|
|
 Re: ناس الرياض ... أجدع ناس .. (Re: محمد عيد)
|
محمد عيد ياحبيب ...
والله كنا نتمنى ان تكونوا معانا
لنتشارك هذا الفرح ولكن ان ابتعدنا مكانياً
فلكم في القلب محبة مؤمنة لن يستطع الزمن السطو عليها.
هاك ياحبيب:
احمد محمد اسماعيل - واسطة العقد وجمل الشيل
لن تستطيع الكلمات وصف احمد اسماعيل "شكرا ياابو عمر ويديك العافية"
| |
 
|
|
|
|
|
|
|
|
Re: ناس الرياض ... أجدع ناس .. (Re: Hatim Gubara)
|
يرن الموبايل...الرقم رقم جلا من السودان..
آلو...كيفك يا جلا...
أنا ما جلا أنا موسى عيسى...
حتى التلفونات تقاسمتوها...
ناس تجنن...
رن المبايل مرة أخرى,,
الرقم من السعودية ولكن غير مسجل عندي...
لكن من السعودية...أكيد منصور..
يا منص...
أنا ما منصور..
الصوت مألوف لكن ده منو..
أجرب حظي...
أووووه جلال...أنا قلت جلال جاي يتم المكاواة بالدرب...
لا ما جلال...
أمكن سامي الأنيق...
سامي عبدالوهاب...
يا أخي معاك كمال الشادي...
كمال الشادي بشحمه و دمه...
يا جماعة الزقازيق دي تجنن والله...
وشكرا كمال الشادي...و الله مشتاقين...
| |
|
|
|
|
|
|
|
|
|
Re: ناس الرياض ... أجدع ناس .. (Re: الرشيد بابكر)
|
| Quote: طيب الحيقلب الصفحة منو... |
الا ننهز الريس معتصم .. يفتح جحر الدبايب ..
الصفحة لســـه يا رش ما وصلت النص ...
غايتو انشاء الله ناس الشنقيطى ديل يجوا يملوها ..
انشاء الله حكـــى ساى زى حق منصور ...!
| |
|
|
|
|
|
|
|
|
|
Re: ناس الرياض ... أجدع ناس .. (Re: محمد عيد)
|
يا حمادة لو منتظر ناس الشنقيطي ديل واطاتك صبحت..
الناس ديل أنا ضربت ليهم قبيل...سمعت ونسة ساكت
يطرشني ما سمعت لي صوت ساوند ولا حتى غناء ساكت من غير ساوند...
زهير ده غايتو بيتكلم معاي و بيلوك ليهو في حاجة...أظنها لقيمات..
قلت ليهو يا زهير...مافي غنى ضنين الوعد...قال لي نتظرين مبارك جادين
يغني ليهم الكنداكة...و الشيالين جلا و موسى عيسى...
القصة دي مطرشقة شكلها كده...أنا غايتو ماشي أنوم...انت لو مساهر
خلي طارق جبريل ده يجي يساهر معاك...شايفو لافي في البوست...و يجي
بعد شوية يقول ليك قاعد لي فوق طوبتين و قاعد لي في فوق جمر...
أنا لو محل زهير بنتظر لي يومين كده لحدي ربة الرياض دي تتنسي وبعدين
أجس النبض...أشوف أنزل ولا ما أنزل...
| |
|
|
|
|
|
|
|
|
|
Re: ناس الرياض ... أجدع ناس .. (Re: الرشيد بابكر)
|
سلامات ياناس
الميل الفات ده اخطر من يوم الخميس الفات
ما قدرت اتابع من البداية ولما حاولت اخش
الفورمة لقيت الشغلانة صعيبة خلاص...الصور ولا
الناس الفى الصور...ولا الغنا الطاااااااااعم
السمعنا بى خيالنا...ولا كلام منصور المجسد صور
تمشى على قدمين...
محمد ابراهيم ده نكتوه من وين؟؟؟
خلونا نذاكر تانى ونرجع
| |
|
|
|
|
|
|
|
|
 Re: ناس الرياض ... أجدع ناس .. (Re: جلال عثمان)
|
Quote: الله كنا نتمنى ان تكونوا معانا
لنتشارك هذا الفرح ولكن ان ابتعدنا مكانياً |
جلال عثما شكرا علي الصور...
الحفلة دي كانت وين... انا امس ما تابعت معاكم...
كنت بهاتر للاسف مع اخو في بوست كعب شديد..
وربنا يدي العافية...
| |
|
|
|
|
|
|
|
|
 Re: ناس الزقازيق ... أجدع ناس .. (Re: ياسر نجيلة)
|
اخوي العزيز.....ياسر نجيلة
شكرا علي حفاوة الاستقبال...
في الحقيقه لم أدخل البوست الا قبل ثلاثه أيام...
ويعلم الله ارتحت نفسيا عندما قراءت الكلمات
الطيبة التي كتب هنا... فشكرا لكم يا أهل الزقازيق..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: احمد محمد بشير)
|
سلامات يا ناس
عيد يا حبيب ...انا لم ازل مشروخ بالحيرة
اين الكتابات الطاعمة؟؟؟؟هذا ما قصدته ولم
اقصد التعليق على القصة...
زهير انت اخدت حقك حدبدة قبال اى زول وقلنا ليك
شكرآ يا مكانيكى من بدرى ...وبعدها استلمت الموضوع
الرشيد ..ناس الشنقيطى بيجوك
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
Quote: خلي طارق جبريل ده يجي يساهر معاك...شايفو لافي في البوست...و يجي
بعد شوية يقول ليك قاعد لي فوق طوبتين و قاعد لي في فوق جمر...
|
والله يا الرشيد موجع وساكت
مشغل محمد جبارة ((يا نسمة كيف))
بسمع واشوف في الصور واتوجع
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
السلام عليكم
ازيكم يا اروع واجدع ناس والله شوق شديد
لظروف قاهرة اتقطعت لكن متابعة شفوى مع زهير
بشكر كل السال والما سال عنى
سلسلة مرضية وما زالت بس دعواتكم
واللة جيت من عرس لقيت النت فاتح اول حاجة قلت اشوف الحاصل لقيت انو بى طيارة ما حاحصل قلت اسلم وابدا من الميل 64 لكن شكلها صباحى
الصاحى يتاوق
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
لا يجوز أن ننام دون أن نحني هاماتنا إجلالاً لناس الرياض
وهذا الجمال الدفاق .. واللمة الحلوة .. والناس الرائعة ..
صور مليئة بالجمال والبهاء والحنين .. كلها دون إستثناء تستحق
الثناء... والتعليق ... أكثر الصور التي هزتني من الأعماق
صورة الولد محمد إبراهيم نمس يا الله كم إشتاق لهذا الصديق
الجميل إبن كسلا وود تجارة ،، وصديق الزمن الجميل ...
أمانة في ذمتك يا جلال تغري محمد إبراهيم رحمة الله
كل السلام والتحايا وليس بعضه ..
لم إندهش لجمال هذه الجمع .. طالما منصور وجلال من يقف في قيادته
.....
كمال الشادي حكاية أخري ما شاء الله لا زال شباباً غضاً ,,, لا زال
مبدعاً كما عهدناه في تلك الأيام الخوالي ... وكلمته التي سطرها
هنا تستحق منا أيضاً الإنحناءة ...
وحكي منصور عن تلك الليلة ايضاً أدب قائم بذاته ,,,
لنحتفل في طول هذه الصفحة وعرضها بناس الرياض وجمالهم ...
يستحقوا منا أكثر من ذلك ... ولنا عودة وعودات ,..
لا أنسي أن ارحب مرة أخري بالصديقة زينب علها زيارة دائمة ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
صباح الهناء والسرور ...
أصبحنا وأصبح الملك لله ...
جنابو محمد مصديق ألف مبروك البيت الجديد...
إنشاء تكون عتبته فال خير عليك وعلي ناس بيتكم كلهم...
وآسف جدا لعدم حضوري أمبارح لأني كنت في عزاء وما كان في أي طريقة...
يا جلا خليتني أجلي الحاجات كلها لا قندهار ولا حتى الشاي المقنن...
غايتو جننتني الله يشفيك من جنك وجنونك...
جنابو أعتقد كدا الرقبة قزاز والسلم نايلو في نايلو ...
يعني بلاش الجيزال...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
جبريل ...صباحاتك خير ...كل اول وليهو آخر
وكل شدة الى زوال...
البادى ...احسن الله العزاء.
كده تمام ..الجيزال حنحولو لى عفاف
يا زينب منورة والف مرحب...تغيبى ممكن
لكن ما قدر ده.
حاتم جبارة ...مداخلاتك ملا عاملة زى
المذاكرة فى دار الكتب؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الحفيظ عباس)
|
ناس الرياض لا زلنا نعيش في أجواء فرحكم وفي إنتظار
المزيد من الإبداعات ... والله يا الرشيد صورنا وقصصنا
بتاعت أمبارح حا نخليها للميل الجديد حتي لا نزاحم
هذا الفرح الجميل ، ولا نضع أنفسنا في مقارنة لا
نسطيع الصمود أمامها ... وفي إنتظار إشراقات
عفاف ، حاج الركز ، جلال ، الشادي ، منصور ، سامي
وكل من كان هناك ليعكس لنا هذا الألق ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
والله ياناس الزقازيق
مازلت أمارس الدهشة
وأغالب الذهول
وأمضغ الحسرة على تلكم الأيام
وطاشي في زقاقات الزقايق
أتامل ملامحكم جميعا بدءا من منصور
وإنتهاءا بإبنة قيس
ولكني أجد نفسي
قد دخلت إلي وجدانكم النقي
وروحكم الحلوة
فأحاول أن أنتزع نفسي
ولكن هيهات
تخور قواي
وتنتصر أيام الزقائق
وتتفوق تلكم المحطة من الحياة
على كافة المحطات الأخرى
وأهيم محلقا في فضاءات التاريخ
علني أجد كوكبا أخر يكون به بريقا ولمعانا يساعدني في الخروج
ولكن كوكب الزقازيق
هو الأكثر بريقاولمعانا
فيشدني إليه بقوة
وأظل أدور في فلكه كما
دار تجمع منزل محمد صديق بالأمس
فلله دركم
يا أحلى ناس
وأطيب معشر
فحتما سيكون الميل 76 ، 77
واحة الإتكاءة لنا
ومنتجعنا
الذي ندلف إليه كلما إعتورنا هم
أوأحاطت بنا الدنيا
فلكم ولكم إلى ما لا نهايه
معزتي وأشواقي
وتا الله كلما أردت أن أحصي ذلك الوجود في
تلكم الليلة على هذه الصفحات
وجدتها تضيق عنكم
لانكم أكبر من كل الفضاءات والمساحات
فلقد ملأتم جوانحنا نشوى
والحياة بشرى فكيف لتلك المساحات
أن تسع أمثالكم
ولي قدام
وكفى
الجرسة بدات تتسلل
عشان كدي
أخير نتراوح
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
إتيني
بالصبوح يا بهجة الروح
مزيد من الصور
يا جلال وعفاف وحاج الركز
عشان نشيل الصور دي
ونضعها مع صور ناس الرئيس ومنى
بتاعت الزقازيق
في إنتظار الصوت من أحمد عوض - كمال الشادي
- عماد عثمان - ومكي
وأقترح أن يوضع كل ذلك في سيناريو من إعداد
منصور وجلا
وإخراج محمد عيد
ليكون فيلما
أقترح أن نسميه
طعم الحياة
ويوزع في CD لكل الزقازيقاب
مع منح حق الملكية الفكرية
لصاحب هذا الحوش عصام دهب
وممكن يترجم بالشايقية بواسطة طارق جبريل
بدل قعاد الطوب
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
أحبتي كلكم
أستميحكم عذرا
في أن أنوب عنكم
وخاصة الرؤساء والزعماء
كتيبة ميم
معتصم - ميسرة
في أن أقدم خالص
تشكراتنا وعظيم إمتنانا
لحبيبنا عصام دهب
الذي منحنا هذه الفسحة والمساحة من التواصل
وإمتاع الروح
ورسم لنا كنتور حياتنا الزقازيقية
فله محبتنا
وحاأزح شوية
عشان الريئس ميسرة يقلب الصفحة
ويستمر البنك حقو يا ناس البوكر
لكن والله شايف ناس الرياض
جارين تو بلوز
يعني تسعة ما بتاكل معاهم عيش
وزهير مربوطتك بتاعت محمد صديق
المافيها شادي ولا ساوند إلا تجر عليها دو
أقلبوا
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الحفيظ عباس)
|
عبد الحفيظ كدي قول بسم الله وين نحن ووين القلب
يادوبك في المداخلة 36 يعني في بداية الطريق
لا زالت هناك عشرات مساحات من الجمال والألق
(الليلةألق دي عاجباني شديدوفي أي مداخلة حا
أستخدمها بداعي ومن غيره تعبيراً عن الق ناس الرياض)
لناس الرياض عسي أن نشتم منهم ذكري أيام ولت ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
" وبشر الصابرين الذين اذا اصابتهم مصيبة قالوا انا لله وانا اليه راجعون " صدق الله العظيم
خالص العزاء للاخ العزيز / محمدآدم النور جلا فى فقدهم العظيم وللاسرة الكريمة
ونسأله تعالى ان يرحم الفقيدة ويعوض شبابها الجنة باذن الله .
وانا لله وانا اليه راجعون
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
تحية وشكر للجميع وبالأخص الذين شاركون من بعيد
ليلة يوم الخميس الفات ده والله موضوع ولا كان في الخيال
هل تصدقوا ياإخوان بعض الكلمات مثل الشفافية والإخلاص في واقعنا
الحالي نادرة الوجود لكن مع الزقازيقاب موجودة بالكوم
تتلمسها وتعيشها كمان، كما حصل معنا ليلة الجمعة, ونحن والله
نتشابه من دواخلنا اوتارنا الداخلية منسجمة تماما.
تمنيت لو الزقازيقاب صاروا حزبا منتخب من الشعب وحكموا
السودان عشان السودان يصبح مبدعا وخلاقا مليء بالقيم
النبيلة( عدل وإخلاص ومساواة ... الخ)
الأخ جلال والأخ موسى أشكركما على هذا الإطراء لكن ارجع أقول
الست انا إلا فردا زقازيقيا.
احبكم ايها العزاز الكرام حب زقازيقاب الرياض لمبدعيهم
منصور وجلال وكمال الشادي وأحمد عوض ومكي حمزة
ا
| |
|
|
|
|
|
|
|
|
|
Re: ناس الزقازيق ... أجدع ناس .. (Re: أحمد إسماعيل)
|
تسلم يا ابوعمر وشكرا على هذا الالق (دي دفرة يازهير)
والتحية لكل الذين امتدت بهم الشجون ليكونوا معنا بوجدانهم
فشكرا لكم اخوتي اينما كنتم وكيفما عبرتم
كم تمنينا ان تكونوا معنا ......
----------
زينب حمد لله على السلامة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الحفيظ عباس)
|
بالله عليكم غير الواحد يتابع و يستمتع ..
قولوا لي بس .. يعمل شنو ؟؟
ياخي أنتو حكم واللا آيات ؟؟
عجيبين أنتو ياخي !!
ديل شنو ديل ..
رايعين ما كفاية ..
تكفوا و توفوا و تدفقوا ..
حلوين لمن تجهجهوا الواحد ذاتوو ..
كان ناس الرياض و اللا ناس السودان و المغرب و أمريكا و كل فجاج الأرض ..
بحبكم و الله بحبكم ..
أبقوا ألف على خوتنا ..
و أصلو أيه الدنيا غير ..
لمة ناس في خير ..
إن شاء الله دايماً تامين و لامين و مبسوطين ..
ربي يسعدكم و يهنيكم كللللكم ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
Quote: ياريس ...........
عماد عثمان ياهو ذاتو السكرتير الرياضي
لما انت كنت السكرتير الثقافي
ومكي كان رئيس الاسرة
مش كدة وبس ... مكي فتاهو لينا وعرفنا انتو فزتوا كيف بهذه الدورة
لعبتوها صاح واديتو الجماعة سيك في قبولهم |
شكراً يا جلال على تأكيد المعلومة
هذا الفتى الأبنوسي الرائع السكرتير
الرياضي لأسرة تجارة عام 1983م كان خلوقاً
كثير الأدب وإحترام الذات يجيد لعب الكورة
بحرفنة متناهية لا يكثر من الحديث لم يكن
منظماً سياسياً معنا في ذلك الوقت ولكنه وقف
معنا وآمن بمبادئ معينه ولم يتزحزح منها
في معركة أسرة كلية حين تقاسمنا فيها عدد مقاعد
اللجنة التنفيذية بالتساوي مع الأخوة بالإتجاه الإسلامي
وكنا نبحث عن الفوز بمقعدرئيس الأسرة والسكرتارية الثقافية
وقد كان لنا ذلك كما رويناه من قبل ,,, التحية لأخونا عماد
والذي بحثت عنه كثيراً فلم أهتدي له عنوان وها هي لمة الرياض
تجمعنا معه بعد طول فراق فزيد من هذا الألق (علشان زهير) وشكراً ناس الرياض
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الحفيظ عباس)
|
والله يا عبد الحفيظ قلنا نترك المجال لناس الرياض
لينثروا لنا الفرح و(الألق) وأن تكون هذه الصفحة
(القاً) خالصاً ... ولكن يبدو حتي الآن لا حياة لمن
تنادي ... لا زال التعب والرضيخ من ليلة ذات أو زاد
الشجون يأخذ منهم كل مأخذ ....
وفي إنتظار الكوكبة الجميلة
أحمد إسماعيل
كمال الشادي
جلال
منصور
حاج الركز
عفاف ....
وحتي ضيفهم سامي ...
والله يا سامي صراحة الوجاهة عندك بالجلابية ، خرت لينا
الوجيه بتاع الخرطوم نادر فاروق .. عشان كده لازم نعمل
لينا واحدة كاربة في الخرطوم وندخل المنافسة تاني من
جديد خاصة إنه نادر الأيام دي بنيو لوك (جديد) زي ما قال
المذيع المصري ....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
مقتطفات من حفل الرياض ....
قال حبيبنا جلال عثمان :
انا شخصيا وقبل ان "تبكمنى" عبراتي نقلت بصري بين الحضور
بحجة التصوير ... وعرفت اننى لست وحدي الذي يغالب دموعه
كمال الشادي .... شكرا على كل شيئ ....
وعلى لسان والدته ... كمان قالت
والله ياولدي اتاريك عندك حق ايامك ديك من تمشي مصر تغتس فرد غتسة
لابتضرب تلفون لا بترسل جواب اتاريكم "ملمومين" مع بعض لمة السرور
والله ياولدي لامن شفت "مقالدتكم" لي بعض دي قلت اخوان وإتالقوا
ربنا يحفظكم ياولدي ويديكم الفي مرادكم
وبفلسفة سمحة عديل كده ... عبر ولدنا الفنان منصور عبدالرازق:
كل العمر كان لحظة واحدة (نعيشوا )
والشوق يرتسم
نسكر نغيب من لطفه من دله الحبيب
ومن لونه من (كرز المغيب)
واكمل رسم الصورة عملاق الزقازيق كمال الشادي :
أقسم بالله بكيت لما أولادي قالو لي مالك يابابا!!!!!!
الزقازيق زي ما قال منصور قدر ، قدر حياة كاملة
أحياناً غصباً عني احس الاشياء بنرجسية
في جزء كبير من احساسي عاملت لمة يوم الخميس بنرجسية
حاولت ابحث في اعماقي عن متعة غالية اجدها عندما اغني
لمن احبهم واحترمهم ووجدت السعادة في إمتاع نفسي بغناء
ممتع وطالع من الاعماق مليء بكل الاشجان والاحاسيس .
اها يالحبابيب باقي شنو عشان ينكتب ونعبر عنه ...
انسحاب بهدوء شديد ... طأطأ للرأس مع خلع القبعة ...
احتراما واجلالا ... لكم يازقازيقاب الرياض ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
عجبــــــــــــوني الليلة جــــــــــو....
ترسو البوست وعمــــــــــــــرو...
عجبــــــــــــــوني اولاد الــريـــــــــــاض..
والله كلكم حلوين وزينة فوق زينة...ادام الله جمعكم المبارك...
وانشاء الله دوما في توادد وترابط...
والتحية العظمي للشباب الذين اجتهدوا وبذلوا لهذا الجمع المبارك...
احبكم جميعا...
عثمان الجيلي
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عثمان الجيلي شيخ محمد)
|
سعدت كثيرا بالتحدث اليوم الى الأخ مدثر با يزيد...يا مدثر أنا شكلا أصغر
منك...ما تشوف الكوامر ناس منصور ديل تقول أنا قدرهم...
مزيد من التواصل يا مدثر وان شاء الله نلتقي يا في الرياض أو في السودان
بس خلي بالك نحن ناس لواييق...لو جينا الرياض ما بنقبل بأقل من حفلة
يوم الخميس الفات...
ياسر نجيلة...بلا شك ان ما تقوم به من تلخيص عدة صفحات من البوست لعمل مميز
و أصبح فقرة غير مسبوقة...قد يبدو الأمر سهلا ولكنه بلا شك عمل يحتاج الى جهد
كبير...
بس ما تحرمنا من باقي ابداعاتك....
عبدالحفيظ...مداخلاتك رائعة و لغتك جميلة...أرجو أن لا تنقطع طويلا...
يا ريس ميسرة...خميتنا في صور زراعة...صورت لينا اليافطات بس...كنا منتظرين
أكثر يا ريس..و على العموم يديك ألف عافية...ربما لأنك ما كنت بتعرف البؤر
الحساسة و الملتهبة في كلية الزراعة...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: يا ريس ميسرة...خميتنا في صور زراعة...صورت لينا اليافطات بس...كنا منتظرين
أكثر يا ريس. |
عدلنا عن قرارنا الذهاب إلى الكليات الأخرى
علشان خاطر أخونا الحبيب رشيد القوم ، نهديك هذه الصورة من داخل بيت الكلاوي
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
انا وصلت وين يا حبايب ؟؟
بدانا ليلتنا , ولخصناها بانها ستكون محاولة
لا نعرف مدى جديتها
فى ان نرجع نحن الى (زمان)
متعظين من محاولات ابراهيم عوض الفاشلة فى (توقيف الزمن)
قلت ليهم
الليلة عايزين نتونس زى زمان
نغنى زى زمان
نتعشى زى زمان
لما انا دائما اتفأجا بأسئلة الصغار المفحمة
من شاكلة يا بابا انتو قريتو وين ؟؟ وقريتو شنو , ومع منو ؟؟
واخوكم طبعا بيحب النقة
فأقعد اتكلم , واتكلم , واحكى , وانضم
ولكن بدون فائدة
النتيجة ان يزهجوا من كلامى الكثير , دون ان تصل اليهم الفكرة
نظرت حولى
وتيقنت قبل فترة من ايام عرض ياسر نجيلة لصور الزقازيق
ان المكان (ناس)
فحتى (فينيسيا) المدينة العائمة
لاطعم لها ولارائحة , الا فى صحبة الأحباء
قال من اين واصغى ورنا
قلت من مصر غريب ها هنا
قال ان كنت غريبا فأنا
لم تكون فينيسيا لى موطنا
هكذا تبدو الصورة اذن , لامعنى للجنة دون الصحبة الكريمة , بينما تستطيع الصحبة الكريمة ان تحول (قندهار الى فينيسيا)
, كما الرياض , تلك القاحلة الجدباء الملياااااااانة (كفلاء) غلاظ شداد, نستطيع ان نراها مدينة عائمة فى بحور الجمال
و(الألق) يا زهير , بوجود من تحب , وصحبة من تتمنى , وظلال من ترتاح
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
بدا لقاءنا فى الرياض اذن هذه البداية المحفزة
عبد القادر بابكر كان ممسكا لطفليه الباكيين فى لحظة ما
من لحظات البداية
قلت ليهو و خليهم يبكو , هم اساسا كانو فى زمان ؟؟
وصلت الفكرة الى عبد القادر
ووصلت ايضا الى بت شيخه اختنا سلمى
فكان هذا تفاعل البداية الذى يشبه شارارت الأنطلاق
لاكلام , لاقليل ولا كثير
انما ونسة وتلقائية وحكى
الا اننا اتفقنا
حتى لانكون ظالمين وغير منصفين
ان لعودة الزمان
او عودتنا نحن الى الزمان بالأحرى
ادواتها المطلوبة
او قل وسيلة مواصلتها المناسبة
ففى معضلة المكان
كانت الأدوات
اتصال مرئى , او بوستات اسفيرية كالتى بين يدينا
او بالعدم طائرات نفاثة سريعة
او بساطات ريح (متل الليلة الشاطر حسن )
فكيف لنا بوسيلة مواصلات (زمانية)
* قادرة على تحويل استراحة طيبة لمدرج تجارة او زراعة او النادى الزراعى او حتى الشبان المسلمين
* وقادرة ايضا على تحويل (جلابية منصور البيضاء المكوية) الى بدلة انيقة مقاس (32 بس)
* وصلعة حاج الركز الى (سال من شعره الذهب)
*واسنان احمد السنى (الكسيرة المفلوجة) الى عقد اللولى يابت ياحلوة يالولى
* وهدوء دكتور فاروق نصر الى زمجراته الركنية النقاشية
* واخيرا يا احمد عوض عجوز , صحن عشائك الفاخر الى عشاء من فصيلة القطر قام , او مشروباتك الباردة الممعنة فى البرودة
يا ابو عمر (احمد اسماعيل) الى شويبس يوسفى او قازوزة كاكولا , او ان نستبدل اجتهادات جلال واحمد منصور وعلى محمد عثمان التصويرية ونحول اختصاصها الى اسعد وعم جودة والصورة بريال بدل ماتكون بلوشى كده على النت ,
وعندما اكتملت هذه التهيؤات والخيالات , كان ذلك كافيا للكثيرين وانا منهم , ان يشاهدوا عماد شريف يعزف الأورغ بدل متوكل
وعلى جانبيه هشام محمد على وحيدر تجارة ويمكن كمان اميمة بتغنى فى الليل الهادىء
جلا كان لسه كايس للجن
الليجينا بى جاى
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
وبالطبع فان وسيلة مواصلات وركوبة كل زول
مننا طبعا
بتختلف فى السرعة والقوة
وبتتناسب طردا مع بعده الزمانى من حتته الزمان
يعنى زول زى العريس محمد حسين
اليادوبو متأهل
مسافته بالتأكيد العايز يقطعها عشان يصل
لذلك الزمان
بتختلف , عن مسافة دكتور فاروق نصر
ولا عبد العزيز ادريس او قمر الدولة او قدورة
عشان كده
صنفنا الناس الحاضرين فى التعريف النظرى
حسب (الركوبة المناسبة للوصول )
فبينما بعضهم لا يحتاج الا لركشة
فى ناس بيحتاجوا لأتوس مثلا
وناس كورلا
وناس برادو ولا باجيروا يمكن يصلوا ويمكن لا
وفى ناس
الشغلى بتاعتهم محتاجة لى (كومر عديييييل )
لزوم شيل العفش وكده
يلا اسفيريا
كل واحد يورينا تصنيفه
المكنة والشاسى
والموديل
عفيناكم منه
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
الحبيب الرشيد
شكرا على الإطراء
وحتما أن الروعة لم تأتي فينا من فراغ
فنحن جميعا من رحم الأم الولود والودود
الزقازيق
أخي لا أتفق معك حول صور الريئس ميسرة
حول زراعة الزقازيق
فأخي عندما نود أن نتصفح كتابا
فإننا ندلف إلي المقدمة ومن ثم
نقرأ بين طياتها ما داخل الكتاب
فإن لافتات كلية الزراعة تحمل بين أحرفها ومساحاتها البضاء معان
قل أن يدركها قلم
أو تطالها أفكار
فأدعوك مجددا لقراءة تلك اللافتات
بإجترار للذاكرة
فستجد تلك المساحات البيضاء
هي سريرتكم البضاء تلك
وحروفها هي :
زينب التجاني .
رشيد القوم
أسامة الفنان
عيد الرائع
هويدا الإنسان
ولو أكملت
لإكتملت صورة تضاهي بهاء
طلتكم
فلا تحرم نفسك أخي من
متعة النظر عبر المساحات البضاء
حتى تلجون إلى الدواخل
ومن خلال الأحرف والسطور
حتى تجدون أسمى المعاني مجسدة
فلله دركم أهل زراعة
ولك المحبة أيها الريئس
للحظات التأمل التي وهبتنا إياها
إنها القراءة بإستفهام وإستدعاء.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
ليلة الرياض جعلتني أبحث عن الشرارات الأولى التي أضرمت كل
تلك النيران...فوجدت أن الشرارة الأولى قد أشعلها البرنس
عبدالحميد...رغم أنه أصغر القوم و آخر العنقود..الا أن
فكرته التي تبناها عصام دهب و أخلص لها و أعطاها الكثير من
وقته الخاص كانت بحق الشرارة الأولى...تلك الشرارة تولاها عصام
بالعناية و الرعاية فصارت عارمة شديده الاشتعال..
ثم توالت المبادرات من لقاءات و تجمعات ورحلات و محاولات هنا
و هناك لصهر الناس في بوتقة واحدة...ثم أخذ زهير و محمد صديق
يوسعون في الأفكار و جاءت نهلة و فدوى وصلاح عبدالمجيد و غيرهم
كثيرون..أترك المجال لزهير ليتوسع في الموضوع...و كان الكيان
جمعية خريجي الزقازيق...و رغم أن الجمعية ما زالت لا تلبي الطموحات
و لا تشبع الرغبات الا أنها أصبحت الممثل الشرعي لكل الفصائل
المتآلفة..أهل السعودية و الامارات وناس الداخل بكل (ألقهم)
و كانت المحاولات و الأفكار لجعل الأمر يصبح أكثر من مجرد مجموعة
التقت على الخير و تجمعت على الحب...
كثرت المبادرات ولكن المبادرة التي أعتقد أنه كان لها فعل السحر
هي تلك المبادرة التي كان مصدرها الرجل الشفيف الرهيف محمد صديق
و التي لاقت قبولا ما بعده قبول من الدينمو زهير و الفيلسوف جلا
ألا و هي مبادرة زيارة أسر المغتربين...تلك المبادرة التي أججت المشاعر
و هيجت الكوامن...و لا اقول هذا لأنني كنت جزءا منها و لا لكي ننسب
الفضل لأحد دون الآخر..بل أقولها لمزيد من المبادرات والتي قد تبدو كفكرة
صغيرة و لكنها تصبح ككرة الثلج تكبر و تكبر حتى تسبب انهيارا
عاطفيا كما فعلت فينا حفلة الرياض نحن الذين لم نحضرها فما بالك
بمن حضرها و استمتع بها...و لا أظن أن حفلة الرياض و الزلزال الذي
تبعها في الامارات وفي السودان وفي شتى بقاع العالم حتى أمريكا
سزف تنمحي من أذهان الناس قريبا...و ما هي الا شرارة كبرى تجعلنا نقف
و نتأمل و نفكر و نأتي بالمزيد من المبادرات و ان كانت صغيرة
الا أنها و بلا شك سوف تغدو كبيرة و كبيرة جدا....
الى مزيد من المبادرات...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: البادي النور)
|
عندما ذهبنا إلى كلية الزراعة لم نجد
الطلاب لوجودهم في إجازة وكنا هناك عصراً
فدخلتها عنوةً وأخذت اصور كلما وقت على عيناي
وهناك صور أخرى لكلية الزراعة ولكننا بصدد إرضاء
كليتنا العملاقة تجارة ثم نعرج لباقي الكليات وبيت الطالبات
من خلال هذه الصورة والتي يظهر فيها المدخل مظلم ،،، حاولت أن
أذكر كل الناس بتخصصاتهم بقدر الإمكان ولجهلنا التام بهذه الكلية
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
Quote: عدلنا عن قرارنا الذهاب إلى الكليات الأخرى
علشان خاطر أخونا الحبيب رشيد القوم ، نهديك هذه الصورة من داخل بيت الكلاوي
|
يا ريس اني لجد ممنون لما قمت به من عمل رائع وجهد كبير...لم اقصد التقليل
من قدره أنما قصدت المداعبة...كما كنت أمني النفس بالمزيد من الصور...لك
الشكر و التقدير الكبيران أوي...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
...
ان تكون حضورا .. فى ليلة شاعرية ..كليلة الخميس الساحرة ..
وان تستمتع .. ايــما استمتاع بــذاك اللقاء الملائكى بهذه الوجوه القادمة من الماضى الجميل ..
وان تشـــمّخ اذناك التى ملأها صدأ السنين همــا" وغما" بتلك الأنغام التى تهز جســدك مثل
هزات اوتار الطنبور .. بذكرى و ألحان أحلى ايام العمر ومن حناجر الرائعين .. الشادى .. وعوض ومكى ..
أضف الى ذلك ان كنت انت ممن يحظون بامتلاك ناصية التعبير الجميل والوصف الســاحر للحظات
البهاء التى تهز الوجدان ... فليس غريبا عنك اخى الحبيب منصور ... ان تنداح فينا وتســـكب بمداد هذا
البوست تلك الجماليات التى أتت فى وصفك لملتقاكم العبقرى ليلة الخميس اياها ...
كأنى بك ايها العزيز .. آتيا فى شموخ ممتطيا فرس عنترة وانت تشدو بشــعره الجزل فى وصف محبوبته
بل انك كنت كمثل موتسارت ..اتيتنا حاملا قيثارته .. وملقيا على اسماعنا نغمات الشجن والحنين ...
التى فعلت ســحرها فينا وعادت بمشاعرنا الى ما يقرب من ربع قرن من الزمان ...
منصور ، جلال ، احمد اسماعيل ، الركز ، عفاف ، الشادى ، مكى ، القوز ، احمد عوض ، ... الى آخر
قائمة هذه الاوجه الجميلة ...... الله لا جاب يوم شكركم ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
سلامات يا ناس
ومساء الالق
ما زال جو ليلة الرياض يدثرنابثوب من الالق شفيف
ويبعث اشياء حبيبة كامنة فى الدواخل..عجزت عجلات
الزمن الصعب ان تنال منها....فهى ترقد هناك فى
حنايا الضلوع تنتظر من يستثيرها...وهذا ما فعله
ناس الرياض...
الحب لكل الذين كانوا هناك:
كمال الشادى
مكى
قدورة
فاروق
الابنوسى مروض الحكى ..منصور
حاج الركز
احمد عوض
احمد اسماعيل
محمد ابراهيم
جلال
سامى
هشام النعيم
مدثر
عفاف
وكل الناس الجميلة والاشبال
لكم الانحناءة ولكم التقدير
| |
|
|
|
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
احتفال الرياض الجميل
كان دفعه من الفرح
ودافعالروح النشاط الزقازيقى
انبت مزيدا من الحب والترابط والالفه
اتفق كل الناس على الهدف والمعنى
فعرفوا معنى الفرح بالرياض وجده والامارات
وكل بقاع السودان بل العالم فالانتشارعاده زقازقيه جميله
اذن
فلتكن نقطه تحول نحدد فيها ماذا نريد من الجمعيه؟
نضع الاهداف بوضوح ونوجد انجع السبل لتحقيقها من اجل
جمعيه فاعله وقادره على خدمة عضويتها وتحقيق احلامها0
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
عيد...وبعد اذن الريس حيكون فى اجتماع قريب
للجنة الداخل ...همنا الاكبر الآن وقبلها هو
التفاف ناس الداخل حول الجمعية.
========================================
كلامك عن الحنين لى ايام زمان بجيك ليهو بوقتو
وهسة انا مع جبريل القاعدلو فوق حجر..وانا قاعد
فى كرسى ومستمتع...نخلى الميل ده لى الق ناس الرياض
========================
الميل الجاى حقو نخصصوا للجمعية
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
الحبيب جبريل...ادعم فكرة الكتابة عن الطيب صالح
لكن اقول ليك...لازم تحجز ليك ميل من هسة...لانو
عشان كان ما حجزت حيجى زول يلفحو ...اصلو اليومين دى
لفحينا ما بتلحق...وعشان اكون معاك واضح انا من اللفاحين
وداير الفح لى ميل اخصصو لى حبيبنا الشاعر محمد نجيب محمد على
نصيحة: اى زول عندو ميل داير يخصصو لى حاجة احسن يحجز من هسة
عشان اللفحى وكده
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
صباح الهناء والسرور ...
أصبحنا وأصبح الملك لله ...
يا ناس الرياض إبداع منقطع النظير ...
وطبعا أنا كنت في الرياض خمسة سنوات متتالية من 2000 وحتى 2005
وكانت من أجمل الفترات التي قضيتها في السعودية ...
سكنت في حي المروج عندما كنت في مركز لكزس في أقصى شمال الرياض ...
ثم حي الملك فهد ... وخلال تلك الفترة تقابلت مع الفنان الرقم ...
كمال الشادي الذي أبدع في ليلة تجمع زقازيقاب أرض نجد وضيوفهم ...
ثم إنتقلت إلى حي الخليج ... بحكم إنتقال عملي بمركز تويوتا فرع النسيم ...
على طريق خريص ... ثم حي النسيم ... كانت فترة جميلة خصبة ...
ثم تم نقلي إلى الهفوف بالمنطقة الشرقية بمنطقة الإحساء ...
مكثت فيها فقط ثلاثة شهور وبعدها عدت طوعا للوطن الغالي ... مليون ميل مربع...
كلها محنة وحب وريد ... مع الأهل والأصحاب والزملاء ...
ليلة الرياض كانت ليلة إستثناء وما حأقدر أوصف أكثر من منصور ...
الرجل الأديب الراقي في إحساسه ... ووصفه كان بثا مباشرا ...
أخونا أحمد عوض العجوز ... وما أدراك ما أحمد عوض ...
قمة التطريب مع شخصية زقازيقابية مرحة متواضعة ...
أحمد عوض يا خي نحن كلنا بنحبك ... وبنحبك ... وبنحبك ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: البادي النور)
|
حاج الركز وفافي أمتعتونابالصور الجميلة لي ناس أصلا جميلين ...
زنوبة حمد الله على السلامة يا بت أمي وما تنقطعي ...
نشد من أزر اللجنة التنفيذية لجمعيتنا الفتية ...
نخلي الكلام عن الجمعية في الميل الخاص عشان نتبحر ونعوم وما نغرق ...
نحن عايزين ميل خاص لنصرة أخونا ود جبرين المتحجر ... حجر ... حجر ...
زيارة سامي عبدالوهاب للرياض كانت لفتة بارعة وزادت الألق ...
عمو الزناتي زول رائع وأخو أخوان وقام بمجهودات جبارة في لم شمل زقازيقاب الداخل ...
والإحتفالات الصغيرة بي زقازيقاب المهجر والشتات لما يكونو في حضن المليون ميل محنة وحب وريد ...
أقترح تخصيص ميل لأخونا الرائع النشيط زهير الزناتي والذي هو أهل للتكريم ...
يا زقازيقاب بحبكم حب ما ليه حدود ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: البادي النور)
|
شكراً يا البادي علي الكلام الجميل وإن كنت لا أستحق الجزء الأكبر
منه ، وإذا ما فتحنا مثل هذا الباب فهنالك عدد كبير من ناس
الزقازيق قدموا لهذه الرابطة أضعاف ما قدمته في صمت ونكران ذات
والحديث عن شخص وإغفال آخر قد يؤدي لحساسيات لا داعي لها ...
ودائماً ما أقول أن فكرة قيام الجمعية كان وراءها مجموعة من
الشباب منذ عام 2002 تقريباً :
نادر فاروق ، محمد حسن ، عبد الرحمن عشي وعمار رحمة الله ..
الوقت داك محمد صديق كان في الضهاري (حسع محمد صديق
الجابو شنو) ....
والرباعي دا بالذات كان له فضل جمع الشتات بالجلسات الأولي
في حدائق الهيلتون ، لا أذكر متي إنضممت لهم ولكن لاحقاً ...
وأعتقد وبعض الإعتقاد إثم أن هنالك تحركات قبل ذلك قام بها
أولاد علوم كمجموعة بدأت تلتقي من حين لآخر ، ثم دارت الأيام
وكبرت الأحلام وبدأ الناس في التوافد حتي أصبحت الجمعية علي
ما هي عليه الآن ...
وكان هنالك تحرك في إتجاه آخر يقوده تبيدي وصلاح عبد المجيد
وبالمناسبة هذا الثنائي جمع عدد كبير من ناس الزقازيق ...
القائمة التي أستلمتها من تبيدي بها ما يقارب الـ 300 إسم
بعناوينها وأرقام تلفوناتها ... وهذا ايضاً مجهود خارق لشخص
واحد استطاع أن يجمع هذا العدد في وقت طويل ،، أما صلاح عبد المجيد
فهو مرجع لديه علاقة مباشرة مع عدد كبير من خريجي الزقازيق
القدامي والجدد ... وكان حلقة وصل بين مختلف الأجيال ...
ونواصل
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: ولك المحبة أيها الريئس
للحظات التأمل التي وهبتنا إياها
إنها القراءة بإستفهام وإستدعاء. |
صباح الخير يا وجوه الخير ،،،،
أخونا عبدالحفيظ ، لكم أنا سعيد
بوجودك داخل بوستكم ناس الزقازيق
أجدع ناس وذلك لإحساسي برغبتكم القوية
بان تكونوا من من يقود هذا البوست ،،، والحمد
لله بأن وهبنا كتاب كُثر يجيدون الكلم وينمقوه
بفهم عالي ودرايه وتمكن ،،، لك مني كل الود والحب .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
هذا عن لحظة الميلاد ... ولكن ما اقسي التربية هنالك الكثيرين
الذين ما بخلوا علي الرابطة بالغالي والنفيس من وقتهم .. ومالهم
وهنا القائمة لا حدود لها ... ونخشي أن نغفل سهواً عن شخص
فنغمضه حقه .. بدءاً من ناس اللجنة التمهيدية في السودان وناس السعودية
وكان لبوست ناس الزقازيق أجدع ناس دور مؤثر في جمع الشباب
من كل بقاع الدنيا ... وإختلفت مساهمات الناس ، ولكنها صبت جميعها
في نهر هذا الترابط الحميم ... ولا زال الكثيرين يجزلون العطاء
متي ما طلب منهم ذلك ، أو أحسوا هم من تلقاء أنفسهم ...
نستجمع بعض الأنفاس ونعود لنكمل الحكي عن هذا الحلم ...
قلت ليك يا البادي فتحت باب من الصعوبة قفله ....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
رسالة مؤثرة من الفنان الكبير مكي حمزه لناس
الزقازيق أجدع ناس له كل الشكر والعرفان الجميل
****************************************************************
الاخ القامة السامقة
ميسرة لك وللاسرتك الكريمة التحية و التقدير
ارجو فتح الملف المرفق سيفتح علي وورد 2003 مع تمنياتي لكم بموفور الصحة والسعادة
لك كل الود
مكي حمزة
============================================================
شكرا ياروعة رموز الزقازيق ميسرة سيد احمد ومدام مني
وشكرا لأجدع الناس ... ناس الزقازيق.. الشفناهم والماشفناهم والسمعونا
والسمعناهم القبلنا أو أتو بعدنا ... شكرا للمجموعة الجميلة التي
حضرت لمـــة الرياض .. وكانت لحظة من عمر الزمان تفردت بان جمعت
كل الازمنة في اشخاصهم واسرهم .. بدأ منصور بتألق فنان في مقدمة عبر
عنها بعناية ومهارة .. حرك فينا .. رائعة الموصلي بكتب ليك رسالة طويلة
يا امي فكانت البداية هدية لكل أم جسدها لنا حضور والدة جلال عثمان والتي
كانت بين الحضور وهي والدتنا جميعا واستمتاعنا بوجود الوالد عثمان. والد جلال
ووالدنا جميعا ...
تلك اللحظة التي يفتش فيها منصور عن السعادة بدأت فعلا تتجسد بالمعانقة الحارة
والتي حلقت بنا فوق السحاب لايحدها حدود جغرافية او مكانية او زمانية فمن حضر معنا
فهو حاضر .. ومن لم يحضر ايضا فهو حاضر امتزج الدمع بالابتسام فكان الكل مذهل لم
استطع كفكفت دموع احمد عوض وكمال الشادي ولكن هذا كان حال الكل ما وضح وما استتر .
سعدنا باللقاء وكل عبر بطريقته وابدع حتي من كان صامتا تسمع في صمته كلام .. ومن يصور
ويرصد كان اروع جلال عثمان.. حاج الركز تذكرنا كل اللحظات الجميلة التي صنعها
الزقازقيون ... وعلي قولك شئ عجيب...؟ !!!!....
اشكر كل من ساهم في الاعداد لهذا اليوم الفريد وهم جميعهم كانوا مطرا اطفاء جز ء
مهم من حريق الشوق ومصابيح نورت بألوان لم يتوصل لها ابرع فناني الرسم . .....
الله يديهم العافية جميعا .
شكرا للجميع وبوجودكم جميعا كانت الزقازيق مميزه ... وكان لها طعم ولون وعبق ...
شكرا علي مكالمتك الهاتفية ميسرة وعلي كل تعليقاتك ومداخلتك واود من خلالك ان انقل
شكري لكل من شارك بالتعليق او بالمتابعة ..من أي موقع او مكان متمنين للجميع موفور
الصحة ودوام السعادة والفرح ..
شكرا علي الابيات التي اوردتها مع يا مطر عز الحريق .. وهي كانت يا جمالك يابلد ...
وهي ايضا للاخ زاهر الصادق عبدالسلام كلمات والحان وأول ما قدمت كانت اوبريت في حفل
تخريج كلية تجارة دفعة 1983 المصاحب برقصات من اقاليم السودان المختلفة بمشاركة
ادهشت الجميع من ناس زراعة وعلي رأسهم الاخ زاهر وكل المدهشين ...
واخر مقطع فيها كان :
كلما نرحل نسافر شوقنا ليك ما ليهو اخر
بنبدأ بيك قبال نغادر
اما ما قدمتها في حفل الرياض فقد كانت وطني عيونك ديل
وطني عيونك ديل وطني
وطني الدمعة الحزينة
وطني غضبة مسيرة
وطني الكلمة النريدها
...............
كلما القاك مقهر
وكل غيمة وليها اخر
وحبي ليك يزيد ويكبر
........
وقطعا سنواصل والتحية للجميع
اخوكم :
مكي احمد حمزة – سلامي للجميع
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
مداخلت مكي هذه لفت نظري على
التراث الفني الزقازيقي ،،، مثلاُ
قام الأخ/ زاهر الصادق - كلية زراعة - بعمل
أوبريت جميل صاحبته رقصات من جميع أقاليم السودان
في حفل تخريج كلية التجارة 1983 وهي كلماته وألحانه
وإخراجه وكان عنوانها يا جمالك يا بلد وقد أوردت منها
بعض الأبيات في مداخلة سابقة بعد حفل الرياض وكذلك
كان هناك كورال ظل لفترة طويلة يردد في الثمانيات
- وطني عيونك ديل - وقد أورد مكي بعض مقتطفات منها وهو
أيضاً كلمات زاهر الصادق وألحانه مع مشاركة محمد العصامي
- معهد تجاري الزقازيق وخريج معهد الموسيقى والمسرح -
وكذلك لا ننسى المرحوم دكتور عارف - كلية الصيدلة -
الذي ابدع في رائعته والتي كانت مدخل لفناني كثر وعلى
راسهم مكي والتي تقول في بدايتها :-
كلما تشرق شمس
تبقى من عينيك جايا
****************
وبعد ما ترحل تمش
يفضل إسمك في الحنايا
يا بلد ناساً غبش ،،،،،،،،
مكي أرجوك أكمل وبسرعة
لابد أن يكون لكل كلية حكاية ورواية وإبداع
هل نجد من يهتم بهذا التراث الجميل ويلتقطه
من الضياع والإندثار ،،، وأوجه كلامي للناس
التي تهتم بالفن والفنون وجمعية محراب الأداب والفنون
- ياسر نجيلة ، عبدالدائم ، محمد صديق ، محمد عيد ، الرشيد
وبقية القوم على رأسهم منصور .
هل في الإمكان إنقاذ وجمع هذا التراث الجميل والألق،،، ودمتم
في إنتظار مكي ،،،،،
(عدل بواسطة ميسرة سيد أحمد on 10-12-2009, 12:28 PM)
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
أجدع ناس
فعلا أجدع ناس
وأحلا ناس
سعدنا كثيرا بلقاء الأحبة بالرياض
طربنا كثيرا بشدو الشادي
وتمايلنا طربا مع أحمد عوض
وكم كانت الدهشة كبيرة مع مكي
وإستمعنا... تابعنا ... إستمتعنا مع حكي منصور الطاعم ومتناغم
ونسات مع جلال, حاج الركز, قيس, هشام النعيم, أحمد إسماعيل, عفاف, عبد المحسن دفعة, و.. و.. و...
ياخ ديل ناس حلوين حلا...
والله أنا لي يومين عايز أكتب بس أكتب شنو ولا عن منو ولّا منو وّلا منو
المكان جميل... زاد جمال بمن حضر
إتخيّل لي المكان دا لم يشهد مثل هذه الروعة من قبل
وما كنت متصور إنو ممكن الواحد يدمع لمجرد إنو يسمع مكي يتغنى ب (وطني عيونك ديل) ولا (أنا والأشواق) من حبيبنا كمال الشادي ولّا (حجبوه) مع الرائع أحمد عوض
ولّا منصور
ياخي منصور دا حلق بينا بمعاني كدا كتييييييييييييييرة عن السعادة والواقع والأحلام والزمان والمكان... و و و
وحاج الركز والجيفارات يصورو
وجلجل يكمل الصور...
وعم عثمان قاااااااااااااااعد في نصنا... ويمكن يكون لسان حالو بيقول: معقولة دي ناس الكل الكان بيجمع بينهم هي الدراسة بالزقازيق قبل حوالي العشرين سنة (أكثر أو أقل بشوية)؟؟؟؟؟؟؟؟؟؟؟؟
كم تمنيت أن أكون حكّاي زي منصور عشان ما أقيف من الكتابة وأكتب وأكتب عنكم يا حليون ورائعين حدّ الدهشة
الساعة 2:23 صباحا بدأ كمال الشادي بغناء ضنين الوعد فقمت بالإتصال بزهير الزناتي لأسمعه هذا الإبداع لكن للأسف يبدو إنو زهير كان ضرب الرز باللبن
أكتب شنو
شكرا لكل جدعان وجدعات الرياض على هذا العطاء وهذا الجمال
أقول شنو...
أقول أحبكم لما تكوركوا زاتو
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
جلال ما نسيناك ... إنت أبدعت بالصور وبالكلام الجميل المعبر ...
وكمان وجود أسرتك الكريمة واللي هي أسرتنا كلنا كان له أثر جميل على كل الحضور ...
ياخي إنشاء الله تنفعكم وإنشاء الله تكرروها مرات ومرات ...
عمو الزناتي شكرا على التواضع ونكران الذات ... لن ننسى كل زقازيقابي
قام بأعمال ولو بسيطة في سبيل تكوين الرابطة ومد جسور التواصل بين الزقازيقاب الحلوين
إقتراحي بتكريم شخصكم تم بناءا على المجهود الخرافي الذي قمت به خلال الفترة
السابقة بالرغم من كل الظروف المعوقة المادية والمعنوية...
وبالرغم من ظروف البلد المحبطة ... وبالرغم من ظروفك الأسرية ...
غايتو بهجة دي لوما كانت زقازيقابية جعلية أصليةكان زمان قطرك صفر ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: البادي النور)
|
سلام لكل شباب الزقازيق
ما جعلني أدخل لمجلسكم العامر هذا لما أكنه لمجموعة كريمة منكم من زمن مضى أجمل الذكريات واسمي آيات الشكر والعرفان.
كان ذلك عام 1990م عند حضوري بصحبة اللوالد (له الرحمة) في رحلة علاجية إلى مصر وتم استضافتنا
من قبل الصديق والأخ زهير الزناتي في مدينة الزقازيق.
قد لا أذكر اسماء الأخوة الأفاضل الموجودين في الزقايق في ذلك الزمان البعيد ، ما عدا الاخ السمؤل أبو عاقلة بحكم المعرفة المسبقة ،
ولكن والله كانوا مجموعة رائعة اتحفونا بكرمهم وصحبتهم .
وما زلت أذكر الرحلة من مطار القاهرة إلى الزقازيق بتكاسي الأجرة البيجو والشبورة الكثيقة طوال الطريق في ليلة باردة من شهر يناير من ذاك العام.
على العموم هذا مدخل سريع واستغل فرصة انضمامي للمنبر أن إسترجع معروف وذكرى طيبة لجمع منكم تستحق مني ذكرها هنا وهي دوماً معي .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: خالد أري)
|
أخونا خالد أري ...
حللت أهلا ونزلت سهلا ... نور بيتنا وشارع بيتنا يوم ما جيتنا ...
بيتنامفتوح لكل الناس البحبو الزقازيق وأهل الزقازيق ...
طالما قدماك وطئواأرض الزقازيق فأنت زقازيقابي ...
الدار دارك إتفضل والباب مفتوح ... ناس الزقازيق أجدع ناس وأكرم ناس ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: البادي النور)
|
Quote: أخونا خالد أري ...
حللت أهلا ونزلت سهلا ... نور بيتنا وشارع بيتنا يوم ما جيتنا ...
بيتنامفتوح لكل الناس البحبو الزقازيق وأهل الزقازيق ...
طالما قدماك وطئواأرض الزقازيق فأنت زقازيقابي ...
الدار دارك إتفضل والباب مفتوح ... ناس الزقازيق أجدع ناس وأكرم ناس ... |
Quote: مرحب بأخونا خالد أري في بيته الثاني
وبما انك قدمك وطأت بلاد الزقازيق والشراقوه
فإنت زقازيقي ،،،،،
نرحب بإطلالتك الحلوه والبيت بيتك . |
البادي النور
ميسرة سيد أحمد
ألف شكر وسعيد جداً بالترحيب والكلمات الطيبة وفعلاً أجدع ناس لا كما سمعت ولكن عشت وشفت .
والبوست القياسي ده ، ما شاء الله ، أكبر دليل .
وفي انتظار أخي وصديقي زهير الزناتي لتنشيط الذاكرة عن تلك الأيام .
ودمتم جميعاً على أحسن حال .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: البادي النور)
|
اجدع ناس
اريت حالكم زين
من اكبر مكاسب لقاء الرياض الأخير
ان علاقاتنا الأجتماعية ارتقت (درجة) اضافية
ان الكثير من تفاصيل الحياة عموما
تختبىء وراء تفاصيل مزعجة من (التكلف )
وتتوارى جماليات الحياة ولحظاتها المضيئة
وراء (حجاب) معتم من معرفة من حواليك (نصف معرفة)
مثل لقاءات الرياض هذه
ترفع عنك هذا الحجاب ولو لحين
ولكن (لحين) هذه تكفى لأزالة الرتوش والضباب والعتمة
فتتكون صورة البللور الزاهية المضيئة
الشفافة النقية
ولحظتها وساعتها
يتحول الادمييون الضعفاء المتكلفون
الى كتل من المشاعر النابضة
البسيطة
فيتحول التكلف الى تلقائية حميمة
وتستحيل العتمة , وتفقد قدرتها على مفاومة
طوفان النور الشفاف
حتى ليخيل لك للحظة
انك قادر على رؤية ما لم تكن لتراه بعينك المجردة
ولو حضر محمد عيد ليلتنا تلك
بنظره العلى قدره, ونضاراته السميكة
لخيل اليه ساعتها
انه قد استعار (مكنة زرقاء اليمامة) البصرية
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
---------------
هدية لى ناس الرياض :
ترى ايذكروننا
اولئك الذين يطعموننا الحنان
ايام جوعنا
اولئك الذين يفتحون فى صحرائنا نوافذ الربيع
ايام جدبنا
ايعرفون اننا بغيرهم ..بلا احد
ايعرفون اننا لهم
اولئك الذين يبسمون فى وجوهنا
اذا ادارت الورود وجهها عن اكتئابنا
ايدركون اننا نحبهم الى الابد
اولئك الذين يرقدون فى الرسائل البعيدة الامد
============================================== محمد ابراهيم ابوسنة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
السيد المسؤول عن اللفحى:
الموقر:
بعد التحية والاحترامات
طلب لفحة
========
اتقدم لسيادتكم بهذا الطلب وذلك
للفح باقى الميل حق ناس الرياض
لانهم اختفوا وخلوهو قاعد مسكين
زى اليتيم..
واتعهد الحق ليك باقى الميل ده
امات طه
ولكم الشكر
==============
بعد الصلاة كان ما رديت لى
على الطلاق اشيل عكازى واجى
دافر
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
Quote: أكثر الصور التي هزتني من الأعماق
صورة الولد محمد إبراهيم نمس يا الله كم إشتاق لهذا الصديق
الجميل إبن كسلا وود تجارة ،، وصديق الزمن الجميل ...
أمانة في ذمتك يا جلال تغري محمد إبراهيم رحمة الله
كل السلام والتحايا وليس بعضه .. |
شكرا ابوالزوز على هذا "الالق" والله يا اخوانا الكلمة دي حلوة ومعبرة
المهم ياسيدي تحياتك ل"نمس" وصلت بالكامل غير منقوصة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
Quote: أتامل ملامحكم جميعا بدءا من منصور
وإنتهاءا بإبنة قيس
ولكني أجد نفسي
قد دخلت إلي وجدانكم النقي
وروحكم الحلوة
فأحاول أن أنتزع نفسي
ولكن هيهات |
جمع كل ناس الزقازيق على قلب "عبدالحفيظ"
وفي روحه الحلوة ووجدانه النقي فنثرت هذه الدرر
شكرا ياحبيب
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
Quote: و لا أظن أن حفلة الرياض و الزلزال الذي
تبعها في الامارات وفي السودان وفي شتى بقاع العالم حتى أمريكا
سزف تنمحي من أذهان الناس قريبا...و ما هي الا شرارة كبرى تجعلنا نقف
و نتأمل و نفكر و نأتي بالمزيد من المبادرات و ان كانت صغيرة
الا أنها و بلا شك سوف تغدو كبيرة و كبيرة جدا....
الى مزيد من المبادرات... |
كلام مليان ... مليان ... ومتمسح وفيهو شئ كتير
ارجو ان لا يمر عابراً وان نقف عنده اخوتي
فهي دعوة لمزيد من التقارب المؤسس الذي سوف يثمر ان شاءالله
لو بادرنا وتقاربنا.
شكرا رشيد القوم
| |
|
|
|
|
|
|
| |
جلال عثمان
Hatim Gubara
الرشيد بابكر
محمد عيد
محمد صديق
احمد محمد بشير
طارق جبريل
زينب التجاني
عفاف علي ميرغني
زهير الزناتي
معتصم جعفر
عبد الدائم سيد أحمد
ميسرة سيد أحمد
عبد الحفيظ عباس
ياسر نجيلة
أحمد إسماعيل
عصام دهب
منصور عبد الرازق
سامي عبد الوهاب إدريس
فيس بوك
تويتر
انستقرام
يوتيوب
بنتيريست