|
|
|
 Re: ناس الزقازيق ... أجدع ناس (4) .. (Re: احلام وهبي)
|
اهلا وسهلا .... باصدقاء الزاقازيقاب
الاخ حافظ انقابو ...
واختنا ... احلام وهبي
وتحياتنا لزوجها الفنان الراقي محمد السني ..
وابننا محمد السهر وردي ...
تحياتنا ...
لنا وقفة مع زائرنا الظريف ...
حافظ انقابو ...
اول ما قرينا اسمك تبادر لذهننا ....
السؤال التالي ...
هل هذا اسم ... ام صفة ...
حافظ مشتقة من الحفظ ...
انقابو ... جمع منقبه .... اي محاسن ...
كدي انداح ورينا ...
وكمان بالمرة نبذة ظريفة تعريفية عن شخصك الكريم ...
زيادة معرفة وكده ... وبداية مشاركة وتعارف ...
===========================
ربنا يشفي بتنا مني بابكر ...
نسأل الله لها الشفاء العاجل ويردها لاهلها سالمة معافية .... يارب
رشيد القوم ...
ياخي ماطول الغيبة ...
البوست من غيرك .... جلا
(مافي واحد يجي ناطي ويقول ليه اخترت النقطة بتحت بدل فوق)...
مزاج ساي ياخي ....
| |
 
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
| Quote: (مافي واحد يجي ناطي ويقول ليه اخترت النقطة بتحت بدل فوق)... |
في مثل ما عارف أنا ناجرو و لا أصلاً هو موجود
المثل بقول
الرشاقة الكتلت إشراقة
ما داير أجي ناطي و أقول ليك لو خليتها بدون نقط بتكون أجمل
لسوء حظي أمبارح في قروب الفيس بوك قمت إتشالقتا مع حاتم جبارة
و الموضوع خاص بحب أم كلثوم ثم تأتي المداخلات إلى مداخلة الدمينكاني
هل ينفع العلاج بالقرآن و الموسيقى
المهم شلاقة شلاقتين كدا مني قام الزول خرج من القروب
لكن الأمر الأصعب الزول قام شكانا لله
هس أنا في ورطة و لا ما في ورطة عليكم الله!!!!!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
صباح الجمال و الجو الجميل بنداهو, حقيقة الموضوع
يحتاج رومانسية صباحية في حضرة الزقازيقاب المتصالحين فقط
ولَّعتيهـو جـمـر الـشـوق فــي نـص اللـيـل وقدتـيـه
خلِّيتـيـهـو سـافـرتــي .. مــيــن غــيــرك يطـفِّـيـهـو
رحلْتـي ورحـلَـتْ الأفــراح والـشـوق فــرَّ جنحيـهـو
خلِّتـيـلـي هـــمَّ الـغـربـة أقـاســي بـــراي أعـانـيـهـو
مسيخـي حياتـي مـن غيـرك كئيـب اليـوم أٌقضيـهـو
يمـرْ الليـل وراهـو اللـيـل وكــلْ لـيـل بــي مآسيـهـو
إنـشـلَّ العـقـل فــي فِـكْـرو شــارد ومـانــي لاقـيـهـو
والكـون هالعريـض مشـرور ضاقـت بـي أراضيـهـو
يا صبحا شرق فـي صبحـي عـاد لـون الفـرح فيهـو
يـا قمـرا سطـع فــي لـيـل حيـاتـي وضــوَّ أماسيـهـو
عَرف معني السعادة معاك سروري انا ماني خافيهو
ظاهـر فـي مشـاعـر حـبـي وفــي عيـنـي تشوفيـهـو
يـا نـبـع الحـنـان الـفـاض شرايـيـن قلـبـي راويـهـو
بقيت غيرك أشـوف نفسـي .. جِنَـيْ دايـرَ اليلوليهـو
حقـيـقـة البـيـنـا يامحـبـوبـة مـــا قـــادر أسـمـيـهـو
قـامـوس الـغـرام كلمـاتـو مـــا شـرحــت معانـيـهـو
حنانـي وحبـي وإخلاصـي بحـر شـعـري وقوافيـهـو
مشاعري وفكري وإحساسي حديث نفسي المخبيهو
طريـقـي الراسـمـو قـدامـي ..أمــل قلـبـي وأمانيـهـو
روحـي بقيـتـي أحـلامـا .. فــؤادي غــرام ملكتيـهـو
عـالــم حـبـنـا الرومـانـسـي.. زيُّـومـحـال تلاقـيـهـو
زيْ قـصَّـة غــرام أسـطـورة كاتـبـا مــاب تعَرْفيـهـو
حُبـنـا حـيَّـرْ الـعـشـاق وإحـتــاروا الـخـلـوق فـيـهـو
كُــلْ مــا مـــرَّت الأيـــام تـزيــدو صـمــود تقـوِّيـهـو
مــا فـتـرت مشـاعـر حُـبُّـو .. مــا بـــردت ليالـيـهـو
معـا عـدد السنيـن الطـال تقـول يــا دوبــي باديـهـو
لأنــك ليـهـو أخلصـتـي .. وعـهـد الـريـد حفظتيـهـو
ولأنـــي حقـيـقـة حبـيـتـك وحـبــك ذاتـــو حابـيـهـو
| |
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
سلام عليكم يا حلوين..
حبيبي جلا..
ورطتك دي سببها أنا.. وأتحمل اللوم عنك..
عسى الله أن يغفر لنا..
عشان تاني تخلي الشلاقه.... :)
شفت الواحد برضو ما قادر يخلي الهظار الكتير..
طبعاً كنت قايل الفيس بوك زي هنا.. الناس حيستحملونا زي ما بتتحملونا..
طلعت غشيم.. وأخدت درس كبير..
والله يا جلا من الزعل.. لو في في الدنيا دي إستيكه تمسح إسمي من الفيسبوك والزقازيق زاتها..
كان مسحتو.. حكمه الله.. لقيت نفسي بأردد أم كلثوم أو ما شابه..
"كان مالي ما كنت ف حالي.. متهني ب قلبي الخالي.."
تاريهو الكوتش ما ساهل.. طلع عب كبير في موضوع كاريشا..
وفي الفيس بوك..
إنتهى يا مان..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
بسم الله
الدومينكاني!!!!!
لا عليك بالله ... لا تحمل نفسك فوق طاقتك
بالمناسبة أنا الذي ورط نفسه و شخصك
و شاكر جداً لتلفونك ... و الحمد لله تواصلت مع الأخ الكريم و هو سامح و تسامح
| Quote: لو في في الدنيا دي إستيكه تمسح إسمي من الفيسبوك والزقازيق زاتها..كان مسحتو |
و الله كنت داير أساعدك في المسح لكن لقيت الطبيعة بدأت بالمسح
و إبتدأت من رأسك و ماشة للروموش و الشنب ما عارف حتقيف وين!!!!
على العموم ما تجيب سيرة للناس الهنا
لأنو في ناس بتاعين شماارااااااات
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
طبعا أنا امس جريت جري على الفيس بوك
عشان أعرف الشمار
بس والله مافهمت حاجة
غير كمال الشادي سأل سؤال عن حب ام كلثوم
وواحد اسمو احمد كتب مداخلة عن حب القرآن ...وعلاقة بالراحة النفسية عكس الغنا
وحاتم جبار ومحمد ادم النور بتهألي مداخلاتهم طالهم مقص الرقابة (زهير الزناتي)
عشان كده لم افهم سبب حردان الاخ أحمد وتركه الفيس بوك
ممكن ياشباب تعيدو المداخلات هنا بسرعة قبل حضور الاخوان ...
==========
طبعا طلبي ده من باب الشمارات ... وهو برئ جدا ...
وكمال الشادي يطالب بعودة طارق جبريل
وانا اطالب بحضور موسي عيسي
المهم ...
انا نسيت اصبح عليكم
كيف اخباركم ياشباب
سركم في بير ... ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
يا ديدو الأغنية أبت تفتح معاي عشان نتنفس
Quote: طبعا طلبي ده من باب الشمارات ... وهو برئ جدا ...
المهم ...
انا نسيت اصبح عليكم
كيف اخباركم ياشباب
سركم في بير ... ... |
قلت لي سركم في بير!!!!!
الكلام دا تقولو لي زول نجيلة ....
هههههههههههههه
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
والله يادودي ...
بظهورك اليوم ... وفرت لى حق التلفون ...
كنت ناوي أعمل ليك تلفون ... اتفقدك
ونشوف رقبتك ... وصلت وين ...
عموما ... ان شاء الله رشيد القوم يظهر باقي الخميس أو الجمعة
عشان يوفر على حق التلفون ... والمشوار ... لأبوظبي ...
==========================
جلا ... اخبارك لسانك ... شنو
غايتو هنا ... بنقــ ....... ليك من لغاليغو ... ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
عارف يا نجيلة
بالنسبة للدكاترة طوالي عرفتهم ليك
يعني زي تيمان برقو المابتفرقو
لكن أحمد السني ماغشاااااني
و الله كنت فاكرو عماد شريف
Quote: شاء الله رشيد القوم يظهر باقي الخميس أو الجمعة
عشان يوفر على حق التلفون ... والمشوار ... لأبوظبي ... |
خليك من ظهورو الليلة أو بكرة
أفتكر مشوار لغاية الزول دا ما خسارة بكون أحسن بي كتير و أغريهو السلام بالله
و عشان أختها ليك طاااخ كدا سألتك بالله تمشي ليهو
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
سلام عليكم يا حلوين..
إنتو يا جمجارين وعارفين نفسكم.. ما تراعوا فرق التوقيت..
عشان لاقيني نايم..
يا جلا.. شكراً ليك..
جريت جري علي المرايا بي قطا عيوني..
لقيت فعلاً الصلعه لحقت الحواجب والرموش..
بي صراحه خايف أوي على العده ..
لذوي النفوس الضعيفه.. أقصد الشنب طبعاً..
حبيبنا نجيله.. أقول ليك استيكه تقول لي رقابه..
والله أبوالزوز دا تعبان معاك ومع الزقازيق..
لكن المداخلات تلقاها عند الغافل.. الا الرقابه تكون عندها باك اب..
النضيف يا عسل.. جابتك الجمجره جاري رغم المتاعب الصحيه..
عندي ليك مثل مصري خطير كانت الحاجه الله يرحمها بترشنا بيهو من حين لآخر..
"يموت الزمّار وصوابعو بتلعب".. أو من خلّى عادتو قلت سعادتو..
عشان كدا.. أنا مش حاسيب الهظار والجمجره..
ولو قطعتو اللغاليغ..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
| Quote: النضيف يا عسل.. جابتك الجمجره جاري رغم المتاعب الصحيه.. |
زول يحلف بي رقبتو البتوجعو
يكون جاي ياكل باسطة!!!!
و لا جاي يحتفل بي عيد ميلاد!!!!
طبعاً بكون جاي للبتاع القلتو دا
ما علينا... حقو نعمل لينا حزب و نخلي طارق جبريل الرئيس الدائم
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
| Quote: ما علينا... حقو نعمل لينا حزب و نخلي طارق جبريل الرئيس الدائم |
أبصلعه يا حليلو..
دي دايره أجيب اللغاليغ وأجيك..
شفت جرجرتك؟.. داير تجيب لي مشكله جديده.. :)
تخريمه:
كدي شوفوا بوست المسادير حق منصور المفتاح..
ديل ناس مجانين ياخي..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
صباح الخير ،،، يا وجوه الخير
دعاء اليوم :
اللهم ألف بين قلوبنا
وأصلح ذات بيننا
وأهدنا سبل السلام
=================
غيابنا نهاية الإسبوع لم يؤثر
على مسيرة البوست والله عافي منكم
وأنا بموت في حب ناس الزقازيق
أكثر من أم كلثوم،،،
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
تعال يا نجيلة الشمار شنو و احمد دا منو
الزعلو جلا ، جلا دا مزعل كل الناس وهي وصلت
يزعل لينا الراجل الطيب دكتور احمد لا لا وثم لا
الدكتور و كمان وساطة اب صعلة غير مقبولة لانه
خارج نطاق بلد الحرمين و دينهم هناك ههه ؟؟؟؟؟
ثانيا لازم يعاد الموضوع للنقاش و من هنا انا
ادين السلوك المشين للمسمى جلا و عليه الاعتذار
بالبوست اولا و بصحيفة الانتباهة ثانيا ثم يعرض
الموضوع علي لاقرر ....
صدر تحت توقيقي اليوم السبت التاسع عشر من شهر ربيع
الأول لعام 1433 هـ الموافق 11 من فبراير لعام 2012م
ابن عيسى * سلمه الله
*علي الاخ جلال تنزيل القرار للجهات الرسمية .
*صورة للاخ ياسر نجيلة
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: معتصم جعفر)
|
Quote: ياحليل أيام زمان ...
لن ننسي أياما مضت ...
|
مداخلة ام العزابة "عفاف" والريس معتصم ...
يتحسروا على ايام الشاب ..
وتخص المداخلة كل من ..
حاتم جبارة ...
طارق جبيرل ...
والسبب عند ولدنا النضيف ..
مع ملاحظة ان ملامحي وملامح موسي عيسي ...
لم تتغير كثيرا حتي نتحسر عليها ....
سلام مربع لكما ... ونورتونا ...
برضو .. المتاوقة ... بتسعدنا ...
==============================
الهم رب الناس اذهب البأس عن أخاتنا مني بابكر واشفها يا رب العالمين شفاءا لا يغادر سقما ...
واشفي جميع مرضانا ...
اللهم آمين ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
صباح الخير ،،، يا وجوه الخير
دعاء الصباح :
اللهم زدنا ولا تنقصنا
صلوا على النبي وقولوا آمين
=========================
Quote: تحيه وسلام واشواق بلا حدود
لن ننسى ايام مضت |
يا سلام على الريس الكبير وطلتك علينا
تفرحنا وتثلج صدورنا وحقاً لن ننسى !!!!
متاوقت عفاف مريحه وتذكرنا بالنداء لبنات الشيخ
بالعودة الطوعية ونخصص النداء (منى يونس وزينب التجاني) ومن في حكمهم
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
Quote: الهم رب الناس اذهب البأس عن أخاتنا مني بابكر واشفها يا رب العالمين شفاءا لا يغادر سقما ...
واشفي جميع مرضانا ...
اللهم آمين ... |
سلام أيها الناس (هي نفسها) سلامات يا ناس
أي متاوقة أو أي تلويحة ما بطااالة
أشك في الإقتباس الآتي
Quote: ان ملامحي وملامح موسي عيسي ...
لم تتغير كثيرا |
لم يكن في مقدوري أن أستوعب ما ذهب إليه صاحب المداخلة الفائتة
و لكن يجدر بي الإحتفاظ بإحترام الرأي الآخر.
و طالما كان هناك طعن دستوري قبل عشرون عام و نيف
في أهلية صاحب المداخلة ليتبوأ رئيس أسرة التجارة في ذلك الزمان
فكان من الأجدى أن يقول أنني و المذكور على نقيض
و إلا فإن الدغمسة تراوح مكانها
للآخرين
من منكم يريد أن يحجز مقعده لحضور أي تفلتات تظهر بعد هذه المداخلة
للعلم
فقط حاولت أن أكتب للناطقين بها
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
اولا التحية للقابض علي جمر البوست الريس ميسرة
ثانيا مرحب بالطلة يا فيفي و نورتي بس ما طولي
الريس الكبير اوي اوي معتصم ليك وحشة .
فلسصتب شوله ،
أولا يا سيد فاتن حمامة البينا و نجيلة عامرة بس انت
اطلع منها غير اننا دفعة كنا محاسبة مع بعض يعني قسم
الشطار فقط مش بالبتغلبهم الحكاية (يمشوا افتصاد مع المعذرة
لاسامة الطيب و الباقين) ثانيا يعملول لينا فيها مجنونه من
المذاكرة ..........
و المهم من دا كلهو انت اصلك لسانك متبري منك صدمت الراجل الطيب
دكتور احمد و خليتو حرد البوست والفيس ما تزوغ من الموضوع الاعتذار
واجب و التوبة مطلوبة من الاثم والتائب من الذنب كما لا ذنب له !!!!!
و التحايا للاخ نجيلة و قول ليهو لا نامت اعين الجبناء
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: موسي عيسي)
|
لسوء حظي أن ألعب مان تو مان مع الراجل الرشيق و الشفيف أحمد
و لسوء حظك أن المباراة لم تسجل و ليست هي بالمباشرة
لحسن حظي غيابك في تلك الفترة
و لحسن حظك شمارات دوت كوم كانت حضور و لكن بشكل نسبي
ما علينا:
إذن فأنا نقيضك و تلك دلائل قائمة
عليك الله المحاسبة دي لو صحي صعبة ناس عبدالدائم ديل كان إمتهنوها!!!!!
أن تتعامل مع الأرقام بشكل جامد فأنك تعطل أحد الموارد الهامة
| Quote: و التحايا للاخ نجيلة و قول ليهو لا نامت اعين الجبناء |
إذا كان ذلك كذلك
فنومي يا أعيني كما تريدين
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
الدغمسة البيعمل فيها جلا دي غريبة شوية
ولكن ربنا وقف ليك موسى عيسى ديدبان،،،
وبعدين القصة بقت على المحاسبة ما دكاترة
وصاروا صحفين وكتاب ،،،،،
=======================================
إعتبروني مركب مكنة ياسر نجيلة ،،،
محشش يغسل سيارته... سألوه ليش بديت من اللوحة؟
قال: مره غسلت السياره من السقف، وساعة وصلت للوحة اكتشفت انها مو سيارتي!
•°•°•°•°•°•°•°•°•°•°•°•°•°•°•°•°•°•°
محشش راح لدكتور نفساني
قاله: تجيني حالة غريبة، اكلم الناس بس ما أشوفهم!
سأله الدكتور: متى تجيك الحالة؟
قاله: إذا تكلمت بالتلفون.
•°•°•°•°•°•°•°•°•°•°•°•°•°•°•°•°•°•°
محشش مات أبوه وكان يبكي عليه، جاه تلفون وبعد ما خلص صار يبكي أكثر سألوه: خير!؟
قال لهم: هذي أختي تقول حتى أبوها توفى...
•°•°•°•°•°•°•°•°•°•°•°•°•°•°•°•°•°•°
محشش يسال خويه: لو اشرب عرق اسكر؟
قال:أكيد
قال طيب: لو اشرب مزيل عرق... يروح؟
•°•°•°•°•°•°•°•°•°•°•°•°•°•°•°•°•°•°
ضابط يحقق مع محشش... قاله: وين ساكن؟
قال: مع اخوي.
قاله: أخوك وين ساكن؟
قال:معاي.
عصب الضابط قاله: ياحمار انت وأخوك وين ساكنين؟
قال:مع بعض.
•°•°•°•°•°•°•°•°•°•°•°•°•°•°•°•°•°•°
محشش قالو له: وش رايك في الزواج المبكر؟
قال: يعني ايوه ساعة؟
•°•°•°•°•°•°•°•°•°•°•°•°•°•°•°•°•°•°
اثنين محششين في المدرسة عطوهم استدعاء ولي أمر ومكتوب على الظرف
(إلى ولي الطالب فلان بن فلان المحترم)
المحشش الأول يقول للثاني: تصدق توني اعرف ان عايلتنا المحترم!!!
قاله الثاني: وأنا توني اعرف ان عايلتنا المحترم!!!
قاله الأول: يعني إني أنا وآنت من نفس العائلة...
قاموا حضنوا بعض وقاموا يبكون.
•°•°•°•°•°•°•°•°•°•°•°•°•°•°•°•°•°•°
محشش عنده سيارة كامري، واقف عند إشارة...
وقف جنبه واحد متين، عنده بورش...
قاله المحشش: تسابق؟
المتين طالع الكامري باحتقار وضحك.
قال المحشش: لا يا غبي، اقصد ركض.
•°•°•°•°•°•°•°•°•°•°•°•°•°•°•°•°•°•°
محشش شاري جهاز المشي...
شغله وقام يركض عليه ساعة .. ساعتين .. ثلاث...
دخلت عليه أمه قالت له: خلاص يا وليدي لا تموت علينا.
قال: والله ما أنزل لين أشوف وين موديني .
•°•°•°•°•°•°•°•°•°•°•°•°•°•°•°•°•°•°
محشش ماشي مع حبيبته، قالت له: إحكيلي كلمة تزيد دقات قلبي.
قالها: أخوكي ورآنا.
•°•°•°•°•°•°•°•°•°•°•°•°•°•°•°•°•°•°
وحدة بتقول لزوجها المحشش: اذبح خروفين بمناسبة مرور 10 سنوات على زواجنا.
قال لها: شو ذنب الخروفين في غلطة ارتكبها حمار؟
•°•°•°•°•°•°•°•°•°•°•°•°•°•°•°•°•°•°
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
ياريس ...
اسعد الله ايامك ...
والله اضحكتنا ...
كلها نكت جديدة لنج ...
Quote: محشش عنده سيارة كامري، واقف عند إشارة...
وقف جنبه واحد متين، عنده بورش...
قاله المحشش: تسابق؟
المتين طالع الكامري باحتقار وضحك.
قال المحشش: لا يا غبي، اقصد ركض. |
مهداه لرشيد القوم ......
================================
جلا ياخوي ...
منو القال ليك النضيف لم يدرس محاسبة ...
ياخ دا قرا مراجعنا اكتر مننا ... ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
صبحكم الله بالخير
أحبابي ان الانتماء اليكم انتماء أفخر به....
شكرا لكل الذين اتصلوا بي و الذين كتبوا هنا مستفسرين عن صحة أختي منى...
كثيرون هم الذين اتصلوا بي و من كل أنحاء الدنيا...
منى تمر بمرحلة حرجة لا ينفع معها الا صادق الدعاء...
أسألكم لها الدعاء...
و أشكركم على سؤالكم عني و عنها...
و لا أراكم الله مكروها في عزيزا لديكم...
أوصيكم بمواصلة الكتابة هنا في هذا البوست...
و الذي كان له الفضل بعد الله سبحانه و تعالى في أن تتسع دائرة عائلتي...
هذا شعور تعضدونه كل يوم باهتمامكم و حرصكم..
أنتهز هذه المناسبة لتحية عصام دهب الذي جعل هذا ممكنا...
شكرا عصام دهب....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
أخونا الرشيد
تحياتي
وألف سلامة للأخت منى
ألهم رب العرش...
أذهب البأس واشفها شفاءا لا يغادر سقما...
ربنا الذي في السماء عرشه ، ربنا الذي في السماء تقدس اسمه، أمرك ماض في السماء والأرض ، وكما رحمتك في السماء ،فاجعلها في الأرض، اغفر لنا ذنوبنا وخطايانا، إنك أنت الغفور الرحيم ، اللهم أنزل رحمة من رحمتك ، وشفاء من شفائك ، على ما بـمنى من وجع .
ونسأله تعالى أن يلبسها ثوب العافية
ويطمنكم عليها
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: سامي عبد الوهاب إدريس)
|
ألهم رب العرش...
أذهب البأس واشفها شفاءا لا يغادر سقما...
ربنا الذي في السماء عرشه ، ربنا الذي في السماء تقدس اسمه، أمرك ماض في السماء والأرض ،
وكما رحمتك في السماء ،فاجعلها في الأرض، اغفر لنا ذنوبنا وخطايانا، إنك أنت الغفور الرحيم ،
اللهم أنزل رحمة من رحمتك ، وشفاء من شفائك ، على ما بـمنى من وجع .
ونسأله تعالى أن يلبسها ثوب العافية
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: سامي عبد الوهاب إدريس)
|
سلام لجميع أخواتي و أخواني الزقازيقاب .. أجدع ناس بحق ..
ـ
و دعوات صادقات أبتهل بها للمولى عز و جل و هو السميع المحيب .. و أساله تعالى بإسمائه الحسنى و صفاته العلى أن يمن بكامل الشفاء على أختنا الفاضلة / منى بابكر .. شقيقة شقيقنا / الرشيد بابكر .. و أساله تعال أن يحفظهم جميعاً بحفظه و يبعد عنهم كل شر ..
اللهم رب الناس اذهب البأس واشف أختنا / منى بابكر ..
أنت الشافي .. لا شفاء إلا شفاءك شفاء ليس بعده سقماً أبدا ..
اللهم يا شافي يا قادر على كل شي ..
يا مخرج الحي من الميت ومخرج الميت من الحي
يا من تقول للشي كون فيكون ..
فأنت وحدك سبحانك القادر على شفائها ..
اللهم اشفها وعافيها .. ومن كل سوء داويها ..
اللهم داويها بدوائك وأشفها بشفائك و أغنيها بفضلك عن سواك ..
اللهم اشفها وانزل عليها العافية الدائمة .ز
اللهم أنت القائل ادعوني استجب لكم..
فدعوناك يا إلهناأن تشفي أختنا / منى فأستجب لنا أنك أنت السميع العليم الرؤوف الرحيم ..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عصام دهب)
|
ورغم ان الخبر الحزين قد اتى للتو
الا ان دعواتكم , ومشاعركم الطيبة , قد وصلت الى الرشيد
وتدفقت , وانهمرت
قبل قليل , نعى الناعى , من تايلند البعيدة
وقال ان منى بابكر , قد توفاها الله
وهل على الله عزيز ؟؟!!!
انقطعت انا عن البوست , لمشاغل عديدة
ولكن انقطاع الرشيد , عندى , وعندكم على ما اظن , انقطاع غير , وانقطاع مختلف
فاذا وجدناه حاضرا , فكأننا كلنا حاضرون
ولكن غيابه لا يكون الا للشديد القوى
وقد جاءه هذا الشديد القوى , بالخبر الحزين هذا , قبل قليل
الرشيد فى طريقه الى السودان
وجثمان منى الطاهر , الى نفس الوجهة
الرشيد مر بظروف عملية ضاغطة , تزامنت مع ظروف منى الصحية
ولكنى كنت من انصار ان يزورها فى تايلند , ولو خميس وجمعة
لأنى اعلم رقته وشفافيته , وكذلك اعلم ظروف منى الصحية , التى كنت اطلع عليها تفصيلا اما منه , او من دكتور مامون المعانا هنا فى الرياض
يا ناس السودان , الرشيد معاكم مساء اليوم , وجثمان منى كذلك
ويا ناس الزقازيق كلكم , وين ما كنتم , خففتم على الرشيد ومنى ما تزال بيننا
واظن انكم قادرون على التخفيف عليه , بعد ان اصبحت عند مليك مقتدر
اللهم انزل عليها شآبيب رحمتك
اغسلها بالماء والثلج والبرد
نقها من الذنوب والخطايا , كما ينقى الثوب الأبيض من الدنس
وانزل صبرك وقوتك هلى ابنائها ووالدها وزوجها المكلوم , ووالدتها واخوانها واخواتها
الى جنات الخلد , منى بابكر سيد احمد
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
صادق التعازي للأخ الرشيد
والأخ علي بابكر
وكل الأسرة
اللَّهُمَّ اغْفِرْ لَها وَارْحَمْها ، وَاعْفُ عَنْها وَعَافِها ، وَأَكْرِمْ نُزُلَها ، وَوَسِّعْ مُدْخَلَها ، وَاغْسِلْها بِمَاءٍ ، وَثَلْجٍ ، وَبَرَدٍ ، وَنَقِّها مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْها دَارًا خَيْرًا مِنْ دَارِها ، وَأَهْلًا خَيْرًا مِنْ أَهْلِها، وَقِها فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
نسال الله لها الرحمة وللأسرة الصبر
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: سامي عبد الوهاب إدريس)
|
لا حولة ولا قوة إلا بالله العلي العظيم
إنا لله وإنا إليه راجعون،،،
كامل التعاطف والتعازي للأخونا الرشيد بابكر
في وفاة أخته الغالية منى بابكر تغمدها الله
بواسع رحمته وأسبغ على أهلها وذويها الصبر والسلوان
التعازي القلبية لكافة آل بابكر سيدأحمد وعائلة الرشيد بابكر بأبو ظبي
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ابتهاج عبد الله)
|
للفقيدة الرحمة ، وللاخ الرشيد والاسرة خالص العزاء
اللهم انها في ذمتك وجوارك فقها فتنة القبر وعذاب النار وأنت أهل الوفاء والحق فاغفر لها وارحمها إنك أنت الغفور الرحيم..
اللهم نقها من الذنوب والخطايا كما ينقى الثوب الأبيض من الدنـس برحمتك يا أرحم الراحمين.. اللهم أجعل قبـرها روضه من رياض الجنـه
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زينب التجاني)
|
اللهـــم هي بين يديك الآن .. اللهــم أكرم وفادتها إليك وتقبلها شهيدة
اللهــم ألزم أسرتها الصبر الجميـــل
التعازي الحــارة لأخونا الرشيد بابكــر في هذا الفقد الكبير
وللأســرة الممتدة داخل الوطن وخــارجه ..
إنا لله وإنا إليه راجعـــون
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عمر محمود محمد)
|
انا لله وانا اليه راجعون
آللهم أرحمها وأسكنها فسيح جناتك
آللهم باعد بينها وبين خطاياها كما باعدت بين المشرق والمغرب
اللهم نقها من الخطاياوالذنوب كما ينقى الثوب الأبيض من الدنس
اللهم اغسلها بالثلج والماءوالبرد
اللهم أبدلها داراً خيراً من دارها وأهلاً خيراً من أهلها
اللهم اجمعنا وإياها في مستقر رحمتك
اللهم انا نسالك بأسمك الاعظم ان توسعمدخلها
اللهم آنس في القبر وحشتها
اللهم ثبتها عند السؤال
اللهم باعد القبر عن جنباتها
اللهم اكفها فتنةالقبر
اللهم اكفها ضمة القبر
اللهم اجعل قبرها روضة من رياض الجنة ولاتجعله حفرة من حفر النار
اللهم إن كانت محسنًة فزدها في إحسانها ، وتجاوز عن سيئاتها
اللهم ألحقها بالشهداء
اللهم اجعل هذا اليوم أسعدأيامها
اللهم افتح عليها نافذة من الجنة00 واجعل قبره روضة منرياضها
اللهم شفع فيها نبينا محمد صلى الله عليهوسلم
العزاء موصول للاخ الرشيد بابكر والاخت نجاة حوفي
وجميع افراد الاسرة الكريمة
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عمر محمود محمد)
|
انا لله وانا اليه راجعون
صادق التعازى للاخ الحبيب الرشيد والاخت العزيزة نجاة حوفى و لجميع الاهل و الاخوان باسرة عمنا بابكر سيداحمد
وللخالة علوية مامون والاهل بالكوة واركويت و لزوج المرحومة وابنائها ولكافة اسرة الزقازيقاب
آللهم أرحمها وأسكنها فسيح جناتك
آللهم باعد بينها وبين خطاياها كما باعدت بين المشرق والمغرب
اللهم نقها من الخطايا والذنوب كما ينقى الثوب الأبيض من الدنس
اللهم اغسلها بالثلج والماء والبرد
اللهم أبدلها داراً خيراً من دارها وأهلاً خيراً من أهلها
اللهم اجمعنا وإياها في مستقر رحمتك
اللهم انا نسالك بأسمك الاعظم ان توسع مدخلها
اللهم آنس في القبر وحشتها
اللهم ثبتها عند السؤال
اللهم باعد القبر عن جنباتها
اللهم اكفها فتنة القبر
اللهم اكفها ضمة القبر
اللهم اجعل قبرها روضة من رياض الجنة ولا تجعله حفرة من حفر النار
اللهم إن كانت محسنًة فزد في إحسانها وإن كانت مسيئًة فتجاوز عن سيئاتها
اللهم ألحقها بالشهداء
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
اللـهـم انزلاها منازل الصديقين والشهداء والصالحين وحسن أولئك رفيقا .
اللـهـم اجعل قبرها روضة من رياض الجنة ,ولا تجعله حفرة من حفر النار .
اللـهـم أفسح لها في قبرها مد بصرها وافرش قبرها من فراش الجنة .
اللـهـم أعذها من عذاب القبر ,وجاف الأرض عن جنبيها .
اللـهـم أملأ قبرها بالرضا والنور والفسحة والسرور.
اللـهـم إنها في ذمتك وحبل جوارك فقها فتنة القبر وعذاب النار ,
وأنت أهل الوفاء والحق فاغفر لها وارحمها انك أنت الغفور الرحيم.
مع صادق العزاء للحبيب الرشيد والاسرة الكريمة .
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: موسي عيسي)
|
الاخوة الاعزاء
من تحصل على رقم تلفون للتواصل مع الاخ الرشيد بالسودان
ارجو مدنا به
مع الشكر الجزيل
آللهم أرحمها وأسكنها فسيح جناتك
آللهم باعد بينها وبين خطاياها كما باعدت بين المشرق والمغرب
اللهم نقها من الخطايا والذنوب كما ينقى الثوب الأبيض من الدنس
اللهم اغسلها بالثلج والماء والبرد
اللهم أبدلها داراً خيراً من دارها وأهلاً خيراً من أهلها
اللهم اجمعنا وإياها في مستقر رحمتك
اللهم انا نسالك بأسمك الاعظم ان توسع مدخلها
اللهم آنس في القبر وحشتها
اللهم ثبتها عند السؤال
اللهم باعد القبر عن جنباتها
اللهم اكفها فتنة القبر
اللهم اكفها ضمة القبر
اللهم اجعل قبرها روضة من رياض الجنة ولا تجعله حفرة من حفر النار
اللهم إن كانت محسنًة فزد في إحسانها وإن كانت مسيئًة فتجاوز عن سيئاتها
اللهم ألحقها بالشهداء
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
اللهم نقها من الخطايا والذنوب كما ينقى الثوب الأبيض من الدنس
اللهم اغسلها بالثلج والماء والبرد
اللهم أبدلها داراً خيراً من دارها وأهلاً خيراً من أهلها
اللهم اجمعنا وإياها في مستقر رحمتك
اللهم انا نسالك بأسمك الاعظم ان توسع مدخلها
اللهم آنس في القبر وحشتها
اللهم ثبتها عند السؤال
اللهم باعد القبر عن جنباتها
اللهم اكفها فتنة القبر
اللهم اكفها ضمة القبر
اللهم اجعل قبرها روضة من رياض الجنة ولا تجعله حفرة من حفر النار
اللهم إن كانت محسنًة فزد في إحسانها وإن كانت مسيئًة فتجاوز عن سيئاتها
اللهم ألحقها بالشهداء
تعازينا الحارة للعزيز الرشيد وصديقي علي بابكر والاسرة الكريمة
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
معظمنا لم يشاهد المرحومة منى بابكر ولكننا
جميعناقد تابع مرضها والتحدث إليها منذ أن ظهر
على السطح سفرها للإستشفاء من المرض العضال ومتابعة
الأخ/ الحنون الرشيد لأخته في كل مكان تذهب إليه وآخرها كانت
الزيارة قبل الوفاة بأيام قليلة ،،، إكتسا البوست حزناً وتوشح
الليل سواداً وصار البوست حزيناً ونائحاً وحزنت دواخلنا الماً وحسرة
على رحليلك يا منى ،
هذا الليل كنا نحبه ونعشق كاتبيه لأنه سليل العاشقين
وجامع هم المحزونين واليوم يا منى نجمع همنا حزناُ وغصةً في حلقنا ومرارة لفراق
احبابك وأولادك يا منى !!!
حقيقي نحن نحس بالأسى واللوعة
لفقدك يا منى ،،،،
ولكن هناك طمأنينة في قلبنا بأن الله أحباك
فقربك إليه ، فألى جنات الخلد يا أختي!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
كل التعازي للأخ الرشيد والأخت نجاة
اللهم أرحمها وأحسن إليها ,واسكنها فسيح جناتك مع الصديقين والشهداء
وحسن أولئك رفيقا،، اللهم أنزل عليها شآبيب رحمتك وأسكنها داراً خير من دارها
وأغسلها بالثلج والبرد وألزم ذويها الصبر والسلوان ..
آمين
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
Quote: جميعنا قد تابع مرضها والتحدث إليها منذ أن ظهر
على السطح سفرها للإستشفاء من المرض العضال ومتابعة
الأخ/ الحنون الرشيد لأخته في كل مكان تذهب إليه وآخرها كانت
الزيارة قبل الوفاة بأيام قليلة |
إذن لكم الشكر أيها الأحباب
و أظن أن لسان حال الأخ الرشيد يقول لكم كذلك
إنه لأمر جلل
و حزن أمر
و موقف رهيب و الكل يدعو لها بالمغفرة و الثبات عند المسألة
و عزاءه أو عزاءنا أن يتقبلها الله برحمته
جاء الناس من كل صوب معزيين و مواسيين للأسرة
فكنا نحن أحوج بالمواساة و التعزية من الأسرة
كانوا أكثر تماسك
و كنا نظهر تماسكنا
و تخزلنا أعيننا فنضاريها منهم
قال لي منصور كونوا في الموعد و أبقوا عشرة على الرشيد
و لكن فات عليه أننا أحق من الرشيد بالتوصية
حدثني موسى أن أهاتفه
فترددت لأخفي أحاسيسي
فوجدت أن مشاعري ليست بيدي
و علي أن أرتب نفسي قليلاً
فإذا هو هذا الصباح
و هذا سبب أنني لم أتحصل على هاتفه بالسودان حتى اللحظة
و لكنني سأجتهد
الرحمة و المغفرة للأخت منى بابكر
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
بالرغم من الحزن السائد
فإن الدنيا هي الدنيا
نحزن ثم نفرح
و نفرح ثم نحزن
فالأنسان كومة من المشاعر و الأحاسيس
تتغير و تتبدل كأنها الجغرافيا
ألم أقل لكم إنها الدنيا!!!!
اللهم أجعلنا وسطيين في حزننا و فرحنا
الرحمة و المغفرة للأخت منى بابكر
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
لست بأفضلكم
و لا أخيركم
حرصت على التواجد في هذا اليوم
ليظل البوست رافداً لكتاباتنا
و وجعنا
و فرحنا
و حزننا
و حبنا
نحن كالبنيان ... و أظن ذلك
نشد بعضنا بعض
نتماسك و نتعاضد متى كانت الحوجة لذلك
نتفاخر و نتباهى متى كان ذلك ممكناً
نمشي بين الناس شاكرين و ميسرين
و نستعين بالصبر في شدتنا لأننا قدريين
اللهم نسألك المغفرة لأختنا منى بابكر
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
Quote: لست بأفضلكم
و لا أخيركم
حرصت على التواجد في هذا اليوم
ليظل البوست رافداً لكتاباتنا
و وجعنا
و فرحنا
و حزننا
و حبنا
|
بارك الله فيك ورحم الله اختنا منى وجعلها في اعلي الجنان
شجعني علي الكتابة صوت الرشيد الذي وجدته صابرا محتسباً
نسأل الله ان يمن عليه وجميع أفراد الاسرة الكريمة بالصبر والسلوان
وان يجعل البركة في زريتها.
وآخر دعوانا ان الحمد لله رب العالمين
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عمر نملة)
|
سلام يا اروع ناس
انتو دايما كده وسعيدة انى جزء منكم
ربنا يخلينا كده دايما ونحن بنحس بى وجع بعض
كلنا الرشيد والوجعة وجعتنا كلنا والعزاء عزائنا كلنا ربي يرحم منى ويصبر اهلها
يا نمله بارك الله فيك بتمنى كلنا نشارك
وربنا يرحم منى بت علوية وينزلها منازل الشهداء يا رب
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: مني يونس)
|
فكرة تلاوة القرآن بالتتابع لروح المرحومة والله يا عمر فكرة ممتازة لا تتيأس
اكيد الفكرة فيها اجر عظيم للاثنين ... المرحومة والذي قام بالتلاوة ..
انا معاك يا ابوالطيب
التزم بتلاوة الجزء الثالث والرابع لروح اختنا مني بابكر ...
ويا عمر اتمني بعد ان تخلص الجزء الاول والتاني ... ادخل وررينا التلاوة البعدها
وانا سوف افعل مثلك سوف ادخل ريثما انتهيت من تلاوة الجزءين ...
حتي انضمام بقية الاخوان ... واحسبة قريبا جدا ...
===========================
وكذلك دعواتنا بالمغفرة والرحمة
لفنانا الكبير محمد وردي ...
انا لله وانا اليه راجعون ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
دورى دورى
يا ايام ويا اشواق علينا
رحلة الأيام , دوارة , لذا فان الدنيا , يقولون عليها انها
ما دوامة
فى يا ربى علاقة بين وردى ومنى بابكر
وحفلة محمد الأمين الفى بورتسودان ديك
شفتوا الدنيا دى , قدر شنو , خلاطة
تايلند جنب بورتسودان , ومستشفى فضيل الفى شارع الأسبتالية
يقع الى الجوار تماما , من مركز العلاج الكانت بتتعالج فيهو منى بت بابكر
تداخل الوان واختلاط اصوات غريب
جريدة محمد الأمين , التى ما فتىء يقرأ فيها , منذ ان نوى السفر
ياتى المانشيت بتاعها , فى ليلة من ذات الليالى
وبه لسان ممدود
احمر وردى , زى شفق المغارب
يقول لنا بلسان عربى مبين , ان حياتكم عبث
وان ركضكم عبث
وان تناحركم , وتشاكسكم , وتخاصمكم
ما بيختلف فى حقيقة الأمر
عن توادكم , وتعاطفكم , وتقاربكم
فاختاروا الأنسب ما بين تلكم الألوان , وادوا اضانكم , لما تشاءؤن ,
من تلكم الأصوات
صوت وردى عندى صوتان
واحد منهما , من غير ميعاد واللقيا اجمل فى الحقيقة بلا انتظار
والتانى , بأسمك الأخضر يا اكتوبر الأرض تغنى
هذان من الأصوات التى طلعت ذات مرة وصباح , من حنجرته الذهبية
ولكنها ما عادت اليها ابدا
ليس لأنها ضلت الطريق , او لأنها تاهت وضهبت فى المسالك
بل لأن كل الأذان اصطادتها واصدرت فرمانا غير قابل للنقض , بالأعتقال
تم اعتقالها اعتقالا مؤبدا , فى شفاف القلوب واغشية التامور
لا مرت بحجاب يحجزها , ولا غشاها نور العين , فقيل لها باجماع سكوتى صامت
صدفة , اجمل صدفة انا يوم لاقيتا
واسعد يوم , يومى الحييتها
تطلعى انتى من غابات , ومن وديان , ومنى انا
وقدام هذا العنفوان اللحنى , وهذا الطغيان الأبداعى
يبدو موت وردى , تماما كحياته
هما اتصال واحد , ونسيج مستمر
يوصل الناس القيافة , لمراسى الشوق
ويجد دائما , القاسم المشترك الأعظم , بين الجمال والأستحالة
ويولف طعما متوسطا ومستساغا , بين الحنان والسكر
ثم ينزل الينا من عليائه النبيل
يا سليم الذوق , لو تعرف الشوق
ابقى انزل من علاك الفوق
وشوف غلاوة الحب , فى الحشا المحروق
وكنتيجة حتمية , تلقى نفسك منصاع ومرتاح لى حكم قالوا ليك
فى ساعة صفا
بنحب من بلدنا , ما برة البلد
سودانية تهوى عاشق ود بلد
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
دورى دورى
يا ايام ويا اشواق علينا
رحلة الأيام , دوارة , لذا فان الدنيا , يقولون عليها انها
ما دوامة
فى يا ربى علاقة بين وردى ومنى بابكر
وحفلة محمد الأمين الفى بورتسودان ديك
شفتوا الدنيا دى , قدر شنو , خلاطة
تايلند جنب بورتسودان , ومستشفى فضيل الفى شارع الأسبتالية
يقع الى الجوار تماما , من مركز العلاج الكانت بتتعالج فيهو منى بت بابكر
تداخل الوان واختلاط اصوات غريب
جريدة محمد الأمين , التى ما فتىء يقرأ فيها , منذ ان نوى السفر
ياتى المانشيت بتاعها , فى ليلة من ذات الليالى
وبه لسان ممدود
احمر وردى , زى شفق المغارب
يقول لنا بلسان عربى مبين , ان حياتكم عبث
وان ركضكم عبث
وان تناحركم , وتشاكسكم , وتخاصمكم
ما بيختلف فى حقيقة الأمر
عن توادكم , وتعاطفكم , وتقاربكم
فاختاروا الأنسب ما بين تلكم الألوان , وادوا اضانكم , لما تشاءؤن ,
من تلكم الأصوات
صوت وردى عندى صوتان
واحد منهما , من غير ميعاد واللقيا اجمل فى الحقيقة بلا انتظار
والتانى , بأسمك الأخضر يا اكتوبر الأرض تغنى
هذان من الأصوات التى طلعت ذات مرة وصباح , من حنجرته الذهبية
ولكنها ما عادت اليها ابدا
ليس لأنها ضلت الطريق , او لأنها تاهت وضهبت فى المسالك
بل لأن كل الأذان اصطادتها واصدرت فرمانا غير قابل للنقض , بالأعتقال
تم اعتقالها اعتقالا مؤبدا , فى شفاف القلوب واغشية التامور
لا مرت بحجاب يحجزها , ولا غشاها نور العين , فقيل لها باجماع سكوتى صامت
صدفة , اجمل صدفة انا يوم لاقيتا
واسعد يوم , يومى الحييتها
تطلعى انتى من غابات , ومن وديان , ومنى انا
وقدام هذا العنفوان اللحنى , وهذا الطغيان الأبداعى
يبدو موت وردى , تماما كحياته
هما اتصال واحد , ونسيج مستمر
يوصل الناس القيافة , لمراسى الشوق
ويجد دائما , القاسم المشترك الأعظم , بين الجمال والأستحالة
ويولف طعما متوسطا ومستساغا , بين الحنان والسكر
ثم ينزل الينا من عليائه النبيل
يا سليم الذوق , لو تعرف الشوق
ابقى انزل من علاك الفوق
وشوف غلاوة الحب , فى الحشا المحروق
وكنتيجة حتمية , تلقى نفسك منصاع ومرتاح لى حكم قالوا ليك
فى ساعة صفا
بنحب من بلدنا , ما برة البلد
سودانية تهوى عاشق ود بلد
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
عندما أشرت للعلاقة بين وردي و منى بابكر و حفلة محمد الأمين
حسيت أنها الدنيا الجميلة في الناس الأجمل و القيافة
و كذلك الأمكنة تايلاند و بورتسودان
مع إستبعاد مستشفى فضيل جنب مركز العلاج الكانت بتتعالج فيهو منى بت بابكر
قال لي محدثي
أن الأشياء الجميلة لا بد أن ترحل
فقلت له ليتها تتمهل في الترحال فنتزود أكثر
قال لي يا له من طمع أخرق كيف هذا و هي تذهب للكريم العاطي
حينها تذكرت إبن المرحومة منى بابكر
عندما سألناه لماذا تذهب إلى المقابر عند الدفن
أجابنا الرشيد .... بلسان إبن المرحومة الذي لم يبلغ السادسة ..
أن أمه ستذهب إلى مكان أجمل و أحلى
إذن فعليمها أن يذهبا و علينا النواح و الصبر الجميل
فذهب وردي بصوتيه
ليتك جعلت الصوت النوبي ثالثاً
و أنا أستمع عبر الإذاعة لمراسم التشييع
تذكرت الباشكاتب و جريدته و كيف سيكون حاله
يا منص ...
لا حق لنا في إختيار الألوان
فهي مفروضة علينا في مقرر الجمال و الإنسانية و الصفاء
و ليس لآذاننا في أن تسمع ما تريد
فإن ما نسمعه كفيل بأن يشق طريقة للقلب دون عائق
فلنبكي و لنحزن
قالها محمد العيد
الحزن هذه المرة دخل فى العظام كلها ...
فوقفنا من المشي
و سكبنا الدموع السخية
و إنهد وتر المغني
اللهم أرحم موتانا
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
إنتقلت إلى رحمة الله والدة الأخ د . طارق عبد الكريم حسين
ألا رحمها الله رحمةً واسعةً و أنزل عليها شآبيب غفرانه فطالما أكرمتنا بدارها العامرة بحى عابدين ..
و كانت أما ثانيةً لكل زملاء د . طارق .. نسأل الله أن ينزلها الفردوس الأعلى من الجنان و أن يلهمنا جميعاً الصبر و حسن العزاء .. ( آمين )
جوال د . طارق 0020142719603
شكرة د. أحمد المصطفى
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
صادق التغازي للأخ د. طارق عبدالكريم في وفاه والدته
اللَّهُمَّ اغْفِرْ لَها وَارْحَمْها ، وَاعْفُ عَنْها وَعَافِها ، وَأَكْرِمْ نُزُلَها ، وَوَسِّعْ مُدْخَلَها ، وَاغْسِلْها بِمَاءٍ ، وَثَلْجٍ ، وَبَرَدٍ ، وَنَقِّها مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْها دَارًا خَيْرًا مِنْ دَارِها ، وَأَهْلًا خَيْرًا مِنْ أَهْلِها، وَقِها فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
نسال الله لها الرحمة ولذويها ولأخون طارق الصبر
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
يا ألمي
و يا وجعي
و يا حزني
فهذا شهر الحزن الأليم
و هذا شهر الحزن النبيل
نبكي كما لم نبكي من قبل
نذرف الدمع السخينة
قال ود جبريل
انتو الناس السمحة مالها كلها بقتت تفوت تخلينا
ثم
يا ناس الله والله أنا فترت من الوجع دة
و أخيراً قال
يا خلايق الله شوفوا لينا طريقة نطلع من الوجع دة
بالمناسبة كلامو هو الوجع زاتو
قدر ما أقرا كلامو وجعي يزيد
بفراق الأحبة
و بفراق أعز الناس
بس ما نقدر نقول غير
لنا الصبر و الفرج عند الله
و يا غيمة الحزن أدبري
و يا غيمة الفرح أقبلي
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
نطلع من الوجع ده ؟؟!!
ناخذ نفس عميق , شهيق وزفير
كل واحد فيهم , اعمق من التانى
تدخل هوا , تطلع الم , تطلع مغص , تدخل مكانهم اكسجين نقى ومرتاح
الله عليك يا اوستند , يا زينة المدائن
يالبحرك شمال , وهواك , يجرى جرى , فى كل الأتجاهات
حتى انو عمر نملة , يحاول ان يسابقه جريا وهرولة
فهمتك الآن يا نملة , بى شعرك المجدول داك
جزئينيك قريتهم ؟؟ انا قريت ليكم السابع والعشرين , الخميس ليلة الجمعة
ختمة القرآان فى جمعيتنا , مرة كل ستة او سبع شهور
جزء واحد او يزيد , كل خميس , نتناوله قراءة وتلاوة وتجويدا
ختمتنا القادمة , الخميس خمستاشر , او اتنين وعشرين من مارس القادم
سندعو فيها , ان يخفف الله اوجاعنا , ويزيد من فاعلية (الأكسجين المضروب بتاع الزمن ده )
* احسن الله عزاكم اخونا دكتور طارق عوض الكريم فى وفاة الوالدة وجعلها الله آخر الآحزان
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
بس الدنيا ما عمرها لا وقفت ولا استكانت ولا استنت ليها زول
الموت , علامة نهاية فارقة , فى حياة الآدميين
ولكنها ايضا ودائما , بداية جديدة
يا لحسن حظنا بتلك الحقيقة
توجعنا وتطلع كياننا , تهدمنا وتحرق اكسجينا
لكنها , تستبدل فينا الخلايا , وتعوضها بجينات الحياة الجديدة
ان فكرة الجسم الأنسانى الذى يفنى ويبلى , حتى يتم قبره ودفنه
هى فكرة مثيرة حقا , وتتجدد اثارتها مع كل موت جديد
وتزيد هذه الأثارة , كلما كان صاحب الجسد الفانى والمقبور
عزيزا او مبدعا او قريبا او ممن حباهم الله بخاصية تواصل انسانى فريد
وردى مثلا , يدان ورجلان ورأس وشعر واظافر
كلى فنكشن لس , وقلب متناقص فى النبض ومتضاعف فى قوة العضلة
عيون ترى وانف تشم ولسان يتذوق
كلها اعضاء عادية , لا بل ان (كليتى ) اللتان هما فى اجنابى , قطع شك , احسن من كليتيه فى كثير من الوظائف والمهام
ولكنه بين جنبات ذاك الجسم العليل , ومن وراء عضلة القلب تلك البالغة الضعف
كان ذا ايقاع متفرد , كانت له قرون استشعار ابداعية خاصة , لا عندى ولا عند معظم الآدميين
هذا الأيقاع المتفرد , وهذه القرون الأستشعارية المتفردة
لحسن حظ الدنيا , انهما ليستا باعضاء ظاهرة , تكوينها ليس بانسجة ولا لحم ولا دم
انها شىء من روح الأبداع , سره عند سيد الأرواح وخالقها
هى شىء من نبض , ونبض من روح , وروح من خيال , وخيال من كل شىء
هى فى النهاية اشبه ما يكون بالشىء , ولا شىء
وما ابعد المسافة , بين الشىء , واللا شىء
ولكن من حباهم الله بهذه الروح , يقطعونها فى الجيئة والذهاب
لا يكلون ولا يملون
ويملآؤن جنباتها , وهى صحراوات يباب
فتغدو فى ناظرينا , وقد ملآت جنباتها الأزاهير , وتفتحت فى عيوننا عندها وبها
الأقحوان وزهر البنفسج
وتولدت عند مسامعنا , الأغنيات الفصاح , والكلمات التى اعياها (الوزن )
نراهم ونسمعهم , فتبلج الصباحات طاوية الليالى المدلهمات
ويرتج (نبض النبض وتختلج الخطا )
عندى , او عندك , او عند محمد سعد دياب , لا فرق
وساعتها , ابدا ما بنختلف
لو زندها احتمل الندى , لكسوناه ما نشاء
(كان انا ولا انتا ولا مصطفى سند زااااتو )
ثوبا من العشب الطرى , وابرتين من العبير , وخيط ماء
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
قالوا فى القديم , ان رجلا شابا , كان ينشد الحكمة , ويبتغى المعرفة , يأخذها من مصدرها ليعطيها لسامعيه وطلابه , فكان ان سأله احدهم من الطلاب , ما كيد النساء يا هذا , فطلب منه مهلة كعادته يسأل الخبر , حتى ياتيه بعلم مجرب ويقين , حيث ان الحكمة ضالة المؤمن , فسأل والح فى السؤال , فكان ان اتاه الجواب من العارفين ذوى الخبرة , ان فلانة الفلانية , التى تسكن فى ذلك الوادى البعيد , اؤتيت من الحكمة معظمها , وما تعريف النساء الا ليمر عليها وبحكمتها , فشد الرحال الى واديها , مسيرة ايام وليال , كلما سأل عن فلانة , اسمعوه فيها مديحا وثناءا , فزاده ذلك تصميما على تصميم , حتى اذا ما وصلها منهكا متعبا من طول السفر , وجدها عند طرف الوادى جالسة الى غنمها وبيدها عصاتها , هل انت فلانة , نظرت اليه دون اجابة , بنت فلانة , نظرة اخرى تقول ما خطبك وغرضك يا هذا عرف بنفسه انه فلان ابن فلان القادم من هجرة الفلانيين , وذكرها ان الحكمة ضالة المؤمن انى وجدها اخذها واعتد بها , وما تطلبنى ؟؟ اسألك عن كيد النساء , فسكتت , كرر السؤال مرتين فثالثة , فكان ان صرخت بصوت عال , يا فلان , يا فلان , يا فلان , منادية على ابنائها الثلاث , الشداد الغلاظ , مفتولى العضلات بارزيها , اصواتهم وهم على بيعد اميال واميال منهما , كانها الرعود والبروق , ان لبيكى اماه , والويل لمن تعرض لك بالثبور وعظائم الأمور , فاسقط فى يدى صاحبنا الذى ينشد الحكمة , وود لو انه لم يفعل ولزم بيته ولم يقطع هذه الفيافى ولا تلكم الوديان , وعلم انه هالك لا محالة , حتى اذا ما صار الأبناء الثلاثة على مرمى البصر البعيد , واصواتهم ما تزال ترعد وتبرق ان لبيكى اماه , فاذا هى تخاطبه بصوت خفيض ولكنه حاسم , املأ هذا الدلو ورشه عليا رشا , بلنى به بلا كاملا , فاسقط به مرة اخرى , كيف يرشها بالماء ويبللها تبليلا وهؤلاء اولادها يرعدون ويبرقون , كررت اليه الأمر بصوت اشد حسما واكثر انخفاضا , فامتثل لأمرها خوفا لا طمعا , حتى اذا ما اقترب الأولاد الثلاثة , وامهم مبلولة اشد البلل , يكتسى وجهها اشد العياء , وتتلاقح انفاسها اشد التلاحق , لبيكى اماه , سعديك يا ام ضرغام وهجام ولجام , وكانت هذه اسماؤهم الثلاث , التى ضاعفت روع صاحبنا وخوفه , ولكنها بادرتهم قائلة , هل ترون هذا الرجل , ان لكم ان تشكروه وتكرموه وله عندكم فى اعناقكم دين المرؤة والشهامة والرجولة , فقد سقطت الى اكثر من نصفى فى البئر , ولكنه كان اسرع منكم فى استجابة ندائى الأستغاثى الذى ابطأتم فى تلبيته , فكأن ان انتشلنى وقد كادت مياه البئر ان تبتلعنى , اما ترون ان الماء قد بللنى من جوانبى كلها , اسرعوا فى اكرام هذا الرجل وشكره , ففعلته فعلة ذوى المرؤة واهل الشهامة , ومثله جدير ان يعز ويكرم ويصادق , استمتع صاحبنا بليلتين ويومين واعتذر عن ثالثة , لاقى فيها ما لاقى من طيب الطعام وجزيل العطاء , الا ان ما ناله من الحكمة , كان اعلى قدرا واعظم شأنا , فكان ان رجع الى اهليه ومنتظرى علمه وحكمته محملا بالمال والحكمة والسيرة الحسنة , والآن هل تعرفون كيد النساء ؟؟!!!
منذ 2 ثانيتين ·
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
سلام تحيه
انا لله و انا اليه راجعون
صادق التعازى للاخ د/ طارق عوض الكريم فى وفاة والدته
والتعازي لكل محبي الجمال في رحيل وردي
اخواني واخواتتي الحمدلله خلصت الجزئين الاول والثاني لروح المرحومه
منى وياسر اخوي سوف يقراء الثالث والرابع وباذن الله سوف اقراء الخامس
والسادس وفي انتظار تفاعلكم حتى تكون سنه لكل موتانا
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: كمال الشادي)
|
انتو ناس بتاعين مشاكل يا منص..
هسي لو كان أبو ضرغام وهمام ولجام هو العمل كدا كان قلتو حكمه ودهاء..
عشان أمهم هي العملتو..جيتو قلتو كيد النساء..
حاقرين بيهن ياخي إنتو..
* كيد النسا
ما يا هو دهاء الرجال ظااااااتو
احيييييا انا من مرتك الما بتقرا عربى دى
لو لى مراد , اعلمها عربى واعمل ليها صفحة ناس الزقازيق
الصفحة المفضلة
تحياتى يا مان
عامل صنقوعك الكبير ده
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
يا حاتم جبارة يا اب صلعة
كل يوم وانا جاى المكتب , بصادف بعد مرات
برنامج كوفى تايم الصباحى ’ على اذاعة يو اف ام السعودية
فيه فقرة لذيذة جدا , بيحكوا فيها قصة قصيرة بأسلوب درامى مشوق
ثم يتناقشوا عن مغزاها , ويجعلوا منها مادة جدال صباحى دسم
كان منها قصة كيد النساء الفوق دى
سمعتها منهم , وصغتها بتصرف
اليوم سمعت قصة مشوقة اخرى
ارخى لى اضانك بس
* الرشيد المفروض يرجع اليوم , ونجاة تسافر تعزى بكرة
مشتاقين ليك يا الرشيد , عود لينا يا ليل الفرح
البركة فيكم تانى يا نجاة
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
فرح الشاب حديث التخرج , بوظيفته الجديدة , اشد الفرح
احس بأن ابواب الدنيا , قد فتحت له على مصراعيه
ما اسعده اليوم
صحة , وفتوة , وشباب , وعنفوان , وشهادة جامعية , ووظيفة محترمة
واسرة سعيدة تعيش فى بسطة من العيش فى حياة رغدة هنئية
كان اكبر اخوانه
لكن اباه ما يزال ولله الحمد , فى كامل صحته وشبابه
ولما كان شابا مستقيما , جادا فى حياته , فان فكرته الناقصة , كانت بنت الحلال ولا غيرها
امه واباه واخواته الشابات , كانوا يتبارون فى ترشيح عروسة المستقبل له
فلانة , وعلانة , وفرتكانة , ولكن قلبه كان معلقا بشابة , سمع عنها ولم يراها
سمع عن جمالها وعلمها واسرتها البسيطة , وقبل كل ذلك سمع عن ابيها
الحكيم الرزين الذى ربى بناته الخمس , فاحسن تربيتهم , وعلمهن فاحسن تعليمهن
وسلحهم باسلحة العلم والمسئولية والشخصية القوية , وقبل ذلك جملهن بحياء الدين والتواضع
شغف بها وعنها حتى قبل ان يراها , رسم لها صورا تخيلية عديدة , بعيون سوداء كأنهن بحر المحيط
وشعر سلسال كانه الليل الذى ارخى سدوله , فكانت فى مجملها , الزهور والورد , الشتلوها جوة قلبى
نادى اخته التى تصغره بعام ونيف , واسر لها بمكنوناته , وطلب نجدتها ومساعدتها
فما من سبيل له لرؤيتها رؤية مباشرة , وهو يعلم قيودهم المجتمعية القاسية
التى تجعل من التقاء ذكر بأنثى , مجرد فكرة الألتقاء , ما خلى المتزوجين منهم
فكرة جهنمية تنبع من جنس الشيطان فقط , فهو الوحيد الكفيل بان يكون ثالث اثنين اذ هما (فى الخيال يسرحون )
- اخوك ما مزنوق يا هيام يا اختى ياخ
- واخوى ده الزنقو شنو كمان فى الصباح الأبيض ده , فتاح يا عليم رزاق يا كريم
- صحبتك ما مولعة جوة قلبى حريقة عدييييل
- اها , وناس 999 ماردوا عليك لمن كلمتهم ولا شنو , حريقاااااااااااااااااااا
- بطلى غتاتك دى يا هيام , انا بتكلم جد والله
- خمسمية ريالى البنفسجية بتاعت مرتبك الأول , جهزتها لى فى الأول
- دى اخت شنو المبتزة دى ؟؟!! اصلو الدنيا دى مافيها حاجة كده لله , محنة ساااااكت كده ؟؟!!
- موافق ولا نرفع السعر , قبلك وحدك , اصلى ما قايلة اخوى وزن الريشة قدر ده
- ريشة التقيلة دى , ياخى زولتك دى , خلتنى لا عندى وزن ولا حجم , الستة بوصة المع الخمسة اقدام المكتوبة فى جوازى زاااتا اتخيل لى نقصت
- سجم سجمى !!!! يا امى الحقى ولدك , يا زول خمسمية شنو , الشغل ده بيسوالو كان الف كان الفين , اول مرة اشوف لى حب بيعمل دايت , وبينقص الطول كمان !!!
- سيبى الغتاتة يا بت , اها قولى الدبارة كيفنها
- يا وليد قلت ليك (امانى دى ) انا لا بعرفها ولا قابلتها قبل كده , هسى امشى ادق بابهم سااااكت كده اقول شنو ؟؟
- قولى اى حاجة ياخ , انتى لماضتك دى بس معاى هنا , يعنى لسانك الفلقة ده , ماشى يكوس ليهو كلام كمان , ما تراهو بيبربر ليل نهار , لمن تجى القصة لأخوك المسكين ده , طوالى يقوم يتعقد ولا شنو ؟؟!!
- يعنى اديتنى الأذن استخدم لسانى الفلقة ده زى ما قلت ؟؟؟ انا بحملك المسئولية غايتو , اقوم الخبت ليك الشغلة لا تلم فى امانى لا الم فى (خمسميتى البنفسجية )
- خمسميايتك تطير تقع فى البير , لكن يمين تزعليها لى , الا اقطع لسانك المتبرى منك ده , ونرتاح منو ومنك يا شقية الحال
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
هيام لمن رجعت من زيارة امانى المفتعلة , نجحت بلسانها الفلقة السليط , من ان تجعل منها صديقة من اول زيارة , كانت تعرف ان اقصر طريق لقلب اى امراة , هو مصارحتها بأنها مبعوثة اليها من رجل يهيم بها , خاصة ولو كانت هى اخت ذلك الرجل , فما اسعدها من امراة , وما احلاها من مرسال , عشان كده لمن رجعت البيت , صاحبنا وليد , كان بيغنى بى صوت عالى , رسلتا ليهو زول مرسال والمرسال مشا وما جا
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
اها المرسال مشا وجا , عامل لى فيها محمد وردى حضرتك ؟؟!!
- سيبى اللماضة يا بت , اها الحصل شنو ؟؟!!خمسميتى يا زول , نديك الشمار تقوم تنكر علينا خمسميتنا , اللسان الفلقة ده الليلة , سد الحنك عديييل , مفتاحه خمسمية بنفسجية ليها ضل , اها قلت كيف ؟؟اها هاكى المفتاح يا لميضة هانم , مناولا لها خمسمية ريال تلمع وتجرح , تناولتها وقذفت بها الى قاع شنطتها التى هى بنفس لون الخمسمية , ثم عادت تروس لسانها للدوران بعفويتها المعتادة , يمين يا وليد , البنية ما مكملة تكميل , غايتو كان انت ما جادى فى الموضوع ده , انا من يوم الليلة ده , شغالة ليها خاطبة عدييييييل , عليك الله يا هيام تعالى بى جاى واحكى لى , اها شفتى شنو , يا وليد ما تروق ياخ , انتا كان رقتا , انا بوصف الشفتو , شفت الشعر جااار لى حنتو التحتو ليل , اللللللليل لى حنتو التحتو , وانطلقت هيام تدندن باهزوجة اللحو المعروفة , بينما وليد يكون يموت من الغيظ وقلة الصبر
اسهبت هيام ذات اللسان الفلقة , فى وصف حسن امانى ومزاياها الطاغية , وختمت وصفها بنصيحة برئية تمتلى صدقا اخويا دافئا , بانها كانت تعتقد ان وله اخيها بامانى , مجرد خفة ووزن خفيف , الا انها الآن وبعد ان رأتها وتحدثت اليها , تكاد تراه فى وزن الجلة , وترى ان خطواته فى حسم الأمر , تعوزها السرعة , وينقصها الأيقاع المناسب للأرتباط بمثل هذا الصاروخ , مالك منتظر شنو , شغل واشتغلت , ابوى وامى وما عندهم مانع يعرسوا ليك الليلة قبل بكرة , البنية وطلعت صاروخ ارض جو , ابوها قالوا زول كريم وحكيم وكايس السترة لى بناته , يمين تقعد تتكاسل لى كده لمن اجيب ليها خاطب واقول ليهو اخدنى معاها فوق البيعة عشان اكف العين , فرصة ياخى نقول ليهو اشترى صاروخ واكسب طلقة متوسطة المدى مجانا , اما الصاروخ فلقد علمنا من السياق انها امانى ما غيرها , ولكن وليد ما لبث ان غرق فى نوبة ضحك هستيرى لمن فكر وقدر ثم خمن وعرف ان الطلقة المتوسطة المدى الفوق البيعة دى , ماهى الا اخته هيام ما غيرها , فى واحدة من استخدامات لسانها الفلقة المعروفة , فاستسلم وليد لوجة ضحكه والسعادة تغمره من كل جانب , من جهة لأن حلمه اقترب من التحقيق , ومن جهة اخرى لأن الله حباه مثل هذه الهيام , اختا رائعة تملأ بيتهم بالحركة والبركة والضحك والحبور , ثم فاق من ضحكه وهو يطرق باب ابويه مستأذنا فى الدخول , ليحسم امرا بات اقرب اليه من حبل الوريد
| |
|
|
|
|
|
|
| |
محمد آدم النور
ميسرة سيد أحمد
احلام وهبي
ياسر نجيلة
موسي عيسي
Hatim Gubara
عبد الدائم سيد أحمد
عفاف علي ميرغني
معتصم جعفر
الرشيد بابكر
سامي عبد الوهاب إدريس
عصام دهب
منصور عبد الرازق
محمد عيد
ابتهاج عبد الله
محمد عثمان عبد الرحيم
زينب التجاني
عمر محمود محمد
طارق جبريل
عمر هواري
جلال عثمان
عمر نملة
مني يونس
كمال الشادي
فيس بوك
تويتر
انستقرام
يوتيوب
بنتيريست