نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: ناس الزقازيق ... أجدع ناس (6) (Re: أحمد إسماعيل)
|
الجلوس على يميني صاحب الدار موسى مهدي وبعده أخي الفريق صديق على اليسار الأخ محمد خضر
الأخ موسى مهدي زوج أختي ، كان مقدم في مباحث المطار ، ناس الإنقاذ نزلوهو من أجل الضرر العام
ثم عمل بالتجارة فأنشأ مؤسسة نيالا للتجارة نمت تجارته وإزدهرت لكن الإنقاذيون لم يتركوهو ، خسر
كل أمواله ، توجه لجنوب السودان قبل الإنفصال وفتح مكتب تجاري في كمبالة بيوغندة ، أيضا نمت تجارته
وإزدهرت بين يوغندة وجنوب السودان
سبق حاولت أن يتعرف أخونا مبارك جادين بالأخ موسى لكن لم يتم ذلك
قابلت الأخ عبد السلام مكي عارف في المسجد الذي بجوار بيت الأخ موسى وعلمت منه
بأنه يسكن بالقرب ويعرف موسى جيدا
| |
 
|
|
|
|
|
|
|
|
Re: ناس الزقازيق ... أجدع ناس (6) (Re: أحمد إسماعيل)
|
مساكم الله بالخير
حمدا لله على السلامة يا أبو عمر....من الصور يبدو انها كانت اجازة من النوع أبو كديس......
و طالما الحكاية فيها شربوت و بحسب تقارير الخبراء وعلى رأس ديدو شربوت انو شربوتكم مخمر....
تبقى إجازتك كانت من النوع أبو بت....
الصور حلوة و شهتنا الإجازة في السودان و الذي آخر عهدي به عزاء أختي رحمها الله.....
خليتني أشتاق لي كل شي هناك يا أبو عمر.....
يديك العافية يا أبو عمر.......
الحبيب عمر نملوز...ربنا يزيل عنك الهم و الغم.......
يا أخي اتصلت عليك عدة مرات و تركت ليك رسائل صوتية......
و كتبت ليك هنا أيضاً لكنك ما عبرتني...
و لا شك ان لك ما يبرر ذلك....
لذلك أرجو أن تقبل إعتذاري إن كنت أخطأت في حقك يا حبيب....
و أعلم أن لك في القلب مكانتة كبيرة...
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: الرشيد بابكر)
|
تسلم يارشيد القوم تحياتي لك وللأخت نجاة والأبناء وكل عام وأنتم بخير
فعلا بالنسبة لي إجازة أبو كديس ، لأني من 2010 مقدم طلب تمويل لبنك المزارع
تم الموافقة عليه وأنا هناك ، والحمد لله توفقت بشراء بيت شعبي 400م 2 في حي العباسية
جوار ميدان الربيع ثم مقابلة الإخوة الزقازيقاب ثم قابلت أخ زقازيقي عزيز هو الباشمهندس الطيب يس
الذي كان معنا هنا بالرياض ، وجدته ما شاء الله رجل أعمال في أحسن حال
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: أحمد إسماعيل)
|
مساكم الله بالخير
مبروك البيت يا أبو عمر.....
أحسنت الإختيار ...فالعباسية حي يشتهر بالعلاقات الجميلة بين سكانه......
و كمان قريب من نادي الربيع.....
يبدو إننا موعودين بعزومة سمك كاربة إن شاء الله......
لن أنسى أبدا فطور سمك بميدان الربيع جمعني و الكوتش محمد صديق.. جلا و أبو الزوز.......
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: أحمد إسماعيل)
|
ولدنا أحمد اسماعيل - الشهير بابوعمر
اولا ألف مبروك البيت ...
وربنا يسعدك فيهو ....
العباسية دي حي ناس بهاء الدين تجارة ....
بعدين الناس الفي الصور تقريبا كلهم عرفتهم الا القليل
فهناك اسامة ابتر واسامة طيارة الاتنين ...
ومحمد الهادي
ودكتور الصادق عبدالله
وتاج الدين تجارة
ومحمد صديق الكوتش
ومحمد جلا ...
فعلا صور حلوه وذكرتنا بالناس ... في شكلهم الحالي
وشكلها كده اجازتك كانت ... فوق السعيدة والممتعة
ياخي يكفي امتلاك بيت ....
تحياتي للجميع ...
============================
يا رشيد القوم ... حاشاك انت اللوم ...
عمر نملوز ... مازعلان من واحد فينا ...
موجة دبرسة ... وح تفك ان شاء الله ...
بعدين الزاد الطين بله ... نملوز مشي يكابس في الحيشان البرة ...
وانصدم وباشكل وافكار .... اكتر من غريبة ...
تجيب الضغط ....
وشكلنا نحنا برضو حندفع ثمن غيابو .... ولكن لفترة قصيرة ان شاء الله ...
انا عارف عمر كويس ...
ده لون اللبن شالوهو من لون قلبو ...
في قمة زعلو ... بتلقاهو بضحك ....
هسع اجزم بانه ... بضحك ....
تحياتي يا ابو الطيب ....
يا اوبو العزابة ...
وتسلم يا ابو امنية ومهند ...
يا احساس يا راقي ....
حاشاك اللوم ... يا سيد القوم ..
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ياسر نجيلة)
|
ما شاء الله
البوست عمران
حكاوى ابو عمر , مدية البوست نكهة ولون جميل
لمة جميلة الله يدمها ان شاء الله
نملوز مالو بيدبرس
زول قاعد فى اوستند , يدبرس
ومال نحن الفى الهفوف, نسوى شنو ؟؟
اكتب اليكم من جامعة الملك فيصل فى الهفوف (الأحساء )
حيث نشارك منذ يوم السبت الماضى فى فعاليات ندوة (النخيل ) الخامسة
جو اكاديمى طولنا منه ,
تحياتى لكم جميعا
| |
|
|
|
|
|
|
|
|
Re: ناس الزقازيق ... أجدع ناس (6) (Re: ياسر نجيلة)
|
ما شاء الله
البوست عمران
حكاوى ابو عمر , مدية البوست نكهة ولون جميل
لمة جميلة الله يدمها ان شاء الله
نملوز مالو بيدبرس
زول قاعد فى اوستند , يدبرس
ومال نحن الفى الهفوف, نسوى شنو ؟؟
اكتب اليكم من جامعة الملك فيصل فى الهفوف (الأحساء )
حيث نشارك منذ يوم السبت الماضى فى فعاليات ندوة (النخيل ) الخامسة
جو اكاديمى طولنا منه ,
تحياتى لكم جميعا
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: منصور عبد الرازق)
|
هذا زمانك يا ( حنانة ) فأمرحي
: وين ماشي ياخينا
: عندي مريض جوه
: الزيارة الساعة أربعة يا سيد
: يا حاج أنا مرافق
: وين تصريحك .... عندك تصريح؟
: لا ..... خلاص قلنا الساعة أربعة
نظرت الى معصمي كانت الساعة تشير الى الثالثة والربع .... ساعة إلا ربع كاملة ... أحسست برتابة الوقت ودماثة الانتظار .... كيف لي أن احترق خلال ذلك الوقت ( انتظارًا) ولكن رغم ذلك اكره إذلال نفسي للغير... كما أنني اعرف طبيعة هؤلاء الحراس ( الخفراء ) وتصلب قراراتهم ...لذلك نأيت بنفسي عن ذلك مكرها.... رغم أن نفسي ظلت تراودني عن احتقارها بين الحين والآخر وهي تعي جيدا ( مجدلية ) الخفراء وجدلية ( الزائرين )... وفي غضون تعنت نفسي الأمارة بالسوء... ترجلت مُكرهاً من مكاني وحاولت مرة أخرى مع الخفير ....
: يا خينا ما تتعب نفسك وتتعبنا معاك والله لو ما جات الساعة أربعة ... رجلك دي ما بتخش
لم أتفاجأ بتعنته ...وفي عدم مبالاة منه ... تركني وجلس على كرسيه البالي ... ثم وضع عصاه على يمناه وهو ينظر الى الجموع المصطفة أمام باب المشفى بنظرة تسلط فوقية.... كما الخيل المسرجات المطهمات على أبواب بابل وقبل معاقل الفرس في بلاد الرافدين. وهي في انتظار تدفق الدعم (اللوجستي) والعيني ليمتد الوصل وتتواصل العلائق ما بين النقيضين.... جلس وهو لا يبالي بصراخ الآخرين ورجاءاتهم .
رضخت نفسي حينها للواقع وفي حر أنفاس الكلام ....عصرت حيائي المُخمر في كأس العزة لأروي به ظمأ كبريائي ... جلست انتظر مصيري ... جلست ولا أبالي لمن حولي ونظرات الإشفاق تتابعني .... حتى جاءت هي وفي ديناميكية اشتهاء الرجل للانثي نظرت إليها مجبرا ... حركتني كيمياء حضورها المغري عندما وقفت تنادي بصوت أنثوي ذو دلال مصنوع :
: أزيك يا عم عباس
لحظتها فقط أدركت اسم الخفير ... لكن لم اهتم لذلك كثيرا فقد كانت المعادلات الكيميائية تتأرجح في داخلي بصورة هوجاء... وبدأت نفسي الأمارة بالسوء في نقل صور من بيانات تلك الحسناء الى داخل قرصي الصلب ....ويعينني في ذلك ابليسى اللعين ويحضني على ارتكاب فاحش التفكير...وهو يردد بصوتي ولساني..( فقط شيء يعينك على ملء وقت فراغك )....كانت في العقد الثالث من العمر... يبدو عليها الثراء الفاحش المكهرب بالنعم... هكذا يقول عطرها الفائح .... ويحكي عن ذلك تأنق ثوبها الشفاف الأنيق المربوط بإحكام حول خصرها الضامر ... يحاكي ثوبها لون حذاءها ... يتدلى من عنقها سلسال ذهبي تخطي صدرها اليانع ليلامس خصرها الأهيف ...في جيدها يتلامع طقم من الأساور يصدر صوتا كلما حركت كفها في لحظة غنج .
أيقنت لحظتها أنني أمام طبيبة هكذا حدثني حسي... لكن خانتني فطانتي في تحديد هوية طبيبتي هل هي أخصائية أم استشارية؟ أيقظ ذهني تجمهر البعض حولها في لهفة عارمة كتجمهر النحل حول اليعسوب .... وما لفت انتباهي أن جل المتجمهرين حول ( الست ) الاستشارية من قبيلة النساء لحظتها لم يخالجني أدنى شك في أنها أخصائية نساء وتوليد ... وهكذا كونت في خيالي فكرة عامة عن هذه الحسناء وإذا لم يكن كذلك فلماذا هذه المرأة دون غيرها من نساء حواء المتجمعين أمام البوابة.
كان لحظتها قد وصل عم عباس الى باب المشفى تسبقه ابتسامة عريضة وخيل لي انه سوف يقع في أحضانها من فرط الشوق و الولع ..وصل وهو يحيي الحسناء مرحبا بحضورها المعبق بفرح اللقاء
: اهلين يا ست عوضية
هكذا قالها ... ثم فتح الباب على مصرعيه ... لتختال أنوثة الدكتورة عوضية ...وتقدل في مشيتها كما الريم الحر المتباهي بجماله حينما يسرح ويرفل في سهول مخضرة مترامية الإطراف اكنساها الغيم وروى عطشها الرذاذ فظل يرفل وينعم فيها بالأمان ... شردت بذهني و انا أتابع سير هذا الغزال الأسمر ... خطوة ثم أخرى وأنا حينها (زرقاء اليمامة) عندما اجتمعت كل حواسى لتدعم حاسة النظر.... فقت من عالمي الافتراضي على استهجان الحاضرين وتذمرهم فى وجه عم عباس
: قبل شوية ما عامل لينا فيها زول حقاني يا عم عباس
: ليه كده لكن يا عم عباس ... انت بتاع ناسات
رغم تصلب عم عباس وتعنته في التساهل مع الزائرين ... فقد كنت أرى فيه مثال للإنسان المخلص في أداء عمله المنوط به وقد قررت في نفسي وتطوعًا مني وإكراماً لشخصه منحه شهادة التمييز في ( الخفرنة ) ... لكن استهجان الآخرين شدني لمعرفة ما اغترفه صديقي اللدود عم عباس
: الحاصل شنو؟
: ما شايف قدامك هسي ما ابى يدخلك .... ودخل عوضية
: تقصدي الدكتورة
باستهجان
: دكتورة !!! ... والله كان دكتورة ما عارفة ....يا اخوي دي حنانة
: حنانة !!!! حنانة كيف يعني؟
: آآآآآي حنانة ...حنانة الواحدة دي
: حنانة ...بتاعة ( صبغة ) و( ميسو ) و ( نقش ) وكده؟
: ياها ذاتا
لحظتها فقط تكورت داخل نفسي وأنا استهجن فطانتي القذرة... فقد أحسست بان ( حنتها ) قد خضبت يداي...وأراحت عني تعب الانتظار...وابتسمت... عكس الآخرين وتذكرت حنة ( التاج ) الممتازة وحنة ( الدامر) الأصلية وخلدت لنفسي وأنا أدندن ......
حنانة ...نسى اهلو وما نسانه ...
وعند الساعة الرابعة وبعد أن فتحت الأبواب نظاميا ذهبت الى صديقي عم عباس وهمست له بصوت خافض :
: لكن ما بالغته يا عم عباس .... ساعة الا ربع ... ؟
| |
|
|
|
|
|
|
|
|
 Re: ناس الزقازيق ... أجدع ناس (6) (Re: منصور عبد الرازق)
|
من قـلــتا توب الربط ...
والسلسل الحلــــبى داقى فى الصرة عرفتها ما دكتورة
عوضية عز الدين يا نلــــــــموز ....
،،،،
وحــــدة لجـــــــــــنة دخلت المستشفى قبل مواعيد الزيارة
الغفير ناداها تعالى هنا ...
قالت ليهو دايــــــة ..... دايــــــة ..
:
:
:
قال ليها خلاس خشـــى ..
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: عبد الدائم سيد أحمد)
|
تحية للصادق ومنصور عبدالرازق ...
نص حلو ...
طولنا من الحاجات الجميلة دي ....
اكيد توجد نصوص اخري يا منص ....
شيل وكب لينا ...
=====================
النضيف ....
خبرة ....
من اللبسة بس ....
بقول ليك المهنة شنو ... كان راجل او مرا ....
تحياتنا ....
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ياسر نجيلة)
|
صباح الخير ،،، يا وجوه الخير
كل سنة وأنتم بألف خير
إنشاء الله تامين ولامين ويجعلها الله سنة خير وبركة للجميع
لم أستطع الدخول لفترة طويلة وكانت نفسي تحدثني الإتصال بالريس نجيلة
لإيجاد مخرج مع الريس بكري ولكن اليوم دخلت بدون أي معرفة للسبب
،،،،،،،،،،،،،،،،،،،،،،،،،،،،،،،،،،،،،،،،،،،،،
سلام كبير لأخونا أبو عمر وقد كانت عودتك نشاط لهذا البوست وبدأ يظهر بمظهر جيد
وكمان مبروك ا لبيت الجديد ،،،،،،،
ولدنا نملوز إنت ما تزعل وما يهمك في ناس كتيرين في هذا الفضاء العريض
ما يستحقوا شيء من اهتمامك ،،،،،،
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: منصور عبد الرازق)
|
| Quote: مبروك البيت الجديد يا ابو عمر |
الأخ ياسر نجيلة والأخ منصور عبد الرازق والأخ الريس ميسرة
الله يبارك في أحوالكم وعيالكم ويسمّح حالكم
يا ريس نجيلة
أولا
أسامة أبتر أكيد قلبو فراهو لأنك بتطراهو وهو غير موجود بالصورة
إنما الموجود بالصورة أسامة خضر
ثانيا
لم تتعرف على الهادي كتير ويوسف عبد الله خالد سنجة ، الظاهر الشيب ضيعك
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: أحمد إسماعيل)
|
يا ابوعمر ...
لو ممكن تذكر اسماء الاخوان جميعا بالترتيب في الصورة الاخيرة ....
طبعا انا عرفت 7 من اصل 13 .... واكيد انت من ضمن ال 7 المعروفين ....
بعدين خالد سنجة ده وينو ....
==========================
تحياتي القلبية الخاصة لولدنا اسامة ابتر ...
الماموجود معاكم ....
بس اكيد موجود في صور النضيف ....
ازعفونا ... بصورة ...
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ياسر نجيلة)
|
صباح الخير ،،، يا وجوه الخير
اللهم أجعل هذا الصباح حاملاً لنا من الخير فوق ما نرجوه
وأشرح صدورنا ، وأشف مرضانا ،
وأجعله صباح خير لكل أمورنا
حكمة اليوم :
أرقى النفوس هي التي تجرعت الألم
فتجنبت أن تذيق الأخرين مرارته,,,,,,,
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
يا ريس نجيلة الإخوة الإثنين من تجارة ودفعتك بجوار الأخ محمد الهادي سبق أن سألتك عنهما
الأخ الهادي كتير بلة والذي يقف يساري والآخر يوسف عبد الله خالد من سنجة ويقف بيني والأخ
صالح عبد الرحمن صالح (بالصورة الأخيرة)
الذي يجلس أمامي عديلي / أحمد شرفي حامد مدير بنك المزارع شمبات والذي يجلس يسار أحمد شرفي
الأخ / محمد خضر من ناس البيت
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: أحمد إسماعيل)
|
والله يا ابوعمر كأنك بتقرأ افكاري ...
انت بالضبط ذكرت اسماء الاشخاص الستة الذين لم اتعرف عليهم ...
يوسف عبدالله والهادي كتير واهلك و نادر فارووق الاسمو طار لي ...
لو عندك صور واصل ... والله انعشت ذاكرتنا ...
وكمان نزل مع الشرح ...
والعجيب جلا وتاج الدين قاعدين مع بعض
التقول كانو دفعة واحده ولعبو كورة مع بعض ...
=======================================
هو بالله يا احمد اسماعيل مدير بنك المزارع عديلك عديل كده ...
طيب ياخي ما مشكلتنا اتحلت ...
خليهو يظبطنا بقرض كاااارب ... نشتري بيهو بيت (يخليهو رهنية)
ودفعنا مضمون .... وانا جادي
=======================================
والليلة الخميس ....
ومشكلة السكن انا شايفا .... ح تتحل باذن الله
سلام خاص لرشيد القوم .... وعمر نملوز .. المادي بوز
الكوتش مامعاكم في السلام ده ... لحدي مايشرح مشكلتو شنو ...
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ياسر نجيلة)
|
توفى يوم آمس بمصــــر آنــور دهب الاخ الاكبر لزميلنا عصام دهب
انا لله وانا اليه راجعون
آللهم أرحمه وأسكنه فسيح جناتك
آللهم باعد بينه وبين خطاياه كما باعدت بين المشرق والمغرب
اللهم نقه من الخطايا والذنوب كما ينقى الثوب الأبيض من الدنس
اللهم اغسله بالثلج والماء والبرد
اللهم أبدله داراً خيراً من داره وأهلاً خيراً من أهله
اللهم اجمعنا وإياه في مستقر رحمتك
اللهم انا نسالك بأسمك الاعظم ان توسع مدخله
اللهم آنس في القبر وحشته
اللهم ثبته عند السؤال
اللهم لقنه حجته
اللهم باعد القبر عن جنباته
اللهم اكفه فتنة القبر
اللهم اكفه ضمة القبر
اللهم اجعل قبره روضة من رياض الجنة ولا تجعله حفرة من حفر النار
اللهم إن كان محسنًا فزد في إحسانه وإن كان مسيئًا فتجاوز عن سيئاته ،
اللهم ألحقه بالشهداء
بوست عزاء ....
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: عبد الدائم سيد أحمد)
|
لا حول ولا قوة إلا بالله
اللهم أرحمه وأغفر له وأجعل الجنة مثواه
اللهم أكرم نزله ووسع مدخله وأغسله بالماء والثلج والبرد
ونقه من الذنوب والخطايا كما ينقي الثوب الأبيض من الدنس
والتعازي موصوله للأخ عصام دهب ولكل أفراد الأسرة الكريمة
داخل وخارج السودان
إنا لله وإنا إليه راجعون
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
صباح الخير .... يا وجوه الخير ...
===============================
تذكرت البيتين ديل وانا داخل عليكم ...
بتقولى لا ...
لقليب عليك يقطر حنان
ويذوب وله
بتقولى لا ...
لقليب رهيف ماظنو لالالا بيحمله
بتقولى لا ياغاليه ياست القلوب يامذهله
وحياة شبابك ذبت في عينيك حنان ومغازله
سافرت فى رحلة مشاعر
ملهمه ومتامله
شفت الورود من وجنتيك غيرانه جات متوسله
حتى القمر غار من صفاك واصبح يردد فى الصلاه
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
| Quote: على سبيل التحيّة . |
تحية بالكاب كيف !
بدور اشكى ليك الواتساب كمان
كان شفتو شفط الناس الكانو فى الفيس بوك
وبقو كيمان كيمان
زى ما بقول المثل حق ناس احمد اسماعيل .... شنو كدى ما بعرفو ..
ولا قام اتعزز الليمون ....
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
| Quote: : لكن ما بالغته يا عم عباس .... ساعة الا ربع ... ؟ |
بالغت أنت ياخ ...ما أنت موقّف الناس شهرين.
***********************************
سلامى للقاص الشاب الصادق ...ومعاهو تهنئة على القصة .
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: عبد الدائم سيد أحمد)
|
Quote: السلام عليكم الأخ محمد صديق
عظم الله أجركم وأحسن الله عزاءكم وألزمكم الصبر في فقد شقيقكم
ربنا يتغمده بواسع الرحمة وعظيم المغفرة، وإنا لله وإنا إليه راجعون
|
الأخ أحمد إسماعيل...
بارك الله فيك ...والحمدلله على ما أراد .
| |
|
|
|
|
|
|
|
|
 Re: ناس الزقازيق ... أجدع ناس (6) (Re: محمد صديق)
|
صبحكم الله بالخير
الأولاد مروا بعدة مراحل من حيث طبيعة الأسئلة .....،
أسئلة غير مفهومة......
أسئلة مربكة.....
أسئلة غياظة....
أسئلة تعمل مغص.....
و هي في كثير من الأحيان تأتيك فجأة.....
فتقعد تلف وتدور بحثا عن مخرج......
و لمن يغلبك الرد تستعمل دكتاتورية الآباء.....
حسه ده وقت أسئلة...انت إمتحاناتك باقي ليها كم....
بدل تضيع وقتك في الأسئلة ألما عندها معنى.....
أمشي أقرأ ليك حاجه تنفعك......
مساء البارحة حضر إلي مهند إبني يتمطى.....
قال لي إنت يا بابا بتعرف ماما و إنت عمرك كم.....
أجبت دون التفكير في سبب سؤاله.....
منذ أن كان عمري 23-24 عاما....
و كم كان عمر ماما في ذلك الوقت......
كان عمرها 19-20 عاما.....
و في أي عام كان ذلك....
لا حول و لا قوة إلا بالله...ما حنخلص اليوم......
أخبرته فأخذ يحسب في أصابعه....
انتهرته قائلا...يا ولد إنت عبيط...بتحسب في شنو إنت....
بحسب في كم سنة و انت بتعرف ماما....
صرفته الى مذاكرته فذهب و هو مازال يحسب......توينتي....توينتي وان...
و ما أن خرج من الغرفة بدأت أنا أحسب.........
و أندهشت للرقم الذي وصلت اليه.....
لم أدرك إننا وصلنا الى هذا الرقم حتى نبهني مهند........
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: الرشيد بابكر)
|
هاهاهاهاهاهاههههههه ...
يا رشيد القوم انت ذاتك نبهتنا للحساب من النوع ده .....
وتذكرت مرة كنا في جلسة جماعية "اسرية"
وذكر سؤال عابر عن عدد سنين زواج الحضور ...
انا وبت شيخي كنا نعتقد لينا مايقارب العشرة سنوات ...
بالرغم من ابننا الكبير "أحمد" عمرة 14 سنة ....
وتلك كانت حسبتنا في تلك الجلسة قبل كم شهر ...
وهي نفس حسبتنا لما رجعنا البيت .... وللآن ...
وانتو حرين احسبو زي ما عاوزين ...
====================================
يا كوتش ...
بث : بلغة المنتديات تعني = كفاية ...
أما بس : بفتح الباء وتشديد السين او كسر الباء (لطرد القطط) فلم ترد في قاموس المنتديات لرفع اللبس في النطق ....
انتهي ....
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ياسر نجيلة)
|
بوست عزاء ....
بسم الله الرحمن الرحيم
(يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي )
توفي يوم أمس اثر علة مفاجئة ابن الشقيق الأكبر لعبد الدائم سيد أحمد (النضيف) بالخرطوم ...
والابن خريج حديث من الجامعة ...
ونحن نرسل تعازينا القلبية الصادقة لاسرة الزميل عبدالدائم داخل وخارج السودان ...
لا حول ولا قوة إلا بالله
اللهم أرحمه وأغفر له وأجعل الجنة مثواه
اللهم أكرم نزله ووسع مدخله وأغسله بالماء والثلج والبرد
ونقه من الذنوب والخطايا كما ينقي الثوب الأبيض من الدنس
إنا لله وإنا إليه راجعون
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
سلام يا كرام
اللهم إني أصبحت أشهدك وأشهد حملة عرشك
وملائكتك وجميع خلقك أنك أنت الله لا إله إلا أنت
وحدك لا شريك لك وأنّ محمدا عبدك ورسولك
اللهم إني أسألك العفو العافية في ديني ودنياي وأهلي ومالي
ثلاثة من الشقاء
1- قساوة القلب
2- طول الأمل
3- الحرص على الدنيا
قايتو 2 ، 3 جعلت الناس تلهث وتفقد متعة الحياة
في الطمع (العين لا يملاها إلا التراب)
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: زهير الزناتي)
|
| Quote: حالتكم صعبة ... اقامتي شبه دائمة ... |
حالتنا بتكون زينة أو صعبة ...
بحلكم ... وترحالكم ....
===================================
زورونا .... تبهجونا .... وهذا هو الحل ... بكسر الحاء ...
اهجرونا ... تفقدونا .... وهذا هو الترحال .....
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ياسر نجيلة)
|
أصبحنا وأصبح الملك لله الواحد الأحد
الرجال ثلاثة
- رجل كالغذاء لا تستطيع الإستغناء عنه
- رجل كالدواء ربما تحتاجه يوما
- رجل كالداء نعوذ بالله منـــه
دائما
يريد الرجل أن يكون أول حب للمرأة
تريد المرأة أن تكون آخر حب للرجل
الطرفة
رؤوس الرجال تتحرك يمنة ويسرى عند مشاهدة المباريات
لكنها تتحرك من فوق إلى تحت إذا شاهدوا إمرأة
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ياسر نجيلة)
|
أ
عن المرأة
إنها جوهرة نادرة ..... تحتاج إلى غواص ماهر
إننا نعيش في دنيا المرأة
- إذا ولد الطفل سأل الناس عن صحة أمه
- إذا تم الزواج تحدث الناس عن جمال العروس
- إذا مات الزوج سأل الناس ، كم ترك لارملته؟
إذا غضبت المرأة كسرت الجرة التي تحوي جميع أسرارها
قلب المرأة كلمة وقلب الرجل جملة
الطرفة
آراء المرأة أنظف قطعا من آراء الرجل ... لأنها تغيرها دائـمــاَ
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: زهير الزناتي)
|
ما تتغشـــــو .... دى بهجة داخلة من حساب زهير
لو عايزنا نصدقــك ادينا الامارة !!
،،،
الف سلامة لوالدة الكوتش محمد صديق
لقد تعرضت لكسر فى يدها و تم اجراء
عملية جراحية لها ....
سلامتك الف سلامة و بالشفاء و العافية يا رب
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: عبد الدائم سيد أحمد)
|
حبيبنا زهير أو بت شيخو بهجة كما أفاد نضيفنا ، تحياتك نعتز بها
يا زهير أصحابك وزملاك الزقازيقاب بالسودان فيهم الخير والبركة
أكرمونا أيما إكرام ، الباشمهندس الطيب يس يسكن على مرمى حجر
من جلا ولايدري عنه ، من حسنات زيارتي للسودان زرت جلا ومعاهو
فطرنا عند الأخ الطيب ، وأيضا وجدت الأخ الدكتور أحمد سليمان خريج
علوم جاي من ماليزيا بسلم عليك
الأخ محمد صديق حمد الله على سلامة الوالدة ، ربنا يجبركسرها ويكمّل شفائها وعافيتها
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
Quote: ليــــه ؟؟؟!!!!!!!!!!!!!!!!!!!!!
|
ودِى دايرة ليها ليه ؟
لو ما ظهر زهير كان تانى قلت ليكم يا حليلكم .
******************************
ربنا يتمم شفاء الوالدة ...ودعواتكم معانا ..
وشكراً لكل الذين سألوا والذين حضروا ...والما عارفين كمان .
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
ألف حمدلله على سلامة الوالدة يا كوتش ...
ان شاء الله ماتشوفو شر ...
ونسأل الله ان يتم عليها وافر الصحة والعافية ....
والله اول مرة نسمع بالخبر ....
تحياتنا للجميع .... بما فيهم زهير الزناتي ...
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
الف حمد الله على سلامة الوالدة يا كوتش
ما تشوف شر ان شاء الله
اها جايينا متين ؟؟؟
*تحياتى لأحمد اسماعيل (خسوسا) وللباقين
* عندكم فرصة ذهبية تربطوا زهير ده بى جاى
يلا اجتهدوا يا يايسر , واقروا ليهو
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: منصور عبد الرازق)
|
ألف مراحب بالأخ منصور ، ياخي منتظرين مابقيّ من الحكي
الجميل عن الأسرة
| Quote: المال تِلْتُو ولا كَتِلْتُو.. |
يا محمد صديق أمس كنا بنتكلم عن الإستدانة وعدم رد الدين من البعض
فكان هذا المثل حاضر ... فجاءت مقولة عجيبة وغريبة
(( الذي يديّن راجل والذي يرد الدين أرجل منه))
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: أحمد إسماعيل)
|
اللهم وفر حظي من خير تنزله أو إحسان تفضله أو بر تنشره أو رزق تبسطه
أو ذنب تغفره أو خطأ تستره ، ياآآآآ إلهي ، يا من بيده ناصيتي ، يا عليم بضرّي ومسكنتي
يا خبير بفقري وفاقتي ، ياآآآ رب ، أسألك بحقّك وقدسك ، وأعظم صفاتك وأسمائك
أن تجعل أوقاتي بالليل والنهار بذكرك معمورة ، وبخدمتك موصولة ، وأعمالي عندك
مقبولة ، يا من عليه معوّلي ، يا من عليه شكوتي وأحوالي ، قوي على خدمتك جوارحي
وأشدد على العزيمة جوانحي ، وهب لي الجدّ في خشيتك ، والدوام على الإتصال في خدمتك
حتى أخافك مخافة الموقنين ، وأجتمع في جوارك مع المؤمنين
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: أحمد إسماعيل)
|
صباح الخير ،،، يا وجوه الخير
اللهم أدم علينا نعمتك وأحفظها من الزوال
حكمة اليوم :
دائما عامل الناس على مبدأ :
إن لم تنفعه ،، فلا تضره
وإن لم تفرحه ،،، فلا تغمه
وإن لم تمدحه ،،، فلا تغمه
الصور يا ناس السودان
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ميسرة سيد أحمد)
|
السلام عليكم ياحارسنا وفارسنا لينا زمن نفتش ليك
جيدا جيت وحبابك ومرحبا
اللهم إني أعوذ بك من الهم والحزن
وأعوذ بك من العجز والكــســل
ومن البخل والجبن
وأعوذ بك من غلبة الدين وقهر الرجال
قال حكيم
ليس عيبا اللا ندرك ما نتمنى ، ولكن العيب الكبير اللا نسعى لما نتمنى
تمتع بما يسهل عليك ، وتحمل ما يجب عليك
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
على سبيل التحية
هيثم محنة وفرج الله جلكسات قاعدين يتونسوا عن القرمبوز...
هيثم: تعرف يا فرج سحر بتأكلني بي يدينها
فرج: تأكلك يا فردة
هيثم: آي ياخ وبتنضف لي السمك من الشوك لو ما لقينا (بياض)
فرج: ايوااا الشوك قلت لي
هيثم: آي ياخ حنينة.. وبتريدني ومرات بتحميني ياخ
فرج: انت بتستحمى يوميا يعني
هيثم: ياخي من شدة ما بتريدني بتقرب توضيني كان ما حرام ياخي
فرج: هو الوضو بقى حرام الايام دي.. لكن بتوضيك وين
هيثم: ياخي نقرب نتمضمض سوا
فرج: تتضمضموا سوا.. إنت يا هيثم ركبت فيل قبل كدة
هيثم: فيل شنو ياخ.. والله الزولة دي عسل... إنت (كلكتة) موش بتدلعك
فرج: جابت ليها (كلكتة).. دي منو كمان
هيثم: ياخي إنت موش بتدلع كلتوم كدة
فرج: (كلكتة) بتدلعني ياخ... بتجيب (السخينة) لببببب تختها قدام وهي بتقش
في نخرتها وتقول هيع هيع هيع اكل يا حبة ولم الصينية معاك.. ولم تزيد في الدلع
بتخت لي شطة (دنقابة) في آخر الصحن عشان اقدر ادخل (المستراح) وانا مستريح
حتى بتجيب المقشاشة تكتل الضبان الاخدر البنوني فوقي وانا بنزل في الخرسانة
الاكلتها... ومن شدة ما سريعة ياخي بتخت لي صينية الشاي قدام باب المستراح
وتتاوق تشوفني عامل كيف مع (هراري) وتقسم لي كيس الصعوط حقها ياخ
وتقول لي: ماشة اعمل لي لخوخة يا حنانا..
هيثم: يا سلام ياخ زييي صدق.. سحر مرات بتقول لي حواجبينك سمحة نفسي اشيلها ليك
فرج: لا انا حواجبيني ما بتتشال زي ياي الشرك..
هيثم: والله يا فروج أول أيامنا في العرس تدلكني ليك ورجليني ديل يبقوا ملللللللللللللللس.. انت (كلكتة) ما عملت ليك دلك «مساج»
فرج: قلت لي مللللس.. ما بتشيل فيني ياخي الدلكة دي.. أنا عندي «قِحِف» ما كرعين..
بعدين صعبات في الدلكة لأنهن مكلوجات زي اللستك ابو كركاسة حتى في المشي انا بنقز زي البعرض مع «قيقم»
هيثم: لكن يا فروج انت كدة ما ضعت من الحنان.. معقول ما عملت ليك «مساج»
فرج: لا ياخ قاعدة تجازفني.. مرة قلت ليها عندي قطيعة في كتفي.. جابت ليها موس حلاقة وبرطمان
هجرتني ليك تحت أوراكها وفصدت ليك كتفي دة قالت دة دم فاسد..
هيثم (منطط عيونه): معقول يا فروج أووه نووووو
فرج: ايوة ياخ دة «مساج (كلكوتي) وقامت ولعت ليها ورق كراس في البرطمان وغمتت بيهو الجرح وأنا تحتها بقنت
هيثم: بتبالغ ياخ (كلكتة) قلبها قوي ياخ الحنان دي
فرج: أقول ليك أقنت تحت أوراكها ويمكن أكون «فكيت آخري» من تحت تقول لي الحنان.. المهم يا زول النار دي ولعت في البرطمان
وتشتشتني ليك تماااااااااام والبرطمان قام كبس مع اللحم
هيثم: فيلم رعب موش يا فروج... حضرتوا فيلم رعب صاح
فرج: لا ما تخاف يا فردة دة الرعب ذاته ما الفيلم.. المهم ختت ليك رجلينا الاتنين في كتفي بعدين بتكون ما قطعت ضفورها ليها سنتين وبقت تجرررر..
والضفور دي تعمل ليك خرايط عجيبة في رقبتي وضهري زي المجلود في عرس جعليين..
لامن البرطمان فكة معاها وقعت علي قفاها في باقي جسمي وانا شاكي إنه في حاجة اتفقشت من اليوم داك.. لأنه ما قادرين نلد
هيثم: والله لكن قوية لو جاكم حرامي ممكن تساعدك
فرج: لا يا فردة الحرامية معلمين بيتنا: بيت ملاكم وراجلها
هيثم: سحورتي قبل أسبوعين قالت جاها طمام ونفسها في مكسرات
فرج: أيوا جُروم وتسالي يعني
هيثم: لا ياخ لوز وجوز وفسدق
فرج: جوز حمام قصدك
هيثم: حمام شنو يا فروج.. نحن ما بناكلو الحمام دة مسكين وحنين ياخ
لفرج: الحمام مسكين... لكن يا هيثومي ما قلت لي
هيثم: نعم يا فروج
فرج: فروج... انت لمن مشيت عقدت عليها المأذون كتب منو فيكم الراجل
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: طارق جبريل)
|
ود جبرين ...
عندنا اليومين ديل اقامات للبيع ...
حجزنا واحده لزهير وح نشوف ليك واحده معاهو ...
لوزم الكيف والانبساطة ...
اصلو مرورك بكيفنا ....
وانت يا ود صديق يا كوتش ...
ح نشوف ليك اقامة دايمة بالرياض ...
الا جيب الاذن مكتوب ومختوم من بت الشيخ ... وسلمو للنضيف...
حتنن منصور يقوم باللازم ....
أحمد اسماعيل مكنتو بدأت .... تقسم ...
والريس ميسرة .... فاق جزئيا ....
لو استمريتو بمستوي المداخلات دي ....
احتمال نعيش شهرين لقدام ...
انا موجود والاجازة انتهت ....
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: محمد صديق)
|
| Quote: حضرنا ولم نجدكم 111111111111111111111111111111111111111111 |
اول مرة اشوف لي ناس بيت بفتشو على .... نفسهم ...
=======================================
يا دنيا ليه دايما كده
كل الظروف متمردة
حظ الشقي الما خلّا باب
في الدنيا لافي مُحّددة
لا طال حلم لا طال نصيب
بقراية كوم متعددة
يا دنيا ليه دايما جري
ما تقيفي مرة واصبري
مستعجلة ولاحقة الشنو
ما كوم حصادك مُهتري
والفايدة مبلوعة في كروش
تاجر ضلال أو مفتري
يا دنيا ليه دايما عذاب
أسفار بعيدة واغتراب
كان فيها ايه لو خير بلد
بالعدل مقسوم بالحساب
ما الخير كتير ما بدور سفر
وضياع عمر محسوب سراب
يا دنيا ليه دايما حزن
دايما دموع وقلوب تئن
وسواد كثيف دخان ألم
نابع من القلب السِخِن
وغراب كلام بوم الفقر
ساكن معشعش في البدن
يا دنيا ليه دايما ضلام
وغيوم مكدسة ليلا دام
وسكون عجيب مبتور لسان
محروم بيهمس بالكلام
وعيون مقدقدة بالسهر
عميانة تسبح في الظلام
يا دنيا ليه ما فيك أمان
والظلم آمر في الزمان
والخوف دخل نخر العضم
والسوس ده هو الندل الجـــــبان
والروح مُعّذبة بالسكوت
سِكّين عذاب وسياط هوان
يا دنيا ليه دايما كلام
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ياسر نجيلة)
|
Quote: يا دنيا ليه دايما كده
كل الظروف متمردة
حظ الشقي الما خلّا باب
في الدنيا لافي مُحّددة
لا طال حلم لا طال نصيب
بقراية كوم متعددة
يا دنيا ليه دايما جري
ما تقيفي مرة واصبري
مستعجلة ولاحقة الشنو
ما كوم حصادك مُهتري
والفايدة مبلوعة في كروش
تاجر ضلال أو مفتري
|
دنيا دبنقا دردقي بشيش
دنيا أم سفاريك كما كتلاك بوريك
دنيا فرندقس والزمان درفيس والما عندو بقرة يحلب التيس
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: أحمد إسماعيل)
|
Quote:
مُهداة للريِّس نجيلة والنضيف. |
قبل الاهداء ياكوتش ...
انت الكلام ده ... بتجيبو من وين ...
المشوطن عالجو ... دي بعرفا ...
العسكري الرفدو .... دي عرفتا تب ...
التالتة شنو .... كدي ندي فرصة للنضيف ....
======================================
Quote: ثلاثة منهم أقيف
أكل التفاتيف .. سفر الخريف .. وزواج بنت اللفيف
ثلاثة أبعد منهم غادي
بوباي دابي .. وبوباي وادي ... وبوباي سلطان |
اكاد اجزم ياكوتش ان لك اتصال مباشر ... ومن ورانا
بالمدعو أحمد اسماعيل ....
غايتو يانضيف لو عرفت " بوباي " بتعني شنو ...
انا بتم ليك الباقي ...
تحياتي لكم دبل ...
يا كوتش ويا ابوعمر ...
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ياسر نجيلة)
|
تسلم ياريس نجيلا
قال رسول الله صلى الله عليه وسلم
يأتي زمان الناس فيه :
يحبون الدنيا وينسون الآخرة
ويحبون المال وينسون الحساب
ويحبون القصور وينسون القبور
ويحبون المخلوق وينسون الخالق
ويحبون المعصية وينسون التوبة
فيبتليهم الله
بالغلاء
والوباء
وجور الحكام
وموت الفجاء
اللهم أرحمنا وأحفظنا وأهدينا ونعوذ بك من فتن زماننا هذا.
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: أحمد إسماعيل)
|
حقائق مؤلمه ومضحكه!
.
.
.
.
.
.
التعري .. في الشارع خلاعة !!. وعلى المسرح فن!! وعلى
الشاطئ رياضة!!
الممثلة : كلما كانت ملابسها ( قصيرة ) ! ! . كلما كانت
أدوارها في أي فيلم طويلة!!
أكبر صدمة تتعرض لها الأم أنها تظل 20 عاما تحاول تربية
ولدها، ثم تأتي بنت الجيران فتروضه في أيام!!
الحقيقة : الشئ الوحيد الذي ( لا ) يصدقه الناس!!
الزواج : جمع .. وطرح .. ثم ( ضرب ) !! ...ولكنه قبل ذلك قسمة !!
المذيع: دائما يخاطبنا بقوله ( أعزائي ) !!... وهو لا يعرف أحدا منّا !!
الطالب الفاشل:هو الطالب الذي يمكن أن يكون(الأول) على فصله !!
لولا وجود الأخرين!!!
لا تحفر ( حفرة ) لأخيك حتى لا تتركها ( البلدية ) إلى الأبد!!
إذا كنت موظفا : فاحترم من هو أكبر منك لأنه يكتب عنك
التقارير السنوية ولاتحتقر من هو دونك لأنه قد يصبح مديرك!!!
| |
|
|
|
|
|
|
|
|
|
Re: ناس الزقازيق ... أجدع ناس (6) (Re: ياسر نجيلة)
|
Quote: جل سأل بحار : أين مات أبوك !؟
قال : في البحر
فسأله : وجدك أين مات !؟
قال : في البحر
فصرخ الرجل مستغرباً :
وتركب البحر بعد هذا !؟؟
إبتسم البحار ورد بالسؤال نفسه :
وأنت يا هذا أين مات أبوك !؟
قال : على فراشه ..
قال : وأين مات جدك !؟
فأجاب : على فراشه ..
فالتفت البحار عنه عائدآ
ً إلى قاربه وهو يقول :
وتنام على الفراش بعد هذا !؟
..
إذا عزمت لفعل أمر ..ٍ
فاجعل التوكل مركبة العبور ..
وإذا عصاك الدهر يوما ..ً
فاسأل المولى تسهل اand#65271;مور ..
and#65275; تجزع لضيق الرزق أبدا ..ً
يرزق العصفور بين النسور ..
واعلم بأن الله يعلم نظرة
العين وما تخفي الصدور ..
كن شاكراً ما دمت حيا ..ً
واعلم بأن الدنيا أيامٌ تدور ..
*لو كآنت الدنيآ سهلة ميسرة
لمآ كانَ آلصبر آحد آبواب آلجنة.
قيل لأحدالصآلحين:
مآهو آلصّبرآلجميل !
قال آن تُبتلى وقلبك يقول الحمدلله
* أتحزن لأجل دنيا فانية ؟
أنسيتَ الجِنان ذاتِ القطوف الدّانية
أتضيق والله ربك !
أتبكي والله حسبك.؟!
الحزن يرحلُ بسجدة.
و البهجة تأتي بدعوة.
و الصلاة تجعلك؛ أنقى و أطهر
و أكثرُ فرحة.
(رسالة جميلة وصلتني )
الأعمار بيد اللَّه
لو افترضنا عشت 60 عاما
*لو نمت 8 ساعات يوميا في 60 عاما فقد نمت 20 عاما
*ذهبت إلى العمل 8 ساعات فقد عملت 20 عام
*طفولتك 15 عام
*لو مكثت على مائدة الطعام مرتين يوميا في نصف ساعة فقد استهلكلت 3 سنوات من عمرك للطعام
مجموع النوم والعمل والطفولة والاكل من عمرك 58 عاما من 60 عام الباقي عامين فقط
ياترى كم ساعة استغرقتها للعبادة
ماذا سوف تقول لله تعالى يوم الحساب وفي عمرك فيما افنيته
كلام سليم 100and#1642;100
المصحف الكريم لا يتعدى 600 صفحه أو (604) ..صح
إذا لم تصدق أنظر في المصحف بسرعه وأرجع
هل رأيت كم من صفحة إذن..
طيب ...لنكمل الحديث..
المصحف 600 صفحه على 30 يوم كم تساوي..؟؟
لا تعذب نفسك في الحساب...
فهي أبسط من ذلك
600 / 30 = 20 صفحة...
عمليه سهله جدا ...
طيب يعنى فى اليوم 20 صفحه
و نحن عندنا 5 صلوات فى اليوم
يبقى 20 / 5 = 4 صفحات مضبوط إذن...
يبقى إنك لو قرأت 4 صفحات بعد كل صلاة...
فإنك في اليوم ستقرأ20 صفحه
يعنى في الشهر ستقرأ القرآن كاملا وأنت مرتاح إنتظر،،
الرساله لم تنته بعد أراك في عجل ...
أكمل إلى النهاية ..
لم يبق لنا الكثير....
لو إنك أرسلت هذه الرساله لكل أخوانك وكل العالم ....... أصدقائك....
وختموا القرآن بسببك أتعرف ما هو قدر الثواب الذي ستحصل عليه
يااااااااااااا آ الـلہ.ك.............
كلما ختمه أحدهم إلا ويكتب لك أجره....؟؟؟
لم لا تجعل لك مشروع مربح هذه السنه....؟
لم لا تجعل الناس كلها تختم القرآن على يديك
هل مازلت متردد ....!!
الدال على الخير كفاعله
اللي عنده قروب يرسله له ليتضاعف الأجر إن شاء الله
ًأقوى 8 أطعمه لتقوية المناعه وتحطيم الأمراض:
الرمان
الروب
الثوم
البصل
الشاي الأخضر
الشوفان
القرع
البروكلي
ثلاثة أشياء تمرض الجسم :
1) الكلام الكثير .
2) النوم الكثير .
3) الأكل الكثير .
وأربعة أشياء تهدم البدن :
1) الهم .
2) الحزن .
3) الجوع .
4) السهر .
وأربعة تزيد في ماء الوجه وبهجته :
1) التقوى .
2) الوفاء .
3) الكرم .
4) المروءة .
وأربعة تجلب الرزق :
1) قيام الليل .
2) كثرة الاستغفار بالأسحار.
3) تعاهد الصدقة .
4) الذكر أول النهار وآخره.
وأربعة تمنع الرزق :
1) نوم الصبح .
2) قلة الصلاة .
3) الكسل .
4) الخيانة
كلما هممت بفعل معصية تذكر ثلاث آيات:
1-"ألم يعلم بأن الله يرى"
2-"ولمن خاف مقام ربه جنتان"
3-"ومن يتق الله يجعل له مخرجآ“
إذا أعجبتك هذه الكلمات
لا تخرج قبل ان تنشرها
فالدال على الخير كفاعله |
| |
|
|
|
|
|
|
| |
أحمد إسماعيل
الرشيد بابكر
عبد الدائم سيد أحمد
ياسر نجيلة
منصور عبد الرازق
ميسرة سيد أحمد
محمد صديق
زهير الزناتي
طارق جبريل
فيس بوك
تويتر
انستقرام
يوتيوب
بنتيريست