نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: ناس الزقازيق ... أجدع ناس (4) .. (Re: محمد آدم النور)
|
صباح الخير ،،، يا وجوه الخير
أصبحنا وأصبح الملك لله وحده،،،
تحية الصباح نهديها للزقازيقي الجميل د. الرشيد
ونتمنى له مزيد من التقدم و النجاح .
تحية الصباح نهديها لناس العودة الطوعية وأخبارهم الحلوه
شكراً منصور شكراً ود عيد وشكراً يا كوتش
| |
 
|
|
|
|
|
|
|
|
Re: ناس الزقازيق ... أجدع ناس (4) .. (Re: عصام دهب)
|
Quote: موسى عيس بي دلاقينك دي ما تجي لافي بي جاي
|
المثل الدارفوري بقول
سيدجنقور في فاشر ولا سيد رأي
التحية لدكتور/الرشيد زكريا وألف مبروك والله رفعت رأس الزقازيقاب عاليا
ما شاء الله قدورة جيت بنكهة خاصة وبقيت المتنبل الأول للأديب والفيلسوف/ منصور
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: Dr.Elsadig Abdalla)
|
والله اجيك زى ما قلت كده يا قدورة
الا تانى ما تجى البوست ده كلو كلو!!
انت بتهظر ولا شنو
مش انا كنت قاعد جنبك فى حفلة ابو عركى
شفت بعد سندوتشاتك بتاعت الفول البى طعمية ديك
من تانى يوم انا مشقلبة معاى
سندوتشاتك دى كان فيها شنو
الزول د
اقول ليهو جيب لى شاى
يمشى ويجى يجيب لى فول , وبعده طعمية , عليك الله كان فيها شنو ؟؟؟
كيمياء البنى آدمين , حاجة معقدة جنس تعقيد
جهازهم العصبى (السمبثاوى ) ده , لمن يتلخبط
شفرتو دايرة ليها هكر عديييل عشان يفكها
ولمن تتفكا , تقول اصلو ما كانت مشربكة قبل كده
قابلت ليكم كمال الشادى فى حفلة ابو عركى الأخيرة
الراجل قال كان مارى بى مود دبرسة من النوع ابو كديس
استغربت
انت دواك ما عندك يا زول
شوف ليك عود ولا اورغن
واقعد سمع من ضنين الوعد , لغاية عدى فات
قال لى تعرف يا منصور بعد مرات
عدى فات السمحة دى , تبقى ليك عزف العود النشاز
حولا
اللهم اعدل مزاجنا , وصالحنا مع انفسنا
ابقوا عشرة على (باسويرداتكم بتاعت المزاج )
لو راحت ليكم يوم يومين , لغاية اسبوع
ما عندكم مشكلة
يمين تروح منكم , وتنسوا شفرتها , تبقوا (اثقل من الزول داك )
* تحياتنا وافتخارنا بطبيب الزقازيق العامل فى ناسا , الدكتور الرشيد زكريا
| |
|
|
|
|
|
|
|
|
Re: ناس الزقازيق ... أجدع ناس (4) .. (Re: Dr.Elsadig Abdalla)
|
والله اجيك زى ما قلت كده يا قدورة
الا تانى ما تجى البوست ده كلو كلو!!
انت بتهظر ولا شنو
مش انا كنت قاعد جنبك فى حفلة ابو عركى
شفت بعد سندوتشاتك بتاعت الفول البى طعمية ديك
من تانى يوم انا مشقلبة معاى
سندوتشاتك دى كان فيها شنو
الزول د
اقول ليهو جيب لى شاى
يمشى ويجى يجيب لى فول , وبعده طعمية , عليك الله كان فيها شنو ؟؟؟
كيمياء البنى آدمين , حاجة معقدة جنس تعقيد
جهازهم العصبى (السمبثاوى ) ده , لمن يتلخبط
شفرتو دايرة ليها هكر عديييل عشان يفكها
ولمن تتفكا , تقول اصلو ما كانت مشربكة قبل كده
قابلت ليكم كمال الشادى فى حفلة ابو عركى الأخيرة
الراجل قال كان مارى بى مود دبرسة من النوع ابو كديس
استغربت
انت دواك ما عندك يا زول
شوف ليك عود ولا اورغن
واقعد سمع من ضنين الوعد , لغاية عدى فات
قال لى تعرف يا منصور بعد مرات
عدى فات السمحة دى , تبقى ليك عزف العود النشاز
حولا
اللهم اعدل مزاجنا , وصالحنا مع انفسنا
ابقوا عشرة على (باسويرداتكم بتاعت المزاج )
لو راحت ليكم يوم يومين , لغاية اسبوع
ما عندكم مشكلة
يمين تروح منكم , وتنسوا شفرتها , تبقوا (اثقل من الزول داك )
* تحياتنا وافتخارنا بطبيب الزقازيق العامل فى ناسا , الدكتور الرشيد زكريا
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: Dr.Elsadig Abdalla)
|
والله اجيك زى ما قلت كده يا قدورة
الا تانى ما تجى البوست ده كلو كلو!!
انت بتهظر ولا شنو
مش انا كنت قاعد جنبك فى حفلة ابو عركى
شفت بعد سندوتشاتك بتاعت الفول البى طعمية ديك
من تانى يوم انا مشقلبة معاى
سندوتشاتك دى كان فيها شنو
الزول د
اقول ليهو جيب لى شاى
يمشى ويجى يجيب لى فول , وبعده طعمية , عليك الله كان فيها شنو ؟؟؟
كيمياء البنى آدمين , حاجة معقدة جنس تعقيد
جهازهم العصبى (السمبثاوى ) ده , لمن يتلخبط
شفرتو دايرة ليها هكر عديييل عشان يفكها
ولمن تتفكا , تقول اصلو ما كانت مشربكة قبل كده
قابلت ليكم كمال الشادى فى حفلة ابو عركى الأخيرة
الراجل قال كان مارى بى مود دبرسة من النوع ابو كديس
استغربت
انت دواك ما عندك يا زول
شوف ليك عود ولا اورغن
واقعد سمع من ضنين الوعد , لغاية عدى فات
قال لى تعرف يا منصور بعد مرات
عدى فات السمحة دى , تبقى ليك عزف العود النشاز
حولا
اللهم اعدل مزاجنا , وصالحنا مع انفسنا
ابقوا عشرة على (باسويرداتكم بتاعت المزاج )
لو راحت ليكم يوم يومين , لغاية اسبوع
ما عندكم مشكلة
يمين تروح منكم , وتنسوا شفرتها , تبقوا (اثقل من الزول داك )
* تحياتنا وافتخارنا بطبيب الزقازيق العامل فى ناسا , الدكتور الرشيد زكريا
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
نظريات الفيزياء القديمة العلى ايامنا
كلها تقول ان لون كل شىء هو انعكاس لأشعة نظر
تطلع منك تقع على الجسم البتشوفوا , تنعكس على شبكيتك
تقوم تشوفها وتكون فيها (راى )
شفتوا الكلام ده كيف ؟؟؟
الوان الطيف سبعة , او على الأصح , قالوا لينا كده
تقفل معاك وتفقد تصالحك مع نفسك
يمين لون واحد فيهو ما تشوفه
او كمان تشوفهم كلهم لون واحد
يبا اسود يا ابيض
يا سبحان الله , حتى لون الأشياء خاضع (لرأيك )
او بالأصح , خاضع الى انك والى اى مدى , متصالح مع نفسك وعاجباك روحك
الأفراط فى الأعجاب بالنفس , مرض ونرجسية ذميمة ولا شك
لكن المرض الألعن والأدهى والأمر , ان ترى نفسك بمنظار غير المعجب وغير المستريح لها
اوعك تتورط الورطة دى , ولا تنجرف للدرك ده
لمن تكون ما متصالح مع نفسك
تستغرب انك اشتريت القميص اللابسه ده كيف
وتستغرب ان رضيت تسكن فى البيت ده كيف
وتستغرب انك صابر على وظيفتك الشغال ليك فيها عشرين سنة دى كيف
بالله دى عربية تركبها
ولا دى ساعة تلبسها
شفتوا عين الرضا اللى هى عن كل عيب كليلة
وعين السخط التى تبدى المساوئا !!!
ما اباسها من عين , وما اقتمها من نظرة
كن جميلا , ترى الوجود جميلا
جمال الأشياء , نكسوه نحن لها , ونجرده نحن منها ونقتلعه اقتلاعا
الأفعال جوانا , نخرجها كيف نشاء , ومتى نريد
لو اردنا ان نلبسها احمر فعلنا , ولو اردنا ان نكسوها بالازرق , فعلبة الألوان عندنا
ولو قمنا كمان على جننا , وكسيناها بالسواد , يمين بياضات الدنيا كلها ما تقدر عليهو
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
هسى ديل البقاهم تلاتة كده شنو ؟؟!!
يمين قدر ما حاولت الغيهن , غلبنى تب
ما يبقوا تلاتة كان بقوا , ماشات يسون شنو لى باندوث بكرى ده
الحمد لله باندوث قدر الضربة (عل درابزين ناس طارق جبريل القدامو الميدان داك )
هسى درابزين ناس طارق جبريل مع الميدان داك , كان التموا فيهو ناس الزقازيق (شت ) ماشى يتملى ؟؟؟
مشتاقين يا محمد عيد
الزول ده ملانى ليك فول وطعمية لامن واحشنى دى بقيت اسمعها ليك زى (الحزن القديم )
انت هسى محجوب شريف ده فى الحزن القديم
لمن قال الحزن القديم , مالو قالوا مطلق بدون تعريف كده ؟؟
لكن لمن عاوز يهبش الفرح , جابو ليك معرف وفضفاض
حتى لونو ترك لينا حرية اختياره
ولا الحزن القديم انتى
ولا لون الفرح
وبعدين مالو الحزن , قديم , الخلا يبقى قديم شنو
تحس بيهو , مع انو منحاز للفرح والوانه (بطبيعة الحال والأحوال )
الا ان للحزن (ولو كان قديما ) , ومع لونه )الواحد الوحيد الفاقد للطعم والرائحة )
فان محجوب شريف , يحاول ان يجعله فى (سرج واحد مع علبة الألوان ديك )
يبدوا اننا نؤثر ان نحتفظ ببواقينا القديمة جوانا (ولو كانت شجنا اليما )
ولكن طعم الأفراح , هو مجرد طعم (مقارن ) , غير قادر على الوقوف امامنا , وغير قادرين نحن على تشخيصه (واحساسه)
الا بأستدعاء (مسطرة الأحزان والأشجان القديمة )
غايتو البنى آدم ده !!!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
Quote: مش انا كنت قاعد جنبك فى حفلة ابو عركى
شفت بعد سندوتشاتك بتاعت الفول البى طعمية ديك
من تانى يوم انا مشقلبة معاى
سندوتشاتك دى كان فيها شنو |
يا منص ..
وده حالتك يا خوي ما مريت على السندوتشات بتاعة سلطة الأسود بالطعمية ...
انا طبعا شفت الجماعة البيبيعوا السندوتشات حبش قلت خلاص الحبش ديل مشهورين بالطبيخ
وقلت سلطة الأسود دي حتدي ربك العجب معاها وخصوصا لما تفت ليك فيها حبة طعمية ..
أها يا مؤمن شلت السندوتشات وجيت عليك .. وانت الشهادة لله ما خذلتني في الفول
لكن قدر ما جريتك على الطعمية بالسلطة أبيت تب .. قلت خلاص أقوم بيهم براي ..
وحاتكم .. لا الطعمية طعمية .. ولا سلطة الأسود سلطة أسود
غايتو حاجة كده لحدي هسه ما قادر أعرفها ..
المهم الباقي خلوهو يالحبان وحمدو في بطنو .......
وزي ما قالوا المؤمن أخو المؤمن
قبل كم يوم جانا ديدو فرحان قال عندهم أبو عركي ..
ومن ضمن الحوافز والمغريات قال .. يوجد سلطة أسود .....
أنا طبعا مما شفت كلمة سلطة أسود الكاروشة قامت علي ...
وقمت ليكم عليهو حذرتو ..
ما قالوا المؤمن أخو المؤمن يا جماعة ....
حذرتو .. لكن الظاهر عليهو ما سمع تحذيري ...
هسه ديدو يظهر سطر ويفط سطر ...
(انشاء الله يكون فهمني بس) ....!!!!
ما عارف .. لكن خلاص ابو عركي ارتبط عندي بي سلطة الأسود
وبي منصور الجميل النام جنبي في الكرسي ورمي عنقرتو لي قدام ..
وتاني في كل حفلة حأفتش عن الإثنين ديل ..
سلطة الأسود عشان أختاها ..
ومنصور عشان استمتع معاهو بالصحبة الحلوة .......
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد القادر بابكر)
|
منصور ديمه عليهو وقعته سوده زي سلطة الاسود
مرة جاكي ومرة نايم في الكرسي ... غايتو حكاية
الزول ينوم في الكرسي دي قوية ... هو الكبر ده كيف
بعدين منصور متعود ياكل اسكريم في حفلة ابو عركي
تاكله فول كيف يا قدورة ...
يا جماعة مبارك جادين وين
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
أهلين أبو الزوز
ود حلال والله ..المداخلة دي كنت ناوي أسأل عليك ..
والله أنا قلت الراجل يمكن يكون جعان زيي كده ..
بعدين حكاية الأيسكريم دي ماني عارفها والله ..
بعدين الراجل كان قاعد كويس ومندمج مع ابو عركي
فجأة أخد ليهو صنة مدة ما اتحرك ولا صفق ..
إتلفت عليهو أشوف ليك الفقرة الما بتغباني مدلدلة لي قدام ..
أنا طبعا بين مكضب ومصدق ..
يكون نام ياربي في الساوند الما مظبوط كويس ده ..
غايتو ما نظلموا ساي جائز تكون دقسة علي خفيف ...
والنصيحة لي الله ما سمعت شخير ..!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد القادر بابكر)
|
سلامات يا ناس
Quote: Quote: ويا ناس السودان جاييكم في الصيف السنه دي لمدة ثلاثه اسابيع من نهاية يونيو حتي بداية يوليو ..انشاء الله تكون برامجكم مدوره وما تكون انتهت بسفر الزناتي..
|
يا دكتور ....مرحب بيك ياخى اول ما تخت رجلك فى الخرطوم قول اناجيت.
Quote: انت هسى محجوب شريف ده فى الحزن القديم
لمن قال الحزن القديم , مالو قالوا مطلق بدون تعريف |
انا غايتو الحزن القديم دى ..معصلجة معاى كده انها حقت الدوش
صاح انا ولا منص..(المُكسراتية يمتنعون)
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
الكوتش الحبيب .. كيفنك يا غالي ..
| Quote: صاح انا ولا منص..(المُكسراتية يمتنعون) |
أكيد انت صاح مية المية
الحزن القديم كلمات عمر الطيب الدوش ..
طبعا صاحبك منص كان في مود تعبان جدا
عشان كده فوتناها ليه..
أنا مكسراتي وبرضو ما امتنعت .....
أخبارك شنو ..
تحياتي لكل الشباب طرفكم
خصوصا العميان معاوية يحيى
مساك زي الورد ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد القادر بابكر)
|
صبحكم الله بالخير
سلامات وين نزل محياك ... تحياتنا وأمانينا ..
اكيد باكر نجي ونلقاك ... قمر باهر أماسينا ..
تبل شوق القلوب ترتاح .. علي نمك غناوينا ..
(لدايات) شايك الرماي ..
مزاجات قهوتك جواي ..
احاسيس فيني تتحكر .. جمال نيلنا وعصارينا ..
نضاريك في العيون تظهر .. بريق لهفة ودمع هطال ..
دي بمناسبة مزاجات منصور التي ما زالت لم تراوح مكانها...
ولكني بحثت في كل دواوين الشعر فلم أجد شيئا عن سلطة الأسود...
كل شيء موجود الا سلطة الأسود...
حتى النبق موجود في أغاني البنات...النبق..النبق ..النبق..
فأرجو أن يجد لنا قدورة العذر في تقصيرنا...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
سلامات يا ناس
Quote: (لدايات) شايك الرماي ..
مزاجات قهوتك جواي ..
احاسيس فيني تتحكر .. جمال نيلنا وعصارينا ..
نضاريك في العيون تظهر .. بريق لهفة ودمع هطال ..
|
ياخى ...صباحك زى هذا الكلام السَّمِحْ
وثُمَّ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
Quote:
سلامات وين نزل محياك ... تحياتنا وأمانينا ..
اكيد باكر نجي ونلقاك ... قمر باهر أماسينا ..
تبل شوق القلوب ترتاح .. علي نمك غناوينا |
يا اهلنا والله ما شاء الله كلام حلو و طاعم .
و التحية للدكتور راشد زكريا و تلقانا فرحانين دوما
لكل زقازيقي ناجح و ربنا كمان يوفق اخونا دودنا و يفرحنا
والجميل الابنوسي الله يجنن شيطان وحيك الجميل دا و بالله المصيبة
دي لو محتاجه ليها لقريافه و لا حاجة زي دي خلينا النشوف ليك
صحبك بتاع بعرة الفيل يرسل لينا شوية نفك ليك بيها الدبرسة
علشان الوحي دا يكون متواجد معاك دوما لكي نسعد بمثل هذا
الاندياح الجميل .
قدورة المثل بقول ابو القدح بعرف محل بعضي اخوه فبالله خليك
علي طول قريب كلما ما صحبك الابنوسي ينعس اديهو لكزه .
و يا الريس بالله الزول الاسمو جلا اسمكوني منو و الله برتكب ليكم
فيهو جنايه .
و ياجنابو بالله التحايا للاستاذ سقراط .
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
الليلة قبل السابقة مرت بي سحابات من المزاج السيء...
فقررت أن لا استسلم لها و أن أجعل من ليلتي ليلة مميزة...
وأن أجعل من اليوم التالي كذلك يوما مميزا...
و ذلك بأن أباعد بيني وبين الشعور بالضيق و أن أفسر الأشياء بايجابية...
فقمت الصباح و أنا عاقد العزم على ذلك...
أطلع ملابسي لألبسها فأجدها في غاية الكرفسة...قلت ما مشكلة...
قضيت بعض الأعمال الصباحية خارج المكتب ثم عدت...
حاولت الدخول الى المنبر فاستعصى علي الدخول تماما طول اليوم... برضو ما مشكلة...
بعد الشغل مشيت المطعم ممنيا نفسي بوجبة دسمة فلم أجد...
و كل ما استطعت تناوله هو شوربة عدس و سلطة خضراء...ما مشكلة...
معظم ما حاولت القيام كان يختبر صبري و التزامي بقراراتي..
و لكني لم أفقد صبري و لا عزيمتي...
و أخذت أعطي كل ما يحدث صبغة ايجابية...
وقلت أنه كان من حظي أنلا أجد في المطعم الا سلطة وشوربة ..
فالسلطة و الشوربة على الأقل أكل صحي و يتناسب مع برنامجي لانقاص الوزن...
أما المنبر فلربما لو دخلت لكنت لقيت واحد مزاجه سيء و تأثرت بهذا المزاج...
الحاجه الوحيدة الما لقيت ليها تفسير ايجابي الكرفسة دي...
وديتها ناحية الزهد و التصوف لقيتها ما جايه معاي...
قلت خلينا نقول موضه...موضه بعد أن هرمنا...برضو ما جايه...
آخر حاجه فكرت فيها قلت هو اليوم لازم تكون فيهو كل حاجه 100%...
90% معقوله جدا ...ده اذا اعتبرنا الكرفسه تمثل 10% فقط...
و بعدين تكون هدومك مكرفسة مش أحسن من تكون حالتك مكركبه...
خليكم ايجابيين دايما...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
الرابط العجيب ....
حبش ...
سلطة اسود ...
ابوعركي البخيت ...
بيضة الديك ...
الهندام والملابس ...
مزاج خربان ...
حفرة الدخان والدلكة ...
دلاقين موسي عيسي ...
تاج الدين ...
انجازات الدكتور الرشيد ذكريا ...
ظهور الفطاحلة ...
=======================
كلو في الصفحة 16
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
الصفحة سبعتاشر
والتاريخ تمنتاشر
ايوة السلطة سوداء
لكن نشهد ان اليوم ابيض زى اللبن الحليب
الفرق شنو بين الحزن القديم , وبين جميلة ومستحيلة
الفرق بيناتهم زى الفرق بين الدوش , ومحجوب شريف
حزن قديم , وفرح جديد ومتجدد , انتو لون الفرح شنو ؟؟ عشان نتخذ منه شعار , ونخلى الولد الفنان قدورة ده , يرسمو لينا
اول ما يقولوا ليك منصور دقس فى الكرسى , فاشهدوا بأن منصور قد استمتع , وان تخمة المشاعر قد ضربت فى نخاشيشه
نحنا يا ننوم وندقس , يا كمان نجك ونجرى , عشان ننوم وندقس , فى محاولات متصلة لأن نكون ايجابيين
قال محمد عبد اللله الريح , اللى هو حساس محمحد حساس ذات مرة , واصفا السودانيين
يصلون الى مكاتبهم ومدارسهم متاخرين
يشترون الجرايد او يتعاقدون مع متعهد لها ليأتيهم بأكبر كمية منها , الى مكاتبهم
ختت (صلبهم ) فى كرسى المكاتب , يجعلون من قراءة الجريدة الأولى , مجرد تصبيرة , لتظبيط الفول
يجتمعون على صحن الفول ليحكوا ملاحظاتهم على الجريدة الأولى
وبعد الفطور , يكون شغلهم الشاغل تبادل كم الجرائد المتداول , ثم يحتفظون بالأخيرة التى لم يقراوها , كزاد لمشوار الرجوع الى البيت
يوقعون فرادى على دفتر الحضور اليومى
ولكن التوقيع الجماعى على دفتر الأنصراف , دائما حاضر
فيوقع احدهم للجميع
البيقعدهم شنو , ويقعدوا عشان شنو ؟؟؟!!!
زحمة مواصلات العودة تبدأ فى الثانية , اذن فالقرار الحصيف , ان تصل للمواصلات قبل ان تزدحم
واحدة ونص تنجعص فى الحافلة , فى الكرسى الورا , متجنبا كراسى النص (الهزازة )
التى تجعلك فى حالة قوم واقعد مستمرة
العجب لو الجنبك مجرد ما قعدت كده قال ليك عليك جريدتك دى دقيقة
بيكون خلاص (محق ليك رحلتك ) وبوظ ليك اعصابك
يعنى هسه انت تقرأ شنو , وانت شايف جريدتك مستمتع بيها الزول الثقيل الركب جنبك ده ؟؟؟
ما يمد ليك الجريدة الا لمن يجى نازل , ومحطته يا دوب قيل محطتك بى محطتين
ولو انت فكرت تنزل قبله , فعلى جريدتك السلام
وعلى فكرة الجريدة دى , يكون عدد الناس القروها , اكبر من عدد الناس الكتبوا فيها
وبعد الأستعجال ده كلو , صاحبك يصل البيت الساعة تلاتة , ما يعرف يعمل شنو
يجر كرسى وعلى اقرب ضل قدام البيت
وتانى يبدأ يقرا فى الجريدة
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
انا امر بحالات عدم اعتدال مزاجى , مافى اى مشكلة
انت يا الرشيد , لا ومليون لا كمان
هدومك ما بتتكرفس كيف اذا بتتطبقها وتمشى بيها المشوار ده كله
نفسى ارجع يا الرشيد اكوى قطعة قطعة زى ما كنا بنعمل فى الزقازيق
الشغالة تردم الغسيل , وانت تختار كل يوم بنطلون وقميص تكويهم بمزااااج
تتذكر لمن رفعت يكوى الجلابية البيضاء ؟؟؟
انا كنت بقرب اختفها من التربيزة قبل ما يطبقها , وآخد لى فيها سحبة
زول بالو طويل بشكل !!!!!!!
يا حليلو لمن كان بيجينا ويقول لينا , كويت ليك الجلابية , قوم غير اللابسة دى عشان ام محمد حا تغسل بكرة
تقرب تقول ليهو , انت رفعت ولا (امى ) ياخ
يا حليل رفعت , والله يرحم امى ياخ
كترت الهدوم المدفوسة فى الدواليب , فقدتنا حميمية التواصل الزى ده
الما بيكرفسها شنو طيب ؟؟!!
تطلع القميص بعد مرات عشان تلبسو
تستغرب انت آخر مرة لبست القميص ده متين
كرفستو هينة
المشكلة تلقاهو لا قدرك , ولا لحم سدرك
اقول ليك
احسن حاجة
نعمل حملة اعدامات لملابسنا المخزنة باهمال دى
ونكتفى بى سبعة بس
كل يوم قميص ياخ
شوفهم كدى كان يتكرفسوا تانى ؟؟!!!!!!!!!!!!!!!!!!!!
| |
|
|
|
|
|
|
|
|
 Re: ناس الزقازيق ... أجدع ناس (4) .. (Re: منصور عبد الرازق)
|
محاولات تغيير المكان
من المحاولات الناجحة , لأستعادة الأعتدال المزاجى المنشود
تغيير شكل مكان النوم , او الوانه , او حتى وضعيته
قد تكون سببا فى عودتك الى سلامك النفسى , او عودة سلامك النفسى اليك
رفعت نور الدين , صديقنا الزقازيقى المقيم فى اوسلو النرويجية الآن
كان له مقولات كثيرة فى هذا الموضوع
رفعت من عاشقى الجينز
القميص يتغبر , قشة ما تعتر ليهو
لكن بنطلون الجينز , لا ومليون لا
لمن تركبه حالة من حالات عدم الأتساق النفسى , الكانت راكبانى لفترة
يطلع ليك الحلل السوداء والبيضاء والزرقاء
وقمصان السهرة الهزازة , زى اللابسها زهير فى صورته الفى الفيسبوك ديك
وما عنده مانع , سلطته فى اللحظات ديك , تصل لى دواليبنا , اللى مافيها اقفال ولا مفاتيح اصلا
وقد يصل الأمر للبدلة الكاملة والكرافتة
ولمن يستبدل جزمة القماش الملونة بتاعت الكلية
ويدخل فى جزم سوداء او بنية من ذوات الكعب
تعرف طوالى انو زولنا دخل فى حربه مع اتساقه الذاتى , الى مراحل عالية
وما بعيد اليوم داك , يغديك فى الشرقاوى ولا لورد , ولا يصطحبك فى رحلة الى قصر فرساى او سويت بسام زااااتو
يا اخونا انا منصور , انت قايلنى اشراقة الشافعى ولا شنو ؟؟؟؟
وبعد ان عرفنا رفعت احسن المستمعين , يتحول فى جلسة استعادة الأعتدال الذاتى تلك , الى احسن المتحدثين
يأكل بالشوكة والسكين , ويستخدم مناديل الورق الملونة
آخر النهار , يعود سلام رفعت الداخلى اليه , تتذكر يا الرشيد ؟؟؟؟
حينها كنت احس بعظمة وشان كبير , افرح كتير , فرح كبير , واكاد اطير من الفرح
من اعظم نعم الله على الآدميين , ان يعرفوا خريطة الطريق الى استعادة السلام النفسى واتساق الذات مع الذات
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
اخوتــى وأحبتــى ...
اليوم هو الاربعاء ... ارجو ان يبتهل كل منا هذه الفرصة ويدعو الله بما يريد ...
ولا ينسى ان يدعو لاخوته واخواته المسلمين والمسلمات
من السُّنَن المتروكة في هذه الأيام الدعاء بين الظهر والعصر يوم الأربعاء: عَنْ جَابِرِ بْنِ عَبْدِ اللَّهِ رَضِيَ الله عَنْهُ،
أَنَّ النَّبِيَّ صَلَّى اللَّهُ عَلَيْهِ وَسَلَّمَ دَعَا فِي مَسْجِدِ الْفَتْحِ ثَلَاثًا يَوْمَ الِاثْنَيْنِ وَيَوْمَ الثُّلَاثَاءِ وَيَوْمَ الْأَرْبِعَاءِ فَاسْتُجِيبَ لَهُ يَوْمَ الْأَرْبِعَاءِ بَيْنَ
الصَّلَاتَيْنِ فَعُرِفَ الْبِشْرُ فِي وَجْهِهِ، قَالَ جَابِرٌ: "فَلَمْ يَنْزِلْ بِي أَمْرٌ مُهِمٌّ غَلِيظٌ لَّا تَوَخَّيْتُ تِلْكَ السَّاعَةَ فَأَدْعُو فِيهَا فَأَعْرِفُ الْإِجَابَةَ".
رواه البخاري في الأدب المفرد وأحمد والبزار وغيرهم وحسنه الألباني في "صحيح الأدب المفرد" (1/246) رقم: ( 704).
تحــروا هداكم الله هذه الساعة المباركة ولا تنسونا من صالح دعواتكم
جلا : اها بطلنا الدرّاب ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
بكل تداوينا فلم يشف مابنا * على ان قرب الدار خير من البعد
داير قربك لكن محتار
الاحباب لكم كامل الموده ومبروك عوده الروح ماتشتغلو بالكلام الفوق دا
كلام خارم بارم بتاع واحد بناتو في السودان ومشتاق ليهم شديد ويوم
والتاني بقولو ليه الجماعه بتاعين الاتصالات لقد تجاوزت الحد المسموح
لك ومزنوق في العمل زنقه ك ل ب في طاحونه لو قدرت اقرا كلامكم الحلو دا اكون
ماقصرت العايز اقوله اليوم لقيت نفسي اقدر اقول لاحرمنا الله منكم
والامنيات بدوام التواصل والمحبه وهي الايام دول زي ماقال القائل
يوما كربتيت ويوما عشانا ربيت *ويوما نسف التابا وعليها نبيت
المترجمون يمتنعون
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
تحياتي يا جماعة الخير ..
أب شنب قلبها بالحبر السري ..
...
موسى عيسى
والله شاهد الله اليوم داك فتشت ليك جنس فتيش بي كمرتك ديك
قلت قبل الزول ده يصحى تطق لينا فيهو فلاش عشان تكون صورة الموسم ..
ويعني قايل بعد تصورو بخليك تمشي بيتكم بالكمرة ؟؟؟ بالللللله ....
في أحسن الظروف كنت قعلت منك الميموري وخليتها ليك عضم ساي ...
وتاني يوم كنت جيت فتحت بيها بوست خااااااص ..
وهااااك يا فوتوشوب أنا وود عيد ..
لكن صاحبك مرزق حتى جوالي موديل قديم وما فيهو كاميرا ..
الله غالب ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
Quote: ياخى ...صباحك زى هذا الكلام السَّمِحْ
وثُمَّ.... |
الكوتش الرائع و الصديق موسى عيسى...
الكلام السمح ده بتاع الأستاذ الشاعر خالد الباشا...
و غناء الأستاذ الفنان صاحب المشروع الفني محمد النصري...
اسم القصيدة بلاد الشوق...
أبو الزوز الصديق ...
يبدو انك محتاج لجرعتين كالسيوم...
عشان لما تقلب الصفحة المره الجاية تكون المداخله مليانه...
يا منص التحبة ليك و أنت تحي فينا تلك الذكريات الجميلة...
و ذلك بالحديث عن الأخ و الصديق رفعت نور الدين...
ما أن قرأت كلامك عن الجلابية البيضاء مكوية حتى شميت ريحة الأرامس ديفين...
قدوره..عيني بااااارده ياخي...
أنا أثني أيضا موضوع الصفحة الفنية...
ياسر نجيلة...
انت عايز ليك كالسيوم برضو و لا شنو...
و لا المزاجات ملكلكه شوية...
حاتم جباره...
أين مني مجلس أنت به...
يا جماعة ما قلت ليك سناء الصباغ دي عايزه ليها زول كبير يلومها لوم السنين...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
أبو الرشد يا غالي ..
كيفنك يابا وانت انشاء الله تسلم من المود الكعب ..
شفت يا منص ..
شفت نتيجة مودك الكان مطين وجيت كبيتو لينا هنا ؟؟؟
أهو عايز تخرب علينا طبع الزول أب طبعا سمح ..
وخليتو يتذكر انو في حاجة اسمها مود ومزاج ...
وانو ممكن يوم يصحى الصباح يلقاهو كعب ومطين ...
لكن هو من سماحة طبعو وجمال نفسو ما عارف المود الكعب جد جد ..
يعني يا رشدي شوربة عدس أغلى وأحلى أنواع البروتين النباتي وأطيب ما يمكن شرابه من شوربه ..
تفتكرها مود كعب .....
لا وكمان جنبو سلطة خضراء مشكلة وزحمة ألوان وكمية فيتامينات ترد الروح وتنضر البشرة ...
برضو مود ومزاج مطين ....
يعني لو جيت أكلت معانا الفول وسلطة الأسود بتاعة اليوم داك
كنا دخلناك مصحة نفسية عديييل كده .. انشاء الله بعد الشر ...
والله منص كوضمو زي الترتيب وكمان أخد ليهو دقسه بعد داك .....
..
كلامك صاح مية في المية يا رشدي ..
الحياة مليانة بالتفاصيل ومحفزات المود والمزاج السيء
ولو استسلمنا ليها سوف نعيش العمر كلو في نكد وضجر ..
لابد من وضع مذكرة تفاهم بينك وبين نفسك ( زي خارطة الطريق بتاعة منص ) وتعرف كيف تتغلب على المحفزات دي
أو على الأقل تتعامل معاها كحالة عارضة ما تلبث أن تزول لو أدرت لها ظهرك
وتوجهت بوجهك إلى محفزات الفرح والسعادة الموجودة في دواخلك وهي بالتأكيد كثيرة ومتعددة ..
مش قلت ليك يا رشدي ..
انت زول سمح وما ليك علاقة بالمود الكعب
والدليل أهو انت جيت وفي أحلى حلة وأروع كلام...
ما تسمع كلام منصور ده وخليك سمح كده طوالي ..........
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد القادر بابكر)
|
سلام يا ناس
عن المغرب والطيب صالح وأشياء اخرى..
كنت ناوي اكتب بوست بهذا المعنى
لكن حال المنبر غير مشجع تماما وخروج فطاحلة
كقمر بوبا وخضر حسين خليل وقيقراوي أدى المنبر طعم فاتر
عشان كدة حا اقوم اقدكم قد السنين
بعد ظهور النتيجة في سنة التخرج.. حتمت علينا الظروف
الانتظار لاستخراج الشهادات.. كانت الزقازيق شبه فارغة
كنا مجموعة من الخريجين في انتظار ورقة تسمى ((الشهادة))
بياطرة في لكوظ ((شقة الفلسطيني)) واعتقد مبارك جادين من علوم
وجورج من تربية وصديقنا بشير خفة من الاسكندرية وبعض الاحباء من زراعة..
كانت اللحظات مشحونة حينها.. شباب في مقتبل العمر وأماني وطموحات ربما
تتجاوز حتى حدود الممكن.. وكان الأفق يبدو قاتما للكثيرين منا.. فحال البلد
حينها لم يكن يدعو للتفكير في ما هو جميل وباعث للانشراح.. في الغالب الأعم
كلنا تقريبا أتينا من أسر بسيطة ان لم تكن معدمة... وتخرج أحد الأبناء حينها
كان بمثابة بصيص من الأمل في دائرة من الضنك تضيق يوما بعد يوم..
كان الجميع يخفي هواجسه دافنا نفسه في لحظة اننا مع بعض نقضي أياما جميلة
كنت مسؤولا عن الميز ودفتر ((الفول والعدس)) يلازم غرفتي..
حولنا احدى الغرف إلى نادي صغير لـ((الحريق)).. كان منظر بش بش وهو ((قافل))
يحيلك إلى هستيريا من الضحك.. حيث يظل يتراجف من اخمص قدميه حتى رأسه..
وحين يجر ((الخمسين)) يكون قد سقط مكان ((البايظ))..
كانت تأتي علينا لحظات لا ننام تقريبا إلا لماما في انتظار ((قيمك))..
في ظل هذه الأجواء كان البعض يتسلل إلى البلكونة.. متأملا مستقبلا مجهولا..
وكان يصادف انت تجد احدهم بقربك دون أن تقولا شيئا.. لأن التفكير ربما كان
في نفس الاتجاه: هي الشهادة اذن.. فماذا بعد؟؟؟
هواجش كثيرة تحلق بتفكيرك.. للبعض منا ((حبيبة)) في الانتظار.. ولبعضنا أسر
تتوق لهذا اليوم.. هذا عدا الآمال والطموحات الذاتية جدا..
لكن دون تفكير منا كنا نؤجل التفكير في الأمر برمته والاستمتاع بما نحن فيه الآن..
حينها كان الطموح القريب أن تذهب للكلية وتجد ((شيكا)) في انتظارك..
وتمارس نوع من ((الغتاتة)) مع احدهم وتتسللا إلى ((أبو راشد)) خلسة.
هكذا كانت الأمور تسير.. وتركناها تسير بنا برغبتنا..
ذات يوم استيقظت مبكرا كعادتي قبل الجميع.. وذهبت للكلية..
وجدت تلغرافا مبهما من شقيقي طلحة: الرجاْء مراجعة مكتب الشرق الأوسط بالقاهرة..
انتابني بعض القلق.. رجعت إلى الشقة وحملت جواز سفري معي وإلى ((بيجو القاهرة))..
في الطريق كعادة سائقي البيجوهات:
سمعونا الصلاة على النبي.. اللهم صلي وسلم على حبيبنا محمد..
وبعد حين.. ((أروح لي مين)): الله يا ست
هواجسي منعتني من الاستمتاع بـ((الست))..
سحائب كثيرة من الافكار مارست سلطتها علي..
هل هناك فقد ما ويودون اخباري بصورة تجعلني اتحمل الأمر..
من كثرة ظنوني خلت المسافة بين الزقازيق والقاهرة كأنما ساذهب من الخرطوم
إلى بورتسودان على متن ((بارلينا))..
وصلت وانا اتصبب عرقا.. وجدت مدير المكتب حينها ((محمود الشناوي)) في انتظاري..
رحب بي كعادته وطلب مني جواز سفري وان كانت لدي صور..
لحسن الحظ كنت احمل صورتين... خرجنا سويا ووصلنا إلى السفارة المغربية..
بعد ربع ساعة وجدت انني احمل تأشيرة للمغرب وتذكرة عن طريق الخطوط المغربية..
وقال لي حينها استاذ الشناوي: ابسط يا عم طلحة قال عايزك تقضي معاهو شهر شهرين في المغرب..
ياخي انا نعست
ههههههههههههه
بكرة بنواصل ان شاء الله
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
جادي يا ود نجيلة وحا أواصل بي مزااااااااج كمان
أها شن قولك
رجعت إلى الزقازيق وكل تفكيري (هذا المغرب)..
تحدثت إلي ود جبارة وجورج... وبعد يومين حزمت حقيبتي ودلفت إلى مطار القاهرة..
أعلنت الخطوط المغربية عن قيام رحلتها المتجهة إلى المغرب..
استقبلتني مضيفة مغربية بابتسامة عريضة وأخذتني إلى مكاني..
كانت من النوع من النساء الذي يمكن أن تسميه (طاغي الأنوثة)..
ولكم أن تتخيلوا وضع هذا القروي الذي رمت به الظروف في براثن هذا الجمال الأخاذ..
كانت الطائرة شبه فارغة.. وحين أعلن قائد الطائرة الاستعداد للإقلاع..
لم تجد تلك المضيفة سوى المقعد الذي بجانبي كي تجلس عليه...
كانت تلبس سكيرت قصير وضيق يخفي خلفه جسما من البرونز..
نتوءات هنا وبروزات هناك.. ومع اهتزاز وأزيز الطائرة كان يهتز جسدها وأهتز أنا كليا كذلك..
لولا خوفي الشديد من ركوب الطائرات لكنت أقدمت على حماقات كثيرة..
لكن إحساسك وأنت في هذا ((الصندوق)) الطائر لا يترك لك المزيد من التفكير في ملذات الحياة..
كانت رحلة مملة جدا.. خمس ساعات وأنت في لا مكان.. فقط السحاب وأزيز المحركات ومضيفة (حلوة المبسم)..
حطت الطائرة في مطار محمد الخامس بالدار البيضاء في منتصف النهار تقريبا..
الجو حينها بمقاييس المغاربة كان لاهبا.. وبمقاييسنا نحن (على مرمى حجر من خط الإستواء) كان جوا باعثا للجمال إن لم يكن (جو فول)..
ترجلت عن الطائرة فوجدت شقيقي طلحة عند الباب.. فقلت في نفسي: يبدو أن هذا القروي أصبح له شأنا كبيرا هنا..
أن أجده أمامي بعد نزولي من الطائرة ومعه عميد في الأمن.. ثم يرحب بي العميد ويأخذ جوازي ليسلمه لأحد الضباط..
لعمري إن هذا (النجار) الذي كان يعمل صباحا ويدرس مساء أصبح ذو شأن هنا..
تعانقنا كثيرا.. ثم خرجنا من بوابة ليست لها علاقة ببوابات القادمين..
فوجدت الضابط عينه أمام سيارة طلحة الـ(ريقاتا) فسلمني جوازي وحقيبتي: مرحبا بسي طارق في المغرب..
تحركنا نحو الرباط...
المطار الرئيسي في المغرب في الدار البيضاء (العاصمة الاقتصادية كما يسمونها)..
المسافة إلى الرباط تستغرق ساعة ونصف تقريبا..
لفت نظري منذ أن غادرنا المطار... أن لا مباني في الطريق إلى الرباط..
حقول ثم حقول ثم حقول.. زنابيل من العنب على جنبات الطريق وبقايا حصاد القمح يمتد كـ(راحة اليد)..
حكينا عن كل شئ حدث في حياتنا.. وكان محمد كرم الله ونيسنا (يا المشتهنك في غيابك روحنا بيك متجننة)..
حين وصلنا الرباط اكتشفت أن أسرة طلحة في مدينة أصيلة.. حيث المهرجان الثقافي الضخم..
لذا كان علينا أن نقضي ليلتنا في الرباط ومن ثم نغادر إلى أصيلة..
هناك حيث سنغور وماركيز والطيب محمد صالح...
....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
عصام وجلال كيفنكم ياخي
يا احباب والله عندي مزاج بتاع كتابة جاني فجأة كدة
يمكن وصايا منص نفعت
بعدين ديدو دة تقول كان ساكن في مقاطعة سان جيمس
غايتو كان ما بنات مدرسة الشهيد الطاهر سمحات كان سمعناك كلام يحمر قفاك
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
جبريلا ... الله يديك العافية ويخــدّر ضراعك انشاء الله
غايتو وانا بقرأ كتاباتك بأكون زى القاعد اسمع فى عثمان حسين
او بأتفرّج على كمال عبد الوهاب ولا فيصل العجــب ..
ســـهل ممتنع وممتع ...
رواقة ومزاج فى الحكى ...
تظبيط مزاج يخلى الواحد ما يقدر ينطق بس يقرا فى صمت ويمتع نفسو بالدهشـــه ...!!
واصــل بالله بدون انقطاع ... ومؤكد محبيك ومعجبى كتاباتك هنا لا يختلفون عن اصدقاءك فى الحوش الورانى ...
****
واصل يا حبيب لأنو عندى احساس انو اندياحك الجميل سيأتى لنا بكمال الشادى ......
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
ود عيد كيفنك ابوي
يا حبيب الله يجبر بي خطرك ياخي
هي في الاخير محاولات للخروج من دبرسا الغربة لا اكثر..
تعجبني الكتابة عن البسطاء..
والكتابة عن المشاهدات..
لا ادري ان كانت ترقى الى مستوى ((الكتابة))
لكنها على أية حال تظل محاولات..
نواصل...
وصلت فندق (وادي المخازن) في أصيلة تحت تأثير فرحة اللقاء..
تسالمنا أنا و(امينة) بارتباك واضح مني..
لهفتي لرؤية (رؤى وسلمى وإمروؤ القيس) جعلتني متوتر تماما..
بدت رؤى متحفظة ومرتبكة..
تقدمت نحوي سلمى.. اختطفتها من الارض وقبلتها: ازيك يا سلومة
ففاجأتني: انت عمو طارق ياااك..
- ايوة يا بنتي انا عمك طارق عرفتيني..
- آه شفتك في تصاور (صور) بابا..
هكذا بدأت علاقتي بسلمى التي اصبحت اليوم عروسا..
حتى انها تركت غرفتها في الفندق واصبحت لا تفارقني..
صارت صديقتي من حينها..
تخرجت اليوم من كلية الاقتصاد بباريس..
اضطررت للتوجه لرؤى المتحفظة لكسر هذا الحاجز..
حين اخذتها بين ذراعي.. بدت خجولة جدا..
لكن بعد ساعتين انكسرت كل الحواجز بيننا..
وهي اليوم طبيبة تحاول التخصص في النساء والولادة
امروء القيس كان عمره شهران حينها..
واليوم في سنته الاخيرة في الجامعة وبحث تخرجه عن مشكلة دارفور..
جاءت الفتاتان معي لغرفتي وتحدثنا كثيرا..
كسرت جميع الحواجز واصبح التواصل سهلا..
احسست بزهو وسعادة غامرة لهذا النصر مع الطفلتين..
ارتحت قليلا.. ثم توجهت الى شرفة الفندق..
بدا لي الاطلسي كعملاق لا نهاية له..
ثم بدأت الشمس في المغيب ونشرت صفار اشعتها على مياه الاطلسي..
ورجعت إلى هواجس الزقازيق.. والافق الباهت اللون..
ارخيت اذني لحديث المارة تحت شرفتي..
هؤلاء القوم يتكلمون لغة لها رنين مختلف..
نبض الكلمات هنا على شواطئ الأطلسي يختلف عنه عند ضفاف النيل..
بيئتهم ناعمة وتدعوك الى الانغماس فيها..
وبيئتنا مرهقة جسديا لكن متعتها الروحية لا تضاهى..
لكننا في الأخير نلتقي عند (الله)..
افكار كثيرة وخيوط وملامح حياة مستقبلية تبدت امامي..
تركت لعقلي الغوص في خيوط افكاره..
بينما غرقت عينان في مغيب الشمس وهي تودع يومنا خلف امواج المحيط..
طرقات خفيفة على الباب اخذتني مما كنت فيه..
طلحة: ياخينا انت صحيت..
- من قبيل والله كنت بعاين من الشباك في بلدكم السمحة دي..
- يلاكا نمخشي فندق الخيمة شيخ الطيب منتظرنا هناك
- شيخ الطيب دة منو كمان
- الطيب صالح ياخي موش انت حافظ كتابه
- انا لله.. الطيب صالح عديل كدة
- هو ذاته بي شحمه ولحمه.. هو عارف انك جايي ومنتظرنا
وعلى فكرة انا قلت ليه انك تقريبا حافظ (موسم الهجرة الى الشمال)..
ألجمت لساني المفاجأة.. وطافت برأسي الكثير من الأفكار..
تذكرت (حسنة بت محمود)..
وكلمات (ود الريس): النسوان والبنون زينة الحياة
ثم (محجوب): ود الريس كهؤلاء الناس المغرمين باقتناء الحمير،
الواحد منهم لا تعجبه الحمارة الا اذا رأى رجلا آخر ركبا عليها
وظهر لي طيف (بت مجذوب) وخيل لي أنني سمعتها تقول:
على الطلاق يا حاج احمد، كنت حين يرقد زوجي بين فخذي أصرخ
صراخا تجفل منه البهائم المربوطة في مراحها في الساقية..
أسئلة كثيرة طافت بزهني.. تمنيت هذا اللقاء يوما..
وها هي الأقدار تقودني الى عالم الرجل الذي خلق لنا اسما بين الأمم..
....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: موسي عيسي)
|
صباح الخير ،،، يا وجوه الخير
لكم كل الحب والود مع إطلالة هذا
الصباح الجميل ،،،،،،،،،
جذبتني جداً كتابات ود جبرين
الله يديك العافية ويخضر ضراعك
واصل ،،،،
حجبني عن الظهور يومي الخميس والجمعة عدم
وجود النيت ،،،،
أخونا كمال الشادي بخير وسوف يعود عن قريب
وربنا يعدل المود بتاعه ،،،،
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
معقول يا طارق
كتابتك دى , مفاجاة المفاجآت
خليتنا ختيناك فى قالب , بغتاتتك دى ياخ
اتاريكا قاعدلك فوق راى يا مسخوت
كان عندى سجال تلفونى مع زهير , سبقنى هو لتلخيصه فى المداخلة الفوق
انا اسمتع ايما استمتاع ,بلهجتك الدارجة , فى حكاياتك التى بطعم بنى شايق
اتاريك عندك ماهو ادهى وامر
هسى يعنى انت خصيتنا بالأندياح ده , عشان زعلان من غياب ناس فى المنبر
الهى يا بكرى وانت جاهى , تحول الناس كلهم عندنا هنا فى بيتنا ده , واذا ما عاوز ترجعهم للمنبر العام , لا ترجعهم ولا شيتين
عشان غتاتتك دى يا مقطوع الطارىء
السرد الجميل والراقى ده , تواصل فيهو دون انقطاع
وكمان , تفتح ليك بوست خاص فى حوش الزقازيق الخاص
مخسس للسرد ده تو
مداخلاتنا وتعليقاتنا هنا , فى المنبر العام ده
بى هناك , ممنوع المداخلات والتعليقات
سرد سكيتوا , على الناااااشف , للقراية والأستمتاع بس
وكان اديتنا منه نسخة فى منتدى سورى , مالو ياخ , اصلو ماشين نخلص حبرك
يلا يا اب صلعة , دوزن قلمك , وكب لينا الكلام الما خمج
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
على فكرة
لى زى يومين تلاتة كده , عاوز الكزكم تكتبوا عن (الدراما )
دراما الحياة عموما , وقصصها الفارهات
ابو الزوز دلف بيكم على رواية لى محمود شكرى , قال انها سيرة ذاتية له
ياخى الحاجات الزى دى , ممتعة لمن بس
يعنى حتى شغف الناس والبسطاء بالأختراع الأسمه مسلسلات ده ,
يتخيل لى نابع من متعة انك تشوف شخوص بتتحرك امامك , زى ما انت بتسوى فى دنيتك دى
تعرفوا حتى ولو كنت ما موافق على احداث ومواقف تصورها ليك دراما معينة
يعنى حتى ولو كنت بتتفق او بتختلف , فالمتعة محمداك فى كل الأحوال
واجمل تصاوير الدنيا , لمن يقدر ليك ان تقعد فى (بنبر ) , وتتفرج فى شخوص تتحرك قدامك بالخطأ والصواب
برع البلاشفة الروس فى الفن القصصى السردى , وعموم اهل شرق اوروبا
ولكن الأبداع القصصى الروائى لييس محصورا فيهم بلاشك , وان كانوا من رواده
الطيب صالح , غرق فى العامية والمحلية , حتى وصل بها واوصلته الى عالمية يستحقها وتستحقه
بس طارق جبريل الفوق ده , قلب الهوبة عدييييل , لأنه جاءنا بادوات مختلفة
نترك الساحة له للأندياح , ولنا للأستمتاع
ولنعتبرها ضربة بداية , لتصوير مقاطع من حياتنا , كل بأدواته , وكل باسلوبه
فمثل هذا الضرب من ضروب الأبداع , سره جواه , وابداعه فى تفاصيله
فمتى ما استحضرت احداث حياتك , وصدقت فيها ومعها , وسكبت فيها (عطرك الذى تحب وتشتهى )
فان النتيجة (فتاااااااااااااااااااااااااااااااااااااكة )
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
اليوم هو يومي السادس من الاجازة السنوية
باديس ابابا
مع امنية
واحمد ومحمد
وروى
سوف احاول انزال صور بجاي او في الفيس
التحايا لكل المتداخلين
اتابع بشغف ما يكتب ود جبرين
اذا كان هو يكتب لاننا غايبن
فاعتبرنا غياب حتى تنتهي
واكتب
قابت امرؤ القيس
وقابلت طلحة
فيا فرحتي التي تتفوق على فرحتك يا ود عبد الرازق
يا الرشيد الكرفسة ما مشكلة لكن
الدبرسة ليها اسباب اخرى
ابحث عنها بعمق
ولكن اكتب لينا لاننا في الصف
نتمتع بما تكتب انت
ومنصور
ونجيلة وكل المنداحين
لكن يا الزناتي اديس دي
كلها حبش
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
صبحكم الله بالخير
جبريلا تمنيت أن أزور المغرب و بخاصة الدار البيضاء أو كازا...
و أقضي أوقاتا بين المدينة القديمة و الجديدة باحثا في روائعها...
و أن أتمشي في شواطئها و تتكسر أمواجها على قدمي...
دون التعرض لأي اختبارات برونزية أو خشبية حتى...
و ذلك لمعرفتي مسبقا بأنني سأكون تحت رقابة لصيقة...
فست بيتي تسمح لي بأن أشد الرحال وحدي الى أي مكان في الدنيا...
الا مكانين...المغرب أحدهما...
و ذلك ليس لجمال حسناواته فحسب...
بل لأن كل الذين ذهبوا الى هناك عادوا متزوجين...
يتزوجون جهرا أو سرا مدعين أنهم قد تم سحرهم هناك...
و لعمري أنهم قد سحروا و لكن ليس السحر بمعنى العمل كما يدعون...
لقد أوقفتني معك في تلك الشرفة المطلة على الأطلسي و لكن بهواجس مختلفة...
و جعلتني أنصت الى أصوات الناس الذين يتحدثون بلغة غير مفهومة...
و كشفت لي سر ابداع الراحل الطيب صالح...
فمثلما خزن في ذاكرته تلك الصور الجميلة عن بيئتنا...
و التي صاغها بروعة في وراياته...
فلقد ملأ رئتيه بهواء الأطلسي المنعش الجميل...
واصل الكتابة الرائعة يا حبريلا..
فلربما تحولت بقدرة قادر الى السياحة بدلا عن الصحافة...
و أول زبون حيكون موسى عيسى...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
موسى عيسى يا حبيب
يا زول ناس جلا ديل ما قاعدين يكبوا في الجلكسات من ما بدا البوست دة
مافي زول قال ليهم حاجة
كب يا حبيب وانا بكب ليك
وانعل ابو اي حاجة
ابو الزوز..
تعرف كتاباتي باللهجة الشايقية بجد فيها متعة كبيرة
يمكن لانه اهلي جاؤوا الى الخرطوم ولكن بعقلية البركل
نقلوا حياتهم من هناك الى الخرطوم.. لكن لهجتهم لم تتغير
وزاد الامر وجود بيتنا في مكان وسط في الخرطوم
خصوصا ايام السكة حديد فكل القرية كانت تنزل في بيتنا
فاللهجة هنا كانت طاغية لدرجة بعيدة جدا
حتى الاغاني داخل البيت كلها كانت تسير في نفس الاتجاه
لذا وجدت راحة كبيرة في التعبير عن ما اود كتابته بلهجة اهلي
ليس تعصبنا ولكن هي اداة اجيدها فقط دي الحكاية.. في عطلتي الاخيرة في
السودان يوم كرامة حجة الدومينكاني وجدت عمته في البيت
وهي والدة دكتور مجدي الشفيع الزقازيقي.. تعرف لقيت نفسي
بتكلم معاها بالشايقي طوالي لانه لكنتها كانت واضحة..
طبعا يا زهير محمد شكري دة رحمه الله انا كانت عندي معاه ونسات
وصولات وجولات وعلى ذكر كتبه.. تقريبا انا صممت كل كتبه الاخيرة
خصوصا (زمن الاخطاْ) و(تينسي وليام)...
وحا اجيك ليه بمزاج..
الريس ميسرة ياخي الله يجبر بي خاطرك
وحسب الفيس بوك حقي انه عيد ميلادك الليلة
كل سنة وانت طيب
غايتو لو الفيس بوك حقي مجلي وداقس
يا زول كل سنة وانت طيب طول السنة
منص يا حبيب
يمكن مداخلاتك حقت فك الدبرسة كانت سبب في الكتابة دي على علاتها
لكن اقول ليك شي: ياخي الكتابة باللغة العربية دي زي البتاكل
ليك في عدس في حبات رملة
ياخي حاسي انها ما لافقة معاي كلو كلو
يا حبيب بنتم ليك باقي الحكي هنا.. لكن عليك الله اعفيني من الحوش داك
وكمان اعفي معاي ياسر نجيلة
ياخي ما بنقدر علي المساسقة دي كلو كلو
لكن بودي ليك الحاجات دي كلها هناك في سوري..
بس انت جيب لينا كمال الشادي
الزول دة حلو ياخي ويخفي (مصائب شايقية) يا ريت يجي يحكيها هنا
ود جادين يا حبيب
والله ايامك ياخي
تعرف نفسي اشوف الحبشة دي
بحس انها دولة تستحق الزيارة
والحبوش ديل ناس شكلهم حلوين زي حلات المغاربة ديل
يا حبيب تحياتي لمن حولك وما تغيب مننا
امبارح قشرت بالقميص وجاني احساس انه انا بقيت من عُلي القوم
يا رشا المغرب بلد يستحق الزيارة
فيه روح جاذبة كدة غير عادية
وما تسمع حتة السحر دي
يمين اي سوداني جاء اتزوج هنا جابتو الجلكسات و(فنتازيا الجنس)
ما يرموا القصة في السحر
وعليك الله ورينا الحتة التانية الحامياك ليها بت الشيخ
يمكن الواحد يفكر يمشيها
عموما مرحب بيك في المغرب لكن كان سحروك لا تعرفني لا بعرفك
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
Quote: لكن يا الزناتي اديس دي
كلها حبش |
يزوروا فيك عديل يابركة ... ماداير اقول فوقك الملائكة ... عشان ام احمد ماتزعل
المهم ياحبيب ... بالتفصيل الممل بالله عشان عندنا النية وكدة والا ....
بقوم انسحر ليكم عند جبرييلا وبتاكلوا ناركم بعدين .... وبجيب ليكم الهوا ...
جبريلا .....
حقيقي سرد رائع وجميل وكتابة ادبية لا تقل شأن عن روائع ما كتب "ماداير اجيب سيرة شيخك"
لانو تاني ما بنقدر نهظر معاك كان قلنا ليك زي كتابة شيخك الطيب
ومابين العدس الفيهو رملة دا ... والنضمي الطاعم ضمة داك "العنصرية ظهرت"
بأيهما كتبت ... كسبنا نحن اديباً اريباً ...... وأخاً رائعا ...
وفقك الله ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
Quote: ثم جيئ بـ(الطاجين).. واندهش القروي القادم من تخوم البركل..
لأول مرة في حياتي أرى طعاما على آنية فخارية..
|
ياسلام يا طارق على الحكي الجميل بالله زود منه
زمان يا طارق عندما كنا صغار بنلعب بالتراب أحد أصدقاء الوالد
سأل أخي قائلا: أنت دحلوب ولا طاجون؟ رد أخي : دحلوب ، ضحك الرجل
ثم سأل أخي الثاني نفس السؤال ، فرد الأخ الثاني بأنه طاجون أيضا
ضحك الجل عليه، بعد كبرنا شوية عرفنا الدحلوب لأنه متواجد في البيئة
لكن الطاجون لم أعرفه إلا اليوم ( الطاجن المغربي).
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
سلام
الله يديك العافية يا ود عشة
مستمتعة ومتابعة من الاول وحاجزة قدام بس واصل يا طارق
بلمناسبة يا طارق اصولنا مغاربة ويقال انو جدنا الكبير من فاس يلد سيدى احمد التجانى يعنى بيزورو فينا
بعد حكيك دة نمشى نفتش اهلنا
بس بمشى براااى انا وعيالى بس
ما يقوم سيد بيتى يقول لى اقعدى بمشى افتشهم ليك
كل سنة وانت طيب يا ريس غقبال مليون سنة
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محسنة ميسرة)
|
جلال يا حبيب
تعرف لمن اكتب اللهجة الشايقية بكون متاكد انه انت اكتر زول
بيكون فاهم من قولة تيت ما زي ناس حاتم شوايقة كليفورنيا
يا حبيب طيب صالح شنو البشبهو انا
العشرة سطور الاولى من موسم الهجرة
الى الشمال براها قدر ادب الكون كله
الله يجبر بي خاطرك يا حبيب
ود اسماعيل كيفنك
الغريبة انه الدحلوب دة عندنا في منطقة الشايقية منتشر
لكن الطاجين دة حق مغاربة
زوبة كيفنك ياخي
اسمعيني انت كان جيتي هنا براك وانسحرتي
اها عمر دة يقبل وين
مرة تانية كل سنة وانت بالف خير يا ريس
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
اولاً صباح الخير يا وجوه الخير
ريسنا وحارسنا وفارسنا ... وتاج راسنا وكبيرنا
كل سنة وانت طيب ... وعقبال مية شمعة ... وعمر
سعيد ... ومديد وصحة عافية وحديد انشاء الله
والتهاني اكيد تعبر عبرك الي مني واصدقائي
الصغار محسنة ومشكاة ومنذر ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
ثانياً : يا مبارك جادين طلعت فارة قول لي كيف .؟
في زول يمشي اديس ابابا ويسوق معاه حراسة خاصة مشددة
لكن ما بالغت ... علي العموم برضك حا تستمتع باديس ابابا
والجو الجميل ... والوجه الحسن والماء والخضرة ... وبالله
ركز لينا علي الجو الحسن ... اقصد الجو الجميل ... غايتو
امنية اثبتت انها حكومية قوية ... وراسخة ورغم كل الثورات
المحيطة الا انها قادرة تمسك بمفاصل الدولة ... بمعاونة
الخيانة البني والكوز الصغير ... ما تنسي عبد السميع في السفارة
السودانية ... بس عبد السميع ده ذاتو انا كان جيت اديس ابابا
ما حااتصل بيهو الا في نهاية الاجازة ... واقابله آخر يومين
واحلف اقول لي جيت امبارح ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
كل عام و انت بألف خير يا ريس و انشاء الله عقبال مليون شمعة
ود جبرين يا جميل بكلامك الحلو دا انا موافق علي اقتراح صحبي
الرشيد و لو هو ممنوع من الصرف نحن مصروفين جاهزين يعني علي
النقرة تلقانا في الحوش انشاء الله ما نفهم اي حاجة من عجين كلامهم السمح داك ..
المهم اب شنب لو قدر وقع ليهو اذن يانا المتكاملنك .
و بيني و بينك يا الرشيد العروض بقت اكثر من مغرية اها المكان
التاني المنعوني شفوتو ما هوالحبشة!!! اها صحبك مبارك جادين اليومين
دي شايفو متجدع بس النقول ليك يا مبارك في منظقتين خطيرات من كلو اسمهم نارزيت
و دبر زيت قريبات من اديس بالله اتجدع لينا فيهم لمن نصل ود الجبرين دا
و بعدين نحصلك و لا اقول ليك وصل العيال ديل و تعال مقبل علشان
نكون نواة جيش الزقازيق لتحرير السودان !!!! رايك شنو يا فردة
أنت اصلك متعودة !!!!!!!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
يا ود جبريل يمين بالله غيرت راي فيك وبقيت اعتقد فيك عديل ...
يا زول انت مصاحب الطيب صالح وكمان محمد شكري لا لا ... اها
كمان لو قلت لي قابلت القديس ماركيز في اصيلة يمين بالله
ولدي الجاي الا اسميهو طارق جبريل موسي كاملة كده ....
ياخي محمد شكري حتة واحدة ... اكيد بتهظر معانا ...
علي العموم ما تدخل لينا بحمد وتطلع لينا بخوجلي ...
السلسلة دي اقل حاجة فيها كم وتلاتين قطعة (لاحظ لي اقل حاجة دي)
بنفس المقاس السابق غير كده ما بنقبل ... يلا شد حيلك
انا بجيب ليك التمباك والسجائر ومحمد صديق عليهو بالشاي ...
ومبارك جادين جاب القميس يبقي المكوة علي جلال ... والغسيل
يا عبد الدائم النضيف يا موسي عيسي ... لانهم متعودين علي
الغسيل في البيت .... اها الحلل تخصص الريس ميسرة ومنصور
كل يوم علي زول ... قلنا نفيض الشقة علي احمد اسماعيل
حلف باليمين عنده جيوب انفية واختار مراسيل الدكان ...
اها النضافة بقت علي سامي لانه طويل وما يحتاج يدخل عود
في السعافة ... اها بنات الشيخ السمحات ديل ما عايزين
نتعبهم كفاية عليهم خدمة البيوت ... واحسن ذاتو في حكايات
طارق جبريل يتلمن علي عيالهن ... يمكن في ناس كتار تفكر
في موسم الهجرة الي المغرب .... وبس خلاس
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
ميسرة انت اول امبارح فى الليل ما كنت معاى فى البيت
مالك ما عزمتنى عيد ميلادك .... انا من حركات مشكاة عرفت فى حاجة ما طبيعية
كل سنة وانت طيب ياخى
اى زول عاوز يمشى كازا ولا اديس انا مستعد اعمل ليهو حجز بنسبة تخيض 80 %
رايح جاي ويومين اسضطافة مجانية ..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
صباح الخير ،،، يا وجوه الخير
أصبحنا و اصبح الملك لله وحده،،،
شرب يوم أمس مقلب جميل من بت الشيخ والأولاد
وصلت إلى البيت وإسترحت وصلينا العشاء
وحاولت أدخل غرفة ناس محسنة ولكنهم قالوا لي
هناك ضيفة معهم فإمتنعت ،،،،،،
وأنا إنسان بيسط زي ود جبرين داك
نطلبت محسنة وأمها أن أسلم على الضيوف
دخلت الغرفة ووجدت الغرفة مظلمة إلا من شمعات
وهتاف من كل جانب كل سنة وأنت طيب يا بابا
يا أولاد أنا مش بتاع حاجات زي دي ،،،،،
طيب كيف أحضرتم هذه الأشياء ،،، فاكر يا بابا أمس
قلت ليك في حفلة في المدرسة وطلعنا كلنا وأنحنا إشترينا
إيه رأيكم يا أولاد دا أول تورته تسجل بإسمي في حياتي
سمعت بعد أن كبرنا وبقينا أكبر من ناس زهير الزناتي قالوا
لينا كل سنة وأنت طيب ،،،،،
لكن تشتروا تورته بحاله وأنا عمري ما في حد إشترى تورته علشاني
شكراً يا البطان - على قول ود جبرين -
كبرنا وشخنا وقالوا نحتفل عجيب أمر الدنيا،،،،
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
صبحكم الله بالخير
أجمل التهاني و التبريكات للريس ميسرة...
ان شاء الله دايما تامين و لا مين و محتفلين كمان...
.
.
.
.
.
دي ما بيضة اليوم...
دي مقدمة ساكت...
و تهنئة للريس قبل ما يسبقوني باقي الناس...
البيضة ان الله أراد بتجي بعدين...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote:
دي ما بيضة اليوم... |
؟؟؟؟؟؟؟؟؟؟؟
شكل المعاكسات بعد الثورة المصريه
اموت أنا وأثور سنة
طب وشرف رئيس الوزراء.. إنتي مزة
ده إنتي تقولي للريس قوم و أنا أقعد مطرحك
نفسي ايدي و ايد ابوكي تبقي ايد واحدة
أكيد مامي دبابة عشان تجيب الصاروخ دة كله
يا انسه يا انسه انا مش بعاكس والله بس ممكن تدينى رقمك القومى؟
أموت انا في الانفلات الأمنى!( دي قوية)
امووت في الشفافيه!
عاوزك في حوار وطني!
انا أبويا معتقل وأمي في التحرير والبيت فاضي يا جميل
الجميل من هنا ولا مرتزقه؟
تحرير ولا مصطفى محمود يا قطة
-تصدق إنك شاب أجندة متختشيش ؟
- و الله أشتكيك للجان الشعبية
- و الظريف بقى حزن وطنى و لا نمل دولة ؟
- شاب ماسونى كنتاكى صحيح !!
- إيه العثل دا يا إخواتى دمك خفيف قذافى يلطش
- و الله لأقلع الكمامة اللى فى وشى و أخنقك بيها
- إبعد عنى أحسنلك أحسن معايا فى شنطتى رذاذ مسيل للدموع
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
يا حمادة علامة استفهام واحدة تكون محتار...
علامتين confused...
تلاته علامات...محتار دفع الله...
حداشر علامة مره واحدة دي تبقيك القذافي عديل كده..
و ده كلو عشان شنو...عشان بيضة ديك...
ركب معي صباح اليوم (علم) من بنغلاديش...
علم من بنغلاديش دي ذكرتني الشياطين التلتاشر...
علم قضى ما يزيد عن التلاتين عاما في الامارات...
قلت ليهو يا علم أول نفرات يجي يجلس خمسة سنة عشرة سنة و بعدين يرجع بلاد...
الحين يجلس تلاتين سنة ما يرجع بلاد..
امكن كمان في موت و برضو ما يرجع...
يودي داخل مقابر هنا...
علم قال لي...انت في قصد أنا و لا شو...
أنا والله ما كنت قاصدو..لكن ضحكت من أعماق قلبي...
راس السوط هبش الراجل..و قلت ما دام الراجل اتحسس أزيدو شويه...
قلت ليهو يا علم شوف الحين كيف الجو حار هنا...
بعدين انت في موت تحت قبر واجد حار...
أحسن شيء روح بلاد في مطر في جو بارد...
علم فطسان من الضحك...
و الله كلام مال انت صحيح...
أنا شغل تلاتين سنه مافي فايده...
بعدين موت.. بعدين قبر واجد حار...
سرعة سرعة يصير بترول...
بعدين هذا بلاد فايده...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: لا تـــشـــكي مـــن الأيام فليـــس لـــها بــديـــل
ولا تــبكـي عـلي الدنيـــا مـا دام آخـرهــا الـرحــيل
|
من تيسير الله على الأنبياء أن يؤخر لهم آجالهم إن أرادو ذلك
من قصص الأنبياء ، يقال سيدنا موسى عليه السلام جاءهـ ملك الموت
ليقبض روحهه فلكزهـ موسى بقوة، الملك قال لله جلّ شأنه ، عبدك موسى
لايريد أن تقبض روحهه ، الله سبحانه وتعالى قال لملك الموت : إذهب إليه
وقل له ، أن يضع كف يدهـ على ظهر ثور أو بقرة ، يمد له في عمره بقدر
عدد الصوف الذي تحت يدهـ ، سيدنا موسى قال وماذا بعد ذلك، ملك الموت
قال بعد ذلك الموت، سيدنا موسى قال إذا الآآآآن
ففي الآخر الرحييييل
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
للريس العزيز , ميسرة اب شنب , ابو محسنة وولدها
يعلم الله نحن بنحبك قدر شنو , يا اخو الأخوان
تسلم لينا وتطيب ايامك ان شاء الله
يخلى ليك والدتك , ويرحم ليك والدك , ويحفظ ليك اخوانك
ويديم ليك بيتك مفتوح وعلى راسه سته وعيالها
بس
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
اول زيارة لى للزهرة الجميلة والجديدة والتى لا تبلى ولا تقدم ابدا
اديس ابابا
كانت فى صيف العام 1993 (فى القرن الماضى يا زهير )
ذهبت اليها مستكشفا , عندما اقترحها على احد الأصدقاء , كمكان لشهر عسل خرافى كما قال
تعليقات فطيرة زى حقت زهير بتاعت الزول يمشى اديس فى حراسة مشددة
واخرى مرادفة زى بتاعت حد يمشى المطعم وشايل معاهو سندوتش
احاطتنى من كل مكان , فالمغرضين من امثال زهير , كثيرون
وصدقونى من اليوم داك, فان المرور على هذا المكان الساحر الجميل , فى غدواتى وروحاتى
صحبة ست بيتى وام عيالى , من امتع ما افعل , لا بل ومعانا عيالنا كمان
بينى وبينكم , اولادى ما حبوها شديد , لكنى مع ام احمد , نحب معالمها , ونحب طقوسها , ونحب قهوتها , ونحب كسرتها الأنجيرا
ويا لها من كسرة , ويا لها من شطة , ويا له من جو
الجمعة قبل امبارح ده , مدرار الشليقة مشت حفرت وطلعت ليها كمية من الألبومات القديمة
واختصت البوما كبيرا وعزيزا , البوم متين جدا , لا اسمح له ان يتقطع او يبلى , ولا حتى ان تنسل صفحة من صفحاته
ومن الأشياء الجميلة فى ذكريات اديس ابابا فى زيارتى الثانية لها ايام (شهر العسل )
اننى وبعد ان زرتها واكتشفتها فسحرتنى واصبحت من زوارها الدائمين
ثم وصلت الى الخرطوم واكملت ايام زواجى نهايات يوليو من العام 1993
غفلت اليها راجعا وعارفا بتفاصيلها , يا مبارك جادين العزيز
فكان ان صادفت فى صالة مغادرة مطار الخرطوم , الزقازيقى العتيق والجميل ابن عطبرة نصر الدين السيد
وهو من خريجى زراعة الزقازيق 1984
كان نصر ذاهبا الى اديس (مستعسلا ايضا ) صحبة عروسته ابنة خالته على ما اذكر وهى مقيمة فى مدنى (حا اسال ليكم ام احمد بعدين تذكرنى بى اسمها )
انا كنت حاجز مبدئيا فى فندق اسمه (يوردونس هوتيل ) يا ود جادين
كانت هذه خطتى التى طلعت بيها من زيارة الأستكشاف الأولى
فانضم نصر الدين الى فى خطتى , على امل ان نستغنى عن الفندق , حال استرشادنا الى سكن عائلى يناسب شهر العسل
وقد كان , ثلاثة ايام خرافية فى يوردونس هوتيل الجميل
كنت مقررا المكوث فى هذه البلدة , اسبوعين بى خمستاشر ليلة
ولكننا اهتدينا الى فيلا فى ضاحية (بولى رود ) , خلت ناس السودان يفتشوا علينا , لمن لقونا قالوا لينا , مش قلتوا اسبوعين ؟؟!!!
قلنا ليهم , هى هى الأسبوعين تموا ولا شنو ؟؟
وحاتكم , من بعد تلك الأسابيع الثلاثة , فاننى زرت اجيس ابابا مع (ام عيالى ) فوق المرات السبعة
منها تلاتة مرات فى ذات اليوردونس هوتيل
وفى مرة من المرات كان نزولنا الى اديس مجرد ترانزيت 36 ساعة
لما ناس الخطوط الأثيوبية , وقفوا الأتوبيس بتاعهم ونزلونا قدام يوردونس هوتيل , بت شيخى دى لمن قربت تطق الثكاليب
ولن احكى لكم عن ليالى قيون , ولا عن اوفر نايتات هيلتون , ولا عن دبرزيت ولا فن فنى , ولا عاوزين كارامارا
خلى مبارك جادين يحكى ليكم
استمتع بايامك ولياليك انت ( وامنيتك ) يا ود جادين , وسلموا لى على سى باسترى , واشربوا لى معاكم فنجان قهوة فى (بيكوك)
لو ما لقيتوا اى حاجة تعملوها , بس اقعدوا فى طرف (ريفليوشن اسكوير ) واتطلعوا فى جمال الدنيا والناس
استمتع بى (سندوتشك المعاك يا بركة ) , ففيه من التوابل والنكهات , ما ليس فى اى (مطعم من مطاعم الدنيا والعالمين )
من لم يزر اديس ابابا صحبة (ست بيته ) , وادركه الموت , فقد مات ميتة جاهلية
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
الريس ميسرة ...
كل سنة ... وكل شهر ... وكل يوم ... وكل لحظة .... انت سعيد وبخير
نتمني ليك السعادة وطلولة العمر لك ولأفراد اسرتك ...
=================================
ود جبرين ....
واصل ... ولا تهدي السرعة ...
نحنا معاك ... وفي خطراتك
حرف ... حرف ... وطاجن ... طاجن
قلت لي شنو "اتاي" ... دي مش انثي " الأتان "
انتو حاتم جبارة وينو ...
ولا مندهش لهذا الابداع ...
وبقول ... ياربي ده صاحبي الزمااااان بتاع الزقازيق ...
النضيف : الخصم يشمل ناس دبي والسلع ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
عدنا...
سحائب الأفكار كانت أكبر من أن يستوعبها عقلي..
رجل تمنيت دائما أن ألتقيه.. وهو الآن في انتظاري في ريسبشن الفندق..
أليست هذه هي إحدى سخريات الأقدار...
وصلت (الريقاتا) إلى فندق الخيمة وترجل منها طلحة..
بقيت أنا في الداخل مركزا بصرى على ريسبشن الفندق..
بدت لي من بعيد العمامة التي لا تخفى على.. وتلك النظرات التي تحمل الكثير..
هذا اذن هو شيخ الطيب الذي (يمور رأسه بطفولة شريرة)..
تخيلته لأول مرة عدة شخصيات في شخص واحد.. وبدوت أنا كمصاب بالدوار..
تارة أرى فيه مصطفى سعيد وتارة أخرى يظهر لي كما لو أنه سعيد عشا البايتات..
ومرة أخرى اتخيله الزين يحادث الحنين.. ثم يبدو لي في هيئة محجوب زعيم القرية..
ترجلت عن السيارة وبدت خطواتي مسرعة كمن يبحث عن حبيبته بين الجموع..
تقدمني طلحة وقدمني لشيخ الطيب: دة طارق دكتور البقر الكلمتك عنه..
- اهلا بناس البركل.. ياخي البيطرة في الغرب علم نبيل وله مكانة..
احتضنني الرجل كما لو أنه يعرفني منذ سنين طويلة..
إزيك يا دكتور وحمد لله على السلامة..شقي الحال دة (طلحة) كلمني عنك كتير..
يا استاذ الطيب والله ما عارف اقول ليك شنو لكن ياخي شكرا علي استقبالك دة..
- يا ولدي استاذ شنو من الليلة انا عمك كويس
- دة شرف لي يا استاذ.. تمنيت لقاءك دائما
- كدي اقعد خليني اتونس معاك.. خلينا من استاذ دي..
شقي الحال دة اول امبارح قال لي عايز امشي المطار اجيب طارق..
ياخي دي بلد سمحة لازم كان تزورها.. نحن يا ولدي ما عندنا ثقافة الاجازة..
بنفتكر الاجازة مرادفة للنوم في البيت.. لازم تغيروا الافكار دي.. نحن خلاص زمنا فات وغناينا مات..
في هذه الأثناء جاء بلند الحيدري وجلس معنا..
طلب لي شيخ الطيب (أتاي) بينما هو وطلحة طلبوا شاي أحمر..
ضحك جدا عندما عرف أنني لا أشرب الشاي الأحمر وقال وفي عينيه شئ من الألق: ياخي إنت شايقي شنو الما بشرب شاي احمر دة..
- طلحة: يا شيخ الطيب حا اخلي طارق يسمع ليك مقطع من موسم الهجرة.. طارق عليك الله وريهو انك حافظها..
لا أخفي عليكم سررت جدا لأن الجلسة كانت في حضرة شيخ الطيب وانضم إلينا الصحفي التونسي الصافي سعيد..
وبلند الحيدري الذي كان يكتب في الشرق الأوسط حينها ثم حضر الكاتب المغربي الكبير الراحل عزيز الحبابي..
دون شعور مني وجدت نفسي أقول: "عدت إلى أهلي يا سادتي بعد غيبة طويلة، سبعة أعوام على وجه التحديد، كنتُ خلالها أتعلّم في أوروبا. تعلمت الكثير وغاب عني الكثير، لكن تلك قصة أخرى،
المهم أنني عدت وبي شوق عظيم إلى أهلي في تلك القرية الصغيرة عند منحنى النيل .
سبعة أعوام وأنا أحن إليهم وأحلم بهم ، ولما جئتهم كانت لحظة عجيبة أن وجدتني حقيقة قائماً بينهم ، فرحوا بي وضجوا
ولم يمض وقت طويل حتى أحسست كأن ثلجاً يذوب في دخيلتي ، فكأنني مقرور طلعت عليه الشمس . ذاك دفء الحياة في العشيرة ، فقدته زماناً في بلاد " تموت من البرد حيتانها ""
- دقيقة يا ولدي اقيف اقيف.. العاجبك شنو في النصايب دي..
- طلحة: يا شيخ الطيب عمق ما كتبت يغري كل محب للأدب أن يتطعمه..
- يا شقي الحال ما تقعد تهجم لينا الدكتور دة بالكلام الكبار كبار دة
نظرت حولي فوجدت الكثير من الصحافيين المغاربة والأجانب يحيطون بمجلسنا..
جاءني إحساس أنني أصبحت من عُلي القوم
- الصافي سعيد: يا استاذ الطيب كل من قابلته من السودانيين يحفظ موسم الهجرة إلى الشمال
ليس على طريقة الدكتور... لكن على الأقل يحفظ مقاطع منها.. هذه رواية عبقرية للأسف قيل لي أن حكومة الخرطوم منعت تدريسها..
- شيخ الطيب: يا سيدي الفاضل هذا أمر يسعدني ويضيف إلي أعباء وزر هذه الرواية..
- طلحة: يا شيخ الطيب طارق دة زول علمي من يومه ورغم ذلك، وأنا أعرف هذه الحقيقة جيدا كان مغرما بكتاباتك منذ صغره..
كان يسرق كتبك من مكتبتي التي هي عبارة عن شنطة حديد تحت عنقريب في الأوضة.. عمق ما كتبت هو الذي يدفعنا
للإحتفاء بهذا الزخم الأدبي الكبير.. إلتقيت أناسا كثر من بقاع مختلفة كلهم يحتفون بما كتبت..
- يا شقي الحال ليس لدي إحساس بالمرة بأهمية ما كتبت إن رأي الناس فيما أكتب شيئا مفيدا هذا شأنهم.. أنا كتبت بدافع الحنين
أحسست أنني خنت بيئتي التي نشأت فيها.. بدا لي ذلك العالم فردوسا.. والكتابة كانت جسرا بيني وبين هذا العالم
- طلحة: لكن في هذا تقريع عجيب للذات
- شيخ الطيب: لا لا الله يرضى عليك.. ياخي خلينا نحتفي بالدكتور طارق.. يا جماعة عن اذنكم عايز اتمشى شوية مع الدكتور دة على الشاطئ..
إحساس غريب إمتلكني.. أن يستأذن شيخ الطيب هؤلاء القوم الأفذاذ لكي يتمشى معي (أنا ذلك المهضلم).. لعمري ذلك أمر دونه النجوم..
....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
Quote:
اى زول عاوز يمشى كازا ولا اديس انا مستعد اعمل ليهو حجز بنسبة تخيض 80 %
رايح جاي ويومين اسضطافة مجانية .. |
يا دودي خدماتك دي لغايةالحجز و بتنتهي ولا فيها حركة لقدام !!!!!
عموما لو في زيادة احجز لي ذهاب بلا عودة للمكان رقم 2 و احجز
لصحبي جلا ذهاب وعودة و رسل لي عنوانك بتاع البنك الاهلي و لكن
جلا بقول ليك جيبوا يسع الجميع بما فيهم حضرتك يعنى الحساب ولد
بعدين و لو المكنة دي ما قسمت معاك قال ليك اخصم من نصيب ارباحو
في شركة ناس الزقازيق لانو مما تكونت ليها الان ثلاثة شهور و اكيد
حققت ارباح !!!!!!
الكلام ليك يا المنطط عنييك ؟؟؟؟
| |
|
|
|
|
|
|
|
|
 Re: ناس الزقازيق ... أجدع ناس (4) .. (Re: موسي عيسي)
|
نهاركم سعيد.......
ميسرة كل عام بل كل لحظة انت والاسرة ب 1000 خير
طارق جبريل واصل الحكى فنحن مستمتعين برحلة المغرب
منصور زرت اديس قبل فترة طويلة ولكن اتمنى زيارتها الف مرة بعد ان قمت بوصفها
شكرا لمحمد صديق وبس على السؤال .
عليكم الله شفتونى غتيتة كيف ولابدة ليكم عشان ما بتسالوا عن الزول البغيب ويطول الغيبة
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
سلامات يا أبو الزوز مالك جايب لينا الكتاحة
بعدين صور الزقازيق فيها شيء يخالف الحقيقة
ماشايف ناس ستديو مصر يطلعوا لك الصورة ناعمة
كدة التقول لاحسنها لحس ، لاحظ الكلام ده قبل الديجتال ٌُ!!!!
موسى عيسى بالله قطم
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
بالله يا ابو عمر اعمل لينا ترجمة سريع علي الشريط
للعجايز الفوق ديل ...
بعدين حكاية لاحسنها لحس دي عجيبة مرة ... صاحبك
موسي عيسي ما شايفه اليومين ديل مختفي ... سمعت
تحت تحت بيكسر تلج لطارق جبريل عشان يرسل ليهو
فيزا للمغرب ... وسمعنا الفيزا قالو جات عديل
اها بالله عايزين لينا تحري سريع زي بتاع المحقق
كنن وانا بقترح تكون لجنة من الآتية اسماءهم
1- محمد صديق بحكم الخبرة
2- جلا بحكم التخصص
3- احمد اسماعيل بحكم القرب الجغرافي
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
سلام ياخوانا..
هابي بيرث ديي يا ريس..
والله صفحه 17 دي تاريخيه.. حقو بكري يرفعها فوق..
نبدأ بي شرامه الامتداد..
إتجدعت يا صديق وبقيت تتمشي بي الشواطي مع الادباء..
والله حكيك طاعم من زمان ياولدنا..
أقرأ واتخيلك وإنت بتشيل في البنوتات..
والا عمك الطيب قاعد مستني في الفندق السمح..
عيشتنا في جو تاني..
تربت يداك...
قلتو لي أديس سمحه؟
طيب ما كان تقولوا لينا قبل الحج...
بت البدوي.. خللي الغتاته..
حبيبنا نجيله.. شكرا يا رهيب..
وين النكات؟
أقول ليك.. نكاتك كلها قاعد أترجمها لي ليلي والبنات..
بالذات متكيفين من نكات الرباطاب والشوايقه..
ليلي شبكت في الرباطاب..
كل ما اتماسخ عليها تقول لي.. رووباتابي بلهجه مكسره..
قبل كم يوم اتماسخت عليها.. قالت لي روووبي..
قلت ليها دا شنو كمان..
قالت إسم الدلع لي رووباتابي..
أظن قاصده قمه المساخه..
زيدنا يا أصلي..
الرشيد.. أرحكا المغرب نكوس أهل زوبه..
حقو الجوازات السودانيه يكتبوا فيها..
صالحه كل البلاد عدا إسرائيل..
والمغرب الا بڤيزا من بنات الشيخ..
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
صباح الخير ،،، يا وجوه الخير
أصبحنا وأصبح الملك لله وحده،،،
شكراً لكم يا الحبان وأتمنى أن تكون حياتكم كلها سعيدة
بس بدأنا نفقد جلا ،،،،،،،،
حديث المغرب والطيب صالح والحكاوي الطاعمة
وحكاية مبارك بأديس وتابلوهات منصور عنها
زادت من ألق هذه الصفحة الأدبية الجميلة
هل من مزيد،،،،
العزيزة مشاعر بدوي زيارتك تسرنا ودوامي التواصل
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
سلامات يا ناس
وصباحات التفاؤل
طبعاً لازم نبدأ بالريس :كل عام وانت بخير ويديم الله الصحة
والعافية لك وللعيال وست بيتك.
تان حاجة :شكراً لمشاعر لى (وبس دى).
مرحب حاتم جبارة.
جادين :اعمل حسابك.
نختم بطارق جبريل :مبروك على هذا الحكى (ولو ما راسك غليد
كان يكون بوست معتبر بالمنبر...اقلو كان حيحرك لينا سكونو
المحزن).
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
يا جبريلا الامور كلها تمام و الاجراءات ماشى علي قدم و ساق
بس جهز التيم للماتش !!!!؟؟؟؟؟
جلوس من اليمين دفعتنا يحفظكم الله نشيل افراحنا و معاكم نتعلي يا دفعتنا
1- مصطفي محمد صديق(الهنون).
2- جليتو (علي وزن جلا ).
3- طارق محمد عبدالرحمن (كادقلي).
4- فاروق أحمد ادم (كادقلي).
5- زعيم الزعائم ( كتوكو ).
وقوف من اليمين :
1- الناير الصافي
الباقي لم ينجح احد عد الاخير علي وزن جلا.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: موسي عيسي)
|
موسي عيسي ..
لكن بالغت عديل كده ...
يفترض تعرف أولادنا العشرين ديل كلهم ...
عموما للمساعده ياشباب ...
أحمد اسماعيل "ابوعمر" موجود مع الشباب ديل ...
==================================
حاتم جبارة يا رهيب
نكت لي شنو ... بت شيخك براها امتع ... نكته
جايك يا حبيب ...
بس ندي ود جبرين فرصة ... لامتاعنا
| |
|
|
|
|
|
|
| |
ميسرة سيد أحمد
عصام دهب
أحمد إسماعيل
عبد الدائم سيد أحمد
Dr.Elsadig Abdalla
منصور عبد الرازق
محمد عيد
عبد القادر بابكر
زهير الزناتي
محمد صديق
الرشيد بابكر
موسي عيسي
ياسر نجيلة
عمر المهدى
طارق جبريل
جلال عثمان
زينب التجاني
مني يونس
محسنة ميسرة
مشاعر بدوي
Hatim Gubara
فيس بوك
تويتر
انستقرام
يوتيوب
بنتيريست