|
|
|
 Re: ملائكة الزقازيقاب (Re: عبد الحفيظ عباس)
|
صباحاتكم خير ولامساءاتكم خير
عبد الحفيظ عباس سلامات والله مشتاقين كيفك وكيف الوليدات وامهم ومحمد ولينه عسل ربنا يحفظهم
ياجماعه سامر صلاح الامين دا ود صلاح الامين وصورو دي اترسلت لي في عيد ميلادو في الشهر الفات
وشايل العود كدا باين عليهو الود فنان طالع لعمو جمال فارح وابوهو سمعت وماشفت قالوا لو غنى لكابلي بتقول دا كابلي زاتو والكلام دا اسالو منو ناس كابلي ناس كمال الشادي
اولادي حانزل صورهم صورت وضاحه دي سامبل ولوعجبتكم ننزل الباقين وين العريس ياشادي العروس قعدناها خلاص
| |
 
|
|
|
|
|
|
|
|
Re: ملائكة الزقازيقاب (Re: حنان مجمر)
|
العروس قعدتوها وين يا حنان مجمر
يا حليلك انتي دقة قديمة والله شنو
حنان انتي سافرتي كندا
والله كسلا
انتي من زمن العروس بقعدوها
خليها تطلع تجكس وتعيش حياتها
العريس الانا جايبو زاتو قال لازم يلاقيها ( بي هناك )
قبل ما يجي البيت
واذا ما جاتو ( بي هناك )
ماراح يجي
| |
|
|
|
|
|
|
|
|
|
Re: ملائكة الزقازيقاب (Re: كمال الشادي)
|
حبت ليكم صور ولدي الكبير كريم 12 سنة ونص
يا سامي عبد الوهاب
ده كريم الجنو كورة والله تقول ابوهو مردونا
على فكرة يا سامي كريم اشول ، اذا كانت المعلومة مهمة يني
وانا والله ما بعرف الملعب فيهو كم لاعب
ومنصور عبد الرازق يشهد على كده
ودي صورة تانية للسيد كريم كمال
| |
|
|
|
|
|
|
|
|
|
Re: ملائكة الزقازيقاب (Re: كمال الشادي)
|
يا سلام علي معتصم وووعد ودعاء وعلا
يا ربي تحفظهم وتطرح البركة فيهم
عناب وعذاري زهرتان في بستان النضيف
يا ربي كن لهما واحفظهما
((العجيبات)) اسماء وعائشة بنت عجبنا سدو
حلاوة وظرافة فايتي الحد
ما شاء الله عليهن
نومة عمر محمد آدم دة والله كيفتني في حناني
ربنا يخليه دايما بالو رايق يا رب
احمد منصور باين عليه ولد قندف وماخد راحته
اما ايثار ومجتبى وحجازي ومدرار ديل المنقة ذاتها يعلم الله
الله الله الله على منار الشادي
يمين يا منار يا بتي لو حضرت زمنك ياني المجكسك مجكسك
الله يحفظك ويغتيك يا بتي ويخلي ليك اخوانك كريم ومحمد
مريم ومرام يميلن بس شتلات ألات مشرِق ولا صُفوري
حلاوة تملأ القلب يا ربي ينجحن ويعدل طريقن
اما محمد جلال دة شرامي زي ابوه تماما.. يا ربي تنجحه وتحفظه
الله الله علي ديمة عبد القادر
يا قدورة حجزنا من هسي ونحن عندنا حق الفيتو
ياخي بابكر دة براءة كدة ما عادية
ومحمد عبد القادر دة مقرم قريم اعمامه ناس كمال الشادي
عمر وضحى وصباح وشاكر وشفق يا احمد اسماعيل
اولاد تباهي بيهم الشمس ان شاء الله
ربنا يوفقهم يا رب
وضاحة يا حنان لكن ما جكس يهبل
الله يخليها ليك
اما سامر دة (نادال) في زمانه ان شاء الله
محمد عبد الحفيظ زول رايق كدة ما زي ابوهو كان جنه غلاط
ولينة عسل شديد ما زي ابوها الزي القطران دة كان مكرهنا الحياة
يا حنان مجمر منتظرين صور الحلوين
يا كمال الشادي عفيت ليك البوست
| |
|
|
|
|
|
|
|
|
Re: ملائكة الزقازيقاب (Re: طارق جبريل)
|
عارف طارق
اي زول يعلق على الاولاد بقرأ ليهم المكتوب
ومنار من يوم ما كلمتك بتسألني وين صورة عمو طارق
وريتا صورك
كل يوم تقول لي قال شنو على صورتي
هسي الكلام ده
اشرحو ليها كيف بالله
Quote: الله الله الله على منار الشادي
يمين يا منار يا بتي لو حضرت زمنك ياني المجكسك مجكسك
|
اديني مصطلح ينفع مع الاود الزمن ده يشرح كلمة مجكسك دي
يا قديم
| |
|
|
|
|
|
|
|
|
|
Re: ملائكة الزقازيقاب (Re: كمال الشادي)
|
يا شادي قول هو الله احد الله الصمد لم يلد ولم يولد ولك يكن له كفؤا احد
قول ليها قاليك عمك طارق:
الله يحفظك ويغتيك
الله يطرح البركة فيك
الله يعلي مراتبك ويرقيك
الله يديك من خيره قدر الجبال
قدر السحاب ما شال
امورررررررررررة ياخي ربنا يغتي عليها
| |
|
|
|
|
|
|
|
|
|
Re: ملائكة الزقازيقاب (Re: محمد صديق)
|
الحبيب طارق جبريل
لك وللمدام والاولاد كل الحب والتحايا
شرحت لمنار موضوع الجكيس
ووريتا صورتك
قالت لي لكن عندو صلعة يا بابا
ولدو حلو بس صغير
اتصرف يا طارق
محمد صديق يا حبيب
منتظرين الشباب ابوبكر وعمر
لك الحب
| |
|
|
|
|
|
|
|
|
|
Re: ملائكة الزقازيقاب (Re: طارق جبريل)
|
السلام عليكم معشر الزقازيقاب وملائكتهم
من باب مواهب ومهارات أشبال الزقازيقاب
ياشادي القوم إبني عمر أيضا مبتلي بالكورة
وله لمسات لابأس بها فإذا عندك علاقات بنادي
الشباب بحكم تواصل كريم مع أشبال الشباب
أفتح لينا مجال علشان نخلي عمر يتواصل معهم
وبالمرة يتواصل مع كريم الله يحفظه ويرعاه
Quote: اما كريم وده صورتو لسه مانزلتها وعمرو 12 داخل على 13 سنة هسي
فده دينو وايمانو الكورة
وبيتمرن هنا في الرياض مع اشبال فريق الشباب
انا اشيل وادوي فيهو للتمرين واتفرج عليهو ومافاهم اي حاجة
|
| |
|
|
|
|
|
|
|
|
|
Re: ملائكة الزقازيقاب (Re: عفاف علي ميرغني)
|
..
.
طبعا جايين تشوفوا صالح دا خت صورة منو ؟؟
قرقر قرقر قرقر
ماشاء الله ..
جيل الزقازيقاب القادم يتفوق على ابائهم وامهاتهم بمراحل ..
المهم ...
ممكن استلف ..
________
ديل تابعين لى بصورة غير مباشرة
وما بشبهوا ابوهم خاااالص :)
| |
|
|
|
|
|
|
|
|
|
Re: ملائكة الزقازيقاب (Re: Tabaldina)
|
العزيز تبلدينا
ختيت الصور
ولايزال السؤال قائم
Quote: طبعا جايين تشوفوا صالح دا خت صورة منو ؟؟
|
أحسن تجاوب إنت
في ناس كده لو جاوبو بدلك بدخلوك في مشاكل
احسن ليك
| |
|
|
|
|
|
|
|
|
 Re: ملائكة الزقازيقاب (Re: كمال الشادي)
|
..
.
Quote: أحسن تجاوب إنت
في ناس كده لو جاوبو بدلك بدخلوك في مشاكل
احسن ليك |
والله يا كيمو
كلامك صاح خصوصا ناس زهير وجلا
والعجب حاتم جبارة ديل ما اتغيروا خااالص ..
----------
المهم كلموا الوليدات يجيوا يهججوا فى
عرس عمهم .. ويودهو المطار ..
| |
|
|
|
|
|
|
|
|
|
Re: ملائكة الزقازيقاب (Re: محمد صديق)
|
ماشاء الله ياكوتش ربنا يخلي ويحفظ
كمان فيهم عمر الظاهر المحبة قديمة
نسال الله ان يحفظ عيال الجميع ويحميهم
من كل مكروه ويجعلهم من البارين
| |
|
|
|
|
|
|
|
|
|
Re: ملائكة الزقازيقاب (Re: طارق جبريل)
|
طارق جبريل والله الشوق بحر
الله لا كسبك يا مقطوع الطاري
يا أخي تلفونك الاخير وسؤالك عني
والله خلاني أحس إنو الدنيا حلوة ورائعة لمن يكون فيها أخوان زيك يسألو من الواحد
تصدق عجبتني الشغلانة كل شهرين تلاتة آخد لي زوغة عشان أشوف سؤال الناس الحلوين الزيك ديل عننا
لك الحب والتحيات وللاسرة الجميلة
والله يخليك ليهم ويخليهم ليك يا طارق
راح ارجع تاني اكلمك تفلونياً انصاص الليالي
بس ابقى راجل نوم
| |
|
|
|
|
|
|
|
|
|
Re: ملائكة الزقازيقاب (Re: كمال الشادي)
|
مع إحترامي لكل البوستات
لكن غصباً عني كلما أكون مدبرس الف بي هنا
حوش طارق جبريل
وملائكة الزقازيقاب
والله المرة دي وقفت لي وقفة طويلة طول مع البت ديمة عبد القادر
يا الله يا عبد القادر الله يحفظها ليك
بت ظريفة جداً وهادية وذكية لابعد درجة ما شاء الله
الله يحفظها ليكم وتغر عين والدينا إن شاء الله
عليك الله يا عبد القادر
نزل ليها كم صورة زيادة
طلب خاص
تحياتي
| |
|
|
|
|
|
|
|
|
|
Re: ملائكة الزقازيقاب (Re: كمال الشادي)
|
شادي يا منقة
الله يعلم والله كلامك وونستك بيغيروا المود حق الزول
اعتبرو كسير تلج
اعتبرو ريدة لي الله كدة
ياخي الله يديك الفي مناك
ويعدلها عليك شقيش تقبل
| |
|
|
|
|
|
|
|
|
|
Re: ملائكة الزقازيقاب (Re: طارق جبريل)
|
في رأئي يا طارق
ده الذ بوست في البتاع ده كلو
عارف ليه
في كل مناسبة تقدر تكورك في الناس وتقول ليهم نزلو صور المناسبة
مثلاً عيد ميلاد الاولاد
كل سنة ممكن تكون في صور جديدة وحلوة
صور الاجازة كل ما يطلعوا اجازة تكورك في العالم دي وتقول ليهم نزلو لينا صور الاجازة
جا العيد
ما عيد العمال قصدي عيد الله البنعرفوا داك عيد رمضان وعيد الضحية
تقوم تقول يا عالم نزلو لينا صور اولادكم بهدوم العيد
وهكذا
يعني هسي قوم اعمل حملة استنفار عشان الناس تنزل صورجديدة يا حبيب
وخلينا نعمل مثلا مسابقة لاجمل صورة وأكثر صورة فكاهية واكثر صورة معبرة وهكذا
يا الله اشتغل معانا يا حبيب
تحياتي
| |
|
|
|
|
|
|
|
|
|
Re: ملائكة الزقازيقاب (Re: كمال الشادي)
|
هاك دي اول هدية وتحريك للبوست
Quote: والله المرة دي وقفت لي وقفة طويلة طول مع البت ديمة عبد القادر
يا الله يا عبد القادر الله يحفظها ليك
بت ظريفة جداً وهادية وذكية لابعد درجة ما شاء الله
الله يحفظها ليكم وتغر عين والدينا إن شاء الله
عليك الله يا عبد القادر
نزل ليها كم صورة زيادة |
بالله اعمل مناشدة للاخ عبد القادر قول ليهو حسب طلب الجمهور
عايزين صور زيادة للبت المنقة ديمة
| |
|
|
|
|
|
|
|
|
|
Re: ملائكة الزقازيقاب (Re: كمال الشادي)
|
الشادي الحبيب ..
الله يديك العافية ويخلي ليك العيال ..
معذرة للغياب الطويل بسبب مشاغل الدنيا ..
Quote: بالله اعمل مناشدة للاخ عبد القادر قول ليهو حسب طلب الجمهور
عايزين صور زيادة للبت المنقة ديمة |
غالي والطلب رخيص يا سيد الناس
انشاء الله أنزل ليك صور كميات ..
تعرف والله يا كيمو البت ديمة عاشت طفولة مميزة جدا
وكانت محبوبة جدا .. وهي فعلا زي ما قلت زولة ذكية للغاية ومتميزة في
المدرسة ومحبوبة من معلماتها وبجانب ذلك فهي هادية جدا ومرحة
وعندها قابلية واستعداد كبير جدا في إكتساب الأصدقاء ..
ربنا يحفظها ويحفظ ليك عيالك الحلوين ..
جاري تنفيذ الطلب يا حبيب ..
| |
|
|
|
|
|
|
|
|
|
Re: ملائكة الزقازيقاب (Re: محمد العبيد)
|
الاخ الكريم عبد القادر
إحنا في البيت سبعة أخوان وأخت واحدة
وحتى الاخت الواحدة دي أكبر مني
يعني عمري ما جربت تكون في أخت صغيرة والله بنوتة حلوة جارية في البيت
كنت أخاف أن اصرح بأني اريد كل أولادي بنات
وأتهم بأشياء واشياء
أحب جداً العلاقة الخاصة بين الاب وإبنته
منار بنتي أحبها جدا
ولي معها علاقة خاصة جدا
وعندما يصف أب إبنته كما فعلت أحبه جداً
Quote: غالي والطلب رخيص يا سيد الناس
انشاء الله أنزل ليك صور كميات ..
تعرف والله يا كيمو البت ديمة عاشت طفولة مميزة جدا
وكانت محبوبة جدا .. وهي فعلا زي ما قلت زولة ذكية للغاية ومتميزة في
المدرسة ومحبوبة من معلماتها وبجانب ذلك فهي هادية جدا ومرحة
وعندها قابلية واستعداد كبير جدا في إكتساب الأصدقاء ..
ربنا يحفظها ويحفظ ليك عيالك الحلوين ..
جاري تنفيذ الطلب يا حبيب .. |
عجبني وصفك لبنتك وأنا في إنتظار صورها كمان وكمان
| |
|
|
|
|
|
|
|
|
|
Re: ملائكة الزقازيقاب (Re: كمال الشادي)
|
يا اخوانا الزول البرلوم الدخل ونزل صورة اولادو ده
هو محمد العبيد حبيب الله تجارة 92 م مقيم بجده رقمو 559162863-00966
يا ود العبيد طلعت سنير كبير ونزلت الصور من اول مداخلة
ماشاء الله عليهم وربنا يحفظهم
| |
|
|
|
|
|
|
|
|
|
Re: ملائكة الزقازيقاب (Re: عبد الدائم سيد أحمد)
|
يا شباب الايام دي
أولادنا عندهم حاجات جميلة في المدارس
زمنا ماكانت موجودة
حفلات نهاية السنة
وترتيب جميل
ولبس موحد
وصور جميلة
عايزين صور العيال وهم بينهو عامهم الدراسي
مجرد إقتراح
| |
|
|
|
|
|
|
|
|
|
Re: ملائكة الزقازيقاب (Re: Hatim Gubara)
|
ما شاء الله يا حاتم
أعجبني جدا هذا الحجاب وهذه الحشمة خصوصا وأنتم في بلد يصعب فيه التمسك بتعاليم الدين وبمثل هذا المظهر الإسلامي الجميل...
والله لبسها في منتهى الجمال والأناقة والحشمة
وملامح سودانية 100%... ناس الدومينيكان ديل ماااااااااااااا أولادنا عدييييييييييييييل كدا
ربنا يحفظها
| |
|
|
|
|
|
|
|
|
|
Re: ملائكة الزقازيقاب (Re: سامي عبد الوهاب إدريس)
|
الاخ الفاضل سامي عبد الوهاب
تحية وإحترام وتقدير
وكل سنة وإنت طيب وبالف خير وعافية واولادك بخير وعافية وامهم وجيرانكم البي جاي والبي هناك ان شاء الله
اشكرك جداً على اتصالك التلفوني وسؤالك عني في إنقطاعي الغريب الانا حتى إحترت فيهو مع نفسي
كانت دبرسة جرت ليها جرة كده خليها على الله
خلصت الدبرسة
قررت أخش
بقيت في حيرة والله يا سامي
ما عارف أخش كيف
رغم إنو الود طارق جبريل في حتة ما شن على حرب عديييييييييل كده
لكن لقيت أجمل حتة ممكن أدخل بيها هي
Quote: ودي ليك يا كمال الشادي
إمكن تجي راجع |
الدعوة الجميلة والصورة الاجمل منها
يا أخوي العيال ديل تبعي عدييييييييييييييييييييييل
رسلم لي والباقي علي
والتسليم بعدين
اسلمك شغل نضيف ما يهمك
تحياتي سامي
| |
|
|
|
|
|
|
|
|
|
Re: ملائكة الزقازيقاب (Re: كمال الشادي)
|
حاتم جبارة
كيفنك يا أخوي
وكل سنة وإنت طيب
ماشاء الله عيني باردة على سارة
بتك شديييييييييييييدة
وصدقني حدها معاك سنة والله اتنين بس
بتلقى ليها واحد لفاااااااااااااااااح زي صاحبك طارق جبريل يلفحها منك
الله يخليها ليك ويديدها العافية ويقسم ليها السعادة في كل حياتها
| |
|
|
|
|
|
|
|
|
|
Re: ملائكة الزقازيقاب (Re: كمال الشادي)
|
رسال من أخونا حبيب الله كدّام:
Quote: أخــــونا ســـامي
صباح الخير
ومشتاقين
شفت ملائكة الزقازيق بوست عجيب
يديكم العافية دي صورة بنيتي الوحيدة
دخلت السنة السادسة من يوم ولدوها
والعجوز ده أنا ما أبوي
|
وصورة أماسي حبيب الله كدّام وأبوها الشيخ:
| |
|
|
|
|
|
|
|
|
|
Re: ملائكة الزقازيقاب (Re: عبد الدائم سيد أحمد)
|
ما شاء الله على عناب
يا نضيف
الله يخليها ليك
وتشوفها في الجامعة ان شاء الله
بس شنطتها كبيرة عليها خالص
شكرا يا نضيف لانك إستجبت للنداء
نداء عاجل
الكل ينزل صور الاولاد مع المدارس يا شباب
منتظرنكم
| |
|
|
|
|
|
|
|
|
|
Re: ملائكة الزقازيقاب (Re: زهير الزناتي)
|
يا حنين
ما شاء الله على الصبايا
الله يحفظ ليها التسعة سنوات
وتشوف حلاوة التسعتاشر
وتشوف جمال التسعة وعشرين
وربنا يديها طولة العمر في طاعتو لغاية ما تشوف المية وتسعة كمان
| |
|
|
|
|
|
|
|
|
|
Re: ملائكة الزقازيقاب (Re: زهير الزناتي)
|
والعجب كمان يا زهير لو ما عرف الزولة الفى الصورة دى
دى مدرار منصور عبد الرازق
فى كى جى ون
زهير بى شنبو الكبير ده
ليهو تلاتة سنين , عاوز بس يسلم عليها
يا دوب قبل شهر بس , ابتسمت ليهو
قام طوالى عمل فكرة صندوق التكافل
طبعا لما يلحق يسلم عليها
معناتا طوالى عبد الحفيظ , حا يوزع لينا ارباح الشركة القابضة
| |
|
|
|
|
|
|
|
|
|
Re: ملائكة الزقازيقاب (Re: منصور عبد الرازق)
|
كيف ما بعرف مدرار
يا منص
اكان ادت زهير إبتسامة بعد تلاتة
يمين انا لحدي هسي ولا حتى مجرد لفتة
لمن اناديها تعاين لي من فوق لي تحت وبس
تقرب تقول ( يخسي )
بصراحة عاجبين تقلها وقرضمتها للاخر
عليك الله يا منصور خليها تقرض على كده
يعني ما تضحك لي اي زول
بالله عليك هسي واحد زي طارق جبريل بي صلعتو دي
يقوم ينادي مدرار تقوم تجيهو عادي كدا
حرام والله
لازم يكون في فرق ما بين ابو صلعة وابوصوفة
مدرار حبيبتي اللذيذة
بسمة عليك الله
| |
|
|
|
|
|
|
|
|
|
Re: ملائكة الزقازيقاب (Re: كمال الشادي)
|
إحتفالية بنجاح ميار الزيناتي وضحى أحمد إسماعيل في شاطيء نصف القمر بالدمام
من اليمين عهود موسى عيسى جلست لإمتحان الشهادة السودانية هذا العام نتمنى لها
تحقيق التفوق وتكون من الأوائل ، خامسةاللجنةفي إمتحان الأساس/ ميار الزيناتي والمتفوقة
ضحى أحمد إسماعيل والصغيرة المحمولة شفق أحمد وخلود موس ومرام موسى وفي الأمام صباح أحمد
| |
|
|
|
|
|
|
| |
عبد الحفيظ عباس
حنان مجمر
كمال الشادي
طارق جبريل
محمد صديق
أحمد إسماعيل
عفاف علي ميرغني
عمر نملة
عمر المهدى
عبد القادر بابكر
عبد الدائم سيد أحمد
سامي عبد الوهاب إدريس
Hatim Gubara
زهير الزناتي
حيدر حسن ميرغني
منصور عبد الرازق
فيس بوك
تويتر
انستقرام
يوتيوب
بنتيريست