|
|
|
 Re: صور نادي الشرطة (Re: زهير الزناتي)
|
هههههههههههههههه ، والله يا حاتم جبارة حليلك وحليل أيامك أيّام الباندا ، أتاريك عارف مستقبلك شكلو كيف ، والله تانى الباندا دى إلا تلبسا حجل فى كرعيك ، أها وأحمد عوض لافى العمة والله افتكرتوا د. حسن مكى واستغربتَ الزول ده علاقتو بى الزقازيق شنو؟ ، بجيك راجع يا زهير بالتعليق على بقية الصور .
| |
 
|
|
|
|
|
|
|
|
Re: صور نادي الشرطة (Re: زهير الزناتي)
|
يا عيد ... المفاجآت كتيرة ... رغم إنه الزول لمن يدي نظره عامة لموقع اللمة ... يشوف العدد بسيط ... بس الناس كتيرة شديد .. والصور عجيبة مرة واحدة ... خليكم قراب ..
يا عيد إنت والرشيد غالطتوني في الزول ساي ... الزول ده الرشيد ... في حد عند راي تاني ...
| |
|
|
|
|
|
|
|
|
Re: صور نادي الشرطة (Re: الرشيد بابكر)
|
لكن والله يا زهير بالغت فى اقبال بشير دى ..!!
بالجد صورتها مع هبانى اعادت شريط عجيب من الذاكرة
واصل يا حلو .. الظاهر حفلتكم دى حتكون محور سهرة الليلة فى حوش الكومندان ..
| |
|
|
|
|
|
|
|
|
|
Re: صور نادي الشرطة (Re: زهير الزناتي)
|
أبو الزوز أنا ما عرفت الزول ده....
لكن لمتكم كانت كاربة...لي زمن ما شفت الناس ديل...اقبال...هباني ...محمد الفاضل...بشير...و حتى قريبي عماد شريف...كلمته بالتلفون و لكني لم أراه منذ زمن طويل..
| |
|
|
|
|
|
|
|
|
|
Re: صور نادي الشرطة (Re: الرشيد بابكر)
|
يا ميسرررررررررررررررررررررررررررة
شفت الزول الكاتبين تحتو محمد الفاضل ده
معقول ده صاحبنا محمد الفاضل
الزول ما إتلحس
يا ألله
يا حليلك يا ود الفاضل
تحياتي لك إنت كنت تقرا هذا البوست
ولأيام الزقازيق معاك
| |
|
|
|
|
|
|
|
|
|
Re: صور نادي الشرطة (Re: كمال الشادي)
|
يا رشدي خلاص عفيناك .. بس المجال مفتوح للباقين لمعرفة هذا البيطري .. شبيه الرشيد ... بس رايك شنو في صورة محمد صديق وصالح ومحمد الهادي ... شفت الأولاد ديل مؤدبين كيف ... والله تقول قاعدين ياخدوا في حصة ....
يا شادي القوم ... حبابك ... محمد الفاضل لديه من النساء ثلاث .. عقبال الجميع .... ما تخافوا يا شباب أنا بهظر ساي ... وبعدين انا ذاتي دعوتي ما مقبولة ... كده كيف ....
والله اللحظة دي لو صادفت لحظة قبول الدعاء ... امانة ما إتمقلبتوا ... بس شايف في نفرين كده قاعدين يقولوا آمين ... واحد فيهم قال للتاني في واحد من البوستات تعال أديني أضانك عندي ليك كلام سر ... أكيد الكلام السر ده بتاع عرس .. كما لا يفوت علي فطنة القراء ...
| |
|
|
|
|
|
|
|
|
|
Re: صور نادي الشرطة (Re: زهير الزناتي)
|
أبو الزهور يا جميل ..
ماشاء الله صور روووعة ...
ابراهيم يوسف هباني ومعه الأخت الفاضلة الزميلة إقبال بشير
وجوه لم نسعد بطلتها منذ سنين الجامعة ..
وبعدين معاوية يحي ده متين عمل ليهو جلابية وعمة ؟؟؟؟
| |
|
|
|
|
|
|
|
|
|
Re: صور نادي الشرطة (Re: زهير الزناتي)
|
يا جبريلا قلت ليك .... صاحبني أحسن ليك .... عشان تآمن جانبي علي الأقل في المرحلة الحساسة من تاريخ الوطن ... والمنعطف التاريخي الذي تمر به الحركة الطلابية ... بالله تذكر الجملة الكاركتيرية دي في بيانات التنظيمات السياسية ... ما في بيان يخلو من هذه العبارة ... المنعطف التاريخي ... حركة الجن دي أصلوا ما لقت ليها منطعف قلبها ...
| |
|
|
|
|
|
|
|
|
|
Re: صور نادي الشرطة (Re: زهير الزناتي)
|
امانة ما جيت يا زهير
ده شنو ده
| Quote: يا شادي القوم ... حبابك ... محمد الفاضل لديه من النساء ثلاث .. عقبال الجميع .... ما تخافوا يا شباب أنا بهظر ساي ... وبعدين انا ذاتي دعوتي ما مقبولة ... كده كيف .... |
بقت ما مقبولة هسي دعوتك
اها يا رب دعوتك تصادف كل ابواب السما مفتوحة
وتقبل دعوتك ليك ولي وأوقول ليك حاجة وجمال فارح معانا إنشاء الله ماحد حوش
إنت خايف مالك تدعو الدعوة وتقعد تتلتف
ادعو في سرك اكان خايف
والله عالم جبانات بشكل
إنت ما بتعرف إنو ربنا بيسمع مناجاة العبد وأنينو وعذابو وأهاتو
وكلو ربنا سمعو
نسأل الله الاجابة
نسأل الله الاجابة
نسأل الله الاجابة
| |
|
|
|
|
|
|
|
|
|
Re: صور نادي الشرطة (Re: زهير الزناتي)
|
يا سلام على صور نادي الشرطة
صور كان فيها ناس من الزمن الجميل
على سبيل المثال ، هباني ، محمد الفاضل ، بشير على العبيد
مصطفى عجب سيدو ، محمد الهادي ، عماد شريف ، إقبال بشير ، شاويش ،صديق الصادق
الهادي كتير ، شبيه الرشيد .
حاجة تعجب شديد والأكثر إثارة حضور رجل الزقازيق الأول إبراهيم هباني - أنا جيت برلوم كان هو رئيس الأتحاد- فرصة
محمد الفاضل وده حكايته حكاية مالك يا ود الفاضل الحاصل شنو زي ما قال كمال الشادي إتلحست كده مالك ده كله علشان
تآمنو وتخلوا العرس الكتير ده ما قلنا ليكم ما تسمعوا كلام زهير الزناتي ده ، - محمد الفاضل يا ناس كان راجل صديقنا
وعزيز علينا شديد ، أذكر أيام زواجنا عمل لينا ود الفاضل عزومة عشاء في مكان راقي على النيل وكان ينصحني أمام منى ونحن
في شهر العسل بأن أفكر في الزوجه الثانية وقعد يسرح ويوصف فوائد وإيجابيات الزوجة الثانية ومنى يونس تطالع فيهو بإستغراب شديد
وصاحبكم سرحان في الوصف وكان في لحظات تجلي، يعني يا ود الفاضل كان سمعت نصيحتكم ديك كان طلعت في خبر كان.
| |
|
|
|
|
|
|
|
|
|
Re: صور نادي الشرطة (Re: ميسرة سيد أحمد)
|
يا شادي يا حبيب ....
إنتو الزول أصلوا ما يهزر معاكم ... وبعدين يا جماعة في ناس من المعارضة بيقروا معانا البوستات دي ... يعني لازم تحرجونا ... انا علي نفسي ضد التعدد مبدءأ وأحاربه محاربة سيدنا علي للكفار ... وحتي بالأمارة أسألوا أصدقائي البادي النور ومصطفي عجب سيدو ...
| |
|
|
|
|
|
|
|
|
|
Re: صور نادي الشرطة (Re: ميسرة سيد أحمد)
|
با ريس إنت راجل ملك والله .... وزي كده تمشي تحت الحيط ... لكن ناس كمال الشادي والمرجفون في المدينة ماعايزين يخلونا في حالنا ... رغم نحن الإثنين ... طالعين من بيت تعددي ... ونؤمن بالتعددية السياسية (وركز معاي يا ريس في حتة سياسية دي) ومعانا أخونا الكاشف رشيد القوم ... إلا إننا ضد التعددية في الزواج ... لكن يا ريس سؤال علي جنبه ... هل للضرورة أحكام ... أحب الجبنة ذاتو رغم إنه عندي ضغط ....
يا جماعة ما شفتوا لي الكوتش ....
| |
|
|
|
|
|
|
|
|
|
Re: صور نادي الشرطة (Re: زهير الزناتي)
|
زيزو كويس انك نزلت صورة مواجهة لكدام عشان البقابلو بعد كدا يعرفوا احنا اليوم داك كنا كلنا فى حالة ذهول سبحان الله الناس اشكلا بتتغير وزهير الزناتى نضف ولبس بدلة كمان
| |
|
|
|
|
|
|
|
|
|
Re: صور نادي الشرطة (Re: زهير الزناتي)
|
لاحظت شرف الدين لاعب معاي باك الحفلة كلها ... ويبدو إنه المسأله مقصودة ... وانا أصلاً من بدري الزول ده ما قاعد أحبه لأنه مقرب من المعارضة .... وهو أيضا من المرجفين في المدينة ...
| |
|
|
|
|
|
|
|
|
|
Re: صور نادي الشرطة (Re: زهير الزناتي)
|
زهير صباح الخير
على فكرة انا مع البت ميار انت عارفني من زمان انا بحبها جدا
في حكاية البدلة ووجييييييييييييه
طبعا وجيه في البدلة يا تعددي !!!
صاحبك جمال فارح
اتصل علي تلفون رائع من يومين
حاجة بتاعة ساعة ونص كده
خليهو يخلل الكلام القلانهو
وبعدين يجي يكتب
انا ما داير اسبقو واكتب قبليهو
الصور رائعة جدا
الحاجة التحزن في الصور أننا كبرنا
الناس رغم شوق السنين والاحضان
الا انو الحقيقية البتطلع من بين الصور أننا كبرنا
ملعون ابو الكبر ذاتو
والله انا ما كنت داير اكبر
لكن غصبا عني كبرت
بالله قول لي اعمل شنو يا ابشنب
بمناسبة اب شنب دي يا زهير
انا اعتقد وانا مؤمن بذلك
إنك لو حلقت شنبك راح تقع لا ورا زي ما قال طارق جبريل
لانو باين جدا انو شنبك متكلك لي قدام وعامل ليك توازن
ههههههههههههههههه
| |
|
|
|
|
|
|
|
|
|
Re: صور نادي الشرطة (Re: عبد الدائم سيد أحمد)
|
الاخ العزيز زهير
على موضوع التعددية
انا قصدي تعددية الزواج
مش التعددية السياسية
انت عارفني الشغلانة دي لا بحبها وهي بتحبني
يا أخي أحيانا آخدها من ناحية بالله لو حصل في شنو
واقعد افكر في اجمل النواحي الايجابية فيهو
تعرفي هي شنو إنك تلقى ليك واحدة شديدة
تخليك ما تفكر
لكن تقرر على طول
واحدة تشبه مثلا خلينا نقول باسكال مشعلاني
ما بتدبل ؟؟؟
والله مثلا حاجة من ريحة ليلى علوي مثلا
والله الواحد بيفكر ساعتها
واقول ليك
احسن حاجة تعملها تستخير
وطبعا نتيجة الاستخارة في موضوع زي ده معروفة
لكن ازا الواحد بيتزوج اتنين وثلاثة وبعدين بيتزعمط زي ود الفاضل
خلينا كده احسن
| |
|
|
|
|
|
|
|
|
|
Re: صور نادي الشرطة (Re: كمال الشادي)
|
الشادى وميسرة وزهير ..
انتو يا اخوانا مستغربين فى محمد الفاضل ..!! والله كبر ..!! واتزعمط ..!!
وما عارف شنو ..؟!
انتو قيلنا نوبة ولا شنو ؟؟ التقول محمد الفاضل ده فى الزقازيق كان الان ديلون ؟!!
انتو نسيتوا ..
ود الفاضل ده فى الزقازيق كان صلعتو اكبر من حقة حاتم جباره الهســه دى ؟!
الزول ده يا اخوانا لمن اتولد كان فى سن البلوغ ..!!
اها عاد كيفن يعنى ما يعرس تلاتة واربعة ..!!
زول محنك وخبرة تمام .. الزول ده يا ربى يكون صاحب عمنا المرحوم سيداحمد ابو الريس ؟؟ّ!
************
والله يا زهير من أجمل الشخصيات التى ظهرت فى الصور هو محمد الفاضل ...
هذا الشخص الدياليكتيكى والرومانتيكى والاستنفسياليكى الرهيب ( ومافى زول يطلب تفسير )
حقيقة كان هو مفاجأة حفلكم ..
بالله يا زهير نزل لينا تلفونو ... الزول ده رايحه لى ونسة طويلة معاهو
| |
|
|
|
|
|
|
|
|
|
Re: صور نادي الشرطة (Re: محمد عيد)
|
كمال الشادي .....
البوست ده في معارضة بتقراها ... ولن أصرح أكثر من ذلك ،، خاصة أن مليص الأضان في البرد حار ... والكفيت بيصن الأضنين ... وانا زول عندي ضغط ... وإضنيني أصلهم صانات ...
| |
|
|
|
|
|
|
|
|
|
Re: صور نادي الشرطة (Re: محمد عيد)
|
ياسلام يازهير صور جميلة والله وفي ناس كتار الواحد كان نفسو يشوفهم (اسفيريا على الاقل)
كتر خيرك والله
بس العجبني اكتر من الصور الحوار "المغطقت - من بطانية" بينك والشادي حول التعددية والتعددية السياسية
وربطت الموضوع بكلام كدة قريتو ليك وين ماعارف بحكاية المنعطف الخطير الذي تمر به التعددية قصدي الحركة الطلابية ووصفك لهذه الجملة بأنها كاركتير. وحيث اننا نمر الان "برتابة" نحو مرحلة تحول ديمقراطي "افهمنى" وقع لي كلامكم دا في جرح وبديت افكر فيه بأتجاه تكوين حزب جديد نخوض به هذا المنعطف الخطر.
المهم ولمزيد من النقاش حول الموضوع وفي ظل الغياب التام للمعارضة (انا على الاقل) هذه دعوة لتكوين مثل هذا الكيان الاصيل وديدننا وهادينا في ذلك تلك الرموز الخالدة التي مهدت لهذه العراقة واعني بذلك اعمامنا رحمةالله على من انتقل منهم للدار الآخرة وطولة العمر لمن هم بظهرانينا الاعمام (سيداحمد والد الريس) (وعمنا محمد عثمان الزناتي والد زهير) (وعمنا اسماعيل والد احمد)
-----
ولا نصير لانصار المعارضة ناس جلا ومن لف لفهم
(جلال مركب مكنة تعددية - قصدي تحررية)
--------
بالجنبة: زهير عليك الله ماتخلي المعارضة بتاعتك تقراء الكلام ده
حفاظا على سرية العمل النضالي
| |
|
|
|
|
|
|
|
|
|
Re: صور نادي الشرطة (Re: كمال الشادي)
|
Quote: واقعد افكر في اجمل النواحي الايجابية فيهو
تعرفي هي شنو إنك تلقى ليك واحدة شديدة
تخليك ما تفكر
لكن تقرر على طول
واحدة تشبه مثلا خلينا نقول باسكال مشعلاني
ما بتدبل ؟؟؟
والله مثلا حاجة من ريحة ليلى علوي مثلا |
يا شادي ياخي زهير ده بيهظر ساكت
إنت أخدت الموضوع بالجد وقاعد تحرش فيهو
والله تنط ليك إبتهاج هسى وبتلحقك ود الفاضل وأنحنا
كلنا بنتضامن معاها ،،،، آل ليلى علوي البقرة آل
وخلي بالك لمن كنا عند سامية وإتصلت على قيس جمال الدين
وقالت ليهو هاك كلم دي - المقود منى يونس - قال ليها منو قالت زوجة
عادل الجعلي الجديدة قال ليها ده كلام شنو والله أنا أجي أكتلوا ليك هسع
يا خي الموضوع فيهو موت وكتل وحاجات زي دي .
| |
|
|
|
|
|
|
|
|
|
Re: صور نادي الشرطة (Re: ميسرة سيد أحمد)
|
يا ريس ميسرة الجماعة هنا بقيادة خالدة قسم الباري محضرين الصبغة .... تقول لي عرس تاني ... شفت كمال الشادي عايز يدخلني في كمين وانا عمري كله بعمل في الكمائن للرشيد المسكين داك ....
| |
|
|
|
|
|
|
|
|
|
Re: صور نادي الشرطة (Re: زهير الزناتي)
|
| Quote: يا عيد برسل ليك تلفون محمد الفاضل ... بس وريني الصور وصلت ولا لسه ... |
مشكور يا حبيب ..
وصلت وجارى اعداد وارسال التقرير للجهة التى طلبت فى ايميلك ..!!!!
| |
|
|
|
|
|
|
|
|
|
Re: صور نادي الشرطة (Re: زهير الزناتي)
|
يا ابو الجل سلامات ...
انا زول بعمل كمائن من زمان ... يعني زي كمينك ده ما بيمشي فيني ... خاصة وإنت حليف قديم وراسخ للمعارضة بتاعتنا ... ونظام الدردقة لكشف الخطط والرؤي المستقبلية للمنعطفات الخطيرة .... ما بنفتوا .. يسمكم ... أمشي يا زول أعمل تحالفاتك دي بعيد ... مع ناس كمال الشادي وبقية المرجفين ... ونحن سياستنا المعلنة .,,, واضحة نعم للتعددية في كل شئ ... إلا في هذا الموضوع ... اما عن السياسات السرية ... فدي أسرار عليا لا يطلع عليها إلا الحلفاء ... الذين لا تحوم حولهم شبهات إنهم غواصات ... بعدين ما تنوم قفا كده ... وتفت آخرك ... وحات سيدي الحسن ... المرجفون ديل يشيلوا الكلام إبره في خيط ويودهوا للجماعة .... وبعدين انا بهظر وما كنت قاصد ما بتحل من الكفيت ومليص الإضنين في البرد ده ....
| |
|
|
|
|
|
|
|
|
|
Re: صور نادي الشرطة (Re: زهير الزناتي)
|
يا عبد الدائم شكراً علي الأغنية الجميلة ... وكعهدك دائماً ... تبحث عن الدرر ...
وعليك الله كتر لينا من عثمان مصطفي دا ... (دي علي طريقة واحد صاحبي بعرفوا براي)
علي جنبة :
مشتاقين ..
| |
|
|
|
|
|
|
|
|
|
Re: صور نادي الشرطة (Re: زهير الزناتي)
|
يا بكري ... فتشت مداخلتك لقيتها بعد تعب .... أما التعليق فهو متروك لأصحاب الشأن ... قلنا ليكم يا جماعة نحن الكمائن دي ما تنفع معانا (اها انا الليلة عندي جن إسمه الكمين)
| |
|
|
|
|
|
|
|
|
|
Re: صور نادي الشرطة (Re: زهير الزناتي)
|
والله يازهير لقيتك شفت شفتنة
غايتو دي مرقت منها والليلة غداك بكون مكرب عرفاناً لاستراتيجيكم المعلنة
غايتو فقدنا كادر ماساهل ابداً
نقوم نطرح لي ناس تانيين
يلا علينا جاي
| |
|
|
|
|
|
|
|
|
|
Re: صور نادي الشرطة (Re: زهير الزناتي)
|
يا محمد عيد
الله يجازيك
لي زمن طويل ما ضحكت كده
آخر مرة ضحكت ضحكة زي كانت أيام مربا فجوركي بتاعة عبد الدائم وحكاية السني مع الدناقلة الوهم !!
عارف يا محمد عيد
ود الفاضل فعلا كان اكبر من الدفعة الجاي معاها وكل الدفعات الكانت في الزقازيق
والراجل فعلا إتزعمط لكن هل الزعمطة هي من فعل الزواج أم من فعل الزمن أم من فعل الكفيت البين الاضنين بتاع زهير الله اعلم
بس بصراحة يا أخي الراجل كان مداقرنا انا وأخوي الكاشف ميسرة خصوصا انو الراجل كان متخصص في البرلومات
وكان عندو مغربات وبرامج إنتخابية محترمة
وعارف من اين تؤكل الكتف
صحيح ما كان الن ديلون ولا كاظم الساهر ولا حتى عماد شريف
لكن كان مسجل حضور دائم في بيوت الطالبات
عامل زي حضور محمد صديق كلما يكتب مداخلة يقول ليك نظام متاوقة وبمشي وبجيكم
اما ثلاث زوجات فالرجل يا محمد عيد يستحق فيها لرفع القبعة وكل القبعات المدخرة للزمن الجميل القادم
فما قام به الحاج متولي محمد الفاضل عمل بطولي
طبعا في ثوابت في الحياة بالنسبة للواحدة او الاربعة أو العشرة
واهمها وانا هنا سيريس يا محمد عيد
مسألة تغطية نفقات الحياة
فالحديث الشريف واضح ( بالنسبة للاولي لاحظ - من إستطاع منكم الباءة فاليتزوج )
طبعا الباءة المادية لناس كتيرة في السودان الحالي على شاكلة ود الفاضل لا تمثل تهديدا للحياة !!!!
فلو رفعنا شعار نعم للتعدية في ظل عدم الخوف من تغطية النفقات المادية
أو في ظل وجود ( ثالث ) يدفع تلك النفقات )
على الطلاق في مليون واحد معانا في البوست راح يدبلو ويتلتو ويربعوا
ويا زهير لو ما سمعت اسمع ....
باسكال مشعلاني تستحق الكفوف وجرير الاضنين
وليلى علوي تستاهل الشباشب وخصوصا الناشفة منها في نص الراس
بشرط
وجود طرف ( ثالث !! ) يدفع عنك الباءة المالية
هههههههههههههههههههههههههههه
Quote: Quote: الشادى وميسرة وزهير ..
انتو يا اخوانا مستغربين فى محمد الفاضل ..!! والله كبر ..!! واتزعمط ..!!
وما عارف شنو ..؟!
انتو قيلنا نوبة ولا شنو ؟؟ التقول محمد الفاضل ده فى الزقازيق كان الان ديلون ؟!!
انتو نسيتوا ..
ود الفاضل ده فى الزقازيق كان صلعتو اكبر من حقة حاتم جباره الهســه دى ؟!
الزول ده يا اخوانا لمن اتولد كان فى سن البلوغ ..!!
اها عاد كيفن يعنى ما يعرس تلاتة واربعة ..!!
زول محنك وخبرة تمام .. الزول ده يا ربى يكون صاحب عمنا المرحوم سيداحمد ابو الريس ؟؟ّ!
************
والله يا زهير من أجمل الشخصيات التى ظهرت فى الصور هو محمد الفاضل ...
هذا الشخص الدياليكتيكى والرومانتيكى والاستنفسياليكى الرهيب ( ومافى زول يطلب تفسير )
حقيقة كان هو مفاجأة حفلكم ..
بالله يا زهير نزل لينا تلفونو ... الزول ده رايحه لى ونسة طويلة معاهو |
|
| |
|
|
|
|
|
|
|
|
|
Re: صور نادي الشرطة (Re: طارق جبريل)
|
أبو الزوز ...قيافة و فايت الناس مسافة......خلي بكري يجي يقول محلبية....
تليشة:
انت محمد عيد قال منو الان ديلون....كان انت كلامو صاح...
| |
|
|
|
|
|
|
|
|
|
Re: صور نادي الشرطة (Re: الرشيد بابكر)
|
| Quote: انتو ود الشادي دة ماله يهاتي بالعرس كدة زي الطشمنجي المفطوم من العرقي |
والله يا جبريلا لكن تمثيلك رهيييب
ياخى ضحكت لامن داير اقع من الكرسى
بس ربك حميد الكرش التقيلة عملت بلانص لى قدام ..!!
&&&&&&&&&&&&&&&
| Quote: انت محمد عيد قال منو الان ديلون....كان انت كلامو صاح... |
فاتن حمامة رووووق ..!
بالمناسبة الليلة القعده وين ؟؟
عندك ولا عند الكوتش ؟
دايرك تحنس معاى طارق جبريل ده يجى علينا بعدين
| |
|
|
|
|
|
|
|
|
|
Re: صور نادي الشرطة (Re: محمد عيد)
|
صور جميلة وروعة وناس طولنامن
شوفتهم يا سلام عليك يا زهير الله يبارك فيك
أوصيك وصية!!
أنسى كلام أخوك كمال الشادي ده وأفهم كلام ميسرة
| |
|
|
|
|
|
|
|
|
|
Re: صور نادي الشرطة (Re: مني يونس)
|
عزيزنا الزناتى
مساء الخير
اللمة مباااااالغة ، وانا حسى ممغوسه عشان ما حضرت ، لكن الجايات اكتر من الرايحات
واللة يا الزناتى كله كوم والبدلة كوم ، يعنى 10 من 10
| |
|
|
|
|
|
|
|
|
|
Re: صور نادي الشرطة (Re: مشاعر بدوي)
|
والله يا طارق جبريل
رغم الضحك الداير يشرطني عديييييييييل
| Quote: زي الطشمنجي المفطوم من العرقي |
الا إنها فرقت معاي
وخليك عارف
انا لابت ليك
أوعي تديني فيك فرصة
اوعى
| |
|
|
|
|
|
|
|
|
|
Re: صور نادي الشرطة (Re: كمال الشادي)
|
Quote:
انتو يا اخوانا مستغربين فى محمد الفاضل ..!! والله كبر ..!! واتزعمط ..!!
وما عارف شنو ..؟!
انتو قيلنا نوبة ولا شنو ؟؟ التقول محمد الفاضل ده فى الزقازيق كان الان ديلون ؟!!
انتو نسيتوا ..
ود الفاضل ده فى الزقازيق كان صلعتو اكبر من حقة حاتم جباره الهســه دى ؟!
الزول ده يا اخوانا لمن اتولد كان فى سن البلوغ ..!!
اها عاد كيفن يعنى ما يعرس تلاتة واربعة ..!!
زول محنك وخبرة تمام .. الزول ده يا ربى يكون صاحب عمنا المرحوم سيداحمد ابو الريس |
يا محمد عيد والله أحييك وأحيى أبو السخرية ذاتو ، وصدقت فى حتّة إنو محمد الفاضل ده من يومو كبير ، يعنى حكاية إتزعمط دى تتقال لى حمدى الفضلى ، لى هانى برعى ، لى محيى الدين عبدالستار ، لى منصور "دى وحات الله من ورا قلبى حبيت أضمو للتشكيلة الراقية دى" ، وبعدين يا يابا إتزعمط حاتم جبارة الشفناهو رابط بانداتو الما خمج بينما أنا شخصياً شفت محمد الفاضل بى صلعتو المميزة والتى ساعدت فى تعيينه مدير لمنتزه المقرن عقب تخرجه مباشرةً ، ومنتزه المقرن على أيامو كان أحد المعالم التى لاتكتمل زيارتنا للخرطوم دون زيارته لنعود لمدنى ونحكى عنه ونكمل بعض الحكو من الخيال ، يعنى بى إختصار ونسبةً لمكانة منتزه المقرن ما أظن إعينوا ليهو مدير صغير فى السن ، وأغلب الظن أنه يشترط فى من يتقلد هذا المنصب أن يكون عمره أكبر من عمر المنتزه وبالتالى لم يتسن له اللهو داخله.
| |
|
|
|
|
|
|
|
|
|
Re: صور نادي الشرطة (Re: أبوبكر حامد الأمين)
|
أخخخخخخخخخخخخخخخخخخخخخخ
يا أخي عورتنا
إنت عميان والله شنو
ما تفتح يا أخي
الاخ العزيز ابوبكر
شوتك ضفاري عدييييييييييييييييييييييل
| Quote: بينما أنا شخصياً شفت محمد الفاضل بى صلعتو المميزة والتى ساعدت فى تعيينه مدير لمنتزه المقرن عقب تخرجه مباشرةً ، ومنتزه المقرن على أيامو كان أحد المعالم التى لاتكتمل زيارتنا للخرطوم دون زيارته لنعود لمدنى ونحكى عنه ونكمل بعض الحكو من الخيال ، يعنى بى إختصار ونسبةً لمكانة منتزه المقرن ما أظن إعينوا ليهو مدير صغير فى السن ، وأغلب الظن أنه يشترط فى من يتقلد هذا المنصب أن يكون عمره أكبر من عمر المنتزه وبالتالى لم يتسن له اللهو داخله. |
شفت الاقتباس ده شديد كيف يا فرده
| |
|
|
|
|
|
|
|
|
|
Re: صور نادي الشرطة (Re: كمال الشادي)
|
العزيز ابوبكر
يا أخي أنا جهزت ليك ود الفاضل لي محمد عيد قام شات غلط وقعد يتريق علي مع طارق جبريل لغاية ما ضربت ليهو وقلت ليهو انت فهمت غلط
هاك الباص ده وعايزك تردو حلو نظام ون تو
Quote: (1) فلو رفعنا شعار نعم للتعدية في ظل عدم الخوف من تغطية النفقات المادية
أو في ظل وجود ( ثالث ) ( يدفع تلك النفقات )
(2) بشرط وجود طرف ( ثالث !! ) يدفع عنك الباءة المالية
|
ابوبكر الشباب الوهم ديل ماعرفو انا بقصد منو بالطرف الثالث
اوعى تخزلني !!!
| |
|
|
|
|
|
|
|
|
|
Re: صور نادي الشرطة (Re: كمال الشادي)
|
ياوليدات عيد والمأذون وجبرين..
شغلكم نضيف.. كيفتوني..
يا بكوري لو عارف مستقبلي كدا..
كان افتريت اكتر..
ولبست الحجل..
ويمكن حلق كمان..
يا وهم..
أبوالزوز.. متألق زي موسي عيسي في البوست البره..
يا توته.. كان يوم ولا الأحلام..
| |
|
|
|
|
|
|
|
|
|
Re: صور نادي الشرطة (Re: Hatim Gubara)
|
يا حاتم جبارة
سلامات
معليش عشان اعرف احرق معاك من هنا وغادي
صورتك الخاتيها في البروفايل دي
كلما اقول اكتب ليك والله ارد عليك توقفني
اذا ما فهمتها
حا اتعب شديييييييييييييييييييييييييييد اذا استمر الوضع معاي كده .. يعني واحد ما فاهم
ارجوك فهمني
دي منو
ولي شنو
وكيف
ومتي
وليه
وكل الاسئلة من عندي والاجابات من عندك
| |
|
|
|
|
|
|
|
|
|
Re: صور نادي الشرطة (Re: كمال الشادي)
|
الاخ ابوبكر
تحية وإحترام بصفتك أستاذي
ممكن تكمل جميلك
عايزك تشرح لي بهدوء وخطوة خطوة
اشرح ليك كيف اخت صورة في البروفايل
لان شرح بكري ابوبكر ما فهمتو
وشرحك ممتاز يا استاذ ابوبكر
انا في انتظارك
| |
|
|
|
|
|
|
|
|
|
Re: صور نادي الشرطة (Re: كمال الشادي)
|
ود الشادي يا لفيف
الله يقلعك زمان كنت راسي والجكس فيك زي الضبان
هسي مالها مكنتك خفت كدي
بروفايل حاتم جبارة دة
والدتنا الراحلة احسان ام حاتم ايام الصبا
الله يرحمها كانت زولة ما ساهلة كله كله
تليشة:
قلتلي لابدلي
تلقاها عند الغافل يابا
| |
|
|
|
|
|
|
|
|
|
Re: صور نادي الشرطة (Re: طارق جبريل)
|
الشادي يا عسل..
الصوره كان عجبتك.. بنتي ساره الخالق الناطق..
جهز ليهاعريس من اولادك..
جبريلا.. خفتك دي ما داير تخليها?
هسي الشادي سألك..
| |
|
|
|
|
|
|
|
|
|
Re: صور نادي الشرطة (Re: Hatim Gubara)
|
ياسلاآآآم يازهير وكل من إجتهد معاك
والله لمـة زينة وعجباني
وشادينا دة ماشآء الله عنده طاقات كامنة وإبداعات كثيرة
لامين وتامين وربنا مايحرمنا من ناس حلوين زي دة
| |
|
|
|
|
|
|
|
|
|
Re: صور نادي الشرطة (Re: Hatim Gubara)
|
يا حاتم جبارة
الحمد آلاف الشكر آلاف
ما لك يا زول عايز تورطني معاك
هو انا خلصت من شقي الحال اللسمو طارق جبريل لمن تطلع لي انت
الحمد لله الذي جعل بيننا ناساً خفافاً ( رأيك شنو في التنوين ده ) يا حاتم
والخفيف هنا مقصود بيهو اب رويسا زي قدح الملاح الفاضي ده
الولد المسنوح اللافي في البنادر مع ناس أمير المؤمنين
كده يا حاتم بعد ما عرفت الصورة وكنت عايز تسرح بي
كده الواحد يعرف يتعامل معاك ويحرق مزبوط
ويا جبريلا أخوك لسه راسي وتقيل وحاتك
بس الجكس زي الضبان دي إنتهت بس لانو معاي
ام كريم شايلا مقشة كبيرة بتنهر بيها الضبان من حولي !!! هههههه
ومكنتي ماخفت ولا حاجة
هو العرس كعب والله شنو
طبعا الحتة دي إنت بتفتي فيها بي راحتك لانو زوجتك ما بتفهم كلام السودانيين
لكن ليك على انا زوجتي اصولها مغربية
اترجم وارسل لي مرتك رأيك شنو
يا الله دق صدرك وقول لي
انت معانا والله مع الحكومة في مسالة التعددية دي ؟
| |
|
|
|
|
|
|
|
|
|
Re: صور نادي الشرطة (Re: كمال الشادي)
|
الكريم بن الكريم احمد اسماعيل
تحية واحترام
إنحناءة ورفع القبعة لكم
انا يا زول عامل ليك ملف خاص في سطح المكتب عندي في الكمبوتير اسمو احمد اسماعيل
بعمل كوبي وبيست للحاجات الحولة اللي انت قاعد تكتبها
والله بتنشر حاجات رائعة الواحد بيستفيد منها كل الاستفادة
الله يديك العافية
على فكرة كنت بتكلم مع مجموعة من الاخوان
على فكرة لمة رائعة لناس الرياض مرة تانية
بس خلي منصور يرجع من السودان ونجتمع كلنا نتناقش تاني
رأيك شنو ؟
| |
|
|
|
|
|
|
|
|
|
Re: صور نادي الشرطة (Re: كمال الشادي)
|
صور حلوة ...
وتعليقات ومحاورة بين اولادنا .... احلي ...
يعطيكم العافية ... مستمتعين
انتو "تعددية" يعني شنو ...
دقيقة يا ام أحمد ... جايك ...
| |
|
|
|
|
|
|
|
|
|
Re: صور نادي الشرطة (Re: ياسر نجيلة)
|
الاستاذ المبجل ياسر نجيلة
تحية وإحتراما
كلمة " تعددية " تعني لغةً التعدي ولايقصد بها هنا التعدي في حقوق الغير
حيث يقول صاحب مختار الصحاح أنه يقصد بها التعدى أي اللحاق بالشيء أو الشخص ثم سبقانه
والتاة المربوطة في آخر الكلمة زائدة لزوم ما يلزم
وجاءت في رواة الشعر العربي القديم
تعدد من فات منا عديد
ماعداك يعد يامن تعددا
يا أخوانا الزول الاسمو يا سر نجيلة ده زول ضلالي ساكت
امبارح انصاص الليالي متصل على تلفون وبيسألني
" إنتو موضوع الميسار ده في السعودية وضعو معاكم شنو "
قمت إعتذرت منه
لاني ما بفهم في قطع الغيار الالمانية
| |
|
|
|
|
|
|
|
|
|
Re: صور نادي الشرطة (Re: ياسر نجيلة)
|
الاستاذ المبجل ياسر نجيلة
تحية وإحتراما
كلمة " تعددية " تعني لغةً التعدي ولايقصد بها هنا التعدي في حقوق الغير
حيث يقول صاحب مختار الصحاح أنه يقصد بها التعدى أي اللحاق بالشيء أو الشخص ثم سبقانه
والتاة المربوطة في آخر الكلمة زائدة لزوم ما يلزم
وجاءت في رواة الشعر العربي القديم
تعدد من فات منا عديد
ماعداك يعد يامن تعددا
يا أخوانا الزول الاسمو يا سر نجيلة ده زول ضلالي ساكت
امبارح انصاص الليالي متصل على تلفون وبيسألني
" إنتو موضوع الميسار ده في السعودية وضعو معاكم شنو "
قمت إعتذرت منه
لاني ما بفهم في قطع الغيار الالمانية
| |
|
|
|
|
|
|
|
|
|
Re: صور نادي الشرطة (Re: كمال الشادي)
|
خطأ مطبعي
انا اتذكر سألني ياسر نجيلة عن حاجة إسمها .. اسمها ... اسمها شنو يا ربي
ايوه المسيار
ولمن فتشت في الجوجل بالليل عرفت إنها كلمة في الاصل المانية
وهي ماركة قطع غيار وزي ما قلت ليكم انا ثقافتي في الاصل إيطالي
| |
|
|
|
|
|
|
|
|
|
Re: صور نادي الشرطة (Re: كمال الشادي)
|
كمال الشادي يالذيذ ...
تعددية .... مثني وثلاث ورباع ... محمد الفاضل ... ابهات ميسرة وزهير الزناتي وطارق جبريل وأحمد اسماعيل ومن لف لفهم ... جلال عثمان: اننا نمر الان "برتابة" نحو مرحلة تحول ديمقراطي "افهمنى ... ويجي يختمها كمال الشادي يختها عديل "اسبيرات ألمانية" المسيار ...
اها يا أم أحمد ... انا من اليوم ده "مفارق" الكمبيوتر ... فراق الطريفي لجملو ... او كما قال زهير الزناتي: " الكفيت ومليص الإضنين في البرد ده ما بنقدر عليهو ..."
| |
|
|
|
|
|
|
|
|
|
Re: صور نادي الشرطة (Re: ياسر نجيلة)
|
ياسر نجيلة الحلو
اسمع انا إقتكرتك من حزب ناس ميسرة
لقيتك من حزبي انا وزهير
اصلو انا وزهير الزناتي من حزب ال | Quote: " الكفيت ومليص الإضنين في البرد ده ما بنقدر عليهو ..." |
ما تسمع الكلام البنقول فيهو في النت ده
انا وزهير ومعانا اعضاء إشترطوا عدم ذكر اسمائهم بنعمل إجتماعاتنا في إحدى غرف البالتوك فيما يخص
حزب الكفيت ومليص الاضنين
امبارح بالليل زهير الزناتي اتصل على في امر هام وقالي
" أفو أفو يا كمال الشادي الزول ما طلع عضو ناشط صاحبك ياسر نجيلة ، سجلو وأديهو عضو مجلس إدارة "
| |
|
|
|
|
|
|
|
|
|
Re: صور نادي الشرطة (Re: كمال الشادي)
|
يانجيلةوالشادي وزهير
الموضوع البتتكلموا فيه شيق
وذلك لأن (كل الممنوع مرغوب) حتى
إذا كان المانع بت الشيخ
علشان نواصل نعمل زي جلا 00 أقصد الثعلب
يقال ان الثعلب في جو برد قارس وجد ليه
كوم بتاع ملابس قام إختار قميص مقدد ولبسه
ليقيه من البرد وترك الملابس السليمة فسألوه
ليش إخترت هذا القميص المقدد؟
قال ( هذا قميص الرجال البيحمل الدبار لو زروك بجاي تطلع بجاي)
كما قال أخونا طيب الذكر (اي زول مامع التعددية عنده فيه راي)
وكت زروه إستخدم مخرج كبير وإتخارج.
والتصريف جوزو خنس
| |
|
|
|
|
|
|
|
|
|
Re: صور نادي الشرطة (Re: أحمد إسماعيل)
|
ياشادي القوم
اللمة المزمعة لناس الرياض والله معاكم
قلبا وقالبا خاصة لمن تكون بدعوة من حضراتكم
بس ربنا يرجع لينا حبيبنا منصور بالسلامة
مليان بطيبة وفرحة الأهل بالوطن السوء الدان
| |
|
|
|
|
|
|
|
|
|
Re: صور نادي الشرطة (Re: أحمد إسماعيل)
|
الراجل الكلس احمد اسماعيل
تحية وحب
وبعد
حاجتين يمنعونا من مناقشة اي لمة لي ناس الزقازيق في الوقت الحالي
غياب زعيم الرياض منصور عبد الرازق
والحاجة التانية البرد المطلع عينا ده
يا أخي السنة دي البرد ده جا من وين
الله لا كسبو
| |
|
|
|
|
|
|
|
|
|
Re: صور نادي الشرطة (Re: كمال الشادي)
|
سلامات يازهير كل سنه وانتوا طيبين
الصور ماتقول لي حاجه رهيبه عديل كدا والله شهيتونا نجي السودان ونعمل لمه زي دي لازم
وانت قاشر بالبدله كدا مع انك منظر كويس في موضوع محمد الفاضل دا لكن برضو تخوف هييييييييي يازهير ارجع زي زمان وكنت ماليك في البدل دي
ياميسره الحمدلله منى حدرت ليكم لوكان سمعت نصيحة محمد الفاضل كان ود الجعلي دا الا يجيبوا ليك في جده بريمان ماتقدر تصلها
محمد الفاضل بالمناسبه قريبي جدا ازنكم معاكم اقطعوا زي ماعايزين فيهو اصلو هو راجل روحه رياضيه ويحب الضحك والتعليقات والحياه ماخدها ببساطه تحياتي يابن الخال
عماد شريف والله زمان وين المقطوعات الموسيقيه الرهيبه وكيف العروسه وامها
والتحايا للكل والله سعدنا شديد بشوفتكم وربنا يجمعنا في ساعة خير ومزيدا من التواصل ان شاء الله
| |
|
|
|
|
|
|
|
|
 Re: صور نادي الشرطة (Re: حنان مجمر)
|
سجمي يا ود جبارة بقيت لمن صلعتك تولع نور 000 !!!!!!
قوام ترجع لي بانداتي الثلاتة !!!(( اتريك كنت قاشر سااااااي))
ولا عزاء للسيدات!!!!!
زهير يابدلة 00 اشوفك لبست ثياب التعددية !!!!!
صور في منتهى الروعة والجمال 000
| |
|
|
|
|
|
|
|
|
|
Re: صور نادي الشرطة (Re: عفاف علي ميرغني)
|
| Quote: ياميسره الحمدلله منى حدرت ليكم لوكان سمعت نصيحة محمد الفاضل كان ود الجعلي دا الا يجيبوا ليك في جده بريمان ماتقدر تصلها |
كلام صاح يا بت مجمر ،،، بس الحقيقية ود الفاضل
راجل حبوب شديد وفعلاً روحه رياضية وكنا نمازحه بأكثر
من ذلك وكانت البسمة لا تفارقه أبداً ويتقبل من كل شئ
وقد حافظ على صداقتنا معه لسنين طويلة ،،، الله يطراه بالخير
| |
|
|
|
|
|
|
|
|
|
Re: صور نادي الشرطة (Re: ميسرة سيد أحمد)
|
Quote: سجمي يا ود جبارة بقيت لمن صلعتك تولع نور 000 !!!!!!
|
يا فافي النور الفوق دا هاله..
بيعكس الدواخل الرائعه..
عايني منور فوق شبكش برضو..
مشتاقين.. وين الحاج المركلس..
| |
|
|
|
|
|
|
|
|
|
Re: صور نادي الشرطة (Re: Hatim Gubara)
|
| Quote: انتو ود الشادي دة ماله يهاتي بالعرس كدة زي الطشمنجي المفطوم من العرقي |
يا جبريلا .... أديكم الخبر اليقين ... انا عندي رخصة بتاعت دبل .... يعني لو عايز أعرس تاني دربي أخضر وسالك ... بس انا ما عايز إستخدم الرخصة دي ... يمكن مؤقتاً .... لكن لي قدام ما معروفه الظروف .... اها يجي راجل ويقول زي الكلام ده ....
| |
|
|
|
|
|
|
|
|
|
Re: صور نادي الشرطة (Re: Hatim Gubara)
|
Quote: أبو الزوز ...قيافة و فايت الناس مسافة......خلي بكري يجي يقول محلبية....
|
يا رشدي صاحبك محمد المرتضي قال عايز باسويرد عشان ناس المحلبية ديل غايتو شد حيلك ... هو مروسكم إنت ، صلاح الأمين ، منصور ، زينب التجاني في المرحلة الأولي حسب خطته ... وقال عايز يعمل تحالف مع الشرامة في البوست حسب تعبيره .... جلا وبكري وآخرين لم يفصح عن أسماءهم ...
| |
|
|
|
|
|
|
|
|
|
Re: صور نادي الشرطة (Re: Hatim Gubara)
|
Quote: صور جميلة وروعة وناس طولنامن
شوفتهم يا سلام عليك يا زهير الله يبارك فيك
أوصيك وصية!!
أنسى كلام أخوك كمال الشادي ده وأفهم كلام ميسرة |
يا مني اليتيم ما بيوصوا علي البكا
| |
|
|
|
|
|
|
|
|
|
Re: صور نادي الشرطة (Re: Hatim Gubara)
|
Quote: اللمة مباااااالغة ، وانا حسى ممغوسه عشان ما حضرت ، لكن الجايات اكتر من الرايحات
واللة يا الزناتى كله كوم والبدلة كوم ، يعنى 10 من 10 |
توته يا توتة ما خلصت الحدوتة .... الحواديت قادمات خليك قريبة ...
| |
|
|
|
|
|
|
|
|
|
Re: صور نادي الشرطة (Re: Hatim Gubara)
|
Quote: ياسلاآآآم يازهير وكل من إجتهد معاك
والله لمـة زينة وعجباني
وشادينا دة ماشآء الله عنده طاقات كامنة وإبداعات كثيرة
لامين وتامين وربنا مايحرمنا من ناس حلوين زي دة |
أحمد إسماعيل شدو حيلكم وأعملوا واحدة كاربة في الرياض بعد عودة منصور ...
| |
|
|
|
|
|
|
|
|
|
Re: صور نادي الشرطة (Re: زهير الزناتي)
|
| Quote: يا جبريلا .... أديكم الخبر اليقين ... انا عندي رخصة بتاعت دبل .... يعني لو عايز أعرس تاني دربي أخضر وسالك ... بس انا ما عايز إستخدم الرخصة دي ... يمكن مؤقتاً .... لكن لي قدام ما معروفه الظروف .... اها يجي راجل ويقول زي الكلام ده ... |
الرجاله تطير يا خوي..
ما تطلع لينا معاك رخصه..
إن شاءالله مؤقته..
| |
|
|
|
|
|
|
|
|
|
Re: صور نادي الشرطة (Re: زهير الزناتي)
|
Quote: وانت قاشر بالبدله كدا مع انك منظر كويس في موضوع محمد الفاضل دا لكن برضو تخوف هييييييييي يازهير ارجع زي زمان وكنت ماليك في البدل دي
|
مش كده يا حنان قالوا النسي قديمه تاه ....
| |
|
|
|
|
|
|
| |
زهير الزناتي
محمد عيد
الرشيد بابكر
أبوبكر حامد الأمين
مجتبي فاروق
كمال الشادي
عبد القادر بابكر
طارق جبريل
ميسرة سيد أحمد
عبد الدائم سيد أحمد
جلال عثمان
مني يونس
مشاعر بدوي
Hatim Gubara
أحمد إسماعيل
ياسر نجيلة
حنان مجمر
عفاف علي ميرغني
فيس بوك
تويتر
انستقرام
يوتيوب
بنتيريست