|
Re: ناس الزقازيق ... أجدع ناس ( 3 ) (Re: ميسرة سيد أحمد)
|
سلام للأحباب
بالنسبة لبشاشا زي ماقال طارق جبريل ده
( السفية الشتّم السيد)
يارشيد الفوم للإستفسار من شقة الإستقبال بمكة
نسنفيد من الاخ / محمد المبارك نسيب عصام جلي
بمكة المكرمة كما سبق أن إستأجرنا شقة هناك
بواسطته في رجب 1429هـ وحتفاد بذلك
| |
|
|
|
|
|
|
Re: ناس الزقازيق ... أجدع ناس ( 3 ) (Re: معتصم جعفر)
|
الاخوان الاعزاء مساء الخير غبت لي مع العيال وامهم كم ساعة في السوق لزوم العيد وكده جيت لقيت البوست ماشاء الله زي ايام زمان زي مليون مداخلة الله يديكم العافية
معتصم حبيب الكل نفسك الحلو ده خليهو للحاجات البتستاهل والناس البتستاهل وصاحب العوع ده سيبك منو ردك كان قاسي انشاء الله يتعظ وتاني مايجي بي هنا وكلام ميسرة حلو ومختصر عوع وتافه القول بي هناك ما بي هنا -- الحبيب طارق جبريل والله عقدتني في موضوع مكنة الشيخ وفارح دي بعد ما جهزنا خرفان الاعتذار وكده راجع كلام زهير طيب تفتكر الراجل ده فارح يعني جاي الحج في مهمة غير الحج والله شنو عموماً في موضوع إحرام فارح وكده الراجل كان واضح إنو راح يردف تحت الاحرام والظاهر نفذ تهديدو ما عارف ناس التفتيش رأيهم شنو في كده
حاتم جبارة يا راقي شالو حسك الشباب بعد يسار متخلف دي خليتني اشك الراجل صاحبي ده جاي الحج وعندو اجنده تانية تحياتي
| |
|
|
|
|
|
|
Re: ناس الزقازيق ... أجدع ناس ( 3 ) (Re: زهير الزناتي)
|
Quote: نحن قوم نستغفر الله حينما نبارح المجالس حتى وان خلت من
الزلل...ونستغفر الله حين ينتابنا كثير ضحك...ونستغفر الله
حين نختم حديثنا ...ونستغفره تعالى حين نأوى الى مهجعنا
ما بالكم احبتى تجهدون انفسكم بالرد على من يختم قوله
بهذه القذارة؟؟؟ |
تربــت يداك يا كوتش ...
Quote: Bashasha
تاريخ التسجيل: 08-10-2003 مجموع المشاركات: 10680 |
زول مخمـــّر عديل كده ...
ده دواء الشربوت ولا شنو يا زناتى ...
اذا دى البشاشة كده ...
التعاسة والمرض كيييييف ؟؟
استغفر الله العظيم
| |
|
|
|
|
|
|
Re: ناس الزقازيق ... أجدع ناس ( 3 ) (Re: محمد عيد)
|
واللليييييلالالا ياناس جدة انا لقيت حجز مؤكد يوم الجمعة قلتوا لى المكرونة اسمها شنو ؟؟؟ آآآآآآى , المكرونة ديك الأكلتوها لى حاج الركز وعفاف انا من اليوم داك شايلها ليكم حضروا المكرونة والبحر ده , لو قدرتوا زيدوا مساحته شوية والحجاج لو كمان قدرتوا , لموهم يعنى خطة العيد بقت هجومية بحتة محاور زاتو ما عندنا هجوم من يوم الجمعة بالليل لغاية يوم الأتنين بالليل الحاضر يكلم الغائب وقد اعذر من انذر
| |
|
|
|
|
|
|
Re: ناس الزقازيق ... أجدع ناس ( 3 ) (Re: محمد عيد)
|
تحية و سلام و أشتياق حقيقي لأجدع و أعز ناس ..
و رغم المتابعة أحياناً و الإستمتاع حتماً إلا أن الإعتذار يبقى واجب عليّ لإنقطاعي في الفترة الماضية ..
دائماً أحب أن آتي هنا لأنداح بي رواقة و لكن الله يفعل ما يريد و الحمد لله ..
لكم العتبى و كل الحب ..
ـ و عذراً لكل من أصابهم رشاشات الموهوم بشاشا ..
و بشاشا لمن لا يعرفه كائن مستولغ و مثله كمثل ما قال فيه الله تعالى ( إِن تَحْمِلْ عَلَيْهِ يَلْهَثْ أَوْ تَتْرُكْهُ يَلْهَث ) صدق الله العظيم .. فأتركوه يا رعاكم الله ..
ـ أحلى و أجمل صدف :
** هاتفني من دبي حيث هو في رحلة عمل زميلي في جدة المستشار / محمد أدم الضي ، و بعد أن تحادثنا أخبرني بأنه في إجتماع عمل مع برلومنا الرائع المستشار / السمؤل أبو سن .. كانت صدفة جميلة أن ألتقي سمؤل بعد طول غياب و إنقطاع .. سمؤل مشغول لكنه متابع و مستمتع و يغريكم و كل الزملاء و الآباء الأفاضل تحياته و يعدكم بالظهور قريباً ..
** هذه الأيام أزاول عملي من مكة حيث أنتقلنا إلى هناك بسبب ظروف العمل المستمر للمدام في الحج ، و أمس ليلاً كنت في طريقي لملاقاة شقيقي ( جمال ) الذي قدم أمس ظهراً مع بعثة الشرطة ، و أنا في طريقي تلقيت مكالمة الريس / ميسرة الذي حدثني عن دخول المستولغ للبوست ، حزنت لتدنيس البوست بدخوله ، و في غمرة حزني فأجأني شقيقي بمكالمة هاتفية بأن لديه لي مفاجاتين و بقدر ما ألحيت عليه كان يقول لي لمن تجي .. تأخرت في الوصول إلى مكة حتى الحادية عشر و النصف بسبب الإزدحام في منفذ الشميسي ، و حينما وصلته و سلمت عليه وجدت أحلى مفأجاة أولى
أخونا و زميلنا الزقازيقابي الحاج / عمار رحمة الله .. كانت صدفة جميلة أن ألتقي الرائع / عمار ، الذي هو الآن أيضاً زميلاً لأشقائي ( أزهري ، عادل ، جمال ) في سلك الشرطة في خدمة الشعب . سهرنا مع عمار و زملائه من الضباط الأفاضل في فندق عز العرب القريب من المسجد الحرام و أكملنا السهرة في البيت ، لم ألتقي عمار منذ ثمانية عشر عاماً أو تزيد فتخيلوا كيف كان اللقاء .. و رغم ما قضيناه من وقت ممتع لكن بت شيخنا أو مدامنا العزيزة و رغم محاولات عمار الخارقة لم تقتنع أن عمار الذي غطى الشيب شعره زميلاً يتقدمني بسنة واحدة بس في الزقازيق .. و حينما أقتنعت .. إقتنعت بأني ( داسيها ) و تعني شهادة ميلادي و حقيقة عمري .. تمنيت حينها لو كان معنا دفعة عمار في الزقازيق و في الشرطة زميلنا الرائع / أسامة أبتر ـ ما شاء الله عيني باردة ـ حتى تآمن المدام و كل متشكك بأن شيب عمار ليس شيب كبر و أن صلعتي مجرد ( صلعة علم ) ساكت .. المفأجأة الثانية زقازيقابي رائع و فاضل كان في إنتظاري في مكة لكن تأخري في الحضور أضطره للذهاب خاصة و أنه ـ المفاجاة ـ قدم للحج براً بسيارته مع زوجته المصون و كان مشغولاً بوالدته ـ حفظها الله ـ القادمة من السودان و الذي يخطط لأن تعود معه بعد الحج حيث مقر عمله .. لم ألتقيه لكننا سنكون على وعد باللقاء اليوم إن شاء الله .. أخونا و زميلنا الزقازيقابي الرائع / محمد حامد تبيدي المستشار بالسفارة السودانية في الدوحة ..
وسأحاول بقدر الإمكان تخبئة تبيدي و دسه من المدام حتى مغادرته بالسلامة و ذلك لأسباب أمنية بحتة .
و أنا في طريقي من مكة إلى جدة صباح اليوم سعدت جداً بمهاتفة الزول الراقي و الزقازيقابي الأصيل و أحد ركائز الحوش الأخ الزقازيقابي و السنير المبجل / محمد أدم أو ( حاج جلا ) بعد أن عثرت على هاتفه أمس .. الحاج جلا أول ما سالته عن أحواله في الحج رد علي بقوله ( متابع و مستمتع ) فأضحكني حتى أوقفت السيارة في خط الخدمة .. رغم أنها المرة الأولى التي أحادث فيها جلا الزول الظريف إلا أنه يحادثك و كأنكما قد خرجتما معاً من رحم واحد .. حدثني عن والد زميلنا الرائع / مبارك جادين و الذي نتمنى أن تسنح لنا الفرصة بمقابلته اليوم قبل نزول الحجاج إلى منى مساء اليوم لقضاء يوم التروية غداً .. الحاج جلا يهديكم جميعاً سلامه و تحياته و سوف نلتقي بإذنه تعالى مساء اليوم ..
فيما يخص بقية الحجاج فلا زال البحث جارياً يا زهير عنهم و خاصة الزميل الحاج / جمال فارح الذي يعتقد البعض أنه ربما ذهب لرمي الجمرات و رجم الشيطان منذ يوم وصوله ..
ـ أقعدوا عافية و كونا معنا ..
| |
|
|
|
|
|
|
Re: ناس الزقازيق ... أجدع ناس ( 3 ) (Re: عصام دهب)
|
ألف تحية و شكراً يا نجيلة على هذه الزوادة الدسمة ..
Quote: وقيل في حج ولدنا جمال فارح ... "انا خايفه في رمي الجمرات يقوم يحرق ليه لستك يفتكرها مظاهرة" |
حلوة يا نجيلة ، و قال بعضهم أيضاً ..
أن إبليس شوهد يوم رمي جمرة العقبة و هو ينتحب بشدة و يتدردق في الواطة .. و لما سألوه لماذ قال ( ما باقي إلا دة يرجمني ) و أشار إلى أخونا
و بالمناسبة دي حصلت جد .. جد ..
حاج مصري بيرجم و يسب في الشيطان بأقذع الألفاظ من شاكلة ( يا أبن الوســ ) و إنت طالع .. واحد نبهو ( يا شيخ لا يجوز ) رد عليهو المصري ( و انتا زعلان ليه هو كان أريبك و اللا أريبك ) ..
| |
|
|
|
|
|
|
Re: ناس الزقازيق ... أجدع ناس ( 3 ) (Re: عصام دهب)
|
Quote: واللليييييلالالا ياناس جدة انا لقيت حجز مؤكد يوم الجمعة |
الليييييييييييلة يا منصور ياويلك مننا
البحر ده بنزيده طرقة طرقتين زي إنت ما عايز
الأولاد ديل تبعي أنا وإنت خليك بعيد،،،،، وأنا الزول
الفاضي ليك والحبيب محمد عيد شغلهم بزيد أيام العيد
يا ويلكم مننا يا منصور بس حضورك وفي المطار بنكون منتظرين
ومعاي ناس الكيته وناس النوبة والكمبلا ،،، ده كله عشان تآآآآمنوا
معقول بعد أكثر من عشرين سنة نلتقيكم تاني ،،، دنيا
سعدت كثيراً بعودة ياسر ود نجيلة وعصام ود دهب ويظهر حجاج الزقازيق
كتار عمار وتبيدي ،، وما شاء الله ربنا يقبل حجكم بإذن الله .
علامة إستفهام الناس كلها ما مندهشة في حجة جمال ود فارح والله ضحكت
بصوت عالي جداً بأن أخونا جمال فارح مشى يرمى الجمرات من دلوقتي
الله يديكم العافيه...
| |
|
|
|
|
|
|
Re: ناس الزقازيق ... أجدع ناس ( 3 ) (Re: ميسرة سيد أحمد)
|
Quote: انتو طارق جبريل بتجدع كده ... الجريدة اعادو فتحها خلاص ... طارق يا خوي ... صرفتو المرتب عشان خروف العيد؟!!! ...
|
نجيلة يا حبيبنا والله لي هسي ما فتحت ولا صرفنا ذاته وكدة الخروف حا يقد الميزانية في زمن الحرب يا ناس جدة بالله منصور دة ما تتوصوا فيه الزول دة يمين القاهو هنا اقدم استقالتي (تقول انا شغال)واقعد بس اسمع فيهو بالله الحجاج ديل خليهم يمدونا بالدعوات
| |
|
|
|
|
|
|
Re: ناس الزقازيق ... أجدع ناس ( 3 ) (Re: ميسرة سيد أحمد)
|
سلامات لاجدع واحلى ناس حقيقة يا زهير ما عندنا عزر الواحد لمن يلف ببره ويشوف الكتيح داك يقول الحمد لله عندنا محل رائق ومروقين فيه
حج مبرور ومقبول بإذن الله للحجاج ودعواتكم لينا
عيد مبارك بإذن الله وكل سنة وانتو طيبين
| |
|
|
|
|
|
|
Re: ناس الزقازيق ... أجدع ناس ( 3 ) (Re: ميسرة سيد أحمد)
|
التحية لأجدع ناس
مشتاقييييييييييييين... متابعيييييييييييييين
بس مشغولييييييييييييييييين
Quote: الغياب ....
سامي عبد الوهاب - دون عذر |
والله يا زناتي في دي معاك حق... يعني المفروض ما شئ يخلينا نغيب لكن نعمل شنو... لك ما تقرب إجازة عيد أورإجازة عادية كأنما خلاص الواحد ماشي وما راجع.. دي بقا طريقة الشغل هنا
---------------------------------------
الناس بتاعين الدواس والمشاكل الحايمين في البورد ديل قدر ما تسيب ليهم الدرب يلحقوك
يعني هسه في داعي لدخلة المدعو بشاشا دا يجينا بدوار البحر العندو دا
غايتو الله يشفيهو ويشفي البلد من النوعية دي
| |
|
|
|
|
|
|
Re: ناس الزقازيق ... أجدع ناس ( 3 ) (Re: ميسرة سيد أحمد)
|
Quote: باقي ليكم ... حاتم جبارة ورشيد القوم ... بقدرو على " تلتلة " الحج السنة الجاية ... سؤال برئ ماقصدي حناكيش البوست ...
|
نجيلة العسل وصل...لك وينك يا زلمي...
أنا ان شاء الله حأدخل الجم من رمضان الجاي استعدادا للحج السنة الجاية يا ياسر....و حأسجل في نادي الرماية عشان اتدرب على رمي الجمرات...في حاجة تانية بتصعب بعد كده... مشكلتي حتكون ألبس السفنجه كيف...ياي...أنا ألبس سفنجة...شفت الحنكشة دي كيف...
| |
|
|
|
|
|
|
Re: ناس الزقازيق ... أجدع ناس ( 3 ) (Re: الرشيد بابكر)
|
يقال ان السودانين تم اعفائهم من رمى الجمرات فلديهم من الابالسه فى السودان ما يغنيهم عن الرمى بالاراضى المقدسه0 ===================================== عفوا سادتى ان صدر منى ما لايجوز كتابته فى ردى السابق خاصه اننا فى هذه الايام المباركه اكرر اعتذارى
| |
|
|
|
|
|
|
Re: ناس الزقازيق ... أجدع ناس ( 3 ) (Re: محمد عيد)
|
Quote: يا ريس ...
ما باقى ليك منصور ده وزيارتو المنتظرينها لينا زمن دى
ما بتستاهل نعمل ليها لجنة منظمة زى بتاعت المئوية ؟؟! |
صدقت يا ود عيد بس أزيدك من الشعر بيت
دي بتستاهل ليها إجتماع (ل ، س ) عديل كدي
والله دي فاتت ديدو يا حليلك .
| |
|
|
|
|
|
|
Re: ناس الزقازيق ... أجدع ناس ( 3 ) (Re: ميسرة سيد أحمد)
|
تسلم يا ميسرة بدعوتك لي مع زيارة منصور لجده
في كم حاجة شغلتني الايام الفاتت منها إني تعبت شوية
لكن اخبار حجز منصور ده بصراحة ولع الكاروشة فينا ( كاروشة البحر ) ما حاجة تانية أخوك عاشق بحر وكده
ليك من عندي كل المحاولات للوصول إلى جده مع منصور في طيارة واحدة رأيك شنو؟؟
| |
|
|
|
|
|
|
Re: ناس الزقازيق ... أجدع ناس ( 3 ) (Re: أحمد إسماعيل)
|
مساء الخيرات عليكم ...
Quote: مازلنا في حضرة الإستعدادات لإستقبال
مانصور فاميلي بمدينة جدة ،،،،، |
ماشة معاك حلاوة يا منص ... العيد عندك والله
بحر وترطيبة وصحبة زي العسل
عايز شنو أكثر من كدة ... بالله ما تنسونا ياريس ومحمد عيد خلوا ليكم كم كرسي كده احتياطي امكن تمسكنا كاروشة البحر زي أخونا كمال وتلقونا في حداكم ...
هنيئا لكم ...
| |
|
|
|
|
|
|
Re: ناس الزقازيق ... أجدع ناس ( 3 ) (Re: عبد القادر بابكر)
|
Quote: امكن تمسكنا كاروشة البحر زي أخونا كمال وتلقونا في حداكم ... |
يا ناس جده أسمعوا كلامي خلو كراسيكم في محلها و لا تزيدوها ولا حاجة....قدورة ده واعدني يجينا في الامارات من قبل خمسة سنين كده...أول سنة زدنا الكراسي..ما جانا..تاني سنة زدنا نص الكراسي...برضو ما جانا...بعد داك بقينا ننقص في الكراسي...
على طاري عيد منصور في جدة و التي ربما تشجع آخرون للانضمام الى عيد جدة...حدث تغيير مفاجئ في برنامج عيدنا...فلقد تم الغاء رحلة مسقط لظروف العمل و سنقضي العيد في أبو ظبي ليذهب معي كل أفراد أسرتي الى مكان عملي بعد ذلك...كنا نأمل في أن نلتقي بياسمين و لكن للضرورة أحكام..و نسأل الله أن نلتقيها قريبا و هي و أسرتها بخير و عافية...
| |
|
|
|
|
|
|
Re: ناس الزقازيق ... أجدع ناس ( 3 ) (Re: الرشيد بابكر)
|
مساكم الله بالخير
أغنية ندى القلعة عزاز علينا لها لحن جميل و لا أعرف من كلماتهاالا... عُزاز علينا شالوا نوم عينينا فراقم جبرى ولا لا ما بى إيدينا
أما باقي كلمات الأغنية فلا أعرفه...و لكن بالنسبة لي هذين البيتين و اللحن الجميل هو كل ألغنية...و كنت أردد البيتين دائما...في الشغل في العربية في البيت...مرت علي فترة كنت أردد كثيرا هذه الأغنية دونما أشعر بذلك...في الحمام..في المطبخ و أنا أجلي بعض الصحون كمساعدة لأم أمنية في أيام العطلات عندما تكون الشغالة في اجازة...أو عندما أقوم بأي شئ في البيت... ترديدي لهذه الأغنية جاب لي الهواء مع أم أمنية..فكانت تقول لي أنت حكايتك شنو...الأيام دي في حاجة تحت تحت و لا شنو...و هي لا تدري ان ترديدي اللا ارادي لهذه الأغنية ربما يعود لبعدي عنهم طوال الثلاثة سنوات الأخيرة... و لكن السؤال الذي ما زلت أطرحه على نفسي..لماذا هذه الأغنية بالتحديد...هل لبساطة كلماتها...لحنها البسيط الجميل أم لكل هذا...و بالرغم من أنني كلاسيكي جدا في السماع...فما زلت متعلقا بأغاني عثمان حسين و ابراهيم عوض و أبو داوود...الا ان أغنية ندى القلعة دي استوقفتني و ربما خلقت في نوع من الانفتاح نحو الجديد من الأغاني بعد أن كنت منغلقا على نفسي و أتخذ مواقف حادة ضد كل ما هو جديد الا بعض الأغاني التي استحسنها من وقت لآخر و التي أسمعها مصادفة و ليس مع سبق الاصرار و الترصد..أم أنها مجرد حالة نفسية صادفت لحنا جميلا و كلمات جميلة...و ما أكتبه الآن الا حالة نفسية أخرى ناتجة عن بعض رشات من عطر الأرامس ديفين...
| |
|
|
|
|
|
|
Re: ناس الزقازيق ... أجدع ناس ( 3 ) (Re: الرشيد بابكر)
|
الله يا الرشيد الليلة لو سمعك محمد صديق إلا تجيهو حالة نفسية .... الأغنية جميلة ... في واحدة من الإحتفالات النسائية الجادة ... غنت آمال النور عدد من الأغاني الجادة التي عرفت بها ... وفجأة قالت للجميع ... سنغني أغنية بنات .. وكانت عزاز علينا .... لأفأجأ بأن كل الحفل ردد معها .,, وغني بإستمتاع ... لتصبح أجمل أغاني الإحتفال ... الأغنية جميلة لبساطة اللحن والكلمات ، إضافة لأن صوت ندي القلعة جيد لحد بعيد .... مثلك لا أعرف سوي مطلع الأغنية ... ولكني معجب بها ...
| |
|
|
|
|
|
|
Re: ناس الزقازيق ... أجدع ناس ( 3 ) (Re: زهير الزناتي)
|
يا أبو الزوز أتساءل لماذا نتحرج من الاعتراف بأننا نعجب بالجيد من أغاني البنات وليس كلها...رغم ان الكثير منها لها ألحان جميلة و كلمات نابعة من أعرافنا و تقاليدنا...و لماذا ندرج أغاني كأغاني مثل أغاني ندى القلعة تحت اسم أغاني البنات..هل لاسم ندى القلعة و الجندر دور في ذلك..أم ماذا؟
أما آمال النور دي فهي قصة تانية...ياخي سمعتها تغني الحزن القديم بمصاحبة البيانو على قناة النيل الأزرق..حاجة ما تخلص...منتهى الروعة...لماذا لا تغني آمال النور و تساهم في الارتقاء بالذوق العام ..فهي تملك كل المقومات اللازمة للعب هذا الدور...
| |
|
|
|
|
|
|
Re: ناس الزقازيق ... أجدع ناس ( 3 ) (Re: الرشيد بابكر)
|
يا رشدي رغم تمنياتي بفوز برشلونة إلا إني أتوقع تعادل الفريقين .... وإذا ما فاز برشلونة فإنه سيكشر عن أنيابه ويهزم الإنتر هزيمة نكراء ولن يرحمه .... لأن فريق مثل برشلونة حينما يجد طريق المرمي لا يتقف مثلما فعل بريال مدريد العام الماضي ... أعتقد أن ابراهيمفوتش لن يلعب هذه المباراة ولكن عودة هنري سيكون فيها خطورة علي الإنتر ... أتمني لك مشاهدة ممتعة ...
| |
|
|
|
|
|
|
Re: ناس الزقازيق ... أجدع ناس ( 3 ) (Re: زهير الزناتي)
|
Quote: ياالريس ميسرة في إستقبال الأخ منصور مع الكيتة والنوبة والكمبلا
ماتنسى أهم شيء ابو قزّة علشان تكتمل ( الفرنقبية ) |
الترجمه لو سمحت يا أبوحميد...
Quote: أنا ان شاء الله حأدخل الجم من رمضان الجاي استعدادا للحج السنة الجاية يا ياسر |
أدخل من هسي.. الكرش الفي صور عيد الميلاد رمضان واحد ما بكفيها...
| |
|
|
|
|
|
|
Re: ناس الزقازيق ... أجدع ناس ( 3 ) (Re: زهير الزناتي)
|
أبو الزوز آخر مباراتين لبرشلونة في الدوري الأسباني..كان فيهما الفريق سيئا للغاية و ربما يكون مؤشرا لهزيمته اليوم خاصة و ان الفريق يفتقد لخدمات ابراهيموفيتش....و يفتقد للهداف...و يعتمد كليا على ميسي الذي بدأ مرهقا في المباراتين... الانتر يلعب كرة غير ممتعة في عهد مورينهو و لكنه يفوز...
| |
|
|
|
|
|
|
Re: ناس الزقازيق ... أجدع ناس ( 3 ) (Re: الرشيد بابكر)
|
Quote: أدخل من هسي.. الكرش الفي صور عيد الميلاد رمضان واحد ما بكفيها... |
انت شفتها يا شقي...أنا حالتي لبست الجاكيت مخصوص عشان أدس بيهو الكرش...لكن برضو انت ما تسئ بي الظن..دي ما كرش...التورتة كانت دسمة قامت نفختني..يعني كرش مؤقتة...
| |
|
|
|
|
|
|
Re: ناس الزقازيق ... أجدع ناس ( 3 ) (Re: الرشيد بابكر)
|
Rasha, to loose the gut, you need minimum 45 minutes cardiovascular exercise per day (such as walking, jogging, biking, etc.). In addition, you must eat sensible balanced meals, that are high on nutrients (such as green leafy vegetables) and low on calroies (empty calories such as sugar, white rice, breads). The goal should be to create a calorie deficit, where your body has enough nutrients, but burns stored fat for energy. You should add stregthening exercise as well so as to build more muscles to burn more fat (your body will also loose muscle mass if you are not active). As with any diet and exercise program, you should consult your doctor before starting the program. Hope this helps.... I usually charge a lot of money for the advice, but it's free for my most extreme cases
| |
|
|
|
|
|
|
Re: ناس الزقازيق ... أجدع ناس ( 3 ) (Re: Hatim Gubara)
|
شكرا يا حاتم...حقيقة معظم البرامج التي اتبعتها كانت برامج قدمها لي طبيب... ربما سهولة الحياة هنا في الخليج و الاعتماد فقط على الرياضة دون وجود أي مشاق أخرى في الحياة هي السبب وراء الوزن الزائد... سأحاول اتباع نصيحتك بجدية أكثر...عشان تسهل الهرولة في الحج السنة الجاية..
| |
|
|
|
|
|
|
Re: ناس الزقازيق ... أجدع ناس ( 3 ) (Re: Hatim Gubara)
|
سلامات ياناس
Quote: Rasha, to loose the gut, you need minimum 45 minutes cardiovascular exercise per day (such as walking, jogging, biking, etc.). In addition, you must eat sensible balanced meals, that are high on nutrients (such as green leafy vegetables) and low on calroies (empty calories such as sugar, white rice, breads). The goal should be to create a calorie deficit, where your body has enough nutrients, but burns stored fat for energy. You should add stregthening exercise as well so as to build more muscles to burn more fat (your body will also loose muscle mass if you are not active). As with any diet and exercise program, you should consult your doctor before starting the program. Hope this helps.... I usually charge a lot of money for the advice, but it's free for my most extreme cases |
والله يا حاتم عليك جنس حسادة ..زيادة على الفتن جاتنا الحسادة
يعنى جايبا بالانجليزى عشان زهير ما يعرف الكرش بنزلوها كيف؟؟؟
الرشيد ...مشتاقين ...وانت فاهم ؟؟؟؟دى عشان شنو.ان شاء الله حأرجع بكرة
صاحيك زهير حيكون فرحان للقون عشان جابو الفيز المجنون.
| |
|
|
|
|
|
|
Re: ناس الزقازيق ... أجدع ناس ( 3 ) (Re: محمد صديق)
|
ترجع بالسلامة ان شاء الله يا كوتش...و ينتهي فراقكم الجبري...
يا كوتش قول زهير فهم...يطبق كيف مع كيس السلطة أبو عشرة ألف الشفتو داك...اتخيل لي كرش زهير دي وراثية وليست بسبب عدم الحركة..لأن الزول ده زي كلب الحر لافي الليل و النهار...
| |
|
|
|
|
|
|
Re: ناس الزقازيق ... أجدع ناس ( 3 ) (Re: الرشيد بابكر)
|
Quote: صاحيك زهير حيكون فرحان للقون عشان جابو الفيز المجنون |
يا جورج في فرق بين الجنون والغرور.. ألفيز دا فاكيها في روحو وعامل فيها ألعب زول.. لو زول هبشو كيف وكيف.. ويتدردق زي الضابحينو.. ولو قلعو منو الكوره يتشكى للحكم.. برشلونه بالغو سجلوه.. مش لو شواط.. برضو وهم..
| |
|
|
|
|
|
|
Re: ناس الزقازيق ... أجدع ناس ( 3 ) (Re: Hatim Gubara)
|
سلامات يا ناس
Quote: يا جورج في فرق بين الجنون والغرور.. ألفيز دا فاكيها في روحو وعامل فيها ألعب زول.. لو زول هبشو كيف وكيف.. ويتدردق زي الضابحينو.. ولو قلعو منو الكوره يتشكى للحكم.. برشلونه بالغو سجلوه.. مش لو شواط.. برضو وهم.. |
برضو ألعب من جبريلا.
| |
|
|
|
|
|
|
Re: ناس الزقازيق ... أجدع ناس ( 3 ) (Re: محمد صديق)
|
سلامات يا ناس
Quote: الشادى الحبيب ...سلام وشوق
أشُد على يدك مهنئآ وانت تنفض الغبار عن
الزول الرائع الحرف وجميله...الخواطر التى كان يكتبها
جمال ابداع يمشى على رجلين...كان لى شرف ان اكون اول
متلقى للعديد من تلك الكتابات...
حلّق بنا مع عوالمه ونحن حضور.
|
دعوة لتابعة ومشاركة الشادى بوستو المفتوح فى منبرنا
عن كتابات جمال فارح.
| |
|
|
|
|
|
|
Re: ناس الزقازيق ... أجدع ناس ( 3 ) (Re: Hatim Gubara)
|
سلام يا اجدع ناس شنو الالق دة ومفاجات كلها جميلة
مرحب بلثنائى دهب سيد الحوش وسامى
وحناكيشنا رشا وحاتم بلمناسبة ناس كريستيان ديور منزلين احرام
نجيلا
والله اشتقنا ليك ولى اصدارتك ودمت مبدعا بس لما تغيب اكتب (نجيلا يحتجب)
منصور يعنى دى مكاواة لى ناس السودان لينا الله وعيشة السوق
استمتعوا استمتاعكم بمتعنا
بس يا منص انا بحب المكرونة رسل لى مع عبد الرازق
شكلنا كدة ما بنرجى الحجة حننوى عمرة
وصلتنى الهدية دى شاركونى
طوريتك لمصطفى والشكر لمن اهدى
منتدي عماد الامين الرابع 21/11/2009(عنبر جودة)
| |
|
|
|
|
|
|
Re: ناس الزقازيق ... أجدع ناس ( 3 ) (Re: زينب التجاني)
|
أغنية طوريتك والتي قام بتلحينها الفنان مصطفي سيد احمد الذي ألهمه الشاعر صلاح حاج سعيد مطلعا اختاره كمقدمة إنشادية لتكون الأغنية كم يلي :
حتى الفصول صابها الجفاف لا غيمة لا زفه هرع والسمبر البهدر صفيره غشانا وأتقاطر رجع وشجرنا من حر السموم غصنه الرطيب عطشان وقع يتشابي لنسمة دعاش لا رشه لا برقا لمع **** طوريتك في الطين مرميه كوريتك يابسة ومجدوعة لا غيبتك كانت مرضيه ولا فوتك كانت مبلوعة ***** اللهب الضوي الليل قناديل في عيون النجمة القطبية والتعب المدّ ضراع النيل سجادة فقرا مزاوريه سائلين عنك ويوماتي رحيل لي مواني المدن النفطية وشقيش ما تقبل يا أبو الحيل في قلوبنا مواجعك متكيه **** وابعتلك شال الحب مرسال وتايهين في بحره مراكبيه برسم علي صدر الموج آمال أطفال عمال ومزارعية كيف حال يا أبوي كيف حال يا خال بتمسي بيوتنا الكاكية حزنانه بتبكي مآل الحال والزمن الشالكم إيديه
| |
|
|
|
|
|
|
Re: ناس الزقازيق ... أجدع ناس ( 3 ) (Re: كمال الشادي)
|
حضر السهيلى فحضر البداع thank u
يا شادى سلا مات كل ما اجى ادخل بوستاتك دى يا المداخلة تطش يا النت يعمل حركات ذى الليلة يا الرشيد
ما بايدى المتاوقة
قلت اكلم الشادى اقول ليهو والله متابعين ومستمتعين
وانت عارف يا كمال جمال دة بلنسبة لى شنو
جمال دة شجن
يا زناتى
سلامات ليك طولة
| |
|
|
|
|
|
|
Re: ناس الزقازيق ... أجدع ناس ( 3 ) (Re: Elsuhaili Magzoub)
|
Quote: ليك من عندي كل المحاولات للوصول إلى جده مع منصور في طيارة واحدة رأيك شنو؟؟ |
إنشاء الله تجيك يا شادي كاروشة
أخونا عبدالحي اسحق الكان تخليهو
يجري لأقرب ضل أو يكشح ليهو مويه في جسمه
بالله اعملها بصحيح وخلي عيد ناس جدة حاجة تمام
وبعدين ما تتحجج بالطيارة أركب عربيتك لو ما لقيت حجز
وبيتنا بيشيل أكثر من عائلتين بإرتياح كبير .......
ولو سحبتوا معاكم أخونا عبدالقادر بيكون إكتملت البهجة
يلا يا ناس مين يزود ويكبر الكوم والله ما تندموا أبداً
| |
|
|
|
|
|
|
Re: ناس الزقازيق ... أجدع ناس ( 3 ) (Re: كمال الشادي)
|
قبل ما أطفي الجهاز قريت مداخلة الغالية زينب التجاني
لك الف تحية وود وحب كلامك زينب عن جمال وإنو شجن جميل جميل جمال الزول الرائع ده وجميل جمال كل الناس اللي بتحبو
عليك الله خشي بي هناك عشان صاحبنا لمن يكمل الحج يلاقينا عاملين ليهو بارتي محترم قصدي حفل إستقبال ( الله يعلن ابليس ) قصدي إستقبال حجاج يليق بيهو
الاقيك بي هناك زينب مع التحية كمال الشادي
| |
|
|
|
|
|
|
Re: ناس الزقازيق ... أجدع ناس ( 3 ) (Re: كمال الشادي)
|
Quote: الساعة واحدة وربع صباحاً والله عيب ولا واحد صاحي عموماً
|
يا شادي صاحييييين ومتابعييين
بس كنا بهناك في المنبر العام غاطسين
ندخل بيت بيت ونطلع وندق الباب التاني
بعد ده لا شغل ولا مشغله والناس سافرت وانحنا
حارسين البوست ده وإستلمنا الوردية صباحية ومسائية
بس لازم تلبس ونشوفكم في جده وح يكون أجمل واحلى عيد
| |
|
|
|
|
|
|
Re: ناس الزقازيق ... أجدع ناس ( 3 ) (Re: محمد صديق)
|
صباح الهناء والسرور ... أصبحنا وأصبح الملك لله ... كل عام وأنتم بألف خير ... وربنا يتقبل من حجاج الزقازيقاب السري والمعلن ... وربنا يحقق أمنياتنا جميعا ... يا منصور قيس جمال الدين دا هو في نفسه حكاية ... وعنده حكاوي كتيرة وطبعا الترديد يعتمد على المود الإجتماعي ... يعني قيسنا لو كان في قعدة حلوة ممكن ما يدي طريقة لي زول تاني عشان يحكي ... وكمان ربنا حباه بموهبة الحكاوي والونسة والواحد ما يمل منه أبدا ... عنده أخوه الكبير إسمه الرشيد دا كمان مستوى كأس عالم عديل ... ربنا يحفظهم جميعا ويديهم الصحة والعافية ...
| |
|
|
|
|
|
|
Re: ناس الزقازيق ... أجدع ناس ( 3 ) (Re: البادي النور)
|
الأخ العزيز حاتم جبارة كل عام وانتم بخير وإن شاء الله السنة الجايةحجاج
ابو قزّة عازف على طبلة بطريقة عجيبة تجمع بين الدلوكة والنقارة معطية إيقاع سحري بالإضافة إلى الكيتة كل من سمع أبو قزّة يطرب له بل يذهب لموقعه إما راقصا أو متابع ومستمتع
ابو قزّة زمان يعلن عن إحتفال بختان أطفال او إحتفال بزواج وذلك لأنه ساحر في تجميع الناس شباب وشابات وأطفال وكبار وطبعا الإحتفال للجميع مافي كروت دعوة ولاشيء لذا الحفلة تكون في الشارع وعندما الشارع يمتلئ يبدا الحفل يتجول في شوارع الحي ( تجوال ابوقزّة والمحتفلين حوله) هي الفرنقبية
اما الآن ابو قزة يحيي الحفلات الخاصة (الحنة والصبحية وكده)
| |
|
|
|
|
|
|
Re: ناس الزقازيق ... أجدع ناس ( 3 ) (Re: أحمد إسماعيل)
|
مابين تمارين واكسرسايسات حاتم جبارة بتاعت الكروش الكبيرة وكاروشة كمال الشادى العملت لى انا ذاتى كاروشة وحندكتنا لى زينب التيجانى العجبتنى وسرت بالى والغاز احمد اسماعيل اللغوية الجميلة والفرنقيبة والكيتة وصولا الى عزاز علينا الشالو نوم عينينا آل ايه , الواد رش والواد ابو الزوز قالوا ما حافظينها ؟؟!! ومال الرسلها لى فى المسيج داك , كانت حبوبتى ندى القلعة فنانة رائعة ولاشك وكمان سمحة بتضاروا مالكم اغانى البنات , موروث معظمه اذا لم اقل كله جميل قد تفلت بعض الكلمات التى تعطى احساسا عاما بكونها ممعنة وموغلة فى البساطة لدرجة وصمها بأنها (كلام شارع عام ) ولكن هل يكون كلام الشارع الا (صدى السنين الحاكى ) ؟؟!! لمحت فى احد بوستات المبدع طارق ابوعبيدة قبل مدة كلاما عاما ومقدمة لغناء البنات اورد فيه نماذج من شاكلة سهر المنام لى وحدى يا قسيم الريد فوقك النبى والريدة الريدة يا حبيب قلبى ويا منى عمرى زمانى انا قلبك ليه نسانى انا وعزاز علينا الشالو نوم عينينا وارحمونى ياناس وحنوا على ويا اول حبيب من دون الأحبة اظهر لى غرامو وبادلنى المحبة
غناء البنات , ملخص الشارع المجنون الآتى فى تلقائية وصدق احبكم واحب البنات واحب غناهم زاتو
| |
|
|
|
|
|
|
Re: ناس الزقازيق ... أجدع ناس ( 3 ) (Re: منصور عبد الرازق)
|
اول مرة اقابل قيس يا بادى النور كان عن ناس عفاف وحاج الركز من اليوم داك ابتدا يحكى لى فى شامكم بتاعته دى لكن الشاهد الله كل مرة بضحك عشان الأخراج مختلف
ما رديت على ياكمال الشادى التلفون رن لمن قطع اتمنى ان تكون الكاروشة هى ما منعك من الرد اضافة لأنشغالك بى زحمة مكتب الحجز لى جدة الكاروشة حا تولع فينى انا لو ما اكدت الحجز
قدورة , الحجز رااااقد ما تتحجج يازززووول قال ليك خرفان جدة لابسة تريكيواز مش زى خرفان الرياض (البيج بى اسود دى )
| |
|
|
|
|
|
|
Re: ناس الزقازيق ... أجدع ناس ( 3 ) (Re: منصور عبد الرازق)
|
انا بأكد بأن ندى القلعة فنانة رائعة وكمان مبدعة
وكمان سمحة ودي حقيقة مابتندس
والله يامنصور قتلتنا بالضحك في الناس البتضارو ديل
وتذكرت نكتة قديمةفي ايام الريس نميري الله يرحمه
واحد زعل من حلفاوي من ناس وادي حلفة وقال ليه إنتو عندكم
شنو في السودان ؟ رد الحلفاوي نحنا
بلبل عموم السودان من عندنا ونبي عموم السودان من عندنا (بقصد د.عون الشريف قاسم/الشئون الدينية في مايو) وحاكم عموم السودان من عندنا (رغم نميري دنقلاوي لاكن الظاهر المنطقة واحدة)
| |
|
|
|
|
|
|
Re: ناس الزقازيق ... أجدع ناس ( 3 ) (Re: أحمد إسماعيل)
|
صباح الخير يا وجوه الخير ،،،
إزدانة مدينة جدة بالغيوم وأمطار طيلة الليل
والجو صار بديع ورهيب بس عايزين لينا شاعر
ينضم لينا بيتين ثلاثة ،،،،،،،
الظاهر جدة غارت من الرياض وهطلت الأمطار
لتلطيف الجو للحجاج ،،،،،،،،،
يا منصور الخير على قدوم الواردين
والناوين الحضور ،،،،،،
| |
|
|
|
|
|
|
Re: ناس الزقازيق ... أجدع ناس ( 3 ) (Re: أحمد إسماعيل)
|
أحبكم واحب النبات واحب ثمارو زاتو
البنات اسهل شئ يألفوا الغنية من مافي مرة بنات صغار في البلد بنات اهلي كانوا بيغنوا جيت ماري قدامهم غنو ليه ( يعرس ليك محامي والمحامي يكون حرامي )) اول مرة اسمعها ما عارف من تاليفهم ولا غنيه هي
زمان اغاني رقيص العروس كانت اغاني جميلة ومؤلفه او محرفه من الاغاني في بورسوان كان يدربوا العروسه شهر ويدوها كلمة السر عشان تغلب العريس ونحن اطفال كنا ببراءة كنا ننحاز للعريس عشان يغلب العروسه وبعد الحفل الناس كانت ببراء تقول العريس غالب كذا أو العروسة غالبه كذا
لو كنا عارفين سفرك يا منصور كنا ودعناك بعشرة ابو غزه إن شاء الله في العودة عودا حميدا لك ولك المسافرين وللحجاج
| |
|
|
|
|
|
|
Re: ناس الزقازيق ... أجدع ناس ( 3 ) (Re: مدثر أبا يزيد)
|
صباحاتكم ندية ،،، وبمداخلاتكم بهية
يستمتع الحجاج بجو جميل وبديع وذلك
لكثرة هطول الأمطار بمكة ومنى وجدة
جعلها الله أيام سقيا ورحمة ،، وأمان
لبيك اللهم لبيك ،، لبيك لا شريك لك لبيك،، إن الحمد والنعمة لك والملك ،،،، لا شريك لك .
| |
|
|
|
|
|
|
Re: ناس الزقازيق ... أجدع ناس ( 3 ) (Re: مني يونس)
|
Quote: آل ايه , الواد رش والواد ابو الزوز قالوا ما حافظينها ؟؟!! ومال الرسلها لى فى المسيج داك , كانت حبوبتى ندى القلعة فنانة رائعة ولاشك وكمان سمحة بتضاروا مالكم
|
و الله يا منص لقيتك دروجبا بس...تسجل من أنصاف الفرص...بل و من أرباع الفرص...حسة يا أخوي الجاب سيرة سماحة ندى القلعة شنو...نحن بتكلم عن الأغنية جميلة و حلوة و أثرت فينا بصورة أو بأخرى...أما ندى القلعة رعم سماحته لم تكن موضوع الحديث....رغم انه حديث ذو شجون...
| |
|
|
|
|
|
|
Re: ناس الزقازيق ... أجدع ناس ( 3 ) (Re: الرشيد بابكر)
|
لا أذكر بالتحديد متى تعلمت سواقة الدراجة...العجلة...و لا أتذكر هل كانت مسألة صعبة أم سهلة بالنسبة لي...لكنني اذكر انني تعلمتها من زمن طويل....و أذكر انني كنت اقود دراجتي الى مدرسة الأميرية مدني حيث درست جزء من السنة الثانية و السنة الثالثة بها قادما من الخرطوم...و أذكر أيضا انني تعرضت لحادث تصادم مع سيارة و أنا قادم من المدرسة...لم أصب بسوء ولكن دراجتي كانت قد تحطمت تماما...و الخلعة الدخلت فيني ما مرقت حتى الآن... تحضرني هذه التساؤلات و أنا أحاول جاهدا تعليم ابني مهند قيادة الدراجة...فآخذه الى الكورنيش...أمسك به ثم أتركه فيتوقف خشية أن يقع على البلاط...قلت ليهو و الله معاك حق يا ولدي...زمان كنا لو وقعت بتقع في الرمله و لا بدون رمله تظلط و تقوم...لكن البلاط ده بكسر الراس...و ما زالت المحاولات مستمره... هناك شارع في مدني يعرف بشارع اتجاه واحد...يشتهر هذا الشارع بان كل الدكاكين الفيهو دكاكين عدة...يقال ان أحد الأولاد تعلم العجلة حديثا جدا...فهو يستطيع أن يقود الدراجة لكنه لا يقدر على الدوران يمينا أو يسارا..يقود في خط مستقيم...أرسلته والدته الى سوق العدة فظن أنه يمكنه أن يذهب بدراجته...قاد دراجته وسط زحام شارع اتجاه واحد...و فجأة وجد نفسه يتجه صوب أحد دكاكين العده..لم يستطيع الدوران و مشى في خط مستقيم تجاه الدكان...فما كان منه الا أن أخذ يصرخ....يا عم يا بتاع الدكان...يا عمي قفل...قفل...قفل............دششششششششش
| |
|
|
|
|
|
|
|