|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: ناس الزقازيق ... أجدع ناس (4) .. (Re: زهير الزناتي)
|
| Quote: الف كفارة لبتنا خالدة قسم الباري إنشاء الله أجر وعافية .... |
ألف كفارة ...
لولدنا الخلوق الرجل الانسان .... الكوتش .... الكمندان .... محمد صديق ...
وتمنياتنا بالشقاء العاجل .... أيضا
لبتنا ... الكريمة ....
خالدة قسم البارئ ...
تسلمو من كل شر ...
============================
ياودالزناتي ....
نادر فاروق ... غلطان ...
ماعندك بيت لا في الدنيا لافي الآخرة ...
مش عشان شيوعيتك الكافرة ...
عشان غتاتتك .... المفرطة ......
والدليل ماذكرته أعلاه ...
| |
 
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
حمد لله بالسلامة يا كوتش
و كفارة للأخت خالدة
غايتو البوست لمن مداخلاتو تزيد من الكم كدا ما عارف
يصبح الدخول إليه أشبه بالمعافرة في بيت الإيجار
لي أكتر من يومين بعافر عشان أخش
لقيت المسألة صعبة
بالله من إتقلبت لقيتها ليك باسطة
إنعل أبو الجمكسين
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
اها , الأمساك ده , باقى ليكم من الحنة والكرعين , ولا من سلطة الأسود
الحرقان عرفنا
الأمساك لزومو شنو يا جماعة ؟؟
ايفرتون شعلل ليكم الدورى الأنجليزى تانى
مباراة من تلك التى تسمى دراماتيكية
من واحد صفر لأيفرتون فى بداية الشوط الأول
لتعادل فى ما بين الشوطين
ثم اكتساح احمر خلال خمسة وتلاتين دقيقة من الشوط الأول , لغاية ما النتيجة بقت اربعة اتنين
السير نام ليك فى العسل
ولكن الدورى الأنجليزى , تدقس فيه , تلاقى نفسك فى الباى باى
حصلت الأسبوع الفات لأرسنال من ويجان
وقلب زرق ايفرتون النتيجة الى تعادل رباعى فى ظرف خمسة دقائق
انقسمت مانشستر الى نصفين
وديفيد مويس ومروان فلاتى والزول اب شعر بتاع جنوب افريقيا داك
اكلوها للسير ومعاهم احمد ولدى نااااااشفة , بعد ما ابوها لينة وطرية
الأثنين القادم ما نشستر وما نشستر
الفرق بينهم تلاتة نقاط , ومعدل تهديفى فى مصلحة السيتنز
ومعالم هزيمة الذهاب السداسية التاريخية , تلقى بظلالها على لقاء بحجم بطولة وحصاد سنة
صراع المركزين التالت والرابع , مستعر ايضا بين ارسنال ونيوكاسل وتشيلسى وتوتنهام
والصراع على الهبوط بعد ان تأكد هبوط الوولفز
على اشده ايضا بين بلاكبيرن روفرز , وبولتون , وويجان والكيو بى آر على درجة اقل
دورى , انما دورى
الليلة الهلالين فى كادوقلى عصرا
والسبوع الجاى , ماااااااااااااااااااااااااااذنبى
يا لهوى , حالة اخير منها الحنة ولا الأمساك ما عارف
امساك شنو يا طارق دى طه القرشى عدييييييل
| |
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
انت يا ياسر أبو غتاتة ده لسه ما رحلوه...
يا كوتش شنو نسأل منك و تشكر في الجميع...
منو السأل منك غيري أنا و منصور...
قول أشكر منصور و الرشيد على السؤال...
دي ذكرتني النكته بتاعت المره الزعلانه من زوجها و اسمو ابراهيم...
في التشهد قعدت تقول اللهم صلي على سيدنا محمد و على آل محمد...
كما صليت على ناس كده و على آل ناس كده....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: دي ذكرتني النكته بتاعت المره الزعلانه من زوجها و اسمو ابراهيم...
في التشهد قعدت تقول اللهم صلي على سيدنا محمد و على آل محمد...
كما صليت على ناس كده و على آل ناس كده.... |
10 على 10 ..............................
=================================
ابو غتاتة ده خليهو ....
يوم حيبلع افكارو .... وبتسمـــــم.... ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
صبحكم الله بالخير
يا نجيلة كاريكايترات ظريفة...
كعادتك تشيع البسمة كل صباح...
جعل الله كل أيامك سعيدة...
الحبر الذي سكب على هجليج احتلالا و استردادا...
لو سكب ربعة في الدعوة للخير و اعلاء قيم المحبة و الاخاء و السلام...
لأصبح السودان شماله و جنوبه دولة افلاطونية..أو قل دولتان افلاطونيتان...
الليلة البارشا و تشيلسي...
أنا ما عندي مصلحة في الكورة دي غير انها توفر لي المتعة...
ما عارف أتعاطف مع مهند أشجع البارشا...
و لا أتعاطف مع الريال وأشجع تشيلسي..
شنو الدخل الريال هنا...
لأني أعتقد ان برشلونة لا تلدغ من الريال مرتين...
حيرتني والله الكرش دي...
ان تمنع عنها الأكل تكبر و ان تتركها تكبر أكتر...
أجبرتني أحول من الأحذية البي رباط للأحذية الكشف...
الله يستر من مرحلة الشباشب...
و الجلاليب...
و الكرفتات العريضة..خاصة الصفراء و الدهبية منها...
نشكر الكوتش محمد صديق على شكره لنا...
و الشكر موصول لأبي غتاتة...
و جار اللواء...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
سلامات يا ناس
وصباحات التفاؤل
إهداء صباحى :
البكاء في هامش القصيده
كل يوم في الصباح
أرتدي حزني قميصاً
وحذائي شارعاً لا ينتظر
ومجاعاتي التي تسرق من عطر المطاعم
كان لي بيت
وأمرأة وعصفورٌ جريح
كان لي يوماً وظيفة
أشتري منها وطن
غير أني
لم أجدها
لم أجدها
لم تجدني
حينما قابلتها
دخلت إلى ظلي
وقالت: هيت لك!
لم أكن أقوي على فعل الخطيئة
كان نجم الليل يغرق في الرمال
وسمائي لم تكن تعرف عنوان القمر
ويدي تعبث في خبز الكلام
وأنا أطرد عن جلدي ظهري
لم تكن أمي بقربي
غادرت أمي جحيم الأرض
حتي لا ترانيّ أحترق
غادرت صوتي لتتركني أغني للبكاء
وأنادي لعيال الصمت حتى لا يناموا
فأنا أعرف أن الصمت يمتلك الحقيقة
وأنا أعرف أن الصمت لغة المتعبين
قلت للطفل الذي يخشي الظلام:
خذ منامك في يديك
ثم أغمض جفنُ أسرارك
حتى لا تطاردك الظلال
قلت للبنت التي تنظر في وجهي مليّا:
من أنا؟
كانت تطارد وجهها حتي تراني
لا تراني
نحن كنا قاب قوسين من الموت وأدني
نحن كنا داخل الجُبِّ المغطي
بترانيم الدموع
لم أقل لله إلا:
ياالهي
دثِّر الوطن من الحمي
وزملني
وامنحني يدي
كي لا تطاردني خطاي
"2009"
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
سلامات يا ناس
حيكون وضح ليكم انى ما شفت الصفحة 66
عشان كده خشيت ضفارى وبينى وبينكم احترت
قلت الناس ديل من امس مافى زول جا ليه...
القصيدة المهداة فى المداخلة السابقة لصديقنا
الجميل : محمد نجيب محمد على(وللاستزادة يمكن
الدخول الى (ولمن فاتهم الاستماع).
Quote: يا كوتش شنو نسأل منك و تشكر في الجميع...
منو السأل منك غيري أنا و منصور...
|
والله يا حبيب قلت ابعد من التخصيص خوف ال ......
على طريقتك ذكرتنى نكتة الزول الكان جارى وسألوه
فى شنو يا زول ؟فى حاجة؟ قال ما عارف قالوا ليه
طيب جارى ليه؟ قال ليهم :يمكن يكون فى حاجة.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
Quote: على طريقتك ذكرتنى نكتة الزول الكان جارى وسألوه
فى شنو يا زول ؟فى حاجة؟ قال ما عارف قالوا ليه
طيب جارى ليه؟ قال ليهم :يمكن يكون فى حاجة |
لكن يا كوتش انت ما ناسي حاجه هنا...
مش نسيت تقول دي المره ال514...
لكن برضو ضحكت و من أعماقي...
عشان تعرف اننا قاعدين على الهبشة...
واحد صاحبي قاعد معاي اختلط عليهو الأمر...
قال لي دي مش الهبشة التي قصمت ظهر البعير...
قلت ليهو ما مشيت بعيد...
لكن ديك القشة...
الاتنين خفاف...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
دعاء الصبح جليتوهو يا جماعة و لا شنو
بت الشيخ و عيالها في كسلا
سألت البت الكبيرة
قلت ليها: ليه ما بتضربي تلفون و تسألي مني؟؟؟
قالت: و الله ما فاضية عشان عندي درس
قلت ليها: كيف يعني ما فاضية
قالت: ما نحن قاعدين نراجع الدروس و هس زاتو ماشين ناكل و ما فاضين
قلت ليها: خلاص أديني أمي
قالت: ماما عند ناس حبوبتي التانية
قلت ليها:أديني أمي أنا
قالت : طيب ما تقول حبوبة
بعد السلام مع الوالدة قلت ليها أديني إنتصار
قلت ليها: ياخ إنتي مش صحبتي!! ما قاعدة تضربي لي تلفون ليه؟؟؟؟
قالت أنا زاتي ما عندي تلفون
قلت ليها: طيب ما تشيلي من عماتك!!!
إنت ذاتك لمن قاعد تسافر ما قاعد تضرب لينا وزاتو زمن الدرس جا مع السلامة
قلت الحمد لله ما إتلمت مع عمر
خايف يقول لي إنت ذاتك منو!!!!
كدا بكون مغلوب 5/صفر
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: والاسبوع الجاى , ماااااااااااااااااااااااااااذنبى
|
| Quote: كدا بكون مغلوب 5/صفر |
انا زاتي المداخلات .. الشترا ... ماقاعد ادورا .... يا منص .... وجلا ....
==================================
بإذن الله البرشا ... متأهل 3 / 1 ... وحيلاقي الريال .......
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
شكراً يا ريس على الإهداء
يا رش
الفهم قسم ياااخ
عيالي طلعو قطيمين خلاص
ما عارف طالعين لي منو؟؟؟؟
لكن برضو أهديهم مقطع لأحمد مطر
و أقول ليهم
لا تهاجر
كل ما حولك غادر
لا تدع نفسك تدري بنواياك الدفينة
وعلى نفسك من نفسك حاذر
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
القصيدة جميلة يا كوتش بتعبر عن الكوتش الحقيقي الإنسان والله كنت متخيلك تهدي لي القصيدة دي ما عارف ليه
لكن عشمي طلع علي فشوش ... لكن برضو انا ونجيب ما فرق كبير كلنا حلب ... غايتو القصيدة دي بتشفع ليك انه نقول ليك كفارة وسلامتك ...
بس كورة أمبارح دي ما عارف الواحد يقول فيها شنو ... غايتو البركة في قون مهند الطاهر ... ياخي الولد ده موهوب ...
طرح المدافع والحارس وجمعهم ... والناتج كان هدف جميل ... غايتو يا مريخاب لو طلعتوا من مازيمبي ده باقل الخسائر
مفروض تمشوا الحج السنة دي .... فريقكم الشايفه انا ده غايتو الله يكون عونكم .... اجمل ما قرأت في الفترة الماضية
عمود لمجذوب حميدة في الصحافة ... قال المريخ افضل من مازيمبي ومافي مقارنة ... الما مصدق نجيب ليهو العمود
بضبانته ....
اها ولدكم الرشيد ده ما يعمل ليكم فيها برئ ... يمين حايم الفيس بوك بكراع ###### ... الا جات بت الشيخ ادته هرشه ...
يا نجيلة الأسم الكاتبه في الموبايل لبت الشيخ ما في داعي اقوله عشان ما اعمل ليكم فتنة ... وأجيب لروحي هواء ...
الغريبة هي كاتبة زهير الزناتي .... انا أصلا ما كتبت أبتهاج نهائي ...
اما بخصوص المدعو جلا ده كرهنا ... نمشي الفيس نلاقهو نجي هنا نلاقهو ... الله يجيبك يا موسي عيسي ...
ياخي إنتصار دي الظاهر حا تشيل لينا حقوقنا من المدعو .... بالمناسبة أولاد الزمن ده كلهم كده ...
والله أنا ميار لمن تقلب لي عينها كده وتقول لي بابا بتشديد البا وجرها طويلة براحة بضاير ....
حليلك عمك الزناتي لمن يقول يا بت بنات البيت كلهم يجوا بأمهم ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
Quote: اها ولدكم الرشيد ده ما يعمل ليكم فيها برئ ... يمين حايم الفيس بوك بكراع ###### ... الا جات بت الشيخ ادته هرشه ...
|
يا أبو الزوز جيت يومين كده أختبر لياقتي...
لقيت نفسي ما قادر على الايقاع السريع بتاعكم ده...
لقيت نفسي ياخي شغال زي العرضحالجي..من بوست لي بوست..
و بقى يا أشتغل يا أقعد أتابع الفيس بوك...
ده طبعا بالاضافة للهرشة بتاعت بت الشيخ...
قالت لي خليني تاني أشوفك في الفيس بوك...و بس..
ما تمتها...قلبت الموضوع في دماغي...
قلت لي نفسي أحسن أعمل انسحاب تكتيكي..
مع العواقب الما معروف طبيعتها و مداها دي...
و بس...
يا غتيت..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: يا نجيلة الأسم الكاتبه في الموبايل لبت الشيخ ما في داعي اقوله عشان ما اعمل ليكم فتنة ... وأجيب لروحي هواء ...
الغريبة هي كاتبة زهير الزناتي .... انا أصلا ما كتبت أبتهاج نهائي ... |
ولو تصدق يازهير ...
انا اسم بت الشيخ كاتبو ....
Rasha
كده حاف ...
والجميل في الامر ... تلفون البيت كاتبو ...
Rasha Home ...
والمغالطني يجي ...يشوف
والذ حاجة هواتف ازواج اخواتي او خالاتي او عماتي بعرفهم باسم بت الشيخ
مثلا ...
عاطف مني ... عاصم اميمة ... بكري اميرة ... بكري رحاب ... وهكذا ...
ويكون العكس بخصوص زوجات اخواني وخيلاني ...
شذا خالد ... واميمة حاتم ... ومها على ... وهكذا ...
=====================
لعيبة المريخ امس وصوهم ضد اهلي مدني
يعملو حسابهم ... مايلعبو شديد
عشان ما يتعوقو ...
خلو المجهود .... واللعب القوي ... لي قدام ...
هدف مهند الطاهر ... روعة
ينم عن موهبة فردية عالية ...
بس نادر ما نشوفها في الملعب ...
==========================
جلا ... ياخوي ... الوداك تهابش مع العيال شنو
اولادك لما يمشو اجازة لحبوباتم ...
اضرب للحبوبات ... واسألم عن الاولاد بي امهم ...
اسأل مجرب ... وبلاش احراج
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
جية الكوتش اسعدتنا
وكاركيتيرات نجيلة ضحكتنا
واسامى الجكس فى الموبايل دايروكتوريس , ابهجتنا
وهرشة البت ميار والبت انتصار للعاملين فيها اسود الغابة ديل , كيفتنا
(الراجل يجى يقول لى هرشة لى هرشة ما دخلت مع الهرشات هرشة نجاة حوفى للود الرشيد لى شنو ؟؟)
وقصيدة محمد نجيب محمد على , عجبتنا
بس صفحتكم دى ما فيها حنة لى شنو ؟؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
كان عندي كلام كتير عايز أقولو بخصوص اسم ست بيتي في موبايلي...
و اسمي في موبايلها...
لكن مع زحمة الشغل نسيت أنا عايز أكتب شنو..
المهم...
أنا مسجل ست بيتي في موبايلي ست البنات و معاها صورتها كمان...
و هي مسجلاني عشاء البايتات...
كان ما قسمت معاكم المكنة دي كلموني عشان أعمل تصحيح طفيف...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
ازيكم ياخي
وعفيت من انتصار بتنا
ويا جورج ما تشوف شر
ورشا بيكون شاف الحنة بهناك وكبة الزوغة
ما بين البركل والخرطوم حكاوي من زمن جميل
(1)
أتى والدي إلى الخرطوم في خمسينيات القرن الماضي، بعد أن قادته الظروف للعمل سائقا في مصر والزقازيق تحديدا..
حتى أن رخصة السياقة الأولى التي حصل عليها كانت من الزقازيق وتم تكريمه من قبل شرطة المرور لكونه لم يرتكب مخالفة طلية 40 عاما..
فبعد أن أكمل دراسته في «الكتاب» بمدرسة مروي طلب منه ناظر المدرسة أن يخبر عائلته بأنه سوف يواصل دراسته
في كلية غردون حينها بناء على طلب حكومة المستعمر الانجليزي آنذاك، فحسب روايته أنهم كانوا خمسة من أبناء المنطقة
تم قبولهم بكلية غردون وأن مأمورا عسكريا سيأتي ليأخذهم إلى الخرطوم ويتم إجراءات قبولهم بكلية غردون..
كانت «حبوبتي» نفيسي بت بغداد إمرأة ذئعة الصيت في منطقة البركل.. وكان يُحسب لها ألف حساب ويهاب الكثيرون صلاتة لسانها..
أقسمت حينها أنها لن تترك ابنها ليذهب إلى الخرطوم خوفا من أن يُصبح «باطــــــلا» وحذرت جدي وأعمام أبي من أن يرضخوا للأمر..
وهكذا فوتت عليه فرصة أن يكمل تعليمه ويواصل مشوار بدأه وهو يستظهر دروسه وهو على الساقية
يتابع سقي حيضان القمح والفول والبرسيم وعلى ضوء نار جريد النخل وبعض من ومضات ضوء القمر المتسرب بين مسامات غابات النخيل
قال أنه حفظ جدول الضرب في ليلة واحدة وعندما سُأل لماذا: وددت ضرب جرس المدرسة، فكان له ذلك إلى أن أكمل «الكتاب»
تركت هذه الحادثة أثرا كبيرا في نفسه لذا قرر الرحيل شمالا إلى مصر حيث أخويه محمد وإدريس لهما الرحمة كانا يعملان في الهجانة..
استقر في بادئ الأمر في منطقة عين شمس ثم قادته الظروف إلى الزقازيق ليتعلم السياقة ويعمل بها...
ما لبث أن مل الحياة هناك ورجع إلى قريته الوادعة «شبا» يعمل في نقل البضائع بين مروي ودنقلا في صحراء ممتدة تئن على حصاها «لساتك» اللواري..
وبحكم توتره ذاك وملله المستمر اتجه هذه المرة شرقا إلى بورتسودان حيث شقيقه الكبير وداعة رحمه الله، لكنه لم يستمر طويلا ودلف عائدا إلى «شبا»
كانت رقعة الأرض بالكاد تكفي البيت الكبير هناك لذا كان عليه التفكير في ملاذ آخر... وكان أن قرر الحضور إلى الخرطوم..
محطة أخرى ربما تكون أرحب من سابقاتها، أو ربما تكون معبرا لجهة أخرى يكثر فيها الرزق..
كان أبناء «شبا» يفضلون المنطقة الممتدة من الديم والسجانة حتى الرميلة والشجرة.. فكان أن راقته منطقة السجانة، فاكترى منزلا من «الجالوص»
وعمل سائقا للتاكسي ثم قرر استقدام أسرته إلى الخرطوم حتى يحقق ما عجز عن تحقيقه هو: التعليم ثم التعليم... لأنه ببساطة كان المنفذ الوحيد لأبناء الفقراء..
فكان أن حضرت الأسرة الصغيرة وحملت معها جميع مكوناتها الثقافية والمعيشية إلى الخرطوم، عاشوا في الخرطوم كأنهم في «شبا»
راحت الأسرة تكبر وتتمدد وأتى الاعمام محمد وحسن ومجوب وإدريس وأبناء عمومتهم وخيلانهم... وأخذت السجانة تتحول إلى صورة مصغرة من «شبا»
وكان قطر كريمة هو صلة الوصل بين «شبا» السجانة و«شبا» البركل ينقل الرسائل وطرود البلح والمنقة والفول والسكر والشاي والمصاريف..
فكان وصول قطر كريمة مناسبة لتجمع «السناجك» لاستقبال الأحباب ورسائل وما لذ وطاب من خيرات الأرض هناك..
حاول هؤلاء «السناجك» أن يخلقوا أجواء قراهم تلك داخل الخرطوم.. فكانت البيوت تعج بـ«السعية» من غنم و«جداد» وحمام..
حين قامت الدولة بتطوير الخطة السكنية وخططت منطقة الامتداد، حاول الجميع جاهدا في الحصول على قطعة أرض هناك..
وكان نصيب والدنا القطعة رقم 128 مربع 3 والتي كلفته 35 جنيها استدان معظمها ثم بدأ البناء بتسوير الحوش بـ«الجالوص»
وحين اكتمل اليسر القليل من البناء انتقلت الأسرة إلى الامتداد وبدأت مسيرة طويلة لحياة كانت في المجمل بديعة..
وكان أن وُلدت أنا كأول الأبناء الامتداديين..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
سلامات يا ناس
يا منصور تحياتى ( ده تخصيص)
ما عارف انتو ليه بتكتبوا اسماء
بنات الشيخ؟ الرقم براهو ما كفاية؟
ولايخفى على فطنة القارىء انو دى طريقة
مجربة لواحد صاحبنا(إحدى اماراته انو اغترب مؤخرا)
ملحوظة: ما قاصد زهير.
Quote: فكان أن راقته منطقة السجانة، فاكترى منزلا من «الجالوص»
|
وقفت عند الحكاية طويلا ...وقريتا مرتين....فى حاجات كتيرة لسيرة
اجتهاد ومثابرة...
خارج النص: لجبريلة ....المقتبسة اعلاه عجبتنى جدا من ناحية تعبير
واستخدام مفردة معينة....اقترح عليك اضافة (وابتاع هنداماجديدا)
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
سلامات يا ناس
سؤال :
وين احمد اسماعيل
وين موسى عيسى؟؟؟
ووين حاتم جبارة
| Quote: يا جورج ياخي نحن ناس جربندية كتابة ساكت ما زيكم انت ومنص ورشا فطاحلة حكي |
يعمنا بلاش تتضارى فينا ...نحن جنس الوِصّيف البتوصفو ده بنقدر عليه؟؟
أولا تُحب الهندام يا فتى؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
ازيك يا جورج
(2)
كانت الحياة بين الرميلة والسجانة مليئة بمرارات الفقر والضنك وصلابة الطموح..
معظم من أتوا إلى الخرطوم من تلك البقاع كانوا فلاحين بسطاء أبناء فلاحين..
تلك كانت حِرفة الجدود المتوارثة منذ القدم... لذا حين ضاقت رقعة الأرض المزروعة
هناك بحكم التوارث والامتداد العائلي.. طفق الأبناء وأبناء الأبناء في الهجرة بعيدا
عن بيئة كانوا منغمسين فيها بكل حيواتها.. لذا أتوا إلى المدن المستقبلة لتلك الهجرة
بدون حِرَفٍ تُذكر.. فاتجه معظمهم إلى تعلم السياقة ليصبحوا «تكاسة» أو عمال
في المصانع أو السكة حديد ومن أسعفته الظروف أصبح «عطشقيا»...
ومع توالي الهجرات أصبحت الخرطوم عبارة مجموعات هنا وهناك بحكم القرابة
ومعرفة القرى والمداشر المنتشرة على ضفتي النيل كحبات الذرة الشامي في قندول
«قضم» أحدهم الكثير من حباته..
انتقلت الأسرة من بيت الإيجار في حي الرميلة، كالكثيرين في ذلك العهد، إلى الامتداد
ساهمت «القرعة» في أن تختلف بيوت أعمامي من مربع إلى آخر داخل الامتداد
لذا وجدنا أنفسنا وقد تفرقت عوائلنا بين المربعات.. كان هذا إيذانا بالخروج من
قوقعة العائلة الممتدة إلى محاولة خلق علائق جديدة في محيط جديد كليا...
وساهم هذا الانتقال بشكل كبير في انصهار اعراق مختلفة
من الشمال والشرق والغرب والجنوب في بوتقة الامتداد «ذلك الحي المتفرد»..
هذا الرحيل خلق لنا مجتمعا جديدا وحميميا.. فهذا عم عبد الله على يميننا من
دنقلا وذاك عم محمد صالح من نوري على يسارنا.. ثم عم هجو من سقادي
وعم الخواض من شندي وعم قوقرة من واو وعم خميس من نيالا...
بدأت ملامح مجتمع جديد تتكون في الامتداد وذابت مناطق الانتماء داخل مجتمع
جديد متساكن من فقراء القرى المختلفة للسودان...
اضطر أخواني الكبار لمواصلة تعليمهم في السجانة بحكم تواجد المدارس هناك
وكان والدي عليه رحمة الله صارما جدا في هذه النقطة: الما عايز يقرأ يكلمني
أخته تحت لساتك القندران وأضرضر فوقه الرملة..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
Quote: هذه المقدمة للاستاذعبدالقد وس الخاتم...لديوان
دم العاصفة للشاعر محمد نجيب محمد على |
أنا طبعا بالنسبة لي هذا كلاكيت عاشر مرة يا كوتش...
لكنها تستحق ذلك فلقد أحسن الأستاذ عبد القدوس التقديم للديوان...
مثلما أن نجيب يستحق أن يقدم له بمثل هكذا مقدمات...
نستمتع بما تقدمه لنا من أطباق شهية في واحتك الوارفة ولمن فاتهم الاستماع....
شكرا يا كوتش...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
صبحكم الله بالخير
| Quote: وكان أن وُلدت أنا كأول الأبناء الامتداديين.. |
و أنا أقول يا ربي الجنا ده اتعلم السكسكه و هز الكتافين ده وين...
أتاريك امتداداوي ماك شباوي...
الله مرقك سااااكت بقيت امتداداوي اتعلمت الحكحكة و المسوح...
كان تكون الليلي شقوق رجلينك يدخل فيها الضب...
| Quote: لذا وجدنا أنفسنا وقد تفرقت عوائلنا بين المربعات.. |
دي على وزن تفرق دمه بين القبائل..عليك الله أنا ما ختير في السيرة...
ما أخير ليكم عاد من قندول عيش الريف (المقضوم)...
غايتو عندك جنس نضم...
قضم دي أنا كنت قايله جضم و انت كاتبه باللهجة المصرية...
Quote: كان هذا إيذانا بالخروج من
قوقعة العائلة الممتدة إلى محاولة خلق علائق جديدة في محيط جديد كليا
|
تقوم عاد تمرقه في المحيط الأطلسي...
الديوم القريبة ما خروج من القوقعة..
و لا عشان فيها محمد المرتضى يعني...
Quote: الما عايز يقرأ يكلمني
أخته تحت لساتك القندران وأضرضر فوقه الرملة..
|
و أنا أقول الجنا ده خلاقه...
و لا قبل كده عضامو ديل هارسم قندران...
و الغبشه الفيك دي ما ياها ضرضرة الرمله...
مستمتعين يا جبريلا....
واصل امتاعنا متعك الله...
و أٍمع كلام ديدو...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
الليلة البوست بقى زي مجلة العربي...
الواحد يخجل يتكلم فيهو عن الكورة...
نتكلم عن الكورة تقوموا تطلعونا ما مثقفين كمان...
عشان كده بديت بي مداخلة الكوتش...
و عملت ليكم تحليل و دراسة نقدية لمداخلة جبريلا..
و استخدمت فيها لغة عالية من نوع الشقوق و الضب ..الخ..الخ
عشان يكون عداني العيب و أثبت ثقافتي مع المثقفين...
و بعدين أجي لي الكورة بتاعت الرجرجة و الدهماء دي...
و أقول ليكم انتو دي ماتيو مدرب تشلسي ده عبقري و لا محظوظ...
و لا الاتنين معا..يعني عبقري و محظوظ...
أنا أفتكر كل المدربين الآن أصبحوا يستنسخوا خطط مورينهو عندما يواجهون برشلونة...
دي ماتيو ده طبعا كان لاعب ممتاز و لعب لتشيلسي...
لكنه نجح و بامتياز أن يعمل عمره و بسرعة لهكر تشيلسي...
دروجبا الذي كان على قائمة الانتقالات أصبح طوربيد يشق الدفاعات بسرعة وسهولة..
توريس الذي لم يسجل منذ ما يزيد عن الأربعة أشهر..سجل أجمل و أهم هدف في تاريخه الكروي...
جون أوبي ميكيل النيجيري أعيد اكتشافه مرة أخرى و نفض الغبار عن لامبارد...
يعني باختصار أعاد الحياة الى الفريق...
أنا سعيد و حزين لخروج برشلونة من المنافسة...
سعيد لأن فرق أخرى غير ريال مدريدأصبحت تستطيع هزيمة برشلونة...
سعيد لأنني لا أريد للمباراة النهائية أن تكون من طرف واحد...
طرف مهاجم و هو برشلونة و طرف مدافع و هو أي فريق سوف يواجه برشلونة...
سعيد لأنني أعتقد ان الريال اذا تخطى بايرن اليوم قادر على الفوز بالبطولة...
حزين لأن ميسي لن يكون في المباراة النهائية...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
يا كوتش والله نجيب ده زول مظلوم حقيقي ... كلامعبد القدوس الخاتم ده جزء من رد المظالم ... حقيقي هو من أشعر شعراء جيله ... أذكر في تلك الليلة الشعرية التي أقمناها في نادي الكشافة كان نجمها الأول رغم وجود سعد الدين ، التجاني ، أيمان ، مختار ... إلا انه نجيب كان فارسها الأول ومن سرق آذان الناس وإهتمامهم ، هنالك شئ خطأ في بلادنا حيث تسود المؤخرات ، وتنزوي المقدمات ...
طارق جبريل ده مشتت جهوده في المنابر وفي الفارغة لو ختا الرحمن في قلبه وبدأ يحكي بتركيز أكيد حا يطلع حاجات أجمل من كده ، ونسي شوية نقشات الحنة دي ، حا يكون حكاواتي خطير ، حرام أن تشتت هذه الموهبة بين المنابر كما تشتت الأسرة الكبيرة بين المربعات ، أحكي يا جبريل بتفصيل وتروي فأنت تؤرخ لمنطقتين لهما دور في تاريخ السودان الحديث وأنظر لساسة الصف الأول في كل الأحزاب ستجد معظمهم ينحدر أصلاً من منطقة الشايقية ثم منطقة الخرطوم جنوب ... مثل علي عثمان وكمال عبيد (كمال حقنة) وغيرهم .....
يا نجيلة تعارف في السودان علي أن الناس ينادوا أولاد بناتهم بأسماء أمهاتهم وده تقدير كبير للبت في المجتمع السوداني ، وأكيد أنك تسمي أزواج أخواتك بأسمائهن فهذا إحتفاء بهن وتقدير لا حدود له ... بس أنا كاتب شنو في الموبايل يسمكم ما حا تعرفوا ياخي يمكن الواحد قاعد يخجل مش برضو ممكن ... لكن في كل التلفونات بيكون رقم الأتصال السريع الأول (2) لو علمنا أن الرقم واحد دائماً محجوز للبريد الصوتي ... يعني تدوس علي أثنين وتدخل في مكالمة عاطفية علي طول ... يعني ممكن نقول الرقم مسجل بأثنين بس عشان ما تزعلوا ...
ويا رشا عجبتني حكاية ست البنات وعشا البايتات ... رغم انه الواحد كان متوقع ألقاب أكثر عصرنة مثل حبيبة القلب ... بهجة حياتي وما اليه , أوعي واحد يقول دي الأسماء الكودية بتاعتي ...
يا منص الأيام دي ما براك ، شنو ياخي طارق جبريل ده نحوش فيهو من الحنة وأنت كل مرة لاكزه لينا تاني ... يا ربي منصور ده يكون جن زي ما قالت عفاف لطارق جبريل ... غايتو سمعنا الزول لمن يصل مرحلة الفيفتي سنت بتكون في تغيرات سيكولوجية خطيرة اللهم حولينا ما علينا ... ومحمد معانا ما تغشانا ... وقبلكم براكم يا ناس البوست وشكلها المسألة ماشة عليكم بالدور ، الله يورينا خرف ميسرة ومحمد صديق عاجلاً وليس آجلاً ... غايتو بيكون خرف رايق ولذيذ وسفن أب ... بالمناسبة وين ميسرة يا ناس جدة ...
موسي عيسي ده قلن ليكم ما تسألوا منو انتو مالكم ثقيلين كده ... كدي شوفوا اول حاجة احمد اسماعيل وين ... موسي عيسي بنجيبه ليكم ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
صباح الخير ،،، يا وجوه الخير
دعاء اليوم :
اللهم إني أستغفرك
من كل ذنب
يورث النسيان لذكر
++++++++++++++++++++++++++++
Quote: انقـش الحروف يا جبريلا و خليك من الحنة ....
ما انت كويس اااااهو .... |
صدقت يا النضيف الولد ده خطير لمن يكتب بمزاج
ينقش ليك الحروف بشكل إبداعي أحسن من آمونا أم حِني
وآمونا هذه كانت أشهر مشاطة وحنانة لمن كنا صغار
نسمع هذا اٌلإسم ، يا ربي ما تكون زارت ناس (شبا)
يا جبرالله أنقش أرسم أمسح أكسح قشو بس لازم تجيبوا حي
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
Quote: قال تعالى : { وبشر الصابرين الذين إذا أصابتهم مصيبة قالوا إنا لله وإنا إليه راجعون أولئك عليهم صلوات من ربهم ورحمة وأولئك هم المهتدون } .
توفي الى رحمة مولاه الحبيب العم محمد اسماعيل النور وكيل ناظر البني هلبة ووكيل الامام وعضو برلماني سابق ووالد كل من الفريق صديق محمد اسماعيل الامين العام السابق لحزب الامة والحبيب عبد الرحمن الصادق عضو الهيئة المركزية لفرعية الرياض والحبيب ادم الهلباوي والحبيب احمد محمد والحبيب حامد محمد والحبيب محمود محمد والحبيب الدكتور زكي محمد والحبيب الفاضل محمد
تقبله الله قبولا حسنا واسكنه فسيح جناته مع الانبياء والشهداء والصالحين
التعازي الحارة لكل انصار الله ولافراد اسرته الكريمة
انا لله وانا اليه راجعون |
خالص العزاء للصديق أحمد إسماعيل (أبو عمر) للفقيد الرحمة والمغفرة وصادق العزاء لكل الأسرة ..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
خالص العزاء للأخ الحبيب أحمد اسماعيل و لجميع أفراد الأسرة...
اللهم اغفر له وارحمه
وأدخله الجنة بغير حساب
اللهم اجعله مع النبين والصديقين والشهداء
اللهم اعف عنه الزلل
اللهم أكرمه يا كريم
اللهم أكرم نزله
ووسع مدخله
واغسله بالماء والثلج والبرد
اللهم جازه بالحسنات إحسانا
وبالسيئات عفوا وغفرانا
اللهم أبدله دارا خيرا من داره وأهلا خيرا من أهله
إنك جواد كريم غفور رحيم
أخي أحمد..
عليكم بالصبر والدعاء له فقد ثبت في الحديث الصحيح : إذا مات ابن آدم انقطع عمله إلا من ثلاث :
صدقة جارية او علم ينتفع به أو ولد صالح يدعو له
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
انا لله و انا اليه راجعون
صادق التعازى و المواساة للاخ احمد اسماعيل فى وفاة والــــــــده
كان لى شرف اللقاء بالوالد عمنا محمد اسماعيل بمنزلى فى جدة
فى ايام عيد الفطر الماضى عندما زارنى الاخ احمد محمد اسماعيل
برفقه والديه و ابنائه ....
آللهم أرحمه وأسكنه فسيح جناتك
آللهم باعد بينه وبين خطاياه كما باعدت بين المشرق والمغرب
اللهم نقه من الخطايا والذنوب كما ينقى الثوب الأبيض من الدنس
اللهم اغسله بالثلج والماء والبرد
اللهم أبدله داراً خيراً من داره وأهلاً خيراً من أهله
اللهم اجمعنا وإياه في مستقر رحمتك
اللهم انا نسالك بأسمك الاعظم ان توسع مدخله
اللهم آنس في القبر وحشته
اللهم ثبته عند السؤال
اللهم لقنه حجته
اللهم باعد القبر عن جنباته
اللهم اكفه فتنة القبر
اللهم اكفه ضمة القبر
اللهم اجعل قبره روضة من رياض الجنة ولا تجعله حفرة من حفر النار
اللهم إن كان محسنًا فزد في إحسانه وإن كان مسيئًا فتجاوز عن سيئاته ،
اللهم ألحقه بالشهداء
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
التعازى الحارة لحبيبنا ابوعمر احمد اسماعيل النور فى وفاة الوالد
التعزية موصولة لكافة اخوانه وافراد اسرته
من المتوقع ان يغادر ابو عمر عصر اليوم الى السودان
ومن الخرطوم سيتوجه مباشرة لنيالا للحاق بليالى العزاء للفقيد
تلفون ابو عمر السعودى هو 00966501960947
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
انا لله و انا اليه راجعون
صادق التعازى و المواساة للاخ احمد اسماعيل فى وفاة والــــــــده
والعزاء موصول لك ولافراد الاسرة خارج وداخل السودان
آللهم أرحمه وأسكنه فسيح جناتك
آللهم باعد بينه وبين خطاياه كما باعدت بين المشرق والمغرب
اللهم نقه من الخطايا والذنوب كما ينقى الثوب الأبيض من الدنس
اللهم اغسله بالثلج والماء والبرد
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
يا ديدو ياخي انا ما كويس من غير حنة
غايتو يا رشا شرحتني شريح
قلت لي دقست لحدي وصلت الاطلسي
شوف يا ابو الزوز بالله ما تقعد تهرش لينا في منص فردتنا دة
الحنة ياها الأصل
والحكي دة زهايمر ساكت
والله ياهو كمان أخلي ليكم الحنة عشان احكي عن الساسة الفارغين
تلقوها عند الغافل
الريس ميسرة ياخي كتر خيرك والله يجبر بي خاطرك
تعرف يا ابو الزوز الغربة دي بتعلمك حاجات كدة ما مفهومة
فجأة تكون قاعد تقوم ذاكرتك ترجع لي وراء شديد وتقعد «تجتر» في الزمن الجميل داك
اتخايل لي لو الزول كان قاعد في السودان ما اظن يتذكر التفاصيل دي
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
(3)
من غرائب الصدف أن لوالدي رحمه الله عند وفاته في العشرين من مارس الماضي
ستة من أحفاده يواصلون دراساتهم العليا في أربعة قارات
من أقصى الغرب «أمريكا» إلى أقصى الشرق «اليابان»..
هاجس التعليم هذا أملته ظروفه الشخصية وحرمانه من مواصلة التعليم بواسطة والدته
وكان هذا الهاجس هو القاسم المشترك لجميع الأسر التي ساقتها الظروف إلى حي الامتداد..
كما قلت كان السواد الأعظم منهم من طبقة العمال المهاجرة من أقاليم السودان المختلفة..
حتى أن إعلان النتائج المدرسية حينها كان حدثا فريدا..
كان هناك في كل مربع «نيمة» ظليلة ينتظر فيها الآباء والأمهات قدوم الأبناء يوم
النتائج.. حيث تجدهم يتسامرون ويضحكون على «بنابرهم» حتى يأتي الأبناء
فكان حصول أحدنا على المراكز الأولى في الفصل مدعاة للفخر بين الأسر والأقران
حتى «الجكس» حينها كانت هذه وسيلة قوية للفت انتباهه.. إذ لم تكن الوسامة
أو المال حينها سببا في لفت الانتباه بحكم «غباشة» الجميع وخلفياتهم القروية
فحين تحصل على «أول الفصل» في ذاك الزمان كنت تقضي إجازتك كلها
مختالا بين جميلات الحي ويصبح التودد إليك أمر دونه النجوم
أما حين تنتقل من المتوسط «الإعدادي» إلى الثانوي فذلك كان انجازا كبيرا
حتى أنه كانت تذاع نتائج الناجحين في الراديو عبر أثير إذاعة أم درمان..
فكالعادة يتحلق الجميع في مجموعات داخل الحي حول الراديو ذلك اليوم لسماع النتائج..
ما أن يُذكر اسم أحدهم أو إحداهن حتى تزغرد الأمهات وبحكم طفولتنا حينها
كانت هذه مناسبة وفرصة للاستمتاع بعصير الفراولة والكركديه وحلاوة «ريرة»
إذ يظل منزل تلك الأسرة مفتوحا طيلة الاسبوع للتهاني والتبريكات بنجاح الأبناء
وغالبا ما يكون المحتفى به في مرمى نظرات حسان الحلة، هذا دون
نفحات «الشِلن والريال والطرادة» التي «تُغمَت» لك في يدك من الخالات
والأعمام وكبار القوم في الحلة..
سمح لنا هذا التآلف الجديد مع أسر من مختلف بقاع هذا السودان الجميل
أن نتعرف على تقاليد وعادات وحتى فواكه مختلفة عن «شبا والبركل»
فكان يأتي عم عيسى بكميات كبيرة من «أم قضيم» و«القنقليز» و«العرديب»
من منطقة بارا في كردفان في حين كنا نحن نأتي بالبلح والمنقة كان عم هجو
يحضر معه كميات كبيرة من الجوافة من منطقة «سقادي» بالمحمية
وكان يأتي البطيخ من الشوك والجزيرة والسمسم من القضارف..
وكانت الأسر تتقاسم هذه الخيرات القادمة من منطقة الجذور بفرح وحب كبيرين..
أتاح لنا هذا التداخل بنقل موروثاتنا الثقافية وتعريفها.. كان هذا التماذج
يتم دون تدخلات «رسمية».. حتى التسميات حينها من شاكلة «أولا الشوايقة»
و«عيال البقارة» لم تكن تتم بنعرة عنصرية.. لو تُرك المجتمع لتفاعلاته الطبيعية
لما وصلنا لهذا الدرك من النعرات..
كانت غاية متعتي أن تكون هناك مناسبة سعيدة في منزل عمنا «كُبر»
فكنت أجد متعة غير متناهية في إيقاع المردوم ورقصات «البقارة»
و«حمحمات» حلوقهم.. كان ذلك في نظري حدثا فريدا يعِمُ الحلة ويجلب
لنا كما هائلا من الجمال الكردفاني، إذ غالبا ما تستمر ليالي الفرح تلك
لثلاثة أيام دون انقطاع، وهنا فقط بدت تتكشف لي أغنيات كردفان:
جنني..جنني
فقيري اعزم لي
اكتبولي حجاب
من الخربنا خراب
ما أن يبدأ هذا الإيقاع إلا وتموج «الفسحة» برقصات المردوم والزغاريد..
هذا لعمري عالم جديد ومختلف كليا...
فإيقاع المردوم هنا له نكهة وعمق جمالي مختلف جدا عن إيقاع الدليب الذي تشبعت به..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
خالص العزاء للأخ الحبيب أحمد اسماعيل و لجميع أفراد الأسرة...
اللهم اغفر له وارحمه
وأدخله الجنة بغير حساب
اللهم اجعله مع النبين والصديقين والشهداء
اللهم اعف عنه الزلل
اللهم أكرمه يا كريم
اللهم أكرم نزله
ووسع مدخله
واغسله بالماء والثلج والبرد
اللهم جازه بالحسنات إحسانا
وبالسيئات عفوا وغفرانا
اللهم أبدله دارا خيرا من داره وأهلا خيرا من أهله
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
Quote: وغالبا ما يكون المحتفى به في مرمى نظرات حسان الحلة، هذا دون
نفحات «الشِلن والريال والطرادة» التي «تُغمَت» لك في يدك من الخالات
والأعمام وكبار القوم في الحلة.. |
ياربي دي عملة ياتو دولة .....
نسبة لفروق الاعمار ... ارجو الشرح يا ود جبرين ...
مافاضل الا تقول لينا .... الفريني ........
==================================
متعتنا ياخ ... والله سردك متعة ... وتوثيق حقيقي ... ياطارق
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
صبحكم الله بالخير
رغم اني من مشجعي الريال الا انني أعترف بأن البايرن استحق اللعب في النهائي...
فلقد عمل كل شيء من أجل ذلك...
امتلك الملعب طولا و عرضا...
و حرم الريال من الكرة...
و هدد مرماه بأكثر من كرة كان من الممكن أن تكون أهدافا حقيقية...
لقد خرج أحسن فريقين في العالم بسبب الكلاسيكو...
لو كانوا يلعبون في السودان لألغيت لهم كل مباريات الدوري...
و لكن يلعبون حيث الاتحاد الأوروبي لا يسمح بذلك...
Quote: ما أن يبدأ هذا الإيقاع إلا وتموج «الفسحة» برقصات المردوم والزغاريد..
هذا لعمري عالم جديد ومختلف كليا...
|
انه حقا عالم مختلف جدا...
لقد نشأت على تلك الايقاعات يا جبريلا...
و ما زالت كل ايقاعاتي مدوزنة على المردوم و النقارة...
يقال ان هنالك تشابه بين ايقاع المردوم و ايقاع الفلامينكو الأسباني...
و يرجع هذا التشابه الى أصل الايقاعين...
اللوري حل بي دلاني في الودي
جابني للبرضا العمري ما بنساه
حبيبي ود الناس ببقى لى وناس"
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
| Quote: شنو يا حلو جاي ماري فينا طوالي كده ... وين التحليلات ... وكلام المدربين ... ياخي انا راجي الصباح ده بالله والجلالة تجي تدينا كلمتين وتمشي ... |
كنت مشارط مهند ولدي قلت ليهو الريال حيغلب أربعة صفر...
قاموا سجلوا الهدف الأول و التاني قلت خلاص ياني الكاسب الرهان...
رغم تسجيل الهدفين الا انه كان واضح من البداية ان لاعبي الريال مرهقين...
مثلما حدث بالظبط مع برشلونة أمام تشيلسي...
من مجريات المباراة كنت أشك في تأهل الريال...
فلقد كان بامكان البايرن التسجيل في أي وقت من المباراة...
لكن الفكي مورينهو برك في الواطة لحدي ما انتهت المبارة...
برك لضربات الترجيح ما مشى الحال...
مهند طبعا ضرب النوم عشان المدرسة...
الصباح قبل ما يقش عينو سألني يا بابا الغالب منو...
كنت عايز ألف و أدور..ما انت عارف الشينة منكورة...
لكن قمت قلت ليهو البايرن غالب بضربات الترجيح...
أول مرة أشوف مهند يقوم يمشي الحمام و يلبس و يجهز بالسرعة دي...
برشلوني حاقد...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
كل الهرسي الواقع على برشلونة والريال
يوجد واحد فقط ... ولا يهمو
ألا وهو ... منصور وولده أحمد ...
ديل انجليز صرف ... وباردين برود التلج في .... ألاسكا ....
=============================
كروة كانت حلوه ومفتوحة .. الريال وميونخ
في كل لحظة تتوقع واحد من الفريقين حيسجل ...
مش زي كورة البرشا ... ماسكين اللعب مسك الجن ...
كلو في خط 18 .. لاهم يسجلو ... لايخلو الفريق التاني يتحرك
فرحت لخروج البرشا ...
ولكن حزنت لخروج الريال ...
بالرغم من اني بشجع ................... المحلي
احلى عنوان قرأته اليوم :
ليلة اسبانية حزينة..الريال شرب من كأس البارسا..ومورينيو أضاع أحلام المجد وأنقذ مستقبل جوارديولا !!
=====================================
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
الليلة ما ادونى العمود بتاعى
ايواااااا, عشان الليلة الخميس
وما يبقى خميس , عشان خميس يعنى , نقوم نموت ليكم بالجوع ولا شنو
عشان الدوام قصير وبنطلع بدرى
عموما الرك على الفطور
ما علينا , ما دام مافى سلطة اسود , نتكلم عن ان شاء الله على السلطة البيضا
كورة امبارح كانت سمحة جدا , فيها فكر وتدريب وندية
فعلا لكن , ضعف الدورى الأسبانى , وانحصار منافسته العليها القيمة على فريقين بس
اثر سلبا على استعداد الفريقين معا , لى نزالات من العيار الثقيل , فى ايام معدودة , وخلال فترة قصيرة
ليعلم الجميع ان تشلسى , سادس الدورى الأنجليزى الآن , مجهجه حتى الآن فى مقعد يؤهله للشامبيونز ليق , السنة الجاية
نفس الحال ينطبق على البايرن
تشيلسى لعب اكثر من خمسين دقيقة بدون رمانة ميزان دفاعه , جون تيرى
كرة القدم علم لا يستند لمنطق , ولا يقاس بأداء , ياهو الكيس ده , تملاهو كيف , وتحمى كيسك من محاولات المنافسين , هذا هو منطقها الوحيد
فى تقديرى ان جوارديولا , احدث فتحا جديدا فى عالم كرة القدم وخططها
اللياقة العالية , والأستحواذ , وسرعة استرجاع الكرة فور فقدها بالضغط العالى والمركز
ومن ثم المهارات العالية وسرعة اللاعبين وجمعهم بين المهارة والقوة واللياقة العالية
دى معادلات استحدثها جوارديولا وادخلتها فرقة الرعب البرشلونية , فى عوالم كرة القدم وخططها
خلو جميع المنافسين يفقدوا تركيزهم وكمان لياقتهم , فى ظل بحثهم المتصل عن الكورة , بقوا يدسوها عديييييل ويخلوك تقضى وقتك وتستنفذ لياقتك لأستعادتها
لمن تستعيدا , تكون فى ادنى لياقة ذهنية لا تؤهلك الا لفقدها مرة اخرى وبطريقة سريعة
لذا كان طبيعيا ان يهزموا الجميع , ويلقطوا الكاسات كلها
تلتاشر كاس شالها برشلونة من سنة الفين وتمانية لغاية هسى , مع جوارديولا
اول من فطن لمحاربة هذا السلاح الفتاك , كان مورينهو العظيم
ولكنه يظل محتاجا لأسلحة مختلفة وبنوعيات معينة , كانت عنده فى تشلسى زمان , وخلقها وولفها فى انتر ميلان
وطورها بعد ما اوجدها من عدم فى ريال مدريد
لكن دى ماتيو , ايطالى شارب الكورة شراب , وانا عاجبنى حتى قبل ما يدرب تشيلسى
طبعا هو كان المدير الفنى لفريق بلاكبول الأنجليزى
صعد بيهو للدورى الممتاز , السنة القبل الفاتت
كان فريق مميز جدا , وحقق نتائج مذهلة بامكانيات تعبانة , لكنها لم تشفع له بالبقاء فى الدورى الأنجليزى الدائما مولع نار
لقطوهو ناس تشيلسى , خاصة وهو لاعب سبق له ان لعب فى ازرق الأستامفورد بريتش العريق , ايام زولا وبابايارو لو تتذكروهم
اصلو ما استغربتا لى نجاحه مع البلوز , بل كنت مستغرب انه يكتفى بوظيفة مساعد مدرب , حتى ولو كانت فى تشيلسى
الجديد الأضافه دى ماتيو , لفكرة مورينهو فى مقاومة كورة زى حقة سحرة البارشا
هى نقطة فى غاية الأهمية , ظهرت فى تقديرى على طريقة مورينهو , خاصة فى كورة الخمسة الشهيرة , وتوالت فى الظهور فى المباريات البعدها كلها , عدا كورة الكاس الشالو الريال السنة الفاتت
وكمان كورة الكاس الأخيرة بتاعت التعادل اتنين اتنين
وتجلت فى كورة تشيلسى الأولى , وظهرت بوضوح فى كلاسيكو الأرض الأخير بتاع اتنين واحد السبت الفات
مورينهو فى الأول , حتى مع تشيلسى وانتر وبداياته فى الريال , كان ينازع البرشا فى وسط الميدان
حتى انه كان بيلعب بيبى لاعب وسط , ماعنده مهمة غير التبويظ , وعشان المهمة دى صعبة وبتستنفذ لياقة وجهد ونتيجتها الحتمية توتر وانفعال
خاصة اذا ما كانت مهمة التبويظ دى قدام ناس زى ميسى المجنون دا , وانيستا وتشافى وفابريجاس (حبيبنا العلمناهو وفرتق مننا )
التعديل الجديد الماعارف تحديدا انسبه لى دى ماتيو ولا لى مورينهو ماعارف
يعتمد على عدم منافسة لاعبى البرشا على الأستحواذ , لغاية تلاتين متر من خط تمنتاشرك الخاص
شفتوا كيف ؟؟ الكورة تبقى عندهم طالما عايزنها المجانين ديل , حا تفرق شنو يعنى استحواذ ستين فى المية , ولا تمانين
المهم ان تحفظ لياقتك وتركيزك , وتخلى ميدان اللعب مساحته بس ربع ميدان , لكن باصطفاف جيد ومنظم , دون مجهود او تعب او توتر
ثم باصات سريعة ومباشرة لطرف من الأطراف , او حتى فى العمق , وبلاعب واحد فقط , او بمساند تانى على اكثر تقدير
ومن المعروف ان الكورة اصلا شقين , مدافعة جيدة وصلبة ومنظمة , ومهاجمة مباغتة وسريعة
الطريقة دى بقى , بتفقد خصمك الميزتين ديل
هجومه المتير واستحواذه على الكرة معظم الوقت , يفتقد مع مرور الوقت لعنصر المباغتة والسرعة
كما ان المدافعة , تكون لا صلبة ولا منظمة , نسبة للأنشغال الدائم بالهجوم (الرتيب )
اى فريق عنده عناصر نص نص فى المهارة , مع لاعبين اوتلاتة مهارتهم وسرعتهم عالية , يستطيع ان يطبق الطريقة دى بامتياز
وهذه الطريقة تفرضها طريقة لعب برشلونة ,ومهارات لاعبيه العالية
استطيع ان اقول ان مورينهو ودى ماتيو , وبعد طول بحث , استطاعوا ان يجدوا خطة مناسبة لطريقة لعب برشلونة القائمة على الأستحواذ
ببساطة , خليهم يستحوذوا , بس فى النهاية , القصة ما استحواذ , القصة فاعلية وفعالية
تستطيع ان تهاجم بسرعة من وضع المدافعة
ولكن يستحيل عليك ان تدافع بصرامة وقوة وسرعة , اذا انت طول الوقت , فى حالة هجوم
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
Quote: فعلا لكن , ضعف الدورى الأسبانى , وانحصار منافسته العليها القيمة على فريقين بس
اثر سلبا على استعداد الفريقين معا |
لا أتفق معاك يا منص..
في الشامبيونز ليق ناديين أسبانيين من ضمن الأربعة الكبار...
في اليوربا ليق ثلاثة أندية أسبانية من ضمن الأربعة الكبار...
و نادي برتغالي واحد (سبورتنغ لشبونه)...
أتليتكو بلباو أخرج مانشستر يونايتد من المنافسة و بجدارة...
و هزم بعده شالكا الألماني...
على فكرة أنا زيك يعجبني الدوري الانجليزي عشان الاثارة الفيهو..
لكن هل تعلم أن الدوري الانجليزي يصنف ثالثا من حيث القوة...
يأتي بعد الدوري الأسباني والدوري الايطالي...
الدوري الأسباني ليس ضعيفا و لكن برشلونة ظاهرة كروية لا يقف أمامها أحد..
و ريال مدريد أغنى نادي في العالم و يملك أحسن مدرب في العالم..
أدعوك لمشاهدة الثلاثي الأسباني في اليوروبا ليق اليوم...
حتشوف العجب...حيخيل ليك ان اتليتكو بلباو عبارة عن برشلونة آخر...
و كذلك فالنسيا يلعب كورة راقية و جميلة...
و الفريق التالت أتليتكو مدريد..شوف فالكاو الكولومبي بيعمل شنو...
شوف و استمتع بعد ما تهرس سلطة الأسود من النبع اليوم...
من النبع دي مقصود بيها من البيت مش من العمود...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
إنا لله وإنا إلية راجعون
خالص العزاء للأخ العزيز أحمد محمد إسماعيل
وتقبل الله الوالد محمد إسماعيل النور قبولآ حسنآ وأدخله فسيح جناته
ولا حولا ولا قوة إلا بالله
العزاء موصول أيضآ للأخ المستشار عبدالرحمن الصادق والأخ العزيز آدم محمد إسماعيل ( الهلباوي ) وكل أبناء قبيلة البني هلبة.
السلام عليكم قبيلة الزقازيقيين الرائعين بعد طول غياب
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عثمان الخير)
|
امبارح نمت غرير العيم جزلان
ريال مدريد فريق مصنوع غير قادر على الامتاع نهائيا
بعيدا عن التعصب للبرشا
لكن البايرن يستحق التأهل كان الأقرب في كثير من الأحيان للتأهل
فريق مهزوم بهدفين في الشوط الأول يرجع للمباراة ويحرز هدفا
ياخي عندهم الاسمر غوستافو دة مبدع
وكذلك البرازيلي الاسم الفرفار في الجهة الشمال
للاسف الاتنين ديل ما حا يكونوا في النهائي لحصولهم على انذارات
تشيلسي بالنسبة لي فريق غير مقنع ولا ممتع
في الدوري الانجليزي شخصيا بشجع المدفعجية لكن المان يونايتد بيمتعني مع توتنهام
اي فريق يلبس ازرق دة ما بريدو
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
ازيك يا جورج
(4)
هكذا وجدت أسرنا ملامح حي جديد بدأ يأخذ شكله رويدا رويدا..
وكان هذا الخليط نقطة البداية للتعرف على بقي الأقاليم عن قرب..
فما أن تبدأ العطلة المدرسية إلا وتجد الجميع يجهز نفسه للسفر إلى الجذور
حيث الحبوبات والجدود وبقية العائلة الممتدة هناك..
كان «الإجازة» سببا قويا لـ«تفريغ» الحي من ساكنيه...
وكانت في نفس الآن فرصة للتعرف على مناطق أخرى كان العلم بها سماعيا فقط..
أذكر جيدا قبل دخولي المدرسة أن غاية طموحنا تلك الأيام أن نجد أمهاتنا يعددن
«الزوادة» وهذا كان المؤشر الأقوى على أن السفر إلى «شبا» قد دنا وأصبح مؤكدا..
كنا نقضي سحابة يومنا في اللعب ما بين «سكج بكج» و«كمبلت» و«حرينة»
وبعد المغرب «ألبت يا لبوت».. وحين ينال منا التعب نتجمع عن ركن أحد البيوت
(كنا نفضل حينها ركن بيت عمنا هجو لموقعه الاستراتيجي للنميمة)، وتتخلل تلك
«اللمة» الكثير من الحكايات عن مناطق الجزور..
عرفنا جبل مرة وأشجاره وثمارها، وطوفنا بسنار وأمطارها الغزيرة
والخزان وأسماكه وحتى دكان «أبو نضارات»، وشربنا من توتيل وعلمنا الكثير عن
سواقيها وحتى «قرودها».. كانت تدهشني حكاوي أقراني عن الأبيض وبارا والنهود
وكردفان، أحببت رمالها وتبلديها و«شتيلة الخريق خدرة شايلالا نوارة»..
وتمتلكني الحسرة إلى يوم الناس هذا في أنني لم أزر تلك البقاع الجميلة رغم توفر
الفرصة أيام الدراسة المختلفة..
كانت الحكاوى تخرج بسلاسة وبصدق كبيرين.. وبالمقابل كان الانصات
وتركيز الحواس على تخيل المحكي بانتباه قل نظيره..
والغريب في الأمر أن مواعيد السفر كانت متقاربة جدا بحيث يمكنك خلال
أسبوع واحد تجد أمهات الامتداد قد غادرن في معية أطفالهن وتركن الآباء..
وفي كثير من الأحيان كنا نتجه إلى محطة الخرطوم للسكة حديد في نفس اليوم
فغالبا ما كنا نسافر رفقة أسرة عمنا هجو «المحمية وسقادي» وعمنا الخواض
«شندي» وعمنا المجذوب «الدامر» وعمنا محمد الحسن «عطبرة» في نفس
القطار المتجه إلى «كريمة».. وغالبا ما كنا نسبق إخواننا المتجهون غربا الى
الابيض وبارا والفاشر ونيالا..
أما حكاوي السفر وقطر كريمة.. فذاك عالم لوحده..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
صبحكم الله بالخير
كل سنة و انت طيب يا منص...
ان شاء الله يا يابا تتجاوز ال 90...
وتفحط من ال100...
وتكنتك لل105...
و تدق في خطرات ال 110...
صحي أي زول بيجي اليوم البيفرمل فيهو...
لكن ان شاء الله أصلو ما تفرمل...
حتى لو بدلو ليك جزم الفرامل (الـ brake shoes)...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
(5)
ليلة السفر غالبا ما تكون ليلة مزدحمة بالكثير من التفاصيل..
ما بين «عواسة الزوادة» وتجهيز فطور القطر وتستيف الشنط
وطرود الأحباب والأهل وحفظ الأمانات وتحديد لمن يجب تسليمها..
اذ غالبا ما يرسل ابناء شبا مصاريف ذويهم وهداياهم عبر المسافرين إلى هناك
في «الإجازات» المدرسية، خصوصا الذين لا تسعفهم ظروفهم للسفر الذي له
متطلبات مالية قد ترهق ميزانيتهم المتواضعة أصلا..
فجهود الأسرة تتوزع ذلك اليوم بين «عواسة القراصة المتمرة» و«سلق البيض»
و«رمي الطعمية» وربط الطرود وكتابة أسماء مستحقيها هناك..
وغالبا ما تكون «المكوة» شغالة من «صباح الرحمن» وتكاد لا تتوقف..
فمنظرها وهي «تغوص» بين «الجلاليب» كسفينة أُذن لها بالخروج من الميناء..
ويتم تزويدها بـ«الجمُر» مرات ومرات..
وفي ظل هذه الحركة الدؤوبة داخل البيت غالبا ما تكون الزيارات ذلك اليوم لتسليم
«أمانات» أو «طرورد».. وكالعادة «سلمي عليهم كثير السلام»..
تظل والدتي رحمها الله ذلك اليوم دون نوم يذكر.. تحصي ما لديها من أمانات
وتحفظ كل الطرود وتأمر إخوتي بكتابة الأسماء عليها خوفا من اختلاطها..
ما أن يأذن الفجر حتى تيقظنا لكي نستعد للذهاب لمحطة السكة حديد، التي غالبا
ما يكون إخوتنا الكبار وأبناء عمومتنا قد سبقونا إليها ليلا ليستطيعوا حجز أماكن
لنا في «درجة ثالثة» التي ستتحول إلى «درجة أولى» و«نوم» بعد تخرج
أشقاؤنا الكبار من الجامعات ودخولهم السلك الوظيفي..
غالبا ونحن نستعد للخروج من المنزل ما «يقرصني» والدي عليه رحمة الله من أذني
ويقول لي وهو يبتسم: سلم علي حبوبتك نفيسي شديد وقولها جبرين قالك تعفي مني
وبعدها غالبا ما يرفع صوته آمرا: يلا يا جماعة ولا خلوه السفر دة..
وهو يعلم أن ذلك من رابع المستحيلات خصوصا وأنه قام بإيصال «العفش»
إلى إخوتي الكبار في المحطة عبر التاكسي الذي يعمل عليه ثم دلف راجعا ليأخذنا
قبل أن تزدحم المحطة بالمسافرين والمودعين والباعة المتجولين..
ما أن نصل المحطة حتى نجد أبناء عمومتي قد وصولوا لتوهم ومعهم «طرودهم»
و«زوادتهم» أيضاء ومن ثم يتم ترتيب «العفش» وحفظ أماكننا ثم يأمروننا
بالدخول إلى عربة القطار... كان يستوهويني شباك القطار كثيرا..
من خلاله تستطيع أن ترى مجرى الأحداث من حولك عبر منظر بانورامي مميز...
وكنت أجد متعة كبيرة في ذلك.. فمنظر المحطة وهي «تفور» بالناس..
مسافرين ومودعين وحتى متسكعين كان حدثا كبيرا في حياتنا ذلك الزمان..
وكان منظر ناظر المحطة وهو بتلك «البرنيطة» يدعو للاحترام والاعجاب..
كل هؤلاء القوم كانوا تحت أمرته.. وغالبا ما يتحركون بين مكتبه والمكاتب المختلف
لحل المشاكل العالقة حتى يتحرك القطار في موعده.. وغالبا ما كانت تضاف
عربات أخرى للقطار بعد اكتشاف أن عدد المسافرين يفوق طاقة القطار الحالية..
كان رصيف المحطة يضج ببائعي الجرائد والبسكويت واللبان..
وكانت مجلات «سمر» و«صباح الخير» وجريدتي «الصحافة» و«الأيام»
الأكثر مبيعا وطلبا من المسافرين..
وما أن يأمر ناظر المحطة بتحرك القطار حتى يتحول المودعين إلى شبابيك القطار
وتسمع همسا هنا وضحكات هناك ودموعا هناك وآهات هنا..
والكل يملي وصاياه الأخيرة إلى ذويهم، حتى أنها تكون وصايا مسموعة للجميع
وما أن تسمع صافرة القطار الجهورة تلك حتى يصطف المودعين على الرصيف
مودعين بحركة «بندولية» من «طواقيهم» و«عممهم»..
وبعضهم يضع يديه على وسطه ويظل يتابع فقط بعينيه والبعض الآخر يرسل
وصاياه بإشارات إلى ذويه داخل القطار...
وما أن تبدأ عجلات القطار في الحركة حتى تفقد المحطة هيبتها وشجيجها ذاك..
وبالمقابل تبدأ حياة أخرى داخل القطار..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
صباح الخير ،،، ياوجوه الخير
دعاء الصباح:
اللهم اجعلنا سعداء الدارين
قريرى العينين
لا نشتكى هماً ولا دين
آمين.
+++++++++++++++++
صباح التفاؤل والصباح الجميل يا جورج
دعاء في الصميم ، الهم آمين
كل عام وأنت بألف خير ، منصور عبدالرازق
وعقبال مائة شمعة وربنا يخليك لأولادك وست بيتك
والسنة الجاية تشجع برشلونه
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
منص ....
كل سنة وانت بألف خير ...
وسط اسرتك و أهلك واحبابك ...
=======================
انت يامنص تابع لاي قطار ...
قطار محمد عيد والرشيد ...
ولا قطار النضيف .... ومحمد صديق ...
ولا قطار ... الشوق ....
اما انا ... وزهير الزناتي ... فقطارنا لم يغادر محطة نمرة 25 ....
طارق ياخي متابعين .... قطارك
تشكر
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
سلامات يا ناس
Quote: وما أن تبدأ عجلات القطار في الحركة حتى تفقد المحطة هيبتها وشجيجها ذاك..
وبالمقابل تبدأ حياة أخرى داخل القطار.. |
يا سلام يا جبريل ...
طبعاًأنا المناظر دى ما غريبة على وأكاد أشوفا بعين زى عينك
وأحساس يماثل احساسك ....وصدقنى احنّ الى كل لحظة من تلك اللحظات.
+++++++++++++++++++++++++++++++++++++++++++++++++++++++++++++++++++++
منصور كل عام وانت بخير
وعمر مديد انشاء الله عامر بما هو خيّر وجميل.
++++++++++++++++++++++++++++++++++++++++++++++++
يا ريس تحياتى لك وللعيال ولبت الشيخ ...
++++++++++++++++++++++++++++++++++++++++++++++=
يا جماعة انتو زهير رجع للفاضى مالو؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
الزول ده هسى البيضحكو شنو ؟؟
فى حاجة بتضحك هسى , وتقطع المصارين كمان
غايتو قديما قالوا
لمن الزول يبنى ليهو بيت , ويعمل فيهو سيراميك
ويخت فى برندتو سرريرين ماليزيين
تانى ما عنده حاجة
غير يقعد يضحك
ده مثل (فتيحابى ) من جنب ناس نادر فاروق
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
تانى حاجة
فى ذهنى كم حاجة كده عاوز اعلق عليها
احسن حاجة , امر عليها مرور بس هسى , ممارسا لأضعف الأيمان
عشان الواحد ما يطلع ملوص لا يلقى بلح الشام ولا عنب اليمن
وبدون ترتيب كده
كلام طارق جبريل , عن احياء الدرجة التالتة وتركيبتها السكانية الفريدة
كلام عاجبنى بالحيل , واثار فينى وعندى الكوامن والشجون
دى كلها كان اسمها الأمتدادات , وبدايتا الخرطومية فعلا كانت امتداد الدرجة التالتة
ثم توسعت وشملت فى الخرطوم الصحافات واركويت , وتوسعت لتشمل الكلاكلات وانقساماتها الأنشطارية المتعاقبة
فعلا كانت مناطق سكنية حميمة ولا تزال
الجيرة فيها تبدا جيرة , وتواصل رحلتها الحميمة حتى تصل لكونها قطعة من قرية كبيرة , او مدينة صغيرة
تفوقت علاقات الجيرة فى هذه الأحياء , على علاقات القرابة والدم
فى الصحافة عندنا مثلا , عملنا بحث نظرى ابتدائى غير دقيق
هالنا علاقات القربى والتصاهر التى تكونت فى الحقب الأخيرة
فى كل شارع تجد ان التصاهر والنسب , ربط بين البيوت ووحدها ووصل بينها بنفاجات حميمة متداخلة اشد التداخلات زاتو
انا متزوج من بت جيرانا , اخواتى متزوجات من اولاد جيرانا , اللى اخواتهم واخوانهم مرتبطين بعلاقات زواج ونسب بى جيرانهم البعدهم
فى السودان الشعبى بتاع الدرجة التالتة , تفوقت علاقات الجيرة على علاقات القربى والدم , وحلت محلها بجدارة واستحقاق
زدنا يا طارق من هذا الكلام الجميل , ولو طعمتوا بى شوية حنة كمان , لا عندنا مانع ولا عندنا مانع
العندو مانع , لا يعاين ولا يعمل لايك ,
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
صبحكم الله بالخير
جبريلا عليك الله لما تصلوا أبو حمد كلمني عشان أحكي ليك نكته...
نكتة بتاعت واحد رباطابي قطيم كده...
علي أي حال أنا معاك قراصة تمر قراصة تمر...و طعمية طعمية...
و دخلنا معاك القطر و منتظرين باقي الحكي...
بس ما تنساني في أبو حمد...
المقطع مصارينك قدر كده شنو يا جلا...
كان مداخلة زهير الفاضية دي تكون بالغت عديل كده...
الزول ده ألف مرة قال ليكم دي لايك...
لايك لي قطر جبريلا و لي دعاء الكوتش و الريس...
أنا قلت أعمل لي احماءة قبل ما أجيكم جد جد...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
سلامات يا ناس
Quote: هاهاهاهاهاه
ضحكة سرية مجلجلة
|
يا سِرى: سلام
ما رديت على تلفونى السِّرى...
ولا جيت اللقاء السّرى
ما رأئك فى ان نجعل الحاجات علنية
وخاصة انك سكنت فى بيتك العلنى...وانا حفرت الساس فى وضح النهار.
(حليل زهير الزيناتى فكّ شقتو الفى الواحة غرب ومسك (هوا) قرب الجبيل.)
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
ههههههههههههههههههه
أنا ضحكت بإعتبار ما سيكون
و اللهو دا
| Quote: (حليل زهير الزيناتى فكّ شقتو الفى الواحة غرب ومسك (هوا) قرب الجبيل.) |
و مصاريني إتقطعن من زي دا
Quote: يا خاين...
خليني لما أسخن كويس و أجيك... |
تخريمة
الغريبة أنا ضحكت سراً زي ما قال طارق جبريل
إنتو سمعتوها كيف؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
ههههههههههههههههههه
أنا ضحكت بإعتبار ما سيكون
و اللهو دا
| Quote: (حليل زهير الزيناتى فكّ شقتو الفى الواحة غرب ومسك (هوا) قرب الجبيل.) |
و مصاريني إتقطعن من زي دا
Quote: يا خاين...
خليني لما أسخن كويس و أجيك... |
تخريمة
الغريبة أنا ضحكت سراً زي ما قال طارق جبريل
إنتو سمعتوها كيف؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
بعدين وبدون ترتيب كمان , نرجع لى موضوع الدورى الأنجليزى ده
هيييييييييي يا الرشيد . ارعى بى قيدك , الدورى الأنجليزى ده , انا بشاكل فيهو عديييييييل
شوفوا يا جماعة , برشلونة ده , فريق استثنائى , من سنة الفين وتمانية على الأقل
فريق مختلف , وفريق خارق كمان , يعنى الفرق بينو وبين اى فريق تانى فى العالم كبير جدا
وكمان قام ريال مدريد بعد مورينهو و اتطور تطور شديد , مع انو نظريتو الكروية مختلفة تماما عن نظرية البرشا وجوارديولا
مباراة البرشا والريال , هى فعلا كلاسيكو الأرض , لكن الكلام ده بينطبق على السنتين الأخيرتين ديل بس على اكثر تقدير
ومع انو الريال هو ثانى احسن فريق فى العالم الآن , الا انو منافسته ممكنة من اى فريق انجليزى , او ايطالى , او المانى , خاصى الفرق الستة الأولى من الدوريات دى خاصة الأنجليزية منها
برشلونة برااااهو , ممسخ الدورى الأسبانى , زى ما الهلال والمريخ ممسخين الدورى السودانى , مع الفارق طبعا
لكن الرابط فى التمسيخ ده , هو انعدام التنافس , مع ان الفارق فنى فى الدورى الأسبانى , ومجرد فارق امكانياتى فى الدورى السودانى
لكن النتيجة واحدة , دورى مسيخ معروفة نتائجه مسبقا
لعدة سنوات ماضية , الفرق النقطى بين الأول والتالت , علما بأن الأول هو برشلونة لثلاثة سنوات ماضية , وما بين برشلونة والريال , لعشرين سنة مناضية
عدا فالنسيا فى سنة واحدة على ما اذكر
فى الدورى الأسبانى انا احرص على مشاهدة المباريات الطرفها اما برشلونة او الريال فقط , ولا تستهوينى اى مباراة اخرى
زى الدورى السودانى , مستحيل طبعا تقعد تتفرج على نيل الحصاحيصا والأمل , ولا الموردة واهلى شندى
ده شبه تانى
احصائيات الدورى الأسبانى تؤكد ذلك بالأرقام , السنة دى الفارق بين التانى والتالت , حوالى تلاتين نقطة , يعنى ما يعادل نتيجة (عشرة مباريات)
فى الجتة دى , الدورى السودانى السنة دى يبدو احسن , لأنو الفارق بين المريخ التانى , ونيل الحصاحيصا التالت , تلاتة نقاط بس , لكن الدورى ما يزال فى ربعه الأول
والفارق الطبيعى مرشح للأتساع , زى ما بيحصل كل سنة
ده شبه تالت
الديربيات او الكلاسيكو , فى الدورى الأسبانى , قليلة او معدومة فيما يبدو , وحاتك ما بقدر اتفرج على كورة بين الريال وخيتافى و ولا الريال واتليتكو مدريد
مع انها عرفا , تعتبر ديربيات , ولاحتى اسبانيول وبرشلونة , فريقى اقليم كتالونيا الكبيرين
فى الحتة دى برضو شبه شديد مع الدورى السودانى , اهلى مدنى وجزيرة الفيل , وبورتسودان زاااتا بقى ما فيها ديربى , ولا كسلا , ولا مدنى , ولا كوستى
نجى للدورى الأنجليزى بقى
ياخى الدم للركب بشكل مستمر
ما فى فريق زى برشلونة اكيد , لكن التنافس بين الفرق على اشده بشكل دائم
حتى ولو كان ما نشستر يونايتد محتكرا للدورى الأنجليزى السنتين الماضيتين , لكن التنافس قائم بشكل دائم
ارسنال هو الفريق الذى ابتعد من دائرة التنافس لزمن , ولكنه وبروح الفريق استطاع ان يكون بين الأربعة الكبار دائما
على فكرة , الدوريات , هى المحك الحقيقى لمستويات الفرق , مش بطولات الكاس حتى ولو كانت الشامبيونز ليق نفسها
بطولات الكاس , ليس لزاما ان يفوز بها الأحسن , ولكن الدوريات دائما يظفر بها الأفضل
الفوز ببطولة الدورى , اصعب بكثير من الفوز بأى بطولة كاس , حتى ولو كان الشامبيونزليق نفسه
والا , لما استحق بطولة اوروبا هذه السنة غير برشلونة او ريال مدريد
ولكن بطل اوروبا هذه السنة , سيكون اما تشيلسى سادس الأنجليز , او البايرن ثالث الألمان
وفى اليوروبا ليق , دائما بتلقى مفاجات فى شخصية البطل , وفى الفرق البتقطع شوط بعيد فيها
فولهام الأنجليزى كان فى النهائى قبل سنتين , وايفرتون برضو كان فى الدور النهائى قبل مدة
فنار بخشة التركى فاز بيها قبل مدة كمان , لأنو ده ياهو حال بطولات الكاس , اللى بعد دور المجموعات فيها
تلاتة مباريات , تلقى نفسك فى النهائى
عشان كده , وجود فالنسيا واتلتيك بلباو , فى نهائى الدورى الأوربى , ابدا ما معيار على انهم احسن من ما نشستر يونايتد الأنجليزى
المتصدر الدورى الأنجليزى الان , وطلع قدام بلباو فى الدورى الأوربى
والا , فعلينا ان نسلم ايضا بان تشيلسى افضل من برشلونة , وهذا غير صحيح طبعا
او ان بايرن ميونيخ افضل من الريال , لأن الواقع يقول ان الريال ثانى احسن فريق فى العالم حاليا
رغم انه يتصدر الدورى الأسبانى من اسبوعه الثامن , لغاية الليلة
تعال بقى شوف ممكن تتفرج على ياتو كور فى الدورى الأنجليزى ده
ديربيات ما ليها حصر ولا عد , وكلاسيكوهات ما تديك الدرب
فى القمة صراع , على المركز التالت صراع , على الهبزط صراع , وعلى مراكز التاهيل للدورى الأوربى , اكبر صراع
فى كل مدينة ديربى ومنافسة , لا بل وحتى فرق الدرجة الأولى , مليان صراعات وديربيات
حتى الآن صعد كل من ساوثهامبتون وريدنغ للبريمير ليغ من الدرجة الأولى , والأتنين ديل سبق ليهم التنافس حتى فى الدورى الأوروبى
فى الدرجة الأولى الأنجليزية يا رش , اكثر من عشرة فرق عريقة بتاريخ كبير فى الدوريات حتى على مستوى اروربا كلها
ريدنغ , ساوثهامبتون , كارديف , بورتسموث , ويستهام , وحتى بيرمنجهام الحائز على الكارلنغ كب امام ارسنال العام الماضى
الليلة مثلا عندك مباراة ديربى بين تشيلسى وكوين بارك رينجرز , ومباراة نار بين توتنهام المنافس على الكرسى الأوربى , وبلاكبيرن المصارع على تحاشى الهبوط
ولا شفتا امبارح ارسنال مع ستوك سيتى , ولا حتى سوانزى ستى مع ولفرهامبتون
منافسة شديدة يالرشيد , وفرجة ممتعة
التنافس عندى , اهم متطلبات كرة قدم جديرة بالمشاهدة
اسخف شىء , اقعد اتفرج على مباراة من جانب واحد
حتى لو كان الجانب ده , فيهو ميسى ولا كريسيانو رونالدو
* اضحك كويس , تضحك سنونك مكسرة يا بتاع الفتيحاب انتا
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
اها , كملتو الضحك
نجى بعد ده لى قصة صورة عيد الميلاد وكده
السنة دى بالذات , شاعر بى نفسى صغرتا لى كم سنة كده
عشرة عشرتاشر ما عارف
اتنين وستين منها اتناشر , الباقى كم ؟؟؟
اها , زهير قال لى انا قاعد احرش طارق جبريل , عشان انا بقيت اتنين وستين ناقص اتناشر
والله الواحد لو لقى ليهو تصاوير تديك احساس بى عمر اصغر
ياباها لى شنو ؟؟؟
قام الود طارق جيريل , دخلنى ليك جوة الزهور الصفراء دى , وادانى احساس دافىء كدة انو الواحد
اصغر من احمد ولده زاتو
فيها شنو طيب ؟؟ دى مش حاجة كويسة بالله ولا رايكم شنو ؟؟؟
وفى البيت كمان , ناس ايثار ومدرار وحتى امهم , ادونى ياخى احساس لذيذ خلاث
الا الود السخيف الأسمو حجازى ده
جنو وجن يسالك ويقول ليك عمرك بقى كم يا بابا
زى ده
تنادى ليهو جلا يضحك ضحكة علنية (مجلجلة )
وتقول ليهو , اتنين وستين ناقص اتناشر كم ؟؟؟
المشكلة , يقوم يجاوبك طوالى
عامل فيها الود شاطر اوى يعنى
الراجل بس يقول لى الدورى الأسبانى , عشان اقول ليهو
انتا ذاااااااااتك
اتنين وستين ناقص اتناشر كم ؟؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
إنا لله و إنا إليه راجعون
صادق التعازي للأخ أحمد إسماعيل فى وفاة والــــــــده
اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
نسال الله له الرحمة ولذويه الصبر
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: سامي عبد الوهاب إدريس)
|
سلامات يا ناس
| Quote: يا كوتش والله نجيب ده زول مظلوم حقيقي ... كلام عبد القدوس الخاتم ده جزء من رد المظالم ... حقيقي هو من أشعر شعراء جيله ... أذكر في تلك الليلة الشعرية التي أقمناها في نادي الكشافة كان نجمها الأول رغم وجود سعد الدين ، التجاني ، أيمان ، مختار ... إلا انه نجيب كان فارسها الأول ومن سرق آذان الناس وإهتمامهم ، هنالك شئ خطأ في بلادنا حيث تسود المؤخرات ، وتنزوي المقدمات ... |
يا ابوالزوز :سلام
شاعرية الرجل واضحة واوضح منها صدقه وانسانيته العاليه وتصالحه العميق مع نفسه
من خلال معرفتى الوثيقة به فالرجل بعيد عن امراض النفس والنفخة الكاذبة...ربما
اخذت منه الصحافة الكثير....متميز جدا فى التحقيقات الصحفية ...وبالذات الميدانية
ومتميز فى اخراج الملاحق الثقافية: معظم الصحف التى تولى فيها الإشراف على الملاحق
الثقافية كانت تأتى متميزة.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
سلامات يا ناس
Quote:
أنا طبعا بالنسبة لي هذا كلاكيت عاشر مرة يا كوتش...
لكنها تستحق ذلك فلقد أحسن الأستاذ عبد القدوس التقديم للديوان...
مثلما أن نجيب يستحق أن يقدم له بمثل هكذا مقدمات...
نستمتع بما تقدمه لنا من أطباق شهية في واحتك الوارفة ولمن فاتهم الاستماع....
شكرا يا كوتش... |
فعلا يا رشيد المقدمة كانت مليانة...واعتقد انو استاذ عبدالقدوس ادى نجيب
حقو ولفت نظر الناس الى رجل شاعر.
فقرتك التانية دعاية مجانية....لكن الجماعة مروا فيها مرور الكرام..ومافى
زول جا غبّر كرعينو بى هناك.
شكرا لك انت.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
سلامات يا ناس
++++++++++++++++++++
خدمة التوصيل:
عن إلزا وذاكرة المدينة
وقالت اغتسلت منك هل تري؟
كذبت لا أري
سوي رزاز عطرك الصبيِّ، هاج
ماج، أوقد الكلام نجمةً تضئ
لي مشارف الغناءِ دمعةً، تؤمني،
تضمني، تشيلني من المغاور
القتيلةِ الدعاءِ، يامقام صبوتي
أنا الذي توضأت عيونُ قلبيّ
الجريح في أذان حلمك المكابرِ،
المغامرً،
المهاجرِ،
ارتضيت أن أموت فيك منك،
في هواك في ثراكِ
فيكِ منكِ
في صباك في هواكِ
فيك منك
في الذي أقام بين عزّتي وبين
نطفة القصائد المجاهدة.
ياصرخة تفجرّت بأولي وآخري،
هل الرؤي تجئ هل وهل وهل
وكيف لي إذا هفا، غفي، زمانُ
وجدك المقيم،
واحترقت بين مدخل القبول والمعاندة
أراك تنفضين عنكِ منكِ ما أقام
بين صوتك الذي يفيض في مغازة
الهوي، ولا هوي
ولا غوي
ولا ولا ولا، تزملت عيوني
التي دعوتها لكي تكف عن ندائها،
وعن هجائها، وعن وعن وعن!
أما ترين كيف ناح بي دمي
وكيف صاح بي فمي
وكيف كيف كيف ياحبيبتي
تهزني، تجزني، مقاطع الغناءِ،
فجأة تثور ياحبيبتي، وفجأة
تجور باحبيتي، وفجأة أعودُ واحداً،
كما أتيت واحداً، وواحداً أسيرُ
في صراط خيبتي إلى مداخل المحن!
أُجَنً قبل أن أُجنْ
فهل أتاكِ أن نشوة الحضورِ
تستحم في مراكض الغيابِ، في
تلهفي، تخوفي، تمزقي أمام
وجهك الذي يفَِّرُ، لا أكرُ
التقيك مثلما، كأنما، تزلزلت
خيوك هذه المدينة التي
تبيع سرَّ صبوتي
لعابر الطريقِ
والصديقِ
والذي يسقطون في أزقة الشجن
أعود من رحيك القديم،
استشف مايجئ
مايضئ
مارميت
ما هويت
ما وما وما وما وثقت في
عروق نبضي التي تهشمت، تكسرت
تخثرت هنا، وما هنا سوي نزيف
ليلتي التي تضم في إهاب حلمها
القتيل جثة بلا كفن
أقول ياشجيرة تفتّحت بباب
عرسيّ الجميلِ، هل خطاكِ ترتجي
مذلة العيونِ، أم محارق الجنونِ،
أم وأم وأم، وقفتُ صحت لا،
سمعت صوتك الذي أعادني إلى مواقف
البكاءِ غائباً وخائباً، ألوذ في مضارب
الغناءِ، في المدينة التي تبيعني،
وتشتري قصائدي بلا ثمن!!
فليتني، وليت لي، وليت إن رأيت
وجهكِ الذي يَخُبُ في تواصلي،
فواصلي،
جهلت فيكِ نطفة الغناءِ،
كيف لي،
ولي ولي ولي يعود لي تماسكي
واحتمي وارتمي بحضنكِ النقيِّ،
لا أعود إن توجعت خطاي
لا ولا ولن.
1982
+++++++++++++ محمد نجيب محمد على
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
صبحكم الله بالخير
يا كوتش ثمانينات نجيب كانت حافلة بالكلام الجميل...
Quote: وكيف كيف كيف ياحبيبتي
تهزني، تجزني، مقاطع الغناءِ،
فجأة تثور ياحبيبتي، وفجأة
تجور باحبيتي، وفجأة أعودُ واحداً،
كما أتيت واحداً، وواحداً أسيرُ
في صراط خيبتي إلى مداخل المحن!
أُجَنً قبل أن أُجنْ
|
هذه القصيدة ذكرتني بقصيدة أمرؤ القيس تعلق قلبي طفلة عربية...
يا نجيلة برضو تقول لي الكورة السودانية...
عشان أتجاوز الاحباط و القرف السببو لي الهلال أمبارح..
اضطريت أساهر في كورة برشلونة لحدي وقت متأخر...
امكن يكون المدرب الجديد ده مدرب كويس..
لكن شكلو كده ما ماشي مع لاعبي الهلال...
لو الهلال عايز يفوز في الجزائر عليه تغيير المدرب...
ولا باي باي من حسه...
المريخ لعب مباراة جيدة أمام مازيمبي و كان بامكانه احراز هدف يعزز به حظوظه...
حظوظ المريخ في التأهل تبدو لي أكبر من الهلال...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
| Quote: وين ياسر نجيلة يا ناس ... الظاهر عليهو باع كم فيلا وقابض ... |
يا خوي قاااااااااعد .... ومستمتع مع الكوتش ...
| Quote: يا نجيلة برضو تقول لي الكورة السودانية... |
نحن شعب فطم على الشقا .... والاحباط ....
وصدقني يا الرشيد ... الحاجة السمحة ... والفرحة ... بتمر صدفة في حياتنا ....
الليلة في كورة انجليزية .... مانشستر سيتي .... ومان يونايتد ...
العكاكيز .... برة ...
انصحك بمتابعتا .....
حتخفف جراحك ....
المرة دي مافي اي حظوظ ... للأربعة فرق السودانية ....
ولاحتي دوري الثمانية .... المجموعات ...
والهلال والمريخ ... للكنفدرالية .... وبعدها ...
الى قواعدهم سالمين .... الدوري والكأس ...
بدري علينا .... ياحبيب ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
سلام يا اجدع ناس
تحيه مسائيه
تلاتة كباري وشارعين وسد
تلاتة كباري وشارعين وسد
قديتونـــــا قصــادهــــم قــــد
لو جينـا لكشف حساب وجرد
******
أمسك واحد أول بدء :
...سرقتو وطن واسع ممـــــتد
فكفـكتوهــــو
وزعزهتوهو
وأرهقتوهــو
وبشتنتوهــو
وهديـــــــتوهو هــــدا هــــد
******
وهاك التاني أمراً أد :
حكمتو شعب كان زي الورد
أفقـرتوهـــــو
وشردتوهـــو
وجهجهتوهو
وعنصرتوهو
وقطعتو حبل كان واصل ود
******
أُخد التالت لو ترتد:
وجدتو مصانع لقيتو مزارع
وسكـــة حديـــد جد بالجــــد
عطلتوهـــا
وفرتقتوهـا
ووقفتوهــا
وشلعتوهـا
وقطعتو رزق عمـال من حد
******
أحسب رابع وتابع العد :
وين تعليمنا ووين ترنـيمــنا؟
وين آدابنــا ووين كتــابنــــا؟
وين رياضتنا ووين ريادتنا ؟
مرمطوهـا
وأخرتوها
وأفشلتوها
وطيشتوها
وخلفـــتوها جهـــل عن قصد
******
شوف الخامس أخذ ورد:
كيف وحدتنا وكيف دولتـــنا ؟
كيف عيشتنا وكيف حالتــــنا؟
ووين ثرواتنا ووين أموالنا ؟
وين غيرتنا وكيف سمعتـــنا؟
خرمجتوهـا
وبشتنتوهـا
########توهـا
وبـددتوهــا
ولوثـتوهــا
وبي سمعتنا مسحتو الارض
******
هاك السادس ونفسك سد :
رئيساً راقص رقصاً شين
مسئول مزواج ركاب سرجين
وزارة تجارة وبياعين
ناساً عايشة ومبسوطين
جضوم منفوخة ملمعة زين
كروش ممدودة متر مترين
أيادي طرية نعومة ولين
طالعين ماكلين نازلين بالعين
مناشر تنشر مطحونين
بفقه السترة محميين
ومندسين ومدسوسين
بفقه ضرورة وقوة عين
نهابين ومغتصبين
فساد شفناهو راي العين
وشميناهو أبو العفين
وناس بهناك دايشين دايخين
بطونهم خاوية وما لاقين
وجوهم هايمة وفقرانين
وعينهم طالعة وكمان صابرين
وليه ساكتين ؟
ولي متين ساكتين ؟
باسم الدين الخداعين
خلو حياتنا زفت وطين
تجار الدين الأفاكين
ملعونين ملعونين
ملعونين لي يوم الدين
غشيتونـــا
وبشتنتونـا
وعذبتونـــا
وجننتونـــا
وبكيتونا دمع ودم ولطخة خد
******
وتقولي كمان
تلاتة كباري وشارعين وسد !!!
بس يــا ود
حيلك شـــد
ويد علي يد
كلنـــــا ضد
ضد العسكر وحكـــم الفرد
ضد الظلمــة ومــن أفســد
نضال وارثـنو أب عـن جد
أكـتوبر أولى لــنا بتشــــهد
وأبريل التانية أعادت مجد
والتـالتة قريبة وما بتبــعد
خليك واثق واتأكــد
للأحلى حيكون الغد
للأفضل راجنو الغد
للأجمل حنبني الغد
للأحلى حيكون الغد
للأفضل راجنو الغد
للأجمل حنبني الغد
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
صبحكم الله بالخير
ياخي سخنت شديد خلاص...
يعني أي جولة في موقع العمل ترجع منها دايخ...
الله يسامحك يا حسني مبارك...
لو ما انت كنت حسه أكون دكتور قاعد في الطراوة...
في داعي أحكي ليكم القصة للمرة الـ524 و لا (النبي فيني).....
ناس الشمارات الما سمعوا بالحكاية دي يرسلو لي على الخاص...
الرد جاهز ما تخافوا يعني بيوصلكم بكلكة واحدة بس...
و لا أصبكم بيها حسه...ياخي ما تخلوني أصبكم عشان ما عندي موضوع...
ما عايزين..ما عايزين...
واحد..اتنين..تلاتة..........تسعة سطور...
كفاية عليكم مع السخانة دي...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
الرشيد ياخوي ...
المنبر ... صقيعة ...
فك القصة ... بتاعتك ساي
ان شاء الله للمرة 1028
متابعين ...
وتأكد ... مستمتعين ...
=============================
ياكوتش ....
القال ليك منو انا مابجي بهناك ....
يا خي بلع الفيل ده انا بقدر عليهو ...
اذا كان الرشيد ... الأصلة ماقدر عليهو ...
ازيدك ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
(6)
داخل قطار كريمة هناك حياة أخرى...
عوالم أخرى تتبدى لك وأنت تحاول التآلف مع المكان والناس من حولك..
كانت لحظات عبور القطار لكوبري بحري واحدة من تلك اللحظات التي يتمناها الفرد منا..
كنا ونحن أطفالا، وما أن يدخل القطار إلى كوبري بحرى، حتى تجدنا نتقافز إلى الشبابيك..
كان السؤال الذي يُلح علينا: كيف لهذا القطار أن يسير على حديد في الماء؟؟
كانت الأسئلة تتناسل من رؤوس تمور بالأساطير.. وكانت الإجابات حينها غير كافية لعلامات استفهام كثيرة ومرهقة للأهل..
على أية حال نحن نستمتع الآن بصرير عجلات هذا القطار وحكاياته ونمني النفس بلقاء الأهل والأحبة هناك في البركل..
ما أن يغادر القطار محطة بحري في طريقه إلى محطة الكدرو وإلا ويبدأ الجميع في إخراج «الزوادة»..
وبعد أن كانت العربة مليئة بالشجار والتنابز هنا وهناك بسبب الأماكن.. في لحظات معدودة يتحول الخلاف إلى حميمية..
فما أن تُفتح «الزوادات» إلا وتسمع: أتفضلي... أتفضل... مد ايدك... يضريك إن ما جيتي فطرتي معانا
ياخي قولي بسم الله ومدي يدك... يا زول حرم تدخل يدك..
يأكل القوم بتآخي فريد وغريب... ثم تُخرج «الترامس» وتبدأ كؤوس الشاي في التدفق من هنا وهناك..
ثم يبدأ القوم في التعارف:
- ولادي من «شبا» في البركل من ساقية القرونة وأنا من البركل تحت من الدياب..
- نحن من حزيمة من ولاد ود بلي
- سبحان الله ود بلي أليل البركل يبقالك شنو
- أبان أعمامنا لزم
- نحن من الكنيشاب في «شبا»
- ما شاء الله،، أها وكنيشاب نوري عندكم بيهم علاقة
- كيف ياخي العمدة ود كنيش ود عم جدي لزم
- سبحان الله
- أنا جعلية من سقادي في المحمية بالغرب
- نان قاعدين تقطعوا كيفن
- بالبنطون يا حبيبة قساي
- انتو ماشين للاجازي
- إيي الولاد جنهم يمشوا عند حبوباتم
- والله نحن ماشلنا لي عرس في مقاشي
- أيي شايفي نص العربيي باقيلي أهل
- أيي كلنا ماشين لي عرس ود أختي
- الله يعدل الخطوة
الأكيد أن وجود مجموعة في طريقها لحفل زفاف يُعطي العربة نوعا من الألق..
وتكون العربة قبلة للكثيرين.. إما للاستمتاع بالأغاني أو لسرقة النظر للحسان اللاتي يكثرن في عربات العرس..
وما أن يغادر القطار محطة الجيلي حتى تبدأ الحياة في القطار تأخذ طعما آخر...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
صبحكمالله بالخير
و الله لو ما انتو ناس عزيزين علي ما كنت جيتكم...
الجو سخن و شغل الـSite بقى كتير ...
فأنا حسه حران و زهجان و ######ان كمان...
لكن لا جعان لا عطشان...
حسه قمت جضمت لي ساندوتش فلافل و ضربت بالريجيم عرض الحائط...
جعان ياخي أعمل شنو...
و شربت لي موية و شاي...
و بعد حنيت على بوستيكم التعبان ده قلت أرفع من معنوياتو شوية...
Quote: أهدي للأخ الرشيد النيولوك الجديد بتاع الزول دا
|
يا أخوي الكيا الجديييييده الساااااقطة دي ركبت فيها...
ان شاء الله ربنا يديهو خيرها و يكفيهو شرها...
تاني شنو...
وجاهة الكوتش دي عاااادية جدا...
النيو لوك ده يا أخوي الا تكون الصورة دي جمب بيتكم الجديد...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: وجاهة الكوتش دي عاااادية جدا...
النيو لوك ده يا أخوي الا تكون الصورة دي جمب بيتكم الجديد... |
ياخ قال ليك هدييييييييييية
النيو لوك في الصورة
الضحكة الجاااامدة أوي
لأنو في كل الصور كان بضحك ولابس تي شيرت
الزول دا مفقوع من الصحك بالشكة البهية دي ياااخ
أقبل الهدية و خلاص ....
عالم عرباتها مخزتكة
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
سلامات يا ناس
وصباحات التفاؤل
يا جبريل ...معاك فى القطر
نحن طبعا كان زوادتنا طحنية ومعلبات ولما نمشى شوية
بتكون قطعت ...تانى الا قراصة النِّمَرْ وباسطة عطبرة ( ال بالسّمنة وكدا
والطعمية وسلطة الاسود حقات شندى...لكن طبعا زوادة الحلفاويين كانت
عجيبة.....نحن كنا بنشوفا بس.
| |
|
|
|
|
|
|
| |
زهير الزناتي
ياسر نجيلة
عبد الدائم سيد أحمد
محمد آدم النور
منصور عبد الرازق
الرشيد بابكر
محمد صديق
ميسرة سيد أحمد
طارق جبريل
سامي عبد الوهاب إدريس
زينب التجاني
فيس بوك
تويتر
انستقرام
يوتيوب
بنتيريست