|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: منصور عبد الرازق)
|
Quote: كان بسبب سؤال معتصم جعفر ورعايته وحرصه على برلوم معانا (امدرمانى من بيت المال برضو ) وهو زميلنا المختفى من ايام التخرج والعرفت بالصدفة مؤخرا انو فى امريكا او كندا ما عارف اخونا كمال جابر ود بيت المال (تتذكروهو يا كمال الشادى وميسرة ومعتصم ؟؟) كان معتصم سنيرا مميزا بشاله اللابسو طوالى داك |
يا سلام يا منصور كيف ننسى الزول الرائع الإسمه كمال جابر
أنا دلوقتي شايفه أمامي بنفس الشكل القديم بتاع الزقازيق
والآن فهمت معرفتنا اللصيقة مع الريس معتصم كان هناك رابط
هو ود أمدرمان كمال جابر بصراحة أنا كنت ناسي النقطة دي ،،،،
يا ريس لو عندك أخبار عن هذا الإنسان الزقازيقي المهذب أكتب لينا
عنوانه هاتفه أي معلومة عندكم.
| |
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: كمال الشادي)
|
نكت الصورة الأخيرة دي من وين
طبعاً الريس معتصم غير مطالب بهذه الصورة
يميناً شخصي وفي الوسط كمال الشاد والأخير أخي عنتر
وكان في زيارتنا بالزقازيق وحضر من السعودية ،،،،،
ومنها ذهبنا إلى إسكندرية وقضينا كل الصيف وكان مستقرنا
لسنوات طيولة (الإبراهيمية- 35 شارع الأندلس سوق شيديا)، أنا
أخدت العنوان ده من كمال الشادي بس ما عارف كيف لحدي دلوقتي هو حافظه.
| |
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: كمال الشادي)
|
لا حولاااااااااااااااااااااااااااااااااااااااااااااا يا كمال الشادي يا مقطوع الطاري ياخي يمين انت زوووووووول ما نصيح كله كله يا ود الشادي الله لا كسبك ضُمة ضُمة الرسول دي نكتها من وين ياخي يمين انت زول تقول بتاع أمن
يا ريس معتصم ياخي انا يدي واجعاني يا تعال قول ما عرفت الناس دي خليني انداح هنا
ود الشادي جملة الايمان انت ماك نصيح شي
| |
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: طارق جبريل)
|
يا جماعه انا ديتكم اجابه لكن شحتفة ودجبريل فى الغربه ما بتندار , ضو اخضر زرعى للجميع من الناس الفى الصور الاولى زاهر الصادق 3 وناجى عبدالحى لازى الباب وعماد شريف وجمال دفعه محمد عيد الاناقه تتوسط الشادى والفارح اما بت حسب الرسول فهى رفيده كده تمام يا شادى اما سبب معرفتى بشله بيطره فقد كانت تربطنى بهم صداقه جميله جدا وما احلى كباية الشاى فى لاكوز بالمغارب كيتا فى ناس زراعه وبيطره!!
| |
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: محمد عيد)
|
يا ريس معتصم كان دى اجاباتك صدقنى حتسقط فى الانتخابات
يا اما فى زول قاعد يغشغشك ( بتشف منو ) واجاباتو نصها غلط وانت تنقل بضبانتا
فى ناس انت اصلا ما حضرتهم ذى احمد عوض ورحاب الخواض
اما زبيدة حسب الرسول وليست رفيدة دى ناس تربية زاتم ما بعرفوها لانها من الشخصيات المختفية وهى دفعة ناس حامد الحبر وفش
ويا طارق جبريل صور بيطرة الاولانيات هى لخريجين 84 م وديل انت ما حضرتهم
| |
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: ميسرة سيد أحمد)
|
الزميل أحمد تكه من أبناء عطبرة وتعرفنا به حين كنانزور صلاح الشوش - كلية تجارة- بالشقة في الوسط الأخت المهذبة الرقيقة جداً إيمان أبو بكر - صيدلة - وكانت تعزف جيتار ماجدة - كلية بيطرة - وكانت صديقة أختنا عزة عباس كلية آداب .
بعد إذن الريس معتصم هذه الصورة يا كمال ذكرتني حادثة
جميلة ومؤلمة في آن واحد لو سمحت لي بأن أحكيها هنا في بوست
الريس معتصم لأنها أكبر قصة زقازيقية لم تشاهد النور وحتى أسكتلنديارد
أفرجت عن كثير من الحقائق التاريخية ، وأصبحت أحداث الزقازيق من الماضي.
حيث غيرت مجرى حياة الأخ/ الشادي ،،
وحتى لا يروح ذهنكم بعيد ،،، ننتظر الإذن من الشادي وسوف نحكي بما يفيد الحقيقة فقط
| |
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: مجتبي فاروق)
|
عزيزه يا عزيزه اهلا معتصم سلمان ما معقول ازيك انها الرائعة الاخت العزيزه \عزيزه الطاهر التجانى زوجة الزقازيقى د.خالد فضل و قفنا بكل الالق الزقازيقى كاننا نقف فى ش القوميه تبادلت الحديث معها بكل اريحيتها واصالتها ونقائها فابنتها الان طبيبه تفارقنا بعد ان اتفقنا على تبادل الزيارات وهى حتما اليوم تتطلع على البوست, هكذ هى الزقازيق علاقات اخويه وود دائم على مر الازمان حفظكم الله ===================================== العزيز النضيف احمد عوض كان باللقاء الاخير بنادى الشرطه ملامحه لم تتغير كثيرا وقد غنى لنا للكاشف اما بت حسب الرسول انته شففتنى ليها وبما انو النضيفه الصغيره كانت تبكى فقد سمعت هكذا ونسيت انو النضيف بفتو وفتاه ياميسره. النضيف مجتبى ده غلبك!!!
| |
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: ميسرة سيد أحمد)
|
Quote: نعود للأخ/ كمال الشادي الغناء ليس سبب الإنتكاسة الطويلة التي حدثت له
ولكن كان وراءها موقف رجولي سوداني أصيل دفع ثمنه سنين من عمره .
قليل من الناس تعلم الحقيقة ولكنها ظلت طي الكتمان لسنوات خلت .
|
عاد فى الزقازيق دى شيتا قاعد يندس مافى
السؤال .. كيف فات علينا الشمار ده
اكيد حصل ايام الامتحانات والناس مشغولة
مع انو الواحد بيعمل بريك ببعض الشمارات
قصرنا فى حقك يا كيمو
سريع يا ميسرة يوم السبت بعييييد ،،،
| |
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: ميسرة سيد أحمد)
|
صباح الخير ،، يا ريس معتصم
نستأذنك لنكمل كارثة كمال الشادي العجيبة
كانت الدنيا صيف آخر السنة الدراسية وحسب ما ذكرت فإن
المجموعة الثانية التي تضم الشادي وجمال السنوسي وعثمان
تسكن عمار بجوار الإنتفاضة وإستأجرت الجامعة كامل العمارة لسكن المعيدين
عدا شقتين ،،،
كمال كون علاقة طيبة مع مجموعة من المعيدين بالعمارة لوجود تلفزيون في الشقة
ومجموعة المعيدين لا يمتلكون تلفزيون وكانوا يحضروا الكورة عند شقة كمال بصورة
دائمة وكان على رأسهم معيد بالجامعة إسمه عصام السعودي وكان إبن العمدة في بلدهم
الأرياف قرب المنصورة وأصبح هذا الرجل صديق مقرب جداً وسوف يلعب دور كبير
عن ما قريب لصالحنا .
كان ذلك اليوم هو عيد شم النسيم وذهبنا جميعنا إلى المكتبة للمذاكرة وبعدها
نذهب لشراء الفسيخ وتظبيطو في شقتنا.
حضرت إلى عمارة المعيدين بقصد الزيارة الأخت إيمان أبو بكر عثمان - صيدلة - وكان والدها ايامها
وزير التكامل بين مصر والسودان ، وإيمان كانت إنسانه كثيرة التهذيب ورقيقة
شديد وما بتتحمل أي حاجة وجمعتها مع مجموعتنا عزفها للجتار وبدأت تكون معنا
صداقة وكانت أقرب للأخ/ كمال الشادي بحكم هو يفهم في الموسيقى وفي ذلك ا ليوم
المشؤوم حضرت إلى الشقة ولم تجد أحدهم وكانت العمارة خالية كل الناس في عيدهم
أو مذاكرتهم ،،،
في معيد أهبل في كلية العلوم إسمه يحيى تحرش بها وإيمان إنسانة رقيقة جداً
فلم تملك نفسها سوى البكاء والهروب حتى وصلت إلى المكتبة ونادت على كمال وحكت
إلى حصل والشادى نادى على كامل الشلة وحكى لنا الحصل وهنا إمتلأنا حماساً وهاجمت
سودانيتنا وقررنا الهجوم على عمارة المعيدين وتأديب ذلك الواطي أدب لم يراهو
في حياته ،، وذهبنا إلى هناك مزمجرين متوعدين ومهددين وكان لا يهمنا ما قد يحدث
ولكن كنا عايزين نديه درس في المفهوم السوداني والشرف السوداني .
| |
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: ميسرة سيد أحمد)
|
وصلنا عمارة المعيدين وضربنا بقوة على شقة المدعو يحى
كانوا هم إثنين فقط ودخلت مجموعتنا كاملة إرتعب الموجود داخل الشقة
وخافوا خوف شديد من هؤلاء الأوباش الذين نزلوا عليهم شتم وتقريح والناس
غاضبة وترتجف من الزعل وإنفرد كمال الشادي وصمت المعيد كف من أبو كديس
ثم بوكس في وجه وسقط أرضاً صارخاً وأكمل الشادي ذبح ذلك الرعديد بالشلوت
وكان الشادي لابس جزمة غريبة كدي ما عارف جابه من أي داهية بها حواف جرحت
الراجل وسال دمه وبدأ صوت العقل يصحوا وحاولنا إيقاف كمال من تدمير الراجل
ولكن الغريبة تحول كمال إلى وحش وإمتلك قوة عجيبة ما عارف جابه من وين وزاد
الشادي هيجاناً وأستأسد على الراجل و صار يحى أجبن من هره ولم نسمع منه سوى الإعتذار
والصراخ وأخدنا الشادي إلى الشقة بالقوة وكنا فرحانين بما تم إنجازة .
وكان الشادي مش عايز يوصلها البر أحضر الأخت إيمان وواجها مع المعيد وطلب منه
الإعتذار وإن يبوس رأسها ولكن إيمان رفضت وإستنكرت وفجأة إنتبهنا كلام إيمان
صاح طيب يبوس جزمتها - آخر إستغلال للقوة -
نواصل....
| |
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: ميسرة سيد أحمد)
|
بعد إنجلاء المعركة وخروج الشادي والمجموعة مرفوعي
الرأس خرج المعيد الآخر ورجع بعد فترة وقال لي بالحرف
الواحد أنا عملت إتصال هاتفي بالبلد وحتجي عربات محملة
بالصعايدة والشوم والنبوت ،،،
عملنا تهديد مضاد بأننا نبلغ أكثر من مائة وخمسون ألف طالب
بجمهورية مصر العربية ولو أوصلنا هذا الأمر للإتحاد والسفارة تأكد
اليوم ليلاً سوف تعج الزقازيق بالسودانين من كل صوب ،،، والراجل صدق
تقريباً بعد مرور ساعة وكنا ما زالنا بالشقة وصلت عربية (بوكس) الشرطة
سألنا بتاع الأمن وين كمال محمد الحسن قلنا أهو قال ألبس حاجة تقيلة وتعال
معانا ركب الشادي معهم إلى قسم ثاني وذهبنا نحن برجولنا إلى القسم .
وفي قسم ثاني وجدنا المعيد يحي راح المستشفى وأحضر كشف طبي والراجل لابس
نضيف وجالس أمام الضابط وعامل محضر بالإعتداء الواقع عليهو وكاتب ايضاً بِأن
المدعو كمال محمد الحسن سب الريس حسني مبارك (ودي حقيقة حصلت) ، عندما سمع
الضابط القصة المضادة طلب أن تتسامح الناس ونعمل صلح وبدأ كمال في التمهيد
للصلح ولكن المعيد حاول أن يرد شئ من كرامته وبدأت لهجته تختلف وكلامة الأول
بلعوا كله وهنا رفض الشادي الصلح وقال زي ما تجي تجي .
وكان لابد من السجن!!!!
نواصل ،،،،
| |
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: كمال الشادي)
|
لابد من السجن وإن طال الكلام أو قل
يا عسكري خد المتهم ده ودخلوا الحجز
غرفة الحجز كما وصفها الشادي كانت عبارة
عن غرفة ضيقة قصيرة رائحتها نتنه تنافس أكبر إسطبل حصين أو حمير
ريحتها لا تطاق مظلمة تظهر فيها عيون المجرمين وكأنها عيون قطط
صاحبنا قال للعسكري ما بدخل الحته دي ،،، أنحنا تم صرفنا من أمام
القسم ،،
الضابط بصوت عالي في إيه ،،، بادره الشادي يا خي ده محل زبالة
ما بدخل هنا ،،، وفي هذه اللحظة ضحك الضابط بشده ،،، يا رب الشادي
كان عايز موكيت أو سيراميك ،،، يبدو أن الضابط متعاطف معانا قال للشادي
شوف يا إبني روح نام في أي حته تعجبك بعيده عن شقتكم لأن صاحب القضية دلوقتي
مبسوط بأنك محبوس داخل السجن واشوفك بكره .
وقد هدد المعيد وصاحبه التاني على مسامعنا بأنهم سوف ينتقموا من كمال وبإذن
الله لن يتخرج وأنحنا أخذنا الموضوع بمزحة إيه جاب معيد كلية العلوم نحو كلية
التجارة تدخل إبن العمدة عصام السعودي وأجبر المعيد يحي بشطب القضية وإنهاء
الموضوع وقد تم التنفيذ ولكن على مضض .
في اليوم التالي ذهب الشادي إلى قسم الثاني وأخبره الضابط بشط القضية ولكن تحولت
القضية بقدرة قادر إلى مباحث أمن الدولة وحضر السيد بطه وطلب كمال محمد الحسن
إلى مباحث أمن الدولة .
وفوجئنا بأنه يوجد بلاغ بتحرش شباب سودانيين بواحدة مصرية زوجة مسؤول كبير
وله يد في أمن الدولة وتوعدوا بأن ينتقموا من أول سوداني يقع في يدهم وكان
المتبرع هو كمال الشادي وليس أعضاء الجبهة الديمقراطية .
وتوالت الأحداث عاصفة ...............
نواصل ,,,,,,,,,,,,,
| |
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: كمال الشادي)
|
صور فى السـلك يا كمال
يا معتصم ياخى تعال نحن بنجاوب بدلك ما تشرد مرة واحدة كدا
الصور ( حجم الباسبورت ) ليك يا معتصم
كورال حقوق : من اليمين صديق - محمد الفاتح - صديق الصادق - صفاء محمد الحسن - امل جادالرب امامهم هويدا - بنجاوى - صفية مساعد دى الجابها هنا شنو وبعدين وين وليد حقوق وعادل عبدالقادر عشان ناس حقوق يمشو يستعينو بخبراء اجانب ،،،
،،،،،،،،،،،،،،،،،،
اسامة موسى بالعود - د/ بابكر بخيت - عماد شريف - نابغة - منى عباس يظهر من بعيد لبعيد جمال فارح ++ واحد شال جبهه ديمقراطية
،،،،،،،،،،،،،،
الصورة الاخيرة من الشمال البت الصغيرة دى عرسا يوم 16 فبراير الجاى منى يونس - الشادى -- عزة اخت منى يونس صاح يا ريس
،،،،،،،،،،،،،،،
بنطلون حمدى الفضلى ده من الشورابى وكان فى 2 فقط لابسنو ،،،،،،
| |
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: عبد الدائم سيد أحمد)
|
عصمت شنو يا نضيف نبدا معاك من الأول اول شى , زول ما يعرف ابتسام ميرغنى ده حقوا يشطبوهو من البوست ويقلعوا منو باسويردوا ويدوهو لى محمد المرتضى وبعدين القلت عليهو دكتور بابكر بخيت ده , ده واحد من الناس العندهم صور باسبورت فوق وانت زغت منهم وبعدين دكتور بابكر بخيت ده زاتو منو ؟؟ ودفعة كم ؟؟ صور الباسبورت من فوق لى تحت رفعت نور الدين محمد عابدين , حلفاوى من شارع كترينا الخرطوم تلاتة كان ساكن معانا انا والرشيد وهو الآن فى النرويج ومتزوج من زميلتنا الزقازيقية الزراعية بت مدنى اشراقة الشافعى شمس الدين بعده طوالى ود ابو قوتة بتاع آداب زميلنا محمد حسب الرسول يليه ود القضارف الزول الرقيق بتاع تجارة , خالد نوح , زميل برلمة وزميل سكن سابق ثم الحلفاوى التحفة وصاحب النكتة الحاضرة ولد تجارة , عبد الحى اسحق مستمتعين بالصور يا كمال , مستمتعين بالشكل والسجن والقلب الحار يا ريس ميسرة ويا ريس معتصم , الأسئلة دى كلها حولها لى لو بتشردك قدر ده
| |
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: كمال الشادي)
|
انا قصدى رفعت مش عصمت
بعدين يا منصور انا باسوردى بعد يقلعوهو ما بدوهو للدايمة ناس الكرشة والعرنون كان داير واحد لمحمد المرتضى اشترى ليهو واحد من باشدار او من عادل شروم
بعدين خلى اللفحى د/ بابكر بخيت ده منو ما بعرفو انتى اقعد بارى لى البياطرة
محلات اتلى بيتزا دى ما قريبة من بيتنا الاجازة الجاية طوالى بمشى اسأل من صاحبتى ابتسام ميرغنى
| |
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: عمر المهدى)
|
Quote: دا عبد الوهاب التركي فردة حميدة الحاج محجوب من اولاد كوستي |
هذه الصورة فيها شبه كبير جداً من أخونا محمد حسب الرسول
ولكن لو دققت فيها كثيراً لوجدتها فعلاً صورة الأخ/ عبدالوهاب التركي
من قيادات مؤتمر المستقلين ومتزوج من الزقازيقية نعمات من بنات كوستي
فله التحية وشكراً يا ود المهدي على التدقيق ومعليش يا منصور خليك 99%
| |
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: زهير الزناتي)
|
Quote: اسامة موسى 00 بابكر بخيت 00 عماد شريف00 نابغة (نانا) زولة جميلة خالص000 والبت الصغنونة 000 منى عباس00
شفت يا عبد الدايم انا شاطرة كيف ؟؟؟ |
عفاف دي دفعتك يا زهير ،،، شفيك يا راجل
بس عفيت منك يا عفاف ،،، والله مشاركة فعالة
والله أنا غير عماد شريف ونانا ومنى عباس نسيت الأسماء الأخرى
يا جماعة شوفوا لينا صاحب الحوش ده مش وين؟
الناس دي كلها شاغاله معاهو بخرات.
| |
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: كمال الشادي)
|
كمال الشادي يا جميل ... حقيقة إنت إرشيف كامل للزقازيق صور من كل العصور والكليات والإتجاهات ... أكثر الصور تنوعاً وجودة وثراء منذ بداية البوست ... عمل جميل وراقي ... شكراً لك وأنت تحلق بنا لعوالم لا زالت في دواخلنا أغنية جميلة ... التحية لكل الناس الذين مروا علي الزقازيق ومن رأينا صورهم هنا ... إناس أعزاء طال بنا الفراق ليتنا نراهم ولو للحظة ....
العزيزة فاطمة عباس ... تجارة من بنات الجالية السودانية بمصر ... إنسانة جميلة ... هادئة ... صديقة الجميع ... صاحبة إبتسامة مميزة .... التحية لها أينما كانت في السودان أو مصر أو أي مكان في العالم ....
| |
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: طارق جبريل)
|
الأخت العزيزة منى يونس ، صاحب الفخامة رئيس رؤساء الزقازيق ميسرة سيد أحمد ، عذراً على تأخر تداخلى فى هذا البوست الذى جمع فأوعى ، والذى ينبى عن امتلاك الريس ميسرة لكاريزما الرئاسة ولم شمل الأحباب الزقازيقيين بعد أن تقاذفتنا المنافى .
حادثت قبل لحظات عادل الجعلى ، حاولت عدم الإفصاح عن إسمى فلم أفلح فى ذلك ، قال لى بطريقته الجميلة ( ياخى ما كان تتصل قبل دقيقة ، هسى كان معاى سامية فى العربية وكشحتها فى البيت (تأملوا تعبير الكشح هذا) ، ألح على أن أتصل على سامية فى تلفون البيت لأنها ( لو عرفت إتصالك ده ح تعمل لى شمطة) هكذا قالها عادل ود الجعلى بمصداقيته وحميميته التى سعت الجميع.
التحية للريس معتصم سلمان جعفر ورغم أننى لم ألتقيه ولكنى أحسه من خلال المرسم الذى نصبه له الجميع هنا معبرين عن مشاعر الود والإخاء له ولنبل مشاعره.
كمال الشادى تستحق أن نتغنى لك : الزول السمح فات الكبار وقدرو ، أعجبتنى شهامتك السودانية وإقتصاصك من ذلك الوغد ولايهم بعد ذلك النتائج المترتبة على مافعلته من صواب وواجب يمليه الضمير والإنتماء لعزة وكما قيل Live Free or Die
| |
|
|
|
|
|
|
Re: شخصيات وعائلات زقازيقة ،،،،،،،، من الزمن الجميل،،،(توجد صور) (Re: محمد عيد)
|
الاخ الكريم ابوبكر
Quote: كمال الشادى تستحق أن نتغنى لك : الزول السمح فات الكبار وقدرو ، أعجبتنى شهامتك السودانية وإقتصاصك من ذلك الوغد ولايهم بعد ذلك النتائج المترتبة على مافعلته من صواب وواجب يمليه الضمير والإنتماء لعزة وكما قيل Live Free or Die |
اعتز وافتخر برأيك فيني الله يديك العافية ويخلي ليك اولادك هي ايام وعدك بس تركت ندب إلى يوم يبعثون الله يسامح ميسرة دائما ما ينبش في الماضي حلوه ومره
العزيز محمد عيد
Quote: صور الشادى الجميل ...
أعادت الى الذاكره اشخاصا كانوا الجمال بعينه ..
يمشى بيننا ناشرا الفرح والألق والموده |
كتر خيرك والله يقدرنا نسعدك دائما انشاء الله
ايه رأيك في زيادة شوية يا محمد عيد
| |
|
|
|
|
|
|
|