ناس الزقازيق ... أجدع ناس ..

Quote: سلام لاجدع ناس أنا تاني راجع للزقازيق أعيش لحظان عمر والله بختك يانجيلة وفعلا الكل غيرك في هذه اللحظة طيشة وأنت الأول ، وغريب أمرنا كنا بالزقازيق قبل 20 سنة نتباكى على العصيدة وتوابعها واليوم طعم شاورمة الشرقاوي وكشري مولد النبي عند ياسر نجيلة أصبح أطعم من كل محلياتنا، هنا لازم يبان الريس ومحمد آدم النور بأل ون تو بتاعهم داك ويبحرا في هذا الشأن ؛ بعدين لازم تعرفوا أن النسيان مهم في بعض الأحوال لاكن يكون ظلم في حالة ؛؛؛ تنسوووا الباسويردات والظلم عواقبه وخيمة ولاعذر لمن أنذر ؛؛؛ من مداخلة منصور في تحسروا على أرشفة بوست يوم الخميس الفات وذكر (غناي السمح داك كله ودوه الخور)؛ كلامه ده ذكرني بقصة طريفة وهي أن هناك بنت جميلة كل أولاد الحي مفتونين بها هذه البنت عايشة مع امها التي لاتحب ناس الحي وقبل ان يتقدم اي واحد من شباب الحي لخطبتها يأتي خطيب من خارج الحي ماصدقت أمها على طول أسرعت وزوجته لإبنتها نكاية في ناس الحي بس لسوء حظها طلع العريس أبيض عديل (جبان)وفيه شوية هبل ، طبعا شباب الحي حسدوه وحقدوا عليه وبدأ النقد لأم البنت على زواج بنتها لهذا العبيط .؛ إلى ان جاء موعد إحتفال أحد الشباب بالحي المجاور حماة الزوج العبيط قالت دي فرصة أثبت لشباب الحي بأن زوج بنتي قدها وقدودها ومالي هدوموا وأحضرت ليه أحسن الملابس،الشباب ربطوا ليه في الطريق وملصوه كل ملابسوا خلوا ليه الملابس الداخلية وطاقية تعبانة وبالية شديد رحع لحماتو قالت ليه جلابيتك التترون الأبيض ونضيف الجبناه ليك من جدة من ناس الريس ميسرة وين قال ( عمتي والله شالوا) وعمتك التوتل الإنجليزي الأصلي الجبناه ليك من أبو ظبي من ناس نجيله وين قال (عمتي والله شالوا) ومركوبك الفاشري الجبناه ليك من ناس إدريس قوري وين قال (عمتي والله شالوا) ؛ قالت ليه طيب طاقية مالوا ماشالوا قال ليها ( عمتي إنت عايز يقع رقبة ولاشنو) ؛؛؛؛؛