ناس الزقازيق ... أجدع ناس ..

Quote: الأخ موسى إليك تواصل و ذكريات دفعة 88 أذكر أن حضوري إلى الزقازيق كان آخر طالب سوداني يتم تسجيله بعد أخونا فضل الله حقار وزي ما تقول نحن جينا مع الدروز الكانوا ماشين العراق إبان الحرب العراقية الإيرانية أذكر أن الأخ عادل سيد أحمد وهو تخرج سنة 83 على ما أظن و كان يقوم بالمراجعة لكل الطلاب الذين فاتتهم نصف السنة ومع إن الطلبة كانوا قطعوا شوطاً كبيراً إلا أنني حصّلت حاجة بسيطة جداً في المحاسبة و كان ذلك يوم 26 ديسمبر 1984 ومنذ ذلك الوقت كانت الحساسية من المحاسبة وعشان كدة إخترت قسم الإقتصاد ولكن أكثر ناس ضرراً ناس زراعة حيث أن نظام السمستر يخليهم يتأخروا سنة كاملة عشان كدة كانوا مضايقننا في الكورة و الحفلات هم وناس بيطرة لأنو بدل يجتهدوا و يقروا كانوا يلعبوا كورة بس و برضو نحن فتّحنا في سنة ثانية لأنو عددنا كان كبير و ماخلينا ليهم حته يعني لو داير تتف سفة ساكت تتفها في زول بتاع تجارة و تعال شوف الإتحاد بتاع تجارة (هاك ميسرة دة) كورة القدم بتاعت تجارة (تاج الدين خليفة واحد إسمه عماد.....) الشعر حق تجارة (محي الدين يوسف) محراب الآداب و الفنون بتاع تجارة (أظن عبد الهادي) الفنانين بتاعين تجارة (كمال الشادي كيف) تاني شنو الخلط بتاع تجارة (موسى عيسى) ال......... برضو تجارة ونحن برضو عوارة في بعض الأحيان رجالة أه شنو ليكم و يا موسى كلم طارق جبريل قول ليهو ماتضارا و عايز أخبار حاتم جبارة Mohamed Adam Elnour Training/ Human Development Specialist FAO/ SPCRP(North), Mobile Telephone: (+249... Khartoum - Sudan