نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: ناس الزقازيق ... أجدع ناس (6) (Re: محمد صديق)
|
سلامات يا حلوين
Quote: يا جنابو قال ليك كل شيء يرخص إذا كثر إلا العلم ، فإنه إذا كثر علا
والله مجاراة القطرة بتعلم البخل يا منصور ، والحكاية دي باينة فيك
|
شكراً أبو عمر للإضافات المعرفية .
وقطرة منك وقطرة منو وقطرة منى ....زيادة.ممكن تكون بحر.
خليهم يقطِّروا أحسن من يغيبو.
| |
 
|
|
|
|
|
|
|
|
Re: ناس الزقازيق ... أجدع ناس (6) (Re: أحمد إسماعيل)
|
Quote:
سلامات يا حلوين
واستعينوا على قضاء حوائجكم بالكتمان. |
كتمان اكتر من كده ؟؟
كل يوم قالبها ... يا انقلابى
صحى عسكرى ...
***********
وين الريس الجديد ...؟
حنرفع عريضة احتجاج ونعمل اعتصام
تانى ما بنسمح ليهو باجازة .. ولا خميس ولا جمعة
ياخ الرئيس محمد مرسى شغال بدون مخصصات وبيشتغل 20 ساعة فى اليوم
نجمع توقيعات ؟؟
| |
|
|
|
|
|
|
|
|
Re: ناس الزقازيق ... أجدع ناس (6) (Re: محمد عيد)
|
نعم ... انتو بتقولو في شنو ...
=======================
انا لما اجيكم الجمعة والخميس ...
البكوي ... ويغسل منو ....
هاهاهاههههههههههههههه
ياخي اولادي بقو كباااااار ...
وعضلاتم ... تبش ...
انا مابقدر اصارعم في كمبيوتر البيت ....
بعدين فلانة دي ... واقفة لي ألف أحمر ....
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ياسر نجيلة)
|
صباح الخير ،،، يا وجوه الخير
دعاء اليوم وكل يوم :
اللهم صلي وسلم وبارك
على نبينا وحبيبنا محمد واله الطيبين الطاهرين
سبحان الله و بحمده عدد خلقه و رضا نفسه و زنة عرشه و مداد كلماته
==================
حكمة الصباح :
من عجائب الإنسان
إنه يستفز من سماع النصيحة
وينصت لسماع الفضيحة
=================
من الملاحظ بأن هناك مسابقة بين
الكوتش وبكري أبو بكر
كلما ندخل بحمد لله وشكر الله نجد الكوتش
عامل مداخل ونقطة وسطر جديد ،،،
بكري يقوم يقلب الصفحة حتى لو كانت مداخلات الكوتش فقط
ما عارفين من سابق مين؟؟؟؟؟؟؟؟؟؟؟
يا أخ بكري ما عصرت على صفحاتنا دي شديد وأصبحت
أقصر من جلابية أنصار السنة !!!
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
Quote: سلامات يا حلوين
******************
شايف ( قطرات الصباح ) مُبشِّرة .
رحم الله ليلى المغربى . |
اسمو ....
(نفحات الصباح) ....
روضة الحاج
الأن ينكسر القصيد
(إلي ليلي المغربي )
أبكل عام ياجراح
ستثقبين علي القلب مزراباً
وتنتظرين إعصار الشجون بكل عام ؟؟
أبكل عام سوف نضحك خيفةً
ونظل نرقب خوف أن تأتين في الوقت الحرام
أبكل عام تحرجين تمسكي
في أن أظلّ علي دروبِ العطر والأنداء
رغماً عن شجي جرح تعذر أن يراه الإلتئام
وإخترت هذا العام ذبحي هكذا
ثقبان يستبقان نزفاً
لا ككل جراحنا
فقد مضن ( ليلي)
وقد راحت ( هيام )
نص
قولي
فوحدك كنت سيدة الكلام
قولي فوحدك من بنت بيتاً علي ظهر السحاب
وسافرت حد الغمام
قولي
فمن طرقات بيتك كنت ألتقط الحصي والزهر
أنتظر النسيم إذا هفا صوبي
لأعرف كيف تختصر الفصول
وكيف يبتدر السلام
ليلي
===================
بعدين انا ما "مسكوك" ....
انا جاري .... بمزاجي .... 
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
صباح الخير ،،، يا وجوه الخير
دعاء اليوم :
اللهم إنا نسألك من خير ما سألك به محمد صلى الله عليه وسلم ..
ونستعيذ بك من شر ما استعاذ به محمد صلى الله عليه وسلم ..
============
حكمة الصباح :-
أغضب كما شئت ،،، ولكن لا تجرح أحداً
أفعل ما شئت ،،،، ولكن لا تظلم أحداً
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
برنامج نفحات الصباح ....
وابداعات ولدنا موسي عيسي .... في الفيس بوك ..
الورد لو جيتي جنبو بقطفك ما بتقطفي
والعسل بهجر مناحلو ويرشفك مابترشفي
قلبي فارش ليك ازاهر خشي جوا وشرفي
إلا بس شيشك عليهو إجتياحك خففي
وفي الدخول خليك حنينه نبضوا أوعى توقفي
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: طارق جبريل)
|
صباح الخير ،،، يا وجوه الخير
أصبحنا وأصبح الملك لله وحده،،،
دعاء الصباح وأحلى صباح للناس الحلوه الطاعمة
أجدع ناس ،،،
الهم ارزقنا النظر إلى وجهك الكريم ..
اللهم ارحم موتانا وموتى المسلمين ..
واشفي مرضانا ومرضا المسلمين ..
حكمة المؤمن ضالته:
إذا جلست في الظلام بين يدي الله استعمل أخلاق الأطفال ..
فالطفل إذا طلب شيئاً ولم يعطه بكى حتى يأخذه ..
فكن أنت هذا الطفل وأطلب حاجتك
========================
البوست ده أمبارح إختفى بيكون لحق أخونا جلا
النمر الغائب !!!!!!
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
سلامات يا حلوين
Quote: الورد لو جيتي جنبو بقطفك ما بتقطفي
والعسل بهجر مناحلو ويرشفك مابترشفي
قلبي فارش ليك ازاهر خشي جوا وشرفي
إلا بس شيشك عليهو إجتياحك خففي
وفي الدخول خليك حنينه نبضوا أوعى توقفي
|
الزول ده ناوِى ولّا شنو ؟؟!!
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
| Quote: الزول ده ناوِى ولّا شنو ؟؟!! |
النية بقت ....
خشم بيوت ...
=======================
Quote: عندما سمعت وقع اقدامه اصطنعت النوم.
حتى لا يشعر أنّها كانت فى إنتظاره حتى آذان الفجر.
وحينما وجدته لا يعيرها أى إهتمام.
فقط كان يبحث فى الدولاب عن شئ ما.
قالت لنفسها: لابد أنه مازال غاضب منى
بسبب ما تلفظت به من قول قبل أن يتركنى ويخرج.
لا بد من أن أستسمحه وأصالحه بعناق لا ينفك إلا بظهور الشمس.
قامت فى خفة. وفجأة ألقت بنفسها عليه.
سقط على الأرض مغشيا عليه.
.إنتابتها هيستيريا من الفزع على رفيق العمر
وعند محاولة إفاقته خرج منها صوت
اهتزت له الجدران وافاق عليه الجيران.
حرااااااااااااااااااااااا ااااااامي
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
سلامات يا حلوين
Quote: البوست ده أمبارح إختفى بيكون لحق أخونا جلا
النمر الغائب !!!!!! |
جلا ..أنا بجيبوا ليكم.
كان ما الليلة ، بكرة .
****************************
البَيَاضْ ...يدفعوا الريِّس ...مال ودهب ...أصلو ناويين.
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
سلامات يا حلوين
********************
الرشيد بابكر...ولمن فاتهم الإستماع
4/7/2012
****************************
أين صاحب هذا الدكان...
.
.
.
و الله مشتاقين...
حتقولي طيب أرفع تلفونك و كلمني...
حأقول ليك و لا مشغولين..
لكن خليني أهديك كلمات عاطف خيري دي لحدي ما تجينا صاد....
.
.
.
والله مشتاقين
أقراك مرّة صاح
عكس إحتشادك فى الحضور
هل غاب معاك وعى الطريق
أم بيكى زكـّانى الزمن
ماشيك وعارفك يا حريق
فى يوم غماماتك بجن
فرهد غيابك أغنيات
ظلت أراضى اللقيا بور
بلقاكى يا كل الطيور
مسجونة والحرية سور
وبلقاكى بيناتنا الثبات
وبيناتنا شمس البكرة فى لحظة مخاض
*******
طول الوجع رشـّح مواطن العافية فيك
خلانى أرجع وأبتديك
وأقراكى من كل الجهات
ومابين أقابلك ومشتهيك كان حلمك الأول
ترفْ
وكنتى الصبية الغايبة
فى زحمة حجا وكلمة شرف
كنتى الزوايا الميتة فى متحف خزف
كنتى الوصايا العشرة واللون الشحيح
****************************************
خدمة توصيل وكده.
وسؤال عن الرشيد ...وبرضو عصام دهب وقدورة.
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
| Quote: وسؤال عن الرشيد ...وبرضو عصام دهب وقدورة |
فتشت فى الصفحات من 9 الى 12 لم اجد الرشيد
وحتى انا زاتى .....
،،،،
نملوز ازيك وشايف البلجيك اتحدو البرد ونزلو لللاستحمام والسباحة
فى بحر الشمال فى راس السنة ... وخفت عليك تتهور و تقلدهم .
،،،،
يا باكستانى سنة 86 ماكان فى انتفاضة و لا اكتوبر
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
مدخل
من يبيعني تجربتي بأغنية
وحكمتي برقصة في الطريق
؛؛ وليم بليك ؛؛
تذكر الآن وبدقة فقرة من الخطاب الذي أرسله صديقك الشاعر من الغربة ، ( يشاركني غرفة الغربة ( طارق ) من الخرطوم و ( محمد ) من مدني و ( أبوبكر ) من الأبيض وهم أشخاص عاديون ) أعجبك الوصف .. لم يكن من الصعب عليك أن تتخيل كيف يكون هؤلاء الأشخاص عاديين .. أو أي شخص آخر ... خاصة إذا جاء الوصف من شخص مسكون بالإبداع والشفافيه .. هاهو الوصف يعود إليك مرة أخرى من جديد .. وصف زملاء غرفة الغربة ، غير أن الوصف هذه المرة ليس لأشخاص .. هذه المرة لأيام هي الأيام العادية .. ها أنت مستلق على ظهرك وسيجارتك مضى أكثر من نصفها تحدق في السقف الذي يرتفع أمام عينيك ثم يعود ليستقر إلى وضعه الأول ثم لايلبث أن يعاود الكَرة ثانية ... مؤكد أن حركة السقف علواً وهبوطاً كانت لاتعنيك في شيء .. أكثر ماكان يتجول بخطى حثيثة على رأسك هي حكاية أن هذه الأيام عادية .. ويأتي الوصف هذه المرة منك أنت فأنت تصف أيامك بأنها عادية ولا يجد غيرك صعوبة في فهم أو تخيل كيف تكون أيامك عادية رغم أن دواخلك لايسكنها الإبداع أما الشفافية فصفه لاتستطيع أن تلصقها بدواخلك أو تنفيها ... دائماً تقول لنفسك بأن عادية الأيام هي التي تدفعك إلى أن تجدل حبلاً من السأم والملل تعلق به نفسك كل يوم وتمارس عادة التدخين بشوق حميم .. أين زمان الدهشة ..؟ زمن المفاجآت والترقب ؟ سؤال لا تجد كبير عناء في التوصل إلى إجابته .. ذاك زمان كان ؛؛ غيبته أيامك العادية هذه .. أعماقك تنكر أيامك هذي .. كأنما الحاضر لايعنيك أو بالاصح لايعجبك .. دائماً تردد قول الشاعر الذي مات وهو يلعن حاضره .. وكان يتمنى لو تمكن من الرجوع إلى أيامه الاولى بل ذهب إلى أكثر من ذلك حيث عرض تجربته الواسعة والذاخرة لقاء يوم واحد من النقاء .. دائماً تردد أبياته :
يومي عريان ......
يومي أقسى عرياً من جذع الشجرة
فلأحفر في ماضي الأيام
لعلي ألقى بعض الأعشاب النضرة
إذن فأنت تعاني من ثنائية الماضي والحاضر .. الحاضر دوماً دميم وكالح .. الماضي لهو الزمان الجميل كل الأشياء الحلوة كانت .. كل الوجوه الحلوة كانت .. هل تعود ؟ سؤال بحجم الدهشة .. تشعل سيجارتك الثالة وأنت على نفس الوضع ، ومازال السقف يمارس هوايته في العلو والهبوط وأنت لايعنيك ذلك .. كان بالإمكان أن تكون لك زوجة وأولاد لو أنك وافقت على الزواج من تلك المرأة الغنية ، وقتها كانت الشابة الغنية – لم يكن ذلك ممكناً .. أنت لاتؤمن بالزواج من غير حب كنت دائماً تردد في سرك (جُننا بليلي وجُنت بغيرنا وأخرى مجنونة بنا لانريدها ) وفي الحال تتحول إلى كتلة من الضحك المتدحرج .. ربما يظنك البعض مجنوناً لايهم .. وتلك التي كنت تحبها ويُحب ناقتها بعيرك .. ماذا جنيت من وراء حبها ؟؟ كنتما زوجين عاشقين ... زمن كان فيه الحب مباحاً ورائعاً .. كنتما في قمة الإنسجام، كذاك الذي ينشأ بين زهرة وغصنها أو بين عطر وزجاجته ..لطالما جبتما شوارع المدينة الغريبة متماسكي الايدي والدواخل ولطالما شهدتكما مطاعمها الأنيقة ومشاربها الراقية .. لم تتركا موضوعاً لم تتحدثا فيه .. حتى شكل البيت وأسماء الأولاد وطريقة تربيتهم وتعليمهم .. ماذا حدث بعد ذلك ؟؟؟
في أيامكما الأخيرة وبعد أن احسستما سوياً بان هذه الزهرة لايفترض ان تكون بهذا الغصن وأن هذا العطر كان ينبغى وضعه بزجاجة غير هذي .. تذكرت ماقاله ( أحمد ) بطل رواية ناظم حكمت ( الحياة جميلة ياصاحبي ) ( وسرنا ثلاثتنا سوياً .. جنباً إلى جنب .. أنا وأنوشكا والفراق ) ، وطار العصفور !! وبقيت الشجرة بدون اوراق ، عارية .. مجرد جذع .. كجذع شجرة شاعرك الذي مات والحسرة على الماضي الجميل لا صقة بحلقه .. وهنا أيضاً تتحول إلى كتلة من الضحك المتدحرج ثم تعود إلى وضعك القديم وتشعل سيجارتك وتنظر إلى السقف الذي مازال يعلو ويهبط ومازال علوه وهبوطه لا يعنيك في شيء .. يدخلك الماضي من كل الأبواب .. وبعنف رياح الشتاء .. كأنما دواخلك أرض مشاع رياح الماضي شتوية الملامح تفتح دولاب تذكاراتك القديمة بشقيها الحلو .. والمر.. تتذوق طعم الحلو تتحسر على ذهابه .. حتى المر لايخلو من حلاوة شوقك يطير على جناحين أبيضين بغية التوحد بالماضي .. كنت أحياناً تجاهد كي تستأصل الأشواق من قلبك .. تجاهد أن ترميها ببطن جب عميق . تجاهد أن تنسى حلاوة روعة الماضي وقسوتها .. ولكنك دوماً كنت تضبط الشوق إلى أيامك الماضيات مخبوءاً بأوردتك . وأنت لم تزل تمارس تلك الآفة والسقف يمارس هوايته ..
صديقك المجرب كان يقول عليك بأنك إنهزامي كبير عاطل عن الحلم والتطلع إلى الزمن الآتي..
تلوذ بالماضي وتدفن نفسك داخله ... تقتات الذكريات وغير قادر على صناعة الايام القادمات وتطويع الواقع وأن مفهوم الجديد عندك هو المرأة وليس غيرها ... تختلف معه بالطبع إختلافاً كبيراً وحقيقياً أنت ترى أن الإنهزامية هي الجمود .. والتطلع والرجوع إلى الماضي هو حركة وبشوق طبيعي إلى السمو والتجدد والدخول في الأشياء الحلوة .. والحاضر يطالبك بالجمود بقيوده التي يحيطك بها وحتى هذه الأحلام التي يتحدث عنها الصديق لا يعطيك الحاضر مساحتها الممكنة وعدم الرضا عن الحاضر هو نوع من الرفض لرداءة الحاضر .. والرفض هو حركة عكس الجمود .. فليس ثمة إنهزامية في كل ذلك .. نتفق معه في شيء واحد هو أن الجديد دوماُ إمرأة .. كيف لا ؟ والمرأة حياة بأكملها ، عالم ملئ بالحركة .. تيار مستمر ومتجدد ، دخولها إليك وأنت تمارس رفض الحاضر كفيل بأن يرسم تلك الأحلام عن الأيام القادمات والتي يتحدث عنها الصديق ولكن أين هي المرأة ؟؟؟
تشعل سيجارتك الأخيرة وتقذف بالعلبة الفارغة إلى السقف الذي مازال يعلو ويهبط والذي مازال علوه وهبوطه لايعنيك في شيء .
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
محمد صديقى يا كوتش وين المداخلة
بتاعتي الصباحية ، غريبة عملت مداخلةالصباح
وما لاقيها ،،، يا ورب مين بيكون سارقة
يا ريس نجيلة أعمل لينا تحقيق
وشوف ليناالمداخلة دي راحت فين
بس ما تسأل الول جلا
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
يا جماعة والله اللوم الشديد ما جينا باركنا للريس الجديد ، يمين ياسر نجيلة ده عايز الضبيحة ، لكن قالوا اللوم بيجي بالغفلات ....
بعدين النكتة خطيرة ، انا غايتو قاشر بيها .... بس ما قاعد اقول المصدر .. لو عايز حقوق المؤلف ما عندنا مانع نقول واحد صاحبنا اسمه ياسر نجيلة قال وقال
البيت عامر ... انشاء الله نشاط وهمة ... ورجع للبوست ألقه القديم .....
الشكر لكل الشلة فرداً فرداً ....
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: زهير الزناتي)
|
| Quote: يا جماعة والله اللوم الشديد ما جينا باركنا للريس الجديد ، يمين ياسر نجيلة ده عايز الضبيحة ، لكن قالوا اللوم بيجي بالغفلات .... |
زارتنا البركة !!!!
يا رب كمان يزورنا
كمال الشادي
وهناي داك وكلهم يا رب !!!
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
مساكم الله بالخير
و الله متابع و مستمتع بس ما قادر أجي أقعد و أتوهط بي مزاج...
بعدين صفحات بكري الممحوقة دي بتخلي الواحد يظهر و كأنو غاب كتير...
زي ما قال ديدو من صفحة 9 لا أنا و لا هو....
لكن الصفحات من 9_12 دي كلها ما تساوي ليها صفحة واحده من صفحات زمان...
كل شي بقى ممحوق الزمن ده حتى صفحات بكري ديل...
حسه عليكم الله من بتين الكوتش ده قاعد يقلب ليهو صفحة....
و لا كمان مرات تلقى صفحة كاملة ما فيها غير الكوتش...
ده شنو ده..مافي زول حيصدقكم...قال 25 قرش قال.....
لكن الكوتش رغم انو عارف الصفحات ممحوقه لكن ضرب لي تلفون يسأل مني....
يا زول مالك من صفحة 9 ما ظاهر...
قلت ليهو علي نذر...
شكرا يا كوتش على التلفون النهاري الجميل...
خليتني أشعر بأهميتي بعد ما فقدت الأمل...
طبعا القصة النزلها ليكم الكوتش فوق دي المره 514....
هو قايلنا عندنا زهايمر و حنقول ليهو يا سلام يا كوتش....
لكن القصيدة بتاعت عاطف خيري النزلها في الصفحة الفاتت و قال أنا نزلتها قبل كده...
ما متذكره كلو كلو....
الظاهر أنا زهايمري في عاطف خيري بس....
بكره مشغول و بعد بكره الجمعة و يوم السبت فاضي...
ممكن تسمحوا لي أغيب عنكم يومين ..
و لا حأوحشكم...قولوا لي حتوحشنا نظام رفع معنويات كده...
انتو أصلكم ما بتعرفوا تجاملوا...
أشوفكم على خير
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: الرشيد بابكر)
|
نملوز ازيك وشايف البلجيك اتحدو البرد ونزلو لللاستحمام والسباحة
فى بحر الشمال فى راس السنة ... وخفت عليك تتهور و تقلدهم
ابو العناب
الناس ديل خلف بيتنا تصدق؟! وانا جاي في الطريق شفتهم
وقبل كم يوم اشوفهم في قناة العربيه قلتياساتر ماتكون لفحتني
كميرا.
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: عمر نملة)
|
ها أنت مستلق على ظهرك وسيجارتك مضى أكثر من نصفها تحدق في السقف الذي
يرتفع أمام عينيك ثم يعود ليستقر إلى وضعه الأول ثم لايلبث أن يعاود الكَرة ثانية ...
مؤكد أن حركة السقف علواً وهبوطاً كانت لاتعنيك في شيء .. أكثر ماكان يتجول بخطى
حثيثة على رأسك
ياكوتش برسل ليك الشوكولاته بس رسل لي من نوع السجاره دي ان شاء الله بدره
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: عمر نملة)
|
اها ياكوتش ...
الجماعة ظهرو ...
وعدتك انو اب شنب ... يظهر ...
والراجل ماخذلني جا ... وشايل خروفو كمان ...
منور يا ابوالرجال ...
بس ياتو نكته العجبتك ...
انا قلت اتنين ...
وانت اكيد عجبتك الاولي ....
===========
والله عمر شوكولاتة كمان ...
جيتو فرحتنا ...
بالرغم من اني رحبت بيهو في كلمة الافتتاح السلمت فيها على الناس كلهم
وذكرتو وشكرتو بالرغم من انو ماظهر ...
لكن كنت واثق مابخذلني ...
اقعد وامرح يا اوالطيب ...
والسجارة والبودرة ...
حنرسلها ليك بااااااااااااااااردة ....
======================
رشيد القوم ... الشوق بالكوم ...
وانت في البال ... بدون سؤال ...
ومعاك النضيف ...
خشو ساي ...
الاماكن بقت محجوزة ...
وقلب الصفحة بقي ... بالقطرة .... او الفزورة ...
شوفو لي مبارك جادين وين ... ياناس ...
======================
الريس ميسرة ...
ماعاوز احلف ...
ولكن انا امس الصبح شفت مداخلتك كانت اول مداخلة
قلبت الصفحة ...
وكنت عاوز ابارك ليك انك خطفت القلبه من الكوتش ...
ولكن اختفت في ظروف غامضة جدا ...
وتصدرت مكانها مداخلات ... الكوتش ابو قطرة ...
يا شباب ماتتهمو جلا ... فهو برئ ...
المتهم ظاهر .... وباين ...
شوفو الاستفاد من سحب المداخلة منو ...
وكما قال الحكيم ابو عمر في أحد امثالة ....
"حاميها حراميها ... وبالقطرة راميها" ....
جايكم ... وصابيكم ... وهاريكم ...
بالرغم من انو اليوم الخميس ...
ولكن ولدنا محمد عيد هرشني ...
قال دوام الريس ... 20 ساعة زي دوام عمنا مرسي ...
واجازة مافي ... لا جمعة ولا خميس ...
والا يسحبو ... العدة ... ويدوها لمنص ...
وانا بصراحة عايش بالعدة ....
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
والله عمر شوكولاتة كمان ...
جيتو فرحتنا ...
بالرغم من اني رحبت بيهو في كلمة الافتتاح السلمت فيها على الناس كلهم
وذكرتو وشكرتو بالرغم من انو ماظهر ...
لكن كنت واثق مابخذلني ...
اقعد وامرح يا اوالطيب ...
والسجارة والبودرة ...
حنرسلها ليك بااااااااااااااااردة ....
ابو عمار
راجعت الصفحات الاولى لقيت مداخلاتي كلها ما موجوده ؟!وتقريبا كنت اول من تداخل
في بداية العهد الجديد .
انتظر مني مداخلات دسمه والايام دي داخلين على شغل الشكولاته مع المعجنات
علي الايمان ناس الشغل والجيران وزوجتي وصاحباتها وحتى ان راجع بقيت اوزع
للناس في القطر . كل الناس بقت لما تشفوني اشوف ليك اللعاب سايل
مبالغه
عايز ارسل الشكولاته السودان بس زياده من 21 درجه الشكولاته بتروح في خبر ساح
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
ساعات قليلة ...
ولكنها بالجد جميلة وترد الروح
قضيناها سويا في مدينة المال والجمال
مع رجل الأعمال
الوجيه سامي عبد الوهاب ..
فأول أمس - يوم الثلاثاء - تحديدا
قاعد في البيت مستكين ومتسلطن ..
(طبعا في المسا - بعد المغرب)
رن الهاتف وظهر على الشاشة اسم المتصل
ابن مدينة الجبيل الصناعية
درة الشرق الأوسط في الصناعة والأعمال
وبعد سلام سريع ...
يا زول انت بتتكلم من وين ...
أنا بتكلم من هنا من جمبكم ...
آنا في دبي ...
يا خي انا كنت حاسي من صوتك انك قريييب ...
بالرغم من تلفونك بتاع السعودية ...
كدي قول لي انت نازل وين ...
والله انا في فندق ...
طبعا الاسم ما وقع لي في التلفون ...
دبي فيها مليون فندق ...
وكلها أسماء ... بالرطانة
طيب يا سامي أنا هسع فعلا مشغول جدا
معاي ضيوف ...
طبعا كنت "مهنضب" والد بت الشيخ كان مشرفنا ...
وما ممكن ازوغ منو في أول ليلة ...
وتانيا كانت هناك مباريات ربع النهائي
الامارات والكويت ...
وبعدها العراق والبحرين ...
يازول انت اسع احضر المباريات دي ..
وانا بكرة ان شاء الله بجيك بعد المغرب ...
بس عليك الله رسل لي رسالة
باسم ورقم تلفون الفندق ...
وبالامس المسا ...
طوالي اتصلت باستقبال الفندق عشان اخد الوصف ..
طبعا من موقع الفندق ... عرفت انو النضيف والوجيه
لا يسكن الا في المكان الصحيح ...
ارقي منطقة بها فنادق في دبي ....
مابين المركز التجاري العالمي (أرض المعارض) ...
وبرج خليفة (ابرز المعالم)
ولما وصلت الفندق بالوصف ....
قعدت نص ساعة اضحك ...
الناس دي مجنونة ...
ماكان من الأول يقولو لي ...
الفندق ده نفسو البناية "المشتحة"
كما يحلو لي وبت الشيخ بتسميتها ...
أو كما يقول ابني عمار ...
عندما ممرنا ذات يوم بشارع شيخ زايد .. واكتمل معظم معالمه وقتها ...
" ديشششششششاك عاينو العمارة دي "مقدودة" كيف "
والله الناس ديل لو اختصروا الموضوع وقالو لي من الأول
العمارة المشتحة او المقدودة من النص ..
كان وصلتهم بدون الوصف وصرف الكلام الكتير والاسم الصعب ده
DUSIT THANI HOTEL
<
ماتمشو لسة .... حاقدكم كمان وكمان ...
مش الليلة الخميس ....
ابو الطيب واصل ... ياحبيب ...
خلى مطر الكوتش ... يرشنا ....
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ياسر نجيلة)
|
المهم وصلت الوجيه ...
وكانت الجلسة ... الماخمج بالغرفة 2704
والونسة والذكريات ...
انا متأكد كلكم جاتكم "عشراقة" ده لو ما اتخنقتو عديل كده
ماخلينا زول ما رشيناهو
من اليمين واليسار وحتي الوسط ...
حتي البطقع بالحجار في دور الانتفاضة ...
عشان يقابلو بالشبك ..
لي البمشي وخاتي يدينو جوه جيوبو .... وبدنقر راسو ...
غايتو صعب جدا تختزل ذكريات كم وعشرين سنة ... في سويعات ...
اعفو لينا كلكم ...
والزول ده يا الرشيد نيتو كانت سليمة جدا ... والله العظيم
كان من المفترض اليوم المساء آو غدا نكون معك حسب برنامجه ...
ولكن نسبة لقدوم أخته من الرياض مع أولادها لقضاء الإجازة معهم بالجبيل
فقرر الرجوع اليوم ... بدل يوم الجمعة غدا...
حتي يكون معهم يوم الجمعة ... لأنه اليوم الوحيد
الممكن يتفرغ فيهو ويفسح للاولاد ... طول اليوم
وطبعا نحنا الخسرانين يارشيد القوم ...
لأنو بزيارتك ... اكيد حنطلع بواحد من الثلاثة (آو الثلاث مجتمعه)...
الشاي المقنن ... الما خمج على أضواء الشموع والبخور (وهذا اضعف الإيمان)
عشوة كاااااربة يتوسطها صحن الفول "المدنكل" وياحبذا لو مشينا واكلناهو من القدرة طوالي بالنادي السياحي ...
طبعا ده فول الشيف " مساي " نظريتها ان الفول ابوعيون بطرد سحر العيون ...
ولا تعلم بهذه النظريات ...
طردت ولدنا الرشيد ... من اكلاته المفضلة ..
آو ملاح قرين اخضر بالشمار وسلطة الأسود ... وده لو كان هجومنا يوم الجمعة ...
ولكن عزره كان وجيه ... زيو ....
انت يارشا ... نجاة والاولاد جو ولا لسه عزابي ....
طبعا سوف يغادرنا الوجيه اليوم مع وعد أكيد بزيارة أطول ويكون بها تنسيق مسبق ...
عشان نكمل "النقه" ....
الجلسة كانت بدون توثيق بالصور ....
زمن مافي .... المرة الجايه ان شاء الله ...
انا حاسي اليوم حيكون مميز ...
بظهور بتنا احسان عبدالعزيز ....
لسة سهرة الخميس مابدت ..
ويستمر ... البري ...
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
أجدع ناس
السلام عليكم ورحمة الله وبركاته
فعلا كانت جلسة ما منظور مثيلا
مع الزول الجميل ياسر نجيلة... يا سلاااااااااااااااااااااام.. ياخي دي ونسة طاعمة خلاص
وياريت لو كان الزمن سمح بأكثر من هذه السويعات
ياسر والله أخجلتمونا بهذا الكلام الجمبل وهو بالتأكيد أكبر من شخصي الضعيف... وياسيدي كتر خيرك كتير
ونرجو من الأخ الأكرم الرشيد والأخت نجاة أن يجدو لي العذر في عدم تمكني من الوصول إليهم نسبة لتغير موعد عودتي للسعودية
ويا ياسر لسة الكلام بينا ما خلص
وأكيد لنا عودة إذا ربنا مدّ في الآجال
التحية لكم جميعا
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
صبحكم الله بالخير
Quote: ونرجو من الأخ الأكرم الرشيد والأخت نجاة أن يجدو لي العذر في عدم تمكني من الوصول إليهم نسبة لتغير موعد عودتي للسعودية
|
يا خاينين....انت و ياسر نجيلة يا سامي...خاينين...
ياخي طيب تلفون ساكت على الأقل نسمع صوتك المتأثر بجو الامارات...
و جمال الامارات و مولات الامارات وخضرة و مياه الامارات...و الوجوه الحسنة...
و الريس الجديد الخاين ده استأثر بيك لوحده...
أنا كنت أصوت ليهو لدورة تانية لكن غيرت رأي...
و امكن كمان أدعو البرلمان لسحب الثقة منو....
يا خاينين...
| Quote: مداخلات الخميس زاتا ما خلت فينا ضهر للغسيل والمكوة. |
البسمع كلامك ده يا كوتش يفتكرك كتبت ليك معلقة...
ما ياها قطراتك دي...
و مداخلتك الطويلة دي كانت كوبي بيست...
زي قطراتك دي أنا بعملها و أنا شايل الآيباد و أنا بتمشى في الكورنيش....
مع اني ما عندي آي باد و لا قاعد أتمشى في الكورنيش...
يا كوتش غسل غسيلك و أكوي مكوتك ساكت بطل الأعذار الما بتتبلع دي....
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
مساء الخير يا شباب
الليلة السبت ومدعوسين شديد في الشغل
حاولت المتاوقة إلا غلبتني خالص
بقيت زي الزول العندو خرمة شديد
وبفتش ليها على سيجارة ، ده هو حالي اليوم
الوجيه سامي عبدالوهاب مرحب بيك كتير ومشتاقين أكثر
نملوز ما تنسانا في الشيكولاته ،،، رسل لينا مديدة شيكو
يا ريس سير بعون الله
| |
|
|
|
|
|
|
|
|
 Re: ناس الزقازيق ... أجدع ناس (6) (Re: ميسرة سيد أحمد)
|
صباح الخير ،،، يا وجوه الخير
دعاء الصباح :
يا ودود يا ودود ، ياذا العرش
المجيد ، يا مبدئ يا معيد، يا فعالا لما يريد،
أسألك بنور وجهك الذي ملئ أركان عرشك
وأسألك بقدرتك التي قدرت بها على جميع خلقك
أن تمن علينا بكرمك وعطفك وجودك
وأن ترزقنا من حيث لا نحتسب
آمين،،،،،
=================================
حكمة اليوم :
عندما تحب شخصاً من قلبك
لا تتغير مشاعرك تجاهه
حتى لو تكررت أخطائه
لأن العقل هو الذي يغضب
فأما القلب يظل ينبض بالحب
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
صبحكم الله بالخير
ذاكرة الابداع
كانت متعتي لا تحدها حدود و أنا أمزج بين الألوان حتى أصل الى اللون الذي في خيالي...
أحيانا أنجح و أحيانا كثيرة أفشل في الحصول عليه و لكني في الحالتين كنت سعيدا...
ثم أضع الفرشاة عليها حتى تتشرب تمام باللون الذي توصلت اليه...
ثم أمررها على قطعة القماش المثبتة على الوح الذي أمامي و كأني بيكاسو أو راشد دياب....
زاد من متعتي و تحفيذي كلمات أمنية لي....لم أكن أعرف ماذا أفعل بدونك...
أنا محظوظة لكوني أملك أب فنان مثلك...
بلغة انجليزية لا أذكر انني كنت قادر على التحدث بها حتى بعد اكمال Reader 6.....
لا أذكر انني أوليت أمرا ما اهتماما و كانت هناك مباراة مهمة في كرة القدم....
مثلما فعلت هذه المرة...فلقد انشغلت تماما عن مباريات بطولة الأمم الأفريقية...
ربما لأن المباريات لم تك ترقى لمستوى المشاهدة...
لونت سيقان و أفرع الأشجار كما يجب و كذلك أوراقها وزهورها...
و لكنني عندما هممت بتلوين العصافير الثلاثة في لوحتي وقفت حائرا...
فاستعنت بكمبيوتري بحثا عن صور ملونة للعصافير فوجدت ضالتي...
وجدت مئات الصور فاخترت أسهلها أو أقلها ألوانا ...
أخذت أمزج الألوان مرة أخرى و ألون العصافير...
لم تكن النتيجة مرضية بالنسبة لي..فالألوان ليست تماما كتلك الألوان التي بالصور...
ولكن صيحة أمنية ووووووواو عند مشاهدتها للوحة أراحتني قليلا....
كنت كثيرا ما أستغرب لماذا يلبس الرسامون الأوفرأول عندما يشتغلون بالرسم...
و لكنني عرفت السبب عندما نظرت الى ملابسي و كفي و الأرضية تحتي....
فالبرغم من صيحات الاعجاب الصادرة من أمنية و التي جعلتني أشعر و كأني فنان عظيم....
و تصورت انني من الاحترافية بمكان بحيث انني لن أترك أي آثار على ملابسي....
الا أن المشهد العام أثبت غير ذلك و تأكد لي ان صيحات ابنتي لن تجعل مني محترفا...
لقد كنت في مرحلة ما من عمري أجيد الرسم خاصة رسم الوجوه....
و لكني توقفت لفترة طويلة عن ذلك حتى بدأت أستعيد ذاكرة الرسم بعد دخول أبنائي المدارس...
فكنت أسعد كلما طلب منهم في المدرسة عمل لوحة أو تصميم شعار...
فأسهر اللليالي أخلط الألوان و أحرك الفرشاة بسعادة غامرة....
و أسعد أكثر عندما أجد لوحتي معلقة في أحد الأروقة بمدرسة أبنائي....
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
ياسلاااااااام ... بيكاسو ذات نفسو ....
انا سعيد ... بالعودة الجميلة ...
وما تزعل ياحبيب ...
المرة الجاية (حسب وعد الوجيه سامي)
حنشرب الشاي ... على انعكاس ألوان لوحاتك ...
==================
سلام خاص لناس الرشاش ... والقطرات
ولـ سيد الاسم ... الريس الأصلي ....
ماعدمناكم ... كلكم ...
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ياسر نجيلة)
|
صباح الخير ،،، يا وجوه الخير
دعاء الصباح :
رب لا تحجب دعوتي ..
ولا ترد مسألتي ..
ولا تدعني بحسرتي ..
ولا تكلني إلى حولي وقوّتي ..
وارحم عجزي ..
=====================
حكمة اليوم :
أحرص على أن تفصح عن مشاعرك
للآخرين قبل رحيلهم ،،،
فالدموع لا تعيد الراحلين،،،
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
Quote: اتفق أهل القرية ان يضعوا برميلا في ساحة القرية,
و أن يأتي كل منهم بكأس من الحليب فيصبه فيه اعانة للفقراء و المحتاجين ..
احدهم فكر و قال سأملأ كأسي بالماء و أصبه في البرميل و لن يشعر بي أحد ,
في اليوم التالي فتح أهل القرية البرميل فوجدوه مملوءا بالماء لا بالحليب!
العبرة لا تقل لن يشعر أحد بفعلي , عملي لا يؤثر على من حولي,
|
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ياسر نجيلة)
|
صبحكم الله بالخير
صاحب المعجزات يا حليل زمان وجيلو .. ان مشي في الارض وحش القفار يأويلو
يبراه الغمام مشتاق الي تظليل .. من فرقو بينوح جذع الشجر يبكيلو
ابو مدح الحكاهو البارئ في تنزيلو عزمو يزحزح الجبل العظيم ويزيلو
فارساً ما بتطيق أعدائه هجوة خيل كفه بيخجل الغيث البيهدر سيلو
ود عزة قريش كل المكارم هيلو ثابت شرعوا والقرآن تملي دليلو
توَرمْ قدَمهُ من طول القيام في ليلو راسيات الجبال تهتز من ترتيل
ذو الحسن البديع الما في ليه مثيل اوصاف المحاسن قاصرة عن تمثيل
يوسف حسنُه من حسنه اشتعل قنديل والبدر استعار تكميلو من تكميلو
اللهم صلي و سلم و بارك على نبينا و حبيبنا محمد.....
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: الرشيد بابكر)
|
اللهم صلى وسلم وزد وبارك على الحبيب ..
افضل الحلق أجمعين
Quote:
و لكنني عرفت السبب عندما نظرت الى ملابسي و كفي و الأرضية تحتي....
فالبرغم من صيحات الاعجاب الصادرة من أمنية و التي جعلتني أشعر و كأني فنان عظيم.... |
يعنى فزت بصيحات الاعجاب الصادرة من أمنية
واضاريت من صيحات الـ ........ الصادرة من ام امنية ..؟
انشاء الله تكون بقت بس على مسح اليلاط ال######تو ...
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد عيد)
|
Quote: يعنى فزت بصيحات الاعجاب الصادرة من أمنية
واضاريت من صيحات الـ ........ الصادرة من ام امنية ..؟
انشاء الله تكون بقت بس على مسح اليلاط ال######تو ... |
لما انتهيت من الرسم و لقيت نفسي لخبطت الدنيا كانت ست بيتي نايمه...
قلت ليها قومي النايمه ليها شنو....
انتي نايمة و البيت ملخبط كده...
قومي بسرعة....
..
..
..
..
شوفيني و أنا بنضف كيف...
و بكده اتجنبت الضرب و التأنيب...
بس الباقي تأنيب الضمير...
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: زهير الزناتي)
|
Quote: والله ما شاء الله عليكم همة بتاعت شباب تقول مافي واحد فيكم فيفتي سنت .... اها دي بناءً علي طلب الريس نجيلة
بتاعت الكوتش أنشاء الله الشهر الجاي ... |
بتاعتي أنا وين يا أبو الزوز،،،
عموماً مقبولة منك وإنتى أحسن من كمال الشادي
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
صباح الخير ،،، يا وجوه الخير
دعاء اليوم :
يا الله
يا كريم
يا أول
يا آخر
يا مجيب
يا فارج الهمّ،
ويا كاشف الغمّ،
فرّج همي ويسّر أمري
============================
حكمة الصباح :
الأنثى في البداية تخاف أن تقترب منك
وفي النهاية تبكي حين تبتعد عنها،،،،!!!
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
Quote: كان هناك رجل جالس في احدى المقاهي
ينظر الى محتويات الكاس الذي امامه لأكثر من نصف ساعه،
فجاءةً دخل سائق شاحنة مُحب للمشاكل وجلس بالقرب منه
ثم اخذ الكاس من امام الرجل وشربه للآخر وبدون استئذان من الرجل.
الرجل المسكين بدأ في البكاء
عندها قال له السائق يارجل انا امزح معك سوف اشتري لك غيره ،
فرد عليه الرجل ... ومازال باكيا
انا لاابكي من اجل المشروب
ولكن اليوم هو اتعس يوم في حياتي
اليوم تاخرت في النوم مما ادى ذلك الى التخلف عن موعد عمل مهم فيه صفقه تجاريه مهمه
مما اغضب رئيسي في العمل فطردني من الشغل
عندما غادرت المكان الى موقف السيارة
وجدت سيارتي قد سرقت
فاستقليت تاكسي .فبعد ان دفعت الحساب
والتاكسي غادر المكان اكتشفت اني نسيت
محفظتي في السيارة.
دخلت البيت فوجدت زوجتي تخونني مع عامل الحديقة
فأتيت الى هنا افكر في وضع حد لحياتي
فجئت انت وشربت الكاس
الذي وضعت به السم
|
===================
مرحب باشاب اب شنب ....
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ياسر نجيلة)
|
سلامات يا حلوين
| Quote: الصورة مهداه لعناية الكوتش محمد صديق |
شكراً يا ريس على الإهداء.
| Quote: بتاعت الكوتش أنشاء الله الشهر الجاي ... |
لو لمّيت ليك الزى ده كان كتبوا ليك ( يبقى لحين السداد).
بدون تعليق .
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: طارق جبريل)
|
سلامات يا حلوين
Quote: عندي مزاج نجي متسكعين انا وانت من الاتحاد مرورا بي شارع القومية
ونمشي لكوظ كداري ونغشى «درش» ونديها اتنين «سكلنس»
ونمشي ونحن بنغني: «ما بتقدر تتوب يا قلبي المودر» |
ويكون معانا ( أبوىّ دِقَيسْ )...
وعلى بركة الله .
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: طارق جبريل)
|
الحبيبين كيفنكم..
انا في المتوسطة يا الحبيبين شوفتها في درس العصر والناريي دي انطلقت فيني..
العيون غٌلاااااااااد وليهن رموش واقفات فوقن علي السلك الشايك في كتيبة الجيش..
والشلاليف وحات نضري التقول حلاوة لكوم..
الضفيري خاتاهاقدامها فوق صدرها تطلع وتقوم مع نفس الصدر علي بساتم العربية..
ويا حلات الفستان وهو ملصق فيها.. يمين وكتين يصل حتة الخصر دي تقرب تعوعي..
اها بقيت كل يوم وكتين اشوفها اغمض في العيون وافتحن علي الصايداهو أم فريحانة..
وفي الطريق ونحن راجعين أصلو ابقى زي العوير والعوقة أشوف فيها وأصنقع في السماء..
وطارق صحبي قدر ما يتونس معاي وانا شابكو: آآآآآي قلت شنو..
تميت شهر في جنس الحال دة وخلاص غلبني وبقيت افكر في الطريقي الاقولها شي إن شاء الله حتى أقولها «كيفنك»..
تسوي شنو يا ود جبرين.. تسوي شنو...
بس... جاتني.. تنقصى في الواطة وتكتبلها جواب وتديهو ليها في يدها..
أصلو ما لقيتلي حل غير الجواب دة..
جيت من المدرسة يا الحبيبين اشتريتلي فلسكاب.. ومشيت علي دولاب اختي الكبيرة
وسرقتلي منها ريحي.. وتش تش اديت الفلسكاب رشة وجيت قعدت في صالونا..
ختيت الفلسكاب دة في كراس الجغرافية وبقيت افكر: يا ربي الخرابة دي يكتبولها شنو..
قدر ما حكيت راسي دة من كلام الانشاء داك والكلمات الغُلاد غُلاد ديك..
أصلو أبت تجيني..
وقلت كدي بسم الله وكتبتلا:
الى اجمل انسانه رأيتها فى حياتى
الى حبيبتي «وجدان»
مرت الثواني والساعات والشهور وقلبي يحترق (أماني جنس فسو)..
كنت أشوفك من بعيد كما القمر..
لا انت هلال كما هلال الصوم..
انتى مثل النجم المشع جماله يفوق الحدود..
كنت احسب النجوم واكلم القمر.. (أصلو فسو السواد)..
لا أنام الليل وصورتك تظهر لي في الظلام..
كتمت حبك في قلبي حتى لا يعرفه أصحابي في الحلة..
لقد تعبت مشاعري كثيرا وكنت أراك في المرآة..
فهل هذه الحروف سوف تعبرعما بداخلى ..
لان ما بداخلى نار لا يقدر احد بوصفها لك..
أنا اعيش فى حبك وجمالك الذى سحرانى..
افكر فيك بين الحصص وأنا في ميدان الكورة..
يا اجمل واحدة فى الكون فانتى من العطر النابع من جوة الزهور
حبيبتي «وجدان» إن قلبي يتعذب في بعدك عني..
إني أحبك..
أحبك..
أحبك..
المعذب طارق..
قفلت الجواب في الظرف ويديني ديل يرجفن علي بندول ساعة الحيطة..
وبقيت افكر كيف اديهو الخرابة دي وانا قلبي يضرب..
وخايف من البُطان المعاي واحد يختف البت مني ولا كمان يشوف الجواب..
بقيت كل يوم اساسق من الدرس وامشي وراهم والجواب في جيبي..
اصلي ما لقيتلي فرصة اديهو ليها..
ربكم رب الخير طارق ود حومد حسين تجيهو ملاريا واليوم داك كانت ماشة معاها «انتصار» بس..
بس خليتهم مشوا قدامي كدة لامن بقينا في الفسحة ومافي زول شايفني وقلت كدي مشيت عليهن..
خبيت لامن وصلتهن وبقيت ارجف زي الجرو الماسكه السَعَر..
وايديني ديل ماتن ضومة ضومة..
وركبيني ينطاقشن في بعضن متل العجلة وكتين اللستك يكون فيهو كركاسة كبيري..
سلم عليهن بي صوت مبحوح وقلتلا: «وجدان» دقيقة بس..
وغمت ليها الجواب في يدها وتاني غلبني النضم ضومة ضومة..
وقع مني قلم الرصاص ودنقرت رفعته..
وعلي العلي كان قلم الرصاص مبري إبرة بس وقع مني..
بعد أديتها الجواب من الكبكبة العلي دخلت قلم الرصاص بين البنطلون واللباس..
وبقى يطعن فيني ونحن ماشين وهي خجلانة ماسكي الجواب وترجف..
وانا مفشق علي ود الطهور من طعين قلم الرصاص..
لا عرفت أقولها شي لا قدرت أتكلم..
وقلم الجن دة كل ما ليهو نازل تحت ويطعن فيني ..
وكل طعنة شعر راسي دة يقيف علي المغنطيس الكابسو الحديد..
وكل مرة أفشق زيادة لامن بقيت علي البرجل في شكل زاوية منفرجة..
ولابسلي تموت تخلي يشيل ويخم في التراب بس الكـــــــــــلب القام بال وبقى بي كرعينو يدفن في البول..
أصلي لامن وصلت البيت عضام ضهري كلهن يطقطقن من الفنسة..
وإن ما كضبت باقيلي قلم الرصاص قرب يفقشلو حاجة..
.........................................
الغريب بت الهرمة دي ما ردت علي لي يوم الليلة..
لا يبقى دة شاكوشي الأول وانا ماني عارف
تعالوا فتيهو هنا
| |
|
|
|
|
|
|
|
| |
محمد صديق
أحمد إسماعيل
محمد عيد
ياسر نجيلة
ميسرة سيد أحمد
طارق جبريل
موسي عيسي
منصور عبد الرازق
عمر نملة
عبد الدائم سيد أحمد
زهير الزناتي
الرشيد بابكر
سامي عبد الوهاب إدريس
فيس بوك
تويتر
انستقرام
يوتيوب
بنتيريست