|
|
|
 Re: ناس الزقازيق ... أجدع ناس (4) .. (Re: محمد آدم النور)
|
كنت بتفرج في برنامج في النيل الأزرق
عن التفاءل و التشاءم و المزاج العالي و المزاج المعكنن
البرنامج مستضيف واحدة بتاعت علم نفس
و كانت بتحلل عن الأوضاع التي تؤثر في أمزجة الناس
و تذكرت أن الأخ منص تطرق لبعض أحوال البوست
و الكوتش يجابد الناس للمنبر و رش و محاربتو للفيس بوك...
وذلك كلو شئ موضوعي و مهم
المهم قالت إذا كنت في مزاج غير رايق
و حاولت أن تبعد بي نفسك عن البيئة الحواليك (البوست يعتبر من البيئة الحواليك)
عشان ما تقوم بي مزاجك المعكنن دا تعكنن الباقين ...فهذا رأئ غير صائب
ثم قالت شي جميل وهو....
إذا كان الناس المحيطين بيك بقدروا على إحتواءك (إحتواءك دي عجبتني)
فعليك بالدخول مباشرة إلى أجوائهم فهم أقدر بجعل مزاجك ينعدل
و يحتار عدوك فيك (العدو هنا المزاج غير الرايق)
كل منا لديه طريقته في التعامل مع الحالة المزاجية بتاعتو و دا شئ جميل
الحاجة المتأكد منها إنو أنا لمن أجي البوست أو المنبر بتكون الحالة بتاعتي زي الورد
دا لو ختاني موسى عيسى
ثم قالت بكرة أحلى ...ورددت تأكدوا إنو في ناس أجمل و أحلى لسع ما قابلوك في حياتك
و قتها ...قلت يا دوب المرة دي بدأت تكضب
في نفسي ...قلت أحلى من الناس ديل زاتو مافي و أنا ماعايز
قال في ناس أجمل و بكرة أحلى!!!!!
غايتو بكرة أحلى في حالة واحدة بس
إذا كانت صرفة الصندوق الأولى بتاعتي
| |
 
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
Quote: نرجع تانى للحنان
مش منى يونس اسمها الاصلى حنان ... |
الصاح هو أسمها مني أحمد يونس ولكن معروفة عند أهلها
بالسودان والقاهرة بإسم حنان وإسم منى موجود فقط
عندي وعند ناس الزقازيق،،،،
وكثرة الأسماء دي مفيدة ومضرة وأذكر عند عقد القران
كان وكليها عمها وكتب في قسيمة الزواج حنان أحمد يونس
وعند عمل الإقامة تفاجأنا في القسيمة بإسم حنان والجواز السوداني
والإقامة بإسم منى يونس،،،،
وعملنا تاني تصادق على صحة عقد وعدلنا الإسم ،،،،
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
زى وكتك داك , انا ذاااتى ما صاحى
خليك من امانى سيد احمد العاملة ليها عملية
لكن اكيد محى الدين عبد الستار صاحى
سلامة المدام يا محى الدين , وما تشوفى شر يا امانى سيد احمد
بعد مرات , قاعدين تحيرونى
عندكم جنس نقة , بتعرفوها براكم
هسى بوستيكم ده مالو , عيبوهو لى بالله
مازى اللوز ياخ , براكم رايحة ليكم زهجة , وعاوزين تتخلقنوا فينا ساكت
الونسة وسعة الصدر , غاية الناس اجمعين , وهى عاملة زى ضالة المؤمن
انى وجدها , اخذها واقتدى بيها وسكاها كمان
البوست يفرمل , عندك المنبر , المنبر يعضى , عندك وش الكتاب
وش الكتاب لقيتو ما شغال معاك , عندك التلفون , كان ما عندك رصيد
اس ام اس طوالى
اها ورونى المشكلة شنو ؟؟؟؟
هسى مش انتو جبتوا سيرة جماع ودرديرى , احقوا تكلموا ناس المريخ ديل
بدل المواسير البيجيبوها دى , يشوفوا الجماعة ديل
لو مكنتهم خفت , يركبوا ليهم ان شاء مكنة (محمد حسن البرلوم )
عااادى حا يدوروا تانى
* حاتم جبارة مشتاقين , انت عاوز دومنيكانية , ومعاها قراصة كمان , عاد ما بالغت
* طارق جبريل , متابعك لكن محرق روحى ياخ , حسى حاتقدر تخش لينا فى حتتك المع انور دى كيفن ياربى , اوعك تزوغ , ان شاء الله كان تكتبها بالحبر السرى
* الريس الداخلى , لو محمد صديق زاااتومشتاق ليك , عاد نحن لينا الله وعيشة السوق
* زينب التيجانى , نعيميتك جهزيها (فى رمضان ما ) , بس انا وحاتم جبارة اوعك تختينا فى مائدة واحدة
* النضيف , حنان النيل ابداع عديييل , صوت ملائكى ياخ , شغلك زيك لمن كنت (ماعزابى )
* الرشيد بابكر , حراية مسجدكم , ولا رملة مسجد ناس زهير , كان ما فهمتها , اسال احمد اسماعيل
* موسى عيسى , ايامك الأخيرة دى , اخير ليك اعتكف , ان شاء الله تتمها (جوافة )
| |
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
كتب زاهر الصادق على الفيس بوك
Quote: ياخواطر السكة قبل الارتحالة صادمي الشوق المعاند
وختي في صمتي الصراحة اصلي شايلك في الحنايا
اصلي كاتب في نهياتك بداية دوزني الفر البحسو
وغني للزول الحكايا
اسقاطات الزقازيق واخونا العصامي
الذي نال درجة الماجستير وفي الة العود منذ فترة قصيرة
أنعم بعطائه قريبا سجل ياشبيكة للتاريخ |
مبروك للأستاذ الفنان والمسيقار الزقازيقي أخونا محمد العصامي
حصوله على درجة الماجستير في آلة العود وعقبال الدكتوراة
وقد أكمل العصامي دراستة في معهد الموسيقى والمسرح بعد
تخرجه من الزقازيق ولن تنسى الزقازيق هذا الموسيقار القامة
وإسهاماته في ذلك الزمن الجميل
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
| Quote: موسى عيسى , ايامك الأخيرة دى , اخير ليك اعتكف , ان شاء الله تتمها (جوافة ) |
إذا إعتكف و تماها جوافه فهو فرحان و ليس ندمان و هنا الإعتكاف ناقص
الإعتكاف الجد جد
لمن العيال يسافرو يقعد يبكي الليل و النهار
يا دوبك نشهد له بحسن الأعمال
دا إذا ختا درب الذي أخانا بالسلع
الأيامات دي ديدو معتكف و قاعد على الأسودين فقط
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
Quote: .. القال ليك عرس دومينيكانيه منو..
|
| Quote: انت عاوز دومنيكانية , ومعاها قراصة كمان , عاد ما بالغت |
ربنا يسهل على الحاج جبارة السفر ، ويوصله لأهله سالما غانما
مبروك الماجستير للفنان محمد العصامي
اللهم أشفي الأخت أماني سيد أحمد وأبعد عنها كل ما يؤذيها
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
صبحكم الله بالخير
احم احم....لا ما تفهموني غلط...
أنا بطرق في صوتي بس...الليلة اتكلمت كتير في الشغل...
و حلقي واجعني و كمان بقيت عندي بحه زي حقت ندى القلعة...
حسة أقوم أرشكم بي عزاز علينا أخليكم تآمنوا...
و كمان أهديها لي موسى عيسى لأنو كان صاحبي زمان و أولادو مسافرين...
يا جلا عجبتني و الله الفلسفة بتاعت الدكتوره دي...
أحسن حاجة لما تكون مدبرس أن تجد كتف حنين...يعني زول يحتويك...
و يحتمل نكدك...بس كمان ما تكتر من النكد تصعب مسألة الاحتواء دي كمان..
بس المحيرني يا جلا دي جابوها بتين في قناة النيل الأزرق...
الا لما أكون مشيت أصلي العشاء...بس الوقت داك كان في المسلسل...
انت يا جلا متأكد انو جابوها في النيل الأزرق ما قناة زول...
على أي حال في زول في الشروق الدكتورة دي ما ساهلة و الله...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
يعني يا منص.. يا قراصه ونعيميه.. يا دومينيكانيه..
لو عارف كدا.. كان أحسنت الإختيار..
واتزوجت لي مغربيه..
هسي دي ما نعمه.. أخرمج زي ما داير..
ومافي لجنه محاسبه..
جلا.. الدكتوره نست حاجه مهمه في الإحتواء..
لو الناس الماشيلهم يحتووك ديل مافيشين..
مزاجك بيتعكنن زياده..
زي لمن تجي البوست وتلقاهو في الرابعه..
دودي.. مره أولادي سافروا مني وطولوا..
كبيت مش جرس.. الدمعه الحزينه زاتو..
أضحكتني ياريس في قصه القسيمه..
هسي الأنيفيرسي حقكم يوم عرست حنان والا منى..
الصوره تاريخيه لكن.. عرفت كل الأشكال تقريبا..
تلاته زهرات وسط بحر من الأشواك..
عصام دهب فعلا السعوديه نفعت معاهو..
المحيرني.. ود بيطره المنغزي وسط الحفله دا..
آي البيصلح في نضارتو دا.. عشان الصوره تطلع كويسه..
ود إسماعيل يا راقي..
شكرا يا وجيه على دعواتك..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
رغم بعدي برسل سلامي *يحكي شوقي وكل احترامي
دخلت لقيت مالذ وطاب من القراريص والتقليه والنعيميه
والكلام الاحلى والالز من المفروكه وكما قال الشيخ الاكيل
اين مني صحن فطير بلبن ضان خمير وفي التقليه قولان
فاذا كشنت وبصلت اكلت بغير توان
رغم الامتلاء ولكن اعرج بكم لامل دنقل رغم انه لاعلاقه له
بالتقليه والنعيميه ولكن يجمعه بهما السبكه وجوده الصنعه
رغم اني معجب بهذا الامل ولكن تستوقفني تطرفه وتمجيده
للشيطان معبود الرياح *من قال لا في وجه من قالو نعم
وايضا خيوله التي كانت في البدء بريه تتنفس حريه
اليكم خيول امل املا ان تطلق خيالات وخيول الابداع فينا
الفتوحات فى الأرض – مكتوبة بدماء الخيول
وحدودُ الممالك
رسمتها السنابك
والركابان : ميزان عدل يميل مع السيف
حيث يميل
***
اركضى أو قفى الآن .. أيتها الخيلُ :
لستِ المغيرات صبحا
ولا العاديات – كما قيل – ضبحا
ولاخضرة فى طريقك تُمحى
ولاطفل أضحى
إذا مامررت به ... يتنحَّى
وهاهى كوكبة الحرس الملكى..
تجاهد أن تبعث الروح فى جسد الذكريات
بدقِّ الطبول
اركضى كالسلاحف
نحو زوايا المتاحف..
صيرى تماثيل من حجرٍ فى الميادين
صيرى أراجيح من خشبٍ للصغار – الرياحين
صيرى فوارس حلوى بموسمك النبوى
وللصبية الفقراء حصاناً من الطينِ
صيرى رسوماً ... ووشماً
تجف الخطوط به
مثلما حفَّ – فى رئتيك – الصهيل !
كانت الخيلُ - فى البدءِ – كالناس
برِّيَّةً تتراكضُ عبر السهول
كانت الخيلُ كالناس فى البدءِ
تمتلكُ الشمس والعشب
والملكوتِ الظليل
ظهرها... لم يوطأ لكى يركب القادة الفاتحون
ولم يلنِ الجسدُ الحُرُّ تحت سياطِ المروِّض
والفمُ لم يمتثل للجام
ولم يكن ... الزاد بالكاد
لم تكن الساق مشكولة
والحوافر لم يك يثقلها السنبك المعدنى الصقيل
كانت الخيلُ برِّيَّة
تتنفس بحرية
مثلما يتنفسها الناس
فى ذلك الزمن الذهبى النبيل
***
اركضى ... أو قفى
زمنٌ يتقاطعُ
واخترتِ أن تذهبى فى الطريق الذى يتراجعُ
تنحدرُ الشمس
ينحدرُ الأمس
تنحدر الطرق الجبلية للهوَّة اللانهائية
الشهب المتفحمة
الذكريات التى أشهرت شوكها كالقنافذِ
والذكريات التى سلخ الخوفُ بشرتها
كل نهر يحاول أن يلمس القاع –
كل الينابيع إن لمست جدولاً من جداولها
تختفى
وهى ... لاتكتفى
فاركضى أو قفى
كل دربٍ يقودك من مستحيل إلى مستحيل !!
الخيولُ بساط على الريح
سار – على متنه – الناسُ للناسِ عبر المكان
والخيولُ جدارٌ به انقسم
الناس صنفين :
صاروا مشاةً وركبان
والخيول التى انحدرت نحو هوة نسيانها
حملت معها جيل فرسانها
تركت خلفها : دمعة الندى الأبدى
وأشباح خيل
وأشباه فرسان
ومشاةٍ يسيرون- حتى النهاية – تحت ظلال الهوان
أركضى للقرار
واركضى أو قفى فى طريق الفرار
تتساوى محصلة الركض والرفض فى الأرض
ماذا تبقى لكِ الآن ؟ ماذا ؟
سوى عرقٍ يتصببُ من تعبٍ
يستحيل دنانير من ذهبٍ
فى جيوب هواةِ سلالاتك العربية
فى حلبات المراهنةِ الدائرية
فى نزهة المركبات السياحية المشتهاة
وفى المتعة المشتراة
وفى المرأة الأجنبية تعلوكِ فى ظلالِ أبى الهول
( هذا الذى كسرت أنفه *** لعنة الإنتظار الطويل )
إستدارت – إلى الغربِ – مزولة الوقت
صارتِ الخيلُ ناساً تسيرُ إلى هوَّةِ الصمت
بينما الناسُ خيلٌ تسيرُ إلى هوَّةِ الموت !!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عمر المهدى)
|
شكرا يا ود المهدي على قصيدة الخيول لأمل دنقل...
لقد كنت أحفظ هذه القصيدة عن ظهر قلب...
و كنت أقرأها في كل مكان...
ظللت أرددها على ست بيتي حتى أصبح عندها حساسية من الخيول...
ثم هجرتها زمنا طويلا...
لم يكن السبب ان ست بيتي قالت لي يا أنا يا قصيدة الخيول دي...
بل لأنني انتقلت الى غيرها عشان أورم بيها ست بيتي...
حتى أنهاأصبحت تقسم حياتها الى مراحل...
مرحلة أراكي غضبتي فكيف اعتذاري...
و مرحلة الخيول...
و مراحل أخرى...
اليوم تأكد لي انني قد هرمت...
لأنني لم أعد أحفظ منها الا مقاطع قليلة.....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
(13)
أتاح لي عملي في الطباعة والنشر في بداياتي في الرباط الالتقاء بالكثير من الأدباء المغاربة..
محمد شكري رحمه الله كان أحد هؤلاء الجميلين الذي غمروني بحبهم..
كان صديقا شخصيا لطلحة شقيقي لكن علاقتنا توطدت حين صممت له كتاب زمن الأخطاء،
وتينسي وليامز وبول بولز في طنجة وعدة كتب أخرى، كان رجلا محبا للحياة بشكل غريب..
كان يتندر علي ضاحكا: قيل لي أنك لا تشرب الا الكوكا كولا والأتاي..
- سي محمد هي النفسي وما تشتهي
- يا ولدي من لا يشرب النبيذ لا يستطعم الحياة بلونها الأحمر..
- سي شكري الاستمتاع بالحياة له عدة اوجه.. وانا اجد نفسي في عوالم الكوكا والأتاي..
- هههههههه أية عوالم هاته، اية حياة هذه التي لا يُمتص فيها النبيذ وتستمتع معه بحكاوي الغانيات وعاهرات الليل..
في احد الليالي انتهينا من تصميم احد كتبه وكان علينا الالتقاء بطلحة
في احد المقاصف في وسط الرباط..
كان طلحة قد بدأ معه مشروع كتاب عن حياته المتقلبة تلك..
عن نشأته وطفولته وبدايات مراهقته، عن كل لحظات الألم والحرمان التي عاشها..
دلفنا الى المقصف في انتظار طلحة..
طلب هو قنينة نبيذ وظللت أنا وفيا للكوكا (الفرح المعبأ في قناني)، هكذا كنت اسميها..
اخذ كأسه وضربها على كأس الكوكا الذي أمامي وقال:
في صحة الصوفي القادم من بلاد النيل، في صحة السوداني الاسمر الجميل..
كان مقصفا كأنه قطعة من الأندلس يديره يهودي له صوت شجي حين يغني (الأندلسي)..
يصر هذا اليهودي على الطبخ بنفسه لزائريه الكثر..
ارتشف شكري كأسين بشكل سريع ثم ارتخت عضلاته ووضع بدلته جانبا وأخذ يدخن..
كانت الكثير من الغانيات يأتين لتحية شكري.. يبدو أن ودا خاصا كان يجمعهن به..
جاءت إحداهن وجلست معنا وبدأت تدخن بشراهة.. لم تقل شئا..
- سألها شكري: كي دايرين أخواتاتك
- الحمد لله بييي خيير راهم تيقروا مزيان
- عندك تخليهم يخرجوا للزنقة، راه غادي نقودها معاك
- آآآسي شكري علاش أنا هنا
- اخرج شكري مبلغا من المال ونفحه بها وقال:
غدا حولي ليهم هادي الفلوس وربي غادي يسهلها..
قامت وقبلت شكري في جبينه وخرجت من المقصف..
أطلق شكري آهة كبيرة: هادي البنت راها عجيبة..
كتبيع بزولتها (نهدها) باش خواتاتها يقروا..
خيم صمت بيننا.. وسرحت عيني انا في المكان.. لكل غانية
هنا قصة مؤلمة.. خلف هذا الكم الهائل من البسمات الكثير من الألم..
- اين سرحت آآآسي شكري..
- رجعت إلى سنين عجاف يا ابني.. سنين كان الألم فيها مثل سيل جارف...
- سنين (الخبز الحافي) و(زمن الأخطاء)؟
- لقد عشت ضنكا لا مثيل له، انت تستغرب أنني أعطف كثيرا على العاهرات وبنات الليل..
كنت أحيانا يا ولدي ثلاثة أيام لا أتذوق الطعام حتى في المزابل..
كنت آتي الى أحد البارات المنتشرة في طنجة علني احصل على فتات احد السكارى..
هل تدري من كان يعطف علي؟؟ هؤلاء الغانيات، كن أحن علي حتى من أبي..
كنت أود تعلم القراءة والكتابة، كنت اذهب الى إحدي المدارس واقف خلف احد النوافذ...
يوما بعد يوم كنت اكتشف انني قادر على التعلم، هل تعلم اين كنت أراجع دروسي؟؟
- أين؟
- كنت أراجع دروسي في البارات ههههههههههههه، كانت تساعدني احدى الغانيات..
- عجيب!
- كانت حياة متوترة يا ابني، للشارع قوانين أخرى لا علاقة لها بالبشر..
اغتصبت طفولتنا مرات ومرات، كنا نلتحف السماء ونقتات على القمامة..
كان يحكي لي عن طفولته..
لمع في عينيه شئ من الألم.. كأنما نكأت جرحا عميقا في داخله..
لم أود أن أفتح جراحه لكن يبدو أنه كان يحكي ليرتاح..
قال إن أهله واخوته بحثوا عنه بعد أن صار غنيا من كتاباته..
طردهم من بيته يوما لأنهم حسب زعمه يودون أن يرثوه وهو عايش..
كانت له خادمة تدعى فتيحة كان يغدق عليها المال وعلى أسرتها..
- فتيحة هادي آآآسي طارق كتخاف علي بحال خوها.. هاد الشي علاش كنتهلا فيها..
قال كلاما كثيرا عن قوانين التشرد، تحدث عن جنس الشوارع بشئ من الألم..
كان يحكي كأنما يتخلص من كابوس يجثم علي صدره..
حضر طلحة وقطع عليه حديثه: با شكري تعطلت عليك ياك..
- ابدا كنت احكي لطارق عن أيام التشرد في طنجة..
- اهاااا اذن خلينا نواصلوا في هاداك الشي اللي بدينا امبارح
- فين وقفنا
- حكيت عن الاغتصاب من المتشردين الاكبر سنا..
أشعل سجارة ثم أخذ منها نفسا عميقا وتنهد..
كنت تعبا جدا لذا قررت الانسحاب.. استأذنت شكري في الانصراف..
خرجت فتبعني شكري: سي طارق كنت كنظن راك غادي تتعشى معايا..
- سي شكري راني مرهق جدا من الصباح وانا خدام..
عاود ما بغيتش نقطع حديثك انت وطلحة..
اخرج من يده مبلغا ووضعه في جيب القميص :
قال لي طلحة انك أحمق..
وقسما بالله ترد هادي الفلوس ما غاديش نهدر معاك مرة اخرى...
صير تتعشى واشرب الكوكا وغدا نتلاقو في مكتب طلحة..
- الله يهديك با شكري
- ما تقول والو.. صير الله يهنيك
تركته وعدت الى عالمي.. نسمة باردة من الأطلسي لفحت وجهي..
غصت في كلمات وألم شكري حتى وصلت الى شقتي في حي حسان بالرباط..
خلعت قميصي واغمضت عيني في نوم عمييييييييييق..
تذكرت كلماته تلك حين شيعه القوم إلى مثواه الأخير في طنجة..
رحل الرجل.. لكنه ترك لنا دليلا قاسيا عن قُبحنا..
.....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
يا سلام عليك يا ود المهدي..
واحده من اكثر روائع أمل دنقل..
أستمحيكم عذرا يا حلوين..
كنت باحضر في فلم وثائقي عن الحرب الأهليه الأمريكيه..
قامت في عهد ابراهام لنكولن بين الولايات الجنوبيه وجيش الدوله الفيدرالي..
ممثل بالولايات الشماليه..
السبب الرئيسي للحرب تحرير لنكولن للعبيد.. (Emancipation of the Slaves)
دارت عده معارك طاحنه في الحرب التي استمرت خمسه سنين تقريبا..
إنتهت بفوز الجيش الإتحادي والحكومه الفيدراليه..
فلم جميل من تمانيه أجزاء.. صنقرت فيهو يمكن عشره مرات من جيت البلد دي..
أكتر ما أدهشني.. عبقريه الرئيس لنكولن ومبادؤه وحبه لأمريكا وشعبها..
من ميه وخمسين سنه..
مما يجعلني أكاد أبكي الآن من أقزامنا الإتسلطوا علينا..
من أشهر المعارك في الحرب الأهليه.. كانت معركه جيتيسبيرج (Gettysburg)..
في ولايه بنسيلفانيا (Pennsylvania)..
ماتوا فيها عشرات الالاف من الجانبين.. إنتهت بفوز الشمال..
وبعدها.. ذهب لنكولن في 19 نوفمبر 1863 لتدشين مقابر الاتحاديين أو جيش الشمال..
وقف وألقى واحد من أشهر الخطابات السياسيه في التاريخ الأمريكي..
إستمر الخطاب لدقيقتين لا أكثر لدرجه إنو المصور ما لحق ياخد الصوره..
يا دوب الصوره ظهرت لنكولن وهو في طريقه للجلوس..
ما أروع التعبير في كلمات قليله حوالي 260 كلمه..
Four score and seven years ago our fathers brought forth on this continent, a new nation, conceived in Liberty, and dedicated to the proposition that all men are created equal.
Now we are engaged in a great civil war, testing whether that nation, or any nation so conceived and so dedicated, can long endure. We are met on a great battle-field of that war. We have come to dedicate a portion of that field, as a final resting place for those who here gave their lives that that nation might live. It is altogether fitting and proper that we should do this.
But, in a larger sense, we can not dedicate -- we can not consecrate -- we can not hallow -- this ground. The brave men, living and dead, who struggled here, have consecrated it, far above our poor power to add or detract. The world will little note, nor long remember what we say here, but it can never forget what they did here. It is for us the living, rather, to be dedicated here to the unfinished work which they who fought here have thus far so nobly advanced. It is rather for us to be here dedicated to the great task remaining before us -- that from these honored dead we take increased devotion to that cause for which they gave the last full measure of devotion -- that we here highly resolve that these dead shall not have died in vain -- that this nation, under God, shall have a new birth of freedom -- and that government of the people, by the people, for the people, shall not perish from the earth.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
سلامات يا ناس
وصباحات الغمام
والتحايا لكل المتداخلين ...امس مسكنا الشديد القوى
Quote: شكرا يا ود المهدي على قصيدة الخيول لأمل دنقل...
لقد كنت أحفظ هذه القصيدة عن ظهر قلب...
و كنت أقرأها في كل مكان...
ظللت أرددها على ست بيتي حتى أصبح عندها حساسية من الخيول...
ثم هجرتها زمنا طويلا |
يا الرشيد إياك والعبارات التى تقود إلى الإلتباس
هسة انا وجلا فهمنا إنك هجرت ست بيتك.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
| Quote: هسة انا وجلا فهمنا إنك هجرت ست بيتك. |
أن تكون مع الكوتش و في فهم واحد
فهذا قمة الإحتواء
إذن أنا اليوم تحت إحتواء الكوتش
علماً بأن ود المهدي و المطموس و الدمنيكاني جاءوا بأشياء متفردة
في هذه الحالة ما علي إلا تصديق الدكتورة بحتة الإحتواء
و بكرة أحلى مع صرفة الصندوق الأولى
يبقى كلامها مية مية
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
سلامات يا ناس
Quote: تكون مع الكوتش و في فهم واحد
فهذا قمة الإحتواء
إذن أنا اليوم تحت إحتواء الكوتش
|
إذن ده معناه إنى محِتوى الصرفة الاولى...
ما مشكلة ...نقول 50% منها.
+++++++++++++++++++++++++++++++++
تاج الدين وين؟؟
+++++++++++++++++++++++++++++++++++
عملت لى شنو فى رسائل توثيق الرحلة
*************************************
وبرضو موضوع الصرفة الاولى.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
صبحكم الله بالخير
جبريلا يواصل الجمال المعبأ في حروف...
سعدنا بهذه الحروف يا أيها الصوفي القادم من بلاد النيل...
Quote: يا الرشيد إياك والعبارات التى تقود إلى الإلتباس
هسة انا وجلا فهمنا إنك هجرت ست بيتك. |
يا كوتش كنت عايز أستغل الباص ده و أكشح ليكم الميراندا هنا...
لكن راعيت لي مشاعركم...
لكن عجبني تحالف قوى الشمار ده...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
قصـــه قصـــيرة جدا
شكا لامرأته أن أذنيه طويلتان ... اندهشت الزوجة، حاولت إقناعه أن حجمهما هو هو ، لكنه عض على قوله ، فهذا ما يراه في المرآة ...
هذا ما يتفحصه في ظل الظهيرة، وهاهم أحفاده ينظرون إلى أذنيه، ثم يغرقون في الضحك
لما أصرت الزوجة على محو حكاية الأذنين ، دخل الرجل غرفة نومه ليسترسل في نهيق صاخب ...!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
يا جبريلا أنا غايتو ما زغت من حكاية الكتفين دي...
أخوي الكاشف داك ما بعرفوا...
و لا كمان هرشونا...و لا حتى خايفين...
لكن كمان ما بنقدر يا أخوي على الدردرة آخر عمرنا ده...
و الله اليوم من شدة الزحمة الفي راسي طارت...
الصباح كنت بي مزاج عالي قلت أجي أورمكم شوية...
أول ما دخلت المكتب هجموا علي هجوم الضواري...
أها حسة تعبان و جعان و نعسان...
الواحد عادي ممكن يكتب و هو تعبان...
و عادي ممكن يكتب و هو نعسان...
ما ترانا كل يوم بنساهر مع النت...
لكن جعان دي تتعالج كيف...
و أول ما تكون جعان تقعد تفكر في حاجات كتيرة...
يا ربي أمشي آكل الكسرة و الملاح الأدتني ليهم ست بيتي...
و أقيف قربة الليل كله...
لا..لا أحسن لي أختى الكسرة دي و أمشي أشوف لي مندي و لا مظبي...
و الله المظبي فكرة كويسة..
دجاج مشوي لا يغلط عليك و لا ي###### ايديك...
المرة دي سامحوني...جعان...
امكن أجيكم بعدين أعمل بعبعة الشبع هنا...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: يا رشا وجلا شايفكم جليتوا حتة انه بتفتشو ليكم علي كتف دي
هرشوكم ولا شنو |
غايتو أنا شخصياً كلامك دا أنا ما معاهو
لأنو أنا متسق داخلياً حد الإرتواء
أما خارجياً فيمكن الكتوف كلها متساوية (حالة زقازيقية فقط)
فيمكن نلقا الصديق اللدود أو إنت المطموس...أو الدومنيكاني
أو أي أحد من ذلكم النفر الجميل
بالرغم إنك متسق و نعلم ذلك جلياً
لكن أظنو عندك أكتر من كتف...لسع في الكوكا كولا و لا غيرت؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
بكل تداوينا (قال ) فلم يشف مابنا , على ان (قرب الدار ) خير من البعد
على ان قرب الدار ليس بنافع , اذا كان من تهواه (ليس بذى عهد )
شفتو البيت الجاهلى ده , يركب ليكم فى ستين حتة ( من كتاباتكم الشيطانية دى )
من قصيدة الخيول (المهجورة بت ال###### ) , طبعا بت ال###### هنا القصيدة , والمهجورة ذاااتا القصيدة
لغاية قصص محمد عيد , اللو استمر فيها , حايجيب لينا الجلا ,
(تانى وقعنا فى الألتباسات )
عشان كده قلت ليكم ( الأتساق ) مهم يا جماعة , ما جبتوا خبرى
برضو البيتين الجاهليين , واحقوا تعرفوا فى الأول انو (الجاهلين ) هما بيتى الشعر الفوق , يا ناس يا ملتبسين انتو
برضو لو دايرين نركبهم على معادلة القراصة والنعيمية , والدومنيكان , بيركبوا جنس ركبة , لمن تحتاروا زاااتو
تجيب البيتين الجاهليات , لمعادلة الأتاى والكوكا , او الفرح المعبأ فى (قزايز) , مع الجونى ووكر
تقرب تقول القال البيتين ديل , يا شكرى صاحب طارق , يا بيجو زاااااتو
الوحيد الفلت من المعادلة دى , ابراهام لنكولن الفقرى ده
ياخى ده معادلته بتاعت مولد الحرية الجديد , ظابطة بشكل , لمن تخوف عدييييل
260 كلمة بس , ده خطاب ده ولا تلغراف
جماعتنا مقاييسهم بتاعت الخطب , من كترة ما استعصت على الحروف , بقوا بيقيسوها بالمتر عدييييل يا حاتم
واتقلبت الآية , وضاعت معالم المعادلات , بدل ما كل حاجة (from people,by the people,for the people)
البيبول كلهم , بقوا بتاعين , الشنب الكبير
يصحوا لمن يصحى , وكان ما نام , السهر محمدهم
يمين يمين , شمال شمال
معا جميعا حتى تحكمنا (حنان النيل )
وبالعدم , حنان يونس , ضرة منى يونس , مرة ريسنا , الما دايرين غيره ريئس
سعدت جدا بماجستير العصامى الفى آلة العود
قولوا ليهو عنى , ده الكلام والشغل النضيف
العيون نادت عليا جيتا من آخر زمانى
جيتا شايل روح مهاجر حانى لى الفة مكانى
كنت فاكر انتى ناسية والصباح لون لسانى
جيت لقيتك زى قصائدى معايا روحى وكيانى
***************
فى الرقيص سوقى الليالى ضوى فى النغم الجميل
شيلى من عطر النداوة رشى درب المستحيل
ريحى الخطوة المهاجرة تمى مشوارى الطويل
*ده غنا شنو السمح ده , يا طارق جبريل , خفت عليك من كتابة جوة البار , لكنك اجتزتها بنجاح حا ارجع ليهو قريب
*انتو ناس حلوين على باليمين , مال رامينكم كده لى شنو ؟؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
إلهي منك يا ودعيد..
يا لها من قصه قصيره في السطور..
وعظيمه في المضمون..
الليله يا جلا.. وعدت الكوتش بي رسائل..
ما حيخليك إلا تديها ليهو.. برنا كمان..
عزيزي منص.. رغم إنو العبوديه إستمرت بعد تكوين الجمهوريه الأمريكيه قرابه الثمانين سنه..
إلا انو إعلان الإستقلال من بريطانيا وثيقه عظيمه..
في رأيي أن تدرس في كل المدارس حتى السودان..
وعي وإراده من مزارعين بسيطين في أواخر القرن التامن عشر..
أما الدستور الأمريكي وتعديلاته الكم تاشر..
فيخليك تتعجب مما يدور في مؤتمراتنا الدستوريه..
إنتقاليه كانت أم دائمه.. دا مقتطف بسيط من وثيقه إعلان الإستقلال..
الوثيقه كامله هنا: www. archives.gov/exhibits/charters/declaration.html
We hold these truths to be self-evident, that all men are created equal, that they are endowed by their Creator with certain unalienable Rights, that among these are Life, Liberty and the pursuit of Happiness.--That to secure these rights, Governments are instituted among Men, deriving their just powers from the consent of the governed, --That whenever any Form of Government becomes destructive of these ends, it is the Right of the People to alter or to abolish it, and to institute new Government, laying its foundation on such principles and organizing its powers in such form, as to them shall seem most likely to effect their Safety and Happiness. Prudence, indeed, will dictate that Governments long established should not be changed for light and transient causes; and accordingly all experience hath shewn, that mankind are more disposed to suffer, while evils are sufferable, than to right themselves by abolishing the forms to which they are accustomed. But when a long train of abuses and usurpations, pursuing invariably the same Object evinces a design to reduce them under absolute Despotism, it is their right, it is their duty, to throw off such Government, and to provide new Guards for their future security.--Such has been the patient sufferance of these Colonies; and such is now the necessity which constrains them to alter their former Systems of Government.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
مساكم الله بالخير
يا حاتم عرفتنا بأبراهام لنكولن...
و خليتنا نمشي نبحث في الانسكيلوبيديا عن هاري ترومان...
و علاقته بهيروشيما و نجازاكي...
أيزنهاور و الذي أصبح من قائد أعلى لقوات الحلفاء رئيسا لأمريكا...
خليتنا نرجع لحدى جورج واشنطن ، جون آدمز و توماس جيفرسون...
وجدت تشابها كبيرا بين الرؤساء الأمريكان من جورج واشنطن و حتى باراك أوباما...
كلهم قدموا مصلحة بلدهم على كل شيء...
رغم ان الكثيرين منهم لم يكونوا نموذجيا جيدا على المستوى الشخصي...
على الأقل بمقاييسنا نحن...
و لكن ذلك لا يهم كثيرا في أمريكا...
ثم عرفتنا بوثيقة اعلان الاستقلال...
المهم يا صديقي بعد ما عرفنا كل المعلومات القيمة دي...
البخلينا نفوز في اللوتري شنو مع حظنا العجيب ده...
قدمت ليها زي عشرة مرات كده...
و كل مره أقدم كان بأسمي أو باسم ست بيتي كنت أتسائل...
يا ربي أنا فعلا عايز أمشي أمريكا و لا بعمل كده عشان بعدين ما أندم...
و أقول يا ريتني لو قدمت للوتري...
لم أجد اجابة لهذا السؤال و استمريت أقدم للوتري برغم ذلك...
توقفت فترة عن التقديم حتى قدمت مرة أخرى قبل سنتين تقريبا...
و كان ذلك بعد أن أقنعني صديق لي بالتقديم...
قال لي عندنا واحد صاحبنا هندي كل ما يقدم لي زول يجيهو اللوتري...
انت عارف حظ الهنود...خليهو يقدم ليك و ما حتندم...
قدم لي أنا جاني اللوتري و قدم لي أصحابنا كتار برضو جاهم..
خليت الهندي صاحب صاحبي يقدم لي...
و صاحبي بعد ما ظهرت النتيجة يضرب لي كل يوم يسألني...
أها نقول مبروك...يغيب يومين ويضرب لي تاني..أها نقول مبروك...
كجاني كجة عدوك على الكج الفيني...
كج و لا ما كج أنا زاتي لحدي حسه ما عارف أنا عايز أمشي و لا ما عايز....
و لا أملك غير أن أقول شكرا يا حاتم على المعلومات القيمة...
و شكرا لأنك خليتنا نمشي نقرأ و نبحث في تاريخ أمريكا...
بس الله يجيب اللوتري و بعد داك نفكر عايزين نمشي و لا ما عايزين...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
يازول حدد موقفك من هسي..
ما تاخد فرصه زول ويقع ليك تقول ما داير..
تعرف قبل أسبوع جابوا خبر في الراديو..
إنو إداره الهجره إعتذرت لي 22000 واحد وقع ليهم اللوتري..
وسحبتو منهم.. وطلبت منهم التقديم السنه الجايه..
السبب.. خطأ كمبيوتر..
بدل ما يعزل من كل الطلبات للمده كلها..
سحب القرعه من المقدمين في اليومين الاوائل..
تخيل يقع ليك ويجوا يقولوا ليك اووبس سوري..
عندنا واحد قريبنا محامي وكج برضو..
وقع ليهو اللوتري داير يموت من الفرح..
جهز أوراقو وشهاداتو وقروشو وتذاكرو..
ميه ميه كل حاجه.. وخش المقابله..
القنصل لمن إتحير..
شهادتو حقت العالي كانت قديمه خالص..
ومطلع واحده جديده مختمه وموثقه..
عمك القنصل قال ليهو.. بس دي مزوره..
قال للقنصل يازول كيف الكلام دا..
أنا زول خريج جامعه ومحامي كيف تقول كلام زي دا..
أها القنصل حرن كلو كلو.. وقال لمساعده.. Next person please..
يازول قريبنا إنفعل ليك وبدا يخبط في الكاونتر والشباك..
ناس القنصليه نادوا.. ال Security..
تقول لي كج برضو..
يا زول مالك ما قاعد مرتاح والحمدلله..
كدي ارجع اشتغل في دبي وخلّي السلع..
ما حتفكر في لوتري تاني..
كدي خش السايت دا.. http://archives.gov/exhibits/charters/bill_of...ghts_transcript.html
واقرأ عن حقوق المواطنين..
عليك الله مش السياسه في البوست تحزّن..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
صبحكم الله بالخير
Quote: يا زول مالك ما قاعد مرتاح والحمدلله..
كدي ارجع اشتغل في دبي وخلّي السلع..
ما حتفكر في لوتري تاني..
|
حاتم يا حبيب مداخلاتك البتكون بعد الرز و اللبن..
و بعد أن يدرك شهرزاد الصباح و تسكت عن الكلام المباح...
يكون الرد عليها بعد أن تشرق الشمس تعلن عن الصباح...
و كانت شهرزاد قدأخبرت مولاها شهريار عن سر تقديم السودانيين للوتري...
و حتى يعرف السبب و يبطل العجب و نعرف لماذا نجد للوتري في الطلب....
نصدقك القول بان الهرم قادم و من لم يستعد له لا محالة نادم...
قدمت للامارات في العام 97 و عملت في أبو ظبي...
يعني 14 سنة في الامارات أولها جهجهة ثم أعقبها استقرار في العمل...
ثم تطور في الوضع الوظيفي و المالي سنة بعد أخرى...
في الامارات لا تشعر بالغربة و لا نشكو من سوء معاملة...
بل العكس تماما فنحن كسودانيين نحظى باحترام كل الجاليات...
و نحظى باحترام و ثقة أهل البلد الذين عاملونا بحب و احترام...
رغم قدوم بعض النماذج السيئة الى الامارات في الآونة الأخيرة...
الحياة في الامارات لا تختلف كثيرا من مكان لآخر...
فهي متشابهة تماما خاصة فيما يخص العمل...
أما الترفيه بامكاننا الذهاب الى مكان داخل الامارات لقرب المسافات...
خرجت الجامعات الاماراتية الكثير من الكوادر الوطنية الجيدة...
و أصبحت الأولوية لهم في التوظيف على الأقل في الوظائف الحكومية...
كذلك الزمت الشركات بتعيين أبناء البلد بنسبة محددة...
كذلك دخول البلد لعصر التكنولوجيا قلل كثيرا من فرص العمل...
أنا بفضل الله علي ما زلت أعمل بنفس الشركة منذ أن التحقت بها منذ خمس سنوات...
و لكن غيري كثيرون فقدوا عملهم بسبب ماذكرت سابقا...
و اذا فقدت عملك هنا تعطى فرصة شهر واحد لتعديل أوضاعك...
في حالة لم تحصل على عمل تغادر البلاد فورا...
لتعود الى السودان حيث لا عمل و لا قدرة حتى على المنافسة بحكم السن...
لذلك تجد ان معظم المغتربين يفضلون الهجرة الى أوروبا...
ثم تأتي كندا في المرحلة الثانية و أخيرا أمريكا...
ليس فقط لتأمين مستقبلهم بل حتى و ان استمروا في العمل...
لكي يوفروا لأبناءهم فرص الدراسة في الجامعات في تلك البلاد...
ثم يعودوا مرة أخرى الى الخليج و معهم الشهادات و الجوازات التي تفتح الأبواب...
أعتذر عن تقديم ملاح تقلية و قراصة مع الصباح بدل الساندوتشات الخفيفة...
قالوا قديما الجود بالموجود...
و قالوا أيضا عيب الزاد و لا عيب سيدو....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
الحبيب عبد الدائم
انا زاتي ما مقتنع
الحبيب ميسرة
ود المهدي الغالي عمر
شكرا ليكم كتير على الليلة القصيرة
والساعات الجميلة القضيناها امبارح مع بعض في جده
الاسبوع البعد الجاي
ان شاء الله نجي ونلقاكم بخير والاولاد خلصو الامتحانات
ونستمتع بجده
الراجل الظريف محمد صديق
كتير خيرك في سؤالك المتواصل عننا
الجميل ياسر نجيلة
الله يديك العافية
ويسأل منك الخير عثمان زاااااااااااااااتو
وكل زول سأل مني
تاني يا عبد الدائم
انا زاتي ما مقتنع وبس
الراجل الحكاي الراقي طارق جبريل البيسأل مننا وبيتصل علينا
من بلاد امير المؤمنين
هسي عليك الله أكان بلدكم ديك فيها مؤمنين
كان جنس حكاويك دي بتتحكي
حاجات آخر الليل وحاجات اول الليل
البلد كلها كابريهات
يا كافي البلا
الله لا كسبك
تحياتي للجميع
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: كمال الشادي)
|
الحبيب محمد عيد
التحية ليك وللاود
والله التلفون معاك امبارح ما شبعني
كان نفسي اشوفك بعد السنين الطويلة دي
لكن زي ما حكيت ليك ابت تظبط
ان شاء الله بعد إسبوعين جاي جده تاني
رفيق الطفولة
جمال السنوسي
عرفت انك بنتك كانت مسافرة السودان امبارح
ليك التحية
والواحد مشتاق ليك كتير
ونتقابل في ساعة خير ان شاء الله
العزيز الرشيد بابكر
وين صاحبك ؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: كمال الشادي)
|
و الله يا الشادي بالغت
كل الوجاهة دي و مافي أسباب مقنعة؟؟؟؟؟
أنا غايتو لو في محلك كان كبيت كلام زي الترتيب
كان إتلكمت عن الإتساق
أو الفراخ المشوي بتاع أمبارح
أو عن الأولاد الحايسافرو قريباً للسودان
أو كان مسكت صنقوع منص دا وقلت هو السبب في الردم القاعد يردمو لينا
بالكتير كان قلت كلو من المطموس صحبك الداير يقنعنا إنو غير الكوكا ما ضاق حاجة
أو بالميت كان قلت لي ود جبارة هل ينفع أقدم لي اللتوري بي إسشتارة الهنود؟؟؟؟
و لا القعاد في السودان أحسن
و لا تكون ماسك في كلام الدكتورة النفسانية
الداير تتطلع لي في ناس أجمل من ناس الزقازيق لسع ما وصلوا و كلام بكرة أحلى
أقول ليك حاجة
إنت معانا في الصندوق و لا أحسن تاكل نعيمية زنوبة؟؟؟؟
بالمناسبة جلال عثمان ما سألك منك بتاتاً البتة
و أبو الزوز داقي طناس في الفيس بوك
الزول الوحيد الجاب خبرك ياسر نجيلة
أحمد إسماعيل قال الزول دا حمدو في بطنو
أنا شخصياً ما سألت منك لأنني في حالة إتساقية
ياخ حرااااااااام عليك
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
فاجأنا الشادي بحضورة إلى جدة لعدة ساعات
لحضور معرض خاص بالشركة ،،، وقد حاولنا المستحيل
مع الخطوط السعودية لإيجاد حجز صباح اليوم حتى نحتفل
بضيفنا الكريم والغالي علينا ولكن هيهات لم نستطع
وتجهزت الإحتفالات الأولية وحجز لنا ود عيد القاعة
والنضيف ظبط الكورال مع بنات آداب بس ما ظبطت
وقالوا القحة ولا صمت الخشم ،،،،،
وكان وداعنا له حتى المطار ووعد أن يعود في مهمة
عمل قريباً وقد تطول لأكثر من يوم،،،،
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
يعنى كمال الشادى جا حندكم بى طلة (مطارية)
اها الزول ده عامل معانا نفس الفيلم ليهو مدة
بس الفرق انتو فى المطار , ونحن فى حفلة ابو عركى
بى الصيغة بتاعت اسبيس تون القديمة
الرابط العجيب تعرفوهو لى حا يكون شنو ؟؟؟
آآآآآآى بين المطارات وابوعركى البخيت
يا قلب طبعا , انا كنت قايلك تبت من تعب السفر
ومن مخاواة القمارى ومن شراب موية المطر
بعد اسبوعين قال ليكم ؟؟؟!!!!!
تشوفوهو تانى فى المشمش
ده اولا طبعا , رغم ان صورة ميسرة وكمال والنضيف وود المهدى
رجعت لى ايام خوالى , وزمن طاعم جميل , لا تقابل حلاتو الا حلاة الود المختفى جلال عثمان المشهور بالطاعم
عندى صورة قديمة , فيها انا وكمال وميسرة
فى شقة جديدة سكناها , حتى بوهية ما فيها , يعنى خالية من دسم الألوان
لكننا كنا فى احتفال ما , راس سنة عيد استقلال عيد ميلاد زول ؟؟؟؟ ما عارف
لكن الحوائط , الخالية من دسم الوان البوهية والطلاء
تحولت بفعل اوراق الزينة المعلقة
وكمان بفضل فرحنا الجوانا بى بعضنا
الى معرض صور تشكيلية , الوانه غنية , شاربة من (شفق المغارب )
تقول لى دافنشى وفان غوخ , الوانكم الباهتة دى شنو ؟؟
مرحى لكم بكمال الشادى , حتى ولو فى بهو المطارات والمنارات والسفن
يلا اذن , نعيد (ترتيب المعانى )
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
| Quote: عيييييييك ود الشادي ياخي يعلم الله مشتهي ونسك يا المطيميس |
Quote:
إنت قاعد تتهبل كده لمتين
الناس كلها قالو ليك
بتعرف تكتب حلو
وطريقة كتابتك دي تؤهلك انك ممكن تطلع كتاب أو رواية
خلاص الماعندو راس الناس ورتو راسو وين
واتنين لو قالو ليك يا طارق صلعتك بتلمع حقو تقتنع إنو صلعتك بتلمع
يعني عاجبك شغل انو الناس تصفق ليك وأنت عامل فيها متواضع والله شنو
يا أخي من الاخر كده إنت كتاب جدا وبتعرف توصف ( تربية حبوبات )
شوف موضوع تخين كده
يصلح يكون عالمي الافق
ويكون قاعدة عريضة لاهتمامات معظم الناس في العالم
واعمل ليك رواية عنو
وكلما تكتب فصل اخد راي الناس فيهو
اجيبها ليك من ناحية تانية
يا مهبب
الناس الفي الدول المتقدمة ( زي ما بقول السني ) في الارهاب والكباب
الواحد فيهم بيعيش ( ماديا ) بالحاجة البيعرف يجضمها ( يعني يتقنها )
يعني يا دايش ممكن رواية واحدة بس
تطلعك السما ماديا وادبيا
يا أخي أنت خسران شنو
ما ياها شغلتك الكتابة
اقعد اكتب قعدك بلا يا خدك
وهي الكتابة دي زاتا شنو
ما ياهو جنس حكاويك بتاعة اخر الليل
يا بتاع اخر الليل إنت !!!
مرة انا وجمال فارح مشينا طنطا
وإتعرفنا بي واحد بيدرس طب هناك اسمو امير تاج السر
الطيب صالح خالو
وهو في السنة النهائية في الطب طبع رواية إسمها (كرمكول )
الليلة عندو سبع روايات
وكل العالم العربي بيتكلم عنو
شد حيلك
وسيبك من شغل ورا داك انت وحبيب نورا
وركز ( قدام )
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
شتان ما بين فاتن حمامة (جلا)
| Quote: بالمناسبة جلال عثمان ما سألك منك بتاتاً البتة |
وعصافير خريف (منص)
| Quote: رجعت لى ايام خوالى , وزمن طاعم جميل , لا تقابل حلاتو الا حلاة الود المختفى جلال عثمان المشهور بالطاعم |
ولو لا انو المقام مقام ترحيب بالشفيف الظريف كمال الشادي
كنا استرسلنا في سبر غور عدم الاتساق الذي يعاني منه البعض
والعزوبية التى تعتري بعضهم هذه الايام والتي سوف تعتري بعضهم قريبا و
لن تفلح حينها حتى نظريات "سبيس تون" المنصورية في ان يتوقف بكاؤهم وهو اقل الاضرار التى يتكبدونها حاليا
وجعلت بعضهم يسهر حتى الفجر رقم دوامه الباكر ...
ادعو معي يا اخوتي ...... فليحيا صبر الساهرين (تقرأ باللحن لو سمحتوا)
كمال الشادي .... بركة بالشوفة ياخ
وما تحرمنا جمال جياتك
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
ابشر بالردم يا زول
كان الخيوط الكتيرة البتبعثروها دى , ما لميناها ليكم , الماشى يلمها ليكم منو ؟؟!!
سؤال استنكارى استكرادى زى سؤال الزول الماعنده موضوع يدخل بيهو للموضوع الأساسى
يقوم يقول للجكساية القاعدة قدامو تشرب فى كباية الليمون , الكديسة دى حقتكم
تقوم تقول ليهو لا , يقوم داخل ليها فى الموضوع , والله احقو الزول يعرسك
اسباب الردم كثيرة , نتخير منها فى البدء , هذا الولد المشحون قوافى وحروف , المسمى طارق بن جبريل
انا كنت عارف انو من رواد المدرسة الطيب صالحية , وانها تستهويه الى حد ان حبوبته نفيسى , لها ملامح تكاد تجعلها مع بت مجذوب فى ذات المرتبة
مدخلنا ليهو , كان دارجى جميل , بلكنة شايقية تسر الخاطر
لمن فأجانى بتبنيه لى لغة اهل الوسط فى الكتابة , الشاربة من بحر الفصحى (شرابا لا يصل الى حد السكر )
كنت اتعارك مع مفرداته الوصفية فى شواطىء اصيلة , ولكنها (اى مفرداته ) صرعتنى بلكمات خطافيات
حقيقة الأمر , هذا ما فعلته العيون التى فى طرفها حور , مع ذوى الألباب ممن سبقونى
دعك منى انا (المطرطش الغبيان ) , فماذا هن فاعلات بى يا ترى ؟؟؟ّ!!!!!!
انا ماعارف ليه بقى عندى فى ذهنى , ان ورود طارق جبريل الى عوالم الفرح المعبأ فى قوارير شتى
سيكون امتحانا عسيرا للود طارق
ربما لأننا , عندما صدمتنا بت مجذوب , تلك الصدمة الأولى التى لم يفق منها الكثيرون حتى الآن
خفنا ان لا تتكرر الصدمة
الأمر اشبه باحداثيات الأخراج السينمائى
فى كثير من الأحيان , ترى ان المشهد الذى صمم خصيصا ليصدمك
يكون هو السبب الأساس , لأن يهوى عندك الفيلم كله , من خانة النجاح الى خانة , التكرار الممل
وآكشن الحركة فى افلام السينما
شبيه عندى بصدمة الكلمات التى يفترض ان تكون عفوية , وفى ذات الوقت مليئة بى لغة الشارع الدارج
والتى حدها التصنيفى الفاصل
بين كونها اسفافا , وكونها (عفوية وتلقاء)
هو مقدار القصاص والراوى على ان يقربك من شخصية (قائل الكلام )
عادل امام الآن , لو تحدث معى فى التلفون , لما توقفت مشاريع الأبتسامات المتوالية عندى , ولا دقيقة واحدة
وبت مجذوب , لو كانت تتناقش وتحكى عن الحرب العالمية الثانية , لما خلت عباراتها عندى , عن اسقاطات العفوية الفاجرة اللذيذة
لذا فان التحدى عند طارق جبريل -صور لى المشهد تصويرا مغايرا -
كيف سيستطيع هذا الفتى الوالج عندى (ولوجا فجائيا ) الى عوالم الحكايات النواضر
كيف سيستطيع ان يولف هذه المعادلة , التى اعترف انها ظالمة مظلومة
اما انها ظالمة , فلأنها كانت ستهوى بنا من جبال شاهقة رفعنا بها صاحب الكلمات الذى خبرنا كتاباته منذ سنين عددا
اما انها مظلومة , فلأنها بدأت من خيال وصل بنا الى الأقاصى , ومطلوب منها ان تواصل الأرتفاع , وتتحاشى الأنزلاق والسقوط
معادلة صعبة جد , وزاد من صعوبتها انها تستعير -حينا بعد حين - السنة خبرناها , محمد شكرى والطيب صالح وطلحة جبريل
كما الود طارق جبريل نفسه
ولكننى الآن , وبعد ثلاثة عشرة حلقة بدأت فى الزقازيق , وهاهى الآن فى حانة من حانات الرباط
يحتفى فيها طارق , بلسان محمد شكرى المشحون بالنبيذ المعتق
وبخيال المسنوح الأصلع (وكيف للشعر ان ينمو فى رأس فيها ما فيها )
ولا يغذى خيالها الا كاسات الأتاى والكوكا
اقرر الآتى
ولد عندى كاتب وقصاص ورواء جديد
عنده الفصحى ولغة اهل الوسط , لاتقل عن لغة فتى (شبا البركل ) الذى عرفنا
فمرحى لنا بالمشروع الجديد
الذى يحتاج الى (لملمة ) , بيعرفا برااااااااهو
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
والردم الليلة محمدك يا ود يا جلا , لغاية ما تقول بس
لملمتكم دى , تقوم النفس عدييييل
ترموا لينا فى الخيوط يمين شمال , ونحن جننا وجن خيط يضيع مننا
حاتم جبارة ده , عاوز يفتح لينا صفحة جديدة
خيطك ده , ما بنسيبوا يقع واطة , يا ود يا جميل
المسألة زى ما قال الرشيد , ممكن بدايتها او نهايتها ما عارف , تكون حلم اللوترى (الذى كان عندى لذيذا )
لكن , مسك الخيط من اوله , اولى وادهى وامر
ما زمااااان , الفارق عمر , قال نفس الكلام ( all men are created equal)
لكن المسافة , بين عمر , وعمر , كانت مسافة كبيرة وبعيدة
لمن تتأمل انو فى سنة 1989 , قاموا فعلوا قانون الصالح العام
القاموا وحدوا بيهو اتجاه الخدمة المدنية , ويمموا بيها فى اتجاه , الولاء للفكرة , ولا شى قبل ولا بعد الولاء للفكرة
وجونا بعد كم وعشرين سنة , قالوا انو فكرة الصالح العام دى , كانت فكرة ظالمة , بس كانت فكرة مرحلية
ختينا يدنا فى خدنا وقعدنا نتأمل
لأنهم قالوا لا صالح عام بعد الآن
قلنا ليهم (لقلقلق )
انحنا الأيام دى احوج ما نكون لصالح عام جديد , لأن ما اخذ بالصالح العام , لا يسترد الا بالصالح العام ذات نفسه
خريطة الخدمة المدنية , التى كان معيارها الكفاءة والمنافسة ولجنة الأختيار
واول مين ار كريتد ايكوال , زى ما قال عمر , زى ماقال بعد داك لنكولن , وختوها الناس فى دساتير البنى آدمين الوضعية
واما حق انك ( it is their right , it is their duty to throw off such government and provide new guards for their future security )
فهذ حق دونه (خرط القتاد )
بس المعادلة دى , والعارفينها الناس كلهم , وبعد ان كانت معادلة (مسلمة تلبس الجلباب ) , بقت بتوالى الأيام , بتتكتب بالأنجليزى عشان الناس يتعرفوا عليها يا حاتم
هسى انا اول ما شفتها بعد ما كتبتها انت , طوالى قلت ياربى الشى ده انا شفته وين ؟؟؟
عليك الله ادينا فكرة عن حقوق مواطنتك , انت الأمريكى الشايقى , بعد تجربة السنين دى
وركز لينا على الفوارق (ان وجدت ) , ما بين (الورق ) و(الشارع ) و(الواقع المعاش )
وما تنسى تعرج بينا على هروبك من حقوق مواطنة , الى حقوق مواطنة اخرى , وتعايش اسرتك ( ما بين الأبعاد الثلاث )
ابعاد كونك سودانى , مواطن امريكى , متزوج من دومنيكانية , اولادك هجين ثقافتين , عايزين يدينوا بالولاء لى ثقافة تالتة
احبك ياخ لو دخلت فى الموضوع ده بالعرض والطول ونورتنا
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
يا منصور نحن ناس عزابة لسه ما اتغدينا
طاقة مافى زى الوقت دا عشان نقرأ الكلام ده
لو بت شيخك طمنتك بالتلفون هى عاملة شنو لغداء اليوم
راعى لحالتنا ياخى
احمد اسماعيل ما عندكم ملاح من ملحات دارفور ديك
حتى لو بايت رسلو لى مع موسى عيسى
زهير قال مستمتع بالقراية من الصباح قاعد يعاين ليكم
منتظرين ( حسن ) .... انور يا جبريلا
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
يا منصور
بي طريقتك دي في الكتابة
تحول كل الناس الهنا دي لمقاعد المتفرجين
والمستمتعين بالقراءة فقط
وما نقدر نكتب حاجة معاكم
ارحمو أخاكم في الشرقية
زهير الزناتي
الحبيب زهير
كيفنك وكيف حالك
يا أخي انا متلوم معاك كتييير
اشكر سؤالك عني بشدة
كتير خيرك
ما هي دي أخلاق الاخوان الكبار
لمن يسألو من اخوانهم الصغار
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: كمال الشادي)
|
الطاعم الجميل أبو الجل
Quote: ولو لا انو المقام مقام ترحيب بالشفيف الظريف كمال الشادي
|
كتر خيرك يا أخوي في ترحباك
يرحبو بيك وليداتك ان شاء الله
مشتاقين كتير والله يا جلال
الرطل حصل كم الايام دي ؟
دوسو هو ما بيجي إلا بالدوس
الله يديك العافية ان شاء الله
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
غايتو ردم زي دا أخير منو أن تكون غير متسق
ردم يخليك تنسى كل حاجة ...قدامك و وراك
أقلاها الزول البردم دا مفروض يحس إنو الوكت وكت غدا و عضة
يعني من خلال الردم دا مفروض يتطرق لمسألة الجوع و الفراخ المشوي
و بالعدم سمك عوضية
رفقاً بالناس المامتسقة و التي هي بجدة
أو التي هي بالسلع و التي تأتي محملة بزاد لا يتحمل مدة إقامة أكثر من ليلتين (الزاد) مش صاحب الزاد
الزول مسك كل خيوط اللعبة السياسية السودانية و مقارنتها بالتجربة الدنماركية أقصد التجربة الدمينكانية
و بدأ في توضيح الحقوق الأساسية لنا كبشر
حق أن تكون إنسان قبل و بعد قانون الصالح العام
أخيراً فهمت أن الحقوق تنتزع و لا تستجدى وهذا الفهم في الإطار الخارجي
أما الإطار الداخلي (مع بت الشيخ)
فالفهم دا عبارة عن أدبيات و ثقافة سياسية زيو وزي قانون النظام العام
بالإضافة للخطوط الأدبية و التي تجعلني أتعاطى النبيذ بتاع المطرطش
و أن أرى الحياة حسب مفردات الراحل محمد شكري باللون الأحمر
و إن كان المطرطش يكتب بالأحمر فهل يعني أنني تناولت الكوكا و لا النبيذ؟؟؟؟؟
إذن هنيئاً يا طارق بالدراسة النقدية بتاعت زول الردام دا
برضو دخول الغايبين بعد فترة تخلي ناس يطلعو و يقول لي ود الشادي كلام زي الليل
عليه نيابة عن موسى عيسى أرحب أيما ترحاب بالعود و العود أجمل و أحلى
و لك في القلب محبة فلا تشقينا ببعدك أيها الأجمل
طبعاً قلت نيابة عن موسى لأنو صاحبي من الناس الناطقين بغيرها
فالتعبير ربما يخونه
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
جلا يا جميل
التحية والتجلة والاحترام
وكل الحاجات الحلوة في المواعيد الصعبة دي
واقصد بالحاجات الحلوة الجداد المقرمش من كنتاكي
والسلطة الرايقة من المحل الجنبو
Quote: برضو دخول الغايبين بعد فترة تخلي ناس يطلعو و يقول لي ود الشادي كلام زي الليل
عليه نيابة عن موسى عيسى أرحب أيما ترحاب بالعود و العود أجمل و أحلى
و لك في القلب محبة فلا تشقينا ببعدك أيها الأجمل
طبعاً قلت نيابة عن موسى لأنو صاحبي من الناس الناطقين بغيرها
فالتعبير ربما يخونه |
شكرا كتير بي ترحبيك يا جميل
ويديك العافية
وما تباري منصور عبد الرازق ده ابدا في زي المواعيد دي
باريهو بس آخر الاسبوع
شرط ما يكون عندك لا ضيوف
ولا سهرة
ولا دخان
ولا سوق
ولا مستشفي
غير كده يبوظ ليك أتساقك طوااااالي
اما موسى عيسي
فأنا انتظر رده على ما ساقته يداك
الله يستر
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: كمال الشادي)
|
قصــه قصــيره جدا
في حينا كان الجميع يقول
دخل الثور ..خرج الثور.. قال الثور..
كان نحيفا طويلا وهادئا، ولم يكن حتى من مواليد برج الثور
قيل :
في منطقته كان دائما يندفع خلف الفتاة المسربلة بالتنورة الحمراء ..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
نزلت والخلوق متلاطمه *ياخلاي اخدو الخاتمه (الشهاده)
اللي كبارنا جازمه وحاسمه *سيبوها دي دنميت كاتمه
لقد جئتونا بما لاقبل لنا به واقد افتا العزيز الشادي بذلك
ولامكان شاغر حتى في مقاعد المستمتعين والفراجه
والشيخ منصور خمجو وزادو ماء لكم كل المحبه وانتم
تتالقون ومراحب بعوده الشادي الذي سعدنا برؤيته بعد
قرابه العشرين عام وكان في الاستقبال سعاد ه الريس
ودوله رئيس الوزراء (الببكي بي عين واحده اليومين )
وزي مابتقول ورده فرق الحبايب عننا *حايسهر دمعنا ليالي طوال
ود عيد توركم عينه
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عمر المهدى)
|
مساكم الله بالخير
يبدو أنه أثناء كتابتي لمداخلتي صباح اليوم كان الريس ينزل صور اللقاء بالشادي الجميل...
و فاتني أن أشارك الجميع الترحيب بكيمو الجاهز لعودته الميمونة...
و عاد للبوست تألقه المعتاد و فتحت شهية منصور للكتابة...
فقام بردمنا ردم الجن...حيث ان ردم السواد و الرماد لا تتناسب و المقام...
فالمقام مقام ترحيب بقامة كبيرة و رجل شفيف و جميل...
و يا كيمو انشغلنا أنا و صاحبي بظروف خاصة لذلك لم نتمكن من الرد عليك...
فأرجوو أن تقبل اعتذارنا عن التأخير و لك العتبى حتى ترضى...
Quote: في منطقته كان دائما يندفع خلف الفتاة المسربلة بالتنورة الحمراء ..
|
البت دي برشلونية و لا شنو يا حمادة...
يخرب مطنك يا حمادة...
مرة تقول اضنينو طويلة الواحد يتحسس أذنيه...
و مرة يندفع خلف التنانير الحمراء الواحد يراجع تاريخه...
أخشى على نفسي عندما تأتينا بقصة رجل يلهث و يسيل لعابه...
فلا أعرف وقتها هل أتحسس أم أنبح....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
سلام عليكم يا حلوين..
وانتو بتضربوا الرز باللبن مع الملائكه...
فرق الوقت ضيع علي حفله إستقوداع الشادي..
لكن حارحب عشان بكره يجيكم يرد لي ترحيبي دا..
وما يتسبب بأسباب مقنعه..
حضورك أبهجنا يامبدع..
طرف الخيط حق الدستور الأمريكي وقع مني..
فتشت عليهو الليل دا كلو ما لقيتو..
قلت أجيكم بخيط جديد..
لقيتكم ما شاءالله عليكم..
تشيلوا خيط وتخطوا خيط..
وكل خيط وانتو طيبين..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
يا ود الشادي مسكاقني .
دبايوا كوتيوا يا شادي.
جيدن جيتوا يا شادي .
شيباك بالشادي .
و ا لترحاب بلغة اهلا جلا (......) ما بعرفها عليه التواصل !!!!!
ظهورا افرحنا جميعا و اخرجنا من جخانين زهير.
الف حمد لله علي السلامة و نورت الحوش .
طبعا الرندوك الفوق دا ترحيب اهلك الغير ناطقين باللغة العبرية !!!!
و احتفظت بحق الرد لحين ميسرة ( لا اقصد الريس ).
و ظاهر اتساقك الراقي كطببيعتك في جده المتسق دوما إلا واحد منهم حالتو
صعبة فنسال الله له الاتساق .
و يا جلال مالك مع صحبي جلا الراجل اورد حقائق بس ما جاب حاجة غلط ؟؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: موسي عيسي)
|
الوجيه حاتم جبارة
Quote: فرق الوقت ضيع علي حفله إستقوداع الشادي..
لكن حارحب عشان بكره يجيكم يرد لي ترحيبي دا..
وما يتسبب بأسباب مقنعه..
حضورك أبهجنا يامبدع..
|
كتر خيرك في الترحاب
ويرحبو بيك وليداتك ان شاء الله
يعلم الله متابع مداخلاتك كلها
إنت المبدع
لك التحية
العزيز موسى
Quote: يا ود الشادي مسكاقني .
دبايوا كوتيوا يا شادي.
جيدن جيتوا يا شادي .
شيباك بالشادي .
|
والله ما قصرت تب
بجميع لغات البلد
يديك العافية ويخلي لي اولادك
على فكرة الولد عيسي إيدو كيف
ان شاء الله بلغ العافية ؟
| Quote: ظهورا افرحنا جميعا و اخرجنا من جخانين زهير |
الزول ده ما كويس معاك ومعانا
مالك عايز تغلط عليهو
إنت عارف يا موسى
انا عامل بحث طويل جدا في مداخلات زهير الزناتي
قبل الهجرة وبعد الهجرة
قبل الهجرة إلى الدمام
وبعد الهجرة إلى الدمام
يا أخي الراجل الرطوبة أثرت فيهو جدا
وبقى راجل delicate
راجع مداخلتو في المنر العام أيام الكتاحة ( قبل الهجرة )
وراجع آخر خمسة مداخلات ليهو هسي
بقي هدي ورضي وود ناس ولذيذ
الله يستر من التحول الجاي
يا موسي ده شنو ده
Quote: طبعا الرندوك الفوق دا ترحيب اهلك الغير ناطقين باللغة العبرية !!!!
أخينا في الله ده ما سجمتو عدييييييييل كده
وديتو عديل لي نتنياهو
حرام عليك
الاخ العزيز الرشيد
Quote: يخرب مطنك يا حمادة...
مرة تقول اضنينو طويلة الواحد يتحسس أذنيه...
و مرة يندفع خلف التنانير الحمراء الواحد يراجع تاريخه...
أخشى على نفسي عندما تأتينا بقصة رجل يلهث و يسيل لعابه...
فلا أعرف وقتها هل أتحسس أم أنبح.... |
|
يمين بالله انا قريت القصة القصيرة بتاعة محمد عيد
وعاااااااااااااااااادي
ما حسيت بأي حاجة
لا صداع ولا حموضة
وعااااااااااااادي
إنت مالك طوالي مشيت هبشت راسك
شكلك كده إتذكرت أيام ( الشأآوة ) بالمصري
شكلك راجع تنوري
وهذه يرجع أصلها إلى ذات التنورة الحمراء وقيل في الاثر البيج وربما الفوشيا
يخرب مطانك إنت
الحرامي في راسو ريشة
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
سلام يا حبايب ... متابع ومستمته بالحبه والدقة .... بس مشاغل الحياة والجري
من يوم مداخلة ناس طارق جبريل السمينة عن محمد شكري كنت عايز اكتب ... بس
غلبني ... ياخي محمد شكري ده من اعظم الرواة العرب ... قريت ليهو الخبز الحافي
وزي ما قلت المرة الفاتت دي بتشكل جزء من سيرته الذاتية كتبها بوضوح وصراحة
مافي زول يقدر عليهو ... وباسلوب ادبي خطير ... الزول حقيقي حاسدك يا طارق
جبريل علي الناس المبدعين ديل ... الطيب صالح وشكري مره واحدة يعني لوما بقيت
كتاب حقو يرجعوك تاني المصنع ويفرمتوك ... وينزلوا ليك ويندوز جديد ....
اها منصور والرشيد كان عندي ليهم تعليق بس سقط بالتقادم ... خاصة انه وصول
كمال الشادي دائما ما يمثل لينا فرح استثنائي ... بس الظاهر عليهو حبنا
من طرف واحد .... والظاهر عليهو متعود علي الحكاية دي ... بتاعت الحب من
طرف واحد ....عشان كده يقوم يختفي مننا ويخلينا في نار الشوق .... لكن ده
برضو ما بيمنعنا كلنا مره نفرح ونهلل لي جيته ... زي رجعة القمره لوطن القماري
بعدين مداخلاتي ذاتها يا الشادي ما اثرت عليها الرطوبة لسه ... لكن صدقني
بالطريقة دي حا تصدي لانه الرطوبة عالية ...
اها يا جماعة انا والله ما غايب ... بس يمكن ما ظاهر ...
كامل التضامن مع موسي عيسي في سليقته اقصد محنته ... يا جماعة عايزين
حملة تضامن واسعة مع موسي عيسي ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
حبيبنا ود الشادي ...
عودا حميدا ... والعود أحمد ...
غيابك ... بضرنا
ورجوعك ... بسرنا ...
ياخي مكانك شاغر ....
وما خذلتنا ... وجيتنا راجع تحمل الفرح والمحبة ...
قنبو طولا .....
===============================
محمد عيد ...
وكبسولات القصص القصيرة ...
متعة ... ومتابعة ... واصل ....
=====================================
طارق جبرين ... ومشروع رواية ... سوف تري النور ... ان شاء الله
ماتصغر نفسك ...
صوت اعجاب ...
متابع ... بس خايف تقطعنا في النص ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
وطارق جبريل ده , هسى يلموهو كيف ؟؟؟
وعشان نتفق فى الأول , خلونا ندقق مع بعض فى مفردة يلموهو دى
طارق , لا مشتت , ولا بيشبه التشتيت
بمعنى انو , عايزين نلمو , ما عشان هو مشتت
مع انو الشتيت لا هو هو عيب , ولا هو حرام
انا بعرف ناس مشتتين كتاااار , بس طارق جبريل ما منهم
انا واحد من (المشتتين ) فى الأرض
ولمة الزول المشتت , صعبة جنس صعوبية
بس لمة طارق , جاية من احساس مختلف من احساس انه مشتت
ولكنه كما اظن -مبعثر -
مش فى الكلمات المتقاطعة , اخر حاجة الزول بيحلها , او هى كمان بتجى وتلفق براها
مع توالى الحلول , هى الحروف المبعثرة
طارق جبريل يشبه -ضمن ملامح كثيرة - هذه البعثرة
والبعثرة , سمة ملازمة وملاصقة لأرهاصات القلق وعدم الركون الى خط انتاجى حياتى واحد
خط انتاجى حياتى واحد , غض النظر عن انو مستقيم او غير ذلك
واستقامة خط الأنتاج الحياتى , لا علاقة لها البتة باستقامة صاحب الخط نفسه , بل هى فى كثير من الأحيان (تناقض نظرى لذيذ )
تناقض نظرى لذيذ مابين الممكن والمتاح , او ممكن كمان بين الخيال والواقع
بت مجذوب الطيب صالح , ومصطفى سعيده , وحتى كمان نفيسى بت بغداد
والشخوص الى دى , موجودة عند كل واحد , بالكوم والردوم , ولكن تجسيدها واخراجها وتداول احاديثها , يحتاج لمصورين بارعين
لأن كلامهم واحاديثهم الضاربة فى جذورها تلقائية وعفوية ,بحد ذاتها ابداع لا يدانيه ابداع
من هنا جاءت بعثرة الود طارق , فبدأ مصورا لهذا الجو , مستخدما لغة الجو و(ادواته يا حاتم جبارة )
لذا خيل لنا بدءا - انه مصور بارع فقط - ادهشنى انا شخصيا - بصوره الغنية بالوان الحياة , التريانة بسحر الشخوص والق الأماكن
ولكن قلقه وتوتره الأبداعى , كان ظاهرا وبائنا للمدققين
اختياره للأغانى واهتمامه بكوداتها , فضلا عن انتاجه الغزير الذى يصنف من ضمن الخط الأبداعى نفسه
حتى ان نانسى عجاج عنده , مجرد ايقونة اغانى (مصنوعة )
وهذا تمرد وبعثرة اكثر منه (راى وذوق )
الراجل حتى منبرنا البى هناك , شايفو كيف كيف
بالرغم من ان ذلك المنبر , يغذى خصلة البعثرة الجواهو , ولكنها عنده امر تعدى بعثرته الى (تشتيتنا )
وهنا اوضح مثال للفرق بين (بعثرته وتشيتنا )
بالعربى كده زى ما قال ليك كمال الشادى
يا طارق , امسك امورك (توبك توبك , موضوع موضوع , خط خط , زنقة زنقة و حارة حارة )
لأن انتاجك محتاج (لملمة ) ومحتاج تبويب كمان
تعرف لمن انت بديت سلسلتك الأخيرة , فى الأول كنت قايلا , انتاج قديم
لكن يبدو انها , لملمة طازة , لأحداث قديمة , مبعثرة زى عادتك , وانت تحاول لملمتها هذه الأيام
انا بديت معاك من صبى البناى , ووصلت معاك هسى لحانة العاهرات الفى ازقة الرباط
لملم نفسك يا زول , لو غلبتك اللملمة , شوف ليك زول يلملمك
هسى لو (لابتوبك ده قال كدة وضاع ولا انسرق )
هارد كوبى وااااحد ما نلقاهو , من حكاياتك دى ؟؟؟!!!!!!!!!!!!
انشر يا زول , ويا شركة الزقازيق الوليدة , ده ما مشروع جااااهز ياخ
غايتو جنس ردم !!!!!!!!!!!!!!!!!!!!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
قصــه قصــــــيره جدا
حين جلس أمام اول شاشة كان عمره بالكاد يعد على أصابع يد واحدة،
كل كتابة تسلمه الى وصلة، وكل وصلة تسلمه الى وصلة : اضغط هنا لتدرس،
اضغط هنا لتلعب ،اضغط هنا لتتسوق، اضغط هنا لتدردش، اضغط هنا لتمارس ال......
،اضغط هنا لتعمل اضغط هناواشتري بيتك وسيارتك،اضغط هنا لقضاء عطلتك
،اضغط هنا تجد ابنة الحلال... اضغط.. اضغط.. اضغط.. ا ضغط....
مات ذات وصلة وعمره يعد على اصابع احفاده،
جاء احدهم وضغط على وصلة دفنته.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
أتدفقي
ما تبقي رقراق...أبقي يا ضل يا شموس
يعني برضو ماتشتت أفكارك و إختار ما بين الإثنين
و التشتت يصبح مشكلة عويصة في إمكانية إنك تلمها
أما حكاية يلمها النمل و يوطاها الفيل
فيمكن للمطرطش أن يلم قصاصاته تلك
و يوديها لأقرب فيل مش عشان يوطاها بل عشان يخرجهاليهو في أي كتاب
أما البعثرة الجد جد هي العلاقة بين بيطرة حيوان من جهة و الكتابة و الصحافة و القصة من جهة ثانية
نرجع برضو للتشتت فنجد أنه يمكن لمعايير التشتت في الإحصاء في لملمة أي رقم طاشي
و معالجته إكلينياً لإيجاد معنى للأرقام المشتتة
و من هنا إذا أسقطنا معايير التشتت على الحالة الموسوية في الفترة ما بعد ال20 من يونيو
فيصبح من الصعب بمكان لملمته إلا في حالتين
الحالة الأولى الإرتحال للذي بالسلع
أو الإتجاة شرقاً لوجود التضامن الخفي مع أبو الزوز
علماً أنا و الكوتش مبعثرين أو قل مشتتين في أن نجد مساحة للإلتقاء بلإخوة الضيوف بالسودان الشقيق
جماع، تاج الدين الخليل، و العريس صلاح الأمين، و نتوقع د. الصادق
أها دا تشتت و لا تبعثر؟؟؟؟
ً
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
صبحكم الله بالخير
مداخلات النهار دي و الله صعبة خلاص...
لكن الواحد يعمل شنو معاكم...
أعاين ليكم ساكت شغالين تردموا و ما قادر أجاريكم...
Quote: إنت مالك طوالي مشيت هبشت راسك
شكلك كده إتذكرت أيام ( الشأآوة ) بالمصري
شكلك راجع تنوري
|
يا كيمو القصة لا حرامي و لا ريشة...
دي اسمها بارانويا Paranoia...
كتبتها ليكم بالانجليزي عشان ما يجي واحد يقراها لي بار...أنويا...
زي ما أنا زاتي بعثرني منصور و شتتني لما قال لي طارق جبريل..
| Quote: يا طارق , امسك امورك (توبك توبك |
قلت يا ربي منصور ده قاصد ياتو توب...
يعني كان ممكن يراعي لحالتي النهارية ويشكلها لينا و لا يكتبها لينا بالانجليزي...
و البارانويا هي أن تأتي باستنتاجات مبنية على مقدمات مفهومة غلط...
و دي حالة بيصل ليها الواحد لما يبعد من أولاده فترة طويلة...
الواحد لو بقى على التلفزيون و النت ما بتجيهو عوجة...
لكن ناس محمد عيد ديل تعمل معاهم شنو...
حسه بكره يجي يقول ليك كانوا يطلقون عليه لقب الخروف...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
سلام يا ناس
منص/الشادي/نجيلة/ ابو الزوز
ياخي كدي في الأول نقول ليكم الشكر أجزله على حسن الظن في كتاباتي على علاتها..
ما عارف بس عندي إحساس إنه الواحد بيكتب مناسباتيا كدة وبدون ما يستحضر الكتابة في ذهنه
الطريقة دي بدأت معاي من قصة الطُلبة (صبي البناي).. حينها كانت والدتي رحمها الله مريضة جدا
وفجأة ودون مقدمات قفزت إلى السطح تلك القصة.. خصوصا انها كانت شاهدة على بعض تفاصيلها
بدأت أكتب من وعاء الذاكرة فقط دون تخطيط مني.. ربما الذاكرة كانت تخزن الكثير الكثير.. لذا طلعت الكتابة تلقائية جدا
ثم أخذتني مشاكل الحياة المختلفة ووقفت عن الكتابة افتكر في الحلقة 47 من القصة..
عادة لا أحضر ماذا سأكتب.. فقط أتتبع أي خيط وأكتب من خلاله وبصورة لحظية.. يعني بقعد وبمسك الكيبورد دة وبطقطق الشي الجاء في راسي ساعتها وبقوم
وأكاد أجزم أنني حتى لا أراجع ما أكتب.. بدوس إضافة رد وبمشي..
حلقات المغرب والطيب صالح حدثت بنفس الطريقة.. وجدت المجموعة الكاملة لشيخ الطيب مزيلة بإهداء منه.. ورجعت بي الذاكرة إلى عشرين عاما مضت
وهكذا بدأت أدون في ذكرياتي تلك..
يمكن الكتابات الوحيدة البقعد ليها شوية بي مزاج هي حكاوي حبوبتي نفيسي بت بغداد..
نوادرها مثل زبد البحر.. كانت تؤثرني حكاويها وتشدني بشكل غريب..
قضيت معها أجمل أيامي في قريتنا الوادعة شبا في البركل..
كانت محورا للقرية.. لذا أجد متعة كبيرة في حكي نوادرها تلك
كتابة متوترة كهذه ووليدة لحظات خاصة جدا لا أظن أنها تصلح للنشر..
للنشر قوانين ولغة ونحو و... و... ودة راسا ما عندي ليه شعر يا حبان
ياخي انا اكره حاجة كانت عندي هي الإعراب والبلاغة.. ممكن أجري من الخرطوم لي مدني ولا أجري استعارة واحدة
كل ما كتبته على علاته لا اعتقد أنه يصلح للنشر
اذا فكرت في الأمر معناها أقعد (ألملم) الحاجات زي ما قال منص
ويجب إعادة صياغتها من جديد.. والحاجة دي عايزة طولة بال زي بتاعة محمد صديق الشهير بـ(جورج)
وكل المناقرة البيني وبين محمد صديق كانت في طولة البال دي
تقول ليه ياخي يلا نمشي التمرين يقول ليك دقيقة وش القهوة دة ما طلع في التنكة
غايتو الزول حا يفكر في الموضوع وربكم يسهل..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
فرفش شويه
محشش حكم عليه بالاعدام، سألوه :
وش أخر شي تتمناه قبل تنفيذالحكم؟
قال:
أتمنئ ان يكون هذادرس لي بالمستقبل
*********
محششين مسوين امسيه ثقافية بعنوان:
"نجيب محفوظ ولا مانجيبه؟
*********
مسطول بيقول لصاحبه عايزين نطلع فنانين
انت فنان تشكيلى
وانا فنان اشكيلك
*********
واحد صعيدي روحه بتطلع الشيخ قاله
قول الشهادة بسرعة
قالوا (دبلوم صنايع)
*********
صعيدى جاتله رسالة حلوة
قعد يضحك واتصل باللى بعتهاله وقاله
ابعتتها تانى
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
رجعت بيتي يوم الثلاثاء الماضي الساعة الثانية صباحا تقريبا
بعد العودة من جده
يملؤني حنين غريب
وحالة من الهيام والشجن
ما عرفت لها وصف
لم اقابل عبد الدائم وعمر المهدي منذ ايام الزقازيق
مع اني أتحدث هاتفيا مع عبد الدائم بشكل مستمر
ميسرة شخص حبيب إلى نفسي إلى أبعد درجة بمجرد ذكر سيرته وأسمه
تتقافز صور لايام رائعة امام مخيلتي
عجيب هذا الميسرة في رسم الفرح في حياة الناس
لا تفارقه الكاميرا منذ عرفته
يسعدك ويفاجأك بتصوير أجمل اللحظات والمشاعر
وانا في الطائرة شعرت بعمر طويل وفيلم بطول المسافة بين جده والرياض
شاهدت فيه آلاف الايام واللحظات التي مرت
لم أعرف كيف مرت
دخلت بيتي في الرياض حوالي الساعة الثانية صباحا
عندما أذن الصبح
ونتيجة للحالة التي كنت فيها تلك
وحبا لكل الناس البحبهم وللزقازيق ولناسها
ولميسرة وعبد الدائم وعمر المهدي ومحمد عيد
ولكم جميعا
كنت قد سجلت هذه الاغنية
ارجو أن تعجبكم
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: كمال الشادي)
|
الله عليك يا شادي
ياخي انتشلت الروح من براثن الحنين الدفين
تعرف قاعد قبيل مع بت الشيخ بحكي ليها عن شعر حسن الدابي
وخصوصا (مسخت عوم البترطن في جرفها)
هذه النوستالجيا يا حبيب في هذه المنافي ألم حده السماء
الحروف والكتابة احيانا هي المسام الذي ننفث عبره آلامنا
زي ما بتقول بت الشيخ
كلما اعيش هنا يزداد حنيني الى شبا ومراتع الصبا
هذا الحنين متخم بالم عميق
لنا الله يا حبيب
لنا الله
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
صبحكم الله بالخير
يا كيمو أداء رائع بل أكثر من رائع و عزف ممتاز لا نملك حيالهما الآ أن نرفع لك القبعات...
و نبعث اليك بنفس الطائر و ما يخلي زول في الرياض الا ويبوس ايديه...
اكراما لك و لآخرين عزاز علينا و شالو نوم عينينا...
و يجي لحدي عندك و يبوس راسك تقديرا منا على هذا العمل الجميل...
و هذا ليس بغريب و لا جديد عليك فأنت تملك كل مقومات الابداع...
أسعد الله صباحك يا كيمو...
ملحوظة...
رفع القبعات هنا اختياري...
فلربما لا يرغب آخرون في اظهار ما تحت قبعاتهم...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد القادر بابكر)
|
الحبيب طارق ودجبرين
الولد الرايح في اضواء المنافي البعيدة
Quote: الله عليك يا شادي
ياخي انتشلت الروح من براثن الحنين الدفين
|
خلي الروح تقتات من لسع نحل الغربة لها
وخليها تفرز أروع ما عندها
لا تمسك عليك يد الابداع
دعها فهي مامورة ...
شكرا ليك كتير يا طارق
اتمنى الا اخيب ظنك في
الحبيب الرشيد
Quote: يا كيمو أداء رائع بل أكثر من رائع و عزف ممتاز لا نملك حيالهما الآ أن نرفع لك القبعات...
و نبعث اليك بنفس الطائر و ما يخلي زول في الرياض الا ويبوس ايديه...
اكراما لك و لآخرين عزاز علينا و شالو نوم عينينا...
و يجي لحدي عندك و يبوس راسك تقديرا منا على هذا العمل الجميل...
و هذا ليس بغريب و لا جديد عليك فأنت تملك كل مقومات الابداع...
أسعد الله صباحك يا كيمو...
|
الولد المسافر في الغربتين
اعاد الله الروح للاحباب وللوطن
وأشكر لك كل القبعات التي رفعت
لك الشوق ليك وللمعاك لغاية ما نلقاك
الحبيب عبد الدائم النضيف
الولد الخارج من جده الغير
والداخل إلى جده الغير بغير الزي !!!!
Quote: جـده غيــر تجبر الشادى بالخروج عن صمــته
الشادى سيطرح اول البوماته الغنائية قريبا"
ادهشت الجميع يا كمال ... |
شوفتك وفي جده
تدهش اي إبداع جوه الزول
الغنية دي المفروض الناس يشكروك عليها إنت
والشباب المعاك
شكرا لك كتير على جية لي اليوم داك
وتوصيلك لي لحدى المطار
الله يخلي ليك البنيات وأمهم
ويردهم ليك بالعافية
الحبيب جلا
الزل الرايح مع متاهات التكنولوجيا
وما لاقي ليهو حتة
يا عبد الدائم
شوف للزول ده صرفة
قبل ما يخرب الكمبيوتر
Quote: أول حاجة البتاع دا ما فتح معاي
الحبيب ابو أحمد
منصور عبد الرازق
Quote: والله حاجة فى غاية الجمال والروعة يا كمال
احساس عالى , ولحن بديع , واداء جميل
وعزف اورغن ما يخلص
اتملينا
لكن , هل من مزيد ؟؟؟؟؟؟ |
صديق ايام البراءة والطفولة
وصديق ايام كتيرة ماكان فيها براءة !!!!!
يديك العافية ويخلي ليك الاولاد
وشكرا على كلماتك الحلة
المزيد إنت اكتر واحد يعرف إنو جاي !!!
أدون توجيهات أو تعليمات
عشان يفتح و ننطرب
ألحقنا يا أبو مرواااااااا
القصد دودي |
الحبيب عبد القادر
Quote: التحية والتقدير لكم جميعا
ومرحبا بعودة الرائع الشادي
وهو يحمل معه كل هذا الجمال والروعة
الله يديك العافية
وينور أيامك ... |
الولد المسافر مع متاهات الريشة والفوتو شوب
بحاول اجاريك في إبداعك
أشكر ليك كلماتك الجميلة
وانشاء الل اكون عند حسن ظنك
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: كمال الشادي)
|
ســــــــــــــــــــــــــــــــــــــــــــــــــــــــــــــــــــــــــــــلام للجميـــــــــــــــــــــــــــــــــــــــــــــــــــــــــــــــــــــــع
خميسكم معطر بود الشادى وود جبرين وحلاوه منص و خضره جناين كسلا وبشاشه جده الدايمه وطله كل الحلوين
وكا فتح معاك يامحمد آدم رسل لى الزرديه
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: موسي الراجل)
|
(14)
المغاربة كشعب لهم مقدرة عجيبة في دفعك للانغماس في مجتمعهم...
حتمت علي ظروف استقراري الجديدة في المغرب أن أحاول فهم المجتمع الذي سأقضي معه جزءا من حياتي..
ولكي تفهم حركة المجتمع هنا لا بد أن تجد لك منافذ تقربك أكثر من الذهنية المغربية..
مجتمع طلحة الصغير المتكون من زوجته ونسابته غير قادر على أن يقودك للتقييم الصحيح..
وجدت ضالتي في بعض الطلبة الذين كانوا يدرسون هنا..
حسن.. طالب جاء من ضواحي الخرطوم.. اختار الإعلام لكي يبدأ حياته الجامعية..
كان رجلا محبا للحياة.. يعتني بهندامه إلى أقصى درجة..
قد يلغي الذهاب للمحاضرة إذا كان القميص لا يتناسب مع السروال حتى وإن كانت تلك المحاضرة سيُكشَف فيها الامتحان..
كان مزهوا بنفسه وسعيد أن وضعه الله في بلد تستطيع فيها صديقتك دعوتك للغداء في منزل ذويها دون حرج..
أحب إحدى زميلاته في سنته الثانية حبا جنونيا..بنى عليها كل آماله..
كان حبا مدمرا على كل حال..
في السنة الثالثة رأت البنت أن العلاقة لا تروقها.. فتخلت عنه..
تأزم حسن ووصل إلى مرحلة الهوس.. جن جنونه..
كان عاشقا متيما، وضع كل طموحاته وأمانيه في حبه لـ«حسنية»..
أخذ وقتا طويلا لكي يتعافى من أسقام الحب تلك..
لكن بالمقابل كسرت التجربة قلبه وغيرت نظرته تجاه المرأة بشكل مخيف..
كلهن عاهرات.. هكذا كان يقول، ومن اليوم سأكون أنا أيضا داعرا وزنديقا..
كان موقفا مليودراميا بامتياز.. كلمات المواساة في هذه الحالة تصبح كالرهاب..
لا يجدي الوعظ هنا ولا حتى الأماني.. كما كان سيل الحب جارفا..
كانت كذلك احباطات الرجل من علاقة سقاها من دم قلبه مدمرة..
تلك كانت نقطة تحول في حياة الرجل..
كرس كل حياته في البحث عن اللذة في ليالي الرباط..
كان يقضي سحابة نهاره في النوم ويكتفي بتصوير المحاضرات من أصدقائه المغاربة..
وحين تعلن الشمس انسحابها من سماء الرباط وتدب الحركة في شارع محمد الخامس..
حينها فقط يتهندم حسن ويخرج ليتمشى بين الناس باحثا عن صيد جديد يملأ عليه غرفة نومه..
«هناك وجوه داعرة يا طارق لا تخطئها العين عليك بها».. هذه كانت كلماته على الدوام..
كنت اتندر عليه بأن جعل غاية الكون في إفراغ «سوائله اللزجة»..
- «يا طارق عيش داعرا سترتاح صدقني»...
- ياخي إنت حياتك كلها اختصرتها بين أفخاذ النساء.. بعضهن ينشدن المحبة
وبعضهن يسعين إلى رفقة مطمئنة وإنت تختصر الأمر كله في طلب اللذة..
- حب شنو ياخي وريدة شنو ياخي متعة الفراش دي زيها مافي..
- ههههههههههه خلاص انت استمر في متعك دي لامن تجيب كثافتك
كان يتكلم هكذا باقتناع تام.. كان يقول أن القناعات بُنيت على تجارب قوية..
عرفت معه قاع المجتمع والشوارع الخلفية للمغرب..
كان حين يرى أن إحداهن (لها وجه دعائري) يسارع للاقتراب منها..
يبذل كل جهده في اقناعها بالجلوس معه في أحد مقاهي وسط المدينة..
ومن هناك يخطط ويرسم حتى يدخلها إلى فراشه المسموم..
أحبته الكثيرات ومن أعماقهن.. لكنه لم يعر تلك المحبة اللاتي كن يصبغنها عليه..
كانت الحياة عنده تنتهي حين يستجم نهاية الليل وإحداهن بقربه..
كنت اجده متوترا إن مرّ اسبوعه دون ضحية جديدة..
كان يدفعه هذا الجنون إلى مراقص وعلب ليل مدينة القنيطرة..
هناك، حسب زعمه، الصيد وفير وبنات القرى المجاورة يسهل خداعهن بالكلام المعسول..
كنت أجد نفسي متعاطفا مع «الزُهرة» ريفية من مدينة خنيفرة..
أحبته حبا لا يُصدق.. كانت مستعدة لعمل أي شئ في سبيل أن يحبها..
حتى كبش العيد أحضرته له.. بدل الكريمات كانت تخفي قناني النبيذ في شنطتها..
حاولت أن تستميله بما يحب.. الطعام والنبيذ..
لكنها في كل مرة كانت تأتي لتجد معه ضحية أخرى..
كانت تبكي بحرقة وتقول له: ياك غير بغيتيني ننعس معاك.. أنا غادي نديرها..
ولكن عافاك ما تخونيش..
كانت كلماتها تجد صدى ضعيفا في أعماقه.. لم يعد يعنيه الحب..
حين تتعطل قيمة الإنسان في الدواخل يصبح الواحد منا كائنا غرائزيا لا غير..
يفقد أنبل قيمه التي منحها له الرب.. قيمة الحب..
هكذا شاءت لي الظروف أن أتعرف على مواخير المغرب وعالمها التحتي..
عالم له قوانين وعوالم أخرى.. لا يمكن يعيش إلا في سكون الليل..
كان حسن يكثر أحيانا من الشراب ويصبح ثملا إلى درجة لا تُطاق..
كان يخرج من الحانة ويصيح: أنا حسن السوداني.. أنا العاهر وصديق المومسات..
كان يقول ذلك بنوع من الألم وأحيانا تدمع عيناه..
جروح المحبة تبقى كثيرا لتختفي.. لكن في الغالب يبقى «الدمل» ينكئ عليك..
كنت أشفق عليه أحيانا..
كان يملك قلب طفل.. لكن «حسنية» حولت الطفل الى وحش..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
العزيز محمد صديق
اول حاجة شكرا ليك كتير في سؤالك عني
الله يخلي ليك اولادك
تانيا
Quote: سلامات يا ناس
مراحب بعودة الشادى ..
اول حاجة :اختيار موفق
تانى حاجة :عزف عجيب ..... راااااايق!!!
الصوت طبعاً من زمان عارفنو ....
شكراً على الإمتاع |
شكرا لكلماتك الحلوة
أتمنى الا اخذلك ابدا
على موضوع رااااااااااايق
يا محمد صديق
الاصل في الغنا
انه مخاطبة للمشاعر
سواء أكان المخاطب ( بضم الميم ) الحبيبة أو الوطن أو الام أو اي موضوع آخر
فإن الاصل هي مخاطبة عاطفة
ولا أعتقد أيا كان المخاطب ( بضم الميم ) يحتاج في مخاطبته الصوت العالي
إذا كان الهدف هو العاطفة ...
الاستثناء مطلوب لاصله ( الاغاني الوطنية - إثارة الحرب ... الخ )
لذا فقناعتي
طالما ان ال concept هو مخاطبة عاطفة يجب أن تأتي رااااااااااايقة ( في الاصل )
وحتى اثناء المخاطبة العاطفية الرايقة هناك مواقف تحتاج لتعلية الصوت ( النبرة ) احياناً
لمن تكون الحبيبة ( ما قادرة تفهم ، أو راسها ناشف ) مثلاً
لاحظ النبرة العالية نسبيا في ( قبال تعود لازم تروح من تاني مرة )
عندما كان الموضوع هو التوجيه أو الامر للطائر
وبعدها هدأت النبرة إلى اقصى درجة ( درجة الترجي عندما قال : ما تنسى زول في الحلة إلا تسلم عليهو وتبوس إيديهو .. )
الموضوع شيق ولذيذ
ممكن نتكلم فيهو ...
لك التحية والحب
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: كمال الشادي)
|
قصــــه جميــــله جداااااااااااااااااااا
اليوم لبس هناك ما هو أجمـــل من تغريد هذا البلبل الصداح
هذا التطريب الذى أدمع أعيننا وتاه بقلوبنا فى فضاءات الجمال
حفظك الله لنا يا شادينا الجميل
وكما قال النضيف ... لن نقبل بأقل من البوم سريع يطفىء نيران الشوق ويبلل مشاعرنا
الله عليــــك يا الفيس برسلى الزقازيقاب
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
الجميل محمد عيد
والله إشتهيت من كل قلبي إني اقابلك في جده
لكن إن شاء الله لي جية قريبة لي جده الواحد يتشرف برؤياك
| Quote: هذا التطريب الذى أدمع أعيننا وتاه بقلوبنا فى فضاءات الجمال |
يا حبيب تسلم عينك من الدمع إن شاء الله
إن شاء الله دائما دموعك دموع فرحة
فرحة بي أولادك ونجاحاتهم في مشوار تعليمهم وفي كل حياتهم
شكرا ليك كتير على الصورة الجميلة دي
الغريبة بنتي ابت تقتنع إنها تركيب وقالت إنو بابا كان عندو فرقة موسيقية
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: كمال الشادي)
|
جمعتكم مباركة وعاءكم مستجاب.. السموحة منكم للغياب المقصود بسبب الامتحانات النهائية ..
بديت من الصفحة الاخيرة اعزرونى اذا فى حدث فاتنى اعذى كل من فقد عزيز لديه واهنئى كل من له حدث مفرح..
الاروع والاحلى ان تبدا صفحة بزول فنان راقى ومبدع ذيك يا شادى .. للاسف ما فتحت معاى الاغنية بس اجتريت مما اسمعتنا واطربتنا به فى الزقازيق واطربت نفسى الى ان احظى بسماع الاغنية .. الله يديك الف عافية..يامبدع.
ودمتم سالمين
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: نجاة حوفي)
|
الاخوة والاخوات الاحباب
جمعة مباركة وفي رحاب الحرم ان شاء الله
صبحني الصباح الجميل ده زول من آخر الدنيا
عمر نملوز
هاتفني الصباح
وقال أن الاغنية عجبتو
وإنو ما شاء الله ماشي تمام في التدريب لسباقات المارثون
آخر سباق جا فيهو ال 34
نفس السباق العام الماضي جا فيهو بعد الالف
ما شاء الله
والغنية معمولة للزيك يا عمر بعيد ومتغرب
الله يرد غربتك ظافر وناجح ان شاء الله
جيت افتح البوست اتصابحت بإم الاولاد الحلوين
نجاة حوفي
الله يديك العافية
ويخلي ليك الاولاد وينجحهم ليك في حياتهم يا رب
اسمعي الغنية مع الرشيد
الظاهر الرشيد سرق اللاب توب الحلو وخلى ليك التاني
خليك حريفة المرة الجاية دسيهو من الاول
تحياتي للاولاد
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: كمال الشادي)
|
جمعتكم مباركة...
يا كيمو هي بتستخدم لاب توب الشغل...
و هم مقفلين ليهم كل حاجة عشان ما تأثر على السيرفر بتاعهم...
لكن سمعتها الأغنية من اللاب توب بتاعي...
و مثلها مثل الآخرين عجبها الاختيار و الأداء الجميل و العزف الراقي...
و أصالة عن نفسي و نيابة عن ست بيتي نقول ليك ....
الشعب يريد مزيد من الألحان الجميلة...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
صباح الخير يا وجوه الخير
الصباحات النديةالجميلة
ما زي صباح الرياض
كتاحة وغبار
يعلم الله في السودان ما تلقاهم
الاخ الفاضل الرشيد
Quote: و أصالة عن نفسي و نيابة عن ست بيتي نقول ليك ....
الشعب يريد مزيد من الألحان الجميلة... |
اصالة عن نفسي برضو
سوف اهديك واهدي ست البيت وأهدي كل الاحباب هنا
مجموعة من الاعمال في الايام الجاية ان شاء الله
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: كمال الشادي)
|
صباح الخير ،،، يا وجوه الخير
أصبحنا وأصبح الملك لله وحده،،،
عجيب أن تكون غائب عن البوست يومي الخميس والجمعة
بدولة مكة المكرمة،،،،
جميل أن تأتي من الصبح وترغب في عمل مداخلة
وتتفاجأ بهذا الكم الجميل والأداء الراقي
طول عمري تأثرني الأشياء الجميلة والرومانسية وخاصة من مَن تحبهم
هنالك أميال كثيرة من مخزون الذكريات من أيام الزمن الجميل
ما زالت تعشعش في عقلي ،،، صراحة الأغنية راقية وجميلة وبها حسن إختيار
لإفتتاح مهرجان قادم يقوده شادينا في إنتظارك يا سيدي ،،،
لي ملاحظة لاحظت تشابه صوتك مع صوت العميري ،،،
هل الملاحظة حقيقية أم تأثرت أنا بصوت العميري في سيارة عبدالدائم
ونحن جميعنا في الطريق إلى المطار،،،
النضيف ليك فهم فني متقدم ، أفيدنا؟
| |
|
|
|
|
|
|
|
| |
محمد آدم النور
عبد الدائم سيد أحمد
ميسرة سيد أحمد
منصور عبد الرازق
محمد عيد
أحمد إسماعيل
الرشيد بابكر
طارق جبريل
Hatim Gubara
عمر المهدى
محمد صديق
كمال الشادي
جلال عثمان
موسي عيسي
زهير الزناتي
ياسر نجيلة
عبد القادر بابكر
نجاة حوفي
فيس بوك
تويتر
انستقرام
يوتيوب
بنتيريست