ناس الزقازيق ... أجدع ناس ..

Quote: يا جماعة والله متابع و مستمتع من داخل ( الســاونا ) لزوم نضافة وكدا .....

Quote: وبعدين شوف لى زهير والكوتش ألوانهم شنو ؟

لكن الكمندان ده ما عارف لونو
----------
عبدالدائم اوعا تشتري لي صالح طيحني دا ... وان كان لا بد اشتري ليهو بس يكون فردة رجل واحدة

Quote: يا عيد جننت الورديات جن بلليل بقينا ننوم نخليك وبلصباح من دغشا بدرى

Quote: نقلت هيئة الإذاعة البريطانية (بي بي سي) أن دراسة جديدة أجراها فريق تابع لجامعة (باث) البريطانية أن الزواج الأمثل هو بين رجل وإمرأة تصغره بخمس سنوات على الأقل وتكون أكثر ذكاءا منه على ألا يكون أي من الزوجين قد تطلق في السابق. واستندت الدراسة إلى مقابلات مع أكثر من 1500 ثنائي متزوج وبعد خمس سنوات تم تتبعهم لرؤية من استمر منهم. وبينت الدراسة أنه حين تكون المرأة أكبر من الرجل بخمس سنوات أو أكثر تكون احتمالات الطلاق أكثر بثلاث مرات, أما في حال انقلب الوضع وكان الرجل أكبر من المرأة بخمس سنوات أو أكثر تتراجع إحتمالات الطلاق. كما أن نسبة الطلاق تتراجع أيضا في حال كانت المرأة متعلمة أكثر من الرجل.

Quote: طبعا ما حتتخيلو الزووول دا منو ؟؟ تصدقوا دا جنابو ( اسامة ابتر )

Quote: بس انا عندي رأي شخصي البوست دة ياهو الجمعية والله يلحق البوست دة ينفرز براهو ولا تعملوا حاجة تانية يانا اللحقنا امات طه البوست دة عامل حاجة كويسة شديد ولامينا اول ما تبدأ القصة لجان ولغوسة تنظيم الجمعية والكلام الكتير داك واطاتنا اصبحت ويا جماعة عشان مافي زول يجي يلومني دة رأي شخصي جدا عشان اذا بديتو شغل الجمعية هنا تاني وانا طفشتة مافي زول يلومني

Quote: بس انا عندي رأي شخصي البوست دة ياهو الجمعية والله يلحق البوست دة ينفرز براهو ولا تعملوا حاجة تانية يانا اللحقنا امات طه البوست دة عامل حاجة كويسة شديد ولامينا اول ما تبدأ القصة لجان ولغوسة تنظيم الجمعية والكلام الكتير داك واطاتنا اصبحت ويا جماعة عشان مافي زول يجي يلومني دة رأي شخصي جدا عشان اذا بديتو شغل الجمعية هنا تاني وانا طفشتة مافي زول يلومني

Quote: -10-2009, 10:55 ص أحمد إسماعيل تاريخ التسجيل: 10-09-2009 مجموع المشاركات: 40 Re: ناس الزقازيق ... أجدع ناس .. (Re: البادي النور)

Quote: جلال بالنسبة لصالح تنفع معاهو جلابية انصارية رقبة واسعة تصدق كل يوم افتح الصورة بتاعتو مع ناس ميسرة ،، ياخى براءة شديدة رغم اللماضة بتاعتو ديييك .... عليك الله دقق فى عيونو فى الصورة مرة كان معاى اصحاب من القاهرة جو مصلحين حضرو معاى حفل راشك فى النادى الزراعى واحد فيهم قال لى ده شنو الشافع المسلط الطالع و نازل من المسرح ده قلت ليهو ياتو ،،،، اشر لى على صالح ،، قلت ليهو والله ده قدر حبوبتى ما تشوفو كدا صاحبنا قعد يضحك قال لى والله هسه اقطع لى سوط من الشجرة دى وادقو ليكم فى كرعينو نحن الكبار ديل قاعدين نتفسح فى القاهرة وهو بقرأ اعلام ....

Quote: دي هدية من إبتهاج

Quote: وعلى فكرة ابدا مافى اى حساسية تنتاب اى زول من هذا الحوار الأختلافى الصحى , فلو لم يحدث اليوم لحدث غدا , وانا شخصيا افضله الآن حتى يكون غدا افضل حبى وتقديرى للجميع

Quote: شكراً للأعزاء الرشيد و نجيلة و عيد على قراءتهم لفرمالتي و يهمني رأيك أيها السمكري الشرطي المبدع الجميل

Quote: اختلف معك تماماً يا طارق .. ضمنا وموضوعا البوست دا ما الجمعية .. الجمعية واقع .. يجب ان يعاش ويجب ان يخطط وينظم ؟؟ بعدين شنو لجان ولغوسه ..!!؟ يعنى ما شايف الجملة دى ما كريمه ..؟؟

Quote: وليه واطاتنا تصبح ؟؟ اعتقد هناك مجموعات وخريجين يغطون عين الشمس يمكنهم ان يصنعوا جمعية .. وينفذوا مشاريع .. قد لا تساعدهم الامكانيات ولكن ما زال العشم فى ايد فى ايد وان الرماح ان اجتمعن .. والرجال نجحهها فى فعلها لا فى الكلام .. مش الونسة الدايره هنا دى ..

يا صالح في كل مداخلاتي في هذا البوست منذ أن وُجد
جيب لي اقتباس واحد انا قلت فيه انه خريجي الزقازيق ديل
ناس ما عندهم مقدرات وما قادرين ينفذوا مشاريع
ويا صالح الونسة الدايرة هنا دي وما عاجباك
انا حا اضرب ليك مثال ممكن تعمل شنو
صالح انا لي شهر تقريبا عندي مشاكل في الشغل
ولو بتتابع قناة الجزيرة كان اكتشفت انه جريدتنا
موقوفة ليها اكثر من شهر ودة شئ اترتبت عليه
ازمات كبيرة لكل العاملين في هذه الجريدة
من خلال الونسة ((الشينة)) دي الناس الهنا عرفت شنو الحاصل
وعن طريق الونسة دي يا صالح جاتني تليفونات من احباء هنا
تفتكر لو ما الونسة دي البخلي الرشيد بابكر يشيل موبايله
ويتصل علي ويقول لي يا طارق جبريل ربنا يفرج الكربة
ونحن اخوانك وانا عارف عندك التزامات تجاه اسرتك الصغيرة
والكبيرة وانا يا سيدي بحكم الخوة مستعد اشيل عنك البقدر عليه
يمين يا صالح بعد التليفون دة انا مشيت قعدت لي في حجر بعيد من الناس
لامن دميعاتي رقرقن... ودة كله عملتو الونسة الهنا
الونسة الهنا دي خلت عصام دهب يتصل بي عشان ارسل ليه السيرة الذاتية
لانه بيتعامل مع جرائد كتيرة في جدة وممكن يلقى لي فرصة هناك
الونسة دي يا صالح خلت محمد عيد يتصل بي ويسأل من احوالي ويطلب مني
السيرة الذاتية ويقول لي ((يا زول لو مزنوق في حاجة ما تتردد كله كله
نحن اخون يا طارق))... يمين يا صالح حكيت لي زوجتي بالمكالمة
وقالت لي بالحرف: ياخي ناس الزقازيق ديل عالم براهو رغم انها ما شافت غير محمد صديق
وناصر كشري... بس بالونسة العنهم عارفاهم واحد واحد

Quote: و زال السودان هو الخيار الاول والاخير للاخوة /ات المهاجرين والمغتربين .. وسيأتى يوما يجتمعوا فوق هذه الارض الجمعية هى كيان .. ومركز لى لم الشمل .. وبؤرة ثقافية واجتماعية .. ووطن داخل وطن .. نؤول عليها كثيرا فى مستقبل ايامنا الجمعية هى الامل الذى يحدونا للملم الجمعيع فى يوم ما .. هم واسرهم وابنائهم .. الجمعية هى ملتقى لاجيال متوارثة من خريجى الزقازيق .. وصراحة الكلام الكتبتو دا كلام غريب ..

يا صالح كلامك الفوق دة كله كلام سمح وموزون
ارجع لي مداخلاتي كلها هل انا قلت حاجة عكس كلامك؟؟؟
يا صالح انا حتى رأيي الانت ما عارفه انا ما قلت لي هسي
لانه وصلت لي قناعة رأيي سلبي جدا وسط النقاش الدائر هنا
عشان كدة آثرت انه احتفظ بيه عندي وكتبت الحتة دي وارجع ليها
بعدين يا صالح اقوليك حاجة انا السودان دة كان اكتر شي
مخليني مرتبط بيه الزولة الجيت عزيتني فيها ديك
بعد ماتت وأقولها ليك بكل صراحة: السودان دة بالنسبة لي اجازة
حلوة مع اسرتي واحبابي الزقازيقاب وبس.. استقرار دة نهييييييييييييي
يا اخوي سوي جمعيتك زي ما انت متصورها ورأيي ((الما قلته دة)) ما تشتغل بيه
ولو انا حجرة عثرة في قيام الجمعية دي يا حبيب بفحط بعيد زي الترتيب
ولو كونتها ودعيتني حا تلقاني اول زول يبارك قيامها
وحا اقوم بكل واجباتي تجاه الجمعية لانه دة خيار الاغلبية
حتى لو انا كان عندي رأي مخالف

Quote: حتى صيغة التهديد Quote: ويا جماعة عشان مافي زول يجي يلومني دة رأي شخصي جدا عشان اذا بديتو شغل الجمعية هنا تاني وانا طفشتة مافي زول يلومني وحسي انا بجى الومك واقول ليك كلامك دا ما صاااح شنو اطفش لو بديتو شغل الجمعية هنا ..!!؟ بعدين لعلمك انا شخصيا .. الونسه بتاعت ( حليل زماان وايام زمااان ) وحليل السودان ... والخرطوم بالليل .. ما واقعة لى جيت قلتا ما بجى ولا بشارك .. !!

يا صالح هنا انت كاتب بانفعال شديد
انا لا بهدد لا عايز افنجط
انا الناس لمن كانت بتتناقش في موضوع الجمعية دة
كنت بقرأ الكلام دون تعليق لانه دة كان قراري
قصدي انه موضوع الجمعية ما حا اتداخل فيه بي نقاش
وقريت كل الاتقال هنا بي حذافيره
بس ياخي ما عايز اتداخل في الموضوع دة
ودة حقي ياخي انت ليه عايز تسلبني ليه
بعدين ي صالح انت لو ما عاجباك الونسة دي
دة حقك ياخي ما بيسلبك ليه زول
بس ياخي انا عاجباني ومكيفاني في حناني ذاتو
دة موش شي من حقي

Quote: مش مفترض نكون عمليين .. ننقل هذا التعاون والتراحم والتواصل والعلاقات الى واقع ملموس _ على الاقل نعمل ولنا حق الاجتهاد_ ورغم اسلوب ( الذكريات) الطاغى لم نلوح ولم نهدد بالغياب او _ الطفشان_ انا شخصياً بعتقد كمان الونسه ما عملية وبكره بتكمل .. ويمكن المنبر يطفش .. انت فاكر البوست دا هو المنبر ولا بتاع الزقازيق ؟؟؟

يا صالح انا منعتك تكوني عملي
ياخي ان شاء الله توصل الجمعية دي الامم المتحدة
دة حقك ياخي
هل شفتني انا واقف عقبة في حقك دة
بعدين ياخي انت فهمتني غلط انا لمن قلت ما تلوموني
قصدي التداخل في موضوع الجمعية دة
ما قلت انا حا اخلي الناس لانهم فكروا في الجمعية
يا صالح الرصيد المعرفي للاشخاص الهنا بالنسبة لي هو قيمة
انسانية قمة في الرقي وكون اتخلى عن هذه القيمة
دة بيعني اني بخسر كتير على الصعيد الانساني
بس دة ما مبني على مشاركتي في نقاش الجمعية دة
يعني انا هسي علاقتي مع الناس ديل كلهم
بانيها علي جمعيتك دي ونقاشي فيها؟؟؟؟؟؟

Quote: هل بتعتقد الايميلات تكفى الافكار التى نوقشت بعدين البمنع شنو البوست شغال والناس تطرح مشاكل الجمعية ؟؟ وتناقش فكرة تقنينها ولا موضوع الدار او شركة .. الخ وعلينا ان نسعى ويكون فى دار ؟؟ وومنتدى ؟؟ ورحلات جماعية؟ وشركة ..الخ ليه تكون نظرتنا ضيقة ومحدودة لا تتعدى اخمص قدمينا ؟؟ وليه انت بتتحدث بلهجة المهاجر ..؟؟ واسلوب الفرض دا ؟؟

تاني بقوليك يا صالح هل انا منعتك انك تناقش الافكار دي
هل وقفت ليك عقبة في انك تنزل بالافكار دي حيز الواقع؟؟؟
يا صالح انا واحد من آلاف الآلاف الزقازيقاب انت شغال بي رأيي الما قلته دة ليه
نفذ حاجاتك وفق قناعاتك يا سيدي وحا تجدني اول من يسندك

Quote: بعدين والله لو النقاش فى موضوع الجمعية بخليك تطفش وعملت علاقات ممتدة .. يغنيك عن حوار يشتمل على الجمعية والله بقول ليك _ أنا _ كلامك دا عيب منك .. وما مفترض تقولو

النقطة دي جاوبتك عليها فوق
الرصيد الانساني لي انا شخصيا طارق جبريل ود عشة بن ابو دية رحمها الله
هو هذه الكوكبة الزقازيقية التي اعتز بها جدا
وكوني اطش اقصد بيه ما اتداخل في النقاش ودة حقي
بس اي شي غير كدة انا موجود فيه
جمعية ما عايز اناقش فيها ووقت مناقشتها عايز اطش
ياخي موش علي كيفي

Quote: ما قادر اتصور تكون دى طريقة تفكيرك يا طارق بكل صراحة .. الدهشة تلجمنى ..

يا صالح كونك تختزل طريقة تفكيري دي كلها في عدم رغبتي
مشاركة النقاش في موضوع الجمعية دة
دي أنا حيرتني وادهشتني وجننتني عدييييييييل