|
|
|
 Re: ناس الزقازيق ... أجدع ناس .. (Re: زهير الزناتي)
|
والله يا الرشيد الليلة بيسحروك ... قاعد لغاية حسع ...
يا سلام لي فاتن حمامة ، لا تتخيل كم أحب هذه الإنسانة الأسطورة .. وعينا علي هذه الدنيا ووجدنا الجميع يتحدث عن فاتن حمامة .. وكنت دائماً أسأل نفسي لماذا كل هذه الإجماع حولها ، حينما شاهدت أفلامها ،، إضافة لموهبتها الهائلة في التمثيل ، تمتلك هذه المرأة قبول لا حدود له ، وهذا واحدة من هبات الخالق لبعض البشر , ويعود ذلك لوجهها الملائكي وصوتها الطفولي ، فاتن حمامة أهم قامات السينما العربية طيلة القرن الماضي ...
التوقيع :
فاتن حمامة
زهير الزناتي سابقا
| |
 
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
بلمناسبهانا النسكفية دة مفعوله اكتر من الاتاى حاسة بانى مصحصحة اكتر مع انى دى قومة صلاة الصبح ثم ثانيا انا ما تفتنى مع صحبتى الحمد لله البوست ده موثق الكلام انا قلت بخيلة؟
دى نانى الاتقسمنا الكسرى اليابسة وسندوتشات الشرقاوى ومهلبية ابو راشد
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
بمناسبة اسطورة فاتن حمامة يا زهير...أمبارح كنت عايز أتب عن أساطير التمثيل في السينما العالمية..من أمثال بيرت لانسكتر...و ستيفن ماكوين و بول نيومن و داستن هوفمان و جاك نيكلسون...و لكنني و جدت نفسي لا أملك مفاتيح كافية لموضوع كبير فامتنعت...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
يا جبريلا يا ود امى انشاء الله الدبرسة حال اليقول زينب كعبة(دى من ادبيات ماما محاسن )انا معاك لحدى نهاية الصفحة دى كدى اخد ليك نسكفيه ولا اتاى بلمناسبة النعناع والقرفة ممكن مهدئه برضو
ولا ممكن نمشى لزهير لا ال14 عند جورج حيفك دبرستك
والله فرقة الصحوة عندهم شريط بتاع غنى شوايقة حببنى فى غنى الشوايقة دة حيرجعك البلد عديل
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
| Quote: يا جبريلا يا ود امى انشاء الله الدبرسة حال اليقول زينب كعبة(دى من ادبيات ماما محاسن )انا معاك لحدى نهاية الصفحة دى كدى اخد ليك نسكفيه ولا اتاى بلمناسبة النعناع والقرفة ممكن مهدئه برضو |
زوبة نويتي تجبي أجل الراجل...الأتاي ده أنا شربت منه كباية الساعة اتنين الظهر شوفيني لحدي حسة مساهر معاكم...يعني لو شربت المغرب..من هنا وعلى الشغل طوالي...
لكن شكلي كده بعد ده أنا أحسن أمشي أنوم..ما نعسان لكن أداء واجب..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
| Quote: إنت يا جماعة قايلين السودان دا طلقيبه ساكت ... |
يخرب مطنك يا أبو الزوز...و الله دي كفاية علي الليلة...حأضحك فيها أسبوع...
زوبة ياختي نسكافيك ده مفعوله انتهى...ارجعي لي مداخلاتك...أخير حقاتي...
يا جماعة أسمحوا لي أنسحب...ماشي أنوم ..ما نعاس و الله لكن أداء واجب زي ما قلت ليكم..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
هاهاها دى شردة محاسن بتى صحت ماشة تتوضى قايلة الصبح اذن قلت ليها يا ماما اعمامك صاحين لسة الليل فى بدايتة قالت لى يا ماما عالمكم وردى انتى وصحابك قلت ليها ندخلك ليهو حنشوف المقاس دة ونعمل صبايا زقازيقاب لحدى هسة انا وعيد مين يزود من اولى سنوى وانت طالع
| |
|
|
|
|
|
|
|
|
|
Re: ناس الزقازيق ... أجدع ناس .. (Re: البادي النور)
|
السودان دا ما بتقدر عليهو يا طارق جبريل
لا بتسف تمباك لا بتشرب عرقي ... لا بتشجع الهلال
وريني حا تقدر عليهو كيف ...
إنت يا جماعة قايلين السودان دا طلقيبه ساكت ...
يا أبو الزوز والله إنت مصيبة ...
يعني لخصت وضع البلد في كلمتين ...
لكن حقيقة السودان الشقيق وضعه مختلف جدا ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: البادي النور)
|
الشباب صباح الخير
عايزين يكون شعارنا أول من يحضر وآخر من يغادر
يا البادي طارق جبريل دا دفعة رغم الصلعة عايزنو يكون علي بصيرة ، يعني لو الأمور هناك ما نفعت معاهو يفكر الفمرة قبل ما يجي السودان الشقيق زي ما قال صلاح الأمين .. يدقش الخليج ناس الرشيد وياسر نجيلة ومحمد عيد ومن لف لفهم .. السودان علي ما تخش السيستم فيهو عصرة كاربة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
سلام ياناس
فى ذكرى اكتوبر الفين سلام
وتبقى الذكرى ناس باعت حلفا واتباعت
وناس باعت الفلاشا واتباعت
وثلاثه اخوة اعداء واحدفيهم غدربيهم وباعم واتباع
ما بقدر اقول مابقدر اكمل
=======================
غدا الخميس تنتهى امتحانات نص السنه لوعد وعلا البرى جايكم
| |
|
|
|
|
|
|
|
|
|
Re: ناس الزقازيق ... أجدع ناس .. (Re: أحمد إسماعيل)
|
| Quote: لم نجد الرد، ولسه في الإنتظار |
والله يا أحمد أخوي ان شاءالله انتظارك مايطول
أنا غايتو اجابتي "الزارعا الله في الحجر بتقوم"
عشان كدة ثمار الفول السوداني تمثل جزوره وتنمو تحت الأرض
بس سؤال "هو الفول السوداني عنده زهرة؟"
| |
|
|
|
|
|
|
|
|
|
Re: ناس الزقازيق ... أجدع ناس .. (Re: أحمد إسماعيل)
|
ناس الليل يشهوا الونسة الدقاقة
يقطع حريشكم
طارق جبريل دى بس طباع الفنانين امثالك
الحزن والشجن , بتحبوهم زى عيونكم
طلع العنك مخزن , اكتب واكتب واكتب
تلقى نفسك اقرب للتوازن
حالة الحزن المكانى , حالة عامة يا طارق
زماااان انا ما قلت ليكم
تكون فى المغرب , تتخيل انو السعادة مدفقة فى الواحة والأربعتاشر
تمشى ليهم , يقولوا ليك كان بتشرب عرقى وبتشجع الهلال تعال لينا
غير كده , خليك قاعد فوق حجارتك
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
اما انا ليلة امس
بينما انتم تتتجاذبون هذا الحكى الجميل الأنيق
كنت انا موعودا بفاصل سعادة
كتبت ليكم قبل يومين وجبت ليكم سيرة صديقى اللندنى قاسم محمد صالح
جاءنى هاتفه مبشرا بقدومه فى زيارة عمل سريعة للرياض
ضربنا موعدا للتلاقى مساء امس
فقط فى المسافة الزمنية القصيرة التى تفصل بين نهاية مأموريته العملية القصيرة
وبين موعد عودته للمطار عائدا مدينة الضباب
سرقنا من الزمن سويعات عبينا فيها من الذكريات عبا
وكان بوست الزقازيق حاضرا فى الونسة
وكان حكيك الجميل يا طارق جبريل
بدءأ من صبى البناء الطلبة
مرورا بحفرات الدخان وحكاوى بت كنيش
ووصولا الى مريسة تام زين التى اسكرت نفيسى
حتى اوصلتها للتساؤل المشروع
(نحن ذاتنا مننا ؟؟!!)
وانت قاعد تتزوهج وتتخلقن فينا
اقول ليك الملخص
انت بس خليك زى عم عبد الرحيم
بس نقرط للحمار
وخليهو يوديك محل ما يوديك
الجنة جواك يا حبيب
لا تبحث عنها بعيدا فتهلك
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
جلسنا ليلة امس انا وقاسم وعامر وعباس وعبد اللطيف
لصدبقى قاسم وعامر ذكريات زقازيقية مشتركة
يعرفها الرشيد ومحمد عيد
تعرفها زينب التيجانى ونجاة حوفى
تعرفها البت بطة
ياسمين حاج الطاهر وما ادراك ما ياسمين حاج الطاهر
تذكرناها بشدة
قبل ان ارفع سماعة التليفون للرشيد او نجاة لنأتى برقمها
سبقنى قاسم بالأتصال على سيزا حاج الطاهر فى دوحة قطر
وجاءنا رقمها فى رسالة عاجلة
وكملنا سعادتنا بأتصال طويييييل
ما زالت بطة هى بطة
باسويرد لى بطة يا زهير ينوبك ثواب
حتى يكتمل البرى الجميل
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
ولأن اليوم اكتوبر واحد وعشرين
فالينا يا شباب
بلهب الثورة العملاقة
وهج الشعب الجبار
الريس معتصم
لو انت ما بتعرف زيى كده
اوامرك لى ناس زهير وعبد الدائم ومن لف لفهم
اى حاجة اكتوبر ينوبكم ثواب
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
منص يا حبيبنا
والله الراس مليان حكاوي بالكوم
بس القصي دايرالا مزااج أليل حكاوي
تعرف انا لمن كنت بمشي البركل من جنب حبوباتي ما كنت بقوم
هن يحكن وانا اخذن في الراس المسيخيت دة
والله يا منص الناس ديل عندهم حكاوي يمين تمحن
ياخي في واحدات لو قلتهن هني يمين يرفدوني من المنبر دة نهائي
دي غايتو الا في الخاص ممكن نرسلها ليك ولمن اراد
ترانا لليلي قاعدين في الحجار لامن الله يفرجها علينا
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
الله يفك كربتكم يا ود جبريل
وتعودوا الي الجماهير التي حرمتكم منها الرقابة
سيئة السمعة انحنا اتلقت عندنا القبلية
يعني قبل الطبع
لكن ناس زينب التجاني بالغوا امبارح؟؟؟؟؟؟
حتى الساعات الاولى من الصباح ناس الزقازيق
كانوا نايمين نوم شديد ومافي زول قال ليها
انت بتقول في شنو؟؟؟
جبريل قال مدبرس
والرشيد نعسان مشى نام
منصور الوحيد اليقتو فادر على المواصلة في النعاية مشت اكلت رز بلبن معبنتها
يا جبريل مشته لي
سندوشات من درش
في حاجة كان اسمها سكلانس
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
أحمد اسماعبل...هاك الاجابة على سؤالك عن الفول السوداني...على فكرة هذا ليس تخصصي ولكني عرفت أين أبحث حتى وجدت الاجابة الشافية...
مرحله النمو الزهري والثمرى .
يعتبر الفول السوداني نبات نهار قصير ولكنه غالبا غير حساس للفترة الضوئية من حيث دفع النباتات للإزهار إذ قد توجد أصول الأزهار بالبذور غير النابتة تمتد مرحله النمو الزهري والثمرى من تفتح أزهار النباتات الي نهاية حياه النباتات وتمتد هذه المرحلة من 100 -120 يوم وتستنفذ الموا د الكربوايدرتيه أثناء هذه المرحلة في تكوين الجذور والسوق والأوراق الي جانب تكوين الثمار تعطى نباتات الفول السوداني أزهارها في دورات وتتميز كل دوره بنهاية عظمى وصغرى ويترواح طول الدورة من 2- 5 أيام يصل طول البرعم الزهري نحو 1 سم قبل تفتح الأزهار بنحو 24 ساعة ويصل الي نحو 3.5 -5.5 سم عند تفتح الأزهار ويكون ذلك من الساعة السابعة والثامنة صباحا ويبدأ ذبول الأزهار بعد 7-8 ساعات من الإزهار من 2-3 ظهرا تمتد فتره تزهير الفول السوداني في الفترة من يوليو الي سبتمبر .
ويبدأ الأزهار بطيئا ثم يزداد معدل التزهير بالتدريج حتى يبلغ حده الأعظم ثم يقل تدريجيا حتى يقف
وتتوقف السعه الازهاريه لنبا ت الفول السوداني على عديد من العوامل وأهمها الصنف والظروف الجوية وغيرها ويبلغ عدد أزهار النبات نحو 230 زهره في الصنف بلد ى 107 ونحو 218 في الصنف جيزة يزهر نحو 79.82 من المجموع الكلى للإزهار في الفترة من نهاية الأسبوع الأول من يوليو الي قرب نهاية الأسبوع الرابع من أغسطس
يذبل الكأس التويج الانبوبه السدأيه بعد 24 ساعة من الأزهار وتوجد مرحلتين واضحتين في تكوين ثمره الفول السوداني اولهما الطور الهوائي وثانيهم الطور الأرضى يبدأ الطور الهوائي بعد اقتران الكروموزومات وينتهي عن نفاذ الثمرة للتربة وتسمى الثمرة في هذه المرحلة بالمشجب ويبدأ الطور الأرضى بنفاذ المشجب بالأرض وتسمى الثمرة في هذا الطور قرنا وتستطيل الثمرة أثناء الطور الأرضى يظهر المشجب أولا كا تركيب مخروطي اخضر مع وجود حافة قرمزية ويعرف الجزء القاعدي من المشجب بحامل المتاع وتبدأ استطالة حامل المتاع بطيئا حتى تصل من 5 - 8سم طولا بعد أسبوع من تفتح الزهرة ثم تزداد معدل الاستطالة بتقدم النمو ولا سيما بعد الري حتى يصل المشجب سطح الأرض وينفذ لعمق 5-7 سم وتنفذ المشاجب النامية على العقد السفلى للأفرع الجانبية والثلاثية الي باطن الأرض وتكون قرونا ولكن المشاجب على الأجزاء العالية من النبات تستطيل لعدد من السنتيمترات ثم تذبل قبل أن تصل الي سطح التربة ولا ينمو القرن إلا في التربة والمشاجب التي تتكون في أطوار متقدمه من حياه النبات تستطيل لنحو 2-5 سم ثم تذبل غالبا وتموت قبل أن تصل الي سطح التربة وبمجرد وصول المشجب الي اكبر عمق يتجه طرفه أفقيا ويبدأ القرن في الاستطالة عندما تأخذا لثمره هذا الوضع ممتدة من القاعدة الي القمة وتحدث تغيرات متعددة للثمار والبذور أثناء النضج ولما كانت القرون لا تعقد في وقت واحد لهذا لا تنضج الثمار في وقت واحد .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
مساء الخير يا وجوه الخير ،،،،،
عملت مداخله صباحية جميلة جدا وبمزاج
علمت أضف رد وقطع النيت وما أدري طارت وين
سوف أعيد كتابتها لو إستطعت بس ما أظن السبكة
الأولى تظبط تاني ، الواحد عمل فيها الروائي الزقازيق
منصور عبدالرازق .
بجيكم راجع وسهران معاكم ،، اصلو الليلة ليلة الخميس
بس خايف أعمل ليكم زي جلا ما ارجع ليكم حتى الصباح .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
| Quote: بجيكم راجع وسهران معاكم ،، اصلو الليلة ليلة الخميس |
غايتو يا ريس أنا متنازل ليك من محلي الليلة...زينب نسكافيه دي ما بتتقدر...زي زينب دي الا يكون اليوم البعده اجازة حتى تتحداها...أنا كنت قايل نفسي سقد وعندي شهاده من منصور بي كده...لكن أمبارح لقيت نفسي في فريق الناشئين بتاع السقده...و زينب و أبو الزوز ديل محترفين عديل كده...ليها حق كل مرة تقول ليكم أنا جاية من بيت عرس...جاية من صبحية..من أوفرنايت...البت دي قرت فنون شعبية و لا شنو ما عارف...
أنا غايتو الليلة بلبد ساكت...كان شفت طرف توب زينب دي ساكت بعمل نايم...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
زهير أخصم من مبارك جادين ده خمسة أيام...مبارك جادبن قايل على كيفو..يجي وقت ما هو عايز و يمشي وقت ما عايز...
مبارك جادين القصة عندها قواعد يجب أن تلتزم بيها...
تداخل يومي..بغض النظر عن حجم المشاركة..
مشاركة شحمانه كل أسبوع...
و مشاركة أكثر شحما كل شهر...
مداخلاتك يجب أن تكون بحجم اشتراكك و مساهمتك..
وين عبدالحفيظ يا ناس...
وو ين موسى عيسى...
و أين ياسر نجيلة اليوم...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
محمد عيد يا جميل..هو ميلاد ابتهاج و لا عيد زواج ابتهاج و زهير...الحقيقة زينب لخبطتني...غموما ان كان عيد ميلاد ابتهاج...فكل سنة و أنتي بألف خير و ان شاء الله العمر كله...
و ان عيد زواج...فتمنياتنا لكم بحياة زوجية سعيدة ممتده ان شاء الله...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
كل سنه وبهجتنا طيبه..
امبارح البري عندكم.. أها الكمندان انسحابو كان مخجل..
جبريلا.. الا الدمعه الحزينه.. .. جاي تفك دبرستك في الناس..
انتو الأتاي دا شنو? وحاجه حريصه وينها?
وسلام لبطه يا ناس...
أكتوبر الظافر ما زال عايش فينا..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: Hatim Gubara)
|
| Quote: زي زينب دي الا يكون اليوم البعده اجازة حتى تتحداها...أنا كنت قايل نفسي سقد وعندي شهاده من منصور بي كده...لكن أمبارح لقيت نفسي في فريق الناشئين بتاع السقده...و زينب و أبو الزوز ديل محترفين عديل كده... |
الليييييييييييييلة الله يقدرنا على المحترفين ديل
عيد ميلاد سعيد ،،،،
أختنا إبتهاج
وكل عام وإنتم بخير ،،،،،،،،،
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
يا الرشيد انا رجعت تاني عشان كلمتين ولبدة تاني
وارجو ان اكون من الناس الذين يستطيعون الصمود
معاكم
اولا عيد ميلاد سعيد لابتهاج وكل عام وهي والاولاد
وابوهم بخير
تحية للريس ميسرة وربنا يخليك تتذكر المداخلة الرايحة
تحية كبيرة اووي لحاتم جبارة وتعيش وتفتكر
اكتوبر وابريل وصمود الشعب
الفضل
يا محمد صديق وين قصة الاسبوع
داير تاكلنا فيها
يعني البوست دا ماممكن الواحد يكون متفرج بس
وين الناس دي
حيدر حنين الظاهر في الحيشان الاخرى ومختفي عن حوش الزقازبق
سيف النصر
موسى عيسى
جلا
سامي عبد الوهاب
السنوسي
وعفاف ميرغني
| |
|
|
|
|
|
|
|
|
|
Re: ناس الزقازيق ... أجدع ناس .. (Re: مبارك جادين)
|
سلامات يا ناس
Quote: يا محمد صديق وين قصة الاسبوع
داير تاكلنا فيها
|
ياجادين ازيك..
يعنى الواحد مرة كده ما تخلوا يعمل عب كبير ولا شنو؟؟؟
الظاهر القصص دى اصابتا لعنة...كل ما اجهز واحدة تحصل حاجة
لكن الخميس ده ما اظن تجلى.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
يا مبارك جادين
السكلانس دة كان متخصصين فيه انا واسامة خضر والولد عادل يسلم
لانه الجحوز ديل في فترة كدة سكنوا في حتة جنبو كدة
يا سلام ياخي على افوال درش داك
متعة ياخ
انا وحاتم جبارة كانت عندنا متلازمة
اي زول يجيهو شيك
نمشي نضرب الادجة عند الخواجة
ونلفح ليك حلويات ابو راشد ونمشي نلبد في شقة الفلسطيني
| |
|
|
|
|
|
|
|
|
|
Re: ناس الزقازيق ... أجدع ناس .. (Re: مبارك جادين)
|
شكرا يالرشيدعلى الإجابة الشافية الوافية
انا إفتكرت السؤال بسيط اي واحد من إخوانا الزراعيين أو المزارعين يفيدنا فيه لاكن من الإجابة باين أن السؤال ماهو ساهل ومحتاج مذاكرة كمان،عشان كدة شايف كل إخوانا الزراعيين عملوا (راقدين) كلمة راقدين كان بستعملها كثير أخونا/ عثمان عبد الله محمود(تربية) مفتكروا يا عبد الدائم ولانسيتو
| |
|
|
|
|
|
|
|
|
|
Re: ناس الزقازيق ... أجدع ناس .. (Re: أحمد إسماعيل)
|
Quote: يا جبارة ..ده اسمو استك منو فى...
يومداك جبنا ليك...شيلو الميتين...وما انتبهتا ليها
ياخوى النكتة بقت تودر ليك فى الموية...حليلك يا بورتو البرتغالى |
هو ودار نصاح.. شيلو الميتين ضحكتني لمن داير أقع.. اتذكرت بيها الود المطشش ناصر كشري..
الزعيم مبارك الليله مزاجو رااايق..
يا خوانا أبوحميد دا ألحقوه بشويه مكسرات...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: Hatim Gubara)
|
Quote: انا وحاتم جبارة كانت عندنا متلازمة
اي زول يجيهو شيك
نمشي نضرب الادجة عند الخواجة
ونلفح ليك حلويات ابو راشد ونمشي نلبد في شقة الفلسطيني |
يجازي محنك يابيجو.. الخواجه كان عندو شريفه كاربه..
أبوالزوز اختفيت الليله.. نظام هابي بيرثدي وكدا?
| |
|
|
|
|
|
|
|
|
|
Re: ناس الزقازيق ... أجدع ناس .. (Re: Hatim Gubara)
|
تذكر يا حاتم جبارة لما زهير قال لينا القراند كافية ده أعظم مطعم في أفريقيا...أنا بيني و بينك اتسغربت...قلت زهير ممكن يتكلم عن أستاد الهلال، الخرطوم و استاد المريخ...ممكن يكلمك عن حدائق حبيبي مفلس...عن بيوت ناس الزقازيق الفي السودان..لافيهم كلهم بكراع كلب...لكن قراند كافي...كان وقعها كبير شوية على...مش بقولو ليك مافي هارموني...زي كلمة تشيل الجننتو بيها محمد صديق..أها دي كانت زيها كده...ما قدرت أبلعها...
حسة يا دوب فهمتة...زهير كان بيعمل في مسح عشان يعمل مفاجأة لي بهجة و يجيب ليها الكيكة من محل أسمو ليهو شنة و رنة زي القراند كافية...لفتة رومانسية و كده...فحسة صاحبك طاشي ماشي يجيب الكيكة من القراند كافيه و جاي...كبعا هو حاجز من يوم كلمنا عن القراند كافيه...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
| Quote: في زول شاف ليهو طرف توب و لا طرف عباية لافي في البوست ده و لا حتى لافي بي برة في البورد عشان نكب الزوغة....الناس دي بقت تخوف... |
زولتك تكون مشت تطفي الشمع مع صاحبتها..
الرومانسيه في الجراند كافيه دي بتضيعه.. ذكرني رومانسيه الكمندان زمان.. أها دي فتتها حاره..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
والله بداياتك صاح يا الرشيد لكن نهاياتك خاطئة وفي الحتة دي ود الجعلي حا يقول ليك :
ما نحن بالنمشي القراند كافية ومعاها رفعة إيد ...
إبتهاج كل عام وأنت بخير ...
قربت أغني لكاظم الساهر ... بس خفت من الرقابة القبلية ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
في زول قالو أبوهو مات في أنصاص الليالي الشتوية...وفي جار ما بستحمل البرد وعمل ميت ما مشى الدافنة مع الجماعة بليل....الصباح جا شايل صينية الشاي و كأنو حضر الدفن أمبارح و جا الصبح ..نظام كيف أصبحتو ...قام قال للجماعة كيف أصبحتو...الزول ما رباطابي قام قال ليهو أصبحنا أبونا مات قوم أدينا فاتحتنا...
أها يا جماعة البوست بتاعكم مداخلاتو جميلة.....هس الرشيد يقوم يقول لي ...أها رأيك شنو في القصة بتاعتي؟؟؟؟
الزول البفلق ..عليكم الله ما يداوي...اتفقنا؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
| Quote: حسه يا جلا أقوم أقول لي طارق جبريل قوم و أشيل الطوبتين القاعد فيهم ديل أفكك بيهم...طوب المغرب ولا سيراميك السودان... |
دا يعني الرشيد فلقني
يا محمد عيد تعال داويني
رأيك شنو في الشعر دا يا كمندان
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
| Quote: حسه يا جلا أقوم أقول لي طارق جبريل قوم و أشيل الطوبتين القاعد فيهم ديل أفكك بيهم...طوب المغرب ولا سيراميك السودان... |
كيفتني في جلا.. زمان كان شكال..
كاظم الساهر دي.. أنا زاتي مافهمتها..
جلا 30 يونيو دا عيد زواج أبوي وأمي (الله يرحمها).. عرسهم كان بي الجابري.. يوم ما ساهل..
كدي جيبو لينا كلام حميد.. تربت يداكم..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: Hatim Gubara)
|
Quote: شكراً زينب التجاني
وكل المهنئين وكل عام وأنتم بخير
آسفة لعدم التواصل نسبة لظروف الامتحانات بس الحمد الله أنتهت ومتابعة ومسمتمتعة |
اشمعنى زينب...و الله يا بهجة أنا ما تشكريني شخصيا حأقوم أزعل...
حاتم جبارة...محمد صديق بيكون بيشرب في الشاي باللبن المقنن...و يجيك بعد ساعة كده يقول ليك الميت أدفنوه...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: اشمعنى زينب...و الله يا بهجة أنا ما تشكريني شخصيا حأقوم أزعل...
حاتم جبارة...محمد صديق بيكون بيشرب في الشاي باللبن المقنن...و يجيك بعد ساعة كده يقول ليك الميت أدفنوه... |
يا رشا ابتهاج بتكون بتلبس للعرس.. دا بيكون زهير بالباسورد حقتها..
بعدين صورة البروفايل حقتها خلتني أشمشم في قميصي..
إنت اللبن المقنن دا شنو?
اشوفكم بعدين.. ماشي الجيم.. شباب
| |
|
|
|
|
|
|
|
|
|
Re: ناس الزقازيق ... أجدع ناس .. (Re: Hatim Gubara)
|
سلامات يا ناس
الرشيد يا حبيب والله مشتاقين اتثاقلت عليكم لكن شايفكم مشيتوها كان عندى مزاج ثقالة ...
اليومين دى نحن مع حمى امتحانات الفترة...والشباب ديل مع انو امهم مدرسة لكن لازقين فينى
والبعملو معاكم ده بى جهد جهيد.
بجيكم بعد المذاكرة.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
ابتهاج عبدالله
كل سنة وانتى طيبة
زهير الزناتى
عشان حاتم جبارة يفهم حاجة
كل عام وانت الحب
قلت لى الأتاى ده شنو ؟؟
ياى !!!
اتاى
مبارك جادين
ليك مدة ما بنت
محمد صديق
كدى فوت لينا الخميس ده
خاصة وانو زينب التيجانى ما عندها اى عرس
على الأقل لغاية هسى
جلا يا طلاع الثنايا
متى تضع العمامة (نعرفك)
يمين كلام صاحبك عبد الهادى
عن مصطفى سعيد والزين العريس
ضرب فى نافوخى عدييييل
انه ضرب من ضروب
الأبداع الذكى
الزول ده يا تجيبوا لينا كله
يا تجيبوا لينا كلو
مافى اى خيار تانى
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
اخطاء حراس المرمى
لا ينساها الناس ابدا
خطأ واحد قاتل لحارس مرمى
ينسى المشاهدين والناس حسناته لمدة سنة
ديدا لغاية هسى سواها فى ميلان التعبان قدام ريال مدريد
المعز محجوب قدم احسن موسم افريقى ليهو
لكن الناس حاينسوا ليهو كل شىء
ويتذكروا ليهو كورة مازيمبى الخماسية
ده تشجيع غير عادل وغير منصف
العكس من ذلك المهاجمين
الواحد يقدم موسم تعبان ويضيع ليهو كمية بتاعت فرص واهداف
يجيب ليهو قون واحد فى مباراة مهمة
الناس ينسوا ليهو كل شى
ويتذكروا القون ده
ليهو حق الرشيد يعترض على خانة مهند
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
زوبة والله انشغلت بالكورة بتاعت ميلان وريال مدريد جيت لقيتك انتي و منصور في البوست...و دي ذكرتني أول يوم شفتك فيهو انتي و نجاة حوفي...كان منصور عازمكم شاي عندنا...أنا بعد ما لبست قلت أطلع بعدين دبرست و رقدت نمت بي هدومي المارق بيها...بعد شوية صحاني صوتكم العالي...قمت جيت طالع ليكم...و كنت لابس تي شيرت بكم قصير شوية...قمتي انتي و نجاة قلتو الحنكوش ده شنو...
أنا قاعد ...شوية معاكم و شوية مع الكورة..
منص انت الكورة دي ما جايب خبره و لا شنو...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
بمناسبة ذكرى ثورة 21 اكتوبر أسمحوا لي أن أهديكم قصيدة حميد...وطنا
وطنا حبيبنا رغم البيك
هي الأشواق
حنينا إليك زين يازين
يظل دفاق
ما حوجتنا ونديك
وغيمنا إليك دوم ساساق
يلاقى البينا من واديك
اناقى غزيرة ماها فراق
نحبك من طرف من جم
برغم قطائع الإملاق
ما بتنذم علاقة دم
وفا وتاريخ على الإطلاق
إذا ما الغربة لمتنا
على ذات الخلق واخلاق
وطن وين كان في ذمتنا
فكيف يبقى الزمن فراق
هي الأشواق
وما بين السما والأرض
مدي الأشواق
ما طال المطر بيصب
طبيعي انه البحر ما راق
كما انه العكار من طين
كمان من طين يجى الرواق
صحيح انه المطر رايق
ولكن السحاب قد ضاق
خبارو الريح بشن سايق
وكت كبد التراب مشتاق
إذا ما العشق منسابق
ومطابق على الأعماق
كذلك حضره العشاق
مع غيبوبة الأشواق
وطنا الزين لا تنضرا لا تنعاق
نظل في حبلك الواحد
حبيبين ما في بينا فراق
وهيض شايلنا شيله السيبى
سعن الباشا والمعلاق
لا فينا الضلالي العاق
ويا حاسب سكاتنا رضاك
أمانة بضونا ماها غراق
صدورنا على البعادى زقاق
ضهورنا إلى المنادى رقاق
رضينا بلا قرن ننساق
وحين نحرن جبل يا ساق
الجرب يطير ما بيمشى
لو حرت عليه الأشواق
ومن قولب لهيب الشمش
ما كوش من الرقراق
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
قال ليك عندة عرس
شايفة عمر بحضر فيها
خلاص يا منص انقلها ليك
انت يا الرشيد سمعت صوتنا الماغاب ولا حيغيب من اضانك
جيت على صوتنا وما دخلت تانى
والاشوف حنكشتك والشابونيز يقول بابانوسه دى لاشفتها لا رئيتها
بعدين يا رشاجلابية المدرسة وشنطة الدمورية دى معاها شهادة تسنين
شابونيزززز عامل فيها حاتم جبارة
حنكوش الزقازيق الحصرى شفت الجم ده كيف
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
Quote: والاشوف حنكشتك والشابونيز يقول بابانوسه دى لاشفتها لا رئيتها
بعدين يا رشاجلابية المدرسة وشنطة الدمورية دى معاها شهادة تسنين |
يا زوبة انتي قايلاني بابنوسة كنت لابس فيها العراقي...وحاتك يودوني و يجيبوني بالعربية الما خمج...حنكوش من يومي...
بعدين أسمع صوتكم و أطلع البيدخلني تاني شنو...جنيت أنا...
يا زوبة...محمد عامل فيها أتولد في الراهبات و حبا في البلاط....جاب صورة الكبري في سنة 1910 ...أعمل ليهو شنو...قلت ليهو نحن كنا بنشيل شنطة الدمورية وبنلبس الجلابية في المدرسة الأولية..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
يا عيد يا رائع يا فنان شكره مليون مرة
بعد نهاية العام الدراسى الجامعى وانا راجعة من متولى الخياط واذا بالرشىد ساهم وتائه
متولى دة كان جنب الانتفاضة (بيت الطالبات)
قلت ليهو يا رشا متولى دة خياط نسائى وبيت الطالبات دة ما عندك فيهو شى
بكل شجاعة اعترف
انا يا دقلوشة جيت ابكى على الاطلال
وما كان منى الا واتفقعت بلبكى كاس لليسكتنى
وكانت فرصة عشوشة
فطرة وايسكريم وشكلاتة بلمكسرات
وانا اعيط
بهدى ليك لسة فاكر للست
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
فى رحلة من رحلات علوم وانا كنت بحب رحلات علوم جدا
نجاة اشترت بلوفر كدة كبير اطلقنا عليه اسم الفنيلة الاكبر من الزول
البصحى اول هو البلبس الفنيلة الاكبر من الزول
مرة صحينا كانا وما لقينا فنيلتنا قلت لنجاة دسيتيها
لكن نجاة نكرت قالت لى امكن دى بطة
المهم واحنا بنتغالط جات حنان على قالت لينا والله فنيلتكم دى لوقريبة فى السلخانة
سناء الصباغ عندها سكشن بدرى لابستها ولافة شالها
وكانت ايام و عاشت الفنيلة الاكبر من الزول حتى ورثتها شوش بت عمى
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
بمناسبه الست.. قبل شوية باسمع في "الحب كله"...
الحب كله حبيته فيك
الحب كله
وزماني كله انا عشتوا ليك
زماني كله
حبيبي قول للدنيا معايا
ولكل قلب بدقته حس
يا دنيا حبي وحبي وحبي
ده العمر هو الحب وبس
واسقيني واملئ
واسقيني تاني
اسقيني تاني من الحب
منك
من نور زماني
اسقيني ياللي من يوم ما شفتك
حسيت كأني اتخلقت تاني
روح قلبي يا حياة ايامي
يا روح قلبي
يا حبيبي يا ملاك احلامي احلامي
يا روح قلبي
انا كنت ايه قبل ما اشوفك
انا كنت ايه
وكنت عايش يا حبيبي ايامي ليه
ايامي ليه
طريق حياتي مشيته قبلك في ليل طويل
لا قلب جمبي يحس بيا ولا طيف جميل
ولما شفتك اول ما شفتك بكل شوق الدنيا لقيتني
مشدود اليك
وفي كل حب الدنيا انا جيتك وجريت عليك
ناديت ناديت عالدنيا فحالها
والكل قلبي بدقته حس
يا دنيا حبي وحبي وحبي
ده العمر هو الحب وبس
الهوى العطشان عطشان في قلبي بينده لك
يا ارق من النسمة واجمل من ملاك
انت روحي وكل عمري ونور حياتي
يا حياتي ايه انا بالنسبه لك
حبيبي ده انا مخلوق علشانك يا دوب علشانك
علشانك انت
وقلبي قلبي عاش على لمس حنانك يا دوب حنانك
حنانك انت
حلوة الايام حلوة
حلوة الأحلام حلوة
حلوة حياتي
حلوة يا سلام
حلوة بتمر قوام
حلوة ويا حياتي
يا زمان يا زمان يا زمان
يا ليالي طويلة احلامها جميلة .... معاك
يا زمان يا زمان يا زمان
ياليالي بتجري بتقتل اماني وتفوتنا رماد
فيها ايه لو تنسى اثنين في الحب
دايبين عايشين
عايشين نقول للدنيا بحالها
والكل قلبي بدقته حس
يا دنيا حبي وحبي وحبي
ده العمر هوه الحب وبس
يا حبيبي يا عبير الشوق يا حبيبي
يا نصيبي من ليالي الشوق يا حبيبي
شعر ايه ده الكلام اللي ف عنيك
خلا احلى كلام يغير
عطر ايه ده العبير اللي ف ايديك
بيقول ايديك هيا العبير
من الربيع اللي ف شفايفك
من الليالي اللي ف عنيك
من اللهيب اللي ف خدودك
من الحنان اللي ف ايديك
رحلة تاهت روحي فيها وتهت فيها
خبيني من الزمن خبيني
وبعيد عن عيونه داريني
عالفرحه الكبيره خوفي لا ياخدها ولا يخليني
خلينا نقول للدنيا فحالها
ولكل قلبي بدقته حس
يا دنيا حبي وحبي وحبي
ده العمر هوه الحب وبس
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
Quote: يا سلام يا حكيم ... رحم الله الكابتن محمد علي رحمة واسعة ... كان هذا الكلام في عام 1988م بعد السيول والأمطار وتفشي الحميات في مختلف بقاع السودان .. المصريين بإستفزاز شديد كانوا يقوموا برش المبيدات علي الطائرات القادمة من السودان والركاب بداخلها ، ومن ثم إعطاء الراكب في الصالة (دقشة) حبوب ليبلعها في إجراءات إستفزازية حيث العلاقة بين الحكومة المصرية وحكومة الصادق المهدي متوترة ؟؟ رفض كابتن محمد علي هذه الإجراءات ، وبل رجع بالطائرة دون إرادة المصريين وبعدها تحسنت المعاملة في مطار الخرطوم كثيراً بفضل شجاعة كابتن محمد وموقفه البطولي ، وأعتقد أن الزميلة عفاف علي ميرغني كانت في تلك الطائرة أتمني أن تدلو بدلوها ..
|
مداخلة لي في بوست :
وفاة كابتن محمد علي في حادث تحطم طائرة بالشارقة
يا عفاف تتذكري الحادثة دي ولا عايزه كركم ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ابتهاج عبد الله)
|
لا يفوت علي فطنتكم بأن المداخلتين السابقتين
قد سجلا بالخطأ في حساب السيدة حرمنا التي تحتفل
اليوم بعيد ميلادها الخامس والعشرون ...
ذكرت والدتها بأن إسم إبتهاج جاء إبتهاجاً بمولدها
في ذكري هذا اليوم الأغر
| |
|
|
|
|
|
|
| |
محمد صديق
الرشيد بابكر
زهير الزناتي
زينب التجاني
طارق جبريل
معتصم جعفر
أحمد إسماعيل
جلال عثمان
منصور عبد الرازق
ميسرة سيد أحمد
محمد عيد
Hatim Gubara
محمد آدم النور
ابتهاج عبد الله
فيس بوك
تويتر
انستقرام
يوتيوب
بنتيريست