Quote: نا يا ابوبكر حاقعد في البرش بتاع اولاد الحلة او اولاد الفريق زي بتقولو في مدني
مشتاقين يا زعيم لى ونستك وضحكاتك الحلوة وأغنية الذكريات ، مشتاقين حتى للإعتصامات ، بس يا زعيم تانى مرة ما ترسلوا محمد الهادى عشان إجيب خبز ، ودى بجى راجع ليها بى رواقة.
01-03-2010, 03:43 PM
أبوبكر حامد الأمين
أبوبكر حامد الأمين
تاريخ التسجيل: 04-03-2006
مجموع المشاركات: 773
عبد الحفيظ عباس صديق ابن كوستى ، ياسلام على كوستى وناس كوستى ، على وشيخ الدين - محاسن أبو دقن - بدر الدين محمد أحمد حمزة - صديق إبراهيم عوض الكريم - إبراهيم فش - محمد على "شيطان الشر" - أمال الهادى - هارون مهدى هارون - الراحل المقيم مصطفى نقدالله .
01-03-2010, 04:29 PM
الرشيد بابكر
الرشيد بابكر
تاريخ التسجيل: 01-24-2009
مجموع المشاركات: 5002
حليل أيامك يا مدثر وأيام كمال عبدالحليم شلبى واسامة جاد الله النعيم والجيلى والمرحوم سيد أحمد وصديق عوض الكريم وشارع الحمّام ومنشية السادات وكفر الزند ، بجيك بى رواقة يا مدثر يا جميل.
01-08-2010, 00:32 AM
كمال الشادي
كمال الشادي
تاريخ التسجيل: 10-15-2002
مجموع المشاركات: 1587
Quote: على الطلاق يا ابوبكر انا مستمتع للسقف كمل حكيك الحلو ده ويا شباب خلو المقاطعات الجانبية اها فضيت ليك الحتة والمايك معاك كمل يا بطل
كيمو يا جميل ........... آسف على تأخرى فى الرد بسبب الإنقطاع لمشغوليات عدة ، يسعدنى استمتاعك مثلما تسعدنى رفقة الزقازيقاب أصحاب الفضل فى هذه الحكايا ، فلولا روعتهم لما كان للسرد قيمة يعتد بها ، وأكرر دعوتى لك والأسرة الكريمة لزيارة البحرين متى ما سنحت الفرصة.
01-19-2010, 07:39 PM
أبوبكر حامد الأمين
أبوبكر حامد الأمين
تاريخ التسجيل: 04-03-2006
مجموع المشاركات: 773
أها يا كيمو يا حبيب سجَّلت الرقم عندى ، لو مساهر قول عوك عشان هسى أشد ليك سلك ، ولو بتنوم بدرى إبقى بينا تلفون باكر ، يا خى أنا متكيف كيف ما طبيعى ، أكتر من كيفى من تخصصك فى طارق جبريل هههههه
01-19-2010, 09:12 PM
الرشيد بابكر
الرشيد بابكر
تاريخ التسجيل: 01-24-2009
مجموع المشاركات: 5002
Quote: بكوري..بكرة اجازة و لا شنو...شايفك متساقد الليلة...
بكرة شغالين يا روش ، رايك شنو هسى أنا ومنى جينا داخلين من بره بعد ما اشترينا لوازم فطور المدرسة والذى منو ، وبعد شوية ح أقوم أصلى العشا ، وبعديهو بقضى حوالى ساعة فى قراية الجرايد ، يعنى على الساعة واحدة واحدة ونص بنوم (نرجو مراعاة فروق التوقيت لأننا +3 وإنتوا +4 من توقيت غرينيتش .
01-20-2010, 07:41 PM
أبوبكر حامد الأمين
أبوبكر حامد الأمين
تاريخ التسجيل: 04-03-2006
مجموع المشاركات: 773
عارف دائما" الواحد بيكون شديد الارتباط بابناء دفعتو من الكليات الاخرى وانا كان لى اصدقاء من اعز اعز اصدقائى بحقوق محمد الفاتح ، كمال ، ذكى ، صديق ، صفاء ، رحاب ، خديجة هناء الزبير ، محمد عبدالباقى ، بشير على العبيد ، عادل عبدالقادر امل جاد الرب واحلام حسين
اما مدنى فهم ناسى رغم المكواة الدايرة يوميا" بينى وبين احمد السنى عن مدنى والخرطوم والسهر بالكووم
هاك دى صور تهمك
شايفك نسيت نوال دفع الله لذكرك لابناء مدنى فى الصفحة (1)
------------
01-22-2010, 05:39 PM
أبوبكر حامد الأمين
أبوبكر حامد الأمين
تاريخ التسجيل: 04-03-2006
مجموع المشاركات: 773
يا سلام عليك يا ديدو وعلى هذه الذكريات الصادقة ونبيلة ، نوال دفع الله من أميز بنات مدنى ، لها التحية أينما كانت ، والسبب طبعاًفى عدم ذكرها يعود بالدرجة الأولى للذاكرة الخربة وسأعمل التعديل اللازم.
01-23-2010, 10:20 AM
nazar hussien
nazar hussien
تاريخ التسجيل: 09-04-2002
مجموع المشاركات: 10409
بلاي دي حالة دي الناس قاعدين بين جدولين كان قالوا لي بعض عوك بسمعو بعضهم!!!! ازيك يا أبو يا قول الهنود...وازاي حال الزقازيقاب اللذيذين...
Quote: بالله عليكم وانتوا أصحاب خبرة وباع فى هذا المجال ما العمل؟
أدعي بأنني صاحب خبرة وبااااااااع شديد..
مش قال المغني: الطبيعة حنت عليك وخلدت بصماتا فيك فأنا دحين تاركهم كل زول يتعلم من الطبيعة... يكسر كرسي...عشان يعرف انو كسر كرسي... الناس بتعلموا كيف؟؟؟ مش من اخطائهم...وطيب!!! الاقيهم مشرطين الجرايد في الصالون...ورامين كم كتاب...اجي انا زاتي ازيدهم تشريطا ورمي... كتب...لما الواحد فيهم يعتر ليه كتاب.,,وياخد بكيتو ويعرف جريرة ما فعل...
خلوهم يوسخوا ويعركوا الملايات...ويشخبطوا في الحيط... فدي مناظر بتزيد الادراك...والملاحظة عند الاطفال...
حبوبتنا الله يرحمها كانت بتقول للبنهرنا...خلوه يغرف لامن يعرف
01-23-2010, 06:23 PM
محمد صديق
محمد صديق
تاريخ التسجيل: 05-03-2009
مجموع المشاركات: 3990
Quote: بلاي دي حالة دي الناس قاعدين بين جدولين كان قالوا لي بعض عوك بسمعو بعضهم!!!! ازيك يا أبو يا قول الهنود...وازاي حال الزقازيقاب اللذيذين...
Quote: بالله عليكم وانتوا أصحاب خبرة وباع فى هذا المجال ما العمل؟
أدعي بأنني صاحب خبرة وبااااااااع شديد..
مش قال المغني: الطبيعة حنت عليك وخلدت بصماتا فيك فأنا دحين تاركهم كل زول يتعلم من الطبيعة... يكسر كرسي...عشان يعرف انو كسر كرسي... الناس بتعلموا كيف؟؟؟ مش من اخطائهم...وطيب!!! الاقيهم مشرطين الجرايد في الصالون...ورامين كم كتاب...اجي انا زاتي ازيدهم تشريطا ورمي... كتب...لما الواحد فيهم يعتر ليه كتاب.,,وياخد بكيتو ويعرف جريرة ما فعل...
خلوهم يوسخوا ويعركوا الملايات...ويشخبطوا في الحيط... فدي مناظر بتزيد الادراك...والملاحظة عند الاطفال...
حبوبتنا الله يرحمها كانت بتقول للبنهرنا...خلوه يغرف لامن يعرف
والله يا نزار حبوبتك دى زولا حكيمة والقالتوا زمان بقى نظريات حديثة الآن ، بالله شوف أهلنا مضيعين نفسهم كيف.
زميلنا العزيز بكلية الحقوق إدريس محمد إدريس (تراورى) رجل فائق الظرف وهو من أبناء مدنى حى 114 ، فى فترة الإمتحانات وبشقتنا بلكوظ درجنا على شراء سمك مشوى من مطعم الخطيب ، وكنّا فى غاية السعادة التى لم يكدر صفوها سوى حادثة إبتلاع إدريس لشوكة من أشواك السمك ، نقلناه على وجه السرعة لمركز نور الإسلام الطبى بتاع أحمد عنتر ، عاينه الطبيب وقرر أنه بإمكانه إخراج الشوكة عبر عملية بسيطة ستكلف خمسة جنيهات ، إدريس رغم ألمه رفع رأسه لى قائلاً:
يا أبَّا* كيلو السمك كامل بى جنيهين ونص ، الشوكة الواحدة إطلعوها بى خمسة جنيه؟
فقلتُ له مداعباً: أها يا تروارى عاوزنا نقول للدكتور إطلع ليك الشوكة ومعاها اتنين كيلو سمك ولا شنو؟
* كلمة يا أبَّا هى لازمة درج إدريس على استخدامها ، مثلما درج عبد الدائم الوسخان على استخدام لازمة ياتركى.
06-01-2010, 07:47 PM
أبوبكر حامد الأمين
أبوبكر حامد الأمين
تاريخ التسجيل: 04-03-2006
مجموع المشاركات: 773
Quote: كدى يا حبيب القسا نرفعك لى فوق ، صحى البكا بحرروهو اهلو ، يا ود الصايم مبارة الرد بتاعة الكهرباء الأثيوبى بى جاى .
بكوري جيت من الجكة و قلت أجي آخد لي معاك سكليبة سكليبتين.... الليلة انت يا أخوي يا يكونو الأولاد خلصوا امتحاناتهم... يا منى تكون حنت عليك و أدتك افراج مؤقت... يا تكون مشتاق لينا...
ان شاء الله تكون قلت لي أفنان عمو قال ليك بطلي الثقالة...
06-01-2010, 08:33 PM
محمد صديق
محمد صديق
تاريخ التسجيل: 05-03-2009
مجموع المشاركات: 3990
Quote: الليلة انت يا أخوي يا يكونو الأولاد خلصوا امتحاناتهم... يا منى تكون حنت عليك و أدتك افراج مؤقت...
إجابة الأستاذة منى لا هذا و لاذاك ، بل أشتاقكم وأعلم أنّى أفقد عقلى إذ أشتاق ، بعدين يا رشيد الجكه دى فوق راى ولا الجكه دى لله .... كلو شى لله ..... كلّو شى لله ، غايتو يارشيد أنا حالياً لا أمارس أى نوع من انواع الرياضة سوى رياضة المشى لأنه أصابنى تمزق فى الرجل اليمنى وتبعه تمزّق فى الرجل اليسرى فلم يبق لى من كرة القدم سوى ضربة الرأس ورمية التماس.
06-02-2010, 02:04 PM
مجتبي فاروق
مجتبي فاروق
تاريخ التسجيل: 12-18-2009
مجموع المشاركات: 170
يا كوتش أول بى التبادى آسف جداً لتأخر الرد بسبب أعطال متكررة فى الكمبيوتر وتزاحم عليه بسبب إجازة العيال ، وبسبب مشغوليات وتجهيز للإجازة ، سنصل السودان فى إجازة طويلة تمتد من 30 يوليو وحتى 24 سبتمبر شاملة رمضان والعيد.
بعدين ياخى موش الشاعر قال :
لسان الفتى نصفٌ ونصفٌ فؤاده
فلم يبقى إلا صورة اللحمِ والدّمِ
....................... وعلى قول القائل : أبيض وسمين
07-11-2010, 07:04 AM
محمد صديق
محمد صديق
تاريخ التسجيل: 05-03-2009
مجموع المشاركات: 3990
ذكرتنى يا بادى أيام إحتفالية الخرطوم عاصمة الثقافة ، كان عندنا هنا فى البحرين برنامج موازى ، فى إحدى الإحتفاليات شاهدت بعض الشباب السودانيين الهائمين فى محبةأهل النجاشى ، بادرتهم بالقول (مرحباً بأشقائنا الإثيوبيين ) ، رد على أحدهم بالقول(أنا من قبيل أتاوق خايف من لسانك المتبرى منك ده)
يا بادى شوف لى رقم تلفون لى محمدو الحلو.
07-11-2010, 12:06 PM
سامي عبد الوهاب إدريس
سامي عبد الوهاب إدريس
تاريخ التسجيل: 11-15-2005
مجموع المشاركات: 1509
Quote: سلام يا بكرى وكل سنة وانت طيب ياخ لا اسكت الله لك حسا مشتاقين وطولتا ما لاقيتك لا فى حوشك ولا فى باقى الحيشان اظهر وبان عليك الامان
والله يا زوبة قضيت قرابة الشهرين بالسودان قضيتها كلها بمدنى ، لم يسعفنى الوقت لزيارة الخرطوم ، عدنا للبحرين ودخلنا فى دوّامة المدارس ، لك الشكر يا زوبة على السؤال والتهنئة ، نهنيك ونبارك ليك سمح جنياتك
11-13-2010, 09:57 PM
أبوبكر حامد الأمين
أبوبكر حامد الأمين
تاريخ التسجيل: 04-03-2006
مجموع المشاركات: 773
عبد الحفيظ ولد عبّاس ، كيفنك وكيفن جنياتك ، كل سنة وإنت طيب بمناسبة عيد الأضحى المبارك أعاده الله على الجميع بالخير والبركات ، وأسهم الشركات القابضات .
11-20-2010, 07:02 PM
كمال الشادي
كمال الشادي
تاريخ التسجيل: 10-15-2002
مجموع المشاركات: 1587
Quote: عليكم الله طل وكتر طلاتك عشان طلاتك بتسعد كل الناس يعلم الله
لو أكون زول ليهو قيمة
أسعِد الناس بى وجودى
.......................
وانا سعادتى تكتمل يا كيمو حين أكون بجوار من أحب وهم قطعاً الزقازيقاب ، إرتحالى للزقازيق كان هو الأوّل فى حياتى ، فلم أفارق مدنى قبله ، إرتحلنا لها بالوجدان قبل الأجساد ، تقاسمنا فيها البهجة والفلس والإنتشار ، تعرف يا كيمو روعة الزقازيق أفسدت على معيار تقبل الآخرين فأنا أظلمهم وأظلم نفسى حين أضاهيهم بمعايير تواضعنا عليها تمثل أنقى الصفات والصلات وأنبلها، هى روح الزقازيق وبهاء الفطرة فى أروع صورها ، ألم تنشد نسوة المدينة لفلير دمّور المسّخ الأرياح ....
11-20-2010, 10:17 PM
كمال الشادي
كمال الشادي
تاريخ التسجيل: 10-15-2002
مجموع المشاركات: 1587
عارف ابوبكر الناس اللصيقة بالمدن والقرى النشأت فيها وبتحبها شديد انا بحترمهم جدا
اذكر لمن كنا في مصر كان في صديق عزيز لي وهو المذيع والاعلامي الحالي محمد جمال الدين كان (صاري ) ليهو حزمة من تراب بورسودان وكان كلما يشتاق ليها يشم التراب
انا احترم حبك لي مدني ولي جوها ولي ناسها وبستمتع جدا لمن بلاقي مداخلاتكم انت وناس مدني وبستمتع بيها جدا الله يخلي ليك منى والاولاد
تحياتي
11-21-2010, 06:06 PM
أبوبكر حامد الأمين
أبوبكر حامد الأمين
تاريخ التسجيل: 04-03-2006
مجموع المشاركات: 773
Quote: انا احترم حبك لي مدني ولي جوها ولي ناسها وبستمتع جدا لمن بلاقي مداخلاتكم انت وناس مدني وبستمتع بيها جدا
تعرف يا كيمو ناس مدنى لمّا إتلمو بيكون بيناتم تفاصيل كثيرة ومرد ذلك أن مدنى مدينة بملامح قرية ، المجتمع كان فيما مضى محصور وبسيط للغاية ، يمكنك ان تشاهد أغلب الناس فى الإستاد أو دار الرياضة على قول أهل مدنى ، ويمكنك أن تلتقيهم فى المقابر حين يتنادون للقيام بواجب دفن عزيز لديهم أو حين يعودون مريضاً بالمستشفى ويمكنك لقياهم فى السوق ، لذلك حين يلتقى أبناء مدنى تجد بينهم الكثير من الذكريات والحكاوى المشتركة ، والإسترسال فى سرد هذه التفاصيل يصيب البعض بالملل فيرمون أهل مدنى بالعنصرية وهم منها براء ، أستمتاعك بتفاصيل ناس مدنى مرده لكونك فنّان ترسل الألحان شلاّلاً رويّا.
11-21-2010, 07:31 PM
كمال الشادي
كمال الشادي
تاريخ التسجيل: 10-15-2002
مجموع المشاركات: 1587
العزيز ابوبكر انا تتجاذبني قوتان غريبتان نشأت في جزء من طفولتي في مروي ، وهي منطقة اهلها يتغنون بالارتباط بالارض في مناهم وصحوهم عشت القسم الاكبر بعد ذلك في الخرطوم لا ارتباط وجداني ما بينك وبين المكان خصوصا اذا كان ايقاع الدليب يدق في مكامن الانتماء فيك في كل ثانية لذا وجدتني شخص غريب النشأة انتمي إلى مكان احبه لا ازوره الا مرة في كل عشر سنوات واعيش في منطقة لا تعرف معنى الانتماء الخرطوم ( في هذه الجزئية ) تعتبر قاحلة الا ام درمان لذا عندما كنت في الزقازيق كنت عضوا في رابطة ابناء ام درمان
كنت اعرف تقريبا كل ابناء الابيض في مصر من خلال صديقي عماد شريف وكنت اعرف كل ابناء بورسودان في مصر تقريبا من صديقي محمد جمال الدين وكنت اعرف كل ابناء مدني في مصر تقريبا من مجموعة كبيرة من الاصدقاء من بينهم عصام سنهوري المقيم حاليا في الدوحة
لذا تشدني جدا اخي ابوبكر رابطة العلاقة مابين الانسان والارض لك التحية ولك آهل مدني الحلوين
12-11-2010, 08:01 PM
أبوبكر حامد الأمين
أبوبكر حامد الأمين
تاريخ التسجيل: 04-03-2006
مجموع المشاركات: 773
Quote: كلما اقرا عنوان البوست ده تجى ناطة لى منيا القمح
تعرف يا جورج منيا القمح دى عندى معاها حكاية ، أول سنة وأنا ماشى الزقازيق ركبت بص شرق الدلتا الذى سلك الطريق الزراعى ، وتوقف البص بمنيا القمح وسط السوق الذى يعج بالبشر والجواميس ، جال بخاطرى أن هذه هى الزقازيق ، وقلت فى نفسى (لو كانت هذه الزقازيق فلا مناص من العودة للسودان) ، وكم إنشرحت أساريرى حين غادر البص منيا القمح وتبددت مع مغادرته ريبى وظنونى.
لك الشكر يا جورج على بعث الروح فى البوست ، أما روح صاحب البوست فقد أحسن توصيفها الفيتورى حين انشد:
شحُبَت روحى صارت شفقا
06-08-2011, 04:00 PM
محمد صديق
محمد صديق
تاريخ التسجيل: 05-03-2009
مجموع المشاركات: 3990
سلام بكري تواصل معي في الدوحه (كعادته يلازمني في سمحي وفي كربي ) مستفسرا عن صحة اخي الطيب وخصمني بكل ايمانياتي ان ارجع عن طريق المنامه الا اني وعدته في المره القادمه جية وذهابا عن طريق منامته. وبعد رجوعي الي بلجيكا تواصلت معه وطلبت منه الرجوع ومااحلى رجوع ماذؤنكو. اتوقع رجوعه اذا كثفت الجهود والتحانبيس( بكوري بحب التحنيس والشكر والباسطه). ووعدا مني ان ارسل كيلو شوكلاته له ولك جورج ولكل من يحنس بكوري. بكوري والله وحدتنا بينا
05-19-2013, 07:21 AM
محمد صديق
محمد صديق
تاريخ التسجيل: 05-03-2009
مجموع المشاركات: 3990
أشهد الله ان لكما فى الخاطر معزّة وتقدير لا يأتيه الجفاء لامن بين يديه ولا من خَلفه ، هى شواغل ومشاغل وبعض عدم إنسجام بين النفس ومحيطها بفعل الغربة ... ربما وبفعل العمر وبفعل تصاريف الأقدار .
عمر النملة صديق الطفولة وزميل الدراسة وتوام الروح رغم شغبه ومشاكساته ، وجورج هو الملاذ حين يعز الصديق وهو رفاعابى مليان غنا وشعر وتصوف ونفس إستوطنها الحب قبل تخلّق المضغة والعلقة .
06-02-2013, 09:50 AM
محمد صديق
محمد صديق
تاريخ التسجيل: 05-03-2009
مجموع المشاركات: 3990
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة