نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: ناس الزقازيق ... أجدع ناس (4) .. (Re: منصور عبد الرازق)
|
والأكل والشراب , فى بلد زى اوستند تغيب شمسها بعد العاشرة واانصف قبل منتصف الليل بقليل موضوع داير ليهو بوست براهو هسى يا ربى عمر صائم كيف ؟؟؟ امساكهم الساعة تلاتة ونص فجرا , ومغربهم عشرة ونص قبل نص الليل الكترابة نفطر عشرة فى الفندق , فطور الكرواسانات الما بيحوق داك يا طارق جبريل نزلتك للشارع , تشعر بانك عاوز فول , فالجو جوه , ولكن هيهات لمن تحسبها فى النهاية تلقى نفسك اكلت ليك زى اربعة وجبات قبل ما ترجع الفندق آخر اليوم اووستند , من المدن القليلة فى اوروبا ,التى تفتح فيها المحلات لغاية عشرة حداشر بالليل لذا فاننا , كنا نتجارى آخر اليوم عشان نحصل بيتزا هوت حقنا , ولا ما كدونالدز , بعد ان نيأس من وجود شى مختلف زى الفول ولا من فصيلته كثيرا ما كنا نشتهى السلطة , بى جبنة ولا دكوة , ولكننا لا نجد الطماطم ولا الخيار , لأن السيوبر ماركت الكبير (spa) الذى نعرفه يغلق ابوابه باكرا , ستة سبعة كده على ما اظن ستة سبعة دى , الشمس فى نص السما , ونحن فى نص البحر نمتص الماء , كان من البحر , كان من المطرة النازلة لمن تطلع من الموية , فان بطنك تكاد تصيح تسأل عن الفول الهمبرجر راقد , والنقانق والهوتدوقز ما تديك الدرب , لكن عايض القرنى لم يتتطرق اليهما فى فتواه التى تحدثت عن الدجاج يمين سخنة جنس سخانة غايتو مرة مدرار قربت تدى امها كف لمن قالت ليها الهوت بتاعم ده ما سمح , ثم اسكتتها بقطعة وافل ساخنة مدهونة بشكولاتة اكثر سخونة وجبة العشاء كانت اصعب الوجبات , لأننا كنا فى سباق مع ثلاث الزمن , ونأكل شنو , وعائض القرنى كنا كثيرا ما نتشبح , انا امشى اشترى سندوتشات الدجاج من ماكدونالدز واحمد ياخد ليهو جكة لغاية دكان عايض القرنى بتاع الدجاج المشوى الله يعلم طاعم بشكل وبالعدم , فان العليبات المدسوسات فى جيوب الشنط , كان فيهم الحل والبركة المهم , الخبز الجبناهم من اسبا امبارح , ما يكون خلص يا رب
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
هكذا سارت وتيرة ايامنا الخمسة الأولى فى اووستند اند زى zee دى بتجى ملحقة مع اسم اوستند من اهاليها الناطقين بالهولندية زى نملوز حبيبنا فاسمها هو اووستند والبحر , زى دى يعنى سى بتاعتنا البالأنجليزى العدييييل اهلها يعتزون بها ايما اعتزاز , وهم ودودون وبوجوه مبتسمة , يتغربون ان تخاف من الكلاب مثلا لذا فان حجازى كان صديقهم المفضل وصلنا حتى كنوك على حدود هولندا , ومررنا على الأيرث اكسبلورر , وعلى الأكويريم المائى محطة الأكويريم المائى اسمها (زىيلايف ) عديييل , يعنى حياة البحر وجلسنا فى حديقة الساعة , غير ذهابنا اليومى الى بحرها الخضم وشاطئها الجميل لم نجد لدخول هارى بوتر الجزء السابع بتقنية الثرى دايمنشن اى وقت مجتبى هو الأحرص على هارى بوتر لكن البحر استاثر بوقتنا , وشنط نملوز ذات العصائر الحمراء والخضراء وتلك التى بطعم الليمون تسابق المطر فى سقوطها الرذاذ علينا المشكلة ما عندهم تلاجات الجماعة ديل فى فنادقهم فهمنا عدم وجود المكيفات , ياخى انحنا ما بتاعين موية وعصير باااارد سااااكت ولكن العصير جوة شنطته (التى وصلت معنا الى الرياض وما يزال اسمها شنطة وعصير عمو عمر ) ما يزال محتفظا ببرودته طول الوقت , وهذه البرودة تناسب بت الشيخ ومدرار بس الباقين بشربون مثلى الماء مثلجا , والعصائر من الفريزر عمر ودانى لى مكتب سفر وسياحة , نسقت منه رحلتى الباقية تعذر استئجار سيارة لعدم التوفر , فكان القطار خيارنا الوحيد لكنه امانة ما قطر السرور
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
Quote: وتحولت من كونى منصور عبد الرازق , الى مشروع سائح يابانى واعد , ببشرة داكنة يلقى بنفسه الى الماء , فيتحول الى (حجر كبير ) |
بالله يا منص في النهاية لازم تعمل لينا استميشن للتكلفة عشان نجهز الميزانية من هسي السنة دي بلجيكا بلجيكا وان طال السفر وانقدة الجيب
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
سلامات يا ناس
الف سلامة لزوجة الاخ فش وربنا يتمم ليها الشفاء
Quote: بالله يا منص في النهاية لازم تعمل لينا استميشن للتكلفة عشان نجهز الميزانية من هسي السنة دي بلجيكا بلجيكا وان طال السفر وانقدة الجيب |
يا حبيب ...تعال شبا...ارقع ليك عنقريب هبابى فى راس التلال ديك وانجدع بالسروال طويل
وعاين فى جبل البركل.
يا زهير استمتعنا بالاهداف امس انا واولادى العيانين ديك وقالوا الكورة الجاية ماشين الاستاد
لكن صدق الاستاد من غيرك مسيخ(اعتراف وليس كسير تلج)
| |
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
يا حبيب يمين مشتهيكم لمن بيهناك .... لكن واضح انه الزول قلبه شوية شوية يموت لمن يحصل ناس حاتم جبارة ... تحياتي للعيال ولخالدة ... ولكل الحلوين .... اكيد بكره بنتابع الشروق ... عشان نشوف المتعة ...
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
سلامات يا ناس
Quote: التحايا للجدعان ،، وكل سنة وانتم طيبين
|
سلام يا بسكو
انتظر منى تلفون ...عايزين نرتب لافطار.
+++++++++++++++++++++++++++++++++++++++++++
زهير انت عارف فى حتات كده بقت مربوطة بيك ...وهسه طعمها بقى
مختلف (رغم انى فى الاصل ما صاحبك)والعهدة على الراوى المختفى...
ما علينا بنتظرك فى المهداوى.
| |
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
سلامات يا ناس
Quote: عارفو بيسل روحك كيف.. |
يا عب انت اطلع منها....
امشى على بيجو ده ما شايفو ...قال عايز يمشى بلجيكا
عامل ميت ما داير تعلق ...وساكينى فى شوقى لى زهير.
ابعد دمك ولا زى ما قلت ليك :بكلم ليك البرلوم.
| |
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
Quote: مش ملاحظ انو محمد عيد بقى طعمو مختلف؟؟؟؟ |
؟؟؟؟؟؟؟؟؟؟؟؟؟؟؟؟؟؟؟؟؟
بس ما يكون بقى طعم الاتوبونج ؟؟!
يا كوتش .. مشتاقين ..
الايام دى ايام مباركة وايام عباده واستغفار ...
لذا تجدنى بعيدا عن مشاترات ابو الزوز وجلا ومن لف لفهم ... !!!
* جاييك يا حبيب بى غادى بى حاجة دسمة .. بس شيل الصبر ...
باجيو الدومينيكانى ... اوكازيون بلجيكا ده ما تشوف لينا معاك فيهو رفقة ..
| |
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
أولا" يا منص شهيتنا عصائر نملوز ( الأحمر و الأخضر و البيجي ) مع درجة حرارة تصل الي ال 50 ... بس إن شاء الله تكون عرفت الشركة عشان نحاول نجيب توكيل ....
كسره.... أوستند دي البلد الصنعو فيها اللواري ال أستن ....
| |
|
|
|
|
|
|
Re: ناس الزقازيق ... أجدع ناس (4) .. (Re: قيس جمال الدين)
|
صباحاتكم خير وبركة اليوم 9 رمضان ماشاء الله ماشي كويس حقيقي يا منصور أمتعتنا برحلتك الأوربية ونقلتنا نقلة نوعية وكما أظن فغن الإنسان يحتاج لمثل هذه الرحلات كل فترة ليريح أعصابه من عناء الدنيا وأكيد الكاسب الأكبر العيال .. محمد صديق مستني منك التلفون بخصوص التنسيق للإفطار الجماعي ويازهير إنشاء الله تكون عندك إجازة قريب لأنو والله مشتاقين ليك شديد التحية لكل الزقازيقاب الجدعان في كل أنحاء الكرة الأرضية وكل سنة وأنتم طيبون وتحية خاصة للأخ قيس جمال الدين .
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
يا بسكو يا جميل يمين الاشواق لا حدود لها .... ياخي الجية صعبة ... الا في بالي طوالي .... وبفتش عليك في الفيس بوك قلت ادردش معاك تلفونك ضائع مني
حاتم جبارة بقت فاتن حمامة محترف .... يعني براحة ممكن تلعب في ال NBA بتاع الجمامات
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
قصة اللوارى دى الا تسأل منها نملوز عارف اخوك (ادبى) فى الحاجات دى يا قيس الأستميشن ساهل يا بيجو , انت بيجو دى شنو , ما تورونا قصتها ياخ الأفطار الجماعى يا بسكو ويا كوتش , لو بقى بعد يوم 27 , احتمال نحضروا وبالعدم , فطور العيد زاااااتو ساجتهد ان انزل بعض الصور وكان ما قدرت , قون اتوبونج الشعب , احلى من صورى كلها
| |
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
اما الصورة الأولى فلحظات وصولنا لمطار بروكسل ويظهر بوكيه الورد مع ايثار ثم صورة احمد التى انزلها زهير , فاعتقد انها من صفحة احمد فى الفيسبوك وهى فى محطار باريس قار دى نورد (بوابة باريس الشمالية ) , وهى فى الجزء قبل الأخير من الرحلة ابان عودتنا من باريس الى بروكسل مرة اخرى اها الجاية دى , دخلتنا الأولى الى اوستند الجميلة , ايثار ومجتبى , مدرار والطيب عمر نملوز
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
تعالوا اقعدوا هنا نصوركم جنب ساعة الميدان ساعة صيانتها عليك الله شوف الناس ديل الساعة ساعة زهور وورود والسلم لزوم انو الرجلين ما تدوس عليها اقعدوا فى حفظ الله جنب الجماعة ديل , اتمتعوا بالبط والوز والحمام والمطر الكابى اصلى انا مواعد عمكم نماوز فى وكالة سفر سموها جت اير عشان نظبط برنامج الرحلة الجاى يمين كان غبتا اسبوع , من المكان ده ما بنزهج
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
كرعينك المكلوجات ديل بيتصلحن تب آلمسنوح يمين تاخدلك غطسة فى بحر الشمال داك ان شاء الله تقع فيهو وقعة الحجر زى ما وقع اخوك وبعدين تجى مارق تسوقلك عجلة زى دى وتاكلك وافل مسخن عليهو شوكلاتة مسخنة , علا رجلينك يبقن زى حقات (فلانة ديك ) يا زوا امش اوستند طوالى , شبا خليها فى العيد بس
| |
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
صباحاتكم خير ياوجوه الخير وشوقنا متزايد للقياكم ياجدعان منصور والله أمتعتنا بالصور لحد الدهشة وسعدت جداً بصورة عمر نملوز بشكله الحالي لأنو آخر مرة شفناه في الزقازيق وماشاء الله الظاهر الأماكن الباردة بتحفظ شكل الإنسان ، حيث لم يتغير شكل نملوز كثيراً وباين من الصور أن الرحلة كانت ممتعة جداً ،، الرحلات ياكدة يابلاش .. عزيزي حاتم جبارة الفيديو بتاعك لذيذ جداً لكن إنبراشة الراجل عجيبة بالذات مع الكرش الكبيرة والله الجماعة عذبوه وبوظو مزاجه ،، كان بينفخ في الدخان بمزاج ،، وفجأة أموره كلها جاطت .. أخي زهير تحياتي لك ورقمي هو 249912273673+ وأرجو أن تكون الأخت إبتهاج والأشبال بخير كل سنة وهم طيبون .. تحياتي للجميع
| |
|
|
|
|
|
|
Re: ناس الزقازيق ... أجدع ناس (4) .. (Re: عمر هواري)
|
وانقضت ايام اوستند ااخمس مرت كالخيال احلام ولكنى , تفاجأت فيها بعملية نملوز نملوزرجل عملى بشكل خيالى قبل ان افاتحه فى موضوع انى عاوز اخلى بعض الشنط معاهو الى ما بعد انجاز الجزء الثانى من الرحلة (المانيا وهولندا ثم العودة الى بروكسل هذه المرة ) فاجانى هو وبعملية شديدة قائلا , طبعا ما انصح تشيلو شنطكم الأربعة معاكم شيلو البتحتاجو ليهو , الباقى جيبوهو لى اوديهو البيت ريحنى فى حنانى زاتو ياخ الا انه ادهشنى مرة اخرى بالسيناريو الهو خاتيهو للموضوع ده فانا كنت افكر ان اخطف رجلى يا انا براى يا كمان انا واحمدمثلا حال عودتنا الى بروكسل بعد انتهاء رحلة المانيا وهولندا التى ستسغرق اربعة ايام عشان اتناول الشنط من عمر , وارجع بيهم بروكسل لكن عمر كان عنده سيناريو مختلف عمر يعمل فى مصنع لللبان والنتجات اللبنية , فى مدينة بروج الساحرة وهى حوالى منتصف المسافة بين بروكسل واوستند تقريبا طلب منى عمر رؤية تذاكر العودة بتاعتى من امستردام الى محطة بروكسل الجنوبية zuid قطرنا يصل هذه المحطة الساعة تلاتة وخمسة وعشرين دقيقة قال لى حاكون فى المحطة معاكم الساعة تلاتة ونص وخمسة , تلاتة وخمسة وتلاتين دقيقة يعنى اذهلنى هذا التحديد الدقيق ولكن ركبتى للقطر الأول , ورتنى ليكم حاجة انها تمشى وتقف بنظام زمنى غاية فى الدقة والغريبة مواعيدهم البيحددوها , دائما فيها كسور الدقائق كونوا تجبر الزمن لأقرب نصف ساعة او ساعة زى عندنا مافيش ابدا يقلع القطار الساعة من اوستند الى بروكسل , الساعة تسعة واربعة واربعين دقيقة , يعنى تسعة واربعة واربعين دقيقة فى قطر تانى بعد القطر ده بى ساعة بالضبط لكننا اخترنا الموعد الأول , لأن قطرنا من بروكسل الى مدينة كولون , يقلع الساعة الواحدة وعشرة دقائق ادينا نفسنا براح من الزمن , لأغراض التلفت والروحة اقلع قطرنا الساعة تسعة واربعة واربعين , ووصلنا مشارف بروكسل الحادية عشرة الا عشرة دقائق تقريبا اللوحة بتاعت المحطة , تقول انها بروكسل زود , يعنى بروكسل جنوب لكن باب عربة القطار عندنا , انفتح على لوحة اخرى تقول انها بروكسل ميدى bruccels midi احمد كان اول النازلين , ثم عاود الصعود بسرعة , دى ما ياها محطتنا يا اخوانا لم نكن ندرى ان بروكسل ميدى هى نفسها بروكسل زود كل لوحات البلجيك مكتوبة بثلاث لغات , فرنسى والمانى وهولندى ونحن فى اللغات التلاتة , يا ربى كما خلقتنى , لا علاقة لنا بها على الأطلاق فقط نجتهد ونفكك الحروف المكتوبة الى الأنجليزية , ونفهمها على ذلك الأساس ميدى اقرب الى (وسط او سنترال بالأنجليزية ), ولكنها تعنى جنوب بالفرنسية كلفنا هذا الخطأ الى الوصول الى محطة بروكسل سنترال الفعلية العودة الى بروسكل زود , كلفتنا اتنين صب واى , ثم قطر آخر ولكننا فعلنا ذلك فى زمن وجيز , اكسبنا الثقة , واشعرنا باننا , عبيد كبار ياخ , تتريقنا على احمد بهذه الواقعة طوال زمن الرحلة الباقى , ولكنى اشهد انه كان مثالا لليقظة ونائب قائد ممتاز , فى كل اجزاء الرحلة الباقية وانتو مالكم ومال قائد الرحلة الفعلى حايكونمنو يعنى ؟؟!!! بت الشيخ يعنى ولا شنو ؟؟؟
| |
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
كولون ودوسلدورف الألمانيتين مدينتان غارقتان فى الفخامة والوسامة فخامتهما اللامتناهية , شكلت لى مفاجاة مذهلة لا ادرى من اين استحوذت على فكرة ان المانيا هى نقطة اوروبا الضعيفة قدرت ما فتشت على اصل هذا الأيحاء غير الحقيقى , لم اجد له اصلا ربما تكون الفكرة مستوحاة من كرة القدم فلا لمانيا دورى غير متابع من غالبتنا كما ان منتخبها , مع انه منافس دائم الا انه لا يوصف بالكرة الجميلة او الحلوة حتى لمن يفوز , نشعر انه سرق الفوز من المنتخب الأوربى المقابل لكنى استغربت من فخامة هاتين المدينتين مبانى فخمة , شوارع فسيحة وفخمة , سيارات وعربات اقلها مرسيدس , وقد يصل الأمر الى الروزورويس كمان وصولنا الى كولون , كان امسية خميس , والخميس من بشارات الويك اند فى كل مكان يبدو ان هذا توقيت رائع , زاد المدينتين , فخامة ووسامة ندع الصور تتحدث عن كولون
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
شوفوا الفخامة عليكم الله مبانى عتيقة وكنيسة عمرها الاف السنين ولكنها تبدو وقدبنيت للتو ما تفوتكم العجلات ايوا دى المواقف بتاعتها فى كل شارع هناك مسار خاص للعجلات تولى حجازى تنيهنا لعدم السير فيه طوال فترة وجودنا فى كولون عجلات غاية فى الفخامة , يركبها الجميع فى طريق العمل والعودة , اولاد وبنات ياربى اشتريت زى دى لى بتك , ولا لا راينا عجلات فى محل لبيعها سعر الواحدة منها اكثر من اربعة الاف يورو فتامل
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
نرجع بيكم شوية لى ورا قبل ما نركب القطر من بروكسل لى كولون بعد روحتنا بين بروكسل ميدى وبروكسل سنترال وبروكسل زود وصلنا محطة بروكسل جنوب وكأفانا نفسنا بقطع الوافل مع الشيكولاتة الساخنة نستاهل ياخ , الواحد من اول يوم كده يروح ويركب ليهو اتنين صب واى وقطر عشان يرجع الوافل زاااتو شوية عليكم
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
فخامة كولون دى , والمشى فى شوارعها الفخمة يخلى بطنك تطالب بنصيبها من الفخامة لو الواحد هسى قام لقى ليهو محل بتاع فول ؟؟!! كان اكتملت الفخامة ياخ لكن محل الأتراك المكتوب عليهو شاورمة حلال , حل لينا مشكلة الفخامة دى halal turkish donner ياخى مالك ومالو , الراجل ما قال ليك حلال اتمتعنا بالشاورمة اليوم داك
| |
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
اهلي الرائعون..... .تحاياليكم واشواق كتيره اخيرا قدرت الم فيكم وتابعت ...رمضان كريم وكل رمضان نلقاكم بالف خير ماشاء الله تعجبو لمايكتب الريس دعائه ونقول امين يارب ولما يسال البوليس عن الناس المتغيبه من الحضورمع انه ..... ولمايحكى طارق عن ذكرياته وقطر الشايقه ويناكفوالنضيف عشان صاحب الحكي الجميل يسهب ويزيدكم حكى عن رحلته الجميله الما داير ومتعتها تكون حد نفسه وخلانا كلنا استمتعنا ومن خلال الصور الحلوه الرائعه وعبركم التحايا للاخ عمر ولكل الجدعان
| |
|
|
|
|
|
|
Re: ناس الزقازيق ... أجدع ناس (4) .. (Re: عمر نملة)
|
صباح الخير ،،، يا وجوه الخير
بسم الله ما شاء الله ولا قوة إلا بالله ما شاء الله كل نعمة من الله ما شاء الله الخير كله بيد الله ما شاء الله لا يصرف السوء إلا الله
=================================
مرحب بزيارة دكتور الصادق ورمضان كريم
سعيد بالعودة السعيدة لإبن الزقازيق الرائع
عمر نملوز ورمضان كريم وكل عام وأنت بخير
تحتاتنا القلبية لجميع أفراد العائلة وسلم لينا
على بحر الشمال،،،،،
| |
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
صباح الخير ،،، يا وجوه الخير
دعاء اليوم :
اللهم إنا نسألك ،،، زيادة في الأيمان ،،، وبركة في العمر ،،، وصحة في الجسد ،،، وسعة في الرزق ،،، وتوبة قبل الموت ،،، وعفواً عند الحساب ،،، وأماناً من العذاب ،،، ونصيباً من الجنة ،،، ========================
يا كمال الشادي لازم تكون عادل في القسمة شايفك بتفتح مواضيع في الفيس وتطنش البوست هنا ممكن يكون نفس البرنامج على الموقعين والعدل بين الزوجات أفضل ،،، وفي القديم قالوا الأولى تحلى ولو بقت وحله
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
الأنتقال من فخامة كولون وخضرة دوسلدورف الى صخب امستردام وايقاعها السريع انتقال احدث لنا بعض االأرباك لا ادرى ان كان صخب امستردام مربوطا مع مصادفة وصولنا اليها ليلة السبت اى بدايات الويك اند ومع ان فندقنا الذى نزلنا فيه , كان على بعد حوالى ربع الساعة من محطة امستردام المركزية للقطارات وكان فندقا هادئا ومنظما وجميلا ومختلفا الا ان ايقاع الفندق الهادى , سرعان ما تقاطع مع ايقاع المدينة احمد واخوانه كانو قد وضعوا برنامجا محكما ليومى امستردام يعتمد على شراء عدة نقاط من نقاط برنامج i am amesterdam وهو برنامج سياحى موضوع فى موقع المدينة على الأنترنت يشمل رحلة نهرية تعريفية , وزيارة متحف مدام توسو الشهير , وملعب اجاكس امستردام الأشهر ثم جولة على البص السياحى والتسكع فى ساحة الدام الأكثر شهرة فى المدينة حقيقة الأمر , لو قضيت اجازتك كاملة فى ساحة الدام , لما مليت من صخبها وضجيجها اللذيذ اما متحف مدام توسو , فعلى الرغم من انه اصغر بكثير من نسخته اللندنية المعروفة الا انه كان مصدر دهشة ومتعة لا متناهية الصور دائما افضل من الكلام عشان ناس (زينب التيجانى المافيشين ديل يآمنو ا
| |
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
قصة انو شنايدر ده , يمشى للمان يونايتد قصة حا تزعج حاتم جبارة دة شديد عشان نخت حد للموضوع ده قابلنا الراجل وقلنا ليهو ارجع لى ناسك بتاعين اياكس ديل تانى محتاجين ليك ياخ قال حا يفكر , بس ابعدو منى باجيو ده والله يكتر كلامو , العب مع الشياطين ديل وارش ليكم تشيلسى وفاتن جبارة ديل جنس رش !!!!!
| |
|
|
|
|
|
|
|