نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: ناس الزقازيق ... أجدع ناس (4) .. (Re: زهير الزناتي)
|
الأخ زهير صباح الخير 000 أفتكر المحتاجين تعريف هم أبو شال في اللقطة السابقة وهوالفاتح علي عبد الله - تجارة اما في هذه الصورة ونمرة 3 وقوفامن اليمينن هو 00 محي الدين عابدين تجارة 00 وآخر واحد وقوفا هو عبد المحسن دفعة 00 تربية الجالسين من اليمين 00 الصادق أبو سكين والذي بعد دكتور عمر 00 حبيب الله قدام تربية
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
هاهى صفحة الكتابة الرابعة ,تلوح فى الأفق انتظار الأشياء , قد يفسدها , بعض الاحيان تركنا حائط كتابتنا الأخير , مطليا بلون الحياة والتواصل اذا كان العدد والترقيم ذوا اهمية ما , فاننا كنا فى وش الطلاء الثالث والتسعون لكن بكرى ابو بكر , غدر بنا ونحن على مشارف المئة الفرق شنو بين تلاتة وتسعين ومية , سبعة وشوش طلاء كاملات , تحتاج الى جردلين بوماستك , وتلاتة جرادل جير ابيض !!! يعنى شنو طيب , بالحساب القديم , فان (الفورة ام مية ) , ما تزال على مرمى (تلاثة وشوش طلاء كاملة ) وجرادل بوماستكنا , لا ندرى لو كانت بتكفى ولا لا احساس الجوع , بدا ينتابنى , ويتاورنى الهجعة بعد الهجعة وصوت المطر , وكون ان الشمس فى (اجازة ) , يحد من ساعات اليوم , حد الأحساس ان (لا بركة فيها ) ليست اربعة وعشرون بالتأكيد وليست سبعة ايام ما فى ذلك شك
محاولة لا ادرى مدى نجاحها (بعد صدقها ) , فى محو تاتاة بدات تصيب (اعضاء حسى ) تست ------- تست --------- تست تأتاة اخيرة , وتلعثم ختامى
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
ما ياهو كلام الطير فى الباقير مش عاوزين ترسلو الكريم بتاع ناس نملوز لى حاتم وطارق ؟؟؟؟ عشان يختوهو وين ما عارف كلامى الأخير ده , اعتبروهو من ذات فصيلة الكلام الدنيا فى البيت , امتحانات الدنيا فى الشغل , انشغالات والدنيا فى الشارع , برد لمن عوارات والدنيا فى السودان , احتقانات والدنيا عند البادى , مولود جديد واحتفالات وعند زهير الزناتى , فيسبوكات والرشيد مسجل غيابات وجلا , روحات وجيات
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
Quote: الدنيا فى البيت , امتحانات الدنيا فى الشغل , انشغالات والدنيا فى الشارع , برد لمن عوارات والدنيا فى السودان , احتقانات والدنيا عند البادى , مولود جديد واحتفالات وعند زهير الزناتى , فيسبوكات والرشيد مسجل غيابات وجلا , روحات وجيات |
اللهم اهدنا و اهد بنا العنوان: حلة ماشي غادي اسم الشارع شارع بيتنا منزل تانية ناصية منزل رقم خليهو في حنانك إنشاء الله الزول دا يكون عرف الوصف و يصلني!!!!!!
| |
|
|
|
|
|
|
Re: ناس الزقازيق ... أجدع ناس (4) .. (Re: مشاعر بدوي)
|
سلامات يا ناس
ومساءات التفاؤل
مراحب ياسر نجيلة خليتنا نكتكت من غير برد
ما عارف جلا حيكون حصل ليهو شنو ...خاصة إذا كان
الزول الوصفت ليه البيت داك وصل...
مراحب مشاعر ...
اها مشاعر جات ادونا( مبروك )حقتنا.
| |
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
صبحكم الله بالخير
أسباب كثيرة كانت وراء اختفائي في الأيام الماضية... و ان تعددت الأسباب فهي في محصلتها النهائية انشغال أو مشغولية... و أنا و ان غبت فمن أعماق قلبي أعتذر عن الغياب... و أشكر صديقي و توأما روحي محمد عيد و منصور على السؤال... و على الاتصال و على النداء الحبيب الحميم من محمد عيد...
أجد ان العلاقة التي تربطني بأبو الزوز تعطيني الحق في قول أي شيء... هنالك ما أهمس له به وحده في أذنه و هو كثير و بعضه أجاهر به على صفات الأسافير... و هنا أقول له اذا كانت حالة البوست هي التي دفعت بك الى صفحات الفيس بوك... فانني أجد ان البوست ستسوء حالته أكثر و أكثر... و سيصبح مثل جريدة الوسيط نأتي اليه لنشر الاعلانات المجانية.... و ان كانت هي للتواصل مع من ليس له عضوية في سودانيز أون لاين... فانه هدف نبيل و لكنه يأخذ الكثير من الوقت الذي تحججون جميعا بأنكم لا تملكونه... ليس هنالك من بديل لهذا المنبر الا موقع خاص بنا كالسابق يجمع الجميع...
ضحكنا أنا و بت الشيخ كما لم نضحك من قبل على نكت ياسر نجيلة... فبعضها أقرأه أو أسمعه لأول مرة ... و أكتر اتنين عجبوني يا ياسر...بتاعت المساج....و العايز يصلي وراء امام التلفزيون... يخرب مطنك يا نجيلة...
يا جلا انت جاهز... عشان لو انت جاهز أنا جاهز... أنا بتغاظ جدا لما اتنين يقعدوا يكلمو بعض بالألغاز في البوست... و أعتقد انه لو في أسٍرار ممكن ببساطة ترسل مسنجر لمن تريد أن تخبره سرا... الا السر البيني و بين جلا ده مكانه هنا ما المسنجر... و أعدكم جميعا ان شاء الله بالبوح به صباح الخميس أو الجمعة...
شوق خاص لموسى عيسى...
صباحاتكم بيضاء
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
بسم الله
Quote: يا جلا انت جاهز... عشان لو انت جاهز أنا جاهز... |
السواي ما حداث
Quote: الا السر البيني و بين جلا ده مكانه هنا ما المسنجر... |
وسوستك لأبو الزوز و شكرك لصديقك و توأم روحك منصور و حبيبك الحبيب محمد عيد وتاج راسك بت الشيخ تجعلني أسحب قواعدي حتى حدود مغادرتك الزقازيق و أعيد النظر في السر القلتو لي و لا أقول ليك سرك معاي مضروب ليهو 8 أيام علماً بأن الكوتش قالو لي إذن عليك بنكت نجيلة ..أما أسراري فعليها العوض
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
Quote: سرك معاي مضروب ليهو 8 أيام علماً بأن الكوتش قالو لي إذن عليك بنكت نجيلة ..أما أسراري فعليها العوض |
عامل لي فيها ابو العريف راجع الماسنجر ؟؟؟؟
التحايا للجميع و نعتذر عن الانقطاع للاسباب المعروفة و ما
زال العرض ساري حتى نرى يا نحن يا انت يا زهير و نشوف حدها
وين ؟؟؟؟؟؟
و دمتم بس واحد بره !!!!!
| |
|
|
|
|
|
|
Re: ناس الزقازيق ... أجدع ناس (4) .. (Re: موسي عيسي)
|
يا رشدي صباح الخير ... تعرف لمن فتحت الصفحة في الفيس بوك .... كان هدفي الاساسي انه الناس العندها هناك عضوية تشاركنا الافراح ... ويتخيل لي من اليوم الاول ظهروا ناس كتار ... وده شئ كويس ... بس اتمني انه الموضوع ما يكون خصم علي البوست ولا منبر ناس الزقازيق ... وده يكون مكمل لي ده .... قطع شك مافي اي حركات انفصالية .. او تكتلات خارج الاطر التنظيمية
Quote: و دمتم بس واحد بره |
الباء مفتوحة ولا مضمومة
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
العروس ام ضروس ( على قول حبوبتى ) بركة بالطلة ومبروك تانى وتالت ورابع
والله يا رشدى صفحة الفيس بوك هى لذيذة وبالذات للناس البحبو الهترشة زى ناس جلا ديل ، لكن فى الحقيقة بتاخد وقت كتير من الواحد والخوف فعلا" تكون خصم على البوست ده . لكن بالجد الصفحة عاملة زى شارع القومية كلها سلام ومشاغلات ظريفة
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
Quote: الباء مفتوحة ولا مضمومة |
حسب فطنة القاري و الغرض !!!!و اللبيب بالاشارة
يدعس ؟؟؟
Quote: عشان راجيك بي واحد تاني |
و إنت الدخلك شنو اصوم ولا افطر والله يا جماعة
جنس لقافة !!!!!
اها انستر مع صحبك العازمه شاورما علي الهواء داك ؟؟ انا
صيامي خليهو !!!
و بهديك الاغنية بتاعت : الغريب عن وطنو مهما طال غيابو
مصيرو يرجع تاني لاهلو و صحابو ..........كمل الباقي
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
صباحاتكم بيض ياالحبان. ياسر نجيله والله نكاتك ضحكتنا شديد الله يديك العافيه توتاوالله مشتاقين ومنورة...ومبروك الاخبار الحلوة الرشيد بركه الجيت عشان تفتح ازهار محمد عيدوتملى بيتنانوار سلام يا كوتش كما يحلو لهم ولى الحق فى الاحتفاظ بتسميتى يا... عبرك التحايا للحلوين تبعك .. 1...2....3 جلا
| |
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
صباح جميل ونادى ... على قول ابراهيم عوض ..
امطار دعاش وجو خريفى جميل ..
حملت نسائمه اطلالة عروسنا مشاعر .. ولها منا التحيات والتمنيات
وحملت عودة المزاج العالى لحبيبنا ود نجيلة بمجموعة من الضحكات ... وله منا الاشواق
وأتت الينا بالفارس البديرى الدهمشى ابو مهند مرتديا صديرية الجمال .. وممتطيا خيل المحبة ... وله منا السلامات والاشتياقات
وجلبت لنا الكوتش وموسى عيسى فى تلغرافات سريعة لا تخلو من جمال المضمون .... ولهما منا التعظيمات والسلامات ...
وأيضـا .. أتت لنا بصاحب العمامة .. الذى اذا خلع العمامة عرفتموه واذا ارتداها سكيتموووه .. مرحبا جلا .. وله منا التربصات والتوجلات ..!!
( آخـــر تحديثات عربـــى جوبا ..!! ) قبل ما نفرز عيشتنا ..
| |
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
يا ابتهاج ما كنا كويسين في داعي تجيبي لينا
الهوى !!!! صبحك سمع اضاني قالوا بلم ليه في
شيرنق لكن لشنو ما عارف عموما قبل شوية يوسف
عبدالله قال ليهم ادفع لي من العندك في السابق !!!
عمل زعلان خلي الجوال عند بتاعت الشاي بس الداير
بينهم شنو ما عارف هذا اخر الاخبار و سوف اوافيكي
بالباقي بس امسكي الزول الاسمو زهير دا مني الان
بجي ناطي لي في حلقي يقول لي الزول دا بلدياتنا !!!!
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
Quote: إنت مش ديدو و إبتهاج عملو مداخلات مالهم ما جابوهم في نشرة الأخبار؟؟؟؟ |
ديل في نشرة الساعة عتناشر بعربي واو !!!
و الله يا محمد عيد في ناس فاتن حمامة بشكل ياربي
وين الحلو ما عارف اتذكروا ليه في اللحظة دي بالتحديد!!!!
يا جلا بطل الماعنات دي .....
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
Quote: و الله يا محمد عيد في ناس فاتن حمامة بشكل ياربي |
يا موسى ..
زولك ده ببعمل فاتن حمامه لكن هو اساسا .. هرشة دوت كوم ..
هســـه بالله فلاحتو دى كان عملها فى ناس نافع وعلى عثمان ما كنا اتخارجنا من النصايب دى ..؟؟!!
بعدين هو الزول ده مش أمم متحده ؟؟ وتيييييييييييب ..!
| |
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
Quote: و لا أقول ليك سرك معاي مضروب ليهو 8 أيام علماً بأن الكوتش قالو لي إذن عليك بنكت نجيلة ..أما أسراري فعليها العوض |
يا جلا لو عايز تزوغ كلمني من حسه عشان ما أضيع وقتي ساكت... بعدين السر لو قالوهو للكوتش يبقى لسه سر... بس لو قالوهو لموسى عيسى يبقى شنو؟؟؟ على أي حال موسى وقع اقرار بعدم الافشاء...
سعيد بالظهور الجميل للزول الجميل موسى عيسى... حتى و لو جاء بعض الناس كده و قالو لي هي عرفت من بتين... فموسى رجل يحمل هم الوطن بين جنباته... و هذا الهم يقلقه كثيرا و يجعله يشعر أن مجرد الونسه تعتبر خيانه... و أنا أقدر كثيرا مشاعر رجل بهمة موسى و حرصه على مستقبل الوطن... و بقول ليهو مجرد بيننا يذكرنا بالوطن ان نسينا يا موسى...
صديقي العزيز أبو الزوز... أعرف انك أحرص الناس على لم الشمل... و لقد حملت هذا الهم حتى بعد غربتك الأخيرة... و أعرف أنك لم تلجأ الى الفيس بوك الا لجلب المزيد من الوجوه الجميلة... كل ما أرجوه أن تكون النافذتان أو النفاجان مطلتان و يفتحان على بعضهما البعض...
بهجة شكرا على الترحيب و ان شاء الله تكوني ظبطتي حلة البامية... و شكرا يا حماده على الترحيب الجميل...لك مني كل الود و التقدير....
ديدو سنأتي للهترشه معاكم على الفيس بوك قريبا....
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
الزول البين قاقرين والنقر دة عرفتوه زول كان لعاااااااااب وحريف شديد
يا ابو الزوز كيفنك ياخي انا متفق مع الرشيد ميتين في المية الفيس بوك حا ينهي ليكم البوست دة زي ما النفاج الخاص بي ناس الزقازيق قبل كدة عمل نفس العملية يعني مع الزمن الممحوق دة الواحد لا يعرف يدخل منبر ناس الزقازيق ولا يجي البوست دة ولا يمشي الفيس البوك وقناعاتي انه البوست دة كان كافي جدا ولا زلت عند موقفي.. منبر الزقازيق كان خصما على هذا البوست وشكل التواصل الفيه يا حبيب العديل رأي والأعوج رأي
| |
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
Quote: يعني مع الزمن الممحوق دة الواحد لا يعرف يدخل منبر ناس الزقازيق ولا يجي البوست دة ولا يمشي الفيس البوك وقناعاتي انه البوست دة كان كافي جدا ولا زلت عند موقفي.. منبر الزقازيق كان خصما على هذا البوست وشكل التواصل الفيه |
لما تلقي ليك واحد عسل ينشن مباشرة ... ويكتب الفي بالك ... بريحك في حنانك زاتووووووو......
تسلم ياود المغاربة .....
| |
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
يا نجيلة صباح الخير بتوقيت المغرب البوست دة كان عامل زخم كبير جدا جدا حتى الناس الما كان عندها باسوورد كانت بتراسل الناس البتكتب هنا وحتى بكري لمن عمل لينا نفاج تاني زاد عدد الاعضاء من الزقازيق لكن للاسف معظم العضوية الجديدة ان لم يكن الكل.. هي عضوية غير نشيطة بدليل انه الناس البتكتب وبتتواصل ياها ذاتها من زمااان عشان كدة تشتيت الكورة ما كويس انا غايتو لي هسي بجي داخل هنا توووووووووووش ونادر جدا ما امشي بهناك ولا زلت عند موقفي
| |
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
إنت فيهو الزول دا و لا في الوراه ؟؟ ما ياهو علاء الدين يوسف المكرهنا
المنبر العام , الله لا بارك فيهو محنو و محن المؤتمر اللاوطني ذاتو و الله
يا طارق كلما الواحد يحاول ينسى يلقى ليهو عضم في حلقو ؟ اللهم احرق الكيزان
دنيا و اخرة يا رب يا كريم ؟
و زولك دا والله يجي و يمشى بس والواحد اتوتر من شوفت الزول دا بس خلينا نكتح لي
كاسة ليمونادا في الجوا الباردة دا و اجيك ( ما تفتكرها حاجة تانية انت اصلو
لسانك متبري منك علي طول بتمشى للحاجات الكعبة ديك !!!!!!) .
| |
|
|
|
|
|
|
Re: ناس الزقازيق ... أجدع ناس (4) .. (Re: موسي عيسي)
|
Quote: ما تفتكرها حاجة تانية انت اصلو
لسانك متبري منك علي طول بتمشى للحاجات الكعبة ديك !!!!!! |
بيجلدوك يا خرابة في السعودية دي
يا حبيب الصورة في الدمام وعلاء ما فيها دة زول بيشبهو سااااكت على فكرة علاء دة بلدياتي تصدق
| |
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
محمد ادم النور ... سلامات ياخي الجلابية دي بنلبسها في المناسبات الرسمية متل لبسة بابا نويل وجيناكم بيها عشان صور اطفالكم الحلوين وربنا يحفظهم ليكم . . ود جبرين لبست ليه اللبني قايلاهو من بحري احب بحري وخالك ابودية ذاتو مالك يازول عايز تفرتق لينا الحفلة بهناك
. . الزقازيقاب فترتونا بالقراية مالكم قايمين بنمرة اربعة ود جبرين كلامك سليم ماشايف ابداعات التسجيلات الجديدة اغلبها من الاعضاء القدام الذين لهم الفضل في تكوين منبر الزقازيقاب
| |
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
Quote: بعدين ما تنسى انا وطارق لكوظ كنا مقفلنها ورا ومعانا كمال زولوجي |
يا جبريلا...الناس كانوا بيخافو من ياسر لورد ساكت... مرة أداني ليك كتف في ميدان المدرسة العسكرية مرقني في لكوظ... ده كلو عشان ضربت حاتم جباره من غير قصد... مع انو هو صديق عمري...قمنا سوا و ترعرعنا زي الأخوان يعلم الله...
قميص البرد ده انتظرني لحدي ما أبقى حركه شعبيه... انت ما كان تخلي مبارك جادين يرسل ليك واحد شتوي كمان... بس فالح فيني أنا...
| |
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
الدريري الله يطراه بالخير قابلتو في الرياض مره
في السفارة الحق يقال دا الزول الكان بتعبنا بجد
بس بي قفلتكم دي الشبابك فتحناها فتيح جد و ما حصل
طيلة وجودك في الجامعة اخذت ليك كاس بس تلعب و تتلطش
و تمرق تمشى لكوز و لا تستحمى و تجي دار الاتحاد و تقول
خربانها ام بناها من قش و تقعد تصنقر تشوف ناس حاتم جبارة
و ياسر نجيلة في التنس ؟
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: قميص البرد ده انتظرني لحدي ما أبقى حركه شعبيه... انت ما كان تخلي مبارك جادين يرسل ليك واحد شتوي كمان... بس فالح فيني أنا... |
لكن الفيك اتعرفت البركة في علي بابكر
يا موسي وحاتك آخر كورة لي رشيناكم رش تقيل حتى اسأل هاني ووليد ابو القاسم بقوا يشلتوا في الدرديري
| |
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
Quote: لو إستعنت معاهم بالتاج وأسامه ما بيحلك.. وكنتوا مشترين عمكم الحكم.. ولو ما مشترينو.. قاعد تهرشرهو.. لأنكم كنتم زي مليون.. ونحن كلنا كنا 15.. |
يا حاتم جبارة و الله الا لو الموضوع مغالطة ؟؟
لكن كاس في كورة القدم نهي نهي و في الكورة الطائرة
آخر كاس كنا في السنة الرابعة 88 كان من نصيب اسياد البلد
وقتها بقيادة الكابتن ياسر نجيلة و لو عندك كلام بنادي جلا !!!!!
يا النضيف خليك بعيد و اعمل ساتر الدم ما يطير فيك ؟؟؟؟
الكاسات كانت في عهدة السكرتير الرياضي اسامة عبدالغفار وقتها ؟؟؟
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
Quote: وحات الله ... انا الساكن معاك داااا ماشفتك يوم شايل ليك كاس |
والله السماك النضيف .... ماقصر والماسكن معاك ... لم يسكن البتا ....
هل هي ... كاسات ... ام ... كؤووووووس ... وين ناس الشوت الضفاري ... واللعب بالبووووز .....
============================ لكن ياود الزناتي ... لقيتك حريف خلاص .... الاخ من تجارة .... صح
| |
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
Quote: بس منتظر الكوتش يجي ويقول سلام ياناس وبعدين نوريكم الكاسات الجد |
ياخوي كوتش شنو الراجيهو.. كاس واحد شلتوهو سنينا كلها.. وبرضو كاس خريج.. العجبني أديتو تجاره 5 في طريق البطوله.. تهانينا..
Quote: يا حاتم كاسات الحنكشة دى ما بحسبوها |
كاسات الحنكشه.. للحناكيش.. ما للشرامه ناس تجاره وتربيه..
Quote: غايتو انا مما جيت تجارة دي ... غير شيل الكاسأت ماعندي حاجة .... |
غايتو نحن من جينا الزقازيق.. ما شفنا ليك كاس.. يعني عايز تقول لي كنت قاعد تغلب ناس شقتكم.. أحمد عزمي وابراهيم النضيف.. ديل كانو محترفين ومنقطينها من النادي العربي..
Quote: و في الكورة الطائرة آخر كاس كنا في السنة الرابعة 88 كان من نصيب اسياد البلد وقتها بقيادة الكابتن ياسر نجيلة و لو عندك كلام بنادي جلا !!!!!
|
يعني ناديت جلا خلاص.. أها سنه 88 دي بالذات أنا متذكرها.. شلنا 5 كؤوس.. أو كاسات على وزن الزناتي..
Quote: دي تتحسب لناس الجبهة الديمقراطية ... ولا نامت اعين الجبناء ... |
نعم ياخوي.. ما قلنا بلاااش سياسه.. (دردقه لي موسى عيسى)..
وينهم ناس زراعه.. امبارح شايفهم حاولو يخشو في موضوع الكاسات.. لكن براحه انسحبوا..
| |
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
نعل الله العصبية ...
لكن برضو ناس تجارة كانوا اسياد بلد ..... اولاً ناس زراعة كانوا كلهم جكس ... وما عندهم شغلة بالكورة ... ناس بيطرة ما عندهم حاجة غير درديري جوه الميدان وجمال فارح خارج الميدان ..... اما ناس تربية ديل فكنا بنطلشهم ليك والشمس حية ... غير الكوتش يخربهم الباقين كلهم قاعدين مستمتعين بالعاب الكوتش وفنياته .... مافي فريق منافس لينا غير آداب حتي اسالوا موسي عيسي وجلا ولا شنو بالله يا نجيلة ....انا غايتو بشجع فريق آداب والماجبه يكلم لي محمد يسري طلبه عويضة ...
| |
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
Quote: والله لي نفس أسبابك.. أنا زاتي أشجع ناس آداب بشده.. لعابين جنس لعب.. إلهي منهم.. |
اها ياود جبارة ... بديت تتكلم صح ... وخاصة لعب آداب مع تجارة ... بالله يا النضيف وريهو ... اللعب على اصولو بدءاُ بالريس ميسرة .... ومرورا بالحبيب الزناتي .... وهلم جرا عليك الله القايمة كلها ....
====================== والله ياود جبارة ... ذكرتني كاسات أحمد عزمي وابراهيم عبد المجيد ... دي انا كنت ماحسبها .... والعجب لو دخلنا السبكي وابراهيم الحاج في النص ... الحساب حيطول خلاص ...
| |
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
مساءآات الهناء والسرور ...
يا أبوالزوز آداب كان فيها مبارك زروق والنفراوي وفي واحد كدا بتاع لغة عربية كلاسيكية نسيت إسمو .. والله الزول دا لو إتكلم باللغة العربية الفصحى والله ما تفهم أي حاجة كأنك تستمع لعوض عبدو وهو يرطن ...
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
انا بشجع معهد تجارى وعلوم والسكرتير الرياضى حقهم
ومن اداب ياسر عوض الكريم وصالح تبلدينا وراخيــــة
الباقين كلهم بيلعبو حفايـــا وتلقى الواحد من الصباح ما آكل ليهو حاجة وبعد ده كلو راجنو يجيب ليهو كأس .
يا قول عوض الله جاكسون لما ناس طب بكونو لاعبين :: تتراسيكلين
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
الحالة الجداوية التي مررنا بهم يوم أمس
ولا في الأحلام شئ أكبر من الخيال،،، وكأننا نشاهد فيلم
هندي نسجت خيوط الدراما بعناية فائقة ،،،،،،
في إتصال مع عصام دهب قال بأنه ترك العمل في تمام الساعة
الثانية ظهراً على سيارته ولكنه وصل منزله في تمام الساعة 11 ليلاً
حافي القديم بعد أن ترك سيارته في الطريق وأكل المسير - كداري -
عبدالدائم محظوظ ساكن جنب المكتب طلع على السطوح وقفز إلى البيت
جوالات باقي الزملاء لم تستجب على الرغم بأن الأتصالات من داخل جدة مجاني ولمدة يومين
نحن وأولادي تعرضنا لأمتحان صعب حيث تحرك الأولاد قبل الساعة الثانية ظهراً بواسطة احد معارفنا
وأمتلات عربته بها أكثر من 10 أطفال وتعرضوا لموجة مياه دخلت داخل السيارة وتوقفت السيارة في منتصف
الطريق وأن السيارة خارج السيطرة فأخذهم واحد واحد حتى أوصلهم الرصيف لأن الأطفال في طول مسشكاة يمكن
أن تكون المياه أعلى من طولها ،،،،
وبعد ساعات طويلة تعطف عليهم واحد شامي يقود سيارة جمس وأوصلهم لأقرب منزل من معارفنا ووصلوا البيت بعد الساعة الخامسة مساءً ونحن في المكتب تركينا سياراتنا وتوكلنا على الله ونصلينا الظهر وتحركنا نحو
منازلنا وحاولت المرور بمدرسة الأولاد ولكني لم أجد لهم أثر والحمد لله عبرنا جميع شوارع جدة المغمورة بالماء والمطر نازل ووصلنا قبل صلاة المغرب بقليل والحمد لله وتم إحضار الأولاد ، إبن أخي لم يستطع الحضور حتى هذه اللحظة وهو في المرحلة الثانية الإبتدائية ولكنه بخير كانوا بالمدرسة حتى الساعة تسعة مساءً وتم إيوائهم في منزل أستاذة بحوار المدرسة ، كل ناس يحملوا قصة تختلف ،،،
طمنونا يا ناس محمد عيد والآخرين
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
سلامات ياريس وبالله طمنونا على الجميع ونسأل الله ان تكون أمطار خير وبركة
وياناس الرياض ... يشرفنا الآن حبيبنا دكتور خالد محي الدين ولظروف الدكتور سوف نلتقيه عند الثانية ظهرا بمطاعم النافورة بشارع الستين ... عليه، نرجو من الجميع "كل حسب ظروفه" ان يلتقينا هناك ... لتناول وجبة الغداء سويا... وبدون شك سوف يكون طعاما شهيا ذو نكهة تجملها طلة الدكتور البهية ولكم الود
| |
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
اهلنا الحلوين ...
يوم قاس .. وليله عسيره تعرضنا لها فى عروس البحر الاحمر التى تحولت الى عجوز هـــرمة
خط الزمان عليها أقسى علامات الشيب والشيخوخه ...
بحمد الله عاد الابناء من مدارسهم مبكرا بعد أداء امتحاناتهم ..
ولكننى لم أعد الى المنزل الا فى الحادية عشرة ليلا ...
حيث علقنا فى أكثر من طريق ولأكثر من مرة ...
اللهم حوالينا وما علينا
الشكر للجميع
| |
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
الله يسلمك يا جبريلا الحبيب ...
&&&&&&&&&
لقيت لى نكته على الطاير .. فرصة اهديها ليك ولموسى عيسى بصفة خاصة
( قالوا جمال الوالى مشى للبشير عشان يوافق ليهو على تجنيس محترفين جدد من تونس ..
البشير قال ليهو : على الطلاق كان بجيبو لينا كاس العالم مادايرنهم!! )
ما قلتوا نووووبه ..! امانه ما الحبل لافـــــى ..!
| |
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
ناس جده.. ألف سلامه..
نحن أمبارح جليد 15 بوصه.. شغالين حفر تقول عمال آبار.. بعد دا كلو أجازه ساعتين بس.. الله ورقبتي في المكتب..
ودعيد.. مازلنا راجين محترفيننا.. كان يجو يخلصونا من الدوري.. الما داير يكمل دا..
| |
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
كر علي.. تبرا من الدبرسه.. خايف أقول ليك مالك تقوم تدبرس بي.. اللي بالي بالك في الإيميل..
الزناتي الوهم.. لولا المعايش جباره.. كان شتت زماااان.. وعمك جباره من البرد شال عدتو ومشى نيومكسيكو.. في زياره عائليه..
| |
|
|
|
|
|
|
Re: ناس الزقازيق ... أجدع ناس (4) .. (Re: البادي النور)
|
يا البادى ....وزناتى اداب لعابه لما غلط وكفى ============== غنى محمد عوض فابدع جلس مبارك جادين وعمر بسكو شريف وشخصى ضمن الحضور غضبك جميل ذى بسمتك \انا افريقى انا سودانى كانتا مسك الختام ...صفق الحضور كثيرا =============== الخميس الماضى كان عقد قران كريمة الاخ محمد عبدالعزيز تجمع زقازيقى للاجيال المعتقه وضاق مسجد الشهيد بالضيوف على سعته... مبارك انشاءالله
| |
|
|
|
|
|
|
Re: ناس الزقازيق ... أجدع ناس (4) .. (Re: معتصم جعفر)
|
سلامتك من الدبرسة يا جبريلا انشاء عدوينك ناس ....
يا وهم ... ركب جرافات في كرعينك .... وانت ماشيف نيو مكسيكو دي ولا صغير علي السفر
يا ريسنا شكرا ليك وانت بتنقلنا لموقع الحدث ... كويس برضو شاركتو في الحراك السياسي بانا سوداني ... بس مظاهرات الاحد دي ما تفوتكم رغم عارفكم الجري بتاع البمبان ما بتقدروا عليه ...
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
صبحكم الله بالخير
قعدنا نتغالط أنا و بت الشيخ صباح الأربعاء... بت الشيخ تقول لي نحن شكلنا كده واقفين في الصف الغلط.... أقول ليها لا ما غلط... انت متأكد... متأكد ميه في الميه.... لكن مافي و لا سوداني واقف في الصف ده... طيب مالو...انت عارفه السودانيين بيجو متأخرين... و الله أنا شاكه في الصف ده... أها شوفي ديل سودانيين جايين...
كنا في مطار أبو ظبي أمام البوابة التي تؤدي الى الطائرة... كان الغالبية من الآسيوين متوجهن الى الخرطوم مثلنا... حملنا في ايدينا كمية من الشنط تفوق التي وزناها... و نحمل في دواخلنا كمية من الأشواق تفوق قدرتنا على احتمالها... ركبنا الطائرة الى الأرض التي ما زالت مليون ميل مربع... تجكرنا في الطائرة و سبقتنا أشواقنا الى هناك.... كانت أربع ساعات طوال و و جبة واحدة مسيخة... و كيف لا تكون مسيخة و لقد هيأت نفسي لملاح نعيمية أمي... بالعصيدة له طعم و بالكسرة له طعم آخر... هبطت الطائرة في مطار الخرطوم... و جدنا في استقبالنا في الصالة المديرة الكبيرة شوش.... شوش وجه جميل تودعنا و تستقبلنا مهما كانت مشغولياتها... ثم تفرد لنا مساحة من الوقت من بين جدول قل ما يوصف به أنه مزدحم... ثم كان الكوتش و آخرين نحبهم خارج الصالة... خففوا علينا كثيرا من عبء أشواقنا... حتى التقيت أمي و أبي فأزحت عن كاهلي ما تبقى منها...
أنا بالخرطوم منذ مساء الأربعاء.... شلت فاتحة واحدة و حاضر حفلتين عرس.... ألتقيت الكثيرين و أعدت الكثير من الذكريات في يومين... و باقي كثير من اللوم...
صباح خرطومي جميل مع قهوة أمي الصباحية.... كيتا في محمد عيد برضو.... ألف سلامة لناس جده....
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
الواحد كان في جوبا في مهمة غير رسمية وكتبت مداخلة زي حقت منصور والرشيد شبعانة على قول الزناتي لكن ما عارف هبشت شنو في الكي بورد قومي يا المداخلة طشي يعني حاجة تخلي الواحد يصالح جلا زاتو بعد داك الشبكة طشت يعني ناس سوداني فصلوها قبل ما ننفصل
يا جماعة طالما الكلام عن اداب وفضل اداب على سائر الكليات فنحن ناس علوم كان عندنا السبق في محاولة التؤامة مع اداب في حفل التخريج سنة1989
لكن ناس المعارضة ناس مبارك جادين ما ادونا فرصة وراحت علينا التؤامة ورجعنا لناس طب وصيدلة وبيطرة تجمع الكليات العلمية بعيدا عن ناس جلا ناس تجارة ومعاه موسى عيسى عشان ما يزعل (حاكم الزول اخونا وصاحبنا من زمان)
عشان كدة ناس اداب ديل بالله عليكم لمن تجيب سيرتهم اذكروا مقولة البروف ان الكليات علوم واداب والبقية مهن وحرف
والسر في اداب يسال عنه الزناتي ولايفوتني ارسال احر التحايا لناس اداي عصام سيكولوجي وعوض المفتاح الذي كان بيحمر لينا لمن نجي بهناك هو ومعاه ادروب ود كسلا الذي كان بيزعل عديل
اما عن الدوري فنحن ناس علوم نعترف باننا من الامم المستضعفة في الكورة لكن كان عندنا الحوري ومحي الدين عبد الستار والمرحوم منير موسى والسكرتير الرياضي يا عبد الدائم !!!!!!!!!!!!!!!!!!!!!!
كانت الليله جميلة مع احمد عوض في بيت الفنون والواحد افتكر نفسه في النادي الزراعي الرجاء من ناس الداخل المواظبة على الحضور الاربعاء وكل اربعاء فرسالة احمد عوض لينا انه ينداح في الغناء لمن يكونوا ناس الزقازيق حاضرين
النكتة بعد ما احمد عوض غنى من الاسكلا قال في المكرفون دي اخر مرة قبل الاستفتاء يا مبارك والمرة الجاية حنغنيها لحد كوستي بس
| |
|
|
|
|
|
|
Re: ناس الزقازيق ... أجدع ناس (4) .. (Re: مبارك جادين)
|
أبو الزوز يا صديق... أديني في الأول اسم ست الشاي و ست الطعمية الفي الشهداء عشان أمشي أسلم ليك عليهم... و لو عندك أي وصايا تاني عجل بها لأني ما قاعد كتير...
كنت متردد جدا في القدوم الى الخرطوم لما يدور في أجهزة الأعلام عن سيناريوهات محتملة.... حجزت التذاكر و ما زلت متردد... اشترينا الهداايا و ما زلت مترددا أيضا.... ثم قلت أنا خايف من شنو ياخي خليني أمشي... في الآخر حأكون في أسوأ الأحوال محجوز في دولة الشمال...
مش أحسن من سيول جده....
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: انا لو منك ...
أخطــف رجلى لغاية الزقازيق
وعلى ميدان عرابى ... وأهتــف مع الشراقوه ....
يســقط ... يســـقط ..... !!! |
انت جيت خاشي بي وين يا شقي الحال.... مداخلتك دي ما شفتها...
ما عايز ليك كجيك يا حماده مع السيول دي....
يسقط منو؟؟؟؟
| |
|
|
|
|
|
|
|