|
|
 Re: ناس الزقازيق ... أجدع ناس (5) (Re: الرشيد بابكر)
|
سلام يا حلوين
وكل سنة وكلكم طيبين
والله من شدة ما البوست رايح للزول الليلة لمن فتح قرررربت اقوم جارى
وافوت ليك نملوز زاتو الداير يقطع المسافة من مكة للمدينة فى عشرة ايام
سعيد جدا باستعادة الروح ..
ويا نملوز نحى فيك روح الكفاح الجميلة وانت تغطى بكفاءة غياب ناس السودان القهرى
رش انت ما خلصت من وجع الضهر ؟؟ البوديك تاكل شاروما فى السحور شنو ؟ انت قدر الحيرقاااان ده ؟؟
ود نجيلة الجميل ... ياخ ناس جده كوووولهم بيسلموا عليك ... اقول ليك ناس السعودية كوولهم
الا بس زهير الزناتى النصيحة ما قال لى أسلم عليك ..! ( وش أحمررررر )
غايتو الميميه دى بى وصفك ليها شايفها عند الحجات الببيعوا فى الكرنتينة ....
غايتو انا بى دربى ده بامشى اختف لى منهم علبيتين اوديهم للنضيف ...
وهو غايتو حر يستعملهم كيف ولأى غرض ..!!!
موسى عيسى .. شرفت ياخ ... لكن شمار ارض النجاشى ده لسه ما فتوهوا لينا .. كدى الننتظر جلال ...
ود جادين يا بركة ... دايرين لينا مكالمة طويلة فى السكايب عشان الحكى داير صوت وصوره ...
| |
  
|
|
|
|
|
|
|
|
Re: ناس الزقازيق ... أجدع ناس (5) (Re: محمد عيد)
|
الجملة كما قالها رشيد القوم ...
Quote: الزول ده ما ظنيتو عايز الميمية دي لي وجع الضهر و الرقبة...
من وصفك ليها ده أنا أشك في نواياهو...
قال السعودي الألماني قال... |
وورد على لسان ولدنا المبدع محمد عيد .... التالي ....
Quote: غايتو الميميه دى بى وصفك ليها شايفها عند الحجات الببيعوا فى الكرنتينة ....
غايتو انا بى دربى ده بامشى اختف لى منهم علبيتين اوديهم للنضيف ...
وهو غايتو حر يستعملهم كيف ولأى غرض ..!!! |
انا بررررررررررررره ... يانضف هم القالو ...
انتو ياشباب ماشفتو النضيف ده لما يزعل ...
وخاصة لما يحدر بعيونو .... ويرفع حاجب وينزل حاجب ...
وسمعنا من ناس جدة ...
وخاصة بعد ان رزق بولد ..
صار يمشي في الشوارع ... كتف طالع ... وكتف نازل ...
وكمان بفك زراير القميص الفوق ....
================================
| Quote: الا بس زهير الزناتى النصيحة ما قال لى أسلم عليك ..! ( وش أحمررررر ) |
غايتو ياود الزناتي ...
اسأل الله الم فيك في "زقاق" من ازقة بيت المال ....
ومعاي كلــــــب افكو في مدخل الزقاق بي جاي ... وكلــــب افكو بالمدخل التاني ...
وانا في البيت الفي نص الزقاق .... بعاين ليك من فوق الحيطة ... 
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: زهير الزناتي)
|
صبحكم الله بالخير
Quote:
غايتو ياود الزناتي ...
اسأل الله الم فيك في "زقاق" من ازقة بيت المال ....
ومعاي كلــــــب افكو في مدخل الزقاق بي جاي ... وكلــــب افكو بالمدخل التاني ...
وانا في البيت الفي نص الزقاق .... بعاين ليك من فوق الحيطة ... |
قالوا في التركية السابقة في السودان...
كان الأتراك بيعاقبوا السودانيين بي أنهم يدخلوهم داخل شوال...
و يدخلوا معاهم كديسة كبيرة و يربطوا الشوال...
فأنا بقول ليك يا ياسر أبو الزوز ده ما ياكلك حنك...
و يقول ليك ناس زراعة ديل و ما عارف شنو...
اذا موضوع الزقاق ده ما نفع معاك...
شوف ليك شوال كبير..
الكدايس مني أنا...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
Quote: اذا موضوع الزقاق ده ما نفع معاك...
شوف ليك شوال كبير..
الكدايس مني أنا... |
والله ضحكتني .... حتي نسيت زعلتي ...
غايتو موضوع الشوال ده ...
بجيك ليهو بعد مباراة المريخ واهلي شندي ...
يمكن ادخل الحضري مع زهير الزناتي في شوال واحد ...
الناس ديل حالفين ومترصدين المريخ ...
وخاصة ان املهم بقي كبير بعد فوزهم على الانتر كلوب ...
الله يستر ... متوتر بالجـــــــد ....
==========================
انت يالرشيد الملاح للخدر الاكلتوهو مع طارق جبريل أمس ...
كان خدرة .... ولا ثلج ....
خاينيين ....الوش الضاحك اللخدر
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
صبحكم الله بالخير
أولا لنرد التحية لأبو عمر...
Quote: سلام بالكوم لأعز ناس
خير وحب
وفرحة قلب
ونعمة رب
وعيد سعيد يا أطيب قلب
|
و انت و أسرتك بخير
و كل أيامكم أعياد ان شاء الله...
Quote: زود .... زود من الصور ... يارشا
ان شاء الله حتي صورة الملاح اللخدر ...
ادام الله سعادة الزاقزيقاب اين ماحلو ... واين ما اتلمو ...
بالامس ايضا كانت جلسة ممتعة بودجبرين واسرته ...
حيث احتفل به بورداب الامارات في الشارقة ...
طبعا كنت ضمن الحضور |
باقي الصور ستأتي تباعا ان شاء الله يا ياسر...
تكلمت مع جبريلا أثناء تواجده معكم مساء البارحة...
و سمعت أصواتا عالية جدا تدل على كثرة الحضور...
يبدو انكم قد احتفيتم بجبريلا كما يجب و يستحق...
Quote: ياجماعة والله من كم يوم عاوز اعلق على صورة البروفايل بتاعة النضيف الجديدة
الزول ده سحب صورة عناب وعزاري ... وخت جدو براهو...
ربنا يحفظو ليكم ولينا يا نضيف ....
|
ما شاء الله تبارك الله و لا حول و لا قوة الا بالله...
أنا سأتقدم المظاهرات بتاعت عزاري و عناب...
و أهتف معاهم..الشعب يريد اسقاط الرجال...
طبعا يا ديدو بتكون الحراسة مشددة على أبو السيد...
خوفا من كيد النساء الصغيرات...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
ناس ( العمارات ) نجيلة و رشا مالكم الايام دى شغالين ليا كده
نظام بتجاملو فى جبريلا على حسابى و لاشنو ..
هسه عليكم الله قميص جبريلا المسطر ده ما لفت نظركم اكتر من صورة جدو ...
يا طارق ركز على اللون الفستقى ياااخ بالدارجى اللون الحرجلى ...
..........
يا احمد اسماعيل مختفى وين مشتاقين ....
وزى ما بقولو اهلنا ناس الغرب ( كــــلو نعرفـــــو ) .....
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: طارق جبريل)
|
صبحكم الله بالخير
حمدا لله على السلامة يا جبريلا....
مضت اجازة المدارس سريعا...
و سيعود الأبناء الأسبوع القادم الى قاعات الدرس من جديد...
كانت أمنية في السابق تفرح كثيرا بالعودة لأنها ستلتقي صديقاتها...
الآن لا تبدو لي متحمسة و لا فرحة كما في السابق...
بينما يبدو مهند أكثر تحمسا منها..
رغم انه أفصح عن غير ذلك و قال بأن المدرسة (كريهة)...
و حاول قدر الامكان أن يعبر عن انتقاله الى الصف الخامس...
و ذلك برفضه لأي رسومات بحقيبته المدرسية الجديدة...
فالحقيبة ذات الرسومات هي للأطفال فقط على حد قوله...
هذا السلوك شكل ضغطا كبيرا على أمنية فهي تحب الرسومات...
و لكنها تخشى من تعليقات مهند الساخرة عليها...
و لكننا عندما أقنعناها بأن ليس لمهند أي دخل في اختياراتها...
اختارت حقيبة لولي كيتي تحت أنظار مهند و ضحكاته الساخرة المكتومة...
و بعودة المدارس يعود الضغط علينا من جديد...
فعودة المدارس تعني ترتيب الأمور بشكل مختلف كما كانت عليه أيام الاجازة...
تختلف ساعات النوم و ساعات الصحيان...بسبب مواعيد المدرسة...
يعود بص المدرسة الأًصفر و مشاكل بص المدرسة...
تذهب ساعات طوال من الوقت الخاص الى مراجعة الدروس مع الأبناء...
تغليف الكتب و الكراسات...مراجعة الواجب اليومي...
نبكر في الخروج الى الشغل لزحمة الشارع...
تعود من جديد مشاوير البحث عن الخبز و المارتديلا لساندوتشات الصباح...
و الله صحي المدرسة كريهة...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
| Quote: تعود من جديد مشاوير البحث عن الخبز و المارتديلا لساندوتشات الصباح... |
يا ريتو لو بقى على ده بس ..
عناب السنة الفاتت صحت من الصباح الا يسرحوها تسريحة صاحبتها اللبنانية حلا
آآآآآلت ايه عايزة شعرها مفكوك و طوووويل يهفهف ولا ما حتمشى المدرسة ..
قلنا ليها ده حسب الجينات الوراثية مستحيل ....
برضو ما فهمت ....
اها نستحمل كم سنة لحدى ما تصل دروس الجينات يمكن ساعتها تلقى لينا العذر ...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عبد الدائم سيد أحمد)
|
الراجل عنده صفير ، جابو االمروايد عايزين يكونه قال ده حار وده ما بتكوي بيهو ، اها ده بالنسبة للمدارس ، ياخي الاجازة الواحد كره روحه عديل أصلا بقي ما بيقابل العيال ، بالنهار نوم وبالليل سهر الوجبات مقلوبة ومبشننة ما تعرفهم اكلو شنو لا شربو شنو ، بتكون في حالة دائمة من التوتر لاسباب كتيرة ، جات المدارس جات الغلبة ياخي اختيار الشنط كارثة خاصة للبنات ، اما مسالة الاحذية دي ياخي الواحد يقرب يطلع من الملة مية الف محل ولا جديد ، اما ما يسمي المريول الله يقطع سنينه ياخي ده غالي ويتحرق في اول مكوة .. اما تجليد الكتب والكراسات دي مسالة تانية ، الله مريحنا من مسألة المذاكرة ومتابعة الدروس من البداية وريناهم كل زول ياكل ناره مافي زول بيراجع لي زول ، تسميع القرآن قايمه بيهو ابتهاج جزاها الله خيراً ... بس المدرسة مشكلة والإجازة مشكلة وتربية الأبناء عايزه حرفنه ... والله يكون في العون ...
قلت لي القاف في النقطة بحرف ولا بحرفين ....
مسالة تجهيز العيال الصباح للمدرسة الواحد ربنا ريحه منها بس مسالة السندوتشات دي فعلا مشكلة قائمة في ذاتها ، يقولوا ليك عايزين وعايزين في النهاية بتلقي السندوتشات في الشنطة آخر اليوم ومنها لسبت الزبالة ، غايتو الله يعظم الأجر ....
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: جلال عثمان)
|
| Quote: هاكم الجرسة دي .... كبرتوا بس |
الخبر الجانا من مراسلنا في الرياض قالوا سكاليبك وصلت الدمام....
و جرستك شهدو بيها ناس القصيم...
و ليهم كم يوم قاعدين يقولوا ليك الجاتك في مالك سامحتك...
بس لأنك انت غالي علينا...
نوصيك بفحص الضغط و السكري باستمرار...
قال كبرتوا قال...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
السلام عليكم ،،،،
يا ناس الزقازيق ،،، أحلى ناس
سعيد جداً بالمداخلات الكثيرة خلال إجازتي
والتي لم أفلح في دخول النيت في الفترة الأخيرة
سعيد والله لوجود ناس كتار جافونا بغير سبب وعادوا ولكن بسبب
حبهم لهذا الصرح الجميل ،،،
عدنا من قاهرة المعز ونحمل في جنباتنا حبكم الكبير
أحبكم جميعاً ،،،،
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
عودا حميدا ياريس ...
مع عودة الابناء للمدارس ...
وعودة الابن الضال ....... ... أبونقطة ....
====================================
والله ياعيد ...
كلتشي ريحني راحة ...
لما اكلت الموزة بقشرها ...
وجماعتك الطيبين ... مشو وجو بنقطة واحده ...
هسع صاحبنا لو تغاطي النظر عن النقطتين ...
كان جونا بنقطتين ... ......
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
صباح الخير ،،، يا وجوه الخير
أصبحنا وأصبح الملك لله وحده،،،
دعاء اليوم :
يامـن هـو فـوق عبـاده ظاهـر....
يامـن هو مطلـع عليهـم وناظـر ....
أعنا على ذكرك وشكرك وحسن عبادتك يـارب
أحبتي : *أوصيكم ونفسي بتقوى الله في السر والعلن*
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
حمد الله علي سلامة الريس ميسرة واسرته ونورت يا ريس .... وإنشاء الله تكون اجازة سعيدة ....
يا نجيلة الكحة ولا صمة الخشم والله يستر عليكم من صمة الخشم ، بعدين قالوا جاكم حبس بول في الشوط الاول لمباراة اهلي شندي ... يمين الناس ديل وروكم كيف يلعبوا الكورة .....
انتو موسي عيسي ده قاعد يختفي وين . ما تقولوا لي تاني هاجر لراض النجاشي
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: سامي عبد الوهاب إدريس)
|
سلام تحيه
مرحب بعودة الريس. وكل سنه وانت طيب ياسامي
ويعود عليك بالخير والصحه. وياراش وودجبريل
حسدتكم على ماطلع من القلب في شكل ضحكه
وربنا يديم الود.نجيله عيني عليك بارده كنت قايلك
سمنت زي...... ووينك ياجله واخبار التمارين
وياود الزناتي انسى موضوع السندويشات البترمي
وتعال لينا هنا مع نظام الوجبه المدرسيه من مطبخ
المدرسه والبتخللها يوم نباتي ويوم فواكه. ياديمه
ماتاكل البت حنك وتقول الجينات ما شفت مايكل جاكسون
غير كل الجينات.وبرضو بقول وين ووين د حاتم جباره
وياعيد مشتاقين.
اخباري مستعد بقوه لسباق مارثون او نصفه في اوستندا يوم
30/09/2012
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عمر نملة)
|
دائما تجدني احتفي بالاتصالات
التي تتم بواسطة التلفونات
واحس بيها اكثر حميمية من المدعو شات بيك
اسعدني الاله بهذا الكم الهائل من
الاخوان غير الاشقاء
الذين التقيتهم بالزقازيق
وفي الايام الفائتة اسعدني الحظ واتصلوا علي
اثنين مرة واحدة ومن السعودية
الانصال الاول من الفنان الكبير كمال الشادي
والتاني من الدكتور خالد محي الدين
لهما الشكر والتقدير
يا عمر شكرا على الاتصال
ودوام السؤال
وادام الله الود بيننا
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: مبارك جادين)
|
الوجيه سامي ...
وكل سنة انت طيب كمان ...
دي ياشاب مباركات ولدنا سامي لعيد الاضحي القادم ...
وجب التنويه منعا لللبس .... وعدع اللوم لما يجي عيد الاضحي ....
وتقولو الزول مجافي ... وما عيد علينا .... تسلم يا وجيه
==================================
عمر ابو الطيب ...
لو ده استعدادك للسباق الجاي ...
انا اضمن ليك المركز الاول ان شاء الله ...
لقطة معبرة ... وعسل ....
====================================
Quote: يا نجيلة الكحة ولا صمة الخشم والله يستر عليكم من صمة الخشم ، بعدين قالوا جاكم حبس بول في الشوط الاول لمباراة اهلي شندي ...
يمين الناس ديل وروكم كيف يلعبوا الكورة ..... |
يعني البشوفك كاتب الكلام ده ... يازهير
يقول اصلك ماشفت مباراة الهلال وأهلي شندي الكانت في شندي قبل يومين 1/2
ديل جابو ليكم "حبس كبس" ... ودايما بعلموكم الكورة ...
والشاهد على ذلك ... مسمار الدوري في العام الماضي ... وتعادل الافتتاحية في هذا الموسم ...
الله يستر عليكم في مباراة الرد ... في المقبرة ....
** نحنا عقدتنا ... الامل عطبرة ... وطار ......
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
صبحكم الله بالخير
التحية لي سامي و كل سنة و انت و عيالك بخير...
للعيد الفات و عيد الأضحى....
التحية من بعده لي نملوز و هو يستعد لسباق أوستندا...
بعد أن أستعاد اللياقة بعد شهر رمضان الكريم...
أنا أتوقع نتائج متقدمة هذه المرة و ذلك بسبب رمضان...
رمضان عبارة عن عمره كاملة للجسم و لكل الأجهزة..
لتعود بعده أكثر نشاط و حيوية...
لو عايز ليك مشجعين ما عندنا مانع...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
سلام تحيه
جادين يارائع ياخلاصة الناس الطيبين
والله بحب التواصل معاك لشخصك وثانيا
للجنوب واهلي ناس الجنوب. تصور جدنا متزوج
من الجنوب واولاده مستقرين في الكلاكله وصادف
انو احد اولاده درس مع اختي في الجامعه واول مره
تمشي ليهم البيت ايش عملوا ليها؟ تصور قشوا ليها
الشارع وعملوا جير وبوهيه جديده للابواب. يقوم بكل بساطه
الكيزان يفصلوا روحنا من جسدنا يارب تسهل لكل ناس بلدي
وتصفي النفوس. آميييين
ياراش والله عايزك تكون معاي هنا انت والاولاد نهائيا
وتبداء بزنس هنا. اما استعدادي للسباق نهاية الاسبوع
بكون خلصت المرحله الاولى لمسافة 22 كم بسرعه 12 كم/س
ونهاية الاسبوع القادم بخلص نفس المسافه بسرعة 15 كم/س
والبعدوا بسرعة 18 كم/س ان شاء الله
أبوعمار
ان شاء الله لو ربنا سهل بكسر حاجز ال 4 دقائق للكم والسنه
الفاتت كان رقم صاحب المركز الاول 3.5 للكم.
انت وين ولدنا سمؤال ابوسن
وسلام تحيه
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
صباح الخير ،،، يا وجوه الخير
قول الشيطان : أهلكت بني آدم بالذنوب فأهلكوني بالإستغفار يقول الله سبحانه وتعالى
استغفروا ربكم إنه كان غفاراً:
1- يرسل السماء عليكم مدرارا
2- ويمددكم بأموال وبنين
3- ويجعل لكم جنات و يجعل لكم أنهارا
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
القاهرة ما بعد الثورة غير!!!!
من ضمن الملاحظات على القاهرة ما بعد ثورة 25 يناير
كل الناس صارت تتكلم في السياسة
ولكن البعض يزوده حبتين لشعورة بالحرية والإنعتاق بعد سنوات الحرمان
فيمارس حقه في التعبير بالتجريح وبلدان العالم الثالث جديده عليها مسألة
الديمقراطية وخاصة ما زالت في سنة أولى.
الأخوان المسلمين في مصر أذكى بكثير من الأخوان بالسودان ويبدو أنهم بيحاولوا
أن ينقلوا النموذج التركي إلى مصر ،،،،،
هنالك تضخم في الأسعار والإيجارات مرتفعة جداً
الشعب المصري هو هو شعب طيب ولكن الغالبية مطحونه تماماً
ولكن لو ذهبت إلى المناطق الراقية تجد أنك في دولة أخرى
والقوة الشرائية عالية جداً لو زرت المولات والمدن الترفيهية
لن تصدق إنك في مصر ،،،،
نواصل....
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: Dr.Elsadig Abdalla)
|
صبحكم الله بالخير
سلامات الصادق عبد الله و مرحبا بزيارتك بعد غيبة....
و مرحبا بعودة الريس ميسرة...
ان شاء الله تكون استمتعت بالاجازة يا ريس...
أنا طبعا بفتكر انو الاجازة في حد ذاتها ممتعة لكونها اجازة..
بغض النظر عن المكان الذي تقضي فيه اجازتك...
فمجرد التغيير عن الروتين اليومي سواء أن كان بتاع العمل..الدراسة..البيت.....
أمر ضروري يحتاجه الانسان لاستعادة النشاط و القدرة على مواصلة الحياة....
أنا بستمتع بالاجازة و لكني بفضل الاجازات الفيها استرخاء تام...
يعني الموية دي لو عايز أشربها يجيبوها لي...
و لكني لم أحظى بواحدة من هذا النوع حتى الآن...
الاجازة العائلية تحتم علي أن أكون ديموقراطي و استجيب للرغبات المختلفة...
فست بيتي تحب التسوق مثلا ثم تأتي بعدها الأشياء الأخرى...
اولادي بيحبوا الأماكن بتاعت الألعاب و غيرها...
أنا نفسي أقضي اجازة في حتة كده زي دي....
أو زي ده...
و لا كمان هناك...
عند صحْيَة جروف النيل
مع الموجَهْ الصباحيَّه..
ومن شهقَة زهور عطشانَهْ
فوق أحزانهْا..
متْكَّيهْ..
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
مراحب دكتور الصادق ,,,,
=======================
غايتو يالرشيد ... حالتك تحنن .......
اوعك تاني تجلي اجازة ... حتي لو تمشي جزيرة ... اريام ......
أو ان شاء الله تجيني في الشارقة ... نقضيها في بحيرة خالد ... ...
انت ماشايفني صابر كيف ...
السنة نحنا برضو اجازة مافي ...
ولما غلبني شديد ... جبت امي هنا ...
وهسع انا قاعد تحت رجلينا ....
بالله حر الشارقة اتقلب طراوة .. شلالات نياجارا .....
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
صباح تحيه
تحيه صباحيه لوالدة ياسر
بديت التمرين الصباحي موازيا الساحل لمدة ساعه تقريبا
وجلست على احد الكنبات عند نهاية التمرين اتامل في البحر
وقلت في نفسي مااظن في احلى من كدا بالله دخلت النت وجدت
ياسر جالس في الجنه تحت اقدام الوالده والله بدي الجنه
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
صبحكم الله بالخير
Quote: ولما غلبني شديد ... جبت امي هنا ...
وهسع انا قاعد تحت رجلينا ....
بالله حر الشارقة اتقلب طراوة .. شلالات نياجارا .....
|
يا بختك ياخي...
و الله أنا طلعت ليها الزيارة...
و قعدت أحنس فيها عشان تجيني...
لكن الله ما أراد...
و الله رطوبة أبو ظبي كأنها ولعوها زيادة...
و بقت زي حفرة النحاس...
يا نملوز ندعمك من على البعد...
أعتبرنا نحن الرد بول بتاعك في السباق القادم...
دعم يزيد نشاط و حيوية...
و يعطيك جوانح كمان...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
الصفحة الفوق دي ماله مكلوجة كدي
الظاهر علي كنت بكتب بالشمال
ربنا يجعلنا من أهل اليمين
قولوا آمينــــ,,,,,,,,,,
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
مساكم الله بالخير
Quote: سلامات يا الرشيد ..طيب ما تجينا هنا ...خضره(ما ملوخيه) وماء ووجه حسن ..طبيعه خلابه
يقصدها الناس من كل أنحاء العالم ..
|
يا سلام يا الصادق مكان جميل ياخي...
و الله ده ياهو المكان العايز لي فيهو اجازة...
نحن كنا في 2009 هناك و التقينا بالأخت و الصديقة سناء الصباغ و أسرتها..
و التقينا كذلك بالأخت حنان الخطيب و قضينا يوم ممتع معاهم...
و ان شاء الله لنا عودة اذا أمد الله في الآجال...
و نسأل الله أن نلتقيك و أسرتك الكريمة...
Quote: جلسنا مره عند مطعم آخر ساعة المشهور بوجبات الفول والطعمية وكنا ستة أشخاص بما فيهم مشكاة الصغيرة
وحضر (المتر) ووزع لكل واحد طبق مخلل ومحدقات والطربيزة إمتلآت وكمية كبيرة من العيش البلدي
وبدأنا نأكل وكدنا أن نشبع ونحن حتى اللحظة لم نطلب أي حاجة وفجأة وضع أمام كل واحد طبق فول
مصلح بالمصري مع الزيت الحار ومطعمية كبيرة (قدر رأس الجاهل) وأكنا وثم أكلنا حتى شبعنا
|
يا ريس آخر ساعة ده عندو شوربة عدس مبآلغة ....
و كانت زمان مجانا...
تدخل تطلب حاجة على بال ما يجيبوها ليك تكون شبعت....
ما عندك صورة للشوربة دي...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
سلامات يا الرشيد
بالله ده كلام ده..؟جيت لحدي ناس سناء وماوصلتني أنا ود حلتكم ؟والله بالغته بوليغه(زي مابتقول لينا بتي)..ياخ إنت عارف كانك زرت ناس ساكنين المورده وماجيتنا نحنا في اركويت !!كلها 45 دقيقه بالطياره...ولومفلس التذاكر علينا (من غلاسغو مامن ابوظبي!!) ..اللوم موصول لسناء مع التحيه .. نشوفك المره الجايه..
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: Dr.Elsadig Abdalla)
|
Quote:
ما عندك صورة للشوربة دي... |
طيب ليه ما علقت على صورة الخضرة بتاعت د. الصادق ؟؟ ( وش غامز ..!! )
* دكتور الصادق .. يا صفوه يا جميل .. طلاتك بتزيد من وهج الصفحة ( الاحمر ) ..
خليك قريب ... شكلنا حنعمل احتفال صفوى قريبا جدا ....
* نملوز .. ياخ بالله حقو حتى لما تختار مشجعين حاول .. تنقى الناس الصغار ونفسهم طويل ..!!
* ود نجيلة .. الله يهنيك بجوار الوالده .. وحقو تسوقا وتجى بيها الحج السنة دى
* ريسنا وحرسنا وفارسنا .. انت يا زول مشيت القاهرة وجلدت باقى رمضان ولا شنو ؟؟
طالما كنت فى التوفيقية .. أكيد يوم مشيت ضربت الكشرى الرهيب بتاع شارع شامبليون داك ..
** ســوعاااال برىء ....
انتو بكرى ده شكّ الورق تانى ولا ابو الزوز قلب الطربيزة ؟؟؟
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: طارق جبريل)
|
مساكم الله بالخير
الصادق يا حبيب تأكد اننا لو عرفنا طريقك حتلقانا يوم بنخبط على باب بيتكم ان شاء الله...
لكننا لم نذهب الى جلاسقو بل كنا في لندن و حضرت الينا سناء و العائلة...
أما حنان الخطيب فكانت مقيمة في لندن و لكنها انتقلت منها الآن الى مدينة أخرى...
قضينا معاهم يوم ممتع و جميل...
عندنا خطة للسنة القامة فيها لندن أذا عشنا و أمد الله في الأجل....
فاتن حمامة بالانابة....محمد عيد...
طبعا فاتن حمامة الأصلي زهير الزناتي...
قدر ما حاولت أقتبس الصورة بتاعت الصادق لكن ما قدرت...
فعلقت بدون صورة...
بعدين تعال هنا الكبير منو...
انت بتك في الجامعة و أنا بتي في الصف السابع...
شوف الفرق بياتنا كم...
يا عجوز.....
جبريلا أغنية جميلة ياخي...
بس ما قلت لينا ياتو عضام..
الترقوة و لا الساق...
و لا المخروقه...
شكرا على الأغنية يا جبريلا...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: طارق جبريل)
|
صبحكم الله بالخير
| Quote: والله يا رشا الاغنية دي حتى الغضروف هبشتو |
كانت قايل القصة مخروقه قلت أنصحك بالترمس...
لكن طالما الموضوع وصل الغضروف فعليك بالكوارع...
يا جبريلا أمنية بقت تقرأ فيزيا و بالانجليزي كمان...
اتمنيت يرجعوني السلع تاني بدل الأسئلة الصعبة البتسألني ليها دي...
الفيزيا زمان بالعربي كانت منشفة ريقنا...
حسه بالانجليزي دي البحلني منها شنو عاد...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
صبحكم الله بالخير
المداخلة دي منقوله بتصرف من مربع كاي...
مافي زول يجي يقول لي يعني شنو بتصرف...
أنا بشوفهم ناس زهير بيكتبو كده قلت أكتب زيهم....
غايتو الصحفيين المجازين ديل مرات بيودونا التوج...
Quote: صبحكم الله بالخير
انتابني شعور قوي بالرومانسية دفعني الى التفكير في كتابة قصة ما...
قصة رومانسية رسمت خطوطها في خيالي و اخترت شخصياتها فجلست خلف كمبيوتري لكتابتها...
و قلت في نفسي هذه القصة سوف تخرجني من حالة الركود التي تمر بي هذه الأيام...
بدأت بكتابة السطرين الأولين...فكتبت...
جلست وحيدة في ذلك المقعد النائي على شاطيء البحر...
تراقب رتلا من طيور النورس تصدر أصواتا مزعجة و هي تقتتل على الطعام الذي يلقى اليها...
كانت مثبتة في مكانها و كأنها احدى المانيكانات في محل للملابس الراقية...
تسريحة شعرها و ملابسها ذات الألوان الهادئة المنسجمة تعبر عن ذوق رفيع...
حذائها الأبيض الرفيع و حقيبة يدها الجلدية كلها أشياء تدل على انها من طبقة ثرية...
و لكني بمجرد أن سرحت بتفكيري بعيدا باحثا عن الكلمات وجدت نفسي أفكر فيما هو حولي...
تفكير أخرجني من حالتي الرومانسية تلك و أعادني الى الواقع...
تبخرت الأفكار و الصور و تسامت الكلمات و لم تبقى الا صور الواقع العجيب...
حولت التخلص منها و الرجوع الى حالتي الأولى فلم أقدر على ذلك...
حاولت مرة أخرى على طريقة الكتاب المحترفين و أنا لست منهم...فحاولت التكملة...
|
العايز يتم الباقي يمشي بي هناك...
في دردقه يا أخوانا أكتر من كده...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: طارق جبريل)
|
صباح الخير ،،، يا وجوه الخير
أصبحنا وأصبح الملك لله وحده،،،
دعاء الصباح :
اللهم أعنا على ذكرك
وشكرك وحسن عبادتك يـارب
*************
حكمة اليوم :
ﺇﺟﻌل ﺧطوﺍﺗك ﻓﻲ ﺍﻟﺤﻴﺎﻩ
ﻛﻤن ﻳﻤﺸﻲ ﻋﻠﻲ ﺍﻟرمل
ﻻ ﻳﺴﻤﻊ ﺻوﺗﻪ ﻭﻟﻜن ﺃﺛرﻩ ﻭﺍﺿﺢ
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
انتو عارفين
القصة كلها فى العود
والبتاع المعاهو ده
فلوت اسمه ؟؟ مش كده
اعطنى الناي وغنى
* انا غايتو حضروا لى كوارعى برااااااااى
* دكتور الصادق ده لا بيرجاك فى غلاسجو للسنة الجاية ولا شيتين
ما ممكن تمشى ليهو فى ديسمبر ؟؟؟
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: طارق جبريل)
|
شكرا حبيبنا عمر على المداخلة الشحمانة
والان لو جيتنا في جوبا
كنا فرشنا السكة ورود لو كلمتنا ساي بالجية
خطوة عزيزة ويوم موعود الخلاك تطرانا شوية
نرحب بيك انحنا الجاديناب واصدقاؤنا وكل الزقازيقاب
دينق(علوم-دكتور بجامعة جوبا)واويد (وزارة البترول )
دينق كوج (عضو بالبرلمان )
وكل الجنوب
نجيلة والرشيد الاجازة الجاية عندنا في مريدي
ماشي
تعازينا القلبية للاخت
الدكتورة صفية مساعد
في وفاة والدتهاوزوجها الاخ العزيز طارق عبد الجليل
جعلها الله اخر الاحزان
وانا لله وانا البه راجعون
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: مبارك جادين)
|
| Quote: * ود نجيلة .. الله يهنيك بجوار الوالده .. وحقو تسوقا وتجى بيها الحج السنة دى |
ود عيد تحياتي ياصفوة ...
الحج صعبة شديد ...
بس عمرة ممكن جدا ... جدا ...
Quote: نجيلة والرشيد الاجازة الجاية عندنا في مريدي
ماشي |
ماشي ونص وخمسة يا ود جادين ...
والله نفسي ازور الجنوب بشدة ... مش عشان الانفصال
انا من زمان بحب الخضرة والحياة السلسة غير المعقدة ...
ونفسي يكون لي بيت هناك ...
مرة زرت جنوب منطقة المزموم قرب الرنك (مشروع زراعي للوالد - الله يرحمه)
والله كنت منتشي شديد ...
وقلت لابوي اعمل لينا بيت هنا ...
وعندنا نسيبنا متزوج اختنا ... عايش في ملكال ...
بشوف صور ... زي الافلام الهندية ....
كل اجازة بقول ليهو جاييك ...
بس ربنا مابسهل ...
وتأكد يا مبارك ... انا اذا جيتك مابرجع ...
و صدق لما بشوف بلاد خضراء وطبيعة ساحرة ... وامطار متواصلة - ماليزيا كمثال
بتحسر بشدة ... وبقول والله مافي شعب ظلم نفسو زينا نحنا السودانيين ...
لاني واثق .... نفس المناظر والطبيعة والمناخ عندنا - خط الاستواء - وماجاورة من سافنا ..
الله كريم ....
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
صباح الخير ،،، يا وجوه الخير
دعاء الصباح :
رب اغفر لي ولوالدي
رب ارحمهما كما ربياني صغيرا
==============================
ود جادين التحية ليك وأنت تتواصل معنا
من جنوب السودان ، التحية الكبيرة للأولاد
وبلغهم تحايانا القلبية،،،،
يا نملوز عا########ي مداخلاتك وتلاحمك معانا
حتى نسينا الفرقة العاملاها عدم مداخلة ناس السودان
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
يا الله ياخ لما الواحد يشرب شاي الصباح بحلويات العابــد من القاهرة
الجابتا ليا منى يونس ... يسعد صباحك يا ريس ..
عليك الله تانى وديهم مصر ...
الواحد حاسى انو عندو طاقة يجرى بيها توصلو جوبا ....
مرورا" بابوظبى حتى اوســـتندا ..
البحب الكنافة النابلسية يرفع ايـــــدو ....
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عبد الدائم سيد أحمد)
|
ملاحظات ما بعد الثورة المصرية
الظاهرة الملفته للنظر إنتشار البلطجة والبلطجية
البلطجة المصرية عريقة في القدم منذ عهد الملك فاروق
ولكن في ظل نظام مبارك نشأت أنواع من البلجة تنقسم تقريباً إلى ثلاثة اقسام
- الجزء الأول نشأ عن طريق الحزب الوطني وتنحصر مهمتهم في الضرب من حديد على
السياسين وأعداء الحزب الوطني وترك لهم الباب مفتوحاً ليفعلوا ما يشأوا في البلد
دون رقيب وحسيب ما دام أنهم يؤدون دور معم بتخويف الناس .
- الجزء الثاني هم البلجية الطفيلين وهم نشأوا في أحضان الحزب الوطني
وهؤلاء عاسوا فساداً في إقتصاد البلد من أمثال أحمد عز وصبري نخنوخ بالإسكندرية
- القسم الثالث من البلجية ليس لهم علاقة بالحزب الوطني ولكنهم يرغموك على
الدفع ويخطفوا منك كل شئ حتى أولادك مقابل فدية ماليه،،،،
كانت تحركاتنا حذرة جداً على الرغم بأن مظاهر الحياة كانت عادية ولم نشاهد
هؤلاء البلطجية وفي إحدى الأيام عند شارع طلعت حرب بوسط البلد
فوجئنا بست بتولول (تصرخ) بأعلى صوتها وهي تقول إبنى حسن مش لاقياهو (5سنوات)
وتصرخ وتقول إبني إتخطف ،،، تجاوب معها الشارع بقوة وبدأوا يبحثون عن حسن
وإشترك في عملية البحث أكثر من خمسين من الباعة المتجولين والماره وبعد فترة
ظهرت مجموعة وهي تهتف (حسن أهو) ومجموعة أخرى تقول يا ناس يا عسل حسن وصل
وقامت مجموعة من النسوة بالزغاريد على الطريقة المصرية وإمتلآ الشارع تماماً
وكادوا أن يكملوا الإحتفال بميدان التحرير فرحة أم العيل وبدأ الكل يغني
(سلامتها أم حسن) الأغنية المشهورية والباعة يرقصون
حقيقة عجبني هذا المنظر لأنهم جدعان وأولاد بلد وتحركوا بشهامة ونخوة وبدون تكليف
من أحد ،،،، هذا الشعب عجيب يحب الحياة والحياة عندهم سهلة وليست معقدة
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
صبحكم الله بالخير
Quote: نجيلة والرشيد الاجازة الجاية عندنا في مريدي
ماشي |
تعرف يا بركة رغم ان الانفصال تم بارادة شعبية خالصة...
و هذا شيء أحترمه و أقدره...
الا انني ما زلت لا أصدقه...
و لا أستطيع أن أستوعب قصة عندنا و عندكم دي...
بالنسبة لي نحن ما زلنا بلد واحد و شعب واحد...
و الذي يربطني بالجنوب و الجنوبيين عميق جدا...
و أكبر من مجرد كوننا اننا كنا نتشارك بلد واحد...
الحديث طويل و ذو شجون على طريقة اللقاءات التلفزيونية...
و في مريدي و أويل و يرول أسأل عن محمود حاج مهدي...
انه جدي خال والدتي...
كان و حتى وفاته قبل بضعة أعوام يتمنى أن يرجع ليموت هناك...
و يدفن تحت شجرة تك عملاقة لتسمى بعد ذلك بشجرة محمود حاج مهدي...
كانت له دكاكين و منازل تركها ذات ليلة و أسرتها مفروشة و لم يعد...
فمات و في نفسه شيء ما...
لم يكن جدي وحدة من عاش جزءا مقدرا من حياته هناك...
و أعطى باخلاص لمكان كان يعتبره وطنه الأول و الأخير...
بل كان شقيقة أيضا و كان جدي الآخر عم والدي هناك..
و جدي هذا و أسمه الرشيد و لقد سميت عليه كان في مريدي...
اٍسأل في مريدي عن الحاج الرشيد محمد البشير سيخبرونك عنه العجب...
فأنا ان جئت الى مريدي يا بركة فأنا لا آتي عندكم...
بل آتي الى مكان تربطني به علاقة وشيجة و تاريخ طويل كما ترى...
و سيزيد مريدي جمالا و روعة انك من دعيتنا اليها...
و انك من ستكون معنا بها و تحت ضيافتك الكريمة و شخصك الحبيب الينا...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
Quote: يا الله ياخ لما الواحد يشرب شاي الصباح بحلويات العابــد من القاهرة
الجابتا ليا منى يونس ... يسعد صباحك يا ريس ..
عليك الله تانى وديهم مصر ...
الواحد حاسى انو عندو طاقة يجرى بيها توصلو جوبا ....
مرورا" بابوظبى حتى اوســـتندا ..
البحب الكنافة النابلسية يرفع ايـــــدو .... |
جني و جن المشاغلات الزي دي من الصباح...
ياخي أنا عندي ضعف شديد أمام الحلويات...
لكن ضعفي أمام الكنافة النابلسية دي مضاعف...
ياخي الاخترع الكنافة النابلسية دي بالغ...
كيف قدر يمزج بين الحلو و المالح...
و كيف انها لازم تكون سخنة...
حاجة عجيبة ياخي...
بالهنا يا ديدو...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
قررت إحدى الأبرشيات إقامة حفل عشاء على شرف قس اسمه باولو وذلك بسبب
تقاعده بعد 25 سنة من خدمة الأبرشية
وتم اختيار رئيس البلدية لإلقاء كلمة بهذه المناسبة
بدأ الحفل وكان الجميع ينتظر قدوم رئيس البلدية لكنه تأخر ولم يظهر
فقرر القس باولو أن يقوم بنفسه بإلقاء كلمة وكانت كما يلي :
"قبل 25 عاماً عندما قدمت إلى هنا واستلمت عملي أخذت في البداية انطباعاً سيئاً
عن سكان المنطقة , والسبب في ذلك أن أول شخص جلس على كرسي الاعتراف أمامي
اعترف لي بأنه سرق جهاز تلفزيون واستطاع أن يكذب على الشرطة وينجو بفعلته ,
ثم سرق مالاً من أبويه , وكذلك قام باختلاس مبلغ ضخم من رب عمله , وتاجر بالأدوية
المهربة , وسرق مصاغ أخته.
صدمت بالبداية , لكنني عندما تعرفت أكثر إلى سكان المنطقة عرفت كم هم طيبون
وأن أول رجل اعترف لي لم يكن يمثلهم"
وحالما أنهى القس كلمته دخل رئيس البلدية واعتلى المنصة واعتذر على التأخير ثم قال
"لن أنسى أبداً عندما قدم القس باولو إلى بلدتنا المتواضعة , لقد كان لي الشرف أن
أكون أول شخص يعترف أمامه"
الحكمة من القصة : إياك أبداً أبداً أبداً أن تتأخر
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
سلام تحيه
وتحيه سلام للجنوب وللجاديناب
ويابركه الجنوب بيتنا ومازال صداء صوتك
وانت تمتعنا يا الفي الجنوب حيي الفي الشمال
وعارف ناس سوسا في الزقازيق جمعتني بيهم
علاقه ابتدئت بتنس الطاوله مع دكتور مارتن
كان بيجي الاتحاد يلعب تنس طاوله تصدق هو الحاله
الوحيده التي نخرق ليها الدور ويتوقف اللعب ويعطى
الدكتور المضرب كان يدخل الاتحاد بادب جم ويخرج
بادب وذوق. وعندما ادخلوا تربيزه عندهم في اتحادهم
كنت من اول المشرفين ومن اول دخولي تم تعريفي بالجميع
وكلهم بيقولوا انت عمر كلمنا د مارتن عنك طبعا مع الكولا والقهوه
ولا احكي ليك عن حي الدباغه في مدني الذي يجمع كل السودان
من دناقله وشايقيه ودينكا وشلك ونوير ونوبه وزغاوه وكل السودان
يفرحوا ويحزنوا ويد واحده. يابركه اهو الرشيد جدو وعمو وياسر نجيله
اخته وزوجها وامسك الناس واحد واحد كلهم مرتبطين بالجنوب. وياراش
الانفصال الجغرافي مابيعني انننفصل اجتماعيا عايزين حريه التنقل بدون جوازات
وكمان الاقامه يااخ كل الدنيا انفصلت لكن مازال التحرك بدون حواجز
......................................................................................................
اسمعوا دي سوداني في سوريا السوريين كان بقولوا نكت عن السودان قام قال
ليهم عندي فوزيره . في صياد عندوا اسد وخروف وقش وقبل مايكمل كلهم بصوت
واحد قالوا مابدنا لانه الاسد في الفزيره. بااخي ما بدنا انفصال اجتماعي.
.................................................................................................................
ياريس المثل بيقول الشكر لنملوز وحلويات العابد لديدو.
ياريس والله اكتر خمس حاجات بتضايقني هي عدم الالتزام باالمواعيد وعدم الاهتمام
وعليك الله كتر لينا من القصص دي.
............................................................................................................
ياعيد شايف الرشيد رمى الكره في ملعبك وقال بتك دخلت الجامعه.
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: طارق جبريل)
|
أهم واحــــــد عندو انطباعات عن الإجازة ....
هم اتنين .....
الريس ميسرة ورحلة مصر ...
وطارق جبريل وزيارة الإمارات مرورا بالسودان ...
ومنصور عبد الرازق وزيارته الخطافية لاوروبا وجامعة مامون حميدة كلية الطب .....
مطلوب حضوركم فورا ... وتسجيل احتراف كامل عن الاجازة ....
عشان في واحد جارنا حيموت .... كمد ....
=================================
البياكل الحلويات المصرية براهو ....
ان شاء الله ................. يسعد ....
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
Quote: دكتور الصادق ده لا بيرجاك فى غلاسجو للسنة الجاية ولا شيتين
ما ممكن تمشى ليهو فى ديسمبر |
سلامات
منصور ده لانو عارف اللعبه ...طبعا يا الرشيد أخوك أصبح من أصحاب الجوازات الحمرا بعيد عنك ...وقاعد أفتش في محلات القروش الكثيره كان ربنا مد في العمر ،،،عشان كده يمكن أكون قريب منكم بهناك ...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: Dr.Elsadig Abdalla)
|
مساكم الله بالخير
| Quote: ياعيد شايف الرشيد رمى الكره في ملعبك وقال بتك دخلت الجامعه. |
يا عمر كان جاك راجع لومني...
الحاجات الزي دي ما بيرجع فيها...
Quote: مطلوب حضوركم فورا ... وتسجيل احتراف كامل عن الاجازة ....
عشان في واحد جارنا حيموت .... كمد ....
|
يا قلبي يا مكتول كمد...
أعصر دموع...
هات غنوة لي سيد البلد ..
يا حليلو...
Quote: غايتو انا كان بديت انطباعاتي عن الإمارات ما بقيف
ياخي العربات عاملات زي الطايوق في الصاج النارو حارة
|
انت يا جنى رباطابي...
كان جانا تسونامي السنة دي بكون منك...
Quote: جبريلا السحار
ناس الامارات فى واحد منكم حيصحى الصباح يلقى كفراتو مبنشرة
|
و الله يا ديدو و أنا راجع البيت آخر اليوم
ما خليت دعاء سفر و دعاء ركوب الدابة...
وخفت تسلم اللساتك يقوم يجي زلزال يرجرج الشارع...
| Quote: في حد عايز يثبت بأنه متزوج من مراته يا شباب ؟ |
ضروري يا ريس...
حسبي الله و نعم الوكيل...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: Dr.Elsadig Abdalla)
|
مساكم الله بالخير
| Quote: ياعيد شايف الرشيد رمى الكره في ملعبك وقال بتك دخلت الجامعه. |
يا عمر كان جاك راجع لومني...
الحاجات الزي دي ما بيرجع فيها...
Quote: مطلوب حضوركم فورا ... وتسجيل احتراف كامل عن الاجازة ....
عشان في واحد جارنا حيموت .... كمد ....
|
يا قلبي يا مكتول كمد...
أعصر دموع...
هات غنوة لي سيد البلد ..
يا حليلو...
Quote: غايتو انا كان بديت انطباعاتي عن الإمارات ما بقيف
ياخي العربات عاملات زي الطايوق في الصاج النارو حارة
|
انت يا جنى رباطابي...
كان جانا تسونامي السنة دي بكون منك...
Quote: جبريلا السحار
ناس الامارات فى واحد منكم حيصحى الصباح يلقى كفراتو مبنشرة
|
و الله يا ديدو و أنا راجع البيت آخر اليوم
ما خليت دعاء سفر و دعاء ركوب الدابة...
وخفت تسلم اللساتك يقوم يجي زلزال يرجرج الشارع...
| Quote: في حد عايز يثبت بأنه متزوج من مراته يا شباب ؟ |
ضروري يا ريس...
حسبي الله و نعم الوكيل...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
ما بين «نفيسي» و«نهال» فتيل «أليل خومرة»
النبي فيك يا حبوبتي مالك مليتي الدنيي بُطان كدي
- وحاتك يا ولدي وكتين أقول كدي وأدي فتيل الخومرة أليلي خجة
وحاتك يا الزين جدك دة يتنحنح وتبقالو صلاة العشي دي بعيييييييدي
ويعضعض في لسناتو علي الكافتو شي
- دحين هو ما كان قاعد يصلي بالناس في الخلوة
- إيي خلوة شنو مع الخُومرة دي... وحاتك دي تخلي الزول يبقى نصراني
- هههههههههه كيفن الكلام دة يا حبوبتي انت باقيلي كفرتي
- كافري الدِلكي دي يا ولدي... وأصلو الخُومرة دي انا من أشمها اضنيني ديل يحمِرَن وانكرش...
نصيبتا كافري يا ولدي ماني عارفي السوتها دي منو بت الهرمة دي
- باقيلي دايري تدعيلا
- كيفن آآآبدعيلا يا ولدي.. البلد دي كلها بعد العشي تخجخج في فتايل خمرتها
والصباح تسمع في: مخروقتي لحقت الصح... ضهري داير ينقصة... كلوي واجعاتني..
هو كله فسو ساكت.. أمة الله ماها نايمي الليل كلو كلو يعلم الله
- ماكي مرة شي انت غايتو ههههههههه
- أي كدي.... انتو بُطان التاباني الزمن دة
- مالنا سوينا شنو
- مو ياهو نسوانكن اليرشرشن في الخرابات التحت أباطاطن ديل... أخووووووووو
- ههههههههههههههههههههههه اسكتي لا تجيبيلنا الكلام باقي انا عارفك مرتا قاهري
- أي كدي أسحف من فوقي هِن ديل نسوان
- هههههههههه مالك مكجِناهِن كدي.. ما ياديل السمحات ويرارِّن علي المراية
- إييي قدر سماحتن.. ديل البقن يسوِّن الحني لي أوراكن ديل بري منهن...
- هسي إنتي إن بقيتي دايري تسويها في زول حاميكي ما تسكتي تتجلبطي بالحنة
- إيي حنة شنو يا الغبيان... وحات ولادي انا وكتين كنت أقعد في العنقريب
ومتلفحي بالقرمصيص.. أصلي بس علي القمرة دي.. وجدك رحمه الله
من يدخل صاقعلي: لا تكتلي اللمبة «الفانوس» آآآنفيسي
- وين يطيرها هو
- كيفن.. مو داير يشوف «القمرة» ألتو دي
- الرسول يا حبوبتي كنتي قاعدي تريدي
- كيفن آآبريدو ود الطيب
- باقيلي كنتوا خاربين الدنيي..
- ههههههه.. أييي بس يدخل من صلاة العشي وأعشيهو وندخل علي القرمصيص
- نان يا خرابة قرمصيص الجن دة تدخليلو بي صوماحك من «الدونكة»
- عاد فراغك.. أخج فتيل الخُومرة وزين أتريح وأدعك أباطاطاتي وتحت إضني
وريحتي تملأ الدنيا.. وحات نضري جدك لامن يجوعر رسمي..
- هههههههه وبقيتو ترموا في البُطان علي «الدِفيق»
- ههههههه.. مو يييدا حلاتن أعمامك ديل.. صادُن شي
- نان مالك مكجنة نسوان الزمن دة
- هِن ديل نسوان
- مالِن
- آآآبعرفن شي.. مو ياهو الخرابات العلي «الزمزميات» (جمع زمزمية)
الخاتاتنهن في الخشبة الجنب المرايا..
- الريحة
- إيي قدر ريحتن... المرة إن ما بقت كدي اتمشطت ومسحت «مسايِّرها»
ولفتن تحت أضانها.. وسولتلها «رحض» ومسحت رجلينها بالكركار
وقعدت في نص النقريب علي تاجوج
- نان انتي شِن عرَفِك بيهن.. مو يبقى قاعدات يسون الشي دة
- قالولك آآآبشوف.. ليلن ونهارن يغزغَزَن في كيعانن لي رجالن
ويتكلمن بي حاجباتن وهن معفنات ومصوفنات..
- وإنتي وين شميتيهن
- أخو عليهن.. والواحدي فيهن شايلالا شيتا تبخو تحت أباطاطها
وتدخل علي راجلا... هُن الرجال ذاتن بقوا علي «الرَخم»..
- مالنا كمان سوينا شنو
- وحاتك نحن وكتين جدودك ديل يكونوا قاعدين لااااتحت وكتين نجي قدامهم
نشيل براطيشنا في يدينا لامن نفوتن حتن نلبسن تاني..
كانوا رجال يهزوا ويرزوا..
- نان نحن مالنا
- هاك التراب دي في خشمك... تريدو في نسوان الجن ديل لامن ركبن
فوقكن ودلدلن رجليهن...
أقولك شي أسحف من فوقي أن دايري آآآخدلي غمدي...
- سمح
ــــــــــــــــــــــــــــ
دي نفيسي ما أنا عشان مافي جندر يجي ينط في حلقي
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
صباح الخير ،،، يا وجوه الخير
أصبحنا وأصبح الملك لله وحده،،،
دعاء الصباح :
ويا كاشف الغمّ،
فرّج همي ويسّر أمري
وارحم ضعفي وقلة حيلتي
وارزقني من حيث
لا أحتسب يا ربّ العالمين
==========================================
ما بين «نفيسي» و«نهال» فتيل «أليل خومرة»
الكتابة باللهجة الشايقيي ما طيبي خلاص
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
Quote:
حبوبتك شايقية مطرطشة ... ماضاقت ريدتنا ساي ....
يمين لما تولع السهارة ... ولا الشمعة ام ريحة ....
ما تتفارقو الا يضرب التلفون ... ولا صوت واحد من اولادك ببكي ...
|
تلفون ؟؟؟
واحد من اولادك يبكى ؟؟؟!!!
انا غايتو
فى مرة من ذات المرارير
قمت الصباح
قالوا لى امبارح كان فى زلزال , ما حسيت بيهو ؟؟؟
قال تلفون قال , وقال واحد من الأولاد قاعد يبكى
انتا وطارق جبرين ومعاكم الريس وزيدوا عليكم الرشيد والنضيف ومحمد عيد زاااتو
ومحمد صديق وزهير
كلموا الزولة دى وقولوا ليها
انحنا خجة الفتيل الليل الخومرة دى
الزلزال زاااااتو , يحكوا لينا بيهو حكى
تقولوا لى شنو وتقولوا لى منو ؟؟؟!!!
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: منصور عبد الرازق)
|
طارق جبريل وحكايات نفيسى بت بغدان
بخاخ الخومرة , يلد الطلح , ده مثل من امتداد الدرجة التالتة
مشتاق ليكم كولللكم
ومشتهيكم كمان
كنت هناك , وقابلتهم على ايقاع سمك رسمى
جنبو صحن شطة , وصحن طحنية , وصحن فول
جنابو العتيق , لقيتو ليكم يكتب مذكرا عمله , بى قلم سائل
قلمين سائل على وجه الدقة
واحد فيهم انبوبة , والتانى حقنة , آآآآى والله حقنة وانبوبة
وعنده كمان محبرة
يغمس القلم فى المحبرة , ويدى ليكم الأنبوبة عفصة
او كمان يدى حقنى القلم جرة
بقى لى مرة زى تمرجى المعمل البياخذ ليهو فى عينة
والمرة التانية زى الكانوا فى تمرين شهادة , عاوز يشوف (القلم فى المحبرة )
هسى عليكم الله دى براها ما عاوزة ليها (رشة جريئة )
فلير دمور ولا محلبية ميسو زاتو
الكلام ده , ما بتوضح اكتر من كده -للأسف الشديد -
فهو من نوع الكلام , الذى يموت حين يقال
مشتهيكم يعلم الله , وحمد الله على سلامة العودة يا ريس ميسرة
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: منصور عبد الرازق)
|
| Quote: مشتهيكم يعلم الله , وحمد الله على سلامة العودة يا ريس ميسرة |
يعلم الله مشتهينك انت كمان ....
ومشتهين حكيك الظريف الذي يضاهي لذة حكي الشوايقة ...
ابدأ من اوروبا أو من الخرتوم ... مامهم ...
عليك بالتفاصيل ...
وحنعفيك من التفاصيل التي لا تعي فيها " بالزلزال " ....
(بالله حبوبة ود جبرين لوسمعت الكلام ده الا تتمني تعيش معانا تاني ...
عافي منك منص .... ......
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
صباح الخير ،،، يا وجوه الخير
دعاء اليوم :
اللهم أحينا في الدنيا مؤمنين طائعين ..
وتوفنا مسلمين تائبين ...
اللهم ارحم تضرعنا بين يديك ..
وقوّمنا إذا اعوججنا ..
وادعنّا اذا استقمنا ..
وكن لنا ولا تكن علينا ..
==================================
هلا وغلا الحبيب منصور الف حمداً على السلامة
يا جاي من السفر ، يا سيدي نطلب منك طلب بسيط
لقد حاولت أن أسد فرقتك وأكتب عن القاهرة بعد الثورة
برجاء أكتب لنا عن السودان وإنطباعاتك الحقيقية عنه في
كافة ا لجوانب !!!!!
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
Quote: كنت هناك , وقابلتهم على ايقاع سمك رسمى
جنبو صحن شطة , وصحن طحنية , وصحن فول
جنابو العتيق , لقيتو ليكم يكتب مذكرا عمله , بى قلم سائل
قلمين سائل على وجه الدقة |
والله مشتاقين شديد لناس السودان
وخاصة الكوتش جنابو الحياني بكابو
حقيقي فقدنا كم كبير من ناس الداخل
ولكن العزاء في الجمعية والتي سوف تعقد
لقاء لم الشمل.
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
طبعا اليومين دى درجة التوتر عندي في قمتها ...
وهرمون الأدرينالين طفح ...
والسبب .... معروف ...
أتمني ... من أعماق قلبي أن يفوز الهلال غدا على الانتركلوب ..
ويكتسح المريخ أهلي شندي كما اكتسح فريق الخرطوم أمس بسباعية ..
وأتمني لهم التأهل ... لنصف النهائي
طبعا حيقابلو اشرس فريق وهو
دجوليبا المالي (مرشح بقوة بالفوز بالبطولة)
ويمكن أن يتأهل معه نادي ليوبار الكنغو ...
ونتمنى أن يتخطاهما المريخ والهلال ... للنهائي
أها أنا وصلت المريخ والهلال للنهائي ... انتو شوفو منو البشيل الكأس ...
لكن السنة دى حتشوفو "كترة" مباريات هلال مريخ من هسع احجز مقعدك ليوم
2012/09/20 في الدوري السوداني الممتاز...
مباراة اياب (الفاز فيها الهلال بالصدفة من هدف بشة في مباراة الذهاب)
ويوم 2012/10/20 كأس الاتحاد الإفريقي أيضا مباراة رد (اياب) ...
مباراة الذهاب كانت تعادل 1/1 ...
اعتذر لأصحاب الاهتمامات الأخرى ...
الدوري الأوروبي ... والليغا الاسبانية ...وباوليستا الدوري البرازيلي ...و بونديسليغا الدوري الألماني ...
دوري انجليزي نهئ ... نهئ ...
حب الناس .... مذاهب
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
لكن مبالغة ... ياخي جيت لقيت البوست مليان مداخلات شحمانة تستحق القراءة والتعليق واللايكات ... لاول مرة احس بأني ظلمت نفسي بغيابي من هنا ... شكراً للمبدعين والحكايين الرشيد بابكر ، الريس ميسرة ، مبارك جادين ،اللا زعلان منهم لا زعلانيين مني .... ، عمر نملوز الزعلان مني ، ياسر نجيلة الزعلان مني ، طارق جبريل الحا يزعل مني ، منصور عبد الرازق الزعلان منه ، عبد الدائم الزعلان منه ... وكل المبدعين .... كتابة ترد الروح ... وكامل التضامن مع نجيلة في محنته الكروية والجاتك في مريخك سامحتك وأخدها مني نصيحة ....
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: زهير الزناتي)
|
انا زعلان من مبارك جادين ..
اكلنا حنك فى ناس علوم ..
وما تم باقى المذكرات ...
شوف وقفت وين يا جادين وتعال تم الباقى ...
اتخيل لي وقفت عند حاتم صديق و الفاتح ...
،،،،،
نجيلة مالو من الصباح ...
جمعة بكرة الميز على منو ...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عبد الدائم سيد أحمد)
|
صبحكم الله بالخير
و أنا راجع البيت أمبارح اتسغربت من الكتاحة البتجي من شارع الظلط دي...
شارع حدادي مدادي محاط بالأشجار و المسطحات الخضراء..
و تقوم كتاحة من نص الشارع الأسفلتي...
أول ما شفت الكتاحة قلت و الله صحي ان الصحراء لم تبح بكل اسرارها...
لا تبليط الشوارع و لا زراعة الأشجار قادرة على هزيمة الصحراء...
أفتح البوست القى ليك الكتاحة في قلب البوست...
قريت و ضحكت و استغفرت...
و قلت بيني و بين نفسي الزمن بيعمل أكتر من كده...
الناس كلما تقدم بيها العمر بيتخطو حواجز كتيره خلاص...
و اتذكرت قعدات العجايز زمان...
تقعد جمبهم تسمع العجب العجاب..
و تلقاهم يضحكوا من جوه قلوبهم...
اتخيل في ناس هنا وصلوا المرحلة دي خلاص...
كمان لو عزموك عشاء و لا غداء..
تتوقع انهم يشيلو الصحانة بتاعت الأكل بره الصينية...
و يكبوا الأكل كلو في الصينية و يحولوه لي صحن واحد...
الملاح على الكسرة على المحشي على السلطة على اللحمة..
يلخبطوا كل حاجة و يعملوها صحن واحد...
تستغرب بياكلوا الأكل ده كيف بالطريقة دي...
لكن أكتر ما يميزهم ادعاء البطولات...
و التي هي في الحقيقة كلها كلام ساكت و مافي أي حاجه بتتصدق...
قال زلزال قال...
شوف القمبور ده...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
سلام تحيه
اعتذر لأصحاب الاهتمامات الأخرى ...
ابوعمار فضفض والله ماانو معرفتي باالهلال والمريخ اتوقفت
من قبل مااصل الزقازيق.
انت احتمال كنت صغير لما كنت في الزقازيق لكن صحبك الجذاب
البعرف النص قبل مايجي الزقازيق دا لاصغير ولاحاجه بس ذكرني
قدوره ود الجيران بسف قبل مايدخل المدرسه.
عمر نملوز الزعلان مني
ابو الزوز انا فرحان منك الله لاجاب الزعل والحر
ياديمه صرف النظر على المساكين رحمه
و أنا راجع البيت أمبارح اتسغربت من الكتاحة البتجي من شارع الظلط دي...
شارع حدادي مدادي محاط بالأشجار و المسطحات الخضراء..
و تقوم كتاحة من نص الشارع الأسفلتي.
ياراش الله يطمنك بكره بكامل قواي العقليه مسافر قطر الدوحه
اسمع صاحبك يكون قاصد ترتار.
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عمر نملة)
|
لاييييك شديد يا رشا
كلامك وقع ليــا فى جرح
قالو فى فار نايم صحى الصباح لقى ليهو كديسة ميتة جمبو
قام قال انا ما قلت ليكم هظارى كعب ...
اها انتو يا رشا اصــــو الزول ما يهظر معاكم ....
لكين حكاية الزلزال دى ما هظار دى تهور عديييل كده ...
،،،،،
نملة السكر ماشى قطر تسوى شنو ..
حتأكل كبسة وبطنك تكبر وتقوم تجى الطيش ..
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عمر نملة)
|
سلام تحيه
من قطر سلام من الغلايه سلام من الدوخه سلام ايوه بالخاء
معقول لو تتطلع من الغرفه للمطبخ او اي جزء من البيت بدون
تكيف تحس باالفرق طيب انا عايز اطلع بره شنو الدباره
معقول من 14 درجه الي اربعينات .... اقول ليكم حاجه بارده
| |
|
|
|
|
|
|
|
|
 Re: ناس الزقازيق ... أجدع ناس (5) (Re: ميسرة سيد أحمد)
|
علاقة حب قديمة
سألوني تحبه !!!!!
قلت : بجنون !!!!
قالوا : أجميل هو
قلت : أكثر مما تتصورون
قالوا أين هو !!!!
************************
قلت في القلب وبين الجفون
قالوا أسمه :
فسكت حياءً !!!!!!!
وقلت : محمد سيد الخلق
ورسول الله وشفيعنا يوم القيامة
صلوا على سيدنا محمد
اللهم صلى وسلم وبارك على حبيبك وحبيبنا
محمد صلى الله عليه وسلم تسليماً كثيراً
صبحكم الله بالخير يا وجوه الخير
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
صبحكم الله بالخير
هذا القميص يذكرني بيوم جميل سألبسه من أجل ذلك اليوم...
ذلك اليوم...يوم خريفي جميل اجتمعنا فيه حول صينية مليئة بالسمك المحمر...
طلب مني صاحب السيارة الدبل كابين أن أكون جاهز ليقلني الى حيث العزومة...
رغم انني في اجازة و أنا أعشق النوم حتى وقت متأخر في أيام الاجازات...
الا أنني صحيت مبكرا و شربت قهوتي الصباحية و لبست ملابسي و بقيت منتظرا...
رن تلفوني بعد انتظار ليس بالطويل....
اسمع انت جاهز...انا بكون معاك بعد عشرة دقائق...
بعد عشرة دقايق بالظبط كان معي فركبت معه و توجهنا عبر شارع المطار...
ثم مرورا بالقيادة العامة و هنالك أقلينا آخر كان ينتظرنا على ناصية الشارع....
ثم عن طريق شارع الجامعة لننطلق حتى عبرنا الكبري الى أم درمان...
بعد أن عبرنا الكبري اتصلنا بأحدهم نسأله عن مكانه...
أخبرنا بأنه قد تحرك من منزله في طريقه الينا...
بعد أن عبرنا الكبري أعتقدت بأننا في طريقنا الى أحد المطاع قبالة النيل...
و كلما أمر بأحدى المباني الجميلة على البحر أتوقع توقف العربة...
و لكن العربة ماضية في طريقها دون توقف...
ولأن سائق السيارة معروف عنه التمهل في القيادة فكنت أشعر و كأن السيارة لا تتحرك...
و أنا القادم من الخليج حيث السرعة الجنونية و القيادة المتهورة...
دخلنا الى شوارع أم درمان غير المسفلتة و التي خلفت فيها مياه الأمطار برك و مستنقعات...
و نحن نتصل بصديقنا في كل مرة نسأله أين وصل...
ثم توقفت السيارة الدبل كابين أمام مكان لم يكن كما توقعت...
مكان ذكرني بنوادي عمال السكة حديد في الزمن الجميل....
مكان اجتمع فيه عدد كبير من الناس حول غرفة صغيرة بها شبابيك تفتح في كل الاتجاهات...
كان ذلك هو المطعم...
دخلنا عبر فتحة في السور لم أعرف هل هي بوابة أم حائط منهار...
كل شيء ممكن في فصل الخريف في السودان...
المكان مزدحم جدا أمام شبابيك الغرفة و رائحة السمك تزكم الأنوف...
لاحظت وجود يافطة مكتوب عليها اجراءات الحج ...
احترت في المكان..هل هو احدى المؤسسات الحكومية أم مكان لاجراءات الحج...
سألتهم بعد تردد أين نحن فقالوا لي انه نادي الربيع...
فتواريت مثلي مثل كل المغتربين خلف حجة الغياب الطويل عن البلد...
حضرت صينية السمك المحمر و معه الشطة الحمراء و قطع الليمون....
غيابي الطويل عن البلد لم يجعلني لا أتعرف على المكان فحسب....
بل كان منظر الطين من حولي و أرتال الذباب التي تتبع صواني السمك شيئا منفرا...
فبدأت آكل باطراف أصابعي و باليد الأخرى أحاول ابعاد الذباب...
و لكني سرعان ما تناسيت الطين و ارتال الذباب و كل شيء حولي...
فرفقائي كانوا من الذين يجعلونك تنسى كل شيء حولك...
كنا ثلاثة ثم انضم الينا رابعنا الذي كنا نتابعة بالتلفون...
كنت قد قضيت جزء من اجازتي في تركيا ثم حضرت الى السودان...
و كان هذا ثاني أيامي في السودان....
جعلوني أندم على تلك الأيام التي قضيتها في تركيا...
و تمنيت لو كنت قضيت كل اجازتي في السودان...
كانوا...محمد صديق و جلا و زهير الزناتي...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
Quote: من قطر سلام من الغلايه سلام من الدوخه سلام ايوه بالخاء
++++
++++
معقول من 14 درجه الي اربعينات .... اقول ليكم حاجه بارده |
حمد لله على السلام يانملوز ...
نتمني ليك اجازة سعيدة ...
وكمان لو كملت جميلك ...
وخطفت رجلك لدبي ... تكون اسعدتنا ...
وكملت الاجازة ...
برضو نحنا عندنا .... رياضة صباحية ...
وشواطئ شبيهه باوستيد ....
==============================
Quote: و تمنيت لو كنت قضيت كل اجازتي في السودان...
كانوا...محمد صديق و جلا و زهير الزناتي... |
ياحبيب اجازة شنو البتقضيها كلها في السودان ...
يعني تركيا دي حتشوفا بتين ...
السودان ده بلة شوق بس ... اسبوعين بالكتير .......
هسع سوق زهيرمعاك ... شوفو لو يمشي معاك الحتة دي تاني ...
============================
ود الزناتي ...
انا اتمني ليكم الفوز ... ومن اعماق قلبي وانت تتمني لي الخروج من الدورة ...
ان شاء الله زقاق بيت المال داك ...
يقفلوك فيهو مع اربعة كـــــــلاب ... ونعامتين ....
وانا ومحمد عيد نعاين ليك من فوق الحيطة ....
بجيك راجع بعد مباراتنا مع اهل شندي ...
وحاشرح ليك سناريو ... البطولة ... ياغتت ....
==========================
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: منصور عبد الرازق)
|
Quote:
و أنا راجع البيت أمبارح اتسغربت من الكتاحة البتجي من شارع الظلط دي...
شارع حدادي مدادي محاط بالأشجار و المسطحات الخضراء..
و تقوم كتاحة من نص الشارع الأسفلتي.
ياراش الله يطمنك بكره بكامل قواي العقليه مسافر قطر الدوحه
اسمع صاحبك يكون قاصد ترتار. |
بقن اتنين
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: منصور عبد الرازق)
|
يا جماعة ترحيبات شديدة بنملة في الخليج ... ياخي انا اقول النور الجاي من جهة قطر ده شنو بالليل انا قلت يمكن دي القمرة .....
يا منص عوض دكام الله يرحمه مرة في برنامج تلفزيوني قال ودوهم الدفاع الشعبي في دورة اسمها دورة المدراء ولا حاجة زي دي ....
اها في واحدة من الجكات دي قاموا زاغو وخشو نص الجلة لقوا شافع قالوا ليهو جيب لينا موية بالله ،
اها الشافع النوع القليص سألهم انتو شغالين شنو ياعم الراجل المع عوض دكام قال ليهو انا مدير بنك النيلين وعوض دكام قال ليهو
انا مدير مستشفي الأسنان ، قال ليهم والله يا عمو أنت بتنقبلوها قنبلة ... قلت لي زلزال بس ما وريتنا كم علي مقاس ريختر
انا غايتو بتفق مع رشدي في موضوع الفنبور ده ....
يا نجيلة الزول الاعصابه باظة واضحة ، قبيل بالصدفة واحد مصري أتصل علي بالغلط ، بعد السلام يبدو انه سمع الصوت ما ياهو
قال لي الأخ ابراهيم عطا .... لا والله معاك فتحي فرج الله ... لا معليس يا أخ فتحي يبدو أنه النمرة غلط ، شفت المسالة انا اعتبرتها
بشارة خير لدفاع المريخ المهلهل ، ندمت ما قلت ليهو لا معاك حاتم محمد احمد ، يمكن المسالة تظبط مع اولادنا بتوعين شندي
وتعملوا بلنتيات زي حقت حاتم الراجل داك ... المهم في النهاية الايام دي انا ماشة معاي باسطة الهلال غالب وبرشلونة غالب
وريال مدريد مرشوش ونسأل الله ان يكون مصيركم مصير الريال أمس ... وزقاق بيت المال بعد داك بنقدر عليهو ...
قال زلزال قال ....
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: منصور عبد الرازق)
|
يعنى نفيسى بت بغدان
تبشتنا جنس البشتنة دى
وتمشى ساااااااااااااااااكت كده
بس فالحين تاكلوا السمك فى ميدان الربيع
وتقوموا من النوم بدرى
وتقطعوا شارع النيل
من اوله لى آآآآآآخره
وتجوا قطر فى الهجيرة دى
يا كافى البلاء عمرة سااااكت ما بتطروها
وكمان عاوزين تجروا من مكة لغاية المدينة
وخايفين من ديجولبا المالى
انتو كدى امرقوا من اهلى شندى فى الأول
لمن تصلوا ديجولبا , يحلها الحلال
وبعدين السمك ده , ما فسفور تقيل يا اخوانا
طيب ما دام فوسفوركم عالى قدر ده
مال شايلين حالنا مالكم مع بت قشران دى
يمين السنة دى بعد ما ضربنا السمك والطحنية
لاحظوا معاى بالله الكوتش ده مفترى قدر شنو
سمك قال ليك , ومعاهو طحنية
يعنى فوسفور , معاهو السكر بتاعو
عليك الله تانى الزلزال بتحسوا بيهو ؟؟؟
البيحس بالزلزال بعد السمك والطحنية , فليتحسس (طبنجته)
انا غايتو ادونى خبره تانى يوم ولا تالت يوم ما بعرفوا
حتى اليوم داك , امى الله يرحمها , قالت كده وفقعت الزغرودة
بس تانى قامت نادتنى وقالت لى , كلامك ده , اوعاك تقولوا لى زول
قوم انا الشليق ده , قولتوا ليكم
وعلى فكرة كمان
الكوتش فى مكتبه , بعد ما تأكلوا السمك والطحنية , وقبل ما يطلع قلمه التروبر السائل
لو كان الحقنة ولا الأنبوبة
بيديك اول حاجة , بخة بختين من الفتيل الليلو الفى الدرج داك
بعد ما يديهوا خجة خجتين
وبيقول ليك , بخة بختين بس , لو زدتهم , الله قال بى قولك
بما معناهو يعنى , انو ما مسئول من النتائج
اها يا طارق جبريل , الحتة دى بالذات , ركز عليها واحكيها لى بت قشران المطرطشة دى
وكان داير تبرها زيادة كمان
قول ليها بعد البخة او البختين
يقوم كده الكوتش , ينادى للولية بتاعت الشاى
المسكينة تجى جارية جرى
يقوم يقول ليها , شايك ما دايرينو , قهوتك زاتا ما دايرنها
المسكينة اعصابها تبوظ , جنابو ده يا ربى الزعلوا مننا شنو ؟؟
سبب وااااحد يزعلوا مننا مافى , سيد البلد , وغالب تلاتة صفر
مدثر كاريكا , ومجضم الكفر ولابس تحت الفنيلة بتاعتو الا رسول الله
فى عظمة اكثر من كده ؟؟
انحنا كم , الولية تتلبش تودر , وتقول ما ياكم اربعة ولا خمسة ما عارف
الكوتش , وانا , وعبد الرازق حجازى , والريس معتصم جعفر , والود جلا
يلا قومى جيبى خمسة كبابى فاضيات
الولية قربت تقول ليهو يا جنابو انتا فكت منك ولا شنو ؟؟
لكن المسكينة ما خايفة , قامت كده وجابت كبابيها الفاضية
الكوتش طلع من درجه المليان عجايب داك , ظرف الليل قهوة قال جايبنو ليهو من اديس ابابا , ولا نيروبى ما عارف
ولا يا ربى قال من البرازيل ؟؟؟
المهم صرف لى كل كباية فاضية , معلقة صغيرة من البن (الكلكى ) اللابس (ملكى)
المسكينة بس مشت من عندها ختت عليهو الموية الحارة , وجابت السكر برة
سطلنا وحاتكم بى بن الكوتش داك , لامن الفتيحاب بقت لينا اقرب من (حبل الوريد)
اها , الزلزال وعرفناهو
وحاتكم لامن وصلنا الفتيحاب , الجماعة قالوا لينا , انتو المطرة دى , ما مرت عليكم ولا شنو ؟؟!!
هذا ما كان عن امر المطرة , والزلزال , وان عاد المرجفون , عدنا
| |
|
|
|
|
|
|
| |
محمد عيد
ياسر نجيلة
زهير الزناتي
الرشيد بابكر
أحمد إسماعيل
عبد الدائم سيد أحمد
طارق جبريل
جلال عثمان
ميسرة سيد أحمد
سامي عبد الوهاب إدريس
عمر نملة
Dr.Elsadig Abdalla
منصور عبد الرازق
فيس بوك
تويتر
انستقرام
يوتيوب
بنتيريست