|
|
|
 Re: ناس الزقازيق ... أجدع ناس .. (Re: الرشيد بابكر)
|
| Quote: عرفت منهم بس...سمية بين و جمال مصطفى... |
والله يا رشيد ... ما اظن القلتهم ديل صاح
حــــرّم انا زول واحد فى الصورة دى ما عرفتوا ...
اقول ليك ... حنان القطينة ذاتها ما شايفها ..!
عفاف ... الصورة دى متأكده من الزقازيق .. ولا جايباها من محطة الدامر ؟؟!
| |
 
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
Quote: هسي بهناك حا نسوي شنو
وفي البوست دة حا نسوي شنو |
أولاً نحمد الله عددنا كتر...يعني الناس القاعدين يكتبو عددهم ما ساهل
ثانياً المواضيع العايزة نقاش مستفيض و رؤية مستقبلية ستجد حظها
ثالثاً ... الدروس المستفادة من خبرات الناس ستجد حظها
رابعاً القصص الفي السمكرة ممكن تسمكر هناك بعدين ممكن تطلع للعلن
خامساً حكاوي حبوباتك عندها حيز بي غادي
سادساً المواضيع الثقافية عندها مكان
سابعاً الإجتماعيات الأفراح و الأتراح مكانها في الديوان بي غادي
ثامناً دا غير ونسة ناس الليل البي جاي
تاسعاً الحجارة الإنت قاعد فيها ممكن تكلمنا عنها بي جاي
عاشراً و لا أقول ليك كدي أمشي ملص نعلاتك و قول سلا م للناس القاعدين بي غادي...
شايفهم منتظرنك إنت و الناس التانية
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
| Quote: والله يا جلا جطها لي زيادة |
كدي وريني عدد الطوبات الإنت قاعد فيهاكم؟؟؟؟
و الله عازرك.... قعاد طوب ...وطشت شبكة...وهضربة...
و الله أنا غلطان...يا كمندان ...حصلني أشرح للزول دا
هس الزولة الراكبة أمجاد ديك ...تجي تقول نفس كلام ود جبريل
ولا أقول ليكم كدي خليني أسأل محمد عيد
يا محمد عيد الفرق شنو بين الزول يدرس هندسة علوم الطيران ....و العلوم التجارية؟؟؟
وتيب؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
عبد الحفيظ ... حمدا لله على السلامة والف كفارة
وانشاء الله اجر وعافية ...
&&&&&&&&&
جبريلا ... الحوش ده باقى ليهو كم يوم ويتقفل يعنى بعد الحفلة
الناس تلم عفشها وتقلب بى غادى ..
اخونا عصام دهب حيفتح بوست جديد باسم الاجدع ناس ونبدأ فيهو عادى من جديد
وانت بى هناك عندك صفحة خاصة لحكاوي الحبوبات .. وصفحة تانية لقصتك مع
مولاى وقعدة الحجارة ..
يعنى بى هناك عندنا موقع زى المنبر العام بتاع سودانيز اونلاين
قولوا خير ،،، والشغل بعد ده داير ليهو نفس طويل ...
والورديات حتكون بدل ورديتين .. اربعة ورديات ( عشان البناء يقوم سريع )
حنبنيهو البنحلم بيهو يوماتى ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
الف سلامة ياعبدالحفيظ .... وبركة الشفناك طيب
الكرامة متين ... عشان انا وكلت عبدالدائم "يجضم" لي نصيبي
--------
جبرييلا هنا ولا هناك أهم حاجة نشوفك ونطمئن عليك
والبينا وداً بحرو زاخر "ماليهو قيفة"
أها الأخبار شنو ... ناس سيدي ومولاي ديل مارخو شوية؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
محمد عيد مجلال كيفنكم
انا والله خايف من المساسقة
وعارف انه المائوية دي حا تتأرشف
بس مدام اتعملت حاجة منفصلة ليه عصام حا يفتح نفاج هنا تاني
القصة دي لسة ما وقعت لي
يعني مثلا حبوبتي نفيسي حكاويها انزلن هناك ولا في البوست الجديد الحا يفتحه عصام
الجهجهة يا ناس الله انا المخوفاني شديد
يعني شغل الليل دة حا يقبى هنا ولا هناك
بصراحة الحتة بتاعة المساسقة دي بتكسل الزول من المتابعة
عشان كدة شوفوا لينا حل
يا جلال والله القصة جاطت والجريدة شكلها اقفلت بشكل نهائي
هناك وساطات شغالة وربك يسهل
لو ضاقت بنجيكم ناطين في الرياض
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
ألف حمد لله على سلامتك يا أخ عبد الحفيظ
نسأل الله أن يجعله أجر و عافية و شفاء
اللهم آمين
Quote: محمد عيد و جلال كيفنكم
انا والله خايف من المساسقة |
نحن زاتنا عايزنك تساسق...مش لسع قاعد في الطوب؟؟؟؟
و بعدين مساسقتك دي يمكن تهدي مولاي و سيدي ويقوم يعفو عنكم
بعدين ما تخاف من زمانك قاعد تساسق في الزقازيق ....حرنت بس في المنبر دا؟؟؟
عليك الله شوف الكم الهائل من تجربتك...وغربتك....ونجاحاتك ...
هذا بالإضافة للمشاكل القاعد تقابلها وكيفية الحلول البتجي
سواء مخطط لها أو التي بتجي من عند الله ومكتوبة...عايز تختزلها في بوست واحد؟؟؟؟
انت حرفنة الكورة بتاعتك ديك وينها؟؟؟؟
إنتو متأكدين إنو طارق جبريل دا لعب في فريق البيطرة بتاع الزقازيق؟؟؟
تخريمة: تليشة: مكنة: طوبة
رحبوا معي ترحيب حار بالأخت نجاة حوفي
البري جاييكم بعد الإمتحانات...وسك الأمجادات
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
من حاج الركز لاجدع ناس
مبروك الحوش الجديد وانشاء الله حوشا ماهل يجمعنا
لكن قبل مانفرشه لازم نجهز ليتا كذا شوال كركم للرشيد
والله يالرشيد خذلتنى ،، شابكنا سمية بين وماعارف حنان وجمال ،،يازول صلى على النبى
الناس اللى فى الصورة دى ماشافوا الزقازيق بى عيتهم ولا بيعرفوا ناس الزقازيق
ديل لاطلبة من كلية التربية بعطبرة .
ولى عودة
حاج الركز
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
طرحت قبل كده تنظيم المنبر الزقازيقي الجديد
وها أنا أطلب الجميع بالمشورة وعدم الإندفاع
بفتح البوستات الكثيرة ولنتحاشى الشللية وضياع
تجربتنا وإسمنا والمساسقة زي ما قال طارق جبريل
ولنستفيد تماماً من ما حدث لمنبر اليوم الحار الذبن
تسابقوا وفتحوا ثمانية وتسعون بوست مما أدى تشتيت الجهود
وضياع المواضيع وركز على تأطير المجموعات والشللية ومجاملة
الأصدقاء.
حتى اللحظة تم فتح بوست تعريفي وترحيبي وشكر للأخ/ بكري
البوست الثاني فتح لجمع بيانات وعناوين ناس الزقازيق
أنا أقترح فتح عدد ثلاثة بوستات أخرى
- بوست للأفراح
- بوست للأحزان
- بوست للجمعية وقراراتها وأخبارها
هل هناك إقتراحات أخرى أو تعديل لإقتراحاتي .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
يا جلال ياخي بالله شوف شريط النيل الازرق داك
يمين فيه كمية عوارة
ريسنا ميسرة طلباتك أوامر يا حبيب
غايتو بع الزهايمر عرفت ديل:
رجاء الطيب
شوش بت بيطرة
سلمى احمد البشرى
دولت عبد الله
فطومة
ابتهاج
عصام ياكلوجي
تيسير
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
طيب يا حاج ماتكبر الصوره شويه..
دي ما شوش بيطره.. دي هدى..
منى مديانا ظهرها..
رجاء وابتهاج وتيسير ظاهرين..
لو ماأخاف الكضب.. أمال البنجاوي لورا..
مشاعر لابسه أزرق..
أروى ودولت وسالمه..
لو فتشنا جنب ابتهاج حنلقى بدريه..
شوفو ليكم اسكانر كويس..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ابتهاج عبد الله)
|
سلامات يا ناس
متاوقة سريعة ..بسبب عودة متأخرة من خارج العاصمة
شكرآ للباشمهندس بكرى.
مبروك الحوش الماهل...يغلبكم بالتحمل ..وتغلبوه
بالكلام الطاااااااااااااعم.
مع الريس ميسرة فى مسألة التنظيم والتخصيص...كل
حاجة فى مكانها.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
حمد لله على سلامة الوصول
بس زهير ما ظهر في الصورة ليه
ومبارك جادين في الحالتي متختبئ ليه
مسؤلين من الخير ،،، إنتو الراجل بتاع العجلة
الرادف التيس ما وصل المطار ،،،
إبتهاج حمد لله على السلامة وإنتهاء المسؤليات بس زينب إختفت مالها
محمد صديق عايزين نشيل الصفحة دي قبل ما يرجع لينا الرشيد يوم الجمعة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: Hatim Gubara)
|
يا جبارة والله الناس دي حيرتنا يجوا ديل يمشوا ديلك ، لومك بي بكره من الصباح نرسل لبكري القائمة الجديدة .. عشان نكبر الكوم والبوست دا يمشي أحسن من الأول .. بخصوص المنبر الجديد يجب أن يتم نفاش حوله ، عشان ما نقوم نفرض حاجة علي الناس ... دي مساحة واسعة الناس تستفيد منها ، وانا يتخيل لي أي زول عنده حاجة عايز ينزلها ويشارك فيها الناس مرحب بيهو .. والبوست دا يمشي زي ما هو ... ونشوف تصور الناس كلها ، يعني ما ممكن يكون عندنا المساحة دي كلها ويكون مواضعينا فيها بالعدد .. والمنبر الجديد دا بيمثل موقع قائم بذاته داخل موقع مقروء تماماً ... والأهم إنه حا ينجو من مقصلة الأرشفة .. يعني المواضيع بتاعته لن تأرشف كما الحال في المنبر العام .. البوستات السابقة شايف رجعت وفتحت للمداخلات تاني ودي ميزه ما هينة ...
http://www.sudaneseonline.com/cgi-bin/sdb/2bb.cgi?board=299
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
| Quote: يعني ما ممكن يكون عندنا المساحة دي كلها ويكون مواضعينا فيها بالعدد .. والمنبر الجديد دا بيمثل موقع قائم بذاته داخل موقع مقروء تماماً ... |
كلام زهير ده صاح بس لو ما ناقشناه
وقيدناهو ببعض الإتفاقيات أو لوائح متفق عليها
حا نكون زي ناس المنبر الحار عشرات البوستات
تجعلنا نتوه داخلها وتخمد ذروة الإنجذاب
نخاف من السلبيات والتي لا نحسها حتى اللحظة
مزيد من الآراء ،،، مزيد من الرؤيا النيره هيا شباب
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
| Quote: يا ريس دا كلو تاريخ كان رايح في زحمة المنبر العام ، وده يتخيل لي جزء بس لازم يمشي المنبر الجديد ولا رايكم شنو .؟ |
تمام يا زهير ،،، تاريخنا إرث لنا
ولن نفرط فيهو ولنجعله أساس مخزون
ولبنحث عن أخريات قد تكون ما زالت
متوارية عن الأنظار ،،،
بس هنا يدعونا التأمل للشكل الفني الذي يتم تجميع
هذه الأشياء التاريخية.
معاً لمزيد من النقاشات والمقترحات.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: البادي النور)
|
سلا لأجدع ناس
وأصبحنا وأصبح الملك لله
وألف حمد على سلامة الأخ /عبد الحفيظ
بضيف لإقتراح الريس ميسرة
إضافة بوست تعريفي للزقازيقاب مفصل عن أفراد عائلة كل واحد (الإسم،العمر، الصورة)
وأيضا لازم نعمل شغل إضافي نجود فيه تنظيم منبرنا كأن يقسم الريس ميسرة الصفحات السابقة على العضوية لمراجعتها وأخذ المواضيع التي لم تأخذ حقها من النقاش زائدا المواضيع الجميلة المحتاجة لإعادة.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: سامي عبد الوهاب إدريس)
|
القائل ( العدل جنة المظلوم وجحيم الظالم )
هو عمر بن الخطاب رضي الله عنه
صدر الإعلان العالمي لحقوق الإنسان في (1948)
الدول العربية التي يمر بها مدار السرطان عددها (7) دولة
قائد الصليبيين في معركة حطين / الملك جاي لوزحنان
زوجة النبي (ص) التي لقبت بأم المساكين
هي/ زينب بنت خزيم
أول إمراة فازت بجائز نوبل هي / ماري كوري وهي أول إمراة تنال درجة البروفسير في فرنسا
| |
|
|
|
|
|
|
|
|
|
Re: ناس الزقازيق ... أجدع ناس .. (Re: أحمد إسماعيل)
|
اقتراااااااح
الاخوه الاحباب
سلام الله عليكم
مبروك والى الامام
اخوتى اقترح عليكم خطوه تنظيميه بتقسيم المنبر الى ابواب ثابته مثلا
اجتماعيات00اخبار الزقازيقاب افراحهه واتراحهم
الرياضى
الادبى00
منوعات000اغانى 00نكات او غيرها
المنتدى000 ليكون للتداخل اليومى
على ان يضاف كل ما ترونه مناسب لاحقا000
وعرفانا لجميل صاحب الحوش الزقازيقى اقترح ان يقوم الاخ دهب بفتح هذا التبويب
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
تحية و سلام و تقدير و إعتزاز لأجدع ناس ..
لا أملك غير أن أحمد لله تعالى و أشكره على فضله و منه و جزيل عطائه ..
فالحمد لله تعالي الذي جعلني زقازيقابياً ..
و حقيقي أن تكون زقازيقابياً هذه نعمة ..
و الحمد لله الذي أصبحنا بنعمته مثل الجسد الواحد ..
فهنيئاً لنا بكم يحفظكم الله جميعاً و يرعاكم ..
كم أنا مبسوط و كم أنا سعيد بكم و بهذا التواصل النبيل الذي بزداد ألقاً يوماً بعد يوم ..
لولا فضل الله ثم تواصلكم النبيل لما كان كل هذا ..
فالحمد لله حمداً لا يوازي نعمه ..
و الله يحفظكم و كل من تحبون ..
مبارك عليكم ما نلتم فأنتم تستحقون و تستاهلوا كل الخير ..
و كونوا كما عهدناكم دوماً مثل البنيان المرصوص ..
و كونوا كما عهدناكم دوماً في غاية الروعة و الجمال ..
و يا ريتني لو أقدر أكونكم ..
يأ أعز الناس ..
ـ
بجيكم بي رواقة ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
سلام يا اجدع ناس
عشان نتفق على شكل عام للمنبر الجديد وللبوست القديم
بنحتاج بعض تنويرات من ذوى الأختصاص اولا , ومن قدامى البورداب ثانيا
لكن لازم نستصحب ملاحظات يبدو للوهلة الأولى اننا كلنا متفقين عليها
يعنى مثلا خلونا نتكلم عن ايجابيات وسلبيات البوست القديم -الجديد
ودى الكل تقريبا يمكن يساهم فيها , مع توقع مساهمات افعل واقيم من القدامى لعامل الخبرة
اما سلبيات وايجابيات المنبر الجديد , فدى دايرة تفاصيل اكثر من المتمكنين والعارفين بدهاليز التعامل مع الكمبيوتر
فنيا مثلا طارق جبريل ومحمد عيد ومنى يونس , وآخرون من امثالهم , يمكن ينورونا بتقسيمات المنبر الجديد
مع مراعاة الفاعلية والتنوع وعدم التشتيت للجهد والمشاركات
مثلا البوست ده , الحايستمر عدا الصفحات القديمة الحا تنتقل للمنبر
ايجاباته انه مقروء , ومتابع , ومتنوع , وسهل
سلبياته انه من ايقاعه السريع ومن فرط تنوعه , فهو لا يفى المواضيع المفتوحة حقها فى النقاش
لذا فانه ولا موضوع واحد , فى هذا البوست من يوم فتح وانشىء , وصل الى نهاياته
لذا فانى ارى , وكأقصى استفادة ممكنة من البوست والمنبر , بايجابياتهم وسلبياتهم
فان الجميع احرار فى فتح الموضوعات والكتابة والتداعيات , باختلاف اشكالها وانواعها
لكن برضو مثلا لو زول عايز يفتح موضوع للنقاش ويهمه ان يوصله اى نهاياته
فانه ينوه عنه ويطرحه فى البوست الماشى ده , مع امكانية الأشارة الى انه فتح بوستا للمهتمين
يعنى مثلا لو زهير عايز يفتح بوست يخص الجمعية
ونوه ليهو فى البوست العام
ثم فتح له نافذة نقاش وتداول فى بوست خاص فى المنبر
فان من يهتم يأتى , ومن لا يهتم لا ياتى , وهذ امر ليس فيه اى حساسية
بل انه يمكن قياس توجهات الراى العام الزقازيقى من التجاوب او عدم التجاوب
ومافى اى غضاضة انه الزول يستمر فى استخدام البوست القديم العام والتجدد , متى ما رأى انه انسب
يعنى لو فى اعضاء ما دقوا باب المنبر الا لزيارات سريعة للمتاوقة , فمافى مانع ولا حرج يتخيل لى
يعنى زى طارق جبريل ده مثلا
رجل مبدع وليهو مساهماته المنبرية التى لا تقتصر على بوست الزقازيق ولا منبره الخاص
يمكن ان يشارك ويتفاعل فى جهات ثلاثة
بوست خاص بيهو فى سودانيزاون لاين
ولو داير كمان يبرنا بيهو بى بيست-كوبى فى منبرنا الخاص , كثر خيره
ولو كمان عايز يدينا ليهو فى بوستينا العام , فلا مانع
نفس الشىء ينطبق على قدامى البورداب وحديثيهم فى المجالات كلها , زهير فى المتابعات الرصدية والسياسية والتحقيقات الصحفية
البرنس والرشيد والكمندان فى القصة , محمد عيد ومن لف لفه فى الشعر والنظم و النضيف فى المتابعات الفنية , تبلدينا فى تجلياته
الأجتماعية وفى الحقيبة والأتصالات والأستثمار , جمال السنوسى فى الرياضة وفى ابداعاته الكامنة العديدة , وهكذا وهكذا , هذا فقط
للتمثيل وليس للرصد
باختصار لا قيود ولا محاذير , بل زيادة فى المساحة وعدد (الأوض) , فليرقد كل منا (انى ) وجد راحته
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
على ذكر صالح تبلدينا
فان غيابه طال
نفتقدك يا صالح
عد بسرعة
النضيف عبد الدائم
الزول ده لا تديهو جلابيتو لا بنطلونه الداقى سيستم
الا يعمل تمام عندنا
وكان ابى
الجلابية والبنطلون
ان شاء الله تديهم
للفلاتية بتكم ديك
اسمها منو ؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
بعض الصدف
وفى الحقيقة كلها
افضل واجمل من المواعيد المسبقة
لم يتسنى لى لقاء جمال مصطفى ابشر
منذ قدومه للرياض
لأنى حاولت اشوفه بى مهلة
والمهلة وين تتلقى
الى ان جاءتنى فكرة جهنمية امس
وانا فى طريقى للمعرض الزراعى
الو يا جمال
ياخى اصلو ما لقيت لى مهلة اشوفك وما اظنى القاها الا الأسبوع الجاى
بس انا مشتاق ليك ياخ
انت وين هسه
فى المربع مع ناس محمد الوسيلة
مرتبط ولا عندك حاجة
ابدا
تمشى معاى المعرض الزراعى
احسن فكرة يا منص
البس انا جاييك
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
عندما واعدنى جمال مصطفى ان التقيه امام الجوازات
وافقت فورا
لكنى بعد ما ختيت التلفون
تملكتنى الهواجس
الراجل ده عشرين سنة ما شفتو
مخاطرة كبيرة فى زحمة الجوازات ديك
ممكن عادى الواحد ما يعرف الزول خاصة اذا ليك منو عشرين سنة
لكنى لقيتو ليكم ياهو ذاااااتو
الصلعة ام جلحات المن زمان
بس الشعر ملاهو الشيب
والنحافة الما لاقينها نحن
جمال مصطفى ما يزال احسن احسن نموذج لدعاية واعلان الجوع
قال لى بعد ان سالمته وفاجأته بملاحظتى
جانى واحد يعزينى فى الوالدة رحمة الله عليها فى زيارتى الأخيرة للسودان بعد انقطاع 12 سنة
الفاتحة , ثم اردفها بعد ان قراها متعجلا
يا زول انت كنت مغترب فى الضعين
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
Quote:
الأخ العزيز المكرم زناتي
لك التحية والتقدير والمحبة
التهنئة لكم جميعا على منبركم الجديد وكلي أمل أن يكون فاتحة خير لمزيد من الترابط والتعاضد وأن يظل دائما عامرا بكل ما هو نافع ومفيد ودوحة وارفة تظلل علينا وتجمعنا بكل الحب والمعزة ...
استمتع دائما بما تجودون علينا به من إمتاع ومؤانسة ومتابع من الطراز الأول لكل ما يدور في حوشنا الكبير عدا بعض الإنقطاعات من حين لآخرلظروف العمل ولكنها لا تتعدي ميلين أو ثلاثة أعود بعدها أكثر شغفا وانتباها وانجذابا لما يدور وأحيانا كثيرة من فرط إنجذابي للحوار أضغط على أيقونة الرد ولكنني أتذكر فجأة أنني لا أملك المفتاح - ياريت والله تدونا صورة من المفتاح ده - على الرغم من أنني أعرف الكثير من الشبابيك التي يمكنني الدخول من خلالها إلا أن الدخول من الباب ليس كالدخول من الشباك فعندها سوف افقد حرارة الحوار والتفاعل وربما أجدعند دخولي أن الموضوع قد حال عليه الحول ...
لا أود أن أطيل عليك ففي الخاطر الكثير وسأكون بقربك دائما ومتابع لكل ما يدور .. وما يهمنا ( ذو الكفل ولا غيره ) حيعمل شنو يعني ؟؟ حيقول لينا باي باي ؟؟؟ ما مشكلة ورانا قبيلة من الجدعان في القبل الأربعة .. لو عايز أشتغل في جدة هناك محمد عيد ورفاقه ولو عايز في الرياض برضو ما عندنا مشكلة الجدعان موجودين منصور وحاج الركز وغيرهم ... ولو كمان مشيت الدمام أخونا سامي عبد الوهاب موجود وما بقصر ... ولو كمان كجنت السعودية دي كلو كلو وداير اسيبها وحياتك أصلو ما بشيل هم .. كان مشيت الأمارات عندي الحبيب ابو الرشد كلمة واحدة وحيعمل اللازم .. حتى لو مشيت المغرب هناك السنجك الراقي المحبوب طارق جبريل بابو فاتح على الرغم من ظروفه ومشاكلهم مع مولانا برضو ما حيقصر .. ولو جاني اللوتري كمان ومشيت أمريكا برضو ما بشيل هم حاتم جبارة ورفاقه موجودين ... ولو ده كلو ما عجبني وحبيت أرجع بلدي إنتو موجودين وما بتدوني عوجه ... أها باقي ليك ذو الكفل ده بعد كده بخوفنا ؟؟؟؟؟؟؟؟
لك التحية والتقدير ومعذرة على الإطالة ... وتحياتي لجميع الزملاء من حولك ..
أخوك / عبد القادر بابكر |
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
انا كنت بديت ليكم كلام عن الصدف
اظنى ما تميته
لقاءى الجميل الأبتدأ بى جمال مصطفى ابشر
امتد طول وقت المعرض
ثم استمر بعد ذلك بجلسة حلوة لطيفة
لو انها بين منصور وجمال مصطفى
لأكتفيت فى وصفها بانها جلسة ما منظور مثيلها
فى دكتور كيف الأنيق فى شارع التلاتين
ولكنها
اى الجلسة الما منظور مثيلها
تخطت ذلك الوصف بكثير
اذ انضم اليها -بعد حين
موسى عيسى وكمال الشادى ومحمد الوسيلة
فامتدت الى انصاص الليالى
واستحقت واراقت
الى ان تكون
جلسة بين طيات السحاب
امتدت الى شرق المكان وغرب الزمان
ولا اقول جنوب الحكى وشمال الذكريات
ولكنى متاكد ايما تاكد
انها وصلت
الى عمقى العاشر ,
بعد المليون
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
صباح الخير يا وجوه الخير ،،،،
متابع معاكم مقترحات تنظيم عمل المنبر الجديد
وحديث الريس معتصم والكمندان ومنصور كلها تصب في
مفاهيم متقاربة جداً وأنا أؤيد جميع الآراء بس كل
ما يخوفنا هو الإنفلات وعدد كثرة البوستات والتي
سوف تفقد مضمونها وفوائدها لانو لا يمكن أن أتابع أكثر من
مائة بوست داخل المنبر وكمان أكون مراعي البوس الأساسي بتاعنا
إلا الواحد يقدم إستقالة من العمل ويترك مذاكرة الأولاد ويتفرغ .
كما نلاحظ أن البوست الحالي ناس كتيرين إذا حصلت ليها ظروف ما
لا تستطيع أن تتابع وتكتفي بالمتاوقة أو ترك ما كتب لعدم التفرغ ،،
وكذلك عدم متابعة المواضيع المطروحة للنقاش والوصول بها بر الأمان،
كما أفاد أخوناأحمد اسماعيل .
نواصل ،،،،
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
| Quote: ناس جده والمدينة المنورة ... ترقبوا مفاجأه ضــخمة يوم غد باذن الله . |
يا ربي المفاجأة حتكون هدية رسله النضيف
أو يكون الجماعة رفضوا إستلام البنطالين إياها
أنحنا في جده مشمرين وقاعدين ومستعدين،، بس المدينة المنورة
دي دخلها شنو ،،،
الأخ/ عمر تي ولدنا بتاع تجارة قابلني في جدة قبل سفري في الإجازة
وفعلاً ابدأ رغبة صادقة لدخول الحوش الكبير ويا زهير الزناتي أضف
إلى القائمة الراجل ده ،، وعمر تي للناس الكبار في السن كانت له
رقصة حلوه - عرضة - في حفل كلية التجارة عام 83/84 تقريباً إسرة الأخ/ مكي
أحمد حمزة ومعه على وقيع الله الجعلي ، ولو لميتوا كل دار جعل ما
بلحقوا العرضة الحلوه القوية إلى قدمها أخونا عمر المهدي الشهير بعمر T .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
هنالك دعوة مقدمة من جمال فارح إحتفالاً بالنضيف في جبل أولياء الجمعة بعد القادمة ، الحاضر يكلم الما حاضر ، والسمع يكلم الماسمع ... دعوة لكل الناس دون فرز ، دون تقيد بعمر أو جنس أو لون سياسي ... يمكن التنسيق عن طريق التلفون :
0919701061
أو تلفون الكوتش :
091912162923
أو تلفون النضيف
0183420020
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
| Quote: يا ميسرة حكاية المداخلات البتطش دى الا انا وانت بس |
أنا زمان كنت بقول عندي مداخلة طارت والغريبة دي يا زينب بتطير
وما بترجع تاني الحمد لله لقيت زول يشاركني .
يبدوا إن إختيارنا لأخونا الفنان محمد عيد رئيس لجنة الإحتفال إختيار صادف أهله ،
ويبدون ناس الزقازيق ديل مؤهلين شديد ما تشوفوا لينا طريقة نمسك الحكومة دي ونقسمه بيناتنا
بدل ما نمشي البيت الأبيض.
زهير صاحب الرايحة بفتش خشم البقرة ،، فتش يمكن تلقاهو عند جلا.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
ابو الزوز الجاتك في ارشيفك سامحتك وان شاء الله تعتر فيه كان في فيسبوك ولا الارشيفات المجاورة
بمناسبة تعمير الحوش دي : فعلا الايقاع مش ولا بد وخايف المحازير الكانت الناس خاتاه تبقى علينا
نحتاج وبشدة لحسم الآتي:
مسألة الاحتفال بالمئوية وخطط لجنة الإحتفالات لإنجاز هذا الامر - ولا مانع من بداية "المهرجانات مع بداية 98
حسم المقترحات المقدمة منك والريسين معتصم وميسرة في تحديد ابواب "منبرنا" ولا يكون لكل مقال مقام "عاكسا براي"
حشد عضوية جديدة لإثراء الحوش الجديد
-----------
اها عليك دينك بلطية كاربة وليمونة وبصلة وقرن شطة لي اخوك
الغربة إن شاء الله تعقري
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
كيفك يا جلال
البوست بقى ماشى براحة قبل فترة كنا ما قادرين نقرا الفات هسة محلك سر بلطريقة دى يوم الاحتفال الكراسى حتكون فاضي
اتصلت بعبد الدائم ولم اجده من البيعى يكون فى الفواتح
بس ما تحوم النضيفات
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
سلام يا اجدع اجدع ناس.
مبروك المنبر والحوش الكبيييييييييير الملكنا وحقنا براااانا.
التعازى لكل من فقد عزيز لدية ومبروك للعندهم افراح..
شوق ليكم كلكم بدون فرز..الليلة ووب عليكم امتحانات هنودى خلصت وعندى اسبوع عشان تبدأ امنية جاكم البرى الفاخر الذى يتعدى الخيال..
لكن عندى سلام خاص للفقاد البرحب بى قبل ما اجى ابرى جلا انت لا تفوت ولا تموت انشاء الله الله يخليك لوليداتك والمشلعيب المرجيحة عرفتها والله بدون اى اتصال بصديق..
زوبة وفافى وابتهاج كيفكم ..محمد صديق مشتاقين سلامى لخالدة والاولاد وخلوا بالكم من النضيف .
حاتم جبارة وين بانداتى حسه دى عايزاها لانى ماشايفاك اديتى اى منصب.
طارق جبريل انشاء الله نسمع اخبار كويسة عن جريدتكم..
زهير سلامى لابتهاج والاولاد انت لما تصلح العملته انت وحاتم بعدين نتفاهم.
حتى منصورسندى ما بتذكرنى !!! اقبل وين يعنى؟؟؟
فافى الصور انا وحاج الركز وسونا .محاسن -زراعة فى اسوان وبمناسبة اسوان جاياكم ببرية عن حاج الركز
تحيات لمحاسن ويا ريت لو فى زول يمدنا بتلفوناتها..
خلونا نتعشى ونرجع ليكم
البراية نجاة حوفى
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
ابو الزوز .. اقول شنووووو؟ ....
بس الله ينعل ابو الكوكا كولا ذاتها ...
عموما دوّر بينا البلد ده .. وانشاء تلقى الرايحة ...
مراحب بى طلات البرايات ناس ( غيب وتعال ) .. زينب ونجاة
واتفق مع الجميع على بطء الايقاع هذه الايام واعتقد ان الوضع سيعود لما كان
عليه بعد انتهاء الاحتفال وتدشين البوست الجديد ..
فقط المرجو من الجميع الضغط بكثافة هذين اليومين للوصول الى المحطة رقم 99 بحلول
يوم السبت انشاء الله .. حتى نتهيأ للاحتفال يوم الاحد ...
رشــيد .. الاجازة الممنوحة لك انتهت اليوم ونأمل ان نرى الدفع الرباعى فى قوته ..
جلال وزهير والكوتش .. تسلموا مفاتيح السهرة ... مع جبريلا وجبارة
منصور طبعا ما معانا ... لانو الليللة الخميس ومافى زول بيقدر عليهو ..!!
زوبة وفافى ( مع الركز ) و نجاة ... الميكرفون معاكم ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
منور يا عيد ..
لما كنا فى سنة تانية قررنا انه نمشى اسوان والاقصر فى اجازة نص السنة انا ومحاسن واسماء وحمادة بقيادة هويدا عوض الكريم وحاج الركز
المهم ركبنا بص للقاهرة والمسؤل الزميل فافى ما تزعلى وراء كل عظيم امراءة.اول ما وصلنا محطة القطار بالقاهرة ذهب الزميل لقطع التذاكر بالدرجة الاولى.. قال لينا يلا اجروا بسرعة القطر باقى ليه 5 دقايق جرينا فرحانين فاذا بنا نفاجأ انه نحن راكبين الدرجة التالتة مع البط والناس والفراخ والفطايرانا ومحاسن بكينا من الريحة والبرد ..هويدا بصدمة ده شنو يا زميل .. رد على هويدا انه لا داعى للنزعة البرجوازية دعونا نعيش المعاناة مع الشعب ردت هويدا ياخى نحن دفعنا قروشنا عشان نستمتع ملنا ومال الشعب ياخى . تشاجررا هو وهويدا تسمم الجو القطر ريحته فظيعة وما فى طريقة ننزل دخل الليل علينا قررت هويدا انه ننزل فى الاقصر اولا ونواصل غدا لاسوان. كمان الزميل حاج الركز ما قصر نزلنا فى بيت الشباب بحجة ما فى حجز بالاوتيلات القراص قطع لحمنا الصباح مشت هويدا عوض الكريم حجزت لينا فى اوتيل والمشلة القروش مع حاج الركز..ذهبنا بالدرجة الاولى لاسوان ونزلنا باوتيل وهو على مضض طلع القروش فى الغداء قررنا ناكل سمك برضو قال لا الغداء سندوتشات فول كمان شكلة مع هويدا .. يا زميل ياخى البنات البرلومات ديل ما متعودين على التغشف ده وكمان دافعين عايز تحرمهم ليه.. ومحاضرة عن الصمود والحديد والنار ونحن بالنا فى السمك المهم انها كانت رحلة جميلة غنينا واتفسحنا واستمتعناواتصورنارغم الشجار والخلاف والمد والجزر الا اننا كنا متحابين حريصين انه لازم ناكل كلنا ولو ما ضحك حاج الركز ما ناكل انا ومحاسن بس نشوف محا ايسكريم براحة نجرى نشترى وناكل ونخته ليك امام الامر الواقع.. التحية لحاج الركز ولجيفاراته وللرائعة فافى والتحية لهويدا عوض الكريمالاخت الحنينةالراقيةالكل كان يتقيل توجيهاتها بكل صدر رحب والف مبروك ليها وهى موجودة هذه الايام بدبى..
وجاياكم تانى
نجاة حوفى
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
سلامات يا ناس
مراحب ..نجاة حوفى وزينب...شكلكم كده تبادلتو السيارات
نجاة ...اعملى حسابك من الامجاد دايرة ليها تعويدة.
جلال والرشيد وكل الهلالاب ...مبروك الممتاز
Quote: نهاركم سعيد ياناس يا حلوين
يا عيد انت اروع ... ولو انت برلوم انا اطلع شنو
ما شفت عبد الدايم عمل فينى شنو
لكن ما بشكيهو بس بدعو ليه ربنا يخليهو
ويديهو قدر ريدى ليهو
وانا دايما بتباهى بيهو
كل ما تصبح وقبل ما اخش الحوش كنت بفتش عليهو
اململ ليهو على وذن امسكل ليهو وارسل ليهو رسالة حلوة
علشان اخش بى نفاجو للحوش الما برضى فيهو
وتانى بقول ربنا يغفر ليهو
|
الزول ده ويييييييين؟؟؟وهو منو ذاتو ؟؟؟تكونوا نسيتوه
ووين تاج الدين الخليل وعصام جلى ؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
محمد عيد
ما شاالله شعلة نشاط متوهجه همه عاليه
تلفونك كان بلسم ونسمه فى نهار الخرطوم الملتهب
ادم الله الود وجمعنا على الخير دائما
========================================
زهير عايزين قصة الجماعه البهمبتو قروشك فى وضح النهار
وكمان اكثر من مره000يا حليلك يا النايم على حيلك
==========================================
الرشيد000عقبالك000كم كانت فرحتى كبيره صباح اليوم
وانا استلم نتائج امتحانات نصف العام لعلا و وعد
ما اجمل طعم النجاح0
==========================================
منصوووور000عوووووووووووووووووووووووووووك
جلا 0000القريب البعيد سلاااااااااااااااام
ولد الخال الريس ميسره تحيه ملؤها الود والمحبه
ود جبريل لعلك زين
الكمندان اصبحت لا افرق بين صوتك وصوت الزناتى غلى التلفون
=============================================
التحية والمحبه للجميع
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
سلام كبير أوى للمعلم أحمد عوض
Quote: !!!!مهم جدآ--مافى زول يقول لى سنة كم الكلام ده...
محطة السكة الحديد بالخرطوم..يقف قطر حلفا طويلآ كما يوم الاحد {السبت ما بقى اجازة}
وشخص آخر طويييييييييييل كما قطر حلفا يتلفح شالآ بلون بنى ...الشال برضو طوييييل..
من السجانة يمكنك ان تميز ان هذا الشخص هو عبد الرحمن شاويش ...اصعد الى احدى عربات
القطر برفقته..نتفرس فى الجالسين والوقوف دون ان نجد وجهآ زقازيقيآ...نضم الينا ما
يمكن ان نقول عليه { عفشنا }... اتنين شنطة هاند باق..{ بلهجة ناس كسلا } اتنين كيس
محتوياتهما كذا باكو من شاى زهرة الشمس...ده كل العفش وطبعآ كان على مسؤلية صاحبه..
تحرك القطر.....عانينا ما عانينا حتى بلوغنا النمر ...فى نمرة 6 تعطل القطر... كل
حمولته البشرية وفى ثوان معدودة كانت على الارض ...اكثر الناس سعادة بذلك كانوا هم
الباعة.... القراصة بالويكة ... الشاى... الموية الحارة... وووووو
ما كان لنا نصيب فى كل ذلك......اكتفينا بالتجوال ومتعة التفرس فى الوجوه ...والامل
فى رؤية زقازيقى ..ان شاء الله واحد بس....العصرية كانت جميلة ...تجمع الركاب على شكل
مجموعات متجانسة ...كان هنالك طلاب كثر.....جلسنا وحيدين الا من علبة برنجى اخيرة كنا
نخشى عليها من الفناء....
ونحن على هذا الحال ينطلق غناء جميل !!!!!لسعتنا نار الالفة ....قلت لشاويش ...اغنية
الكاشف دى ما بغنيها كده الا زول واحد....ضحك شاويش بفرح حقيقى وطفق يصيح .....احمد
عوض!!!!!قادتنا خطانا الى حيث الصوت الجميل...وكان احمد عوض بلحمه وشحمه ..وصلعته!!
كانت سعادة احمد بمثل سعادتنا...واصبحنا ثلاثة.......ضممنا عفشه الى عفشنا ..ملحوظة..
كان عفش احمد واحد هاندباق وواحد شوال بلاستيك يحوى داخله عدد كبير من علب الخميرة..
انصلح حال القطر وتحركنا الى حلفا وكان كل شئ كما ينبغى { انتو ممكن تتخيلو ناس فى
قطر حلفا والدنيا امسية ومعاهم احمد عوض } يكفيكم التخيل !!!!! اما الباخرة فبرضو
اتخيلوا!!!!فى ميناء السد العالى بعنا الشاى زهرة الشمس ...ولم نجد مشتريآ للخميرة
صلينا العشاء باسوان وكان شوال الخميرة حاضرآ بالمسجد...تجولنا بسوق اسوان ونحن
نعرض الخميرة وليس ثمة من يشترى!!!اخرنا الحجز الى القاهرة بغية بيع الخميرة دون
جدوى ......اخيرآ تحركنا الى القاهرة بعد اقناعه ببيعها بالزقازيق....يبدو ان
الخميرة مكثت بالزقازيق طويلا.......
وفى احد الايام يكبس على احمد ضيوف فى رمضان وهو فى قمة الفلس ...يتلفت يمنة ويسرى
يضرب اخماسا فى اسداس...يحمل شوال الخميرة ....يتوجه صوب شارع وادى النيل...حيث
الافران البلدية الكثيرة....من مخبز الى آخر والاجابة واحدة ...ما تلزمناش...آخيرآ
جدآ يبدى احدهم الرغبة فى الشراء..يعرض عليه جنيها واحدا للعلبة....يرفض احمد
ويطالب بمبلغ كبير ...يضحك الفران ...ىا عمى ماحدش محتاج خميرة ...الهى يسترها معاك
خد خميرتك وروح ...دى حتة خميرة اد كدة هوة ببريزة تخمر الزقازيق دى كلتها!!!!
|
انعاش ذاكرة وكده.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
@ تعرف بعد 12 يوم توجد ذكرى 17 نوفمبر
$اجابنى متسائلا دى شنو كمان ما سمعنه بيها
@ سرحت بعيدا 000اصلوا 17 نوفمبر دى مسحته21 اكتوبر
و21 اكتوبرمسحته 25 مايو والتى بدورها مسحت فى 6 ابريل
والتى مسحت فى 30 يونيو ودى استيكته فاملى سايز
ورغم ذلك يبقى المسح بالتعامى الاعلامى وتظل اكتوبر ابريل
محفوره فى الوجدان لاننا باختصار لايمكن ان نزور تاريخ امه
ونمسح امجاد شعب لماذا نحن دائما شايلين الاستيكه بدل القلم
| |
|
|
|
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
Quote: الرشيد000عقبالك000كم كانت فرحتى كبيره صباح اليوم
وانا استلم نتائج امتحانات نصف العام لعلا و وعد
ما اجمل طعم النجاح0 |
الف مبروووووك يا ريس وعقبال الدكتوراة
نرحب بالبراية نجاة حوفي والبراية زينب وفي إنتظار
باقي البرايات وعايزين نبري الصفحات دي حتى الرقم 99
وين باقي الناس ؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
يا جماعة وين ناس الليل؟؟زوبة شنو مالكم انت وفافى عايزين تخزلونى والله امشى حسه انوم.
محمد مرتضى -الفيل هو والرقيق عادل فتح الرحمن بعد ما طلعوا شهاداتهم كانوا مسافرين
بحلفاالمهم وعدناهم انا وزينب انه نمشى معاهم نجرب .ياسر الزين الله يرحمه بدا يحكى لينا انه مرة القطر راسه انقطع وهم رجعوا محطتين لوراء وقعدوا يومين ما عارفين القطر راسه حا يرجع ليهم ولا لا..
انا وزينب اعتزرنابحجة انه بطة_ياسمين ما بنقدر نخليها تسافر براها عشان الازمة المهم عملنا ليهم الزوادة ومعاها جلسرين حتى يحميهم شر البرد وتشقق الوجوه والاطراف..
رسلوا لى جواب من حلفا فيه اغنية لولاكى لولا لولا..
لولاكى ما اتغديناش
لولاكى ما اتعشيناش
لولاكى ماا تمسحناش
لولاكى لولا لولا
التحية لعادل فتح الرحمن فى الدوحة وعادل عنده ولدين الحمد لله انه ربنا قبل شهور رزقه ببنت كان ينتظرها بفارق الصبر الله يخليها ليه ويحفظها..
البراية الحا تمشى تنوم
نجاة حوفى
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
منى يونس /
السلام عليكم يا شباب ، التحية لكم جميعاً
أولاً أبارك ليكم البيت الجديد وعقبال ما تستلموا ليكم قصر كبير
وأنا بقترح عمل لجنة لتجميع أراء الناس حول تنظيم عمل المنبر الجديد
وأرشح كل من الأخوان
- الرشيد
- زهير الزناتي
- محمد عيد
- ميسرة
- معتصم
- محمد صديق
وإذا وافقتم باللجنة عندي طلب خاص بعد ما أدخل حوشكم بالباب عديل
أن أعمل بوست في المنبر الجديد ويكون إسمه ( لقاء مع أسرة ،،،،،زقازيقية )
والموضوع ده من زمان معشعش في راسي ومضمونه
- صورة لكامل العائلة مشتركين أو متفرقين
- بعض الأسئلة وخاصة الأطفال
- مواقف من الزقازيق - زي حقت نجاة حوفي الفوق دي -
- الأسئلة تكون عن طريق الإيميلات وكذلك الرد
إذا تمت الموافقة كلموا زهير يكلم بكري
تحياتي للبرايات الموجودات على الخط نجاة وزينب .
[email protected]
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الحميد البرنس)
|
مرحب بالكاتب الزقازيقي الكبير
عبدالحميد البرنس ،،،
يا برنس عايزين منك مداخلة أو قصة مكتوبة عند
دخولنا الميل رقم 100 يا محمد عيد دخل لينا البرنس
في البرنامج ،، بصراحة يا برنس حاولت أنقل من البوست
المفتوح بإسمك بعض القصص العاجباني ولكن سمح الكلام من خشيم سيده
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
| Quote: أن أعمل بوست في المنبر الجديد ويكون إسمه ( لقاء مع أسرة ،،،،،زقازيقية ) |
وعليكم السلام و رحمة الله و بركاته
الإسم محمد آدم النور
و الله الجابني البلد دي الظروف
و الله قاعد أفرأ حسب الظروف
و الله الإنتشار برضو حسب الظروف
و الله قربو يسموني الظروف
و الله في الحتام لا يسعني إلا أن أشكر الظروف الخلتني أقابل الأخوان و الأخوات في هذا اللقاء
برضو الشكر ليكم
زول ما عندو باسويرد عايز يفتح بوست....... و الله إلا الظروف تساعدك
هههههههههههههههههههههههههههه
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
| Quote: جلا 0000القريب البعيد سلاااااااااااااااام |
في العمل التنموي بتاعنا عندنا منهج إسمو التنمية من أسفل إلى أعلى
يعني
Bottom up approach
حيث لا تفوت على فطنة القارئ ...فمداخلاتي تأخذ هذا الشكل
عليه ألف مبروك النجاح يا ريس لأبناءك
و إنشاء الله أبله نجاة حوفي تدوق الطعم دا عما قريب
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
| Quote: جلا انت لا تفوت ولا تموت انشاء الله الله يخليك لوليداتك والمشلعيب المرجيحة عرفتها والله بدون اى اتصال بصديق.. |
و الله كتر خيرك يا نجاة حوفي ...
المرجيحة و طبعاً ظاهرة و بما إنك فطنة و أنا لا أشك إطلاقاً ...
لكن المشلعيب دي حرقتني....و مت أكد تكون زوبة غشتك و قالت ليك المرجية اسمها المشلعيب
المهم ما بيناتنا...نجاح... رغم كيد الأعداء...الكلام دا أنا جبتو من وين؟؟؟؟
| |
|
|
|
|
|
|
| |
سامي عبد الوهاب إدريس
الرشيد بابكر
محمد عيد
ميسرة سيد أحمد
طارق جبريل
محمد آدم النور
عبد الحفيظ عباس
جلال عثمان
Hatim Gubara
معتصم جعفر
عفاف علي ميرغني
ابتهاج عبد الله
محمد صديق
زهير الزناتي
ياسر شبيكة
أحمد إسماعيل
عصام دهب
منصور عبد الرازق
زينب التجاني
عبد الحميد البرنس
فيس بوك
تويتر
انستقرام
يوتيوب
بنتيريست