|
|
 Re: ناس الزقازيق ... أجدع ناس .. (Re: محمد آدم النور)
|
اها يا جماعة ما قلت ليكم...
يعنى يا منصور وجلا فيها شنو ... ما انا كنت عروس وخايفة على حنتى من برى المفراكة وحلة البرستو الروسية جابتها لى امى وعاجبانى... تعرفوا شنو كانت المشكلة انه ما جنبنا بتاع خضار كنت جريت جرى جبت لى بامية ولحقت نفسى اما الكيك فى الايام الاولى السمن والبيض الدفقته كان
يبنى لى بيت.
يا جلا احى امك البتمشى الناسبات البعيدة كدارى ربنا يخليهم ليناكلهم.
نجاة حوفى
| |
 
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
ازيكم00
محمد صديق مساك حلو
الرشيد ونجاة الليلة جانا العيد تاني
انا من زمان ما باكل القراصة 00 لما اتزوجت حاج الركز جنو اكل قراصة
تصدقوا يا جماعة ياكلها مع الفول !
امي قالت لي الشاطر فيكم يكسب بمعنى هويكسب لو علمني اكلها 00 وانا اكسب لو
طيرتها ليهو من راسه
من اول اجازة امي عرفت الشاطر منو؟
غايتو زول بيتكتك احسن منو ما لاقاني
امي مندهشة
احبكم 00
الليلةح انزل ليكم صور رحلتنا لجدة 00 لاني كنتكنت منتظرة الريس ميسرة ومنى الغالية يرجعو بالسلامة
فمعليش يا ريس للتاخير
انتو وين الريس معتصم؟
يا جلا تشكرات اسفيرية مجنونة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
محمد صديق
والله لما قريت خبر وفاة خالتي عواطف قلبي وجعني شديد
كانت صديقة للوالدة
وبنعرف اغلب افراد اسرتها في رفاعة وعمان والدلنج كمان
ربنا يرحمها ويصبر اهلها
الرشيد ونجاة وجلا اتصالاتكم مسحت معاها حالة حزن
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
بعد ان استمتعت ب70 لقيت نفسي برد في 71
يعني وقعت بردلوب في 71 لقيت الحوش فاضي قلت النكتب لي حاجة
اولا اضم صوتي للكوتش جورج في الترحيب
بنجاة حوفي-منى يونس -وعرفة
وانا بقول دايما انو باس وردك انت والمدام واحد وكما الاغنية
انا وحبيبي روحين في زكيبة
اتعلموا منا الحبيبة
طبعا امنية تعرف منى وعرفة فقط
لذلك فان انقل تحياتها لهن (هاك نون النسوة دي يا جورج)
ثانيا اليوم الظاهر الناس كلها ضابحة اكل بلدي
فقط فطرنا به مع العريس صديقنا الشيخ الشوين
وذهبت ناس ابوي لقيت الغداء برضو ملاح شرموط بكسرة
يعني اكلنا حتى اصابتنا التخمة
انا وايهاب وماهر اولاد عمي كملنا صحنين
وجابوا لينا ملحق كسرة وملاح
ومعاهم كورة شطة انسانية يا زهير الزناتي (للذبن لا يعرفون فان الزناتي من احرف الناس في اكل المطاعم يعني ممكن يكون عزابي ابتهاج في البلد مثلا ويعزمك في البيت تمشي تلقي امرقيقة وملوخية ومحشي يعني عزابي من الخليج ما يقدر يعملها)
ثالثا يا جورج انا اول المعلقين على
الشاب القالب هوبة في البلكونة
يعني صاحب الحق الاول في الرد
تفوم ترد على الناس التانين
وتنساني انا
دي عشان ما تلوم جبريل
رابعا سلام مربع للريس ميسرة ومنى يونس
يمناسية العودة
يعني متعتنا في 70 وننتظرك في 71
في حكاية جديدة
يا منى تحياتي ليك وللاولاد
شكرا بالترحيب والعودة
يا جلال
يا عثمان الجيلي
يا جلا
والذي اثبت انو فكي اكثر من النطيف
احبكم حب ام جلا للمجاملة والمشاوير الكداري
واهديها كلام حميد
عشان يا ام الرحول ما تنكسفي يوم
لو جارتنا جن لصفاح اوبيريك نجاح
وايه الدينا غير
لمة ناس في خير
اوساعة حزن
انا ماشي انوم بعد ده
امسكوا الوردية
ياناس الليل
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
يا سلام عليك يا عفاف محتفظة بذكريات جده الحلوه يا ريت تعيديها تاني
منى يونس المايكروفون عند الريس
يا ناس ورديت الليل منى يونس جابت لينا كورة الرز باللبن
وكنا تاهين خارج البيت رجعناراجعنا المكتوب في نهاية الميل 70
ومبروك الميل الجديد 71 وتصبحوا على خير
نعاود بكرة مع ناس ورديت النهار .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
يا عفاف متابع معاك ، ما شاء الله إستوعبتي مسألة الصور سريع
في ناس هنا نزلوا صور بعد سنة ... وفي حقيقة علمية بتقول
الناس الصغار بيتعلموا سريع ، بعدين لاحظتي معاي الجلاكين
أنسحبوا واحداً تلو الأخري كل يحمل كوريته برزها باللبن ..
وهاك يا شخرة ... بداءً من الرشيد ، مبارك ، ميسرة .... الخ
بالمناسبة وين الولد جلال وسامي في ناس كتار غايبة ومطنشة ..
البت روفي عملت ياك وقامت جارية ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
يا زهير عليك الله شوف الصورة دي متناغمة كيف
من اليمين :محسنة ميسرة00عمر محمد عثمان00 منذر ميسرة 00علي محمد عثمان
والصورة في مطعم باب الحارة في ساوث مول بجدة
والله يا ناس جدة خجلتونا عديل بكرمكم
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
يا ريس انشاء الله الصور تكون عجبتك
وشكرا ليكم يا ناس جدة ولاسركم تاني مرة
وفي انتظار صور مصر يا منى
يا زهيرانت الوحيد المعاي في وردية الليل الليلة
لكن يا زميل استاذنك عايزة الف على الحيشان البرة دي
ابقى عشرة على البوست
اوعى يا بهجة من الرز باللبن
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
اللهم انى اصبحت بك فى نعمة وعافية وستر فاتتم نعمتك على وعافيتك وسترك يا رب العالمين.
صبحكم الله بالخير والعافية والسرور...
يعنى ما شايفين منو الشاطرة القلبت ليكم الصفحة...
الحمد لله ما فى واحد من المتابعين المركزين شاف موضوع البامية الفضحنى بيها الرشيد بابكر ..والله يا اخوانا البامية دى من سنة 95 وانا كنت عروس جديدة..
المركزين ديل هم منص..جلا .. محمد صديق ..وبناءا عليه اطالب بلجنة تقصى حقائق.. فقط لكل المحترفين( البحبوا اكل البامية المفروكة) اللجنة مدعوة فى بيتنا فى ابوظبى عشان يقيموا البامية بتاعتى بالشماااااااار الشديد حسه بعد الاحتراف واقول ليكم شى التذاكر على...انا ام مهندقايلنى برجع فى كلامى...
جادين منور..
صور جدة نضييفةفافىالناس دى مالها كلها شعرها اسود ومسبسب!!!.وين ابو صلعة استايل يا ناس رسلوا ليه زول لامريكا يفقده.
دمتم سالمين
نجاة حوفى
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
صباح الخير يا وجوه الخير ،،،،،،،
وصلت الصور يا عفاف على جناح السرعة
الذكرى جميلة وحلوه حاولوا كرروها تاني ونحن في إنتطاركم
صور الزقازيق على الأبواب.
عارف يا جبريلا صورتكم الحديثة جميلة جداً وحلوه بس لازم تتبخر
الظروف ما معروفه ،،، نجاة حوفي قلبت الصفحة وكان ده أول تعليق بيني
وبين منى يونس بس كنا خايفين يجيك واحد ناطي ويلخبط المحيط الإسفيري ويدخل
من الباب الخلفي لأنه عملوها فينا كتير ناس البادي وآخرين.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
صباح الخير ...
يا جماعة الريس معتصم دا من يوم جا وقال مدبرس تاني ما سمعنا خبره . أفقدوه يا ناس السودان.
****
وكتار مسجلين غياب .... ما في داعي نجيب لستة الغياب ونديها الريس ميسرة ...
***
الليلة عايز أحكي ليكم قصة الملوخية .. الصباح توجهت للمحطة الكبيرة
عشان نجيب الملوخية الكاربة ، كل أصحاب الأكشاك رفضوا بيع ملوخية
بجنيه ، تتخيلوا في بلد زي السودان دا ما تلقي ملوخية بجنيه ..
رجعت لزبوني في الحلة ما لقيته ، لقيت واحد شاب .
- يا ابو الشباب وين حسين .
- والله حسين دا عنده جدو (قد)
ولغير المقيمين بها تعني أن جد حسين قد رحل لرحمة الله مولاه له الرحمة والغفران
فلغة الشباب هذه الأيام قد تجاوزت كل شئ حتي حرمة الموت ...
بعد تحانيس وتبادلت معه هذه اللغة عمل ملوخية بإثنين جنيه وقسمها لنصفين غير متساويين
وبعد تفضل منه وإكرام لي مد لي النص الأقل ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
في الصيف الماضي وفي سبيل تفقد الإباء أبناؤهم الطلبة ومتابعتهم شددت رحالي إلى مصر الشقيقة حيث يدرس الأبناء هناك بعد أن استعصت عليهم القبول في الجامعات السودانية بقهر النظم القائمة في القبول لأبناء المغتربين رغم تفوقهم الدراسي ونيلهم أعلى الدرجات المتاحة . ولكن كان حظهم العاثر دوما في طريق قبلوهم في الجامعات السودانية. فهم تحت طائلة البغض المتفشي الذي يطول شريحة المغتربين .
فالحمد لله الدرجات التي تحصلوا كانت تؤهلهم في القبول في اعرق الجامعات خارج السودان لذا كانت وجهتنا الأقرب هي دائما هي مصر . وبعد تجربة قبل ستة سنوات ولاحقة بعدها بسنتين وتكرار ثالثة ، لا يستطيع أحد أن يلوم الأبناء اذا ما فقدوا انتماءاتهم للوطن .
ومن خشيتي تلك كان علي أن أتابع معهم قدر المستطاع سبل زرع الانتماء الى الوطن في نفوسهم . وعندما وجدت بعض المشاكل الصبيانية التي تنشا دوما بين الأبناء خطرت لي فكرة إبعاد الابن المشاكس لأخواته من القاهرة إلى الريف . فرجعت بذاكرتي إلى مرحلة الدراسة ومن كانوا يدرسون في مصر وقتها وكثافة العدد الطلابي من السودانيين في جامعة الزقازيق ..
كان لي أن أخوض هذه التجربة واطلب نقل الولد المشاغب إلى جامعة الزقازيق كلية الطب البيطري . وشرعت في الإجراءات إياها... واستغرقت الإجراءات وقتا يستوجب ترحالى بين القاهرة والزقازيق ..
المهم كنت استجمع قواي المنهار في شقة متواضعة استأجرتها بالقرب من الكلية . وكنت اتردد دوما الى الى الكلية والى الدارة الجامعة وتلمست حقيقة ان الرعيل الاول من الطلبة تركوا انطباعا جيدا لدى الإدارات المختلفة فاغلب من جالستهم في مكاتبهم كانوا يشيدون دوما بأخلاق الطبلة السودانيين (مش كلهم) !!
فكم أعزائي كل التحية والتقدير ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
صباحاتكم ندية يازقازيقاب
متداخلين ومشاركين
متابعين باستمتاع
او بدون
جلال واحمد اسماعيل يطبخون شيئا ما على نار هادئة
احمد عجوز كمان شغال يقطع ليهم البصل
قالوا بكرة حا يحضروا الكورة معاى
كده ضمنا الفوز
فى كل الأحوال
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
| Quote: الرشيد ونجاة الليلة جانا العيد تاني |
و الله يا فافي سعدنا بالتحدث اليك وحاج الركز...و أنا كنت الأكثر سعادة لأنها المرة
الأولى التى نلتقي فيها عبر التلفون....
محمد صديق أقطع العرق وسيح دمه بس ما تطول الغيبة يا حبيب...البوست ما بيبقى
من غير سلامات يا ناس...
بمناسبة (قد) دي يا زهير...لاحظت فعلا ان اللغة المتداولة أصبحت عجيبة جدا و الأعجب
يا زهير انها غير مستنكرة من أجيال زي جيلنا مثلا...مشينا لذيذ بتاع الآيسكريم في
اجازتي الأخيرة فطلبت أمنية ايسكريم بنكهة الفراولة فكان آخر حاجة في الوعاء فطلع
الآيسكريم صغير أما مهند فطلب فانيليا فطلع الآيسكريم كبير...الولد البياع قال
لي أمنية أخوك دقسك مش...طبعا هي ما فهمت...
الأدهى و أمر يا زهير بقى مافي ذوق و لا أدب بين الشباب...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
انا عرفت يا الرشيد اليجمع ناسنا ديل مع فرفور وجمال
الفن والإبداع صاح ... شفت انا زكي صديق كيف ...
يا منصور لو ناسك ديل بيطبخوا في حاجة تخص عموم ناس الزقازيق
اخشي أن يكون هنالك ملاح آخر في جدة وايضاً في نار هادئة ،
ونضطر لإلقاء أحدهم في النفايات ، أما إذا كان الأمر يخص
ناس الرياض فقد إنشاء الله ينفعكم ... وعليك الله شوف ناس
جده ديل بتلفون معاك .. حتي يرتاح قلبنا ....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: جلال واحمد اسماعيل يطبخون شيئا ما على نار هادئة
احمد عجوز كمان شغال يقطع ليهم البصل |
غايتو ما بامية مفروكة بالبرستو
ولا ملاح الشرموط بتاع ناس مبارك جادين
ولا ملوخية ناس ابتهاج الاشتراها زهير بجنيه "بعد تحانيس"
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
انا جيت الزقازيق دى على دفعتين
وصلت انا نهايات العام 1981
استقريت بالمساكن التعاونية
صحبة الريس ميسرة وكمال الشادى وخالد نوح
محى الدين احمد حامد وجمال دفعة وعبد الحى اسحق
وجمال السنوسى
هذا عن وصولى انا شخصيا
ولكن (عفشى ومؤنتى )
لم تكن صحبة راكب
وصل عفشى وممتلكاتى متأخرا بعد ذلك بعام
فبينما استقريت انا فى مساكن التعاون متنقلا فى عدة شقق صحبة من ذكرت من الأحباب
وصل عفشى الى كلية الزراعة فى اواخر العام 1982
فكان مستقره فى نواحى لكوز , طرف مربع كاى العظيم
ولكن ادمان المساكن
جعل هناك انفصاما وانفصالا ما بين العفش وصاحبه
فانطبقت على مقولة مختار دفع الله الشهيرة
(العفش) فى البوستة , و(سيده) فى المحطة الأوسطى
ومن يعرفون يعرفون مختار دفع الله ويتذكرونه
يستطيعون ابدال كلمتى (العفش وسيده) بكلمات مختار الأصلية
فيضحكون مثلما ضحكت انا حال تذكرى لها
وعلى العموم , وفى كل الأحوال
فان العفش , داخل هذا البص
(على مسئولية صاحبه)
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
وعندما وصل عفشى واستقريت فى مربع كاى
كنت برلوما ليس كالبرالمة
كان جميع من حولى فى شحتفة وهلع ومحاولات حثيثة للحاق بامتحانات التيرم الأول
مصحوبة باحساس البرلمة وهواجس السكن والصحبة والأستقرار
ولكنى كنت ساكنا ساعتها مع سيف كركساوى واحمد المعتز حسن محمد على
وطارق الحلاب
ناس كانت بتغسل الطماطم بالصابون
وميزهم فيهو جداد ومرتدلا
وعندهم شغالة
وشقة فيها (انتريه) وسيراميك
وكمان شغالة انضف من سيراميك البيت زاتو
شوية شوية جبت معاى رفعت نور الدين
وبعدين لؤى هاشم عبد الرحيم
والرشيد بابكر
جضمنا ليك البرالمة ديل جنس جضيم
لدرجة فى نهاية التيرم الأول
(الفنا) لينا نتيجة امتحانات برانا ومن راسنا
كتبناها فى شقتنا
ومشينا علقناها (فى دار الزهراء والحميراء )
اسمهم كان كده يا زهير قبل ما يتحولوا بعد داك (للأنتفاضة وواحد وعشرين اكتوبر)
ناس شايلين مادة , وناس شايلين مادتين , وناس مربتين عديييل
لكننا ما بنقصر مع نفسنا
نحن ناس جيد وجيد جدا
الغريبة الحركة (البايخة ) دى كان ليها مفعول ممتاز , تتخيلو ؟؟
اوريكم ليه , لأنو ناس كتار جو متأخرين جدا
فى ناس جو قبل الأمتحانات بأسبوع واحد بس
عشان كده كانوا متوقعين نتائج ما كويسة
ولمن النتيجة الحقيقية ظهرت , سبحان الله كان فيها كثير من ملامح النتائج المزورة بتاعتنا
لكن الكثيرات (لأن معظمهم كانوا زميلات)
اسهمت النتيجة الأستباقية بتاعتنا فى تلطيف الجو عليهم وتقبل النتيجة الحقيقية بعد داك
البكاء والثكاليب بتاعت نتيجتنا المزورة
امتصت بكاء وثكاليب حقيقية كانت ممكن تحصل
ولكن نتيجتنا ابدلت الثكاليب بضحك , والبكاء بهزار واستغراب
لكن الزميلات غاظهم المقلب
ودفنوا لينا
وكان انتقامهم (رهيبا) فيما بعد
وعلى طريقة المسلسلات
البقية فى الحلقة القادمة
مع تجيات المخرج
منصور عبد الرازق
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
نهاركم سعيد: ياناس ياعسل
من حاج الركز لأجدع ناس
تحياتى لأهل الحوش الجميل الدوحة الظليلة نستجم تحتها نتنسم عبقها وذكرياتها الجميلة التى قاومت الاندثار بفضل ذلك التواصل الجميل فى هذه الواحة التى جمعتنا من كل بقاع الدنيا ،
أدام الله تواصلكم هذا ومتعكم بالصحة والعاقية
ولى عودة
أخوكم حاج الركز
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
Quote: تحياتى لأهل الحوش الجميل الدوحة الظليلة نستجم تحتها نتنسم عبقها وذكرياتها الجميلة التى قاومت الاندثار بفضل ذلك التواصل الجميل فى هذه الواحة التى جمعتنا من كل بقاع الدنيا ،
أدام الله تواصلكم هذا ومتعكم بالصحة والعاقية
ولى عودة
أخوكم حاج الركز |
أكبر و أجمل تعظيم سلام لحاج الركز....قالو أهلنا الخيول الحرة بتجي في اللفة...حسة
انت خليت الخيل كلها تسبقك و جيت لحقتهم في اللفة الأخيرة...يالله طلع مفاجآتك ووري
الناس ديل الشعر الذهبي زمان...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
خالص التعازى للزميلة عفاف على سعيد والزميل الفاتح ثابت
وربنا يجعله اخر الاحزان
******
ومرحبتين بعوده الريس ميسرة ومنى ميسرة والصور فسراااع ..
وطله حلوووة من البت روفى وعلى الاقل حنعرف منها سيف النصر قاعد وييين ؟؟؟
يا حوفى ربنا يدى الوالدة محاسن طولة العمر ونحن كمان لمن نصل قناة CARTOON NET WORK
يا فافى صورك دى فيها ( حولة ) شوية
يا منص امشى انتا انيــه بنجو مع العفش ....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
تحية و سلام لأجدع ناس ..
و مراحب حباب ألوفات لكل من أنضم إلينا ..
مراحب بالبرلومة الرائعة / عرفة محمد سعيد و حللت أهلاً و نزلتي سهلاً و نتمنى إستمرار التواصل عبر باسوورد د. سيف حتى يقوم زهير بالواجب و يا د. سيف قل ( مدام ) و لا تقل مثلما قلت أو كما قال زهير .. خليتو للرجعية شنو ؟؟
و حمداً لله على عودة الريس ميسرة و الريسة منى ( مدام الريس ) و عوداً حميداً مباركاً ..
عفاف .. شكراً على الصور و المرة الجاية بنتصور لابسين ( عمم ) ساكت لزوم إسكات كل من شمشر في ( صلعنا ) الفاضلة ..
مبارك جادين و عبد الحفيظ ,, وين الناس ؟؟
طارق جبرين ( قعادكم ) في الشارع عساه ما يطول .. و حتماً ستشرق شمس الحق القدسية ..
ذكرتني قول الزين لي ست الدار ..
ست الدار :
سامعاني ؟؟
يا مرتي و أمي و أم الكل
أنا بندهلك من شارع الله
فوقي هجير و التحت بقل
سبي معايا الشرد راجلك
و الحرمونا شوية الضل ..
ـ
برضو متابع و مستمخ ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
ياكمندان إزيك
والله خايفين علي نص طايوقك ده بكرة
أصلوا الولد موبوتو ده
قالوا عواس
والدوكة دي حقتو
كان صاجو قائم الله يستر عليكم من العواسة
وكان كمان ما قائم الله يستر
علي باقي طايوقك
بحتاج ليه
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
أنا في الأبيض الأن وفي حي الموظفين بعد أن تناولت وجبة الغداء
بدعوة كريمة من أهالي الأبيض في الربع التاني
وكان بي ملاح أم رقيقة وبالخلاطة كمان
زي بامية نجاة حوفي البي البرستو
وداير أجي لكن فرقة مافي قول للناس ديل زحوا لينا
شوية
ولا عشان برالمة
مرحب مبارك جادين إفتقدناك في جوبا
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
تعازينا للأخت عفاف علي سعيد و الأخ أزهري و الأسرة في وفاة والدهم
نسأل الله أن يسكنه فسيح جناته مع الصديقين والشهداء وحسن أولئك رفيقا
وأن يلهمهم الصبر والسلوان وإنا لله وإنا إليه راجعون .
تعازينا الحارة لكل من فقد عزيز وربنا يحفهم برحمته ومغفرته ويسكنهم فسيح جناته
| |
|
|
|
|
|
|
|
|
|
Re: ناس الزقازيق ... أجدع ناس .. (Re: مدثر أبا يزيد)
|
كنت أود أن اعلق علي بري نجاة حوفي منذ البارحة ، فقد كان بري كامل
الدسم وبطعم البامية .. وإنتظرت أن يجيب عليها أي أحد حول أمات طه
ويبدو أن لا احد يدري من هن أمات طه ، وتوقعت حضور طارق جبريل لأنه
ترباية حبوبة ولم يحضر للآن . ما سمعته عن آمات طه أنهن مجموعة أخوات
لدي واحدة منهن ولد وحيد اسمه طه والولد دا يعتبر ولدهن كلهن ، وفي
مرة غاب طه (خرج ولم يعد) فبكين بكاءً مرن وخرجن في أثره ولم يعدن
حتي الآن ، فأصبح مثل ( لحق أمات طه) ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
زهير
مساءك الله بالخير
والله يازهير
حصلت لي طشه
زي طشت أمات طه
ومارجعت منها إل الليلة وفي مدينة الأبيض
وندخلك واسطة تاني
عشان الجماعة يزحوا لينا شوية
وطبعا الكلام كتير والصور كتيرة
علا البرلمة وعدم العرفة
العرفة ما عرفة مدام سيف
برلومة بدءا
فلها السلام والدكتور سيف النصر
| |
|
|
|
|
|
|
|
|
|
Re: ناس الزقازيق ... أجدع ناس .. (Re: مدثر أبا يزيد)
|
الريس ميسرة والأستاذة منى ألف حمد الله على السلامة
وإن شاء الله مزيد من أخبار الزقازيق
أحسن الله عزاء الأخت عفاف علي سعيد وتغمد الله والدها بواسع
الرحمة والمغفرة وإنا لله وإنا إليه راجعون
ويارشيد القوم ألف بعد الشر عليك
من بركات الريس ميسرة تزكرناالكثير والمهم ممافاتنا
مبروك للزقازيقاب الذرية الصالحة والطيبة وأخص بالتهنئة
الأخ محمد آدم النور ألف مبروك المولود وماشاء الله تبارك الله
إن شاء الله مزيد من الأنوار
والأخ عبد المحسن دفعة الف مبروك المولودة
والأخ محمود محمد آدم الف مبروك المولود
والأخ مدثر ابا يزيد الف مبروك المولودة
والأخ مكي عباس ألف مبروك المولود
ربنا يجعلهم من أبنا المسلمين الذين يشار
إليهم بالبنان وربنا يرعاهم ويحفظهم
| |
|
|
|
|
|
|
|
|
|
Re: ناس الزقازيق ... أجدع ناس .. (Re: أحمد إسماعيل)
|
يا روفي عليك الله عايز أعرف الناس العجايز علي البت روفي
البتدخل بي حساب سيف ، يعني أخليهم يفهموها براهم كده
يعني أقول شنو .؟ يا جماعة مالكم عايزين تحرجونا ..
خلاص يا بت روفي نعدل المسألة ونصلحها شوية ..
وجدير بالذكر أن الأخت عرفة محمد سعيد هي حرم الأخ سيف النصر
وفي رواية أخري بت الشيخ تبعه . وفي رواية أأخر الأولاد ، وفي
رواية من الآخر خالص .. الجماعة بتوعين سيف ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
أبو الزوز قاعد اتفرج في كورة قديمة لي مازيمبي و النجم الساحلي...و بني وبينك
قلبي دق...بس ما بتاعت فافي...
شايفك بي هناك...اتحاشيت أجيك خوفا من الكج....
عرفة...حبابك عشرة بلا كشرة...الخلفية بتاعت كوجاك دي قلبتي فيها هوبة زي ولد
محمد صديق وخالدة...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
أمبارح نجاة في ترحيبها بعرفة قالت مطلع الأغنية الزقازيقية
المنشأ والمولد والتي كانت كورال من أبدع ما يكون والأغنية
من كلمات العزيز بدر الدين محمد أحمد الشهير ببودي (حقوق)
ولحنها زكي صديق مساعد (حقوق) وفيما بعد غناها سيف الجامعة
وكلماتها حسبما أذكر :
أحمد الحق البيقوي
وأحمد الناس البيهاتو
من وهج نفسه البيضوي
لي وليداتو البتتاتو
احمد أرحل جوه جوه
أحمد أسكن في الدواخل
حس المطر نازل عليك
ديك البروق بضوي ليك
أوعي المطر ما يخوفك
أوعي المسافة طول عليه
الله قال الناس تعيش
الله ما قال البنوك أملوها عيش
الله بيكره للحرابة
والله بيحب السلام ..
وقد قيل في روايات سرية بأن السلام المقصود هنا شخص بشحمه ولحمه
والفرصة عند ود البيه لشرح نظرية السلام .
اما عرفه فقد كانت وأعني كانت هذه تماماً من أجمل الأصوات التي
مرت علي الزقازيق ومصر ، وكان يمكن أن يكون لها بصمة لا تضاهي
في الغناء إلا أن الزواج والأسرة قد شغلاها من بناء هذا المستقبل
الفني الواعد (ودي فتنة يا سيف عشان تاخد بالكنش )
ولا زال لدي رجعة لونسة نجاة حوفي البارحة...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
تحية وسلام
من حاج الركز
اليوم لقيت شدة فى الباسورد ، ودى كانت بعد مفاوضات وتداولات زى بتاعة (ل س)
استنفذت فيها كل امكانياتى تحدثت عن المساواة بين المرأة والرجل، قالوا لى الا فى الباسورد
وقلت من كان له فضل باسورد فليعد به على من لاباسورد له،لكن بعد تحانيس شديدة وافقوا لى لفترة محدودة ومازالت المفاوضات جارية لمزيد من المكاسب.
شكرا ياالرشيدونجاة على المكالمة وحقيقة طولت لى شبريييين زى مبيقولوا اهلنا الشوايقة.
غدا انشاء الله سأقوم بانزال مجموعات من الصور لفترات مختلفة ،سأقوم بعمل فريقين من ناس زراعة الفريق الأول يضم : انت ونجاة ويمكن الاستعانة بى على بجة(على ميرغنى حمد)
الفريق الثانى يضم : محمدعيد ومنصور فقط.كونوا مستعدين .
خالص تحياتى للجدعان برة وجوة
ولى عودة
اخوكم حاج الركز
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: أنا في الأبيض الأن وفي حي الموظفين بعد أن تناولت وجبة الغداء
بدعوة كريمة من أهالي الأبيض في الربع التاني
وكان بي ملاح أم رقيقة وبالخلاطة كمان
|
يا زول انت وين...بعد البوست بتاعك قلنا حنصل الميل 100 أسرع مما توقعنا...
البركة في أم رقيقة الأبيض دي المرقتك...
تعال نحن في انتظارك...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
عبدالحفيظ جهجهتنا زي جهجهة المعز...أعمل رد من آخر مداخلة في الصفحة عشان
نعرف نتابعك...فتشت على مداخلاتك بالفتاشة...
حاج الركز...جاهزين...بس الله يستر علينا...يعني ما عرفت الا تخت معاي علي بجه
كان أحسن لي جمال مصطفى...و لا محمد المرتضى..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
ياالرشيد
والله لو نحنا بنعرف قدر ده
ندخل بالرد من أخر مداخلة
ونرفع الصور
ونعمل إقتباس
ماكان خلينا ليكم نفس
وكان كتمنا أنفاسكمزي
منير أمبدة وديمبا وأسامة التعاون وسامي عبدالله
لي موبوتو
عجبتك
شيلو الصبر
وما أظن تلقوا فرقة تاني
كدي نعمل تجربة لي صورة
ما تضحكوا
جلت
إنشاء الله شوتت موبوتو
قول أمين
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
والله يازهير
الليلة رجعتني شقة المساكن
جوار مسجد النمرسي
وشمال شقة كمال الشادي
قدام عمك كيمو بتاع الفول والفلافل
لاني كنت أسكن هناك ومعي كمية من الإبداع
بدرالدين - زكي صديق - وليد مبارك
الغريبة كلهم أدباء وفنانيين
ونحنا غنانا
ياثورتنا يامجدا شامخ أبديا
يامهدية
يارجلا يتوكأ حكمة
ياصدرا يتلالأ ايمانا
نحن بنوك تجمعنا
لن نفترقا
قد نحترقا
إن كان رفاة جماجمنا
سيفك قيود ضحاينا
من رائعة إخلاص مهدي
والشعب حبيبي وشرياني
أداني بطاقة شخصية
من غيروا الدنيا وقبالو
قدامي جزائر وهمية
الإسم الكامل إنسان
والشعب الطيب والديا
المهنة بناضل واتعلم
تلميذ في مدرسة الشارع
الشارع فاتح في القلب
والقلب مساكن شعبية
طبعا الليلة صب تقيل
أصلوا انا لي قريب شهر
فس سفر
كوستي - شندي - جوبا - الأبيض وباقي بورتسودان
يعني محاكم وشغل مافي
والواحد النصيحة ليك يالله
صمت خشم قدر ده ما بقدر عليها
فزحوا شوية تاني
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الحفيظ عباس)
|
أجدع ناس
تحياتي
حمد لله على السلامة يا ميسرة ومنى يونس والأبناء
والتحية للأخت عرفة
والأخ مبارك جادين
والأخ عبد الحفيظ
وطبعا أنا لقيتك رايح خارج الحوش... هنا:
Quote: الأخ سامي عبدالوهاب
سلامي ليكم
واصل كفاحك
الإسم : عبدالحفيظ عباس صديق
المهنة : محام
تاريخ التخرج : 1989م
الكلية : حقوق الزقازيق
الزوجة : مهندسة أمل
الأبناء : محمد - لينة - عمار
الموبايل : 0912366742
السكن : الخرطوم - الطائف - مربع 22 - منزل 84
البريد الإلكتروني
[email protected]
نلتقي
|
وطعبا كدا إنت عملت ليك بوست جديد بنفس الإسم... لكن الحمد لله جيت جاري بيجاي لقيتك عرفت الحوش
ليك ألف تحية
| |
|
|
|
|
|
|
|
|
|
Re: ناس الزقازيق ... أجدع ناس .. (Re: سامي عبد الوهاب إدريس)
|
يا شباب
فوق شوية كتب الأخ welyab
Quote: في الصيف الماضي وفي سبيل تفقد الإباء أبناؤهم الطلبة ومتابعتهم شددت رحالي إلى مصر الشقيقة حيث يدرس الأبناء هناك بعد أن استعصت عليهم القبول في الجامعات السودانية بقهر النظم القائمة في القبول لأبناء المغتربين رغم تفوقهم الدراسي ونيلهم أعلى الدرجات المتاحة . ولكن كان حظهم العاثر دوما في طريق قبلوهم في الجامعات السودانية. فهم تحت طائلة البغض المتفشي الذي يطول شريحة المغتربين .
فالحمد لله الدرجات التي تحصلوا كانت تؤهلهم في القبول في اعرق الجامعات خارج السودان لذا كانت وجهتنا الأقرب هي دائما هي مصر . وبعد تجربة قبل ستة سنوات ولاحقة بعدها بسنتين وتكرار ثالثة ، لا يستطيع أحد أن يلوم الأبناء اذا ما فقدوا انتماءاتهم للوطن .
ومن خشيتي تلك كان علي أن أتابع معهم قدر المستطاع سبل زرع الانتماء الى الوطن في نفوسهم . وعندما وجدت بعض المشاكل الصبيانية التي تنشا دوما بين الأبناء خطرت لي فكرة إبعاد الابن المشاكس لأخواته من القاهرة إلى الريف . فرجعت بذاكرتي إلى مرحلة الدراسة ومن كانوا يدرسون في مصر وقتها وكثافة العدد الطلابي من السودانيين في جامعة الزقازيق ..
كان لي أن أخوض هذه التجربة واطلب نقل الولد المشاغب إلى جامعة الزقازيق كلية الطب البيطري . وشرعت في الإجراءات إياها... واستغرقت الإجراءات وقتا يستوجب ترحالى بين القاهرة والزقازيق ..
المهم كنت استجمع قواي المنهار في شقة متواضعة استأجرتها بالقرب من الكلية . وكنت اتردد دوما الى الى الكلية والى الدارة الجامعة وتلمست حقيقة ان الرعيل الاول من الطلبة تركوا انطباعا جيدا لدى الإدارات المختلفة فاغلب من جالستهم في مكاتبهم كانوا يشيدون دوما بأخلاق الطبلة السودانيين (مش كلهم) !!
فكم أعزائي كل التحية والتقدير ..
|
أولا
نشكر الأخ welyab على هذه الزيارة الكريمة وعلى هذه الكلمات الطيبة في حق جميع الجدعان
ونتمى التوفيق لأبنائك وخصوصا الزقازيقي منهم ونتمى أن يطيب له المقام كما طاب لنا
ثانيا:
يبدو إنو معظم الناس ما بترجع وراء شوية وبفوتو كتير من المداخلات
وزي المداخلة الفوق دي جديرة بالقراءة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: سامي عبد الوهاب إدريس)
|
(1) سامي عبد الوهاب إدريس
خريج تربية 91
قسم اللغة الإنجليزية
هاتف السعودية
00966502297598
هاتف السودان
00249916000543
[email protected]
_________________________________
(2) زهير محمد عثمان الزناتي
كلية التجارة
قسم المحاسبة
متزوج وأب لأربعة
خريج 1992م
ت : - 0919701061
[email protected]
_________________________________
(3) محمد صديق محمد احمد الحسين
تربية...انجليزى
برالمة 84-85
انا وجلا جينا فى سنة واحدة لكن انا دفعة النضيف
ت-0912162923 (منزل 0122051212)
[email protected]
_________________________________
(4) ميسرة سيدأحمد إبراهيم
المملكة العربية السعودية - جدة
هاتف منزل 6754688
جوال 0508606055
[email protected]
_________________________________
(5) محمد آدم النور حسن
تجارة الزقازيق 88
الخرطوم - 0912319724
[email protected]
_________________________________
(6) الرشيد بابكر سيدأحمد
زراعة الزقازيق 1986
الامارات العربية المتحدة
أبو ظبي
تلفون:00971508179161 -- 00971504469622
بريد اليكتروني:
[email protected]
________________________________
(7) ياسر نجيلة
الاسم: ياسر أحمد نجيلة
الامارات - دبي
محاسب بحكومة دبي
خريج تجارة الزقازيق - محاسبة
دفعة 84 - 1988م
هاتف شغال 24 ساعة : 6268806 50 971 +
ايميل:
[email protected]
________________________________
(8)
Dr.Elsadig Abdalla
0353879359144
Waterford Regional Hospital
Endocrinology and Diabetes Department
Waterford
Republic of Ireland
0 Email:[email protected]
_________________________________
(9) اسامة عثمان محمد صالح ابتر
خريج علوم 1989
كسلا دنقلا
تلفون 00249912913486 وكمان 00249912186289
[email protected]
_________________________________
(10) صالح عبدالرحمن صالح
شارع افريقيا - مبنى القبله
شركة كنار للإتصالات
إدارة التسويق
249155552515+ موبايل كنار
249912397336+ موبايل زين
299155553310+ مباشر مكتب
ايميل عام : [email protected]
ايميل عمل : [email protected]
_______________________________
(11) عصام الدين دهب علي
خريج حقوق الزقازيق 1991م
مستشار قانوني و مديرالإدارة القانونية
شركة الدار العالمية للأستشارات القانونية والمحاماة / جدة
هاتف عمل 00966920000054
هاتف جوال 00966503639124
[email protected]
_____________________________
(12) منصور عبد الرازق محمد فضل
السعودية -الرياض
الشركة الوطنية لصناعة الأسمدة الكيماوية (نافكو)
مدير المبيعات -اسمدة
تلفونات 00966504177839 موبايل
0096612652266 ext 1 or 117
0096612651327fax
e-mail:[email protected]
e-mail:[email protected]
________________________________
(13) محمد عيد ميرغني
خريج زراعة 1987
الخرطوم بحري
جدة
00966503763764
[email protected]
_________________________________
(14) جلال عثمان محمد علي عكود
تربية (90)
السعودية الرياض
منزل/ 0096614720809
عمل/ 0096614780234
فاكس/0096614789361
خلوي/ 00966505779464
[email protected]
[email protected]
_________________________________
وبعد إضافات جلا ومحمد عيد:
(15) تاج الدين الخليل بلال
تجارة 88
العنوان: سلطنة عمان
[email protected]
_________________________________
(16) عصام عبد الرحمن محمد جلي
تجارة 88
السعودية _ الرياض 0507780880
[email protected]
____________________________________
(17) عبد القادر بابكر عبد القادر " قدورة "
خريج زراعة 1984
ام درمان - الثورة - الحارة الثانية
السعودية - الرياض ـ : 0509835001
بريد الكترونى : [email protected]
_____________________________________
(18) محمد حســان سعد الدين
خريج زراعة 1988
عطبره - الدامر
بريد الكترونى: [email protected]
رقم الموبايل : 0126919898
___________________________________
ومن عندي:
(19) عزام أحمد البشرى
خريج تربية 89
بورتسودان
مقيم بالدوحة – قطر
تليفون: 009746655029
[email protected]
________________________________
(20) سموأل عوض السيد
خريج تربية 89
بربر
الخرطوم – وكالة سونا للأنباء
00249912393567
_________________________________
(21) محمد الهادي محمد الأمين
خريج تربية 91
سنار
الخرطوم
تليفون: 00249912105159
____________________________________
(22) أسامه إبراهيم فرج الله (طيارة)
خريج بيطرة 90 أو 91
أم درمان
مقيم بالدوحة – قطر
تليفون: 009745316925
[email protected]
_____________________________
(23) سر الختم محمد علي الحاج (المدعو)
خريج آداب 93
بورتسودان
مقيم بالدوحة – قطر
تليفون: 009745295220
[email protected]
_____________________________
(24) نزار محمد ابراهيم عمر الشقليني
هندسة مدنية
خريج :1994م
ت: 0912141038
[email protected]
_______________________________
(25) موسى عيسى أبكر
تجارة 1988
قسم المحاسبة
الجزيرة أبا
مقيم بالمملكة السعودية الرياض
مدير مالي
الهاتف :009662253893 الموبايل:00966560026152
الموبايل بالسودان : 00249914070652
email :[email protected]
________________________________
(26) طارق عبدالمنعم محمدعلي
خريج الزقازيق تحاليل طبيه 1990
العنوان الحالي
(UPM )Malaysia
[email protected]
[email protected]
[email protected]
mobile:0060149275130
____________________________________
(27) عبد الدائم سيد أحمد (النضيف)
خريج تربية 88
الخرطوم الصحافة
مقيم بجدة – السعودية
[email protected]
تليفون: 00966504609597
____________________________________
(28) صلاح سعد عثمان
تجارة 89
الرياض السعودية
ت 00966564242757
[email protected]
___________________________________
(29) معاوية الزبير
تربية 88
قطر الدوحة
[email protected]
_________________________________
(30) حبيب الله كدام
تربية 90
الرياض السعودية
[email protected]
_________________________________
(31) احمد عوض سيداحمد (احمد عجوز) الفنان
اداب 88
الخرطوم الصحافة
الرياض السعودية
ت 00966590086541
[email protected]
_________________________________
(32) احمد السيد عبدالعال
زراعة 93
ت 00966505618275
الشركة العربية لامات الدواجن -- جده
[email protected]
_________________________________
(33) مدثر ابايزيد سيد
خريج حقوق 1988
مواليد جزيرة ارتقاشا شمال منطقة دنقلا
الاقامة ببورسودان حي الأسكلة ثم حي الثورة مربع 10
حاليا بالسعودية الرياض
جوال: 00966554612264
[email protected]
____________________________
(34) زينب التجانى محمد على ابو رفاد
خريجة زراعة الزقازيق 1991
مواليد الابيض
العنوان امدرمان مدينة النيل
التلفون 0912560606
[email protected]
______________________________
(35) أحمد محمد إسماعيل النور
تجارة الزقازيق - محاسبة
برالمة 84 1985/
نيالا
مقيم بالسعودية مدينة الرياض
موبايل :00966501960947
ت منزل : 0096614111233
[email protected]
____________________________
(36) طارق جبريل
خريج بيطرة 1990
هاتف: 00212667445928
[email protected]
مدير الادارة الفنية لمجموعة اخبار اليوم المغربية
الرباط-المغرب
_______________________________
(37) عفاف علي ميرغني
زراعة الزقازيق92
من مواليد كسلا
الاقامة الحالية السعودية الرياض
تلفون 00966501292285
___________________________________
(38) معتصم سلمان جعفر
تجارة الزقازيق 1983
تليفون عمل 83475120
جوال 00249912304549
السكن : الخرطوم بحرى جنوب كبرى شمبات
[email protected]
------------------------------------
(39) عمر الطيب عبدالله(بسكو
خريج تجارة- ادارة اعمال 1990
العمل :- بنك البركة السوداني - الرئاسة
السكن :- ام درمان العباسية شمال ميدان الربيع
موبايل 00249912273673
[email protected]
___________________________________
(40) الإسم : عبدالحفيظ عباس صديق
تاريخ التخرج : 1989م
المهنة : محام
الكلية : حقوق الزقازيق
الزوجة : مهندسة أمل
الأبناء : محمد - لينة - عمار
الموبايل : 0912366742
السكن : الخرطوم - الطائف - مربع 22 - منزل 84
البريد الإلكتروني
[email protected]
_________________________________
ونواصل...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
الرشيد ....
عبد الحفيظ لو أكتفي بشنق المداخلات داخل الحوش إينما
وجدت لا بأس فزيتنا في بيتنا ، ولكن هذه البرلوم وجدته
يتضرع ببوستات حدادي مدادي في الحوش الكبير ...
غايتو جبناهو ليهو هنا ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
يالرشيد
متسمع كلام المقرضين
أنا أصلوا في أي بيت بكا
ولا عرس في الحيشان التانية ديك
بلاقي الزناتي حايم
ويجي بي جاي يقول ده الرز باللبن
قلت أشرك ليهبالطعم ده
وضبطه ليك أحسن من ضبطة
ناس محمد صديق
وصاحبك طوالي جا جاري
بى جاي
قال دي صيدة ثمينة
هههههه... ها
أخير نشوف لنا مرافعة تحلنا من
الشبكة ده
ولازم بعد دا نشجعكم
لاقايت ما الموضوع يتنسي
والله بس روحت البرالمة
من دار الإتحاد
ولمن يلاقيهم زهير
ويوصف ليهم مركز الثقافة
ويمشي يفتهم في الإتحاد
| |
|
|
|
|
|
|
|
|
|
Re: ناس الزقازيق ... أجدع ناس .. (Re: سامي عبد الوهاب إدريس)
|
Quote: وين الرشيد وجلال وجلا... ومن لفّ لفهم!!!!!!!!!!!!!
|
سامي أنا غايتو من ناس الليل..لكن جلال ده من لف لفهم...
تحسن الجو عندنا كثيرا فلم استطيع مقاومة دعوة من بعض الأصدقاء للمشي قليلا..
و هي لاستعادة اللياقة ولرفع المعنويات أيضا...فزهير يستمتع بصحبة محمد صديق
و يا لها من صحبة...بقرنا منهم و حاولنا عمل شئ مماثل ولكن شتان ما بين ما هم
فيه و ما نحن فيه...لكم أن تقدروا ايهم أحسن...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: حسن الجو عندنا كثيرا فلم استطيع مقاومة دعوة من بعض الأصدقاء للمشي قليلا..
و هي لاستعادة اللياقة |
والله يا الرشيد أخوي
دي أحسن حاجة عملتها ويريت لو نقدر نبدأ زيك كدا لأنو الكروش دي ماااااااااا بتشبهنا لأننا لسه محافظين وشباااااااااااااااااااااااب
بالله أصلك ما تقيف وواصل مشي
أما ناس الرز باللبن ديل شكلنا كدا حنقوم نحصلم
علشان كدا يا ناس الليل قومو إستلمو
أها قصرنا معاكم؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
جننتونا الرز باللبن الرز باللبن
اها الحكاية جابت ليها عواسة وعواسة قراصة كمان
المهم نأسف ياشباب لعدم الانتظام هذه الايام وذلك لانشغالنا
هذه الايام (زقازيقاب الرياض) استعدادا لملتقانا الثالث الذي سوف يكون يوم الخميس القادم
ومن هنا:
الدعوة موجهة لكل ناس الزقازيق بالرياض وما حولها وكل مدن المملكة
لملتقي ناس الزقازيق الذي سوف يكون بإستراحة طيبة (مخرج 18) شمال استراحة نوفة الشهيرة
وسوف يشهد هذا اللقاء مفاجاءات مثيرة وكثيرة سوف تتخلل اللقاء عودة بالزمن لاكثر من 20 عاما للوراء
لذلك كل زول يحضر بدلة تخريجوا 
سوف يعقد اجتماع تحضيري غدا الاحد بمنزل الاخ منصور
نرجو من كل المتابعين والمستمتعين وعشاق الموج الازرق
يجوا عشان نخطط ونحضر كورة الهلال ونضع برنامج العبور للمباراة النهائية
ونضع اللمسات لاخراج هذا اللقاء بالصورة التى نتمناها
اها في عواسة اكتر من كدة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
الاعزاء الغالين ناس الحوش
السلام الآف الآف...
والشوق والحنين شديدXشديد
احبكم جميعاً
زهير طلتك حلوة ..واحلي مافيها مجد فوق مجد... وانشاء الله ربنا يحفظهم جميعاً
محمد صديق تحياتي ..وطلتك حلوة وحلاوتها الهوبة بتاعت ولدك ...والله نفسي اعمل زيها...ربنا يحفظة..
عفاف والركز تحياتي ...ابدعتي يا عفاف في الصور لكن مازالت ناقصة ..اين الباقي...
الريس ميسرة ماتشوف لينا جمال السنوسي الحاصل بيهو شنو ؟؟؟
معتصم سلمان جعفر ..لا اسكت الله لك حساً
مبارك جادين ليك خالص تحياتي...واصل وسوف نواصل
مع خالص مودتي
عثمان الجيلي
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الحفيظ عباس)
|
سلام على ناس ورديت الليل
نعود إلى الزقازيق قليلاً
الزقازيق القديمة تلك المدينة الريفية الجميلة بجمال أهلها وطيب معشرهم
والناس الذين إصطفاهم الله وجمعهم بمدينة الزقازيق رجعنا إلى الزقايق ولكننا
لم نجدها يبدو إنهافي خيالنا وقلوبنا ،،،، عمارات شاهقة أبراج شوارع مسفلته إشارات
مرورية - ديجيتال - مولات مدينة ملاهي متكاملة تماماً فنادق محترمة لا ينقص الزقازيق
الجديدة تصنيفها من المدن المصرية الكبيرة العصرية ولكن ما زالت تحتفظ بأصالة أهلها
الشراقوه .
بحثت عن الزقازيق القديمة واخذت بعض الصور التي ما زالت تحتفظ بشئ من الماضي البعيد
بحثت عن :
- كازينو النهر ولم أجد له أثراً - طبعاً في ناس كثيرين ح يحزنوا
- المكتبة العامة - كان بذاكر فيها النضيف لم أهتدي إليهاوربما تم نقلها إلى مكان آخر
- عصمت السمسار واخوه رمزي لم أجد الدكانه كنا بصدد إستئجار تلفزيون ابيض واسود والبعض بيقولوا اصبح رجل اعمال
- بيوت الطالبات القديمة والحديثة لم نجدها عدا 21 أكتوبر والتي تعرفت عليها منى يونس بعد جهد ومعاناه وإصرار مننا
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
صورة من داخل الزقازيق الحديثة الصورة تجمعني وأبنائي محسنة ومشكاة ومنذر والست اللابسة العباية دي منى يونس
طبعاً دعونا معنا إسفيرياً طارق جبريل والرشيد ونجاة والعائلة وعيد والنضيف طبعاً هم دفعوا حسابهم من كروت الفيزا
والماستر كارد بس أنحنا دفعنا ما يعادل سبعة ما نستلمه من السفارة يا حليل أيام البريزة وهل يا ترى كان الناس تقدر
تجاري الوضع الحالي للزقازيق وكمان تعمل ليها دعوة أو عيد ميلاد على النظام العالمي الجديد.
مسابقة الأخطاء من يقدر يحدد لينا ثلاثة أو أربعة أخطاء وانا بساعدكم
ما هو السبب إلى جعل محسنة ميسرة تلبس شال وهي مسافرة إلى الزقازيق
بتقلد منو يا ناس هي بتقول دي موضة وهل كانت الحالة دي موضة زمان
جلا ، جلال ، الزناتي مافي واحد يزوغ من الإجابة .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
يا سلام ياخي يا جلال على الكلام الطاعم زي ما بيقول محمد صديق...انت عارف لو
في امكانية للدخول عندكم كان جبت البراية بتاعتي و البراين الصغار وجيناكم
بكره في جلستكم التحضيرية عند ناس منصور خلي أماني تعمل ليكم شيز كيك...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
لا تتخدعوا هذا ما تبقى من كازينو النهر ولم اهتدي إليه سوى عن طريق واحد شرقاوي
عنده عربية تاكسي وكان معانا طيلة الفترة وهو يعرف ناس زراعة قبل تأسيس دستور 76 .
لا وجود لكازينو النهر حالياً، إنشاء ما نسمع السكلي من محبي ومريدي هذا الكازينو
البقية في ذكراكم يا جماعة .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
يا سلام يا ريس ... علي الصور متابعين وكلنا حنين
لتلك الفترة التي لا زال عالقة في أذهاننا جميعاً ..
وفي إنتظار المزيد والمزيد دون توقف ... الصورة ما
قدرت أعرف يا ريس الأخطاء الثلاثة .. لكن خلني لي بكره
والله انا الليلة مشوش بشكل ماعادي ، بكره بعد الكورة
نجيكم آخر صحصحصة ...
يا الرشيد أن رديت ليك في بوست الكورة عشان ما تقول لي بعدين
همشتني وفتحت لي وما رديت علي بعد سنة، إنت عارف أنا رديت ليك
في البوست بتاع الإعلان ورد مطول وزعلان إنه الهكر لحس البوست ..
وما قدرت أثبت برائتي ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
سلام وتحية،،،
من حاج الركز
تحياتى لك ياعبد الحفيظ
يازناتى انا مرقت أتاوق برة لقيت لى بوستين باسم ناس الزقازيق أجدع ناس من عبد الحفيظ
اتصلوا على جماعة بيسألوا هل هو امتداد لبوستكم ولا الحاصل شنو
الحقوا الزول دة
حاج الركز
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
إخترت كبري الشبان المسلمين لما لهو من ذكريات وكسحي شديد ما بين ناس المساكن والمناطق الأخى
وخاصة ناس توزيع المناشير الحزبية وناس البهجة في الدعوة للحفلات والمناسبات العامة .
نادي الشبان المسلمين كان له دور كبير في إحتواء حفلات زقازيقية كثيرة وخاصة في النصف الأول
من الثمانينيات .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
يا سلام يا ريس قربت توصل شقتنا ياخي...بعد الكبري و انت داخل على المساكن
تلاقيك بقالة عم جميل وبعدها على اليمين شقتنا...عم جميل ده كان راجل ظريف
جدا يا ريس...كان شابكنا ليك يا دكتور مفتكرنا بنقرأ طب...تجيهو المساء
تلقاهو متسلطن يقول ليك تعالى يا دكتور...خد حتة اللحمة دي..أطعها طرنشات....
أبشرلك بصلة كده وشوية زيت وبهارات...حتدعيلي بعدها...خدها يا دكتور...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
يا جماعة أنحنا لسه بنلف حول الزقازيق زي لف أخونا
عبدالحفيظ جناح ناس الزقازيق بالبوستات ،،،بكرة دي لو
الهلال غلب نبدأ مع الزناتي بتجارة وتربية وآداب وإذا حدث
العكس يا ساتر نبدأ بناس محمد عيد وطارق جبريل .
الله يستر يا أبو الجل الفكي جاهزة بس أبعدوا من الفكي أبو
محاية بيبسي والبخور جكسي .
| |
|
|
|
|
|
|
| |
الرشيد بابكر
عفاف علي ميرغني
محمد صديق
زهير الزناتي
ميسرة سيد أحمد
طارق جبريل
welyab
منصور عبد الرازق
جلال عثمان
عبد الدائم سيد أحمد
عصام دهب
عبد الحفيظ عباس
مدثر أبا يزيد
محمد آدم النور
أحمد إسماعيل
سامي عبد الوهاب إدريس
فيس بوك
تويتر
انستقرام
يوتيوب
بنتيريست