ناس الزقازيق ... أجدع ناس ..

Quote: واها تانى كمان اقرب شباك مفتوح لقيناهو , وده طبعا لغاية ما يحن علينا زهير الزناتى ويشغل لينا الواسطات بتاعتو تاتنى عشان نقدر نجيكم بالباب عديل , اى زول يكتب بريده الألكتروني تحت اى مداخلة حايلقانا دخلنا تووش من غير احم ولا دستور , بينى وبينكم كنت محجوز فى شباك جلال المرة دى لكنى قدر ما فتشت ما لقيتو كتب عنوانه بتاع البريد الألكترونى وين ولقيت ليك ياسر نجيلة خالى شباكو (موارب شوية ) ما صدقنا خبر ودخلنا على طول , تعرف يا ود نجيلة , قصة المطيار وقبله الأيثار دى , انا شخصيا شايفها ليك زى محاولات كده من الناس انو يرجعوا الأمور الى اصلها الساهل ويخلصوها من تعقيداتها المضافة على مر السنين , اصلا قصة العرس والأرتباط دى فى اصلها واساسها ساهلة , مش كده يا جماعة ولا شنو , زوجتك نفسى براها مالها ؟؟مش بتكفى , فى الأصل هى كفاية , لكن الناس عملو ليها ديكور من عندهم وصدقوه , لمن حاولوا يرجعوا الأمور لأصلها وسهولتها تانى الناس شافوها غريبة من كثر ما اتعودوا على الأجراءات الصعبة بتاعت العرس , عارف يا ياسر , سن الزواج للشباب هسى وصلت اربعين عديل , ولمن يقولوا ليك بت ماردونا جابت طفلها الأول من (اغويرو ) بتاع اتلنتيكو مدريد والراجل بعد داك يادوب بيفكر يتزوجها الناس كلها تشيل وتستغرب , البنستغرب ديل نحن طبعا لأنه الزواج فى الدين والأصل بنفس سهولة تعامل اغويرو ده مع بت ماردونا , لكن صعبناه نحن يالأجراءات المدنية المفتعلة , طبعا ده مع الفارق الأساسى وهو الفارق الدينى الفى الموضوع , يعنى اغويرو ده لو ساق بنت ماردونا وةمشى بيها لأقرب مأذون وقالت ليهو (زوجتك نفسى ) بس لو عمل الحتة دى كان رجع الزواج لأصله الساهل بدون ان ينسى اطاره الدينى المطلوب , دخلت فيك شمال طوالى يا ياسر , مش كده ولا شنو , عشان تانى ما تنوم وتنسى تقفل شبابيكك , تعمل كده تانى تلقانا تووش دخلنا , وكدى انجر لينا كلام من كلامك السمح داك عن اجتهادات ناس زهير والشباب الحلوين بتاعين زقازيقاب الخرطوم , الرافعين اسمنا فى السماء بنشاطات واجتهادات تثلج الصدر , ما تنسى كمان فى الرياض قبل يومين التقينا لقاء جميل كان نجمه اخونا محمود الحورى , نائب سكرتير امتحانات السودان القدر ما حنسناهو يكشف لينا الأمتحان ةقال انا (بكشف ليكم حاجة تانية ) انتو الأمتحانات حتى لو كشفتها ليكم عايزين بيها شنو , لكنه لمن كشف لينا الحاجة التانية دى نحن ذاتنا اقتنعنا وقلنا اريتا امتحانات السودات ما تنكشف , تحياتى لك وتانى اقفل الشباك قبل النوم لأنو الجو الأيام دى بآآآآآآآآآآآآرد تحياتى ليك يا جميل منصور عبد الرازق محمد فضل