر في ولاية ماسشوسيتس؛ فقد صممت بطاقات لعيد الحب مستوحاة من نماذج إنجليزية للبطاقات. كان انتشار بطاقات عيد الحب في القرن التاسع عشر في أمريكا - التي أصبحت فيها الآن بطاقات عيد الحب مجرد بطاقات للمعايدة وليست تصريحًا بالحب - مؤشرًا لما حدث في الولايات المتحدة الأمريكية بعد ذلك عندما بدأ تحويل مثل هذه المناسبة إلى نشاط تجاري يمكن التربح من ورائه.[2] وتشير الإحصائيات التي قامت بها الرابطة التجارية لناشري بطاقات المعايدة في الولايات المتحدة الأمريكية إلى أن عدد بطاقات عيد الحب التي يتم تداولها في كل أنحاء العالم في كل عام يبلغ مليار بطاقة تقريبًا، وهو ما يجعل يوم عيد الحب يأتي في المرتبة الثانية من حيث كثرة عدد بطاقات المعايدة التي يتم إرسالها فيه بعد عيد الميلاد. كما توضح الإحصائيات التي صدرت عن هذه الرابطة أن الرجال ينفقون في المتوسط ضعف ما تنفقه النساء على هذه البطاقات في الولايات المتحدة الأمريكية.*
*منقول
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: عمر نملة)
|
يانملوز ...
احلي مافي الموضوع ...
البطتين ....
تشكر للمعلومة ...
=======================
ياكوتش ...
ياخي ماعذبتنا ...
كوبي بيست اكتر من 514 مرة ...
لمداخلة محمد ادم النور الشهير بجلا
الزوا ده عاوز منك ...شنو .... اختصر وخليك مباشر ...
===================
ماذا اعددتم ... للخميس ...
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ياسر نجيلة)
|
سلام يااحباب
اليوم الخميس والليله الجمعه ومتوقع اختفاء جماعي لانه خميس استثنائي بعيد القديس فالنتاين
كما توقعت غاب الجميع ماعدا ابوعمار وهل يغيب الحب يوم الحب. وكنت متوقع الرشيد الحب
لكن يظهر تواجد عند الحب الكبير وقسا علينا بشوية حبيبات حب. ومنصور هو قال شنو عن الزلزال
طيب ادينا يوم الحب ان شاء الله شقشاقه حب، وعيد مش هو عيد الحب. وجبريل بناي الحب يااخي مالك
بخلت علينا بمونة حب ، والكوتش ضابط تمام الحب برضوا بخل بقبضة حب، ود المهدي ارمي لينا دوبيت حب
، الزناتي نفج منا بنفاج الحب، الريس انتظرناه بدعوة حب، وجلا جلى الحب، جله بطعم الحب، موسى عيسي
قديس الحب، سامي وين ياحب والبقيه الهاربه من قبل عيد الحب
هديه ليكم من ام كلثوم يا الي ظلمتوا الحب وهربتوا يوم الحب.
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: عمر نملة)
|
صباح الخير ،،، يا وجوه الخير
أسعد الله صباحكم أحبتي
دعاء الصباح :
اللهم أحينا في الدنيا مؤمنين طائعين ..
أنت العالم سبحانك بسري وجهري ..
المالك لنفعي وضري ...
القادر على تفريج كربي ..
وتيسير عسري ..
================
حكمة اليوم :
عيوب الجسم يسترها متري قماش
وعيوب الفكر يكشفها أول نقاش
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
Quote: ومنصور هو قال شنو عن الزلزال
طيب ادينا يوم الحب ان شاء الله شقشاقه حب، وعيد مش هو عيد الحب. وجبريل بناي الحب يااخي مالك
بخلت علينا بمونة حب ، والكوتش ضابط تمام الحب برضوا بخل بقبضة حب، ود المهدي ارمي لينا دوبيت حب
، الزناتي نفج منا بنفاج الحب، الريس انتظرناه بدعوة حب، وجلا جلى الحب، جله بطعم الحب، موسى عيسي
قديس الحب، سامي وين ياحب والبقيه الهاربه من قبل عيد الحب |
النضيف وينك !!!!!
نزل ليناأغنية عيش معاي الحب أنا ،،،
عيش معاي الحب عيش معاي حناني
خليني أنسى سنين عشتهم وحداني
إيه يضرك تسأل يوم علي يا غالي
وإنت وحدك عارف هميand#65279; عارف حالي
كيف أواصل صبري في الطريق الخالي
كيف بدونك تصبح اليالي ليالي
أنا كنت دايما ً بصبر مهما البعادأضناني
في قلبي إنت بتكبر تكبر معاك معاني
برجى الأيام وستنى أمالي بين نيراني
والهجر مهما يألم يرجع حنانك تاني
برايا لو كان جفيتني خليتني وحدي
مع ليلي الوحدة والشوق حنينو معايا
ما بسيبو غرامك رضيان معاك بشقايا
وقت الطريقك يوصل أعرف نهايتة خطايا
هابي فالنتاين ديه فور أول
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: عمر نملة)
|
سلام تحيه
يوم الحب وتاني يوم الحب وتالت يوم الحب واليوم رابع يوم الحب (الفطر وتاني الفطر والضحيه وسايق)
والكل مسجل غياب( نجيله والريس عملوا ياك) والغريبه ابوشنب ظاهر ويدخل من نفاج لنفاج.
قبل فتره كان مفتوح بوست اسمه العندو حد رايح. وسالت فيه عن صاحبي الزقازيقي محمد بركات خرساني.
والحمد لله عثرت على تلفونه وتواصلت معه. واول امس اتصل بي خرساني يبشر بقدوم اموره (درر).
احكي ليكم عن خرساني وايامنا في شقة المنتزه في الشارع القبل حلويات مكاموكا اسف بسام. شقه من غرفتين
واحده صغيره والتانيه برضوا صغيره ولايوجد فيها مطبخ بل صاله اصغر من الصغر وحمام اصغر من الصاله
ولايوجد فيها سخان واذا عايز تستحم لازم تقول واحد اتنين تلاته وااااي . وكمان فيها تشط وخرطوش طول متر
وقد سكن في هذه الشقه لاحقا رضا ابورداء. ارجع لود بركات خرساني، هو شاب نحيف ابيضاني كثيف اللحيه
والشارب ويلبس نظارات طبيه جميله ودائما مهندم ومعطر وقليل الكلام ويتكلم همسا. والغريبه كان يدخن وهو الشخص الوحيد
الذي تتمنى ان تدخن معه حيث يدخن ثلاثه سجارات روثمان يوميا يعني صندوق الروثمان بيعقد معاه تلاته ايام.
لكن اذا حضر الطبال تلاته صناديق في يوم واحد. يحب هاشم ميرغني ولا يسمع سواه.ودائما في حالة نظافه وبخور للشقه
المتواضعه. وكان برنامجه اليومي بعد ان خلص دراسة المعهد التجاري ان يذهب الي القاهره لدراسه حجز
تذاكر الطيران يصحا مع النجمه ويرجع مع المغيرب. اما يوم الجمعه فهو يوم لذيذ يبل فيه كل الخبز( لفينا ورجعنا للخبز)
الناشف خلال الاسبوع ليعمل منه عصيده تحلف معموله في القضارف مش كسلا( كيتا في الكوتش وابو شنب وجلا زاتو).
اما ملاح التقليه تقول عملتوا ام ما ساي( سكر شنو تحلف تقول من مكاموكا). وعلى انغام هاشم ميرغي وبخور الند
والتقليه بقدر قادر اقل شئ العدد بيكون سبعه اشخاص ورغم صغر الشقه كل الناس بتكون قاعده ماعدا الطبال. مش لانو
مافي مكان يعقد فيه لانه مابيقعد من اصله( اتنين اتمنيت اشوفهم قاعدين الطبال وابو رزقه الواقف مش الساكن مع ناس ديمه ونجيله)
وبعد التقليه تدور القهوه والكوتشينه التي لايجيدها ود خرساني وباله بيكون في الملايه الاتكرفست والطربيزه الات######ت عشان كدا غالبا
مايقبض بهبابه زائد 9 بوايظ عباره عن اغطيه ودائما بيقول لكن انا ماشفتوا عشان كدا مابتكتبوا لي تلاته وغالبا ماتنتهي الحجه
ماعايز العب وتاني مابلعب معاكم وغلطان البلعب معاكم والبلعب مع الجيروات بخربشنوا. وعلى ما اعتقد هو عايز يمشي الغرفه الاصغر
ولا الاكبر ماعارف عشان يخت راسه في السرير ويعاين في السقف. وبعد ربع ساعه تسمعوا يقوا واي ياامي.
محمد بركات كان عباره عن ابونا بيعمل كل الحاجات بيطبخ ويغسل ويكوي وينظف ويجيب الحاجات وبيقف على راسنا عشان نذاكر
سعدت كتير باتصاله هو وزجته وفرحت انضمام درر لاخواها خرساني الصغير.
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: عمر نملة)
|
صباح الخير ،،، يا وجوه الخير
أسعد الله صباحكم أحبتي
دعاء الصباح :
اللهم فكن لنا وليا ونصيرا ً...
وكن لنا معينا ومجيرا ..
إنك كنت بنا بصيرا ..
===================
حكمة اليوم :
في مستشفى سقطت باروكة فتاة
فضحك الكل عليها،،،
فإلتقطتها وهي تبكي
ماذا أفعل والسرطان أخذ كل شعري
كن حذراً فبعض التعليقات تقتل!!!!!!!!!!
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
نملوز ياخطير ...
تداعيات موفقة ...
ووصف حلو لفترة جميلة ...
غايتو السبعة عرفتهم كلهم ... (الكانو بتلمو في العصيدة)...
الا صاحبك محمد بركات ...
صورتو تجيني ... وتتختفي ...
عشان كده لو عندك ليهو صورة .... نزلها
او استعين بصديق .... ارشح النضيف ...
والله الليلة كيفتني جنس كيف ... يا نملوز ...
حارس البوست ... ومنداح ...
تاني خوف على البوست مافي ...
وين الكوتش ... ؟؟؟!!!
ماموكا ... ح تكون مخبز ...
ولا ... كافيه ...؟؟؟!!!!!
=======================
تحياتي ياريس ... ميسرة ...
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ياسر نجيلة)
|
سلام
ابوعمار
السبعه الذين ظلهم الحب والويكه اغرب حاجه ما في شخصين زي بعض بس والله كنا بنحب بعض شديد
اولا بركات خرساني( ياراجل دا كان بمشي على الحيط) تخيل بركات هو ما بعرف ناس غير ناس معهد تجاري
وعندو مشكله مع الاسماء وكان لما يجي اي صاحب من اصحاب السبعه بيرحب بيه شديد ولو قابله في نفس اليوم
يقول لي ذكرني الزول دا انا شوفتوا وين؟! ما قلت ليك في حد يحرق في توزيعه واحده. بس سبحان الله الحاجات البتذكرها
من زمن بنادي. وعارف قصة اي اغنيه لهاشم ميرغني وسبب كتابتها وطرتها كمان.
ارجع للسبعه وامكن اكتر. مالك محمد الامين( ساكن رسمي مع بركات) ابن اختي شيخ امين(ة والله لو ماكان ابن اختي) الا يلمنا سيل
ادب وذوق وهدؤ ودين شديد خالص. الرشيدين( الرشيد فداسي برضو ساكن مع بركات في غرفه مع مالك ويجمعوا مع مالك فداسي فقط
والمرحوم رشيد معهد تجاري وهو ساكن مع رضا. الله يرحمه وهو في سنة التخرج شاف صوره لبرج القاهره قال دا برج باريس قلنا ليه دا برج
القاهره قال هو القاهره فيها برج؟!! وئام وانتصار .انتصار محجبه ووئام بتكره الحجبات ماانها فتره اتحجبت ووئام عايزه مجلد عشان احكي عنها وعن
والدتها الراحله ليلى مسك التي كانت تصرفنا وكتير ما نؤجر مكروبص ونسافر الاسماعيليه ونفضى يوم ممتع في منطقه العبور. مع سمك موسى(مش موسى عيسى
دا موسى صاحب الرساله. والسمك دا ليه عين واحده يقال عندما ضرب البحر بالعصا طمست العين الاخرى.الجوكر الطبال. رضا ابو رداء. وصلنا العدد كم؟ ومرات كتيره
بيكون الحنين حيدر حسن ميرغني متواجد وكنت بحب كل كلامه يقول ليك وين ياحنين او ياكعب او يامزلط وكنا بنعرف اسمه حيدر الحنين. مره اتصل بوئام وهي عامله حادث
قال ليها معاك حيدر حسن ميرغني قالت ليه والله ماعرفتك قال انت مزلطه من الحادث على طول قالت الحنين( عايز تلفونه فتشت عليه في البرفايل ما لقيتو). وطبعا من الغير دائمين
مجدي بهله وانور حسن خالد بكري ود الماذؤن واسامه حمدان وكل ناس تجاري. ومن زراعه اظن جمال مصطفى. ومن بيطره اظن كمال يوسف.
ابوعمار مكاموكا مخبز وحلواني والله خلاص الكورس قرب يخلص واحتمال الفتره القادمه ابداء توزيع خبز تركي للمعارف بسعر التكلفه.
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
Quote: سلام تحيه
يوم الحب وتاني يوم الحب وتالت يوم الحب واليوم رابع يوم الحب (الفطر وتاني الفطر والضحيه وسايق)
والكل مسجل غياب( نجيله والريس عملوا ياك) والغريبه ابوشنب ظاهر ويدخل من نفاج لنفاج. |
يا نملوز يا حبيبي أنت جبت سيرة الحب
والجماعة كلهم زاغوا ،،، يقى إنت الغلطان
شكراً على الأغنية الجميلة (عيش معايا الحب )
قالوا عن الحب
الحب هو الألفة ورفع الكُلفة الحب
هو أن تجد نفسك فى غير حاجة للكذب
أن تصمتا أنتما الإثنان فيحلو الصمت
...ويتكلم أحدكما فيحلو الإصغاء
بمنتهى البساطة هذا هو الحب الذي أتمناه
د.مصطفى محمود
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
والله يانملوز ...
عصيدتكم بتلم ناس وجكس ...
اكتر من حفلة رابطة "راشك" .... الدناقلة ...
مرة كان عندهم حفلة ...
عملوها في شقتنا ...
بحكم سكن عبدالدايم النضيف ... وعبد الرازق ... والفاتح ...
كان معاهم جكسويا واااااحده ... مشت بعد مااخدت قطعة حلاوه ,,, وشالت الببسي في يدها وكسحت
اها الفضلو العذابة ....
فنانين مافي ...
وزاهر الصادق قاعد يعزف الاورغ ... ومرات بغني
وانا قاعد اعزف ليهم ايقاع "بنقز"
الحفلة كلها قضيناها انا وزاهر نحدر لبعض ...
نشاز شديد ... واحد فينا مابعرف يعزف انا ولا زاهر
ومرات ازهج ... اقوم ادخل الغرفة ...
يجو يحنسوني ... ارجع تاني
البغنو منو ... ولا بغنو في شنو ... والله مامذكر
غايتو اكيد النضيف اليوم داك قبض الجو ...
لوعاوز تلفون حيدر حنين ... اكتب ليهو في الخاص ....
=======================================
الله يستر من عبد الدايم النضيف ...
غايتو لو غالطني حاجيب ليهو الصور ...
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ياسر نجيلة)
|
صبحكم الله بالخير
يا سلام على اندياحك يا نملوز...
يوم الفالنتاين داي ما زغنا و لا حاجه...
بت الشيخ جات داخله من الشغل شايله معاها شيكولاته حمراء في شكل قلب....
و مغلفة تغليف جميل قامت أدتني ليها...
أمنية قالت ليها بابا بس يا ماما....
قامت اضطرت تطلع الاتنين الباقين قدامي و أدتهم كل واحد واحده....
خربوا عليها..كانت عايزه تعمل فيها انها خصتني بيها....
أنا قمت رديت ليها الصاع صاعين...
فتحت ليها برنامج فتاوى في تلفزيون النيل الأزرق....
و الجماعة اشتغلوا ليك تحريم شديد في الفالنتاين داي...
و الناس البتحتفل بيهو و حتى البجيبو شيكولاتات حمراء فيهو...
غايتو في ناس كده بجيبوهم في التلفزيون ده يمسخوا عليك الدنيا كلها....
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: منصور عبد الرازق)
|
سلام
Quote: الحب هو الألفة ورفع الكُلفة الحب
هو أن تجد نفسك فى غير حاجة للكذب
أن تصمتا أنتما الإثنان فيحلو الصمت
...ويتكلم أحدكما فيحلو الإصغاء
بمنتهى البساطة هذا هو الحب الذي أتمناه |
ياريس هي رفع الكلفه عشان كدا من اول يوم دا حبي ليكم بخش شمال ويمين وبهزر هزار
بايخ ومرات كتير من الناس بتزعل وزي ماقال عمنا لما المدير قال ليه ولدك دا بيجي المدرسه سكران(كوجومورو)
قال ليه يعني مايفطر! ولا محمود قاصد رفع التكلفه( كل يوم بعمل بروفات لعمل منتجات مكاموكا واحسب كل من المقادير واضربها في التكلفه
وفي النهايه اضرب المجموع *2.5) وياحليل د. مكي فخري بتاع التكاليف. قلت من غير حاجه للكذب دا مولانا في التلفزيون قال دا الكذب الحلال
وان نصمت الاتنين وحلاوه نقه نخليها لمنو؟ دا حب مصطفى محمود حبنا نحنا غير نقه ورفع التكلفه وكذب شديد ومافي اي صمت . لكن برضوا حب
في فهمي الحب هو اسلوب المعيشه وبتجدد مع البمبس وبنقص مع وقوع الاسنان..
ابوعمار
كمان كان بيجي بكثره نبيل سيد نصر تخيل قبل فتره كنت بتواصل معه راجل في قمة الذوق والادب والثقافه. وحريف كوتشينه. في زواج اخت الطبال في الابيض
لعبت معاهم عشرة هارت كانت قمه المتعه. عليك الله زاهر الصادق باشارته بتاعت الفوز بالانتخابات مش مفروض يعزف اورغ مفروض يعزف كيتا اصابع النصر بتكون لي اليوم
عامله كوابيس لناس هباني وادروب وتبيدي.
ياكوتش اسبوع تمام انا كنت عايش في الغرام انسج حروف سياله زي دمع عزيز في خدودي سال . كانت بتجنن ود بركات ويقول لينا انتو ماعندكم احساس مفروض لما الاغنيه دي تكون
مدوره ما تتكلموا.
ياراش قلت ناس فتاوي النيلين قال شنو الحرام الحب ولا يومو ولا شكولاته عشان دا كلام خطير على الشغل. وهم ما دخلهم في الحب خليهم في النطيحه والمنخنقه ومااكل السبع ليه كدا يامولانا.
في احد السفريات باالقطار وبعد 8 ساعات لاحظت واحد زقازيقي جالس لحاله قلت ليه انت مسافر لوحدك قال بلا. قلت ليه تعال اجلس معانا وماشاء الله مجموعه كبيره وميز مكرب وكوتشينه وعود وطبل طبال
صاحبنا اكل معانا وجبه وبعدها حرم لينا كل شئ حتى الايسكريم. شرف الجعلي قال ليه يازول انت الخسران اكل وقش خشمك ولا ابعد من الحرام.
ابواحمد
انت عارف مادة ارقد ياعيش دي زي اللغه العربيه في امتحان الشهاده السودانيه. بجلي ليك ماده انا جرابك. عجبتني صورتك جنب نادي برشلونه شفتها لما نزلت برنامج وت صب نقا.
اليوم اخر يوم في اجازتي امسكو من الورديه. ونشوفكم في عيد الربيع ولا دا برضو حرام الناس دي يورنا الحلال شنو!
مدير مدرسة مدني بنات لقا الاستاذ في الحصه الاولى بدرس البنات مكر مفر مقبل. على طول دقه ليه الباب يااستاذ الدنيا صباح ابداء ليهم وامطرت لؤلؤ من نرجس خليهم يعضوا بالعناب .
احب عناب واهل عناب .
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: عمر نملة)
|
صباح الخير ،،، يا وجوه الخير
أسعد الله صباحكم يا أحباب
دعاء الصباح :
اللهم لا تردنا خائبين ..
وآتنا أفضل ما يؤتى عبادك الصالحين ..
اللهم ولا تصرفنا عن بحر جودك خاسرين ..
حكمة اليوم :
الفراشة رغم جمالها فهي حشرة
والصبار رغم قسوته فهو زهرة
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
الايام دى الدخول لسودانيز اشبه بالمستحيل
اقدر اتصفح واتابع بس صعب الدخول لحين ميســـرة
نملوز واصل يا جميل و ماتنسى باب الحمام حقكم كان قصير
لو ما اخدت بالك بشق ليك رأسك ...
وناس عناب برضو بحبووووكم
،،،
يا نجيلة بخصوص رابطة الدناقة ( رابطة المهدى ) جاييك بالصور
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: عبد الدائم سيد أحمد)
|
صبحكم الله بالخير
قميصين بيض + بنطلونين في خمسة سنوات = سيارة بورش
في كل مرة أهم فيها بالخروج من البيت ينتابني شعور بالضيق...
و أنا افتش في خزانة ملابسي بين كوم (الدلاقين) عن قميص ألبسه....
أتذكر وصية نسيبتي: يا ولدي ما تقعدوا تعملوها دلاقين ساكت أعملوا حاجه للمستقبل....
ان السنين التي تساقطت من عمري تحولت الى كوم من الدلاقين....
كان الجو باردا مشبعا برطوبة تدغدغ الوجه و المشاعر....
و كان الشارع معبأ بالتنانير القصيرة و خصل الشعر الناعم التي يعبث بها النسيم....
غضيت بصري ما استطعت..متجنبا النظر تحت الحزام.. و السيارات المسرعة...
أخشى أن تزورني والدتي هنا فتصدر فتوى بأن (القروش البتاخدوها دي ما حلال)....
البلد النسوانا ماشات ساكت ديل قروشها ما حلال....
لأنها أصدرت فتوى مشابهة عندما كانت مع أختي الراحلة منى في تايلاند....
بأن العلاج في بلد نسوانو كلهم عريانات ما فيهو بركة....
ان الفلبين تصدر الى هذا البلد الكثير من التنانير القصيرة و خصل الشعر الناعم جدا...
كلما صادف أن كان الجو رائعا مثلما هو الحال اليوم كان ذلك حافزا لهم ليعبوا الشوارع...
ان تنانيرهم تلك تقصر عندما يكون الجو باردا و عند الحر تقصر أكثر....
أكاد أجزم أن الطول ليس من ثقافتهم في شيء....
ان المبنى الذي فيه مكتبنا الرئيسي يجاور مكتب ست بيتي....
عند الاشارة اتصلت عليها و أنا راجلا...
شايفاني أنا تحت....لوحت لها و أنا أتحدث اليها في الهاتف....
لم أكن اراها و هي في الطابق السبعتاشر خلف الزجاج المعتم....
وين...وين..
جمب الاشارة....مقابل الBHS .....
شفتك و ابتهجت وين يا غالي انت....
لقد انتهيت من عملي بالمكتب الرئيسي و أنوي دخول الـBHS...
لا بالله عليك...مش كفاية كل يوم طالع بالليل جاي شايل حاجات بي 200-300 درهم....
ست بيتي لن تتخلى عن عاداتها في تضخيم الأشياء....كل حاجه عندها مضروبة في 10....
فالفلافل و كيس الخبز الذان أحضرتهما مساء البارحة لم تتجاوز قيمتهما معا العشرون درهما....
لا أنصحك بدخول هذا المحل فأنا أعرفك جيدا...لن تخرج منه و الا تكون قد أنفقت 500 درهم...
بالقسمة على 10 فهي تقصد انني سأنفق 50 درهما....
الا أنني كنت قد اكتسبت مناعة ضد الدلاقين و أنا أفتش في خزانة ملابسي هذا الصباح....
عملت مع بول هاوبرج مديري الدنماركي خمسة سنين دون أن أتعلم منه شيئا...
فلقد كان لبول ثلاثة قمصان أو أقمصة بيض وثلاثة بنطلونات أحدهما جينز....
كان بول يهوى رياضة الجولف عندما يمارسها يلبس تي شيرت واحد و بنطلون قصير كاكي اللون....
كلما صادفته و هو يرتدي بنطلونه القصير أكاد أنفجر من الضحك....
و أتذكر قول الشاعر::له ايطلا ظبي و ساقا نعامة و ارخاء سرحان و تقريب تتفل....
فهو في مثل طولي و (ساكاكاته) تشبه ساكاكاتي الى الحد البعيد.....
و لكنها لا تشبه بأي حال من الأحوال سكاكات طارق جبريل فتلك (سكاكات قاسية شديد)....
بعد خمس سنوات اشترى بول سيارة بورش و بقيت أنا أكدس في الدلاقين....
قال لي ابني مهند يا بابا اشتري سيارة بورش...
قلت له عندما تجد في خزانة ملابسي تلاته قمصان بيض و بنطلونان...
تأكد بأنني سأشتري السيارة البورش بعد خمسة سنوات.....
و ربما قطعة أرض في الدخينات....
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: الرشيد بابكر)
|
| Quote: أكاد أجزم أن الطول ليس من ثقافتهم في شيء.... |
وقبل كده ولدنا كمال الشادي علق على نساء هذه الشعوب تعليق ... ظريف خلاص ... ماقادر انساه ...
قال : نسوانهم عاملات زي " السامبل " .... Sample Woman ...
غايتو عملت ليك تعليق طويل في الفيس بوك ..
وهنا بقول ليك:
LIKE
===========================================
| Quote: يا نجيلة بخصوص رابطة الدناقة ( رابطة المهدى ) جاييك بالصور |
يانضيف زكز على الصورة وانا قاعد اعزف بنقز ..
عشان الزملاء يعرفو مقدراتي الفنية
=======================================
تحية خاصة لنملوز ...
والناس الجاية بعد أسبوع ...
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ياسر نجيلة)
|
صباح الخير ،،، يا وجوه الخير
اسعد الله صباحكم أحبتي،،،
ربنا لا تواخذنا إن نسينا أو أخطأنا
ربنا ولا تحمل علينا إصراً كما حملته على الذين من قبلنا
ربنا ولا تحمـِّلنا ما لا طاقة لنا به واعفُ عنا واغفر لنا وارحمنا
===================================================
حكمة الصباح :
طفل مستواه ضعيف في المدرسة
ذهب لقبر أمه وحضن القبر وقال لها
تعالي معي المدرسس يضربني أمام الطلاب
ويقول لي : أمك مهملة لا تهتم فيك
لا تتعجل فبعض الكلام يذبح !!!!
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: عمر نملة)
|
سلامات يا حلوين
Quote: ان السنين التي تساقطت من عمري تحولت الى كوم من الدلاقين....
كان الجو باردا مشبعا برطوبة تدغدغ الوجه و المشاعر....
و كان الشارع معبأ بالتنانير القصيرة و خصل الشعر الناعم التي يعبث بها النسيم....
غضيت بصري ما استطعت..متجنبا النظر تحت الحزام.. و السيارات المسرعة...
أخشى أن تزورني والدتي هنا فتصدر فتوى بأن (القروش البتاخدوها دي ما حلال)....
البلد النسوانا ماشات ساكت ديل قروشها ما حلال....
لأنها أصدرت فتوى مشابهة عندما كانت مع أختي الراحلة منى في تايلاند....
بأن العلاج في بلد نسوانو كلهم عريانات ما فيهو بركة....
ان الفلبين تصدر الى هذا البلد الكثير من التنانير القصيرة و خصل الشعر الناعم جدا...
كلما صادف أن كان الجو رائعا مثلما هو الحال اليوم كان ذلك حافزا لهم ليعبوا الشوارع...
ان تنانيرهم تلك تقصر عندما يكون الجو باردا و عند الحر تقصر أكثر....
أكاد أجزم أن الطول ليس من ثقافتهم في شيء....
|
ومعقول زى ده نخلّى يخمِّر...
ولّا يجى واحد لفّاح يقلب الصفحة.
*********************************
بعد كده ممكن أجى بكره أو بعدين إن شاء الله.
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
سلام ولفحي
| Quote: لا تتعجل فبعض الكلام يذبح |
وامي ربنا يديها الصحه بتقول الكلمه زي الرصاصه لو طلعت مابترجع
وبتقول كلنا بنموت وبتبقى الكلمه الطيبه. وصدق الحبيب صلى الله عليه وسلم
( الكلمه الطيبه صدقه)
كنا جلس في جامعة الفرع وكانت هناك طفله صغيره تشحد قال لها احدهم انا زاتي
ماعندي حق الفطور! لم ترد عليه ورجعت بعد زمن وفي يدها مبلغ من المال وقالت
له: هاك حق الفطور امشي افطر!!!
اكيد ياراش هي خيارتنا في اسلوب المعيشه اما نوفر ونضغط على انفسنا في تحقيق
شئ في المستقبل(سياره فارهه او بيت) او لا نمنع انفسنا وما نشتهي ونشتري
اجمل الثياب وغيرها.
هِيَ النَفسُ ما حَمَّلتَها تَتَحَمَّلُ وَلِلدَّهرِ أَيّامٌ تَجورُ وَتَعدِلُ
وَعاقِبَةُ الصَبرِ الجَميلِ جَميلَةٌ وَأَفضَلُ أَخلاقِ الرِجالِ التَفَضُّلُ
وَلا عارَ أَن زالَت عَن الحُرِّ نِعمَةٌ وَلكِنَّ عاراً أَن يَزولَ التَجَمُّلُ
وَما المالُ إِلّا حَسرَةٌ إِن تَرَكتَهُ وَغُنمٌ إِذا قَدَّمتَهُ مُتَعَجَّلُ
وَلِلخَيرِ أَهلٌ يَسعَدونَ بِفِعلِهِ وَلِلناسِ أَحوالٌ بِهِم تَتَنَقَّلُ
وَلِلَّهِ فينا عِلمُ غَيبٍ وَإِنَّما يُوَفِّقُ مِنّا مَن يَشاءُ وَيَخذُلُ
م
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: عمر نملة)
|
صباح الخير ،،، يا وجوه الخير
أسعد الله صباح القلوب الطيبة
دعاء اليوم :
رب اغفر لي ولوالدي، رب ارحمهما كما ربياني صغيرا
==============================================
حكمة الصباح :
الكلمة الجارحة..كطرقك بالمسمار في الخشب..
والإعتذار كنزعك للمسمارم من الخشب...
ولكن هل تزول تلك الحفرة التي احدثها المسمار..؟؟
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
على فكرة يا شباب , مدير الرشيد الدنماركى دى ده , ما اظنو اكتفى بقمصانه التلاتة قاصدا التقشف , انها طبيعة وسلوك عملى هم متطبعين بها , الخواجات عموما , نظرتهم للملابس والسيارات ومتطلبات الحياة العصرية , نظرة مكسية بتوجه عملى عميق , وعلى فكرة النظرة دى , اصلها مربوط بايمانيات عميقة تربط الأشياء باصلها , على عكسنا نحنا فى دول العالم النايم , فقد طغت القشور وغطت على الأصول , يركبون الأندر قراوند , ونحلم بالبورش , يلبسون تلاتة قمصان ملونة وبنطلون , ودواليبنا متروسة بملابس لاحد لها ولا حصر , هم قدروا ينقلوا النظرة العملية دى الى واقع حياتهم الملموس , بينما لا تزال هذه القيم عندنا محبوسة فى اصلها الدينى السمح دون ان تفلح فى الأنتقال الى واقع حياة الناس , لمن يحكوا ليك عن زول زاهد , ضارب متاع الدنيا الزايل طناش , ننظر اليه باعتباره سوبر مان , الفكرة فى الحتة دى باعتبارها اصل مشكلتنا , حتى ولو كانت القيم حقتنا فى الأصل , وموجودة فى اصل الدين الصحيح , ولكن تطبيعها حياتيا , يحتاج لتبسيط وتطبيق عملى وانموذج وقدوة , اكتر من كونه محتاج لوعظ وارشاد (متعالى ) , نموذج الخواجة اللابس شبط ورداء , ده نموذج قديم قدم الخواجة المستعمر الكان فى السودان , يقابله مباشرة نموذج السودانى المتلفح بالجلابية الما خمج , حتى ولو كان مزارع بسيط , او نموذج السودانى اللابس البدلة التلاتة قطع , حتى ولو كان ارق حالا من ان يمتلك بدلة بقطعة واحدة , مع ضرورة ان نعرف , انو حتى الخواجة العندو بورش او اوستن مارتن لوغاندر حتى , تلقاهو بيركب المواصلات والاندر قراوند فى حياته اليومية , مش عشان عاوز يتقشف او يكون زاهد , لا , بس لأنو بيدى كل حاجة تقديرها الصحيح , الأندر قراوند كأداة مواصلات عملية , والبورش والسيارات الفارهة , كادوات ترويح وترفيه (فى موعده الصحيح والمناسب ) , عندها اهمية موازية ومساوية فى القيمة لحياته المتسمة بسمات عملية , لأنو عارف انو الدنيا والحياة , بتمشى كده , بى منهج عنوانه جسم سليم , وعقل سليم , وحياة عملية متوازنة
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: طارق جبريل)
|
زكريات جميلة ياطارق ....
ونشرها بين فترة واخري .... أجمل
يا خ انت اي قصة لازم تدخل فيها الخمرة ....
=============================
واضيف ليك يا منصور ...
لاننا فقر ... وولدنا في بلد الفقر ...
فلازم نتجمل ...
واذا حاول الواحد فينا يتواضع ... بقولو شوفو الفقير ده ...
اما هم ...
فبلد العالم الاول ..
حتي الفقير والمعدم فيهم .. لو شافوهو الناس ...
بقولو ..
بالله شوفو الخواجة المتواضع ده ...
اها يا ناس دي يحلوها كيف ؟؟؟؟!!!! لانو ده اصل الحكاية ... والواقع ....
======================
الليلة الخميس ...
دي عشان افشل اخونا ... الكوتش
باقي يوم واحد فقط ...
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ياسر نجيلة)
|
سلام
وسلام على الطيب الطيب عاشق البساطه
وانتوا ما سمعتوا قصة عيشة البساطه
للشاعر الشيخ محمد عثمان( شيكو)
دايرك تبقي و ابقى ليك شريك
نعيش عيشة البساطة و بالي دوام عليك
من مااخترتك انتي اتعطر طريقي
كل ما حلمت بيه اصبح شئ حقيقي
اتاريك انتي كنت في دمي وعروقي
نعيش عيشت البساطه وبالي دوام عليك
دعاء الصبح
الله يعطر طريقكم.
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: عمر نملة)
|
ودي هدية خاصة لودنا الكوتش ...
ًيقال إن اللغة العربية غدرت بالمرأة في 5 مواضع..
أولا: إذا كان الرجل مازال على قيد الحياة..فيقال عنه أنه..حي.
أما إذا كانت المرأة على قيد الحياة
فيقال أنها حيه...( أعاذنا الله من لسعتها)
ثانيا: إذا أصاب الرجل في قول
يقال عنه إنه مصيب...
أما إذا أصابت المرأة
فيقال إنها مصيبة ((ياساتر يا رب))
ثالثا: إذا تولى الرجل منصب القضاء
يقال عنه قاضي...
أما إذا تولت المرأة
فيقال أنها قاضية..
((القاضية هي المصيبة العظمى التي تنزل بالمرء فتقضي عليه..))
رابعا: إذا دخل الرجل مجلس النواب يقال عنه نائب..
أما المرأة فتصبح نائبه (( كما تعلمون النائبة هي أخت المصيبة))
خامسا: إذا كان للرجل هواية يتسلى بها ويحترفها.. فيقال عنه هاوي
أما المرأة يقال عنها هاوية
(والهاوية إسم من أسماء جهنم والعياذ بالله)
طبعا لا تنسون إذا صار طباخ {شيف}
و المرأة {شيفة} دي غايتو انا مافهمتها ...
شكراً للغة العربية على فزعتها ...
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ياسر نجيلة)
|
سلام تحيه
قرايه وشغل وبيت وزي الطاحونه مدور. الاسبوع الفات كان اجازه من المدرسه واشتغلت يوم الاثنين والثلاثاء
وماصدقت قلت ازيد الاستعداد لسباق الجبل وكنت اجري مسافات كبيره رغم الريح البارده شديد ، وكانت النتيجه
التهاب اللوزتين ويالله قدرت الاثنين مشيت الشغل. وبيني وبينكم قررت اعمل اضراب من المدرسه والشغل
امس مشيت الدكتور قال لي مالك قلت ليه التهاب بس بقيت كويس وماعايز امشي لا المدرسه ولا الشغل.
بعد الكشف قال لي لسه في التهاب ارتاح وارجع المدرسه والشغل الاسبوع القادم.
دي طبعا بركات الشيخ المنصوري. عشان كده فاضي واقابض هنا وهناك وافتش لي على بدره.
وقدرت نوع ما ان اقوم بانتاج خبز خاص للبيت فقط ومكوناته حليب،زيت زيتون، زبده، بيض، ملح، سكر، خميره
،حبه سوداء، زبادي ودقيق ابيض ودقيق اسمر. هو غذاء كامل وصحي. ومن نفس العجينه بعمل بيتزا اي زياده
طماطم، وجبنه، وبصل وزيتون واي انواع من اللحوم. المشكله جارتنا التونسيه وزوجها(طباخ محترف) قال دا خبز
مش عادي بس هم عايزين يشتروا( اول اربعه زبائن) المشكله تكلفة الخبزه وزن 300 جرام بتصل الي 0.70 يور سنت
وسعر الخبزه وزن 400 جرام ب 0.75 يورسنت. متوقع ان احقق نجاح كبير في انتاج حاجات حقتي انا .والعافيه درجات.
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: طارق جبريل)
|
صبحكم الله بالخير
ابوريم
الله يسلمك من كل شر. تعرف جاري في هولندا اسمه كلاس عمره زياده من 75 سنه
وزي المكوك وعمره ما ملك سياره، عجله بس رغم وضعه المادي الممتاز. بيقوم مع النجمه
(عندنا مزرعتين تبع البلديه) بنزرع حاجات بسيطه من الخضر وبعض الفواكه
وبيساعد المنظمات الحكوميه في تنظيم حدائقهم وبياخد فلوس من شغله معهم
وما شاء الله صحته جيده. كل يوم الصباح بقول ليه كيف حالك؟ بيقول لي لسه عايش
ويوم قلت ليه ماترتاح؟ قال لي انا لو وقفت بموت! عشان كده لازم اكون مدور.
والله بقت على مابقدر ارتاح ومدور. ربنا يدي الصحه.
الاسبوع مالو المره دي طول
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: عمر نملة)
|
يا نملة تحياتي ، متابع مشاريعك بكثير من الشغف ... اقترح عليك الاتصال بابتهاج فهي خبيرة بمعني الكلمة ... وليها خبرات خرافية في عمل المعجنات بكل أنواعها ... وعندها إطلاع ومتابعة دقيقة لفنون الطهي ... تلفونها 009665547136765 واكيد ستستفيد من خبراتها ... لو التلفون غلط ارجع لي وما تقوليها ملاني التلفون غلط بطلوا فاتن حمامة انا كاتب ليك من الذاكرة ... مع تحياتي ليك واشواق بلا ضفاف ..وربنا يوفقك ...
هوي يا جلاكين تحياتي , وبتونس مع الزول القدري
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: زهير الزناتي)
|
سلام تحيه
ابو الزوز تسلم على التشجيع. واكيد بتصل بااختي ابتهاج وما بفوت اي فرصه لاكتساب خبره
واليوم عرفت معلومه انو المعجنات بتكبر الشنب ما قاصدك انت قاصد الاتراك والصعايده
من بداية الكورس بوزع منتجات مجاني للناس ( الشغل، الجيران، اولياء امور اصدقاء اولادي
والمدرسين وكل من اتوقع او لا اتوقع ان يكون زبون في المستقبل) وقلت ليكم انه توصلت لصناعه خبز
مبالغه والان علي طلبيات من جارتنا التونسيه وزوجها الطباخ ( قالت اكل اخر خبز مجاني ليهم لحاله وقال
طيب كتير) وشهادة الطباخ غير شهادة الغير. وهناك اسره مصريه ابنهم زميل الطيب في المدرسه واسره جزائريه
اولادهم ايضا في المدرسه عملت ليه شرك خبز ساخن طري وقد تكلموا قبل رؤية الخبز وبعد ان وصلوا منازلهم
توالت الاتصالات عاصفه وحددوا كميات ثابته. وتقريبا وصلت الطلبيات الثابته الي 20 خبزه كل سبت و20 كل اثنين.
وحااعمل في اول تنفيذ للطلبيات عرق محبه( دا كان وقت البدره ياكوتش).
كانت خطتي بعد ان اخلص الكورس اعمل خبره وبعدها قرض من بنك تنمية الصناعات الصغيره. لكن اذا نجحت سياستي
بوزع من منازلهم وبكون محل صغير فيه مكنه متوسطه وفرن متوسط واحتمال دا يكلف ما يقارب 30000 يورو مما نعد.
في احتمال كبير في اجازة الربيع اسافر هولندا لعمل تدريب مع محل تركي.
وشوفوا القصه دي وقولوا لي رايكم
http://www.abunawaf.com/post-11345.html
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: عمر نملة)
|
في عام 1999 , قام لينو بتنويع تجارة شركته و قام بشراء شركة مخبوزات مشهورة
سبحان الله منذ وصولي الي بلجيكا شغال في مصنع جبنه ومن المصنع تخمرت وتبودرت
الافكار. وقلوا لعمنا لينو مكاموكا ما للبيع.
الكار دا لازم اتوسع في اقرب وقت. وقول لعمك لينو دير بالك من مكاموكا.
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: عمر نملة)
|
مساكم الله بالخير
يا سلام عليك يا نملوز و على اجتهادك...
يا رب أشوف مكاموكا اسم كبير منتشر في كل أرجاء الدنيا...
يبدأ من حيكم بي عشرين خبزة أيام الأحد و الاتنين...
و يتوسع ليشمل منطقتك ثم كل بلجيكا و منها الى هولندا....
و أنا واثق من انك ستحقق مبتغاك باذن الله طالما انك تعمل له بكل هذا الجد....
موفق ان شاء الله يا عمر(لينو)....
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: زهير الزناتي)
|
سلام
| Quote: و أنا واثق من انك ستحقق مبتغاك باذن الله طالما انك تعمل له بكل هذا الجد |
تسلم ابوامنيه
وفعلا كل كل نجاح اول خطواته فكره ودراستها . وضربت الوتر الحساس الثقه بالنفس واكتساب ثقه الغير
والتي تبداء باشياء صغيره منها معرفة اذواق الزبائن مثلا عبير المصريه طالبه 6 خبزات قالت 3 بدون ملح
( مانه بعمل 17 غرم لكل كيلو) والمعلومه دي بتتسجل في دفتر طلبات العملاء. واكيد الاهتمام هو اكبر معول للنجاح
وفي مجالي دا الزبون هو الملك وما في طريقه لناقشه في طلباته و اومره وملاحظاته وشكاويه.
وانا طرحت الفكره هنا عشان اتنور منكم( بحب الكلام البكيني).
ابو الزوز دفعتي
تذكر فيديو انت نزلتوا للصغير مجد بعمل عدة محاولات حتى نجح؟ استفدت كتير من تجربته وبحاول حتى انجح
ويكفيني شرف المحاوله.
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
Quote:
دي طبعا بركات الشيخ المنصوري. |
ومال ايه ؟؟!!!
يا خوى انحنا مشى ساى فى صيفكم داك جاب لينا لوز
تجى انتا داير تجرى فى الشتاء والأسنو ؟؟؟
ووين ؟؟؟فى الجبل
ياخى انتا مفترى جنس افتراء
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: منصور عبد الرازق)
|
Quote:
اقترح عليك الاتصال بابتهاج فهي خبيرة بمعني الكلمة |
يتخيل لى مرة سمعتا الكلام ده زماااااااان
زمن الشاى المقنن
* وطلع لافى شاى مقنن ولا معجنات , يا دوبك باسطة من صاحب زهير السورى داك
ومعاهوآيسكريم بى جنيه
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: منصور عبد الرازق)
|
لكن لو سمعتوا بعد فترة بى سابوتو السودانى
اعرفو طوالى انو سابوتو ده , ياهو نملوز بتاع الزقازيق
يعجبنى والله تركيزك على الهدف يا معلم
ما تربية بحر الشمال
بتعرف تسافر لى هولندا من اوستندا بتاعتكم دى , ولا اوريك
لو ركبتا قطر الساعة واحدة وتلاتة دقائق
بتصل بروكسل سنتر اتنين ودقيقتين
تكون قاطع الباكتش بتاعتك من محطتكم ديك , بعد ما توقف عجلتك فى الباركنج
وتلفح شنيطتك فى ضهرك , وتكون خاتى جواها عصيرين حمر , واتنين تانين صفر
من بتاعات الزيرو انرجى ديك , احى انا من عصائر الزيرو انرجى الملونة
اها داير تمشى هولندا وين , داير تصل لغاية امستردام ؟؟ ولا حا تنزل فى نوتردام الفى النص ديك
ولا كمان فى مشروع تانى ممكن تركب القطربتاع knock البينزلك فى حدود هولندا
بس اوعك تركب فى الأتجاه الغلط يقوم ينزلك فى الملاهى بتاعت حدود فرنسا (الأسمها شنو ديك ما متذكر)
اللى لغاية يوم الليلة ناس مجتبى واحمد وايثار ماسكين فى سيرتها
وفى مطرتها , وفى جبنتها وسلطة اسودها , الكنا بنأكل فيها لغااااية برشلونة ومدريد
احى انا منك ومن شمسكم اللى زى لمبة التلاجة ديك
عليك الله لسه فى حندكتها ديك , ولا اتصلحت وبقت شمس رجال ؟؟؟!!!
اها شايف عيشك بقى بالحجز , زى الموازاريلا بتاعت عمك الأيطالى داك
اقول ليك حاجة يا زول , احجز لينا سبعة عيشات كل يوم
تلاتة لو كاربوهيدريت , واتنين سولت فرى , واتنين اعطنهم فى العسل والسكر لامن يقولن بس
ورسلهم لينا ان شاء الله بالدى اتش ال , وكان قدرتا كمان رسلهم بالفاكس
نملوز يا حبيبنا
انى ارى رؤؤسا قد اينعت , وحان قطافها , وانك (لصاحبها ) و سيد سيدا كمان !!!!
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: منصور عبد الرازق)
|
دكتور قيس جمال الدين , بتعرفوهو ؟؟؟
متذكرينوا المسخوت داك ؟؟
يمين اليام دى حامينا النوم
محل ما نقبل نلقاهو ونشوفو , البعاتى ده
حايم بينا بى كراع ######
ما خلى لينا , مسجات , ولا ايميلات , وقدانا فى الفيس بوك قدة السنين
اظنو باسويرده بتاع هنا , رايح ولا ناسيهو فى ياتو درج من ادراجه الكتيرة ديك ما عارف
والا , كان برضو قداكم بى هنا
انا ذاتى استغربتا , لمن ما لقيتو قاعد بى جاى
لمن لقيتو ما فيش
قلتا اقدكم انا , قدة لى قدة , قلنا نحن اولى
اها , الموضوع شنو ؟؟
سألتو ؟؟ نجاوبكم يا حلوين ؟؟؟
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: منصور عبد الرازق)
|
الزول الأسمو قيس ده
لمن يتلح ليهو حاجة , بينجضها جنس نجاض
ليهو زى اسبوع او اكتر كده , داخلة ليهوفى راسه فكرة لمة زقازيقية
بس لاكن هى ما لمة
لمة السرور ان شاء الله
اتلموا ليها الناس , من الرياض دى كلها
ومن المزاحمية , ومن شقراء , ومن القصيم وبريدة
من جدة ومكة
من الشرقية والغربية
رابغ والدمام , وتبوك سكاكا الجوف
ورقصنى يا جددددددع
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: منصور عبد الرازق)
|
صبحكم الله بالخير
أنا في اجازة من أول شهر فبراير..
لكن نوع الاجازة الما بتعرف معاهو انك في اجازة و لا ما في اجازة داك....
كلما تجي رسالة لي ناس المكتب يضربوا لي تلفون...
عليك الله تعال شوف لينا المقاول ده عايز شنو....
و بقيت لا قادر أمشي أسلم على الحجاج في السودان و لا حتى أمشي عمره...
و شوقي للكوتش و جلا و صحبتهم و أكلة سمك كااااربة ان شاء الله من غير طحنية اتقطع لي في حناني....
لحدي ما نزلوني رسمي تاني و بديت من اليوم...
و ضاعت علي الاجازة و أكلة السمك و صحبة الكوتش...و العمره.....
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: منصور عبد الرازق)
|
سلام
Quote: التحية لأخونا عمر نملة وإجتهاداته
ومثابرته للوصل للهدف وربنا يا عمر
يوصلك مقاصدك وتكون أنت ومكاموكا
علم بارز من أعلام المدينة ،،،، |
التحيه لكبيرنا الذي علمنا النجاح. الان الطلبيات 40 خبزه يوميا
والربح فيها 6 يورو. وان شاء الرزاق تصل الي 1000 خبزه يوميا
ويكون ربحها 300 يور يوميا اي 9000 يورو شهريا اي 108000 يور سنويا
ان شاء الوهاب. واتخيل المشروع تم افتتاح محل لكل واحد فيكم. هي احلام صحيان.
Quote: ومال ايه ؟؟!!!
يا خوى انحنا مشى ساى فى صيفكم داك جاب لينا لوز
تجى انتا داير تجرى فى الشتاء والأسنو ؟؟؟
ووين ؟؟؟فى الجبل
ياخى انتا مفترى جنس افترا |
الان طالع اجري والجو فريزر والرهيفه التفقد.
ولازم اشارك في سباق الجبل 30/03/2013
ووين في سقط جبل.
منصور انت اكتر واحد استفد منه اقول ليك في شنو في الخطه البديله السريعه
بدون تردد . تذكر كنا عايز ناجر عربيه ولما الطريق استصعب مشينا محطه سكه القطر
وبرضوا ماوجدنا الحل واخيرا اتحل الموضوع من مكتب جيت شفت كيف عدم الاستسلام.
والله شايف عمك لينو قدامي بعجلته العامل فيه سبت قدام وسامع صوت الجرس كمان
شكرا للتشجيع. وابتهاج دي انا بتصل بيها ان شاء الله اطلع بسر صغير( لكن المدرس بتاعنا طلع
شفت ماعايز يطلع بعض الحاجات).
وليس بالخبز وحده يحيا الانسان بس كمان بدون الخبز بياكل لالوب.
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: عمر نملة)
|
Quote: يتخيل لى مرة سمعتا الكلام ده زماااااااان
زمن الشاى المقنن
* وطلع لافى شاى مقنن ولا معجنات , يا دوبك باسطة من صاحب زهير السورى داك
ومعاهوآيسكريم بى جنيه |
.
والله حالكم عجيب ما لكم مشككين في مقدرات
آل الزناتي وما ممكن يكون كلامه صاح ،،،
ونملة ده يستفيد من خبراتها ومقدارتها الإبتداعية
قايتو ناس حُساد بس!!!!
وعند جهينة الخبر اليقين!!!!
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: عمر نملة)
|
اها امبارح دى , الود قيس المكنى بمجنون ليلى
قال خلاص مرحلة الأتصال والتنسيق الشفوى التلفونى لنتهت
قص شريط مرحلة الأنجاز الفعلى
واتبع القول بالعمل
سيادته دعانا , لأجتماع عاجل وهام , فى منزل نا س البت فافى
والود ابو صلعة جنان , حاج الركز محمد عثمان
الود جايبورقه وقلمه
ومصطحب معاهو , الى جانب سليلة قهوة كسلا الحلوة الصافى لونها
وبعلها ابو صلعة سال شعرها الذهب
جابت ليها كمان , ملك الترتيبات , وحافظ مفاتيح معلومات اهل الزقازيق من حدهم
لاحدهم
موسى عيسى ما غيره , الذى ادهشنى بتلفونه النقال الذى اخرج لنا من ثناياه
ارقاما زقازيقية سحرية , تربو على الستين بل تزيد
وفى معيةالشادى كمال ,الذى اصطحب معه (اورغه) الذهب
وغاب عننا ,بالجسدوحضر فى البال والخاطر
جلال عثمانوابوعمر احمداسماعيل
كان الهدف , هوالتحضير ليوم زقازيقى مشهود ومحضور
ولكن الود قيس ادهشنا والجمنا , بأنكل شىء جاهز
اما القاعة,فهى فى مخرج تمنتاشر واسمها ينابيع
اما الكراسى والترابيز ,فهى مرصوصة وجاهزة وكمان عليها المناديل
واما العشاء ,ففيه ما لذ وطاب باشراف البت عفاف
واما سرامس الشاى والقهوة ,فشفنا العينةبراااانا
واما معلومات وهناوين الزقازيقييين الحاضرين
فقد خرجت من هاتف موسى عيسى , زى العقدالنضيد
رقم يتلورقم ,واسم يسابق اسم ,واستقرت فى هاتف الود قيس
الذى سيتولى الدعوات والتذكير ,من الليلة دى , والحاضر يكلم الغائب
لكن ده كللللوكوم , وبرنامج اليوم داك كوم تانى
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: منصور عبد الرازق)
|
اها , اليوم داك , قالوا اسمه بين الأيام خميس
ترتيبه من ايام الشهر اليوم السابع
اسمه من الشهور مارس , كان زمان شهر الكوارث
لكننا عازمون على تحويله , ليوم بهجة وسرور وذكريات صادقة ونبيلة
كلما نناديها , نقول حللللليييييلالالا
جاى فيهو مكى حمزة , بكتب ليك رسالة طويلة يا امى
والعصامى , وطنى عيونك ديل
وعماد شريف , المرة دى ما جاى من السويس
جاى من ابها , وقال انو يده ماكلاهو على الأورغن , من غناء احمد عوض لغاية ما بتقدر تتوب يا قلبى المودر
ولمن يلقى معاهو كمال الشادى , ويبدو فى ضنين الوعد , احتمال كبير ناس تقع تدق الدلجة
وجايينا مخسوس اسامة صديق مدثر , احتمال برضو كبير , يعمل لينا تنازل مكتوب عن ضنين الوعد
ونسجلها بى اسم ناس الزقازيق
جاى عصام دهب
جاى ميسرة
جاى النضيف
جاى جمال السنوسى
جاى خالد محى الدين
جاى وليد احمدون
جاى بروف الرشيد زكريا من قطر
جاى عادل الجعلى
وجاى العريس الجديد , محمد ابراهيم النمس
وجاية معاهم هاجر , هاجر منو ؟؟ اسالو الود المجنون قيس
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: منصور عبد الرازق)
|
جاى زهير الزناتى
ايوا والله , حا يخلى النفاج فاتح باب قراش ويجى
جاية ابتهاج
جاية منى يونس
حا يجيبوا معاهم امانى دفع الله
وسامى عبد الوهاب
وقالوا كمان جاى محجوب منقة
ودكتور مطيع , ودكتور احمد الفيصل
وحبيب الله كدام , ومدثر ابا يزيد , عصام جلى , واحمد السنى ,وعبد الله بشير
جاى كمان عبد الرازق نجم , وحمدى الفضلى , وحنان على , وزينب بشير
الفاتح ثابت وعفاف , الفاتح على بشير والتيمان وامهم
عاطف القوز , وعثمان الجدى
حامد الحبر وصلاح السر , عبد المنعم والصادق ابو سكين وعصام محمد احمد
وليد عبد الله كمان جاى , وموسى الراجل , ومكى عباس
قدورة جاى ومعاهو قمر الدولة ومالك يسن
وجاى كمان دكتور الفيل
وجاى زول من بعييييد , افضل ان اترك اسمه مفاجاة من مفاجآت الحفل
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: منصور عبد الرازق)
|
صباح الخير ،،، يا وجوه الخير
أصبحنا وأصبح الملك لله وحده،،،
دعاء اليوم :
اللهم احفظني من أعين الناظرين ومن كيد الكائدين
و من قلوب الحاسدين
ومن سحر الساحرين
برحمتك يا أرحم الراحمين
==============================
حكمة الصباح :
لو أطبقت السماء على الأرض
لجعل الله للمتقين فتحات يخرجون منها
======================
عرس الرياض قادم لا محالة
فأدركوا الركب ، أحبتي
ولنجعله لقاء لا مثيل له
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
إلى محبي أم در أمان
كتب الشاعر الزقازيقي
Hussein Shingrai
موال أمدر سلام
كلمات: حسين شنقراي
أمدر سلام
إجمالي
يغشاك يلثم
خد زي
مرايا يلالي
حلوة وجميلة
فيكي ليالي
مكتول في هواك
وإتقطعن أوصالي
--------
سلام للفيها
أحبابي
وكمان عزالي
سلام للهادي
فيكي إمام
والتاني أحلي
ضلالي
---------
سلام يسري
ويمر بي فوق
من البوستة
لي دردوق
يغشي الشهدا
يمشي السوق
ويلقي السينما
فيها تسالي
--------
سلام لي
كل زول فردة
سلام للساحة
والعرضة
وللماحي فيك
مرضي
وحاتك غير
المهدي
مابنرضي
وليهو الجناب
العالي
---------
سلام يا أهلنا
ودنوباوي
دوام فيها
القمر ضاوي
جميلة ما ليها
مساوي
وأريت يا ناس
تحس بي حالي
---------
أدق بي حنية
ياخي الباب
أقالد الشرفا
في الهاشماب
أحس بي قلبي
فيهم داب
وأكوس للجية
في الأسباب
مشغول بيكم
دوام بالي
--------
القي الجميل
وأسالم
وما ظني
أمرق سالم
عباسية
فيكي عوالم
مكتول فيها
يا عالم
وحبها فيني
طوالي
--------
سلام الثورة
والبنا
وديك أبروف
كمان جنة
سلام ليكي
الفؤاد حنه
دوام في
أحلامي بتمني
غرامك فرض
ما سنه
وفيكي أربي
أنجالي
-------
سلام روحي
يا العمدة
عليل بيكي
وكايس النجدة
ما لقيت
غير دواك أجدي
أهيم سائح
في هوي أمبدة
متين ألقاك
والعمر عدي
وأشرب موية
نيلك الحالي
-------
سلام أمدر
فراقها صعب
دوام بكتب
عريضة طلب
عساي أعرف
لي فراقها سبب
ود ورو هواك
فيني غلب
ملازمين فيك
وبيت المال
وحي العرب
هم قصدي
وغاية آمالي
--------
سلام أمدر
صحيحة وسالمة
حلاوة قلعة
فيك ومسالمة
أشوف عروسة
مكي سمحة
و كاملة
درة في السودان
ماكنتي أبدا
هاملة
تلفزيون ومسرح
وإذاعة ياما
شاملة
هوي الأوطان
فيها دايما غالي
--------
سلام أمدر
فيكي كل أحبابي
موردة وأبعنجة
وجنب الريفيرا
ركابي
خلاص في حبك
فقدت أعصابي
أريتني أعود
زي زمان
متصابي
أعيش فيكي
وأريح في
هواك بالي
--------
سلام للزول
العليهو بسمو
ديل الأشقاء
دوام في حوش
الزعيم إتلموا
رافع العلم
الناس في
ضراهو إنجموا
والعادهو سافين
التراب وياما
فيهو يخمو
ليك مني
كل السلام
وإجلالي
-----------
سلام درة
وطن ما خانت
فيك قبة
إمامنا للبلد
زانت
عاصيه علي
العدو وللحبيب
لانت
صالحة وفتيح
وقدامهم كمان
بانت
حرم لانسيتها
لافي يوم
علي هانت
درة غناي وهناي
وكتير موالي
---------
سلام بت بتي
والغزال طقطاقة
لابسه العلم
والرايه فوق
خفاقه
حافرات في
تاريخنا أجمل
طاقة
لابخلن بي
جهد للبلد
لا طاقة
نايرات زي أنوار
جميل بقاقة
بفراقكم نارا
كتير حراقة
سافرتن بيعد
وتاني ما بنتلاقي
ليكم مني
السلام فرادي
وكمان إجمالي
ومكتول في هواكن
وإتقطعن أوصالي
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
سلامات يا حلوين
Quote: جاى زهير الزناتى
ايوا والله , حا يخلى النفاج فاتح باب قراش ويجى
جاية ابتهاج
جاية منى يونس
حا يجيبوا معاهم امانى دفع الله
وسامى عبد الوهاب
وقالوا كمان جاى محجوب منقة
ودكتور مطيع , ودكتور احمد الفيصل
وحبيب الله كدام , ومدثر ابا يزيد , عصام جلى , واحمد السنى ,وعبد الله بشير
جاى كمان عبد الرازق نجم , وحمدى الفضلى , وحنان على , وزينب بشير
الفاتح ثابت وعفاف , الفاتح على بشير والتيمان وامهم
عاطف القوز , وعثمان الجدى
حامد الحبر وصلاح السر , عبد المنعم والصادق ابو سكين وعصام محمد احمد
وليد عبد الله كمان جاى , وموسى الراجل , ومكى عباس
قدورة جاى ومعاهو قمر الدولة ومالك يسن
وجاى كمان دكتور الفيل
وجاى زول من بعييييد , افضل ان اترك اسمه مفاجاة من مفاجآت الحفل |
وأنا كيف ؟؟؟
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: عمر نملة)
|
Quote: سلامات يا حلوين
Quote: والصالة حتكون في .... دبي ...
كيه للناس ... الغيااااااظة ....
اصبروا لي ... والرياض ...
وضيوف الشرف من السودان .( مفاجأة ). |
التأشيرة ... والتذاكر علينا ...
والكركدي ... وفول الدكوة ... والطلح .... عليكم ....
Quote: سلام
كل الحلويات والشكولاتات ... وكمان الساندويتشات ...
من ... مكاموكا ...
مجانا ومتضمنه خدمة التوصيل والتوزيع وتوزيع البارد
مع علبة شوكلاته اضافيه لاسر الضيوف والمستضيفين. |
انت تنجبر يا يابا ....
الترجمة عند الكوتش ...
==============================
غايتو ياناس الرياض ...
لوما صورتو لينا الحفلة ... بالفيديو ...
حنرشكم ... جمكسين تاني ...
غياظين خلاس ...
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ياسر نجيلة)
|
صباح الخير ،،، يا وجوه الخير
اسعد الله صباحكم أحبتي
دعاء الصباح :
يا فارج الهمّ ...... و يا كاشف الغمّ
أسألك بعزّتك و جلالتك أن تفرّج عنّي همّي و حزني
لا إله إلاّ أنت سبحانك ... إني كنت من الظالمين
حكمة اليوم :
يمتص القرأن الحزن من القلب كالإسفنج
إذا قرأته حزيناً كان كضماد
وإذا قرأته سعيداً
ضاعف تلك السعادة
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
سلام
عفوا اكسر ليكم تداخلاتكم ورجاء اتوقفوا وشوفوا موضوع الاغتصاب والحل المناسب
وزي كل الناس اول حاجه ختيتها في بالي هو اعدام الوحش الادمي بدون رافه
ورجعت ودورت في القران عن العقوبه الرادعه للاغتصاب ووجدتها انه يعامل معاملة
الزاني اي اذا كان المغتصب محصنا يرجم واذا كان غير محصن يجلد. وكم يوم ماتوصلت
الي حل ممكن يكون مناسب. واليوم في الشغل خطرت على بالي الايه( ولاتقتلوا النفس التي
حرم الله الا بالحق) ووجدت التفسير ان حق قتل النفس بثلاثه( النفس بالنفس، والزاني المحصن
والمفارق لدينه) وكنت اتمنى ان اجد في القران ما يدعو لقتل المغتصب ورجمه وفعل كل شئ
لكن نظل بشر رؤانا محدوده.
وبحثت في القانون الهولندي ووجت اقصى عقوبه هي السجن 30 سنه.
رجاء ماتعدوا الموضوع وعايز اشوف رؤاكم وخاص الموضوع مفتوح في المنبر والحاجه
الشايفها انه في اندفاع نسبه لهول الجريمه. ورغم اني وضعت الايه متوقع تجاوزها لان
النقاش وصل طور ما بعد الاعدام وهو تنفيذه في الميادين العامه.
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: عمر نملة)
|
يا نملوز ...
يا خوي ... خلينا في الشوكولاتة ...
ولكن إذا كان لابد ...
امسك الكلام المختصر ده ...
واتمني ان يفيد الحميع ...
اولا نجاوب على السؤال المهم ...
الفرق بين الزاني والمغتصب ...
الاغتصاب هو إكراه المرأة على الزنى،
أما الزنا يتوفر فيه الرضا ...
ثانيا: عقوبة الزنا والاغتصاب في الاسلام واحدة ... وبنفس الشروط ... مع بعض الفروق ...
فيشترط في الزاني الذي يقام عليه الحد ويلحقه الإثم: أن يكون بالغاً عاقلاً مختاراً غير جاهل بتحريم الزنى.
والزاني إما أن يكون بكراً، وإما أن يكون ثيباً ... كما اسلفت يا عمر ..
فالبكر الحر يجلد مائة جلدة، وبعض العلماء يجمعو لعقوبة الجلد التغريب لمدة عام ... يعني ينفي ..
مع ملاحظ ان التغريب يكون للرجل دون المرأة ...
والزاني المحصن، وهو من وطئ في نكاح صحيح وهو حر مسلم (يعني زنا المتزوج والمتزوجة)...
فحده الرجم بالحجارة حتى الموت ...
أما الاغتصاب هو إكراه المرأة على الزنى ...
ويختلف حكمه عن الزنى بالنسبة للمكرهة،(المرأة الضحية المغتصبة)
فلا حد على مكرهة في قول عامة أهل العلم ...
أما المكرِه "المغتصب - المجرم" ...
فحده الرجم إن كان ثيباً ...
والجلد إن كان بكراً ...
وزاد الشافعي ومالك والليث وغيرهم أن عليه صداق المثل ...
يعني يدفع مهر للضحية بقروش اليوم ومثلها من بنات جنسها ...
ونجي للمهم يانملوز والنقطة التي اثرتها ...
ويجب ان نفرق شرعا بين الاكراه (استخدام القوه) وبين التهديد بالقتل أو السلاح ...
وهنا يقول الشرع :
فإن كان الاغتصاب تم تحت تهديد السلاح ، أو تم خطف المرأة من ذويها بالقوة ،
صارت الجريمة حرابة ، (أي : قطع الطريق) ، وتثبت بشاهدين فقط ،
والعقاب عليها مذكور في قوله تعالى :
(إِنَّمَا جَزَاءُ الَّذِينَ يُحَارِبُونَ اللَّهَ وَرَسُولَهُ وَيَسْعَوْنَ فِي الْأَرْضِ فَسَادًا أَنْ يُقَتَّلُوا أَوْ يُصَلَّبُوا أَوْ تُقَطَّعَ أَيْدِيهِمْ وَأَرْجُلُهُمْ مِنْ
خِلَافٍ أَوْ يُنفَوْا مِنْ الْأَرْضِ ذَلِكَ لَهُمْ خِزْيٌ فِي الدُّنيَا وَلَهُمْ فِي الْآخِرَةِ عَذَابٌ عَظِيمٌ) المائدة/33 .
وينبغي التنبيه إلى أنه يقام عليه هذا الحد بمجرد اختطافه للمرأة بالقوة ، سواء حصل له مقصوده من الزنا أم لا .
لأنه بمجرد اختطافها صار (قاطع طريق) ،
فإن زنا بها صارت جريمته أشد . لأنه يكون جمع بين جريمتين : الزنا والحرابة .
والله أعلم.
ده بالنسبة للاحكام الشرعية ...
اها قصرنا معاك ...
اما الاحكام العرفية ...
لو عاوز بجيك راجيع ...
بس برضو لو خلصنا مكاموكا والشوكولاتة الاول ...
يكون أحسن ...
=========================
وح نجي راجعين للولدنا .. الذي
في كل بلد سوالو أولاد ....
هسع نداخل ونحلل ..
يقول لينا ... ياخي فهمتوني غلط ..
وينك ياموسي عيسي ....
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
سلامات يا حلوين
Quote: فيصل كنزي
تاريخ التسجيل: 26-02-2013
مجموع المشاركات: 2
Re: ولمن فاتهم الاستماع ..... (Re: محمد صديق)
عزيزى محمد صديق
تحياتى
أخونا و حبيبنا ياسر نجيلة ما قصر معانا , و كثمرة لمجهوداته المقدرة فقد إستلمت من الأخ الباشمهندس بكرى و قبل دقائق رسالة رقيقة حوت مفاتيح الدخول لهذا الموقع المحبب و التفاعل مع ناسى ناس الزقازيق , و خطر فى بالى أن أجرب اليوزر و الباسويرد بتاعى فى بوستك الرائع هذا , عسى أن نحصل على الفال و ننال البركة و بالمرة نسلم عليك .
|
يا سلام على الريّس ....
شوفوا بالله الريّس جاب لينا منو ؟؟
*********************************
أوع يكون بوّظت المفاجأة ؟؟
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
يا نملوز أثرت موضوع حساس ومنتشر
يعاني منه شعوب العالم أجمع وتمتاز
بعض الدول بالنسب العالية ،،،،
والإيجاز الشافي للريس نجيلة أوضح
كثير من النقاط ،،، ممكن توضع لينا
مغتصب الأطفال (بنات صبيان) نضعه وين؟؟؟؟
وهل يحق لنا أن نقصه من خلاف أي نطبق عليه حد الحرابه!!!
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
مساكم الله بالخير
حبيبنا نملوز من الشيكولاته لي الشكلوته كلها كم حرف و طعم مختلف....
اندهشت من معلومة ان السويد الأعلى نسبة في أوروبا من حيث جرائم الاغتصاب...
لأنني أعرف أن العلاقة بين الرجل و المرأة في السويد لا تحدها حدود و لا حواجز...
و يمكن أن يلتقي رجل و أمرأة دون سابق علاقة حب أو أي رباط...
مجرد أن يحتاج أحدهم الى الآخر يتفقا و يتراضيا ثم يذهب كل منهم بعد ذلك الى حاله...
و لان صحت معلومتي هذه فلا شك ان تلك هي الرسالة بان المجتمعات التي لا تسود فيها القيم النبيلة...
قيمة الزواج و الأسرة و العفة...
فانها الأكثر عرضة للظواهر السالبة و التي يكون الاغتصاب واحدا منها...
ولدنا سابقا و ريسنا حاليا ياسر نجيلة ما خلى شاردة و لا واردة...
و برضو المعلومة كانت جديدة بالنسبة لي...
كنت أعتقد ان الاغتصاب في حد ذاتة يعتبر حرابة أو افساد في الأرض و يستوجب حد الحرابة....
سواء أن كان المغتصب محصن أو غير محصن...
الا أن شيخ ياسر جزاه الله كل خير فصل تفصيلا وافيا....
لا أود أن أقول بأن القوانين الرادعة في بعض القوانين الوضعية يستحقها من يغترف مثل هكذا جريمة....
لكن الواقع ليس مثل الشريعة شيء...لا قانون وضعي و لا غيره..
فان خالق العباد أعلم بما يجب أن يحكم حياة العباد....
شكرا نملوز و شكرا شيخي ود نجيلة....
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: الرشيد بابكر)
|
سلام
مرحب فيصل كنزي ومنور والبيت بيتك. وحظك لقيت موضوع الاغتصاب بس ديواننا دا كل شوكلاته
وحاجات حلوه.
Quote: فالبكر الحر يجلد مائة جلدة، وبعض العلماء يجمعو لعقوبة الجلد التغريب لمدة عام ... يعني ينفي ..
مع ملاحظ ان التغريب يكون للرجل دون المرأة ...
والزاني المحصن، وهو من وطئ في نكاح صحيح وهو حر مسلم (يعني زنا المتزوج والمتزوجة)...
فحده الرجم بالحجارة حتى الموت ... |
ابو عمار كفيت ووفيت.
في الفتره السابقه تم اعتداء 13 شخص على فتاه عمرها 14 سنه بعد تخديرها. وقد حكمت المحكمه باعدام 7
والسجن ل 6 لانهم دون السن القانوني. ومااظن السبعه التم اعدامهم محصنين وغالبا مايكونوا غير محصنين
اكيد جريمة الاغتصاب بتهز كل المجتمع. لكن اتوقف في اثباتها والاحتمالات المترتبه عليها مثل فتاه ابلغت
انه تم اغتصابها خلينا نضع احتمال 99% انه تم اغتصابها. الاحتمال المكمل للحاله نفرض عايزه تنتقم من الشخص
لاي سبب كيدي. يعنى موافقه وقالت ما جزاء من اراد باهلك سوءا. وهل حد الرجم دا بيطبق في الناس سواسيه؟
ارجع للمغتصبين في السودان واغلبهم من الشماشه الذين حرموا من كل شئ. يعني الدول والمجتمع مشارك بصوره مباشره
في حرمان هذه الشريحه. وقول دا التمن البندفعوا سواء كان انتقام منهم او كان جاهل بذلك والدليل الدراسه التي عملت
على اطفال الشوارع في السودان ووجد تفشي ظاهرة الاغتصاب في وسطهم وارتفاع نسبة الاصابه بالايدز.
وتاني حاجه في شخص المغتصب هو احتمال كبير انه يعاني من مرض نفسي.( في نقاش اليوم في المدرسه عن الاغتصاب
ذكرت احد الزميلات عن احدى المجرمين الذي يغتصب الاطفال ويقتلهم انه تم سؤاله لماذا تفعل ذلك؟ اجاب لانه بيتستمتع بذلك؟!)
يعني زي دي غير مجنون يقولوا عليه شنو؟
ماعايز تفهموا كلامي اني مع الجاني وبتعاطف معاه. لكن دا الواقع والاعدام بيفتح الباب بان يهدد جزء كبير من الناس بان يورطوا
في قضايا اغتصاب. واحتمال بعد تنفيذ الاعدام تظهر برائة المعدم وفي الحاله دى ماممكن نرجع الحكم.
وشايف مطالبين الان بتنفيذ العقوبه في الميادين العامه( شاهدت تنفيذ اعدام في اليمن على قاتل مازلت ندمان على ذلك
وحتى يومننا هذا احس بشعور اقل مايقال عنه كابوس. يعني كيف يتم الاعدام في ميدان عام في السودان ويشاهد الاعدام
الاطفال والشيوخ والنسوان وبعد الاعدام تنفض الناس يديها وتمارس حياتها اليوميه!
المغتصب ظلم من المحتمع مرتين مره عند اغتصاب حقوق شريحه من المجتمع وردت اغتصابها باغتصاب لان الفهم العندو
ان كل شئ يوخذ اغتصابا. والمره الثانيه انه يشوف قتل انسان في ميدان عام ( مغتصب اواحتمال يكون غير مغتصب)
ليه اثارة السلبيه اكتر من الايجابيه. مثل غرز روح التشفي والانتقام ودينا سمح. وابتزاز من في يده السلطه بورقة افتح ليه بلاغ بالمادة
xxx وهي الاغتصاب,( جنابو انت معاي).
ابوعنار جاب الحكم الشرعي يا ليت اسمع رايكم.
Quote: ممكن توضع لينا
مغتصب الأطفال (بنات صبيان) نضعه وين |
والله ياريس غلبني وما لقيت غير انه انسان مريض يعني اغتصاب طفل ما قادر حتى استوعبها وما بيعمل العمليه
دي الا انسان ماطبيعي. لكن الحيرني 13 يتفقوا على اغتصاب دي ماعرفت وين اصنفهم غير انهم مرضى مجانين مهوسين
ضاربين البدره سلسيون . والدليل خدورها يعني خدروها بي شنو؟
ياريس بشوف المشكله اكبر من موضوع اغتصاب المشكله في نظر الدوله لافرادها ومعاملتهم بانهم فيران تجارب.
اطفال الشوارع لقوا شنو مننا ومن الدوله غير المطارده الدائمه.
يا ليت لو في دراسه على المغتصبيين عشان نقدر نصلح مايمكن اصلاحه.
| Quote: اندهشت من معلومة ان السويد الأعلى نسبة في أوروبا من حيث جرائم الاغتصاب |
مش الازهري قال الحريه نور ونار من اراد نورها فليصطلي بنارها. اكيد ياراش نسبه كبيره منهم تحت تاثير
المخدرات( ما هي سواء كانت بنزين او هيروين( معانا يا بدراوي)).
Quote: فان خالق العباد أعلم بما يجب أن يحكم حياة العباد....
شكرا نملوز و شكرا شيخي ود نجيلة.... |
دا المحيرني انه تم استباط حكم المغتصب وما نزل بصوره مباشره.
وياريت تتفهموا الطريقه الحاولت افهم بيها.
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: عمر نملة)
|
مساكم الله بالخير
نملوز بعض الاجابات المنقولة والتي أجدها منطقية لبعض الأسئلة المطروحة...
Quote: خلينا نضع احتمال 99% انه تم اغتصابها. الاحتمال المكمل للحاله نفرض عايزه تنتقم من الشخص
لاي سبب كيدي. يعنى موافقه وقالت ما جزاء من اراد باهلك سوءا. وهل حد الرجم دا بيطبق في الناس سواسيه؟ |
" وقد أجمع العلماء على أن على المستكرِه المغتصِب الحدَّ إن شهدت البينة عليه بما يوجب الحد ، أو أقر بذلك ، فإن لم يكن : فعليه العقوبة
(يعني : إذا لم يثبت عليه حد الزنا لعدم اعترافه ، وعدم وجود أربعة شهود ، فإن الحاكم يعاقبه ويعزره العقوبة التي تردعه وأمثاله)
ولا عقوبة عليها إذا صح أنه استكرهها وغلبها على نفسها ، وذلك يعلم بصراخها ، واستغاثتها ، وصياحها "
يعني اذا لم تثبت عليه الجريمة يعاقب عقوبة تعزيرية....
Quote: وتاني حاجه في شخص المغتصب هو احتمال كبير انه يعاني من مرض نفسي.( في نقاش اليوم في المدرسه عن الاغتصاب
ذكرت احد الزميلات عن احدى المجرمين الذي يغتصب الاطفال ويقتلهم انه تم سؤاله لماذا تفعل ذلك؟ اجاب لانه بيتستمتع بذلك؟!)
يعني زي دي غير مجنون يقولوا عليه شنو؟ |
تختلف الأسباب التي تؤدي بالمجرم إلى ارتكاب فعله ، وقد اهتم العلم الجنائي الحديث بإبراز أهم هذه الأسباب ،
فمنهم من عزا الأمر إلى أسباب خِلقية إذ اعتبروا أن غالبية المجرمين الذين يقومون بالجرائم الجنسية يمتازون بخصائص معينة ،
فهم يتمتعون بطول الأذنين ، وبعيون مسحوبة ومقتربة من بعضها ، وأنف أفطس ، وذقن طويل ، ومنهم من عزاه إلى أسباب صحية ،
كالعيوب في إفرازات الغدد الدرقية ، والخلل في الجهاز الدموي ، والاضطراب في الجهاز العصبي .
أما الأسباب النفسية فهي متعددة ، كالرغبة في التفريغ عن الشحنة العدوانية ، او الإصابة بمرض السيكوباتية ،
وهو المرض الذي يصيب الإنسان في خُلقه ومعاييره ، او الإصابة بالجنون ،
والملاحظ ان هناك عدة أنواع من المغتصبين وهم - إضافة إلى المغتصب الفردي - المغتصب الجماعي ، ومغتصب الأطفال ، ومغتصب المحارم .
Quote: ماعايز تفهموا كلامي اني مع الجاني وبتعاطف معاه. لكن دا الواقع والاعدام بيفتح الباب بان يهدد جزء كبير من الناس بان يورطوا
في قضايا اغتصاب. واحتمال بعد تنفيذ الاعدام تظهر برائة المعدم وفي الحاله دى ماممكن نرجع الحكم.
|
في البداية لا بد من الإشارة إلى أن لفظة اغتصاب لم يرد ذكرها بمعناها المعاصر عند جمهور الفقهاء ،
وإن كانت وردت بمفهومها الحالي على لسان رسول الله صلى الله عليه وسلم حيث قال : " غصبها نفسها " ،
أما الفقهاء فقد اصطلحوا على تسمية هذا الفعل بالإكراه على الزنا ،
ومن هنا جاء الحكم على هذه الجريمة عند الجمهور بأن هذه الجريمة تستوجب حد الزنا لأن غاية المغتصب من جراء هذا الفعل إشباع حاجته الجنسية ،
بينما اعتبر فقهاء المالكية أن هذه الجريمة تستوجب تنتفيذ حدّ الحرابة لأن مرتكبها مفسد في الأرض ،
فقالوا : " إن الحرابة في الفٌروج أفحش منها في الأموال ، ولأن الناس كلَّهم ليرضون أن تذهب أموالهم وتُحرَب من بين أيديهم ولا يُحرَب المرء في زوجته وبنته " .
ما هي أهم سبل الوقاية من هذه الجريمة ؟
- من المفيد للحدّ من تفاقم خطر هذه الجريمة إيجاد الحلول العامة قبل الحلول الخاصة ، وبتعبير آخر إيجاد حلول للعوامل الاجتماعية والاقتصادية،
وبث المبادئ الإسلامية السليمة ، وتوعية النساء بالهدف من وراء الدعوة إلى الإباحية ، وفرض الرقابة على الإعلام ، والالتزام بالآداب الإسلامية في نشر الخبر ،
ومساعدة المجرم على التوبة ، والعمل على مساعدة الضحية حتى تتجاوز محنتها ، والأهم من كل ذلك تطبيق حدود الله سبحانه وتعالى ،
وقد قال رسول الله صلى الله عليه وسلم : "حد يعمل به في الأرض خير لأهل الأرض من أن يمطروا ثلاثين صب
الليله بري شديد....
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: الرشيد بابكر)
|
سلام
Quote: ما هي أهم سبل الوقاية من هذه الجريمة ؟
- من المفيد للحدّ من تفاقم خطر هذه الجريمة إيجاد الحلول العامة قبل الحلول الخاصة ، وبتعبير آخر إيجاد حلول للعوامل الاجتماعية والاقتصادية،
وبث المبادئ الإسلامية السليمة |
عليك نور رشدي
هي دي النقطه اساس حل المشكله. العدل من مجاميعه خلى يحكمنا كيزان او فيران. معقوله الناس قاعده تتفرج وتنظر في السياسه وكل الميزانيه
ميزانية حروب( قلت لي حد الحرابه) ما البلد في حالة حرابه من اصله.
دا كل كوم وموضوع الاعدام في الميادين العامه. ما ساحة السجون المركزيه شهدت كم اعدام والعايز يتفرج بيمشي بكامل ارادته. يعني الطفل المغتصب
نغتصبه مرتين مره من الوحش ومره بمشاهدة الاعدام.
ووين علماء السودان ما سمعنا صوتهم ولا في مواضيع اهم. ربنا ينصر كل مظلوم
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: عمر نملة)
|
ألف مرحب بعزيزنا وحبيبنا ابن الزقازيق وتجارة
ولدنا فيصل محمود الكنزي
الشهير بفيصل كنزي
قنب طولا يا ابن صلالة الجميلة
يابرلوم : اول تعال لينا من الباب الرئيسي ... بهنا ....
بعدين ادخل ... الغرف ....
======================
ان شاء الله ... حنربها ليكم .... ربه تمام ...
الجاين كتااااااار ...
بس دعواتكم ...
ورسلو لي معلومات كل واحد عاوزينو معاكم هنا ...
[email protected]
وربنا يسهل ...
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ياسر نجيلة)
|
سلامات يا حلوين
يا نملوز الموضوع من مواضيع الساعة ...
متابع معكم ..
Quote: يابرلوم : اول تعال لينا من الباب الرئيسي ... بهنا ....
بعدين ادخل ... الغرف ....
|
جنس حسادة...
ياخ الزول بيخش برجلو اليمين.
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ياسر نجيلة)
|
صباح الخير ،،، يا وجوه الخير
اسعد الله صباحكم أحبائي
دعاء اليوم :
سبحـان مـن أيـَد اليتيـم بجبـريـل
ودمَـر أبـرهـة بطيـر أبابيـل
أن تعيننا على ذكر وشكرك
وحسن عبادتك ،،،،،
=========================
حكمة الصباح :
أن تجد كنز من كنوز الزقازيق النادرة
حولنا فتكون سعيداً ،
فيصل الكنزي درة زقازيقية تجيد الكتابة
والتعليق نرحب بيه جميعاً وخيراً فعلت يا ريس
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
البلو نايل..
كانت الخرطوم حينها خرطوما..
وكانت السماء هناك صافية والناس يتراحمون تحتها عند خاصرة النيل..
وكانت الحواري تغوص في محبتها ومتعتها دون خوف أو وجل..
كان يوم الخميس حينها باعثا للبهجة والسرور..
كانت «أركان» الحي مرتعا للتلاقي والبهجة بين شباب الحي..
كان لـ«المغربية» نكهتها الخاصة..
رائحة «المقنن» و«اللقيمات» و«الطعمية» كان لها وقع خاص جدا..
حتى المتزوجون كانوا يشعرون بسرور غامر ما أن تتلوى أدخنة «الطلح» كثعابين تتسلق السماء..
كانت الأحلام في المتناول ومطالب الناس لا تتعدى ستر الحال وابتسامة تعلو الوجوه..
كنا نلتقي هناك بإلفة ومحبة كبيرين..
«يا شباب (الأيام) كاتبة عن البلو نايل الليلة فيها فيلم سمح.. أها الشورة شنو» يقول إبراهيم..
«والله مكاوي لو قدر يجيب بوكسي ابوهو بتكون نايمة نوم وحق العشا بنباصرو» يرد السر كاوندة..
«وبعد السينما الدافوري في حدايق مايو وكدة الخميس بيكون ظااااااااابط صاح» يأتي صوت إيهاب «بهلة»..
«أنا بجيكم للدافوري طوالي لأنه شغال ليل» يقول عبد الوهاب هجو..
«انا معاي 150 قرش» يرد قدورة وهو «يدردم سفته»..
«خلاص إبراهيم لم الكنجالات وانا بباصر البوكسي ويا بهلة شيل معاك الكورة
وجيبوا لبس الدافوري في كيس عشان بعد السينما نمشي ندفر صاح» يرد مكاوي..
«من هسي العشاء عند ست الفول بتاعة الديم ولا انا ما ماشي» يقول السني..
«يا شباب كدة حق السينما والعشاء ظابط»...
ما أن نتخطى شارع «القيادة» حتى يرسل إلينا النيل الأزرق بعضا من نسائمه..
عند مرورنا بشارع الجامعة تتراءى لنا كشافات «الميدان الشرقي» معلنة عن مباراة قوية قد تكون بين هندسة وعلوم..
فصيحات وتشجيعات «جكس علوم:
علوووووووووووم» تبدو أكثر وضوحا من مشجعي الفريق المنافس..
قبل أن يتوقف مكاوي بشكل تام نكون قد قفزنا من البوكسي في اتجاه شباك التذاكر
ونحن نموت ضحكا من قفشات كاوندة على «الجكس النضيف» الذي أتى لينعم بفرجة ممتعة لفيلم «lying moon»..
حين نتخذ أماكننا قبل إطفاء الأنوار تبدو السينما كـ«بازار» كبير تعلو وتخفت فيه أصوات الناس بين القهقهة والهمهمات للمحبين..
فقط حين يحل الظلام لا صوت يعلو فوق صوت «ماكينة الأفلام» وبعض أصوات «ناس البركس»
الذين يتخذون من الأشجار وسطوح الداخليات مكانا لمتابعة «lying moon»
وحين تأخذهم «النشوة» من قُبلة للبطل والبطلة تجدهم يصيحون بصوت واحد: عِلووووووووووووووووووووووووووم..
وحينها فقط يتذمر «أصحاب اللوج» من هكذا صراخ وفي جهة «الشعب» يعم الضحك..
ما بين التذمر والضحك فقط طابق علوي.. وكلُ يستمتع على طريقته..
إلى أن تحين الاستراحة حيث يذهب «ناس اللوج» إلى بوفيه السينما حيث «البارد والسندوتشات»..
ونغوص نحن في كراسينا مع «قراطيس التسالى» وقفشات «ناس البركس»..
الكل كان يستمتع بلون الحياة التي وهبها لنا الخالق..
حين ينتهي الفيلم نذهب نحن إلى «دافوري حدائق مايو» ومنه إلى حاجة «محاسن الديامية» حيث الفول والكوارع..
ويذهب «ناس اللوج» إلى «أتني» وبقية المطاعمة الفاخرة..
لم يكن هناك مشروعا حضاريا يدمر حياتنا..
ولم نكن ننظر لـ«أصحاب اللوج» بنوع من الحقد..
ما دام التعليم مجانا والصحة في المتناول كان الفيصل بيننا «مقاعد الدراسة»
وبمحبة كبيرة ودون وجل من قادم الأيام..
ليت عجلة الزمان تعود إلى سابق عهدها..
حقيقة « لماذا يحبّونه وكأنّهم يكرهونه ويعملون على إعماره وكأنّهم مسخّرون لخرابه؟»
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
سلام
Quote: يا نملوز الموضوع من مواضيع الساعة ...
متابع معكم . |
جنابو عليك الله روينا القانون السوداني ايش بيقول؟ وخاصه في
الطلب بتاع الاعدام في الميادين العامه. وعايز اعرف المغتصبيين
ديل من اي شرائح؟ خاصه الاعدموهم في الايام دي.
ود جبريل انت الناس مالهم مولعين الطلح مربين نحل؟!
| |
|
|
|
|
|
|
|
| |
ياسر نجيلة
عبد الدائم سيد أحمد
محمد صديق
زهير الزناتي
الرشيد بابكر
عمر نملة
ميسرة سيد أحمد
منصور عبد الرازق
طارق جبريل
فيس بوك
تويتر
انستقرام
يوتيوب
بنتيريست