|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: ولمن فاتهم الاستماع ..... (Re: محمد صديق)
|
مصطفي يا درش ...
تحيه دافئة من تحت البطانية ...
... برد ... وشبورة ... ونمرة سته ...
ياخي انت زول كتاب خالص ...
عليك الله مشكلتك شنو عشان تشاركنا وتفرحنا بحلو الكلام والزكريات ...
ناقصك شنو عشان تكون معانا بنفسك وقلمك في حيشانا ...
كمبيوتر ... ولا
باص وورد ....
========================
سيد الحوش ...
عيد سعيد في بيتكم ...
| |
 
|
|
|
|
|
|
|
|
Re: ولمن فاتهم الاستماع ..... (Re: عمر المهدى)
|
سلامات يا ناس
Quote: سيد الحوش ...
عيد سعيد في بيتكم ...
|
نجيلة يا حبيب ...سلام وعيد سعيد
أسعدنى مرورك وأطمع فى المواظبة
نحاول مع زهير انو مصطفى يقدر يخش مع المنظومة
لك التقدير
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
لك ياكوتش وللمتعه العامه اليكم
مسدار الصيد
الشاعر / محمدأحمد بك أبوسن ( الحاردلو
--------
الشم خوخت بردن ليالي الحرة
والبراق برق من منا جاب القرة
شوف عيني الصقير بي جناحو كفت الفرة
تلقاها أم خدود الليلة مرقت برة
******
تعرف لي مشاهيد الرقاد والفرة
فلاخ المصب بيه بتبين تتورى
فوق حيا فوق محل من الصعيد منجرة
ويا باسطالنعم تسقيها في ها المرة
*****
أب عراق فتق قرنو المبادر شره
والباشندي عمت مهششيب الدره
من النقرة كل حين فوق عليو منصره
وهاالأيام محاريها القليعة أم غرة
*****
قدمت من هنا وبي أضانا سمعت كره
وفوق كرتوت شخيتيرا تخين خر
قلاتو الوهاط بي لشقة قبلو محري
يا باسطالنعم ما تلقى فيهو مضرة
****
بت المن قرين مرقن علي الجبال
وفوق (بيهوبلوس) مابرجن الوبال
صفرا درعتن تتدلى لا البهال
وبيضة شاش قرابيبن تريعالبال
*****
مرقن يا مجيب لي جملة السؤال
شاحدك تجمعن من مطبق الحلال
ما ينقص حساب الدرج ولو بي عجال
ونحن نجيب لهن في كل يوم موال
********
من (بيلا) الصباح إتسربقن همال
والدوف فوق حقائبهن كترتو جمال
الخورالعطيش بلدا عزاز ورمال
ومدروك ما هو من حر النهار بي كمال
******
قطعن (ودعول) بجرن شفاقي عدال
ختمن مقرح الحربة الجبالها طوال
قلت أمات قرودوردنو بي القبال
وخلقا كيف برمولن دمير حبال
*******
من امات رميلةمتركشات لا شمال
وسمعن هدمي لا قدام كرير أضلال
بشلحط بريقن راح يشيل ولوال
تيسن زاعلن باكر مع الشهلال
*****
خلاهن رتوع في بقيل وخرجة نال
لامت دور الوادي السرى سيال
فوق قمزوز طلع شاف في ملينو زوال
وقلعة (كو) حفيرها لقالو فيها نعال
******
مطامنات هناك لامن نهارن زال
وشرفن كلهنشمن دعاش اتعال
مابيات البلد دايرات حقو السروال
وصفا متع الغناي قدر ماقال
****
في عاقب نهار سون لهن مرحال
وعينيهن خلقن زرق برا كحال
منكرف الحويل بقين دحين في حال
وديل ليمن على الناس المتلنا محال
*******
جاهن منزقف وقتا عصير وشفاف
وكاسب ليهو بيهن من صدف ما بخاف
ديلالطبعهن دايم الأبد عواف
في نايط السروج لقين بقيلا جاف
******
حجارالمزار المن بعيد بنشاف
جرن فوقو دورن للفقر عراف
لافخ ود نهار من البحومطراف
ولقى سبرون بقيلو من الملين مو جاف
******
شاف برقا بقل فوق الجبل رفراف
وهن وحل الدرار يا الليلة منو خفاف
من عند المضيق مرقن هناك بي سناف
وديل قسين علي القوي والمتلنا ضعاف
*****
لونهن من بعيد متل البليبلي نضاف
مرد ومعصرات من شبة الأكتاف
للناس البغنولن يجرو القاف
ماليات الخشم من كامل الأوصاف
*******
اتنشلن من الغبشة أم صهيب ناموس
وجينبين القصيرة وفوق فريع قلبوس
سدر المرمى لقين ردو مو مانوس
ووقعن بينحقاقيصو المعيز أربوس
******
خلاهن علي حجير الصفية حبوس
ولقى فيالدهسريب قمبار وعرق فقوس
في المخلوقة شن تشبه معيز ام روس
غير الفي وريدنشولقن مرصوص
******
تيسن لي مراتعن تملي بكوس
وديمة بقل علي البرقالبشيل حرقوص
كم ذولا رقد فوق دربهن ممغوص
ومنو اتخلصن ماصيدن جاموس
*****
قامن منها اتنين مضاكرة تيوس
ولقين في السمير خطا وجيع مكبوس
دمجا أزرق مشهادو مو معفوس
ومنو بيردن الميع المقامو البوص
*****
اخدن في الميع دورين حسابهن تام
ومن أوديت بزوال شرفهن قدام
طلعن قوزكديس جاهن صقيط نمنام
ووصلن حد بطانة مرتع العدام
******
الهبريم طلقجاب للميع حوام
ومن شهر النفاس فضلن لهن أيام
جين راجعات من القوز المقاموتمام
لونن يشبه البفت الجديد والخام
*****
ديل الطبعهن بالحيل خفافوهمام
وفي سمير ود حريري مضقلات كل عام
قربن لي مواليد الرخيس وبعام
ومن عين البعاين سورة الأنعام
******
نون بالنجيع يا سابل الأكمام
اسبل سترك السابل علي النوام
تيسن جك مغرب وبي الملاين حام
جاهنوعافطنو وحيل سدوهن قام
*******
من دعت السراويل قبلهن دراتات
وفيالعشنوق لقن زوزاي وبي فارات
عسكر خاف عليهن في ضرا نالات
وجاهن وجاعرن بعدالنهار ما مات
*******
ختمن شابلك العارق التلات سدرات
وهكعن فوق عزازحمريبه ام سوبات
دايش ليلي تام ما لقيت لهن مرحات
لامن هجسن باكر عليالطلحات
*****
خلاهن علي رد الفروخ بايتات
وفي المكفي الورا أم ميمونلقي ختيتات
متماسك سدوهن وبالحدوب شاتات
جاهن وجاعرن وجنو منحتات
******
ديل الديمة من رد الأنيس ناجعات
وكل حين فوق عليوا زاوي منجمعات
ضمر خلقة ما من قلة معيش ضايعات
تيسن دور الوادي الورا القلعات
*******
خلاهن علي رد الدموكيات
فلخ الفار مسيلباتو اتلقن باردات
في ترتير شديرومعاهو حمريبات
تقلن وحضرنبو اللي النفاس دانيات
******
اتحلن جناهن فيضرا نالات
لامن درجنو وجف من السيبات
كم فوقن دقونا ولفن قافات
وقالندوبا ليهن في الزمان الفات
******
الحي في الوجودو القالو قبلنا مات
كلو بلا هي بي لهج الطريفيات
شن ما قلنا فوق عنف الرقاب ساويات
قبلي ودأب شوارب جاب لهن كلمات
*****
يا باسط الأراضي والسبع سموات
وكلوالدابي حاف وأبو نعلات
دغس العين تنجيهن من الآفات
لا من وخرن بيلا المعيزناجعات
*******
مرقن من مطيبقات الخوي أب دنان
وهكعن فوق معالق الواديأبو ريحان
شافن في السمير سايمة وحيامة إنسان
وطلعن ها القليع المسمى بيالنسوان
*****
المعزي المراتعهن سهول وقنان
انجبدن ثناييهن سداد فيسنان
بعد ما اترقدن بي مطبق الوديان
يكتب لي لماهن ربنا المنان
******
######ي الشارعو فيهن جا منقلب هقلان
واتحير قعد ساكت بقيت محنان
تيسنديمة من حر الرحيح كملان
وجاهن من قفر بلدا بعيد ضبلان
*****
منالفجخاء هبر خـــلاهن
لا من دور أمات رميلة وجاهن
عند المتني فوق عاجباجديد لماهن
ختمن بيلا فوق ميع البقر دلاهن
*******
المعزي البجازن ديمة فوق في خلاهن
بالغات النصاب أنصاري ما زكاهن
من ود البصير جايب إذن بغناهن
شوفن يا الزبير في لساني ديل ما احلاهن
******
جفلن من زوال شوفا بعيدباداهن
عرقن ود عول وادن قليلة قفاهن
ناس ابن الذريح ضربو المثل بي غناهن
من كاف السوام الميرغني بينجاهن
*******
من عوج الوكت ما بتركن وانساهن
فوق حيا فوق محل دايما بكوسو رضاهن
ملزوم بي مراتعهن وخبرة ماهن
وصلنوالمصب واتوكرن في خلاهن
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
Quote: مرقن يا مجيب لي جملة السؤال
شاحدك تجمعن من مطبق الحلال
ما ينقص حساب الدرج ولو بي عجال
ونحن نجيب لهن في كل يوم موال
|
عُرف عن الحاردلو حبه للغزلان ...وكان يستنكر صيدها
ويدعو للتأمل فى جمالها ...وإلى نظم الدوبيت فى وصف جمالها
انظر هنا وهو يتأمل خروج هذا القطيع من الظباء..ونلاحظ خشيته من ان يلقاهن
صائدون فى (مطبق الحلال )...ويتمنى وصولهن كاملات العدد دون نقصان...وهو حتماً بعد وصولهن
سيقوم ومن معه بنظم القصائد فيهن.
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
Quote: دا كوم و البكائية دي كوم تاني
|
يا سِرّى ....سلام
دى زى :
فوق ضهر اللّفج كوعو وبعيد من زورو
منوخترنا بالوادى المِحَيِّف خورو
يا زول يا ظريف انا جرحى تمّم دورو
نوسْر بىّ واتقسّن دروب دكتورو
(ما تنسى اُكل السمك)
| |
|
|
|
|
|
|
|
|
|
Re: ولمن فاتهم الاستماع ..... (Re: محمد آدم النور)
|
سلامات يا ناس
Quote: قطعن (ودعول) بجرن شفاقي عدال
ختمن مقرح الحربة الجبالها طوال
قلت أمات قرودوردنو بي القبال
وخلقا كيف برمولن دمير حبال |
كما المعلقة تماماً بدأ الحاردلو مسداره:
الشّم خَوَّخت بَرَدَنْ ليالى الحَرَّة
والبرَّاق برق من مِنّة جاب القِرَّة
شوف عينى الصِّقير بجناحو كَفَتْ الفِرَّة
تلقاها ام خدود الليلة مرقت بره
وتبدأ بعد ذلك الرحلة ...رحلة هذا القطيع من الظِباء...
وهنا تعبر الظباء منطقة ود دعول ...ثم تأتى موارد الماء(أُمات قرود)
وربما جاء الإسم لوجود القرود عند هذا المورد...ثم تعبر منطقة المِقْرِحْ
بجبالها العالية ...وهو يتابعها فى اشد القلق والخوف من ظهور أولئك الذين
يودون صيدها ...ويستغرب كيف بالله يمد هؤلاء حبالهم واسلحتهم لصيدها؟
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
لو اى زول حاقد قال منصور ده ما قاعد يجى بى هنا مالو
طوالى قولوا ليهو , كضبا كاضب
يمين متابع متابعة , ومستمتع جنس استمتاع
فى الفية ابن مالك قالوا
وفى الترخيم فاحذف آخر المنادى
كيا سعا فيمن دعا سعادا
اذن , فالشم (خوخت )
السين وديتوها وين يا مفترين
غايتو , الترخيم ما عندكم
| |
|
|
|
|
|
|
|
|
Re: ولمن فاتهم الاستماع ..... (Re: زهير الزناتي)
|
جيناكم ياحبايبنا
بعد غربه وشوق نغالب فيهو ويغالبنا
ونكتم اه تظهر اه تتعبنا
حنين لشوفة الغالين مدوبنا
يا كوتش شوق ما ليهو حدود...
شوق ليكم مدوبنا...
و مطلع....
زيتنا طبعا يا كوتش...
حتى لا يملأ المرجفون الأماكن الخالية على هواهم...
فيكون هواهم ليس على هوانا...
و هوانا متكأكم الجميل الراقي...
الذي انقطعتم عنه...
فأحسسنا بغربة و شواق...
شوق نغالب فيهو و يغالبنا...
مساك خير يا كوتش...
| |
|
|
|
|
|
|
|
|
|
Re: ولمن فاتهم الاستماع ..... (Re: الرشيد بابكر)
|
سلامات يا ناس
Quote: الذي انقطعتم عنه...
فأحسسنا بغربة و شواق...
شوق نغالب فيهو و يغالبنا...
مساك خير يا كوتش... |
يا جبيب ...سلام وشوق كبيرين...
انا افتقدك وافتقد التفاعل القديم
اتعاطف معك عميقاً وانت تعانى غربة السَّلَعْ
وأحسّك عميقاً وانت تتخدى بحر هذه الغربة ...
أسأل الله لك راحة البال وعودة المزاج.
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
Quote: زهير الزناتي
تاريخ التسجيل: 28-03-2008
مجموع المشاركات: 9563
|
زهير ...سلام
دى قحة ولا صمة خشم؟؟
لو قحة ...شكراً على القحة الجميلة
ولو صمة خشم ...ادعو الله ان يفتح خشمك.
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
Quote: من عوج الوكت ما بتركن وانساهن
فوق حيا فوق محل دايما بكوسو رضاهن
ملزوم بي مراتعهن وخبرة ماهن
وصلنوالمصب واتوكرن في خلاهن |
أعجبتنى عوج الوكِت هذه..
واعتقد ان الحديث هنا عن قائد القطيع...حيث يظل ملازماً للقطيع
فى كل الاوقات وفى كل الظروف ...وله الخبرة فى معرفة مناطق العشب
وموارد المياه...وفوق ذلك فهو حريص على كسب ود القطيع.
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
يا كوتش حقيقة تذكرتك البارحة وانا اتابع باندهاش
لقمة الكرة في العالم و كانت بحق متعة لم اشاهدها
في حياتي و اكاد اجزم بان ما قدمه برشلونة امس كان
مرجع في كرة القدم .
و لانك جميل تحب الجمال لذا حبيت امر مبكرا حتى لا
يفوتني الاستمتاع اكثر من ذلك .
فلك التحية جنابو و موصولة عبر للكباتن و امههم .
| |
|
|
|
|
|
|
|
|
|
Re: ولمن فاتهم الاستماع ..... (Re: زهير الزناتي)
|
سلامات يا ناس
Quote: يا كوتش حقيقة تذكرتك البارحة وانا اتابع باندهاش
لقمة الكرة في العالم و كانت بحق متعة لم اشاهدها
في حياتي و اكاد اجزم بان ما قدمه برشلونة امس كان
مرجع في كرة القدم .
|
سلام موسى ...وعساك طيب
يا سيدى دايماً طارينك بالخير
وشكراً على المرور
وعذراً على تأخير الرد لغيابى الايام الفائتة.
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
مع مصطفى محمد الحسن:
Quote: وحيدا يجلس في ( الكافتريا ) الصغيرة الانيقة المنصوبة في الفضاء ما بين كليتي العلوم و الصبدلة . في ساعات الصباح الاولى من الشتاء , شتاء الزقازيق الرمادي و زخات من المطر المستحي تبلل عشب المكان , المقاعد الخالية تجذب مجموعات صغيرة أغلبهم من البرالمة يملؤهم الزهو ، زهو سنوات العمر الاخضر و الاحساس الجياش بالحياة.
رويدا رويدا ينبض المكان بالحركة و تدور الضحكات المنرعة ، سندويتشات البيرقر و قزاز الكولا (يطاقش) ، رويدا ينخفض الايقاع ، و يبدأ التآلف ، لحظات التكوين ، البدايات الصعبة ، التلعثم ، الحوار الموؤد بالارتباك ،
مسيرة الاعوام القادمات من الترقب و الخوف ، و كثيرا من الحسرة على النردد في اللحظات الحواسم ، كيمياء الحب العجيب .....
لا شعوريا تمتد يدي لالتقاط سيجارة ، اهدئ بها الفوران الذي يموج داخلي ، علبة ( الكيلوباترا ) تقزمت ، ألتقطت ىخر السيجارات بها ، قذفتها بعيدا ....
( يلا انت عايز تقول شنو ، .....)
قاطعتها ( أنا خلاص مسافر ، و أنت عارفة نحن تاني خلاص )
أنا أدري تاما ، فالقوس أنتصب ( و بصلة العرس يحمرو فيها ) ، لماذا يستنكرون على حتى أن اسجل موقفا ، أن أعلن بكل شجاعة مباركتي . ( انا لست ضحية ، كل ما في الامر أنني جئت في الوقت الخطأ ).
بدات مراسيم التسليم و التسلم ، استلمت حزمة الخطابات التي دونت فيها كل تاريخ الانكسارات تلك , بعض الصور للحظات سوف تجرحني علي مر السنين و استلمت الخاتم الفضي فقط ، أكتشفت حينها بؤس مقتنياتي ، فطوال الاعوام الخمس الماضية لم تكتب لي هذه الرائعة حرفا واحدا .
(اتفضل معانا ) انتبهت للواقفة امامي ، قوامها الممشوق و تلقايتها الواضحة . بمسكنة شكرتها رغم الجوع الذي ينادي ( انا الفيلم دا كلو قبل كدا شفتو ) قلتها لنفسي ( يا زول تاني ما عندك مروة تلاوي بيها تاني البنيات ديل ) .
سافرت ، و كاني اسافر في رحلة عكسية ضد الديار ، هذه الديار التي لا تعرفني ن مطارق عجلات القطار تنقر فوق راسي و البيوت الطينية على الارصفة تبدو مهجورة و كئيبة ن النخيل في برودة يناير لا يرقص ....
لسعتني الوحدة ، ألان المكان خالي تماما من الناس ، جيبي خالي حتي من السيجار الرخيص ....
نهضت كالمفزوع ، على ايقاع ( الضفادع ) الكورالي سرت محازيا الترعة حتى اطراف المزارع .
جورج الدين
دا جزء من قصة ( فصة صحي صحي ) كتبناها في أصدارة عملوها ناس كلية العلوم ، بدون اي مناسبة ن ناس مبارك جادين كمان دايرين مناسبة ، علقوها في الاتحاد تحت ( اختلاف الراي لا يفسد للود قضبة ) طبعا ناس مبارك قاصدين ( لا يفسد للحب قضية ) ، اسميتها أنا ( انفعالات ساكنة ).
بعد كم يوم لاقتني واحدة من البنات ، قالت لي ( انت كمان تعرف تكتب ، و كمان كنت حابي )
|
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
مرحى يا كوتش , وهنئيا لك يا مصطفى محمد الحسن , اذ لمست فينى عصبا (قصيا )
كنت اظنه قد استكان , او على الأقل , ضمر وذاب , ولكن هاهو يعود الى (المتاورة ) , تماما , كضرس موجوع , انزلقت من حوافه العارية
بعض من حبات القرنفل (المسكن )
عدة دلالات , زارتنى فى طيف الخيال , وأنا احتفى بالنص الفخيم
احادية دلالات اللون , وانحيازها الصارخ لرمادية المكان والزمان , دون ان تحتفى بالدواخل الوردية , البائنة والظاهرة من تصالح النفس مع النفس , سواء كان ذلك من بيان ما بين ثنايا النص والمفردة
او التعليق الشفيف المعنون للكوتش (جورج الدين ) , ليلاحظ مع القارىء , ثم يمعن فى الملاحظة
ثم ان دلالات استحاء المطر وتبليله الشفيف لعشب الأنتظار , تدخل -ضمن ما تدخل - فى اسلحة دمار النفس الشامل , خاصة اذا ما تداخلت , ضمن ما تتداخل - مع كيمياء الحب المستحى , والتعارف المرتبك
السائد فى مسرح الحدث وشخوصه , البرالمة المتجدعين على طاولات الأنتظار وتكوين الذات , قبل ان يتجدعوا على الطاولات والكراسى , الدائسة على العشب المبتل ,بحواف اربع , تمضغها العيون قبل الأسنان الموجوعة
وتسنشقها الخياشيم وقصبات الهواء الطالعة والنازلة , ضمن ما تفعل وتزدرى , ما شاء لها الأزدراء (سندوتشات البيرغر وقوارير الكولا المتطاقشة ودخان سيجارة الكيلوباترا الأخيرة )
اما بصلة العرس القاعدين يحمروا فيها , فقد قتلتنى واحيتنى يا كوتش ويا مصطفى ويا كلكم , يا مرحى على هذه التركيبة الفخيمة , ان بامكانكم كلكم , ان تكتبوا رسالة من رسالات الدكتوراه والماجستير , على دلالات الأقتصاد
والزمان الروح وفات والأستسلام القهرى لسفر الجفا القادم , ففى الأعراس , يوم لدق الريحة , ويوم لكذا , واخر لهكذا , ثم يوم لتحمير البصل , يا لوقع ذلك اليوم ودلالاته العميقة , فاذا ما أتى وصار قضيا مقضيا , فان قطار الحياة قد مر
وتجاوز محطات الأمانى وموانى الرغبات , واستقر مسترخيا كما (الفكرة التى تعقب السكرة ) , واننى لأسجل اعجابى ها هنا مرتين , احداهما على مستوى النص وابداع (التركيبة اللفظية ودلالاتها العميقة ) , ثم مرة اخرى مع تصالح الفكرة العميقة تلك , مع نفس شفافة , فعلت ما فعلت , دون ان تفقد من تماسكها الظاهر شيئا , حتى انه اسماها (انفعالات ساكنة ) , رغما عن رغبات المبارك جادين (المنفلتة بى سببها )
واذا كانت انفعالات مصطفى محمد الحسن يا كوتش , تدخل فى تصنيفه ضمن انفعالات السكون كما قال , فان استرداد الرسائل وخاتم الفضة , كان مخالفا لسكون اللحظة وممتدا الى اتون (الحركة المفرطة ) , حركة فى كل الجوانب
دون اى تمييز , يكفى ان نشير اليها كما اشار (عبد العظيم حركة ) , انت رجع لى رسائلى , والرسائل العندى شيلا شيلا , والصور لو درتا برضو , وكل ذكرى ريد جميلة شيلا
ثم تأتى دلالات الصوت المترتبة والمتوافقة مع هذا النص الفخيم , لتفعل فى النص فعل موسيقى التصوير , لتكتمل جوانبه ولوحة اخراجه البديعة , فما بين نقيق ضفادع ووقع مطارق القطار وعجلاته , ثم اختلاط كل ذلك بسؤال الأستغراب المستفز
(هى انت كمان بتكتب , وبتحب كمان , وسؤال مصطفى فى منتصف النص , لماذا يستكثرون على اختلاجاتى , او كما قال
احييكما , اذ رفعتونى لحظة الى هذه السماوات , اذ اننى (كما الكثيرين من امثالى ) , كثيرا ما يفوتنى الأستماع
| |
|
|
|
|
|
|
|
|
|
Re: ولمن فاتهم الاستماع ..... (Re: منصور عبد الرازق)
|
يا كوتش مصطفى قبله وقباله...
استنكروا عليه الحب فلماذا استنكروا عليه الكتابة اذا...
كيلوباترا و آخر سيجارة في العلبة وكمان قطر و ترعة...
لا بد أنها كانت ...
عماراتية العينين رياضية الحشى
معمورية الأطراف جاردت سيتية الكفل
نمرة اتنينية الأبدان برية اللمى
خرطومية الأسنان كسلاوية القبل
هذا النص القديم الجديد الجميل انقذني من متابعة مباراة نهائي كاس الخليج المملة...
عندما قذف مصطفى علبته الفارغة ارتطمت كرة للكويت بالعارضة فارتفع صوت المعلق...
انتبهت قليلا فوجدت ان المباراة أسرع في كابينة التعليق مما هي عليه بالملعب...
ثم تابعت القراءة حتى اذا ما مر قريبا من الترعة ارتطمت أخرى بالقائم...
لا شك ان مصطفى ما زال نادما على عدم قبول دعوة تلك الفارعة...
فلربما حمرت البصلة في مكان آخر و توقف عن مثل هذه الكتابات...
| |
|
|
|
|
|
|
|
|
|
Re: ولمن فاتهم الاستماع ..... (Re: أبوبكر حامد الأمين)
|
تعالو نقاطع كتابات مصطفى حتى يدوهو الباسورد
والعاوز يقرأ تحت تحت مافى مشكلة
قالو فى واحدة من بنات علوم لاول مرة شافت زميل ليها بسف صعوت
قالت ليهو لالالالا حولالالالا سقط من نظرى ...
رد ليها بنبرة حادة ما اسقط كان اسقط ، اصلو سقط من عمارة
خوفى يا مصطفى تكون الشخص السافى ده ...
ولا انا غلطان ، لانو شايفك قلت كنت بتسجر كيلوباترا وما جبت سيرة الصوت
كلو كلو كعادة الكثيرين ...
| |
|
|
|
|
|
|
|
|
|
Re: ولمن فاتهم الاستماع ..... (Re: عبد الدائم سيد أحمد)
|
تصدق يا كوتش امبارح عندي مداخلة يبدو انه كتبتها ونسبت ارسلها .... الله يكون في العون ... غايتو الحالة بقت صعبة ...
كان عندي انفلونزا زي حقت منصور ... بس نحن اولاد الاقاليم ديل غير الملاريا مافي حاجة بترقدنا ... مش زي ناس الصحافة وحناكيش اركويت .... طبعاً بتوعين العمارات والرياض خارج المقارنة ... كل ما تقول لي الكحة ولا صمة الخشم اضحك فيك ... اقول ظاهر عليهو محمد صديق ما ضاق نزلة البرد ######تها البتوجع اي حاجة في الجسم ... اسال الله يا محمد صديق السنة الجاية ربنا يحججك وتضوق النزلة الاسيوية دي عشان تحرم حكاية القحة ولا صمة الخشم ...
ياخي الولد مصطفي ده كتاب .. عليك الله رسل لي باسويرده خليني اضمه ليك في اول قائمة في الفترة الجاية ...
| |
|
|
|
|
|
|
|
|
|
Re: ولمن فاتهم الاستماع ..... (Re: زهير الزناتي)
|
يا أهل المسادير....طاب حالكم
مع اني ما عارفكم وقفتو وين!
لكن...وحا ارجع للبوست دا بي مهل
عشان اشوف الحاصل فيه شنو...
هاكم دي عربون اقامة في هذا المكان...
جدكم ناظر البشاريين أحمد كرار كان راجلا كلس..وكريم
ولديه جمال بشارية اصيلة...وجميلة...واجمل من نانسي
عجرم زاتا في نظر من يعشقون الأبل...
ود شوراني...قال...لقيت جمال الناظر مسروجة بي مخلوفة
نظّار...نضيفة وتلهج...ورقابا طاعنه في السحاب...الحقيقة
المنظر دا خلاني أرجف...واتاريه الناظر كان شايفني...
حرّم خرت رسن احسن جمل عندو واداني ليه:
بغرا صابني من ركب الجمال الخبن
ودرّو مني بي دفع اب محاجما كبّن
الخلواتو من عمت الضيوف ما غبّن
في الضيق جارو ما بشفق يقوم يتبّن...
أها نجي للشرح...وانا لا اميل اليه كثيرا لأنه يفسد
حلاوة الغنا...والدوبيت..وكان سألت شاعر منهم عن المعني
ولا بجاوبك...دا كان قبل منك غادي...
ود شوراني هنا وصف حالتو...زي الزول المتيم لما تمر
التيمية محبوبته امام عيونو وظل يبحلق في الجمال السمحات
ديل...وهنا الناظر لاحظ لي البحلقة المهجومة دي...وبي كرمو
قدّر وعرف حالة ود شوراني...واداه منهن واحد...
البغر: ودرو منو بي دفع اب محاجما كبّن...والدفع دا ياهو
الدفع المعروف دا...حق المال...وألبل برضها هنا مال..
مش ناس الزمن دا بقولوا مال عيني...وتيّب...
اها لابد بعد ما قبض...يقول شكرا..
اها قال: الخلواتو من عمت الضيوف ما غبّن...
العمت دا ياهو سلامنا ومقالدتنا..ديك زاتا
اما الجار البشفق ويقوم يتبّن دا...دا الجار
الغير مطمئن...
يعني جوار الناظر دا امان تب من الخوف والفقر...
هسي في الزمن دا حكومة كاملة...ممكن ينطبق عليها البيت دا؟؟؟
| |
|
|
|
|
|
|
|
|
|
Re: ولمن فاتهم الاستماع ..... (Re: nazar hussien)
|
يا جماعة في نوع تاني من الأدب الراقي جدا
موازي للدوبيت....دايما بيقال ملحن...
واسمه بنواحي البطانة ومناطق شندي وكبوشية
بالجابودي...الامين البنا ومحجوب كبوشية
جابو نماذج منو...
وأكاد احفظ معظمو...بس بحتاج لي كم قنديل شمعه
للذاكرة الاتلحست بهجايم الغربه...
كان الناس يقولوه قطع اخدر في الخلا...اثناء
رعيهم وزراعتهم..وحصادهم...وقبل ذلك...مع
صوت دوران (تروس) السواقي... خايف اقول التكم ما تتفهم
مثلا:
البارح في خلانا
مصنقرين برانا
شن جاب اللوم
يا مطيرق الخيدرانه...
والشيالين اللي هم الحاضرين كلهم يرددوا المقطع الاخير...
ومعاه صوت كرير...(هو هو...هو هو) من الحلق بس...والخشم مصموم
ويطلع واحد تاني بي صوت مختلف ونفس اللحن:
لي سيفو ولي درقتو
ولي جملو الواسعة طرقتو
رحل الممهوله حركتو
وما بتنسد فرقتو...
حا احجز مساحة كبيرة في البوست دا لي الجابودي...ان شاء الله
وهو غير مقصور علي اهل البطانة...وناس شندي وكبوشية
شرقا وغربا...وانما برضو بنلقاه في دار الكبابش...
| |
|
|
|
|
|
|
|
|
|
Re: ولمن فاتهم الاستماع ..... (Re: nazar hussien)
|
آسف يانزار ان جاءت هذه المداخلة بعد ذلك الادب الرفيع الذي سطرت
ولكن ...
زهير دا الظاهر عليه النزلة قايمة ببيهو
و"القحة" فقدتو المنطق لذلك لزم علينا تنبيهه
ابوالزوز هاك الباسويرد دا ...
| Quote: ياخي الولد مصطفي ده كتاب .. عليك الله رسل لي باسويرده خليني اضمه ليك في اول قائمة في الفترة الجاية ... |
هو كان عندو باسويرد نحن بنرجاك لمان تضمه 
| |
|
|
|
|
|
|
|
|
|
Re: ولمن فاتهم الاستماع ..... (Re: جلال عثمان)
|
سلامات يا ناس
Quote: واذا كانت انفعالات مصطفى محمد الحسن يا كوتش , تدخل فى تصنيفه ضمن انفعالات السكون كما قال , فان استرداد الرسائل وخاتم الفضة , كان مخالفا لسكون اللحظة وممتدا الى اتون (الحركة المفرطة ) , حركة فى كل الجوانب
دون اى تمييز , يكفى ان نشير اليها كما اشار (عبد العظيم حركة ) , انت رجع لى رسائلى , والرسائل العندى شيلا شيلا , والصور لو درتا برضو , وكل ذكرى ريد جميلة شيلا
|
منص يا لذيذ...سلام
أسعد دوماً بمرورك وأستمتع حد المتعة بكتاباتك...
لك الشكر كله...
وإن أنت شرَّحت كتابات مصطفى ...فمن ياتُرى يأتى ليُشرِّح كتاباتك أنت؟
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
Quote: لا شك ان مصطفى ما زال نادما على عدم قبول دعوة تلك الفارعة...
فلربما حمرت البصلة في مكان آخر و توقف عن مثل هذه الكتابات...
|
يا حبيب ...سلام
هذا المصطفى ...خطير جداً فى الكتابة
وهو قاص جيد وهو يعلم ذلك ولا يحفل ...
سنسعى مع زهير ليكون ضمن المجموعة.
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
Quote: تعالو نقاطع كتابات مصطفى حتى يدوهو الباسورد
والعاوز يقرأ تحت تحت مافى مشكلة
|
يا نضيف ...سلام
يبدو لى مصطفى كان قاصدك انت ...انت القلت ليهو انت قاعد تكتب ؟
الحاج والحاجة اخبارهم شنو؟
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
| Quote: هاكم دي عربون اقامة في هذا المكان... |
الأخ نزار...سلام
سعيد انا بمقدمك ودخولك الينا ...ومرحباً بك مُقيماً لايُقلقه (كفيل)
كان قد نصحنا بالإستزادة منك صديقنا الطيب بشير..ولم نجد سبيلاً إليك
سوى التَّودد إلى بكرى حامد(وكان فى الأيام الفائتة لا يستحق التودد إليه)
نطمع فى الكثير منك .
لك الشكر كله
ومنتظرينك.
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
ياكوتش سلام
البلد جابت ليها جابودي
مرحب بالاخ نذار ابقي لي داخل
الديوان مفرش ومرشوش ومبخر
الجابودي او العطوي او الحمبي
هذا على النيل اما في الغرب اظنه
يسمى الكرير او الجراري وهو ادب غزلي
وفيه ايضا الطرافه والمزاح والسخريه من الذات
البارح جيت مفلق
ارجاني عشاي معلق
بي ملاح سبروق من الايد بزلق
اهي اهي اهي
منتظرين يانزار
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
Quote:
الجابودي او العطوي او الحمبي
هذا على النيل اما في الغرب اظنه
يسمى الكرير او الجراري وهو ادب غزلي
وفيه ايضا الطرافه والمزاح والسخريه من الذات
|
ودالمهدى الغنَّاى ....سلام
أها جوك فطاحلة ...جُرْ بنبرك وتعال.
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
عليكم الله اتأملوا في قدرة الناس دي علي التصوير ورسم اللوحات:
كاكتي وأب هشيم والعشره خيرهن دفّق
والجبل اب فريوه علي السعيّه اترفق
صقر الرخمه بي جنحاتو في الجو صفّق
البكماء انضمن مرعاها زول ما بشفق
كاكتي واب هشيم والعشره ديل اسماء مناطق...
الجبل اب فريوه دا جبل صالح للرعي وفي الخريف...تغطيه الحشائش كما
تغطي الفروه سنام الجمل...
البكماء دي البهيمة والسعية عموما...
البكماء دي اختفوها ختف في القراية زي (البكمنضمن)...حركات المد هنا ما بتقسم
| |
|
|
|
|
|
|
|
|
|
Re: ولمن فاتهم الاستماع ..... (Re: nazar hussien)
|
سلامات يا ناس
نزار حسين ...سلام تانى
وتانى سعداء بمرورك...
الناس قدرتم عجيبة على الوصف والتشبيه
وضرب الامثال ...وفيما قرأت أن الحاردلو يُكثر من
من استخدام الإستعارة بدلاً عن التشبيه وهذ يُكسب الكلام بلاغة
| Quote: البكماء دي اختفوها ختف في القراية زي (البكمنضمن)...حركات المد هنا ما بتقسم |
ده البيخلق الفرق ..لو انت قريتا زى ما بتقرا العربى الفصيح ..الوزن حيختلّ
وده بيحتاج لى كترة سمع ...
شكراً على الإمتاع
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
وعليكم السلام يا محمد صديق ...ووالله انا الاسعد...حقيقة...
نجي لي موضوع النطق...الموضوع دا مظلومين فيه الناس
الما عاشوا في اماكن...هذا الابداع...لأنه نطقهم للحروف
دا زي فطره...هم بنطقوا كده...ويقوم الناس السمعوها
يكتبوها زي الاملاء...ويطوعوها للكتابة العربية الصحيحة
لأصل الكلمة...
يعني تلقي الشكري يقول...انقلب فوكن بي جملي...
يعني جيتن راجع عليهن...يقوموا المثقفين يكتبوها
انقلب فوقهن بي جملي...شوف الموسيقي مش تكاد تكون تلاشت في الجملة التانية
لما بدلنا الكاف بي القاء والهاء...
مثلا: يقول الغناي...
وكت نمشيلن البلد البآلفو جديهن
يجي المثقف يكتبها: وقت نمشيلهن..المشكلة حا تكون في الجرس الموسيقي
للدوبيت...برقد هبود...من جنس التطويع دا
| |
|
|
|
|
|
|
|
|
|
Re: ولمن فاتهم الاستماع ..... (Re: nazar hussien)
|
نزار مراحب وانت تجلب الكثير من الجمال
اكيد الكثير فاتهم الاستماع لمثله
العطوي او الجابودي عاده ماينظم ثلاثي الابيات
ويغنى بايقاعات معظمها خفيفه بمغني واحد ومصفقين
وشيالين وضاربين بارجلهم مع صوت مكتوم من الحلق
اليكم امثله
قش البطانة الفاقع
برعنو أمات براقع
أنا ما بديك: دهبي اللقيتو واقع
قش البطانة الفرهد
فوق المزرقن يرعد
انا ما جافيت لكن دريبك أبعد
يا يمّة انا المزنّب
ماكلاني نار جهنّب
حليل تومي.. اللقا الخريف وقنّب
اللخدر عيش الحدب
يا القايم فوق اللدب
عاشة القشيش، لابد تبقالي سبب
الأخدر عيش الشاتي
صيفو وخريفو مشاتي
أرمولو القيد مفتاحو في حجباتي
يا اللخدر عيش الزرع
انا منك ما بنقرِع
يا اولاد ابوي السوسة بتاكل الفرع
يا يابا ود حيسونة
يا راجل العيلفونة
عرب أم ضمير ما يرحلو يخلونا
يا فتيل الريحة
الريدة ليك صحيحة
ات كان جفيت كلمني بالنصيحة
نحن الاتنين برانا
نتونس في خلانا
فوقك تقيل يا مطرق الخيزرانة
جِدّياً دابو قرّم
يرعىَ العسين والبرّم
شعرو سوادو شبيه الليل الضلم
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
| Quote: ات كان جفيت كلمني بالنصيحة |
على نسق نزار في ختف الكلمة ختف
وعدم كتابتها إملائياً
إت أفضل موسيقياً من إنت يا ود المهدي
أنا أقترح بعد ما تفترو من نضمكم دا
بعد داك الواحد حتيتن يخش بي فاصل استراحة
أختفو الكلام ختف يا نااااااس
| |
|
|
|
|
|
|
|
|
|
Re: ولمن فاتهم الاستماع ..... (Re: محمد آدم النور)
|
سلامات يا ناس
اختفوا ختِف .....
ضِهير قلعة مَبَارَك جِيتُو تَلْعَب شَدْ
مَنَعْتّ اللّسّة والكُرْباج وقولة هَدْ
على التَّالاكَ إحسان ذوقو ما بِنْعَدْ
يومك كلو تَمْصَعْ ما انْلَحَقْ لك حَدْ
هنا ود اب سِن يُخاطب جَمَله فى مسدار رفاعة ( منقول من كتاب الدكتور ابراهيم القرشى)
لاحظ : ما انلحق لك ...لو قريتا قراية مثقفاتية حتخرب القصة ...
اظنها تُقرأ هكذا: مَنْلَحَقْلَكْ....
| |
|
|
|
|
|
|
|
|
|
Re: ولمن فاتهم الاستماع ..... (Re: زهير الزناتي)
|
سلامات يا ناس
وصباحات التفاؤل
Quote: جينا نختف القراية ختف ...
|
سلام يا صاحب...
وجيَّتك مٌقدّرة ...ولك الشوق (البجيب محمد عيد شنو؟)
عليك الله بعد ختفة القراية ...أختف الإيميل بتاع مصطفى ...
نزّلتو ليك فى مداخلة سابقة.
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
من صحيفة ألوان ...:
تَقَّاى المَفَلَّخْ شِلْتُو فى مشوارك
جُوطْ واجُوجِى لى هَسَّعْ بعيد مُتْرَارَكْ
قال لى الهسَال كان تَرْخِى منو يسارك
بوريك ادعج النّقَع الفَتَقْ نوسَاركْ
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
| Quote: ونتوقع ظهور بكرى حامد والطيب بشير. |
انت يا كوتش عارف الوحدة بتخلي الواحد يبقى حساس زيادة...
و جنس الكلام ده بنفهموا غلط مع حساسيتنا دي...
لكن أنك زول عزيز علينا كان متوقعنا و لا ما متوقنا برضو بنجي...
أسحب كلامك ده بسرعة و الا...
حنجي تاني برضو...
أنا مستمتع جدا والله بس ما عندي مساهمة في الحتة دي فقلت أحسن أتابع
و أخليكم تنداحوا..
| |
|
|
|
|
|
|
|
|
|
Re: ولمن فاتهم الاستماع ..... (Re: مجتبي فاروق)
|
سلامات يا ناس
| Quote: بس قلت امر ساى بى جاى يعنى كان الدرب صعب التلفونات دى سوها لى شنو يا ساعدتك |
يا مجتبى كيف حالك وعيالك ...وانا متلوم معاك ...
اصلى الفترة الفاتت دى مكوجن وطاشى ...
تلفونك ضائع منى ..يا ترسلو لى يا تكتبو هنا ...
لك الود
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
أيام المرحلة الثانوية ..وتحديداً العام 1984
تحصلت على كتاب فن المُسدار للدكتور سيِّد حامد حريز
وبمثل ما تحصلت عليه فقدته ...وانا لم أزل متحسراً
علي أن شخصاً ما تحصّل عليه...
من الحاجات اللسة قاعدة فى راسى من الكتاب المفقود ده:
ود الأبيض الوارث الدلع والقوة
عِنْ حَجَر المَسَنْ عَمَل المجانين سّوا
اللابِس عيار الأَلْف عقودو مَلَوَّا
سِنو بَرَقْ وِجيهو مع الكهارب ضَوَّا
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
عارف الدنيا خميس ...لكن المشاركة دى
وصلتنى من مصطفى محمد الحسن:
Quote: ود المهدي ، جورج الدين
صباحكم زين
أنا الطفشني من الدوبيت واحد يقولولو حسين ، من جماعة شرق النيل ، مما تكون في ليلة ثقافية او شي من النوع دا ، الا انبرى لها ، و مد قدومو ، و بصوتو المجوجو :
الولد البخاف من القبيلة تلومو
خلف ساقو فوق تيسا سنين قدومو
أعادني بقوة للدوبيت ( الامين البنا ) ، صوتو ملين شجن و مترع بالعذوبة ، ورضعو ني من اماتو :
يا فتنة غرامك في العزيزة تلفنا
سيف حبك يكبر فينا ما جلفنا
في رمضان القبل الفات ، كان في برنامج بتاع دوبيت ، بجيبو فيهو واحد اسمو زهير ، الساعة اليعوج رقبتو و يغطي اضانو ، تعال شوف العجب ، يجدع الدوبيت دا زي الشي الكعب.
جنب الجامع الكبير في الخرتوم لقيت ديوان ( ود ضحوية ) ، الكلام صعب جدا ، احترت في الخيط الرفيع الذي يربط العشق مع الفروسية ( انا كنت متخيل الحب يخلي الزول شوية كدا فيهو عود عشر ) يعني زي حالات ناس قيس و الجماعة ديل ، افندية و كدا .
في سوق كسلا لاقتني (كارا ) مكتوب في ضهرا ( غناي كان سويتو في عود كان خدر ملا الواطة ) الكلام عجبني عجب شديد ، و شميت فيهو ريحة الشايقية ، سالت واحد من جماعتم عليم ، افتاني ، قال لي دا واحد كتب سلسلة من القصايد كلها تحمل اسم (عابرة ) و طبعا ست الاسم واحدة ، القصيدة اياها ايتدرها ب..
لا آسف و لا محزون علي العمر القضيتو معاك
و جاء في سياقها ( الحتة بتاعتي )
غناي كان سويتو في عود كان خدر ملا الواطة
و ما كان الزمن طاطا
و اتحدر وقع واقود
حاجة زي كدا ( ود المهدي خصمتك ) كان تقص لي اتر الزول بتاع عابرة دا ، و تجيب لي خبرو ، و تجيب لي القصيدة دي كلها ن انا عارف ما بغلبك .
الشي التاني محيرني يا جورج وود المهدي ، انت الشايقية ديل يبكو الضحي الاعلم ، و عديل كدا يصرحو ، و يقولو اسم الزول كفاحا ، و موش كدا و بس ، كمان يغنوهو و يرقصو عليهو ، و يوم واحد ما سمعنا في زول كتلو ، القصة شنو .
قفلة
قال الشاعر ( ما عارف اسمو منو )
سالت (سعيدا بن المسيب ) هل في حب لمياء من وزر
فقال كلا ، انما تلام على ما تستطيع من الامر
قال سعيد بن المسيب ( وهو العالم و الفقيه المعروف بالمدينة المنورة ) و الله ما سالني ، و لا افتيته.
|
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات ياكوتش
سلام يامصطفي
جيتك تفرح وطلبك مجاب وانت تطلب
كلام متنبي السودان (حميد )
غناء عثمان عبد العظيم وآخرون
اليكم نص
شعب اليقان
اتيقنت من تالاك
انا انيقنت
لا آسف ولا محزون
على العمر القضيتو معاك
…. …. ….
براي باقي الدرب بمشي
وخطاي تعدم الهدّاي
أكان السكّة حارت بيْ
وأكان كرّت سموم الصيْ
على نسم العشم جوّاي
قوافل صبري ماب تضهب
وأمان حاديها مو الدوباي
…. …. ….
خيول قبّال دا ماترّت
ولا فرّت من الحوبات
ولا حرّت
ولا انشدت
ولا صدّت سروجه بلاي
وأعود من دربك الدردار
على شعب اليقان مسنود
وأحرس العرسة من تالاي
وريح شجن الليالي السود
صه .. صه يا الحشا المهرود
وهبِّد غلبك الوقّاد
قبل ما يرقدك هبّود
عشتو معاهو ما هو أجواد
زماني بلاهو يبقى يجود
…. …. ….
عيشكن يا قماري عليّ
أنا القطّت تقي دنياي
وعشِّكن أبني بي إيدي
أنا البين الرياح جاي جاي
شرطاً ما تقوقن لي
قوقيي يبهلن عيني
ويوقد في دواخلي أساي
"منو العزَّ الحبيب ما لاك
وقدَّس لي عيونو السود
أكان سوِّيت غناك في عود
كان خدّر ملا الواطة
وكان فوّح عبير وورود
وما كان الزمن طاطا
لا وقع انحزم واقود"
…. …. ….
شيشكن يا قميريات
كم من قبلي خاب مسعا
وما شقَّ الجيوب ودعا
علي جور الحبيب بآيات
ولا هتك القلوب ونعا
مزارات القريب بأبيات
ولا نوّح على الراحن
قدر ما ظنَّ في الجايات
مظان الخير وجرحو وِعا
ونظر قدّام مضمِّد سكتو الموجعه
…. …. ….
وكتّر خيرو يا أيام
وكتّر خيرك إنتي معا
ده ما أول صد ولا آخر ود
وكم من صد ودادي رعا
ويا زارع حياتي صدود
عذابي معاك إنّي غمامة
وإنت كركي لا محدود
ونبت البينا كان لابد
يضبلن ما يضبلن كيف
وإنت لقيتو عز الصيف
صهاديب الصعب صالا
نتقت النسمة من تالا
نتفت الغيم خريف وخريف
حبست تسابو تحت القيف
وقطع سرسار جداول الود
وصنّه يباب ودابك جُد
قبيل وين كت ؟
قبيلك كان يكفِّي رزاز
بعد دا إن جيت
أوديك وين
بعد دا إن جيت
وأنا اتيقنت بدري قبيل
بعد فرّجت فيِّ الليل
ونبّاه الدغش في العين
وأنهكت الوداد بالصد
وأشواقي الغبش بالبين
حليلك كنت زولي أنا
وملاذي الفي السمح والشين
تموت آهاتي لما تبق
متل جهر العديل والزين
…. …. ….
خطاي فوق دربك الدردار
تشولت من متين ومتين
مورقت البيوت بالود
نورقت الحصاد كان صد
وكان لابُد حليلي تصد
نان تقعد تناجي الطيف
بلا البيدودي في النيران
وما من خلوة لامن ضيف
مي كم من شتلة فوق القيف
بتيبس وكم حراز في الساب
يخدّر يوم بحيرو يصد
أمش يعدل عليك الله
طريقك لا غلب لا آه
ولا نسمع مريكبك تاه
وسط لجة زمن جهجاه
وأنا الزي الشعوب مغلوب
زمان السخرة والملاك
أنا العبِّيت مخاليْ ريد
وقلت لك يا الحبيِّب هاك
أنا القبِّيت لويبي الإلفة
ألقِّم في جدَيْ محياك
أنا الباسمك ببيت محروس
وبي رسمك بقيت مهووس
أنا الصبّيت مطيرة شوق
رويتك دمّي همِّي ألقاك
وجاني الجاني من دنياك
ومن تعب القميحي الروس
ومن نخل المودة البوص
لقيت شدر الهوى النديان
مجرد عود وناقرو السوس
وما نوحّتَ قُت "يا ملاك
حرام رحماك أنا البهواك"
ولا حنّيت أزورك يوم
أنا الطول الولِف ساساق
جمعت أشلاي ولملم روحي
من بين ريح زمن فرّاق
وقت يا قلبي رغم الغلبِ
لا انكسرت قليلة الوعد
ولا اندفق وفا العشاق
ولا ضاقت رحابة الكون
ولا غمّاً نتح حرّاق
بحب الناس مشيت مسكون
أنا اليي دا وحبايبي يي ديل
وشيلتي أماني شايلة شيل
وفي إيدي عزاي عصا موساي
إذا دنياك حبال فرعون
فيا ضل الغنا المايل دريبي عديل
أرم موزون
على ناساً غبش بالحيل
بتآكل من وشي الواطة
وتشرب من بواقي السيل
وتنطارش جراح الحال
تحت موّال معطّر فأل
يقطّر من عيون أطفال
بتلفح من هجيره ضليل
يجم جوّاها زي شبّال
يرسِّي الخاطر المغبون
يلولي بنسِّي جوع البال
خلا الماعون ..
تفتِّش في القميرة شليل
شليله المافي تربى رجال
وتمرق في الدروب آمال
تعدل الميل ..
وتركز لي رماح الويل
وراء درق العشم في بكرة
يا بكراها شان ماتكون
ويا بكرانا قدر الكون
بعد الخيل ..
وأشد الحيل ..
وأتكِّن فوق تقانت الليل
شعاعات الغنا الميمون ..
اتيقنت =ملاني اليقين
اتكن =التكانه الزراعه نوع من الزراعه
| |
|
|
|
|
|
|
|
|
|
Re: ولمن فاتهم الاستماع ..... (Re: مجتبي فاروق)
|
Quote: فيا ضل الغنا المايل دريبي عديل
أرم موزون
على ناساً غبش بالحيل
بتآكل من وشي الواطة
وتشرب من بواقي السيل
وتنطارش جراح الحال
تحت موّال معطّر فأل
يقطّر من عيون أطفال
بتلفح من هجيره ضليل
يجم جوّاها زي شبّال
يرسِّي الخاطر المغبون
يلولي بنسِّي جوع البال
خلا الماعون ..
تفتِّش في القميرة شليل
شليله المافي تربى رجال
وتمرق في الدروب آمال
تعدل الميل ..
وتركز لي رماح الويل
وراء درق العشم في بكرة
يا بكراها شان ماتكون
ويا بكرانا قدر الكون
بعد الخيل ..
وأشد الحيل ..
وأتكِّن فوق تقانت الليل
شعاعات الغنا الميمون .. |
لك التحية يا ود المهدى وعبرك لهذا المصاب بالورم الوطنى الحميد (محمد الحسن سالم حميد).
يا جورج أنا جيت باقين نزار والرشيد
| |
|
|
|
|
|
|
|
|
|
Re: ولمن فاتهم الاستماع ..... (Re: أبوبكر حامد الأمين)
|
سلامات يا ناس
Quote: شيشكن يا قميريات
كم من قبلي خاب مسعا
وما شقَّ الجيوب ودعا
علي جور الحبيب بآيات
ولا هتك القلوب ونعا
مزارات القريب بأبيات
ولا نوّح على الراحن
قدر ما ظنَّ في الجايات
مظان الخير وجرحو وِعا
ونظر قدّام مضمِّد سكتو الموجعه
…. …. ….
|
يا سلاااااااام على الكلام الطاعم ...ويا سلاااااااام على حميّد.
شكراً يا ود المهدى ...يا سريع النّهمة.
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
| Quote: يا جورج أنا جيت باقين نزار والرشيد |
يا ود المأذون ...إزيّك
نزار كتّر خيرو جا ومعاهو كوم إبداع...
الرشيد جا وقال هو ماليهو فى الدوبيت لكن مستمتع ...
انت جيّتك دى متاوقة بس ...دايرين المشاركة...
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
المساهمة الجاية دى من الاخ الزقازيقى
دكتور خالد محمد طه
Quote: الفنجان
الشاعر: سليمان ادريس الماحي – الفحلاب
(المناسبة: دعوة لجلسة تناول الجبنة من معلمة لزملائها عقب الفراغ من تصحصح الامتحانات، وكان محمود يقوم بخدمة زملائه حتى انفلت منه الفنجان الفقيد وانكسر!!)
الســــــــويتا يا محمود حقيقة جـــــنية
فنجان زي دا ليه ما تشيلو في صينية
تبكي الجــــبنة حزنانة صباح وعشية
قالت ولدي مات في حادثة ما عادية
رسموا الحادثة قالوا اهمال زيادة شوية
كتبوا جــــــواب طلب بالتكلفة الكلية
وصــل الرد سريع من شركة يابانية
انو القيمة بالدولار تكابس المـــــــية
الا الجـــــــــــبنة قالت مابتدور الدية
الكاتل يمــــوت... وأنا بالحصل ماليا
الفنجــان جناي كان باقي عشرة عليا
ما عــاق والدو مو دايرلو في وصية
ساعة الجبنة تنفخ بطني في العصرية
يجـــــــلس بي أدب قدامي بي حـــنية
انتكي فيهو واملا وأقولو دي النار حية
يقول لي ما ضروري.. ارتاحي يمة شوية
الولد الكـــــــتلتو دا كم أخد بكـــــــرية
مسكنوا الاصابعين شغلتو مشية وجية
رافــــــــع راسي فــــــــوق لأني وفية
وجع الراس يشيلو بدون دخول عملية
لابس ديمة أبيض ضـــابط البحــــــرية
والدبورة جنبها نجـــــــــمتو الدهـــــبية
ســـت البيت وكت ما يبقي في الوردية
بي ذوق واحـــــترام بتختو في الفضية
ان جــــيت زرتو في بيتو ومكانو مهيا
ما تقـــول دا المــذيع في شاشة بلورية
قــالت انو اخو مات ماتن علي كرعي
حـــــزنانة الفداية تـــبكي ووب واحي
حزنان الشرقرق والليفة حــــد مرمية
والفـــــندك فـــــرش قال مانى وهابية
والهــــــــبابة من البيها حــــــد مكفية
نحن حكمنا يامحمود شرابك تاني بالكورية
وتعــفى الجبنة منك لا قصاص لادية
وينقفل الملف وتبقى البروش مطوية
|
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
Quote: عيشكن يا قماري عليّ
أنا القطّت تقي دنياي
وعشِّكن أبني بي إيدي
أنا البين الرياح جاي جاي
شرطاً ما تقوقن لي
قوقيي يبهلن عيني
ويوقد في دواخلي أساي
"منو العزَّ الحبيب ما لاك
وقدَّس لي عيونو السود
أكان سوِّيت غناك في عود
كان خدّر ملا الواطة
وكان فوّح عبير وورود
وما كان الزمن طاطا
لا وقع انحزم واقود"
ود المهدي
صباحك زين
موش دا يا هو ذاتو النبع الغرف منو (محمد سعيد دفع الله):
مالكن يا قماري ايش لازم تغنن
وكمان
قول ليهو السحب في روضو ما عادن يصبن
شكرا ليك ، افتكر انو دي ترياق ضد الدبرسة تكفي قريب سنة كدا
|
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
يا محمد صديق والربع
تحياتي..
المشكلة المواجهاني انو البوست دا من دون البوستات
لا يفتح معي ...الا ان اوهج...ونمتي تطير بندق في بحر..
هسي عملت كليك ومشيت سويت لي شاي...وجيتو راجع لقيتو
نجيض...أها انا زمان وقفت في الجابودي...
والجابودي دا شخصيا بذكرني بي زمن ...هلا...هلا...
همبريب...وريحة قش خلا...وغنايا طاعم بلحيل...
هيييي هيييي اييييييييي..
عناق الريل..الرست
بلدا بعيد اتمست
كبدي عليها انقصت
وبالكركار انعسّت....
(اتعطرت) وانعست.بتشديد الساء...والنون
العرب كان ممكن يقولو تعست
عليكم الله...الرسّت..واتمسّت..وانعسّت..وانقصّت...
كلهن انطقوهن...الرسّووووووت...واتمسّوووت...
مالكم ومال العرب...المساخ ديل...بلا سيبويه بلا كلام فارغ
عليكم الله الما عرف كلمة من ديل يوريني...عشان ما اكون طربان براي
سكر الجلابه
جايبنا من صعيد
شايلنا في الكركابه
فرع الليمون الني
شايقني شال تيرابا
هيييييييييييييييييييييي
الوالده وا حرّاقي
ما قتّي الحي بلاقي
يا اللابس السديري
فصلني ليك عراقّي
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلام يا محمد واخوانو
بي قريقيب ما اندرجت
ومن ضيفان ما انحرجت
سنّك برق الهرجت
وريقك لبن الدرجت
الهرجت..دي المطره...
الدرجت دي الناقة...البتحلب
فرع القرض الكابي
وتحتو بكر الدابي
انا جنيت يا اصحابي
من ام سنا قصابي
القصابي دا الفيتريتة شديدة البياض
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
| Quote: يا نزار...مافى إمكانية لى حاجة مسجلة؟؟ |
نزار و محمد صديق...
أنا أتفق مع محمد صديق في ان القصيده المسموعة أو المقروءة بكون وقعها أفضل...
خاصة و أن بعض الكلمات تستعصى على البعض و أنا منهم...
يا ريت لو أديتونا نماذج مسجلة...
| |
|
|
|
|
|
|
|
|
|
Re: ولمن فاتهم الاستماع ..... (Re: الرشيد بابكر)
|
يا محمد صديق والرشيد..
تحياتي..
اكيد بلاقي ليكم مواد مسجلة كتيرة...
لكن الخوف تكون القراية اسهل من السمع..
تعرف الناس ديل لما يغنو الجابودي...
بنطقو الحروف زي الزول الماشي ليه فوق
زريبة شوك حفيان...
بمرو علي الحروف بشويش بشويش...بالضبط
زي الزول العندو لوحة جميلة مرسومة
وبمرر فيها بي قلم الرصاص لتوضيحا..
مثلا زي الغنية الفوق دي
بتسمعا...منها
انا جنيت يا اصحابي
من ام سنا قصابي
كده:
انا جنوووت يوو اصحاببييييي
ميروم سنا قصاوبي...
هم معنيين باللحن...اكتر من عنايتهم بنطق
الحروف..زلأنهم بقولوا كلامهم دا لي بعض...
وعارفينو..
زي نكتة المساطيل...قالوا بدو يكرروا النكات لي بعض
واحد فيهم قال لي رفاقتو...نحن تاعبين رقبتنا فوق كم
تعالوا ندي كل نكتة رقم...وبدل ما نعيدا نقول رقما ونضحك
اها هم قاعدين...واحد يقول 20...وكلهم يفقعوها ضحكة..
جاهم زول ضيف...ولاحظ...حكاية الارقام والضحك...قام
قال ليهم 99...قاموا ضحكوا بي صورة هستيرية...
قال ليهم اشمعني في ارقامكم ما ضحكتو كده...قالوا ليه
99 دي جديدة اول مرة نسمعا...
اها الغنايين ديل...يقولو جابوديهم دا لي بعض...ولو
قالوا الحرف الاول من الكلمة الباقين بكونوا عارفنها
وبشيلو معاهم...مع ان البنا ومحجوب كبوشية وآخرين
خرجوا من هذا النهج ووضحوا النطق...بحاول اجيب ليكم
النموذجين...
| |
|
|
|
|
|
|
|
|
|
Re: ولمن فاتهم الاستماع ..... (Re: nazar hussien)
|
الى من فاتهم الاستمتاع
اليكم نماذج اخرى من الجابودي
ومن ضمنها بعض غناء البنات على نفس النسق
التحيه للاخ نزار مزيد من الجمال
قـوقـن يا قمــاري
لى أهلنا الفي الضهاري
رشرش تومي .. بقيــِّد البشاري (رشرش =الرموش)البشاري=الجمل
نظم البنات
الشايب ما بندورو
بالملالة فوق صنقورو
ناخد الصبي ساكت على حنجورو
الشايب بى التسلو
وبالشوكة التنكسرلو
شايب الضلال أحماني قريني أتلو(منعنى من الرقص )القرين =الشعر
الشايب الجمجمــــة
نفسك دعاش الرمـــة
ناخد الصبي ساكت يبرد الحمى
البكرة الحومرية
من الغداد بريــة
لا ضاقت قيد .. لا إنشدت بى حوية(الحويه =السرج)
يا صنـــدل العرايــس
الأخــدر المتقايــس
الناس عرب .. ما بتفهم الحدايـث
يا صندل الشقيـقــة
تهمونـي بيـك رفيقـــة
الناس عرب .. ما بتعرف الحقيقة
ايضا :
اللخـدر يا جـملنا
وفوقو الحرير متني
سبق الطائرات مسخ جمال أهلنا
،،،،،،،،،،،،،،،،،
باجوركن أب غرامـه
ما برتع الغنامـــه
باكر تجي أم رعود كاشه الهرع قدامه(الهرع السحاب الخفيف)الطخا
،،،،،،،،،،،،،،
باجوركن أب ضريبه
المابشبع الغــربيه
باكر تجي أم رعود وتشرب السوريبه
،،،،،،،،،،،،،،،،،،،،،،،،،،،،،،،،،
يايمه أنا المظلومه
متوجه الحـيكومه
فشان المال أدوني طيرتاً بومه
،،،،،،،،،،،،،،،،،،،،
يا قلبي ماتنطمــس
وأطري الحديث الأمس
يا ضل الغيم غشيتني أديتني الشمس
| |
|
|
|
|
|
|
|
|
|
Re: ولمن فاتهم الاستماع ..... (Re: عمر المهدى)
|
سلامات يا ناس
Quote: انا جنوووت يوو اصحاببييييي
ميروم سنا قصاوبي...
|
نزار ود حسين ...سلام
من الصدف الغريبة ظهر اليوم سمعت صدفة بنامج عن الموسيقى
الشعبية ...وكان فى نموذج لجابودى ...وما قدرت افهم الكلمات
اللحن جميل ...وكانوا بيعملوا اصوات متناغمة من حناجرهم.
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
سلامات يا ناس
Quote: يا قلبي ماتنطمــس
وأطري الحديث الأمس
يا ضل الغيم غشيتني أديتني الشمس |
ود المهدى الغنّاى ....سلام
قلت لى الكلام ده مرات بيكون قطع اخدر؟
حضورك هنا بانتظام بيخلى ود حسين نزار مستمتع اكتر ...
خليك مداوم
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
يا محمد صديق...
يا زول تورت علينا ضرسا قديم بلحيل...
غناك دا من زبلعة ناس كبوشية وضهاريها...
وانت ماشي تالا ود السواد...ووادي الهواد..
اغلبو زي ما قلت بقطعوه اخدر في بكانو...
مثلا زي دي انا سمعت عليها عدة روايات:
يا قلبي ماتنطمــس
وأطري الحديث الأمس
يا ضل الغيم غشيتني أديتني الشمس
يا قلبي لا تنغش
واطري الحديس الهش
يا ضل الغيم...ابوي
راجي الرعود والرش
با قلبي لا تحتار
واطري الهميم والدار
يا ضل الغيم
اكيد شافعك بلا ترتار
| |
|
|
|
|
|
|
|
|
|
Re: ولمن فاتهم الاستماع ..... (Re: أبوبكر حامد الأمين)
|
Quote: نعلّ الترتار ده يا هو اللستك حسب ما هو متداول بالجزيرة ؟
، غايتو كلمة ترتار دى طلع منها كمية غبار |
طالعة منها كتاحة عديل يا ابوبكر
الكتاحة البترمي الطشاطة في الحوش
ديك...بتذكرا؟
ديل ناس قاعدين في الخلا....فتأمل! يا قول حسين ملاسي القطيم
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
يا جماعة كنتو ماشين كويس مالكم نخيتو...
الكوتش باين عليهو مشغول شديد...
لكن تعرف يا نزار في حالة عدم التمكن من الحصول على مواد مسجلة...
ما تقوم به من شرح تفصيلي للنصوص يسهلها كثيرا...
فواصل كفاحك و خليك حريص...
| |
|
|
|
|
|
|
|
|
|
Re: ولمن فاتهم الاستماع ..... (Re: محمد صديق)
|
ويسألنى ليه , وانا كمان بنتظر لى سؤال
انا اقول ما عندى وامضى , ولا حديهمنى
فى اتصال تلفونى بالكوتش , قال انه مشغول جدا لأنه يعمل فى تلاتة مكاتب فى وكت واحد
اضافة لمحاضرة منتظمة فى الجامعة
اذن فالكوتش مشغول باربع جهات
قلت له , فلاحتك تربع الشغل
انت قايل مافى حاجات تانية بتتربع ولا شنو
واقول قولى هذا , وكلى امل , ان يسارع بكرى فى ارشفة هذا البوست وهذا الكلام
فاذا لم نخاف من العقيد , فاننا من سعادة (اللواء ) مرتعدون
| |
|
|
|
|
|
|
|
|
|
Re: ولمن فاتهم الاستماع ..... (Re: منصور عبد الرازق)
|
يا بكري...بمناسبة الترتار القبيل داك...
عان دا:
البارح بعد نام السقد وارتاح
اب ديسا منيل جاني وشو صباح
تهنا ثواني ما بين الغلط والصاح
فاهي وفاهو الا يفكهّن جرّاح...
دا شاعر عريبي في الزمن الهسي دا واسمو بشري
عندو زي دا كتير...وبقولو في اجعص محفل
| |
|
|
|
|
|
|
|
|
|
Re: ولمن فاتهم الاستماع ..... (Re: nazar hussien)
|
سلامات يا ناس
Quote: البارح بعد نام السقد وارتاح
اب ديسا منيل جاني وشو صباح
تهنا ثواني ما بين الغلط والصاح
فاهي وفاهو الا يفكهّن جرّاح...
|
يا نزار ...ده ذكرنى قول الحاردلو(على ما اعتقد):
البارح أنا وقصبة مدالق السيل
فى ونسة وضحك لامِن قسمنا الليل
وِكتين النعام اشَّقْلَبَنبو الخيل
لابِخْلت ولا جادت على بالحيل
| |
|
|
|
|
|
|
|
|
|
Re: ولمن فاتهم الاستماع ..... (Re: زهير الزناتي)
|
سلامات يا ناس
| Quote: يا كوتش منصور ده بيضعيك والنفس صغيرة .... |
سلام يا صاحب...
منصور ده شغال تحاريش...يعنى انا بكون مَحرَّش...والمحرش ما بكاتل
حضور ومتابعة دايرة ليها اخت ..تضيف ليها مشاركة.
شكراً على المرور.
| |
|
|
|
|
|
|
| |
عمر المهدى
محمد صديق
كمال الشادي
ياسر نجيلة
أحمد إسماعيل
محمد آدم النور
منصور عبد الرازق
ميسرة سيد أحمد
زهير الزناتي
الرشيد بابكر
موسي عيسي
أبوبكر حامد الأمين
عبد الدائم سيد أحمد
nazar hussien
جلال عثمان
مجتبي فاروق
فيس بوك
تويتر
انستقرام
يوتيوب
بنتيريست