|
|
|
 Re: ناس الزقازيق ... أجدع ناس (4) .. (Re: ياسر نجيلة)
|
صباح الخير ،،، ياوجوه الخير
أصبحنا وأصبح الملك لله وحده
نجاوى صباحية :
يا رب !
لا قوة على طاعتك إلا بإعانتك
ولا حول عن معصيتك إلا بمشيئتك
ولا ملجأ منك إلا إليك
ولا خير يرجى إلا في يديك
=================================
قصيدة جميلة لشاعر الجميل الزقازيقي
حليل بورتسودان
كلمات: حسين شنقراي
حليل صيفك
حليل قيفك
حليل أدروب
يهز سيفك
يشيل شبال
علي كتيفك
---------
من سلبونا للكيلو
ريد في قلوبنا بنشيلو
دوام في الليل نغنيلو
نقول شاطينا ياحليلو
وياما فرحنا بي طيفك
---------
جميلة فيكي مواني
جنوبي كمان وبر تاني
في عيونا ليها معاني
ولي فراقها ياما نعاني
سفن بتضوي
ديمة رصيفك
----------
جميله بلدنا ثغر
شتاها ربيع ومطر
وصيفا نسيم وبحر
وليلا يضوي قمر
مزاوري ويهوي تجديفك
----------
حليل حضرك
حليل ريفك
حليل زكراك
دوام بتزيد في تشريفك
دبايوا سلام
دبايوا كلام
حنين علي ضيفك
حليل شاطيك
بورسودان
حليل قيفك
تيهي وأقدلي
في الوجدان
علي كيفك
| |
 
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
صبحكم الله بالخير
Quote: طبعا الصيف بدءا رائع وبعد بكره داخل سباق ومتوقع اصل سرعه بين 16.5 و18كم/س
وحا يكون 5 كم ومتوقع اكون بين ال30 الاوائل باذن الله
|
ان شاء الله يا عمر من ال13 الأوائل...قول آمين...
Quote: يامنضور منتظرنكم وبيتنا على البحر يرحب باالجميع طبعا الشادي وزهير والرشيد وحتى الكوتش
نشوفوهم في الشاشه والسنما الغشاشه
|
ما عايزه تظبط معاي ياخي...
كل ما سألت عليك صدوني حراسك...
ردوا الجواي قاسي مع اني من ناسك..
ياخي ما عارف تمشي السلع تكون عايز تجي أبو ظبي..
تجي أبو ظبي ما تقدر تمشي بلجيكا...
يا عمر جاينك ..جاينك...
بس تظبط معانا شوية...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
وجدت الخبر في بوست الأخ/ عروه في المنبر العام
Quote: تعرض الزميل عصام دهب لحادث إنزلاق على أرضية الحوض الخارجي للحمام
عصر أمس ، ونتج عن ذلك كسر في أعلى لوح الكتف والضلع المقابل له ..
أمنياتنا بالشفاء العاجل يا دهب
وما تشوف شر .. |
كفارة يا دهب وربنا يرفع عنك الأذى
وأجر وعافيه
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
عمر يا حبيب سلامات وإنشاء الله بالتوفيق .... وتجي في الـ 15 مش التلاتين ... عارفك زول شاطر من زمان
والله يا عمر الجية عايزنها بس القدم ليهو رافع ... بلجيكا وإن طال الزمن ....
اها في إنتظار الصور .......... الجكة دي يا ربي الكوتش ما فيها ... هو الكوتش وين اليومين دي
الف كفارة عصام ... ودي عين ناس المؤتمر الوطني ... يا ولدنا اتخارج منهم الناس ديل عينهم حارة ...
| |
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
اجر وعافية لولدنا عصام دهب ...
ان شاء الله مايشوف شر ...
=================
رشيد القوم ...
كاراكاتير في الصميم ...
ورمضان على الابواب ...
وشوف يا حبيب ...
اول ماست البيت تطلع ورقة وقلم وتقول لي جيب ديل ...
اقول ليها البسي توبك ... وخلينا نمشي مع بعض ...
الو مانصل باب السوبرماركت ...
اغمد ليها الفيهو النصيب ...
واقول ليها بابتسامة عريضة ...
خدي ديل ياحياتي ... واشتري العاوزاهو ... والباقي ليك ...
وحاتك لوعاوزة حاجات بألف درهم ...
وغمت ليها بس 200 درهم ... الا تضحك ..
وتشتري حاجات ب 50 درهم بس ......
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
مليون مرحب بالطلة الحلوة لنملوز الجميل ...
وياخى انشاء الله بتجى فى العشرة الاوائل ..ز
وغايتو كان رحلة منصور ظبطت سجل ليهو من هسه فى ماراثون الناضجين ..
*****
الف سلامة للحبيب ود دهب وانشاء الله متعافى عن قريب
غايتو يا ابو الزوز صدقت .. عين الجماعة ديل غلبت شيخهم وعرابهم الكبير أوى ...
××××××
ود نجيلة ... غايتو مكنتك دى ما قسمت معاى ...
يعنى لمن غمدت ليها الـ 200 درهم مشيت دسيت المفراكات الفى البيت ولا شنو ؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
Quote: ود نجيلة ... غايتو مكنتك دى ما قسمت معاى ...
يعنى لمن غمدت ليها الـ 200 درهم مشيت دسيت المفراكات الفى البيت ولا شنو ؟ |
تعليقك عجبني يا ود عيد .... ...
وذكرني بأخوانا القدام ديلك ... ...
أما أنا ...
اكتر حاجة استفدها من قرايتي في مصر ...
أن مصروف البيت من حق ... المرأة .........
لا تكتب لى ... ولا أكتب ليها ....
اها قول كمان دي ماقسمت ....
لو مغالطنا ... زورنا في بيتنا .......
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
صباح الخير ،،، يا وجوه الخير
أصبحنا وأصبح الملك لله وحده ،،،
دعاء اليوم :
اللهم يا ميسر كل عسير
ويا جابر كل كسير
ويا صاحب كل فريد
ويا مغني كل فقير
ويا مقوي كل ضعيف
أن تلهمنا الصبر وحسن الختام
========================================
Quote: ولمن فاتهم الاستماع .....
دعوة للاستمتاع فى بيت الكوتش محمد صديق
بملف أمل دنقل .. حكاية لم تنتهى وشمعة لم تنطفىء |
كان لنا شرف الزيارة في بيت الكوتش الجميل
حقيقة لقد إستمتعت كثير وسوف نعود لمزيد من المتعة
هيا بنا للزيارة ولمن فاتهم الإستمتاع (الإستماع)
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
سلامات يا ناس
وصباحات التفاؤل
مراحب بعمر نملة.....
وكل عام وانت بخير ابو عمر
وشكراً محمد عيد على الدعوة ...ويا دوبك قريت
بى هناك قراءة أولى ...وحتلقانى هناك .
برضو شكراً جبريل على الدعوة ...وحتماً حنجيك
حليلك يا صاحبى...وحليل تلفوناتك ومصاطبك الشعبية.
(صدّق الحمار لسة عايش)
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
صبحكم الله بالخير
ما قام به الحبيب محمد عيد من عمل جبار في لمن فاتهم الاستماع أخرصني...
نرفع القبعات اعجابا و استحسانا و حبا يا حماده...
الدعوة النبيلة لجبريلا من أجل الفيتوري تستحق الاستجابة...
و اني ان شاء الله لمستجيب...
جرب و أنت تمسك بالريموت أن تخطيء في رقم قناة الجزيرة...
أي قناة تأتي ستجعلك تكتشف ان العالم أجمل بكثير مما تصوره قناة الجزيرة...
لقد قررت أن أخطيء كل يوم و أنا أشرب قهوتي الصباحية...
ربما يكون حظي جيدا و أضغط على أرقام الـLBC...
Quote: وشوف يا حبيب ...
اول ماست البيت تطلع ورقة وقلم وتقول لي جيب ديل ...
اقول ليها البسي توبك ... وخلينا نمشي مع بعض ...
|
ماذا اذا كانت الشغالة هي التي تعمل القائمة...
أسوقها معاي ما مشكلة...
لكن أقول ليها قومي ألبسي شنو؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
مشكور أخي محمد عيد هذه اللفتة واللوحة الجميلة يا جميل
بمناسبة ميلادي الدائما يأتي مستعجل
نسأل الله للزقازيقاب زملة وزميلات وحماوات وأبناء
مزيد من التواصل والإلفة والتآلف والمودة والرحمة
وإن شاء الله تامين ولامين وموفقين
الأخ عمر نملوز أسعدنا ظهورك
عمر ولدي عامل فيها لاعب كرة قدم
كل ما يتعثر أضرب ليه مثل بيك
ما شاء الله العقل السليم في الجسم السليم
إنشاء الله في السباق لو ما الأول تكون
في الخمسة الأوائل محققا السرعة المتوقعة
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
كنت معاهو هسه ولع نار غرامي ومشتاق ليهو لسه
الزقازيقاب حبايبي مشتاقين كتير وانا معاكم في نفس هذا
القطر ومن محطة الى محطة الى ان وصلتوا صفحة 69
القطر قالو فيهو مفتش وقطركم دا بذكرني قطر حداشر (11)
ودا كان بتحرك من بحري موقف شندي
انا قاعده اذاكر الليله ياناس
قطع التذاكر... قال لي مسافر
وميعادو باكر ... بقطر حداشر
الليله ياناس
ومحبوبي جندي ..
الليله ياناس نقلوهو شندي
القطر دا كان فيهو حركة ابداع ماعاديه
حتى الكاشف والسر قدرو خرج لهم مولود اغنية ياصغير يامحيرني ومتحير
حتى تم تلحينها في نفس هذا القطر وكان الالهام لهذه الاغنيه من مشاهده مشهد حب جميل بي شاب وشابه
عايز اصل بيكم ان القطر ممكن يكون مسرح ابداعي متحرك وعالم به كل الجمال
كما ارى هنا بينكم في عدد الصفحات التي تشابه قمرات القطر وفي كل قمره ابداع ..
.
.
تحياتي ليكم بدون فرز
كان مادخلنا ليس المعنى اننا بعدنا بل دائما انتم معنا
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
هلا بطلة صديق ناس الزقازيق وليد عبداللطيف
وليك طوله مننا ما شفناك وجودك أثلج صدورنا
وندعوك لزيارة منبر ناس الزقازيق
بوست ولمن فاتهم الإستماع
بجد سوف تستمتع وتنداح بشكل جميل
تجد الجمال هناك والدعوة للجميع
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
Quote: الرحمة هي النور و الشهوة هي النار
و أهل الرحمة هم أهل النور و الصفاء و البهاء، و هم الوجهاء حقا
و القسوة جبن و الرحمة شجاعة.
و لا يؤتى الرحمة إلا كل شجاع كريم نبيل.
و لا يشتغل بالانتقام و التنكيل إلا أهل الصغار و الخسة و الوضاعة |
قال الله عزو جل
(إن الله يأمر بالعدل والإحسان وإيتاء ذي القربى وينهى عن الفحشاء والمنكر والبغي يعظكم لعلكم تذكّرون)
إن العدل إزاء الشهوات وسط بين مسلك أهل الفجور والفواحش ومسلك أصحاب الرهبانية والتشدد
أهل الفجور أضاعوا الصلوات واتبعوا الشهوات
أهل الرهبانية حرّموا ما أحل الله من الطيبات
ودين الله الحق يراعي أحوال الناس ويدرك ما هم عليه من الغرائز والشهوات لذا فهو يبيحها ويعترف بها
لكن يضبطها ويهذبها
فلا بد لكل عبد مراد محبوب هو منتهى حبه وإرادته فمن لم يكن الله معبوده ومنتهى حبه وإرادته
فلا بد أن له مرادا محبوبا يستعبده غير الله فيكون عبدا لذلك المراد المحبوب قد يكون
المال أو النساء أو الجاه والمناصب والرياسات أو كل ما يتخذ إلها من دون الله
فهذه الصور المحبوبة تبتلع قلب الإنسان وتقهره فلا يقدر القلب الإمتناع عنها --- أي أن القلب يغرق
فيما يستولى عليه كما يغرق الغريق في الماء ، قال الإمام الشافعي ( من لزم الشهوات لزمته عبودية أبناء الدنيا
ويقول بن الجوزي
أعلم أن مطلق الهوى يدعو إلى اللذة الحاضرة من غير فكر في عاقبة ، ويحث على نيل الشهوات عاجلا
وإن كانت سببا للألم والأذى في العاجل ومنع لذات في الآجل
أما العاقل لا ينساق وراء الهوى إلى أن يتيقن السلامة من كل شر وبليّة وسلامة العاقبة ، وينهي نفسه عن لذة يعقبها ألم
وشهوة تورث ندما لأنه دائما يفكر في المصالح الآجلة ويأخذ الحيطة والحذر
تحكيم العقل قطع شك يحقق العدل مما يتيح المجال الواسع للرحمة والمودة.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عمر نملة)
|
الفين سلام و تحية لنملوز الجميل...
وينك ياخي مختفي...
2 مليون تحيه لراش
مااختفاء لكن بيات تشوي والان خرجت الزواحف والنمل من بياتها
ان شاء الله يا عمر من ال13 الأوائل...قول آمي
يارا ش حسب نتيجه السنه الفاتت متوقع زمن قدره 17 دقيقه و47 ثانيه واحتمال ترتيبي ال 27
بس مرتاح انو قدرت اضبط وتيره سرعتي وان شاء الله عند نهاية الصيف اصل سرعة 18 كم/س
والغلط كان اني بديت مسافات طويله وحسب السؤال والدراسه والخيره الميدانيه كان مفروض ابداء
بمسافة 1 كم والحمد لله استدركت وبديت اضبط الابقاع
ما عايزه تظبط معاي ياخي...
كل ما سألت عليك صدوني حراسك...
ردوا الجواي قاسي مع اني من ناسك..
ياخي ما عارف تمشي السلع تكون عايز تجي أبو ظبي..
تجي أبو ظبي ما تقدر تمشي بلجيكا...
يا عمر جاينك ..جاينك...
بس تظبط معانا شوية..
الابقاع بيضبط والقدم لبه رافع بس اقول ليك والله الصيف في اوربا لو جربتوا مره كل سنه بتجي ناطي
ودا زي عرق المحبه
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عمر نملة)
|
عمر نملوز ....
كيف اخبارك ...
طلتك اسعدتنا بعد غيبة ...
انت يا عمر حتقضي باقي عمرك ... جري
ابوعمار
اخبارك واخبار العزابه الاربعه
اخر دراسه اثبتت انه ممارسه الجري لمدة 10 دقايق يوميا يزيد العمر لمدة 6 نسوات والاعمار بيد الله
مليون مرحب بالطلة الحلوة لنملوز الجميل ...
وياخى انشاء الله بتجى فى العشرة الاوائل ..ز
وغايتو كان رحلة منصور ظبطت سجل ليهو من هسه فى ماراثون الناضجين ..
مليون مرحب بالطلة الحلوة لنملوز الجميل ...
وياخى انشاء الله بتجى فى العشرة الاوائل ....
2 مليار مراخب بالعيد
والله متوقع اكون من ال30 الاوال
والله منصور متوقع ليه دي اجازه روعه
وسجلناه في مارثون الفرحين
مراحب بعمر نملة....
الف مراحب بابو الخلفاء
وان شاء الله وقفتوا قبض ناس المزاج
الأخ عمر نملوز أسعدنا ظهورك
عمر ولدي عامل فيها لاعب كرة قدم
كل ما يتعثر أضرب ليه مثل بيك
ما شاء الله العقل السليم في الجسم السليم
إنشاء الله في السباق لو ما الأول تكون
في الخمسة الأوائل محققا السرعة المتوقعة
ابو عمر يسعد ايامك ولياليك
وقول لعمر ماتتسلم وعمك بيصل السنه الجايه سرعة 20 كم/ ومافوق
ان شاء الله وشوف الطيب حالف الا يجي الاول في كل الدنيا
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عمر نملة)
|
صبحكم الله بالخير
اليومين ديل أحلامي كلها عربات..
من يوم ما قررت أبيع عربيتي و أشتري عربية بدلها...
و كمان بقيت خبير في العربات من كترة ما دخلت مواقع و اتفرجت...
و احتار دليلي..يا ربي أشتري ياتو عربية...
مع الأخذ في الاعتبار عدة عوامل أهمها سعر العربية و مناسبتها للميزانية...
بديت الحكاية باستخارة مرة و اتنين و تلاته...
عربيتي كلفتني صيانتها سعر عربية جديدة...
لدرجة أن صديقي السوري قال لي السيارة دي بتقولك بيعني...
يعني عربيتي تدفعني دفعا الى شراء عربية جديدة...
لكن المشكلة ان البي ام دبليو مسيطرة على أحلامي...
تخليني أقوم من النوم مفزوع و أتفل جهة اليسار و أستعيذ من الشيطان...
أحلامي كلها (ضرب خمسة و ضرب ستة) X5...X6 زي ما بيقولو البدو....
و ده شعر تقصر رقبتي دونه....
أقعد النهار كلو أفكر في الGMC و لا الفوردأو حتى التايوتا...
لكن أول ما أنوم تجيني ليك الـ(ضرب ستة) الما خمج...
قدر ما أتعوذت منها و حرقت ليها البخور ال(ضرب ستة) دي مبارياني في أحلامي...
بعدين قمت قلت القصة دي ليها علاقة بالعربية بتاعة جارنا المصري...
عندو عربية X6 زي الليل..لاقاني مرة في الأسانسير و قال لي عايز أبيعها...
أمبارح موقفها لي قدام باب العمارة بتاعتنا...بصورة استفزتني جدا..
و أنا طالع و أنا راجع ألقاهاليك في وشي...
قلت لي ست بيتي المصري ده قال عايز يبيع عربيته دي...
أنا حأمشي أقول ليهو بعلي عربيتك دي...
احنا جيران و حبايب لازم تراعيني فيها و تبيعهالي بسعر معقول...
يقوم يقول لي بكام عايزها...
أقول ليهو يعني ما تزيدش عن الخمسين ألف...
يابني روح جيبلك كيا زي بتاعت حبيبك الكوتش..
الله هو أنت بتعرف الكوتش...
آه..أعرفو...
جارنا السوداني الفي الدور السابع...
كنت بحسب انك قاصد كوتش تاني..
قصدك على الكوتش حامد ..ده عربيتو هيونداي مش كيا..
أصلي ما عندي حل من اتنين..
يا المصري يبيع لي الضرب ستة بي خمسين ألف...
يا الأحلام دي تفارقني...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: الابقاع بيضبط والقدم لبه رافع بس اقول ليك والله الصيف في اوربا لو جربتوا مره كل سنه بتجي ناطي
ودا زي عرق المحبه |
أيوه و الله يا عمر...
فعلا زي عرق المحبه...
مشكلة التوقيت...
لأن بداية و نهاية أي مشروع من مشاريعنا ما بتكون بالمزاج...
يعني مرات تبدأ في الوقت الانت عايز تأجز فيهو...
و تنهي في الوقت الانت ما عايزه...
لكن بتظبط ان شاء الله...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
صباح الخير ،،، يا وجوه الخير
تحية الصباح نهديها لولدنا المارثوني
عمر نملوز ونقول ليهو ربنا يوصلك حتى العشرة
الأوائل ترفع راسنا فوق ، علشان الناس (كبار السن)
يضايروا شويه ويكونوا مع الصفيقه والهتيفه وعاش عمر (مش البشير)
تحياتي القلبية لكل افراد اسرتك الجميلة
======================================
ربنا آتنا في الدنيا حسنة وفي الآخرة حسنة
وقنا عذاب النار...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
مرة في الاجازة ضربت لي جورج
يا جورج انت وين
انا في المكتب مكافحة المخدرات تعال لي افطر معاي
عديلة بجيك معاي اخوي السني
عديلة
وصلنا المكتب ويافطة وقيامة
دخلنا مكتب الكوتش فيه شوية ورق وسرير رافعو بي طوبات
ما عرفت دة مكتب ولا اوضة عذابي
قال مخدرات قال
شوية كدة ضرب ليه جرس جاء واحد داخل: نعم سعادتك
ياخي جيب لينا فطور سريع كدة
جورج وسعادتك اصلو ما لافقات
طوالي اتذكرت شقة الفسطيني في لكوظ وجورج خاتي تنكة الجبنة ولابس ليه ردة قصير وخاتي سجارة في قدومو
يضع سره في جورج وهو لابس شورت
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
Quote: وصلنا المكتب ويافطة وقيامة
دخلنا مكتب الكوتش فيه شوية ورق وسرير رافعو بي طوبات
ما عرفت دة مكتب ولا اوضة عذابي |
و الله يا جبريلا الكوتش ده الا يكون استقبلك في المكتب الجمبو...
يكون خايف من العين...
أنا غايتو استقبلني في مكتب جميل...
كراسيه سود و كنبه سوداء كبيره اتكيت فيها لمن كرشي مرقت لي بره...
كان معاي محمد المرتضى...
أنا خفت يمسكوهو هناك لكن الكوتش شفع ليهو...
انت عارف أنا بسوق معاي محمد المرتضى ليه...
عشان مرات في ناس بفتكروه يحي فضل الله و بنلقى معاملة خاصة...
و البعض الآخر بفتكروه أستاذ قرني...
لكن الما بيعرفوا يحي فضل الله و لا قرني ما بيرتاحوا ليهو...
و غالبا ما تكون المعامله البنلقاها سيئة...
يعني بتاع الأمجاد تركب معاه يقول ليك تدفعوا لي هنا قبل ما أتحرك...
خايف لمن نصل ندقو و لا حاجه...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
Quote: انا بضرب القراريص ولسانى عندى...
انت دى بتقدر عليها؟؟؟
|
تتذكر يا جورج لمن جينا من أول معاينة لي دخول كلية الشرطة
وضربنا لينا عرديب بااااااااااااااااارد
ونحن ماشين قعدنا نغني: يا روحي سلام عليك
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
أفتكر أن الحب معنى سامي إلا أنه يعاب عليه بأنه عامل مساعد قوي
على سرعة الإنفعالات والإستعجال فقد تكون هذه الإنفعالات إيجابية أو سلبية
لأنها تنبع من القلب ، وإنفعال القلب يفوّر الدم في كامل الحسم
الحب الصادق من الطرفين إيجابي فهو المثالية والشفافية والتضحية وإنكار الذات
أما الحب من طرف واحد والغير صادق هو الحماقة نفسها
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
سلام يانجيلة
تجتوجي وظلوطك دخلو الكربو تجتوجي نقر ظلوطك نقرتين ونص هل ظلوطك يقدر
ينقر تجتوجي نقرتين ونص كم ا تجتوجي نقره نقرتين ونص
تجتوج تحققت ليه أحلام ظلوط وهو قادل مع تاجة التي تمشي الهوينة مع سواسيها
جاجاهم نسر عملاق مرقوا منهو بكرامة البليلة ، الحكاية دي أزعجت تجتوج ومشى
عدِل للفكي عشان يعمل حجبات للعيال من الصقر وهو طالع من الفكي هجم عليه النسر
الزريبة ساعدته ينفد بجلده ، رجع مسرع وقال للفكي موضوع عيالي داك خلي سوي
حجاب لي أنا ( ياروح ما بعدك روح )
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
صبحكم الله بالخير
غياب موسى عيسى الطويل من هنا ده ما عاجبني...
مع انو نعامه مالي البلد بي هناك..
كلمات أغنية صلاح مصطفى دي مهداة هذا الصباح لموسى...
أكتب لي يا غالي الحروف
واحكي لي ياما الدنيا نورها وفرحتها
صارت بلاك غيمة شتاء
تمسك طيوف وتغيب طيوف والشوق جدار بيناتنا يحجب بهجتها
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: بالله ياشباب العندو حاجة عن زلوووووط .....
يكبها هنا .... أو يرسلها لى ...
|
يا نجيلة طالما أديدتنا الاذن...
حنجي نظلط ليك حاجه هنا قريبا...
| Quote: أما الحب من طرف واحد والغير صادق هو الحماقة نفسها |
و يعرف أيضا بالحب المستحيل...
و غنى له كاظم الساهر...
أحبك جداً وجداً وجداً
وأرفض من نار حبكِ
أن استقيلا
وهل يستطيع
المتيم بالعشق
أن يستقيلا
وما همني
من الحب أن خرجت حيا
وما همني أن خرجت قتيلا
Quote: وضربنا لينا عرديب بااااااااااااااااارد
ونحن ماشين قعدنا نغني: يا روحي سلام عليك
|
يعني لو ضربتو ليكم أناناس بااارد كان غنيتوا
حبيبي قلبــي حــاب
رحلة بين طيات السحاب
وحدنا إنت وانا
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
يا ابو عمر ...
قبلنا بان تجتوجك نقر ... ظلوطـــــــي ..
وعرفنا كمان نقرو .. نقرتين ...
النص ده شنو .... ؟!!
غايتو لو دخل ود جبرين ... حيشوه سؤالى شديد خلاس ......
تحياتي أحمد اسماعيل ... حلوه وملعوبة ..
بس ظلوطــــــــــي ... نتف تجتوجك ... ريشتين ... ونص ...
يقدر .... اكمل ...
========================
Quote: يا نجيلة طالما أديدتنا الاذن...
حنجي نظلط ليك حاجه هنا قريبا... |
اظلط ياحبيب ...
ولا تأخذك به .. رأفه ...
نحنا لاقين ... زلوطك ... وين .. يا رشا ...
خلاس خليت ضرب 5 ... وضرب 6 ... قبلتا على ظلوط ......
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
سلامات يا ناس
Quote: وضربنا لينا عرديب بااااااااااااااااارد
ونحن ماشين قعدنا نغني: يا روحي سلام عليك |
يا حبيب ...حليلا تلك الايام
تعرف كل زول فى الدنيا دى بيصل محل ربنا كاتب ليهو
منو كان بتخيل انك وبعد اجتيازك للمعاينات الطويلة
ديك ...تقرر فى اللحظات خيرة انك تختار غيرها...
صدق قاعد اتخيلك وانت بوليس...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
صبحكم الله بالخير
نشكر حبيبنا محمد عيد على الــsnacks...
يا رب أرحمنا برحمتك و أظلنا بظلك يوم لا ظل إلا ظلك..
للكوتش أهدي هذا الصباح...
ياعَروسَ الرَّوضِ ياذات الجناح ياحَمامـه
سَافِري مَصحُوبةً عِندَ الصَباح بالسَّلامـه
واحمِلي شَوقَ مُحِبٍ ذِي جـراح وهُيـامَ
سَافِري مِن قَبل يَشتدَ الهجيـر بالنَّـزوحِ
واسبَحي مابين أمواج الأثير مِثلَ روحـي
وإذا لاحَ لَكِ الرَّوضُ النَّضير فأستريحـي
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
Quote: ههههههههههههههههههههههه
ههههههههههههههههههه
هههههههههه
و كدا |
ياخي حمدا لله على السلامة...
واحد طالب ليهو زول قروش..قال ليهو وين قروشي...
قال ليهو شفت النواية دي أنا من دربي ده ماشي أزرعها...
حتقوم تكبر و تبقى نخلة باسقة و تشيل تمر كتير...
أحصد التمر و أمشي أبيعه في السوق و أديك قروشك...
قام سيد القروش ضحك زي ضحكتك دي...
قال ليهو الما بيضحكك شنو..ما خلاص ضمنت...
انت يا أخوي خلاص ضمنت تبقى مشهور زي كده...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: قال ليهو الما بيضحكك شنو..ما خلاص ضمنت...
انت يا أخوي خلاص ضمنت تبقى مشهور زي كده... |
هههههههههههههه
و الله يا رش البوست هنا عالم جميييييييييييييييييل خلاص
غايتو داير أخت الباسويرد بتاعي أمانة عند زول
لمن أجي أدورو يديني ليها طوالي
يكون منو!!!!
ما تقول لي أنا
لأني ختيتك زي الزول بتاع نواية البلحة داك
ههههههههههه
شكراً جميلاً يا بكري
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
Quote: غايتو داير أخت الباسويرد بتاعي أمانة عند زول
لمن أجي أدورو يديني ليها طوالي
يكون منو!!!!
|
أنا ما قلت ليك...
سوي ليك مفحضه زي حقت حبوبتي حاجه أمونه الله يرحمها...
خت فيها باسوردك و أدرعها فوق رقبتك دي...
كل ما تنساها طلع المفحضه...
و الله عودتك أسعدتني كثيرا...
و أنا برضو بقول شكرا لي بكري...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
سلامات يا ناس
وصباحات التفاؤل
Quote:
للكوتش أهدي هذا الصباح...
ياعَروسَ الرَّوضِ ياذات الجناح ياحَمامـه
سَافِري مَصحُوبةً عِندَ الصَباح بالسَّلامـه
واحمِلي شَوقَ مُحِبٍ ذِي جـراح وهُيـامَ
سَافِري مِن قَبل يَشتدَ الهجيـر بالنَّـزوحِ
واسبَحي مابين أمواج الأثير مِثلَ روحـي
وإذا لاحَ لَكِ الرَّوضُ النَّضير فأستريحـي |
ياخى شكراً على الإهداء...والله بالجد عرفت تهدينى
هدية لها قيمتها.وانا بدورى اهديه لصلاح الامين.
Quote: ههههههههههههههههههههههه
ههههههههههههههههههه
هههههههههه
و كدا |
يارب طوالى كدا.
| Quote: ... بس ما قلتو لي الكوتش وين |
صدّق مافى زول حيقول ليك.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
يا شباب هذه البادرة شغالة ليها مدة في القروب في الفيسبوك
وعايزين نعمل حاجة باسم الزقازيقاب من اجل الفيتوري
وكلها في ميزان حسناتكم ان شاء الله يا رب
عموما التحويلات بتتم عن طريق اخونا منصور عبد الرازق محمد فضل
ودة رقم حسابه في البنك الأهلي التجاري في الرياض:
i bank 4210000020740976000109
أو عن طريق تحويل مباشر الى شخصي الضعيف عبر الـ WESTERN UNION
ُTARIG GIBRIL
00212667445928
ناس الزقازيق اجدع ناس
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عمر نملة)
|
صبحكم الله بالخير
يا سلام عليك يا عمر و انت بالأحمر و الأسود...
ان شاء الله ما أكون غلطان في الألوان...
حتى لا تثبت ادعاءات ست بيتي باني مجلي في حكاية الألوان دي...
ففي كثير من الأحيان و أثناء تسوقنا أقول ليها الله شوفي القميص ده جميل كيف...
تقول لي ياتو واحد...
أقول ليها البلو داك ما شايفاهو...
تقول لي مافي قميص بلو هنا...
أمشي و أمسك ليها القميص بيدي...
تقول لي ده بلو...ده فسدقي مايل للبلو مثلا...
لحدي ما أتعقدت و بقيت أمسك القمصان بس بدون ذكر الألوان...
سبت و حر و رطوبة و يوم بادي بنمرة خمسه...
ده أصلو ما أدونا ليهو قبل كده...
اتمنيت أكون جاري مع عمر نملة في احدى أزقة أوستند...
و لا أوستند ما فيها أزقة يا عمر...
ثم نخرج فجأة كده من الزقاق و الى البحر...
لنجد البحر أمامنا و المتسابقين من خلفنا...
و أقول ليهو...
هل أنا يا بحر منك..
أصحيح ما رواه بعضهم عني و عنك..
أما ترى ما زعموا زورا و بهتانا و افكا...
ضحكت أمواجه مني و قالت...
بطل الجرسه...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عمر نملة)
|
صباح الخير ،،، يا وجوه الخير
أصبحنا وأصبح الملك لله ،،،
حكمة اليوم :-
اذا رأيت الله يحبس عنك الدنيا ويكثر عليك الشدائد والبلوى ..
فاعلم أنك عزيز عنده .. وأنك عنده بمكان ..
وأنه يسلك بك طريق أوليائه وأصفيائه .. وأنه .. يراك
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
سلام تحيه
الاحمر والاسود زي ناس المورده
اسمع دي ياراش
دخلت مع ابن خالتي مباراه بين اهلي مدني والمورده في استاد الهلال
ولسؤ الحظ وجدنا نفسنا جالسين وسط جمهور المورده ابن خالتي قال لي:
اعمل حسابك ماتعمل اي حركه ولا بننجلد. قلت ليه الله يقدرني
المهم الكوره بدات والجمهور هاك يا شتايم ياعرب ، يابتاعين القطن يا .. يا..
وبعد كملوا واحد منهم قال ياشينين على طول مسكته يده وقلت ليه الا دي
وبعد دا عيونا ماتشوف الا النور
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عمر نملة)
|
تصحيح لى رقم حسابى يا طارق جبريل
الرقم شاملا الآى بانك
sa 2810000020740976000109
الآيبانك , للحوالات من خارج المملكة فقط
الرقم للتحويل او الأيداع من داخل المملكة , بدون آيبانك
20740976000109
منصور عبد الرازق محمد فضل
للتنويه عن التحويل او الأيداع , جوة المملكة او خارجها
للحصر والفرز
رجاء عمل رسالة تكست , والبكملها كمان لى مكالمة عديييييل , يبقى ما قصر ابدا
تلفون 00966504177839
نملوز بالأحمر والأسود والشورت , ما منقة بس
زلوط واحلامه , تجتوج ونقراته , الريس ودعواته
مش الرشيد عاوز بى ام دبليو ؟؟؟طيب زلوط شن دخله فى الموضوع ده
النقرة دى نقرة تجتوج , حالتا نص نقرة بس
طارق جبريل معك قلبا وقالبا فى شرف دعم الفيتورى , ماديا ومعنويا
بالله هو انتا اصلا بيطرى عمل معاينة عشان يبقى بوليس وبعد داك اشتغل صحفى ؟؟؟
ياخى انت زول مكنتك دفع رباعى عدييييل
شكرا عيد على ملف امل دنقل وعبلة الروينى
الصيف جا يا جماعة ؟؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
صبحكم الله بالخير
متناقضات عجيبة في الدنيا دي...
الجامعة العربية تطالب بتحويل المراقبين الدوليين الى قوات حفظ سلام...
و شنو كمان تحت البند السابع...
اشتباكات في طرابلس بلبنان بين مؤيدي و معارضي للنظام السوري تسقط 10 قتلى...
عمدة أولمبيك في بلجيكا مكان ناس عمر نملوز قال أكتر من 5 أشخاص ما يقيفوا مع بعض...
خاصةعقب المشاكل الأخيرة بين المتطرفين المسلمين و المسيحين...
و الملكة اليزابيث تحتفل باليوبيل الماسي لجلوسها في العرش...
و اليوم حتركب ليك قارب كبير في التايمز..
و كمان حتلف ليك لندن كلها بعربية جاريها حصان وسط احتفالات شعبية كبيرة...
و العربية بتاعتها حتمشي في محلات حصلت فيها مواجهات عرقية...
أخبار تتلف الأعصاب و أخرى تريحها..
الواحد عشان يتعامل مع الأحداث دي كلها عايز ليهو Stabilizer ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
صباح الخير ،،، يا وجوه الخير
حكمة اليوم :
سـأل بعض الناس الإمام الشافعي عن ثمانيـة أشياء
فقالوا له ما رأيك في واجب وأوجب وعجيب
وأعجب وصعب وأصعب وقريب وأقرب؟
فرد عليهم بقوله من واجب الناس أن يتوبوا ولكن ترك الذنوب أوجب
والدهر في صرفه عجيب وغفلة الناس عنه أعجب
والصبر في النائبات صعب ولكن فوات الثواب أصعب
وكل ما ترتجي قريب والموت من دون ذلك أقرب.
أسعد الله صباحكم احبتي
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
سلامات يا ناس
وصباحات التفاؤل
التحية لطارق جبريل وهو يقوم بهذا
العمل الكبير وله الاجر انشاء الله.
أُشيد بالاخ عمر نملة وأهنئه بالجرى ده
لكن مؤكد ما حأجرى معاهو...يجى يجرى
معاهو عبدالدائم النضيف.
سلام يا سِرِّى.
++++++++++++++++++++++++
عملتو لينا شنو فى موضوع ودالمهدى وقدورة
وموسى عيسى وجلال عثمان؟؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
استلمت مساهمات الريس ميسرة
ابو ذر الباقر
الرشيد بابكر
والقطر قام
المساهمة فى علاج شاعر كبير زى الفيتورى شرف وواجب
الا ان التبليغ بالمساهمة , اوجب
* ايوة كنت حا انسى , استلمت مساهمة منصور عبد الرازق كمان
االأسم الأنجليزى لى رقم حسابى الفوق داك
MANSOUR ABDULRAZIG MOHAMED FADL
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
الشاعر الجميل الزقازيقي
والكسلاوي حسين شنغراي
جمال توتيل
كلمات: حسين شنقراي
ما بساوي النيل
قطرة من توتيل
ولا جنان إزمير
زي سواقي سبيل
شوفو نهر القاش
كم جميل بالليل
عليهو تحنو الدوح
زي حسان بتميل
لامن نجيب زكراو
تلقانا متنا عديل
----------
كم مره دق الباب
جانا شوق وأحضان
زغرد فرح دا الحوش
ودابت هوي الحيطان
وشال قلبنا الحب
وأصبح عشوق غرقان
دا الغريب إن زار
بيقول عليهو فيضان
----------
محال يا بلد أنساكا
ما طاف بالفكر هجرك
ولا خفق القلب لسواكا
سلامي مرسل ليكا
وسائل الفرح يغشاكا
أحبك إنتي يا كسلا
وكمان جبال التاكا
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
Quote: عملتو لينا شنو فى موضوع ودالمهدى وقدورة
وموسى عيسى وجلال عثمان؟؟؟ |
المدعو / جلال عثمان يوم الخميس الفات في زواج بنت عمه بالسفارة في الرياض
شاهده كل من أحمد إسماعيل وعبدالله بشير وصلاح السر
طبعا ود المهدي مسئولية مكتب الرئاسة بجدة
بالنسبة لقددورة وموسى عيسى وجلال عثمان مفروض نعمل اللجان الآتية
1- لجنة تقصي الحقائق برئاسة أبو قناية ولا أبو عصاية
2- لجنة السلام للتصافي والتعايش السلمي رئاسة موسى الراجل
3- لجنة لموجات الحر الصيفية والرطوبة البحرية برئاسة الريس
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
صبحكم الله بالخير
لي كم يوم و أنا أتساءل أين جلال عثمان...
كان في بالي الاتصال عليه أول أمس و أمس ثم انشغلت....
فالرجل غاب عنا منذ فترة ليست بالقصيرة...
أين أنت يا جلال..
ثم أين السهيلي...
غايب طويل جدا للسهيلي..
أين أنت يا سهيلي...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
صباح الخير ،،، يا وجوه الخير
حكمة اليوم :
قد نعتقد أن الـموت أعظم مصيبة في الحياة ..!
ولكن أعظم مصيبه
أن يموت الخوف من الله
و نحن على قيد الحياة !
صباحكم خير وملئ بمخافه الله
اللهم آتنا في الدنيا حسنة وفي الأخرة حسنة وقنا عذاب النار
================================
أزيدك يا الرشيد من الشعر بيت
جلال معذور وغير موجود في المواقع الألكترونية
ولكن نفتقد ناس آخرين وهم ثروة زقازيقية قيمه
أمثال ود المهدي وكمال الشادي وآخرين مندسين في المواقع الألكترونيةالأخرى
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
أنا شخصيا موجود ...
بسلم على ... ذاتي ...
وبقول ليها ابقي ... زورينا ...
صحيح المرة الفاتت جيتينا ..
بس لقيتي روحي طلعت من ... الحر
ولكن لا يمنع من تكرار المحاولة ...
عسي أن اكون موجود ...
=====================
عمر نملوز ...
انت في الجرية الاخيرة دي ...
دخلت بطريق الصبيان الصغار ليه ...
انا شايف الناس القدرك ... جرو طوالي على استقامة الطريق ..
انت دخلت يمين .. محل دخل الصبي الصغير .... ليه
صح عمرك لم يتعدي الــ 25 سنة ... بس تخطي الـــ 16 سنة
جادي ... عاوز اجابة ...
حتي من الرشيد ... مقبولة ...
لان رشا محلل رياض خطير ...
وخاصة في الصيف ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
Quote: جادي ... عاوز اجابة ...
حتي من الرشيد ... مقبولة ...
لان رشا محلل رياض خطير ...
وخاصة في الصيف ... |
يا ياسر مشتاقين ياخي...
شكلك كده الجماعة كلهم مشو اجازتهم السنوية و عصروك...
أما بخصوص نملوز يا ياسر...
يعني لو كنت مشيت بلجيكا زي منصور..
و لا ناوي تمشي بلجيكا زي كده...
كان عرفت ان الجماعة المشو طوالي ديل ماشين بروكسل...
و اللفو مع عمر ديل ماشين أوستند...
حسه كل الناس الفي البوست ديل بيكون عندهم نفس السؤال...لكن خجلانين يسألوا..
الا أنا و منصور...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: كان عرفت ان الجماعة المشو طوالي ديل ماشين بروكسل...
و اللفو مع عمر ديل ماشين أوستند...
حسه كل الناس الفي البوست ديل بيكون عندهم نفس السؤال...لكن خجلانين يسألوا..
الا أنا و منصور ... |
غايتو يا راشا ... تحليلك لو ما صاح ... برضو صاح ...
والصيف في وجودك حيكون ... تلج بس ......
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
Quote:
القصيدة مهداة لجلا وزهير . |
وانا ؟؟؟
يعنى عشان توتيل , تحتكروا الأهداءات زاتو
اول شى القصيدة دى منقولة من الفيس بوك
يعنى ما عندك شغلة بيها
تانيا ابوذر ده زاتو من الفيسبوكيين
يعنى لا بنسلم ليك عليهو ولا شيتين
بعدين شنقراى ده قال توتيل
وما جاب اى سيرة لا للفتيحاب , ولا لسقط لقط
جنس سلبطة ؟؟؟!!!
نجيلة
الزول ده المرة دى شايفو لابس شورت
معناتا الدنيا حر
فى اوستند دى يا ياسر وكت الحر
البيكون لابس شورت زى حق نملوز ده
باعتباره (متحجب)
يلاكا معاى ياخى , نتحجب معاهو
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عمر نملة)
|
Quote: فى اوستند دى يا ياسر وكت الحر
البيكون لابس شورت زى حق نملوز ده
باعتباره (متحجب)
يلاكا معاى ياخى , نتحجب معاهو |
.........
يا منص ...
الحجاب السنة دي خليناهو لـ ولدنا الرشيد .... انا بتحجب معاك السنة الجاية ان شاء الله ...
======================================
| Quote: وهي على الحدود الفرنسيه وطاهر عليهم انصار سنه وكان مقسم الي اربعه سباقات |
يا ابو الطيب ...
دخلنا الرابط ... وشفنا الصور كلها ..
يازول ديل فاتو السنة بهناك .... بكسر السين وليس ضمها .......
** السنة دي خلوني في صيف دبي ... وحجبات دبي ... ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عمر نملة)
|
صبحكم الله بالخير
قالت بنفسجة لجارتها
عطشت
وكان عبد الله يسقيني
فمن أخذ الشباب من الشباب
طلعت من الوادي
وفي الوادي تموت..
ونحن نكبر في السلاسل
طلعت من الوادي مفاجأة
وفي الوادي تموت على مراحل
محمود درويش
يا زنبقةَ الوقت
يا صحوَ العمر
ووهجَ الروح
ونبضَ فؤادي
يا بهجة كل الأيام
يا فرحة كلِّ الأعياد
ميلادُك يوم ولدتِ
ويوم عرفتكِ ميلادي
الشاعر اللبناني شريف أبراهيم
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
صبحكم الله بالخير
جايي أغنِّيها وأقول
طيبة زي قولة سلام
قاله تربالاً دغيش
لي مراكبيةً تجول
شاله كف الموج بشيش
لي بنياتاً بيردن
تمّن أزيار السبيل
ومدّن إيدن كورا .. كورا
رشرشن قلب الشتول
أدّن الطيّانة دورة
وشويمن تالا المدارس
خدَّرن كل الفصول
(محمد الحسن سالم حميد)
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
سلامات يا ناس
وصباحات التفاؤل
Quote:
وانا ؟؟؟
يعنى عشان توتيل , تحتكروا الأهداءات زاتو
اول شى القصيدة دى منقولة من الفيس بوك
يعنى ما عندك شغلة بيها
تانيا ابوذر ده زاتو من الفيسبوكيين
يعنى لا بنسلم ليك عليهو ولا شيتين
بعدين شنقراى ده قال توتيل
وما جاب اى سيرة لا للفتيحاب , ولا لسقط لقط
جنس سلبطة ؟؟؟!!!
|
يا لذيذ : يوم اهداءك جاى ما تستعجل...فى حاجة جديدة
لجلال الصحافة سنهديها اليك والى من لفّ لفّك.
تجى حلتنا وتزوغ بالزقاق؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
قد لا أكون متواجد معاكم بكره الخميس لانشغالي...
فغدا نخطط ان شاء الله لزيارة عمل لمدينة العين...
لكن قلبي معاكم...شفتو المكنه دي كيف...
لذلك و بما ان المداخلة بتاعتي سوف تحتجب ليوم غدا...
فأقترح عليكم الآتي...
الريس ميسرة يقول دعاء الصباح و واحد الساعة اتناشر...
الساعة تلاتة مداخله اجبارية من الريس مهما كانت الظروف....
الكوتش محمد صديق...مداخلة من غير طايوق و واحده بربع طايوق...
و واحدة كان بيقدر تكون بي نص طايوق...
ياسر نجيلة شايفو كابي الزوغه من حسه عشان كده مافي داعي لتكليفه...
منصور ده قال و العهده على الراوي قال هو بتاح حاره...
خلاص يوم بكره ده يوم حوبتك يا منص فلازم تجينا بمداخلة كاربة...
أما زهير مداخلة فاضية و التانية يسأل عن الكوتش...
أحمد اسماعيل لازم يرجع يوم الخميس ده بالتحديد..
موسى عيسى ده نحن رمينا طوبتو زمـــان..
من يوم ما بقى يمشي يتحاوم لي بي هناك مع المندسين..
جلا لو سمحت معنوياته بعد ما رفدوهو حسب ما كلموني ناس الفيسبوك...
يجي يورينا الحكاية شنو و يترافع عن نفسو...
أنا قدرت بقرأ ليكم في الموبايل...
و كان رجعت حرك و نشط بكتب ليكم باللون الأحمر ده...
| |
|
|
|
|
|
|
| |
ياسر نجيلة
ميسرة سيد أحمد
الرشيد بابكر
زهير الزناتي
محمد عيد
محمد صديق
أحمد إسماعيل
وليد عبد اللطيف
طارق جبريل
عمر نملة
محمد آدم النور
منصور عبد الرازق
فيس بوك
تويتر
انستقرام
يوتيوب
بنتيريست