|
|
|
 Re: ناس الزقازيق ... أجدع ناس .. (Re: عفاف علي ميرغني)
|
الأخ محمد آدم النور والعائلة
أحسن الله عزاءكم والهمكم الصبر والسلوان
في وفاة إبنة عمكم الشابة
اللهم أغفر لها وأرفع درجاتها في المهديين
وأجعل قبرها روضة من رياض الجنة يارب العالمين
وإنا لله وإنا إليه راجعون
| |
 
|
|
|
|
|
|
|
|
Re: ناس الزقازيق ... أجدع ناس .. (Re: أحمد إسماعيل)
|
صادق العزاء للأخ جلا في وفاة بنت عمه...نسأل الله أن يتقبلها قبولا حسنا
و ان يسكنها الجنة مع الصديقين و الأبرار..
وانا لله و انا اليه راجعون..
حاولت الاتصال تلفونيا بجلا و لكن تلفونة مغلق...
الرجاء ابلاغة تعازينا حتى نتمكن من الاتصال به...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ناصر جبريل)
|
ناس الرياض و الله لمتكم لمة السرور...تخلي الواحد يكره اليوم الجابو
الامارات...هنا الناس تفتش ليهم بالفتاشة ما تلقاهم وحتى لو لقيتهم
كلهم مفلهمين ومتحنكشين...
الله يديكم العافية...و مزيد من اللقاءات الجميلة...
تحياتي للجميع...و تحية خاصة لقدورة الذي اختفى...قمر الدولة شكلك
اتغير...عاطف القوز ما زلت شباب و رياضة..و كذلك صلاح السر..
لكم جميعاعاطر التحايا...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
" وبشر الصابرين الذين اذا اصابتهم مصيبة قالوا انا لله وانا اليه راجعون " صدق الله العظيم
خالص أيات العزاء للاخ العزيز / محمدآدم النور جلا فى فقدهم العظيم
ونسأله تعالى ان يرحم الفقيدة ويعوض شبابها الجنة باذن الله .
وانا لله وانا اليه راجعون
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
يا قوارير الرياض...التياب ما عندكم...كسحتو ناس أبو ظبي يا أماني
و جبتو لينا الهواء...
أماني من عاشر قوما أربعين سنة...فتي منصور بالردحي...
قيس وبنته مندمجين أيما اندماج...لاحظوا نفس الحركات...
نزلو لينا باقي الصور...وين الكوامر...
قمر الدولة وقدورة ديل لسة ما وصلو مرحلة الكوامر...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
وبشر الصابرين الذين اذا اصابتهم مصيبة قالوا انا لله وانا اليه راجعون " صدق الله العظيم
خالص أيات العزاء للاخ العزيز / محمدآدم النور جلا فى فقدهم العظيم
ونسأله تعالى ان يرحم الفقيدة ويعوض شبابها الجنة باذن الله .
وانا لله وانا اليه راجعون
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
تم إكتساح اميل 75 بسرعة الصاروخ شهاب 8
مرحب بالميل 76 والذي لن يصمد طويلاً
فنان الفوتو شوب محمد عيد ،،، ياهو ده الشغل النضيف
والله الشعار جميل وأفكارك جميلة وحلوه ،،، وأنحنا قبيل شن قلنا
أخونا ناصر جبريل مرحب بيك في بيتك ناس الزقازيق أجدع ناس
موسى عيسى نرحب بعودة الميمونة وخليك معانا وبلاش تفارق ،، تحياتي للأولاد .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
سلامات ياجدع ناس
اكتفى بهذا القدر من الصور واترك المجال لعفاف ومنصور وجلال
كان هنالك تصوير فيديو لكن منصور قال مابيعرف ينزله كيف .. واحد يتبرع بشرحه
واقترح منصور عمل سى دى يتم توزيعه للجميع ..
ولى عودة .. حاج الركز
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
.. ناس الرياض .. اجدع ناس ...
والله حقيقة تجلت روعتكم فى هذه الليلة الآتيـــة من عبق الذكرى الجميلة
الحبيب جلال - مشكورا - اتاح لى فرصة التواصل مع الحفل هاتفيا .. وشمخت أذناى
بسماع صوت العزيز كمال الشادى وهو يصدح .. رحت فى حالك نسيتنى ...
يا الله .. يا جلال ياخى ما انتو قاعدين بس فى مسرح المدرسة العسكرية او مدرج تجارة ..!!
او يمكن فى مسرح الشبان المسلمين ..؟
يا محمد عيد هاك منصور معاك ...
الو .. منصور ...
الو .. محمد عيد بالله روق شوية بعدين باكلمك ..! الحكاية شنو يا رشيد ؟؟
جلال مالكم الحاصل شنو ..؟!
والله يا ود عيد .. الناس دى كلها قاعدة تبكى .. كل زول كأنه رجع بزمنو لى ورا ..
كمال الشادى واحمد عوض و... و.. يا زول فتك بى عافية ...
أغلقت هاتفى وشـــردت بذهنى بعيدا الى الوراء لفترة طويلة ...
أفاقنى طعم حارق فى عينى ..
أخرجت منديلى .. ومســحت به دموعى التى هطلت منهما ... !!!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
والله من امبارح ملانة شجن 000وملانة كمية حاجات سممممحة
من منصور الابنوسي ما بدا التقديم ونحن زي في رحلة لزراعة
ولابعد ماغنى مكي وجاء بعده الشادي الله عليك يا الشادي
والله مش بكانا 00 زاحم لينا كل الحاجات في لحظة 000
وهنا في الصورة دي لما غتا عدى فات لمصطفى سيد احمد
والله انا متاكدة مصطفى لما غناها ما كان عنده كمية الروعة الكانت
عند الشادي بزحمة تفاصيل يوم نادر استثنائي زي امس00
والله فقدتكم كلكم 00 وكل الاماكن واللحظات الشخوص الزقازيقية لمحتها الدواخل
وبحضور قوي جدا
والله نحن اتولدنا عشان نكون زقازيقيون
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
تمام التمام يا ناس منصور واحمد اسماعيل و احمد عوض الاستاذ جلال عثمان
و كل الكوكبة الفريدة في الرياض ربنا يديكم العافية و يخدر ضراعكم وان
انشاء الله ربنا يلمنا بيكم و يلم الباقين بيكم يا ناس ياروعة بس يا كمال
الشادي نحن نجي الرياض و طالبنك حفلة حتى لو كان في البر بس جهز نفسك
و الله سعدنا باللقاء و كاننا معاكم و الصورة رائعة روعة دودي بس بالله
الحقوا لينا منصور في السي دي قبل ما يلحقوا لينا امات طه ؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
مكي أحمد حمزة خريج كلية التجارة
عام 1984 تقريياً وهو من أعمدة فناني الزقازيق الكبار
أنا سعيد بعودة هذا الفنان الراقي الرجل المرهف الإحساس
وهو يشدوا ويعود بالناس للوراء .
كمال الشادي الأخ/ الصديق الحبيب الذي ترك الغناء لسنين
كثيرة ولربما عائلته تعرف إنه فنان ولكنه فارق الغناء وحتى
لا يوجد من يطلب منه العناء ونكشف سراً لقد لقد تخلص الأخ/ كمال
من أرشيفه الغنائي ، هنا الزقازيق أعادت للشادي غنائه الذي تركه
حقيقة هيجتم شجوننا لأيام خلت وذكرى ما زالت بالخيال لم تفارقه ونحن
على البعد نتابع أخوانا بالرياض ناس الزقازيق أجدع ناس .
فنان آداب أحمد عوض كيف ولا وأنت تهيج المدرجات بأغنائي المرحوم الكاشف
لله دركم يا زقازيقاب ، وأرفعوا رؤوسكم وكيف لا وأنتم من الزقازيق القديمة .
أحبكم جميعاً.
| |
|
|
|
|
|
|
|
|
 Re: ناس الزقازيق ... أجدع ناس .. (Re: ميسرة سيد أحمد)
|
عجيبه هذه العلاقه
كم هى رائعه وجميله
ها هم زهير ومحمدصديق
ياتيان من امدرمان الى بحرى
لنذهب الى جبره لعزاء محمد ادم
ون حن جلوس يتصل منصور ليعزى ويحادث
الجميع0
رشيد القوم وعيد تسيل دموعهم وهم يتابعون
زقازيقاب الرياض ويتمنى ناس الخرطوم
لو يشاركوهم من قرب لان المشاركه القلبيه
لم تغب اصلا0
نفس هذه العلاقه التى جعلتنا نودع الاخت عفاف
وجيفاراتها بكل الود والاخاء واعرف حاج الركز
تماما رقم اننى لم التقيه بعد واسال عن مرض
اختنا زينب ووالدتهاو نزور اسر بعض اخواننا
الزقازيقاب حتى صرنا كالبنيان المرصوص او نكاد
اليست هى اخوة رائعه وفى روعتكم يااجدع ناس
يا زقازيقاااااااااااااااااااااااااااااااااب
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
زقازيقاب الرياض
إنكم لجد رائعون
روعة جلستكم تلك
وشدوكم الغنائي الجميل
وصوركم الرائعة التي أمتدت بالذاكرة
لسنوات خلن
مضمخة بعبير تواصلكم وودكم الدافئ
وتحياتي لكل المتواجدين صغارهم وكبارهم
شيبا وشبابا
أخوات وأخوان
وتحية عبركم إلى الثلاثي المبدع
مكي - الشادي - أحمد عوض
وقوليه علشانكم أحبابي جافيتم
سهرت طول الليل راجي طلاتكم
ونمت ملء العين لسمق قاماتكم
وفعلا يكون
كلام العاقب محمد الحسن صاح لما تغنى
ظلموني الحبايب وقالوا لي أنسى
من بعد المحنة العشتها همسة همسة
أنت فينا ما حيينا يازقازيق بروعة ناسك
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الحفيظ عباس)
|
أعجبتني هذه الجدارية بكلية الزراعة ولأنني
أشاهدها أول مرة رغم وجودي العريق بالزقازيق
وأعجبتني طريقة تصميمها وهي تحاكي طريقة الفراعنة
لتدوين تاريخهم ، وأنا بدوري أهديها لزقازيقي زراعة
هناك صور أخرى لناس زراعة ولكن نكتفي بذلك لنعود إلى
ناس زهير الزناتي في كلية التجارة .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الحفيظ عباس)
|
رغم روعة لمة ناس الرياض والتي حركت فينا كوامن عده بالرغم من ثقالة
منصور و برودة دمة و استئثارة بالروعه لنفسه...و لولا حاج الركز و فافي
لمتنا كمدا وغنينا يا قلبي المقتول كمد..اعصر دموع..هات غنوة لي ناس
الرياض...يا حليلهم...
و ما بين الروعه و الموت كمد...كانت قصة محمد صديق التي لم أستطع أن أكتب
عنها بسرعة...فلقد احتجت أن أقرأها مرة و اثنتان وثلاث...أما رباع هذه فأنا
أخشى ايرادها خاصة يوم الخميس والجمعة وذلك خوفا من أن يتشابه عليهم البقر
قصة محمد صديق...قصة تستحق أن تعاد في كل الصفحات حتى تأخذ حقها من القراءة
فالقصة بذل فيها محمد صديق جهدا مقدرا..تجعل القارئ يسرح مرات قبل أن يكمل
فصولها ويسبح في قضاءات رحيبة..و صيغة المخاطب تلك تحشرك حشرا في القصة
و تجعلك جزءا منها...
شكرا محمد صديق فلقد أعدتنا الى الزمن الجميل...و بطل السلفشة...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
الابنوسي منصور00 احمد عوض (احمد عوض دا حكاية براهو 00تصدقو لمن غنا مافي زول كان قاعد في كرسيهو
الاجدع ناس كلهم في المسرح00 باطفالهم 00)ودا مكي احمد حمزة 00 مكي قال ليهو 23 سنة ما غنا 00 غنا يا مطر عز الحريق 00 خلى الحريق قام في قلب حاج الركز000 وكمان غنى اغنية كانت كورال زقازيقي من كلمات زاهر الصادق 000 والله الزقازيق دي دنيا براها)
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
الف رحمة لاخت جلا
ولاسرة محمد ادم احر التعازي
في فقيدة الشباب
اسكنها الله مع الصديقين والشهداء وحسن اولئك رفيقا
با محمد صديق وزهير
امانة ما اتلومتوا معاي يعني كان كلمتونا
بالعزى عبر التلفون فيها شنو
ولا مشت اللجنة التنفيذية براها
ناس الرياض برافو برافو
يعني حفلة فيها كمال الشادي
واحمد عوض الكاشف
ومكي
تخلي الواحد يديها سجدة زي بتاعت الهادي الضلالي
لابراهيم عوض
وكمان الصور النزلت خلتنا مشدوهين نعاين
يعني حفلة من الزمن الجميل
ناصر جبريل مرحب بيك
تتصور قبيل الظهر اتذكرتك انت وين يا زول ؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: مبارك جادين)
|
يا مبارك
ما عملنا أي إتصال بس من خلال المنبر هنا لو رجعت لي الصفحة الفاتت كان
لقيت خبر التنسيق ...
بكره الساعة السادسة مساء في دعوة من محمد صديق شاي علي شرف موسي عيسي
ومن الآن بقول إنه أنا المسئول عن الدعوة دي وعشان توفير الوقت والمال
حا نعزم أهل البوست من خلال المنبر وهم :
مبارك جادين
عبد السميع دفع الله
عبد الرحمن صالح
البادي النور
عبد الحفيظ عباس
وكل من يشاهد هذه الدعوة ، ويا جماعة ما تعلموا لينا إحراج وتقولوا ما كلمونا
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
يا رشا إنت من أول يوم معزوم وعارف أي زول قرأ الكلام دا في البوست
معناها عارف والدعوة وصلته ، ولو ما جا نحن ما نخليهو ... وحا نعمل
ليهو مجلس محاسبة والعارف يكلم الما عارف
يا ناس الرياض والله ما عارف أكتب أقول شنو .؟ غايتو حاجة تفوت حد الدهشة
بهناك خلوني أكمل دهشتي وبعدين أجيكم ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
Quote: مســـــعول من الخيــر يا رشا ...
برايتكم الاسبوع ده مالها ؟؟ |
جيت لقيت بيتنا بيت اللاءات الثلاثة...
لا بلاي ستيشن...
لا تلفزيون...
ولا بوست..
و السبب ظهور جدول امتحانات المدتيرم بتاع العيال...
تم تكليفي أيضا ببعض المهام...ما قلت بغم..نفذت ساااااااكت...
لذا لاحظت غياب نجاة حوفي...و حاولت التداخل وذلك بعض أن أمنح
مهند بريكات...ثم أخيرا نام مهند و تفرغت للبوست...
و ما زلت في انتظار منصور...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
سلامات يا ناس
يا ريس معتصم شكرآ على كلامك الجميل
وانشاء الله اللمانا ما يفرتقنا.
يا رشيد يا حبيب انا ما ما عملت بتكتيك
زهير ..نزلت القصة مع لمة ناس الرياض
والناس دى كلها رايحة ليها رقصة خاصة
منص ....اللمة جميلة وخلتنا نتخيل حفلات
كانت هنااااااااااااك .
كنت واثق يا رشيد انك حتكون اول واحد
يعلق على القصة...ولم تخذلنى...بالمناسبة
القصة نُشرت بصحيفة الخرطوم قبل شهر تقريبآ
وهى من الاعمال الجديدة...
شكرآ على كلامك الطاعم عنها
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
فافي الصور بالدريب.. ماشاءالله على الطعامه.. زهرات الجيل الجديد..
جورج ماتزعل.. قصه جميله.. لكن ماعندنا ابداع رشا عشان نقول فيها ما ينصفها..
الزناتي عزومتك حقه مراكبيه واضحه..
بمناسبه موسى عيسى يخربك.. جونك الجبته فينا في مهرجان خريجين بيطره ماقادر أنساه ليوم الليله.. الحاله كنت السكرتير الرياضي وعازم تجاره عشان ننتقم..
والله غلب تجارة لينا كان حاميني النوم.. غياظين.. حلمي تشوت ليه من خط 6 ينط يطلعها عامل فيها سبت دودو..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
[centerQuote: ] وانا مشروخ بالحيرة ...أسأل :
اين محمد عيد؟؟؟؟؟؟ |
يا اخوانا انتو جنابو ده من ما رحل البيت الجديد
بقى شــغال دفع امامى بس ولا شنو ؟
خبارك يا زول ما بتقرا لا فوق ولا شنو ؟
بعدين انا امس بالليل علقت ليك على القصة
وأثنيت عليها .. جيت شكرت الرشيد براهو ... ؟
تانى شوف البقرا ليك ...
غايتو الا ترسل لينا من باقى لمـــّة باكر
ســـيرمس شـــاى مقنــن مع الزلابية ...
***************
الركز وعفاف والجيفارات ...
ابدعتم واوفيتم ...
ولا الحوجــة للابنوســى المتمرد ..!!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
| Quote: الشادى يعزف ومكى يغنى ياوطن من كلمات زاهر الصادق |
صباح الخير يا وجوه الخير ،،،
من إفرازات لقاء الرياض عودة مكي أحمد محمد حمزة - تجارة -
للغناء بعد 23سنة يا سبحان الله والمدهش أن يجتمع مع كمال الشادي
كما كنا نفعل بزقازيق الخير والتجهيز لحفلات كلية التجارة خلف الكواليس
لقد عادت عقارب الزمن لأكثر من عشرين عام ،، آآآآآخ يا زمن .
كما عاد مكي عاد كمال محمد الحسن - كمال الشادي - إلى موقعة الغناء
مره أخرى وعلشان الزقازيق وحباً في الزقازيق عاد عاد هذا الأخ/ الصديق
وأيضاً نقول آآآآآآآخ يا زمن أرحم شوية .
زاهر الصادق من الرعيل الأول بالزقازيق - زراعة - وحضر كثير من المناسبات
والوجه الآخر للأخ/ زاهر هو راجل فنان جداً ،،، كان يجيد العزف والتلحين والغناء
هكذا عرفناه أخ مهذب منظم سياسياً يهوى الفن والموسيقى وتتلمذ على يديه
كثير من فناني الزقازيق ،،، زاهر الصادق مدرسة وقامة كاملة كانت تحملها
في جنباتها كلية الزراعة ,
1-
كلما نرحل نسافر شوقنا ليك ما لهيو آخر
نبدى بيك قبال نغادر شوقنا ليك ما ليهو آخر
،،،،،
2-
يا مطر عز الحريق يا مصابيح الطريق
يا المراكبية البتجبد من فك الموج الغريق
جينا ليك والشوق دفرنا
يا نشوق روحنا ودُمرنا
،،،،،
3-
يا جمالك يا بلد
يا عقيد لولي حايم
في الصدير طافح وعايم
كنت أسمع هذه الكورالات عند حفلات التخرج - مؤتمر المستقلين -
صالة الشبان المسلمين بقيادة زاهر الصادق ومحمد العصامي ، وعاطف على
وآخرين .
ألم أقل لكم هذا الميل هو ميل زاد الشجون لقد هيجتم شجوني وعدت للوراء
حيث كانت شقتنا بوجود كمال الشادي مسرح للبروفات وخاصة حين يأتينا بدر الدين
شبين زائراً أو عماد شريف وهو يداعب آلة الأورغن .
ما لكم يا منصور وجلال وحاج الركز نبشتم هذا الحب القديم - لا تنكأ الجرح القديم
ياشباب فأني ودعت ليلاً متعب وثقيلا ،،، كانت ليلة الرياض محزنة ومفرحة في آن واحد.
,,,,,,,,
(عدل بواسطة ميسرة سيد أحمد on 10-10-2009, 07:58 AM)
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
صادق التعازي لزميلنا الزقازيقابي العزيز / محمدآدم النور جلا فى فقدهم الجلل و مصابهم العظيم ، و نسأل الله تعالى أن يتقبل الفقيدة بواسع رحمته و عظيم مغفرته و أن يعوضها عن شبابها بالجنة و التعازي موصولة لكل أفراد الأسرة و نسأل الله تعالى أن يحعلهم من الصابرين المحتسبين المبشرين برضوان الله تعالى و جنانه ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
واحييييييا تانى يالرشيد
انا حريص على اختبارات المد تيرم
بتاعت ناس مهند وامنية
زى ما يوم جمعتى امبارح كلو راح
فى تحضيرات المدارس النزلو ليها ناس احمد وايثار الليلة
وناس مجتبى وحجازى الأسبوع الجاى
لكن برضو
احييييييا على يوم الخميس الفات
الليلة يا حليلو
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
آخر اجتماع تحضيرى لى يوم الخميس الفات
الليلة يا حليلو
تم تقسيم المهام , واصدار التكاليف
فكان احمد عوض مسئولا عن العشاء
وكمال الشادى عن الأورغن والساوند سيستم
وجلال عن الأستراحة
ومنصور عن الكراسى والتجهيزات
وعفاف وحاج الركز عن برنامج الأطفال وهداياهم
واحمد اسماعيل عن المشروبات والمياه الباردة
كل هذا لم يستغرق وقتا ولا جهدا
اثقل ما فيه انه واكب تدفق الاهداف فى مرمى المعز
فى ذلك اليوم
تناقشنا ببعض عصبية من تاثير وضع هلال البلد وبدرها
عن موعد بدء الحفل
حداشر و اتناشر , تسعة , عشرة
يا ريت لو قلنا من الصباح
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
عندما بدا توافد الزقازيقاب
وتولى مدثر ابايزيد دوران القهوة والشاى عليهم
كان (محمد احمد عوض ) مصدر عالى الأدهاش لدكتور فاروق نصر
كما ان كاميرا احمد منصور كانت تعمل تصويرا وتقليبا فى الوجوه
فتحصرها جينا
ولا (تقوى) على ذلك احيانا كثيرة
ولأن على محمد عثمان حاج الركز تولى من التصوير(جانبا رقميا)
فان (دخلة ) سامى عبد الوهاب على الجمع المنتظر
تلك الأنيقة البهية
وروحة مكى احمد محمد حمزة عن مكان الأحتفال
ورفقة قدورة لى قمر الدولة
شكلت كلها مع سنون (احمد السنى )
المكسرة على شكل (فلجات )
شكلت لوحة استعصت على كل الكاميرات
الرقمية منها والمتحركة
الا اننى استطعت
وبعد مجهود مقدر وحفى
ان اسجلها وابثها على هواء مباشر
على شكل دم (مؤكسج طالع)
ودم (غير مؤكسج نازل)
مواصلاته الشرايين
ومحطاته الأوردة
وقمر بثه الأصطناعى
المكتول كمد سات
ليس فيه اى (تردد)
ولا اى (معدل ترميز)
انما
ذبذبات وذبذبات وذبذبات
على مستوى (افقى ورأسى )
تقول ثم تعيد
كل العمر كان لحظة واحدة (نعيشوا )
والشوق يرتسم
نسكر نغيب من لطفه من دله الحبيب
ومن لونه من (كرز المغيب)
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
لمن قالوا للطيب عبد الله ووصوهو
انساهو , امسح من خيالك ذكرياته
انسى كل الماضى ابعد عن طريقه وعن حياته
كانت وصية تدليس ليس الا
البنى آدم فى حياته مفطور على البحث عن (سعادة مفقودة )
قد لا تكون مفقودة بالكامل
فيبحث عن سعادة اكبر واتم واشمل
فكنا , كلنا , نبحث عن السعادة , ونحلم بها
عثمان حسين قال ليهم
هى غير ما انت فاكر , يتحدث عن السعادة ما يزال
هى فى كلمة مودة وهى فى (نبضات مشاعر)
للقلوب المابتردها اى طارق اى زائر
شايلة هم الدنيا زادها
وشايلة كل الكون بشاير
هذا عن سعادة الحس والمشاعر
فهى موجودة فى (مخزن ما )
فى (مكان ما )
فى زمان ما )
يلا فتشوا ونفتش
انا متأكد انها اليوم فى (كباية شاى المغرب فى بيت جنابو وخالدة الجديد)
زى ما كانت امبارح -ويا سبحان الله -
مندسة ومخزنة زى (فضولى بتاع مجلة ماجد)
فى بيت عزاء فى جبرة تفتش هى عن (جلا) الحزين لوفاة بت عمه الشابة
(والسعيد بى لمة زمايله معاهو )
ولكنها يوم الخميس الفات
كانت حاضرة بكميات (تجارية )
وعلى قفا من (يشيل)
حتى ان كل الحاضرين
عبوا منها عبا
وهم يهمون رجوعا الى (بيوت اكثر سعادة )
لذا فان الأكياس (الكبييييييييرة )
التى شوهدت فى ايادى كل الطالعين من استراحة طيبة فجر الجمعة
كانت (مليانة ) سعادة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
قلنا واتفقنا , فى بداية الحفلة واللقاء
انو البنى آدم ده , سمه وناره ياها السعادة الكاتلاهو وبيفتش عليها دى
وافعال (الماضى ) -مع الأسف الشديد - هى دائما سيدة الموقف
فى حالات سعادة السجم والرماد دى
كنت معاك سعيد
والليلة فى بعدك ما انانى
اصبر يمكن يفيد
صبرى ويمكن نرجع تانى
عرفت احب من قبلك مرة
انت الحب العاش فى كيانى
شفتوا كيف الحال ؟؟
المكان مشكلة ابدية فى السعادة , تكون فى الرياض تتخيل انو السعادة فى (شارع الشنقيطى )
تكون فى كسلا تحسد ناس اركويت على سعادتهم , تكون فى غياثى وتتمنى انك تكون فى ابوظبى
لمن تكون فى الزقازيق تسرح فى السعادة الفايتاك فى (الصحافة والأمتداد) , اول ما ترجع للصحافة والأمتداد
تتمنى لو انك رجعت للزقازيق , تمشى الزقازيق مع ميسرة ومنى وياسر نجيلة , تقول ما اسعد (طارق جبريل )
وهو قاعد فوق طوبته الفى الشارع ديك الهو فى الحقيقة مكجنها ويتمنى يكون مع حاتم جبارة فى واشنطن دى سى
ياكل معاهو (الوجبة الدومنيكانية الأسبايسى بتاعت آخر الليل ديك )
الحل (المستحيل والغير ممكن)
هو ان تكون فى اكثر من مكان فى وقت واحد
اتقطع ليكم انا ولا شنو يعنى ؟؟؟!!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: سامي عبد الوهاب إدريس)
|
معادلة المكان دى فى منظومة السعادة
حاول البنى آدم يوزنها ويتلاعب فيها رغما عن انها مختلة بطبيعة الأحوال
كل ما نجح فيه هو ان يقلل من التكلفة الزمنية بتاعت الأنتقال المكانى
يستطيع الآن ان ينقل نفسه من مكان بارد الى آخر دافىء
او من مكان حار الى آخر بارد
او من صحراء الى حديقة غناء
او من مكان مافيهو فلانة للمكان القاعدة فيهو
يفتش وينقب ويبحث عن الظروف المثالية للسعادة حضرته
ولكن ماذا عن الزمان ؟؟؟!!
كيف لنا ان نطوعه ونلجم (رسنه الجامح) ؟؟
من يستطيع منكم ان (يمزق) التقويم الوجود على طرف مكتبه الأيمن او الأيسر ؟؟
او يكسر شوكة الثوانى
ويطوع لجام الدقائق الفالت
عائدا بنا الى ضفاف الميل واحد
وشواطىء محراب الآداب
ودنيا الفنون
من يطلب منا ومن (خديجة همام ) ان تكتب وتسجل
ومن (صلاح عبد المجيد ) ان يبسط يده فى كوتة السكر
ومن احمد طراوة وامير خليل
من هبانى وادروب
من صلاح جلال وفاروق نصر
من زاهر ايشر وبدوى
من عصمت المكوجى وام محمد الشغالة
او حتى من (بطة الرهيب )
ان يعيدنا حتى ولو الى (حبس انفرادى )
فى زنزانة حائطها اليمين (احسان عبد العزيز )
سقفها (سناء الرضى )
وحائطها اليسار عفراء تجارة وفاتن فضل
وظلها الظليل وضؤها الرائع الجميل
نهلة بت نجم الدين حسن التوم
| |
|
|
|
|
|
|
|
|
|
Re: ناس الرياض ... أجدع ناس .. (Re: عبد الدائم سيد أحمد)
|
ومشكلة المكان
وامنية ان تكون
سوبر مان , او سبايدر مان
ولا حتى بات مان
عانى منها من عانى
محمد عيد والرشيد بابكر
تقطعوا وتوزعوا شرائح عديدة
بين جدة وابوظبى وساوث مول
الريس ميسرة ومنى يونس
كانا فى جدة , ولم يكونا هناك
كما ان دكتور احمد الفيصل الموجود مكانا فى مستشفى الشميسى
فى تلك اللحظات , كتب وصفة الزقازيق السحرية
فى كل وصفاته الطبية تلك الليلة
حتى ان صيدليات الرياض كلها او جلها
نفذ منها دواء الزقازيق الجديد
المكتوب صدقا وعهدا , كما لخبطة و(جرسة)
على كل الأوراق الملونة والبيضاء
وفلت من هذه المعادلة الفالتة (خلقة)
عاطف القوز وقيس جمال الدين
اذ انهما قطعا المسافة مثنى وثلاث ورباع
وكأنى بهم
وصلتهم (ملوخية غادة بابكر المكربنة)
ففعلت بهم ومعهم
فعل بساط الريح والشاطر حسن
اما موسى عيسى
فقد سمعته يتمتم لاعنا الأجازات البتبدى آخر رمضان دى
ناسيا او متناسيا
ان العيد
بيجى بعد العيد
احيانا
| |
|
|
|
|
|
|
|
|
|
Re: ناس الرياض ... أجدع ناس .. (Re: منصور عبد الرازق)
|
لما تكون المكاواة من شخص يمتلك ناصية الكلم
يعالج الكلمات و المعاني بمهارة الجراح و صانع
الحلي...شخص كمنصور..يتفنن في المكاواة ويذوقها
بالياقوت والماس...تشعر أن درجة حرارتك قد ارتفعت
الى الحد الذي لا تنفع معه وصفات أحمد الفيصل...
ثم يأتي عبدالدائم و يزيد الطين بله...و يوصف
الجلسة بأنها ما منظور مثيلة ويمعن في الأذية
و ينزل ضنين الوعد حتى و ان كانت بصوت الكابلي
و ليست صوت الشادي...تصيبك حالة من الجنون تجعلك
تتجاهل كل محاولات منصور الأخيرة في تلطيف الأجواء
بسؤالة الفلسفي في أين تكمن السعادة...يعني نحن
لو أستطعنا الاجابة على هذا السؤال كان اتجرسنا
و لا كان احتجنا الى صورك...
لا نملك اجابة على سؤالك ولا نريد الاجابة عليه...
كل ما نريده أن يجمعنا الزمان والمكان في تجمع كهذا
لنشعر بالسعادة أولا ثم نبحث بعد ذلك عن اجابة لكل
هذه التساؤلات....
و أخير ليك تبطل المكاواة دي...
| |
|
|
|
|
|
|
|
|
|
Re: ناس الرياض ... أجدع ناس .. (Re: الرشيد بابكر)
|
أثناء مذاكرتي مع ابني مهند مساء البارحة...كانت هنالك الكثير من
الأسئلة الصعبة التي أطلقها مهند الواحد تلو الآخر...و معظمها كانت
عندما كنا نقرأ سورة الفلق...و استطعت بنجاح منقطع النظير ان أنجو
من تلك الأسئلة...
ثم سألني سؤالا اعتقدت انني أجبته جيدا حتى هذا الصباح...
يا بابا ليه المدرسه كل يوم...و ليه بنمشي early ...
يا ابني المدرسة ما early لكن انت بتنوم متأخر وبتصحى تعبان...لازم
تنوم early عشان تصحى نشيط ...OK ...
ok يا بابا...
طيب ليه المدرسة كل يوم...
المدرسة ما كل يوم عندك الجمعة والسبت اجازة...ترتاح فيهم و تلعب شوية
و تذاكر شوية..و تمشي المدرسة يوم الأحد...عشان تتعلم ولما تكبر تكون
دكتور ولا مهندس...ok ....
OK يا بابا...
و قلت طالما الولد اقتنع يبقى اتحلينا...و هذا هو المطلوب...
صحيت صباح اليوم على صوت المنبه...شعرت بالضيق لضرورة القيام من السرير
و اجابة دعاء العمل...سمعت صوت مهند في غرفته..عرفت أنه استيقظ مبكرا
ناديتة فحضر مسرعا...
نعم يا بابا...انت ماشي الشغل...
أيوه ماشي الشغل...لكن انت تسأل من أمبارح...خليني أسألك أنا...
ليه الشغل كل يوم... وليه بنمشي الشغلearly ....
عندك اجابة ولا أتوكل على الله أمشي شغلي...
| |
|
|
|
|
|
|
|
|
|
Re: ناس الرياض ... أجدع ناس .. (Re: منصور عبد الرازق)
|
رجعنا لنناقش معضلة الزمان
بعد ان تلاعبنا بمعادلة المكان
تلاعب مازيمبى بشباك ود خالة البادى النور
وغسلناها ومسحناها
مسحة رفعت نور الدين لى شقتنا فى ليلة زقازيقية ماطرة
(ذات طين لازب)
وبريناها واستبريناها
برية نجاة وزينب وياسمين وابتهاج ومنى يونس ورشا (ياسر نجيلة ) وامانى (منصور)وخالدة
لأقلام رصاص وليداتهم
عشية امتحان المد تيرم
ثم نشفناها وعلقناها ونشرناها
(عليقة زهير الزناتى للحمة فى قندهار )
واجهزنا عليها وقتلناها فماتت
واصبحت أثرا بعد عين
تماما كفريق ليس اول اسمه (ميم )
ولا اوسطه وآخره (ريخ)
لأنه الفريق الوحيد فى الدنيا دى كلها
الممكن يكون لاعب فى عطبرة
ومنسحب فى الخرطوم فى نفس الوقت
وبعد ده كلو
ممكن يعيدوا ليهو الكورة فى عطبرة او بورتسودان
| |
|
|
|
|
|
|
|
|
|
Re: ناس الرياض ... أجدع ناس .. (Re: منصور عبد الرازق)
|
والله (الكاواى ) ياهو جلال ده يا الرشيد
انا ما قلت ليك زول حكى ساى
كمان عفاف وحاج الركز
عاملين فيها ولا اسعد بتاع زراعة
الدائما بيغيب ليهو يومين من الكلية
بعد اى حفلة ولا رحلة يصورهم
لكن نحن اتعلمنا من حاج الركز وزهير التكتكة الأسفيرية
قالوا الصور فى بدايات الأميال
عشان ما تضيع فى الرجلين
زى قصة جنابو الطآآآآآآآآعمة ولذيذة
لمن فى بداية الحفلة طرحنا معضلة الزمان
كمتغير تنبنى عليهو السعادة
امننا فى الأول وسلمنا كمان
انه توقيف الزمن مستحيل
زى امكانية وجودك فى مكانين او اكثر فى نفس الوقت
لو ده كان ممكن
كان ظبطت مع اخونا ابراهيم عوض الليهو كمين سنة كده بيحاول ويقول
يا زمن وقف شوية
واهدى لى لحظات هنية
وبعدها شيل باقى عمرى
شيل شبابى شيل عينيا
ولمن نحن امنا بالجزئية دى , ولقيناها ما ممكنة ومستحيلة
قلنا نشيل عفشنا ونرجع نحن لا ورا
نجيب عفشنا القديم
قلنا للناس الحاضرين
انتو الليلة بعين الخيال
فى زمن تانى
زمن ماشى وزمن جايى وزمن لسه
نشوف الماضى فيهو باكر
واريتو باكر يكون (هسه)
| |
|
|
|
|
|
|
|
|
|
Re: ناس الرياض ... أجدع ناس .. (Re: جلال عثمان)
|
ثم جانا الازانا وطلع ميتينا ....
احمد عوض وما ادراك ما احمد عوض ودستورو النازل في الانتفاضة
والجم السنتنا لاما وصل للحتة بتاعت
يا قيسنا هوي ....
منصورنا هوي ....
سامينا هوي ....
كمالنا هوي ...
معددا كل الحضور الوضئ من ناس الزقازيق
وصولا ل:
حريمنا هوي .... ولادنا هوي ... بناتنا هوي ...
وحتى الخبراء الاجانب لم ينجوا من ابداعات أحمد عوض
ابونا هوي .... والدتنا هوي ....
ينصر دينك يا احمد عوض
| |
|
|
|
|
|
|
|
|
|
Re: ناس الرياض ... أجدع ناس .. (Re: جلال عثمان)
|
Quote: جلال لو عندك باقي صور يلا نزلها علشان نعود
لناس كلية التجارة وتربية وآداب من داخل الزقازيق |
سلامات ياريس ....
والله كانت ليلة ما منظور مثيلا
ياخ منصور ده بس نقول الله يديهو العافية
وانا قاعد كل ما ينسا شئ بديهو لكزة واول لكزة يتاعت التصنيف
كوامر - برادو - كامري - كوريلا - اكسنت
بقولا ليكم براهو
الصور بالكوم انا خايف ما اقدر اكملها لغاية اللمة الجاية
| |
|
|
|
|
|
|
|
|
|
Re: ناس الرياض ... أجدع ناس .. (Re: ميسرة سيد أحمد)
|
Quote: كنت مبسوط في الحفلة لدرجة اتصلت هاتفياً على كل من
ميسرة سيد احمد
عثمان الجيلي
زاهر الصادق في السودان
ولا واحد رد |
هاتفني كمال الشادي تاني يوم لهذا اللقاء (الجمعة) مساء
وقال لي في الهاتف تماما كما كتب لكم اعلاه
النتيجة كانت ان قال لي اولادي كما قالوا له اولاده
بابا انت مالك؟
| |
|
|
|
|
|
|
|
|
|
Re: ناس الرياض ... أجدع ناس .. (Re: جلال عثمان)
|
Quote: كنت مبسوط في الحفلة لدرجة اتصلت هاتفياً على كل من
ميسرة سيد احمد
عثمان الجيلي
زاهر الصادق في السودان
ولا واحد رد |
عندما كان أخونا الشادي يهاتفنا كنت ومعي
مدام منى يونس على الخط الآخر نحادث ونغازل
منصور وجلال وأحمد السني وسامي عبدالوهاب ،،،،،،
على الهاتفي الاخر -0568340802-
صورة سامي عبدالوهاب خطيرة يظهر إن الراجل
محافظ كبير زي محافظ البنك المركزي ،،، ربنا
يديل العافيه يا حبيب .
| |
|
|
|
|
|
|
|
|
|
Re: ناس الرياض ... أجدع ناس .. (Re: Hatim Gubara)
|
يا جلال رغم المكاواة...الله يسعدك ويسعد مساك...صور غاية في الابداع...
كمال الشادي ليس مبدعا عندما يغني فقط...مبدعا أيضا عندمايكتب...
لم نسمع أنا و الأشواق يا شادي لكننا أحسسنا بها...
سامي عبدالوهاب...سامي الأنيق...و الله حضورك للرياض أضفى على اللمة أناقة
و ألقا...
| |
|
|
|
|
|
|
|
|
|
Re: ناس الرياض ... أجدع ناس .. (Re: معتصم جعفر)
|
Quote: احيييييييييييييييييا بامنصور وياجلال
الساعه 6وربع وانا لسه بهدوم الصباح اقراء واعيد
النقوم ناخد دش
ساعتذر ل محمد صديق عن التاخير بسببكم
وراجع ليكم انشاالله |
والله ياريس فقدناكم ... كانت ليلة من الزمن الجميل
برع فيها ناس الزقازيق بإعادة الزمن للوراء
وبدون مبالغة ياريس سألت الوالدة عن رأيها شنو في اللمة
فما كان منها الا ان أجابت بدون تردد:
والله ياولدي اتاريك عندك حق ايامك ديك من تمشي مصر تغتس فرد غتسة
لابتضرب تلفون لا بترسل جواب اتاريكم "ملمومين" مع بعض لمة السرور
والله ياولدي لامن شفت "مقالدتكم" لي بعض دي قلت اخوان وإتالقوا
ربنا يحفظكم ياولدي ويديكم الفي مرادكم
للاسف لم اجد صورة للوالدة "ربما عفاف لديها" ولكن ادعو معي للوالد بالصحة وطولة العمر
| |
|
|
|
|
|
|
|
|
|
Re: ناس الرياض ... أجدع ناس .. (Re: جلال عثمان)
|
العريس محمد حسين والزقازيقي الصادق عيسى (شقيق موسى عيسى)
بالمناسبة اللمة الجاية "احتفالا بالعريس محمد حسين"
حاج الركز وعبدالمنعم عبدالله
عبدالله بشير وعلي احمد يوسف - تجارة ياشطارة
| |
|
|
|
|
|
|
|
|
|
Re: ناس الرياض ... أجدع ناس .. (Re: جلال عثمان)
|
والله يا جلال ...
الواحد زى كان جيعاااان ... وفجأة لقى الصوانى مطرووووشة قدامو
او كان عطشــــان ولقى جرادل العرديب والتبلدى حوالينو ...
او كان خرمااااان .. ولقى ....... ( كل واحد يخت كيفه ) ...زجنبو ...1
يديكم الف عافية ...
| |
|
|
|
|
|
|
| |
عفاف علي ميرغني
زهير الزناتي
معتصم جعفر
أحمد إسماعيل
الرشيد بابكر
ناصر جبريل
محمد عيد
ميسرة سيد أحمد
منصور عبد الرازق
Hatim Gubara
موسي عيسي
مدثر أبا يزيد
عبد الحفيظ عباس
طارق جبريل
محمد صديق
عبد الدائم سيد أحمد
عصام دهب
سامي عبد الوهاب إدريس
جلال عثمان
فيس بوك
تويتر
انستقرام
يوتيوب
بنتيريست