|
|
 Re: ناس الزقازيق ... أجدع ناس ( 3 ) .. (Re: طارق جبريل)
|
التحايا الطيبات العطرات لأجمل وأحلى ناس
وكل سنة وانتوا طيبين وأمانيكم محققة
غبت عن التواصل معكم كتابة لمدة طويلة أحد أسبابها
حماقة مني تمثلت في أني حردت استعمال كل الكومبيوترات
الموجودة في البيت والتي لا أملك أي منها وقررت أن أشتري لابتوب
لحالي وحذرت كل من بالمنزل من أستخدامه يعني ببساطة فرزت عيشتي
وأذا بي أواجه بأن الجهاز والذي دفعت فيه دم قلبي وأثر على الميزانية تأثير قطعتوا
في مصاريني ليس به كيبورد عربي يعني دقسة تاريخية وطبعا كرامتي ما كانت بتسمح لي
بالرجوع عن قراري علي الأقل في الأيام الأولى غايتو بمرور الزمن مع شوية حنك
وكمان زيادة غيظي كلما أشوف موضوع المشاركة فيه ضرورية أقنعت ود شيخي اليوم فقط
بأني محتاجة أستعمل جهازه طبعا قبل كدة فكرت أستعمل الجهاز بالدس لكن لأنو ود الشيخ
متابع للبوست قلت دي حتتكشف.
رغم عدم مساهمتي بالكتابة لكنني كنت أقرأ واستمتع وأحزن لحزنكم وأفرح لفرحكم
التعازي للأخ ميسرة والأخت مني في فقدهم.
التعازي للعزيز طارق جبريل في أصدقائه عماد وحاتم حمدتو.
سأواصل
| |
 
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: سناء الصباغ)
|
أزيكم جيتكم تاني
رغم أنو في حاجات كتيرة فاتتني ويمكن يكونوا الناس أدوها
حقها من النقاش والملام فيها ببقى تكرار ممل لكن لا بد لي أن أشكر
العزيز منصور على الجهد المقدر للتعبير عننا فيما يخص موضوع تبيدي
وملابساته, وبعدين ياخواننا الشيئ بالشيئ يذكر فعلا لو كان المذكور بعيد
عن أي شبهةبتاعة تعذيب أو رقابة على الصحف ألا تذكرون ما كتبه في جريدته الحائطية
أيام دراستنا بالزقازيق في حق زميلات لناعندما شاركن بوصلة غنائية كانت قمة في الابداع
كواحدة من فقرات برنامج حفل تخريج كلية التجارة. حينها كتب المذكور في صدر أصدارته
(تخريج تجارة أم حفلة دعارة) أو تعبير بهذا المعنى لكنه دون شك استخدم تعبيري تجارة ودعارة
وكان يشير ألي مشاركة الزميلات بالغناء لكن أذكر الأن الشجاعة المقدامة أميمة دفع الله لها التحية
ولأسرتها عندما سمعت بالخبر غلى الدم في عروقها وذهبت لدار الاتحاد وأمسكت بتلابيب المدعو وأدته
كفين أمام أعين الطلاب الذين تدخلوا وانقذوه منها فمن يصف زميلات الدراسة بالدعارة في صحيفته
أي كتابة ورأي نرجوه منه. ثم أن هذا البوست (ناس الزقازيق أجدع ناس) قائم على دعائم أساسها المحبة
اللا محدودة بين أفراده فكيف نحب مثل هؤلاء.
يامنصور تاني الله يخدر ضراعك وماتهتم للمرجفين انت لسة شباب
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: زهير الزناتي)
|
والله حكم فى ناس بقو يقلبو الصفحة
المد القادم من لكوظ .... دى حالة دى يا ناس
كل سنة وانت والاسرة طيبة يا دكتورة
باركو لياسر نجلية المولـــــود الجديد
يتربى فى عزكم وحمد الله على سلامة المدام
وعقبال ما تجيبو بت المرة الجاية
فاتتنى صفحة كاملة عاوزة مراجعة
| |
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: زهير الزناتي)
|
الف مليون مبرووك لولدنا وحبيبنا ود نجيلة المولود الجديد
وحمدا لله على سلامة المدام ..
وقبلها حمدا لله على سلامتك انت كمان يا ياسر .. انا عارفك ولدت فى الفترة دى اكتر منها ...
هناكم الله به .. وجعله مع اخوته قرة اعين لكما ...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: مبارك جادين)
|
نجيلة كان معاى فى الخط الان بيسلم عليكم كلكم
وبيقول ليكم الحقوه بالاسم سريع لانو محتار
ما بين المهام القديمة من غسيل عدة وخلافة ومسك البيبي الجديد
اسماء اولادو احمد و عمار والمدام تفضل اسماء حديثة شوية
ذى ( ديدو ) مثلا"
طهور الولد يمكن يكون يوم السبوع عشان كده اسرعو شوية .....
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: عبد الدائم سيد أحمد)
|
كل عام وأنتم بخير
وأسأل الله أن يعيد عليكم العيد وأنتم أكثر محبة وتواصل
مع موفور الصحة والعافية ..
التعازي الحارة للأخ ميسرة والأسرة
وأسال الله أن يتغمدها برحمته الواسعة
وأن يلهمكم الصبر وحسن العزاء
وإنشاء الله آخر الأحزان
التهاني والتبريكات للأخ ياسر نجيلة المولود الجديد
أسأل الله أن يجعله من البارين الناجحين
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: عبد القادر بابكر)
|
قدورة يا حبيبنا ...
وين الطلــّه ووين الهلــّه ..
منذ اجازتك الاخيرة بالسودان الشقيق .. وانت لياقتك البدنية والذهنية فى النازل ...
شوية لياقة وتمارين سويدى يا وارقو ..!
&&&&&&&&&&&
أصـعب الأيام .. هو اليوم الذى تحاول فيه استعدال ساعتك البيولوجية
تماما مثل اليوم ...
التعود على النوم بعد الفجر والصحيان ما قبل العصر
وبين الصحيان القهرى اليوم صباحا والانتظام فى دوام صباحى ممــل ..
قد تحدث كثير من التخاريف والخرمجــة .. فلا تؤاخذونا ..
ربنا لا تؤاخذنا ان نسينا او أخطأنا ...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: عبد القادر بابكر)
|
تحياتي للجميع
ألف مبروك المولود يا ياسر نجيله وجعله الله من أبناء الوطن الصالحين والف مبروك للمدام ..
---اقترح تعيين جمال فارح وزيرا للثروه الحيوانيه والزراعيه ومستشارا للرئيس لشئون الايمان والمؤمنين ...ما تجي تقول لي مافي وظيفه زي دي..لانو أي وظيفه في سودان السجم ده ممكن يتم نجرها مابين يوم وليله ...أيام العيد حضرت جزء من برنامج في تلفزيون السودان مع واحد مستشار الرئيس لشئون الجوده...
----الأخت سناء الصباغ سلامات ..لو عندك مشكله في الكيبورد عربي ممكن تستخدمي الوب سايت دي :www.yamli.com ..اكتبي عادي بنفس حروفك الانجليزي والكلمات بتظهر ليك بالعربي مع عدة خيارات،وفي النهايه تعملي كوبي اند بيست ... أنا الآن اكتب عربي بهذه الطريقه ...
---تحياتي للجميع مره أخرى .....
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: عبد القادر بابكر)
|
بالله قلبتوها
لكن اقول ليكم حاجة , دى صفحة عجيبة خلاص , سمحة جنس سماحة
لامن بوظت لى اعصابى
اول شىء و القى ليكم الوصية تلعلع , وبالفرشن الأصلية بتاعتها و من سيد الأسم ظاتو , , يمين لامن شعرة جلدى ######ت
وشعرت بما يشبه الأنزلاق الغضروفى , فى حنانة زاتو
ايوة والله , انزلاق غضروفى فى حنان حنانى , انا عارفك حنين , اوعى ياقلبى تنسى , فى لحظة الوصية
قلت ليكم الغنية دى فيها جنس تحريض , يكفى لقيام مظاهرة , فى الزمن الصعب ده
تعبيراتها جاية فى شكل اوامر عسكرية صارمة , اوعى ياقلبى تنسى , لكنها مليانة بى حنية الدنيا والآخرة
زول لابس رسمى قدامك , يديك اوامر دشنة , بتعبيرات حانية رقيقة , لدرجة انك تقيف فى منتصف الطريق ,بين ان تستجيب ولا تستجيب
تطلع للشارع تكورك تقول يا ابو مروة , ولا تنصاع لشقشقات قلبك الحانية ؟؟؟
اها , ده سبب اول لى سماحة الصفحة الطاعمة دى
وانا عارفكم مطموسين , ما تلقوا ليكم صفحة سمحة وطاعمة , الا وتجروا تقلبوها
يعنى فالحين بس تقلبوا دى , مافى حاجات كتيييييرة عاوزة ومحتاجة مش تتقلب , محتاجة تختوا مصارينها زاتها فى الواطة
وواحد فيكم شغال بيها مافى
آل ايه , الأولاد قلابين اوى يعنى ؟؟!!!!
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
اها الصية النزلها طارق جبريل , بى نسختها الأصلية
مش قلبت الصفحة بس , دى قلبت السبت بتاع الليلة , لى خميس عديييل
ولمن كمان لقيت ليكم مبارك جادين يشاركنى الطلب والطرب , ومصوب سهامه معاى فى ذات الأتجاه
شعرت بالزهو , او ما يشبه الخيلاء , ويعلم الله رغم الشغل المردم قدامى , قعدت اقدل لمن شفت نفسى قريب لى ندى القلعة فى الشكل
وما فارقنى فى اللون من نانسى عجرم ولا عجاج حتى , الا شويات تتشات كده , وان احتاج الحال لى شوية (تقدير ظروف ) من سعد قشرة , فلا مانع
اذن استجاب طارق جبريل و وشارك مبارك جادين , طيب ده ما العيد زاتو يا اولاد الحلال
اها وفوق لى ده كلو , الصفحة لمن تتقلب , تلقى فى اولها الدكتورة (ام ما جستيرين ديك , بتاعت جلاسكو )
البقولولا سناء بت الصباغ , تجى تلقانى ليكم فى نص قدلتى ديك , وكمان تزيدنى قدلة , فيما يشبه تجليات فرفور وهو يردد رائعة احمد محمد على
المنقولة عن الشين السمح عبد العزيز محمد داؤؤد , همسات فى ضمير الغيب تشجى مسمعى ,
اها الزول ده , قصة براهو
يمين بالله شناتو دى , اصلو ماقابلتنى الا فى غناء هيفاء وهبى
لكن كمان غناهو , سمح واصلو ماقابلنى زيو الا فى وشها
عليكم الله شفتو جنس محن الزول ده , ما قلت ليكم شين لمن سمح , واوجه الشبه بينو وبين هيفاء كتيرة لمن الواحد اتخيلهم اخوان رضاعة , لأنو ما بينفع يكونوا اخوان بطن واحدة على حد علمى
سناء الصباغ , اوعك تغيبى تانى , ولو مشكلتك الكيبورد العربى , اما عليك بتوصيات دكتور الصادق عبد الله , ولا كمان الأتنين رسلو لى عناوينكم فى الخاص
وتلقوا كيبورد عربى متين فى صندوق بريدكم , باسرع فرصة يا حلوين
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
الكلام لسه ما كمل , انتو مستعجلين قدر ده مالكم
ضربت ليكم لى ياسر نجيلة , ومعاهو بت شيخو , ومعاهم ولدهم الجديد , ربنا ان شاء الله يجعله من الصالحين الناجحين
اها الزول ما داير يطير من الفرحة , وبعدين يا دوبك الحساب وقع ليهو فى راسه
غايتو تحت تحت كده , ناس ابوظبى قالوا شافوهو قبل يوم يومين كده
حايم تاااانى فى سوق الدهب بتاع دبى
هسى الزول ده ما عقدنا عديييل كده ياخ
يلخبط فى البوست ويتكلم عن المدرسات وما ادراك ما المدرسات , يضطر يسوق معاهو زهير , ويجيبو السوميتات الما خمج من البتتحمل باكاروهات ديك
اها , الوليد يتأخر شوية , تقوم تاااانى تمشى سوق الدهب
هسى زهير ده اقامته اتاخرت , وتاشيرة ناس ابتهاج لسه ما طلعت
يمشى سوق الدهب برضو ولا شنو
يتربى فى عزكم يا حبيب
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
والله يا دكتور الصادق , لقيتك نجيض جنس نجاضة
بينى وبينك كده , قريت تعليقك على جمال فارح
قلت الزول ده حسى الزكره جمال فارح (فجعة ) كده شنو ؟؟
يمين بالله , الصورة النزلها زهير , شفتها اكثر من تلاتة مرات
ولا اتذكرت جمال فارح , ولا حتى جا فى بالى
المشكلة ما فى البدلة
ولا كمان فى الكرافتة
السبحة زاتها ما عندنا شغلة بيها
النضارات ولا بتعنى لينا اى حاجة
المكتب اصلوا ما خصانا بيهو
انا الحارقة رزى , الكراتين الوراهو دى
بعدين , الزول ده بالبدلة , لا جمال فارح ولا حاجة يا دكتور
جمال فارح
يا ترجع تكتب , يا بنقلع الباسورد بتاعك ده ونديهو لى (محسنة ميسرة )
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
صباح الخير ،،، يا وجوه الخير
أصبحنا وأصبح الملك لله وحده
أهلاً ومرحباً بالوجوه الطيبة
أخونا حيدر حسين والدكتورة سناء الصباغ
ليكم وحشة والله ،،،،،
النضيف ألف مبروك للبنية يا خال
ياسر نجيلة حمد لله على سلامة الجميع وربنا يجعله من الصالحين
وكل عام والجميع بخير ،،،،،،
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: زهير الزناتي)
|
ألف حمداً لله على سلامة المدام يا نجيلة ..
و مبروك مقدم المولود و نسأل الله تعالى أن يجعله من الأخيار الصالحين .. و يحفظه لكم و إخوته و يحفظكم لهم ..
ـ
و مرحبا بإطلالة د. سناء الصباغ بعد هذه الغيبة ..
و نتمنى عودة كل الغائبين و المنقطعين ..
و سلام و تحية لأجدع ناس ..
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: زهير الزناتي)
|
أسمحوا لي أن أنقل صورة الإسطور الزقازيقية أخونا صلاح علي صالح
هذا الرجل القامة ، لقد شاهدته بالزقازيق أيام العمل السياسي
ولم يعرفن به أحد ولكني شاهدت شاب نحيل أسمر يمسك دفتر وقلم ويسجل
كل شاردة وواردة وحينما إلتقت أعيننا هزمني بضحكته وإبتسامته البيضاء
الجميلة فبادلته الإبتسامة والرضى لهذا السوداني الطيب الجميل
لم تساعدني الظروف في تلك الفترة أن أقترب منه إجتماعياً ولكني عرفته
من خلال تواجدنا الرسمي فكان أطيبنا ونحس بأنه أفهمنا وأكثرنا صبراً
فكان حمامة السلام وكثير من الوئام ،،،
صلاح الدين علي صالح لك مني مليون سلام وتحية
وكل سنة وأنت والأسرة الكريمة بألف خير يا صاحب الضحكة الجميلة
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: ميسرة سيد أحمد)
|
سلامات يا ناس
مبروك يا نجيلة الولد وحمداً لله على سلامة (شيختك)
تعرف( ولادتك) دى ذكرتنى ولادة واحد :الراجل كان
قاعد فى النجيلة قدام واحد من العنابر جاء واحد
سألو قال ليهو عنبر الولادة وين ؟ قال ليهو الولادة
حريم ولا رجال ؟ الزول اندهش وبقى يعاين ليهو قال
ليهو شوف ياخوى لو داير الولادة حريم العنبر القدامك
ده طوالى اما اذا كنت داير الولادة رجال اقعد معاى هنا.
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: عبد الحفيظ عباس)
|
سلامات يا ناس
وصول الاخ خالد يسن موفد ناس الزقازيق
عائداً من الزقازيق ...بعد تكليفه من قبل
اللجنة التنفيذية لمقابلة السيد مدير الجامعة
بشأن المنح الدراسية لابناء الزقازيق والدراسات
العليا ( للكوامر) ...
الاخبار مُبشرة وسعيدة على الصعيدين ...
التفاصيل بعد ترسلوا الحلاوة.
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد صديق)
|
مساكم الله بالخير
بصراحة كده اليومين الفاتو ديل فتحت ليكم و اتفرغت لي عيالي تماما...
و حتى المتابعة ما كانت متوفرة...
و عدم المتابعة ده كلفني زمن طويل عشان ألحق الفاتني...
و الفاتني كتير و استحق الزمن القضيتو فيهو...
و عودة سناء الصباغ و لو بي كي بورد مسروق أو مشحود تعتبر حدث مهم...
عليك الله يا سناء ما جاتك عشراقة شديدة يوم الخميس...
كنا في سيرتك أنا و نجاة...حيث احتفلنا بذكرى معركة ناندوس...
كذلك حكاية أبو الزوز عن معركة كنتاكي...
اغتراب أبو الزوز أصبح مكسبا كبيرا للبوست...
عقبال الكوتش عشان يجي يكمل قصصه الليها سنين ما قادر يتمها دي...
ياسر نجيلة طبعا أنا باركت ليك بالتلفون...
لكن مباركة البوست دي لا بد منها...
عشان بكره ما تكتب صحف التابلويد متسائلة عن سر القطيعة بين ياسر نجيلة و الرشيد...
مبروك الوليد و أسأل الله أن يجعلة من الصالحين و الباريين بوالديه...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: طارق جبريل)
|
تسعة اشهر الا يومين بالتمام والكمال ... تجسد فيها صبر بت الشيخ
تربية ومراعاة لبيتها ... وحمل ... في غربة ليس من ينجدك فيها سوي نفسك
وفي يوم الخميس الساعة التسعة والنصف مساءا
وشاءت ارادة الله ... ان تحتضنه بت الشيخ بين زراعيها بدلا عن احشائها
بعد ان ققرر الفارس ان يترجل ...
وكانت فرحتي اكثر مما تتصورو ... هذا المولود بالذات عشت كل تفاصيل حمله
بكل احساسي ... حيث مرت ولادة ابني البكر احمد كالبرق ومابين الدهشة والتصديق
تمت الولاده وكبر سريعا ... وكذلك الثاني عمار ... لم افق له الا بعد ان صار عمرة السنتان
وذلك بسبب ضغوط العمل حيث كنت اعمل اكثير من 15 ساعة في اليوم ... ولذا كانت ولادتهم وطفولتهما
مرت سريعا دون ان استمتع بيها ...
اما هذا الفارس ... فقد عشت كل تفاصيل حمله يوم بيوم وكأني الذي احمله ...
هل هذا بسبب وقت الفراغ الاضافي الذي اعيشة ... دوام حكومة فقط ...
ام فرحة ولاده الكبر من هذا العمر ... ولا اريد ان اؤمن على هذه النقطة لان طرف السوط والرشاش
سوف يصيب عمنا منصور الابنوسي وحيقول لي " طيب ياولد ياصغير يا ........ حاول جيب واحد تاني"
وحينها وسوف يسقط على يدي .......
كم سعدت بمباركتم الصادقة عبر اليوست ... وكلكم بدون فرز ... احبكم ... وكنت افاخر اهلى بتهنئتكم لى .. وتأكدو اطلعتهم على كل حرف مباركة كتب هنا ... حتي قالت ام بت شيخي ... ياخي انتو ناس عجيبين لحدي هسع محتفظين بكل هذا التواصل والود فتو الاهل زاتوو ... ولفت نظرهم بكل صدق مداخلة الاستاذ عبدالحفيظ عباس وكلماته البهيه وايضا كرت ولدنا محمد عيد وتحريض منصور بشراء سوميتات دهب وضحكت الخالة ام بت الشيخ وقالت لى " هي ده زميلكم وبعرف كلمة "سوميته" دي كلمة تاريخية اتنست زمااااان ... وكانت من الذكاء ان تقول مباشرة زميلكم ده ولا زميل ابونا حسن نجيلة...
وانا ماقصرت بالشرح واقول ليهم ده زميلي ابوشنب محاسب كبير في السعودية اغترب هسع ... وده مدير مول كبير في جده ... وده مدير مكتب الحركة برئاسة الجمهورية وان شاء الله حيكون وزير كبير في قصون الشهور القادمة احفظو الاسم ده كويس ... وده مدير مالي وده مستشار قانوني كبير بجده كان مع مولانا وبقي مع سرتانا (وش طارق جبريل الضاحك وينو)... وده دكتور بشري ودكتور بيطري وده مهندس وديل مهندسين زراعين ... والعايش في الخليج والعايش في المغرب وحتي العايشين في الدمنيكان ... وده غير التلفونات ... ومن اوائل التلفونات الاستلمتها بعد اداء الآذان والاقامة للطفل مباشرة كانت منكم وتحديدا من الرائع رشيد القوم واخي النضيف "يوم شكركم ان شاء الله مايجي" ... وتوالت الهواتف منص الذي افحم وادهش بت الشيخ والكمندان الكوتش محمد صديق الذي طرت فرحا بمكالمته ... غايتو كنت فخور بيكم حتي الثمالة ... والله انتم كنز حقيقي وشعرت به في هذه الايام ....
داومو على هذا التواصل الاصيل .... واحبكم شويه عليكم ...
طبعا جايكم تاني ....
| |
|
|
|
|
|
|
|
|
 Re: ناس الزقازيق ... أجدع ناس ( 3 ) .. (Re: ياسر نجيلة)
|
ياخ نجيله دا ما بيجيكم قريب..
يا زناتي أنا ما عوير عشان أوريك عدلت شنو..
يوم داك شايف ود المهدي كتب طرفه وقال دي من غير مناسبه..
أها النحكي ليكم القصه دي وعندها مناسبه..
أقولها ليكم بعدين..
مقدمه..
في الزقازيق..
كنت من عشاق السيما زي ما بيقولو أهلنا..
كل اسبوع لازم أخش الافلام البتنزل جديده..
متعتي بعد سكشن الصباح امشي أدفع الربع جنيه في سينما سلمى أو مصر..
وأقعد زي الملك في اللوج ومعاي تلاته فلاحين ما في واحد فينا بيعرف التاني..
ويبدا عرض مستمر.. تلاته افلام أصليه..
شي عربي.. شي هندي.. شي كونج فو..
اخلص واطلع مع المغربيه كدا..
ولو يومي في الكليه طويل.. باخش قصر الثقافه بالمسا..
الفصل الأول.. سينما الثقافه..
يفي سنتنا التالته كنا ساكنين أنا والوله جبريلا في المساكن عماره الأوقاف..
ورثنا الشقه من أولاد بيطره وليد إبراهيم وعماد كريازي..
تخريمه.. إنت يا زناتي ما حضرت الناس ديل..
المهم راجع يوم من الكليه عندي سكشن بينتهي متأخر...
إتمحركت بيجاي بيجاي.. قلت اظبط مواعيدي على قصر الثقافه..
فيها فلم لسهير رمزي خطير جدا إسمو ليال..
على ما أذكرقصتو عن راقصه مصريه عصاميه جدا..
معليش يا جماعه.. اصلو أهلنا ناس بمبه محنهم كتيره..
تخريمه.. يا زناتي لو داير تعلق أنا شايفك في الفلم متحكر..
ياللا الفلم كان طويل جدا.. الزوله ليال دي جابو قصتها العصاميه بالتفصيل..
كل ما تطلع درجه في سلم المجتمع.. ترقص زي ساعه كدا تحتفل..
المهم دا ما موضوع القصه...
إنتهى الفلم أظن بعد تلاته ساعات ونص..
الفصل التاني..
رجعت الشقه..
لقيت جبريلا ومعاهو واحد صاحبنا.. كان فردتنا ومعانا طوالي..
صاحبنا كان عندو حله فرماله.. بيطبخها طوالي.. معذبنا بيها..
الاتنين كانوا في المطبخ بيظبطوا العضه..
جدعت اللاب كوت.. وجيت ليك عليهم مبسوط..
"والله الليله خشيت فلم إسمو ليال.. حاجه ما تخلص.."
الجماعه عاينو لي بعض وفكوها ليك ضحكه..
"شنو يا شباب في حاجه؟"
صاحبنا قال.. "لا أبدا.. راجينك بي الأكل.."
تاني ضحكوا ضحكه خبيثة كدا..
وصاحبنا قال... "آاال ليال آاال.."
"##### قصدكم شنو يعني.. حاكون كنت وين.."
قصدهم طبعا اني أكيد خالط في حته..
"ههاااااااااي.. آاال ليال آاال.."
بعد داك عينكم ما تشوف الا النور..
إتبادلوني هو والوهم جبريلا..
كل دقيقه والتانيه.. "آاال ليال آاال.."
كل كلمه والتانيه.. "آاال ليال آاال.."
خطوا الأكل.. "آاال ليال آاال.."
"ميتينكم ######.. ما داير آكل زاتو.."
استحميت ولبست.. قلت أمشي الإتحاد أفك زعلتي في تربيزه البنج..
جاي مارق.. زولكم مواصل..
"ماشي تحضر ليال تاني... ههااااااااي..."
و جبريلا يرد ليهو... "آاال ليال آاال.."
صرفت ليهم من التقيل "#####?????" و مرقتا...
الفصل التالت... دار الإتحاد..
لاعب بنج بونج بي مزاج قريب الساعتين..
جا خاشي الصاله صاحبنا بتاع قبيل..
هو زول بتاع جوطه كدا.. أكل ليك الناس المستنيه دورها حنك تقيل..
"يا خوانا انتو كلكم لعبتوا.. بس أدوني قيم واحد أغلب ليكم العامل فيها حريف دا.."
"نعم.. يا خوي.."
"أيوه باغلبك وتحدي قدام الناس ديل.."
ابتسمت وأنا أشكر ربي الجاب لي الزول دا لحدي عندي مدردق..
خش يلعب.. ودايرو يسخن..
"ما محتاج أسخن عشان أغلبك.."
"يا زول؟.. طيب دقها.."
وقع ليهو السيرف..
شمر أكمامو كدا وبدا يلعب..
صفر - 1
صفر - 2
زولكم بدا يعرق كدا ويتحنفش..
صفر- 3
الجمجارين البره.. "دا شنو يا اسمك حيدوك 6 - صفر؟"
تخريمه.. 6 - صفر يا زناتي معناها القيم بينتهي طوالي..
"وكمان الزول دا لاعب معاك باللفت (اليد الشمال)..."
قال.. "إنت لاعب معاي بي اللفت؟.."
ما رديت عليهو..
"الا أغلبك الليله.."
صفر - 4
صفر - 5
السيرف جاني.. أديتو ليك أعفن سيرف..
6 - صفر.. قيم اب..
خط المضرب.. "قود قيم.."
مرق ما جا راجع..
الفصل الأخير.. شقتنا..
جيت داخل مبسوط.. لقيت زولكم كاضم كضمه أصليه..
بديت أغني أغنيه من الفلم فيها إسم ليال..
زولكم ما استحمل..
"يعنى أنا الليله إكتشفت حاجه مؤسفه.."
"يا زول؟.. خير؟.."
"يعني إنت بتحب البنج بونج دا أكتر من ما بتحبني أنا.."
"نعم يا خوي؟.. حباك برص.. ههاااااااي.."
ستار
وعدتكم بالمناسبه..
اللي هي الصوره النزلها زهير قبيل..
والفرماله حله مكرونه بالصلصه والفلفل..
ياللا يا خوانا.. فتكم بي عافيه..
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: طارق جبريل)
|
صبحكم الله بالخير و السرور
أصبحت اليوم على صوت قمرية و هي تقوقي فوق سقف سكني فذكرتني بالكثير...
ذكرتني بأغنية محمود تاور طيري يا قمرية و ركي فوق الزنكي...
و هذه الأغنية تعيدني سنين عددا الى الوراء...
حيث كنت أجوب مشروع الجزيرة مع شركة ساندوز باحثا عن الرزق الحار و الحلال...
تانيا ذكرتني ببابنوسة و الأبيض و كل كردفان الغره أم خيرا جوه و بره...
و بكل أبناء كردفان و هم يكورلون مكتول هواك أنا من زمان...
و ذكرتني بالأخ العزيز أسامة موسى صاحب الوتر و الكفر...
رغم انه اشتهر بالوتر الا أنه لا يقل موهبة في الكفر أيضا...
تلقيت تحاياه منذ يومين من محمد المرتضى و أرسلته تحياتي عبره أيضا...
ذكرتني عندما كنت صبيا...
كان همي كل همي واجباتي المدرسية...
كان معنى الحب عندي قبلة من والدي...
فكبرت و تفتحت لدنيا شاعرية...
حاتم جبارة....آل ليال آل...
جبريلا...انت صاحبك ده مخليهو يسرح و يمرح على راحتو كده مالك...
الغريبة الحكاية بتاعتو دي لا نفيتها و لا أيدتها...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
| Quote: وده مستشار قانوني كبير بجده كان مع مولانا وبقي مع سرتانا |
والله يا نجيلا دي حلوه وعجبتني جداً وريحتني في عصام دهب ... طيب ما تسمي الولد سرتانا أو عصام وبالعدم ممكن تسميه زهير الزناتي عديل كده ...
يا جبارة يا وهم صاحبي ده بقي شيخ كبير وبيغطس حجرك .... ما شايف السبحة دي والله يجرها إلا يخليك تجي السودان تكون السماح ... ذكرتني مرة في شقة السوق .... جونا إثنين من أولاد زراعة (514) اذكر منهم احمد صالح ... والثاني لا أذكره وإن كنت أتهم محمد عيد ... الدنيا امتحانات وعندهم مذكرات مع صلاح علي صالح علي ما اعتقد ... المهم مع زنقة الامتحانات ديك ... أصروا يلعبوا قيم وست ... يا زول دورنا الكوشتينة ومن أول دويرة للورق جماعتك اخدةا سيك ... احمد صالح ضحك بحسرة ... وعارف الزول لمن يضحك بحسرة يكون عامل كيف ... وأصر علي أنه لازم يلعب تاني ويسده السيك ... وتاني التوزيعة وتاني سيك ... ناسك قاموا جارين ... وخلوا مذكراتهم ...
.
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: زهير الزناتي)
|
بسم الله
السلام عليكم أيها القوم
أهم شئ قالو الخيل الحرة تجي في اللفة
مثلاً جلا المشهور بي محمد آدم
موسى عيسى
أحمد إسماعيل
و بما أن الولد الجديد بتاع ياسر نجيلة و لدنا
يعني نحن أولاد دفعة في التجارة
عليه قومو عيدو المباركة تاني من أول و جديد
طبعاً حيجي منصور
و يقول ليك لا بالله
و كنتو وين من أول يوم؟؟؟
و لو مهتمين تقعدو مع الزول بتاع الولادة رجال
بالمناسبة لو إنت زول متحدث أساسي في ندوة لازم تتحدث في النهاية
عليه نحن المتحدثين الأساسين
ما علينا
المهم أسرة ياسر نجيلة لازالت عزابة
أمنياتنا الصادقة بدوام الصحة لي بت الشيخ
و نسأل الله الكريم أن يجعله باراً بوالدية و من أبناء الوطن الصالحين
بالمناسبة الزول دا حيجي يشرف السودان متين؟؟؟
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
سلام يااحباب صباحكم بالرضا والسرور
يانجيله وليدكم مبروك ويتربى في عزكم
ياحبيب انت عندك عمار اظن عمر مابطال
حسين خوجلي من الناس البمخمخو بالغناء
وانا يتخيل لي بتمتطق لما يسمع غنا حلو
آخر مره شفت حلقته عن ود القرشي والشفيع
ونكت ليه اغنيه لم اسمعها رغم محبتي للشفيع
واشعار ود القرشي
هاكم ياها
يوم قالوا لي الاقمار عليمة
انك تراها و تلمس اديمها
يا ريتني ابقى سعيد
واشوفها ديمه
يا فني جود و انصفني ديمه
يا لحني اشدو شعرا قويما
تصور الاقمار عرفت غناك
نزلت من السموات تسمو حداك
و ازدانت الحفلة و النور تجلى
يا الله زيد في الحب و العفة ديمه
فلتسالوني عن عيد الكواكب
الفيه نور الدنيا صفاه ساكب
صوت المغني اصف المواكب
دا الدهب المجمر بجماله انضر
دا الفل يحكي لونه ما احلى نونو
فشهدت استغراضا كان عظيما
و سهرت والاقمار لسواى ظليمة
الحقيقة حبي بعيد و بعيد سماه
و ما ذنبي لو عازل بالجور رماه
ليه التجني و انا راقي فني
و حلو التثني قد غاب عني
معروف هواى و طاهرات نوايا
و الا لو اصررت تكون اليمة
ساجفو و الاقمار لي داني ريمها
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: عمر المهدى)
|
صباح الخير ،،، يا وجوه الخير
أصبحنا وأصبح الملك لله وحده،،،
اللهم أجعل القرآن الكريم لنا في الدنيا قرينا ..
وفي القبر مؤنساً،،، وعلى الصراط نوراً ،،،،،،،
وفي القيامة شفيعاً،،، وإلى الجنة رفيقاً
ومن النار ستراً وحجاباً وإلى الخيرات كلها دليلاً وإماماً
بفضلك وجودك يا أكرم الأكرمين،،،،،
اللهم آمين يا رب العالمين،،،،
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: ميسرة سيد أحمد)
|
صباح الهناء والسرور ...
ياسر نجيلة مليون مبروك وإنشاء الله ربنا يجعله من الصالحين .. شايفك إتجرست شديد خلاص دي ولادة الكبر يا ود أمي .. الحمد لله ربنا حلاكم إنت وبت شيخك لأني صراحة مقتنع تماما أن الرجل يولد مع زوجته .. يعني أنا مع الراجل بتاع النكتة داك وحقيقي في عنبر ولادة رجال ...
ديدو النضيف ملايين التبريكات للنضيفة .. لكن لياقتك الإسفيرية ما ع########ي ...
رشيد القوم لما يكون ماخد جرعة حنان أسرية كويسة بكون ظاهر في خط إيدو .. وبكون المزاج عالي .. إنشاء الله دائما مبسوط وربنا يحفظ أفراد أسرتك ودائما سعيدين ...
الدكتورة غابت وجات في الآخر قلبتا .. تحياتنا ليك ولي أفراد أسرتك وكل سنة وإنتم طيبين ...
زهير الزناتي .. الغربة حارة يا حاجة السارة ...
شيخنا المبجل جلا .. نزل منك والحمد لله .. خلاص القراصة في السوق العربي متين .. إمكن نخليها سمك عوضية من غير جكة منصورية .. خلاص خليها سمك مع سعادة العقيد في نادي الربيع ...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: البادي النور)
|
| Quote: شيخنا المبجل جلا .. نزل منك والحمد لله .. خلاص القراصة في السوق العربي متين .. إمكن نخليها سمك عوضية من غير جكة منصورية .. خلاص خليها سمك مع سعادة العقيد في نادي الربيع ... |
يا البادي
أنا لا نزل مني و لا أصلاً طلع
قندهار الكنا نمشي ليها بي سبب و بدون سبب بقت مافي
عشان كدا ينعل أبو الإغتراب زاتو
وحتى سمك عوضية كتلنا فوقو
عشان كدا إنشاءالله الحكومة تنقلب و الزول دا يجي راجع
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: زهير الزناتي)
|
قالوا أكتر حاجه ممكن تهزم المغترب أو تجعله منهزما...
أو حتى تهزم مشروع اغترابه ان كان له مشروع كما يفعل الآخرون...
و الآخرون ديل المقصود بيهم أي جنسية غير السودانيين...
الحاجة دي هي التردد و عدم الثقة في النفس...
و دي عندها مؤشرات أو أعراض كتيرة...
لكن منها...أن تبدأ في كتابة تقرير ثم تشطب كل ما كتبته و تبدأ من جديد...
أن تأخذ وقتا في كتابة ايميل لرئيسك أو لأي شخص ثم تغير رأيك فجأة...
أن تكون عضوا في سودانيز أون لاين فتكتب مداخلة ثم تعدلها مرة و اثنتان..
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: زهير الزناتي)
|
رجع حاتم جبارة لى (ادواته القديمة )
فابدع , وجضم كفر الكلام ووتر الحرف تجضيم
بى تعديل ولا بدون , عجبتنى حكاية ليال , وعجبتنى سهير رمزى زاتا
المراة اللى اسمها سهير رمزى دى ,زمان كانت كاسرة فينى ماسورة
وعشان اديكم ادلة اضافية من شاكلة السوميتة , النالت اعجاب خالة ياسر نجيلة ونسيبته
فانا كنت زمان بقرا مجلة الكواكب , والموعد , والشبكة كمان
والحوادث كنت بشتريها كل خميس مع صباح الخير
وروز اليوسف يوم الأربعاء مع اكتوبر بتاعت انيس منصور
ومعاهم الدوحة بتاعت رجاء النقاش ومحمد ابراهيم الشوش
والصقر الرياضية ايام عهدها الذهبى
وبعد ده كله , انا اصغر من عمار ولد ياسر نجيلة الوسطانى
ولمن احمد ياسر نجيلة ولدوهو , انا كنت يا دوب بتعلم فى الحبى
لمن تقولوا لى سوميتة
انتو سوميتة يعنى شنو يا جماعة ؟؟
الواحد من كتر حرصو على التحريض , بيستعمل كلمات تجيب ليهو الهواء
آل ليال آل
قلت لى (رقاصة عصامية ) ؟؟!!! رايك فى الكلام ده شنو يا ود جبرين ؟؟
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
انا عاوز اقول ليك حاجة يا طارق جبريل
عارف , ربنا ان شاء الله يرحم ليك والدتك , ويخلى ليك عيالك
وان شاء الله يوعدك بى اجازة كاربة وقريبة , وتقعد بالعراقى والسروال فوق درابزينكم ماسك خرطوشك
ومويتك تسقى فى اشجار النيم القدام باب بيتكم , وان شاء الله الجماعة ما يكونوا غيروا الضفرة بتاعت حوش الدرابزين وعملوها سيراميك
عشان ترشها كده بالموية من الخرتوش , وتتجدع كدع فى العنقريب المن غير لا مرتبة ولا يحزنون , بعد ما (تطرى ) حباله ) بى موية الخرتوش
وجنبك الوالد قاعد فى العنقريب التانى , وشفعك وشفع اخوانك واخواتك وجيرانك , يتجاروا كدى حوالينك
وتضربوا كلكم فى صحن الفول الما خمج , قول امييين ياخ
قصرت معاك عليك الله ؟؟
يمين صوت وردى القديم ده , ريحنى جنس راحة فى دنيتى دى , حاجة بسيطة ومبالغة ياخ
كلام ولحن وصوت مافيش ابسط من كده
لا فيهو تعقيدات ولا نخنخة , كلام مقعد زى العجب
وكان مر عليك جمال فارح ولا الكوتش ولا جلا او ان شاء الله حات جبارة زاتو
تغلبهم كلهم ستة لف , زى الما حصل حاجة
بالمناسبة , يا ود جبارة , غلبك الستة صفر لى جمال فارح , يمين عاجبنى لى درجة حاسى بى انى حضرت الماتش ده
اغلبوا غلبو جن , وكان لقيت لى طريقة فى البادى ده كمان , جضموا لى جضيمة جمال فارح
قال جكة منصورية قال ؟؟!!!
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
| Quote: رشيد القوم لما يكون ماخد جرعة حنان أسرية كويسة بكون ظاهر في خط إيدو .. وبكون المزاج عالي .. إنشاء الله دائما مبسوط وربنا يحفظ أفراد أسرتك ودائما سعيدين ... |
البادي يديك العافية...و تسلم على الدعوات الطيبات...
و ان شاء الله جمعا...
انت عارف يا البادي مؤشر الانبساط ده متذبذب بين الأخضر و الأحمر دائما...
تجي يوم السبت و انت ما عارفو في الأخضر و لا في الأحمر...
تصحى بدري تسمع حاجه حلوه...نسمه حلوه...منظر حلو... تخلي المزاج عالي...
و أول ما تضع أصابعك على الكيبورد تلقى أصابعك تتحرك لوحدها...
و مرات أجارك الله تحنس فيها تحنيس تحلف ما تكتب...
تشرب ريد بول تقول امكن يعطيها جوانح...
تلاقي الحال ياهو زاتو الحال...
Quote: يا الرشيد زول الدومنيكان دة زول حداث ساي ما سواي
قال ايه قال سينما قال
خليني ساكت ياخي
|
جبريلا قلت لي الزول بتاع نضم ساااااكت...
عل يا جبريلا انت زولك ده مش قال 6 صفر القيم بينتهي...
أها عرفنا السته اللعبهم باليمين...
الستة الليلات الشمال ديل جابم من وين...
ديل في الاعاده بالبطي و لا شنو...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
سمك عوضية , وسمك الخليج اللى الواحدة منه قدر البادى النور
ما قدرت اعدى عليهم ساكت
سمك عوضية , سمح بالحيل , وطعامته فايتة للكبار والقدروا
كمان حوت الخليج , كبير ومتين ونضيف
بس ما عارف الطعم بيختلف ليه ؟؟
صحن الفول فى درابزين ناس طارق جبريل , انا متاكد انه اطعم من الكافيار فى ساحة من ساحات الشانزليزيه , عند طارق جبريل طبعا
هذا هو حوار القلب والعقل , الذى جسده سماعين ود حد الزين , وصاغه لحنا برعى محمد دفع الله
وخرج لنا فى بساطة صوت محمد وردى وعصام محمد نور
حلفتك ياقلبى
وحملتك امانة
الفاتك عهوده
ماتبكى عشانا
حلفتك تقول لى
ايه اخرة بكانا
انه كلام مشابه فى المعنى والمبنى , لمقارنة ابو الزوز ما بين سمك عوضية
وحوت الخليج العملاق الكبير
هذا يذكرك بذاك
وطعم عن طعم يفرق
اللهم حبب لنا سمك عوضية , و(اطو عنا بعده )
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
الساعة ياربى فى جلاسكو تكون كم زى الوكت دا ؟؟؟؟
الدكتورة العملت ما جستيرين , وحردت كمبيوترات البيت كلهن لى حدهن
ومشت دقست جابت ليها لاب توب (خالى الدسم ) من غير كيبورد عربى , وسرقت لينا من لابتوب ود شيخها , كلامات شوية وصغيرة لكنها عميقة
وحندكتنا بيها واختفت
الماشى يخليك منو يا سناء الصباغ ؟؟
اولا خلونا نناقش حالة الحردان , ومحاولات فرز العيشة , الممستشرية فى البلد دى
المحاولات الزى دى , قامت بيها عفاف بت كسلا البى طعم القهوة ديك , من زماااان
كل واحد فيكم يقيم التجربة الحردانية العند شاباتنا دى , ويقيس عليها , ويرمينا برؤيته ليها مابين مناظير الفشل والنجاح
حاج الركز واخونا ود المجذوب , لن نسمح لهم بالتقييم مبدئيا , باعتبارهم خصوم اصيلين
انا حا ابدا ليكم المناقشة
لمن عفاف اطلقت صرختها الأولى تجاه محاولات الأنفصال الركزية , كان رايها مباشرا وصريحا وفى التجاه المضاد لأكساب حاج الركز كلمة سر تتيح له التصرف المباشر فى المنبر
اما الدكتورة ام ماجستيرين , فهى اصلا تملك كلمة سر وباسويرد , ولكنها لا تملك كمبيوترا خاصا , وهذا فرق جوهرى فى الحالتين
والحتة دى بالذات دايرة ادوات تشريح , زى العند حاتم ود جبارة و عشان نوصل فيها لى حل
ويلزمنا طبعا معرفة اذا ما كان حاج الركز , اتبع محاولاته الأنفصالية التى نجحت مؤخرا , بامتلاك لابتوب خسوسى , حتى ولو كان من النوع اللى (بيقوم دفرة او بمنفلة حتى )
ومع توالى مداخلات حاج الركز بعد الأنفصال , وما صاحب ذلك من تناقص مداخلات البت القهوة , فان هذه الجزيئة محتاجة لى بحث وتمحيص
ونحن نكلف الود زهير الزناتى , مستعينا بمقدرات استخباراتية واسعة تتوفر عنده وعند مصادره المحيطة , حتى ولو وصل الأمر لمحاولات استمالة (الود دفعة )
لأستقراء القرائن المحيطة , واستنباط النتائج
ولكن الدكتورة بتاعت غلاسكو , وبعد ان ظهرت صورها فى مواقع انترنتية عديدة , وبدت فيها كأنها (مسز اسكوتش زاتا ) , وهى تستلم شهادة الماجستير التانية بيد
وتسلم على ال(دوق ) مدير الجامعة بالبيد الأخرى , فلم يظهر لنا ساعتها
ان كانت تحمل لاب توب , او لم تكن تحمل
وآخر ما صلنا من اخبارها , هى مساهمتها الفعالة فى معركة (ذات الأجنحة ناندوز ) , وان لم تتوفر لدينا اى ادلة مصورة
لامنها مباشرة , ولا من ود شيخها المحترم الذى استاثر باللاب توب , تاركا لها (الباسويرد ) , اسكتوا كده ساااااكت (التاء مشددة تشديدا شديدا وصارما فى اسكتوا طبعا )
والقاسم المشترك الأعظم بين حالتى الحردان (الفاشلتين )
هو انهما انتهتا الى الأذعان الضمنى او الأذعان الفاضح الواضح
وكان السلاح هو التحنيس (فى الحالتين )
حيث افادت البت القهوة صراحة بذلك ابان حضورها لمعركة (كنتاكى الشهيرة الأسبوع المنصرم )
بينما اكتفت الدكتورة ست الماجستيرين , بالأعتراف الضمنى بالتحنيس
عموما , ما يزال الموضوع مفتوحا للتحليل والنقاش , وما يزال محتملا لمعانى وتحليلات عديدة
فالموضوع اصلا (حمال اوجه )
حملت لكم انا , او حاولت ان اجمل _ احد وجوهه , فمن يتجرأ حاملا معى الوجوه الأخرى
حاج الركز وود المجذوب يمتنعون , على الأقل فى هذه المرحلة
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
Quote: ما يزال الموضوع مفتوحا للتحليل والنقاش , وما يزال محتملا لمعانى وتحليلات عديدة
فالموضوع اصلا (حمال اوجه ) |
دخلتنا في حسكنيت
غايتو بي تفكيرك دا يوم حتقد ليك نافوخ زول
ما علينا
أنا بقول التفكير المنطقي لحالة الدكتورة أم ماجستيرين دي حالة تحير
يتضح و بدون شك أن منظمة WHO محتاجة إلى مراجعة دقيقة في الرؤية و الرسالة
حيث لا يعقل أن تكون بت الشيخ تميل كل الميل للتحنيس و من ثم الحردان
وشراء لاتوب آخر من حر مالها لله ساكت كدا!!!
فإن تفعيل قانون الحقوق تنتزع إنتزاعا و لا تسجدى
يحتاج إلى كثير من الأدوات و التي أمتلك منها ما يفيدهن في المستقبل
لكن ... و يمكن الإستفسار من الدكتورة أم ماجستيرين فيما بعد
إذا كانت هناك شروط موضوعة لي ود الشيخ في تلك الحالة (نتمنى ذلك)
فهذا يحسب لها و لا شك لتستقيم الأمور
أما إذا لم تكن هناك شروط تناسب الوضع السابق
فهنا نقول إنها إستراحة محارب ليس إلا و بعدها لكل مقام مقال
حالة بتنا القهونجية هي حالة جس نبض للطرف الآخر
وهي أدوات فاعلة و فعَّالة
تأتي أكلها متى ما شاءت القهونجية
ودونكم التمائم و الحجابات و الرتينزات القاعد تستعملها من حين لآخر
و لكن تمادي الطرف الآخر و المغرضين في المدينة شوش في الأفق العاطفي
مما رفع درجة الخوف الحقيقي عندما تعطل جهاز GPS في رصد و معرفة الأتجاهات و أفكار الآخرين
فكان الإنحاء للرياح و الكتاحة الجاية من ذلكم النفر
يبقى الهدف الأسمى أن يكنَّ بنات الشيخ ممسكنَّ بزمام الأمور حتى اللحظة
و دونكم جمال فارح
يتبع
رؤية فنية فيما طرح
Weak Husband Organization (WHO)
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد آدم النور)
|
عارف ياجلا ... بمناسبة الخيل الحرة تجي في اللفة ...
انا تذكرت زمان لما يدوك ساندوتش للمدرسة بتاع فول اوجبنة وخاصة الطحنية ... وتقعد تاكل فيهو من الاطراف وتدور حول المنطقة الدسمة التي يتجمع فيها اكبر قدر من الطحنية لتجعلها للقمة الاخيرة .... او صحن الرغيف باللبن تاكل اوله بمهل وقليل من التلذذ الى ان تصل الى آخره حيث فتافيت الخبز الصغيرة مع خلاصة اللبن والسكر الحاتل آخر الصحن ... وهذه هي اللحظة التي يكون فيها الطالب او الطفل جبارا او طماعا ... لايمكن ان يفرط في آخر الساندوتش او آخر الصحن ولكن لامانع لديه من ان يقتسم مع رفقائه اول الساندوتش ويدعهم مشاركته بداية الصحن ...
هذه هي تهنأتكم جاءت اخيرا بطعمها المركز والتي تحوي خلاصة الجمال والمحبه ... ومعك بتنا القهونجية عفاف والمغترب بعد كبر ... زهير الزناتي الذي تنكر لسمك عوضية وفول البوش ولكن لاعليكم اسألوه بعد سنة واحده بس ... ... لكن والله السودان ده ... اشتاقو ليهو واشتاقو لحاجاتو...
بس ماتقعدو فيهو ....
وبمحبتكم وصلت تهنئة اعمامه موسي عيسي وأحمد اسماعيل ...
وشكرنا موصول لعمو عمر تي والبادي النور الذي لازمنا التشجيع من بداية الشهر الثامن ... والوجيه سامي عبدالوهاب وشكركم مقدر رغم المشغوليات ...
عمر المهدي ... عمار وعمر مابتجي ... نحن بننظر ليها بعدين لما الكبر يحصل والصوت يروح ومخارج الكلام تتضارب ... حيكون الاسم واحد ....
منص ياعجيب فطوركم انت والشلة القلتها لي في التلفون كان بي تعريفة ولاقرش والا الفريني .....
انا غايتو شلن وبعدين ريال ووصلنا للطراده ....
جاييكم تاني ياجبارة
آآآآآآآآآآل ليال آآآآآآآل ....
طارق ياخ ماتفتو ....
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: معتصم جعفر)
|
يا سلام علي البورد بي الليل..
Quote: جبريلا...انت صاحبك ده مخليهو يسرح و يمرح على راحتو كده مالك...
الغريبة الحكاية بتاعتو دي لا نفيتها و لا أيدتها... |
Quote: أها عرفنا السته اللعبهم باليمين...
الستة الليلات الشمال ديل جابم من وين...
|
رشا يا رهيب.. الحكايه خياليه.. ومادام كدا.. السته لف ممكن تكون باللفت...
بعدين لو انت كنت بتعرف الحب من زمان.. كان وقفت السودان علي رجل واحده..
ليك حق تجي مدردق من اول نظره...
| Quote: يا جبارة يا وهم صاحبي ده بقي شيخ كبير وبيغطس حجرك .... ما شايف السبحة دي والله يجرها إلا يخليك تجي السودان تكون السماح |
دي سبحه دعوني أعيش والا شنو..
والله الا يشيل ليهو سبحه فيها مليون خرزه..
أل بتحبني أل..
Quote: يا الرشيد زول الدومنيكان دة زول حداث ساي ما سواي
قال ايه قال سينما قال
خليني ساكت ياخي |
جبريلا..
ابعد من مديده الرشيد دي.. وما تنسي.. اذا اختلف اللصان ظهر المسروق..
دا احنا دافنينو سوا..
Quote: عجبتنى حكاية ليال , وعجبتنى سهير رمزى زاتا
المراة اللى اسمها سهير رمزى دى ,زمان كانت كاسرة فينى ماسورة
وعشان اديكم ادلة اضافية من شاكلة السوميتة , النالت اعجاب خالة ياسر نجيلة ونسيبته
فانا كنت زمان بقرا مجلة الكواكب , والموعد , والشبكة كمان |
وما تنسي يا منص مجله سمر.. مع فرانكو داني وفرانكو كاسباري وميشيلا روك..
هسي رشا يجيك ناطي.. كنت برئ وما باعرف الحب..
جلا يا حلو..
منظمتك دي شايف عضويتها ماشيه في زياده..
في أعضاء سريين..
اثني كلام معتصم..
تامين ولامين دايما..
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: Hatim Gubara)
|
صبحكم الله بالخير
Quote: بعدين لو انت كنت بتعرف الحب من زمان.. كان وقفت السودان علي رجل واحده..
ليك حق تجي مدردق من اول نظره...
|
Quote: هسي رشا يجيك ناطي.. كنت برئ وما باعرف الحب..
|
حاتم يا حبيب...دردقاتك دي ممكن تخليني أعمل مداخلات تفوق مداخلات منصور في وصف ماليزيا...
تفوقها طولا و عددا و لكن نوعا دي بيكون تطاول مني ساكت...
بس انت عارفني خوااااااااف و ما بقدر على الهبباي مع نسمات الشتاء دي...
لكن انت عارف أنا كنت بتمتع بموهبة رسم لا بأس بها...
و كنت أجيد رسم الوجوه بدرجة جيدة جدا...
و كانت الموديل بتاعي هي ميشلا روك بتاعت مجلة سمر...
ده كان كل علاقتي بي مجلة سمر (وش بريء جدا)...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: زهير الزناتي)
|
دائماً لمن تجي بلد ما بتعرف فيها زول
يقومو ناس الجيران يعزموك
و أي واحد داير ياخد فيك الأجر
اليعزمك فطور
اليعزمك غدا
و الزول التعبان خالص يعزمك شاي عصر
دا كلو عشان يشوف مويتك كيف
طبعاً في البداية و إنت عزابي
الناس كلها تجفل منك
لأنو العزابة حياتهم مختلفة تماماً عن حياة الناس المعاهم أسرهم
المهم الناس تحاول تقرب منك شوية شوية لغاية وا يطمنو عليك
بعدين تقوم خاشي نوش
و تجعل الحالة واحدة
و تقوم تصور الأطفال بتاعنهم لزوم عم وكدا!!!
أنا لو في محل الزول دا بس من الديوان و غادي
مش كان قريت معاي الزقازيق
وجاي لغاية عندي هنا
حدك الديوان
أقصد عناوين و هواتف ناس الزقازيق و بس
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد آدم النور)
|
صباح الخير ،،، يا وجوه الخير
أصبحنا واصبح الملك لله وحده،،،
يارَب :-
عَلمّنْي أنْ أحبّ النَاسْ كَما أحبّ نَفسْي
عَلّمني أنْ أحَاسِبْ نَفسْي كَما أحَاسِبْ النَاسْ
عَلّمنْي أنْ التسَامح هَو أكْبَر مَراتب القوّة
وَأنّ حبّ الانتقام هَو أولْ مَظاهِر الضعْفَ
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: زهير الزناتي)
|
يا صباح الفل للناس العاملين فيها حبــيبين
يا جبارة ورش ايام مجلة سمر الكنا بندسها تحت المرتبة
اذكر كان فى ثنائيات مثلا"
فرانكو دانى مع باولا بيتى
فرانكو كسبارى مع كاتيوشـا
( كان فى اشاعة الزمن داك بتقول كاتيوشا وباولا بيتى اخوات رغم الاختلاف الكبير فى الشبه )
الا ان ظهرت سيمون بيليه و مشيلا روك وبالذات فى عدد ( بين زراعي دايما" )
عندى صاحبى شدة ما كان متأثر بالعدد ده كتب اسم حبيبتو فى سفنجتو
يا حليل زمن الحب البجيب ليك ملاريا ......
،،،،،،،،،،،
زهير انا خارج منافسة الصور دى ، بوووس لي الولد الطاعم ده شديد بالله
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد آدم النور)
|
انتو باين عليكم قاعدين تستغلوا نومى البدرى
وتقعدوا تقطعوا فينى انصاص الليالى
انا بعد ده , حا افوض ليكم حاتم جبارة وطارق جبريل , لأعتبارات فروق الوقت
عشان يتكلموا بى لسانى بالليل
طبعا انا ما عوير ليكم , عشان ادى لسانى بالليل و لى ناس جلا وزهير , ومن لف لفهم
والله ديل يبلعوك لسانك , كان بالليل ولا النهار
هسى قلت انا زول الكسرة بتاعت جبرا يا ولد يا جلا
تبرا بت شيخى وتستبرا , من زى الكسرات دى
لو عايز تعرف انا برسل ليها الرصيد شايل شنو
يا تسال عبد المحسن دفعة , ولا كمال الشادى , او زهير الزناتى , او حاج الركز
وكان غلبتكم الحيلة , ولا غالطونا , او ما صدقتونا
اسالوا العنبة (الرامية فوق بيتنا )
تليشة تشبه الكسرة
من المرات القليلة التى اتمنى للصفحة , ان لا تنقلب ابدا , ولو انقلبت بسرعة , اقلبوا لينا معاكم الغنية السمحة دى لو سمحتوا
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
انا سناء الصباغ دى , من زماااان مشتهى لى ونسة معاها
باقى ناس الرشيد ونجاة حوفى , حكو لى عن معركة الناندوز , وافرطوا فى حندكتى بما دار فيها من ونسة
وبما انى مشيت لندن دى مرتين قبل كده (بالله معقول الواحد لغاية هسى ما وراكم صور لندن , هسى الجاب سيرة كيب تاون منو ؟؟)
اها , لمن حكوا لى عن الونسة بتاعت سناء الصباغ , انا اعصابى ما باظت عديييل كده
وكمان لمن اتذكرت انى فوت فرصة الونسة معاها ايام الكلية كمان
اقسمت انو ما افوت فرصة وجودنا فى بوست واحد ومنبر واحد , لأنو الدنيا ما معروفة , وما ممكن ربنا يديك الفرصة تلاتة مرات
وكل مرة ان تفرط فيها , فالفرص الزى ده ما بتتكرر كثير
اها الزولة دى تقوم تجى البوست , اكون انا مافيش
اقوم اجى انا البوست , تبقى هى مارقة
الغايظنى انو مرقتا دائما بى سبب القراية
ما جستير اول , قلنا ما يضرش
ما جستير تانى , الله يطولك ياروح
اها خلصنا من كل الماجستيرات دى , تقوم كمان تجيب ليها حردان
ودقسات بتاعت كيبوردات منزوعة الدسم
وطيب انا كلامى المن زمااان عاوز اتونس معاها , من زمن سيدى الحسن الكان بيلزلز الناس داك
اقولو وين يعنى
سناء الصباغ
عليك الله بطلى حركاتك دى , واكتبى معانا هنا , ان شاء حتى لو بالطريقة القالا ليك دكتور الصادق ديك
خلينا نبتدىء نقاش وونسة جادة وموضوعية , متخذين من ظاهرة (الحردان ومطالبات الأنفصال الماشة فى البلد دى )
نموذجا وموضوعا , لغاية ما نصل لى سيدى الحسن , ولا رايك شنو يا ياسر نجيلة ؟؟؟
اما جلا , فقد وضع نموذجا مشرفا للمناقشة , لا مانع من اعتباره , ورقة نقاش اولى , مع حفظ المراجع المذكورة يا جلا
ولا زالت المطالبات بامتناع حاج الركز وود المجذوب عن التعليق , على الأقل فى هذا المنعطف (الهام والحيوى من تاريخ القضية )
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
نهاراتكم بالهناء والسرور ...
منصور أول حاجة خلي روحك رياضية .. والجكة المنصورية دي ما تزعلك .. تاني حاجة إنت ذكرت مجلات كتيرة خلاص يعني البريزة كانت رايحة مجلات وثقافة ...
أبوالزوز .. شكلها الإقامة لسع ما طلعت .. والمعقب بتاع الشركة رايح في ستين نومة ...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: زهير الزناتي)
|
عندما اجبر ابو الزوز على الهرب الى ارض الكفيل
ترك وراءه فجوة لاتسد كيف وهو الدينمو المحرك والذى
يشكل الكمندان جانبه الايمن ويسارا ثقف الصنديده نهله.
يا بخت الكفيل بيك
نفتقدك كثيرا
ونلعن اكثر تلك الظروف القاهره التى اجبرت الكثير جدا
من الاحباب والاصدقاء الى الهجره وننتظر ذلك اليوم الذى
تعودون فيه سواعد تسهم بقوة فى رفعة هذا التراب
وارى رشيد القوم فى ثورة زراعيه يمده المنصور بكل
معينات الانتاج ومحمد عيد يوجه يسوق فى منتجاتكم
عبر العالم و و و
اصلو الواحد ما يحلم ما صنعنا طياره وعربيه
وزيدنا اسعار الخبز وجنهينا اصبح =35,$
وقررنا انو الملابس الجاهزه من الكماليات لذلك
زدنا رسومها الجمركيه ما اصلو بلبسوها المترفين
لان الغلابه بيدفعوا للترزى اضعاف ثمن الجاهز
مش غلابه يعنى شنو ما يفعوا مش بياكلو 25مليون
رغيفه فى اليوم ابقو مبسوسطين او ......
ز
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: معتصم جعفر)
|
Quote: حاتم يا حبيب...دردقاتك دي ممكن تخليني أعمل مداخلات تفوق مداخلات منصور في وصف ماليزيا...
تفوقها طولا و عددا و لكن نوعا دي بيكون تطاول مني ساكت...
بس انت عارفني خوااااااااف و ما بقدر على الهبباي مع نسمات الشتاء دي.. |
يا رشا.. عارفك في موضوع الريدة رجاف..
أها كلام الرجفي عز الشتاء دا أنا متخصص فيهو.. زمان لكن لمن كنت صغير..
تصدق وتآمن.. في الإبتدائي كنت في مدرسه فيللا جلدا..
في سنه تانيه إبتدائي.. كنت بانتظر حصه التربيه الإسلاميه بفارغ الصبر..
باعتبار المدرسه كاثوليكيه.. حصه الدين بتكون في قاعه كبيره..
بيقوموا بيجيبوا فصل تانيه بنات معانا في القاعه..
كنت مكسر في بنت معانا.. إسمها أماني..
الحصه كلها باكون باعاين ليها..
ياللا لو في تسميع.. الفي راسي بيطير..
وظليت على هالحال مده من الزمن طويله..
المهم جمعت شجاعتي.. ومشيت ليك عليها عامل فيها عب كبير..
ولو شفتني الزمن داك.. من شده قامتي ما طويله..
لو جيت ماشي جنب الدرج في الفصل ما بتشوفني..
ما متذكر قلت ليها شنو..
لكن الرجفه الكانت فيني اليوم داك لي الليله ما نسيتها..
ياها زي رجفيك دا..
ولو شفتنا كدا بقينا ناكل الفطور سوا..
ونسمع الآيات لي بعض.. براءة أكتر من كدا مافي..
المهم بعد سنه تالته.. الأولاد بيمشو كمبوني..
وهي مشت سستر إسكول..
وإنتهت قصه الحب..
بعدها رجفت مرات كتيره.. الغريبه احاسيسي ما اتدفقت زيك..
لأني كنت خجول جدا..
الغريبه إتلاقينا نحن كبار مرات كتيره..
إلا الظاهر كل واحد فينا كان راجف في حته تانيه..
طبعا بعد جيت الزقازيق.. لقيت جبريلا أبو الرجاف زاتو..
علا حقتو بدون خجل..
| Quote: يا جبارة ورش ايام مجلة سمر الكنا بندسها تحت المرتبة |
وما تنسى جيف بلين..
وكلوديا ريفللي.. الكسرت ضلوعي كلها..
آاال إيه.. آاال بيرسم وشها آاال..
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: Hatim Gubara)
|
مساكم الله بالخير
الريس معتصم ظل مستمسكا بحلمك...يجب عليك و علينا أن لا نتنازل عن أحلامنا...
فقط عليك أن تختار لي شيئا آخر غير الزراعة فلقد جربت ذلك و لم أفلح...
حتى و ان كان محمد عيد من سيقوم بالتسويق...
صحيح ان في ذلك حلا لاحدى طرفي المعادلة و المشكل المزمن للزراعة...
و لكن ستبقى مشكلة التمويل من المشاكل التي ستظل عصية على الحل...
ديدو لقيتك خطير في تقافة سمر...
حاتم لا شك ان أماني هي من علمتك الحب...
لكن يا صديقي تانية ابتدائي دي بدري خلاص...
فأنا بالكاد أتذكرها...
فذاكرتي العاطفية تشكلت بعد ذلك بكثير جدا...
لكن قلت لي جبريلا كان مفضوح...
شكيتو لي الله...
أبو الزوز ...كيف حالك...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: Hatim Gubara)
|
الانبراشة والرجفة عندكم
يا حاتم جبارة
على كدة انت جبدت لي ولدي محمد
والذي هو رجافة ورقة بس
سكن جداد في شمبات والجيران جابو لينا اكل
وجوا اتغدوا معانا
هم عندهم بت ضغيرة
الولد محمد لحام ستلين معاها
ورفض ياكل
وعندما ودعونا
الشاب بكى بكى جد
تقول لي حصة الدين
تحياتي للاتية اسماؤهم بدون القاب
منصور
جلة
الزناتي خليفة اتهزم يا رجالة
حاتم
سناء
الرشيد
الريس معتصم
الريس ميسرة
الولة جبريلة
النضيف رضي الله عنه
البادي
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: مبارك جادين)
|
Quote: طبعا بعد جيت الزقازيق.. لقيت جبريلا أبو الرجاف زاتو..
علا حقتو بدون خجل..
|
يا ود جبارة انا ريداتي ماني داسيها وكتبتها في المنبر دة
علي في ويحيدي داسيها حتى من ابوي
يا حبيب خلني انا ان بقيت انطلقت هني في الخرابة دة
يمين تفتشوا في اليفككم مني
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: طارق جبريل)
|
يا ود جادين ما بسألك..
| Quote: على كدة انت جبدت لي ولدي محمد |
... خلاص مرقت روحك وداير ترميها فوقي..
| Quote: الولد محمد لحام ستلين معاها |
... دي خطه مورينيو.. مان تو مان..
.. الود دا نبهو.. أي شي ولا يلعب في العضه..
... الله.. ضيع روحو.. أدْي نفسو كرت أحمر..
Quote: يا ود جبارة انا ريداتي ماني داسيها وكتبتها في المنبر دة
علي في ويحيدي داسيها حتى من ابوي |
يا جبريلا.. الريده ما عيب..
أنا باتكلم عن الرجفي..
وبرضه دس الريده كعب..
هسي الكمندان يجيك يقول الداسي منو..
حلوه يا جبريلا؟
والله أنا ذاتي اتكيفت..
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: Hatim Gubara)
|
صبحكم الله بالخير
انتهيت من صيام الستة أيام من شوال بفضل الله...تقبل اللله منا و منكم...
و لأنني و منذ انتقالي الى مكاني الجديد لم اتناول قهوتي الصباحية...
و ذلك لأن انتقالي تم في شهر رمضان ثم أعقبتها بالستوت...
و لأن قهوة الصباح هذه أما ان تعدل المزاج أو تخربه فلا بد من الحرص على أن تكون جيده...
اقتحمت المطبخ الصغير المجاور لمكتبي و طلبت من الهندي أن يريني كيف يصنعها...
فسألته أين البن الذي أحضرته بنفسي فأراني اياه...
ثم سألته عن التنكة التي أحضرتها أيضا بنفسي فوقف حمار الشيخ في العقبة...
فلم يعرف ماذا أعني...بالعربي لم يفهم...بالانجليزي لم يفهم...
حتى تدخل سكرتيري الهندي و حدثة بالهندية فأخرج التنكة...
من المحادثة التي جرت بينهما التقطت كلمة (قرمي)...
فعرفت أنها تعني الوعاء...أي التنكة...
فأصبحت استخدمها...قمائلا له قم بنظافة القرمي جيدا...
و لا خليني أقولها ليكم باللغة المستخدمة هنا عند مخاطبة الهنود...
سوي سفاي مال قرمي...سفاي زين...
ركب قهوة...تنين سبون قهوة....واحد اسبون شقر...
بعد ركب ماي حار و خلي شوية فوق هوت بليت...
أل قهوة يجي فوق شيل و ركب داخل فنجان...
قهوة قومت نفسي...
بس ان شاء الله تعدل المزاج...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
يا رشدي سلامات .... والله مشتاقين ...
Quote: سوي سفاي مال قرمي...سفاي زين...
ركب قهوة...تنين سبون قهوة....واحد اسبون شقر...
بعد ركب ماي حار و خلي شوية فوق هوت بليت...
أل قهوة يجي فوق شيل و ركب داخل فنجان...
|
تعرف اللغة المستخدمة لمخاطبة الهنود هنا في الخليج حاجة صعبة خلاص عايزه تعليم زي الانجليزي واحد ... قلت لي سفاي ... هي خليط من العربي والانجليزي ولغة الهنود ... وقليل من لغة الاشارة ... طبعا انا بقيت افهمها .... الا اني لا زلت في بدايات استعمالي لها ....
يومداك حضرت لي حوار بين واحد فلبيني وواحد سيرلانكي علي ما اعتقد ... فلا احد منهم يجيد لغة يعرفها الثاني ... فكانا كالشخص المصاب بامساك ....
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
صباح الهناء والسرور ...
حاتم جبارة .. جبل الرجاف الما بنشاف ...
نحن قرينا مجلة سمر لكن ما قدر دا ...
أبوالزوز إنت خلاص عبرتا وبقى عندك خبرات خليجية بعد كدا تقعد وتخلف رجل فوق رجل وتقول المرتب اللي إنت عايزو ...
رشيد القوم .. صديق أنا ما في معلوم ...
سعادة العقيد محمد صديق .. تحية وإحترام .. وبعد ...
ياسر نجيلة يا ود أمي البرنس ومرق تاني راجي شنو .. تعال فرح ليالينا .. دي ما ليال حقت حاتم جبارة ...
ديدو .. خلاص الإحتفال بالنضيفة عناب وصل اليوم الختامي .. تعال وجيب شمارات أبوعلي ...
الشيخ المبجل جلا .. ما عرفنا إنت وين وفي ياتو ولاية ...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: البادي النور)
|
صباح الخير ،،، يا وجوه الخير
أصبحنا وأصحب الملك لله وحده
اللهم إنا نسألك
زيادة في الأيمان.
وبركة في العمر ..
وصحة في الجسد ..
وسعة في الرزق ..
وتوبة قبل الموت ..
وشهادة عند الموت ..
ومغفرة بعد الموت ..
وعفواً عند الحساب ...
وأماناً من العذاب ..
ونصيباً من الجنة ..
وارزقنا النظر إلى وجهك الكريم ..
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: عبد الدائم سيد أحمد)
|
Quote:
بالمناسبة وين ناس كندا ...
كوثر
حنان
مني |
يا زهير كوثر داؤود ضاع الباسويرد ولم تستطع المداخلة
وسألتكم المساعدة ولم ينجح الأمر ،،،، يرجى إضافتها إلى المجموعة
أو مخاطبة بكري لإصلاح الأمر ،،، والأخت كوثر نشيطة جداً
البوست اليومين دي نشط جداً والمداخلات كثيرة ومن ناس كتار
والدماء الجديدة (المغتربين الجدد) أدت نكهة طاعمة لتوفر الوقت
والبرمجمة الجديدة،،،،،
| |
|
|
|
|
|
|
|
|
 Re: ناس الزقازيق ... أجدع ناس ( 3 ) .. (Re: محمد عيد)
|
شباب اعزروني بدأت شكر المتصلين والمهنئين ولابد ان اذكر
اسرة حبيبة للجميع اسرة الريس ميسرة رجل الزقازيق الاول والسيدة الاولي مني يونس
واصرار الابنه محسنة على ان تهنئ عمها ياسر شخصيا ... سعادة لاتوصف ...
والريس معتصم ....
ومحمد عثمان حاج الركز الذي شد من ازرعزوبيتي لانه عائش التجربة من اولاده الثلاث وصبرني لأنني اسير على نفس النهج
... وتلفون انصاص الليالي من ناس النخجي والكبكبة من
المغرب طارق "جبرين" وطالب بنصيبة من السماية وقلنا ليهو نرسل ليك لحمة ولا طلح
قال لي الطلع ده لعبة رشيد القوم انت خليك في اللحم ؟؟؟؟؟
==========================================
حاتم جبارة اول مرة اشوفك في الزقازيق حالق شعرك وعامل "خصلة شعر من الخلف" او
شعر طويل من الخلف ولابس الساعة باليمين - قلت الولد ده "قندف" وحبيب ... بس والله
ماقايلك حبيب من سنة تانية ابتدائي ... ياخي في العمر ده نحنا يادوب علمونا نمسك القلم كيف
تقول لي حب واحساس.
بعدين مجلة سمر دي شنو؟؟؟؟
لكن النضيف عجبني لما ذكر "سمونا بيلي" لانها بشبه نورا وبوسي ...
بادي جايك ... ان شاء الله بعد مايخلصو المجلات الحساسة كلها .... بالله زول ذكر مجلة العربي مافي ...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: ياسر نجيلة)
|
| Quote: ده الولد الطاعم محمد سامي عبد الوهاب .... بتاع كورة خطير ربنا يغطيه من كل عين ... ويجعل ليهو الشفاء العاجل ... |
سلام لولدنا الوجيه سامي ... واولاده الحلوين ..... ربنا اشفي محمد سامي ... اللهم اشفه من كل داء وسقم ....
===================================
افيدونا بالتفاصيل عن ماورد على لسان زهير أعلاه ............
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: ياسر نجيلة)
|
Quote: سلام لولدنا الوجيه سامي ... واولاده الحلوين ..... ربنا اشفي محمد سامي ... اللهم اشفه من كل داء وسقم ....
===================================
افيدونا بالتفاصيل عن ماورد على لسان زهير أعلاه ............ |
ألفين سلام للوجيه نجيلة
وتشكر يا سيدي على هذا الإهتمام الذي هو ليس بغريب عليكم أيها الجدعان
كل مافي الأمر أن إبني محمد ومنذ أن كان عمره 10 أشهر أضابه مرض السكري
بس هو الحمد لله بصحة جيدة
سىئلين الله عزّ وجلّ أن يشفيه ويشفي جميع مرضى المسلمين من كل داء
وأن يمتعكم بالصحة والعافية أخي ياسر
وكتر خيرك كتير
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: ياسر نجيلة)
|
Quote: تعرف اللغة المستخدمة لمخاطبة الهنود هنا في الخليج حاجة صعبة خلاص عايزه تعليم زي الانجليزي واحد ... قلت لي سفاي ... هي خليط من العربي والانجليزي ولغة الهنود ... وقليل من لغة الاشارة ... طبعا انا بقيت افهمها .... الا اني لا زلت في بدايات استعمالي لها ....
|
أبو الزوز (سفاي) دي أظنك لسه ما عرفتها...و لا الصديق الذي استعنت به عرفها...
ان شاء الله لما تكمل الكورس حتعرفها....
Quote: المغرب طارق "جبرين" وطالب بنصيبة من السماية وقلنا ليهو نرسل ليك لحمة ولا طلح
قال لي الطلع ده لعبة رشيد القوم انت خليك في اللحم ؟؟؟؟؟
|
ياسر نجيلة...كان الزول ده متشبك لحدي حسه خليني أرسل لي واحد بتاني يقطع شجرة الطلح
الفي حزام الغابات بتاع المدينة...
و بعدين ننشفها كويس و نقطعها و نرسلها ليهو...
جبريلا...أدينا مقاسات القطع...قطع صغيرة و لا كبيرة...
و لا مفرومة...
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد عيد)
|
حكايات الريدة الدفقا لينا حاتم جبارة
بتاعت الكمبونى والسستر سكول دى
عجبتنى فى كنكوجى زاتو
وذكرتنى ايام بهية , جميلة , صافية , نضرة وبديعة
فعلا كان زادها ورائدها , قصص مجلة سمر المصورة
من اوائل الصور النشرتها فى البوست بعد ما اتعلمت تنزيل الصور
صورتى انا وحجازى ومدرار فى السن واى لاغون
وانا لابس فيها شورت وفانيلة كت , سوداء وانا جوة الموية
اول ما الرشيد شافا , عارفينو اتصل على وقال لى شنو المطموس ده
قال لى تتذكر مجلات سمر لمن تجى وفيها صورة عايزين يدسوها ناس الرقابة , بيقوموا يظللوها بألأسود
قال الصورة دى زكرتوا مجلات سمر ديك
طبعا الملاحظة غاية فى (الخباثة ) , رغم انها اضحكتنى حتى استلقيت على قفاى
واتضح بعد ذلك ان مجلات سمر , وابطالها المصورين ناس ميشيلا روك وفرانكو كاسبارى وكاتيوشا
هى مكون متخفى لذكريات معظمنا , خاصة فيما يخص المجال العاطفى المبكر
ظهرت الآن امانى عند الواد حاتم جبارة
وظهرت قصص قصيرة على استحياء واتضح ان الواد جبريلا يخفى قصة مهمة قال انه لن يبوح بها حتى ولو لى ابوه
بس كدى الله يلمنى فى حتة واحدة معاك ياجبريلا ومعانا السيد الوالد ربنا يطول فى عمره
وحبذا لو كانت الحتة الواحدة دى , درابزينكم العامر
عندها سأمارس مهاراتى فى الدردقة , واخرج كل فنونى التى اعرفها , واستعين بالآخرين لآخراج الفنون التى لاعرف
ولكنكم وانتم تتحدثون عن ققص (اللقاء الأول )
وتلاحظون ما يفعل الصبى محمد مبارك جادين , من حبكانات جانبية حمته حتى الأكل
فانتم ولا شك تتذكرون حوادث طريفة , كنتم ابطالها فى زمن ما , وفى وقت ما , وفى مكان ما
انا شخصيا , ذكرتنى حادثة كمبونى وسستر اسكول وحصة الدين , بايام خلت ساحاول ان اجكيها لاحقا
ولكنى قبل ذلك ارسل تحياتى لمحمد ومنتهى سامى عبد الوهاب
فمحمد ده , شفته مرة واحدة , ولكنى اسير حالته الخاصة منذ ان عرفتها , ويسرنى جدا ودائما وابدا
ان اراه بكامل الصحة وموفور العافية , دائما وابدا , وادعو الله من كل قلبى ان يحفظه من كل مكروه
كما وارسل تحاياى , الساخنة الملهلبة , للبادى النور الحبيب , وانا فى غاية السرور لأستمرارك فى الأستشهاد بجكتى الشهيرة
حتى ان سرورى , يدفعنى لتذكرك انت مرة , وجمال فارح مرة اخرى , واستمر فى الدعاء ام يوقعكم ربنا الأتنين فى يد الواد حاتم جبارة
ياوهو راجع من الجيم هسه , ولا يكون راجع مبسوط ومزغطط من سينما قصر الثقافة انصاص الليالى بعد مايكون متع نفسه بمشاهدة البت سهير رمزى
وتقوموا تجوهو كده فى دار الأتحاد وزيغلبكم الأثنين ستة لف
آمنتوا ولا لسه ؟؟؟!!!
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
Quote: ولكنى قبل ذلك ارسل تحياتى لمحمد ومنتهى سامى عبد الوهاب
فمحمد ده , شفته مرة واحدة , ولكنى اسير حالته الخاصة منذ ان عرفتها , ويسرنى جدا ودائما وابدا
ان اراه بكامل الصحة وموفور العافية , دائما وابدا , وادعو الله من كل قلبى ان يحفظه من كل مكروه |
يا سلام عليك يا منص
والله إنتم فعلا أكثر من أخوان يا ناس الزقازيق... ربنا يديم المحبة بيننا
وأطمنك أخي العزيز فمحمد والحمد لله بألف خير
وحتما تحاياك ستصل لكل من منتهى ومحمد
كن بخير
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد عيد)
|
حكايات الريدة الدفقا لينا حاتم جبارة
بتاعت الكمبونى والسستر سكول دى
عجبتنى فى كنكوجى زاتو
وذكرتنى ايام بهية , جميلة , صافية , نضرة وبديعة
فعلا كان زادها ورائدها , قصص مجلة سمر المصورة
من اوائل الصور النشرتها فى البوست بعد ما اتعلمت تنزيل الصور
صورتى انا وحجازى ومدرار فى السن واى لاغون
وانا لابس فيها شورت وفانيلة كت , سوداء وانا جوة الموية
اول ما الرشيد شافا , عارفينو اتصل على وقال لى شنو المطموس ده
قال لى تتذكر مجلات سمر لمن تجى وفيها صورة عايزين يدسوها ناس الرقابة , بيقوموا يظللوها بألأسود
قال الصورة دى زكرتوا مجلات سمر ديك
طبعا الملاحظة غاية فى (الخباثة ) , رغم انها اضحكتنى حتى استلقيت على قفاى
واتضح بعد ذلك ان مجلات سمر , وابطالها المصورين ناس ميشيلا روك وفرانكو كاسبارى وكاتيوشا
هى مكون متخفى لذكريات معظمنا , خاصة فيما يخص المجال العاطفى المبكر
ظهرت الآن امانى عند الواد حاتم جبارة
وظهرت قصص قصيرة على استحياء واتضح ان الواد جبريلا يخفى قصة مهمة قال انه لن يبوح بها حتى ولو لى ابوه
بس كدى الله يلمنى فى حتة واحدة معاك ياجبريلا ومعانا السيد الوالد ربنا يطول فى عمره
وحبذا لو كانت الحتة الواحدة دى , درابزينكم العامر
عندها سأمارس مهاراتى فى الدردقة , واخرج كل فنونى التى اعرفها , واستعين بالآخرين لآخراج الفنون التى لاعرف
ولكنكم وانتم تتحدثون عن ققص (اللقاء الأول )
وتلاحظون ما يفعل الصبى محمد مبارك جادين , من حبكانات جانبية حمته حتى الأكل
فانتم ولا شك تتذكرون حوادث طريفة , كنتم ابطالها فى زمن ما , وفى وقت ما , وفى مكان ما
انا شخصيا , ذكرتنى حادثة كمبونى وسستر اسكول وحصة الدين , بايام خلت ساحاول ان اجكيها لاحقا
ولكنى قبل ذلك ارسل تحياتى لمحمد ومنتهى سامى عبد الوهاب
فمحمد ده , شفته مرة واحدة , ولكنى اسير حالته الخاصة منذ ان عرفتها , ويسرنى جدا ودائما وابدا
ان اراه بكامل الصحة وموفور العافية , دائما وابدا , وادعو الله من كل قلبى ان يحفظه من كل مكروه
كما وارسل تحاياى , الساخنة الملهلبة , للبادى النور الحبيب , وانا فى غاية السرور لأستمرارك فى الأستشهاد بجكتى الشهيرة
حتى ان سرورى , يدفعنى لتذكرك انت مرة , وجمال فارح مرة اخرى , واستمر فى الدعاء ام يوقعكم ربنا الأتنين فى يد الواد حاتم جبارة
ياوهو راجع من الجيم هسه , ولا يكون راجع مبسوط ومزغطط من سينما قصر الثقافة انصاص الليالى بعد مايكون متع نفسه بمشاهدة البت سهير رمزى
وتقوموا تجوهو كده فى دار الأتحاد وزيغلبكم الأثنين ستة لف
آمنتوا ولسه لسه ؟؟؟!!!
| |
|
|
|
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
سنة اولى حب وتانية حب ده نحن ما شفناهو ولا عشناهو
اولى جامعة نحن بنتكبكب تقول لي فيلا جيلدا احيييي انا .....
ولادة العز ورضاعة البز ...
يا جبريلا مدرسة الابتدائى حقتكم كان فيها حوش ....
يا منص تذكر معهد اكتوبر فى الصحافة مربع 16 ، كان معهد تقوية
من العصر حتى الساعة 9 مساء ، الدراسة اختلاط الجكس بقعد قدام
والاولاد بقعدو فى الكنب الوراء ، الالفة بتاعت الفصل حقنا كانت بت
سليطة اللسان بس اسمها كان بضحك ، اسمها ( ست الجيش ) كنا حاقرين بيها
وانا وعادل صاحبى عشان نضحك فى اسمها كل مرة نقول ليها عن اذنك يا ســتو
عاوزين نشرب موية ، تقوم تهيج فينا هووووى اوع تقول لي ستو انا اسمى ست الجيش
طيب ... طيب خلاس يا شوشو معليش .... نشرب موية بس ونرجع
تقول لى امــانى .....
هاك كلوديا ريفللي المكسراك
| |
|
|
|
|
|
|
| |
سناء الصباغ
طارق جبريل
زهير الزناتي
عبد الدائم سيد أحمد
محمد عيد
عبد القادر بابكر
Dr.Elsadig Abdalla
منصور عبد الرازق
ميسرة سيد أحمد
عصام دهب
محمد صديق
عبد الحفيظ عباس
الرشيد بابكر
Hatim Gubara
ياسر نجيلة
محمد آدم النور
عمر المهدى
سامي عبد الوهاب إدريس
معتصم جعفر
فيس بوك
تويتر
انستقرام
يوتيوب
بنتيريست