نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: ناس الزقازيق ... أجدع ناس (5) (Re: الرشيد بابكر)
|
صباح الخير ،،، يا وجوه الخير
أسعد الله صباحك أحبتي :
نعم يا الرشيد نحن قوم لا نعرف قدر نفسنا
وإليكم ما كتبه الكاتب السعودي عن الشعب السوداني
السودانيون في الخندق " عنوان لمقال بقلم الكاتب السعودي صالح الحمادي
منشور بصحيفة الشرق السعودية الغراء عدد 3 اكتوبر 2012 م
يتسع صدر الوطن السعودي الكبير لكل جنسيات العالم التي أتت بحثا عن لقمة
العيش الكريمة، وتتسع قلوبنا كسعوديين لكل القادمين إلينا على اختلاف مشاربهم،
ومع هذا فالصورة الشاملة تعطينا مدلولا واضحا وصريحا عن تميز بعض القادمين إلينا،
فالبعض يعيش ويتعايش بهدوء وبدون ضجيج، وجنسيات أخرى تنشر الرذيلة وتبيع كل شيء وتمارس أي شيء.
دعوني أتوقف عند الجنسية السودانية بالذات التي ساهمت في تطور وبناء
هذا الوطن منذ أكثر من خمسة عقود وكانوا وما زالوا بيننا وينتمون إلينا
بمشاعر صادقة ومختلفة عن بقية الشعوب التي أتت إلينا للعمل.
أتت هذه الصور الجميلة بعد كتابتي عن موقف الجالية الهندية ومشاركتها
لنا في احتفالية اليوم الوطني بالتبرع بالدم، وتذكرت أن أشقاءنا
السودانيين سبقوا كل الجاليات فهم يشاركوننا كل أفراحنا وأتراحنا ولهم
رابطة الإعلاميين السودانيين برئيسها عوض أحمد عمر وأمينها العام محمّد خير
عوض الله، وهي تقدم صورة جميلة آخرها تعبيرهم عن فرحتهم ومشاركتهم الشعب
السعودي في مناسبته الكبيرة باليوم الوطني، وتعودنا من أشقائنا السودانيين
على مر مراحل البناء السعودي الصدق والنزاهة وهم دائما مثل الذهب الذي
لا يصدأ أبداً حتى لو أنهكهم التعب.
تشرفت أنا وجيلي بالتعلم والتربية على يد عدد من السودانيين، وتشرفت بالعمل
مع زملاء وإخوان من السودان، وفي مجمل المشهد يظل الإنسان السوداني من أفضل
الجنسيات التي عاشت وتعايشت في بلادنا ومن النادر أن تسمع بقضية طرفها سوداني
وهذا سلوك ثقافي نتاج أسبقيتهم المعرفية ونتاج عقليتهم المتسمة بالوقار
والشفافية ونقاء السريرة، ولا أبالغ إذا قلت إن الأشقاء السودانيين ثوب ساتر
لعيوبنا وثقوبنا الاجتماعية وهم معنا في كل الظروف وفي خندق واحد إن لزم الأمر.
| |
 
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
Quote: ياسر نجيلة اوع تكون ختيت حقك في اللاب توب بتاع قريبك....
قالوا قديما يموت الزمار و صباعه بتلعب...
وانت التجارة جاريه في دمك و دايما في بالك... |
يارشيد القوم ...
انا عيني على مخبز نملوووووز ....
قروشي جاهزة للشراكة (60%) ...
الابتوبات الذي دي بنطلع بيها حق البنزين ..... 
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
صباح الخير ،،، يا وجوه الخير
أصبحنا وأصبح الملك لله وحده،،،
لا اله الا الله عدد ما كان لا اله الا الله عدد ما يكون
لا اله الا الله عدد الحركات والسكون
سبحان الله و الحمد لله و لا اله إلا الله و الله أكبر و لا حول ولا قوة إلا بالله
اللهم صلي وسلم وبارك
على نبينا وحبيبنا محمد واله الطيبين الطاهرين
سبحان الله و بحمده عدد خلقه و رضا نفسه و زنة عرشه و مداد كلماته
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
هام لناس السعودية وخاصة الحجاج والمعتمرين والمودعين
تم تعديل مفهوم وزن العفش عند السفر
ركاب الدرجة السياحية لهم شنطة واحده فقط لا تزيد عن 30كيلو.
ركاب درجة رجال الأعمال والدرجة الأولى لهم شنطتان لا تزيد الواحده عن 30 كيلو
باقي العفش يحتسب كالتالي لجميع الدرجات:-
أي قطعة من واحد كيلو حتى 30 كيلو 350 ريال
يفهم من ذلك الدفع صار بعدد القطع وليس بسعر الكيلو
يعني لو معاك عدد 6 قطع وكل قطعة 15 كيلو تدفع 350×6=2100ريال
هذا يدلل بأن الوزن صار لا قيمة له على شرط لا تزيد أي قطعة عن 30 كيلو
==========================================
هناك طريقة أخرى أيضاً للوزن عن طريق البريد السعودي الممتاز
متدرجة السعر من 1 كيلو إلى 10 كيلو تقريباً 90 ريال
أقصى وزن يكون 30 كيلو بسعر 150 ريال للشنطة وتصل السودان
خلال يومين ثلاثة على عنوانك البريدي ويقوم البريد السوداني
بتوصيلها لكم حتى عنوانكم المكتوب
يوم أمس كنا في المطار مودعين ووجدنا الدنيا مقلوبة
ناس كمية كبيرة فاتحة شنطها وتعدل في عدد الشنط الصغيرة
وتشتري الكراتين من التغليف الآمن والسعر حسب حجم الكرتونه
===========================
يعني لو عندك واحد مسافر وجيرانك جابوا ليكم شنطة صفيرة (9) كيلو
علشان توصلها تدفع أنت 350ريال على هذه القطعة مع الشكر الجزيل
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
شايقي وجعلي ساكنين جيران مدة طويلة جدا...
ودايما صوتم طالع، مشاكل كتيرة خلاص...
الشحمة والنار... هارين ناس الفريق مشاكل ...
قام الجعلي مات ...
الناس لما جات بيت الفراش لقيت ليك الشايقي ... ببكي وبعزي بأعلى صوتو ...
ومرات يرفع يدينو يوصف ... ويسكلــــــب ...
الناس جوهو قالولو ... العمر ده كلو هاريننا مشاكل ... كل يوم صوتكم طالع السما ...
هسع وجعك وبقيت تبكي عليهو ...
قال ليهم ... والله ما وجعني ... إلا قالولي البكا بعذب الميت ....
===============================================
رباطابي ... جاب لأولادو جدادة مكنة مشوية ومكرفسة ...
مشي يغسل يدينو ... ولما رجع لقاهم أكلو الجنحين والرجلين ...
قال ليهم: مالكم خليتوها زي العربية السيدا اغترب ؟!!!!
==================
المناسبة ... بكرة الخميس ....
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
نحاكي أخونا ياسر نجيلة وننقل لكم هذه النكته
مسطول فتح دكان لكن ناس الضرائب والعوائد والمحلية كرهوهو
قام عمل مظاهرات قال اﻻ اقابل الرئيس عمر البشير
بي جاي بي جاي ادو موعد عشان اقابل بشة فلما جاه الموعد وقابل بشة قال
يا سعادة ناسك ديل كرهونا كل شوية ناطين لينا في الدكان
بشة قال ليو انا بسألك تﻼتة أسئلة لو جاوبتها صاح انا ح اعفيك من كل حاجة
المسطول قال ليهو أسأل
بشة قال ليهو السؤال اﻻول : اقوى حكومتنا وﻻ حكومة عبود ؟
المسطول قال ليو : اكيد اقوى حكومتكم
ﻻن عبود كان بخاف اﻻنجليز
بشة قال لي ممتاز يﻼ السؤال التاني :
اقوى حكومتنا وﻻ حكومة نميري ؟
المسطول قال ليو اقوى حكومتكم ﻻن
نميري كان بخاف الشعب
بشة قال لي جيد يﻼ سؤال رقم تﻼتة واﻻخير
اقوى حكومتنا وﻻ الصحابة ؟
المسطول قال لي هاهاهاهاهاها
اكيد اقوى حكومتكم ﻻن الصحابة كانوا بخافوا الله
ــــــــ
النكتة منقولة
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
رصد وتقصي الشلوخ : من (111) إلى النقرابي ودرب الطير وشنب الكديس
أضحت بقايا مخططات الجدات التي رسمنها على وجوه الصبايا زينة يفتن بها الشباب والشيوخ معاً، ويسلبن بها قلوبهم الغضة، أضحت محل تندر ومبعث تحريض لملكات الشعراء الذين تغزلوا في تلك الخدود المزدانة (بالمطارق والشلاّخ الخُدر) حسب عادات (زمان)، ليس ذلك فحسب بل أن (الشلوخ) أخذت مناحٍ أخرى غير الزينة والتجميل، واستخدمت لأغراض أخرى سنستعرضها في سياق هذا التقرير، غير أن هذه المفاهيم قد تبدلت وفقاً للحداثة وقد رفضتها بشدة الأجيال الجديدة واعتبرتها نوعاً من استخدام العنف ضد المرأة شأنها شأن عادات كثيرة ما زالت قيد المكافحة للقضاء عليها قضاءً مُبرماً.
تخطيط وتخريب
ورغم أن العملية (التشليخية) تخضع لمراحل قاسية حتى (تكتمل صورتها)، إلاّ أن الفتيات كن يتحملنها بجلد وصبر شديدين، ويترقبن مراسمها وطقوسها بفرحة عارمة، حد أن (المُفصِدة) الشهيرة الحاجة "بتول الخليفة" المتخصصة في (شلخ) الـ(T) قالت لـ(المجهر) إن مجموعة من النسوة (وافرات الضراعات) يقمن بالإمساك بالفتاة المزمع (تشليخها) من ذراعيها ثم يعملن أمواسهن على سطح خديها تخطيطاً وتخريباً غير آبهات ولا عابئات بصراخها ـ هذا قبل أن يقمن بحشو القطن المعطون بالمحلبية والقطران في الجرح ما يُفاقم الألم ويزيده، فتصاب الفتاة بحمى شديدة وتورم في الخدود، واستطردت الحاجة "بتول" قائلة: رغم كل ذلك يكون سرور الأهل عظيماً سيما إذا كانت الشلوخ ضاربة في عمق الخدود اليانعة وعريضة ما يكسب الصبية جمالاً وحسناً وفتنة – كما كانوا يعتقدون- وأضافت: أما تلك الشلوخ التي تكون على هيئة خطين صغيران قرب العينين، فتستخدم لحماية الطفل من أمراض العيون.
غزل آفرو عربي
عادة الشلوخ ليست قاصرة على السودانيين فقط كما نظن ونعتقد، حيث أن شعوباً أفريقية كثيرة عرفتها كزينة منذ أمد بعيد، حتى أن أشعاراً سودانية وعربية كثيرة أشارت إلى ذلك في غير قصيدة، ففي الشعر العربي القديم على سبيل المثال، ارتبطت الشلوخ بالأحباش، وهذا ما تكشف عنه قصيدة "أبو حيان التوحيدي" التالية:
ولي حبشية سلبت فؤادي
فليس يروق لي شيء سواها
كأن لعوطها طرقاً ثلاث
تسير بها القلوب إلى هواها
وفي السودان يقول الشيخ "عبد اللطيف المكي" تشبيباً رفيعاً بشلوخ عريضة:
على صفحة الخدين قد لاح لي خط
ومضمونه أن الممات به شرط
أموت بلا شرط عليها صبابة
فكيف إذا ما لاح في وجهها شرط
وقال الشيخ "عمر البنا" مُتغزلاً في محبوبته المشلخة،
الظبي الساكن قلبي دايما طارقو
يلمع سيف لحاظو يفتك سنانو وطارقو
النقرابي يضوي في خدودو ومطارقو
وبحسب الحاجة "بتول"، فإن هنالك عادة أخرى لا تقل (عذاباً) عن (الشلوخ)، وهي عادة الوشم الذي يضرب على الشفاه أو ما يسمى بـ(دق الشلوفة)، حيث تُحضر مجموعة من الإبر مربوطة مع بعضها وتثقب بها الشفة ثم يوضع عليها الكحل المخلوط بمرارة الخروف بعد تجفيفها وسحنها، حتى تكتسب اللون الأخضر أو النيلي الذي تغزل فيه أحد الشعراء قائلاً (أم خشيماً بالإبار محروت، متل الفضه والياقوت).
ورغم هذا الكم الكبير من أشعار الغزل والتشبيب بالمشلخات من الآنسات والسيدات، إلا أن بعض الشعراء شقوا الصف وتمردوا على النظام ومنهم الشاعر "إبراهيم أحمد بابكر" الشهير بـ (العبادي) والذي قال في إدانة واضحة للشلوخ:
دون فصادة سواك الهك
والإبار ما لمست شفاهك
ثم جاء إليه الشاعر الكبير "عبد الرحمن الريح" وهو يسعىي بأغنيته الشهيرة:
الذوق والجمال والخدود السادة
أدو قلبي النار حرقوه زيادة
أنواع وأسماء الشلوخ
وبحسب الباحث في الفلكلور والتراث السوداني الأستاذ "إبراهيم البزعي" عبر برنامجه التلفزيوني، فإن الشلوخ ليست سوى علامة تحفر على الوجه بطريقة معينة، وكانت عادة منتشرة في معظم القبائل السودانية، فهي علامة تعريفية لهم، ومن أشهر أنواع الشلوخ (المطارق) وهي (111)، إلى جانب النقرابيو درب الطير وجع القليب وهو الحرف ( t) وشنب الكديس عند الشوايقه، وكرسي النادي عند الدناقلة كما كانت تستخدم كنوع من المحبة، أو إذا كان الطفل كثير البكاء يعتقد بوجود دم فاسد، أيضاً استخدمت للعلاج من الصداع ووجع العيون والضغط وغيرها من الأمراض، أما عند النساء فتعتبر نوعاً جمالياً يزين وجه المرأة، وعند الرجال أخذت منحى دينياً، فمثلاً مطارق "الشيخ إدريس ود الأرباب "وكذلك شلوخ "ود حسونه" المنحوتة في قبته وهي مائة وواحد وسبعون، إلى جانب مُدقاق الشيخ " العبيد ودبدر" وهو الحرف (T) ونفس الشلخ تحمله قبيلة البطاحين، أما أتباع الشيخ "الفادني" فيحملون الحرف ( .(Nوأضاف "البزعي": أن الشلوخ ليست حصرياً علينا، بل موجودة في دول أخرى كثيرة منها على سبيل المثال نيجيريا والحبشة.
واستطرد قائلاً: إنها تتم بواسطة آلة حادة وخشبة، حيث يغسل الوجه بالماء والصابون، ثم يُبل القطن بالقطران ويوضع على الشلخ تفادياً للإصابة بالتتنُس، وعند الانتهاء تمسح الجروح بالسرتية أو المحلبية عند النساء، وبعض القبائل يضعون عليها روث الحيوانات و(المجموع) معتقدين أن (المجموع) يعمل على توسيع الشلوخ، فتصبح الشلوخ (بُقاق) به مادة ثم يثقبونها بإبرة حتى تتم إزالة جميع القشرة التي تغطيها ومن ثم يضعون عليها الكحل الحجري حتى يسود لونها.
| |
|
|
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
صبحكم الله بالخير
موضوع الشلوخ ده نكتو من وين يا منص...
خلاني أرجع أفكر في ماهو الجميل في الشلوخ البيستاهل العذاب ده...
مسكينات و الله النسوان ديل كانو...
.
.
.
.
.
مالو الليلة يوم الخميس ده بيشبه يوم الأحد...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
نملووووز ...
ياخي انا جني وجن الخبز "الملولو" ده ...
اعمل لينا رغيف "توستا" ... عادي ....
بالتوفيق ياولدنا ...
من هسع انا شريك معاك في المحل ... الحتفتحو ...
سلام تحيه
صبرا ال ياسر منتظرين نعمل اكثر من 18 نوع من الخبز
التوستا والعادي والقمر والمجمر والنظيف وكله شوف دي امس في شكل
بومه وذلك لجذب الزبائن عن طريق اطفالهم
انا عيني على مخبز نملوووووز ....
قروشي جاهزة للشراكة (60%) ..
والله الفكره طلعت كبيره ياياسر وان شاء الله تكون سبب في مشاريع
لينا كلنا وانت صاحب المشروع كله واعتبرنا مساعدين عندك وتصدق
اليوم كانت الحصه عن تصميم شكل المعمل والمحل بكل خدماته . خليني
اخلص الكورس واعمل لي خبره في الخبز والمعجنات والشوكلاته.
مجانين نحن عشان نأكل من يدك ...
يا لقينا جوة العيشة شعرة طويلة ..
يا كمان لقيناها مليانة رملة وحصحاص من الشواطى البتجرى فيها ....
شكولاتة قال ....
يانضيف الصوره تغني عن الجواب
يا نملوز يا سلام على الخبز المزهزه الجميل...
بس بالله لمن تصل حتة الخبز الأسمر رسل لي الوصفة....
خبزك الجميل ده ما بينفع معاي في الوقت الراهن
ياراش تصدق عملنا الخبز الاسمر وكمان الخبز بالزبيب
قال الكويتي يومها أوشكت ان ابكي وتمنيت لو كنت سودانيا.
ياريس الزمن الصعيب غير كتير وعندنا في اوربا
الجبن اصبح سمه شبه عامه ربنا يسهل ونغرز شويه في اولادنا
رصد وتقصي الشلوخ : من (111) إلى النقرابي ودرب الطير وشنب الكديس
يامنصور تصدق في حاجه كانت محيراني في انه مرات الجعلي والدنقلاوي
والشايقي تلاقيهم مشلخين بنفس الشلوخ اتاري الحكايه فيها شيوخ وحيران
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عمر نملة)
|
صباح الخير ،،، يا وجوه الخير
دعاء اليوم :
"اللهم أنت ربي... وأنا عبدك... خلقتنى...
وانا على عهدك ووعدك مااستطعت... أعوذ بك من شر ما صنعت...
أبوء لك بنعمتك علىّ... وأبوء بذنبى... فاغفر لي... فإنه لايغفر الذنوب إلا أنت"
أستغفر الله العظيم الذي لا اله إلا هو الحي القيوم وأتوب إليه
======================================
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
صبحكم الله بالخير
ما دام يا عمر بديتو تعملوا الخبز الأسمر دخلني معاك شريك في المحل...
ان شاء الله بعدين تدفع نصيبي خبز أسمر...
و الله يا عمر يعجبني تصميمك و اجتهادك..
أنا عندي ليك عرض أحسن من عرض ياسر نجيلة...
أنا بدفع ليك دفعة مقدما...
و بعدين بدفع مبلغ مقدر من راس المال كل شهر...
لحدي ما تكمل راس المال..
بس بشرط بعدين يعتبروني مستثمر و أجي بلجيكا...
أنووووووم و أجي أنظر ليك في المحل...
البومه دي ماله عامله كده...
بدل بومه كان تعمل ثعلب...
و الخبز الأسمر ده مالو مسيخ كده...
و بعد داك...
يا علمتني الجري...
يا علمتك الركلسة...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
«1»
- دحين يا عمتي قالوا سويتيلك نصايب في بِكيات شبا
- ايي يا ولدي وحاتك فترنا من شبا وبِكياتها
- باقيلي فضحتينا الله لا كسبك
- مرة ناس بت ود علي كانن عندهن زولا مات مشينا نباكيهم
- أها
- باكيناها يا عشاي وجينا طالعين لي بيوتنا إن كان نسمع المنادي تاني ينادي
- وانتو لليلي ما وصلتوا لي بيوتكن
- ايي الله لا كسبو واحدا ليهو صوت علي الدميري
- ههههههههههههه اها
- اها الدعبونة قالتلي قالوا بت ود علي تاني ماتلها زول
- يا سلام
- ايي قمت قلت للدعبونة انتي بت ود علي دي اصلو نكير دة برك عندها انا ركبيني واجعاتني
- هههههههههه وشن سويتي
- رجعنا يا حبيب قساي تاني صادين انا والدعبونة
- أها
- دخلنا لقينا الحرَرَم ديل تاني يسكـــلبن ويعوعن
- أها
- اها يا ولدي ختيت يدي في راس بت ود علي وقلتلا: شكيناك لي الله إن كان تمُرنا بي تحت مشتت والمُلاح ماهو عندنا
- هههههههههههههههههههههههههههههههههههههههههه
- وجريتها من المشاط لااااعندي وقلتلا: إنتو الماتلكم منو تاني الله لا كسبكن
- ههههههههههههههه غايتو ماكي مرة شي .. نان انت اصلك ماكي عارفي المات منو
- أييي ههههههههههههه وهي صاقعالي: إييي ماهن قاعدين قايمين للخرتوم الصباح لا تسوولكن كِسري ولا شي..
وانا قلتلا: هو وين اللكل فشان نجيبوا.... نحن نعوعي معاكن من أصبحت يبكوا عليكن
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: طارق جبريل)
|
صباح الخير ،،، يا وجوه الخير
أصبحنا وأصبح الملك لله وحده،،،
دعاء الصباح :
اللهم نسألك يا غفور يا رحمن يا رحيم ..
أن تفتح لأدعيتنا أبواب الاجابه ..
يا من إذا سأله المضطر أجاب ..
يا من يقول للشيء كن فيكون ...
اللهم لا تردنا خائبين ..
اللهم أدخلنا الجنة مع الأبرار
وأرزقنا في دنيانا من حيث لا نحتسب
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: طارق جبريل)
|
مساكم الله بالخير
جبريلا كاتب قدير و مصمم خطير ضل طريقه الى البيطرة....
أنا من أوائل الناس الذين نادوا بأن يتفرغ جبريلا قليلا للكتابة...
صحي أكل العيش يحب الخفية...
و مرات الكتابة ما بتأكل عيش...
لذلك نطلب منه أن يتفرغ و لو جزئيا لمثل هذه الكتابات...
فوجئت بعد انتهاء مباراة السودان و أثيوبيابالشغالة بتاعتنا صارة وشها....
قلت ليها مالك يا مساي..
قالت ما عايزة شغل...
قلت في نفسي الله لا كسبك يا مازدا..
دي عمله تعملها فينا...
الحبشية قالت ديل عليك الله ناس أشتغل معاهم...
اذا نحنا بنغلبهم أشتغل معاهم ليه...
قلت ليها يا مساي يعني عايزة تطلعي عشان غلبتونا....
قالت مهند شاكلني أنا ما عايزه شغل...
بركة البقت من مهند ما من هزيمتنا الشينة دي....
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
رشا يا حبيب الله يجبر بي خاطرك ياخي
بِكيات الزهرة بت ود كنيش (بت ككو)
«2»
- دحين انت علويي بت وداعة الله ما خليتيها تضحك في موت حبوبتها
- ههههههههههههه ايي يا ولدي
- شن سويتيلا... ماكي مصيبة انتي
- كانت مدياني نعجايي
- ادتها ليك كلو كلو يعني
- ايي يا ولدي ووكتين نتكاتلنا في شي تنعلني: اديتك نعجتي ونافعاكم وتسويلكم..
- ههههههههههههه يعني وكتين تتكتلوا تجيبلك سيرة نعجة الجن دي
- ايييي هههههههههه اها قومي يا بت زينب حبوبتها موتي
- يا سلام
- اييي يا ولدي رحمها الله ماتتلها في سموما كافري ومخروقتي واجعاني وركبيني وارمات
- يعني مع النعجي دي ما عندك حل علي تمشي تعزيهن
- ههههههههه اييي الله يخربها هي ونعجتها
- هههههههه نان شن سويتي
- يا ولدي من هني لا هني وامسك في الحيط لامن طلعت عندهن
- وصلتي يعني
- ايي يا ولدي مع وصلتي عيني لي علويي جايي من تحت تعوعي وتتنخج
-اها
- في قلب الحوش مسكتها في راسها وقلتلا: شكيناكن لي الله تعالي شيلي نعجتكن دي مني هههههههههههه
- هههههههههههههههه الله لا تاجرك يا عمتي
- هههههههههه يا حبيب قساي علوي بقت تضحك وتقولي: الرسول آآآآلزهرة لا تضحكيني دي حبوبتي المرباني
- دة ياهو بكاكي معاها
- ههههههههههههههههههههه ايييييي
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: طارق جبريل)
|
صباح الخير ،،، يا وجوه الخير
دعاء الصباح :
اللهم اجعلنا ممن يسمعون القول ويتــَّبعوون احسنه يارب العالمين
اللهم أجعل عملنا كله خالصا لوجهك
اللهم لاتجعلنا ممن ضل سعيهم في الحياة الدنيا وهم يحسبون انهم يحسنون صنعا ً
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
Quote:
يا منصور سلامات
ده للتوثيق ؟ ولاّ قليب دفاتر ؟ ولاّ تقليب مواجع وفتح جروح ..
السؤال .. فقط ليطمئن قلبى |
احسان عبد العزيز يا عزيزة
خلى قلبك مطمئن , وطمنى معاك ناس الرشيد ونجيلة وعمر نملوز كمان
لكن الأمر لا يخلو من , تقليب الدفاتر والمواجع وفتح الجروح
وللتوثيق كمان
القصة فعلا مدهشة وغريبة وتستاهل التقليب
من الأول انا كنت متأكد , انو القصة ما زينة وتجمل بس
فعلا انها ذات ابعاد اجتماعية اكبر من مجرد محاولة تجميل
خاصة وانها لو كانت شغلة تجميلية بحتة , لأقتصرت على النساء دون الرجال
ولكنها كانت عمليات موغلة فى ارساء قيم قبلية وجهوية , النصيحة لى الله , ما قدرت اعرف اتغذت من وين
ولا كبرت كيف , واخدت الحيز ده كله , لدرجة الرغبة الجامحة التى تصل لحد الأيذاء دى
فى تصنيف الناس , والشعور باهمية تمييزهم حتى على اساس (قبلى )
مش شىء غريب بالله
الشلوخ بقت مافى هسى , واصبحت اثرا بعد عين
ولكن محاولات التمييز القبلى والجهوى , ما تتزال تترى وتستمر
وتأخد اشكالا جديدة , وتبتدع صور مستحدثة كل يوم
حقيقى , الأمر يبدو معقدا وكبيرا
فالفارق بين الأعتزاز بالأنتماء , والفخر بالأصول والجذور
وبين التشتت القبلى المقيت , والشعور بالتفوقات الجينية والأثنية غير القائم على رجلين
فرق جد بسيط , ويكاد يكون لا يرى بالعين المجردة
ولأنه كذلك , فانه الملجأ الأول لطلاب السلطة وسارقيها
يغذونه , وما اسهل تغذيته
ويلعبون على حبله الحساس والقابل دوما للأشتعال والأثارة , وما اسهل اشعاله واثارته
فتكون النتيجة , الف سودان , ومليون وطن بديل , وتشظى وانقسام وانكفاء لانهائى
اكبر مشكلة , ان مثل هذا التشظى , يشبه تكاثر الأميبيا الطفيلية
اذا بدأ , ما يوقفه الا رب العالمين
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: منصور عبد الرازق)
|
عمر نملوز يا حبيب
بختك والله مع العيش الملون ده
بعدين بلدكم دى , اصعب حاجة فيها العيش ده
تفتش ليهو سما واطة ما تلقاهو
ياخى لغاية ما كنا نلقى نفسنا دايرين ناكل الفول
بالكرواسان !!!
اردمهم الجماعة ديل بالعيش الما خمج
وانا معاكم , بعد نجيلة والرشيد
وعاااارفو النضيف منتظر حصة الكسرة والأنجيرا
عشان يجى ويخت بياضو معانا
* بمناسبة الأنجيرا وشكلة مهند للشغالة
لو قالوا لى كسودانى , اختار ليك فريق يغلبكم وما تزعل
لأخترت الأحباش ديل
ضرب الحبيب يا معلم , الذ من اكل الأنجيرا زااااتو
عشان كدة مهند الرشيد ده
محروم من المصروف يومين , ومن البلى استيشن نهاية الأسبوع
عليك الله يا مهند , فى زول يشاكل ليهو حبشية ؟؟؟!!!!
ولا شنو يا طارق جبريل ؟؟؟
شهقة واحدة من شهقاتن , تخلى يومك ابيض ياخ
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
صباح نضيف خالي من الغش والتزييف ...
صباح دغيشا بدري .. ويا إيد البدري قومي بدري .. وحشي بدري .. شوفي كان تنقدري ...
واللا أحسن في الأول نشيل الفاتحة ...
الحمد لله رب العالمين ..... ولا الضالين آمين ...
البركة فينا وفيكم لي أي زول فقد ليهو عزيز ...
وكل التهاني والتبريكات لي أي زول مرت عليهو أيام سعيدة وهنية ...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: البادي النور)
|
أصبحنا وأصبح الملك لله ...
نملوز ما تنسى عيش الجنز الطلب عليهو كتير ...
يا منص .. الشلوخ الستة العراض النيرانة حارقات الفؤاد ... والعجايز ظهروا ...
يا رشيد القوم مساي دي قول ليها دا مهند الرشيد ما مهند الطاهر ...
يا طارق جبريل مبالغة في الحكاوي باللهجة الشايقية .. زيدني من دلك شوية ...
يا منص إنت الوحيد اللي كنت بتسأل عني .. الله يديك العافية ويسكنك الصافية ...
شيخي جلا ما وقع في عينكم؟؟؟
ولنا عودة بإذن الله...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: البادي النور)
|
يا مرحبا ... يامرحبا ...
الاخ بادي والاخت عفاف ... رجوع مفرح
حمدلله على السلامة
=================
بادي ياجميل ... رجوعك مرحب به ...
اكيد وراء اختفاءك قصة او مغامرة ...
احكيها (إذا امكن) ... ولو بـــ الشايقي .....
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: البادي النور)
|
صباح الخير يا وجوه الخير،،،
صباح الجمال للبادي النور والعودة الحلوه
صباح الحب المدود على رمل المسافة للعزيزة فافي
أجمل ثنائي عائد ومرحب بيكم كتير وتنادوا معنا للعودة الطوعية
دعاء اليوم :
اللهم أجعل تجمعنا هذا تجمع خير ورحمة ومحبة
اللهم أجعلنا ممن يقال لهم كلوا وأشربوا هنيئا بما كنتم تعملون .
ولا تجعلنا من الذين يقال لهم
أخسئوا فيها ولا تكلمون
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: محمد صديق)
|
انتو السودان فتحو ولا شنو ...
البادى و الكوتش جايين مع بعض
وبعد المبارة كمان ...
الحكاية فيها آنة .. وتغييرات كبيرة
اعمل حسابك يا ريس ما يشيلوك ...
،،،،،
يا كافى البلاء اغيب اسبوع زول يسأل منى مافى
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عبد الدائم سيد أحمد)
|
| Quote: يا كافى البلاء اغيب اسبوع زول يسأل منى مافى |
غلطانييييييييييييييييييييييييييييييييييييييييين ... معاك ياالنضيف ...
ولكن بعد ماجبت الولد .... شفنا غيابك عادي ... حتي لو شهرين ....
حمدلله على سلامتك .... فقدناك أكيد ... مع الشلوخ الحايمة في البوست ؟؟؟؟
==================
الكوتش وصل ...
فعلا السودان فتح ... مع اللوتري الأمريكي
ليك وحشة ياكوتش ...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
وجورج والبادي عديل كدة
دي عايزة ليها كرامة رسمي
«3»
- غايتو يا عمتي اصلك ما بتتستري... عمي كنيش قالي في الحَرَم فضحتينا..
- هههههههه بالله عمك فضحني
- قالي جننتيهو في الحج وشيلتي حالو
- هههههههه وكتين وصلنا علي الطواف اللخير قلتلو يا كنيش أدني قروشي
- ههههه قروش شنو كمان
- شن عرفني يا ولدي .. قروش الحج ألاتي كلهن كانن عنده
- أها
- في الطواف اللخير دة يا ولدي كرعيني ديل وجعني وأشوف في الناس شايلنهم
قلت أشيل منو قروشي وأشوفلي ترابلة يشيلوني واقضي فشان امشي لي أهلي
- انتي مالك ضايقي
- يا ولدي مشينالنا في سموم وحرا علي جهنم
- الله لا كسبك ههههههههه جهنم في الحج
- هههههههههه عمك قعد ينقنق وطلع القروش وأداني ليهن
- أها
- اها عمك مكاوي أجرلي الخرابة البيشيلوك فيها دي
- فشان تكملي الطواف يعني
- ايي يا ولدي فِتِرتة... اها ركبوني في النصيبي العلي حاحاية الطير دي
وكملت طوافي ونزلت جيت ماشي علي عمتك خضرة
إن كان يا ولدي اسمعلي في نونيي
- نونييي أليل شنو كمان
- واحدات مغتغتات كدي يا ولدي ماسكاتلهن كِتبات ينونن ويبكن ويتنخجن
- أها
- أن قايلي في زولا كتلو من تالا الحرم لاااجوة
- هههههههههههه اها
- قمت يا عشاي سألت عمتك خضرة قلتلا: إنتي الفي شنو... المات منو؟؟ البكا الجوة دة شنو؟؟
- ههههههه اها
- عمتك قالتلي: وااااشري يبكن علي روح النبي (ص) حلالي عليهن
قلتلا: هو النبي (ص) مات الليلي ... هاجماتننا لي شنو... النبي (ص) ماهو ميت من حيات جدي
- عمتك قالتلي: استغفري يا الزهرة
- اييي استغفر شنو خلعني التقول النبي(ص) كان سِرَهِن
- هههههههههههههههههههههههههههههههههههههههههه حجتك دي ماها قايمي من برشها دة
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: محمد صديق)
|
ديشاااااااااااااااااااااااااااااااااااااااااااااااك
ديل منو ديل Quote: صباح نضيف خالي من الغش والتزييف ...
صباح دغيشا بدري .. ويا إيد البدري قومي بدري .. وحشي بدري .. شوفي كان تنقدري ...
واللا أحسن في الأول نشيل الفاتحة ...
الحمد لله رب العالمين ..... ولا الضالين آمين ...
البركة فينا وفيكم لي أي زول فقد ليهو عزيز ...
وكل التهاني والتبريكات لي أي زول مرت عليهو أيام سعيدة وهنية ... |
ده كان معوق زى ود خالتو ولا شنو ؟؟؟!!
قولوا ليهو , الخانة اديناها لى جمعة
واردفناها بالحريات الأربعة
| |
|
|
|
|
|
|
|
|
|
|
Re: ناس الزقازيق ... أجدع ناس (5) (Re: منصور عبد الرازق)
|
Quote:
سلامات يا ناس
فى زول داير سمك ..ولّا طحنية..
تعقبها جبنة من وين كده ما عارف..وتُخْتَم
بى بَخّة بَخّتين؟؟!! |
انااااااااااااااااااااااااااااااااااااااااااااااااااااااااااااااااااااااااااااااااااااااااااا
قبل العيد ممكن ؟؟؟معاكم اسبوع قبل العيد , واسبوع العيد زاتو , كان رفاعة خلت لينا فرقة فيك
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: منصور عبد الرازق)
|
Quote:
عمتك قالتلي: وااااشري يبكن علي روح النبي (ص) حلالي عليهن
قلتلا: هو النبي (ص) مات الليلي ... هاجماتننا لي شنو... النبي (ص) ماهو ميت من حيات جدي
- عمتك قالتلي: استغفري يا الزهرة
- اييي استغفر شنو خلعني التقول النبي(ص) كان سِرَهِن
- هههههههههههههههههههههههههههههههههههههههههه حجتك دي ماها قايمي من برشها دة |
ههههههههههههههههههههههههههههههههههه
بس عمك كنيش دا , كان خاتى القروش وين ؟؟؟
القصة بتفرق كتير عندى
لكن نديك دى , احتفالا بى جية البادى وعفاف والكوتش
وعشان ولا واحد سأل من النضيف
اللبنانى قالوا ليك لابس بدلتو وكرفتته وجا السعودية زيارة عمل
داخل جوة البنطلون المحزق , يااا اللله يا اللله
يا دووووبك يقدر يمشى ويقعد
قام الجماعة كده , اذنو لى صلاة الضهر
المدير السعودى , قال ليهو نكمل بعد الصلاة
الراجل لا ايده لا كراعو , لقى نفسو مشمر اكمام البدلة , ومكفكف البنطلون المحزق
يا ااالله ياااللله رفع رجلينو وكمل الوضوء
قام الراجل صلى بيهم , وبعد الصلاة قام يصلى ركعتى السنة
الراجل ما قصر قام يتسنن معاهم
السعودى بعد الركعتين , لاحظ انو اللبنانى بيقعد على امشاط رجلينو , جلسة الصلاة المكروهة ديك
قام السعودى ميل عليهو برااااحة , وقال ليهو ابو حنيفة قال انو جلستك دى مكروهة , وشبهها بى جلسة ال######
الراجل ما عنده بيزنس داير يتمو عاد
قال ليهو الجلسة الصحيحة كيفنها طيب
وراها ليهو , وقام يكمل ركعاتو الأربعة بتاعات السنة
اللبنانى قام يعمل زيو
الركعة الأولى , سوى زى ما قالو ليهو , اتوهط كده وقعد القعدة الصحيحة
البنطلون المحزق , زى طلع منو صوت كده , ما استحمل القعدة الصاح دى
الراجل مشى الموضوع وقام لى ركعته التانية
اول ما ركع كده , الصوت زاد
قام من الركوع , الصوت بقى اوضح واوضح
سجد , الصوت بقى يسمعوهو الجنبو كوللهم
قعد القعدة الصحيحة , البنطلون رقد هردبيس
قام سجد تانى , البنطلون بقى كل رجل براها
قعد تانى القعدة الصحيحة , البطلون راح فى حق الله
الراجل كمل صلاتو , وقرأ تشهده , السلام عليكم , السلام عليكم
اتلفت كده , لقى الراجل السعودى قاعد جنبو
هيك بدو ابو حنيفى ؟؟؟؟!!!!!!!!!!!!!!!!!!!!!!!!!!!!!!!
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: منصور عبد الرازق)
|
والله يا نجلية طالع من دار الاتحاد عترت ليا العتبة
وقعت فكيت رجلى الشمال ..
معلقين ليهم لمبة صفراء من زمن ناس عادل كرداوى ..
،،،،
يا منص حكاية اللبنانى ده ذكرتنى البرالمة لما يجيبوهم جداد
يمشو يشترو جزمة جديدة من شارع مولد النبى .... طبعا" الجلد قوى
اول ما يصلو استاد الشرقية الجزمة بتضايقو يقعد يعرج
يا اما استحمل وواصل للجامعة يا اما رجع شقتو ....
جبتو سيرة الشلوخ جبريلا جاب ليكم حبوباتو
ابان شنبات كديس ...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عبد الدائم سيد أحمد)
|
صبحكم الله بالخير
من شدة فرحتي بعودة الكوتش قربت أقول ليكم صبحكم الله بالكوتش...
و صحي صباح الكوتش صباحا أبيض....
مرحبا بعودة محمد صديق الشهير بالكوتش...
و بعودة البادي النور...
سألنا عليك الليل و نجمه و كل أنوار الصباح يا بادي...
و بلغنا عليك الانتربول...
لكنك ما كنت متابع و ما رديت علينا....
و نحن حسه سعيدين جدا بعودتك و أرجو أن تدوم....
الزهرة لكن ما حكاية يا جبريلا...
اتخيل لي لو نكت مخك شوية الزهره دي حيكون عندها بلاوي....
سلمت يا جبريلا يا جميل....
يا جماعة وين ديدو....
دي طبعا بي أثر رجعي...
ما بنقدر على اللوم ده نحن...
يا جماعة وين نملوز غايب ليهو فترة...
وصل ياتو نوع من الخبز...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: Dr.Elsadig Abdalla)
|
سعيد جداً بعودة الكوتش الليله يوم العوده العالمي
الجابكم يجيب لينا جلا وآخرين،،،،
==============================
دعوة لك الحلوين
غداً الأربعاء 17 أكتوبر أول أيام ذوالحجة
إنها العشر الأوائل من ذي القعدة
قال رسول الله (ص) ما من أيام العمل الصالح فيها أحب
إلى الله من هذه الأيام ، قالوا يا رسول الله ولا الجهاد في سبيل الله
قال : ولا الجهاد في سبيل الله إلا رجل خرج بنفسه وماله فلم يرجع من ذلك شئ
والدعوة تحديداً إلى الصيام من اليوم الأول حتى التاسع من ذوالحجة يوم عرفة
والذي يكفر (صيام يوم عرفه إحتسب على الله أنه يكفر السنة التي قبله والسنة التي بعده) رواه مسلم
ومن صعب عليه الصيام يا حلوين
يجعل الصدقة نهج يومي ولو بشق تمره
أو تلاوة القرآن ولو جزء واحد
أو قيام الليل ولو جزء بسيط
بر الوالدين بجميع أنواعه (كالدعاء لهم < الأحياء والأموات > ووصلهم ولو بالهاتف)
التسامح وإصلاح ذات البين
التهادي بإسم الصدقة
أجعلوها أيام حب مع الله بالعبادة والتسامح والرحمة
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
صبحكم الله بالخير
كلما أدخل محل بلق انس blugins للالكترونيات أشوف حاجات غريبة....
كل يوم حاجه جديدة...
من سنة أو سنتين جيت أشوف الجديد شنو في عالم الالكترونيات....
لقيت ولد عمره خمسة أو ستة سنوات بيبكي بكاء شديد قدام المحل و يدردق في البلاط...
بلاط لامع نضيف تشوف صورتك فيهو..
امه واقفة مربعة يدينها تتفرج فيه و كأنها تتوعدة بعلقة ساخنة عندما يعود الى البيت...
بينما كان والده يحاول تهدئته بكلام معسول..و يعده بشراء ما يريد....بس مش اليوم...
و الولد يزداد بكاء لأنه عارف ان دي توزيعة لا غير...
دخلت المحل لقيت أولاد واقفين قدام تلفزيون كبير و بينططوا....
فضولي دفعني أمشي أقيف جمبهم عشان أعرف الحاصل شنو...
قالوا لي دي لعبة جديدة اسمها اكس بوكس X Box.....
لعبة فيها سينسور يأخد صورتك و يدخلك جوه التلفزيون...
و تلعب بدون جهاز التحكم...بطريقة تفاعلية....
اتذكرت بحسرة أيام الكمبلت و أم الصلص..
و كيف تجي داخل البيت مكندك و الحاجه تقابلك في الباب تقول ليك كنت مدفون وين....
كان نفسي أقعد أنطط معاهم لكني خجلت و خفت يجو سودانيين يقولو شوف الراجل الأهبل ده....
ناديت مهند و خليتو يلعب معاهم و ينطط..
و أنا مبسوط كأني قاعد أنطط معاهم...
عجبتني عجب شديد وقلت لازم اللعبة دي تدخل بيتنا....
غصبا للظروف و الحال الحرن....
اتمنيت مهند يدردق قدام المحل في البلاط اللامع النضيف...
و كان هو ما ادردق أنا بقوم ادردق ليهو في البلاط عشان يطلب....
لكنه بقناعة تشبه قناعة ست بيتي لا ادردق و لا طلب....
مدخلي لدخولها بيتنا اني أقوم أوعده بهدية كبيرة اذا تفوق في الامتحانات....
قام مهند ما خذلني و جاب نتيجة تستحق الهدية...
قلت ليهو أطلب ما شئت اليوم يومك...
قام فاجأني و قال لي عايز بلاي ستيشن ثري...
هجت ليك فيهو هيجة السنين...
بلاي ستيشن ثري بتاعة شنو انت بس تقلد لي في أصحابك...
خلي عندك رأيك الخاص ماتبقى امعة....
و طبعا لا يخفى عليكم ان الهيجة دي كلها سببها انو ما طلب X Box....
لفيت ليك راسو و خليتو يغير رأيه و يطلب اكس بوكس....
ما أديتو فرصة للتفكير جريت جري مشيت جبت الاكس بوكس....
و لي يوم الليلة قاعد أنطط....
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
صباح الخير ،،، يا وجوه الخير
اليوم بدأ التكبير في أفضل أيام الدنيا
الله أكبر الله أكبر الله أكبر لا إله إلا الله
الله أكبر ولله الحمد،،،،
===================
مرحب بدكتور الصادق نتمنى أن تكون
الطله مستديمة ومعاك ناس السودان,,,,
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
يمين يا رشا مافى لعبة الكترونية آعـــور من آكس بوكس ده
تقعد زى المجنون ترفع فى يدينك و تضرب الكورة فى الهواء
وكمان يجيب ليك فى الاخير استعراض للقطات تشبه ( خلف الكواليس )
تقرب تقول ده ما انا ...
الجهاز الاصلى غالى شوية ... بس الهنود اولاد الزينا مطورين ليهو
واحد ارخص واحسن من الاصلى كمان ..
اما ايفون 5 طلع اى كلام ...
،،،،
وكل عام وانتم بخير
مافى حجاج السنة دى ولا نجيب ليكم حاتم جبارة تانى
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عبد الدائم سيد أحمد)
|
توفى يوم امس بولاية القضارف والد الاخ حسن سليمان ( حسن القون ) كلية الحقوق
رقم التلفون 00966503354049 جــــدة
انا لله وانا اليه راجعون
آللهم أرحمه وأسكنه فسيح جناتك
آللهم باعد بينه وبين خطاياه كما باعدت بين المشرق والمغرب
اللهم نقه من الخطايا والذنوب كما ينقى الثوب الأبيض من الدنس
اللهم اغسله بالثلج والماء والبرد
اللهم أبدله داراً خيراً من داره وأهلاً خيراً من أهله
اللهم اجمعنا وإياه في مستقر رحمتك
اللهم انا نسالك بأسمك الاعظم ان توسع مدخله
اللهم آنس في القبر وحشته
اللهم ثبته عند السؤال
اللهم لقنه حجته
اللهم باعد القبر عن جنباته
اللهم اكفه فتنة القبر
اللهم اكفه ضمة القبر
اللهم اجعل قبره روضة من رياض الجنة ولا تجعله حفرة من حفر النار
اللهم إن كان محسنًا فزد في إحسانه وإن كان مسيئًا فتجاوز عن سيئاته ،
اللهم ألحقه بالشهداء
بوست عزاء ....
والد المستشار حسن سليمان فى زمة الله
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عبد الدائم سيد أحمد)
|
التعازى الحارة لى حسن القون فى وفاة والده
وما بنوصيكم على اخت طارق جبريل (الربته)
يا ناس جده
خلوها تدعو ليهو , وساعدوها انتو بالجكة
عشان تتحقق امانى النضيف بتاعت طول اللسان ديك
لكن
امانتن فى ضمتك دى يا نضيف
لو الزول ده , لسانو قصر
انحنا نمشى وين ونسوى شنو
اصلو طارق جبريل ده عنده شىء سمح فيهو من راسو لى ساسو
غير لسانو ده ؟؟!!
تقوم تقصروا لينا ونحن نتبالى بالصلعة البلا لسان
شن فائدة الصلعة البلا لسان
طارق جبريل - لسانو الطويل = صلعة لابسة قميص كاروهات
نسويبو شنو تانى
اللهم طول لسانو يا رب العالمين قادر يا كريم
Quote:
وبكرة الخميس .... يامنص ... |
وخميسك , ولو تبيع قميصك
وانا خميسى الليلة مختلف
حا يكون فى مطار الرياض , عشان جمعتى تصبح فى الخرطوم وفى الصحافة تحديدا
انا ومعاى بت الشيخ والحاجة نسيبتى والعيال
لأول مرة , نسافر معا , يحدونا الشوق لملاقاة احمد ولدى
سافر مننا يوم 26 اغسطس الماضى
لكن امه تقول سافر منها ليهو سنتين
مدرار الصغيرة قالت لى , السودان ما سمح , لكن نمشى نجيب احمد ونمشى اوروبا
سمعتا يا نملوز ؟؟ فمهتا يا نجيلة ؟؟ استوعبت يا نضيف ؟؟
على المستوى الشخصى , ما ضحيت فى السودان , منذ سنين طوال
قدر ما حاولت اعدهم واتذكرهم , ما قدرت ولا اتذكرتا
لكن اظنو , منذ زمن الخروف بى مية الف جنيه
وهانحن نرجع ونعود لعصر الخروف المليونى
خروف ده ولا مسيرة فى ميدان التحرير ؟؟؟؟
ولكن ميزة الأعياد فى السودان , وخاصة الأضحية منها
ان ايام العيد الأربعة , تعادل اجازة شهر فيما عداه
فعندما يلبس السودانى الجلابية والعراقى
ويخلع البنطلون والقميص
فانه يتحول من الشلهتة , الى التوهط والأستئناس
الا اللذين يسافرون الى رفاعة وكسلا
فانهم غير ملومين , فى اتخاذهم للرحلة العكسية شعارا لمرحلة العيد
صحيح ان خسائرنا فيها -نحن المعيدين فى الخرطوم - كبيرة وعظيمة ولا يمكن عدها ولا حصرها
من اول سمك عوضية , وطحنية سعد , مرورا بقهوة كينيا وشاى الحبشة , وصولا للحمة قندهار وعشاء نادى الشرطة
ان شاء الله يا ربى , التفويج بتاع المرور يمنع السفر لى رفاعة وكسلا , ايام العيد دى كلها
فهذه هى الطريقة الوحيدة لمخالفة طغيان (الرتب العالية ) , على الرتب الأقل
عيدكم لحمة مليونية , وشربوت نقى , لا فيهو كربونات , ولا مطعم بى (نقيع البلح) المخمر
اما الباقين , فلينططوا ما شاءوا , امام (اكس بوكسيهم العاجبهم ده ) طيلة ايام العيد
على فكرة , رأيكم شنو فى (الموف) بتاع البلى استيشن ثرى ؟؟؟
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: منصور عبد الرازق)
|
غايتو غيااااااااااااااااااااااااااااااااااااااظ جنس غيظ يا منص ...
مقدما كده ... عيدكم مبارك .... وسعيد ....
في احضان السودان ....
=========================
عيدكم ولا سمح في السودان ... ولا حاجة ...
كلو ضبان ... ودم ... ومرارة ....
وموية تتغسلو بيها ... مافي ...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
سلامات يا ناس
Quote: من شدة فرحتي بعودة الكوتش قربت أقول ليكم صبحكم الله بالكوتش...
و صحي صباح الكوتش صباحا أبيض....
مرحبا بعودة محمد صديق الشهير بالكوتش...
|
يا حبيب أنا ( الأفرح ) بلقاكم..العجب كان لقيت لى x box ولا اسمو شنو.
Quote:
سعيد جداً بعودة الكوتش الليله يوم العوده العالمي
الجابكم يجيب لينا جلا وآخرين،،،، |
سلام يا ريس...وجلا حنجيبو (مخْفُوراً).
Quote: الكوتش وبادي ...
بطلو المتواوقة ...
انتو مطلوبين كتييييييييييييييير ....
|
يعنى الإتنين حيجيبونا ( مخفورين ؟؟!!)
Quote: يا ناس جدة بالله اختنا الكبيرة وربتنا مع الحاجة رحمها الله معاكم في الحج
تليفونها عند عصام دهب
مرة مرة طمنونا عليها ينوبكم ثواب |
أوع زول يديها حاجة يقول ليها دى لى طارق.
Quote: صحيح ان خسائرنا فيها -نحن المعيدين فى الخرطوم - كبيرة وعظيمة ولا يمكن عدها ولا حصرها
من اول سمك عوضية , وطحنية سعد , مرورا بقهوة كينيا وشاى الحبشة , وصولا للحمة قندهار وعشاء نادى الشرطة
ان شاء الله يا ربى , التفويج بتاع المرور يمنع السفر لى رفاعة وكسلا , ايام العيد دى كلها
فهذه هى الطريقة الوحيدة لمخالفة طغيان (الرتب العالية ) , على الرتب الأقل
عيدكم لحمة مليونية , وشربوت نقى , لا فيهو كربونات , ولا مطعم بى (نقيع البلح) المخمر
اما الباقين , فلينططوا ما شاءوا , امام (اكس بوكسيهم العاجبهم ده ) طيلة ايام العيد
على فكرة , رأيكم شنو فى (الموف) بتاع البلى استيشن ثرى ؟؟؟ |
ما تخاف يا حبيب خسايرك كلها على شركة التأمين ، وبالأمارة أسأل جلا .
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: محمد صديق)
|
مساء الخير ،،، يا وجوه الخير
الناس المسافرة السودان للعيد
وعلشان أحمد وأم أحمد تصلوا بالسلامة
وما تنسوا تسلموا لينا على الأهل والحبان
وكمان شوفوا لينا محمد عيد هناك
الجامعة عملته في ناس كتار عقبالنا
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
ما شاء الله تبارك الله البوست عامر باصحابه المواظبين
والعايدين بعد الغياب سلام كثير للأخ محمد صديق
والأخ بادى النور والأخت عفاف جيدا جيتو ومرحب السلام
المعيدين بأرض الوطن وعلى رأسهم الأخ منصور تصحبكم
السلامة وتجو عايدين سالمين ومع شركة التأمين منقنقين
وتحمد ربك يا منصور هذا العيد تشتري الخروف فقط
لأنك ما حتدفع حق الكرشة والكمونية بالمسلخ
في زول هنا قال جلا ماوقع في عينكم والظاهر
رجع في كلامه ، كنت عايز أقول لهذا الزول
هي عين ولا مخزن مهمات
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: طارق جبريل)
|
صباح الخير ،،، يا وجوه الخير
أصبحنا وأصبح الملك لله وحده،،،
اللهم يا عزيز يا جبار اجعل قلوبنا تخشع من تقواك
واجعل عيوننا تدمع من خشياك
واجعلنا يا رب من أهل التقوى وأهل المغفرة
======================================
Quote: اعلم يا رقيق الخصري..
بريدك زيادة عن بصري..
مافي زول يسألني مالك |
بريدك والريده ظاهره في عيني
خير إنشاء الله يا ود جبرين
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
Quote:
Quote: اعلم يا رقيق الخصري..
بريدك زيادة عن بصري..
مافي زول يسألني مالك
بريدك والريده ظاهره في عيني
خير إنشاء الله يا ود جبرين |
قالو الريد قسم ياعينيّ
زمان كان البريدوهو واحد الحبيب الأول
لكن بعد الخمسين والعيال والصلعة والشيب والذي منه
الريدة بقت مقسمة ثم ثانيا البريد زاتو ما فاضي
يشوف مخبز عمر نملة عشان يجيب الخبز
ولا يدور على لقمة الباسطة والكثير المثير من المشاكل
لذلك الريدة دي أحسن نشوفها في الأفلام أو نجتر
الذكريات والأحلام
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عمر نملة)
|
رشا ياجميل
والله المساله لو حسبتها صعبة المعادله وامامي صعوبات وتحديات
لازم اتجاوزها المهم الهدف كالتالي بعد 3 سنوات باذن الواحد الاحد
سوف اتمكن من افتتاح اول فروعي والان قيد الدراسه لاختيار المكان
وحكايه تكون مستثمر هي الطريق الاصح للحصول على الاقامه وتبعاتها
يلريس عجل البحر دا خبز بالزبيب وشوف الخبز دا بالبصل المحمر اي والله
الخواجه جاب لينا بصل محمر نصف استواء .
منصور ابواحمد
عيدك سعيد في السودان وكلمنا عن تجربة احمد في السودان
تخيل الخبز كمان مشلخ اهم حاجه عند ادخاله الفرن التشليخ
وطبعا التميز بعدين عند افتتاح المحل بكونفي الانجيرا والشامي
والتميز والمخبازه
فافي زمانك والهوى اوانك تعالي لبيتك وانثري ورودك
بادي اول بالتبادي
مرحب بعودتك وسالنا عنك طوب الارض ومشينا الدوخه مخصوص
للسؤال واخبرنا الاحباب انك متواجد في السودان منتظرين اخبارك
وعيش الجنز هنا عندنا عيش البكيني.
سلامات ياكوتش والله وحشتنا ومنور البيت
احمد اسماعيل منور وجيب لينا ود المهدي معاك
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: طارق جبريل)
|
صباح الخير ،،، يا و جوه الخير
أصبحنا وأصبح الملك لله وحده،،،
دعاء اليوم :
اللهم إن كان رزقي في السماء فأنزله
وإن كان في الأرض فأخرجه
وإن كان بعيدا فقربه
وإن كان قريبا فيسره
وإن كان قليلا فكثره
وإن كان كثيرا فبارك لي فيه
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
موضوع شيق يستحق المتابعة والتأمل ::::
قررت مدرسة روضة أطفال أن تجعل الأطفال يلعبون لعبة لمدة أسبوع واحد !!!
فطلبت من كل طفل أن يحضر كيس به عدد من ثمار البطاطا ...وعليه إن يطلق على
كل ثمرة بطاطا اسم شخص يكرهه !!وفي اليوم الموعود أحضر كل طفل كيس وبطاطا
موسومة بأسماء الأشخاص الذين يكرهونهم ...العجيب أن بعضهم حصل على بطاطا واحدة
وآخر بطاطتين وآخر 3 بطاطات وآخر على 5 بطاطات وهكذا ......عندئذ أخبرتهم
المدرسة بشروط اللعبة وهي :-
أن يحمل كل طفل كيس البطاطا معه أينما يذهب لمدة بمرور الأيام أحس الأطفال
برائحة كريهة تخرج من كيس البطاطا ,,وبذلك عليهم تحمل الرائحة و ثقل الكيس أيضا ...
وطبعا كلما كان عدد البطاطا أكثر فالرائحة تكون أكثر والكيس يكون أثقل !!!
بعد مرورأسبوع ...
فرح الأطفال لأن اللعبة انتهت !!سألتهم المدرسة عن شعورهم وإحساسهم أثناء حمل كيس
البطاطا لمدة أسبوع ,فبدأ الأطفال يشكون ا
لإحباط والمصاعب التي واجهتهم أثناء حمل الكيس الثقيل ذو الرائحة السيئه أينما يذهبون !!!
بعد ذلك بدأت المدرسة تشرح لهم المغزى من هذه اللعبة ..قالت المدرسة :
هذا الوضع هو بالضبط ما تحمله من كراهية لشخص ما في قلبك !!! فالكراهية ستلوث قلبك
وتجعلك تحمل الكراهية معك أينما ذهبت .. فإذا لم تستطيعوا تحمل رائحة البطاطا لمدة أسبوع !!!
فهل تتخيلون ما تحملونه في قلوبكم من كراهية طول عمركم ...
ما أجمل أن نعيش هذه الحياة القصيرة بالحب والمسامحة للآخرين وقبولهم كما هم عليه!!
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
صباح الخير ،،، يا وجوه الخير
أسعد الله صباحكم أحبتي :
تمر علينا هذه الأيام المباركة فعلينا أن نستقلها
في عمل الخير ،،،،
فضل عشر ذي الحجة
1- أنّ الله تعالى أقسم بها:
إذا أقسم الله بشيء دلّ هذا على عظم مكانته وفضله، إذ العظيم لا يقسم إلا بعظيم،
قال تعالى: {وَالْفَجْرِ (1) وَلَيَالٍ عَشْرٍ} [الفجر:1-2]. والليالي العشر هي عشر ذي الحجة،
2- أنّها الأيام المعلومات التي شرع الله فيها ذكره:
قال الله تعالى: {وَيَذْكُرُوا اسْمَ اللَّهِ فِي أَيَّامٍ مَّعْلُومَاتٍ عَلَى مَا رَزَقَهُم مِّن بَهِيمَةِ الْأَنْعَامِ} [الجح:28]،
3- أنّ رسول الله صلى الله عليه وسلم شهد لها بأنها أفضل أيام الدنيا:
فعن جابر عن النبي صلى الله عليه وسلم قال: «أفضل أيام الدنيا أيام العشر - يعني عشر
ذي الحجة - قيل: ولا مثلهن في سبيل الله؟ قال: ولا مثلهن في سبيل الله إلا رجل عفر وجهه بالتراب»
4- أن فيها يوم عرفة:
ويوم عرفة يوم الحج الأكبر، ويوم مغفرة الذنوب، ويوم العتق من النيران، ولو لم
يكن في عشر ذي الحجة إلا يوم عرفة لكفاه ذلك فضلاً، وقد تكلمنا عن فضل يوم عرفة
وهدي النبي فيه في رسالة (الحج عرفة).
5- أن فيها يوم النحر:
وهو أفضل أيام السنة عند بعض العلماء، قال صلى اله عليه وسلم :
«أعظم الأيام عند الله يوم النحر، ثم يوم القَرِّ»
تمتعوا بهذه الأيام الطيبة،،،
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
صبحكم الله بالخير
تقبل الله منكم طاعاتكم في هذه الأيام المباركات...
و كل عام و أنتم بخير مقدما...
اعاده الله عليكم بالخير و اليمن و البركات....
عيد الضحية الفات قررت أذبح تاني أيام العيد...
لتجنب الزحام الذي يحدث أول أيام العيد...
مشيت المسلخ و كان بصحبتي أمنية و مهند....
عزلنا الخروف و تم حملة في عربة و ادخاله الى المسلخ....
الخروف المسكين كان فرحان و كان ينظر لباقي الخرفان بزهو...
أظنه كان بيقول لي الخرفان شوفو العزه الأنا فيها...
الانسان الهاضم حقوقنا سنينا دي كلها حسه بيفسحني بالعربية...
أمنية كانت حزينة و متعاطفه جدا مع الخروف المسكين...
قالت لي شايلين الخروف مودينو وين يا بابا...
قلت ليها عشان يضبحوهو..
قالت لي حرام مسكين الخروف..مافي داعي خلينا نمشي...
و لكن مضينا الى داخل المسلخ و ذبحنا الخروف....
و منذ ذلك الوقت و أمنية مضربة عن أكل اللحم بصورة عامة...
و لحم الخراف بصورة خاصة....
و ظلت لا تأكل الا الدجاج و السمك حتى وقت قريب...
ثم أصبحت تأكل لحم البقر...
فهي متعاطفة مع الخراف فقط...
و في كل مرة تسألني البيرجر ده من لحم شنو يا بابا..
أقول ليها لحم بقر...تقوم تاكل البيرجر...
السجوك ده من لحم شنو...لحم بقر...
و هكذا...
أحيانا مهند بيتغاتت عليها و يقول ليها لحم خروف...
فتمتنع عن أكل البيرجر و السجوك...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عمر نملة)
|
الأخوة والأخوات الاعزاء ...
كل عام وانتم جميعا واسركم الكبيرة والصغيرة بألف خير وصحة وسعادة ...
اعاد الله عليكم العيد باليمن والخير والبركات ... ونسألكم ان تدعوا لنا ونسألكم العفو لله والرسول ..
وعيد مبارك علينا وعليكم ...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: جلال عثمان)
|
صبحكم الله بالخير
شغال و الله...
البلد كلها معطلة الا أنا شغال...
ست بيتي رفعت راسها عاينت لي و نامت تاني...
اتصورتها بتقول لي فايت مروح وين لسه الزمن بدري...
اتمحركت محركة السنين...
أي حاجة بالــslow motion....
مشيت ختيت الكفتيرا في النار...
جيت دخلت الحمام و طلعت تاني...
هبشت الكفتيرا أشوفها سخنت قدر شنو...
رجعت تاني الحمام استحميت و جيت مارق...
بقيت ألبس بالقطاعي..
مشيت عملت لي قهوة و كورن فليكس...
جيت تميت لبسي و قعدت أشرب في القهوة رشفة رشفة...
الكورن فليكس بعد ما عملته طلع من مزاجي...
لبست جزمتي و قعدت أكمل باقي قهوتي...
ساعة الحائط تدق لي فوق راسي...قوم فوت..قوم فوت..قوم فوت...
قلت ليها ما ماشي ياخي انتي مالك و مالي...
ست بيتي قالت لي انت الساعة دي ما بتتكلم معاك...
قلت ليها سامعها و مطنشها يا أخوانا خلوني في حالي...
حسه أقوم أطلع هدومي دي و أرقد أنوم...
ان شاء الله يرفدوني زاتو..حسه ده يوم يشتغلوا فيهو...
مش كان يخلونا لحدي ما نهضم اللحمة دي...
و لا يراعوا كمان للشطوط الكتيرة الأكلناها أمبارح دي...
طلعت ماشي بالراحة داير لي حجة أرجع بيها البيت...
مشيت ركبت عربيتي بالراااااحة و دورتها بالرااااحة...
أول ما دورت العربية جاني ليك صوت اذاعة البي بي سي...
ضربت ليك الزر وطيت الصوت قلت ليهو عليك الله ما تزهجنا برانا زهجانين...
خليت ليك العربية تسخن بالراااااحة...
و اتوكلت مشيت في الشوارع الفاااااضية...
أنا و معاي تلاتة عربيات بس...
مشيت في الخط الفي النص بالراااااحة...
لقيت الناس دي كلها ماشه بالرااااحة ..كلهم زهجانين زي كده...
العربيتين العلى يميني ديل بي سرعة 80 سبقتهم...
ديل شكلهم حالتهم أصعب من حالتي بي كتير...
وصلت المكتب بالرااااحة و دخلت مكتبي بالرااااحة...
و قعدت حسه أكتب ليكم كمان بالراااااحة...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
عيد تحيه
بدينا العيد بدل الخروف باالتلج ولا قولوا البرد ودرجه الحراره تحت الصفر
بس والله الجو لطيف.
العيد دا قررت عدم الاتصال وشنو الحكابه عواره زياده من25 عيد ارفع التلفون
واتصل بالجميع اهل واصدقاء وانتظرت الاتصال وطبعا كاالعاده الرشيد
وياسر نجيله هم المتصلين والمتواصلين.
اما بالنسبه للسيد الخروف مافي طريقه السنه دي لعده اسباب اهمها التضامن
مع امنيه الرشيد .
الطيب ولدي اول عيد ليه مع جدو ساقوه عشان يضبحوا الخروف وشاهد كل
الطقوس وجاء البيت ومثل المسرحيه بكل التفاصيل بما فيها اخراج اللسان.
صحي جنس خشن قاصد الطيب ومهند والعزابه التلاته والفي راسه ريشه
يرفع ايدوا.
والله انا حاني على خروف منصور ما من الضبح لكن من الوصف البوصفوا
واقول ليه لو بادلوك عين الضبيحه وباالسكينه تبادوك
وكل سنه وانتم بخير
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عمر نملة)
|
كل سنة والجميع بخير ...
وتحياتي للناس السكر (ولدنا جلة) ...
والناس البتمشي برااااااااااااحة ... غايتو شغل القطاع الخاص ده ... مكاواه ساي ...
هسع مشيتو امس عملتو شنو ... ارباب العمل حاسدنكم ساي ...
وتحية خاصة للشيف عمر ...
ويا ابوالطيب خليها ... معقولة
درجة الحرارة تحت صفر ... وكمان الجو ... لطيف ...
دي زي "مسرحية عش المجانين" رميتو في البحر وطلع ... ناشف ..
يمين يا شيف عمر تلاجتي لو صلت قريييب الصفر ... ارفعها للعشرين ... انتو مجانين ...
دي بلد يعيشو فيها ...
بلد مافيها عرق ... البتستحملو ليها شنو ...
انا ماجايكم .... ماشي الصومال ...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
مبارك عليكم العيد الكبير وكل سنة والجميع
بألف خير ،،،
التحية للحجاج والعائدين لدروب البوست
التحية للمواصلين التداخل على الرغم من
ظروف العيد والبعد عن النيت ،،،
سعيدكم مبارك وعساكم من عواده،،،
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: إحسان عبد العزيز)
|
صباح العيد ،،، يا وجوه العيد والخير
اسعد الله أيامكم،،،،
اليوم تعود الطيور إلى مواقعها ويبدأ
نهار العمل الطويل والروتين الممل ،،،
تحياتنا إلى ناس جنوب السودان وكل عام وأنت
بألف خير مبارك جادين ،،،
تحياتنا إلى ناس السودان وكل عام وأنتي
بألف خير كمردة إحسان عبدالعزيز الزقازيقية
الرائعة والوطنية الثائرة وعيدكم مبارك وأولادك بألف خير
ناس أروبا وناس الخليج والأمريكتان وربنا يرفع عنكم البلاء
==================================
دعاء اليوم :
اللهم إني اسألك من خير ما سألك به محمد صلى الله عليه وسلم ..
واستعيذ بك من شر ما استعاذ به محمد صلى الله عليه وسلم ..
أستغفر الله .. وأتوب إلى الله.. مما يكره الله..
قولا وفعلاً .. وباطنا وظاهراً
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
سلام يا كرام وكل عام وأنتم بخير
نسأل الله أن يحقق لنا جميع أمانينا
ويديم علينا نعمة الطعام والأمان والصحة والعافية
ونسأله جلا وعلا أن يولي على السودان المصلحين
ويبعد عنه الحرامية وتجار الدين والمنافقين
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: أحمد إسماعيل)
|
يحقق امانيك ياابوعمر
انتو محمد صديق دا رجع من اديسللعيد طوالي ولا الحاصل شنو
وزهير ابوشنب وين باالضبط والربطوكمان موس عيسى والغريب حاتم جباره
خليت ليه رساله صوتيه بقول السبب اعصار سوسو المدمر يكون وصلهم
وجلا الغريبه لا ادس لا يرموك لاجدعوك ماجابت خبره ولا صاحب خروف
السودان ياربي احمد يكون اقنعهم مايرجعوا تاني
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عمر نملة)
|
أمين السمين في الفترة الاخيرة كان تقريبا قاعد معانا انا وحاتم جبارة ومحمد صديق
بعدين ادبيات الجبهة الديمقراطية كانت مؤثرة عليه شديد وهو صلاح الامين
اها يوم الاتحاد كانت فيهو حفلة قمت قلت لي حاتم: ياخي انا احسن امشي اجيب الفول من الفوالين
عشان يمكن الحفلة دي تتأخر ونقوم نصيع في العشاء
امين قام ناطي قال لي: أنا بأمن على الحتة دي
قمت حمرت ليه ومشيت جبتة فولي وجيت ومشينا الاتحاد..
أها في الحفلة قابلنا صلاح الامين وجمال فارج وكان في ضيوف من القاهرة والمنصورة والاسكندرية
قمت كحلت لي قرمبوزة شديدة كدة وقلت ليهم: إنا لله ياخي بتكتل ليها زول
قام صلاح الامين قال: أنا بأمن على الحتة دي
عاينت ليهم كلهم وقلت ليهم: ميتينكم وميتين الجبهة الديمقراطية وميتين حفلتكم
هههههههههههههههههههههههههههههههههههههه
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: طارق جبريل)
|
صبحكم الله بالخير
و الله يا عمر أصبتني في مقتل زي ما بيقولو....
أنا نقطة ضعفي الشيكولاتة من بين نقاط ضعف تانية.....
ما أن أشوف لي شيكولاتة حتى يسيل لعابي وأضرب بالريجيم عرض الحائط...
تلقاني أجضم في السلطة صباح و مساء و أعمل في الرياضة...
و أجي أنسف كل العملتو بي قطعة شيكولاتة كبيرة...
و لما ست بيتي تقول لي لكن كده ما خربت الريجيم..
أقول ليها الشيكولاتة مفيدة للدورة الدموية....
بقيت أدخل المحلات و أتجاهل ليك الشيكولاتة...
لحدي ما أهتديت لي محل فيهو كل المآكولات بتاعت الريجيم...
و لقيت ليك شيكولاتة ريجيم و شبكت فيها...
بتاعت ريجيم ما بتاعت ريجيم المهم شبكت فيها...
علي ذمتهم...
جبريلا...من زمان انت بتكحل يعني..
أنا قايلو ده حق كبر بس...
أنا بأمن على حاجه واحده بس...
من شب على شيء شاب عليه....
يا كحال.....
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
يا سلام على الشيكولاته وناس الشيكولاته
والبحبوا الشيكلاته،،،وكمان ناس أمين السمين
القصة طلعت من الخبز المدور والملفوف
جابت ليها شكولاته وبأنواع طيب الناس ديل
ما بعرفوا البالوظه،،، أكيد بيكونوا طوروها
وعملوا منها أشكال تانية
تسلم يا نملوز ،،،،
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
صباح الخير ،،، يا وجوه الخير
أصبحنا وأصبح الملك لله وحده,،،،
دعاء اليوم :
يا الله
يا كريم
يا أول
يا آخر
يا مجيب
يا فارج الهمّ،
ويا كاشف الغمّ،
فرّج همي ويسّر أمري
وارحم ضعفي وقلة حيلتي
وارزقني من حيث
لا أحتسب يا ربّ العالمين
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عمر نملة)
|
يا عمر يا نملوز الكلام ده حقيقي وأنت تعيش معهم في الغرب
ولا دي عقدة خواجات ساكت !!!!!
الفرق بين المدير الغربي والمدير العربي
المدير الغربي : يهنئك بالعيد
المدير العربي : يهينك بإيجازة العيد
المدير الغربي : يقول لك " Good Morning "
المدير العربي : يقول لك " أنت جيت ؟"
المدير الغربي : يسعى لتثبيت قدم الشركة
المدير العربي : يسعى لتثبيت قدمه في الشركة
المدير الغربي : يحترم آدمية الموظف
المدير العربي : لا يعرف يعني ايه آدمية
المدير الغربي : يبدأ كلامه بجملة " أنا اعتقد"
المدير العربي : يبدأ كلامه بجملة " أنا قررت "
المدير الغربي : تتفانى في العمل يرقيك
المدير العربي : تتفانى في مدحه يرقيك
المدير الغربي : يضع لك خطة تتناسب مع قدراتك
المدير العربي : يضع لك خطة تتناسب مع خيالــــه
المدير الغربي : يثق فيك
المدير العربي : يثق في نفسه
المدير الغربي : يتحدث معك بصراحة
المدير العربي : يتحدث معك بوقاحة
المدير الغربي : مسموح لك أن تشكيه
المدير العربي : مسموح لك أن تمدح فيه
المدير الغربي : يناقشك إذا طلبت الاستقالة
المدير العربي : يدفعك إلى الاستقالة
المدير الغربي : يعاملك حسب حالتك النفسية
المدير العربي : يعاملك حسب حالته المزاجية
المدير الغربي : يفضل أن يمدحك أمام الآخرين
المدير العربي : يفضل أن تمدحه أمام الآخرين
المدير الغربي : يوم حلو ... يوم مر
المدير العربي : يوم مر ... يوم أمر
المدير الغربي : يراقبك
المدير العربي : يتجسس عليك
المدير الغربي : يطور أفكارك وينسبها لك
المدير العربي : يسرق أفكارك وينسبها لنفسه
المدير الغربي : تطلب منه إجازة
المدير العربي : تترجى منه إجازة
المدير الغربي : يرى مستقبلك واعد
المدير العربي : يرى مستقبلك في يده
المدير الغربي : يمسك أعصابه إذا اختلفت معه
المدير العربي : يمسك في زمارة رقبتك لو فكرت في الاختلاف
المدير الغربي : ينتظر سماع رأيك في العمل
المدير العربي : ينتظر سماع رأيك فيه
المدير الغربي : يثير أفكارك
المدير العربي : يثير أعصابك
المدير الغربي : يناقشك بالصوت
المدير العربي : يناقشك بالسوط
المدير الغربي : يريدك أن تقول " أنا اقترح "
المدير العربي : يريدك أن تقول " أنا أؤيد "
المدير الغربي : بيجيب مكاسب من أجلك
المدير العربي : بيجيب أجلك
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
لكن موبالغة ... ياريس ...
قبل فترة عرضو على ابقي ... مدير ..
قلبي أباها .....
يادووووب عرفت السبب ....
==================================
تحياتي للجميع ...
خاصة للذين يحبون ... الشوكولاتة ...
والذين .... يصنعوها ....
آل شوكولاتة ... بتاعة رجيم ...
لا أحسن .... بلو جنز .... أحمر
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
صباح الخير ،،، يا وجوه الخير
أصبحنا وأصبح الملك لله وحده
دعاء الصباح لأحلى صباح والناس الحلوه
لا إله الا الله عدد ما كان
لا اله الا الله عدد ما يكون
لا اله الا الله عدد الحركات
والسكون
اللهم اجعلنا ممن يسمعون القول ويتــَّبعوون احسنه يارب العالمين
اللهم أجعل عملنا كله خالصا لوجهك
اللهم لاتجعلنا ممن ضل سعيهم في الحياة الدنيا وهم يحسبون انهم يحسنون صنعا ً
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
صبحكم الله بالخير
يا ريس كل ما ورد عن المدير العربي ينطبق على معظم المدراء العرب و ليس كلهم...
و كذلك ما ورد عن المدير الغربي لا ينطبق على كافة المدراء الغربيين...
تجد نماذج مشرقة بين المدراء العرب...
و تجد نماذج سيئة للمدراء الغربيين...
لكن في رأي أي مدير فاهم شغله كويس بيكون مدير جيد..
لو كان عربي أو غربي..
و أي مدير ما فاهم شغله بيتمها هيصة سواء أن كان عربي أو غربي....
ياسر نجيلة تحياتي الحارة...
دخلت الجمعية لقيت قسم كامل لناس السكر...
كل النفسك فيهو بس خالي من السكر ...
أنا ركزت على الشيكولاتة شديد...
و المربى بتاعت الفطور...
المهم طلعت من القسم ده بي علبة مربى...
و بي بلو جينز أحمر كااااااارب قعد معاي أٍسبوع كامل....
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: محمد صديق)
|
يا كوتش ...
مالك بقيت تدخل فاضي ....
ياخي نحنا في حوشنا ده بنقبل كل شئ
شعر
دوبيت
خواطر
قطايع
مشاكل
نكته
طرفة
حكاوي
ادعيه
الخ .....
يعني ديل كلهم ماعندك ...
ولا اقول ليك حاجة
اديني طرف موضوع لصاحبك الاغترب في الدمام ..
الكسر يد مرتو ...
وانا بتمو ليك ...
اصلي مغيوظ منو شددددددددددددددددددددديد .....
ان شاء الله شنبو ده ... يلم فيهو طفل عمرو سنيين ...
و "يطوطح" فيهو ...
"وينتفو" ليهو... شعره ... شعره ...
أها بعد ده تعال فاضي ....
=================================
انت كده يا رشيد القوم يادووووووب مامسكت الطريق الصاح ... للرجيم
واصل ياخوي ... في شوكولاتة الرجيم ... دي
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
سلامات يا ناس
يا نجيلة إزيّك وكل ناس الزقازيق...ياخ الحاجات بقت مسيييييييييخة
وحتى البوست ده مرات تخش تتاوق وترجع ،وما يكون فى طعم لامس حلقك..
رسّلوا لى من شوكولاتة نملوز...كمياااااااااااات كده.
Quote: اصلي مغيوظ منو شددددددددددددددددددددديد .....
ان شاء الله شنبو ده ... يلم فيهو طفل عمرو سنيين ...
و "يطوطح" فيهو ...
"وينتفو" ليهو... شعره ... شعره |
عليك بالإبن مجد...
أنا براى مغيوظ منو ...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: محمد صديق)
|
علشان نحلي البوست وتنفرج أسارير الكوتش
لأن الشيكولاته دي إرساله من بلاد الفرنج صعبة شوية
*************************
صعيدي اسمة ثابت دخل الجيش
كل ما يصرخ الضابط ثابت يقول : افندم!!!
الضابط يقول للصعيدي : يابابا مش انته ,أنا قصدي خليك ثابت مكانك.
علم الضابط ان الوزير حيزورهم وقال : أكيد ثابت حيفضحني قدام الوزير ،
فأحسن لي أطلعه اجازه .يوم وصل الوزير صرخ الضابط : ثابت
صرخوا الصعايده كلهم : مش هنا يافندم طلع اجازه
| |
|
|
|
|
|
|
|
| |
ميسرة سيد أحمد
ياسر نجيلة
منصور عبد الرازق
إحسان عبد العزيز
الرشيد بابكر
عمر نملة
طارق جبريل
عفاف علي ميرغني
محمد صديق
عبد الدائم سيد أحمد
Dr.Elsadig Abdalla
أحمد إسماعيل
جلال عثمان
فيس بوك
تويتر
انستقرام
يوتيوب
بنتيريست