|
|
|
 Re: ناس الزقازيق ... أجدع ناس .. (Re: عفاف علي ميرغني)
|
عبدالحميد البرنس مليون مراحب يا زول يا جميل ...
والله ليك وحشة ...
مبروك وصولنا للقارئ الــ100،000 - شكرا أبوالزوز على الإحصائيات ...
مبروك وصولنا للميل الــ100 وعقبال نطفي الشمعة الـ100 ...
عبدالحفيظ حمدا لله على السلامة ...
| |
 
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
يا عفاف والبرنس كدي قولوا بسم الله .. الصورة دي الله أعلم لناس من الزقازيق ... آي نحن ما دفعتكم لكن يبدو في الأمر خطأ ما ... يا ريت حضور واحد من الشباب الصغار ليفتي لنا في الأمر ..
يا ريس أعتقد أننا وصلنا للصفحة 100 منذ البارحة ، ويجب أن يبدأ الإحتفال حتي تتم الأرشفة مع إكمالنا له في الغد ... ولا رايكم شنو يا جماعة ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
يا زهير.. ديل زي ما تقول عقاب الطلبة السودانيين في الزقازيق: سهام عبدالرازق، سهام دهب، غادة محمد صالح، سامي الفكي، مصطفى ومعتصم (أولاد مدني)،فيروز محمد الحسن، اعتدال عثمان ومناهل، وطبعا من المؤرخين الكبار سموأل وسيف النصر،أما العبد لله فيمكن أن تضعه في مرتبة المؤرخين المتخصصين في بدايات ومآلات تجار الأعشاب السودانيين على ضفاف بحر مويس في الزقازيق.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الحميد البرنس)
|
تحياتى يا منتهى اللذة
ميل كامل ضاع منى دون مشاركة او حتى دون مطالعة
انا الخسران ولا شك
كان ميلا متميزا
بدءا من واجهته واغنيته المتميزة
وليس انتهاءا بعودة عبد الحميد البرنس الظافرة
حقيقة يا عبد الحميد يا برنس
لم احظى بمتابعة اعمالك من قبل
اول احساسات الخسران المبين , لفعلتى الشنيعة هذه
تملكتنى من اقصوصتك المنشورة فى الميل السابق
ثم اكتملت عندى هذه الأحساسات , وزاد اوار الخسران احساسا وفعلا
باطلاعى السريع على بوست آخر وجدت فيه بعض علامات ادب رفيع
و(بعض) هذه راجعة لقصور ادواتى الأنفعالية
لذا قررت ان استلف
ادوات حاتم جبارة لبعض وقت
حتى تصل عندى اللذة مداها
انا اليوم ابدأ معكم هذا الميل
بحب عظيم
وشوق جارف
وعطش شديد
لا يعادله , لا فى الوزن ولا فى الأتجاه
الا
شبق الجروف البكر للأمطار حين تصل فى القيعان رقرقة السراب
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
اما تساؤل الجاغريو المنطقى
الذى جسده خدر (طارق ابو عبيدة)
متسائلا , ورينى كيف الحى يودع روحو ؟؟
فقد حولنى لمستمع مستلذ وانا فى المكتب
رغم اننى فى حالة استماعى فى المكتب فان اول ما تبحث عنه اصابعى بحكم الموقع
هو زر الأسكات المؤقت
وهذه حالة مكانية خاصة ليس لها علاقة بحالة زهير (التشتيت ذهنية)
سمعها معى واستغرب لجرأتى المكانية , زملاء العمل وجيران المكتب
ولكن بعض اللذة قادر على اكسابك جرأة غير معتادة
تحصنك من العيون المستغربة
ابدعت يا طارق ابو عبيدة فى بعثك الجديد لهكذا اغنية
وبالمناسبة
فان صديقى وجارى العزيز فى الصحافة
قاسم محمد صالح
عندما كنا سوية اسابيع قليلة مضت
هنا فى الرياض
وعندما اسنبدت به الأشواق , وانتصفت ليالى الرياض الموحشة
ولم يجيب احمد عوض عجوز على تلفوناتنا المتلاحقة لسماع اغنية ما
لجأ اليك باحثا عن طرب مفقود (ساعتها)
واسهب فى الحديث عنك
رابطا اياك بالطرب مرة
وناسبا الطرب اليك (مرات)
حتى اننا اتهمناه وزجرناه
ولكن خلفية الميل السابق يا خدر
جعلت من قاسم عندنا فى وضعية الأنتصار المتأخر
ساتصل به فورا واؤمن على كل كلامه الذى قال
وأزيد عليه
اتهاما جديدا
معاكسا فى الأتجاه وزائدا فى القوة
بأن مقاييسه الطربية تحتاج الى تعديل
او قل الى وزنة اضافية
يا خدر
حبيناك من قلوبنا واخترناك يا حلو
اميرا طربيا جديدا
ساعة نحتاج
ووقت ما نهوى
وما دام عرفت الدرب
واطاتك اصبحت معانا
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الحميد البرنس)
|
أسعد الله نهاركم ايها العزاز
مبروك لبوستينا وصوله للقاريء رقم (100000)
وإن شاء الله الصفحة رقم 100نصبح فيها
أنا بؤيد بشدة برنامج السيدة منى يونس المقترح لأنه يؤدي إلى المعرفة التامة لكل عائلة
زقازيقابية ، بعدين حكاية ماعندك باسويرد البقول عليهاجلا دي مامشكلة، كلنا قبل كدة نعمل الحلة والشقة صبحانة مافيها شيء، لذلك ممكن الأخت منى تنتشر لين يأتيها الشيك أقصد الباسويردوالريس موجود
أشكرك أخي زهير للملاحظة الجيدة رفعت معنوياتي الله يرفع معنوياتك.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
محمد عيد رغم ضروررررري الطويلة إلا إنه ماسنجرك دا يعمينا فيهو ، أوعي يكون مشي حته تانية ...
سلام يا شباب بلا فرز ...
التحية للأخ عوض محمد عثمان علي زيارته لنا .. كم تسعدنا زيارات الأصدقاء والضيوف
شكراً عوض ...
يا جماعة وين الكوتش ورشا ... يا رشا التلفون جايييييك بس شيل الصبر ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: أحمد إسماعيل)
|
اعذرونى الليلة
البرى على
صفحتكم دى , شكلى حا اقلبها ليكم براى
انتو قايلين (الأنقلاب صعب)
تصحى اول زول وتشيل قلمك , تتاكد اول شىء من الحبر
او كمان تخت جنبك البراية الحديد
وتدفق فى الحبر , او كمان تبرا وتبرا
واليوم داك , تقول لى ناس نجاة وعفاف وزينب وابتهاج
شوفوا ليكم مذاكرة عيال ساكت
اول ادوات الأنقلاب واهمها
الأذاعة , والتلفزيون
قررت الأستيلاء عليهم فورا
وكل ادواتى
قلم سنين
وعود
وابرتين من العبير
وناس الزقازيق
وخيط ماء
ده طبعا بشرط واحد
الا وهو
ان يحتمل زندكم الندى
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبدالكريم أحمد الامين)
|
مرحب بيك بيننا الاخ العزيز عبدالكريم أحمد أمين
في حوشنا العامر و بطلتك و ربنا يديم الحب والود
بين كل مكونات الشعب السوداني ونأمل تواصلك على
الدوام .
الاخوة الزقازيقاب طال الغياب عنكم و الله مشتاقين
قدر مانحاول نقاوم بنلقى انفسنا ما قادرين ؟و لكن
والله غصبا عنا كنت في دورة تدريبية عن التحليل
المالي لمدة اسبوعين و انتهت يوم الخميس مساءأ
و لله الحمد و هو المانع من المشاركة حتى بلوغكم الميل والقاري
المـــــــــــــــئــــــــــــــــــوي الأول
فلكم التحية أيها الابطال على هذا الانجاز وإلي المزيد
و الله تحسدوا على تجانسكم و توادكم فنسأل الله أن يديم
هذا التواصل الجميل و الروح الصادقة فكان البوست
ومازال باهله ملاذنا الأوحد على مدار اليوم فهذه أكفنا
متضرعة للمولى أن يعطيكم جميعا الصحة والعافية حتى
نواصل الاستمرار قدما فإلي الأمام أحبتنا .
العزيز محمد آدم النور منور البلد و ألف مرحبتين
بيك وبالخبراء الأجانب و ازدات طيبة طيبا بمقدمكم
بس محتاجين للتواصل آمل فك الشفرة سريعا حتى لا نتوه
في الزحمة و نكون أول ....... ما تفسر ! و الحمد لله
حيكون في مولانا جديد للقبيلة بعد ما تم سحبهامن الشيخ
اسامة الطيب و بالله يا زهير اعمل لينا حفل تنصيب على
أدي المناسبة بنتصيب وزير الشؤون الدينيةفضيلةالاستاذ الشيخ/
محمد آدم النور حسن و من هنا و بصفتى الناطق الرسمي للوزارة
في ظل قيادة الشيخ / محمد آدم النور أنوه بانه تقرر من اليوم
1)بأن لا يذكر اسم فضيلة الاستاذ محمد آدم النور إلا مقرونابكلمة
الحاج الشيخ /......
2) يمنع منعاً باتاً ذكر لفظ (جلا) .
3)على منسوبي الزقازيق بالمنطقة الغربية رفع درجة الاستعداد لللون الاحمر.
4)على الراغبين في اداء فريضة الحج لهذا العام من باقي مناطق المملكة
التنسيق مع الناطق الرسمي لفضيلة الشيخ .
و لله التوفيق
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
أسس صندوق النقد الدولي عام 1944
اول دولة يظهر فيبها طابع البريد هي بريطانيا
قتل الأرشيدوف فرانسيس ولي عهد النمسا ادى إلى قيام الحرب العالمية الأولى
أسست منظم اوبك في بغداد عام 1960م
عقد أول مؤتمر لدول عدم الإنحياز في مدينة بلغراد عاصمة صربيا
مدة ولاية رئيس الجمهورية في لبنان (6) سنوات
| |
|
|
|
|
|
|
|
|
|
Re: ناس الزقازيق ... أجدع ناس .. (Re: أحمد إسماعيل)
|
سلام لأجدع ناس
والتحية للأخ عبد الكريم لهذا المرور الجميل
وكذلك الأستاذ طارق أبو عبيدة
___________________
سؤال:
الأرشفة التي ذكرت بمجرد إنتهاء هذه الصفحة... هل هي بأمر بكري؟ أم هي مقترح من أعضاء (الحوش)؟
وهل يمكن أن نستمر إلى أن تتم الأرشفة الربع سنوية في كل المنبر؟
سؤال تاني:
إلى متى سيظل (الحوش) الجديد فااااااااااااااااااااااضي؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: أحمد إسماعيل)
|
مباركة نجاح الأولاد للريس معتصم( بعد ميلين) عيب كبير , ولكنى اوصل التهنئة
والمباركات المتأخرة واثقا من فطنة القارىء التى اعتمد عليها , كما الدعوة على
الملاريا الخبيثة التى انهكت ولدنا عبد الحفيظ واختزلت مداخلاته وجردتها من الشحم واللحم
, الدعوة على تلك الملاريا نذر على واجب الأيفاء ولو بعد حين , فان شاء الله يا ملاريا يا خبيثة
يا بت الكلب (تتجازى ) , وادع تكملة الدعوة هذه فى شطرها الثانى للولد الوجيه الرشيد ود بابكر
ونقدم طلبا مشفوعا بعرض حال دمفة لمبعوثنا الى الحج (المفاجىء) و(المباغت) جلا الشهير بمحمد آدم النور
بان يدبج الدعوات ويكربها ويجتهد فى نظمها لردع مثل هذه الملاريات الما عندها شغلة البتجى لعبد الحفيظ
الذى طالما بذل لها المطارف والحشايا فعافته وباتت فى عظامه , تسببت تلك الملاريا اللعينة عديمة الشغلة
فى وقف حملة بدأها عبد الحفيظ فى اواخر ايام ما قبل الملاريا كانت من فرط حماسها وتألق عبد الحفيظ فيها ,
كافية لوضع اسس واضحة لقصة الجمعية البتكربن لينا طارق جبريل ده وتغيب لينا صالح تبلدينا الزمن ده كلو
اين انت يا صالح يا تبلدينا ؟؟والله كمال الشادى عنده ليك مداخلة طلب تنزيلها احتفاليا مع بداية الميل مية
جاياك فى الصميم , من هسى استعد عشان تتولاها بالنقاش الحميم وتتعهدها ببوست خاص فى المنبر الجديد , ياخى واالله مشتاقين ليك
يمين القاك حايم فى البوستات الجنبنا دى بدون ما تخش حوش عصام دهب ده ولا تدشن لينا المنبر الجديد , الا ارسل ليك
زهير الزناتى ومحمد صديق ومعاهم قوة امنية ترجعك
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
اما ما قال الولد طارق جبريل
عن الجكس والجكسسة
وحكسينا وجكسيكم
فهو مثير للدهشة والتأمل
حقيقى , ان هناك فروق احساس جوهرية
معلوم , ان هناك تباينات تعبير وتوصيل مشاعر توصل الموضوع لى حد التناقض
لكنه تناقض مستفز ولذيذ , او هكذا اراه انا
صعوبة توصيل جواب ما , يحمل بين طياته مشاعر
او حتى انه مطرز كما المناديل الريفية
ومرشوش بعطر الون مان شو -من طرف
او مبخر برذاذ السايلنس , من طرف آخر
كان ذلك فى حد ذاته انجازا ينقصه فقط (المأذون)
اعرف صديقا لى , يعرفه كمال الشادى
عايشت معه رحلة توصيل الخطاب الأول
تمخضت عن كوميديا كافية لعمل فيلم كامل
او قل مسلسل من ثلاثين حلقة
مليان شهد ودموع , شحمان دراما , بشقيها الميلو تراجيدى
والكوميديا
مشهدها الأساسى يتجسد فى جملة الحوار الباذح الآتى
باذخ لأنه بسيط
باذخ لأنه فيهو توتر وشجن يكفى عشرة مسلسلات
بعد محاولات تلاقى مضنية
ارتكزت على تطويع الصدف , ولوى عنق الزمان وكسر رقبة الزمان
حتى اذا ما كانت الصدفة (المحرية)
قال صديقى المتوتر الحامل فى يده اليسرى خطابا تناوب على كتابته كونسلتو من خيرة ابناء الصحافة
وليس غريبا ان مجلس الكونسلتو هذا كان منعقدا شهورا عديدة تحت (الشجرة )
الكائنة فى زاوية المحطة الثانية من مدرستنا البهية
التى دخلنا اليها وقبلنافيها وكوفئنابها نظير شطارتنا(الفايتة الحد)
فندمنا على تلكم الشطارة الغبية التى حرمتنا لذة تنطيط الحافلات
التى تقل نظراءنا من الطلبة والطالبات القل لامنا شطارة
ولكن الفائزين بلذة ركوب الحافلات وانتظارها تحت الشجر البعيد
بين تجمعات الفساتين اللبنية والبنية
الحاملة لشعار
كل فولة وليها كيال
اتابع بعد حين
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
سلامات يا ناس
Quote: اما تساؤل الجاغريو المنطقى
الذى جسده خدر (طارق ابو عبيدة)
متسائلا , ورينى كيف الحى يودع روحو ؟؟
فقد حولنى لمستمع مستلذ وانا فى المكتب
رغم اننى فى حالة استماعى فى المكتب فان اول ما تبحث عنه اصابعى بحكم الموقع
هو زر الأسكات المؤقت
وهذه حالة مكانية خاصة ليس لها علاقة بحالة زهير (التشتيت ذهنية)
سمعها معى واستغرب لجرأتى المكانية , زملاء العمل وجيران المكتب
ولكن بعض اللذة قادر على اكسابك جرأة غير معتادة
تحصنك من العيون المستغربة
ابدعت يا طارق ابو عبيدة فى بعثك الجديد لهكذا اغنية
وبالمناسبة
فان صديقى وجارى العزيز فى الصحافة
قاسم محمد صالح
عندما كنا سوية اسابيع قليلة مضت
هنا فى الرياض
وعندما اسنبدت به الأشواق , وانتصفت ليالى الرياض الموحشة
ولم يجيب احمد عوض عجوز على تلفوناتنا المتلاحقة لسماع اغنية ما
لجأ اليك باحثا عن طرب مفقود (ساعتها)
واسهب فى الحديث عنك
رابطا اياك بالطرب مرة
وناسبا الطرب اليك (مرات)
حتى اننا اتهمناه وزجرناه
ولكن خلفية الميل السابق يا خدر
جعلت من قاسم عندنا فى وضعية الأنتصار المتأخر
ساتصل به فورا واؤمن على كل كلامه الذى قال
وأزيد عليه
اتهاما جديدا
معاكسا فى الأتجاه وزائدا فى القوة
بأن مقاييسه الطربية تحتاج الى تعديل
او قل الى وزنة اضافية
يا خدر
حبيناك من قلوبنا واخترناك يا حلو
اميرا طربيا جديدا
ساعة نحتاج
ووقت ما نهوى
وما دام عرفت الدرب
واطاتك اصبحت معانا |
مستمتع...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
واستمتاع امثال الكومندان الرائع محمد ود صديق
سبب اضافى آخر
لأندياح امارسه الآن بمزاج عالى
وقف صديقى زاوية المحطة التالية للمدرسة يا طارق جبريل
ومعه انا
كانت على مهمة التعضيد والتشجيع ورفع المعنويات
والكونسلتو منعقد غير بعيد
تحت الشجرة
فى يد صديقى اليمنى , الخطاب الخطير
الحافلات ما تكاد تقف الا لتواصل سيرها
الكماسرة يتنططون كما فرقع لوز
احيانا لأنزال راكب
واحيانا لظن حسن فى غير موقعه فينا باعتبارنا راكبين وزبونين راغبان فى التوجه
عكس تيار الحافلات
فى ذلك الوقت من اليوم , عند الظهيرة الحارة
ركاب عكس التيار كنز لسائقى الحافلات من الرجوع الفاضى الى المحطة
ولكن غرضنا كان المتاوقة والأنتظار وتوصيل خطاب الكونسلتو الملهلب
كان وقتها ملئيا باقتياسات غادة السمان , وترميزات القبانى نزار
هذا عن حده الأعلى
كما انه فى حده الأدنى
كان مضمخا بأيحاءات زيدان ابراهيم من شاكلة لو احبك انا عمرى كلو
رغم انها لا تكفى
برضى شاعر ما كفانى
وانت فاكر للعواطف , فى تساؤل حميم
نزلت من الحافلة
فاسقط فى يدنا
والكونسلتو يراقب
ما اجمل فستان الثانوى اللبنى
والكونسلتو يراقب
البنطلون والقميص الرصاصيين اللذان نرتديهما انا وصديقى
ضاقا واتسعا , اتسعا ثم ضاقا
لا ادرى عن احساس صديقى بمقاس جزمته التى يرتدى
ولكن ما اعرفه هو اننى انتابتنى حالة تشابه الحالة (السعادية )
التى انتابت (نعال ) الدوش فى حفلته الباذخة تلك
(كبرت كراعى من الفرح نص فى الأرض نص فى النعال)
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
صبحكم الله بالخير و السرور
أنا و نجاة حوفي مساهرين الليل ده كله نكتب في المداخلات...أكتب شوية و أمشي أصلي ولا آكل أدي الكيبورد لي نجاة تخلص نجاة أخش أنا...لدرجة اننا لما قفلنا اللابتوب آخر الليل لقينا ليك دررجة حرارته داقه في الأحمر...فتحنا اللديتر بتاع اللابتوب و كبينا ليهو موية و هو مدور عشان يبرد...و بعد ده كله أفاجأ الصباح بزهير يقول لي اين أنت يا رشا....رشا ده يتقطع يا أخوانا...انت يا زهير غايتو تتجازى والباقي خليتو لي منصور القايلني المرحوم د.عون الشريف قاسم...ياتو يوم يا منص شفت ليك وجيه بيعرف جنس الكلامات دي...
على أي حال أنا في غاية السعادة لعدة أسباب...لو ساعدني دماغي المزهمر ده حأذكرهم ليكم كلهم و كان ما ساعد...ساعدوني انتم....
سعيد لأننا تامين و لامين وسالمين...من زمن فافي و البرنس لحدي الريس معتصم جعفر...عليكم الله مش مفروض تضمن في كتاب جينس...أي سحر هذا الذي يجمعنا...ان هذا البوست حلقات جديدة من حلقات هاري بوتر...عالم خيالي في زمن ممعن في الواقعية و التراجيدية...هي فلسفة لا أريد أن أقحم فيها نيتشه و سقراط و هيغل فربما لا يستوعبونها...لذلك أنا سعيد...
أنا سعيد لأن أكثر من مائة ألف قارئ يتابعون هذا البوست بشغف...من الزقازيقيين و غير الزقازيقيين...و المتابعة هذه دافع و حافز للمشاركين و الذين سوف يشاركون....
سعيد لأننا متحابين و مجتمعين على الخير...نؤازر و نعاضد بعضنا البعض في السراء و الضراء ضاربين بذلك أروع النماذج...و أصبحنا كالبنيان و كالجسد الواحد...
سعيد لأننا أصبح لنا حوش كبير...نرشه بعبير المحبة و نطلع عناقريبنا من العصر و نقعد ندردش لحدي الصباح...حوش يشيل الناس كلها...و نستمتع بابداعاتهم كلهم...
سعيد لأنني ألتقيكم كلما اردت ذلك...زمان كنت تفتش على زول في الرياض عشان يجيب ليك أخبار قدورة..وواحد في أمريكا عشان تسأله عن حاتم جبارة...أما الآن فتسأل في البورد فتجد من يدلك...
الى لقاء لنكمل حلقات السعادة هذه ما قادر أكمل مع زحمة الناس...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
وعندما اختلطت عليا مقاسات الأحذية والنعال
فان الحيرة تملكتنى
العيب من كراعى , ولا من الحذاء
المفروض اقول العيب من كراعى , ولا من الجزمة
لكن خوفى من السمكرجية الحايمين فى هذا البوست الذين وأدوا اقصوصة الرشيد
التى (خيل اليهم ) اننا نسيناها
ولا يغيب ولا يخفى على فطنة القارىء ان الفقرة الأخيرة
مجرد تذاكى من عندى لتمرير عبارتى بالطريقة التى اريد
وكتابتها ايضا , بالطريقة التى تبعدها من مطارق السمكرجية
فلو قلت قدم , لتعين على ان اقول حذاء
ولكنى قلت كراع , والكراع لا تدخل فى حذاء ابدا
بل مكانها الجزم , اكرم الله السامعين
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
Quote: العيب من كراعى , ولا من الحذاء
المفروض اقول العيب من كراعى , ولا من الجزمة
لكن خوفى من السمكرجية الحايمين فى هذا البوست الذين وأدوا اقصوصة الرشيد
التى (خيل اليهم ) اننا نسيناها |
منص ان جاز لي أن اسمكر...فاني أجد النعال أنسب...وهذا يقودني الي قصتي...و ربما يذكرك هذا التحول المفاجئ من النعال الى قصتي بالذي سئل في احدي امتحانات الشهادة عن سياسة بسمارك الخارجية و هو مجهز الداخلية...فقال قبل أن نتحدث عن سياسة بسمارك الخارجية لنتحدث أولا عن سياسة بسمارك الداخلية..
قصتي لم توءد يا أصدقائي..العيب لم يكن في السمكرة...العيب في أنا...فأنا تجتاحني فكرة ما...كاملة دون نقصان...افرغها كاملة كما هي...بحليها و حلتها حتى ان كانت ألوانها مشاترة...حتى ببانداتها و التي لا استلفهم من أحد كما كان يتسلف حاتم جبارة الباندات من بت شخنا...
ثم أركن القصة جانبا...حتى عندما ابتدأت أكتب هنا في البوست...كتبت وقائع وذكريات و كانت من الرأس و الى الكيبورد..حتى قصصي القديمة لم أنزل منها شيئا...لا أعرف سببا لذلك..ثم الزينة و الكول كانتا بنفس الطريقة...ثم حاج اللمين و هي القصة التي لم ترى النور...كتبتها في يوم واحد...ثم لم أتحمس لها كثيرا...فطلبت المشورة الفنية من زهير و محمد صديق...و قدموا لي النصح ولم يختلفا الا حول النهاية...و هذا ما لم يعرفاه حتى الآن...أخذت السمكرة المقترحة و أخذت أجربها على النص...فوجدتني قد أستلفت باندا من هنا وجاكيت من هناك فتوقفت قبل أن أكمل السمكرة...فلقد وجدت أن المولود ليس بابنيThe kid is not my son فتركتها الى وقت يمكنني فيه احداث السمكرة مع الاحتفاظ باحساسي بأن المولود لي...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
اعتدنا أن نقول و الله الزول ده ما زول دنيا على من يتفق الناس حول كرم أخلاقة والذي يحلق حرا طليقا في سماء الذوق واللطافه وجمال السريره ...
صديقي ماجد هادف أو مايد كما اعتاد الاماراتيون أن ينطقوا حرف الجيم...مثلما يقولون ريال (رجال) أو بترياك (بترجاك)...ماجد أو مايد الاماراتي الجنسية يمر علي في مكتبي كل صباح و يرتجل بيتين من الشعر في مدحي...ثم يجلس ويشرب معي القهوة و يسولف معي لفترة (مقدرة)..هكذا كل صباح...و عندما لا يأتي مايد يكون هنالك شئ ما ناقص في هذا اليوم..
جاء مايد صباح يوم ما و ألقي على مسمعي بيتي الشعر ثم افاض قائلا.و الله ما أدري يا باشمهندس ليش كل الناس بتحبك و بتشكر فيك...و كل الناس تتفق حولك...قلت له..أسمع يا مايد بيتين الشعر و بلعناهم و الصبة الطويلة وقبلناها...لكن حكاية يتفق الناس حولك دي عليك الله خليني منها...يا ريال انت عايز تقرضني ولا شنو...
شو معنى تقرضني هذه...
هذه تركها بخبرك عنها بعدين...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
ان مشهد تسليم الخطاب والرسالة من صديقى
الى من يريد
بكل تداعياته
بكل توتراته
بكل زخمه
لهو يا طارق جبريل يا صديقى
الفرق بين جكسينا وجكسيكم
ان مخاض انتظار حافلة على شارع الظلط , تأتى الحافلة دائما , ولكن ان يأتى من بداخل
الحافلة ليس حتميا وليس امرا مقضيا , كما ان اختيار الميعاد , زمانا ومكانا , هو تباين
آخر يجعل جكسينا ليس كجكسيكم فى الغالب الأعم , فما بين هجير الظهيرة على شارع الأسفلت المرقع
, الى غرف البالتوك المتخيلة على اللابتوبات المسخنة , وتداعيات الفيسبوك والمراسلات
الألكترونية الخالية من مخاطر عمليات التسليم والتسلم البوليسية, تماما مثلما هى خالية من (حرارة مشاعر حية )
فيها فرق وتباين آخر يا صديقى ,
عندما نزلت صاحبة الخطاب المنتظرة , وقبل ان تصل قدمها الأخرى وتطأ (واطات الله دى ) , كان صديقى يمارس فعل
المرسال المستعجل (رسلت ليهو زول مرسال والمرسال مشى وما جا )
هروت الحافلة بعد ان انزلت احلى مافى جوفها ومضت
السلام عليكم
اهلا وسهلا بحدقات متسعة من الدهشة من هذا الأستقبال الملقوف على حافة الزلط
انتى مش اخت عمر ؟؟
آآآآآى
ومدة الألف هنا كانت استغرابا مناسبا لحال ذلك الزمان , ويقابله من اسباب مد الألف فى ايامهم هذه
صنوف من الدلع والغنج والدلال الأنثوى الفتاك الذى يشعرك انك وصلت حتى قبل ان تبدأ المشوار
عليك الله اديهو الجواب ده
والكونسلتو ما يزال منعقدا -تحت الشجرة - يمارس المراقبة الممزوجة بالتقييم الموضوعى الفورى
زاد اتساع حدقات عيونها الواسعة اصلا , حتى انه بدأ ان نصف قطرها اكبر بكثير , من نصف قطر مغنية
الكومندان تلك , وهذا يؤثر حتما على مسائل ومتغيرات من شاكلة حجم العيون ومساحتها (للعارفين بعلم الرياضيات
ومساحات الدوائر واحجامها )
حانت منى التفاتة للحظة , بصفتى مرافق هارب من جحيم معركة التسليم والتسلم , وياقى الحكاية انما سمعته انا مجرد سماع
شانى فى ذلك شأن كل افراد الكونسلتو الذى ما يزال منعقدا تحت شجرته الوارفة , تاركين لصديقى نعمة الأصطلاء بلهيب الشمس
تارة , وبنظرات راكبة الحافلة المندهشة النازلة منها توا ذات الأحداق التى واصلت اتساعها المضطرد حتى خلت ان صديقى
لن يقوى على مقاومة محاولاتها المجنونة لأحتوائه داخلهما , ولو حاولت لفعلت (تارة اخرى )
انا ما زلت على اتصال بصديقى ذاك
سالته قبل فترة عن مصير جوابنا السلمناهو
سلمناهو يا جبان , سلمته انا ده براااااااى
اها والحصل فيهو شنو ؟؟
وحاتك لغاية الليلة عمر ما جانى رده
وهنا يكمن الفرق يا احباب
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
شنو يا جماعة ؟؟
الميل ابو ســـبحة ده مالكم مكجننوا ... وسليبين منصور يحرق روحنا فيهو ؟
* رشيد والكوتش انشاء الله تكونوا جاهزين ...
* وردية الليل امامها مباراة هامة وحساسة جدا
تتطلب الاكثار من اللعب الاستعراضى .ز خد وهات .. مثلثات .. تقريش لى ورا
وايضا رقصات بتاعت حارس مازيمبى ...
يستحسن ان ننهى وردية الليل بنهاية هذه الصفحة ...
ارجوووووكم
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
ونحن نقترب من فك التسجيلات
يلا يا هلالاب ويلا يا مريخاب
خليكم جاهزين ،،،،،،
أخونا محمد عيد نزل تصور
إفتتاح الميل الجديد وكذلك ما بعد المائة
في الإنتظار علشان نطفئ الشمعة الأولى مع بعض
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
Love will teach us all things, but we must learn how to win love. It is got with difficulty: it is a possession dearly bought with much labour and a long time, for one must love not sometimes only but always. and let not men's sin dishearten thee: love a man even in his sin, for that love is a likeness of the divine love, and is the summit of love on earth/FEODOR DOSTOEVSKY
A loving heart is the truest wisdom/CHARLES DICKENS
All love is sweet
Given or returned
Common as light is love
And its familiar voice wearies not ever
PERCY BYSSHE SHELLEY
"الإنسان يا محيميد.. الحياة يا محيميد مافيها غير حاجتين: الصداقة والمحبة. وما تقول لي لا حسب ولا جاه ولا مال. يوم الحساب.. يوم يقف الخلق بين يدي ذي العزة والجلال شايلين صلاتهم وزكاتهم وحجهم وصيامهم وتهجدهم وسجودهم، سوف أقول يا صاحب الجلال والجبروت.. عبدك المسكين الطاهر ودبلال ولد حواء بنت العريبي يقف بين يديك خالي الجراب منقطع الأسباب، ماعنده شيء يضعه في ميزان عدلك سوى المحبة".
There is a land of the living and a land of the dead, and the bridge is love
THORNTON WILDER
خرجت قبل مدة لتدخين سيجارة. كانت تشير إلى العاشرة ليلا. البدر مكتمل فوق بيوت أثرياء الضاحية ذات الإضاءة المخملية الحالمة. أغراني ذلك بالذهاب إلى منطقة في الجوار أشبه بالغاب. هناك فردت يدي فوق أريكة خشبية. أنصت إلى أصوات حشرات الليل وهي تعزف سمفونيتها الأبدية بلا حساب. القمر يسحب ضياءه سائرا وراء سحب رقيقة. ثمة طائرة إلى جواره مفعمة بالحنين إلى لقاء أحباب قريب في مكان ما من العالم. يباغتني إحساس لذيذ حين أتذكر ثرثرتها في النهار عبر الهاتف وهي تحتفي بأشيائها الصغيرة. وتتمنى فقط لو رأيت حذاء الصندل الجديد وهي تمشي به على أرض الأحلام نحو بوابة قلبي لتزيل عنها بأناملها المطلية حديثا خيوط عناكب الوحدة التي نمت منذ أمد بعيد. لسبب ما قلت لها إن لدي حنين إلى أن يكون اللعب عماد بيتنا. كان هواء لطيف قد بدأ يوشوش قمم الأشجار الكثيفة المتقاربة. وقد خيل إلي أن ذات الأشجار ربما تكون قد شهدت تأملات هندي أحمر حول العشق قبل ألف عام. لا أدري لم تتزاحم الذكريات في ذهني الآن إلى هذه الدرجة. زمان كان لنا نفاج مع جيراننا في قرية صغيرة على ضفاف النيل الأبيض. كنت في نحو السابعة حين رأيتهما نائمين داخل البرندة في تلك الساعة المتأخرة من الصباح. لم أفهم وقتها أبدا لماذا يتقاسم العم (س) والخالة (ص) ذلك الحيز الصغير ويتركان باقي العناقريب فاضية. لا بد أن حبا عظيما كان يجمع بينهما.. تلك الأيام!.
The only interest in living comes from believing in life, from loving life and using all the power of your intelligence to know it better
EMILE ZOLA
The root of the matter is a very simple old-fashioned thing, a thing so simple that I am almost ashamed to mention it for fear of the derisive smile with which wise cynics will greet my words. The thing I mean - please forgive me for mentioning it - is love, or compassion. If you feel this, you have a motive for existence, a guide to action, a reason for courage, an imperative necessity for intellectual honesty
BERTRAND RUSSELL
The great essentials to happiness in this life are something to do, something to love and something to hope for
JOSEPH ADDISON
والى لقاء تحايا للجميع.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الحميد البرنس)
|
| Quote: أنصت إلى أصوات حشرات الليل وهي تعزف سمفونيتها الأبدية بلا حساب . القمر يسحب ضياءه سائرا وراء سحب رقيقة. ثمة طائرة إلى جواره مفعمة بالحنين إلى لقاء أحباب قريب في مكان ما من العالم |
| Quote: وهي تمشي به على أرض الأحلام نحو بوابة قلبي لتزيل عنها بأناملها المطلية حديثا خيوط عناكب الوحدة التي نمت منذ أمد بعيد |
| Quote: كان هواء لطيف قد بدأ يوشوش قمم الأشجار الكثيفة المتقاربة. وقد خيل إلي أن ذات الأشجار ربما تكون قد شهدت تأملات هندي أحمر حول العشق قبل ألف عام |
| Quote: لا بد أن حبا عظيما كان يجمع بينهما |
شكراً البرنس
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
سلام جاكم كلكم
زيارة خفيفة في الميل 99
ونحن خطوة خطوة مشينا
والقمر شاهد علينا
متوجهين بقوة وثبات نحو ال 100
وعليه لفإنني
أطلق صافرة قوية لجميع الكمندات
محمد صديق - عبدالسميع - ابتر - عمار ... والأخرون
أجمع
وعل أن يحضر محمد صديق البروجي
لنبدأ الإحتفال بإطلاق البروجي
لتجميع جميع أهل الزقازيق عندالرقم 99 للمشاركات
يقوم السادة الرؤساء بالحضور الأنيق
وتقديم الكلمة
يعزف نشيدالزقازيق الوطني ... ويرفع العلم
يتكون العلم من
الحب برمزيته الصفراء
الصفاء برمزيته الزرقاء
الوضوح برمزيته البيضاء
والتضحية من أجل الأخرين برمزيتها الحمراء
ثم يقوم الفنان محمد عيد بتقديم الشعار
على خلفية أنغام المبدعين
الشادي - أحمد - مكي - اسامة.... الخ
وعزف زكي صديق .. وعماد شريف ..... الخ
وأشعار تاتي من رحم الإبداع الزقازيقي
يترنم بها
عادل عبدالرحمن ... زاهر... إخلاص مهدي ... الخ
ثم ينادى على الأعزاء
عصام دهب ... البرنس من الخارج
واصحاب فكرة الجميع بالداخل زهير وصحبه
ليتم تكريمهم
وأيضاء يكرم كل الإخوة والأخوات الذين شرفونا بزياراتهم
وهم ينتمون لنا حبا بعد أن فاتهم الإنتماء الجغرافي
الشعبية - بحري - منبر اليوم الحار ...الخ
ثم يتم أداء القسم
( نحن شعب جامعة الزقازيق بكلياتها ومعاهدها المختلف نعاهد الله ونعاهدكم أن تظل تجمعنا
المحبة والصفاء والأخوة الصادقة والثقة وأن نعمل على إعلاء قيمة خريجي الزقازيق وأسرهم
في كافة المناحي الممكنة..ز وبالله التوفيق ) .
ويبدأ الإحتفال الصاخب بسيرة لي بيت ناس العروس ( ناس الزقازيق ) جوار المنبر الحار
ما تندهشوا ده باقي هلوسة الملاريا
مجددا تشكراتي لكل من سأل عنا صراحة أو ضمنا
| |
|
|
|
|
|
|
|
|
|
Re: ناس الزقازيق ... أجدع ناس .. (Re: حمد محمد احمد)
|
سلامات يا ناس
Quote: سعيد لأنني ألتقيكم كلما اردت ذلك...زمان كنت تفتش على زول في الرياض عشان يجيب ليك أخبار قدورة..وواحد في أمريكا عشان تسأله عن حاتم جبارة...أما الآن فتسأل في البورد فتجد من يدلك...
|
ده الكلام ...
وهذه من نعم الله علينا..فله الحمد بلا حدوالشكر بلا عد.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
| Quote: ....أخذت السمكرة المقترحة و أخذت أجربها على النص...فوجدتني قد أستلفت باندا من هنا وجاكيت من هناك فتوقفت قبل أن أكمل السمكرة...فلقد وجدت أن المولود ليس بابنيThe kid is not my son فتركتها الى وقت يمكنني فيه احداث السمكرة مع الاحتفاظ باحساسي بأن المولود لي... |
رشيد يا حبيب ..سلام وحب ..واتفاق عليك من كل الناس
النص هو روح ...والروح لاتتجزأ..حاولت أن أقترب من روح النص واتقمصك انت فما استطعت
احساسك بالختام كان نفس الاحساس لدى ..ولكن فكرتى وعبارتى لم تقدر على الاحاطة بالروح
وكنت انت صادقآ فى التعامل مع الفكرة والعبارة التى ولًدت روحآ مشوهآ او ان شئت روحآ
لا ينتمى اليك...لا أملك الا أن أهنئك..وسيأتى الختام الذى تحب .لك الود
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
Quote:
العزيز : زهير الزناتي
السلام عليكم ورحمة الله وبركاته
تحية زقازيقية خالصة لك ولافراد اسرتك الكريمة
أولآ باسم كل الزقازيقاب على امتداد المعمورة ارسل عظيم شكري وامتناني على كل هذا المجهود الجبار الذي تبذلونه من اجل هذا الكيان الرائع.. وهذا ان دل على شي فانما يدل على اصالة معدنكم وانتمائكم العميق وحبكم اللامتناهي لذلك المكان وتلك الايام واؤلئك النفر .
وعبرك التحية لكل الذين ساهموا ومازالوا في رفع اسم هذا الكيان (الزقازيق
ثانيآ أقف معكم في ان يكون لنا موقع منفصل في سودانيزاون لاين نستطيع من خلاله التواصل دونما خوف من الارشفة والمشاكل التقنية .. فارجو ان اكون من اول المسجلين حضورا
ودمتم
عثمان الخير الجدي
السعودية - الرياض
|
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
Quote: زهير يازناتي
لك وللأسره سلامي
اتابع بشغف بوست ناس الزقازيق اجدع ناس - البوست الرائع - ومن خلاله نتابع اخبار الزملاء
تخريمة :
لو طال النوى
لكن كلامنا الكان وكان
خايف يكون شالو الهوى
ـــــــــــــــــــــــــــــــــ
خايف يكون شالو الهواء
فالاولى من الحب والتانية من الكتاحة
ــــــــــــــــــــــــــــــــــــــــــــــــــــــ
سامي جمال
|
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
سلامات يا ناس
Quote: ان مخاض انتظار حافلة على شارع الظلط , تأتى الحافلة دائما , ولكن ان يأتى من بداخل
الحافلة ليس حتميا وليس امرا مقضيا , |
شانى فى ذلك شأن كل افراد الكونسلتو الذى ما يزال منعقدا تحت شجرته الوارفة , تاركين لصديقى نعمة الأصطلاء بلهيب الشمس
تارة , وبنظرات راكبة الحافلة المندهشة النازلة منها توا ذات الأحداق التى واصلت اتساعها المضطرد حتى خلت ان صديقى
لن يقوى على مقاومة محاولاتها المجنونة لأحتوائه داخلهما , ولو حاولت لفعلت (تارة اخرى )
==================================================
وأستغرب !!!!!
لماذا لا نقف جميعآ ونهتف بصوت واحد..هائل يا منص.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
سلامات يا ناس
| Quote: كنت في نحو السابعة حين رأيتهما نائمين داخل البرندة في تلك الساعة المتأخرة من الصباح. لم أفهم وقتها أبدا لماذا يتقاسم العم (س) والخالة (ص) ذلك الحيز الصغير ويتركان باقي العناقريب فاضية |
شكرآ يا برنس على الكلام الطاعم..
مؤكد أنك وقتها لم تكن تعلم ان النفوس اذا اطايبت ..العنقريب بشيل اتنين.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
عيد يا حبيب...سلام
تعرف منصور ده ابن 60 لذينا فى الكتابة
لكن متضارى ورا مسحة كوميدية ..او زى ما
تقول : يقول الحاجات كأنو بهظر مع الناس
لكن أنا ما فايته على الحاجات دى ...أنا
بشوف وبسمع وبضوق وبحس فيها الابداع ذااااتو
وكتاباتو دى بقليل من السمكرة [ بس ما سمكرة
سمكرجية البوست ] هو براو قادر على السمكرة
بس يخت الرحمن فى قلبو ..ويفضا شوية بالذات
من يوم الخميس الفات....اها لو عمل السمكرة دى
كتاباتو حتكون نوع ادبى معروف وكمان متفرد.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
خلعتنايا زهير خليت منى تجرى تفتح الإميل حقها
ولكن ما وجددت أي حاجة ،،، برالمة مستعجلين
إستمتعت اليوم بالبرنس ومنصور عبدالرازق
حقيقي حكي جميل ويعجب شديد ويشدك ويجبرك
على المتابعة والإستمتاع ،،، شكراً يا شباب
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
تحية مائوية قلبية لاجدع ناس واحلى واطيب ناس..
بلى عجبا لهذا السحر الذى يجمعنا..عندما اقرا البوست يأخذنى اليكم كلكم حيثما انتم ..تارة احساسى ياخذنى لواشنطون .. اضحك من القلب مع حاتم جبارة.. تارة قلبى ياخذنى الى الرياض لاستمتع بونسة سندى الابنوسى..واقهقه مع فافى .الى ام درمان حيث البهجة وزنانى الراقى ومحمد صديق الرقيق الرائع سحر ببساط الريح ياخذنى بقلبى وعقلى اينما احسه..
عادة يوم السبت عندناانا وامنية وهنودى ممل طويل وsad day
ذى ما بقول هنودىبحب ادلعهم شوية عشان ابوهم الله يخليه ليهم مسافر..المهم ما ابراكم كثير.. قبل شوية كنت اتحدث مع ابو عيالى وشجرة ضلى.. فحكيت ليه كيف كان يومنا بالتفصيل .. مشينا المول واشترينا شنو وكدة من ضمن الحاجات الاشتريناها زرعة جميلة سمعت انها بتجلب الحظ رغم انى احمد الله كثيرا محظوظة شديد (النى فيكم تقولوا ما شاء الله) محظوظة بشريك زقازيقى انتم كلكم اخوته وصحبه وسنده .. بلى الزقازيق جالبة الحظ لنا جميعا..ربما لا تدرون عن الرشيد انه متدين جدا (مش مدين من زول اعوذ بالله) دين اسلام يا زناتى..قال لى دعاء الوالدين ورضاهم هو البجلب الحظ.. فحكيت ليه قصة مضحكة انه واحدة بازلة مجهود شديد فى وشها شى ديانا وشى فير اند لفلى وفيشيل وبدرة max factor
سالتها صاحبتها وشك ده بتعملى ليه شنو فردت عليها بتعالى ولا شى والله بس رضا الوالدين..الرواية اضحكت الرشيد كثيرا حبيت انكم تشاركوناوتضحكوامعانا لو عجبتكم ولانه الرشيد عنده مشكلة فى النت كان بوده يحكيها بس اكيد كان وصلها ليكم بصورة احلى..
الله يدينا كلنا رضا والدينا وعفوهم عننا
التحية مجددا ليكم بدون فرز
تصبحون على خير ودمتم سالمين
نجاة حوفى
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
سلام يا احباب
لا زلنا صامدين
نحول ان نخلق الفرح مع الاطفال غصبا عن مقاصل المنع
يا منصور
ياخي عندي سؤال محيرني في مخي
ياخي انت بهذا الملكة السردية دي كلها
ليه ما بتكتب يا منص
ليه ما بتتحفنا بكل هذا الجمال
منصور انا على المستوى الشخصي ربما لا افهم في الشعر كتير (جورج ما تحمر لي)
بس بستمتع جدا بالحكي وهو اللون الأدبي الذي أجد فيه متعة لا تضاهى
بس للأسف أنا أمارس هذه المتعة بدارجة معيبة
ولكن انت تملك ناصية اللغة بشكل عجيب
اكتب يا منص ياخي
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
Quote: ولا راحو يلبسو البدل والكرفتات للاحتفال
|
يا عفاف جينا هسع من روكسي بالبيجو
أنا ومنى جهزنا اللبسات وظبطنا البدل
بس المرة دي فيها لبسات أطفال بس زمان
أطفال دي كانت مافي ...
HAPPY BIRTH DAY TO YOU
يا بركة إنشاء الله تحصل المائة شمعة زي
أحبابك ناس الزقازيق الضربوا الرقم القياسي
وحنتسجل في قائمة جينس للأرقام القياسي
إنشاء الله بصحة وعافية دائماً ،،،،
طارق جبريل الله يمد صمودكم بس تكون
النهاية سعيدة .
إنتو بكري ده ما بجي بالليل ؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
أنحنا يا طارق متابعين أخباركم تمام
وكمان في موقع الفيس بوك كل مرة
بتجي رسالة عن أخبار الجريدة بتاعتكم
رينا يؤازركم وينصركم ويرد غربتكم وغربتنا
الظاهر عليك الليلة بتساهر براك ،،،
يا ربي زهير ده غطس وين لسه قدامنا أكثر من 35 مداخلة
علشان بكرة ظهراً إحتمال يبدأ مهرجان الإحتفالات
تصبحوا على خير ،،،،
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
السلام عليكم يا ناس الزقازيق
يا زقازيق الخير ،،، يا أهلي الطيبين
كم أنا سعيدة بدخولي عالم ناس الزقازيق أجدع ناس
وأن ألتقي بأخوة لي وأخوات ،،، على الرغم من أني إلتقيتهم
عبر نفاج الريس ،،،،
ولكن الحرية والإستقلالية أروع
أخص بالشكر المهندس بكري أبو بكر وأخي زهير الزناتي
ولكل من ساهم في هذا المشروع العظيم
مبروك العرس الجماعي والبرالمة ديل ما شاء الله كمية كبيرة
دفعة واحدة بس لسع نايمين .
مبرووووووك الميل 99 ومرحب بالميل المئوي
| |
|
|
|
|
|
|
|
|
|
Re: ناس الزقازيق ... أجدع ناس .. (Re: Dr. Ahmed Amin)
|
يا سلام يا جماعة ...
عيد ميلاد سعيد مبارك جادين ... كويس يا البادي إنه مبارك حصل 30 سنة في وقت مناسب عشان عايزين ننزله الإنتخابات في أبريل القادم ، كده عرفت كم شمعة يا حاقد ...
مني يونس أهلاً بيك بالباب .. والله منورة ... بس حا يكون في مشكلة في الكمبيوتر واللاب توب مع الريس يعني لازم التنسيق أو الإستقلال كل زول بجهازه ... ومرحب بيك إضافة وقوة دفع جديدة ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
مبارك جادين .. الأهلية كملت يا حبيب راحت ...
يعني يا أبو الزوز حنكون أصدقاء لوزير كبير أوي ...
منى يونس .. السيدة الأولى الرائعة .. وهي تحمل راية الحرية خفاقة ...
مليون مراحب بي أختنا منى يونس ...
البرنس .. والله بيتنا نور وكله زينة ...
نبارك نجاحات أولاد الريس الأسبق معتصم وربنا يحفظهم ...
عبدالحفيظ .. لكن هلوستك ما طاااااااعمة ... هلوسني وتفنن ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: البادي النور)
|
مبارك ود جادين سلام مربع وكل سنه وإنت طيب ومن الصدف الجميلة يتزامن مع إحتفالنا مع العيد المئوي للبوست واللهم أجعل أيامنا كلها أفراح . بس يا محمد عيد ختفتها من لساني الزول ما ينوم معاكم وله شنو ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
صبحكم الله بالخير
قلت ألحق لي خشم خشمين قبل ما يجونا ناس الاحتفالية ديل يهرشونا...انت أرجع وراء و انت واقف بي جاي مالك...و الجماعة الواقفين جمب البنات هناك يرجعوا وراء...الريس ميسرة شايل خرطوش و محمد عيد شايل ليهو خيزرانة...بس ما خدره و رويانة....في الأول شبكونا مافي زول يقرب من البوست ده لحدي ما نجهز حسة شابكننا قزقزو ...و أعملوا تابلوهات و استعراض ومثلثات...جننتونا و جننتو جلا الحج (أم غمتي) طبعا ناس الشهادة العربية ديل ما بيعرفوا (أم غمتي)..يعني بالدس...
طلب محمد عيد بتسريع ايقاع البوست دليل على نضج برنامج الاحتفالية و الذي طبخ على نار هادئة...ان شاء الله بس تكون نار فحم...بيقولو نار الفحم هادئة و حارة في نفس الوقت و بتنجض كويس...و طالما حمادة و الريس جاهزين نحن ان شاء الله برضو جاهزين....
غنن يا بنات و أضربوا على الدفوف يا رجال و نقروا الغيثار هاتوا الأغنيات...أنحروا الذبائح ووزعوا الشراب (الحلال)...و الحلال بس خوفا من ناس حاجة نفيسي و أخواتها يجن يجغمن و يرقدن خل ويبوظوا لينا الاحتفال...و لا الرجال يتعطنوا لي نخرينهم في الداهي ده وبعدين ما تشوف الا الكراسي طايرة في الهواء و العكاكيز مرفوعة في الهواء التقول فلم Brave Heart ....
المزاج عالي رغم ان يومي بيبدأ بنمرة خمسة...و الفرقة البلقاها عشان أكتب ليكم فرقة ضيقة جدا..لكن لازم يكون المزاج و يومي يبدأ بترنيمة الصباح من بنت شيخي فتحيل زحمة الصباح الى غناء الطير و همس الماء .. ووشوشة الضياء فية ...
صبحكم الله بالخير
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
كتبت مداخلتي الطويلة دي وقايل الناس لسة نايمة...جيت لقيت في زي عشرين واحد سبقني...تاني الواحد يخت ليهو طوبة من الصباح قبل ما يبدأ يكتب....يخرب مطنكم...
منى يونس...نورتي البوست بعد أن دخلتيهو عبر الباب ...و طأتي المستقبل بكلتا قدميك...
جادين كل عام و أنت بخير و عقبال الشمعة المائة و خمسين...يعني باقي ليك مائة....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
صباحكم فرح
مرحب بمنى يونس حرم لريس بلغة السلطة الرابعة (السيدة الاولى)
والليله شكله زي يوم العيدناس تنظف في البيت
ناس مشكاة يفرشو الملايات
وناس جيفارا ومنذرومهند واقفين يعاينو للجزار وهو بيذبح الخروف
وناس احمد منصور وولد احمد اسماعيل وود الريس معتصم داخلين وطالعين ومتاهبين لاستقبال الضيوف
لانه ابهاتهم من فصيلة كبار السن
اما زينب وابتهاج قال ايه الترزي ما ظبط التياب سمح!!!
ومحاسن اسرت لي (ماما دي ياخالتو جننت بتاع الامجاد دا)
اما حاج الركز 00 ففي الحلاق معتقد ان شعره سال منه الذهب
والريسان 00 رغم كبر السن 00 دائما الاحتواء الابوي
ود جبارة يسن ادواته الانفعالية لقصيدة محمد صديق
وعصام دهب اتى بكل الدهب النقي من المشاعر الانسانية
ورشها هو وزهير بكل اناقة على زقازيقي الهوى في الاحتفال المئوي
كلكم تامين ولامين
واحبكم في صباح زقازيقي فرحان
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
صباح الخير يا وجوه الخير،،،،
مرحب بدخول مدام منى يونس من الباب
هذا الخبر افرحنا وأتعبنا من أمس سهرانين
منتظرين الولادة ،،، كل مرة هي تفتح الأيميل بتاعة
ونقول ليها "خلاويس ـ،،،،، وتحاوب هي لسه"
ومن بعد صلاة الفجر وبعد تجهيز الأولاد إنفتح الكمبيوتر
ووجدنا رسالة المهندس/ بكري أبو بكر والعيال زغردو مع أمهم
والمدرسة تعطلت والزمن راح وهريدي مات ،،،،،
نقتبس مداخلة أخونا فضيلة الشيخ محمد آدم النور
============================================
زول ما عندو باسويرد عايز يفتح بوست....... و الله إلا الظروف تساعدك
هههههههههههههههههههههههههههه .
===========================================
والله يا جلا بعد ده شوف ليك حته إتخارج منها بكري وزهير
خذلوك جداً ومنى يونس إستلمت الباسويرد وأول برلومة عملت مداخلة
الحج زاتو ما بحلك والعملت كان بإيدك .
يا زهير شكراً على الهدية وبخصوص الكمبيوتر المدام عندها
لاب توب منفصل خلاص من اليوم خالتي وخالتها وإتفرقن الخالات إسفيرياً
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
تحية مباركة وسلام للعشيرة الغالية عشيرة الجدعان
كل الأماني الغالية بدوام المحبة وأسأل الله تعالى أن يبارك لكم في حوشكم الجديد وأن يجعله عامرا دائما ...
أحمد الله كثيرا على تواجدي بينكم على الرغم من أنني ظللت متواجدا ( متاوقا ) معكم منذ وضع اللبنة الأولى لهذا الحوش المبارك ولم أنقطع عنه إلا من حين لآخر لأعود إليه بكل الشوق واللهفة ..
فالتحية للأخ زهير ومن خلفه المهندس بكري أبو بكر على هذه الفرصة الطيبة التي ظللت أمني نفسي بها منذ زمان بعيد ..
والتحية لكم أخوتي جميعا وأتمنى أن يكون تواجدي بينكم إضافة فاعلة وجادة لعقدكم الفريد ..
وها أنذا عدت برلوما من جديد وأكرر التحية لكم يا سناير !!!!!!!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد القادر بابكر)
|
| Quote: وها أنذا عدت برلوما من جديد وأكرر التحية لكم يا سناير !!!!!!! |
تعظيم سلام للسنير "البرلوم" قدورة وانه لفخر لنا ان نكون نحن في حضرة هذا الزخم السنيري الممتد
الحوش موعود بحكي جميل وسرد منمق وانت أهل لذلك.
يلا .... لا قدام
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد القادر بابكر)
|
صباح الخير
وترحيب حااااااااااااار ب:
الأخت منى أحمد يونس
والأخ عبد القادر
نورتو المكان... وهي فعلا إحتفالية مميزة لهذه الصفحة المئوية وطلتكم الجميلة دي زادتها ألق وجمال
_________________
مبارك جادين
كل سنة وإنت طيب
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد القادر بابكر)
|
صباحات النور والفرح
صباحات الابتهاج والجمال ...
صباحات العشق السرمدى ..
مرحى بكم ايها الاحباب فى هذا اليوم الجميل والأعــر
ومرحبا بتزامن الفرح مع دخول هذه الكوكبة البهيجة الى حوشنا العامر بالجميع
مرحبا بسيدة القصر ... مدام منى يونس - رئيس حكومة الظل لفترة طويلة
مرحبا بك فى ســدة الحكم مع رفيقك الجميل ...
ومرحبا بحجم الوطن الجميل .. وطن بعانخى وتهراقا والخليل ..
وطن وردى وابو اللمين والكابلى الرهيف ...
مرحبا بدخول البرلوم والسنير القــامة الفنان : عبد القادر بابكر ( قدورة )
هذا الهرم الزراعى المعطون برائحة السندس والريحان ..
حللتم أهلا ونزلتم سهلا ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
يا شباب نأمل التوقف قليلاً من المداخلات مع خالص
الإحترام تبقت سبعة مداخلات فقط وندخل الميل المئوي
والأخ/ محمد عيد في طريقه إلى المكتب بعد ما عمل مداخلة
من البيت ،، فور وصوله إلى المكتب سوف ينزل البرنامج
قف ممنوع السير أمامك برنامج إحتفالي
أخونا عبدالقادر نرحب بيك ووجودكم زاد لهذا البوست
وأهلاً وسهلاً في ديارك .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
Quote: تحية مباركة وسلام للعشيرة الغالية عشيرة الجدعان
|
ألف تحية لي قدورة الحبيب...شرفت الديار...و الله عمرت بيكم الديار...
نجاة حوفي استلمت كلمة المرور و لكنها مشغولة شوية وسوف تدخل متى ما تسنى لها ذلك...و هي تشكر المهندس بكري ابو بكر و الكابتن زهير الزناتي...لحدي ما تجيكم تشكركم براها...
آخ آخ...ده منو البيضرب بالخيزرانه ده...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
بسم الله الرحمن الرحيم ..
مرحبا بالجميع ... سناير وبرالمة وأسرهم الجميلة ..ز
ألو .. الو .. ألو .. واحد .. اثنين ..
زهير .. ظبط السلك ...
فقرات الاحتفال مع بداية تدشين الصفحة رقم 100
1- انزال شعار الاحتفال .
2- الفقرة الغنائية الاولى ( اغنية الاحتفال ) وسيقدمها لكم الاخ / زهير .
3- تحية من الريس معتصم جعفر رئيس المكتب التنفيذى للجمعية السودانية لخريجى الزقازيق .
4- تحية من الريس ميسرة سيداحمد .. رئيس تجمع الخارج .
5- كلمة مولانا عصام دهب .. صاحب ومؤسس هذا الحوش العظيم ..
6- كورال الاطفال .. بعنوان .. نحن براعم الزقازيقاب فهلا عرفتمونا ... ( لجنة المهرجان )
7- مشاركة ترحيبية من الاخ / ياسر نجيلة ..
8- برنامج .. زقازيقيون حول العالم ( لجنة المهرجان ) ..
9- فقرة غنائية .
10- مشاركة من الأخ / الرشيد بابكر .
11- برنامج مسابقات .. من هؤلاء .. لجنة المهرجان )
12- مشاركة من الاخ / محمد صديق ..
13- فقرة غنائية ..
14- صعود جميع الحضور على خشبة المسرح والتداخل لتبادل التهانىء والمشاركات المتعددة ..
جعل الله كل ايامكم أفراحا .. يا أجدع وأروع ناس
| |
|
|
|
|
|
|
| |
زهير الزناتي
AWAD MAHMOUD OSMAN
محمد صديق
عفاف علي ميرغني
عبد الحميد البرنس
ميسرة سيد أحمد
منصور عبد الرازق
جلال عثمان
أحمد إسماعيل
محمد عيد
عبدالكريم أحمد الامين
موسي عيسي
سامي عبد الوهاب إدريس
الرشيد بابكر
عبد الحفيظ عباس
حمد محمد احمد
طارق جبريل
مني يونس
زينب التجاني
ابتهاج عبد الله
عبد القادر بابكر
فيس بوك
تويتر
انستقرام
يوتيوب
بنتيريست