نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: ناس الزقازيق ... أجدع ناس (4) .. (Re: محمد عيد)
|
قال أولهم
Quote: دا عشان يجيب بتو من المدرسة!!!! |
ثم أردف ثانيهم
Quote: قبلــك وحـــدك ياخوى |
يا جماعة انتو الظاهر عليكم لحقتوا ستات بيوتكم...
يعني عمركم بينقص ما بيزيد...
ياخي ما تخليكم شجعان زي الريس ميسرة...
عشان الجرسة دي أنا ختيت كلمة على أعتاب دي...
عشان الناس الصغار القدرنا كده...
يا حمادة مداخلتك دي كلها ما بتخصني...
قال 51 قال...
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
سلام عليكم يا الجلاكين قلت الحق اكشف للمداخلات الفاتتني من تخريج ناس تربية لا عند ال 51 جانى احساس كدة بتاع انو في شئ ما ياهو "زي وش البامية داك" اكتشف ليك انو السبب الناس دي كلها على اعتاب او عترت ليهم العتبة بتاعت الخمسين يعني الرشيد ما براهو ماتعملوا فيها صغار ..... قول جلا دا مثلا في 47 اها دي ما ياها العتبة زاتها والله العتبة لو كانت رخام ولا اسمنت ولا جالوص ياها العتبة .... اهم حاجة ما تدخل موية مطر من تحتها انا غايو لازلت في باب الحوش من برة ولم اصل لباب الصالون حتى لا اقترب من العتبة اما ذلك القطن الذي يعلوا الرأس فما هو الا "استايل" كما قال سيدنا جبرييلا "الذي نشتهيه" ازال الله حزنه وكدره وجمله بالصبر لكن مافي حاجة كيفتني غير شنب زهير التلب العتبة دا
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
صبحكم الله بالخير
Quote: شكرا يا رشا والله تلفونك جانى فى وقتو
شكرا يا جالب الفرح رغم اى شئ
بس موضوع الخمسين ده ماحاقدر اتكلم فيهو
الدعاء ياناس
|
يا زوبا ده لا يقارن بما قدمتيه و تقدميه دائما... كنت بتكلم مع سناء الصباغ من يومين في التلفون ... قمت قلت ليها زوبا دي ياها الفيكم ..كانت بتجيني كل يوم أيام العزاء... و اذا ما قدرت تجي بتضرب تلفون تسأل مني... نسأل الله أن يوفق ابننا حمادة و ينجحه و يفرحكم بيهو ...
Quote: دعاء اليوم بعد الخمسين |
شايف حكاية الأعتاب دي طفشت الناس...أحسن نوقف الموضوع ده شوية... عشان الناس الطفشت دي ترجع ... يا جماعه ختو الرحمن في قلوبكم أرجعوا أبقوا صادين... من دخل دار عصام دهب و الريس ميسرة فهو آمن....
Quote: صبحكم الله بالخير (لغاية ما يجي) |
أشكرك يا حبيب... وفرت علي وقت كتابة الجملة دي...
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
الراديو بتاع عربيتي طوالي على بي بي سي... اليوم الصباح أول ما ركبت العربية... أول خبر ألقاه عن أن رئيس الوزراء البريطاني كاميرون طلب رفع الميزانية الخاصةبأبحاث مرض الخرف... و اعتبر الخرف هم قومي و يجب أن تتضافر كل الجهود لايجاد علاج للمرض... و لتوفير الرعاية لمرضى الخرف الذين يكلفون الدولة مليارات الجنيهات سنويا... و قد صادق البرلمان على المشروع القرار و تم اعتماد الزيادة في الميزانية...
أنا قلت الحكاية شنو..أعتاب الخمسين دي مبارياني حتى في الراديو...
لكن بعد تفكير كده قلت و الله حقو الواحد يمشي بريطانيا...
و يطلب حق اللجوء الزهايمري...
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
صبحكم الله بالخير
بعد الأرشفة أرجو أن يهتدي الجميع الى العنوان الجديد.... و من ثم الى البوست... قعدت أنحت في مخي أشوف لي مكنة تجيب الناس ديل راجعين ما لقيت... أقول ليهم شنو...أرجعوا... بالمعزة ..بالمودة البينا...بي أحلى الصلات... مكرر... الماضي التليد و الأفكار النيرة و الهم المشترك... معاد... لقيت المكنات كلها تلاتة سلندر... و الله كمان أٌقل من تلاتة...سلندر واحد..مكنة ركشة بس... و الناس ديل عايزين ليهم مكنة من 8 سلندر و انت طالع... يجيبوها ليهم من وين...
أجيبها ليكم من وين....
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: قلنا نبارك ليكم الأرشفة والربع الجديد انا طبعا برضو من الحاجات البتخليني ما اجي البوست ده ياسر نجيلة .... ياخي الزول ده داير اقطع معاهو اي علاقات قطع شامل كامل .... |
أول حاجة تحية حارة لي ست بيتك و لي عيالك يا أبو الزوز...
تانيا ظهورك الجميل بعد الأرشفة خلاني أشعر و كأني استعجلت المداخلة الأولى...
و لو جاء بعدك كمان موسى عيسى شكلي كده حأعض نواجذ الندم...
و العجب لو جلال عثمان عمل مداخلتين كاملتين...
دي عايزه منصور يسلفنا عبارة أعبر بيها عن أقصى مراحل الندم...
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
يارشدي كلوا لينا بكري يعمل خيار بتاع (لايك) عشان الزول لمن يجي يلقي مداخلاتك يعمل ليها لايك ويلقي مداخلات موسي عيسي يعمل ليها unlike وكمان جلا ومن لف لفهم واكيد ياسر نجيلة بعد بوسته المستفز ده انشاء الله بكري ما يكون نقله ليهو الربع الجديد .....
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
المداخلة دي نزلتها للمرة الثالثة بس ليش ما عايزة تظبط
حال ناس الزقازيق
الحب : يبدأ بالسماع والنظر ,, فيـتــولــد عنــــه الاستحســـــان ,, ثـم يقــــــــــوى فـيـصــبـح مــــــودة ,, ثـم تقــــــــــوى المـــودة فـيـصــبـح مـحـــبـة ,, ثـم تقــــــــــوى المـحــبـة فـتـوجـب الهــــــوى ,, ثـم تقــــــــــوى كل هذه الخلجات وتنتج الحالة الزقازيقية الفريدة
الحالة الزقازيقية هي جذوراً متأصلة,,, نستوحيها من أنفاسنا ومن قلوبنا ومن دواخلنا وصدقنا ,,,
اللهم أدمها محبة وأحفظها من الزوال،،،،
| |
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
صبحكم الله بالخير
Quote: يا حبيب ... اوع 270 ألف دولار تستفزك ... ... |
يا سلام عليك يا نجيلة و انت تقابل مقاطعة أبو الزوز ليك بي 270 نكتة.... حذفت الألف حتى لا أمعن في استفزاز أبو الزوز... كلها في السلك خصوصا بتاعت الزوجة التوافقية... لأنني بصراحة أو من غير صراحة أنعم بتلك الزوجة (اختار شكل و نوع الوش الذي يناسبك)....
اذا دخلت أولادك نادي لتعليم الكراتيه فستخسر الكثير... ستخسر مبلغ التسجيل الكبير... ستخسر مبالغ الامتحانات من حزام الى آخر... و فوق كل ذلك ستخسر كرامتك قبل كل امتحان للحزام التالي... لأنك ستعمل ككيس تدريبات لهم قبل الامتحان... لقد قبلت أن أكون كيس تدريب بكامل ارادتي... و تمنيت بعدها لو كنت مرتديا الخوذة و الصدرية... لا تستهونوا ضربات صغاركم... فهي بقليل من التدريب تصبح أقوى و أشد من ضرباتكم...
تاني في شنو؟
كدي لحدي بعدين امكن ألقى لي حاجة...
| |
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
يا كوتش أهلاً التهنئة للريس و حرمه المصون
Quote: إثنيـــن فى واحـــد |
زمان لمن نكون عطشانين و دايرين لينا عصير كااااارب طوالي نمشي لمحل المرطبات و نقول ليهو إتنين في واحد بالله يعني نقرطع كداااااا لمن نقول يا الله يا واحد أحد
هس قاعدين يقولو ليهو مشكل صح؟؟؟؟ ولا أنا عطشان
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
والله يا نجيلة اجمل حاجة في النكات دي انها فرش ومواكبة وعصرية بس ما زي الشقق ... ديك يتحيل لي أكتر عصرية قال 270 الف دولار ... طيب انا عندي ليكم شقق بـ 27 الف دولار بس والعايز يسجل اسمه ... يا الرشيد ... وبالاقساط المريحة كمان ... بس مافي زول يقول لي وين ... بالله خلو لي أختيار المكان .... ويا ريت كمان الزمان ...
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
كل التهاني السعيدة للريس ميسرة وحرمة المصون مني يونس.. ولكل افراد امبراطورية ميم ... محسنة ومنذر ومشكاة ....
ولاخونا ياسر شبيكة ... عقبال مئة شمعة....
ولا ننسي اخونا زهير الزناتي ... ألف مبروك ... ال 270 ألف دولار الخلتك ... تنطق ... وتتكلم ...
=================================== والله يازهير عندي ليك مشروع جاي ... مش يخليك تتكلم ... ده يخليك تقول شعر عديل كده ...... آل ايه ... 27 ألف دولار بس ... ليه حنسكن في .... ابوطرطور ...
================================ يانضيف ... اليوتيوب والفيس بوك والتويتر ... ممنوع في كل حكومة دبي ... فاكرنا ماشين على حل شعرنا ... ... خليني لما ارجع البيت ... يمكن أحمد وعمار يدوني فرصة في جهازهم ....
| |
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
Quote: طيب انا عندي ليكم شقق بـ 27 الف دولار بس والعايز يسجل اسمه ... يا الرشيد ... وبالاقساط المريحة كمان ... بس مافي زول يقول لي وين ... بالله خلو لي أختيار المكان .... ويا ريت كمان الزمان ... |
المكان ما مشكلة يا أبو الزوز...
مشكلتي معاك حتكون في الزمان...
لو عايز كمان الزمان ما يكون مشكلة...
نقص المبلغ كمان و كمان...
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
شبيكة ميسرة منى
كل سنة و انتم بخير اعملو حسابكم من العتبــــــــة .... تعالو باحمد حلمى احسن .....
Quote: يانضيف ... اليوتيوب والفيس بوك والتويتر ... ممنوع في كل حكومة دبي ... فاكرنا ماشين على حل شعرنا ... ... خليني لما ارجع البيت ... يمكن أحمد وعمار يدوني فرصة في جهازهم .... |
ما تكون صريح وتقول الباسورد بتاع المواقع دى عند الحكومة المحلية وبلاش لف و دوران .....
| |
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
سلامات يا ناس
(ولا دى العتبة الجديده بتاعة بعد الخمسين ؟؟؟ )
انت يا عيد ...مالك ساكى العتبة دى؟ انت ما عارف انها قزاز؟
وبالذات عتبة الرشيد،وواحد تانى انا كان ذكرت اسمو بيجوا المدافعين
عنو يهددونا.
| |
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
Quote: بختك حيوديك المهداوى. |
المهداوي هينة يا كوتش...
أنا خايفو يوديني البحر و يجيبني عطشان...
هو تحت تحت كده ًقال لي قريب من الفلل الرئاسية...
قلت و الله المبلغ شوية عديل كده حتى لو كانت أحلام ساكت...
و الزمن في الحالة دي ما مهم...
| |
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
ده شنو ده هو الحاصل شنو 270 الف دولار بتاعت شنو متلقحين جوة قاعدين يعملوا شنو خمسين والجوكر بايظ ميسرة ومنى يونس مالم ياسر شبيكة حصل ليهو شنو البادى النور رجع ولا لسا
ما بتتسألو منى مالكم , هسى يعنى لو الواحد عيان ولا مات حايكون موقفكم شنو قدام الأمم المتحدة ؟؟؟
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
يا نضيف ... والله ضحكنا لما ... وقعنا على قفانا خواجية ... اتكلمت عربي ... لا ده سوداني عديل كده ... والعجب ... المفراكة ....
اها المداخلة دي من البيت ... عشان اوريك حكومتنا فاكة اللعب ...
================================ منص ... خلعوك الشباب ديل ... يازول اوع تتهز ولا تتلز ... دي حركات منابر ساي ... كدي تعال لي بهناك ....
ياخوانا جلا ده ماقال عاوز واحدة ... بعد كباية العصير الدبل ... فقد الذاكرة ...
| |
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
سلامات يا ناس
Quote: ما بتتسألو منى مالكم , هسى يعنى لو الواحد عيان ولا مات حايكون موقفكم شنو قدام الأمم المتحدة ؟؟؟ |
يا عمنا ازيك...
منو قال ليك ما سألنا منك؟ كدى راجع الفاتك.
بعدين الصفحة دى يا دابا بدت...
روق المنقة.
+++++++++++++++++++++++++++++++
حبة تلج : انت ياخ قاعد تغيب من البال عشان يفقدوك؟
| |
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
Quote: تشوف ليهو زول يخلصو من انيوية الغاز. |
أنبوبة الغاز ساهلة ياكوتش ... دي برفعوها كل شهرين ومرات كل تلات شهور ...
الكلام باغات الموية .... كل يوم أو يومين مع أكياس الدكان ... اسأل جلة السكر ....
=======================
ياكوتش ماعاوز تجاور ... جلا احجز ليك واحدة جنبو .....
| |
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
كل عام والجيمع بألف خير وشكراً ليكم جميعاً يا كم إنتو أهلي وناسي وعزوتي
تحياتي كل ناس الزقازيق وشكرا محمد عيد على الهدية
------------------------------------------------------------
الف مبروك لكل المناسبات السعيدة خلال الفترة السابقه
وعزائي لكل من فقد عزيز لديه
| |
|
|
|
|
|
|
Re: ناس الزقازيق ... أجدع ناس (4) .. (Re: مني يونس)
|
اولا نبارك للريس وحرمه السيدة الأولي عيد ميلاد زواجهما ... ودي في بعض الدول بيدو فيها اجازة عديل شدة ما مناسبة سعيدة لجماهير الشعب ... وكمان نبارك ليهم عيد ميلاد السيدة الأولي وتزامن الحدثين مؤشر علي أشياء كثيرة ... نقدر نقول الحب في أولها ... ربنا يخليكم لبعض ويخلي ليكم العيال الحلوين محسنة منذر وصديقتي الجميلة مشكاة ...
| |
|
|
|
|
|
|
Re: ناس الزقازيق ... أجدع ناس (4) .. (Re: مني يونس)
|
ثانياً : بالنسبة لموضوع الشقة ... ياخي ما شرطاً تكون الفلل الرئاسية ... يعني الناس لو هسه مشت مع احمد اسماعيل في موضوعه المسالة ما كانت كلفت كتير .... يعني ما لدرجة 27 الف دولار بس احتمال اكتر شوية ... اتخيله عشرة انفار عملوا عمارة كل دور فيهو شقتين ... وتحت دكاكين عشرة الدكان ما اقل من مليون ... يعني كل زول يجيهو مليون كل شهر ويضمن ليهو شقة ... شنو يعني قطعة ارض بـ 500 الف ولا 600 الف تتقسم علي عشرة ... والباقي الناس علي راحتها الجاهزين يبدوا يبنو تحت واي زول ما جاهز يدوهو فوق لغاية ناس قريعتي راحت يكونوا في السطوح ... علي كل الأحوال انا في إنتظار ياسر نجيلة ومشروعه الحا يخليني اقول شعر زي محمد صديق في خالدة ... يمكن يكون أحسن من مشروع احمد إسماعيل ... المهم الناس تتحرك .. بدل ما تتحمس للحاجة في البداية ولمن يجي التنفيذ تلقي كل زول لبد وراء التاني ... وين الشجاعة واخوان فاطمة والذي منه ... بعدين يا محمد صديق لو وديت الرشيد المهداوي بارد علي قلبه ... ناس نجاة حوفي زمان كان ساكنين هناك ... اها شوف عيني دي كان بينظرها في المهداوي ويجكسه في الكافتريا بتاعت السوريين الفي ناصية الجنب بتاع التمباك ... وبعد ما يوصلها البيت و يودعها يجي راجع يشيل ليهو كيس من الزول ده عشان ما تشوفه ... ده طبعاً ايام الشباب هسه الراجل التزم وبقي مولانا وخله سف التمباك ...
| |
|
|
|
|
|
|
Re: ناس الزقازيق ... أجدع ناس (4) .. (Re: مني يونس)
|
صبحكم الله بالخير
لم أكن أعترف أبدا بأن المود هو الذي يحدد تداخلي...أتداخل أو لا أتداخل.. الا هذا الصباح... وجدت ان أي مداخلة لي كانت ستكون على شاكلة مودي... فأخرتها حتى يستعدل المزاج... شربت الشاي و المود معطل...أعقبته بالقهوة و المود معطل... قال لي صديقي السوري ان الشيكولاته تعدل المود... و لكن أنا لي بشيكولاتة و أنا بمكتبنا الموقعي... حيث لا أمنيات تتحقق و لا كائنات تمر... و أقرب مكان يبعد بضعة كيلومترات و لكني لا أٍستطيع الخروج من المكتب الآن... و لما كان المود سوف يؤجل أو يمنع تداخلي... أجبرته على الاستعدال و دخلت عليكم هنا بهدفين... الأول أن أتداخل معكم مهما كان المود... و الثاني أن أضرب مثلا للذين يتحججون بالمود و بالهناي داك الما يتسماش... ان لا شيء يمنع البتة من أن تكون بين أحبابك... حتى و لو كنت بمود معكر...
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: بعدين يا محمد صديق لو وديت الرشيد المهداوي بارد علي قلبه ... ناس نجاة حوفي زمان كان ساكنين هناك ... اها شوف عيني دي كان بينظرها في المهداوي ويجكسه في الكافتريا بتاعت السوريين الفي ناصية الجنب بتاع التمباك ... وبعد ما يوصلها البيت و يودعها يجي راجع يشيل ليهو كيس من الزول ده عشان ما تشوفه ... ده طبعاً ايام الشباب هسه الراجل التزم وبقي مولانا وخله سف التمباك ... |
يا أبو الزوز ده يعني نظام دق صفايح و لا شنو....
مداخلتي تزامنت مع مداخلتك عشان أنا بطيء في الطباعة بالعربي.... لكن نحن لما كنا بنجكس في المهداوي سوري واحد دخل البلد مافي.... لو عايز ليك باسطة الا تمشي لي الطيب سيد مكي...و لا حلويات سلا... و في واحد تاني مشهور اسمه الصمدي.... الحاجات الجديدة دي ما كانت في... و العجب التاكسي التعاوني يا أبو الزوز... و الله أنا مفروض يدوني جائزة نوبل في الصبر مع التاكسي التعاوني ده... و الله أيام لها ايقاع... حسة لما نجاة حوفي تقول لي أنا ما بركب الا عربية شنو... أقول ليها...أتذكري اذ لحافك جلد شاة...و اذ نعلاك من جلد البعير....
دي أنا قاصد بيها التاكسي التعاوني....
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
دخلنا ... اولا: عشان نبارك للريس ومنى ونتمنى ليهم حياة ملؤها السعادة والهنا وراحة البال ونجاح العيال ودامت ايامك افراح يارب ... تانيا: عشان اكفر للرشيد مش عشان موده ... عشان خلا التمباك "حسب رواية زهير" عليك الله زول عاقل كدة يخلي التمباك (نان)الغربة دي بدون تمباك بتنقدر؟ وثالثا: ازيك يا جلا
| |
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
Quote: تانيا: عشان اكفر للرشيد مش عشان موده ... عشان خلا التمباك "حسب رواية زهير" عليك الله زول عاقل كدة يخلي التمباك (نان)الغربة دي بدون تمباك بتنقدر؟
|
يا جلجل ما تقرأ لي جرايد المعارضه دي.....
ديل عايزين يعملوا لي اشانة سمعة في المجتمعات المخملية...
عشان لو عايز أرشح نفسي رئيس لي رابطتهم يقولوا لي (سوري)...
هناي داك كتب في الجريدة قال انك بتسف...
أنا التمباك ده هو زاتو شنو ما عرفتو الا قريبات دي...
لما اتغديت مع ناس زهير في البيت...
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
صبحكم الله بالخير
يا القمره ..يا القمره... أقلبي السنسن الحمره... شوفي منصور ليه ما جا....
ما قال بجي ..مالو ما جا...
الزول ده جانا و لومنا و مشى... تاني ما شفنا ليهو أثر و لا خبر...
و الله يا منص سائلين منك لكنك بقيت جافي... مع انك قاعد تمشي هناك ..(ما عندنا مانع طبعا عشان ما تجي تهجمني)... مش قلتوا كل زول يوفق أوضاعه على حسب قعدته... و طيب..يكون عندنا مانع كيف عاد...
ال 3 سطور الأولى بحث... و السطر البعدها...(تعجب).... و الاتنين البعدهم استغراب... و ال4 الأخيرات ..رد اللوم لومين...
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
في أغلب الاحيان .. وكل ما انوي اتداخل ... اقرأ سطور ولدنا الرشيد ... اضحك ضحك طفلين ... اتعجب تعجب نفرين ... اندهش ... دهشة ... لصين .. واسأل نفسي ... الزول ده شم بعر الفيل زمال لما كان صغير .. ولا لي هسع بشم فيهو ...
كدي تمعنو معي هذه الكلمات والجمل ... بعمق ... وتخيلوها ... ...
Quote: النكات : كلها في السلك خصوصا بتاعت الزوجة التوافقية... لأنني بصراحة أو من غير صراحة أنعم بتلك الزوجة (اختار شكل و نوع الوش الذي يناسبك)....
|
Quote: و فوق كل ذلك ستخسر كرامتك قبل كل امتحان للحزام التالي... أنك ستعمل ككيس تدريبات لهم قبل الامتحان... لا تستهونوا ضربات صغاركم... فهي بقليل من التدريب تصبح أقوى و أشد من ضرباتكم...
|
Quote: شربت الشاي و المود معطل...أعقبته بالقهوة و المود معطل... قال لي صديقي السوري ان الشيكولاته تعدل المود... و لكن أنا لي بشيكولاتة و أنا بمكتبنا الموقعي... حيث لا أمنيات تتحقق و لا كائنات تمر...
|
Quote: حسة لما نجاة حوفي تقول لي أنا ما بركب الا عربية شنو... أقول ليها...أتذكري اذ لحافك جلد شاة...و اذ نعلاك من جلد البعير....
دي أنا قاصد بيها التاكسي التعاوني....
|
Quote: رسل لي ايميل حلقك و لا عيونك... عشان يكون التأثير مباشر...
|
Quote: أنا التمباك ده هو زاتو شنو ما عرفتو الا قريبات دي...
لما اتغديت مع ناس زهير في البيت...
|
Quote: ال 3 سطور الأولى بحث... و السطر البعدها...(تعجب).... و الاتنين البعدهم استغراب... و ال4 الأخيرات ... رد اللوم لومين...
|
=============================== غايتو يالرشيد ,,, من غيرك البوست ده ... بيكون .........
بيع فلل ساي ............
| |
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
صباح الخير ،،، يا وجوه الخير
أصبحنا وأصبح الملك لله وحده
نجاوى صباحيه :
يا رب الأرباب يا عظيم الجناب يا من إذا دُعى أجاب يا سريع الحساب يا كريم يا وهاب
يا الله يا رب العالمين
===============================
دعماً للرشيد الشعب يريد دخول منصور بقوة
| |
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
Quote: غايتو يالرشيد ,,, من غيرك البوست ده ... بيكون .........
بيع فلل ساي ............ |
ان شاء الله يا نجيلة دائما معنوياتك مرفوعة... و خاطرك طيب.. زي ما قاعد ترفع معنوياتي و تطيب خاطري... يا حبيب الواحد لما يكون وسط أحبابه بيكون في مود عالي... يتأثر بيهم و يتلذذ بي لحظات وجوده معاهم و ينسى هموم الدنيا... و كلكم نجوم..اذا غاب أحدكم لا يكون الاشعاع كما يجب... و أي صفحة كانت فيها البانوراما بتاعتك يا نجيلة كانت مميزة... و لو عايز تتأكد من كلامي ده أرجع لي وراء و شوف بي نفسك...
حسه يجيك جلا يقول ليك ناس الامارات يتغزلون في بعضهم البعض...
| |
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
Quote: يا ابو الزوز : الشعر الكتبناهو راكوبة ما جابا لينا. |
يا كوتش ضحكت لدرجة انو الهندي المعاي عمل ساتر...
افتكرني جنيت...
فسارعت بطمئنته و قلت ليهو لا عليك...
انها احدى قفشات الكوتش...
فصدقني نص..نص..
و أخذ يطالعني بين الفينة و الأخرى....
فأغلقت دونه البوست...
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
يا شباب ... نحنا في الصفحة 43 ولا 63
غايتو جننتو البوست جن ....
===================== يا كوتش ... طيب ... حنا زهير ... ينفع يكون جارك .... دا بحكم ابوهو .... عليه العوض ومنو العوض ربنا يصبرك اختي ... ابتهاج .......
| |
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
صبحكم الله بالخير
الليلة البوست عامل زي لما تغيب من بيتكم فترة طويلة... و تجي راجع تلقى ناس البيت عملوا ليهم زيادات ... و ضربوا ليك البيت بألوان عجيبة من بره و جوه... فتقوم تدق باب الجيران تقول ليهم انتو بيتنا رحل وين.... الصفحة 64 دي جهجهتني أنا زاتي يا ياسر....
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
صبحكم الله بالخير
اليوم ما عارف من وين جاني احساس اني متأخر... حمام سريع جدا نوع اللما تطلع تلقى صابون في اضنينك داك.. ما أنا متأخر.. تجاهلت ليك حتى كباية القهوة الصباحية اللذيذة ديك... ما أنا متأخر... ساعة الموبايل و ساعة الريسيفر و الساعة المعلقة في الحيطة و ساعة اليد... كل الساعات دي ما قدرت تقنعني... باني ما متأخر... تكرمت علي ست بيتي بالقهوة برضو تجاهلتها... لبست سريعا جدا لدرجة اني ربما أكون لبست كل ملابسي في وقت واحد... و معاهم الحذاء و الحزام و الساعة و النضارة كلها في وقت واحد... ودعت ست بيتي و خرجت مسرعا حيث تقف سيارتي بعيدا عن بيتي... اسرعت في مشيتي حتى كدت أدهس الفلبينية التي كانت معي في الأسانسير... فلقد طلبت منها بكل ذوق أن تخرج قبلي و لكنها تمحركت... فتجاهلت جنتلمنتي و خرجت... جاءني صوت الناطور (الحارس) من خلفي يسلم علي فرفعت يدي دون أن التفت اليه... أراد ذلك الباكستاني الذي يحمل في يدة جالون زيت مكنة أن يعبر أمامي... فلم أسمح له و قلت ليهو في سري (ماشي وين بزيت مكنتك ده)... و تلك التي في الرداء الأحمر...لم أمعن فيها النظر... و ذلك حتى لا تتهمونني بأني لا أغض البصر... و أخرى تلبس عباية سوداء كدت أن اصطدم بها و أنا أنظر خلفي لأعبر الطريق... و ركبت سيارتي و أدرت الراديو الذي هو أصلا على الBBC... فاذا بمذيعة الأخبار تقول سأذيع عليكم موجزا للأخبار بعد قليل أي عند الثالثة و النصف... أدركت حينها بأنني لست متأخرا...
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
صباح الخير ،،، يا وجوه الخير
الليلة بفتش على بيتنا ولكنه تاه مني
يا ربي ده دارنا القديم ولا جلا عمل فيه حاجة
ولا ناس الفيس بوك عملوا لينا عمل عند الفكي قوقل بتاع زهير الزمان داك
لو ما مداخلة نجيلة والرشيد كان مشيت العشش ،،،،
يا ناس الخرطوم تعذرونا أنحنا دقة قديمة وطول الغياب
وما زالت العشش معششه في راسنا،،،
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
حالتك اخير منها حالة البوست يا رشا
بكرى عصر البوست حقنا لمن زاد النص .... بالغ لكين كان يذيع الخبر فى BBC
فى الاول كنت عاوز ادخل صفحتنا القديمة 42 فجأة غيرت رائى قلت اشوف 63 دى فيها شنو و خايف الهكر يصطادنى .....
بختك يا ميسرة اهو جاتك 21 صفحة زيادة .... بفضل دعاء الصباح ......
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
الحصل ليكم شنو يا ناس .. دس مطه عجيبة .. غايتو بكري ينظر فينا تنظير شديد مرة الصفحة مية مداخلة ومرة 90 ومرة مية وعشرة ... انا خايف يوم تكون 5 مداخلات ... يعني نفتح الصفحة الف وشوية ... بعدين يارشدي أثبت لينا انك مستلب يعني ماتقنعك إلا لندن ... غايتو البوست ده لو ختا جلا يا ريس ما بتجيهو اي عوجة ... يا جماعة ما في زول شاف موسي عيسي ... محمد صديق وياسر نجيلة ... غايتو اليبقي جاري والله الله اداهو ... الظاهر عليكم أنتو ما محظوظين ... غايتو محمد صديق لو بني بيته ما عندنا مشكلة عادي ممكن نأجر منه النص التاني وما نديهو الإيجار مش نحن عدايل برضو ... لكن ياسر ده الا يشد حيله ويكتر العمولات عشان يلقي ليهو شقة من ابو كديس ديك ويتنازل لينا عن السطوح ... بي كده بنبقي جيران ... اها الضيوف والعزومات بتاعتنا حا نعملها في بيته ... مش الحالة واحدة برضو ...
اجمل تعليق بتاع عبد الدائم ... يستاهل عشرة علي عشرة ... علي الطلاق مشتاقين يا نضيف ...
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
لا يهم أين ؟؟ و كيف ؟؟؟ و متى سأتي؟؟ المهم أنا حضور بي طايوق كامل بي نص بي الفي بالمافي نفديك يا قـ ... قمباري قمباري دا بتاع الإتحاد الأفريقي ما علينا
شكراً جميلاً للكوتش الذي رد نيابة عني تحية الأخ الطاعم جلال بالرغم من أن السكن جوار الكوتش يخضع لمعايير الجمال و الإفتنان في الكلمات حتى ولو كان تحت شجرة أو راكوبة في يوم ممطر دون رعد و برق لم أستغرب تبادل الون تو بين الذين هم في حلة واحدة يعني أنا لو كنت في إحدى تلك الفلل أم 275 ألف دولار و موسى عيسى في نفس البكان (طبعاً بإفتراض أن موسى عيسى يسكن في الفلا المقابلاني) هل سيكون هناك ون تو بيناتنا في الفضاء الإسفيري دا!!!! و الله لو كان ذلك كذلك لما أتممت باقي الأقساط و لو يمعطو شنب أبو الزوز زاتووو
نصيحة طبية: زول ساعتو البيولوجية بتاعتو ما ظابطة حقو يتفكفك من عتبه الخمسون عام و يمشي لي قدام شوية يمكن تظبط قدام يستثنى من ذلك ست بيتو (كسير التلج تحسباً للصواريخ المضادة)
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
Quote: بعدين يارشدي أثبت لينا انك مستلب يعني ماتقنعك إلا لندن ... |
أريتو استلاب السرور...
Quote: زول ساعتو البيولوجية بتاعتو ما ظابطة حقو يتفكفك من عتبه الخمسون عام و يمشي لي قدام شوية يمكن تظبط قدام يستثنى من ذلك ست بيتو (كسير التلج تحسباً للصواريخ المضادة) |
و الزول الساعتو البيولوجية ما ظابطه ده ما عندو صواريخ قالو ليك...
الزول ده قال ليك الخمسين دي يعديها مفلق...
كنكشة شديدة في اعتاب الخمسين...
و لا الخمسين زاتها كمان...
أعتاب ساااااكت...
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
السلام عليكم أيها الكرام الاخوة المرابطين بالبوست الريس والرشيد ومحمد صديق والاخوة المشجعين بالمشركة والمتابع واإستمتاع بهذه الصفحة النضيف ونجيلة وجلا وجلا + لام ومحمد عيد وزهير أبو شنبا خمسين وحلاتنا المتابعين ومستمتعين ، ما لها الصفحة تغيّرت وإختفى منها كلام مهم
Quote: حتى ولو كان تحت شجرة أو راكوبة في يوم ممطر دون رعد و برق |
ماسمعت التنبيه ثلاثة منهم أقيف من ضمنهم (الراكوبة في الخريف) وفي رواية أخرى الواحد لو قاعد يمجد في شخص والذي يستمع له يرى خلاف ذلك يقول (ماتشكر لينا الراكوبة في الخريف )
| |
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
أبو حميد راكوبة لي راكوبة تفرق كتيييير راكوبة و أنت مسافر في الطريق و لقيت ليك عنقريب هبابي و بعد ما فطرت و إتفنقلت كدااا و بعدين معاها كباية شاي أو جبنة تفرق من الراكوبة إذا كنت عامل فيها باك يمين و قاعد في الخلا و تخلي حاتم جبارة يجي ماري فيك طوااااالي برضو تفرق من الراكوبة القاعد تحل المشاكل بس الغايظني إنو الكوتش ما أدا الراكوبة دي أي إهتمام بالرغم من إنو أنا متأكد إنو في كلام جميييييل كدا يكون قالو وهو كان قاعد تحت راكوبة من الرواكيب ومتوهط في برش من بروش الواطة ديك الحاجة العارفها قال ماشي يسكن في القطعة بتاعتو بدل يدفع 275 ألف دولار بالتقسيط و يمشي يعمل ليهو إنشاءالله راكوبة بالفهم دا عيب لي الراكوبة
| |
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
انا غايتو مع ارقام صفحات بوستينا البهدلا بكرى دى اتعاملت معاها تعامل الرشيد مع ساعات بيتهم الكتيرة ديك ابيت اقتنع كلو كلو تلاتة واربعين يعنى تلاتة واربعين , اصلو حاجة ما حقتى لا بشيلا ولا بقرب ليها دخلت تلاتة واربعين مش الرشيد بتاعت النشرة اقنعته انو الساعة تلاتة ونص انا لمن لقيت نفسى بهضرب فى حفلة استقبال الود الدومنيكانى الكان فى استراحة سقط لقط ديك يا دووووب عرفت حاجة الراس ما قوى قوة عدوكم اخدت اللفة وكبرتها اكبر من سفة جلال عثمان حتين ساعتى البيولوجية رجعت ظبطت تانى دى حالة شنو دى الملخبتة دى
Quote:
لبست سريعا جدا لدرجة اني ربما أكون لبست كل ملابسي في وقت واحد |
الزول ده واحد يفتشه , انا شاعر انو فى حاجة ناقصة !!!!!!
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
إنتابني إحساس إنو منصور سيكون اليوم حضور طبعاً هذه ليست أمنية كما كان الرشيد يتمنى عودة محمد عيد و قلت الزول دا حيجي و يتكلم عن الباندوث و الذي أعلمه أنه بعيد كل البعد التكنلوجية (و الحمد لله تجنبه) لأنو كان حايهرينا زول مسكوهو كيبورد و قالو ليهو كب الجاولين العندك طبعاً حيجو كل الأعداء و يقول لي مالك مع الزول دا!!! ودا أظرف على من مشا في الأرض و الذي منو أقول ليكم عندي معاهو شنو؟؟؟؟ ولا أخليها في سري أحسن؟؟؟!!!
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
Quote:
ثانياً : بالنسبة لموضوع الشقة ... ياخي ما شرطاً تكون الفلل الرئاسية ... يعني الناس لو هسه مشت مع احمد اسماعيل في موضوعه المسالة ما كانت كلفت كتير .... يعني ما لدرجة 27 الف دولار بس احتمال اكتر شوية ... اتخيله عشرة انفار عملوا عمارة كل دور فيهو شقتين ... وتحت دكاكين عشرة الدكان ما اقل من مليون ... يعني كل زول يجيهو مليون كل شهر ويضمن ليهو شقة ... شنو يعني قطعة ارض بـ 500 الف ولا 600 الف تتقسم علي عشرة ... والباقي الناس علي راحتها الجاهزين يبدوا يبنو تحت واي زول ما جاهز يدوهو فوق لغاية ناس قريعتي راحت يكونوا في السطوح ... علي كل الأحوال انا في إنتظار ياسر نجيلة ومشروعه الحا يخليني اقول شعر زي محمد صديق في خالدة ... يمكن يكون أحسن من مشروع احمد إسماعيل ... المهم الناس تتحرك .. بدل ما تتحمس للحاجة في البداية ولمن يجي التنفيذ تلقي كل زول لبد وراء التاني ... وين الشجاعة واخوان فاطمة والذي منه ... بعدين يا محمد صديق لو وديت الرشيد المهداوي بارد علي قلبه ... ناس نجاة حوفي زمان كان ساكنين هناك ... اها شوف عيني دي كان بينظرها في المهداوي ويجكسه في الكافتريا بتاعت السوريين الفي ناصية الجنب بتاع التمباك ... وبعد ما يوصلها البيت و يودعها يجي راجع يشيل ليهو كيس من الزول ده عشان ما تشوفه ... ده طبعاً ايام الشباب هسه الراجل التزم وبقي مولانا وخله سف التمباك ... |
قصر الكلام هناك أرض في شمبات بحري ناصية بمساحة 800 م2 بقيمة 600 مليون هذه الأرض تستوعب 12 شخص (شقة) في الثلاثة طوابق ، شقة بمساحة (150) م2 + دور أرضي إستثماري + حديقة لنا ولاطفالنا بمساحة 100م2 هذه الأرض ممكن شراؤها بالتقسيط بعد دفع 60% من قيمتها كاش والباقي يقسط لسنة كاملة بإختصار لو بدينا في هذه الأرض بعد سنة ونصف لو ربنا أحيانا حنمتلكها ونشرع في بنائها توفر الأرض كضمان + المقدم المطلوب
| |
|
|
|
|
|
|
|