|
|
|
 Re: ناس الزقازيق ... أجدع ناس ( 3 ) .. (Re: محمد عيد)
|
الأخ محمد عيد والأخوة الأعزاء
تحية وسلام وكل عام وأنتم بخير
أخيراً أعاد لي الأخ بكري أبوبكر الباسوورد
ومع أطلالة الصفحة رقم 80 هناك مواضيع كتيرة جداً كنت متابعها عبر البوست ولكني في ذلك الوقت بلا باسوورد
تحياتي لشكسبير الزقازيق محمد الفاضل مكي وتحياتي لكل ناس الزقازيق
وبلا شك لي عودة
| |
 
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: ميسرة سيد أحمد)
|
عيد مبارك وربنا يحقق امنياتكم كلكم وتامين ولامين..
وحجا مبرورا لكل الحجاج بدون فرز.. اعزرونى ما عايزة اذكر اسماء الحجاج عشان ما انسى البعض ونقع فى اللوم..زعلكم ما بنقبلوا
كيف الوالدة يا شادى سلم لينا عليها..
الريس ميسرة والسيدة منى كنا نمنى انفسنا بمفاجاءة زيارتكم لينا ولكن تاتى الرياح بما لا تشتهى السفن ما زلنا فى انتظاركم وامل اللقيا بكم واولادكم الحلوين..
معليش يا جماعة بصراحة مشروع ابو الفاضل ده خلى ايقاعاتى مضطربة وحسه بعد سنين العشرة دى رجعتوالينا ابو الاولاد يستخير ؟؟ يا اخوانا ده كلام شنو حسه الاولاد ديل عندهم امتحانات شتتوا افكرناا الله يهديكم..
يا ميسرة انت ما ريسنا ما فى اى قرارات تحسم الموضوع ده.. محمد الفاضل مرحب بيك وحجتك مبروكة وعليك الله محمد معانا مشروعك انشاء الله لا يجينا ولا يغشانا..
بنات الشيخ ديل نايمات وين
عفاف
زوبة
منى
بهجة
تعالن قبالفاس ابو الفاضل تقع فى الراس
دمتم سالمين من مشروع محمد الفاضل
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد عيد)
|
فكرة البعد عنكم
فكرة ما فيها من مقومات الحصافة شىء
وفكرة السفر بالسيارة , ما انتقص منها شىء , حتى ولا كونها فكرة ولدت متأخرة مع تباشير العيد
ومع اعلان تمديد اجازة المدارس
كل ذلك لم يزدها عنى الا تألقا ولمعانا
الا ان النزلة اللعينة , والتى توقعنا انها ستاتى من بقايا الحجاج الجايينمن كل مكان
من السودان , وحتى سقط لقط الماهنا
الا انها لاحقتنا حتى حدود مدينة العين الأماراتية
حلفت على اختى , اذا انى قررت اجضم خروف الرشيد ونجاة حوفى فى الأول (اول يوم عيد يعنى )
فانت عارف يا منصور حا اسوى ليك شنو
بينى وبينكم انا ما خفت من سواتها , انا ذاتى كنت مشتاق ليها , ولى منها سنوات اربعة او تزيد, لم اقابلها , ولم اقابل عيالها
لذا فاننى اتفقت مع الرشيد (بينى وبينكم مع نجاة , الرشيد الخلوا فى الخرفان شنو )
على ان يؤجل خروفه لليوم الثانى , خوفا من تهديدات اختى احلام من جهة
وامعانا فى مزيد من التنظيم , وحرصا على لهط اكبر كمية لجم طازج ممكنة
وقد كان , الا ان مفاجات نزلات البرد , وقفت لينا ثيردباك عديييل
بالله التقول الشغيل , وقعت ليكم فى (هيثم ) تكسيرا وتخريبا
وخالد عبد الرحمن , سادى دى بى طينة , ودى بى عجينة
هوالشغيل براهو
بلة جابر داك , تقول دى آخر كورة حا يلعبها
الغريبة يكسر فى الجماعة , ويروح واقع فى الواطة , تقول عليهو ميت
وانتو عارفين , خالد عبد الرحمن شغال بى نظرية , اوعك تطلع كرت لى زول واقع فى الواطة
لغاية ما ربك سترها
وقال كده شلت سادوممبا , وبالغلط كده لقى نفسه لسه واقف
طوالى قالوا ليهو يازول اتوكل , طوبة ما تعتر ليك
هذا حالى مع خرفان العيد , ما ان بدات مستمتعا بها
الا وانبرى لى الشغيل من جهة , وبلة جابر من جهة اخرى , متنكرين فى زى نزلة برد حادة وغريبة ومفاجئة
| |
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
نبارك للحجاج كلهم , حجتهم وعيدهم
ولمة الساوث مول ضايقنها وعارفين طعمها
لذا فاننا نعاين ليها من بعيد لى بعيد , ولسان حالنا بيقول , هل من عودة هل ؟؟
ونرنو بانظارنا بعيدا , لذلك الدرابزين الكائن فى امتداد الدرجة الثالثة
والذى توقعنا ونتوقع , ان يشهد انفجارات لحنية وبطولية قادمة
خاصة وان الحاج الدومنيكانى , ما يزال هناك , والبادى النور ما يزال فى مرحلة المفاوضات , هو والكوتش محمد صديق
حضروك الكورة فى تلفزيون الشروق يا بورتو
ما قلت ليك كورة اوانطة , هاتوا فلوسنا
احسن كورة تلعبها فى السودان , لازم تكون فى ملعب درابزين الأمتداد
تتوهطوا كده فى نص الدرابزين , تتوكلوا وتسلخوا خرفانكم براااكم
باغاتكم مليان بى شربوت , فلانة الفلانية
سامعنى , شربوت , شربوت بس
شربوت داربزين عمكم جبرين , بى بيبسى ساكت ما ينكسر
كان لحقتوا ختيتوا فوقوا خميرة , ولا كسرتوهو بى بربيكان
بينى وبينكم النظام العام
وخسمتكم بى الله , اول ما تقعدوا , شطتكم بى يمينكم , وشيتكم بى شمالكم , وجبنتكم قدامكم
وشربوتكم تتقاذفه الأيدى والأقدام
الراجل فيكم يضرب لى الساعة ديك
باقى تلفونات الأيام دى , قالوا بى ريحتها
مش زى تلفون صاحبنا زهير , لا لون له ولا طعم ولا رائحة
لون شنو وطعم شنو وريحة شنو
قالوا ليكم عندو يا كافى البلاء , جلطة , كاضم يعنى , لا صورة ولا صوت
وارقامه زاتا لحقن امات طه , طه دا منو يا جماعة ؟؟؟
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
مبروك علينا عوده الاخ العزيز والشاعر الرقيق عادل عبد الرحمن
ويا كوتش جهز القعدات بى هناك ... الزول ده كلامو طاعم جدا ...
&&&&&&&&&&&
عووووووووووووك يا منصور
والله لكن جيت فى توقيت تمام ...
الا كنت ستحسب ضمن زمرة هرشة دوت كوم ...
رغم انى متأكد انك على رأس القائمة ...
غايتو خلينا ننتظر شحتفة الريس ...
%%%%%%%%
يا منص ...
قلت لى الشغيل مالوا ؟؟؟
.....
... شـفيق يــا رااااجى ...!
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
تسكن اسرة اختى احلام , فى ضواحى مدينة العين , فى مدينة رماح تحديدا
والمنزل الذى يسكنون , هو من منازل دائرة الزراعة المخصصة للمرشدين الزراعيين
لذا فان فيه من مقومات عيد اضحى كارب , وعيد اضحى سودانى صميم , مالم اضع له حسابا
الخروف قدامنا فى الحوش
لذا فان احتفاء حجازى ومدرار
لا بل حتى ايثار ومجتبى
ايثار ومجتبى شنو , احمد زاااتو وامه وابوه , وجدوا فى الخروف مادة دسمة
وبالرغم من اننا وصلنا بدايات ليل وقفة عرفات , وبالرغم من اننا وصلنا جائعين
بعد سندة فطور خفيف فى احد محطات ادنوك الأنيقة
الا اننا , وكان ما خفنا اللوم , كنا دايرين نضبح خروفنا بى ليلنا داك
مدرار كانت تنظر اليه شذرا ومن بعيد , اما حجازى فوجد فيه مادة لتذكر احد افلام كرتوناته المفضلة التى ابطالها (خرفان خيالية )
الا ان البطل اليوم , خروف حقيقى , اقرن املح (مقرون حواجب )
آه من جور زمانى , مابى من نوائب
تبادل حجازى معه الاهات والباعات , الليل الأوسطوالأول كله
باع من هنا , وباع من هناك
ضربنا كسرة الفطور باقى ناس احلام واسرتها , واستمتعنا بها ايما استمتاع
وبعد ان استقرت الكسرة فى اجوافنا , ما استطعنا ان نطفىء ظمأ احلام اختى للحكايات والأخبار
حتى انها اوشكت ان تقول , لو عارفاكم كده , كان نومتكم بى جوعكم داك
انفردت ايثار بتى بى ملاذ بت عمتها , كما انفرد احمد ابنى بى محمد ود عمته
كنت اسمع ونستهم الدقاقة , تماما كما تلك التى ادمنوها على الأسكاىبى وتابعه الفيس بوك
وشوشات تتلوها ضحكات , وضحكات تتبعها قهقهات
اما انا , فالى شخيرى وسريرى استسلم
حتى اذا ما ايقظنى فيصل نسيبى واخى وزوج اختى , فى الصباح الباكر
كنت فى غاية النشاط , وكاننى نمت الليل كله , وكاننى لم استرق السمع لونسات الليل الجانبية
بين احلام اختى وبنت شيخى امانى من جهة
وما بين احمد ومحمد , وملاذ وايثار
وكأن طرقعات صوت الأم بى سى ثرى ,لم تخترق اذنى الليل كله
وحجازى يقهقه معها تارة , ويبادل الخروف المربوط فى الحوش الواسع الباعات والمأمات والتاوهات
وكأنه يقول , يا يوم بكرة ما تسرع , تخفف لى نار وجدى
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
ازيك يا محمد عيد
يمين راجى ولد لعاب , وما فيهو اى كلام
لكن المريخ لو اعتمد على انه (فريق ) من نتيجة فوزه على الهلال
فهو يرتكب خطأ كبيرا
المريخ محتاج لفريق كامل وجديد , عدا عنصرين او تلاتة
اصبح صبح العيد علينا , فى رماح العين
فاحسسنا باحساس عيد السودان
انا بجلابيتى , واحمد ومجتبى يرتديان (العلى الله )
ومعنا فيصل ومحمد فيصل , وهرعنا الى ساحة الصلاة
فكانت اشبه بساحات صلاة العيد فى السودان , ومن مدة لم نستمع ونستمتع بتكبيرات صباح العيد
التى كان آخر عهدنا بها , فى السودان الشقيق
كل اعياد الأضاحى التى صادفتنا فى السودان
كانت علاقة اولادى بخروف الضحية
هى علاقتهم مع اللحم المختوت فى كرتونة
نسلم الخروف فى زحمة المسلخ القاتلة , فنستلمه رقما , ثم نستلمه لحما فى كرتونة ومجموعة اكياس
وما ان نصل الى البيت , الا ونضعه فى الثلاجة , وغالبا يا سرير ما جاك زول
الا فى مرات نادرة كان فيها معانا الصادق اخوى , او بعض الأقارب
ولكن العيد وخروفه , كانا مختلفين هذه المرة
فما ان فرغنا واستمتعنا بصلاة العيد مع خطبتيها كمان , مع نسمات باردة ضربت انوفنا والخياشيم
وهى ما اظن انها السبب فى النزلة القاتلة التى (احتلتنى ) لاحقا
حتى غفلنا راجعين للبيت , ولبسنا لبس خمسة
وخرجت السكاكين والسواطير والمفاريك ذات الأستخدام السلمى يا بادى
كنت فى غاية الحرص على ايقاظ حجازى ومدرار تحديدا
استيقظ حجازى وتمنعت مدرار , اما باقى الجكس فاعلنها داوية انو ما معانا فى (قصة الدم الفاشية دى )
قالوا ان دورهم يبدأ مع (السلطات والذى منو )
اما مصارين الكمونية (المضفرة ) , فكانت مباراة اخرى بين احلام وبت شيخى , كان المنتصر الأكبر فيها
انا وفيصل لاشك
ولكن احمد ومحمد ومجتبى , شاركوا بفعالية فى عمليات السلخ وتنظيف الكرشة
وحيث ان الجو المحيط , تكسوه الرمال الذهبية من كل جانب
فان دفن (عشب الكرشة ) كما قال مجتبى , كان حتما مقضيا
واستمتعنا بفكرة محمد عندما طلب منه نفخ الخروف المذبوح , تمهيدا وتسهيلا لسلخه
حينما اقترح معاملته معاملة (الكفر ) , واستخدام المنفاخ
كان جادا فى اقتراحه , لكن نهرة اضافيه من ابوه , ارغمته على ادخال بوزه وبدء عملية نفخ لا جدوى منها
لا منه ولا من احمد ولا من مجتبى , ولا حتى منى انا , والذى من المفترض ان ينفخ (ثور ) بى قرونه ؟؟؟
تبادل احمد ومجتبى ومحمد سلخ الخروف , وتذكرنا ان الضباح دائما ما يطالب بالجلد والراس , فاعتبرناهم ضباحين وتبرعنا لهم بما يطالب به الضباح عادة
ولكن مصير الجلد والراس , لم يكن بأفضل من مصير الكرشة والرئتين , اذا سرعان ما دسوها فى التراب , فوادوها واد الجاهلية (للبنات )
استمتعنا بالشواء الماخمج , وبالشطوط المنوعة , واستغربت كيف ان اولادى جميعا , ضربوا الشية ونجضوها كمان
واخلصوا فى لهط الكمونية ام مصارينا مضفرة
وحلينا بالكسرة وام (رقيقتها ) , وعندما افطرنا حوالى الساعة العاشرة صباحا , كان اهلى فى الخرطوم لما ضربنا ليهم , خروفهم لسه معلق فى الدرابزين
فكنا بذلك من المستحقين للتسجيل والحفظ , عند السيد غينيس , باعتبارنا اصحاب الرقم القياسى فى الذبح والسلخ والوأد والشوى
ثم من بعد ذلك الأستلقاء والتكويعة على اقرب سرير , وتكملة ما انقطع من ونسات
ومع انى هرشت ناس ايثار واحمد ومحمد كم هرشة كده بى سبب المكيف الفاتحينو داك
لكنهم لم يرعووا ابدا , وامعنهم فى غى مكيفاتهم
حتى اذا ما استيقظت من تكويعتى , على صوت بعض الضيوف الجايين يتغدوا معانا
كانت النخرين مقفلة , وحشرجات الصدر توالى افراغ البلغم بكميات تجارية
فلم يعد طعم اللحم هو اللحم , ولا عادت مصارين الكمونية كما كانت , واصبحت الشطة , كأنها معمولة بى موية (قونغليز )
الله يجازيك يا الشغيل كان كسرت هيثم , ويا بلة جابر , اها قوا شلت كأس السودان , وتانى ؟؟؟!!
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: كمال الشادي)
|
جيت يا الطاعم يا الكلامك طاعم
احكى لينا واحكى ليهم خلينا ننسى الهم الشيلنا ليه محمدالفاضل وبرنامجه ومريدوه هو وشيخ الجكس
الله يهيدهم كلهم..
انا واولادى لسه ما شبعنا من شوفتكم كل ساعة فى سيرتكم وامبارح هنودى يحتضن مخدته الشيرك هدية عمو منصور النجار الذى يحب الاطفال يسال ابوه انه عمو منصور بست فرند ولا كزن.. قلنا ليه اخو وكزن قال كيف يعنى.
يا عمو منصور لنتواصل دايما حتى يتمكن اولادنا من بناء علاقة بينهم كاباءهم علاقة اخوان لم تلدهم ام واحدة.. التقيناكم ولسه ما بلينا شوقنا منك
تحياتى لام احمد العظيمة وايثار واحمد وزوزو ومجتبى ومدرو ست الكل وطمنا على صحتك
ودمتم سالمين
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: نجاة حوفي)
|
الاخ عادل عبد الرحمن حمد الله علي سلامة العودة .... وكل سنة وانت طيب .... تحياتي لكل الاسرة وناس الزقازيق بسلطنة عمان ...
نجاة حوفي بالله كتري الطلة .... وما تبقي شحيحة .... بس شايف مشروع ود الفاضل لتعدد الزوجات جابك علي ملا وشك ....
مني ميسرة ... المرة الفاتت ود الفاضل طرح مشروع التعددية هربتي من السودان 15 سنة ... المرة دي ود الفاضل جا لاحقك في جدة بمشروعه الظلامي ... ما عندكم طريقة غير تقدموا للوتري .... والناس ديل علي مسئولتي ما بيمشوا امريكا ...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: زهير الزناتي)
|
زناتى يا صديقى كيف بهجة والاولاد
والله مشروع محمد الفاضل ده شغلى من قراية اولادى ومن شغل بيتى
قاعدة ممحنة وقلبى يضرب وراسى يودى ويجيب
اسال يا اخوانى ود شيخى ده حبوبته مسمياه رشيد القوم ما ساى وتانى اتذ\كر كلام صديقاتى يا نانى الثقة الفايتة الحد ما ليها لازمة والسلع وغربيتين فى غربة والله يكدب الشينة..
غايتو يا كمال الشادى بعد حجتك ى ادعى للكل بالهداية والزوجة الواحدة لا غيرها.
فتك بعافية وبوصيكم يا البتحبونى والمخبرين النبى فيكم كان تدسوا من حاجة ومحمد الفاضل الله يسامحك فى العملتوه فينا ده
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: نجاة حوفي)
|
اليوم السعيد الليلة جابك يا عمو عادل و الجاتك في باسووردك
سامحتك و الله سعيدين بالعودة و نتمني التواصل و ربنا يرجع لينا
اخونا التاج الخليل و تحياتنا ليه .
هييييييييييييييييييييييييييع و الله عفيت منك يا ود الفاضل
و نحن ما بنفك اخرنا مع صحبي ود الشادي إلا بعد إنزال التفاصيل
كامله و نامل من السادة اب شنب و الريس عدم التاثير في سير
العدالة و ذلك بتقديم عبارات مشينه في حق التعدد !!!!!!
و إلي الامام يا منى يونس نحن في الانتظار ؟
نجاة حوفي يا بنت الناس ختي في بطنك بطيخة صيف و نوم قفا !!!!
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: موسي عيسي)
|
أنت الصباح الصاحي
وانت الغروب الباهي
وانت المياه العذبة
وأنت النسيم الصافي
جميعا لكم مودتي
بخصوص موضوع ود الفاضل
نحن بنشجع اللعبه الحلوه
العاجبو التعدد بنفرح ليه
والعاجبو الصارو برضه بنفرح ليه
بس موضوع المفاريك والاضنين دا ماحبابو
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: عمر المهدى)
|
صبحكم الله بالخير
بينما أنا منشغل مساء البارحة بقرعة أمم أفريقيا للمحليين بالسودان...
ثم بعد ذلك مباراتين من العيار الثقيل بالدوري الايطالي...
كانت بت شيخي تجوب البوست معبرة عن مخاوفها التي أثارتها تصريحات ود الفاضل...
و لم يبرد بطنها كمال الشادي...
فازدادت مخاوف على مخاوفها...
و رغم انني مصنف من رواد الهرشة دوت كوم...
الا ان ذلك لم يغير في الأمر شيئا...
الى أن جاء صديقي موسى عيسى هذا الصباح و طمأن بت الشيخ قليلا...
يديك العافية يا موسى و يسكنك الصافية...
بس في بيت غير بتاع الحوافز بتاعت محمد الفاضل...
و الله يا محمد الفاضل بقيت أمير المؤمنين عدييل كده...
بيت حته واحدة و ملك...ما ايجار كمان...
طيب يا طويل العمر ما تشوف لينا بيت كده من غير حكاية الدبل دي...
ينوبك ثوابه...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
يا منص والله متابعين و مستمتعين كمان...
لكن بي طريقتك دي قبل ما تنتهي تكونوا جيتونا تاني في راس السنة...
لما تدخل في أبو ظبي أنا حأدعمك فنيا بالصور...
خاصة صورتك و انت نايم في الكنبة...
اتذكرتها و انت بتحكي عن حشرجة الصدر و الشخير...
بس ما رضيت أنزلها هنا..دي صورة خاصة ليست للنشر...
و عشان تعرف الفرق بين صاحب و صاحب...
حسه ده لو كان هناي كان نزلها قبل ما تصحى من نومتك..
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
صباح الخير ،،، يا وجوه الخير
أصبحنا وأصبح الملك لله وحده ،،،
كلام ود الفاضل عامل لينا حسكنه ،،،
حاولنا التحايل على الدستور ولكن ما لقينا طريقة
كيف ناخد البيت بدون عروس تانيه ،،، دي يحلها الشيخ جلا
تحذير للجميع للموافقين على المشروع ،،،
لو تذكروا زمان نقرأ في جريدة الأهرام أو الأخبار
الراجل البقطعوه وبختوه في أكياس قمامة سوداء ،،،
أوعك تنوم بس .
الكلام ليك يا المطير عينيك ،،، ولا حتى مجرد التفكير
يا جماعة حبيبنا ود الشادي ما لوا تصريحاته قلت ،،، ولا مشغول بالتفكير؟
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: عمر المهدى)
|
صباح الهناء والسرور ...
الاخ عادل عبد الرحمن حمدا لله علي سلامة العودة وعيدكم مبارك .. أبقى عشرة على الباسويرد بتاعك عشان نتواصل معا دائما ...
منصور عيدكم مبارك .. حكاويك طاعمة وحلوه منك إدخال مباراة القمة (المصارعة الحرة) في حكاويك الحلوة .. لكن يا منص لما قلت الرئتين حقيقي أنا إحترت وكأن الخروف لا يتنفس ولا يملك رئتين لكن رجعت وتذكرت أن الرئتين هما الفشفاش .. يا ود أمي خليك واضح في لغة الحكي وباقي نحن ناس كبار وما بنعرف اللغة دي .. برضو نحن في إنتظارك وربنا يواليك بالصحة والعافية ...
مشروع ودالفاضل الحضاري فاشل من بدايتو .. ويا بت حوفي ويا بنات الشيخ عموم ما تخافو لأن ود الفاضل بتاع كلام .. وثانيا أخواننا ديل كلهم ما بتاعين مثنى وثلاث ورباع .. ثالثا قالوا السواي ما حداث (مثل دومينيكاني) يعني الموضوع كله على بعضو كدا كلام وبس ...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: موسي عيسي)
|
أصبحنا وأصبح الملك لله الواحد الأحد
سلام يا أحباب
ألف مرحب بالأخ الشاعر / عادل عبد الحمن، والله مشتاقين كثير
موضوع محمد الفاضل مفروض يوكل لشخص آخر غير الأخ ميسرة لرفع الحرج ، لأنه
1- الريس
2- ولأن محمد الفاضل قاصد الريس ميسرة من زمان مع الاصرار والترصد
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: أحمد إسماعيل)
|
يا شباب سلام ...
النجيضة جابها ليكم البادي النور ... السواي ما حداث .... الناس دي تنبح ساكت .... والعايز يعمل حاجة بيعملها كتييمي .... غايتو يا نجاة حوفي وبقية العقد الفريد ....نوموا قفا ... والحبه دي ما بتجيكم .....
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: أحمد إسماعيل)
|
الأخ البادي
المثل بقول ( الخريف الليّن من شـواقيرو بيّن)
يخوي كلام ود الفاضل فوقوا حوافز وعناوين وتلفونات ممكن نلحق حدو
لاكن المشكلة في الفار البيقتل الكديس
وفي ناس يمكن كلام ودالفاضل وقع ليهم في جرح زي ناس موسى ومن لف لفهم
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: أحمد إسماعيل)
|
Quote: السلام عليكم من مدينة بورسودان
|
يا جلا أمبارح فقدتك قلت الزول ده الا يكون طاشي...
أتاريك مرقتها في بورسودان...
ما تجي تقول لي مكنة هينو و مكنة قلاب...
تخليني تاني ما أعبر عن مشاعري بشفافية...
شايف موضوع ود الفاضل ده واقع ليك في جرح...
أعمل حسابك يا جلا مع المفاريك الجديدة الاشتريتها للعيد دي...
حسة بت الشيخ تقوم تقوقل ود الفاضل تقوم تطلع ليها هترشاتك دي...
و الله الا تقوم تقطع البحر عوامه لي ناس محمد عيد...
لحدي ما المفاريك تبقى قديمة و لا كمان يتدخلو الأجاويد...
آل ايه...أدي ود الفاضل باسورد...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: ياسر نجيلة)
|
| Quote: منصور اللذيذ ... وصل مع ود الفاضل .... |
هوي يا شعارنا وما شاعر بينا هسع علاقة ود الفاضل مع منصور شنو
منصور خليك في شغلك وأكتب ساكت وود الفاضل ده إعتبره غير موجود
ما إنت أصلوا معانا في خطنا ،،،
يا زول حمد لله على السلامة وفقدناكم في هذا العيد زي ما فقدتمونا
لأننا كان رغبتنا بزيارة الرشيد ونجاة بس ربك ما أذن لينا ، المره الجايه
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: ميسرة سيد أحمد)
|
والله موضوع ود الفاضل ده وقع للواحد في جرح ...
بس في نقطة مهمة الريس ميسرة نسي يذكرها ... ان البيوت العارضها ود الفاضل محدودة ... عشان كده قلنا نسبق الكل ...
اها ... انا موافق على كل الشروط وكمان بت الشيخ موافقة وقالت لو ظروفها كويسة والله العظيم ح تجرتق العريس والعروس مع بعض ....
والله العظيم .... الله العظيم ... والله العظيم ... الدعوة دي حقيقية وبتخصني طوالي ... ومافي أي مجال للهظار ...
وعليكم الله ناس الزقازيق الجوه والبره الظروفي بتسمح يشرفنا ... وخاصة ناس السودان عشان الفرح حيكون هناك ...
وما عاوز اذكر اسماء بعينها مخافة اللوم والذاكرة قد تخوني ...
ولكن كلكم مدعون مع اُسركم .. وكمان العزابه (الكلام ليك يالمنطط عينيك) ....
دعــــــــــــــــوة
الزمان : مساء الأربعاء الموافق 2010/12/01م
المكان : الخرطوم – شارع النيل – نادي الكشافة
عشاء مع هجيج كارب ...
دي دعوه الحنه
وحفلة الزفاف عند ناس مدني العروس من مدني - واحب ناس مدني –
قريبتنا (مها) من ناس الخانجي بت عم زوجة بكري حامد الامين
وكمان ماتنسو عبدو عابدين جلد – الزقازيق معهد تجاري – اخوها ود خالتها ...
والسيرة من الخرطوم بصات مكيفة ... ذهاب واياب ...
الزمان: مساء الجمعة 2010/12/03م
المكان : نادي الشرطة - مدني
عشاء كاااارب مع هجيج مدني ...
كميه من الفنانين والحلاوه والعسل
أكيد حضوركم حيفرحنا ...
============================================
هئ ... بسم الله الرحمن الرحيم ... من الخلعة نسيت أقول ليكم
العريس اخوي "على" آي اخوي - على أحمد نجيلة اخوي طواااالي ... يعني ما أنا العريس ..
لكن الموضوع بخصني عديل كده ... صح
و انا جاي السودان صباح الأربعاء 2010/12/01م إن شاء الله
وراجع طواااالي من مدني على المطار يوم السبت 2010/12/04م
شرفونا ... بحضوركم تكتمل افراحنا ....
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: ميسرة سيد أحمد)
|
لو الملخص بيقول , بيت جديد , لمن اراد ان يتزوج بتانية
فببساطة , فانت تتزوج (بيتا ) , وبيتا هنا ليس لها اى علاقة بال (معنى )
ما عندها علاقة حتى بالسكن
ما بتتذكروا لمن زهير الزناتى سكن (بدون بيت ) ؟؟!!
وانتو ما عارفين انونجاة والرشيد (ساكنين) , مع انهم قاعدين فى بيتين مختلفين بيناتهم 350 كيلومتر
هذا العرض يخص فقط من يسكنون ولا (يسكنون )
ولكن الكثيرين منكم, اعرفهم , يسكنون من غير (بيوت )
من رضى منكم ان يدفع له المهر (بيتا لا سكن فيه )
فهو فى حاجة فعلية لسكن جديد
لا نمانع ابدا ان يبحث عن هذا السكن الذى يحتاجه
سكن من سكن يفرق يا احباب
اذا كان البيت مهرا (للسكن ) , فليبحث عنه غير (الساكنين )
اما الساكنون , فبيوتهم تحتويهم ولو كانت (اوهن من خيط عنكبوت )
كما ان غير الساكنين , لن تصلح لهم ولو القصور الفارهات (بيوتا ) , لو كنتم تعلمون
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
مليون مبروك يا ابو عمار زواج على اخوك
ويا بختكم يا ناس السودان بى جية ياسر نجيلة
ربنا يكتب لى اخوك العريس (السكن ) من قولة تيت
سكنا يخلى ليهو كل الدنيا (بيت )
قول آميييين
كنت , وقد تمكنت منى النزلة ليلة العيد الأولى , امنى نفسى بمشوار سريع لى ابو ظبى , شوقا للأحباب الرشيد ونجاة حوفى
ولكن تلفونى معهم , واتفاقنا على خروف بكرة , اعطانى فسحة من وقت , لمحاولة مداواة نزلتى , وتغيير وجهتى مع اسرتى واسرة اختى احلام
لمدينة العين , الأقرب مسافة من رماح , بالمقارنة مع ابو ظبى
قضينا ليلتنا فى ربوع حديقة الجاهلى البديعة , ولكن نزلة البرد وحشرجات الصدر , كانت قد تمكنت منى , وتحولت الى (زائرة ليست تزور الا فى الظلام )
اقرب صيدلية , فليس فى الموضوع هظار , ولقية احباب مثل الرشيد واسرته تتطلب لياقة عالية , وذهن متقد
ولكن الدلائل تقول الآن , اننى سا قابلهم بلياقة منخفضة , وجسم (متقد )
اقوى انتى بايوتيك عندك بالله
هكذا خاطبت الصيدلى الذى استقبلنا استقبال الفاتحين
اول مرة فى حياتى اشوف لى انتى بايوتيك , جرام كاااامل عدييييل
حبته تفلق , وبلعها وتمريرها من الحلقوم , يحتاج الى لترى ماء لا تقل ولا مللتر واحد
عندما عدنا الى البيت فى رماح , وتخلل ذلك تلفونين اوتلاتة مع نجاة والرشيد , كان هدفها التاكيد على الموعد , والتاكيد على الموقع
حتى ان نجاة امنت علينا ان نجى على راحتنا , عندما لاحظت تغييرا حادا فى صوتى
اشتهاء اللقاء , وخوف المرض , جعل من حواراتنا , كحوارات الليل والنهار الأفتراضية
او هى اقرب لمآلات حوار عنق الحسناء , والعقد , حيث ان الضد دائما ما يظهر حسنه الضد
يا لها من مبالغة فى اساءة التوقيت , يا نزلة الجن يا بت الحرام انتى
ما انا قاعد ليكى السنة كلها , اما رضيت من الميعاد , الا ثانية الأعياد , ولقاء الأحباب ؟؟!!
الا اننى استعنت عليها , بجرام انتى بايوتيك كامل الدسم , وبحبتى بنادول كولد ان فلو صفراوتين متينتين
وكوب ليمون دافىء , وكركدى مضافا اليه الزنجبيل
فكان جسدى كالجديد الذى لاقى الحديد
حرارة تخرج , وحرارة تدخل , وشوق ولهفة قوامها وعنوانها , اغدا القاكم ؟؟!!
فيا لهف فؤادى من غد , فصار الهادى آدم انا لليلة , وصرت انا الهادى آدم للحظة
وضحك على الجميع عندما بادرت الى طلب البطانية التى زجرتهم الليلة الفائتة عندما اتوا بها
وعندما اظلمت الغرفة , وصرت انا تحت بطانيتى (مزملا مدثرا ) , كنت اشبه ما يكون بجغرافيا التقاء التيارات (الحارة مع التيارات شديدة الحرارة )
وارغمت الجميع على النوم دون مكيفات , ولم اعر اى اهتمام لآعتراضات مكتومة صادرة من هنا او هناك قوامها
لو ما عايزمكيف , ما يقفل اوضته ويدمدم , ولمنى لن اسمح لتجربة الأمس بالتكرار
فغدا ثانية الأعياد , وخروف الأحباب , والتقاء جيل البطولات بجيل التضحيات
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: ميسرة سيد أحمد)
|
انا جايب ليكم كلام علمي ماعندي فيه ناقه ولاجمل
عارف الحريم بودن الخبر وبجيبو لينا الهوى
قد يكون سر الحياة السعيدة والطويلة يكمن في الاقتران بزوجة ثانية.هذا ما توصل إليه باحثون في جامعة شفيلد البريطانية بعد اكتشافهم فوائد الزواج من امرأتين في الوقت نفسه، والاطلاع على إحصاءات أعدتها منظمة الصحة العالمية حول البلدان التي تسمح بتعدد الزوجات والنتائج الايجابية لذلك ومنها أن عمر الزوج الذي يقترن بأخرى يزداد أكثر من غيره بنسبة 12%.وذكرت صحيفة (الدايلي مايل) امس الجمعة أن الدراسة التي نشرت في العدد الاخير من مجلة (نيو ساينتيست) أشارت إلى أن الرجل الذي يتزوج من أكثر من امرأة وتكون لديه عائلة كبيرة يحظى برعاية أفضل خلال مرحلة الكهولة ويعيش لفترة أطول.
وقال الاختصاصي في تطور علم النفس لانس ووركمان من جامعة باث سبا البريطانية إذا كان لديك أكثر من زوجة فقد يعتنين بك وتعيش لفترة أطول، مشيراً إلى فوائد الزواج لأننا نعرف أنه حتى الرجل الذي يقترن بامرأة واحدة يعيش لفترة أطول من العازب.
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: عمر المهدى)
|
Quote: وقال الاختصاصي في تطور علم النفس لانس ووركمان من جامعة باث سبا البريطانية إذا كان لديك أكثر من زوجة فقد يعتنين بك وتعيش لفترة أطول، مشيراً إلى فوائد الزواج لأننا نعرف أنه حتى الرجل الذي يقترن بامرأة واحدة يعيش لفترة أطول من العازب.
|
ود المهدي...
يعني ود الفاضل ده ممكن يلعب دافوري عدييل كده مع ولدي مهند...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد صديق)
|
| Quote: جايطة ...كدى نجرب نجى المسا. |
جاطت فلما استحكمت حلقاتها جاطت تاني
أقول ليك.....
عيش و أنسا و المسا زاتو جليهو
شوف ليك بوش مع الشباب
ولا أقول ليك ...على رأي عادل إمام
خالدة عندها رز بي لبن الليلة؟؟؟؟
أضربو ...و مافيش حد يسألك
بالمناسبة كلمت بكري يأرشف البوست دا
و لغاية هنا و كفاااااااااية
أوع موسى عيسى يجي ناطي
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد آدم النور)
|
| Quote: أوع موسى عيسى يجي ناطي |
بالله يا موسى عيسى الزول ده كان ما نطيت ليهو في عبو
عبدالدائم بركه السمعنا كي بورتك ما التلفونات بيناتنا توقفت
منذ حادث الساوث مول بتاعة ود الفاضل بلازا أنا بسببي المدام واقفه
لي في حلقي - أقصد- في خشم البوست وحتى أرقام الهواتف ما تنزل إنت مالك
ما الجماعة الطيبين ما ليهو دعوه بالبوست ولا بود الفاضل بلازا.
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: ميسرة سيد أحمد)
|
فى اتصال عاجل من الزعيم الشكسبيرى .. ود الفاضل ...
أبدى الرجل انزعاجه الشديد - حسب قوله - من ردود الفعل السلبية تجاه مشروعه الرائد - على حد قوله !!
واتهم جميع معارضى المشروع بأنهم ( ماسكاهم خوفه ساااكت !!! )
واعاد تأكيد قوله بأ، قناعاته الراسخة تؤكد بأن كل رجل .. انما هو مزواج
وان التعدد هو ســر ابتسامته الدائمة وسعادته البائنة
ولزيادة بث الطمأنينة فى النفوس التى ملأها الخوف ..
بشــر الزملاء كافة بحصول مشروعه على موافقة ســيدة العالم
وعلى مباركة الرئيس اوباما شخصيا ... وطلب توصيل هذه المعلومة بصفة خاصة للاخ / زهير ..!!!!!!!!!!!1
انتهت الافادة ... وما على الرسول الا البلاغ ...
والكاتل الله ...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: ميسرة سيد أحمد)
|
يا ريس احسن تمسكوني من الزول دا والله انا لو
عملت كده بخشو ليه جو الجهاز بعمل معاه
ما كويسه لكن قلت اخليها بعد زواج اخونا علي نجيلة
علشان ما نبوظ الحفلة و ياسر نجيلة زول
صحبي يقول مقصودة فربنا يتم ليه بخير يا
ياسر والعقبال عندناانشاء الله من ام سنطة !!!!
طبعا يا ياسر اليومين دي انقطعت من البوست لاني
مشغول مع الألبوم بتاع بتاع ود الفاضل الخاص بناس
الخليج بس ؟ و المواصفات خليها علي الله و فيها كمان
اغراءات اكثر من القالها ميسرة و طبعا علي
تواصل مستمر مع ود الفاضل الله يديه العافية رجع
فينا الروح مش زي ناس فلان ... من ما يجيبوا سيرت
ود الفاضل يقعد يلفت ........
انت عارف يا ياسر لمن قريت مداخلتك في البداية
اتكيفت كيف قلت والله الدنيا لسعه بخيرها و نعيمها
لكن طلعت كاككككككككككككككككككككككككككككككك.
منصور يا ابنوسي و الله انت مسطول عديد في الحكي يا
زول الكلام الحلو بتجيبوا من وين واصل الله لا حرمنا منك
يا جمــــــــــــــــــــــــــــــــــيل .
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: موسي عيسي)
|
كردة فعل سالبة لما يدور هنا ...
تم قطع النـت عن البيت ...
وتم ابلاغ الكفيل بقطعه عن المكتب ...
اتداخل الآن في ظروف بالغة الصعوبة ...
حيث سيتم اغلاق كل ال "نت كافي" في مدينة الرياض ...
وتم ارجاعنا الى عهود القهر والظلام ...
اهتف معي قول يا أخي ...
يعيش ...
يعيش ..
.
.
.
.
.
.
.
.
.
.
.
.
.
.
.
.
.
.
تعيش بنات الشيخ
ولا نامت اعين من يفكرون 
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: جلال عثمان)
|
| Quote: وان التعدد هو ســر ابتسامته الدائمة وسعادته البائنة |
طيب ما هو نحن موحدين
و برضو مبتسمين و سعادتنا بائنة
يسقط يسقط ود الفاضل
يسقط يسقط المشروع الفاضلي الأمريكي
يا بنات الشيخ
البوست يمر بمنعطف تاريخي مفصلي
نرجو الإتحاد و الوحدة في هذه الظرووووف الآنية
جلال كلامك فيهو تورية و مواربة
أفصح.....أبن....
ماذا يعني
يعيش ثم تعيش
و لا نامت أعين المندسين بيناتنا
جمعية بنات الشيخ المتحدة و الموحدة
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد آدم النور)
|
ولأننا في حالة تأهب شديد
من الحالة التي جاطت البوست
فاتنا أن نقرأ السطور الرائعة للمعلم منص
| Quote: وصرت انا تحت بطانيتى (مزملا مدثرا ) |
شفتو الزميل و الدثير دا كيف؟؟؟؟
أسألوهو من الذي زملك؟؟؟
من الذي دثرك؟؟؟
إنها هي.....
و ليس هنَّ
عجبى
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: جلال عثمان)
|
الكوتش قال ليكم هنا جاطت لكن
بهناك - بوست منى يونس - ولعت وتدفقت المشاعر جداول
وجلا خربه على كمال الشادي والله ما قايلك كده يا شيخنا جلا
الحق صاحبك يا موسى عيسى طبظه.
مبروك عليكم العالمية لمشروع ود الفاضل بلازا
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: ميسرة سيد أحمد)
|
ان الابتعاد عن اجدع ناس من المستحيلات كلمة حق للمنصور
ولكنه الشديد القوى
حجاجنا تقبل الله والف مبروك
وجبر الله كسر كل من فقد عزيز لديه
وانشاالله كلكم تسكنو السكن القاصدو المنصور
وموسى عيسى جا السودان وما قال عوك والتلفون عندو
حاجه تزعل
اما محمد الفاضل عادى جدا فهو يبادرك عند كل ما تلتقيه
اها دبلته ولا لسه وتفارقه وانت راسك ماكلك انو فعلا عمرك ضايع
وتعود للمنزل وتقتنع ان عمرك احسن يضيع مره واحدة بدل ثلاث او اربع
وياتيك سلمان سائلا بابا كيف يومك وتطبع دعاء بسلامها الحنين قبلة على خديك وتصر على
ان تكملهم ثلاثه فلا تملك الا ان تقول الله يلعن شيطانك يا ابو الفاضل وما ظنيت ان الرجل
يفكر بالزواج الا اذا دفع الى ذلك فاصبح السكن مستحيلا بل جحيمافيا بنات شيوخنا فمهما تقدمنا فى العمركنا احوج الى الحنان والرومانسيه ففى اعماق كل رجل طفل صغير تحتويه الكلمة الطيبه الحنينه
وتاكدى بانها ستعود عليك بالكثير حبا واستقرار وموده
ومحمد ادم قصتو عجيبه نسمع به ولا نراه
والكمندان مما اترقى بقى كل وقته فى الشغل
والرشيد ما زال مسافرا....
والزناتى بالدمام مشكورا فهو معنا دوما
والشايقى بتاع المغرب كان جا السودان ورجع بعمل لينا وجع
الا كان اجازتو فى اديس معليش
وتبقى الان ان اطبع صورة شكسبير االسودانى لاعلقها له على باب مكتبه صباحا
والله استرنا معاك يا محمد عيد
جنس دا ما بنقدر عليه
واليوم كان حافل بالزقازيقاب فنجان قهوه لدكتور الهادى مجذوب البنا
وقببله كان الاخ مختار دفع الله وشاى الصباح مع الزقازيقى يحى قناوه الذى يحل علينا
ضيفا من الدمام.....الم اقل لكم ان المنصور على حق فالزقازيق فى عروقنا
وانشاء الله نلتقى بدار الكشافه مع ياسر نجيله بس مدنى لا مدنى لا مدنى لا مدنى لا
لانو فى العيد واحد صاحبنا مشى مدنى وجا ماسك التانيه فى ايدو والاولى ضاربه
جرسه زوبا مدنى لا
وتستمر الحياة ويبقى بيننا التواصل دوما
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: معتصم جعفر)
|
`جميل هذا التواصل
أنتم دائماً هكذا تحملون الألق الجميل ، منذ أن تركنا الزقازيق ما يزيد عن العقدين وكأننا لم نفترق، أسعدني هذا التواصل الجميل وأسكرني ، سلام لمحمد عيد، الريس ميسرة ومحمد صديق وأبناء ياسر والعريس والبادي، ومحمد أحمد أسماعيل وموسى عيسي ومحمد آدم النور (جلا) وقائد الأسطول زناتي وبقية العقد.
لكم التحية مثنى وثلاث ورباع
ولي عودة
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد آدم النور)
|
سلامات يا ناس
ومساءات التّعدد
يا ريس كيفنك ...تعرف قدر ما اجتهدت
انى الاقيك ما قدرت ...وآخرها كان مغرب اليوم
وانا جاى من التمرين جنب استاد التحرير..طششتنى زحمة الصينية.
سلام ..الشاعر الرقبق عادل عبدالرحمن...(الباسويرد اعملوا عنوان
القصيدة الما اتكتبت زيها)
جلا ...كتِّر من السمك ..اقلوا تنزِّل البوش المتحجِّر
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد صديق)
|
اختنا الفاضله نجاة حوفى انا اضمن لك رشيد القوم .. وهل لرشيد قوم ان يفعل ذلك؟
وليس هناك زقازيقيه بدبلوا فيها ...وده ببساطه شديده لانهم
ماليات مركزم كزوجات وامهات وربات منزل .
وما ظننت ان التعدد الا لاستحالة الحياة مع الاولى
اذن كيف التدبيل فوق زوجه نكن لها كل الود والحب
ذلك الحب الذى يجعل الزوج يعود مهرولا الى عشه
الهادى ببسمه وحنان فيجد الراحه والامان.
حتى فى القران الكريم يجب ان نقف كثيرا فى قولة
< ولن تعدلوا >
المهم ان التعدد ليس الاصل ولا يمكن ان يكون
لمجرد الرغبه ولا بد ان يكون مسببا باستحالة الحياة
والعيش ويجب ان لا ننسى مصالح فلذات الاكباد
ونضحى من اجلهم ولو قليلا .
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: معتصم جعفر)
|
مساكم فل..
محمد الفاضل دا.. لوى ضراع زول?
كسر رقبه زول?
زول طرحو واضح.. والالبوم معاهو..
وبعدين بيانو بالعمل..
الداير.. طوالي يتصل عشان شهاده البحث بتاخد وكت..
ويا بخت من وفق راسين في الحلال..
أما إنتوالباقين..
الظاهر عليكم بتجسوا في النبض..
حوفي.. دا شنو دا..
دقيتي جرس عالي يابتنا..
زولك دا كان حقو يستخير قبل ماينزل مداخلتو..
ميسره ياريس..
قلت لي أكياس سوداء?
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: Hatim Gubara)
|
يانضيف ...
حل شعري بتاع ايه ...
حارسني أحمد وعمار ...
احسن تمشي هي زاتا لاني ممكن ازوغ منها ... لكن ديل ازوغ منهم كيف ... لحام بس
Quote: وانشاء الله نلتقى بدار الكشافه مع ياسر نجيله بس مدنى لا مدنى لا مدنى لا مدنى لا
لانو فى العيد واحد صاحبنا مشى مدنى وجا ماسك التانيه فى ايدو والاولى ضاربه
جرسه زوبا مدنى لا |
الريس معتصم ...
مدني الجمال ياخي ...
مالك عاوز بت الشيخ تقول لي حدك الخرتوم بس .... سيره مافي
عليك الله ياريس حاول تجمع اكبر قدر من الشباب ...
شرفونا ... ما انتو ناسي وأهلي ...
============================
شوفو كلام حاتم جبارة ده ...
كلام عقل والله
حاتم جيب معاك طارق جبريل ...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: ياسر نجيلة)
|
[]صعيدي مسكوه بيزور فلوس بيقول للضابط : أموت واعرف عرفتوا أزاي ؟ الضابط قاله : يا ابن الجزمة هو في ورقة ب65 جنيه
ثلاثة محششين وقفوا تاكسي السواق عرف أنهم محششين شغل العربية وطفأها وقالهم وصلنا ، الأول دفع الأجرة ، والتاني قاله شكرا ، والثالث ضربة على قفاه وقاله متبقاش تجري بسرعة تأني
قسم الرجال المصريين عند الزواج: أقسم برب البريه ، أن أكون مطيعا للوليه ، وأن أسلمها المهيه ، وكل الحوافز الظاهرة والمخفية ، وأن أقطف لها الملوخية ، وأن أكون في البيت من المغربية ، وحسبنا الله ونعم الوكيل من الست ديه
تحطمت طائرة صغيرة تتسع لراكبين فقط فوق احد المقابر بالصعيد اخوانا الصعايدة انتشلوا 500 جثة وما زال الحفر مستمراً
واحد صعيدي فضل 15 سنة يدعي ربنا انه يرزقه بولد في الأخر نزل له ملاك وقال له " أبوس ايدك اتجوزالاول"
على خفيف ....
مع تحيات منصور الابنوسي ....
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: ميسرة سيد أحمد)
|
تلفون كفيلنا محمد الفاضل بالسودان 00249912905974
آه لقيتني كيف يا ياسر نجيلة قصرت معاك بس بالله لو
الموضوع ظبط معاك خليه ينوبنا عن الكوم جانب انشاء
دعوة كاربة و لو قدرنا بنحصلكم ببص الساعة واحدة
من المطار ومدني جاك بلاء !!!!!!
طبعا يا شباب ياسر نجيلة من البارح معاي علي الخط
بخصوص الالبوم الخاص بالخليجين باعتبار انو ناس جلا
من الغبش !!!!!! و ناس الرشيد ناس المصرايين البيض
اما ناس جده الالبوم بتاعهم مختلف و موجود بحوزة بتاع.............
وو الفاضل بغريكم السلام و بقول ليكم وحيرسل ليكم الهاتف
الخلوي الخاص بيهو عبر الماسنجر فعلي الراغبين ترك الماسنجر
مفتوح و انا الماسنجر بتاعي نسيتو في بيت ناس جلال البارحة
بعد العشاء !!! اما زهير قال الجوال بتاعو متعطل لو في امكانية
يتصلوا عليه في تلفون المكتب علشان ابتهاج بتكون الوقت داك نايمة
الريس معتصم جعفر لك العتبي حتى ترضي والله انا من ما جيت كنت عندي
فروقات و مضاعفات قلت نخلصها اولا و بعدين نشوف الحبايب لكن ناس جلا
ما ريحوني ؟؟؟؟ لكن ليك علي انشاء الله في نية زوغة لمدة عشرة ايام
خلال امتحانات الشهادة السودانية انا خايف اعمل ليك وجع وش .........
شاعرنا وولدنا عادل عبدالرحمن لك التحية مجددا و عبرك التحايا للفردة
ود الخليل انشاء الله تكون وزارة الداخلية رضت عنه ...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: ميسرة سيد أحمد)
|
صباح الأنوار يا ريس معتصم
عارف , مشتاقين ليك شوق كميات
قلت لى مدنى لا , غايتو نجيلة الا يودى السيرة لى ارض محايدة
الحصاحيصا كيف , ؟؟ ممكن ولا برضو من الممنوعات
وبعدين تعال و ما تمنعوا لينا بورتسودان عشان الزول داك يتكسر ويقعد فى حتة واحدة
احمد وعمار , اجمل حرسين يا ياسر , تسلم ليهم نفسك , وانت فى غاية الأطمئنان
عارف يا ريس معتصم
الدنيا دى فيها قيم كثيرة جدا , مقاساتها ما دايرة ليها لا مسطرة ولا ميزان
العدد والكثرة , سمحة فى الليمون , سمحة فى البطاطس و سمحة فى القروش
لكن ياتو مشاعر سمعت بيها بيبعوها بالكيلو
كان رجال ولا نسوان , امشوا الدكان الجنبكم قولوا ليهو دايرين كيلو حنان , ولا مترين الفة , ولا طاقتين حب ومشاعر
طوالى سيد الدكان حا يقول طش يا زول , شطبنا
حتى انت يا بنى آدم , يكفيك سرير واحد للنوم , وتكفيك وجبة او وجبتان كل يوم , وتكفيك سبعة قمصان تغير بيها صباح مساء
ولكنك تواق دوما , الى دفقة مشاعر فى ميعاد , والى امن نفسى وأمان روحى وسكينة وسكن
فلتجعل من دفقة المشاعر التى تحتاج , وامنك وامانك وسكنك وسكينتك هدفا محوريا يوميا
وهذا موجود عند شخص واحد فى هذه الدنيا , ومع انى لا الومك ان تبحث عنه دائما وابدا
ومع انى افهم ان تخطىء العنوان مرة , او تطش مرات , اوتكون خارج شبكة احيانا
ولكنك ما ان تجده , فهو واحد بطبيعته , فتمسك به وقدم له مهره انى وجدته , وابذل دونه الغالى والرخيص
اخلص له وعنه بحثا وتنقيبا , ولا تكابر ولا تقيدك دون البحث عنه لا محاذير ولا اسباب
ولكن ما ان تجده , اقعد ليهو القعدة الياها , ولا تضيع وقتك فى محاولات تلوينه وتعديده
فهو واحد , ابيض صباحا , قرمزى فى القيلولة , منجاوى عند الظهيرة , اخضر تركواز فى العصارى
احمر قانى عند شفق المغارب , لون زينب عند حضورها , ولون المنقة , لو شايل منقة , لنك زى ما عارف , كيف نحن بنشقى
مهمتك دائما ان تقاوم الوان سواده عندما تبدو للناظرين , وشغلك الشاغل ان تتجاوز رماديته وتحولات ما بين الوانه المتواترة
وعند كل محاولة , احتفل بأنك انتصرت وقاومت واعدت الى حياتك , الوان قوسها القزح
اسكنوا , يرحمكم الله
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
سلامات يا ناس
Quote: الدنيا دى فيها قيم كثيرة جدا , مقاساتها ما دايرة ليها لا مسطرة ولا ميزان
العدد والكثرة , سمحة فى الليمون , سمحة فى البطاطس و سمحة فى القروش
لكن ياتو مشاعر سمعت بيها بيبعوها بالكيلو
كان رجال ولا نسوان , امشوا الدكان الجنبكم قولوا ليهو دايرين كيلو حنان , ولا مترين الفة , ولا طاقتين حب ومشاعر
طوالى سيد الدكان حا يقول طش يا زول , شطبنا
حتى انت يا بنى آدم , يكفيك سرير واحد للنوم , وتكفيك وجبة او وجبتان كل يوم , وتكفيك سبعة قمصان تغير بيها صباح مساء
ولكنك تواق دوما , الى دفقة مشاعر فى ميعاد , والى امن نفسى وأمان روحى وسكينة وسكن
فلتجعل من دفقة المشاعر التى تحتاج , وامنك وامانك وسكنك وسكينتك هدفا محوريا يوميا |
عجبنى والله الكلام ده لامِنْ طَلَبْتَ لَى جَبَنَة.
اقروه صباح مسا ومع كل قرية كباية جبنة ...(زهير عشان عندو الضغط يشرب شاى لبن مقنن)
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد صديق)
|
المشكلة فيني يا كوتش
قدر ما قريت ما فهمت حاجة
قلت يا ربي أنا إتخرجت من ياتو مدرسة
الغريبة الكلام المكتوب
زي أدونا ليهو
و زي ما أدونا ليهو
غايتو إتجهجت
لو عندك مختار الصحاح و لا المصباح المنير
بالله أستعجل و رسل لي
طبعاً صاحبي موسى عيسى بكون مشا قوقل عشان الترجمة الفورية
قول ليهو ما يتعب نفسو الكلام أسباني
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد آدم النور)
|
هو ولدنا الظريف ده مش عاوز يقول ....
واحده تكفي ... والحب والحنان لايباع في الدكان ....
وتغلبات الحياة مهما جارت ... لابد ان تصفي ...
وتيب .......
==========================================
ولدنا موسي عيسي ....
انا بمشي مدني وبحكي ليك ...
وانت امشي جرب ... وكلمني ....
النضيف ....
حكمت عليهم شينات بعد ماشبعت شوف ...
خلينا نشوف .... ونحكم
يا سلااام لو ود الفاضل نشر الالبوم على الهوا مباشرة ....
وجع ....
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد آدم النور)
|
سلامات يا ناس
Quote: وهذا موجود عند شخص واحد فى هذه الدنيا , ومع انى لا الومك ان تبحث عنه دائما وابدا
ومع انى افهم ان تخطىء العنوان مرة , او تطش مرات , اوتكون خارج شبكة احيانا
ولكنك ما ان تجده , فهو واحد بطبيعته , فتمسك به وقدم له مهره انى وجدته , وابذل دونه الغالى والرخيص
اخلص له وعنه بحثا وتنقيبا , ولا تكابر ولا تقيدك دون البحث عنه لا محاذير ولا اسباب
ولكن ما ان تجده , اقعد ليهو القعدة الياها , ولا تضيع وقتك فى محاولات تلوينه وتعديده
فهو واحد , ابيض صباحا , قرمزى فى القيلولة , منجاوى عند الظهيرة , اخضر تركواز فى العصارى
احمر قانى عند شفق المغارب , لون زينب عند حضورها , ولون المنقة , لو شايل منقة , لنك زى ما عارف , كيف نحن بنشقى
مهمتك دائما ان تقاوم الوان سواده عندما تبدو للناظرين , وشغلك الشاغل ان تتجاوز رماديته وتحولات ما بين الوانه المتواترة
وعند كل محاولة , احتفل بأنك انتصرت وقاومت واعدت الى حياتك , الوان قوسها القزح
اسكنوا , يرحمكم الله |
يا سِرِّى ....سلام
اها شوف جنس ده ...المرة دى الجبنة عملتها براى...
الترجمة الأسبانية رسلتها ليك...
لكن المرة دى بالدومينكانى.
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
ونمت ليلتى تلك , مزملا مدثرا يا جلا يا حبيب
تتقاذفنى تيارات الهواء الساخن الخارج والداخل
وتنتابنى هلوسات الشوق , وانعل ابو الأنتبيوتيك زاتو
مش نجاة قالت تعالوا بى راحتكم ؟؟؟
كان هذا القول , زادى ومعينى فى العودة الى بطانيتى , حينا بعد حين
حتى ان بنت شيخى انتابها شك فى مقدرتى على السواقة لى ابو ظبى , فجاءها ردى قاطعا لكل شكوك
فيه من الحرارة اطنان ,وفيه من الشوق الاف السنين الضوئية
تخيلت للحظة , ان الشمس باتت اقرب , ولكن المحيط المتجمد الشمالى , كان ينجح فى التسلل , رغما عن اقتراب الشمس , لآحيان اخر
كان تلفونى بعيدا منى , يلاقى ويتلقى تغذيته الكهربائية , فى احد محطات الجدار التى تبدو بعيدة
ولكن جرسه كان يصل الى رغم بعده , فانا اراه راى العين , كما استمع اليه يقينا , ولكن الوصول اليه كان يتطلب الخروج من مخبأى الأختيارى
وكان سيقطع على محاولات الأستزادة من راحة خلتها ضرورية , لتوفير لياقة للشوق الاتى
حتى ان بت الشيخ , النائمة نصف نومة , بدت عندها رغبة للعبث بتلفونى النقال , وتحويله الى وضع اللصمت الأختيارى
ولا اعلم يقينا ان افلحت فى ذلك ام لم تفلح , الا ان توالى الجرس وتواتره بعد ذلك , بين لى ان محاولتها باءت بالفشل الذريع
كان الصباح قد شقشق , واحلام اختى تتحاوم حولى , تحاوم الأطمئنان الأثير , المشوب بحذر يابى على الأستيقاظ , الا ان فأجاتها
بتتحاومى كده مالك ؟؟ثم محاولات تحاشى كحة تاتى ولا تأتى , وعطسة تراوح مكانها لا هى اتت , ولا غادرت (مأسوفا عليها )
فاجاتهم بانتفاضة رمت بالبطانية بعيدا , وطلبت من بت الشيخ ان تحضر لى جرعة الأنتيبيوتيك الصباحية , عازما على ان اعود لبطانيتى التماسا لمزيد من لياقة احتاجها بشدة
ليوم قرات عنوانه قبل ان يأتى , بدايته شوق , واوسطه شوق , ونهايته مزيد من (الأشواق فى بعدك , بقينا اكثر من حبايب , من قرايب )
يا الطاف الله يا كمال الشادى
تعرف ان هذه الأغنية الأثيرة , انا والأشواق , اخذت منا مساحات ضخمة فى ايام مضت
فى بص الرحلة الى رأس البر , وفى شواطىء تلك المدينة التى مضينا اليها مستكشفين انا ومجدى عبد الله يا محمد عيد
لقد كانت رحلة لا تنسى ولا تمحى من اى خيال عاشها
وقد كان فيها ومعها ايضا , الرشيد بابكر , ونجاة حوفى , وبطة , وزينب التيجانى , ورفعت نور الدين , واشراقة الشافعى
هل بدأت رحلة سكن رفعت الى اشراقة , والرشيد الى نجاة , يومذاك ؟؟؟!!
هل يمكننا ان نقول ان رحلتهما فى (السكن ) , وأن اتخذت من اوسلو وابو ظبى مكانا و(بيتا )
الا انها , بدأت من فضاءات الأشواق فى بعدك , عندما بدا (البر راسا لحكمة توقعناها فكانت )
تدثرت مليا , وتزملت اكيدا , وسرى الكركدى ابو زنجبيل الى جوفى يقاوم حرارة بحرارة , ولكن تزملى وتدثرى كان (مع سبق الأصرار والترصد )
كان تزملا وتدثرا حاملا لكامل مقاصد التزود باللياقة
حتى اذا ما جاءتنى اشارة بت الشيخ , نحن جاهزين , انت لغاية هسه مصر تسوق لغاية ابو ظبى , ما تخلينا نمشى مع فيصل , واهو اصلا حا نتقابل بكرة فى دبى
كنت قد اخذت جرعات من لياقة مصنوعة , قوامها الأنتيبيوتيك ابو جرام كامل , وحبتى البنادول الكولد اند فلو الصفراوتين , وجرعات الليمون الدافئة والكركدى ابو زنجبيل , ما يكفى لأن
انتفض من سريرى مسرعا الى الحمام ولسان حالى يكاد يقول
(لق لق لق ) , لو دايرنى اسوقكم لغاية الرياض ما عندى مانع
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
| Quote: ما تتعبو نفسكم الصور كل واحدة اشنة من التانية |
النضيف ...
اسمع كلامك اصدقك .. اشوف امورك أستعجب
....
صاحبك ده يا نجيلة لسه ما وصل صفحة اربعة فى الالبوم .. رقد غمران ..!!
ولى هســـه بيتحاجج مع واحد اخونا فى واحده من الصور .. ويشيل ويحلف انها من الامتداد ..؟؟!!
،،،،،
يا كوتش ...
انا بعد قريت كلام منصور واستمخيت ...
جريت لى حجر شيشة عمرااااان ..!!
دى حالة شنو يا اخوانا ..!!!
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد عيد)
|
الزقازيقاب الرائعون كل سنة وانتم طيبون وجعل الله أيامكم كلها أعياداً
وحجاً مبروراً للحجاج
وعقبال الزينا اللسه ماحجوا
نرحب بالحاج حاتم جبارة بين ظهرانينا في السودان
ونرحب بالوجيه طارق جبريل الذي جمعتني به الصدفة في إحدي ليالي الإبداع
ونتمنى ان نجتمع بهم في لمة زقازيقية
يلا شدو حيلكم يامحمد صديق
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: عمر هواري)
|
Quote: انا بعد قريت كلام منصور واستمخيت ...
جريت لى حجر شيشة عمرااااان ..!!
دى حالة شنو يا اخوانا ..!!! |
غايتو كتابة منصور دي
براهو بكون مدور ليهو منقد بتاع شيشة مش حجر
و الدخان طالع من نخرينو الكبار ديلك
و إيدو في الكيبورد يخليك في حالة برمائية
طبعاً الدخان بتاع الشيشة زيو زي الأنتبيوتك
هس تكون العطسة بتاعت قبيل يا دوب جاتو
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: عمر هواري)
|
الحاج حاتم جبارة
والوجيه طارق جبريل
يا بسكو وين انت
شفت الزمن ناس كبرو بقو حجاج وناس كبرو بقو وجاهـ .
يا محمد عيد صورة الزولة العندها فلجة فى صفحة الالبوم التانية
ما طلعت مجـــــــنترة
اها تقوم تقع ليك فى زى دااا .
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد عيد)
|
سلامات يا ناس
مراحب محمد عيد وعمر بسكو
************************************
خدمة التوصيل :
ده مصطفى محمد الحسن:Quote: رياح تشرين
شوية غبشة عند الفجر و احساس مبالغ فيهو انو الدنيا خلاص ماشة علي الحركرك
و ارواح الناس الميتة و ماشين يداقشو
ريحة السمك الميت في حلفا القديمة
و البنات امات مساير الخلاص اتيقنو من الدرب ماسكاتنو براهن
لانو اليل خلاص ضهب درب الراجينو
لمن تحكي احزانك
و الحزن مشرور في الدروب زي وساخة يوم العيد
افلي في الكلمات زي القمل ، ما عندي اي موضوع ، قفلت معاي قلت اقفلا معاك ، الدنيا كلها بقت زي يوم السبت زمان في المدرسة الابتدائية كلها زمزمة ، ما علي كيفك ، زمان كان تهف تيك تركب البص تبيت رفاعة ، تدخل فرشتك في شرابك و يا الدرب جاك زول ، تشتهي الونسة زي آخر سيجارة كيلوباترا نص اليل ، ما اتعس الزول لما حتى الونسة تغلبو و يكوسا كواسة .
اول امس جافاني النوم بالمرة ، كملت كوابيس اليقظة ، لي زمن طويل بقيت ما بحلم ، خلي بالك الاحلام دي عندها علاقة بالحاصل لي الزول في الحياة علي طريقة هذه من تلك ، لما الزول حياتو تبقى زي حواشات الصيف يابسة برضك احلامو بتيبس .
حاولت استدعي البنات الكانن معاي من اتفكن لي طلاسم العشق ، العذبني و ملن سراب عمري حنين ، جاوبني سكات ، وشوشن لاحن لي زي قصايد قريتن في صباي الاول باهتات الا من المطلع ، لقيتن في جملتن لمة ما لاميها غير الغي ، نارن بردت ما زادني الا شرود.
كذلك مات صلاح سليمان
في الليلة الاولى في الخرطوم و انا اتهيأ للسفر الي مصر فؤجئت بان الشخص المفروض يوديني معاهو سافر بعد ان تلكأت في الحضور من كسلا ، وراسي انقطع تماما و فكرت في الرجوع و اصلي كنت متحيل ، و انا اسال في جامعة الخرتوم عن ذلك الشخص، مسكتني يد صلاح سليمان ، حكيت ليهو قصتي ، قال خلاص وصلت ، اتعشينا فول كارب في الجامعة ، و حضرنا هناك فيلم ( ليلة القبض على فاطمة ) ، و يا المحطة جاك زول ، فرشنا في الرصيف ، صلاح جاهز تماما للسفر ، طلع العدة ، المسجل الما خمج ، و زيدان ابراهيم ، سمعت ليلتها ( لو أحبك أنا ) باحساس م عادي ، كيف و انا حينها مليان عشق ، في أولى ساعات الفجر عتمني كيف اتمركز في قطر حلفا و كيف اتهيأ للمدافرة و التي سرعان ما تنقلب الى ود يطول. لما وصلن حلفا القديمة حرنت كفرس أبي الطيب المتنبئ لما قالو لي حنقعد زي اسبوع لانو الناس مكدسة و البواخر قليلة ، ما اشتغل بي حرداني ، مشى السوق جاب الاكل ، و بدا في تجهيز المعسكر في فندق الرمال . ب الرغم من انهو كان طالبا في جامعة القاهرة الا انو اصر مشي معاي حتى المنصورة و سلمني للزول بتاعي و عاد في نفس الليلة.
صلاح سليمان ما ممكن يموت ساكت كدا ، استشهد في حادث حركة عند الشوك الساعة واحدة و نص صباحا وهو في طريقه اللا كسلا للاداء العزاء في كمال رابح المحامي ، واحد من شباب الهوسا المليان استنارة و فهم ، ما قلت ليك أنا لازم أنكد عليك.
لازم و بأي طرية تكوس ( ذاكرة الجسد) المرة دي انا كنت قايلة فاجرة ساكت زي ما بقول (حاج النور)، لكن و الله طلعت جنبة خلاص ، أنا ذات نفسي الكتاب ما قريتو لكن شفت المسلسل ، اللغة عفنة عديل ، و الاحداث حديقة من التورة ، الحب و الاحلام المودة
اظني نجحت بعض الشئ في تكدير صفوك و استثارتك و هذها هو المأمول
من اقوال اللواء
|
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد عيد)
|
نهاراتكم بالهناء والسرور ...
الكوتش شكرا لقينا التحية البايتة .. قلنا ليكم المرة دي لو اللمة لو سحور وفي بورتسودان برضو حأكون أول الحاضرين إنشاء الله ...
ياسر نجيلة مبروك مقدما لأخوناعلي نجيلة وإنشاء الله حنتقابل ...
عمر بسكو عيدكم مبارك ...
منصور الرائع حقيقة أبدعت في وصف الزواج الناجح ...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد صديق)
|
النضيف و محمد عيد باقى ماشين مدنى
مشكله مافى وكان درتو بوسودان بنمشى بس جلا
يسرع بالتقرير.
يا الشادى النضيف اتفرج لمل وصفن
مطلوب تحديد موقف
بس انتو تعالو وجع الوش هين
الجمعه بالكشافه البحريه ممتعه لان المكان
واسع ويمكن ان يتجمع الزقازيقاب كما لو كانو
بمسطبة الاتحاد ... ومدنى ينظر فيها مدام عندها
رواد....وعلى كل مختفى ان يظهر ويبان وليهو
الامان خاصه الجايين من المغرب.
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد صديق)
|
بصراحة كدة موضوع التعدد بجيب ليكم الهواء خاصة الريس ميسرة والرشيد بابكر عشان كده حاولت أحييكم مثنى وثلاث ورباع ، الحكومة لو أطلعت على التقارير المكتوبة هنابتحلق ليكم.
خلوني أحكي ليكم قصة طريفة عندي صديقي كنت دائماً أقول لزوجته أنت الراجل دا ما مهتمة بيهو عشان كده أنا عأعرس ليهوا بأي طريقة، وأنقطعت أخباره عني بعد أن غادرت السودان وعند عودتي في عام 2008 وجدته فعلاً تزوج وقالت لي زوجته إنت السبب في غرس هذه الأفكار في رأسه، وفي واقع الأمر أنا بري براءة الذئب من دم إبن يعقوب.
عشان كده النقاش زي ده نصيحتى ليكم بجهجه دفاعاتكم سادوبا والقون.
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: عادل عبدالرحمن إبراهيم)
|
انفصال...وحده
انفصال وحده..وحده انفصال
موساد...سى اى ايه...وحاجات واسامى تانيه ما بعرفه
وتكديس سلاح....وتصريحات ناريه ومرات هتلريه
والنار تحت الرماد والانفجار اقترب اوكاد
يا ربى نحن ماشين وين ..نايمين ولا صاحين
فاهمين ولا متغابين...اه يا الله
ما الذى يحدث... ومن منو ...هل هم ابناء
صهيون فعلا... ولا براى السويته فى نفسى؟؟؟
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: معتصم جعفر)
|
بالله دي كوره دي?
ناس البارسا ديل عورا عواره..
ما يدوا الناس فرصه يلعبوا معاهم..
التقول كوره المباراه حقتهم..
ما يدوا رونالدو فرصه يحلل قريشاتو دي..
طيب يدونا تشانس نشوف مهارات ناس مدريد..
والا عشان ميدانهم..
حقارين..
90 دقيقه ماسكين الكوره.. وما عاجبهم..
إلا يجيبو أجوان كمان..
حتى الحكم.. ماأدوه فرصه يجاملهم..
العالم كلو يشجع فوقهم..
وما راضين..
حتى الزمن الضايع أبو يدوهو ناس مدريد..
وهم زاتهمناس مدريد قالو مادايرين زمن إضافي..
نسوي بيهو شنو قالو..
أنهوها ليناعليكم الله..
الجماعه ديل لاعبين زايدين..
والا نحن ناقصين..
لا مديننا فرصه نمسك كوره..
لا قادرين نلعب باص..
والله لوحصلناهم كان نكسرهم..
قطعوا نفسنا..
أبو البلعب معاهم تاني..
هي دي كوره دي?
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: Hatim Gubara)
|
يا حاج حاتم حتى اللحظة لم اذق طعم النوم لاني تابعت
المباراة مرتين حتى صلاة الفجر و قمة الاندهاش من المتعة
الحقيقية و هي لم تكن مباراة في كرة القدم بل لوحة موسيقية
او علم يدرس بس مكان التدريس كان المستطيل الأخضر و اعتبر
مباراة الامس مرجع في كرة القدم ، و الله ناس الريال معترفين
لو مغالطتنا اسال العنب الرامي في البوست الرشيد او محمد عيد
لان صحبي ود الزناتي في حالة توهان من لفات تشافي و انيستا
و العجب الولد العجيب ميسي .
بالامس كانت ليلة و لا الف ليلة لم اشاهد مثلها و لم تتكرر
لان برشلونه نفسه لا يستطيع ان يقدم ما قدمه امس !!!!!
فلكم التحية احبتي و جد اليوم انا في مستوى من النشوة
و الفرح لا يدانيه شى ؟؟؟
و التهاني موصولة الي الشابين عيسى موسى و محمد المصطفي موسى
بهذا الفوز والمجهود الرائع ....
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: موسي عيسي)
|
صبحكم الله بالخير
برشلونة بي 7 لاعبين أسبان...
و تلاتة أجانب...
و مدرب أسباني..
بهدل ريال مدريد بي 7 لاعبين أجانب...
و تلاتة لاعبين أسبان...
و أغلى مدرب في العالم...
طلعت من المباراة دي بي حاجه واحده هي انك لو عايز تبني فريق لا يقهر...
ليس بالضرورة أن تملك المال و حسب...
بل يجب أن ترعى و تصبر على الناشين حتى يكبروا و يصيروا أبطالا...
و أن تبدأ بتنشأتهم على الأخلاق و الروح الرياضية قبل أن يعرفوا كيف تركل الكرة...
عادل عبد الرحمن...
حبابك عشرة بلا كشرة...
ترحيب متأخر...لكن أن تأتي متأخرا خيرا من أن لا تأتي...
بس عليك الله انت معانا ولا مع الخيانة...
و بعد العملتو في صاحبك...
تاني العلاقة البيني و بينك اسفيرية بس...
نحن صلينا استخارة ساكت جابت لينا الهواء...
طيب لو صلينا صلاة حاجة كان حصل شنو...
يا موس التهاني و التبريكات موصولة عبرك...
للدون عيسى موسى و الدون محمد المصطفى...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: موسي عيسي)
|
صباح الخير ،،، يا وجوه الخير
خمسة صفر يا مفترين ، حقيقة أجمل ما رأيت
صراحة أقوى من كأس العالم.
===========================
حديث القلب :َّ
يا ويح القلب من نفس قاسية .
اجعلها سكنا لحب الرحمان....
واطرد منه وساوس الشيطان...
وقل الآن تبت يا رحمن ...
فاجعل لي بيتا في الجنان ...
ونوره بالذكر والقرآن ....
وارحم عينيك بالبكاء...
وامسح من القلب ذاك الجفاء..
وازهد في دار الفناء...
وارتق بالروح إلى عنان السماء...
جوهرة النفس التقية،،،،،،،،،،،،،،
ذات الروح الأبية .......
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: ميسرة سيد أحمد)
|
الى الريس العظيم معتصم جعفر
Quote: ما الذى يحدث... ومن منو ...هل هم ابناء
صهيون فعلا... ولا براى السويته فى نفسى؟؟؟ |
اسألك بالله لحدي ما يحصل الاستفتاء القادننا بيهو ده
اطلب منك طلب يا أفتح ليك بوست تكتب فيهو إنت وكل ناس السودان
أو اكتب لينا يوميا عن الموضوع ده
انا شخصيا بقيت ما عارف اصدق منو كل الاخبار مختلفة وكل زول بيعزف على آلة حدباء محمولة
عليك الله يوميا ورينا البيحصل شنو في السودان
ونبض الشارع
وبعيدا عن السياسة
وجوة السياسة
وكل شيء
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: كمال الشادي)
|
صباح الهناء والسرور ...
توقيت مباراة الكلاسيكو الإسباني جاء في موعده تماما والمباراة شتت أفكار كل المتعاطفين مع مشروع أبوالفاضل .. ما قلنا ليكم القصة كلها طق حنك وبس ...
حاتم جبارة عندو سببين علشان يفاضل مشروع ود الفاضل أولا زوجته دومينيكانية لا تقرأ العربي وثانيا مباركة أوباما ومصافحته لودالفاضل يعني الناس كلها زي بعض كان بقوا في السودان أو في بلاد العم سام ...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: كمال الشادي)
|
ما هذا الصباح , اهو لاح يا حبيب
والبلبل الصداح جا قريب
جاك يحكى ليك جاك يشكى ليكا من شوقوا ليكا
صاح يا حبيب
مطلوب فى هذا الصباح , كشف جينات كامل للعيبة برشلونة , مصحوبا باختبار منشطات مكثف
يطرشنا ويعمينا ما شفنا لينا ضغط ولا برسينج تسعين دقيقة زى ما عملوا العورا ديل
جوارديولا , صنع فريقا يستولى على الكرة بالقوة الجبرية نصف زمن المباراة
ويستولى عليها بمهارات الأفراد, النصف الآخر من زمنها
الفريق المقابل لبرشلونة , يقضى كل زمن المباراة بحثا عن الكورة , واذا وجدها وجد نفسه يسلمها سريعا , من كثرة الضغط
ابو الشغل زاتو !!!!
لم تعجبنى حركة جوارديولا مع رونالدو , ثم لم تعجبنى ردة فعل رونالدو
كانت مباراة لا رحمة فيها , ولم يكن جوارديولا محتاجا لأستفزاز اضافى للعيبة ريال مدريد , كان يكفى استفزازهم بالكورة الغريبة ديك
انه صباح الأكتساح الكتالونى المستفز
ده اولا
وكمان من معالم الصباح ده
اعادة نشر الزخم المشاعرى المكثف , بتاع الزول الأسمومصطفى محمد الحسن ده
انت يا كوتش , امبارح مش كنت بتتكلم عن الجبنة , كان لقيتا ادينى معاك
اما عن محلبيتنا , فحضروا حنتكم ساااااكت ,عندنا منها , اطنان واطنان
ويا حلاة الحنة , البى محلبيتنا , محلبية الهنا والسرور
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
وتساءل الريس معتصم , الى اين نحن ذاهبون ؟؟
قلت لى تكديس سلاح ؟؟, اظنهم حتى لن يحتاجون له
تأملوا معى ملاحظة البادى الذكية , امسينا ويتنا على مشروع ود الفاضل بلازا
واستيقظنا وافقنا , على حرفنة ميسى , وضغط انيستا واكزافى , ومحاصرات جوارديولا ودافيد فيا
لقد تراجعت عندنا قضايا الحور يا احباب , اصبحنا ممن تتقاذفه امواج الصباح ورياح المساءات الحالكة و شديدة السواد
عندنا مشكلة كيفية تكوين اسرة فى الأساس , لا يجد شبابنا (باءة ) يتزوج بها وعليها
وعندنا تكدس سكانى رهيب فى المركز على حساب الخدمات والتطبيب والتعليم
وعندنا مشكلة امة , تكون او لاتكون
وكل هذه المشكلات , لو رايتم وتاملتم , من متراكمات التطفل الحياتى , والباراسايتس شديد الشراهة (للتكويم )
مشكلاتنا الاجتماعية متفاقمة وتأخذ كل يوم ابعادا جديدة وشديدة الخطورة
وما فتئت قوى التطفل المستشرى , تبتدع كل صباح اساليب تكويم اجتماعى جديدة ومؤثرة , متخذه من المشاكل الآخذة بخاصرة الأمة , راس رمح هجومى فتاك وقاتل
هل يعقل يا جماعة ,ان تكون هناك جائزة (بيت ) , نظير اقبالك على التعدد
ان تركيز ثروات الأمة ومقدراتها فى ايدى (البعض )
انحرف حتى بمشكلاتنا , حتى بمحاولات حلها , لتصب فى المصب الأزلى (التكويمى )
سازوجك باخرى نظير (بيت )
وسافك لك مشكلة عنوستك واهديك رجلا (بى بيته ) , مقابل ان تنضم الى كومى
اسكنوا يرحمكم الله
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
اتارى البنادول ده ممكن يدور ليهو مكنة عديييييل
يمكن , اختراع غاية فى العظمة
جلابيتى بيضاء ومكوية , وبت شيخى الى جنبى
وعيالى , مع اصدقاءهم اولاد وبنات عمتهم , توزعوا فى كراسى السيارة
وقد بدوا فى ابهى حلة , واجمل منظر
البنون زينة الحياة الدنيا ,ربنا يحفظهم ويخليهم
كانوا لى , اى تجمعهم وانسهم واندماجهم , بمثابة الباراسايتمول الأضافى ,كما وانه كان اكثر من جرام انتيبيوتيك شحمان
كانت ايثار تتبادل ونستها البناتية الشفيفة , مع بت عمتها ملاذ , وقد بدت لى كسيدة صغيرة من ابطال (ليتل ويمن )
احمد منصور مع محمد فيصل , يخالطهم بالكاد مجتبى منصور , الذى يعانى معهم من غربة (عمرية ) بادية للناظرين
وان لم تستفحل كأزمة بعد
فهو ما يزال قادرا على التنطيط كولد صغير , مع مدرار وحجازى , مع احتفاظه بقدرة التداخل كرجل صغير , مع احمد ومحمد
حتى ان قدرته على التداخل مع (الليتل ويمن ) , ما تزال براقة ومتألقة ومقبوله , منه ومنهن , دون حرج يذكر او يلاحظ
يا بختك يا مجتبى , قلتها له وهو القادر على الأستمتاع بمقطوعات جستن بيبر الموسيقية , ومعزوفات هانا مونتانا والهاى ميوزيكال اسكول
المنبعثة من جوالات نسائى الصغيرات
ولا يفوته كذلك حكايات (بظ يطير وال###### بندق والعم دهب والفار توم والقطة جيرى ) , التى شغلت مدرار وحجازى طوال الطريق
اما همهمات احمد ومحمد وتقليعات تسريحة شعر الراس واحزمة الوسط الكبيرة وارهاصات الجيل الرابع من الآى فون)
فمجتبى منها وعنها فى ذات المسافة
عليكم الله ما بختوا الولد ده
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
كان النهار فى ثلثه الثانى , عندما تخطينا جسر المقطع مدخل ابو ظبى الجميلة
سيدا , سيدا , سيدا , مضينا صوب شاطئها الكورنيش البديع
رايت ابوظبى واستمتعت بها مرارا وتكرارا , لكنها بدت لى اجمل هذه المرة
ولكن
ان علاقتى بنجاة حوفى والرشيد بابكر , علاقة لم تكن ابوظبى من مكوناتها , الا اخيرا
ان علاقتى بهم علاقة ذات طعم زقازيقى بحت , ثم ما انفكت ان تلونت بلون الحياة ذاتها
منعرجات حياتى , مع ملفات حياتهم , مرت بما مرت , وتأثرت بما تأثرت
بدايات الحياة فى ابو ظبى , للرشيد واسرته , عايشتها ليس بمحض الصدفة , ولكن بارهاصات سبق الأصرار والترصد
بدأ الرشيد بابكر , غربته متأخرا بعض الشىء , وكنت احرص على ملاقاته ايام زياراتى المتكررة للأمارات عموما , بدوافع عملية كنت استقطع منها الوقت استقطاعا
بغية الجلوس اليه , ومعايشة تفاصيل التفاصيل
لذا فاننى وفى زيارتى غير المرتبة هذه , والمقررة فى لحيظات اخيرة و بدت لى زيارة ذات اهداف واضحة
فكثير ما انشغل انا , فى ونستى مع اولادى وبناتى , بالحديث اليهم , لا بل والأكثار من الحديث فى بعض الأحيان
ولكن كان يعوزنى دائما شيئ ما , كنت اشعر ان فى محاولات نقل التجربة المستميتة منى , دائما تفصيلة ناقصة , او عجز عن تعبير
اولها من شاكلة ما قالت نجاة حوفى , is it amatter of cousin or best friend
الأجابة النظرية -لهكذا سؤال , دائما قاصرة , وينقصها خيال ما , تنقصها تفصيلة من شاكلة , طيب والفرق شنو ؟؟؟
لذا فان معايشة محدودة بتفاصيل يوم حياتى ما , خلت انها ستكفينى مؤؤنة اجابة هكذا سؤال
من يعرفنى , سيعرف ان التفاصيل تستهوينى , لا بل انها فى بعض الأحايين تستغرقنى وتحتوينى
لذا فان هذه الخاطرة , اقتلعتنى من نوبة الحمى اقتلاعا , وبدا لى طريق العين ابو ظبى , غاية فى القصر
لا بل , ان اليوم بكامله , كان من فصائل الأيام المتقزمة , المسروقة منها بعض الساعات
لكن برغم ذلك , تعاملت معه تعامل اليوم (المدخل ) , فقد اخبرنى الرشيد ونجاة بترتيب يومين كاملين اسريين , فى دبى
علها تلقى علينا باضاءاتها , وعلها تساهم معنا فى اختصار تاريخ الحكى المضنى
بدا لنا الطريق الى الكورنيش سالكا وقريبا ,
الا ان ملاقاة الرشيد فى ذلك الشاطىء فى مكان ما منه , استعصى علينا , فزاد احساسى بتقزم اليوم وقلة ساعاته
خاصة وان رصيدى المخزن من الباراسيتمول المسكن داخل جسدى (السمين ) , بدا ينقص شيئا فشيا
واصبح لدينا كل الشاطىء مقارا لبنك ابو ظبى الوطنى , وكان فندق شيراتون الشاطىء , يتعامل معنا , تعامل السراب المتنقل كثير الحركة
مع العطشى من امثالى , المتحركين ببركة البنادول وطاقته المسكنة المحركة
يا الرشيد يوصلك لينا اللله , وقد استسلمنا لحلقة من حلقات اغانى واغانى المنبعثة من جهاز الدى فى دى امامى
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
حضور منصور للحكي ... نقعد فراجة ... نستمتع ونتمني ان يواصل .... يلا يا منص ... احكي وخلينا نمشي ابو ظبي ...
اليوم جاء بعض من الضيوف الجدد ... يحملون كلمات مرورهم بيمينهم .... لم اعرف حتي الآن من من القائمة منحه الحظ العضوية ... ومن منهم ... فاته الدور .... ما اعرفه ان احمد سليمان بنواحي ماليزيا اصبح عضواً كامل الدسم ... ليتنا نعرف حال البقية ...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: ميسرة سيد أحمد)
|
يا الحبيب صحينا لقينا السحور خلص وشطب و كمان قفلوا
لكن قلنااخونا الجميل سافر السودان وحرمنا من النكات
لذا نكحى قصة محشش ينصح ولده قبل الامتحان خلونا نشوف كيف ينصحه
قال له : يا ولدي
امتحاناتك قربت وقدامك طريقين : اما تنجح او ترسب .. اذا نجحت خير
وبركة ، اما اذا رسبت فقدامك طريقين : اما تصيع في الشوارع او تسجل في العسكرية .. اذا صعت ما في مشكلة ، اما اذا دخلت العسكرية فعندك خيارين :
اما الشرطة او الجيش .. اذا اخترت الشرطة خير وبركة ، اما اذا اخترت
الجيش فقدامك خيارين : اما يوزعونك في القوات الاحتياطية او على الجبهة ..
القوات الاحتياطية خير ونعمة ، اما اذا حطوك على الجبهة فعندك احتمالين :
اما ترد بالسلامه او تصيبك قذيفة .. اذا رجعت خير وبركة ، اما اذا ضربتك
قذيفه فقدامك طريقين : اما تشفى او تموت .. اذا شفيت احمد ربك ، اما اذا مت فقدامك طريقين : اما تاكلك الكلاب او تتعفن . اذا اكلتك الكلاب خير
وبركة ، اما اذا تعفنت فقدامك طريقين : اما تتحول غاز طبيعي او نفط ..
اذا صرت غاز خير وبركة ، واذا تحولت نفط فقدامك طريقين : اما يصدرونك نفط خام او يكررونك في مصفات نفط .. اذا صدروك خير وبركة ، اما اذا
بيكررونك فقدامك طريقين : اما يحولونك زيت شل او مواد تنظيف ، اذا صرت
زيت خير ونعمة ، اما اذا حولوك مواد تنظيف
فقدامك طريقين : اما تصير صابون او تصير كلينكس ، اذا صرت صابون خير وبركة ، اما اذا صرت
كلينكس ................ > مصيرك الزباله
فاآنـجـح احسن
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: موسي عيسي)
|
كلمات و معاني :
بينما يقول المدير: اذهب، يقول القائد: هيا بنا.
* عندما يكون الشخص هادئا تصبح الأمور بسيطة للغاية.
* خوفي من جيش من مئة خروف يقودهم أسد أكثر من خوفي من جيش من مئة أسد يقودهم خروف.
* أول طريقة لتقييم ذكاء الحاكم هي أن تنظر إلى الرجال المحيطين به.
* إحدى مهام القائد الرئيسية هي أن يبقي جذوة الأمل حية..
* ألست أدمر أعدائي حين أجعلهم أصدقائي.
* إذا كانت المطرقة هي الأداة الوحيدة معك، فستعامل كل الأشياء وكأنها مسامير.
* عندما يكون القائد في أزمة فإنه يتصرف بحدسه ثم يبحث لاحقا عن تفسيرات لتصرفاته.
* عندما يصبح البحر ساكنا يصبح الجميع بحارة.
* هناك دائما طريقة أخرى أفضل، ابحث عنها.
* لا توجه الناس إلى كيفية أداء أعمالهم، أخبرهم بالمطلوب وسيفاجئونك بابتكاراتهم.
* بالسلاح يمكنك الجلوس على كرسي الحكم، لكن لا يمكنك البقاء طويلا.
* هناك شيئ يهزني عندما أتذكر أيام شبابي، وهو أن الكثيرين قد أعانوني أو كانو مؤثرين في حياتي دون أن أنتبه لهم.
* الشخص الذي لا يسأل أبدا: إما أنه يعرف كل شيئ، أو لا يعرف أي شيئ.
* لا تجلس وتنتظر الفرصة، قم واصنعها.
* قل لي من تصاحب أقل لك من أنت.
* النسور لا تطير أسرابا بل عليك البحث عنها الواحد تلو الآخر.
* هناك ثلاث صفات ضرورية للقيادة: الوضوح، الشجاعة، والتواضع.
* لكل مسؤول يتولى منصبا حالة من اثنتين: إما يكبر أو ينتفخ..
* أنا رجل ذو مبادئ ثابتة وصارمة وأول هذه المبادئ أن أكون مرنا على الدوام.
* الوقوف على الحياد من الصراع بين القوي والضعيف لا يعني الحياد ولكن يعني الوقوف مع القوي.
* ثمن العظمة هو تحمل المسؤولية.
* إذا لم تستطع قيادة نفسك فلا تحاول قيادة الآخرين.
* تظهر لنا القراءة الممتعة للتاريخ أنه لم يستطع رجل أن ينجح عسكريا دون أن يقنع جنوده بأنه قد وضعهم في المقام الأول و قبل كل شيئ.
يبدأ الشخص رحلة النجاح في اللحظة التي يقرر فيها ذلك.
تذكر أن العبرة ليست بأن تقرأ ما يفيد
لكنما هي بأن تستفيد مما تقرأ
| |
|
|
|
|
|
|
| |
محمد عيد
عادل عبدالرحمن إبراهيم
عبد الدائم سيد أحمد
ميسرة سيد أحمد
نجاة حوفي
منصور عبد الرازق
كمال الشادي
زهير الزناتي
موسي عيسي
عمر المهدى
الرشيد بابكر
أحمد إسماعيل
محمد آدم النور
ياسر نجيلة
محمد صديق
جلال عثمان
معتصم جعفر
Hatim Gubara
عمر هواري
فيس بوك
تويتر
انستقرام
يوتيوب
بنتيريست