|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: ناس الزقازيق ... أجدع ناس (4) .. (Re: منصور عبد الرازق)
|
رقم 4 جلوسا ( اللابس بنطلون مقلّم ) مكى عثمان / زراعة
احمد اسماعيل أكثر الناس محافظة على شبابه ( ماشاء الله )
الصورة دى شكلها بعد عزومة كشــرى ..!!
* الرووياتااابى اللذيذ ... تلفونك قبال كم يوم اسعدنى جدا تحياتى للاسره
* ود نجيلة .. الصفحة دى أعتقد بتحتاج لاستراحة آخر الاسبوع .
* يا كوتش ... حكيك صار شحيح .. والبخل ما من صفاتك ...
* موسى عيسى ... التيم بتاعك ده أوعك تجيب فيهو جلا ولا حتى يجيب الكور من بره ..
* جبريلا ... ياخ أعمل عمر كشــاح لباقى القصة ... شنو الشحتفة دى
* ود الشــادى ... تعااااااااااال ... جلال ســاعد يســين بى جكـــة ..
* انت ويييين يا البادى الطااال غيابك ..؟
| |
  
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
عدنا يا منص...
تمشينا على ساحل الأطلسي في معية شيخ الطيب..
كنت أتمهل قليلا للاستمتع بحديث وحركات وسكنات الرجل..
هذا إذن هو (مصطفى سعيد)..
هذا هو من شغل الناس وملأ الدنيا..
لا أدري إن كان ما يحدث الآن هي من سخريات الأقدار أم شئ آخر..
أن يستأذن هذا القامة القوم ليتمشى معي على شاطئ الأطلسي..
هذا لعمري أمر أندر من أسنان الدجاج..
قروي مثلي يحظى بكل هذا الكرم..
أسعدتني هذه المحبة التي أسبغها علي الرجل..
وقف الرجل ووضع يديه على خصره وراح يتأمل الأطلسي..
حينها فقط تذكرت كلماته:
"إنني أعرف هذا العملاق الأخضر اللامنتهي، واستمرأت طيلة الرحلة ذلك الإحساس في أني في لا مكان، وحدي،
أمامي وخلفي الأبد أو لا شئ وصفحة البحر حين يهدأ سراب آخر، دائم التبدل والتحول،
مثل القناع الذي على وجه أمي.."
ونحن نتأمل صفحة البحر تلك.. مرت بقربنا فتاة في مقتبل العمر..
ينهدل جيدها على كتفين تنوء تحت وطأة صدر ناهد..
خصرها يمكن أن تحيطة بالحلقة التي تضعها نساء (الماساي) على أعناقهن..
لها ساقان كتماثيل النحاس في متاحف الروم..
يميل كفلها لليمين.. لها وجنتان كحبتي كرز..
أثار جمالها ثلاثتنا..
- شيخ الطيب: بالله يا طلحة شفت البت سمحة كيف
- طلحة: يا شيخ الطيب الجمال هنا مبعثر..
- يا طارق يا ولدي شوف ليك طريقة تقعد في البلد دي.. الناس ديل الله راضي عليهم
- طلحة: ههههه ياخي دة شايقي مجنون قال عايز يرجع السودان ما عايز يغترب.. حاولت اقنعه يقعد هنا لامن يلقى ليه طريقة مخارجة
- شوف يا ولدي الغربة دي مؤلمة لا شك.. لكن برضو عندها محاسنها والسودان هسي تحت قبضة ناس ما معروف يمشوا بالبلد وين..
دحين اسمع كلام اخوك دة.. ياخي شوف البت السمحة دي موش تخليك تقعد هنا طول عمرك..
- والله يا شيخ الطيب انا من النوع الما بعرف يعيش خارج محيطه.. فعايز امشي أجرب وربك يسهلها
- طلحة: ياخي عنده رأي صادم في غربة الخليج
- مالو الخليج يا طارق..
- يا شيخ الطيب الخليج الحياة فيه واقفة وارتبط بذهني بـ(الكروش وريحة ون مان شو)
- طلحة: مالك ابيت تقول الفنانيس.. خجلت من شيخ الطيب
- شيخ الطيب: هههههههههههه يا ولدي الفنانيس دي بنسويها برانا، انا قعدت في قطر فترة طويلة ما كان عندي فنانيس ههههههههه
خلاص أمشي جرب ولو ما نفع معاك تعال راجع لي أخوك دة..
تذكرت كلماته تلك في طريق عودتي إلى المغرب بعد خمسة أشهر..
(هؤلاء الناس) قادوا البلد إلى القحط والخراب..
ولا زالوا (يعوون) في الإذاعة: أيها الشعب السوداني البطل
التي حولها المغلوب على أمرهم: أيها الشعب السوداني الفضل
....
ذهبنا إلى إحدى المقاهي قبالة الأطلسي.. كان طلحة قد بدأ مع الرجل فكرة كتاب يؤرخ لمسيرته
ومرة أخرى قيض لي الحظ أن أكون شاهدا على كل تفاصيل الكتاب (على الدرب مع الطيب صالح)
أدار طلحة جهاز التسجيل وبدأت سجالاتهما..
تراجعت أنا إلى الخلف منصتا.. لا شك أن الرجل من طينة أخرى..
أشعل الرجل سجارة وبدأ هادئا..
وظللت أنا أرقب حركاته وسكناته وسرحت بخيالي:
" أي شئ جذب آن همند إلى؟
رأتني فرأت شفقا داكنا كفجر كاذب. كانت عكسي تحن إلى مناخات استوائية،
وشموس قاسية، وآفاق أرجوانية. كنت في عينيها رمزا لكل هذا الحنين.
وأنا جنوب يحن إلى الشمال والصقيع"
القدر حين يكون سخيا معك يفجأك بأشياء لا تخطر على البال..
هاأنا ذا أمام رجل لم زحلم يوما بلقائه.. لكن القدر مارس إحدى أجمل هداياه..
منذ ذلك اليوم بدأت علاقتي بالرجل.. استمرت ما يقارب العقدين من الزمان..
ضحكنا كثيرا وتحدثنا كثيرا ومرت الكثير من المياه تحت جسر الوطن..
أحسست بنشوة المنتصر وأنا أودع الرجل على أن ألتقيه في المساء في قاعة الندوات في مهرجان أصيلة..
رجعت إلى (رؤى وسلمى) لأمارس (عمومتي) عليهن..
كانتا سعيدتين بوجودي وطلبتا مني الذهاب معهما إلى البحر صباح الغد
- طلحة: انت عندك مايوه ولا شنورت
- طلحة إنت باقيلي جنيت مايوه شنو وشورت شنو.. عندي عراقي وسروال جديييييييد بي تِكِي طويييييلي..
- يا زول تكة شنو هنا العوم عنده قوانين انت قايلو طلقيتة زي عوم البلد.. بعد نمشي نشتري ليك شورت وبكرة نمشي البحر الصباح
عشان نتفرغ لي شيخ الطيب في المساء..
(نان هو كان يوم في البحر)
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
Quote: - يا شيخ الطيب الخليج الحياة فيه واقفة وارتبط بذهني بـ(الكروش وريحة ون مان شو)
- طلحة: مالك ابيت تقول الفنانيس.. خجلت من شيخ الطيب
- شيخ الطيب: هههههههههههه يا ولدي الفنانيس دي بنسويها برانا، انا قعدت في قطر فترة طويلة ما كان عندي فنانيس ههههههههه |
تراكــا شــفت صور ناس الخليج كلهم
كدى ورينى واحد عندو كرش ولا فانووووس ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
الطيب صالح , كان مقلا وبخيلا فى تصريحاته ذات الشأن السياسى
يخيل الى , لأنه كان مشغولا بهم اكبر
حتى انه عندما (طلع من علبه ) , واطلق تصريحه الشهير
والذى اصبح فيما بعد (مانشيتا ) مأثورا عند الكثيرين
(من اين اتى هؤلاء ؟؟؟)
والذى نشره فى مقالته الأسبوعية فى مجلة المجلة -الصفحة الأخيرة على ما اظن -
هذا التصريح , نزل بردا وسلاما على الكثيرين , لأنه كان تلخيصا لواقع الحال
هنا يأتى حديثه الودى على ضفاف الأطلسى صحبة طلحة وطارق , كنادرة اخرى من نوادر تصريحاته ذات الصبغة السياسية
حضرت له لقاءا جامعا فى الرياض , تسعينات القرن الماضى
تحدث حديثا ادبيا جزلا ومتفردا , تطرق لكل شىء , وسألناه عن كل شىء
افاض فى الحديث فاطربنا , الا انه رحمه الله , عندما كان يطلب منه حديثا سياسيا صارخا
كنت تحس انه يفضل الأنين المكتوم
ولكن ضفاف المحيط , وخفقانات الصدور الناهدة , والتى تئن بحملها (خاصرات تستخدم دبل الخطوبة حزاما ناسفا )
قادرة على ان تفك اسر الألسن (المعقودة )
اقول ليك حاجة يا زول , طريقتك دى لا نافعة معانا ولا شيتين
ما بنقدر على سياسة (حبة عند اللزوم دى )
كب لينا الشغل ده فى اى حتة , ولا ورينا عنوانو وين
وانت طوبة ما تعتر ليك
شلهتنا يا مسخوت المساخيت
هسى اديك كده فى صلعتك الكبيرة دى !!!!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
سلامات يا ناس
| Quote: * يا كوتش ... حكيك صار شحيح .. والبخل ما من صفاتك ... |
محمد عيد .....سلام
والله العظيم يُحزننى حال المنبر حقنا العملنا باختيارنا...انا احكى بى هناك
وبرضو ما بقول زى طارق ونجيلة انو صعب على اجى بى هنا ....انابجيكم بى هنا
للقاكم ...وما حأنقطع ....المهم تقبلونا كما نحن....
وادعو الناس الما صعبة عليهم المساسقة يجوا بى هناك
لك ولجميع مودتى.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
يا ود عيد ...
الاستراحة والنكت قاااااااااااعدة
بس ولدنا طارق جبريل ... ما مضمون
خليكم حارسنو ....
عشان كده قلنا ... نفضي ليهو الطريق ...
Quote: تذكرت كلماته تلك في طريق عودتي إلى المغرب بعد خمسة أشهر..
(هؤلاء الناس) قادوا البلد إلى القحط والخراب..
ولا زالوا (يعوون) في الإذاعة: أيها الشعب السوداني البطل
التي حولها المغلوب على أمرهم: أيها الشعب السوداني الفضل |
===================
ود عيسي ... والله انا فهمتك طوالي ...
بس حبيت اختها واضحة لسؤال ولدنا زهير الزناتي
ولكن اندهشت فعلا ... انك جليت نص الشلة ...
وانا زيك ...
راجين النضيف ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
Quote: - طلحة: انت عندك مايوه ولا شنورت
- طلحة إنت باقيلي جنيت مايوه شنو وشورت شنو.. عندي عراقي وسروال جديييييييد بي تِكِي طويييييلي.. |
فى زمتك ما عندك صورة بالمايوه فى البحر ..
انا غايتو اتخيلت شكلك وذكرتنى الفاضل سعيد لما لبس المايوه
فى فلم رحلة عيون مع صلاح بن البادية وسمية الالفى
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
يا كوتشينا , يا غاية الآمال , لو تعرف الشوق
انت بس زول مرهف زيادة عن اللزوم يا جميل يا سادة , يا وضاح المحيا
اتلفت يوم شفته , ما قبلان تحية , من دلالو ولا مالو , خلى نيران قلبى حية
الحروف ياها الحروف , يا اعز عزيز
ما بيضيرها تتخت وين , وكمان زولنا اب صلعة ده , مخه ناشف جنس نشافة
تقول شنو بس , شايقى كرت كرتونة , لقى نفسه فى بحر المحيط , وجنبو (البتاعات ديك تهتززززززززززززززز)
عليك الرسول , وماليهو حق يتجنن ويركب راسو قدر ده
عموما الونسة الدقاق مع الونتوهات , بى هنا
الحاجات الجميلة البى صمة خشمها , بى هناك
حتى كتابات الود المسخوت السمحة البى هنا دى , يا محمد عيد , اعمل ليها كوبى بيست فى بوست منفصل بى هناك
جنبا الى جنب مع كاى المربع , واغانى الدبرسة , ولمن فاته الأستماع
قايلنا سائلين فيهو ولا ماشين ننتظر موافقته ولا اذنو
كبها يا محمد عيد , احى منننو لو كانت عندى كلها , كنت نشرتها بى هناك قبل ما يخلصها بى جاى
نقول هذا ونعلن اننا نحب الحوشين , ونعشق شاى الصباح البى جاى , كما نحب صينية الفطور الفى ضل مسطبة الجاويش البى هناك
تعرف زولك المسخوت طارق ده , هسى عامل ليهو حوشا تانى بى فجة (يقولولها الفيسبوك ) , مسميها حكاوى طارق جبريل
هسى من حظنا انو بكرى مزعلو بى هناك ومغيب ليهو ناسا عززززززاز عليهو
اها قام جاب لينا كلامو الحلو ده بى جاى
اها مش جابو , انحنا بنختوا فى الحتة البتعجبنا , نتونس بيهو هنا
ونحفظه للقراية والأستمتاع بى هناك
محمد عيد , كوبى -بيست -فوتو -شوب سريع بى هناك
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
تتذكروا يا جماعة , صورة البت بتاعت الخطوط الأثيوبية الزمااااااان
يمين الصورة دى , تستحق اوسكار احلى صورة على مر التاريخ
مش عشان جمال صاحبتها
ولا عشان زيها القومى الحبشى
ولا عشان طولها الفارع وعيونها الغلاد
ولا عشان الطيارة الشاقة السحاب الجنبها
شاقة السحاب شنو ؟؟ يمين ما تعرف الشاقى السحاب منو فيهن ؟؟الطيارة ولا البنية ذات (كاريزما الأنوثة الطاغية )
هى صورة ناطقة بمعنى الكلمة , وتجدها -ماتزال - فى مكتب الخطوط الأثيوبية الفى شارع الجمهورية
وفى مكاتب الخطوط الأثيوبية , فى شوارع اديس ابابا المحتلفة
وبما اننى ازعم اننى احكى عن (جمال الصورة ) , فان من تقع عينه عليها بسحابها وجمال صاحبتها الأخاذ
خاصة واذا ما كان الجو هجيرا قائظا , كما هو الحال معظم الوقت فى السودان , وكل الوقت هنا فى الخليج
فاننى قادر على الزعم ايضا , ان معظم الدخل السياحى لدولة اثيوبيا الحبشية , خاصة من السودانيين
ناتج من مشاهدتم للصورة ديك
لذا فان من صورها , واختارها , ونشرها , وختاها فى مكاتب سياحتهم وخطوط طيرانهم , زول عبقرى عدييييل
لو كتب شنو داك , كتب ومجلدات ,فان ما سيكتبه وبقوله سيظل قاصرا عما قالته تلكم الصورة
لمن النور صاحبى كان بيحاول يقنعنى , منتصف مايو 1993 , انى امشى شهر عسل لأديس ابابا
ووصل الأمر به ان قطع لى التذاكر بنفسه على اساس (الرياض جده اديس ابابا الخرطوم اديس اباب الخرطوم تانى اديس ابابا تانى جدة الرياض )
فان ما ساهم (مع الحاح النور) على قبولى بهذا الروت المتعب للرحلة , هو خزينى من تداعيات (تلكم الصورة )
وعندما علمت انه قطع لى التذاكر على (اللوفتهانزا ) , قربت احرن وآبى ليهو عدييييل
لأنو ضرب صورتى فى مقتل , وصورتى مربوطة ذهنيا مع الخطوط الأثيوبية
فاستجاب لى النور وقسم البلد نصين , نص الرحلة لوفتهانزا , ونصى بتاع شهر العسل (بالأثيوبية )
فاعاد لى بذلك سلامى النفسى , وتصالحى مع ذاتى , واعتمادى على (مخزونى الأستراتيجى ) من تلكم الصورة
انتو عرفتو الصورة مش كده ؟؟؟عرفتها يا حاتم جبارة ؟؟؟عرفتها يا انت يا هناك يالقاعد فى آخر كنبة ؟؟؟ ما تخلى بالك معانا ياخ
لو عرفتوها ومتذكرينها , وعاوزين تكونوا مع مبارك جادين فى اجازته
ولا تقطعوا تذاكر ولا تحجزوا فنادق
بس
صورتك الخائف عليها
* ياربى طارق بيجينا صادى الليلة تانى , ولا لى بكرة ؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
كمال الشادى , لأنو طول منكم
قال ما حا يرجع , الا بمفأجاة (خماسية الأبعاد )
ابو الزفت
ثلاثية الأبعاد وعرفناها , مى ياها الثرى دايمنشنز
الخماسية دى , يطرشنا ويعمينا
عموما بعد ما عكلت ليكم فيهو , واتشعبط ليكم فى ضهره
ورانى بعدين بس (ضموا الباء بتاعت بعدين )
من الأبعاد الخمسة
يا لطيف يا لطيف
خمسة منهن , عاد ما بيكتلوا ليها زول يا كمال الشادى
خاصة مع الحاجات البتتهز جنب المحيط دى ؟؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
يا ديدو ياخي لو نزلنا صورة الشورت بتقول الزول دة مولود في موناكو
بعدين قصة الكروش دي خليها مستورة
يا جورج ياخي النبي فيك ما تزعل
غايتو انا كان لقيت طولة بالك دي يمين اقدكم بهناك
يا نجيلة شوت نكتك ساكت يا حبيب
الامور بتمشي بي كل الجهات
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
| Quote: * ياربى طارق بيجينا صادى الليلة تانى , ولا لى بكرة ؟؟؟؟ |
بجيك انا يامنصور انفع ....
صحي ما عندي حكياً طاعم متل الليلكم انت والمسخوت جبرييلا
ولا كليمات حالمة ووادعة متل الليلت الكوتش ....
لكن كمان فوانيس عبدالدائم دي ما بتتفوت ....
قال فانوووووس قال ...
عليكم الله عاينو جنس دا :
Quote: تراكــا شــفت صور ناس الخليج كلهم
كدى ورينى واحد عندو كرش ولا فانووووس .... |
عليك امان الله ضحكت كما لم يفعلها احد قبلي ولن يجروء احدا بعدي
يالمطرطش مفردها "ف ن ي س ة"
وتعني تماما كما قصدها جبرييلا ... وانكرها شيخ الطيب
دحين أسأل جبريلا من معناها ...
ولا اقول ليك ...
انت ما سمعت بي فلان عندو اوضة وبرندة ...
بس ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
سلامات يا ناس
Quote: يا جورج ياخي النبي فيك ما تزعل
غايتو انا كان لقيت طولة بالك دي يمين اقدكم بهناك
|
يا حبيب ....كيفنك
يا خى مافى حاجة بتزعل ....وانا ابداً ما زعلان من زول
انا فقط حزين لحال المنبر .
فعلوا ما بدا لكم وانا سأظل ملتصقاً بالمنبر إلا أن (أزعل)
وبرضو بجيكم بى جاى.....
اصلوا لما اخش بفتح اربعة نوافذ...وبكون شغال اتنقل بينها
وهى عملية ما صعبة ولا بتقوّم النفس....
الإشكال الما بتعالج هو عدم الرغبة ...والإشكالية الأكبر انو
عدم الرغبة وصل الى مرحلة العدوى....التى أُصيب بها الكثيرون
....يلا ما حدش ماخد منها ايتها حاجة.....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
كلامك بقى احرش الرسول يا دودي كان تنزل لينا صورة
برندات جده دي النشوفها !!!و الله خايفنها تكون دورين ؟؟؟
طارق جبريل واصل بقيت تدينا ليها بالقطارة و لا شنو ؟؟
يا شباب زهير دا مالو افقدوه يا الرشيد ما يكون رجع سماك
دوان بعد توجيهات الكوتش بالعودة للمنبر و الله يا جنابو
الموضوع ما هو موضوع قصد و لا عدوى الموضوع انو الوقت بقى
ممحوق و اللحظة الواحد يقدر يطب علي النت او حاجة بمشى المنبر
العام من أجل الشمارات و بعدين بلقى نفسو مباشرة في حوش ناس
الزقازيق ولكن ليك منى وعد ان نجاهد انفسنا و نحرر ابييي قريبا
في منبر ناس الزقازيق و اها دي الكسحة يا شباب نتلاقي في دار
الاتحاد !!!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
عموما يا جبريل في مثلث كاي إندنا (تجارة-حقوق - آداب ).
بابو نهي ما مروا علينا إلا لو بعد 88 الله ربك تعلم .
الشي التاني انت يا جبريل قلنا ليك احكي لينا القصة و الحاجات
السمحة بتاعات الكورنيش المرت عليكم انت وطلحة الراجل الطيب صالح
دا تقوم تنزل لينا الظواهري بتاع المغرب يا صحبي انت لو عايز تنزل
نزل صورة بتاعت الكورنيش العجبت الطيب صالح ديك مالها و الله ذكرة الشباب
تشتغل ليك تش و تسمع كلام يعجبك و العجب صحبي الطاشي شبكة في ابيي (جلا)
يعمل فيها شاعر عديل ( نفسى اعرف هو وين اليومين دي أكيد راقدلو فوق راي ).
الصفحة دي زي ما قالو ليك الشباب للتوثيق علشان كده ما شايف ناس زهير بقوا
مكسراتي عديل كده !!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
يا طارق خذ حكاية صاحبنا المغترب يمكن نجق ليك عين من عيون المنهل لديك
لتمتعنا بفاصل آخر
واحد مغترب بالسعودية نزل إجازة قبل عشر سنوات في حي الثورة بأم درمان
تجمع عنده أصحابه شيء كشاتين وآخر قزقزة ومزمزة معاه وصاحبنا فتح قلبه
يحكي عن بعض الأشياء التي عايشها بالسعودية عن السيارة الأوتوماتيك وكيف
الواحد يسخن سيارته من على البلكونة بالريموت كنترول وحكايةالتعامل مع
المكاين لشراء البيبسي والذي منه ، أصحابه كل واحد يشوف للآخر من هذه الحكاوي
عند نهاية الإجازة واحد من أصحابه ذهب معه المطار ليودعه ، في المطار لاقوا
صدفة زميل آخر من الحلة ، الزميل سأل المودع : شنو الجابك المطار اليوم
بدري كده؟ رد المودع : اليوم ابو دليبة مسافر جيت أودعه
شفت ياطارق شيء كروش وفنانيس وآخرتها أبو دليبة الما بتثتثني أي مغترب حتى
لو في المغرب .
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
بسم الله أصبحنا وأصبح الملك لله الواحد الأحد
اللهم نسألك خير هذا اليوم فتحه ونصره ونوره وبركته وهداهـ
ونعوذ بك من شره وشر مابعده.
اللهم نعوذ بك من شر أنفسنا ومن شر الشيطان وشركه ، اللهم نسألك
العفو والعافية في ديني ودنياي وأهلي ومالي
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
كثير من الوجوه تعبرنا مصبحه مبتسمه مقطبه سارحه وكم من صباحات
نرسلها ونبثها من نحب صباحكم فل وياسمين وكادي صباحات زاهيه
ونديه لكم كل المنى *
ود جبرين ايها المتدثر بثوب الشيخ الطيب صالح اشتم رائحه الكليت
والشاف واسمع رنه ضحكاتك ممزوجه بضحكات بت مجذوب وطعم
قنديل بنقط في العسل ياريت شرابي
في الانتظار
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عمر المهدى)
|
سلام يا أهلنا
يبدو انكم ما عرفتوا الناس الفوق ديل
الأولاني: د. أبو ذر الباقر خريج بيطرة ويعمل في السعودية
الثاني: د. عثمان عبد الباقي (عثمانوما) كان يعمل في السعودية ورجع السودان نهائي
ود اسماعيل قصتك تحير يعلم الله
والمهدي الطب صالح عرفناهو
الشاف والكليت ديل بجهجهوا باكاتنا ياخي
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
صبحكم الله بالخير
يا ريس حقو الليلة تسلفنا دعاء دعائين كده نرش بيه الناس ديل...
فاليوم زياده على المشغوليات الطايوق (مستلفه من الكوتش) ما ياهو...
يكون داير ليهو زيت صباح يا ربي و لا قدله في رمال الأطلسي...
حتى لو هنايه ديك المره برونزيه و مره نحاسيه ما جات ماره...
و لا امكن مطره زي بتاعت الكوتش...الكوتش قال صباح خريفي و هي مجرد كتاحة...
يعني لو نقطت ليها نقطتين كان الكوتش قال صباح تسونامي...
أنا عايز لي أي حاجه ان شاء الله أمشي ألحق جلا في منتجع (نسيت اسمه)...
لكن عارف انه في مدني قريب من كبري حنتوب...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
سلامات يا ناس
Quote: و لا امكن مطره زي بتاعت الكوتش...الكوتش قال صباح خريفي و هي مجرد كتاحة...
يعني لو نقطت ليها نقطتين كان الكوتش قال صباح تسونامي |
والله دى حسادة ديل...
نحن قلنا خريف ...مطر عديل
ممكن تسأل مراقب.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
نسأل هلالاب الداخل وعلى رأسهم الكوتش
الحاصل شنو الهلال ده ضارب الخلق أخماس في اسداس
هل تطورت الكورة في السودان وتطورت فرق المقدمة
ولا يكون السبب تدني باقي الفرق،،،،،
بدأنا الأيام دي نتابع قناة قون السودانية ،،،،
======================================
بكرة يا رب نسمع جلا رجع
وكمال الشادي جا،،،،،،،
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
سلامات يا ناس
Quote: هل تطورت الكورة في السودان وتطورت فرق المقدمة
ولا يكون السبب تدني باقي الفرق،،،،،
|
يا ريس ...مساك طاعم
تعرف القصة محيِّرة...ومافى مقاييس.... المدرب حسن المصرى كان
بيقول كورتنا قسمة ونصيب....
احياناً بشوف لاعبين من الهلال استغرب كيف سجلوهم فى الهلال!مرات
اجى القاهم ديل ذاتم احسن لاعبين فى الهلال.!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: معتصم جعفر)
|
الاحباب خميسكم مبارك ونسال الله ان يستجيب الدعاء اليكم دعاء يوم الخميس
بِسْمِ اللّهِ الرَّحْمنِ الرَّحِيمِ
الحَمْدُ للّهِ ِ الَّذِي أَذْهَبَ اللَّيْلَ مُظْلِما بِقُدْرَتِهِ ، وَجأَ بِالنَّهارِ مُبْصِرا بِرَحْمَتِهِ ، وَكَسانِي ضِيأَهُ وَأَنا فِي نِعْمَتِهِ .
اللّهُمَّ فَكَما أَبْقَيْتَنِي لَهُ فَأَبْقِنِي لاَمْثالِهِ ، وَصَلِّ عَلى النَّبِيّ مُحَمَّدٍ وَاَّلِهِ ، وَلاتَفْجَعْنِي فِيهِ وَفِي غَيْرِهِ مِنَ اللَّيالِي
وَالاَيّامِ بِارْتِكابِ المَحارِمِ وَاكْتِسابِ المَآثِمِ ، وَارْزُقْنِي خَيْرَهُ وَخَيْرَ ما فِيهِ وَخَيْرَ مابَعْدَهُ ، وَ
اصْرِفْ عَنِّي شَرَّهُ وَشَرَّ مافِيهِ وَشَرَّ مابَعْدَهُ . اللّهُمَّ إِنِّي بِذِمَّةِ الاِسْلامِ أَتَوَسَّلُ إِلَيْكَ ،
وَبِحُرْمَةِ القُرْآنِ أَعْتَمِدُ عَلَيْكَ ، وَبِمُحَمَّدٍالمُصْطَفى صَلَّى اللّهُ عَلَيْهِ وَاَّلِهِ اسْتَشْفِعُ لَدَيْكَ ،
فَاعْرِفِ اللّهُمَّ ذِمَّتِي الَّتِي رَجَوْتُ بِها قَضأَ حاجَتِي ، ياأَرْحَمَ الرَّاحِمِينَ .
اللّهُمَّ اقْضِ لِي فِي الخَمِيسِ خَمْساً : لايَتَّسِعُ لَها إِلا كَرَمُكَ ، وَلايُطِيقُها إِلا نِعَمُكَ
: سَلامَةً أَقْوى بِها عَلى طاعَتِكَ ، وَعِبادَةً اسْتَحِقُّ بِها جَزِيلَ مَثُوبَتِكَ ، وَسِعَةً فِي الحالِ مِنَ الرّزْقِ الحَلالِ
، وَأَنْ تُؤْمِنَنِي فِي مَواقِفِ الخَوْفِ بِأَمْنِكَ ، وَتَجْعَلَنِي مِنْ طَوارِقِ الهُمُومِ وَالغُمُومِ فِي حِصْنِكَ ،
وَصَلِّ عَلى مُحمَّدٍ وَاَّلِ مُحَمَّدٍ ، وَاجْعَلْ تَوَسُّلِي بِهِ شافِعاً يَوْمَ القِيامَةِ نافِعاً ، إِنَّكَ أَنْتَ أَرْحَمُ الرَّاحِمِينَ
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عمر المهدى)
|
فرصة ... الصفحة جديدة ... واليوم خميس ... وطارق جبريل غائب ...
حكمة اليوم :
إذا نكتنا جديدة .... أدينا بنضحكم
وإذا قديمــــــة .... أدينا بنذكركم
للفيلسوف جلا العيساوي ...[/bold/]
الشوايقة: شايقى مغترب فى الخليج عشرين سنه رجع السودان ظابط الشماغ الخليجى وركب التاكسى واللسان خليجى تب - قال لى بتاع التاكسى الله يرضى عليك أبغي الثوره - وفى الطريق الونسه كلها باللهجه السعوديه: والله بلدكم زينه ... وسوالفكم حلوه ... وديرتكم هواها زين - بتاع التاكسى إحتار معقول فى سعودى مشلخ شايقى ولما وصل الثوره قال لبتاع التاكسى الله يرضا عليك نزلى القش تبعى هذا هنا - ولما نزلو قال للتكاسى كم يسوى المشوار؟ قال ليهو خمسين ألف ورد صاحبنا مذهولاً… فييييييى شينو ؟ ======== تمساح خاتي ليهو كوم ليمون جنبه يقشر ويأكل . . . جاء تمساح سأله مالك يا تماسيحو ان شاء الله خير . . قال ليهو والله اتغديت لي بي شايقي عامل لي طُمام . . . قال ليهو اجيب ليك دواء استفراغ . . قال ليهو المشكلة لا معدتي دايرة تهضمه ولا الدنيا راضية ارجعه ليها تاني .... =========== الحلفاويون: حلفاويه راكبه القطر قالو ليها لمن تصلى أبوحمد خشمك عندك ماتنضمى يقوموا يرزعوك بى كلمه تسمم بدنك - قالت ليهم سمح ياوليداتى - والحاجه دخلت فى نومه عميقه فى القطر والساعه أربعه صباحاً القطر وقف فى محطه فتحت الشباك شافت ليها بت صغيره شايله شاى وتكورك شاى بى لبن قالت ليها تعالى يابتى شايك ده بى لبن شنو البت قالت ليها: لبن عشر - الحاجه إستدركت قالت ليها سجمى دى أبوحمد؟؟؟- البت قالت ليها: لأ ... دى أبوظبى!!!! ======== الرباطاب: دار الحوار التالي بين الرباطابي وابنه: الولـــــــــد : يابا يابا شوف الفار الرباطابي : تقول لي الفار نان قايلني كديسي الولــــــــد: نان يا يابا انا قلت ليك اكـــــــــلو ؟ ========== اسرة رباطابية معزومين عشاء والسمك ريحتو ضاربه - بي شفقتم شوك السمك طعنهم - ابوهم قال لي سيد البيت: انت عازمنا عشا ولا فحص ملاريا ========== رباطابي ولدو بتعلم في المشي بمسك في السرير ويمشي من الأول لأخر السرير ويرجع- ابوه شافو قال ليهو ياولد بفتش لي إذاعة لندن ========== رباطاب بحفرو في قبر مرّ بيهم الجنوبي البتعلم في العربي قال ليهم البكاء ده هنا ولاخبر من البلد قالو ليه: خبر ... الا جينا ندفن التلغراف ========== الجعليين : الجعلي شايل سيجارة وما عندو ولاعة شاف ست الشاي وكانونها جمروا ملهلب قال يمشي يولع السيجارة منها : الجعلي : ممكن اولع السيجارة ست الشاي شالت الجمرة بيدها وهي تقول : انا من جعلية المتمة .ومدت الجمرة للجعلي ، الجعلي شال الجمرة بيده وولع السيجارة ورجع الجمرة لي ست الشاي , وبحركة سريعة شال براد الشاي (الكفتيرا) من النار وقعد في نص الجمر وقال ليها قلتي من جعلية وين .؟ =========== قالو ليكم جعلي ركب مواصلات الخرطوم امدرمان ومع السخانة بتاعت الجو صاحبنا مسخن وما عاجبو ليك الحال وقاعد جنبو واحد هدندوي وشغال ليك لي الهدندوي نحنا ناس المك نمر نحن ناس الحارة ونحنا ونحنا وداير الهدندوي يتكلم باي طريقة عشان يشاكل معاهو والهدندوي ساكت ساي بس لامن البص وصل امدرمان قام الجعلي قال لسواق البص بالله محطة الدايات يازول بس اول ما الجعلي نزل والباص بقى متحرك قام الهدندوي طلع راسو بالشباك وكورك ليهو : عليك الله حسي دي محطه ينزل فيها راجل =========== جنوبييين : جنوبى راكب فى البص يقرأ فى جريده جارو قال ليهو الساعة كم؟ الجنوبى مارد عليهو تانى سألوا وبرضو مارد عليهو قام الراجل لكزو قال ليهو انت مندمج ولا شنو؟ الجنوبى قال ليهو لا من واو ========== المساطيل : مسطول قابل مسطول ساله انا شفتك وين قبل كده؟ رد ابدااا ما متذكرك المسطول الاول رد غرررريبة انا برضو ما متذكرك - تعرف ديل بكونو اتنين غيرنا ============ واحد مسطول بيشرب سجارة وبيرجع البيت يفتح الباب بالمفتاح و يرقد ينوم – مرة كان مقرش اشترى سجارتين ولع واحدة ونسى التانية لما رجع البيت عاوز يطلع المفتاح طلع السجارة التانية استغرب و قال ياربي أكون أنا شربت المفتاح ========= مسطول بيشاغل في واحدة لونها اسمر قاليها : وين يا بيبسي ؟ قامت تفت عليهو . قاليها : وكمان بتفوري .. ============= مسطول ماشي في غابه قام لحقو اسد المسطول جاري والاسد جاري وراهو المسطول لمن تعب قال للاسد تعال اكلني تاكل السم .. ============ مسطول دخل يدو في موية نار طلعا لقاها مافي دخل راسو يشوفا مشت وين .. ============ نكات ( رجال زوجاتم هارشاتنهم) ناس هرشة دوت كوم ...
وإهداء خاص لكمال الشادي .... ومني عباس ....
قالوا في مدير شركة عايز يعرف الموظفين المعاهو. هل نسوانم هارشاتنهم زيو والا لا؟
فقام أشترى عدد من البطيخ وعدد من السيارات الكامري أخر موديل. وجمع الموظفين ،
وقال أي واحد مرتو هارشاهو يشيل ليهو بطيخة ، وأي راجل مرتو ما هارشاهو، يشيل ليهو مفتاح سياره كامري على Zero .
الموظفين كل واحد منهم شال ليهو بطيخة وخرج ، ماعدا واحد فشال ليهو مفتاح وركب سياره كامري ومشى البيت فرحان ...
وفى البيت المره شافتو فرحان، فسألتو ، مالك الليله فرحان كده ياراجل؟
فقال ليها اليوم المدير قدم لي هديه سياره ، قومي شوفيها ، بعد ما شافته ،
قالت ليهو مالقيت غير اللون الأبيض ده أرجع شيل ليك واحده لونها يكون بالأحمر ،
فرجع الشركه وقال للمدير أنا عائز ابدل السياره ده بلون أحمر.
فسأله المدير مشيت البيت ؟ فأجاب نعم ...
فنهرو المدير، وقال ليهو خت المفتاح ده هنا ... وشيل ليك بطيخه !!!
================= قالوا في واحد مرتو هارشاهو، فجاء اليوم داك شايل ليهو كديسة ، دخل البيت وقابل زوجتو فقال عليك الله شوفى الغوريلا دي !!! فردت الزوجه انت ياراجل مانصيح دي كديسة ما غوريلا ... فرد عليها الزوج أنتي البتكلم معاك منو أنا بتكلم مع دي واشار الي الكديسه!!!! ==================== ادروبات : ادروب لقى كرتونه مرقة ماجي...لم فيها بلع ساي ...ورمى الكرتونه... مسكته قبضة من أبو كديس ديك... مشى المستشفى الدكتور سألوا...أكلت شنو يا ادروب... قال ليه: (بسكويت أبو ديك أكلنا) منوعات : غبي مسكه المرور لأن لوحة سيارته الأمامية تختلف أرقامها عن الخلفية. قال له العسكري ليه عامل كدا ؟ رد عليهو : هل وشك زى قفاك؟ ============ كلــــــــــب بلدي شاف كلــــــــــب بوليسي مركبنو فى العربيه وأخر تسريحه للشعر ونظافه .... البلدي قام قال مشكلتنا بس ما كملنا تعليمنا ................. ============= واحد ايمانوا ضعيف وفى نفس الوقت غبى جدآ اتلموا فيهو عشره شياطين...... واحد يوسوس وتسعه يشرحو ليهو.....! ========== [/bold/]
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
صبحكم الله بالخير
أكتر يوم بكون حريص أكتب فيهو و لو نص مداخلة هو يوم الخميس...
عشان ما يجو ناس الشمارات يقعدوا يقولو آي الليلة الخميس مافي زول بيجي...
خصوصا بتاع السلع الماشي أبو ظبي داك...
و مرات يشار الي بالمنطط عيونو...
و بيني و بينكم الزمن ما في صالحي...
عايز أكتب و عايز اتخارج في نفس الوقت...
ممكن يجي واحد يكتب لي عادي..
لكن ما ممكن يجي واحد يتخارج لي...
كنت عايز أوصي زهير يكتب لي..
لكن قلت هو زهير خليهو اليكتب لي نفسه الأول (وش نمس)..
البوست ياهو...
و الناس البتجي تكتب ياها...
و المقادير ياها...
لكن زهير ده ما ياهو...
التحية للريس معتصم...
مداخلتك رغم انها مختصرة الا أنها معبره جدا...
يا نجيلة يا لذيذ...
في نكت ضحكتنا...
و في نكت ذكرتنا ليها...
الا أنها في مجملها مش ابتسامة..
قهقهة خميسية جميلة...
دي مداخلة يوم خميس سااااكت...
ودعتكم لي أمين الوداعة الما بخون الوداعة...
كنت عايز أقول منو البوصلني مسافة مقدره...
لكن قلت بيني وبين نفسي..
يا حليل رجال زمان الكانو بيوصولو مسافة مقدره...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
عدنا..
ودعنا شيخ الطيب على أن نلتقيه مجددا..
ودعني الرجل بأدب وتواضع كبيرين..
كان ذلك يوما مشهودا في حياتي.. خدمتني الصدفة خدمة جليلية لأكون في معية ((مصطفى سعيد))..
.....
دلفنا إلى الفندق وأخذنا الطفلتين في جولة على مسارح المدينة لنأخذ حقنا من البهجة..
كانت الفرق الشعبية تملأ المكان صخبا وبهجة..
المغاربة شعب له مقدرة عجيبة على الاحتفاء بالآخر..
يتقنون لغة الجسد بشئ من الدهشة..
أخذتنا جولتنا إلى مسرح كانت به فرقة برازيلية..
تحلق المغاربة حولها بصورة لافتة..
الكل كان يرقص..
إحدى الفتيات دخلت في مرحلة (حذب) حقيقي..
طلعت إلى المسرح وشاركت الفرقة الرقص..
عينان زرقاوان وشعر كثيف يميل إلى الحُمرة..
مواصفات (أندلسية) حقيقية..
شمال المغرب هو موطن بديل لكل الذين هربوا بعد سقوط الأندلس..
الجمال هنا طاغي وصارخ..
" إيزابيلا سيمور..
أحس بها إلى جانبي وهجا من البرونز..
أحس بها مدينة من الأسرار والنعيم..
وأنا صحراء الظمأ، متاهة الرغائب الجنونية..
وفي عينيها عطف مسيحي..
مع الشواء والنبيذ انفرجت أساريرها..
قال لها: لا بد أن جدي كان جنديا في جيش طارق بن زياد..
ولا بد أنه قابل جدتك وهي تجني العنب في اشبيلية ولا بد أنه أحبها من أول نظرة"
لا أدري ما الذي دفع بـ«ايزابيلا سيمور" إلى ذاكرتي..
ربما هذه الفتاة التي كانت ترقص وتتلوى مع (السامبا)
ترجرجت أردافها على المسرح.. شئ مثل الرخاما في أعمدة قصور الملوك..
طالبها الحضور بالمزيد.. راحت تنافس البرازيليين الذين يتحلقون حولها..
فجأة قفزت إلى ذهني قريتي (شبا) في البركل..
تذكرت رقيص اهلي و(ترتراتهم)..
حين يعلو صوت (الدليب) هناك ويدخل (عبد الوهاب الحلبي) و(علي عزاز)..
يفقد الجميع بوصلة الوقار.. وتأخذ دائرة (اللعبة) محرابا لنشوة الرقص..
كانت (سُمرتنا) فاضحة وسط القوم.. وكانت مصدر فخر لنا أيضا..
نحن من السودان أرض النيل (ذلك الإله الأفعى).. وبلد الطيب صالح..
شاركنا القوم بهجتهم.. تارة بالرقيص وتارة بالابتسام.. و(الحياة في طفولتها التي لا تنتهي)..
...
أخذتنا خطواتنا إلى (السويقة).. كان لزاما علي أن اشتري شورت و(سفنجة) خاصة بالبحر..
رجعنا الى الفندق...
انزويت انا في غرفتي أقرأ (الطيب صالح عبقري الرواية العربية)..
بقيت ساهرا حتى هدني النعاس وتركت لنفسي النوم في فندق كبار القوم..
هرعت إلى غرفتي الطفلتنا في الصباح..
يلا يا عمو: نفطر باش نمشوا البحر
نزلت إلى بهو الفندق وأنا اموت خجلا بهذا الشورت اللعين..
وجدت ان معظم القوم بالشورتات (موت الجماعة عرس)..
الطاولة كانت مليئة بـ(كيري ولافاش كيري والزبدة والعسل والكرواسون ونوع من الخبر الطري كمؤخرة الأجنة)..
وسألت نفسي: هل هذا فطورا أم تحلية..
تركت لنفسي أن تفعل ما يفعله الآخرون..
و(حليت) قبل أن أفطر..
وتوجهنا إلى البحر هناك حيث تضاريس الجسد تمارس الغواية..
هناك حيث تاه الفتى..
....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
ياه .... ياطارق ...
طارق بالله بطل مسكنة السودانين دي ....
الكتابات دي رواية وادب رفيع جدا
هنالك ... حيث تاه الفتى ... يصلح عنوان للرواية
يلا فليكن شغلك الشاغل من الآن نشر مؤلفكم الاول ...
وتجنا كلنا عون لك ... بس ات قول بسم الله وخت الرحمن في قلبك
-------
الرشيد ربنا يوصلك بالسلامة وتحياتي للعيال وامهم
-------
نجيلة اضحك الله سنك ياخي ... بس شايفك عصرت علينا
وختيتنا وش كمان
جبرييلا دا ما يقوم يزعل ويحرمنا من الابداع دا
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
ســـــــــــــــــــــــــــــــــــــــــــــــــــــــــــــــــــــــــــــــــــــــــــــــلام لكل الاحبـــــــــــــــــــــــــــــــــــــــــــــــــــــــــــــــــــاب وعزاز علينا
خميسكم سعيد
طارق خش الغريق وبطل (التضبضب) وبركه فى الوقت داك ما كان عندك (ف ن ي س ه) املط و احدب قفاك
وضحتك من نكات صديقك خير وبركه وجعلها الله فى ميزان الحسنات
ودعوات عمر عمر الله بها قلوب الجميع
جنابو دا مطر رشاش ولا كتاحه ؟ بس انشاء الله يكون نزل المطروبرد الجو
وفتكم بعافيه وخميسك لو تبيع قميصك
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: موسي الراجل)
|
يا جلال كيفنك
يا حبي شيخ الطيب صالح بنفسه قال هو ما كاتب
كمان داير تبقيني انا العفين دة كاتب
موسى الراجل كيفنك
يا حبيب لا تضيق شي
جاييك بالمهلة...
يا جماعة عايز انقل العفش دة برة في الحوش الكبير لكن خايف من منص
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
سلامات يا ناس
ونهاراتكم خريفية (دى لى موسى الراجل :مع تحياتى)
منوّر يا ريس الداخل....
ياسر نجيلة :فى اربعة من النكات (514×4)...لكن برضو ضحكنا.
يا جلال وين ياخوى ...محتاجين مواصلة لهذلول.
الرشيد :توصل بالسلامة...
طارق جبريل :مستمتعين ياخ بس حافظ على الاستمرارية وما تطوّل
تشحتف روح الناس.
ودالمهدى ....منتظرنك بى هناك.
Quote: جورج.. المداخلات سفينه نوح بس.. اتنين اتنين..
|
حاتم:سلام
دى غزارة الانتاج.
عمنا جبارة خبرو شنو ؟؟؟
وانشاء الله تكون اشتريت ليهو شيفرة دافنشى.
مداخلة طويلة لانى خايف تكون بيضة ديك.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
نجيله يا حبيبنا.. قلت لي الشوايقه بيسووا الطمام..
عشان كدا انا الخمسه سنين حقت الجامعه بطني طامه..
عشان ساكن مع الشايقي داك..
جورج.. غزاره في الإنتاج.. والمشاعر..
ياريس الداخل.. مراحب.. طولت المره دي في دبي..
حمدلله علي السلامه ياخ..
بيجو.. أنا غايتو مسامحك كان مشيت بهناك..
والله ذكرياتك دي تستحق النشر العام..
وكفايه تمسحتنا بيها نحن في الأول..
واصل يا مبدع..
غايتو أنا فاكهتي المفضله.. هي البطيخ..
والكامري حقتكم ما دايرينها..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: موسي الراجل)
|
السلام عليكم وجمعتكم مباركة
بوريك طبك
الشيخ عبدالرحيم البرعي رحمه الله
بوريك طبك أحسن فيمن عاداك ومن يحبك أذكر إلهك يوت
لا تنـــــــــس ربــــــك أكــثـــــر لـــذكر الموت تلقابو طِبــَك
بل أنِـس إحسانك فيمن يحبك وتنـــــــاسى يوت لإساءة من يحبك
فيمـــــا يَهِمَــــــــــــك أجــــــعل جمــيع فكرك شُغلك وهَمَـك
ثم أحترم شيخك والدك وأمـــك والـحاكم العادل خالك وعمك
لا تــفـــــشــــى ســــــــــــــرك لكافة المخلوق لو يبقى سِرك
أخشى الذي يعلم جهرك وسرك كالأوليـــاء السادة ألحَالهم يَسُرك
بَـــــــــــحَـــرَك وبــَرَك زاوِر جمـــــيع القوم كالتــوم وبرك
قــــــــبِل قدم أُمــــك وبه تبرَك بِر والديـــــك لكي ابنك يبرك
أحــــــلب لــــــــهُ دَرَك والدك وهَــــــــب لــــلأم دَهَبك ودُرك
خالف هوى نفسك حَسَدك وضُرك وأحذر عقوق والديك في الحين يضُرك
الــــــــــزم محـــــــــــــــــلك وتحلى بالآداب حرمك وحـِلك
واصبر لأمر الله حين يمتحن لك من رِبقة الأسواء والشر يحِلك
جــــــــــــــــــود إن دعــَنـــَك بمــالك الأيـــــــام أو وَدَعَنَك
إن رُمتَ من خَلاقَك يرضى عنك لأحِبَتك وأعــــــــــــدَاك كن بيضا سنك
صلوات تطُـــــــلك يا الهادي فــي أم شباك تسلــــــيم يَصَلَك
البرعـــــــــــــــــــــــــــــــــي ابـــــــــن الشيخ يا الخير يقُلك
أضمَنِي والأحباب ونكون في ظِلك
اللهم اظلنا بظلك يوم لا ظل الا ظلك
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زينب التجاني)
|
صباح الخير يا وجوه الخير
الواحد متابع البوسن ده متابعة لصيقة يمكن في كتير من المداخلات
قريتها وهي طازه قبل ما يقراها زول تاني ... احياناً ومن دون ان تشعر تجد
نفسك مكتفي بالمتابعة دون المشاركة دون ان يلفت ذلك انتباهك ...
وحينما تجد الناس تسال عنك ... وعن غيابك تندهش لذلك وانت المتواجد
اكثر منهم .... لكتشف بانك فعلا غياب دون ان تدري ... هذه الحالة
سماها الكوتش محمد صديق متابع ومستمتع ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
صباح الخير ،،، يا وجوه الخير
أصبحنا واصبح الملك لله وحده،،،
كلمات مأثورة :-
‫قد لا أكون الأفضل , وقد لا أكون الأروع
وقد لا أكون الأذكى , وقد لا أكون الأبرع
ولكن !!!
إذا جاءني المهموم أسمع ..
وإذا ناداني صاحـبي لـحـاجة أنفع ..
وحـتى إذا حـصدت شوكاً فسأظل للورد أزرع..
وإذا ما كان الكون وآآآآسعــاً فإن قلبي أوسع وأوسع
أوسع من جيب جلا
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
اهلا بموسى الراجل , باعتباره مطولا للغيبات
لكن كتابة طارق جبريل , مت موبببببباااااالغة عديييييل
ولد ده , يمين داهشنى اشد الأندهاشات زاتو
قلت لى وهنا حلقة شيخ يرجحن , يضرب النوبة ضربا
فتئن وترن
عليك الله الأندلسية دى , وكت خشت الحلقة مع البرازيليات
دى ما سلطة فواكه عديييل
عارف انا بحلم برحلة تخترق جبل (طارق ده )
من عنديكم ونبقى شاقين على اشبيلية
يمين نختوا قرض مع عنبهم داك
ما يفرزونا منهم الا بال ماعارف شنو داك
قبل كده حضرت لى فى لندن مهرجان زى ده
بيختص بى فنون دول امريكا الجنوبية الشعبية
طبعا لا بتفرز برازيلية من كولمبية من ارجنتينية
الجماعة يرقصوا سامبتهم , وانا حتيتوا معاهم قرض
اظنهم كانوا قايلينى منهم
رجعت منهم اخر الليل
(الوردة محمدانى اسبوع كامل )
اليوم كان جمعة بالليل
صاحبى الكان معاى سماها
(حمى ليلة السبت )
وما اجملها من حمى
ابيع نص عمرى , وتانى ترتفع الحرارة ياخ
مثل ما تكتب وكتبت , يستحق ان ينشر على الملأ
وديهو محل ما داير
بس ادينا منه كوبى بى جاى
وما زلت مصرا على نسخة (منبر الزقازيق الخاصة )
المبرأة من كل تداخل وتعليق
تكون جاااااهزة للطباعة يا حبيب
هسى الحلقة الجاية متين , يا مقطوع الطارى
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
الصور من ملتقي خريجي آداب بالفيس بوك ... عصام سايكولوجي يمتلك كنز ثمين ... ومقدرة ومثابرة .... صور لكل الناس ...
يظهر في الصورة الاولي مجتبي فاروق بزي رياضي كامل ... وعصام دهب آخر بخبخه ... ومحمد طاهر علي الكرسي ... كان سكرتيراً
رياضياً .... خلي بالك الكيزان ديل من زمان متفلهمين علينا .... تحياتنا له اينما كان ....
وفي الصورة الاخري مبارك جادين قبل سفر اثيويبا بس بعشرمية سنة كده ... والبرلومة مها صالح ... والولد عصام سايكولوجي ...
الآن مدير مستشفي عطبرة كما سمعت ...والله ايام يا زمان
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
صورك يا زهير اي صور عصام سمحة طب بس بجيك ليها بعدين.
الواحد ماعارف يبدا من وين و لا يقول ايه و لكني في قمة
النشوة الكروية فكانت ليلة البارحة ليلة ولا ألف ليلة طربت
و اتفشيت و استمتعت كثيرا باداء من جانب واحد كل مره يتقابل
فيها البرشا مع الفرق التي تسمي سابقا عظيمة تصبح طفل يحبو
امام السحرة الفيش و ماسكرانوا و الجميل بيكيه والفنان ابيدال
المعلم انيستا و المبهر تشافي و المعجزة ميسسي و الولد الشقي
فيا و الكبير بيدرو فهم فريق خرافي و اتوقع المزيد من هؤلاء الفتة
و افولها صراحة بدون مجاملة يا منصور ما عليك إلا ان تتخلي طواعية
عن حبك الارسنالي و تتحول مرغما للموسيقي البلغرانية و تمسك بالة
الكمان و تتابع المقاطع من الرهيب ميسى شافي انيستا .و لكن منى
سوف تجد ما يرضى طموحك الكروي بل الفنى و سوف تستغني عن كل الايبودات
المملوكة والمهداه .
بالله يا زهير نزل لينا فيديو السحرة لو امكن .
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
صورك يا زهير اي صور عصام سمحة طب بس بجيك ليها بعدين.
الواحد ماعارف يبدا من وين و لا يقول ايه و لكني في قمة
النشوة الكروية فكانت ليلة البارحة ليلة ولا ألف ليلة طربت
و اتفشيت و استمتعت كثيرا باداء من جانب واحد في كل مره يتقابل
فيها البرشا مع الفرق التي تسمي سابقا عظيمة فتصبح طفل يحبو
امام السحرة الفيش و ماسكرانوا و الجميل بيكيه والفنان ابيدال
المعلم انيستا و المبهر تشافي و المعجزة ميسسي و الولد الشقي
فيا و الكبير بيدرو فهم فريق خرافي و اتوقع المزيد من هؤلاء الفتة
و افولها صراحة بدون مجاملة يا منصور ما عليك إلا ان تتخلي طواعية
عن حبك الارسنالي و تتحول مرغما للموسيقي البلغرانية و تمسك بالة
الكمان و تتابع المقاطع من الرهيب ميسى شافي انيستا .و لك منى
سوف تجد ما يرضى طموحك الكروي بل الفنى و سوف تستغني عن كل الايبودات
المملوكة والمهداه .
بالله يا زهير نزل لينا فيديو السحرة لو امكن خلي منصور و بتاع الدونيكان
ديل يامنوا ذاتو .
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: موسي عيسي)
|
ثلاثة مداخلات متسقة ايما اتساق
هل جاء تواليها محض صدفة
اذن فلرب صدفة احلى من الف ميعاد
الأزرق العاتى , المحيط العظيم , واكوام اللحم التى (تتجدع ) على ضفافه
وصورة مجتبى فاروق بالزى الرياضى , وعصام دهب بالسيجارة , ومبارك جادين ذلك الصغير الذى كبر
(لغاية ما بقى يمشى اديس ابابا كمان )
والبرشا الذى اخترع نظرية كرة القدم الجديدة , وارسنال الذى يجرى نحو تطبيق ذات النظرية , دون ان يصرف فى سبيل انجاز هدفه , ولا يورو واحد
الحال يبدو لى من بعضه
اما ثقافة البحر , تلك التى تحرر الجسد من محبسه الأختيارى , مرة بسبب , ومرات بدون
فهى لعمرى عنوان لكيف يمكنك ان تتعامل مع اسباب سجنك وحبسك , تعاملا طبيعيا , يجعل للأشياء بعدها الصحيح
ولا يغلب بعدا على بعد
هو الجسم , لحما مختلطا بعظم , تعددت الوانه , ولكن لغته هى ذات اللغة , ولكن الآذان التى تسمع , ما كلها نفس الأذان
انت حر فيما تسمع من مجموع ما يقال , وهى حرة فيما تقول ليس عليها فى ان فى آذانكم (وقر )
وفى انكم انما تسمعون ما تريدون ان (تسمعون ) , ثم تسدوها مرة بطينة واخرى بعجينة , متى ما رأيتم ان صوتها عال حد الصراخ
لتلك الأندلسية المتجدعة على حافة البحر المحيط جسد
مثلما ان لبت مجذوب جسد
ومدافع الأنجليز يا طارق , تجهز نفسها لغزوة حتى لا تموت ميتة جاهلية
فتضرب معاقل بت مجذوب مرة , وتتخيل انها (تضرب ما سواها ) مرات اخر
والمدافع , ياها ذااااتا المدافع
وطلقاتها تتردد فى الخروخ (غازية ) تتساءل عن الجدوى
وهى كذلك , ياها زااااتا نفس الطلقات
ان اصابت معاقل بت مجذوب تقتل
وان اصابت معاقل الخيال المتجدع , تقتل كذلك
ولكنها فى الأولى , تقتل ثم تموت
وفى الثانية , تقتل لتحيا
فلنختار اذن , الموتة التى تتلوها حياة
واى حياة
ميسى احرز اول اهدافه فى اراضى بريطانيا العظمى
ومبارك جادين , يحرز الأهداف مرارا وتكرارا , فى اراضى الهضبة العالية
ومجتبى فاروق , لابس لبس الشغل من زماااااااااااااااااااااااااااااااااان
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
الفتى المراهق..
طلحه قصر معاك.. خطت كراعك يوديك البييتش..
كان يخليك تتأقلم شويه..
موسى يا حلو..
امبارح كنا في رحله..
جات مواعيد المباراه وبديت اتململ مع اني مسجلها..
قلت رغم كراهيتي للمانيو الا حاشجعه لتغصبي للدوري الانجليزي..
وحاتك ما قدرت.. سحروني شفع البارسا..
ديل مجانين.. بكوره وبدون كوره يجروا..
غايتو أدوا فيرجسون وجماعتو درس.. ما حينسوهو..
آل رد إعتبار آل..
قبل يومين قريت مقال عن البارسا وعن بداياتهم مع الكره الشامله..
رجعوا الثوره الى تأثير يوهان كرويف والكره الهولنديه في السبعينيات..
وانه هو من أحضر المدرسه الى برشلونه واهتمامه بالناشئين..
وكرويف عندما لعب للبارسا في السبعينيات.. أقنع رئيس النادي..
بتأسيس لاماسيا (مدرسه الناشئين) على غرار مدرسه اياكس الهولندي..
ومدرب أياكس في ذلك الوقت كان راينس ميتشل وهو مؤسس ثورة الكره الشامله في هولندا..
التي اجتاحت العالم في السبعينيات..
وعندما عاد كرويف لتدريب البارسا في عام 88..
أصر على الاهتمام بلاماسيا.. وعلى تطبيق الفلسفه الهولنديه..
وتدرب على يديه بيب جوارديولا وأصبح من اللاعبين الاساسيين..
ولازالت لاماسيا تخرج الناشئين كميسي، زافي، انيستا، بيدرو وغيرهم..
وهي ثمار اقناع كرويف وهو مازال لاعبا لرئيس ناديه بتأسيس مدرسه للناشئين..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
يا منصور انا ما متفق معاك على اتساق المداخلات خالص خالص
طارق بيحكى عن الشاطى وطاف معاهو خيالنا ...
فجاتــن زهير جاب لينا صورة مجتبى فاروق لابس ليهو شراب كل فردة من بلد
وعصام دهب لابس بنطلون مسطر وقميص بوليستر مشـخت ..
ومجموعة دبايب من سكولوجى لحدى جادين ..
مع الاعتذار لمها صالح بت امتداد الدرجة التالتة ..
جاء موسى تمة الباقى وعامل لينا فــــــــاول مع ميسى ...
تقول لينا اتساق ...
بالله لما تشوفو تانى كتابة ( بالاحمــــر ) مهــدو الطريق ...
،،،،
يا ميسرة فراق الحليوات صعب والله
بس لو جيت كل كم يوم طبخــت لي ممكن اتصبر شوية
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
النضيف والله حكاية اتساق دي عجبتني جداً .... رفعت لي المزاج
من الصباح ... وخلت اتسق مع نفسي ... يا سلام علي الزول لمن
يكون متسق من الصباح ... هي دعوة للاتساق هذا اليوم ...
هاكم الاتساق ده ...
اها قلت الريس يجي يطبخ ليك كل يوم ... والله بالغت يا النضيف
ياخي بدل تتعب الزول وهو كبير في سنه ... ياخي امشي كل يوم
اتغدي معاهم .... وريح نفسك ... وريحه ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
صباح الخير للزينين
والله الموضوع فيها رؤساء ظل
يادودي لما الريس يطبخ ليك والله دي تخوف عديل
منك فزه -وشكله فرق الحبايب عننا حايسهر دمعنا ليالي طوال
كما تقول ورده نتمنى لهم اجازه سعيده والله يصبرك يا دودي من حاتك الفوقه
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عمر المهدى)
|
وعشان صورة الاتساق تكون واضحة يادودي ... وبخصوص العزوبية ... مبرووووك
مهداه من ولدنا منص للجميع ....
ودي المرة 513 وليس الـ 514 يا كمندان ....
واخدلي بالك يا جلة ... يا سكر ....
هريدى: كيفك يا هنداوى عامل ايه ؟ بجالى مده ماشفتكش .كيفك وكيف ابوك
هنداوى: أنا ماشي حالي الحمد لله بس الوالد البجية فى حياتك
هريدى: البجيه فى حياتك.. عارف كان عندو الجلب يالله الله يرحمو
هنداوى: بس والله ما مات من الجلب
هريدى: معجول ؟! كيف توفى؟
هنداوى: الله يرحمو بآخر فترة ضعف نظرو كتير.. مرة طلع ع البلكون ما شاف الحافة وجع وانت تعرف بيتنا تالت دور
هريدى: واه واه موته وعره جوى، بكل الأحوال الله يرحمو
هنداوى: والله تعذبنا فيه كتير وعملنالو حوالى 12 عملية ليتحسن
هريدى: لكن كيف توفى؟ !
هنداوى: صار يمشى على عكازة ومرة عم بيجطع الطريج، سيارة مسرعة خبطتو
هريدى: يا لطيف ... الله يرحمو
هنداوى: ربك رحيم كان فيه جار لنا حطو بعربيته ولحقو ع المستشفى بس النزيف الداخلي كان رهيب
هريدى: الله يرحمو بكل الأحوال
هنداوى: بس سفرناه على إسبانيا وجعدنا اكتر من 6 أشهر عم بنعالج فيه والحمدلله تحسن
هريدى: طيب كيف مات
هنداوى: صار عنده فشل كلوي حاد وجعدنا ندور على متبرع كلية وتأخرنا وصار معه تسمم
هريدى: الله يرحمو ارتاح
هنداوى: بالصدفة جالنا شخص بيعرفو من زمان تبرعلو بالكلوة بآآآآآآآآخر نفس
هريدى: لكان كيف مات؟ !
هنداوى: والله مرة بالبيت وهو جاعد ما انتبه ع الغاز اتحرج البيت وهو لحالو فيها
هريدى: يا لطيف على الموتة دى الله يرحمو
هنداوى: بس والله جارنا الله يجزيه الخير كسر باب البيت ولحقو بآآآآآآآخر لحظة
هريدى: فهمنا كيف مات !!!!
هنداوى: والله اخر ما زهقنا اضطرينا نـطـخـه
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
يا عمي عمر الله يصبرك و شايف بقى ليك زملاء
في العزوبية المؤقتة و كمان جابت ليها طبيخ !!!
رايك شنو في تذكرة لمرافقة مبارك جادين تكون بالمره
حجة و تجرة ؟؟؟ بس صحبي النضيف اكيد ما حيافقك الراي
لكني جاهز مع صحبي الكاشف الفي .........!!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عمر المهدى)
|
صبحكم الله بالخير
قد لا تكون مداخلتي هذه متسقة و لا مطبوخة جيدا...
و لكنها قد تكون من حظ الناس الذين يفضلون المداخلات نص استواء...
و من حظي أنا أيضا ان تمكنت من الحضور بينكم اليوم...
فيومي أصبح مقلوبا رأسا على عقب...
مثله مثل كثير من الأشياء و التي تبدو لي مقلوبه راس على عقب...
حتى محمد رفيق الهندي و الذي لا يجيد العربية...
دائما ما يتحدث الى بالانجليزية و لكنه اليوم أصر على أن يحدثني بالعربي...
كان يكلمني عن أحد الموردين و يسميه بشركة ساحة الوهراء...
استغربت من اسم الشركة العجيب ده و قلت ليهو ساحة الفداء بعرفها...
لكن ساحة الوهراء دي أول مرة أسمع بيها...
ثم اكتشفت بعد ذلك بأنه يقصد واحة الصحراء...
كل شيء مقلوب...
و اذا كان كل شيء مقلوب فهل يهم كثيرا أن يكون متسقا أو غير متسق...
و هل يهم أن يكون مطبوخا جيدا أو نص استواء...
و هل يهم من الطابخ و من المطبوخ له...
.
.
.
.
المهم يا ديدو اجازة سعيدة للعيال و ان شاء الله تلحقهم قريب...
بس نصيحتي ليك لو نويت تتغدى بره البيت قفل العربية بتاعتك كويس...
امكن يكون عصام دهب مترصدك...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
النضيف ميز مع عمر المهدي ده زي ما قال ليك موسي عيسي ...
امشوا جيبوا الكسره والملاح المفروك الما خمج ...
كلها ايام وتعدي ... علي الاقل بالاقتراح ده نكون عتقنا
ميسرة من الطبيخ ....والله حليلكم يا النضيفات ...
يا رشدي ياخي المداخلة متسقة تماماً مع الاحوال العامة
بس شوف النضيف ده يوم واحد عذابي بقي يتسق كيف ...
وانت المسكين ليك تلاتة سنوات متسق خمسة ايام في الاسبوع
اها الاتساقة دي محتاجة لمنصور يجي يتسق معانا
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
سلامات يا ناس
وصباحات الإتساق( نقول دى بدل الخريف عشان
الرشيد ما ينط لينا فى راسنا)
انافرحان لسفر اولاد النضيف....
ومتسق مع ياسر نجيلة:
Quote: هنداوى: والله اخر ما زهقنا اضطرينا نـطـخـه
|
عارف يا نجيلة دى رقم صِفِر.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
قالوا لي متسقين يعني ....
وشنو بالله لو الواحد قعد عزابي شهر ولا اتنين ... ما تبقوا بكايين
ربنا يرجع النضيفات والمهديات بالسلامة ... يادودي وعمر.
....
نجيلة ... اضحك الله سنك (1) وليس 514
المهم هاك الـ515
واحد قال ليك ابوهو عجوز سايقو موديهو الدكتور ....
لاقاهم جارهم ... وبعد السلام والذي منه...
شنو ياخ الحاج مالو سلامتو ...
والله ياخ الحاج السنون دي تاعباهو شديد ماشين نعمل ليه "طقم"
لا لا ياخ ... طقم الوالد رحمة الله عليه جديد نديكم ليه ...
وبعد فترة نفس السنياريو ...
شنو ياخ الحاج سلامتو ....
والله ياخ الحاج العيون تعبانة ماشين نعمل ليه نظارة ...
لا لا ياخ نظارة الحاج قاعدة ياخ مافي داعي نديكم ليها ...
وبعد فترة .....
نديكم ليها ...
وبعد فترة .....
نديكم ليها ...
وبعد فترة .....
نديكم ليها ...
اها صاحبنا اتلفت على جاروا وقال ليه ...
إنتو الحاج دا دفنتو "شاسي" بس ولا شنو ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
متسقين كووولكم وما شاء الله عليكم
الا الود ديدو
ما متسق على الأطلاق
شتارته موباااالغة
ومركز اتزانه وتوازنه , مايل شويتين ناحية البحر
البحر الجنن مقطوع الطارى بتاع المغرب داك
والبحر ما بجنن مالو
ما جنن ناس زهير وموسى عيسى واحمد اسماعيل
لمن قعدوا على ضفافه قبل اسبوعين ؟؟؟
محتفلين بهدف ميار وتمريرات ضحى المتخرجات من مدرسة الكرة الشاملة
ولا ما جننى انا ذاااااااااااااااااتى لمن قعدنا على (هامشه ) انا والريس ومعانا ستات بيوتنا
ومعانا محسنة من اليمين ومحسنة من الشمال
يمين جننا جنس جن
لكن جن البحر القام على الجانب الآخر من شواطىء الأندلس
جن براااااهو , بعرفوهو ناسه واسياده
جن كلكى لابس ملكى
لكنه لابس ملكى بس
وبعد داك ما لابس اى حاجة تانية
لكننا نشهد ان مندوبنا للنواحى ديك , كان لابس شورت وسفنجة
ومعاهم لابساهو حمى الكتابة , وجافلة بيهو (احصنة الأبداع )
ولدنا مركب مكنة (ف ن ا ي س ) , وشايف الدنيا بى عيون (الطبيعة )
تدى الجسم لى شمس الله دى , تقليهو لو دايرة , ولو كمان هفت ليها
ان شاء الله تسوى (بروستد )
لكنها وقت (الروح ) , تقول للجسد , تعالى ادخلى سجنك الأختيارى
ووقفتها فى (برش الصلاة )
تدى الروح كاملة لى سيد الروح وصاحب الجسد
فتتلاوم , وتتسامى , وتتطاير , ويعود معها كل شىء الى (طبيعته )
بت مجذوب وصوفيا لورين فى الوكت داك , ما بيناتهم اى فرق
ومدفع الأنجليز ومدفع البازوكا ومدفع (الدلاقين)
الوكت داك
زى احمد وحاج احمد
ولكن التفريق بين الحالتين , واجب كل زمان وساعة
فالحياة لا تستقيم (الا اذا ما اتسقا )
تماما كاتساق مداخلاتكم
عدا (طبيخ الريس) , وميلان نقطة ارتكاز الود ديدو , جهة البحر
وتااااانى قام جاب سيرة البحر
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
Quote: وانت المسكين ليك تلاتة سنوات متسق خمسة ايام في الاسبوع
اها الاتساقة دي محتاجة لمنصور يجي يتسق معانا
وصباحات الإتساق( نقول دى بدل الخريف عشان
الرشيد ما ينط لينا فى راسنا)
هنداوى: والله اخر ما زهقنا اضطرينا نـطـخـه
إنتو الحاج دا دفنتو "شاسي" بس ولا شنو ....
|
يا أبو الزوز...أربعة سنوات و انت السادق...
عليك الله كان ما اتسقت مش معذور...
يا كوتش سألت الحاجة قلت ليها صحي في عندكم مطر...
قالت لي و غمام كمان...
نظام بتكاوي فيني يعني...
قلت ليها يا حاجه انتي السألك من الغمام منو...
أنا بس كنت عايز أتأكد من كلام محمد صديق...
يا نجيلة يا لذيذ...
أنا أحلف اني أول مره أسمع النكته دي...
و ضحكت من أعماقي...
رغم انها طويله...
و آخرها طخ...
جلجل...
قلت لي شاسي...
الله يجازي محنك...
انت النكت دي بتجيبها من وين...
أنا مرات كده بجيني شك انك قاعد تألفهم...
بعد بعره كاااااربه...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: اها قلت الريس يجي يطبخ ليك كل يوم ... والله بالغت يا النضيف
ياخي بدل تتعب الزول وهو كبير في سنه ... ياخي امشي كل يوم
اتغدي معاهم .... وريح نفسك ... وريحه ... |
هدف متسق يسجله الولد ميسي (زهير) على النضيف
يا خي أتخيل نفسك في الزقازيق ومنتشر تعال عند منى يونس
وكمان كسرة على أبو علي أو ود المهدي ،،،، قلوب في الغربة بكايا
وفي الفراق شكايا،،،،،،
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
ابو عناب الله يقويك ، حكاية صمت البيت بعد أن كان عامر صعب شديد
ومن هذا أيضا نعتبر ، البيت الواسع ده لمن يفضى مشكلة ، فكيف
القبر ؟ نسال الله أن تكون لحودنا من رياض الجنة ولا نبتلى فيها.
يا طاعم زي حكايتك دي بس المرة دي مع الأم ، صاحبنا بعد ماتكعكعت أمه
وبدأت تحس بآلآم الكبر كل يوم ماشي بيها لدكتور شيء آلآم في الظهر والكرعين
والرقبة والأسنان وهلمجرا 00 إلى ان أتو لدكتور خفيف دم قال ليهم أمك
ماعندها شيء ، بس أحسن تعرس ليها الراجل شاف أمه فرحت ، قال لأمه : يا حاجة
من وين نلقى عريس عمره 80 سنة، قالت ياولدي ماتزعل هات إثنين من ابو 40
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
صور الوجيه سايكولوجي جميله جدا..
الإتساق الوحيد الشايفو إنو عصام دهب..
من زمااان بيحب الكاروهات..
النضيف ذكرتني الطبايخ والحلل..
أول أيامنا في أمريكا.. كنت متخصص..
على حس قريت في مصر قابض ليك الجو في الطبايخ..
الشباب المعاي كلهم ما بيعرفوا غير السلطه..
كلنا كنا مكسرين عطاله..
واحد صاحبنا دكتور الله فتحها عليهو لقى شغل كويس..
بس في مدينه تانيه.. وخلاص راحل تاني يوم..
اليوم داك ظابط صينيه بطاطس باللحمه المفرومه خطيره جد..
علمني ليها الوجيه أسامه موسى أواخرسنه 86..
صاحبك الدكتور أكل لمن عرق ويقشقش في المخاخيط..
فجأه عاين لي كدا وقال..
"ياخ ما ترحل معاي.."
شفت زولك؟ أقوم أنا أتقلقل أرحل عشان داير ليهو طباخ..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
في لقاء أجراه شخص يعمل في قناة اسرائيليه مع الدكتور الاسرائيلي {مالحوم اخنوف }صاحب فكرة : ستار أكاديمي !!
كان هذا اللقاء بالحرف الواحد »
سأله السؤال الأول :
ماهو شعورك اليوم وأنت حققت أكبر أمانيك ؟وهي ستار أكاديمي في عقر دار الاسلام
فأجاب شعور لا يوصف ولكن أخذ من عمرنا الكثير حتى تمكنا من الوصول الى غايتنا !!
فسأله ما قصدك بأخذ من عمرنا الكثير
فقال نعم جلسنا سنين حتى تمكنا من ادراجه في الدول الغربيه " ثم الى الدول العربيه وكنا نعلم ان فكرتنا ستتحول الى أنجح خطه في مسيرة الدوله الاسرائيليه !!
فسأله لماذا كنتم متأكدين انكم ستنجحون بهذه الفكره ؟
فقال لأننا نعلم ان المسلمين اليوم ابتعدوا عن دينهم وفي نفس الوقت الشباب المسلم أصبح يميل الى الالتزام الاسلامي الذي لو كبر سيقضي على دولتنا !!
فسأله لماذا حرصتم على ان يكون ستار أكاديمي هو وسيلة للوصول للمسلمين ؟
فقال لأننا نريدهم ان يبتعدوا عن دينهم
فسأله ماذا تخططون اليوم للهجوم على الاسلام بعد ستار أكاديمي ؟
وبكل تحدي ووقاحة قال نخطط لغزو البنات المسلمات :
فسأله لماذا البنات المسلمات وليس الرجال ؟
فقال لأننا نعلم إذا انحرفت{ المسلمه } سينحرف جيل كامل من المسلمين وراءها ?
فسأله مره اخرى بماذا تصفون غزوكم للمرأة المسلمة ؟
فقال نحن اليوم نحرص على غزو المسلمه وافسادها عقليا وفكريا وجسديا أكثر من صنع الدبابات والطائرات الحربية !!
فسأله وهل لكم يد في ستار أكاديمي المقامه حاليا في لبنان ؟
فقال بالتأكيد فنحن نتبرع كل يوم لهم بمبلغ كبير من المال وهي تحت اشرافنا باستمرار !!
وفي نهاية اللقاء ماذا تقول لامتنا الاسرائيليه وتبشرهم ؟
أقول لهم ان يستغلوا نوم الأمة الاسلامية فانها أمه إذا صحت تسترجع في سنين ما سلب منها في قرون ..!!!!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
عدنا..
يوم موغل في الاندهاش قضيته بشاطئ أصيلة..
كأنما الأشياء تفقد حقيقتها وتصبح مجرد خيال..
ما بين الهنا والهناك.. تجري مياه كثيرة.. فخور أنا لانتمائي إلى الـ(هناك).. وسعيد كذلك لمشاهداتي (هنا)..
الحياة تسير رغما عنا.. رغم إختلاف الحيوات لكن بذرة الفرح في دواخلنا ستنمو..
إن أردنا لها الموت.. سيكون ذلك بفعل أيدينا... لكن دعونا نأمل أن (يلعب الصبي كرة الماء مع التمساح ويمرح الحمل مع الذئب)..
عدت منهكا ورأسي يضج بأفكار كثيرة.. تركت كل شئ وغفوت لا ألوي على شئ..
جاء المساء يحمل معه نسيما عليلا من جهة البحر.. بدأ العشاق في التسلل إلى كورنيش أصيلة..
تعانق البعض منهم وسرقوا قبلات ولحظات فرح أمام المارة..
للحب سطوة عجيبة تُعطل كل (العيب) وتتمرد على (الأعراف).. لكن لحظات المتعة تستحق المجازفة..
رحت اتسكع في شوارع أصيلة.. الثقافة خلقت من هذه القرية مدينة حقيقية..
الأفكار البسيطة أحيانا تنتج زخما لا يُصدق..
لكم أن تتخيلوا.. شوارع أصيلة كلها تحولت إلى لوحات..
الفكرة كانت بسيطة جدا.. أن يستقبل كل بيت فنان لمدة اسبوعين.. على أن يجعل هذا الفنان من واجهة البيت لوحة..
وهكذا تحولت المدينة كلها إلى لوحات غاية في الجمال...
خلق المهرجان من أصيلة مدينة حقيقية.. راحت البنيات التحتية تنمو بوتيرة عجلى..
لنقل أن الثقافة دفعت باقتصادات المدينة للنمو وانعكس الأمر على ساكنتها..
دخلت قاعة المحاضرات.. إسبان وألمان ولاتينيين ومشارقة و.. و.. كلهم جاؤوا ليناقشوا قضايا هذا الكوكب..
الثقافة هنا مترعة... ماركيز وسنغور وايميل حبيبي والطيب صالح والقائمة تطول..
في حدود التاسعة ختمت الندوة على أن يتواصل الحوار غدا..
جاء شيخ الطيب ومعه طلحة وكان بينهم محمد شكري.. ثم انضم إليهم عزيز الحبابي..
- يا دكتور كيف كان البحر..
- والله يا شيخ الطيب كان منظر غريب على قروي مثلي...
- هههههههههه ديل ناس الله راضي عليهم يا ولدي..
- طلحة: ياخي الشايقي دة اليوم كله خاتي يدينه في نصه ويعاين في خلق الله
- شكري: يا دكتور طارق خذ حقك من الحياة عنوة.. عيش امرح وازني إن شئت
- شيخ الطيب: يا ولدي عمك شكري دة عاش حياة متوترة عشان كدة وصاياهو دايما ماجنة هههههههه
- طلحة: با شكري واش بغيتي تفسد اخلاق الدكتور
- شكري: خليه يدير اللي بغا.. شوف آآولدي عيش حياتك وإلا بغيتي الساروت (المفتاح) ديال شقتي نعطيه ليك دابة
- يا سيدي هذا لطف منك شكرا ليك
- شكري: شوف آآسي طلحة السيد جبتيه عطلة خليه يدير اللي بغا
- طلحة: يا سيدي هو حر.. شيخ الطيب سنتعشى سويا اليوم عند بتاع السمك
- يا شقي الحال خلاص ساعة كدة وبجي عليكم..
- خلاص انا حا اكلم محمد ابراهيم الشوش وبقية الشلة..
....
كان يوما مشهودا من أيام أصيلة..
أجلسني الطيب صالح بقربه..
البعض كان يضع كيسان النبيذ امامه انا وشيخ الطيب اكتفينا بـ(الأتاي)..
مارس محمد ابراهيم الشوش مشاغباته المعهودة بين القوم: ياخي ناس الخرطوم قالوا منعوا الجلع والدلال على النسوان
- الراحل ابوبكر الشريف رحمه الله: طيب لو عايزين نسوانهم يتجلعوا حا يسووا يشنوا
- الشوش: والله الا يخلوهن يهللن ويكبرن وهن مكبرتات
ضحك شيخ الطيب حتى سالت دموعه..
- شكري: يا صالح قالوا لي انهم منعوا تدريس رواياتك..
- يا سيدي رواياتي ساهلة ديل حا يمنعوا حتى الشعب من انه يعيش.. الله سلطهم على راس العباد..
كان حديث القوم سلسا وجزلا.. وكانت أطباق السمك تأتي وتغيب..
انتحى بي شيخ الطيب جانبا: تعرف يا طارق يا ولدي عمك الشوش دة من اكتر خلق الله موهبة
ما تشوف الفوضى دي الزول دة حصل على الدكتوراة صغير جدا.. الموهبة متعبة شديد عشان كدة
الزول الموهوب بيظهر للناس العاديين انه زول ما طبيعي وفوضوي.. صلاح جاهين آخر ايامه كان يعيش كانما ينتحر
الموهبة متعبة يا ولدي.، خلف الفوضى الظاهرة دي علي عمك الشوش دة في عقلية مريعة..
أكل أكل انت مالو أكلك ضعيف كدة..
- لا بس بحب استمع.. ديل ناس يمكن تاني ما اشوفهم بعد دة
- ياخي اكل وشوف..
هكذا قضيت ايامي في اصيلة بين مجالس الطيب صالح وبين البحر
كانت متعتي لا تضاهى وانا بقرب (الزين)..
من الجهة الأخرى مارس البحر غواياته عليّ..
....
قاعة المحاضرات في أصيلة والطيب صالح وطلحة يتسكعان في دروب أصيلة
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
صباح الخير يا وجوه الخير .....
الي حين ميسرة
طارق جبريل واصل ... والتعليق حا نجيك في البوست التاني ....
يا جماعة المهمة بتاعت جلا العاطفية ما انتهت ... خلي بالكم موسي
عيسي متضامن معاهو ... ولا يا ربي هو ذاتو في مهمة عاطفية ...
والله دي قصة الايام دي في مشكلة بتاعت حنان حايمة في ناس الزقازيق
بالمناسبة دي النضيف هسه يجيب ليكم عدد واحد حنان ويجيكم
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
Quote: صباح الخير يا وجوه الخير .....
الي حين ميسرة |
أصبحنا واصبح الملك لله ،،،
صباحك ورد وفل يا سيد الكل "زهير" ،،،
مسؤولين من الخير ما شفتوا لي أخوي النضيف
من سافروا البنيات وأمهم والزول ضهبان لا خبر ولا اثر
آخر إتصال كان معاهو لقيتو في المطار ،بين الأطلاب
اسألوا موسى عيسى يسأل لينا جلا الزول ده ما يكون متضامن معاهو
دعوة لعودة كمال الشادي
عود لينا يا ليل الفرح ،،،،،،
داوي القليب الإنجرح ،،،،،،،
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
لا هزة كانون لا كباية ليمون .... يا كافى البلاء يا ريس
كتر خير حسن ابو على امس اتصل بي وعازمنى غداء يوم الجمعة
وانت لا سألت ولا سألنا ... انشغلت علينا نحن ولا عليك نحن انشغلنا
قول منو النور قلوبنا .. الفراق كيفن وصلنا ....
دى كانت اغنية الفنانة حنان ابراهيم او ( حنان السجانة ) الاشتركت بيها فى مهرجان الثقافة دفعة ناس الخالدى
النقاش فى الفيس بوك كان بيدور كم فنانة اسمها ( حنان ) فى السودان ده الحنان القاصدو انا يا زهير
من ايام الزقازيق النقاش ده مــدور
اغلبية الناس بتخلط ما بين حنان الصغيرة ( حنان احمد الريس ) بتاعت برنامج ركن الاطفال وصاحبة
اجمل اغنية للام ( امى يا اجمل كلمة بقولا ) وما بين حنان ابراهيم ( حنان السجانة )
حــــــــــــــنـان الصــــــغـيرة
حــــنان ابراهيم ( السجانة ) نسبة لمركز شباب السجانة حتلقو ليها اغانى فيديو فى اليوتيوب مع الفنان حيدر حدربى وعبدالجليل ابو حراز
صاحبة الصوت الملائكى حنان النيل
حنان بلوبلو فنانة ناس ياسر نجيلة و محمد عيد ( بلالى انا نــادو ليا الريــد قســـم يا عينيــــــا )
وحبانى حبيتــــــــــــو و حصلت ظروف ونسيتو .... وين حب العنب .. حب حب حب حب
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
شوف يا زهير اللخبته حقتك دي خليها انا لا عزابي و لا حاجة
انا زول متاهل و احمدلله علي ذلك يعني لا بمشى فتش لي حنان
اخر الاسبوع ولا قاعد اساسك من الخرتوم لكسلا و لا كمان عيان
سافروا السودان و بقيت عياش براي وحداني . فاقول ليك :
نعم الإله علي العباد كثيرة و خيرهن عدم كسح الابناء !!!
الشي التاني انا لمن اتضامن ما بضامن مع جلا لانو من كشلا
و لا تعليق مع احترامي لناس كسلا عدا الاثنين المعنيين !!!
انا متضامن مع عمر المهدي في محنته و كذلك دودي فك الله عزوبته
و جمع الله شمل الاسرة .
مع كامل تضامني .
و لا نامت اعين الجبناء !!!!!( .....و .......).
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: موسي عيسي)
|
سلامات ياناس ... والحقوق محفوظة وكدة
عجبتني جدة الدرشة الدرشا وليد حمدون - ولد معهد تجاري للسودانين رجالا ونساء
طبعا يا اخوانا ولد معهد تجاري مقصودة - وليد دا كان صغيروني استايل ناس تبلدينا
اسا ماعارف بقي عجوز زينا ولا لازال متشبسا باهداب الشباب ....
المهم :
Quote: Waleed Hamdoon
هل حالفك الحظ عزيزتي السودانية / عزيزي السوداني و قام زوجك/زوجتك بمغازلتك قائلاً/قائلة : "حبيبتي / حبيبي"؟ إن كان هذا قد حدث بالله عليكم كيف شعرتم وقتها؟؟؟؟ ( في ذمتكم ما طلعت ليها ريحة فجل مخلل وصل طور العفونة بعد أن نسيه أصحابه خارج الثلاجة لمدة عشرة أيام )؟
هل حدث أن قارنتم بين كلمة (تقبريني) اللبنانية و كلمة ( أموت ليك ) أو (تدفنيني) السودانية؟؟
وأكيد كلكم مررتوا بتجربة رؤية عرسان سودانيين جدد في شهر العسل ، (ولا شنو يا ناس مصر) حيث أن وجهة معظم السودانيين لقضاء شهر العسل هي مصر أم الدنيا ... تجد العريس منقشط في البنطلون و القميص الجديد وربما جاكت أو بدلة كاااااااااااااااملة متقدماً عروسه بخطوات واسعة متباعدة و( صاري وشو) كأنه مغصوب على الزيجة ، أما العروس ، فهي تتهادي خلفه بأميال بخفر عبييييييييييييط ووشها في الواطة كأنها ( عاملة عمله) و مكنكشة بكل ما أمكنها و أمكن والدتها تجميعه من دهب ( أصلي وعيره و قشرة ) ... ثم الكعب العالي و الذي لم تكن ترتديه قبل الزواج مما ( يبشتن مشيتها ).... ثم الثوب الشهير ( سبب شهرته انو لازم يكون بالدهبي ) ، فتصبح كالكلمة الشاذة في شارع يضج بالحركة و العملية و اللهاث.........
هل صادفكم مشهد أم سودانية تدلل طفلها ( الدنقور كبر) أو ( الدنقشة ها ) أو في أقصى حالات (فورة البطن ) تخاطبه قائلة ( تعال أديني قدوم ) ... أو تفتح ذراعيها مرحبة به و هي تهتف ( الريدة الريدة الريدة ) ، فيأتيها راكضاً و يقذف بثقله في حضنها فيصيبها بالسعال الديكي ....
و يا سلااااااااااااااااااام عليها و هي توبخ طفلها لتقويم اعوجاج أخلاقه ، فترغي و تزبد بالكواريك والعبارات التي تضج بكل أنواع البلاغة و السجع و القافية ... ( يضربك الضريب ) ، ( البلا اليخمك) ، ( الحمى اليتبنوها بالعود) ، ( ( عليكم الله عاينو الشافع الشوم دا)، مع ملاحظة أن كلمة (الشافع ) تعني أن الطفل يشفع لوالديه يوم القيامة ، ( يا فقر يا وش النقر ) وبالمناسبة دي في زول فيكم عارف معنى كلمة ( النقر ) دي ... أسعفوني بالله عليكم... وهناك أيضاً الدعوة الشهيرة ( تنققققصصصصصصص ) و هي كلمة مشددة لمن روحها طالعة ولا بد معها من جز الأسنان بقوة حتى تؤدي غرضها ...
وصرة الوش يا أحباب هي شيء أساسي لدى الرجل السوداني ... وعلو الصوت لديه يعني ( الرجالة ) و النهرة للصغير و الكبير تعني ( أها شوفوني أنا بخوف) ... لذلك من الصعب جداً تخيله في دور رومانسي ، والتعامل معه على انه ( أنور وجدي) ولا عزاء للسودانيات الحالمات برجل مثل ( مهند) ....
أما المرأة السودانية فهي رقيقة ، جميلة ، حالمة ، ناعمة إلى أن تصطاد رجلاً و تصبح زوجته!!!!! تأتي بعدها الدشانة التلقائية التي لا بد منها فتصبح بايدها و شديدا ( يا مرة ) في نظره و يصبح هو ( يا راجل ) في نظرها ... ويتحدث عنها بصيغة ( الأولاد أو أولادي ) وتتحدث عنه بصيغة ( أبو الوليدات أو أبونا )....
كيف تصبح الزوجة ( يا مرة؟؟) سألتوني ...
هي تتغير تدريجياً _ في الشكل و المضمون ... فنجدها لاوية بوذها شبرين في وش زوجها إذا لم يعجبها تصرفه أو تقصيره في حق من حقوقها ( وهذا يحدث في معظم الأحيان) .... ( هنا أحب أن الفت النظر إلى أن في مجتمعنا السوداني ، يجب على المرأة تحمل كل عيوب زوجها و نقائصه لكي تكون أصيلة وبت رجال ... و إلا شالوا الناس حسها ، أما هو فمسكيييييييييييين شدييييييييييييييييد لو مرتوا مقصرة فيهو في شي ... مما يعطيه الحق في الزواج من أخرى وثالثة و رابعة ... إذا لزم الأمر متحججين بالآية (...........مثنى و ثلاث ورباع) و متناسين تماما الآية (.....ولن تعدلوا)... ما علينا ، ده ما موضوعنا ...
نرجع لموضوعنا ... تجد الزوجة لسانها منشار و صوتها عالي و عيونها جاحظة وشعرها منكوش و حالتها حالة...
الحنة و الدخان والمكياج و الأناقة و القيافة و القشرة ، ده للخروج فقط .. أما في البيت .. فحدث و لا حرج......
شاهدت مرة حلقة من برنامج ( صحتك) الذي تقدمه شاشة تلفزيون السودان القومي ، وكان احد الضيوف طبيب مشهور و هو استشاري لأمراض الكلى ، فطلب منه مقدم البرنامج د. مأمون حميدة إسداء النصح للمشاهدين لتفادي أمراض الكلى و فشلها ، و كيفية الحفاظ على سلامتها ، فما كان من النطاسي البارع إلا أن قال : " الواحد مفروض يشرب اقل شي 8 أكواب من الموية في اليوم الواحد ويقوم ( يبول لينا منها ) حوالي 4 أكواب أقل شي " !!!!!!!!!!
أحييييييييييييييييييييييييييي من الدشانة !!!!!!!!
يا جماعة .. أنا أتحدث عن السواد الأعظم ولا أقول الكل .... فلكل قاعدة شواذ |
| |
|
|
|
|
|
|
| |
منصور عبد الرازق
موسي عيسي
طارق جبريل
محمد عيد
الرشيد بابكر
عبد الدائم سيد أحمد
محمد صديق
ياسر نجيلة
جلال عثمان
أحمد إسماعيل
ميسرة سيد أحمد
عمر المهدى
زهير الزناتي
Hatim Gubara
معتصم جعفر
زينب التجاني
فيس بوك
تويتر
انستقرام
يوتيوب
بنتيريست