|
Re: ناس الزقازيق ... أجدع ناس .. (Re: محمد صديق)
|
تمام يا افندم جاهزين دايما للزقازيقاب هو ارباب المعاشات عندهم فرحه اكتر من المجاملا ت بس ناقصهم دار فيهو تجمع زقازيقى يومى يعيد الصبى ويوزع الفرحه ويزرع الطمانينه كيف لا وقدصلى الناس بالمسجد الصغير الملحق بالدار وها انا اراغب الاولاد بعين الرضا وسط اعمامهم الزقازيقاب ويسالك احد الضيوف انتو الزقازيقاب دى وين؟ وقبليتكم شنو وقبل ان يكمل يرد الجميع الزقازقاب ديل قبيلتهم السودان وموقعه داخل قلوبنا جميع.
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
تعرف يا الرشيد ألذ نكتة الليلة ، ضربت لإبتهاج تلفون ودار بيناتنا الحوار التالي : - إزيك - أهلاً - عرفتيني - أي - انا منو - إنت ما ود الشيخ ضحكت لمن قفلت السماعة وبعدين جيت كملت كلامي ، شفت الناس بقت ثقافة البوست مؤثرة عليهم كيف
يا جلال ما قلت زولتك طاشة شبكة ، الليلة إنتهت الإمتحانات قرت الصفحتين 79 و 80 وانابقرا ليها في ياسين (وجعلنا من بين أيديهم سدا ومن خلفهم سدا فأخشيناهم فهم لا يبصرون) الموضوع مر زي العجب ... ما العجب بتاع المريخ ...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: الليلة بعيد عنك لمو فيني بواليس حابسني تلاتة ساعات في بنبر ... |
بس ان شاء الله ما يكون بنبر جوده....
جاهزين للقصة ياشباب...هي والله ما قصة زي حقات الكوتش...مرتبة و منعمة كده بالكلام الحلو
و الرمز الجميل...يعني سموها سكتش...
جاهزين...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: لكى أستأصل الاشواق من قلبى وارميها ... ببطن الجُب ان أنسى.. حلاوة روعة الماضى وقسوتها... ولكنى.. ضبطتُ الشوق مخبوءآ بأوردتى |
عليك الله يا الرشيد شوف الكلام دا حلو كيف خاصة البيت الأخير دا مبالغة عديل كدا عايز ليهو تفكيك من : ضبطت الشوق
محبوءاً بأوردتي ياخي دا كلام يخلي الزول في عالم تاني .. تقول لي بوارج ياخ ...
الرشيد جاهزين ،، إنت الليلة ما براك ، عليك الله خلي نجاة تراجع ليك القصة دي قبل ما تنزلها عندي إحساس ما لذيذ ...
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
و الله يا محمد صديق بقيت تنكت ليك حاجات كده...ما عارف بتجيبه من وين
انت يا زول أظنك كنت مجهز للمرحلة دي من زمان...
كلمات جميلة والله...
زهير و الله ثقافة البوست نحن زاتنا يقينا نستعمله في حياتنا العادية...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
ود الشيخ وود بابكر ود صديق بعد ما جاوبتوا على سؤالي عن السر الباتع في تعلقنا بي بوستنا وحاجاتنا زمان وهسي كلاً منكم بطريقته ... ... .. . سوف انام قرير العين هانئاً ويقيني ان سنبنيه البنحلم بيه يوماتي
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: الرشيد جاهزين ،، إنت الليلة ما براك ، عليك الله خلي نجاة تراجع ليك القصة دي قبل ما تنزلها |
أبو الزوز القصة البكتبوها وبيراجعوها دي لمن نبقى نكتب زي محمد صديق نحن من الراس و للكيبورد...تطلع صاح تطلع غلط ما مهم...أنا داخل مسابقة.. نجاة وحياتك حسة بتكون بتحلم بي أمها العلمته الصمود....و السلطة...
لكن دي كتبتها المغرب...يعني ما تخاف من الكوبي ...بيست..
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
جلال التالتة دي...انسحاب تكتيكي زي بتاع الكوتش...
يغيب و يغيب ما تشوفو الا يجيك الصباح يقول ليك جمعة مباركة...
جبريلا حبابك...شايفك من قبيل لافي البورد ده زي نمل السكرتلقط في الكلام الحلو...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
والله يا الرشيد الامور اصبحت غير واضحة تماما اليوم حكموا على رئيس تحرير جريدة اخرى بالسجن النافذ ودة مؤشر سئ جدا غايتو الشهر الجايي دة لو دخل وما اتحلت المشكلة الوضع حا يكون مجنون عديييييييييييل
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
سلامات يا ناس
شوفوا الانسحب منو؟؟؟
نمشى وين والموضوع فيهو حكاية ومؤكد طاااااااااااااعمة.
زهير يا ميكانيكى ...شكرآ للتفكيك...عارفك بتكسر لى تلج
عشان اقول الشاى بتاع بت الشيخ حقتك مقنن...
ياجبريل تعال ياخوى...الجمعية والناس فطسوها بحث...والشعر
برضو مشى ...انت ما بتجيبك الا الحكاوى....اسمع الرشيد وتعال
احكى....
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
يا الرشيد ربك بيسهلها ان شاء الله لا عدمناك
يا محمد صديق انا في الميل الفات قلت ليك ابعدني من موضوع الجمعية دة ان بقيت كتبت رايي هني بعوقلي زول اخير خلني ساكت
انا يا حبيب زول حكاوي ساكت حكاوي ملح الارض هسي بكتب في واحدة (حسنة بت الكاتب دافقت) وحا ارشها في المنبر العام وما تسالني دافقت دي يغني شنو
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
محمد صديق و الله قايلك انسحبت تكتيكيا...أها هاكم قصة المره الشليقه دي...
تتوسط شمس الظهيرة الحارقة كبد السماء و تهب رياح السموم الحارة محملة بالأتربة ...بقايا الأكياس الفارغة و بعض الأوراق تتطاير مع الهواء الساخن في شكل دوامات... هذا الجو الحار خلق نوع من السكون في الحي الشعبي وأصبحت الشوارع خالية الا من بعض المارة هنا و هناك وبعض الباعة المتجولين يأتون بين الفينة والأخرى.. فرغت الزينة لتوها من اعداد حلة الملاح..ثم أخذت حماما باردا وجلست لتشاهد المسلسل التركي الذي يعاد نهارا...تتابع باهتمام شديد كيف يعامل الشاب الوسيم تلك الفتاة الجميلة بحب شديد..فتهز رأسها و هي تقول..يا حليلك يا الزينة العرستي ليك راجل تجم...حياته كلها كواريك..الزينة قومي..الزينة جيبي..الزينة و يا الزينة...أخذت تقلد صوت زوجها و حركات يديه و رأسه.... دق باب الشارع بقوة دقات متتالية وملحة... تكثر الطرقات نهارا على باب بيت الزينة.. بتاع اللبن...بتاع البصل..بتاع العدة...بتاع الخدار و كلهم يطرقون بشدة على الباب الحديدي حتى بدات نتؤات صدئة على سطحه نتيجة للطرق اليومي عليه...الكل يطرق بشده لعلمهم أن الزينة منشغلة بالمسلسل.. هذا الأمر أغرى بعض اللصوص لسرقة أسرة الحوش و كراسي الخيزران زعلت الزينة على الأسرة ولكنها سرت لسرقة كراسي الخيزران...لأنها كانت تطلب من زوجها أن يرميها فكان يقول ليها دي كراسي عزيزة علي يا الزينة..ديل هدية من أبوي في عرسي..فكانت دائما ما تتمتم...حليلك و حليل أبوك انت يا يابا,,, ده منو كمان الجاي وكت المسلسل ده... ارتدت الزينة ثوبها و خرجت لتجد أنه بائع الأواني المنزلية...بتاع العده أهلا يا أحمد ده انت... أيوه يا حاجه ...كيف قيلتي.. جبت ليك الطقم بتاج الكبابي و الجكوك بتاعة الشربات الوصيتني ليهم... أها كدي أمشي أجيب ليك الهدوم و أجيك.. سمح يا حاجه..عليك الله جيب ليك قطع سمحة المره دي... دخلت الزينة ثم عادت بعد دقائق... هاك ده بنطلون عبدالله ولدي... وديل قميصين جداد حقات محمد ولدي صغرن عليهو...ما فيهم أي شئ الا بس زرايرهم مقطوعة... حسة ده قميص زول واحد..ما شاء الله بتعلفوهو علف شديد خلاص... قهرتك بالقاهر..قول ما شاء الله.. ما قلنا ما شاء الله يا حاجه...أها و تاني عندك شنو... عارفاك طماع..جبت ليك فستان حقي...و الله لحدي أمبارح دي كنت لابساهو...و الله لو ما مغرودة في العدة دي ما بديك ليهو... و الله يا حاجه الهدوم دي ما تجيب ليك العده دي..دي عدة فرنسية وغالية شديد...كده بتخسر معانا ...ما بقدر أديك.. و الله انت زبون التابا...و الله في واحد قبل كده جانا بي قطعتين بس أداني نص دستة بتاعت كبابي...لكن انت شكيتك لي الله..ما بتتقابل... يا حاجه أها عشان انت زبونة والله...أجيك من الآخر.. أها قول.. جيبي ليك جلابية تكون كويسة كده..وشيلي الطقم... طيب خليني أشوف... دخلت الزينة ثم جاءت بعد قليل بي جلابية... أها هاك دي..و الله لقيتة في قعر شنطة الحاج...ما قاعد يلبسه.. أها خلاس هاكي الطقم... فرحت الزينة فرحا شديدا بالصفقة و اسرعت لتكمل المسلسل التركي... سمعت الزينة زغاريد في الحلة فاستفسرت من جاراتها عن مكان الزغاريد فعرفت أن ابتسام بت كلتوم الجمب دكان حسن العربي..جاءها عريس مغترب و مستعجل جدا و أراد أن يعقد اليوم...فتم دعوة ناس الحلة لحضور حفل المرطبات بعد صلاة العصر ... جاء حسن زوج الزينة من العمل و أخذ ينادي على الزينة ...يا الزينة أيوه يا أخوي مالك في شنو... الزينة ختي لينا الغداء بسرعة عشان أرتاح شوية معزوم الليلة عقد بت فضل المولى... بت كلتوم... أيوة بت كلتوم...بسرعة بالله يالزينة... سمح ...سمح... تغدى حسن ثم ارتاح قليلا..ثم الى الحمام ليأخذ حماما سريعا و توضأ في الحوش و دخل الى غرفته ليلبس حتى يلحق بالصلاة... خرج حسن من غرفته غاضبا... الزينة ...يا الزينة... أيوه أيوه...في شنو.. انتي الولد الأهبل ده شال جلابيتي الجديدة.. انت ختيته وين جلابيتك الجديده يا أخوي... خاتيها في آخر الشنطة.... سسسسسسسجمي....
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
سلامات يا ناس
الرشيد...مافى شك القصة رائعة
يعنى دى لو ما كانت من الراس
للكى بورد..كانت حتكون حاجة
تانية...قصة فيها فكرة..فيها
شخصية محورية...الشخصيات التانية
وجودها يبرز الشخصية المحورية...
عنصرا الزمان والمكان موجودان..
محدودية الزمان والمكان هو برضو
قدرة من قدرات الحكى...
الشىء الوحيد الذى لم تلتفت له
هو مسألة الوصف...رغم البداية الجيدة
للوصف فى بداية القصة..لو كنت محلك
كنت بدى ليك بياع العدة ده حقو من الوصف
لانو نوعو قاعد يغش النسوان ...ويخرب دولاب
الرجال...
برافو
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
تعرفوا انا طلعت بى استنتاج :
الناس القاعدين فى البوست ده
هذه الليلة....كلهم حرامية...
الريس ميسرة سألكم ننتظر لى
يوم السبت ولا نواصل نكتب اى
حاجة ؟؟عملتوا ميتين...تخلو
الريس يمشى ينوم ...ونجيلة
المسؤول من لفحى الميلات نايم
برضو ...وتجو بى ليل تسرقوا
ليكم ميلين...
انا حأبلغ البواليس الكانوا
مقعدين زهير فى بنبر 3 ساعات
يقعدوكم فى حجارة جبريل 3اسابيع.
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
محمد صديق فككت القصة فكيك عارف العربي بتاع العدة دة لو انا مكان الرشيد كان وصفته كدي: والباب بقى يدق بي شديد الزينة لفحتلها طرحي من شناط العنقريب ومدت رويسها من الباب اكان تلقالك محمد بتاع العدة عربي نضام وكلامه كتير لابسلو سروال وعراقي باقيلي ما شافن الموية كله كله وشعره منفوش علي بوخ السليقة والخرابة تقول في حياته ما استحمى العرق في رقبته لامن نشف ابيض ابيض تقول لاتخلو لخوخة والمركوب مكدب ومليان خبوب علي قعر الزير وكتين ينشف والطحالب الفيهو ينشف معاهو والصديري اللابسو فوق العراقي كله منفخ علي عجين اللقيمات الخمراني بالحيل وشايلو تلاتي اكياس واحدا معلقو في رقبتو والايدين كل واحدي فيها كيس ومع مشيتو الاكياس يكركبن بالعدة علي الكارو الشايلو تمن ألات لبن فاضيات
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
يا جماعة و الله أشكركم على النقد البناء و الاضافات الرائعة لكن القصة لا تحتمل التطويل وهي عبارة عن يوميات تركز على شخصية بعينها و تحاول أن تعطيها أبعاد نفسية و مبررات للسلوك نفسة...و تخفت الاضاءة قليلا على الشخصيات الثانوية حتى تصل الى نهاية القصة...تنسرب انسرابا الى نهايتها دون توقف حول شخصية أخرى...بالامكان مثلا التطويل..قي خبر عرس بت كلتوم و كيف وصل الى الزينة...و يمكن التطويل في شخصية حسن زوج الزينة خصوصا أنه ارتبط بحالة نفسية للزينة في بداية القصة...و لكن ليس هذا المطلوب...
أشكركم بشده...و مرحبا بمزيد من النقد....
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
طارق..صحيح أن بتاع العده شخصية غنية و يمكن أن تكون محور لقصة مستقلة...و لكنه هنا شخصية مساعدة...و الاضاءات الكثيرة حوله يصرف القارئ عن الموضع الأساسي...أو هكذا خيل الي..
كنت أود أن أختصر أكثر من ذلك و خفت أن يصبح مخلا...فكان التطويل فأنا هنا أعتمد اسلوبا يشبه اسلوب يحي فضل الله في الوصول الى النهاية الصادمة (مع اختلاف درجات الصدمه) و بسرعة...
أشكركم تاني...فالليل عندنا أصبح كهل و عندو كوما عديل كده..
فانسحابي الآن وبعد اذنكم..استراتيجي...
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
الرشيد القصة جميلة مع وضعنا في الإعتبار حديث الخبير محمد صديق ... بسهولة ممكن نقيمها بتصويرها الرائع البيخلي الزول زي قاعد يتفرج في الموقف دا في شاشة ودي ميزة الحكي الطاعم .. وانا في راي يا الرشيد ممكن تكتب القصة الطويلة لانه لديك المقدرة علي الحكي والسرد ، والذاكرة مليئة بالمشاهد والمواقف ... إضافة للغة السهلة دون إخلال ببنية النص ... القصة دي فيها كلام كتير لكن الزول خلاص الفيهو كملت من قعاد البنابر ...
لدي أيضاً ملاحظة لكل الشباب بعض التعديلات التي تمت في المنبر أصبحنا لا نحتاج لأن نضغط علي مفتاح (enter) حتي نستعدل شكل المداخلة ، يمكنك الكتابة حتي نهاية السطر وبشكل آلي تنزل الكتابة للسطر التالي دون أن تفتل البوست ... والله أعلم
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
أبو الزوز أشكرك...و كفاية عليكم و علينا لحدي كده و تصبحوا على خير...
و أعمل حسابك من البواليس ديل المرة الجاية بقعدوك في بمبرز....
تصبح على خير يا كوتش..
تصبح على خير طارق جبريل...حسة بمبر زهير ده مش أحسن من حجاركم...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
مرات كده يا خبراء قاعد يجيني إحساس إنه نقاد الأدب ومدربي الكرة قاعدين يستهبلوا الناس ساكت ، لأن الأدب أياً كان (شعر ، قصة ، رواية ، سينما ، مسرح .... الخ) موهبة .. وما ممكن تخضع لأي قوانين ، مثلاً طارق جبريل يكتب بطريقة معينة ، ومحمد صديق عنده وسائل خاصة بيهو في التعبير ، والرشيد مدرسة لوحدها ... ومن غير الممكن أن تخضع هذه الأساليب لأي قوانين مهما كانت هذه القوانين مرنة ، ومن الذي وضع هذه القوانين حتي نقيم بها الأدب ، يعني زول زي ابو الطيب المتنبئ دا ، بهذه الموهبة العظيمة واللغة الثرة والصور الشعرية البديعة والكلام المليان دا ، وأي زول عايز يكتب ليهو مقال أو إنشاء فقرة أو خطيب أوصحفي أو اياً كان لازم يستشهد بأشعار من أبي الطيب المتنبئ ، طيب قامة زي دي منو اليتجرأ يقيم شعره ، بعدين المتنبئ دا عرف القوانين والقواعد دي وإلتزم بيها ولا القوانين دي إتوضعت وفقاً لما كتبه هو .... أو موهبة فذة زي الطيب صالح كيف الزول يقدر يقيم أدبه ولا ينقده .. انا يتخيل لي قبول المتذوق هو المعيار في مسألة الأدب دي ، كمان في نقاد يقولوا ليك شعر نزار قباني ضعيف ، في عشرات الملايين من العرب لا يعرفوا عن الشعر إلا شعر نزار قباني الكلام كتير وممكن يودينا لغنا البنات والغنا الهابط المنتشر ،، الغنا دا لو مافيهو موهبة وحاجة الناس تتذوقها لا يمكنه الإنتشار ، أحسن أزوغ قبل ما محمد صديق يطلع لي الطبنجة ...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
أماني البوست ما خلا.. سهران برايا..
الرشيد قصه ممتعه.. وجوك سقراط وأفلاطون ينظروا ليك.. قال ايه لخوخه.. ودالشيخ.. أحييك على موضوع المتنبئ.. ياربي الجمعه تجيب أكتر.. أمتعونا.. تصبحوا على خير ياحلوين..
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
تمام يا افندم جاهزين دايما هو ارباب المعاشات عندهم فرحه اكتر من المجاملا ت بس ناقصهم دار فيهو تجمع زقازيقى يومى يعيد الصبى ويوزع الفرحه ويزرع الطمانينه كيف لا وقدصلى الناس بالمسجد الصغير الملحق بالدار وها انا اراغب الاولاد بعين الرضا وسط اعمامهم الزقازيقاب ويسالك احد الضيوف انتو الزقازيقاب دى وين؟ وقبليتكم شنو وقبل ان يكمل يرد الجميع الزقازقاب ديل قبيلتهم السودان وموقعه داخل قلوبنا جميع
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
والله يا كوتش البوارج دي بلحيل بتمرقني ...
لكن عايزك تكلمنا عن كلمة (نشيل) هل كان ممكن تستبدل بأي كلمة أخري ... ما عارف أبت لي الحتة دي ... حتي لو كلمة دارجية تانية ما شرط تكون (ناخد) أو ما شابه ...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
جمعة مباركة
محمد صديق أنا عندي شك صباح التفاؤل دي كتبتها قبل ما تتخارج صباح اليوم وجيت عملت لينا فيها مشيت نمت وجيتنا الصباح... كيف العصيدة بتاعت اليوم....
أبو الزوز...ان شاء الله تكون آثار البمبر راحت...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: الرشيد قصه ممتعه.. وجوك سقراط وأفلاطون ينظروا ليك.. قال ايه لخوخه.. |
حاتم جبارة...تشكرات يا لذيذ...أنا ما قلت ليهم طالما معاي الفيتو الأمريكي مالي ومال عدم الانحياز و رابطة العالم الاسلامي...
منو فيهم سقراط و منو افلاطون...
أنا و الله سعدت جدا بتفكيك افلاطون و سقراط للفصة...و يسعدني دايما التفكيك و عدم المجاملة في التقييم...لأن المجاملة لا تفيد الكاتب بل تجعله يكرر أخطاءة...بس طلعوني في الآخر ما بعرف أوصف...و قالو لو بعرف أوصف كان رشيتها بره...أها المره الجاية برشها بره...حردان عديل كده...
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
يا بوليس يا شرطة ،،، يا جنابو يا محمد صديق الحرامية ما كانوا ناسالليل بس دائماً بسأل أسئلة في البوست ده ولكن ما بلقى دائماً إجابات يعني تطنيييش شديد هسع أنا من أمس ما قادر أدخل وكلما كتبت يقول لي مرحب بيك يا ضيف
يعني بقيت أبكم أسمع الذكريات واقرأ ولكن لا أتكلم أو أكتب سهرت معكم يوم أمس وتابعت وصول الرشيد وقرأت اليوم قصة الرشيد الحلوه وبعض تطعيمات طارق جبريل وزهير
نزلت لي لقطة من داخل الجامعة ما في زول هبب لي قلنا خلاص الميل ده ملفوح علشان الجمعية ، كما الميل ده أنا كنت لافحوا علشان عضوية الإتجاه الإسلامي وغيابهم الكبير عن البوست بس الناس دخلت وسرفت الميل 81 ده وحتى ما في واحد قال مرحب بالميل الجديد
الموضوع ده بسيط النقاش فيهو بس مكمل لبند العضوية الخاص بالجمعية
برجع ليكم تاني,,,,,,,,,,,,,
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
يا ريس معك قلبا وقالب لكن أعفينا نحن ناس لكوظ ما بنفهم في مباني الجامعه...
الرشيد ياخوي.. أعزل على كيفك.. سقراط وافلاطون فلسفتهم واحده... كتيره...
ود الشيخ ما لي في الشعر ولا النقد الموضوعي.. لكن باتفق معاك في كلمه شلنا دي.. ما جايه..
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
Quote: يا ريس معك قلبا وقالب لكن أعفينا نحن ناس لكوظ ما بنفهم في مباني الجامعه...
|
شكراً يا حبيب أنا كنت بسأل ناس زهير وعبدالدائم بس هم كبوا الزوغة برجع ليك يا محمد صديق وبتكلم في موضوع عدم إشتراك عضوية الإتجاه الإسلامي الزقازيقي .
هل هناك أسباب سياسية تمنع الولوج لهذا العالم ؟ هل يمتنع بكري عن إستيعابهم هنا ؟ هل هي تصرفات فردية وليست شئ منظم منعهم من الدخول؟ هل الصدفة تلعب دور في هذا الإمتناع؟ حكى زهير الزناتي من أنه إستلم قائمة مطولة بالأسماء من أخونا تبيدي وكذلك الدور الإيجابي القوي الذي كان يقوم به اخونا صلاح عبدالمجيد
هل بالإمكان تفعيل هذه الشريحة وزيادة العضوية وجذب جميع الأعضاء الى داخل هذه الحوش الكبير الذي يسع الكل.
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
شكرا للريس ميسرة و الأخت منى على المكالمة التلفونية...و الله سعدت كثيرا بالتحدث معكم... و بالرغم من اني كنت صاحي من النوم الا ان تخميني كان في محله حين اختبرني الريس...فتعرفت علية من صوته رغم اننا لم نتواصل تلفونيا من قبل... و هل يخفى القمر يا ريس....شكرا لكما انت ومنى... ثم أشكرك على الكلمات الطيبة بخصوص القصة...نتمنى التجويد أكثر في المرات القادمة...
سامي الأنيق...شكرا يا حبيب على الكلمات الطيبات...ان شاء الله ما يتوقف الانتاج عند الزينة...و يجي بعدها الزين وعم عبدالسميع...و الشول....بنجيكم بالمزيد الجيد ان الله اراد...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
أيًا نفسآ تخيرها القضاء الصعبْ قومى لاجل الحب هُزى اليك العشق تأتيك الدُنا وتوضأى فرحآ شيلى الصلاة ويممى نحو الاثير الدرب
قصيده رائعه للوجيه فرحات... بس كلمه شيلي دي يحتمل تكون ماجايه.. أنقد لينا الحته دي يازناتي..
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
عمر هواري الشهير بعمر بسكو ....
Quote: الأيام دي ماشاء الله ناس الزقازيق مسخنين جداً ودي حاجة ممتازة خالصطالعت كل الإقتراحات المطروحة وحقيقة أفكار بناءة جداً بس عايزة دراسة شوية طبعاً اهم طرح هو مسألة الدعم المالي والمساهمات والاشتراكات لأنه ببساطة مافيش تحرك بدون وقود وعشان كده لازم النقاش أولاً يحسم النقطة دي ومن ثم ننطلق للتالي .. تحياتي لكل الأعزاء الحلوين جداً خاصة ناس الرياض وأحيى الأعزاء كمال /مكي / احمد عوض ..والله رجعتونا لأحلى أيام حياتنا , والله أيام .. بسكو-------------------- |
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
يا جبارة دون سقرطة أو افلطة الأبيات الجميلة ، وواضح أثر اللغة والمفردة القرآنية علي الأبيات ودي طبعاً شئ معتاد في الشعر ، إلا إنه الاستخدام يختلف من شاعر لآخر .. ومنطقة شائكة لا يدخلها إلا من يثق في أدواته الشعرية .. وإستخدام المفردة الدينية به الكثير من المحاذير والتابوهات والنجاة منها شهادة ميلاد لموهبة عظيمة . بس أتفق معاك في شيلي دي الكوتش بتاعنا ظاهر عليه بيشجع تشيلي .. المهم لو بقت أرفعي أو أقيمي يتخيل لي أجمل ما عارف كلمة شيلي حاسي بيها ما جايه مع الموسيقي أو كلمة ما شعرية ،، في النهاية بتحس أثناء قراءتك للأبيات الكلمة دي وقفت في حلقك ابت تتبلع
Quote: أيًا نفسآ تخيرها القضاء الصعبْ قومى لاجل الحب هُزى اليك العشق تأتيك الدُنا وتوضأى فرحآ أرفعي (أقيمي الصلاة ويممى نحو الاثير الدرب
|
لكن برضو الشاعر ممكن يكون عنده مبرراته لإستخدام المفردة وعنده معني محدد عايز يوصله ليس في إستطاعة أي كلمة تانية القيام بهذه المهمة ...
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
سلامات يا ناس
عيد...الله يهون قواسيك..وتعال لينا
بالطاعمات....
يا ريس ميسرة...اذا فى احساس زى ده
عند بعض الناس فهو احساس غير حقيقى
اللجنة التنفيذية كان فيها صلاح عبد
المجيد..وفيها فدوى..ولعلم الناس كلها
سيرة السياسة اطلاقآ ما قاعدة تجى...
ولو راجعت كلام عبد الحفيظ الكان بعتفد
وبعد قرب عرف...الناس حقو ما تخلى الاحاسيس
تسيطر عليها وتقوم تبنى عليها احكام..تعال
عايش الامر اولا وبعد ده حتعرف...
وبقية اعضاء اللجنة الكثير منهم معروفون
بحياديتهم وعدم انتمائهم لاى تنظيم سياسى
زهير ممكن يضيف ليك ...ولو ما جا انا برسل
ليهو بارجة..
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
وقت فيها بوارج نجي جاريين .. يا ريس ميسرة ممكن يكون في ناس عندهاإحساس زي ده ، لكن زي ما قال ليك الكوتش دا إحساس ما حقيقي وممكن أحول برضك الإجابة لعبد السميع المعروف بإنتماءه للإتجاه الإسلامي . المهم ما علينا حكاية السياسة دي بايخة جداً لمن تسيطر علي عمل اجتماعي .. في الفترة القادمة سنقوم ببعض الإجراءات العملية عشان ننتهي من المسألة دي نهائياً .. ونقدر نوصل للناس كلها إنه النفوس ممكن تتطايب والناس بمختلف إنتماءتها السياسية ، الثقافية ، الاجتماعية ، الأقتصادية والأثنية ممكن تنجز ...
ونواصل تاني ..
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
دي صور بكاميرا عوض المفتاح وهو من الذين سندخل بهم الدورة الجديدة يا ناس بره يعني المره الجاية عندنا لعيبة محترفين خالص خالص ... كل صورة حا نهديها لزول يعلق لينا عليها .. اها الصورة مهداة لحاتم جبارة للتعليق
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
ازيكم يا اروع ناس والله ماشاء الله الواحد احسن بس يتابع من هنا انتو جارين واحنا جارين مع كمية مناسبات لكن والله دايما فى البال ازيكم كلكم والله مشتاقين يا حاتم وليك وحشة عفاف نجاة ابتهاج وينكم ياكافى البلا كل ما افتح البوست اما يجو ضيوف او العيال يكون عندهم مطلب ملح او اى شى يقومنى وما يرجعنى لكن والله دايما معاكم
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
زوبة حمد لله على السلامة
يا جماعة كدي الواحد يكون متشائم اكتر من اللزوم لو موضوع الجريدة دة باظ كله كله يا ناس السودان كدي ورونا لو جينا الواحد عايز ليه كم عشان يتاقلم مع الشي الحاصل في البلد يعني زوبة دي عندها تجربة انها رجعت من غربة وهسي سالكة زي الترتيب وكمان حا تعمل مشاريع امجاد كدي افتونا بالله
| |
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
كيف يا طارق اليومين دى احنا شوايقة ساكت لمن مشلخين عرضى عندى زوج خالتى الله يرحمة اتوفى الاسبوع الفات اسمة محمد احمد دقق من الشوايقة التقال الفى الثورة الشمالية كلها هنا والابيض كمان عندهم جارتهم كل يوم الصباح لما تجى بتسال اها الليلة العشاء شنو ولما سالتها لية كل يوم بتسالى قالت لى واللة الجماعة ديل بكاهم لذيذ لذة يوم قراصة مرة يوم فطير بى لبن واللة لما يكون عندهم بكى عضمنا دة بترمة من القمح والبن قلت ليها بخت ود عشة من الشوايقة للمغاربة هاك قراصة البلح بلسمن دى
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
والله يا زوبة خليتيني اقع علي قفاي من الضحك شوايقة الابيض بالغوا تعرفي اسم دقق دة والله ما غريب علي سمعتو عند امي رحمها الله
ابو الزوز الصور في السلك الصورة المهداة لي حاتم جبارة غير مبارك جادين ما عرفتلي زول ضُمة
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
يا سلام ياخ لمن يجيك صوت محمدعيد ويحمل معاه كل طيبة اهلنا والله يا محمد قعدتلي ربع ساعة مقهي يا ربي الناس ديل معجونين بي عسل ولا شيتا تاني سر الله يعلم يا الحبيب لامن عيوني رقرقن وطوالي قبلت علي بت الشيخ وقلتلا: ان بقى حصلي شي اعمام الاولاد الزقازيقاب ديل ما بيخلوكم وبيشيلوكم
شكرا يا ابو حميد والله يعدلها عليك شقيش تقبل
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: عندهم جارتهم كل يوم الصباح لما تجى بتسال اها الليلة العشاء شنو ولما سالتها لية كل يوم بتسالى قالت لى واللة الجماعة ديل بكاهم لذيذ لذة يوم قراصة مرة يوم فطير بى لبن واللة لما يكون عندهم بكى عضمنا دة بترمة من القمح والبن
|
كلام زينب دا ذكرني قصة أدروب ... جا ماشي في بورتسودان شاقي حي خور كلاب ودا طبعاً ارقي حي في بورتسودان غض النظر عن الإسم الوحش دا ، بالمناسبة وين اسامة أبتر ، المهم ،،، أدروب لقي خيمة بكي كاربة قعد جابو ليهو صينية كاربة أكل تمام ضرب المحشي واللحوم والحاجات الطيبة .. بعدما ما شرب الشاي قبل علي الونسة ... - يا سلام يا جماعة .. البكا دا خبر ولا جنادة ... - والله يا أدروب المرحوم الله يرحمه إتوفي في لندن ... - يا سلام يعني راحات يعني ...
الرشيد ومحمد عيد النبي فيكم الفيلم دا كان إتعرض قبل كده أعملوا نايمين .. ما تقيفوا لي حلقي كل مره الفيلم دا شفناهو الفيلم دا شفناهو .. ديل عجايز شنو ديل الما بينسو ديل ...
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
يا زهير بلا خجلا برضو مصر على صور نادى الضباط فيك الخير يا جبريلا بس ابقى مارق شوية عصرة وتسلك زى الترتيب وممكن بعد فترة وجيزة تكون صاحب مؤسسة صحفية كبيرة ولا دار نشر وكمان دكتور بيطرى وصاحب صيدلية كبيرة كلو ممكن
يا زهير ان بكضب فى الشينة كدى ادينى سلك هسة دى
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
زينوبه سلاماتك.. والبركه فيكم.. وعود حميد..
جبريلا جابت ليهاوصايا كمان.. خلي الجرس
الزناتي.. هلا هلا.. ودالشيخ أب شنب.. وبتنا بت الشيخ ماشاءالله .. بطل الدردقه.. هسي ناسك الفي الصور ديل بنقدر عليهم..
رجاء دي ضحكه والا زغروده.. معليش ماقدرت علي خشمي.. وقعتي سودا..
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
يا حاتم جبارة والله صاحبك أبو النور دا إنت متلوم معاهو ، أحسن ليك شد ليهو سلك ... وما تقعد تتحاوم بيجاي وبيجاي وتعمل فيها ضهبان ،، ولو ما عارف أرجع الصفحات الوراء ، ولا خلي صاحبك بتاع تلاتة يوريك إنت متلوم في شنو .؟
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
يا ود جبارة دي ما جرسة ياخ دي بيسموها ضربة استباقية
يا ابو الزوز غايتو لمن اشوف شنبك دة وجرستك مرات كدة بتذكر شكلة الشايقي والجعلي في البص: الجعلي دة قدر ما حاول يشاكل الشايقي ويطاعنو بالكلام: الشوايقة ماهم رجال.. الشوايقة دلاقين الشايقي ما اشتغل بيهو المهم قام الكمساري قعد يكورك: محطة الدايات الجعلي قام نزل فيها قام الشايقي بعد البص ما اتحرك طلع دماغو بالشباك وقال لي الجعلي: هسي دي محطة بينزلوا فيها رجال
كان قديمة استرني عليك الله
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
Quote: قصيده رائعه للوجيه فرحات... بس كلمه شيلي دي يحتمل تكون ماجايه.. أنقد لينا الحته دي يازناتي.. |
سلامات يا ناس
نرجع للاصل وهو شول وتعنى الارتفاع
اشلت الشىء تعنى رفعته
شال الميزان يعنى ارتفعت احدى كفتيه
انجليزى ده يا مرسى؟؟؟؟
| |
|
|
|
|
|
|
|