نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: ناس الزقازيق ... أجدع ناس (4) .. (Re: محمد عيد)
|
صبحكم الله بالخير والعافية
يا عيدنا مبروك للمريخاب اهم شى الروح الرياضية الكورة غالب ومغلوب
ما تخرب على المباركة الاكثر من الازم بتجيب
اللوم نحن بالبيت كلنا ازرق حتى مهند.وازوجة على
دين زوجها. رشيد القوم روحه رياضية والمعنويات مرتفعة لانه كان
هنودى من الجمهور المشجع للهلال..
ودمتم سالمين
| |
 
|
|
|
|
|
|
|
|
Re: ناس الزقازيق ... أجدع ناس (4) .. (Re: نجاة حوفي)
|
صباح الخير ،،، يا وجوه الخير
أصبحنا وأصبح الملك لله وحده،،،
اللهم ارفع عنا البلاء
اللهم عافنا من كل بلاء
اللهم اشفنا من كل داء
اللهم لا تجعل لشيطان علينا سبيلا
اللهم أبطل أثر كل عين نظرت وما بركت
اللهم اكفنا شر كل عين
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
ارسنال من البرشا , اتزعط
وسيد البلد , من مريخ السجم , اتمعط
ونصر السعودية , من هلالها , لمن راسو , لف وانظبط
والليلة , القانرز , لو من ناس الشياطين والمان يو , يا حاتم يا ود جبارة
اتلحسوا لامن شعرهم التقول بالفازلين , انجلط ؟؟
الواحد يخلى الكورة , ويبارى السياسة , ومع انهم الأتنين , رافعين للضغط
| |
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
Quote: ارسنال من البرشا , اتزعط
وسيد البلد , من مريخ السجم , اتمعط
ونصر السعودية , من هلالها , لمن راسو , لف وانظبط
والليلة , القانرز , لو من ناس الشياطين والمان يو , يا حاتم يا ود جبارة
اتلحسوا لامن شعرهم التقول بالفازلين , انجلط ؟؟
الواحد يخلى الكورة , ويبارى السياسة , ومع انهم الأتنين , رافعين للضغط |
يا ناس منص وصل الحد ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
ما بيصل الحد كيف
اذا طارق جبريل , عاوز يبقى رئيس !!!
السيد الرئيس
* ردم خور جانقى فورا , واعادة ستات الشاى لى محطة سبعة
* اللقيمات وما ادراك ما القيمات , والزيت البيقول طشششششششششش داك , كل ما رميتلك فيهو , طعميايى ولا لقيماتة , مافى اى فرق
* بيت الفنون داك تقلعوا لينا ما طارق جبريل , احمد عجوز يغنى يوم الخميس بدل الأربعاء ,
* مافى اى خيار او فقوس فى قصة الدرابزينات دى , لكن يتم استثناء الدرابزين الليل عمنا جبرين , ويبقى دار فنون لمناطق الأمتداد وما جاورها
* ايقاف اى تسهيلات لى عرس المغربيات , وان شئت حصرها على الشوايقى , بس
* دمج كليات البيطرة مع شقيقاتها كليات الفنون الجميلة , ده مطلب اساسى لن نحيد عنه
* المريخ ده لمن يفوز , يدوهو التلات نقاط عااادى , بس من اول خسارة , يجردوهو من نقاطه الشالها من بداية الموسم لا نهايتو , كيتن كده للسيد الرئيس
* تشغيل مطار البركل الجديد, وتحويل عطاءات مطار الصالحة الجديد ليهو فورا دون ابطاء
* نانسى عجاج دى , تغنى من بداية الأرسال , لين نهايته , والبيمعط منها الميكروفون قبل ما وصلتها تخلص , يعاقب بتهمة الخيانة العظمى
* سودانيز اون لاين , يدوها كامل ميزانية وزارة الأعلام , وبكرى ابو بكر , يترقى لى مرتبة وزير ,ووزارة الأعلام دى , يمسحوها بى استيكة
تقبل البرنامج الأنتخابى ده , ولا يفتح الله
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
Quote: * نانسى عجاج دى , تغنى من بداية الأرسال , لين نهايته , والبيمعط منها الميكروفون قبل ما وصلتها تخلص , يعاقب بتهمة الخيانة العظمى
|
يا منص كلو الرئاسة موافقة عليهو
بس النبي فيك الزولة ام طاقية زي ود الواطة دي
ابعدها عن الرئاسة
دي منغصات ياخي
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
مساكم الله بالخير
أولا أهني المريخاب و على رأسهم محمد عيد بالانتصار المستحق على الهلال السجمان...
الا أن المباراة لم تكن لتستحق مني أكثر من نصف ساعة قضيتها و أنا في غاية الملل...
حتى مهند الذي كان ينتظر المباراة منذ الصباح نام بعد ربع ساعة فقط من انطلاق المباراة...
كلما ألقي بجسدي المرهق على أريكتي المسكينة عصر كل يوم تتعالى في راسي انفعالات الثوار في تونس و مصر و ليبيا...
و فكرت أعمل ليهم Top 8 ...و سأبدأ من الآخر...
8)من ليبيا...يا معمر يا أبو شفشوفا شعب ليبيا بكره تشوفا...
7)من تونس...اذا الشعب يوما أراد الحياة فلا بد أن يستجيب القدر...
6)من ليبيا...قولو لمعمر ليبيا فيها رجال...
5) من تونس...الشاب الذي يصرخ الشعب التونسي ما يموت......عليها يا رب....
4)من ليبيا...الفتاة الليبية التي تقول...قولو لمعمر نحن ما نخافوش منك و حنطلعوك بالسيف...
3)الفتاة المصرية من ميدان التحرير...شكرا للجزيرة و شكرا لتونس...مافيش خوف تاني...
2)الشعار التاريخي الذي رددته كل العواصم العربية...اعتصام اعتصام حتى يسقط النظام...
1)و يحتل المركز الأول قول القذافي...حنطاردهم بيت بيت و شارع شارع و زنقه زنقه...
هاردلك يا منص
ارسنال من مانشستر انجلط...
و ارسين فينجر انبرط..
و قال السنة الجاية حيجيب مهاجم لبط...
حقو يا منص تغير لي توتنهام تخلي أرسنال ده يكسب ليهو بطولة...
تصبحوا على خير
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
صبحكم الله بالخير
صباح أمس و بعد أن غادرت أبو ظبي مستصحبا دعوات بت الشيخ...
لا اله الا الله...و رافقتك السلامة ثم أضافت اليهم ربي يخدر ضراعك...
قلت ليها مالك مخدره ضراعي في الشارع الطويل ده..اتهجمت..
فهي بالطبع لم تقصد ذلك لكن أنا متلقي حجج ساكت...
قالت يخضر مش يخدر يعني يخليها خضراء و أسهبت في الشرح...
لدرجة شعرت اني فعلا متلقي حجج...
في الطريق الى سمرقند كما يحلو لي و هو الطريق الى السلع...
أدخلت يدي في صندوق الأشرطة و طلع معاي سي دي للنصري فيهو ست الدار...
و استوقفتني...قلبي معاكم...قلبي معاكم...ربي يخدر عود ضرعاتكم...
و قلت بيني و بين نفسي الليلة الخدر المباريني ده شنو...
ما أنا متلقي حجج...حسه ست الدار قاصده خدر ولا خضار...
لو كان خدر ما كان قالت ليهو...قلبي معاك يا الزين ود حامد...
قلبي معاك والشوق الشوق ...خلى شدير الجوف محروق...
المهم الشارع طويل و الهواء شديد و الرمال عاصفة...
الهواء يشيل العربية شمال ويمين...تمر جمب شاحنة تحس انها حتشفطك...
ثم رتل من الشاحنات تحجز الهواء و تستقر العربية...
و بمجرد تجاوز الشاحنات تنجرف السيارة مرة أخرى...
و الله كان ما دعوات زي دعوات بت الشيخ دي.. الشارع ده صعب خلاص...
و دعوات بت الشيخ مدعومة بدعوات أمي و دعوات أم بت الشيخ...
و عندما وصلت الى وجهتي كان يعرض في الجزيرة صور من زلزال اليابان...
و شاهدت كيف الموجة الواحدة تحمل آلاف السيارات و ترمي بها كأنها قطع فلين...
و سمعت أحدهم يقول انه كان يقود سيارته في الطريق عند حدوث الزلزال..
فشعر و كأنه على ظهر قارب صغير في خضم موجة عاتية من شدة الزلزال...
فقلت الحمد لله اننا نواجه مجرد رياح و ان اشتدت فهي مقدور عليها...
بت الشيخ سامعاني يا اخيتي ومرتي وامي وأم الكل...
ما تنقطعي من الدعوات...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
والله يا جماعة فريق ارسنال ده فريق ما هين .. شوف الفرق بينه وتشيلسي ... ده فريق الاغنياء والموسرين واولاد الراحات والحناكيش زي حاتم جبارة .. وفريق الارسنال فريق ... الشغيلة والعمال ... والجماهير الكادحة ... عشان كده نتعاطف مع منصور ونشجع حاتم جبارة ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
شــوية فرفشة صباحية
عشان خاطر منصور ولزوم رفع المعنويات حبــه ...
بعد 42 سنة من الكوميديا . . . . . القذافي يتجه نحو الاكشن
واحد بيقول لمبارك ياريس انا بعت قيراط الارض اللى حيلتى علشان اوظف الواد
و متوظفش . . . . . . . . .
مبارك: انا بعت مصر كلها علشان اوظف جمال و متوظفش
أحمد عز بيقول لجمال: على فكره أبوك غلط غلطة عمره
جمال قاله : ليه ؟؟
أحمد عز : أبوك باع البلد كلها ونسى يبيع ميدان التحرير
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
مافى زول قال عوووك .. ؟
طيب برضو هاكم دى ...
طول عمرنا نسمع بكيد النساء
بس ماعمرنا سمعنا بكيد الرجال الإ دهااااااااااااااء الرجال
اتركم مع القصه
قصة حلوة عنوانها كيد ٱلرجال
ٱورد الدكتور عبدالعزيز الخويطر حكايةً ظريفة فارسها هو قاضي في منطقة ٺبوك
وقال : كنت بصحبة سمو الأمير سلطان بن عبدالعزيز في رحلة لتبوك ، في برنامج إنشاء القواعد العسكرية ، وفي اثناء انتظارنا آذان المغرب .
قال مدير الشرطة يا سمو الأمير دع الشيخ القاضي يحكي قصته مع زوجته غير المعلنة ؟!
( متزوجها بالسر X_X)
فطلب اﻷمير من القاضي ان يقولها
فقال الشيخ : إني قد تزوجت بخفيھ عن زوجتي الأولى ، ولكنها أحسّت بذلك دون دليل ، وصرت كلما أثارت الموضوع أقنعتها بأن ما تتخيله وهم .
ثم اتفقت أنا وزوجتي الأخيرھ على خطھ لإقناعها، ولتنفيذ الخطة ذهبت زوجتي الثانية ، إلى بيتي وقت صلاة الظهر ، وقالت لزوجتي الأولى : إني أريد أن أستشير الشيخ في أمراً ما..
فرّحبت بها الزوجة الأولى وقالت :
ٱنتظريه ،فسوف يعود بعد الصلاة ،عاد الشيخ من الصلاة ،وأخبرته أن امرأة في الصالون تنتظره ، فدخل ومعه زوجته الأولى..
استمع الشيخ لما لدى المرأة من أمر يتلخص في :
أن لها زوجاً تحبه ويحبها ، ولكنها لاحظت في الأيام الأخيرة ،ما جعلها تشك أنه قد تزوج عليها وفاتحته فأنكر وأقنعها أن هذه وساوس الشيطان الذي لم يرضى الانسجام التام بيننا
وكلما أثرت الموضوع معه ، لأني لا أصبر ،أقنعني بأن ما أتوهمه بعيد عن الحقيقه، فقال الشيخ بعدما انتهت الزوجة الثانية من حديثها :
ٱسمعي يا بنتي زوجك صادق، هذه وسوسة من وساوس الشيطان ، يقدمها أمامك إذا أراد أن يفسد بين المرء وزوجه فاستعيذي منه ، وأبعدي الشكوك من رأسك..
ثم قال : لماذا نذهب بعيداً ، هذه زوجتي قد عشش إبليس في رأسها وأوهمها بأني متزوج ،وكلما قدمت لها الأدلة اقتنعت ولكنه لا يتركها، ويعود إلى وسوستها ثم تعود إلى نفس الموضوع ..
وأنا أمامك الآن أقـول:
إن كان لي زوجة خارج هذه الغرفة ، فهي : ((طـالق))
فقفزت زوجته الأولى ، وقبلت ركبتيه وقالت : ما بعد هذا شيء ، سوف ادحر إبليس ، ولن أعود للشك مرةً آخرى...!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
مساء الخير يا شباب
الناس كلها بتكتب عن الكورة وصحوة الشعوب العربية
كارثة اليابان هذا الزلزال التدميري الذي بلغ قوته
9 تقريباً بمقياس رختر ، غضبت الشعوب فغبت الطبيعة
كان موجود في اليابان أخونا حيدر حنين ،،، ايه أخباره
نتمنى أن تعدى الإمور بخير،،،،
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
جلال قايل نفسك قاضي تبوك والا شنو..
مكنه القاضي دي ما بتمشي علي بت الشيخ..
حمدلله علي السلامه يا رش...
الله يخضر طريقك دايما..
كفاره يا منص.. ضربتين فوق الراس بيوجعوا..
إن شاءالله أرسين حقكم دا يتعظ.. ويعرف إنو نظرياتو فاشله..
ياخي فابيو ورافاييل يغلبوكم؟
فريقكم دا كاس رابطه ما يشيلو بالطريقه دي..
شنو يعني باصات سمحه وتجي تنكسر في الدفاع..
أولا حراسكم التلاته تعبانين..
وسط الدفاع منتهي.. لكن سانيا وكليشي وجيب تمام..
رمزي وويلشير وفابرجاس تمام..
إتخلصوا من روزيسكي وارتشافين وولكت وديابي سريع..
أما دنيلسون دا ما اتوفقتوا فوقو..
فانبيرسي براهو ما بيأكلكم عيش.. طوالي مصاب
ولو راجين الشماخ ووبنتدنر.. رحتوا فيها..
باختصار.. محتاجين حراس وثيردباكات ومهاجمين.. ومدرب...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
سلامات يا ناس
ومساءات الغياب
اعذرونا ايها القوم للانقطاع
واهو بنجيكم كلما لقينا فَرَقَة...
حاتم ...اهم حاجة تشترى لعم جبارة نسخة من شيفرة دافنشى
عشان ما يجى يقول لى عليك الله يا محمد جيب الرواية عشان
داير اقراها تانى....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
اتعجب حد الدهشة من بعض الزملاء والاصدقاء ... الذين اراهم غاية الاهتمام والقلق ... بابنائهم الطلاب ومتابعة دروسهم بكثير من التوتر ... منذ ان التحق ابنائي بالمدارس ... تعاملت مع هذه المسالة بكثير من الارتخاء ... والهدوء ... اليوم عرفت القلق والتوتر ... وحساب الساعات والدقائق واحد ابناءك يتوجه الي قاعة الامتحانات ...
ان كنت لم اعرف السبب ... الا اني وجدت الاعذار لكل اصدقائي ... ميار rfg قليل من الآن دخلت اول امتحان في شهادة الاساس لهذا العام ... هذه الكلمات هي اعتذار في البدء لاصدقائي ... ثم تضامن مع صغيرتي التي تبعدني عنها آلاف الكيلومترات والدموع والعبرات ... رغم انها طفلة في عمرها ... الا اني علي ثقة بانها ستجتاز هذه التجربة بكل نجاح ... فقد ربيتها علي ان تكون كبيرة دوماً ... لا احلم ولا اطلب منها ان تحرز المراتب الاولي ... يكفيني فقط شرف انها حاولت وبذلت كل ما في جهدها ... لها التحية ولكل زملاءها الذين يجلسون معها الآن
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
صباح الخير ،،، يا وجوه الخير
أصبحنا وأصبح الملك لله وحده،،،
يا ودود يا ودود يا ودود ..
ياذا العرش المجيد ..
يا مبدئ يا معيد ..
يا فعالا لما يريد ..
أجعل أول هذا اليوم نجاح (ميار)
وآخره فلاح (زهير ، إبتهاج)
وجميع الأبناء يا رب
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
يا ميار ربنا يساعدك
ويكون معاك في الامتحان
وطبعا دة دليل ان العمر قد مر
البركة فيكم للاخت عزة عباس
وربنا يرحم الوالدة ويسكنها فسيح جناته مع الصديقين والشهداء
وانا لله وانا اليه راجعون
يا جلال
قصة مولانا شايفها وقعت ليك في جرح
مرسى الزناتي اتهزم يا رجالة بالانجليزي
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: مبارك جادين)
|
Quote: اتحدى اى واحد يعرف لى زهير قاصد شنو هنا
Quote: ميار rfg
|
يادودو ياخ ما للدرجة دي كمان
يعني عشان زهير متكبكب والرجفة خلتوا يخلط العربي بالانجليزي
كمان نحن ما بنعرف قبل من بعد
هذا مع امنياتي القلبية لابنتي مـــيار
بالتوفيق والنجاح وربنا يوفقها ان شاء الله
يابركة: اشواق بلا حدود ياخ
وكلام الزول دا فعلا وقع لي في جرح
لكن حاتم جبارة دا ما بطمئن
وقال المكنة دي ما بتقسم مع بت الشيخ
لذلك جاري البحث عن مكنات اخر ...
كمنداننا ...
بالغت لكن ... مشتهنك عديل والله
يااااك دي ما بتبل الشوق
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
زى اللمحت لى زول بيشبه الكوتش
ومن بعييييد كجه شايف زول ملامحه ملامح مبارك جادين
وكمان ملاوزة لى صورة زى صورة ميار
الزول الثقيل الأسمو حاتم جبارة ده , لا شايفو ولا كمان فارز ضله ولا صلعته الكبيرة ديك
والله ارسنال ده , مش كان غلبوهو الشواطين ناس برشلونة ديك
ولا كان حظه دائما ما تمام مع الشواطين الحمر بتاعين انجلترا ديل
ارسنال يبقى فريق كرة قدم يلعب الكورة بطعم مختلف
وبى نظرية مختلفة
يعنى هسى ارسين فينجر ده , لو قام كده , اشترى باتو بتاع الميلان
والكس بتاع تشيلسى ولا كمان بيبى بتاع ريال مدريد
بكرة طوالى حا يقوم يشيل ليهو بطولة بطولتين
لكن بس بى كده نظرية ارسين فينجر حا تكون اتنسفت من اساسها
نظرية المنافسة فى كرة القدم , باسماء تخلق داخل النادى
دى انا نظرية بحترمها جدا
تشافى وانيستا وبويول وبيدرو وبوسكيتس , اسماء من نفس مدرسة النظرية بتاعت المواهب
لكن برشلونة درج على تطعيمهم كل سنة , بنجوم جاهزة تساهم فى حصد البطولات
عشان كده قلت ليك لو فينجر ما كان ملتزم بالنظرية , فطريق البطولات حا يكون سااااهل
حتى اسهل ليهو من ريال مدريد مثلا , عارف ليه
لأنو الريال متبنى النظرية العكس نظرية فينجر مباشرة
وبرضو ما قاعد يفوز بى بطولات ليهو مدة
ارسنال يقارع اى فريق فى العالم قاطبة , ويظل ممسكا بفرص فوز متساوية معه على الأقل
بس برشلونة استثناء , حتى اننى ازعم ان برشلونة تسبب فى ضعف المنافسة (فى الدورى الأسبانى )
ما اقوله ان فوز ارسنال ببطولات كبيرة بعد اضافة لاعبين جاهزين من سوق اللاعبين
لن يشكل اضافة , لا لأرسنال ولا للكرة العالمية , ولكن الفوز بالبطولات ممكن دائما لمن ينافس عليها بشكل منتظم مثل ارسنال
رغم انه يعتمد على المواهب الشابة
ولكن هذا لا ينفى ان لأرسنال ومدربه مشاكل حتى فى اطار النظرية نفسها , وهذا ما يجب نقاشه والوصول فيه لحل
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
على الفيس بوك يتواجد الشاعر الزقازيقي
حسين شنقراي إبن كلية التجارة ومن مؤسسي
حركة الآداب والفنون بالزقازيق
كلمات:حسين شنقراى
يا جميل يا زينة أجيالك
سلامى إليك وإنت كيف حالك
أبقى أطرانى وخلينى فى بالك
ديمة ساطع نور يا الحلوة أفعالك
-----------------
ما لقيت فى الكون تانى أمثالك
ألقى زيك وين ياريتنى بى فالك
ويا ليت آمالى لو تصبح آمالك
كيف حظى يبسم لى زى ما الدنيا باسمالك
-------------------
أدبك معاه جمال ديل هما رأسمالك
ديمة شارق الناس وكايد إنت عزالك
ليه رحلت بعيد خليتنا مالك
وأصلى ما حبيت فى الدنيا قبالك
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
نرحب بى حسين شنقراى , سينيرنا المبجل المقيم فى كندا
على ردهات التواصل الزقازيقى , اينما كانت يا ريس ميسرة
لكن حاتم جبارة ما خلى لينا جنبة نرقد عليها مع ارسنالنا ده
عشان كده , زحوا لى منو عليكم الله , يمين الكوتش زاتو ما يحلنى منك يا اب صلعة انت
يمين لو ما بنيتك السميحونة ديك يا حاتم , الأنا خاطبها لى احمد ولدى
كان خليت طارق جبريل يدخلك فى بوست البواسير بتاعو , غصبا عنك
وكمان تخش ما بى رجليك , تخش بى راسك (الدلجة ) ده
تعرف يا حاتم , فعلا ارسن فينجر , مع انى بحترم احيازه لى نظرية المواهب الشابة
بعض مرات كده بيرفع ضغطى
لأنو طالما اصلا انت متمسك بالنظرية , وانت ضد اللاعب الجاهز المستورد
فانت كمان لازم يكون عندك حد ادنى من مدد الأحتفاظ بمواهبك التى تتفتح
فعلا هو ينجح فى صناعة نجوم شابة بشكل مستمر , ولكنه ينصاع بسرعة لقواعد السوق الأحترافية
ولكن فى اتجاه واحد فقط , فهو يبيع دائما , ولكنه يشترى قليلا وبمواصفات عمرية محددة
اى انه يشترى موهبة فى طور التكون , ويبيع نجما اكتمل تكوينه وبناؤه
هنا بقت النظرية مجحفة فى حق ارسنال , وفى حق جمهوره
حتى انك تجد ظاهرة منتشرة وسط جمهور ارسنال , لن تجدها فى جمهور اى فريق آخر
فهم بالأضافة لتشجيع ارسنال الفريق , تجدهم يكنون للاعبى ارسنال المنتقلين لفرق اخرى , نفس الولاء القديم
وكمان العكس صحيح , الا فى حالات نادرة , مثل حالة اديبايور مثلا , الذى لم ينصاع لقواعد نظرية فينجر , فتخلص منه فينجر
ولم يحتفظ لهجمهور ارسنال بأى ود
ولكن شفت معاى احتفاء الأرسناليين , بهنرى , وفييرا , وفلامينى , وحتى الود الصغير ادواردو البيلعب مع شاختار الروسى الآن
شفت لمن ادواردو جاب فى ارسنال فى الأدوار التمهيدية
يمين انا كنت ارسنال الجاب القون , ظاهرة ما طبيعية ابدا
لكنها برضو ما متوازنة , ودى حس بيها فينجر السنة دى بس , لمن ابى يوافق على بيع فابريجاس للبرشا
والغريبة انو فابريجاس بادله نفس الشعور
لكن الشعور ده , بقى عامل بتاع ضغط لى فينجر وفابريجاس , وحتى لى جمهور ارسنال
لمن جات ساعات الحصاد , ارسين فينجر لعب فابريجاس رغم عدم اكتمال جاهزيته
فكان سببا مباشرا فى هزيمة ارسنال , دون ان اقصد عدم احقية برشلونة فى الفوز طبعا , حتى ولو لم يخطىء فابريقاس ذلك الخطأ
وكمان كان الضغط على المدرب واللعيبة والجمهور , ظاهرا كمان فى كورة الكاس , مع انها مع بيرمنجهام , الفريق المتوسط المستوى
وعملية ناس برشلونة العملوها فى ارسنال فى الكامب نو , شكلت ضغط جديد على ناس ارسنال فى مباراة اول امبارح قدام مانشستر
ولن يتخلص الأرسناليون من توابع هذه الضغوط , الا بعد الفوز بأى بطولة , ان شاء كاس صفيح
بعد داك , فارسنال يقارع اى فريق فى العالم , بنجومه الشابة عديمة الخبرة
ولمن تنتهى العقدة دى , ويشيلوا من على انفسهم الضغط ده
حا تشوف فريق غريب يا حاتم , ويومها كتير جدا من متابعى الكورة فى العالم , حتى ولو لم يكونوا ارسناليين
سيحتفلوا بنظرية انتصار الموهبة , امام نظريات تجارة واستثمار كرة القدم واللاعبين السائدة
وذلك فجر جديد ننتظره بصبر كامل , وايمان شديد
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
طبعاً أبو الجل طقطق ليكم ديدو
أنا مافي دا!!!!
أنا في النصائح القاعد يقدمها حاتم جبارة لي منص و بالمجان
ومنص داقي طناااااش و تبريرات عاااااضة
أنا لو في محل منص أمشي أشوف محل الفورميلا وين و أقعد أذاكر!!!
بالنسبة للبتاع
قوم يا ودجادين أدينا فاتحتنا!!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
أولا.. بتنا الأموره ميار من المتفوقات إن شاء الكريم..
منص يا حبيبنا..أتفق معاك تماما فيما قلت..
لكن أعتقد أرسين بعد فرصه سنه كمان لازم يتغير لو ما فاز..
رغم إنو نظريه الإعتماد على الشباب وتنميتهم نظريه تمام..
إلا انو أرسين أخد فرصتو وزياده..
من الجنون إنو يواصل بي نفس طري قتو ويتوقع نتيجه أخرى..
والله كنت داير اتلايق فيك جنس لياقه شوايقه..
آخر معلوماتي عن حنين من شهرين إنو في سيريلانكا..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
جيناكم ياحبايبنا ياحلوين
سلام مثنى وثلاث ورباع وكثير
ونهدي الزقازيقابي المرابط بالبوست (الواطين جمر البوست) هذه الأبيات
مثل الصباح إذا أطلا ؛؛؛ يجلو المناور والمحلا
ويصـوغ مـن أفكارهـ ؛؛؛ وردا وريحانا وفــلا
يهوى الحياة مراغما ؛؛؛ يطوي على الإبداع نيلا
وتراهـ في عـليائه ،،، بدر السماء إذا تجلى
يستقبل اليوم الجديد ؛؛؛ ببسمة العدل المولى
في ناظريه صدى اليقين ؛؛؛ يشـع إشراقا وظــلا
ويجـود من انفاســه ؛؛؛ روحا مكللة وعـلما
يحنو على كل القلوب ؛؛؛ ويرتقي أدبـا وفضلا
نسأل الله التوفيق والنجاح الباهر لميار الزيناتي
وللإبنة ضحى أحمد إسماعيل التي تمتحن شهادة أساس سودانية ، السفار بالرياض
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
شكرا يا حلوين علي الامنيات ... ونتمني كذلك للابنة ضحي احمد اسماعيل ... التوفيق والنجاح ... ولو عارفين يا احمد عندك بت ممحتنة كان خلينا ميار تمتحن من بيت عمها احمد اسماعيل في الرياض ... لكن معليش ... ان الله مد في الايام بنجيكم في امتحان الشهادة الثانوية ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
Quote:
ضربة ركنية:
يا جماعة ما تدخلو لي عمر ولدي معاكم في الأمنيات بتاعتكم دي!!!!! |
انشاء الله يا عمر يا ولدى .. ربنا يهدى ابوكم
ويجيب ليكم اخوانكم التانين المشتتين فى الدمازين وكادوقلى ..
وتحققوا تمام الوحدة الطوعية ..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
قال كان عاوز يتلايق فينى ملايقة شوايقة قال ؟؟؟
يا محمد عيد , كيفن داير ناس عمر يعملوا وحدة طوعية مع بطان كادقلى وجبل مرة ؟؟؟
انت يا زول , ما تحاسب فى كلامك , الوثائق الزمن ده بقت تتطاقش
ويكليكس قااااعد على الهبشة , يسجل سااااكت
ابو ضحى المكنى باحمد اسماعيل المسمى ابو عمر زمااان
نشتاق ليك وانت معانا ؟؟!!!معقولة ياخ , فى زول اسمه موسى عيسى كان دفعتكم زمااااان , بتعرفو ؟؟؟ ولا انا
***** البيسمع صوت حاتم جبارة فى التلفون , يقول لا عنده صلعة ولا حاجة
طمنونا على حيدر حنين من العمارات البقت زى قطع الأسفنج ديك !!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
Quote: يا حبايب حيدر حسن ميرغنى فى سيرلانكا منذ مدة
وهو و عائلته بخير متابعين ومستمتعين
|
الحمد لله البقو طيبين ... وما حضروا الكارثة دي
هذا مع التحية لناس البوست الما لامين فيهم
--------
ابوعمر ... حمدا لله على السلامة
وربنا ينجح البنية ويوفقها ان شاء الله
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
مساكم الله بالخير ،،، يا شباب
أنحنا بنحاول نرجع للبوست بالسرعة الممكنة
حتى لا نكون من شباب الثورة (البوست) الموجودين وما موجودين
بالله يامنصور شوف شباب دي حلوه كيف،،
ايضا كل الامنيات لابنتنا النجيبة
ضــحى احمد اسماعيل
بالنجاح والتوفيق فى امتحان مرحلة الاساس
طارق ود بت أبو دية ،،،،،،
الإبن الصالح الذي يدعو إلى أمه
ندعوا لها أن تكون من أهل اليمين وأهل الجنة الميامين البرره
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
صبحكم الله بالخير
نسأل التوفيق و السداد لميار و ضحى...
و الرحمة و المغفرة للوالدة عاشة أبو دية...
أصبح العالم قرية صغيرة و مخيفة بفعل ثورة الاتصالات...
فالمعلومات و الأخبار تصلك من كل أنحاء العالم في نفس لحظة وقوعها...
و لكنها تجعل من العالم قرية مخيفة أيضا في نفس الوقت...
فما أن تفتح تلفازك و على أي قناة تصفعك مشاهد الموت و الدمار...
مشاهد الزلازل و البراكين و السونامي و الانفجارات النووية...
رائحة الدم و البارود تكاد تستنشقها من خلال الشاشات...
كثيرا ما يبتدر مذيع النشرة بأن علي أصحاب القلوب الضعيفة الامتناع عن المشاهدة...
و لكن التلفزيون أصبح يستهدف كل حواسنا حتى الشم و التذوق و اللمس...
وليس فقط حاستي السمع و البصر...
في السابق كانت تحدث الكثير من الكوارث و الحروب...
و ربما كانت أكثر قوة و تدميرا مما هي عليه الآن...
و لكن لم تكن تتوفر وسائل الاتصال المتاحة الان..
ولذلك كنا نشعر بأن العالم كان آمنا و الحياة ممتعة و جميلة...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
مساء الخير ،،، ياوجوه الخير
تضامناً مع كلام رشيد القوم وصلت مرحلة
من الزهج الشديد من هذه الشاشة البلورية
ليس لي شغل سوى متابعة القذافي وعلى عبدالله صالح
وتقاعس العالم الغربي عن حماية المدنين المغلوبين على أمرهم
والدمار الذي حل بالعالم ،،،، صرت لصيق بالشاشة لدرجة أولادي
يبحثوا عني حتى بوست ناس الزقازيق صار يسأل عني ليلاً ،،،،
طلعت بقرارات ،،،
- سوف أفارق هذه القنوات التي تجلب الدمار وحبس الأنفس
- العودة للبوست ليلاً وتحت أي ظرف
- عودة الإتصال الهاتفي بكافة الزملاء
- مشاهدة كرة القدم ومجاراة منصور والرشيد وحاتم جبارة
- مشاهدة قناة الحيوانات والطبيعة
- الإستمتاع بكتابات منصور وود جبرين وود الزناتي والرشيد ولمن فاتهم الإستماع
- تنشيط الذاكرة ؟؟؟؟؟!!!محمد عيد شوال الكركم خلص
وعليكم السلام يا جلا
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
يا سلام عليك يا ريس علي هذه المبادرة ... وعقبال كل الطيور المهاجرة تعود الي البوست ..انا ملاحظ ان حركة البوست تتناسب عكسياًمع حركة المنبر ... الايام دي المنبر هادئ ... لذا اتوقع نشاط في هذا البوست ... يا جماعة العنده حاجة مع موسي عيسي ده يخلصها سريع سريع ... شايف الراجل مطلع اعلان في الفيس بوك بهذا المعني ... يتخيل لي قال مسافر ولا حاجة زي ... غايتو قلنا نديكم الخبر ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
قرارات السيد الرئيس
بيـــان رقم واحد
Quote:
- سوف أفارق هذه القنوات التي تجلب الدمار وحبس الأنفس
- العودة للبوست ليلاً وتحت أي ظرف
- عودة الإتصال الهاتفي بكافة الزملاء
- مشاهدة كرة القدم ومجاراة منصور والرشيد وحاتم جبارة
- مشاهدة قناة الحيوانات والطبيعة
- الإستمتاع بكتابات منصور وود جبرين وود الزناتي والرشيد ولمن فاتهم الإستماع
- تنشيط الذاكرة ؟؟؟؟؟!!!محمد عيد شوال الكركم خلص |
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
بيـــان رقم أثنين
- تمت مراحعة البوست في وردية الليل
- تمت الدردشة الهاتفية مع زهير الزناتي برفقة منى يونس وإبتهاج نآآآآيما
- على جميع وحدات وردية الليل العودة إلى سكناتها وممارسة مهامها القديمة
- مراقبة مربع كاي بعد أن تم فض دوار اللؤلؤة
- عودة بنات الشيخ الضاللات الطريق إلى البوست.
- إنشاء محاكم عسكرية للتايهين عن البوست أمثال الفي بالي وبالك
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
أهديكم أغنية الوكر المهجور
كلمات الشاعر حسين بازرعة
غناء سيد الطرب (سيد البلد) الفنان الراحل عثمان حسين
::::::::::::::
كانت لنا أيام في قلبي ذكراها
ما زلت أطراها
يا ليتنا عدنا .. أو عادت الأيام
******
إن أنسى ما أنسى
ذكراك يا سلمى
في وكرنا المهجور
والصمت قد عم
تحلو لنا الشكوى
والحب والنجوى
لن أنسى نجواكي
والهمسة والبسمة
وحرارة الأنفاس
في قبلتي لما
ضمتك يمنايا
يا سعد دنياي
وغفوتي في صدري
نشوانة بالأحلام
****
كيف أنسى أيامي
وفكرتي الكبرى
يا وحي إلهامي
أنا عمت بالذكرى
ذكرى لياليكي
في خدر واديكي
الليل أهواه
في شعرك الناعم
لكن تباعدنا
دهرا وما عدنا
للوكر يا سلمى
أو عادت الأيام
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
Quote:
على جميع وحدات وردية الليل العودة إلى سكناتها وممارسة مهامها القديمة |
تمت الافادة بالعلم .. واستلمت كافة الوحدات ثكناتها دون مقاومة ..
وبمراجعة الثغور مثل مربع كاى ومنتجع لمن فاتهم الاستماع ركنا ركنا وزنقة زنقة ...
لوحظ فراغ تلك الاماكن من المتسللين والعاشقين والمتاوقين بل وحتى المتابعين والجايين برواقة
ولكنا وجدنا بعضا من اثر الفارين من بنات شيوخهم والذين يلوذون بحوائط الذكريات اشتهاء لايام سابقات ...
وقد وجه قائد الفصيل انذارا شديد اللهجة لكافة المقاتلين بضرورة التواجد اعتبار من صبيحة الغد وحتى المساء
وذلك ليتم الترتيب والتجهيز لجمعة تطهير البوست من الدبرسة ... وذلك تطبيقا لتوجيهات القائد الاعلى ...
يبدأ تجميع القوات فى السادسة صباحا بتوقيت قناة الجزيرة ويستمر حتى مرور مواكب المقاتلين المتجهة من السلع الى ابو ظبى
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
| Quote: وقد وجه قائد الفصيل انذارا شديد اللهجة لكافة المقاتلين بضرورة التواجد اعتبار من صبيحة الغد وحتى المساء |
والجاته جاته من الأرض ما جاته من تالا السما
ما أعتى غبنك يا ولد
وأعدل قضيتك وأعظمه
لاترجع السيف الجفير
والدنيا فايره مصادمه
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
.
انا جيتكم بموضوع للنقاش:
قبل يومين وجدت ملحوظة بدفتر الملاحظات – Daily Note Book - لابني عمار - 8 سنوات – Grade 4 بأنه تسبب في مشكلة بالمدرسة
وتطلب مني مدرسة الفصل – Class Teacher - الاتصال بها للمناقشة ... وبعد الاتصال بالمدرسة ومعرفة تفاصيل المشكلة.
جلست مع عمار ابني لعرفة المشكلة بمفهومه ...
فقال لي: في فسحة الفطور - Lunch Break- وإثناء تناوله وجبه الفطور جاء طالب – سمي اسمه – ضرب يدي فوقع صندوق العصير في الأرض
دون خسائر بالعصير لأنه لم يفتح الصندوق بعد ... فقام ابني البطل بأخذ صندوق الأكل - Lunch Box- بناع الطالب ورماه في الزبالة،
فذهب الطالب مهروا وباكيا للاستعانة بأخته في الصف السادس، والتي أتت هي الأخرى إلى الفصل لنجدته والدفاع عن اخيها،
وبما أن الفترة هي " فسحة الفطور" جاءت أخت الطالب ومعها الـ - Lunch Box – بتاعا فما ...
كان من ابننا الهمام الا واخذ صندوقها ورماه بشباك الفصل –
والفصل بالطابق الثالث – فوقع بالساحة الرئيسية بالمدرسة - فلكم أن تتخيلو الهرج والمرج الذي حدث بالمدرسة بعدها.
وعرفت من مدرسة الفصل أن هذا الطالب من الطلبة الهادين جدا وغير مشاغب وهذا الكلام أكده عمار ابني أيضا ...
مما تيقنت أن الطالب لم يقصد الإضاحه بعصير ابني، وكان الحادث صدفه، وردود فعل عمار كانت مبالغة ...
بعد أن أدينا عمار محاضرة طويلة عن الأخلاق وحسن التعامل مع الزملاء وخاصة الطلبة المساكين وغير المشاغبين ....
وان ليس كل الإحداث مقصوده ويجب أن يميز بين الفعل المقصود والعفوي ، مع إعطاءه أمثله وافيه.
قلنا نختم المحاضرة بعظة وعبره وشيء من الحكمة:
فقلت له منهي الحديث يا عمار ما تكون زول "حقار" و " تحقر" بالطلبة المساكين والهادئين...
وعليك الله احترام المدرسة الإنت فيها وخلى تصرفاتك محترمة ...
وكمان في نفس الوقت ما تكون ولد مسكين و" طروره" وخاصة مع الطلبة المشاغبين عشان ما " يحقرو" بيك .....
وبعد مدة جاني راجع مبتسما ... وقال لي: انت يا بابا – طراد وحقره حرقور يعني شنو ...
عرفتو قاصد – طروره وحقار ... ويحقرو بيك ...
وحاولنا نعيد الكلام باستخدام كل اللهجات الخليجية والشاميه والمصريه ... والهندي عربي...
بس والله حسيت أن المعني القاصدو ما وصل – زى ما كان حيصل ليهو لو كان عارف معني كلمة حقار .... وطروره ...
وتذكرت حينها ريسنا ميسرة ومعاناته مع بنته مشكاة في معاني الشروق والنجوم والتي كانت جزء من حياتنا ولا تحتاج لشرح ...
وكذلك بنات حاتم جبارة في الاجازة ... وبت كمال الشادي مع رمضان جانا ...
وابناء رشيد القوم واصدقائهم مع كلمة البنبر .....
=========================================
واحدة تانية سريعة ...
مرة بعد رجوعي من الشغل وجدت أحمد ابني بهدوم المدرسة ... لسه ما غير ولبس هدوم البيت ....
ولا شعوريا قلت له بحده: امشي " أملص" هدومك ديل وألبس هدوم البيت ....
جاني بعد فتره وهو يضحك ... انت قلت شنو يابابا ...
تقولو لي مدار بت منصور بتفهم سوداني ....
المداخلة دي بعد دعوة الريس ميسرة للجهاد ...
ضد الانقطاع عن البوست ....
النضيف ...
ابوبكر حامد حنضرب ليهو عديل كده ...
بس هو يفضي لينا ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
أتساءل نفس الأسئلة بتاعت يحي فضل الله
و الذي يقول فيها
ما معنى أن نحيا .. ولا ندرى
بأن العشق قد يبقى سجيناً فى الخلايا
ما معنى أن نشهد موات الأغنيات
ما معنى هذا الصمت الذى لا ينتهى
وبرغم حوجتنا الصراخ
أي زول يفسر على طريقته
و لكنها ثورة زقازيقية خالصة
بالمناسبة نحن لا في زنقة ولا حاجة!!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
يا سلام يا ناس يعني عملتوا لبكري قصة بعيد من العين بعيد من القلب .... والله بالغته الراجل لازم يزعل ... خاصة من ناس الشرقية الشافوا كل شئ بعينهم وسمعوه باضانهم ...
نجيلة القصة لذيذة... قريتها بتمعن .. طبعا الجمرة بتحرق الواطيها ... طبعا نحن واطنها بس بجزمة بس ما حفيانيين ... المهم القصة لها ركنين هامين .... الاول حول تعامل الابناء مع اقرانهم في المدرسة .... والثانية حول اللهجة السودانية ومعرفتها بالنسبة لاولاد المغتربين ... او الجيل الحالي عموماً .... لانه حتي في السودان الجيل الحالي في كلمات كتيرة بتروح عليه ... والمصريين قالوا كل زمن وليه آدان..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
يا نجيلة ما سمعت ببنت المغتربين المشت تقرأ الجامعة فى السودان
اهلها بسألوها تعرفى ده وتعرفى ده ... ايوا ... ولا
وتعرفى العـــتود ... قالت ليهم لا ما بعرفو .. لكين هو قال ليكم بعرفنى !
امى فى اجازتها دى معانا شابكة عناب .. قنبــى هنا جمبى
ولما تكح ( كــر ) يقح عدوكى
الشغالة زاتا بقت تقول ( كــر )
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: مني يونس)
|
صباح الخير ،،، يا وجوه الخير
الحمد لله الإستجابة عالية والمد زاحف
| Quote: وتعرفى العـــتود ... قالت ليهم لا ما بعرفو .. لكين هو قال ليكم بعرفنى ! |
بمناسبة قصة ولد ياسر نجيلة ، عندي محسنة ما بتقبل الحقارة
كانت مشتركة في بص المدرسة زمان وفي بنت هندية أكبر منها بكتير
تسحب محسنة من شعرها وتعمل نايمه محسنة كشف البنت ولأن البنت كبيرة
عضت ليه البنت بحرقة وتبكي ورفضت تفكها حتى سال الدم والصراخ داخل البص
والغلبة كانت لمحسنة لأن خروج الدم غير كفت ميزان المعركة والبنت أهلها ذهبوا بها
إلى المستشفى واليوم التاني كان إستدعاؤناإلى إدرة المدرسة ومن ذلك اليوم تركنا مسألة
التوصيل بباص المدرسة.
===========================
يا عبدالدائم الأولاد سألوا عن ما هو العتود الكتبوا عمو عبدالدائم شرحنا
لهم ده ود الغنماية ماهي الغنماية هي المعزة وطيب وبت الغنماية إسمهاشنو ( السخلة)
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
يا سلام علي البوست اليومين ديل يفتح النفس ... رغم اننا حا نعذر الناس علي الجمعة بس السبت كل الناس لازم تجي ...
اتصلت علي كمال الشادي برضو فتح لي ... طيب يا ناس زول يسال لينا من البادي النور ... الله اتلومنا فيه
لومتنا في بكري حامد ... ذاتها ... والله نحن الظاهر علينا ما عندنا عشره ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
جيب لينا خبر البادي وكمال الشادي يا أبوالزوز سريع..
فاتتنا إنتفاضه الريس وقراراته..
وونسه الليل.. وتساؤلات جلا..
والنضيف أنانيا 2.. كر عليهو من التمرد..
وأبوالدقيق.. عمار نجيله..
معقوله بس يا ياسر.. ياخي طروره دي أنا زاتي ما بعرفها..
والله الأطفال متعه..
قبل كم سنه.. رانيا بتي عمر خمسه سته..
قلنا ليها يا شاطره لو كنت مهذبه بنعمل ليك مفاجأه..
البت دي إتمحركت جاي جاي..
وقدر ما شاغلتها عشان تنسى وتعمل شغب.. أبت كلو كلو..
ياللا بالمسا.. قلت ليها إنتي بت كبيره ومهذبه..
أنا مبسوط منك خالص..
حأقوم أكلم أمك تضرب ليك منكير في يدك..
فعلا حصل.. رانيا دي داير تطير بالفرح..
تقوم تجيب يدها كدا قدام أختها..
I love my fingernail polish..
تمشي وتجيها تاني..
I love my fingernail polish..
نظام إغاظه وكدا..
جات باليل كدا لسع مبسوطه.. تبوس وتحضن فوقي..
Thank you daddy, you're the best... etc
خلاص كفايه قلت ليها.. it's bed time
ضامه يدها كدا تعاين في المنكير في أصابعينا..
قلبت لي عيونها معاها صره حواجب وقالت لي بي فلسفه..
I'm not sleepy.. specially my fingernail polish..
تحت تحت.. قالو بكوري هو المدور الشغب زاتو..
| |
|
|
|
|
|
|
|
|
 Re: ناس الزقازيق ... أجدع ناس (4) .. (Re: محمد عيد)
|
تعرف ياود عيد.
كان عندنا شله حلوه جدا آخر أيامنا في الزقازيق..
فيها الوجيه بكوري والرجل الحلو أحمد عمر..
وعروه علي موسى ومجتبى فاروق وناصر جبريلا..
وآخرون..
أحمد عمر كان عندو خالو ساكن روكسي..
كل مره بيمشي يرطب عندو..
تقول ليهو كيف بالله روكسي..
يقوم يتجدع كدا ويقول ليك..
يا سلام ياخ.. روكسي عشقي..
والله لمن الواحد جلدو يفور..
خالو دا قام سافر الحج.. تعال شوف..
الشله كلها اتجدعت ليك في شقتو..
وبقينا مواطنين عديييل في روكسي..
مره راجعين بالليل على شقه الخال..
مفلسين وداقين الكدر.. مع الونسات والضحك..
بكوري وأحمد عمر بقوا ورانا بي مسافه.. لمن إختفوا..
وصلنا وقعدنا مسافه يمكن قريب ساعتين.. ما ظهروا..
بعد ساعه تاني او أكتر جوا داخلين..
عرقانين زي الراشينهم بي خرطوش..
الجماعه رايحين كانوا.. بكوري من الدبرسه داير يطرشق..
عروه قال ليهو مالك يا بكوري؟
قال ليهو ياخي دا عامل فيها حافظها..
شابكنا روكسي عشقي روكسي عشقي..
لمن مرقنا في مدينه نصر..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
والله يا ود جباره ذكرتنى بأخونا الحبيب وود دفعتنا .. مجدى عبد الله على صالح
وهو زيك والدته الحاجة صديقة - الله يرحمها - كانت من مصر الشقيقة وبالتالى كان عندهم ارتباط شديد بمصر
وكان عندهم شــقه فاخرة جدا فى المعادى الجديده .. كنا كلما نزلنا القاهرة بنمشى نرطب فيها خاصة ايام اجازة نص السنة
وايام معرض الكتاب الدولى منتصف يناير ...
اها طبعا مجدى برضو عامل فيها انو مجضــّم القاهرة تمام .. وكل مرة يسوقنا ليك فى جولات ترفيهية وسياحية
مرة يا زول كنا فى الدقى فى زيارة لجماعة اصحابنا ... وكنا عاوزين نرجع المعادى الجديده ..
وكنا متعودين نركب ميكروباص من رمسيس بيودى طوالى لى هناك . لكن صاحبنا أصر اننا ما لازم نرجع رمسيس ونركب
المهم بقينا كل شوية نركب اتوبيس ونسأل ... يقولوا لينا انزلوا هنا واركبوا اتوبيس رقم xxxxxx وننزل ونلقى الفجــة ما ياها
ونسأل يقولوا لينا ... انتو ايه اللى جابكم الدراســة ؟؟ انتو ايه اللى حدفكم على الألف مسكن ؟؟!!
يا زول راسى ســخّن وكبست ليك لى صاحبنا ولبلده التانية دى وقلت ليهو زى بكورى ... عامل لينا فيها مقطّعا لغاية ما مرقتنا فى امبده حقتهم ..!!
لغاية ما شافنا واحد عسكرى مرور بنتشاكل قام ادانا خارطة طريق وصلتنا الى مكاننا بعد ساعتين ...!!!
التحية والشوق الى اخونا الحبيب مجدى عبد الله
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
جمعة مباركة عليكم جميعا...
تابعت باستمتاع حضوركم الظريف استجابة لدعوة الريس ميسرة...
و حكاويكم الممتعة عن البذورة (العيال)...
و عدم حضوري كان بسبب مشاكل تقنية في الانترنت عندنا بالسلع...
و ليس عدم استجابة لدعوة الريس...
لذلك أدعو الجميع للاستجابة و الحضور الزاهي و الأنيق...
فان تحسنت الأحوال عندنا شاركناكم و ان لم تتحسن استمتعنا بحضوركم...
| Quote: يبدأ تجميع القوات فى السادسة صباحا بتوقيت قناة الجزيرة ويستمر حتى مرور مواكب المقاتلين المتجهة من السلع الى ابو ظبى |
حمادة الصديق...
و الله عندنا مشكلة في سرعة الانترنت في السلع لا تغرف أسبابها...
هل هي من الموديوم أم من شيء آخر...
و المداخلة الواحدة تأخذ مني وقتا طويلا جدا لا أملكه...
عند حضوري الى أبو ظبي لا مشكلة في النت و لكن المشكلة في الوقت...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
Quote:
و الله عندنا مشكلة في سرعة الانترنت في السلع لا تغرف أسبابها...
هل هي من الموديوم أم من شيء آخر...
و المداخلة الواحدة تأخذ مني وقتا طويلا جدا لا أملكه...
عند حضوري الى أبو ظبي لا مشكلة في النت و لكن المشكلة في الوقت... |
رشيد الحبيب ...
جمعة مباركة عليك وعلى اسرتك الجميلة
عندما خصصنا بداية تحرك القوات من الســــلع الى ابو ظبى ..انما قصدنا استنهاض
القوى الكبرى فى هذا البوست ومحركاته الاساسية التى تسهم بالحق فى دفع بقية المحركات
وانا ادرك تماما انه لولا تلك المشكلات التقنية فى السلع ( التى لا نعرف سبب تسميتها حتى الان )
لكان الوضع مختلفا الآن ....
والحديث - انابة عن سيادة الريس - موجـــه لبقية الاخوة والاخوات ....
تعالوا الينا .. يرحمكم الله
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: مني يونس)
|
دعواتكم جيعا للآخت سامية اسماعيل
تجري عملية جراحية صباح غداً السبت بمستشفى
الجامعة بمدينة جدة ،،،،
قلبنا معاكم يا عادل الجعلي
اللهم سهل لها العملية وأكتب لها النجاح
وسهل لها أمرها ويسر لها مخرجها يا رب العالمين
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
يا جماعه معقولة بت الكفيل واكون آخر زول يعرف عيد ميلادها والله ده لوم شديد
عذاري كل سنة وانت طيبة ... تستحقي عيد ميلاد اسفيري وتاني واحد حقيقي .... لك كل المني والامنيات بعمر مديد وسعادة ... وهناء ... التهاني ... لعبد الدائم ونهلة وكمان عناب
ووردة حمراء كبيرة
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
بالشفاء إن شاء الله يا ساميه...
شمعه سعيده يا عزاري وعقبال ميه..
مرحبتين يا ريس معتصم..
وين أراضيك ياخي..
إنت واقف مع موسى عيسى والا شنو؟
الإبنه العزيزه محسنه..
يا سلام عليكي ياخي.. كلك ذوق وفهم..
قولي لي أبوكي.. فرضت علينا ورديه الليل..
وعامل حظر تجول لي نفسك؟
يا سلام يا محمد عيد..
رحمه الله على روح الحاجه صديقه..
لطالما أكرمتنا في بيتها..
ياربي زنقه السلع فكت؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
يا سلااااام علي ورديه الليل... نسرح ونمرح..
Sweet sixteen
ياخوانا ما تشوفوا لينا معاكم فرقه في الخليج..
إن شاءالله في البحرين.. قولوا لي ليه..
امبارح (17 مارس) كان عيد ميلاد ساره بتي..
قبل اسبوعين بدت تتمحرك.. قالت دايره تحتفل..
إستغربت شديد.. ما من عادتها تقول دايره إحتفال..
لينا كم سنه نسألها دايره تحتفلي؟ تقول لأ..
قلت ليها مالك يا ساره السنه دي؟ ما كل مره بتقولي ما دايره..
قالت لي.. But daddy you don't understand
طيب فهميني..
It's my sweet sixteen..
نعم؟ في الحقيقه إرتبكت.. طيب يعني شنو؟
It's different...
إيه الفرق؟ بعدين إنتي عارفه نحن ما عندنا عادات الأمريكان..
It's not because I'm American or anything...
أها سامعك..
When anyone asks me my age.. I say fifteen
I feel like I'm still a little kid...
When I'm sixteen.. It's a milestone..
I will feel like a grown up..
لا بالله.. خلاص يعني عقلتي؟
Yes.. absolutely..
إذن حان وقت العرس.. نمشي السودان نشوف ليك عريس..
Come on daddy.. don't be silly..
why go all the way to Sudan? Plenty of grooms available here...
يا بت ال ك#####.. مسيخه زي أهل أمك..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
صباح الخير ،،، يا وجوه الخير
أصبحنا وأصبح الملك لله وحده ،،،
كامل الشفاء للأخت سامية إسماعيل
وللأخ/ عادل الجعلي والأسرة ،،،،
تم تأجيل العملية لصباح يوم الأحد
لوجود عطلة اليوم السبت بالمملكة العربية السعودية
====================================
عزاري كل سنة وأنتي طيبة وعقبال مائة شمعة يا رب
سارة حاتم جبارة كل عام وإنتي بخير ونحتفل معاك كمان
في الـ seventeen عقبال الشمعة المائة.
نحند الله عادت إلينا كثير من الطيور المهاجرة
وعلى رأسها الريس الكبير معتصم وعقبال ناس موسى عيسي
والشادي وبقية العقد الفريد.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
خالص الامنيات للزميلة العزيزة سامية بالشفاء العاجل
ونسأل الله ان يمن عليها بالشفاء ويدثرها بثوب الصحة والعافية ...
وربنا يطمنكم عليها اخي عادل الجعلي ويردها لكم ووليداتها وهي في اتم صحة.
--------
وعزارى الحي كل سنة وانت طيبة وعقبال كل العمر يارب
وان شاء الله تشوفها عروس يا عبدالدائم
--------
شكرا يا الرشيد، على التلفون وربنا يوصلك بالسلامة
وعودا حميدا ياناس
| |
|
|
|
|
|
|
| |
نجاة حوفي
عبد الدائم سيد أحمد
ميسرة سيد أحمد
منصور عبد الرازق
جلال عثمان
زهير الزناتي
طارق جبريل
الرشيد بابكر
محمد عيد
محمد آدم النور
Hatim Gubara
محمد صديق
ياسر نجيلة
مشاعر بدوي
أحمد إسماعيل
مني يونس
معتصم جعفر
محسنة ميسرة
عمر المهدى
فيس بوك
تويتر
انستقرام
يوتيوب
بنتيريست