|
Re: ناس الزقازيق ... أجدع ناس ( 3 ) .. (Re: محمد صديق)
|
سلامات يا ناس
عام سعيد بصفة خاصة لاؤلئك الذين طال غيابهم:
دكتور الصادق
دكتور احمد امين
دكتورة سناء الصباغ
دكتورة نورا
دكتور شبيكة
دكتور صلاح الامين
عروة على موسى
عبد الحميد البرنس
عادل عبدالرحمن
عثمان الخير
زينب التيجانى
ياسمين حاج الطاهر
نجاة حوفى
سمؤال ابوسن
نتمناكم هذا العام مداومين وسالمين.
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: عبد القادر بابكر)
|
مرحب بي نسيبنا وجارنا عماد الدين وكل سنة وانت وناس بيتكم الوسيع بألف خير بلغ تحياتنا ليهم لحدي ما نزوركم ونخت التحية ..
الباكستاني ... مين مهيد متوكل مصطفى ده ؟؟؟؟؟؟؟؟؟؟ أنا ما بعرف حد بالاسم ده !!! انت بتعرف الإسم ده يارشدي ؟؟؟؟؟ تكون ياربي بتقصد أخونا وحبيبنا مهيد محمد المتوكل ؟؟؟؟ أكيد بتقصدو .... لأنو المهيد هو نفس المهيد والمتوكل كمان موجود الفلسفة العليك شنو ؟؟ بركة الما قلت متوكل كمال هههههه ... كان تقول مهيد المتوكل وبس .. كنا عديناها ليك إجابة صحيحة .. غايتو دي بس تكون أخطاء مطبعية ساااااي لا زهايمر ولا حاجة أنا هسه قلت زهايمر ؟؟؟
بالله الحلقة دي بعيدوها متين ؟؟؟؟
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: عبد القادر بابكر)
|
في نهاية الصفحة الفاتت أخونا جلال ربنا يديهو العافية جاب ليكم خبر عزاء ومع الصفحة الجديدة ما تنسو تقوموا بواجب العزاء للأ خ موسى
Quote: انتقلت للرفيق الاعلى قبل يومين والدة الاخ موسى عبدالله (الراجل) نسأل الله أن يتقبلها القبول الحسن وان يتغمدها برحمته ومغفرته والتعازي موصولة للاخ موسى الراجل وكل افراد الاسرة تلفون موسى 966558243093 |
نسأل الله أن يرحمها ويتجاوز عن سيئاتها وأن يتقبلها لديه قبولا حسنا مع الصديقين والشهداء وأن يبدلها دارا خير من دارها وأهلا خيرا من أهلها ..
البركة فيكم أخ موسى ونسأل الله أن يثيبكم ويلهمكم الصبر وحسن العزاء وانشاء الله آخر الأحزان ... وإنا لله وإنا إليه راجعون ...
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد صديق)
|
مليون سلام لاروع ناس اللهم اجعلة عام خيرللجميع وشتاقين واشكر كل من سال عنى وفقدنى تلفونيا او رسائليا
ما يفقدوكم فى شينة
شوق ليكم كلكم بدون فرز محمدصديق سالت منك العافية اتحنفشت قلت جورج دة بسال عن الطال غيابهم كدى اشوف اسمى مكتوب بس الله ستر و شكرا قدورة
مرابط برااك هنا وهناك سلامات
حاتم جبارة
رجيتك وفى انتظار عينيك كملت الصبر كلو المرة الجاية ما مشكلة
يلا سلام
عيد يا مبدع بطاقة رهيبة
منص رشا مليون شكر ومليون سلام وتحية خاصة
ماعدمتكم يا رب والله سعيدة بيكم
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: أحمد إسماعيل)
|
إنتو الجنينة دي في غرب كردفان و لا غرب دارفور يا الرشيد؟؟؟ (دي مدينة يا أحمد إسماعيل في الغرب ...لكن ياتو غرب ما عارف)
ياحاج محمد آدم بركة الل 000 وكذبت الإشاعة وجيت
الجنينة في الغرب الأقصى
الظاهر نحنا صرنا في القطب الياتو داك الفيه النهار ستة أشهر
لأن البوست له فترة ماشاف ناس ليل
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: أحمد إسماعيل)
|
أحسن الله عزاء الأخ موسى عبد الله الراجل في وفاة والدته
نسأل الله لها الرحمة والمغفرة ونساله تعالى أن يدخلها الجنة مع الصديقيين والشهداء وحسن أولئك رفيقا. وإنا لله وإنا اليه راجعون
الإخوة بالرياض اليوم الجمعة بعد العصر حيذهب كل من
مدثر ابا يزيد وأحمد إسماعيل وجلال عثمان والأخ موسى عيسى
لمنزل الأخ موس للقيام بواجب العزاء فكل من تسمح ظروفه فليتحرك
ليلحق بالركب
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: أحمد إسماعيل)
|
Quote: ويرد غربتكم سالمين غانمين يارب
|
اخلاص ...مشتاقون...ضربت ليك من كم يوم كده لقيت خواجاتك ديل قالو لي she is not feeling well و خليت ليك وصية معاهم...
و بعدين في داعي تدعي علينا يا اخلاص مع السنة الجديدة دي....راده غربتنا مالك...
كل سنة و انتي و العائلة كلها بخير...
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
Quote: ياحاج محمد آدم بركة الل 000 وكذبت الإشاعة وجيت
الجنينة في الغرب الأقصى
الظاهر نحنا صرنا في القطب الياتو داك الفيه النهار ستة أشهر
لأن البوست له فترة ماشاف ناس ليل |
أحمد اسماعيل الحبيب...تعرف القصة الظاهر عليها حالة بتاعت استعادة لياقة
وطالما خلاص نحن في سنة جديدة متوقع ان حالة البيات دي تنتهي و ندخل مرحلة
حديدة تشهد عودة جلا بكامل لياقته و جلال بعد أن يكون قد تجاوز مرحلة ما بعد
سفر الخبراء الأجانب...
ننتظر عودة الجميع الى سابق عهدهم...
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
سلام وتحية للكل وزى الفل
وكل عام وانتم بخير ...
* زنوبة العزيزة .. مشكورة ونورتى من جديد وانشاء الله دايما نوارة بيتنا
* رشا يا حلو .. المعسل نكهات بس انت اختار ...
عزاء واجب لاخونا موسى الراجل ونسال الله ان يتغمد والدته بواسع مغفرته
وان ينزلها منزلة الصالحين .
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد عيد)
|
مثل عاداته الجميلة دائما ..
وفى ممارسة حقيقية أصيلة لدور الريس الحقيق .. الذى يسعى دوما لاسعاد رعاياه ...
فاجأنا الريس الحبيب ميسرة وأسرته الجميلة ليلة أمس بزيارتهم لنا
قضاء ليلة رأس السنة الجديده معنا ... وأسعدونا بحق وحقيقة ...
أسعدك الله يا ريس دائما كما ظللت تدخل الفرح فى دواخلنا
وهذه تحية ريس الخارج وريس الداخل لكم فى السنة الجديدة
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد عيد)
|
تعازين للأخ موسى عبدالله في وفاة والدته
اللَّهُمَّ اغْفِرْ لَها وَارْحَمْها ، وَاعْفُ عَنْها وَعَافِها ، وَأَكْرِمْ نُزُلَها ، وَوَسِّعْ مُدْخَلَها ، وَاغْسِلْها بِمَاءٍ ، وَثَلْجٍ ، وَبَرَدٍ ، وَنَقِّها مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْها دَارًا خَيْرًا مِنْ دَارِها ، وَأَهْلًا خَيْرًا مِنْ أَهْلِها، وَقِها فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
نسال الله لها الرحمة ولذويها ولأخونا موسى الصبر
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: سامي عبد الوهاب إدريس)
|
كل عام وأنتم بخير بمناسبة عيد الإستقلال
والتهنئة لكل الشعب السوداني
وبالمناسبة عندي ليكم دعوة ألا وهي:
إقتناء علم السودان
وممكن تضع العلم على مكتبك أو باب البيت أو في أي مكان تراه مناسبا
الدعوة دي لإحساس قديم عندي: إنو نحن إرتباطنا بعلمنا ضعيف شوية وما عارف الحكاية دي من شنو
هل لأنو العلم تم تغييره؟ وإنو دا ما العلم التم رفعه يوم جلاء المستعمر؟
أم لإرتباطه بحكم مايو؟
أم هناك أسباب أخرى؟
عموما ما عايز أقلب الموضوع سياسة
لكن أحيانا كتيرة جدا أحس ببعض الغيرة من بعض الشعوب في حبهم لعلم بلدهم أو لإظهارهم لتلك المحبة
هل نحن نحب هذا العلم؟
وأكيد الجواب هو نعم... نحبه
هل يمكن أن نظهر هذا الحب؟
كيف؟
هي دعوة للنقاش حبيت إنها تكون هنا بدلا عن المنبر العام مع إنو دة موضوع عام يهم كل السودانيين
فما رأيكم يا أجدع ناس؟
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: سامي عبد الوهاب إدريس)
|
علم السودان
رموز علم السودان: اللون الأحمـــر: يرمز للكفاح الثوري اللون الأبيض: يرمز للسلام والتفاؤل والخير اللون الأســود: يرمز إلى قومية السودان الأفريقية اللون الأخضر: يرمز إلى الزراعة المصدر: من موقع وزارة الخارجية:
(العلم الحالي من 1970 إلى الآن) إن علم السودان الحالي اعتمد في 20 مايو 1970، ويتكون من الأحمر والأبيض والأسود بالإضافة إلى مثلث أخضر أفقي. وكان علم السودان قبل الانقلاب العسكري الذي قاده جعفر نميري عام 1969 يتكون من الألوان الأزرق والأصفر والأخضر. وتم آنذاك إختيار الألوان الأزرق و الأصفر و الأخضر ، ووضعت في شكل مستطيلات عرضية وهي ترمز بالترتيب لإتحاد : النيل و الصحراء و الغابة .
(العلم القديم من 1956 إلى 1970)
تم تغيير شكل العلم ليتوافق مع ألوان الأعلام العربية وبالأسلوب التي اتسمت به أعلام دول كالـ: الكويت، العراق، مصر، سوريا، فلسطين، الأردن، اليمن، الإمارات فاعتمدت الألوان الأربعة : الأحمر : رمز لدماء الشهداء . الأبيض : رمز للسلام والنقاء . الأسود : رمز للقدم والثبات على التراث . الأخضر : رمز للتفاؤل والنماء . ومن المعروف أن هذه الألوان كانت لأعلام الخلافة الإسلامية الراشدة ،الخلافة الأموية،الخلافة العباسية ، الخلافة الفاطمية ، وهو ما دفع العديد من الدول العربية إلى استعمالها . أما الشعار الرسمي هو رمز صقر الجديان الذي يعيش بكثرة في أراضي السودان وذلك بعد أن كان الشعار هو حيوان وحيد القرن الأبيض النادر، وتم تبديلهما في نفس العام 1970. إن العديد من الدوائر الرسمية تضع الشعار في منتصف العلم في المنطقة البيضاء مذهبًّا، لكن العلم الرسمي الدولي المعترف به يخلو من هذا الشعار.
المصدر: من ويكيبيديا، الموسوعة الحرة
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: سامي عبد الوهاب إدريس)
|
سامي الأنيق...معلومات جيدة و وافية عن العلم ...نشكر لك اهتمامك بهذا الموضوع المهم و الذي يستحق الجهد و الوقت الذي بذلتة لجمع هذه المعلومات...
سؤالك عن التفافنا حول علم بلادنا و لماذا لا نرتبط به كارتباط الشعوب الأخرى برمزهم...سؤال جيد أيضا كذلك دعوتك باقتناء علم ....دعوة تستحق عليها أن تكون الأبرز و الأهم في العام 2010 ...
شكرا سامي...و سوف أعود لأدلو بدلوي في موضوع الارتباط بالعلم...
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: Dr.Elsadig Abdalla)
|
سلام يا اجدع واحلى ناس كل سنة وانتو احلى واجمل واغلى ربنا يجعل سنة 2010 احلى السنين علينا كلنا. حليت من بدرى بصوت سندى الابنوسى.انسرب صوته وحوم حولى سعادة وابتسامة ادهشت زملائى وزميلاتى فى الشغل حتى انهم سالونى باستغراب منو (الخلاك فى وسط زحمة الشغل ونساك هم خوفنا جميعا من يوم الاحد القادم حيث ينتظرنا يوم لتطبيق نظام جديد وخايفين من اسئلة قد تكون صعبة و مرهقة) قلت ليهم ده سندى وظلى للاسف ما فهمواكلامى قلت ليهم يلا عشان الورد ينسقى العليق يلا ناخد بريك ونتغدى كمان..شفتوا فرحتى وعيدى عيدين . شكرا لمراسنا الذى ادخل البهجة فى نفوسنا ببثه المباشر لحفل نانسى عجاج .. التحية للبهيج وزوجته بهجة دايما مبتهجين سعدنا بتلفونك يا زناتى . التحية ليكم كلكم وعشان ما فى زول يزعل مشتاقة ليكم كلكم وكل سنة وانتوا بالف خير.. ودمتم سالمين
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: عبد الدائم سيد أحمد)
|
إلى كل أحبابيي وأهلي من قبيلة الزقازيق إلى كل تلك المساحات الجميلة من الذكريات والمودة والحب الصادق تبريكاتي بالعام الجديد واالتهاني بالأعياد ونسأل الله أن يكون هذا العام عام الأمجاد - منى يونس ... بوست أكثر من رائع - خالص التعازي لأخونا موسى عبدالله - مبدع يامحمد عيد يا " مرابط " ولا أحسن " النفطي " لاتسألوني عن سبب الغياب المهم نسعى للتواصل
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: عبد الدائم سيد أحمد)
|
ألا أيها الساري بليل يقول الشعر واشتاقت خطاه ألا بلغ كريما جاد دوما بكل الود وابتسمت شفاه بأن القلب يقرؤه سلاما يهنئه بعام قد أتاه ألا يا رب فامنحه قبولا وبدد حزنه وأجل عناه
Words begin with A B C Nucber begin with 1 2 3 Music begin with Do Re Mi But true love begins wiht U zugazigab and !!!Me "HAPPY NEW YEAR"
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: عبد السميع دفع الله)
|
التحية لناس الزقازيق الحلوين كل عام وانتم بخير كل عام والسودان بخير كل عام وكل واحد فينا محقق أمنياته
أشكر منبر ناس الزقازيق الذي اتاح لي فرصة الدخول لعالم سودانيزأونلاين
وأخص بالشكر الأخوين :
زهير الزناتي وود الخالة موسى عيسى أطال الله في عمركما ونفع بكما أهلكم والسودان
وشكرا
صديق محب جداُ لناس الزقازيق
أخوكم / مصلح الفكي
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: عبد السميع دفع الله)
|
التعازى الحارة لأخونا موسى الراجل فى وفاة والدته رحمها الله رحمة واسعة وتقبلها احسن القبول بأذن الله هذا اولا وبعدين سنتكم حلوة وجميلة وان شاء الله تلحقوا تعملوا كل الحاجات الما قدرتوا تحققوها السنة الفاتت وكمان تتخلصوا من كل الحاجات الما دايرنها وما قدرتوا تتخلصوا منها السنة الفاتت تامين ولامين تكونوا يارب ختوا اهداف عاجلة واهداف متوسطة واهداف بعيدة للسنة الجاية هذا سبب اساسى وميزان مهم للمحاسبة آخر السنة مع جرد الحساب , تقدروا تعرفوا وين موقع اقدامكم ووين انتوا واقفين سنة جميلة ليكم كلكم يارب
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
ما ضامن التداخل معاكم الأسبوع الحاى عشان كده , حا اشتاق ليكم سمبهارى الما عارف سمبهارى دى , يسأل اى زول الا انا عموما هى حاجة كده بتاعت كوشتينة تتعلق برمى البايظ مقدما لا اعرف لها اصلا ولا فصلا وبعدين , ما ملاحظين معاى الحاج السرى ده لسه واقع اسير عملته السرية ديك حاسى بيهو كده زى ما بيقولوا ما متماسك يا زهير او كمان ممكن يكون متماسك اكثر من اللزوم والأتنين ما دايرنهم ليهو يا جلا ارجع لى مكنتك القديمة دىك , عشان الجديدة شايفها ما قسمت انت آخر مرة مشيت كسلا متين ؟؟؟ عمر مشى الدفاع الشعبى ولا لسه ؟؟؟ كدى ركز فى السؤالين ديل خلينا نختبر درجة (تماسكك) والتماسك انحنا بنقيسوا بميزان (الدهب اب كفتن راجحة ) فعشان ده , سن ادواتك وتعال وبالعدم ادوات الود اب صلعة حاتم ود جبارة سنيييييييييييينة جايبها من الحداد الفى لفة المشتل داك يا دوووووب نكلموا ليك يسلفك اداة اداتين كده تمشى بيهم حالك ؟؟؟؟ ولا نكلم ليك احمد اسماعيل احسن ؟؟ ولو ديل كلهم ما نفعوا يانا المحمدينك بى ثعلب ولا اسد ولا نمر من حديقة ناس منى يونس اوعك تقول اسد شنو ونمر شنو انت داير الغزال ولا شنو غزال مافى ليك اسد يعنى اسد مشتاقين
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
ما ضامن التداخل معاكم الأسبوع الحاى عشان كده , حا اشتاق ليكم سمبهارى الما عارف سمبهارى دى , يسأل اى زول الا انا عموما هى حاجة كده بتاعت كوشتينة تتعلق برمى البايظ مقدما لا اعرف لها اصلا ولا فصلا وبعدين , ما ملاحظين معاى الحاج السرى ده لسه واقع اسير عملته السرية ديك حاسى بيهو كده زى ما بيقولوا ما متماسك يا زهير او كمان ممكن يكون متماسك اكثر من اللزوم والأتنين ما دايرنهم ليهو يا جلا ارجع لى مكنتك القديمة دىك , عشان الجديدة شايفها ما قسمت انت آخر مرة مشيت كسلا متين ؟؟؟ عمر مشى الدفاع الشعبى ولا لسه ؟؟؟ كدى ركز فى السؤالين ديل خلينا نختبر درجة (تماسكك) والتماسك انحنا بنقيسوا بميزان (الدهب اب كفتن راجحة ) فعشان ده , سن ادواتك وتعال وبالعدم ادوات الود اب صلعة حاتم ود جبارة سنيييييييييييينة جايبها من الحداد الفى لفة المشتل داك يا دوووووب نكلموا ليك يسلفك اداة اداتين كده تمشى بيهم حالك ؟؟؟؟ ولا نكلم ليك احمد اسماعيل احسن ؟؟ ولو ديل كلهم ما نفعوا يانا المحمدينك بى ثعلب ولا اسد ولا نمر من حديقة ناس منى يونس اوعك تقول اسد شنو ونمر شنو انت داير الغزال ولا شنو غزال مافى ليك اسد يعنى اسد مشتاقين
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
والمداخلة كان نزلت مرتين انا مالى ومالها اقعد احسب ليكم فى المداخلات كمان ولا شنو ؟؟ انا احسب المداخلات ولا ميزانية السفر ولا برنامج الأيام الخمسة بتاعت السودان اجسب شنو ولا شنو ؟؟ تنزل مرتين تنزل تلاثة وانا ملىىىىىى ما الحسابة بتحسب وفى الأول وفى الأخر بتتكتب ليك فى ميزان (مداخلاتك ) عشان كده ولا بلغيها ولا حاجة قول عايز الغيها !!الغيها ليكم كيف لو فى واحد عايز يلغيها , يتبرع كمان ويخت لى صورة فى البروفايل بتاعى وكمان صورة قديمة من زمن الشعر مغطى (الأضنين ) , وواحدة جديدة لنج برضو الشعر فيها مغطى الأضنين كيتن فيكى كده يا عرفة محمد سعيد
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
ده كلو كوم وحندكات راس السنة دى , كوم براااااهو ماعارف الريس وسيدة الزقازيق الأولى يمشوا يقضوا راس السنة عند ناس محمد عيد وفاطنة زهير يقول لينا مالاقى مواصلات توصلوا الريفيرا عشان البت نانسى عجاج ياها ذاتها , عرفتوها مى ياها البنية ام برنيطة البشتنت ليكم الرشيد بابكر بشتنة التابانى واليابانى آآآآ ى ياها ذاتها البنية العايزة توقف الزمن اللى ابراهيم عوض ذاتو ما قدر يوقفوا عليك الله غنتها يا زهير؟؟ ان شاء الله ما تنفعكم ولا اقول ليك , احتياطى كده لا انت ولا ابتهاج محتاجين تتملوا جمال زى ده فوق للعندكم دحين الريفيرا ما برد عليكم فى الشتاء ده ؟؟ لبستوا التقيل , آآآه منكم يا مجرمين وكمان تلقى ناس محمد وميسرة وفاطنة ومنى كملوا لينا الونسة الطاعمة كلها وناس الرشيد قالوا ليك ضربوا الكيك والمفاجات والسربيرايزات بتاعات ناس نجاة وامنية كان لى مهند نام من بدرى اما انا فليت لى ازميل فدياسا وروحا عبقرية لنحتت الفتنة الهوجاء فى نفس مقاييسك تمثالا مكبر يا مريا تعرفوا احساس السفر للسودان اجل عندنا راس السنة ليبدأ غدا شايفين راس سنتكم العاجبكم ده على جماله لكنه انتهى , كل سنة وانتو طيبين ولكننا اجلناهو طوعا وحبا الى يوم غد يا لهف فؤادى من غد حندووووووووووووووووووووووووووووووووووووووووووووووووووووووووووووووووووووكم
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
Quote: أشكر منبر ناس الزقازيق الذي اتاح لي فرصة الدخول لعالم سودانيزأونلاين |
الحبيب و ود الخال والخالة ود الفكي فرحانة بيك كل الدروب
تتمنى شوفتك و مشتهياك ، فمرحبا بك عضو جديد لينج في سودانيز
أولاين و في بوست الناس الحلوين ناس الزقازيق منور و حللت اهلا!
فرحبوا معي اخوتي بالغالي مصلح أبو محمد ؟
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: موسي عيسي)
|
مرحب بى مصلح البيجينا هنا بنشربوا ليك موية السكر بتاعتنا دى لكن لو عودنا على شوفتوا وطول الغيبة بنشكيهو لى محكمة العدل الدولية لى اوكامبو بنوصلها اصو قشة مرة ما عندنا ثم تعال يا موسى عيسى انت مش كشفت خطتى بتاعت البدلة والجزمة النبيتى بتتحاوم بجاى عايز تكشف ليك حاجة تانية ولا شنو امشى كده يا كشاف
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
اها , لسه ما قلت ليكم ولا فتتيتوا ليكم مش ضرب لى جلال يوم الأربعاء آآل ايه , كانو ناوين يجونى هو واحمد اسماعيل باغتونى وقالوا لى انت وين قلت ليهم فى السوق معناتها نجيك بكرة يعنى انتو كنتوا جاييينى الليلة عليك الله شوف جنس الحندكة دى انا القاها من وين ولا وين خسرنا زيارة مهمة يا جلال واحمد اسماعيل لكن النية واصلة , وان شاء الله يجوكم فى السمح
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
اما الود قدورة عامل فيها يعنى ما كان غايب !!؟؟ الولد يعنى قاعد معانا يوميا فى البوست لا صدقناك اول شىء تورينا كنت وين ده كلو قطعنا فيك انا وجمال مصطفى امبارح لقيتوا ليك مغروض فى معلومات عملية بتاعت لاند سكيبنج طوالى لحقتوا بى تلفونك قلت ليهو الزول ده ياكل النجيلة اكل من مرحلة الرسم والديزاين لى مرحلة انو يشتغل بالليل واوكات الفراغ نظام خرطوش رى نقاطة عديييييل تسوى تك تك تك والنجيلة دى تخدر ليك جنس خدار لامن قدورة ده بقى مفتكر نفسه هيثم مصطفى طوالى جمال بى صلعته ديك قال لى فى الحالة دى الواحد يركب مكنة سادومبا ويشوت شكيتكم لى الله هسى الجاب سيرة اكرم الهادى منو ؟؟!!!! الزول ده كان ماضرب ليك لغاية هسه الحقوا بى تلفون على الرقم 0554642066 والعايز يضرب ليهو من برة السعودية يضيف الكود 00966 وبعدين الرقم بعد ما يشيل الصفر الأول طبعا
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
اها انا غايتو خلصت ضميرى بى شوقى السمبهارى الأدانى مكنة المداخلات الفاتت دى لكن (علا) الشغل كتير ودايرلو ترتيب ومشاوير قبل السفر ولا بتخلص ولا بتخلص وكمان شوفوا عليكم الله جنس البشتنة دى هسى اخلاص محمد احمد دى الواحد ما مشتاق ليها عديييييل كده كل سنة وانتى طيبة يا اخلاص انتى واسرتك الصغيرة هسى راس السنة بتاعكم بيشبه حقنا وانتو فى جليدكم داك غايتو نحن بنشغل الدفايات لمن درجة الحراة تعمل ليها زى اتناشر تلتاشر كده اها فى الوكت داك , انتوا بتكونوا بتحتفلوا بالصيف مش كده ؟؟!! قولى لى احمد كل سنة وانت طيب من واحد زميلى قدييييييم اسمه منصور وعنده برضو احمد فتكم بعافية
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: منصور عبد الرازق)
|
يا منص الناس البي وراك ديل ما غتستهم لحقتهم الزينين (ديل زينين تاني غير بتاعين عرفة)...عبدالدايم و عبدالحفيظ و منو تاني...و اخلاص دي كان ما جبت سيرته في مداخلتك كانت راحت شمار في مرقه...يا زول دي ما كانت خمسة أيام...انت لو جاك اللوتري تعمل شنو... دربك عديل ان شاء الله و تمشي و تجي بالسلامة مع أنياتنا ليك و للعائلة بقضاء وقت ممتع و جميل...و زي ما نحن حنوحشك و حتشتاق لينا رغم حندكتك لينا دي...نحن برضو حنشتاق ليك و مداخلاتك دي دايما بتذكرني بالجريدة...ليس من حيث الطول و لا تنوع المواضيع...لأن الواحد عادة بعد ما يخلص من الشغل و يتغدى بيجيب الجريدة و يتكى ليهو تكية كاربة كده و يقعد يقرأ في الجريده... الخمسة ايام الجاية دي الا الواحد يتكي ساكت و لا يبطل الغداء...يتخيل لي أحسن نبطل الغداء...
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
Quote: لاتسألوني عن سبب الغياب المهم نسعى للتواصل
|
عبد الحفيظ عودا حميدا...لقد افتقدنا قلمك الرهيف اللطيف الظريف...
بس ياخي...مالك كنت غايب...Curiosity kills the cat
Quote: But true love begins wiht U zugazigab and !!!Me "HAPPY NEW YEAR
|
موسى عيسى...نوع الكلام السمح ده الخلى زهير يدي قريبك باسورد...
مرحب بي أخونا مصلح...و حبابك عشرة في دارنا و التي نرجو أن يطيب لك بها المقام...
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
البركة فيكم يا موسى عبدالله في وفاة الوالدة ربنا يغفر لها ويتغمدها بوافر رحمته وانا لله وانا اليه راجعون
وكل عام وكل ناس الزقازيق تامين وكاملين اختفيت اختفاءة كاملة لمدة اكثر من شهر لظروف سفر كتيرة وكنت احاول التداخل كلما القى طريقة ولكن تظل الزقازيق واحة جميلة نلجأ اليها والي اهلها كلما تكون الدنيا صعبة علينا شكرا ليك يا طارق جبريل على الغنية الجميلة بتاعت خوجلي والشوق معاي عدا السنة
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: طارق جبريل)
|
السلام عليكم يا أجدع ناس
أنا سعيد للحاق بركب المنبر ولو في العربة الأخير
التحية لي أي زول بمر من هنا
أتمنى أن يكون عاما أفضل للجميع.
أجزل الشكر للذين كتبوا وهاتفوا وفكروا في الاتصال أو الكتابة
بمناسبة العملية الجراحية التي خضعت لها في أكتوبر الماضي.
وأعتذر عن التأخر في الرد.
خالص التعازي للأخ موسى عبد الله. "إنا لله وإنا إليه راجعون".
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: مبارك جادين)
|
ودي مداخلة تانية قبل ما ننسى تحية وتحيات الي محمد صديق والريس ميسرة ومنى يونس ومحمد عيد والرائع عبد الدائم وموسى عيسى وجلال عثمان والرشيد ونجاة حوفي وزينب الجاني وعبد السميع اداب اما اخونا منصور عبد الرازق فنحن في الانتظار من هذه واذا ما خانتني الذاكرة فان موعيد الطائرة الساعة الواحدة المهم انحنا هناك
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: مني يونس)
|
أحب أن أشيد بفنان الفوتو شوب
أخي محمد عيد للجهد والمثابرة وحتى يتحفنا
بشئ جميل ولمسات جماليه رائعة ،،، شكراً لهذا الفنان
الرائع ،، كما أود أن أشيد بالشاب موسى عيسى لمداخلاته الكثيرة
ومشاركاته التي لم تنقطع حتى بدأنا نلهث حتى نكمل ما يسطره يراعه
شكراً لك وشكراً للجميع لهذا الجهد الكبير،،،
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: ميسرة سيد أحمد)
|
نواصل في الأرقام القياسية القطع شك في الالعالم
أكبر قطعة ذهب باليابان على شكل طائرة
أعمق بئر بترول في أمريكا عمقها ميلين تحت الأرض أطول سباق في العالم (سباق الماراثون) أقدم جسر في العالم/ الجسر الحجري على نهر ممليس بتركيا ويعود إلى عام 850 ق.م أعلى الشلالات شلال الملاك سالتو في فنزويلا على نهر كاروا يبلغ إرتفاعه 3212 قدم الأقوى سمعا هي الأذن اليسرى أطول شارع هو طريق الاسكا طوله 2450 كلم يبدأ من الاسكا وينتهي في كولمبيا أكبر شلال في العالم بالبرازيل إرتفاعه 70متر وعرضه 4350متر أغنى دولة باليورانيوم/كندا أكبر بناء أقامه البشر هو سور الصين العظيم أكبر منارة في ناطحات سحاب نيويورك إرتفاعها332م بها أربعة مصابيح قوة كل مصباح 450 مليون شمعة، تشاهد المنارة على بعد128 كلم و490 كلم من على الطائرة أطول دراجة لها3 عجلات يقودها 21 شخص طولها 15 متر صنعت في استراليا أضخم مصحف وزنه 2000كلجم أهداه أحد أمراء الهند إلى مصر طوله 175سم وعرضه 120 سم اطول حرب بين بريطانيا وفرنسا لمدة 115 سنة
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: احلام وهبي)
|
Quote: الاخت العزيزه نجاة حوفي .... كل سنه وانت طبيه |
الأخت احلام...نيابة عن نجاة حوفي...سنة سعيدة عليكم انتي و الأستاذ السني..
نجاة منشغلة بامتحانات العيال و نادرا ما تفتح البوست...سأقوم بابلاغها تحياتك
ان شاء الله...
قوموا بزيارتنا بأبوظبي انتي و أستاذ السني...و أسألوا عنا دكتور عزالدين هلالي
يدلكم علينا....ننتظر زيارتكم الكريمة...
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: الرشيد بابكر)
|
الاخ العزيز الرشيد ،،، تحياتي كويس انك رديت علي عارف انا كنت عاوزه اكتب اسمك مع نجاة لكن اتردته ما يكون الاسم صاح . وكل سنه وانت بالف خير . وتحياتي الكتيره للعزيزه نجاة والعيال الحلوين . تقبل تحيات السني . ونحن برضو بنقدم ليكم دعوه للدوحه . وتحياتنا للاعزاء عزالدين ومني
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: طارق جبريل)
|
طاريق جبريل كيفنك يا أخوي وكل سنة وإنت طيب الجماعة اليهود ديل اخبارهم معاك شنو انا دخلت الليلة وشفتك آخر زول داخل سبحان الله قبل شوية كان معاي من السودان ومتصل على جمال فارح وجاب سيرتك دخلت لقيتك يا شقي الحال كنت مروس وين وكيف ؟
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: كمال الشادي)
|
ود الشادي يا حبيبنا كيفنك ابوي وكل سنة وانت طيب ووليداتك طيبين واللهيا حبيب راس سنة مسيخ خلاص مشيت جبت لي بيتزا للشفع وقعدت احضر في النيل الازرق ولمن دعمشت لقيت نفسي نايم ومحمد ولدي مكوم فيني شلته وديتو اوضته ومشيت اتغمتة يايخ المغاربة ديل والله ناس حلوين شديد عشرتهم ساهلة خلاص وبعدين عندهم حب للسودانيين غريب جدا
ياخي جمال فارح دة واحد من ناس الزقازيق الكان عندي بيه ارتباط وجداني اي نعم هو كان سنير علينا بس كان في ود خاص بيناتنا يعلم الله انا نفسي جمال دة يجي يكتب هنا عن حاجة سنكاتية رحمها الله والدته الزولة دي جميلة حد الدهشة
مساءك فل وياسمين يا شادي
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: طارق جبريل)
|
طاريق جبريل بالله مالك مساهر لحدي هسي وده شنو ده
Quote: يايخ المغاربة ديل والله ناس حلوين شديد عشرتهم ساهلة خلاص وبعدين عندهم حب للسودانيين غريب جدا |
انا عارفهم ناس حلوين الغالطك منو هسي والله الحرامي فوق راسو .... على فكرة السعوديين برضو ناس حلوين جدا وبنحبهم ويحبونا جدا هههههههههههههههههههههههههههههههه
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: كمال الشادي)
|
Quote: السعوديين برضو ناس حلوين جدا وبنحبهم ويحبونا جدا هههههههههههههههههههههههههههههههه |
يمين يا كينو ان يدوني مليار السعودية دي ما اشتغل فيها ياخي ديل عايشين معاهم كيف ما عارفكم انا اشتغل معاهم هنا في جريدة الشرق الاوسط في النهاية كبست ليهم ومشيت يا حبيب هنا يا دوبها عندن تسعة مساء والسبت دة يوم بهجة في المغرب
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد عيد)
|
محمد عيد يا حبيبنا كل سنة وانت طيب لا ياخي المغاربة ديل شي ولا راس السنة دة حاجات البهجة دي ممكن يعجلوها عدييييييل
تعرف سنة 94 كانت معاي الحاجة الله يرحمها قمنا قعدنا نتحاوم بالليل كدة ليلة راس السنة قمت قلت ليها يا حاجة ارجعاكي البيت المغاربة ديل راس السنة ما قاعدين يشربوا موية قالت لي: مالهم بيصوموا قلت ليها: لا بيطشموا قالت لي: يا سيدي الحسن ارجعاكا
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: طارق جبريل)
|
سلامات يا ناس
يا ناس الليل سلام ...وكل سنة وانتو طيبين
الريس ميسرة
كمال الشادى
محمد عيد
الرشيد
احلام وهبى
طارق جبريل
قدورة
وبرضو الناس النايمة وحالمة
طولنا من السهر ....
لكن زى ما هو معروف:
جاييكم بروااااااااااااااااااااقة
لكم الود
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: طارق جبريل)
|
Quote: كمال الشادي والرشيد اختوني بي ليلكم دة انا ان بقيت انضايقتة بفتو كله دحين لا تخلوني افك آخري |
جبريلا الحبيب...مشتاقين ياخي
كمال الشادي ده ما بتتبل فولة في خشمو...
تعال لينا بكرة...بعدين تعال هنا مالك ما بتزورنا في مربع كاي...
و الله بكره ما تجي أقطع فيك مع كمال الشادي تاني...
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: Hatim Gubara)
|
بسم الله توكلنا على الله ولا حول ولا قوة الا بالله اصبحنا واصبح الملك لله صباح الخير على كل ناس الزقازيق الحلوين الجدعان امبارح كان يوم زقازيقي بكل المعايير
اتصل على جمال فارح اتصل على الرشيد بابكر اتصلت على طارق جبارة اتصل على ميسرة سيد احمد
بالليل لمن كلمني الرشيد انا علقت على كلام طارق جبارة قمنا انا والرشيد علقنا على كلامو وهشرتو وضحكنا لمن الله غفر لينا قلت للرشيد والله ما اخليهو رشيتو ليك تلفون وسلامات يا جبارة وبطل هرشي دقيقتين كلمني الريس ميسرة قال راجع من مكه معاهو والدتو قلت ليهو والله الواحد يحسدكم عشان مكة منكم تكله
يا ميسرة حقيقي انا ماقادر لحدي هسي اعلق على زيارتك ومني لعادل الجعلي والله لمن زوجتي احتارت معاي اعاين في صورتك انت وهو وخاشين في الحضن العجيب ده وابكي انا عارف عادل الجعلي وحنيتو لمن تكون بتسلم عليهو ما يرضي يفكك خليك من كم طاشر سنة وانت جاييهو بي اولادك عجبتين جدا صورة الاولاد فعلا نتاج زقازيقي والله يا ميسرة لو اترحشت قدام الراجل الدلوكة بتاعنا ده انا بديك صوتي انا وزوجتي واولادي الثلاثة احسب عندك خمسة اصوات يا ريس
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد صديق)
|
سعيد بمشاهدة العناق الجميل بين ودالجعلى وميسرة وتحياتى لسامية اسماعيل والعيال وان كانت متابعة ارجو ان تصلها
تحياتى وما زلت سعيدا بزيارتك الودية لنا بصحبة هاجر خليفة واخريات
وكنا نحن على اعتاب التخرج ( فعلا انت بت ملوك النيل ) حفظك الله من كل سوء .
مبارك جادين (غيب وتعال تلقانا نحن- شكرا للسؤال )
رجاء لطارق جبريل
عليك الله اغنية خوجلى عثمان دى ما تخليها تفارقنا فى الصفحة
الجاية واللى بعديها
يا اخى دى فاكهـة الصفحة وانت تقرأ وتسمع ربط غير عادى .
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: ميسرة سيد أحمد)
|
سلامات يا ناس
Quote: انت يا جورج لليلي في روحك السلبة دي دحين الرواقة دي بطنك ما طمت منها |
جبريلا يا حبيب ....سلام ومشتاقين ومنتظرين اجازتك
عشان نكمل فهمك انا واب شنب وبقية الفرقة....
الروح السلبة والرواقة ما بتتخلى والخلا عادتو قلت سعادتو
وما يبدو لى فى زول عندو استعداد يقلل سعادتو .......
تخريمة:
زملاء فى العمل عشنا لفترة مع بعض وبعد انتهاء الفترة دى
اكتشفت انهم كانوا مسمنّى : محمد ال بالراحة.
لك الشوق
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: محمد صديق)
|
يا جنابو كيفنك شايفك جيتنا بجاي و نفسك قايم بقيت
تلعب المباريات بالحيشان البغادي و تجي تدفر معانا
بجاي و لا شنو ؟
يا اخوي مسؤل من الخير الود الظريف المفتل عضلاته
البسموه اسامة ابتر وين انشاء الله ما يكون الشباب
بتاعنكم ديل ودوه تشاد من جنوب كردفان ؟ نامل تبلغيه
التحايا و الشوق و قول ليه اظهر ؟
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: معاوية الزبير)
|
العزيز معاوية الزبير لك التحايا و الف مرحب بيك في حوشك
اجدع ناس و ليك وحشة والله يا ود كوستى ، نسأل عن اراضيك
منذ فترة قابلت الشاب الانيق عثمان على آدم و هو بالسعودية
بمنطقة القويعية و دار محور السؤال عنك كثيرا و الحمد لله
أنك ظهرت و اكرر الترحاب .
بالله اكتب لينا رقم التواصل معك :
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: البادي النور)
|
Quote: اتصلت على طارق جبارة |
كمال الشادي الهضربة الخلتك تلخبت اسم ابوي في اسم ابو حاتم جبارة .. دي هضربة بطالة خلاص
عبد السميع غالي والطلب رخيص يا حبيب ننزل ليك خوجلي عثمان لمن تقلب الصفحة
يا جورج والله مهلتك دي تحير
والله يا ميسرة زيارة عادل الجعلي دي تبكي عديييييييل
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: طارق جبريل)
|
معاى ووووا الزبير سنيرى ليك وحشة والله ومن زمان منتظرين دخولك معاوية ده يا اخوانا زول انيق مهذب وغناى شديد والحلوة فيهو بشبهنى وده الكان غايظ ناس الوسخان وشلتو
وبعدين يا جبريلا مافى زول فى تربية بشوت ضفارى نحن لعبنا كلو ال براحة
حاتم جبارة تانى نوقت الاجازة سوا ما دام البرلوم موجود تأكد اجازتك حتكون سعيدة
اها يا معاوية اختبار للذاكرة ديل دفعتكم
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: عبد الدائم سيد أحمد)
|
والله يا عبد الدايم الصورة النزلتها دي + صور ناس عادل الجعلي وميسرة أمس جهجهوا الذاكرة عدييل كدا
أما بعد ... موسى تحياتي وأشواقي لك وللصديق عثمان وتلفوني مكتوب في البروفايل
طارق جبريل الزيارة الفاتت للرباط كانت مخصوصة للصديق كمبال وما عرفنا ليك حاجة لكن المرة الجاية ما بنقصر في حقنا معاك
أمس كتبت مداخلة للسلام ولكنها لم تظهر ربما "برلمة" ساكت
أجدد شكري لجميع الذين اتصلوا وهاتفوا وفكروا في الاتصال أو الكتابة بمناسبة العملية الجراحية التي خضعت لها في أكتوبر الماضي.
والشكر للزميلين عبد الحفيظ صديق وسامي عبد الوهاب لمساعدتي - فنيا - للدخول في هذا المنبر
للتواصل هاتفيا:
موبايل رقم
00974 6658717
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: عبد الدائم سيد أحمد)
|
السلام عليكم
لقيت لي فرقه قلت أدخل و عندي تلاتة حاجات عايز أعملهم..
1- أرحب بي معاوية...حبابك عشرة يا معاوية...
2- مشتاق لي زهير الزناتي و بسأل عليه...في زول فيكم شافو حايم هنا و لا هنا....
3- نسيتها....
بشوفكم بالليل...و في رواية أخرى بالعصر...مش في الشتاء ده كلو ليل..
| |
|
|
|
|
|
|
Re: ناس الزقازيق ... أجدع ناس ( 3 ) .. (Re: عبد الدائم سيد أحمد)
|
و تحايا و سلام لأجدع و أروع ناس ..
ــ
و تعزية صادقة لزميلنا الفاضل / موسى الراجل في وفاة والدته أسال الله تعالى أن يغفر لها و يرحمها و يكرم نزلها و يتقبلها حسن القبول و يدخلها فسيح جناته .. و أن يلهم أهلها و أبنائها الصبر الجميل على فقدها و أن يصل عملها بصالح دعواتهم و يحفظهم من كل شر و مكروه .
ـ و تحية تقدير و إحترام لكل الذين أنضموا إلينا من الزقازيقاب الأفاضل و من أصدقائهم و نتمنى أن يطيب لهم المقام بيننا ..
ــ
و تحية إمتنان و تقدير لفخامة الريس / ميسرة و للسيدة الأولى / منى و هما يتحفاننا بالرائعين عادل الجعلي و سامية إسماعيل .. و نتمنى أن يستمر هذا التواصل النبيل بين الزقازيقاب أينما كانوا و كيفما بانوا ..
ــ
و لكل الزقازيقاب و أصدقائهم أطيب الأمنيات بعام جديد مترع بالخير و المحبة و الجمال بإذنه تعالى ..
ـ
أسال الله أن يسهل سبل تواصلنا بلا إنقطاع ..
| |
|
|
|
|
|
|
|