|
Re: ناس الزقازيق ... أجدع ناس .. (Re: محمد آدم النور)
|
صباح الخير يا وجوه الخير ،،،،
اللهم... إني أسألك من خير ما سألك به محمد صلى الله عليه وآله وصحبه، وأستعيذ بك من شر ما إستعاذ به محمد صلى الله عليه وآله وصحبه...
أحبتي
ما زلنا نستمتع لهذا الجمال ونحن في عُرس الراحل الكبير الأستاذ / مصطفى سيدأحمد ما قصرت يا سهيلي.
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
[B]زوجات وازواج
لديك خياران في الحياة: بامكانك ان تبقى عازبا تعسا, او تتزوج وتتمنى لو كنت ميتا في إحدى الحفلات، قالت احداهن للأخرى: الست تلبسين خاتم زواجك في الإصبع الخطا؟ فأجابت الأخرى: نعم. لانني تزوجت الرجل الخطأ علقت إحدى الآنسات اعلانا في لوحة الإعلانات كتبت فيه: مطلوب زوج، في اليوم التالي استلمت مئات الرسائل كلها احتوت على نفس الإجابة: " يمكنك أخذ زوجي." عندما تسرق إمرأة زوجك, لا يوجد إنتقام أفضل من تركه لها.
يبقى الرجل ناقصا الى أن يتزوج. حينها ينتهي كليا.
سأل طفل والده فقال: كم يكلف الزواج؟ أجاب: لا أعلم يا ولدي, لكني حتى الآن لا زلت ادفع الثمن .
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
زوجات وازواج
حكاية غرام سألت امرأة صديقتها: كيف عرفت زوجك الثاني ؟ فأجابتها: ان لذلك قصة طريفة .. فقد كنت اجتاز الشارع مع زوجي الأول حين أقبل زوجي الثاني بسيارته، فصدم زوجي الأول وقتله ... وهكذا بدأت قصة غرامنا.. ثمار الفيلسوف حكى عن فيلسوف رأى إمرأة شنقت نفسها في شجرة . فقال: ياليت كل الأشجار تحمل مثل هذه الثمار . في النساء قالوا قال سقراط لأحد تلاميذه: تزوج يابني .. فإنك إن رزقت بإمرأة صالحة .. أصبحت أسعد مخلوق على وجه الأرض .. وإذا كانت شريرة.. صرت فيلسوفآ............
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
عايز أقوم نفس ناس أم درمان ديل شوية بالنهار لحدي ما أجيكم مساءا...الى لقاء...
رائعه الصحفي محمد محمد خير
من ليل ملتخ بالكوابيس والسهر فجيت رؤاي قالدت سوق الشجرة وأب روف والبنات الزنكي سوق الناقة والناس والخدار وقطعت حي البوستة مرفوع الكلام ودمي ينبح ويندهك تاوقت بي عيني اليمين جوه الشمال من قلبي كان نازل مطر لون المطر كان بشبهك عبيت مشاعري من النسيم وزفرت طلعت الوحيح خفت النسيم ما يجرحك الله اذا ما ارتاح شجاي صِبح الحزن مليان ضحك وجاني المنادي ينادي بيك وسرت زي الضو عليك وصرخت ياجنة بلال عالجني ياعابدين شرف سامحني يا استاد الهلال الليلة يا ام درمان بشوف كل المدن في توب سماحتك تنهجك زهت الفتيحاب بالشمش واتبسمت بانت على وش أب كدوك والعرضة غنت من مطامير الحقيبة الصادحة هم ما بشبهوك من يوم ولدتي العاشقين ما شفتي يوم بيت ناس ابوك وعشق المدن توّر علىّ جرح الغرام غرامي ليك خايف ... بي جمالك يشدهك واتلملمن بنوت فريق القلعة غنن من شعر ناس ابو صلاح يا الله لزمني الجراح انا ما حبيس سجن التلج لكني مطلوق السراح
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
تاني يا ريس ؟؟؟؟ زمان لمن كان بنات الشيخ ما موجودات في البوست دا كنت أنا القائد الفعلي للثورة أها من هنا و غادي أكل نارك مع بنات الشيخ وعلى رأسهن زوبة...دا غير الباسويرد المشترك...ولا زيتكم في بيتكم؟؟؟
| |
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
.. . صباح الخيرات
محطة فكاهية .. بالله اقروا الكلام دا _ واخص زهير _ الجملة المقتبسة ادناها مرسلها لى قبال دقيقتين اخونا هانئ برعي
Quote: بالله خليك جادى فى موضوع الزواج كفاية كدا انتوا الان ما اولاد ضغار كفاية بلا صياعة بقى |
_________
بالله مش ابوسنينة _بهرش _ ابوسنينتين
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
انا اشارك واتداخل اذن انا موجود دكتور التاج ابراهيم على احمد اخى الأصغر واخو بت شيخى الشقيق نقينا فيهو نقة ما حصلت اكثر من نقة هانى برعى على صالح تبلدينا عشان يلحق نفسه والباقى منو ويتأهل دسينا منه كل الحكاوى السالبة عن العرس والزواج مداخلة الريس ميسرة وحكاويهو بتاعت العرس والزوج التانى الأتعرف على بت الشيخ من حادث كتل فيهو الزوج الأول كل الحكاوى دى قرينا ليهو فيها وجعلنا من بين ايديهم سدا وفى سرنا محمد معانا ما تخشانا فأجانا قبل يومين بانه خلاص اقتنع وماشى يخطب قلنا ليهو خلاص نجهز نفسنا ؟؟ قال لكن انا ما بضمن ليكم اهل العروسة يوافقو اخذ بعضه وساق معاهو الحاجة واخواته ويا دوب خال واحد من خيلانه الراجل مشى يتكلم بس فيما يسمى بفتح الخشم حلف عليهو الحاضرين وقالوا ليهو ما بتمرق من هنا الا وقسيمتك فى يدك الآن التاج قسيمته وعقد زواجه فى يده الف مبروك دكتور التاج ويلا باركوا لى كلكم مبدئيا العرس واجراءاته فى العيد لقينا لينا سبب سفر حتى ولو (اسبوع اقله) بت شيخى الفرحة كاتلاها لكن برضو الدموع غالباها واقفين يحننوا , راكبين يجننوا
| |
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
اغنية عاطف خيرى ومصطفى سيد احمد التى زينت الميل التاسع والثمانين اغنية اقل ما يقال عنها انها (فارعة) انها من النوع الذى يستطيل فى الدواخل فتشعر بها فى منابت الشعر وفى اخمص القدمين كما انها تستعرض كذلك جواك (فتكلكلك) كما همزات شيطان (الكلام) تارة فى الطوحال واخرى فى (كبد النغم) وثالثة فى (الأربطة المتصالبة) لذا فان نتيجتها الأكيدة ومآل المستمع اليها ولا شك(الف مال عليها مدة ) الشعور باستعدال نهائى يعالج (كتف الغنا الميل)
| |
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
انا عكسك يا زهير قوانين حركتك دى لب قصيدة عاطف خيرى كما انها زبدة لحن مصطفى سيد احمد ايقاع الأغنية ومبناها ووتيرتها المتصاعدة فى هدوء هدفها الأستراتيجى غير المعلن (احداثيات الزمان والمكان ) انها قصيدة ذات فعل (قوقلى مطلق) تستعصى بدءا وانتهاءا على خطوط الطول والعرض تتمرد على قوانين الحركة والفيزياء الم يقولوا ان لكل فعل رد فعل مساوى فى القيمة ومضاد فى الأتجاه قوانين حركتك نقطة التصادم بين كلام عاطف خيرى ولحن مصطفى سيد احمد هل تتخيلون مكان حادث زى ده ؟؟؟!!!
| |
|
|
|
|
|
|
Re: ناس الزقازيق ... أجدع ناس .. (Re: Tabaldina)
|
السؤال الأكثر اهمية يا ناس اللجنة التنفيذية كيف نجعل من الأجتماع القادم , اجتماعا فاعلا كيف يتم الحشد له فى الأول لأن اول خطوات الفاعلية , هى الحضور هل حدائق القصر مكان ملائم اعرف ان المقصود بالمكان هو الموقع المتوسط لحدائق القصر ولكنه فى الأول والآخر مكان عام , عام جدا كمان لا ادعى اننى على معرفة بمكان افضل ولكن قصدت اثارة الأمر للنقاش حضرت اجتماعا وحيدا كان فى احد قاعات نادى الشرطة نادى الشرطة مكان مناسب اذا كان متاحا لأنه ذو طابع ترفيهى للأسر والأطفال كما ان قاعته مكان مناسب للكلام والنقاش كما ان الدعوة يجب ان تكون مركزة ومشمولة باجندة نقاش محددة حتى ياتى الناس بافكار جديدة مثمرة مع اعطاء الأجتماع صبغة اجتماعية ترفيهية للأسر تشجعهم على الحضور وبذلك تضمنون الحضور اما للترفيه او للنقاش او للأثنين معا
| |
|
|
|
|
|
|
Re: ناس الزقازيق ... أجدع ناس .. (Re: Tabaldina)
|
صالح تبلدينا شكراً على الصورة الجميلة وأنا شاهدتها في الميل 88 وليس عندي منها نسخة وقد حفظتها حفظك الله وهي صورة تذكرني برجل زراعة القوي زاهر الصادق وصورتك القديمة كنت صغيرون شديد زي صور عصام دهب زمان بس بصراحة من يتذكر اسماء الزملاء الآخرين .
الخال/ ميسرة
والله الجامعة دى قريناها مع خيلانا عددديل كدا
لو عندك صور قديمة يا ريت تنزل منها .
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
نبدا اولا من الزناتي القائمة اسقطت بعض الاسماء ارجو التدقيق حتى لا تتهم بانك زي ناس علوم بتاع ناسات كما يردد دائما عمنا ود البيه وهناك اقتراح من الاخ الفاتح القمر بان يكون هناك موقع خاص بالزقازيق كالذي صممه قيس جمال الدين قبل كدة ارجو مناقشة هذه الفكرة لانو كان وصلنا الميل 100 بنقتل نلس كتير فاحسن يكون الحوش كاملا حقنا نسوي فيهو الدايرينه
السهيلي ايها الرائع انا في انتظارك وتلفوني 00249123026261
والايميل [email protected] اغنوة بتاعت مصطفي تذكرت بها جلسة استماع للاستاذ في القاهرة واحد وتسعين من القرن الفات لايزال الاندهاش يمتلكنا كلما استمعنا الي غناء مصطفى وعاطف خيري ان مصطفى غياب مبكر ومجىء قبل الاوان ؟؟؟؟
الاخ تبلدينا مشتاقين لكن واضح انت ما مشتاق لينا موضوع الحج دة موضوع داير وقفة لم استطيع الوقوف معاك بهناك لكن اتاوك للبوست بتاعك من الحوش بتاعنا في واحد زقازيق كان شغال في الحج والعمرة قال انا خليت العمل معهم لانو اكل لاموال الناس بالباطل ؟؟؟؟؟؟؟؟؟؟
يا الرشد يا محمد صديق يا الزناتي القصة القصة القصة شختفتو روحنا ذاتو معاكم
والله يا ياسر نجيلة اطلالة حلوة بيت الجاك بس بتاع الصلحي في التلفزيون يعني اي حاجة بتلقاها التحيق مع الزوج حكاية جميلة لكن هو ذاتو الباخرو شنو ؟؟؟؟
يا منصور لابو النسب والزواج هو برميل نصفه عسل والنصف الاخر زفت فانت وحظك يا جاك العسل اول يا الزفت والمظوظ بيلقهو كل عسل يل بالله كل واحد يصنف زواجه او زواجها (جندر ) المكسوف ممكن يمشي يصنف في الماسنجر ويا تبلدينا انت بعد ما عندك اي سبب الاولادقروا
| |
|
|
|
|
|
|
Re: ناس الزقازيق ... أجدع ناس .. (Re: مبارك جادين)
|
العزيز مبارك ... بخصوص القوائم في الصفحة السابقة ، جاء تكليف من اللجنة التفيذية بحصر العضوية النشطة وذلك لبدء نشاط فعلي وجاد في كل الإتجاهات ، وهي ليست عضوية الجمعية وإنما العضوية التي شاركت في أنشطة سابقة وذلك من حلال رصد الحضور في أكثر من مناسبة إضافة للمساهمات المالية ، ونشرت هنا للإضافة لأن كل عمل بشري عرضة للخطأ والسهو والنسيان ، وعلي العكس نحن في حوجة ماسة لكل شخص فاعل ويهمه أمر الجمعية ، وليس من مصلحتنا إقصاء أياً كان .. وهذا ما لزم توضيحه ولا يفوت علي فطنة القارئ أن القوائم إنزلت لتعديلها ورفعها مرة أخري وهذا ما لزم توضيحه مع الشكر الجزيل لصالح تبلدينا ...
| |
|
|
|
|
|
|
Re: ناس الزقازيق ... أجدع ناس .. (Re: البادي النور)
|
لا بد من تهنئة خاصة لدكتور التاج بمناسبة المقلب الذي شربه بعد أن نشن علي خطوبة وإذا بها عقد ... والتهنئة موصولة بكل تأكيد للعزيز منصور عبد الرازق والأخت أماني ... وربنا يتم ليهو علي خير ...
وعقبال هناي وهناي وهناي داك .... يمكن تعديل حروف هناي يا صالح ...
| |
|
|
|
|
|
|
Re: ناس الزقازيق ... أجدع ناس .. (Re: البادي النور)
|
منصور هنالك أجتماع مساء الغد سنقوم فيه بالإعداد للقاء الجامع وأؤمن علي إقتراحك بأن يكون اللقاء ترفيهي ثقافي ويناقش في الوقت نفسه أمر الجمعية ، سنحاول الإعداد له بشكل جيد حتي ينجح ويأتي ثماره
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
يا حلوين.. ابداع.. ابداع.. السهيلي.. طلتك مرقت درر.. الرشيد ومنص وعيد.. ثلاثي يجنن.. نجيله.. ماقل ودل.. استراحتك حقو تكون يوميه.. الريس ميسره.. كعادتك مقدام.. معاك على استحياء.. ودجادين.. الزواج كلو عسل.. مالك داير تسوي المشاكل.. زهير.. متفاني دائما كما عهدناك من أول.. صالح.. نقول مبروك?
| |
|
|
|
|
|
|
Re: ناس الزقازيق ... أجدع ناس .. (Re: Hatim Gubara)
|
.. . يا بركة .. والله مشتاقين شديد .. ياخى انت السياسة اخدتك مننا خلااص .. بعدين النهب فى البلد دى بقي بلا حدود يعنى الواحد لو ما اتعذر السنة دى بانفلونزا الخنازير كان ما يعرف يجيب العشرة مليون دى كيف .. الا يتعذر بمن استطاع اليه سبيلا .. بعدين ياخى زولك دا ما يرسل لينا ايميل عشان نختهم فى الثابته ..
الريس ميسرة هو الاتنين المستقلين ديل لو انت ما عرفتهم البعرفهم ليك منو؟؟ الرشيد ولا منو ؟؟ خايتو على ما اذكر جايين من بره الشرقية ؟؟ ياالقاهرة يا اسكندرية .. شكلهم ناس البيروتية .. معروفين كانوا ناس عمالقة وزى ناس الجامعات المفتوحة دراسة ما فوق السن القانونية
حتومه
Quote: صالح نقول .. مبروك |
والله مبروك دى كان من المفترض تكون من سنه 2000 لكن البجاور التعيس بتعس .. اها دا كلو بسبب هانئ برعى .. ياخى الود دا عارضو بيتمدد مع البررودة ويشمل الاطراف المجاورة .. حسي قال جاى بعد شهر زول ( شبكة ) اتخيل شبكة بعد العمر دا ..
يا زناتى .. اعتقد تدى حق نقل اللسته لكل ميل للاخ سامى عبدالوهاب اساسا الود سمسم دا متخصص نقل لستات .. اديهو تفويض بجيبهل ليك كمان بالعناوين بعدين لا شكر على خوه ياخى .. اها العروس كيف ..!!؟ امها قالت نجوا ولا لسه شوية ..
_______________
يا بركة ياخى ما تنسي موضوعنا .. انا عارف ناس السياسة ديل مشغولياتهم كثيرة بس خليك اون تطش
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
الاعزاء الغالين... ناس الحوش الحلوين... سلام والف سلام بل مليون...بل مليار... الشوق ليكم شديد...والمعذرة علي طول الغياب القهري... ومبروك الميل 90...وماشاءالله انا اخر مرة دخلت كنت في الميل 77 واذ بي افتح اليوم علي الميل 90 عيني باردة عليكم ... احداث كثيرة يصعب مراجعتها في هذه الايام ... عليه ليكم مني تحايا وشوق
عثمان الجيلي
| |
|
|
|
|
|
|
Re: ناس الزقازيق ... أجدع ناس .. (Re: عثمان الجيلي شيخ محمد)
|
القصة كاملة قلنا ما نتعبكم نجيبها ليكم لغاية محلكم
Quote: غادر الرصيف، ومشى ببطء بين الورش ومكاتب المفتشين ذات الطابع الاستعماري القديم، ثم انحدر شرق مساكن عمال السكة الحديد الحمراء الكابية، رويداً رويداً زاد من سرعته، واندفع بُعيد مطاحن الغلال، مخترقاً حقول الرز المغمورة بالمياه وجسر الحديد المقام على نهر صالحين، وما إن توغل داخل عشب السهل الاصفر الحائل ذي الفجوات الحجرية الواسعة، حتى اجهش بالبكاء بين وجوه المسافرين الساهمة وراء الاجمة المتناثرة من اشجار السنط، حيث تشرئب منذ قديم الازل سلسلة جبال العاديات، ملقية في نفس الرائي بذرة الشعور بالضآلة او الفناء، وقد بدا لصمتها الثقيل الموحش على رغم زلزلة القطار الهادر وكأنها لا تزال تصغي لاحلام المهدي بغزو العالم في زمان لن يعود.. البتة. كانت الشوارع الجانبية المُتربة خالية أو تكاد، كان يتقدمه شقيقه الذي يصغره بنحو عامين، دافعاً الدراجة عبر التراب الكثيف الموحل، "هذا ما يدعونه فراق الوطن"، قال في نفسه، ثم واصل السير، مختزناً في ذاكرته ما تبقى من الأماكن الاليفة الآخذة في التراجع عكس ايقاع خطواته، وبينما كان يتأمل اهتزاز شنطته "الهاند باك" المربوطة الى سرج الدراجة الخلفي بحب وعناية كبيرين، ادرك بكثير من الأسى ان سنواتهما القليلة التي عاشاها معاً كشقيقين قد ضاع معظمها في خضم النزاعات اليومية الصغيرة، آنئذ، هرع اليه، ود فقط ان يقول له بكل بساطة لا يمنحها للناس عادة سوى الرحيل او الاحساس الغريزي بدنو الخطر: "لو تدري يا أخي العزيز كم احبك" لكنه كان قد وضع الدراجة بعد مشقة على طرف الشارع الرئيسي المسفلت، واعتلى سرجها الامامي، مشيراً اليه وهو يأخذ وضع الانطلاق، بالركوب، يكاد الآن يحس بدفء انفاسه اللاهثة وراء اذنيه، وهو يردفه امامه صوب محطة القطار القريبة من دون كلمة واحدة. كانت تشير الساعة الى السادسة وخمس وعشرين دقيقة وثوان، عندما اطلق صافرته الحزينة الممطوطة، وغادر الرصيف، مُفتتحاً فصول رحلة لا يعلم إلا الله متى وكيف تنتهي؟!. في قادم الايام... الشهور... او السنوات، سيفكر في ذات الاماكن الاليفة، سيحكي عنها، وسيزورها اثناء النوم، يتردد اليها، يتلمسها بحنو يكلم في داخلها الوجوه التي احب، يستمع الى رنين ضحكته المفقودة، ثم يركض... ويركض... ويركض كعهد طفولته في الشارع ذي التراب الكثيف الموحل الذي يشهد خطواته الاخيرة الآن، قبل ان يصحو من نومه متوحداً أو فزعاً او ظامئاً او مجهداً بين جدران غرفة السطح المؤجرة في بناية قديمة تطل على احد شوارع القاهرة في كآبة، سيلازمه هذا الحلم كظله، وسيتكرر حتى خلال نومه النهاري القصير المتباعد الى أن يشرع أمام سيل الخيبات الذي لا يرحم في التأكد داخل الحلم نفسه ان ما يراه ليس حلماً، بل الحقيقة. هناك، أمام باب الحوش، قبل دقائق قليلة، ودع والده "وداع رجل لرجل". السائل المائي الحارق، أخذ يتصاعد الى عينيه فور ان انفلت من حضن امه، وكثيرة هي الدموع التي ذرفنها شقيقاته في اعقابه، كذلك بدأ السير، مقتفياً آثار شقيقه الى الشارع الرئىسي المُسفلت حيث انطلقا بالدراجة صوب محطة القطار القريبة من دون كلمة واحدة. لقد كن ذات الشقيقات، اللائي سيغرقنه في سنوات غربته الاولى بالرسائل، راسمات على حوافها الزهور الذابلة والقلوب التي حطمها البعد، ذاكرات من سطر لآخر ان بهن من الاشواق اليه ما يكفي لهدم جبال العاديات وتجفيف نهر صالحين وحرق غابات السنط النضيرة، وقتها كان ولا يزال منغمساً في سعيه الحثيث خلف طموح ظل مطموراً في اعماقه السحيقة، فكشف عنه الرحيل مثلما يكشف عن نفسه على حين غرة البركان الخامد أو الزلزال المدمر. يا إلهي... لماذا لماذا... لماذا تبقى اللحظات الاخيرة من علاقاتنا نحن البشر محفورة في تلافيف الذاكرة الى هذه الدرجة من العمق او الثبات"، تساءل ذات نهار قائظ بعيد اسفل تمثال رمسيس، وإذا احس في ما يشبه الكشف المتأخر بوجود اشياء في العالم مثل حضن الأم لا يعوض عن غيابها الزمن، ادرك للمرة الاولى حجم الفراغ الذي احدثه في نفسه رحيل والده قبل سنوات من غير أن يتاح له حتى عزاء ان يحمل النعش الى مثواه الاخير؟. عند منحنى الشارع ذي التراب الكثيف الموحل، توقف دفعة واحدة واستدار، بالكاد رفع يده اليمنى، لوح مودعاً، كان المشهد العائلي قد بدأ بالفعل في التشتت مرة وإلى الابد. آنذاك، رأى والده، ومسبحته الحجازية، ناظراً الى وجه الارض في شرود، والشقيقات الثلاث، اللائي سينقطعن تباعاً عن كتابة الرسائل من طرف واحد ظل يبث طويلاً لواعجه الاخوية بلا جدوى، مازلن ملتفات حول ابتسامة امه، يلوحن له بأيديهن الست، وقد بدون كأغصان شجرة.. هزتها رياح ذلك الصباح التي بدأت تنشط شيئاً فشيئاً... والتي ستمحو بعد قليل آثار اقدامه على ظهر الشارع المترب... لا محالة.
|
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
سلامات يا ناس
ياريس الفترة الميتة دى والله مشكلة كبيرة
لو وافقتوا..ممكن نأجر جلا يكون غفير وكده
ونخلى النضيف وطارق جبريل يتكفلو بمرتب
شهرى ...واهو البوست يكون متحرك طوالى ..
وولدنا جلا يدخل لينا عملة صعبة.
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
Quote:
اتابع بشغف بوست ناس الزقازيق اجدع ناس - البوست الرائع - ومن خلاله نتابع اخبار الزملاء
تخريمة :
لو طال النوى لكن كلامنا الكان وكان خايف يكون شالو الهوى
ـــــــــــــــــــــــــــــــــ
خايف يكون شالو الهواء
فالاولى من الحب والتانية من الكتاحة
ــــــــــــــــــــــــــــــــــــــــــــــــــــــ
سامي جمال
|
سامي جمال الزول الجميل واحد من الناس المتابعين ومستمتعين ....
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
مساكم الله بالخير
أيقظني تلفون من أحد زملاء العمل مساء اليوم قمت و غيرت وش النوم و هدوم النوم و خرجت لأجد الأجواء مجهزة لجلسة باربكيو محترمة و الجو جميل..نسيمات باردة تدغدغ وجنتي...الدخان يحملة النسيم يمنة ويسرة حاملا رائحة الشواء فتملأ الأرجاء...الجلسة تكاد تتمثل بكل الجنسيات العربية...الامارات السودان..مصر...سوريا..ليلة أنس جميلة و نادرة دار فيها حديث طيب و لذيذ مع الشواء و الشطة الحــارة و البيبسي الدايت..ثم ختمناها بالمليسة السورية...(المليسة يا جماعة ما تقولو الزول ده ألجن تفهموها المريسة).. أنفض سامرنا الآن و جئنا اليكم و كلي بعبعة...مش بيقولو الشبع بعمل بعبعة...
منو القاعد و منو المشى ينوم
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
شكرآ زهير..دايمآ بتجيب لينا الحاجات الحلوة.
القصة جميلة..لغة وتكنيك..
Quote: كانت الشوارع الجانبية المُتربة خالية أو تكاد، كان يتقدمه شقيقه الذي يصغره بنحو عامين، دافعاً الدراجة عبر التراب الكثيف الموحل، "هذا ما يدعونه فراق الوطن"، قال في نفسه، ثم واصل السير، مختزناً في ذاكرته ما تبقى من الأماكن الاليفة الآخذة في التراجع عكس ايقاع خطواته، وبينما كان يتأمل اهتزاز شنطته "الهاند باك" المربوطة الى سرج الدراجة الخلفي بحب وعناية كبيرين، ادرك بكثير من الأسى ان سنواتهما القليلة التي عاشاها معاً كشقيقين قد ضاع معظمها في خضم النزاعات اليومية الصغيرة، آنئذ، هرع اليه، ود فقط ان يقول له بكل بساطة لا يمنحها للناس عادة سوى الرحيل او الاحساس الغريزي بدنو الخطر: "لو تدري يا أخي العزيز كم احبك" لكنه كان قد وضع الدراجة بعد مشقة على طرف الشارع الرئيسي المسفلت، واعتلى سرجها الامامي، مشيراً اليه وهو يأخذ وضع الانطلاق، بالركوب، يكاد الآن يحس بدفء انفاسه اللاهثة وراء اذنيه، وهو يردفه امامه صوب محطة القطار القريبة من دون كلمة واحدة.
===============================================================================================
اى زول فيكم لو ركز فى الصورة دى ...ممكن يشوف الزول السايق العجلة وهو قايم بيها سدارى
شكرآ يا برنس على الابداع...رغم انو مكبوب بى هناك..لكن اهو الخير وصلنا...لكن بقول نحن ذوى
القربى والذين هم أولى بالابداع.
|
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
يا جماعة لو علي الونسة مع الكوتش حسع بركب أمشي ليهو في الـ 14 ونتونس وجهاًً تو وحجه ومعاها شاي مقنن كمان ... أظهر وبان يا الرشيد ... طيب لغاية ما يصلوا الناس نحكي للكوتش نكتة من أهلي الصعايدة حكاها محمد أبراهيم (نمس) في واحدة من منتديات كسلا : الصعايدة والفلاحين في عركة ديل بيجاي للترعة والتانين بهناك للترعة . وكل جماعة عاملة ساتر ومخندقة واحد من الفلاحين قال ليهم ننادي علي الصعايدة ديل واحد واحد ونطخهم .. بقي ينادوا - يا محمدين لو راجل بان .. - انا أهو .. يقوموا طاخنيو ليك وجايبين خبروا في واحد من الصعايدة زكي جداً قال ليهم بالطريقة دي حا يخلصوا علينا ، عشان كده لمن يقولوا يا محمدين ما يظهر محمدين يظهر ليهم عوضين ..
ترترتنت تنت تش ... دي الموسيقية التصويرية بتاعت النكتة ...
منتهي الخستكة إلا حين ميسرة ...
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
Quote: .عليك الله ما تمسخ علي الباربكيو الأكلتو ده.. |
غايتو انا وجلا قطع شك النصيبة الاكلتها دى ما بنعرفا..زهير ممكن يكون
سمع بيها...لانو مرة كده لقى ليهو مشية لى برج الفاتح..[ ملوحى ]
اجازتك الجاية عليك الله اعمل لينا دروس عصر انا وجلا.
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
Quote: أستغرب أن تمر هذه القصة دون تعليق !!! |
أحيانا تمر بعض الأشياء الجميلة دون أن نشعر بها وذلك لمشغولياتنا الكثيرة بالنهار...و ظهور بعض البرامج المفاجأة ليلا...و لسرعة ايقاع البوست...لذلك تجدني استحسن كثيرا ما يقوم به ياسر نجيلة الجميل من عمل كبير في تجميع الأشياء الجميلة و اعادة عرضها مرة أخرى...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: اجازتك الجاية عليك الله اعمل لينا دروس عصر انا وجلا. |
يا كوتش أخوك الكاشف ده قاعد يمشي أمواج...درس العصر ده الا يكون ليك انت...و أنا عارفك شليق و بتعرفو زي جوع بطنك...لكنك برضو مستعين بالكتمان...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
زهير كلما أجد اسم البرنس في البورد الا و أهرع اليه و أستمتع بما يكتبه...و منها القصة التي نقلتها اليوم..لقد قرأتها من منبعها و هي تستحق القراءة..و البرنس بلا شك كاتب مميز و جميل..
السؤال هو..كيف السبيل الى جذب البرنس الى البوست طالما هو موجود بالبورد؟؟؟
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: أستغرب أن تمر هذه القصة دون تعليق !!! |
الغريبة يا كوتش لما نزلتها كنت متخيل انها حتكون هيكل لأكثر من قصة
بمعنى انى كنت متخيل انو الرشيد سيقوم بعمل بناء درامى للقصة مخالف لما
يعمله طارق جبريل او محمد صديق او نجيلة او اى واحد من بقية الرائعين
ولكن كما قال الرشيد .. هذه احدى مساوىء الايقاع السريع للبوست .. حتى ان موضوعا
مثل موضوع التكنولوجيا والنهج التعليمى بتاع زهير .. أخذ حقه من النقاش بالعضلات ..
يعنى قلـــع عديل كده ..
هذا يعيدنى الى ما كنا قد بدأنا نقاشه قبل فترة لتطوير شكل البوست ...
********
اشوف رد فعلكم وبعدها عندى اقتراح كويس
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
عندما أحكي نكتة لإبتهاج إستبقها دائماً بعبارة (أها دي المرة الكم أحكيها ليك ) (المرة الـ 513) ، (طيب يعني الـ 514 دي ما حتكتلك) ، وفي كل الأحوال المرة الأولي أو الـ 514 غالباً ما يكون رد الفعل واحد لذا المسألة (ما فارقة معاي) ، طبعاً جلا عايز يعرف طبيعة رد الفعل دا شنو إستحسان أو إستهجان . انا شخصياً ما فارقه معاي بكون عايز أقول نكتتي واذهب في حال سبيلي . لذا يا الرشيد حينما أصبح في العمر مثل العم حوفي ربنا يديهو طولة العمر ، والكلام دا ممكن يكون بعد سنتين تلاتة . المسكينة دي حا تتعب معاي لانه رقم الحكي يكون وصل معاها حدود فلكية خاصة في ظل التضخم الموجود في السودان ، كل المقدمة الطويلة دي عايز أحكي قصتين كل ما ذكر مصطفي سيد أحمد ذكرتهما ، يعني قربنا نصل الـ 514 ، وبعدين مافي زول يقول لي القصة دي ما كانت كده ومن المرة الفاتت كان فيها تعديل ، وذلك لأن الكتابة من الذاكرة ، ولكل مرة ظروف تختلف في الكتابة : كنا في القاهرة وكان هنالك إحتفال في مسرح البالون في العجوزة ، حفل به وردي ، الموصلي ، سيف ومصطفي ، ذهبنا انا وإبتهاج من الزقازيق ، ونحن نسير تجاه المسرح وجدنا امامنا مصطفي سيد أحمد وزوجته وإبنيهما ، ولدهشتنا وقف علي شباك التذاكر وإشتري تذاكر له ولأسرته ، رغم إنه كان متبرعاً للغناء في الحفل مجاناً . رحم الله مصطفي فقد كان إنسان قبل أن يكون فنان .
وأجيكم للقصة التانية .. بالمناسبة القصة دا كان مفروض تنزل الصباح لكن لإنقطاع التيار الكهربائي المفاجي تأجلت للمساء ، طبعاً يا الرشيد أخوك حريف ومتعود علي مفاجأت السودان البايخة دي عشان كده كتبت المداخلة في الويرد بس جيت تميت الباقي ..
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
محمد عيد أتفق معك ولكن دونما وضع ضوابط و شروط ربما تنفر بعض المتداخلين..علي أي حال دعنا نسمع مقترحك أولا قبل أن ندلوا بدلونا...
زهير أنا اسمع القصة لأول مرة..يعني باقي ليك 513 مرة تحكيها لي فيها...اللهم نسألك الصبر...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: الرشيد ...مبارك جادين ده ضارب تلفون خمسة مرات بيسأل من القصة
هو مفتكرا عندى انا وما عايز انزلا..وجلال برضو روحو مشحتفة..وحاتم
داير يأكد نظريتو بتاعة السمكرجية. |
يا كوتش قبل ما تنوم عايز أقول ليك...عشان تعمل سمكرة لي قصة ما يجب أن تعيش في نفس الأحاسيس التي أدت الى كتابة القصة أولا...استلمت ملاحظاتك الجيدة أنت و زهير و لكني لم أجد نفسي بعد..فلا زلت غير قادر على السمكرة..ابتدأت ببعض السمكرة و لكني لم أشعر بها فقررت تأجيل النشر قليلا..ربما يظهر انتاج آخر قبلها...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
طيب أديكم قصتي لحدي ما الرشيد مزاجو يجي.. أحسن أحكيها بالليل.. والليل ستار الا من الدبايب..
ركبت مره تاكسي من المساكن لي لكوظ وأنا برلوم.. السواق واحد قصير كدا عربيته لونها أحمر باهت شبيهه باللفت باك.. زول ما بيحب الونسه أبى ينضم معاي ولاكلمه.. وصلنا لكوز.. واذا بالمشوار 30 قرش.. أديتو 40 لزوم البقشيش وإن كان على مضض لأنو كان زول ثقيل.. فاذا به يرفض استلام القروش وبكل قوة نفس طالب بنص جنيه.. لما رفضت أخذ بالردحي بصوت عالي جدا.. قلت.. "بص العدادآل 30 وانامديلك بريزة زياده" "بريزة ايه ياخويا.. المشوار من المساكن لهنا بنص جنيه" "مش حاديلك.. وبعدين ماتزعقش وماتشوحش بايدك..." وقبل ماأتم هيجتي وكلامي.. فإذا يقفز من العربه وبسرعه البرق كان بجانبي.. و كنت فاتح الباب ورجل واحده بره.. فإذا به.. رغم قصره.. يسحبني من العربيه وهاك ياقبقه.. ولولا أني أمسكت بذراعيه بكل مالي من قوة.. كان اداني بونيه أو بالقلم على وجهي.. "إنت فاكر نفسك بتكلم مين.. أنا مهندس" "طيب سيب القميص لو سمحت" واتلمت مجموعه شمشارين من ناس لكوز.. "في إيه يا عم.." "الراجل السوداني مش راضي يدفع الأجرة.." "ياعم إديلو حقو الراجل بيسترزق.." في نفسي "الليله أنا البيحلني شنو من الورطه دي.." اتلفت ذات اليمين وذات اليسار فلمحت د. علي جميل.. وكان قويا مفتول العضلات.. "بس.." "علي... يا علي" وأقبل مسرعا.. "يا برلوم.. مالك?" "كدي حلني من الزول دا" "فكو.. قلت ليك فكو" فتنفست الصعداء.. وتوعدني سائق التاكسي أشد الوعيد.. وأنا من وراء ظهر علي أرد التوعد.. ومن اليوم داك ولزمن طويل وأنا أتفادى هذا السواق وتكسيه ذو اللون الأحمر الباهت.. وتمر الأيام.. وفي يوم كنا في اتجاهنا من لكوز للمساكن.. وبصحبتي من الجكس.. فإذا بها رفيقتي توقف التكسي الما بيغباني.. فركبت وأنا كاره.. والونسه راحت لي طول السكه.. وزولكم ينظر الي في المرءاه كل حين وكأنو بيقول لي " لو راجل أفتح خشمك".. حمدت ربي عند وصولنا.. وقطعت فيهو جنيه ونص.. ولسان حالي يقول له.. "اتسترت معانا الليله"
أها جنس دا يا رشا.. أحكي حكوك ساي..
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
انا ما داير باكر الناس تجى تقول انا بقيت زى بتاع البوست داااك وفعلا انا وجهة نظرى مخالفة تماما ..
يعنى انا شايف انو البوست بتاعنا لازم يأخذ شكل الموقع المستقل ويحتوى فى داخله اكثر من قسم او موضوع او بوستات فرعية تماما مثل منبر اليوم الحار .. لكن يجب ان يتم ذلك دون ان يفقد مكانه فى صفحة المنبر العام .. لما فى ذلك من اعلان مهم لكل من يود ان يتابع وبصفة خاصة لقاعدتنا الصــامتة والكبيره التى تراقب وتتابع وتستمتع .. لذا فان محور الفكرة يتمثل فى الاقتراح للاخ بكرى بتثبيت بوست ناس الزقازيق اجدع ناس مع المواضيع المثبتة فى رأس صفحة المنبر العام على ان لا يتأثر بالنزول الى صفحة أقل او بانتفاء الغرض من ابراز البوست كما فى المواضيع المثبتة حاليا .. ويمكن ان يكون بدون اظهار عدد الصفحات .. ولما الواحد يعمل CLICK على بوست الزقازيق من المنبر العام يدخل فى صفحة المنبر الاساسى وهى تحوى صفحاتنا الحالية والتالية ومداخلاتنا بشكلها المعتاد .. ومعها فى نفس الصفحة يتم انزال المواضيع الخاصة او التى تحتاج الى مزيد من النقاش والحوار والدراسة .. وفى النهاية يبدو البوست وكأنه شكل فرعى للمنبر العام ... بس مافى واحد يقول لى دى حركة انفصالية ..!
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: إنشاء الله تجيب ليك مصطفي سيد احمد صغير .
|
زهير...شر البلية ما يضحك...جعلتني أخشى على ابتهاج من غضبة الهبباي...انت ناس الأمن ديل بيجيبو المساخة دي وين...و الله جنس مساخة عجيبة خلاص...غايتو يخوفوك و يقطعو قلبك و يبهدلوك و في الآخر يطلعوا سودانيين زي و زيك و كمان فيهم بقية شهامة... انت عارف يا زهير قبيل لما منصور اقترح عقد الجمعية بدار الشرطة...كنت عايز أقول ليه انت ما عايز زهير ده يجي و لا شنو...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
قصة البرنس رائعة كما الزول الذي كتبها قصة زهير الزناتي الأولى و التي لا تفوت على فتنة القارئ لم يقترن بالأخت ابتهاج بعد قصة حاتم جبارة فيها كثير من العبر و الدروس قصة زهير الزناتي الثانية و لا تفوت على فطنة القارئ مدى معاناة الأخت ابتهاج المشكلة في القصة اللسع في السمكرة دي !!!! غايتو!!!!!!!!!!!!!!!!!!!!
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
محمد عيد هذا الموضوع نوقش من قبل ولكن دون الوصول فيه الى حل متفق عليه...طرحت فيه أفكار كثيرة و جيده من جميع الأعضاء..يجب مناقشة الموضوع مرة أخرى و ايجاد حلول أو أفكار..حتى لا نتفاجأ يوما بأرشفة البوست لظروف تقنية أو في ظل الضغط المستمر من بعض أعضاء المنبر على صاحب المنبر المهندس بكري أبو بكر..
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: أحكي بالله عليك و ما تتردد..الذكريات دائما جميلة و ما عايزه ليها أدوات أحكيها كما شئت... |
دا شغل بالبارد.. فطنه القارئ وكدا.. والله بكره دي أمشي أشتري لي أدوات أسمح علي العندكم..
أبوالزوز والله صبرتوا على الأذى..
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: داير البي في السمكرة دي شنو.. |
و الله في زول سمسار منتظرها و قال لي في زول ماسورة داير أرقعا بيهو بعدين يا الرشيد ما تزعل....بعدين مش تلفزيون السودان يقول ترقبو المفاجأة نحن انتظرنا و لوووكنا الصبر لمن بقا مر ياخ ما تشحتفنا أكتر من كدا أقول ليك حاجة رسلها لي إيميل أشوق التصادم بتاعها جا و لا عايز ليهو حبة برشام
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
Quote: وين الريس...يا ريس بعد ما سجلناك مع ناس الليل ما تخذلنا... |
مساء الخير يا شباب والله اليوم كنت ناوي ليكم أكمل ليكم عن بنات الشيخ الهربتم منه بس ما في حظ . كنا في جولة طويلة بعد ما نام الأولاد وحضرنا دلوقتي والكتابة ما شاء الله والقصص على قفا من يشيل بس عايز أقرا القصص الثلاثة بتمعن
بعد الإستمتاع بالفنان محمد وردي والخاص بالميل 90 أفضل امشي أنوم - تعاونوا على قضاء حوائجكم بالكتمان - ما في حد يحكي حاجة .
تصبحوا على خير ،،،،،
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: دا شغل بالبارد.. فطنه القارئ وكدا.. والله بكره دي أمشي أشتري لي أدوات أسمح علي العندكم.. |
الأخ حاتم جبارة أظنك زول فطن بما فيه الكفاية و لا تفوت عليك المهم ناس جورج مقدمين ليك دعوة عشان تتعلم السمكرة بي أدواتهم وبعدين الأدوات دي ما بشتروها ..هي أصل حكر للأخ الكمندان و ما بمرقها بالساهل لكن نصيحة مني أمشي لي منصور عندو الخبر اليقين ..بس حاسب ما تمشي ليهو يوم خميس برضو محمد عيد و الرشيد عندهم أدوات جميلة وما بمرقوها إلا للشديد القوي ...ما شايف القصة القاعدة في السمكرة دي لغاية هس ما طلعت
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: انا يخيل لى لو ما حاولنا نشوف لينا حل من هسه
بعدين بنلقى الحل مفروض علينا وحنقبله ايا كان شكله ...
الموضوع الظاهر داير انو سيلفا كير ( اقصد جلا ) ياخد ليهو مشية للقاهرة ..!! |
و الله يا محمد عيد الموضوع ناقشناهو مع زهير بجدية لكن ما عارف لغاية هس الحاصل شنو؟؟؟؟و ممكن زهير يفتيكم و إذا لا قدر الله أنا مشيت القاهرة..اعتبرو الإنفصال أمر محتوم بعدين ما تقولو ما كلمناكم محمد عيد إنت الرشيد دا ما كلمك من البداية...هس مالك مجرجرني في الكلام؟؟؟؟
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: أقول ليك حاجة رسلها لي إيميل أشوق التصادم بتاعها جا و لا عايز ليهو حبة برشام |
لا يا أخوي كفاية عليها ورشتين...البيقول ليك الرفرف ده أحسن حاجة تغيره...و البيقول ليك ركب ليها مساعدين يايات بتاعت لاندروفر...الخطرات ياخي قالوا لي ركب ليك خطرات فلوكسواجن...البوري قالو لي ركب ليك بوري لوري أوستن..عشان لما تجي داخل حلتكم تعمل ليهم نغمة...الزنقانق بنات أويل..و لا هوي يا ليلى هوي..هوي يا ليلى و من جمال ناس ليلى...
خايف أرسلها ليك تطلع من عندك أقول دي حقت منو......
غلطان أنا الما وديتها الوكاله...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
ازيكم سالت منك العافية يا رشا
يا ريس بس ارد اقول شنو
انت بوضعك ومكانك خلاص الرد حيكون موجه ازناتى ذى ما تقول (عينك فى الفيل وتطعن فى ضلو)
حنعمل اجتماع مع بنات الشيخ واى كلام هنا حيصلهم بحزافيرو
| |
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
Quote: حنعمل اجتماع مع بنات الشيخ واى كلام هنا حيصلهم بحزافيرو |
زوبة الإجتماع وين و متين و الساعة كم و الأجندة شنو؟؟؟؟ ولازم نطلع من الإجتماع بقرارات ثورية حاتم جبارة معانا و لا مع الخيانة؟؟؟ خاصة إنت في بلد الكابويات و الله قاعد أسمع و الله أيام يازمان للرائع مصطفى سيد أحمد في إذاعة اف م 100 اتذكرت الشقي السهيلي
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
ما حيفوتمك الاجتماع وعشان حاتم احضر حيكون موقع الكترونى ما عدمناك يا جلا ودمت نصيرا لنا (دى دايرة ليها بوستر)
يا الرشيد انا كنت متابعة ومستمتعة
ياسهيلى
والللللللللللللللله ابداع الله اديك العافية
امس كنت فى الاحفاد جامعتى الثانية قابلت وحدة كدة والشكل ما بغبانى ازيك انتى منار بتاعة اغانى واغانى ولا انا داخلة غلط اهلا يا استازة انا منار كيفك يا منار والله انت مبدعة جدا وربن يحفظك والى الامام شكوا بس من زوقك انتى بتدرسى شنو انا فى سيكولوجى ربنا ينجحك فنيا واكاديميا شكرا
دقيقة عبد الدايم بسلم عليك عبد الدايم منو معجب منصف بلغيه تحياتى والسلام امانة يا عبد الدائم
0
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
دى السمرا البتغنى لعائشة الفلاتية ومنى الخير
لنا ماحكيت ليكم عن الاحفاد والله دى محطة مهمه
زهير وينك كنتظراك ما عايزة اساهر عندى مدارس
يا الرشيد عندك رسالة فى الماسنجر
يا منصور الف الف مبروك للعريس الدكتور بيت مال وعيال ووصل التهانى لامانى
| |
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
كنا قبل كدة فتحنا موضوع عن التطوير الذاتي و لم يأخذ حظه من النقاش بالصورة المطلوبة...ربما تكون تجربتك في الأحفاد خير نموذج..أرجو أن تحدثينا عنها غدا بتفصيل ...ما هي الدوافع...و ما تفعلين و مدي الاستفادة منها؟؟
نعرف ظروفك مع المدارس لذا تعالي بكره بدري ان شاء الله..
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
يا جماعه حضور ، تعرفوا أنا متفق مع محمد عيد دا جملة وتفصيلا في موضوع البوست ، ودا حل يرضي كل الأطراف ، ولو إتعملت لينا ايقونة في أعلي المنبر زي بتاعت ناس منبر اليوم الحار بعد الأرشفة ، مع الإبقاء علي البوست في مكانه في الصفحة الأولي ، وبالضغط علي الأيقونة تدخل لمنبر فرعي ، وانا كنت بفكر في الحل دا من فترة ..
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Hi All,
Zainab , Thanks alot and how the kds and their dad . I may come to Sudan in a few months I hope to see your family.
Zuhair
Mustafa and Ar7al on page # 89. I will call you on the weekend
Hatim, When you are going to call. I hope not 2020
Alrasheed you did mentioned anything about Andrea Bocelli if you like Madee7 I have some
Mohamed Adam,
My best wishes and Salam for you I will send to you the song late night tonight Best regards,
| |
|
|
|
|
|
|
Re: ناس الزقازيق ... أجدع ناس .. (Re: Elsuhaili Magzoub)
|
سهيلي يا صديق لا يفوت علي فطنتك بأن الجميع بما فيهم حاتم جبارة قد ضربوا الرز باللبن وأوي إلي أسرتهم غير مأسوف عليهم ، عدانا أنت وأنت ، وقد يأتي محمد عيد ولا يأتي ... حسب أحوال المزاج والطقس .......
في إنتظار هاتفك ،، فكم إشتاق إلي حكي مطول معك ........ أيها الفارع ..
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: Alrasheed you did mentioned anything about Andrea Bocelli if you like Madee7 I have some |
سهيلي يا رائع أعجبني التينور الرائع و الموسيقى الجميلة و لكن ايطاليتي ضعيفة فلم أستطيع الترجمة...فأنا لا أعرف منها سوى كلمة قراتسي... فقراتسي لك يا سهيلي...
أنا ما ضربت الرز باللبن بعد...و لكن زهير انشغل عني ففضلت الانزواء...لكن بعد كده النوم واجب وطني
| |
|
|
|
|
|
|
Re: ناس الزقازيق ... أجدع ناس .. (Re: البادي النور)
|
صباح الخير يا وجوه الخير،،،
موضوع جعل البوست زي ناس المنبر الحار تابعت بعض نقاشاتهم بأن المنبر الحار كان له قوة وله شنه ورنه وكان ملح المنبر العام ولكن قلة فعاليته وقوة حضوره وزيارة الاخرين له وصار قليل الطعم وخالي الدسم ،، هذا ما فهمته من بعض نقاشات ناس المنبر الحار .
نأمل توضيح إقتراحكم بحيث نستفيد من تجربة ناس المنبر الحار ونتجاوز السلبيات ،،، توضيح أكثر يا زهير ،، محمد عيد
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
تحية و سلام لأجدع ناس ..
و تحية خاصة للزقازيقي الرائع / السهيلي الذي عاد لنا بعد غيبة و نأمل أن يستمر تواصله معنا و يعود بقية الزقازيقاب الذين غابوا خلال الفترة الماضية .. ومع أكيد إحترامي لمقرح عمل منبر خاص للزقازيقاب على غرار منبر اليوم الحار فأعتقد أن وجود الموضوع في منبر مستقل قد يطفئ جذوة الحماسة في متابعة المنبر و سيجعل البوست حكراً على الزقازيقاب فقط في حين أننا نريد أن يعرف الجميع من هم الزقازيقاب .. حتى و إن تم أرشفة هذا البوست ـ كما الجزء الأول ـ فأرى أن نستمر في المنبر العام ببوست جديد و حتى و إن قمنا بعمل موقع مستقل للزقازيقاب فأرى أن وجودنا هنا ضروري أيضاً فسودانيز أون لاين عبر منبرها العام قدمت لنا الكثير و أكسبتنا العديد من الأصدقاء من غير الزقازيقاب و جعلت الكثيرين على علم بمقاصدنا و أهدافنا الخيرة .
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
اليوم الأربعاء الموافق 28/10/2009م
حكمة اليوم : أقلل عتابك فالبقاء قليل ... والدهر يعدل تارة ويميل ...
بيتين شعر لليوم:
لو داير تسيبنا جرب وانت سيبنا لو داير تحب حب وانساه ريدنا يوم ترجع تصافى نسامحك يا حبيبنا يا عايش فى دنيا من اوهام خيالك يا تاعب ضميرك وما رتيان لحالك روق ..وهدى بالك وما تودر شبابك رفقا بقلوبنا ورفقا بحياتك
انت غرامى عارفه غرام محراب وراهب غرامى اخترته مذهب من اسمى المذاهب ينور لى طريقى ,,, ويفتح لى مواهب اشوف املى فى جزيرة وحبك لى قارب
الفنان المبدع ابراهيم عوض ... اغنية لها وقع خاص وذكريات رائعة ... شاركونا
نكتة اليوم: اجتمع الأولاد حول أبوهم وهو يلتفظ آخر أنفاسه وأراد الأب أن يعلمهم درساً من دروس الحياة فأمسك عصا بيده وأعطاها لأحد أبنائه، وقال له: اكسرها فكسرها، فابتسم الأب ثم أمسك مجموعة من العصي وقال له: والآن اكسر هذه فأمسكها الولد وكسرها، فصمت الأب ثم أمسك مجموعة أكبر من العصي وقال: والآن حاول أن تكسر هذه، فأمسكها الولد وكسرها، فقال الأب: أرأيتم يا أبنائي مادام هذا الجحش معاكم، فلا خوف عليكم
كاراكاتير اليوم:
لفحي اليوم:
قال صالح تبلدينا: "بالله اقروا الكلام دا _ واخص زهير _ الجملة المقتبسة ادناها مرسلها لى قبال دقيقتين اخونا هانئ برعي" غايتو قصة صالح تبلدينا وهاني برعي ... الا اتموها مع اولادنا ... نحنا خلاص قطعنا...
"ياسر...تآخد كم و تحول لفريق الليل..."
والله الليل ده ... خليناهو ... زماااان .... بعد التخرج ... ويوم شكرك ان شاء الله مايجي يا رشيد القوم .... والله يجبر بخاطرك دنيا واخره ...
Quote: دكتور التاج ابراهيم على احمد اخى الأصغر واخو بت شيخى الشقيق
حلف عليهو الحاضرين وقالوا ليهو ما بتمرق من هنا الا وقسيمتك فى يدك الآن التاج قسيمته وعقد زواجه فى يده
ويلا باركوا لى كلكم ....
مبدئيا العرس واجراءاته فى العيد لقينا لينا سبب سفر حتى ولو (اسبوع اقله)
|
منصور يا عبدالرازق ... ان شاء الله ايامكم كلها اعياد وافراح ... بس ماعرفنا نبارك ليك عرس التاج ... ولا ... عشان حتشوف السودان ...
Quote: وهناك اقتراح من الاخ الفاتح القمر بان يكون هناك موقع خاص بالزقازيق كالذي صممه قيس جمال الدين قبل كدة ارجو مناقشة هذه الفكرة لانو كان وصلنا الميل 100 بنقتل نلس كتير فاحسن يكون الحوش كاملا حقنا نسوي فيهو الدايرينه |
والله يا مبارك جادين نحنا صوتنا " بح " من كترة الكواريك في النقطة دي... وتشكر على الاشادة بمالمداخلة ....
"نجيله.. ماقل ودل.. استراحتك حقو تكون يوميه.." حاتم جبارة ... تشكراتنا يا ملك ... ان شاء الله سوف اواصل يوميا ... وده اصل الفكرة ... مع العلم الاجازة يوم الجمعة والسبت من كل اسبوع ... لاسباب امنيه ... وقصتك بتاعت التاكسي " فطستنا من الضحك " وتذكرت قول عادل امام " في عالم جبانات بشكل " ...
عودا حميدا ولدنا عثمان الجيلي ....
"هذا يعيدنى الى ما كنا قد بدأنا نقاشه قبل فترة لتطوير شكل البوست ... " محمد عيد تحياتنا ودعمنا اللا محدود .....
"يعنى انا شايف انو البوست بتاعنا لازم يأخذ شكل الموقع المستقل ويحتوى فى داخله اكثر من قسم او موضوع او بوستات فرعية تماما مثل منبر اليوم الحار .." العزيز محمد عيد ... قد تبدو الفكرة جميلة ... ولكن بها عيب ... عانو منو ناس اليوم الحار ... وذلك " بموت " البوست وتدني روح التنافس والمداخلات فيه ... وهذا الكلام عن لسانهم ووجود البوست مع البوستات الاخري يشعل نار التنافس ... بس أي فكرة لتطوير البوست سوف ندعمها ... واصلو الاختراحات ... ونحن معكم .. راجعو مداخلات الريس ميسرة وعصام دهب ... في نفس الصفحة
Quote: - لو سمحت الأخت دي حامل . - طيب هنا الدايات . - بس الزولة دي تعبانة . - وقبيل وكت جبتها ما عارفه حامل . |
والله يازهير - بدون زعل – الشرطي معاهو حق .... ذكرياتك وحكاويك دايما بتعجبني يا ابوشنب ... متابع بشدة لما تكتبه ... وكتاباتك لاتخلو من الطرافة الواقعية ...
قصة عبيد الحميد البرنس ... اقروها كلكم ياشباب " برواقه وتمعن " ... حتكتشفو العجب ...
عبدالدائم النضيف ... منار المذيعة بتسلم عليك ... على لسان بتنا زينب التجاني ... يا بختك ....
سؤال اليوم : وين باقي صور الزقازيق ياريس ميسرة .... الاجازة التانية قربت ...
| |
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
ترحيب حار لأخونا عبدالحميد البرنس وقرأنا قصتك الجميلة الرائعة والأسلوب المدهش السلس ،، ويا برنس ما دام عند ملكة الكتابة ليه حارمنا من هذا الجمال ،،، التواصل مطلوب ، وما تنس إنت صاحب الفكرة دي .
Quote: سؤال اليوم : وين باقي صور الزقازيق ياريس ميسرة .... الاجازة التانية قربت ... |
الحبيب ياسر صاحب المداخلة الدسمة عندي باقي صور بس أنا في وادي وكل الناس في وادي لأني أحسست باني بنزل صور تختلف عن ما في أذهان الناس يعني لا فرق بين صور إسكندرية مع صور من الزقازيق ،،، كله صار متشابه والزقازيق بتاعة زمان غير موجوده إلا في الأذهان وإنت ذهبت وتأكدت من الحديقة ،، يا خي إذا كان عبدالدائم النضيف ما عرف الجزء الخاص بكلية تربية ولا مدرج آداب الجديد ، بالله دي حكومة دي .
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
السلام عليكم
Quote: ومع أكيد إحترامي لمقرح عمل منبر خاص للزقازيقاب على غرار منبر اليوم الحار فأعتقد أن وجود الموضوع في منبر مستقل قد يطفئ جذوة الحماسة في متابعة المنبر و سيجعل البوست حكراً على الزقازيقاب فقط في حين أننا نريد أن يعرف الجميع من هم الزقازيقاب .. حتى و إن تم أرشفة هذا البوست ـ كما الجزء الأول ـ فأرى أن نستمر في المنبر العام ببوست جديد و حتى و إن قمنا بعمل موقع مستقل للزقازيقاب فأرى أن وجودنا هنا ضروري أيضاً فسودانيز أون لاين عبر منبرها العام قدمت لنا الكثير و أكسبتنا العديد من الأصدقاء من غير الزقازيقاب و جعلت الكثيرين على علم بمقاصدنا و أهدافنا الخيرة |
أنا مع الكلام دا
وما مشكلة حتى لو حصلت أرشفة للبوست الحالي
ونبدأ من جديد... زي ما حصل قبل كدا
ودا برضو ما بتعارض مع وجود موقع خاص بكل ناس الزقازيق
بس دا موضوع عايز يدرس بشكل جيد قبل الشروع فيه حتى لا يحصل ما حصل من قبل
| |
|
|
|
|
|
|
Re: ناس الزقازيق ... أجدع ناس .. (Re: سامي عبد الوهاب إدريس)
|
Quote: قد تبدو الفكرة جميلة ... ولكن بها عيب ... عانو منو ناس اليوم الحار ... وذلك " بموت " البوست وتدني روح التنافس والمداخلات فيه ... وهذا الكلام عن لسانهم ووجود البوست مع البوستات الاخري يشعل نار التنافس ... بس أي فكرة لتطوير البوست سوف ندعمها ... واصلو الاختراحات ... ونحن معكم .. راجعو مداخلات الريس ميسرة وعصام دهب ... في نفس الصفحة |
الاعزاء .. نجيلة - ميسرة - دهب - سامى - زهير .. اضافة لآراء جلا والرشيد ليلة امس
كل الآراء مقدرة ..
ولكن يجب ان نكثف من نقاشنا ومقترحاتنا للوصول الى صيغة مثلى قبل
حلول الميل المئوى ... لأن لدى احساس بأننا سنواجه فيه شيئا مفاجئا
وهو نفس حدس اخونا مبارك جادين بالأمس ...
وارجو ان نرى اليوم وغدا آراء بقية الناس ومن ثم نتلاقح فكريا للوصول
الى النقطة المنشوده
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
لا يفوتنى الاشادة واظهار الاعجاب غير المحدود بالعمود اليومى
لاخونا المبدع ياسر نجيلة ..
وهو بجانب تنوعه وخفة دمه فى التطرق الى قضايا يومية ..
فانه يشمل ايضا - كما أكد رشيد من قبل - تلخيصا غنيا وغير مخل
بنقاشات البوست فى اليوم السابق ..
لذا اجد لزاما على ان اناشد الصديق نجيلة بالمحافظة على انزال
هذه المشاركة بصفتها اليومية وممكن - تبعا للظروف الامنية - ان نعطيك
اجازة الجمعة فقط ..!
**********
زهيــر ... ياخى احنا ما ممكن ابدا نقبل بقاء الرائع عبد الحميد البرنس
خارج الحوش .. ونوكل لك مهمة اجتذابه بأى شكل للداخل حتى لو بمشاركات متقطعه ..
ومباشرة لعبد الحميد ... وجودك بيننا أكيد سيزيدنا ألقا وتألقــا" ...
وتعال لينا بالله تعااااااال
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
سلامات يا ناس
Quote: لو داير تسيبنا جرب وانت سيبنا لو داير تحب حب وانساه ريدنا يوم ترجع تصافى نسامحك يا حبيبنا يا عايش فى دنيا من اوهام خيالك يا تاعب ضميرك وما رتيان لحالك روق ..وهدى بالك وما تودر شبابك رفقا بقلوبنا ورفقا بحياتك
انت غرامى عارفه غرام محراب وراهب غرامى اخترته مذهب من اسمى المذاهب ينور لى طريقى ,,, ويفتح لى مواهب اشوف املى فى جزيرة وحبك لى قارب
|
ده بيت الكلاوى ذااااااااتو. شكرآ يا نجيلة.
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
Quote: .لذا فان محور الفكرة يتمثل فى الاقتراح للاخ بكرى بتثبيت بوست ناس الزقازيق اجدع ناس مع المواضيع المثبتة فى رأس صفحة المنبر العام على ان لا يتأثر بالنزول الى صفحة أقل او بانتفاء الغرض من ابراز البوست كما فى المواضيع المثبتة حاليا .. ويمكن ان يكون بدون اظهار عدد الصفحات .. ولما الواحد يعمل CLICK على بوست الزقازيق من المنبر العام يدخل فى صفحة المنبر الاساسى وهى تحوى صفحاتنا الحالية والتالية ومداخلاتنا بشكلها المعتاد .. ومعها فى نفس الصفحة يتم انزال المواضيع الخاصة او التى تحتاج الى مزيد من النقاش والحوار والدراسة .. وفى النهاية يبدو البوست وكأنه شكل فرعى للمنبر العام |
ادعم هذه الفكرة ..ويا ريت الناس تناقشها
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
Quote: اى زول فيكم لو ركز فى الصورة دى ...ممكن يشوف الزول السايق العجلة وهو قايم بيها سدارى
شكرآ يا برنس على الابداع...رغم انو مكبوب بى هناك..لكن اهو الخير وصلنا...لكن بقول نحن ذوى
القربى والذين هم أولى بالابداع.
|
جبنا الكلام ده تانى عشان البرنس يراعى ذوى القربى ...والمساكين-لا يفوت على فطنة القارىء
انو المساكين ديل هو جلا ولا يوجد اجتهاد لتقول ومن لف لفه-
وكمان جبناهو اى الكلام ده عشان الناس تدعموا.
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
والله صراحة مداخلة ياسر نجيلة أصبحنا ننتظرها بفارغ الصبر ، يجب أن تستمر دون توقف .. وبها تلخيص لما سبق ورؤوس مواضيع لما هو آتي شكراً نجيلة علي الإبداع ..
يا جماعة ما في زول يهبش لينا طارق جبريل دا يشوف خبره شنو ، لا هنا لا بره الحوش .. ما يكون مع ناس بطة في المديرية ...
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
=========
من بعد ظروف وأدلًة..
من عتمة شك..
صوب يقين
قررتُ بأن أنسى عينيك.
لكنى :
لحظة كان قرارى اشتقت اليك.
الكلام الطاعم ده حق واحدة عراقية اسمها ريم قيس كبة
لقيتو زماااااااااان فى مجلة ابداع...
الكلام ده مُهدى لى محمد عيد ومن لف لفه.
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
محمد عيد ...
مناشدة جماعية للبرنس ليعود كما القماري لعشه ، هو وكثيرين يلحقون في فضاءات المنبر يعطرون لياليه ويثرون مواضيعه أمثال حيدر حسن ميرغني ، سيف النصر ، البرنس ، صلاح الأمين ومن لف لفهم
| |
|
|
|
|
|
|
|