|
|
 Re: ناس الزقازيق ... أجدع ناس .. (Re: عصام دهب)
|
ناس الزقازيق سلام
رمضانريم تصموا وتفطرو على خير
Quote: زقازيقاب الخرطوم انتو انحنا ما عندنا افطار رمضانى ولا شنو ؟؟
حددوا لينا يوم ..
وانا بقترح السبت 20 سبتمبر ياخى راعو ظؤروف العزوبية الانحنا بنعيشها دى ..
الواحد مفترض الشهر كلو يكون معزوم بينكم ..
بس الله غالب ..
قريب دا انا وهانئ بنعزمكم فى بيوتنا |
غايتو يا صالح
بقيت متخصص افطارات بالسبت
بس خايفة المرة دي يجوا ناس حركات امدرمانية يعملو ليك فطور غير حقك
غايتو يوم 20 ما بطال معاي لكن يوم 13 معتذرة بشدة
صفية
| |
 
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
Quote: الاخوة المعنيين بالامر
ميسرة سيداحمد
منى يونس
الرشيد خواطر
منصور عبدالرازق
الرشيد بابكر
امال بنجاوى
والذين يرغبون فى العضوية
الرجاء مراسلة الاخ زهير الزناتى على الايميل
[email protected]
|
وصلتني إيميلات من الأعزاء مبارك جادين ، ميسرة ، جلال
وطلبنا ليهم عضوية بأسم ناس الزقازيق ، وقد تم التسجيل لهم
فمرحباً باجدع ناس
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
يا ناس الزقازيق يا اجدع ناس الان اصبحت من اصحاب الباسورد في سوادانيزاونلاين وشكرا للزناتي والباشمهندس بكري ابوبكرالخلونا ندخل العالم الجميل ونتواصل مع الناس والشكر موصول لعصام دهب وحيدر حنين صاحب البوست .المداخلة الاولى لازم تكون من النوع الافتتاحي
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
ما عافى ليكم يا ناس علوم الجنيهه
القلعتو صدوقة عبدالله رجب من يدى
بالله البت ممسكنها دفتر تبرعات لاسرة علوم
ما بتخليك الا تنفطك نفيط
قابلتنى فى الزقازق بتاع ابوطرطور المودى للجامعة
اديتها جنيهه قلت ليها شيلى 25 قرش قالت لي مافى فكه
كتب لى ايصال بجنيهه عبارة عن تبرع
وقالت لي ما تربية وعلوم واحد
نصكم كلو محاضراتو فى علوم
غايتو جنس غايتو
الله في ..
زهير شوف لينا موضوع المهمشين الزراعيين
منصور فى انتظارك
| |
|
|
|
|
|
|
|
|
 Re: ناس الزقازيق ... أجدع ناس .. (Re: عصام دهب)
|
ندق الباب وبأدب نستاذن في الدخول لمحراب هؤلاء الرائعون ويازهير كتر خيرك كتير والتحايا موصولة للباشمهندس بكري الذي هيأ لنا هذا....
أحبتي الشوق ليكم لاحدود له وبالطبع اكثر من كل الامطار التي هطلت في خريف هذا العام... أحاول ان استجمع كل الافكار رغم انها تهرب كثيرا هذه الايام "العيد قرب" وزحمة الشغل ومطالب العيال
والله انا مامصدق انو الواحد من جديد سوف يلتقي بالاحبة من جديد عبر اثير هذا البوست الرائع والذي وجدنا فيه الكثير ، وطبعا قبل ما ندخل في تفاصيل وضع الصورة وكدة عاوزين تعهد بعدم التعليق خصوصا من اصحاب اللسان الطويل"طبعا عارفين نفسهم" ولا شنو ياعبدالدائم
طبعا لم نتشرف بعضوية نادي الاستايل لكن القطن زرعناه وحصدناه ولكم ان تنجدوا مراتبكم كمان، عموما لي عودة بعد ماانتهي من البرلمة عبر البوست وعاوزين السناير ينورونا بس اوعا من التنظيم.
تحياتي لكم ايها الرائعون ........ وترحيب شديد بالدفعة مبارك جادين
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
مرحب يا جلال ، وعليك الله إنت مبارك جادين دا دفعتك
والله الليلة العجايز كلهم ظهروا ،،، وانا كنت
قايلك دفعتنا ومصحاحبك ، وأدافر ليك في صف العيش
أتاريك طلعت من الجماعة ، ما كان العشم ،
عليكم الله إتصلوا يا جلال بي ميسرة سيد احمد وبشروه بالعضوية
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
الاعزاء جدا في ناس الزقازيق ..اجدع ناس
ابدا قولي كما قال محمد عبدالله الريح بانه كلما سمع اغنية ابوداؤد لشاعرها محمد علي الامي زروعك في قلبي يامن كساني شجون اشتم معها رائحة فل وجوافة ولارنجة لانها كانت مزروعة في بيتهم في الابيض عندما سمع الاغنية اول مرة.وانا والله لتعروني رعشة وانا اكتب لاحبتي ناس الزقازيق كما قال الشاعر كما انتفض العصفور بلله القطر (البيت كان معجب بيهو مصطفى محمد الحسن-حقو تشفو ليهو طريقة يازهير) والاحبة كلهم مشرفين وشكرا يا طارق جبريل ويا عبد الدائم ويا جلال عثمان ويا زهير انحنا كبرنا ماداسينو والدفعة كلها خلي واحد ينكر فسوف انبري ليهو طوالي .
موضوع القروش الدايره عبد الدائم يسال عنها اخر رئيس للاسرة.
دايرين ناس الزقازيق كلهم يكونوا معانا ومرحب بميسرة سيد احمد رئيس الاتحاد.
وكل عام وانتم بخير
| |
|
|
|
|
|
|
|
|
|
Re: ناس الزقازيق ... أجدع ناس .. (Re: مبارك جادين)
|
انا طبعا دفعة مبارك جادين
لاننا جينا في طيارة واحدة
ولقينا جلال وعبدالدايم النضيف ومحمود الحوري وجماع مصطفي
وصلوا الزقازيق قبلنا بزي كم يوم
يعني هم الدفعة القبلنا
بزي كم يوم
مرحب جلال ومبارك وميسرة الرئيس
لكم تحايا
و رمضان كريم
| |
|
|
|
|
|
|
|
|
|
Re: ناس الزقازيق ... أجدع ناس .. (Re: salah elamin)
|
يااخوانا ومن قبيل كب الزوغة انا قصدي دفعة في البوست يعني دفعة 13/9/2008 "دي بتتخرج متين؟" وطبعا انا لملن جيت الزقازيق كان لقيت محمد الهادي خالط في شارع القومية والله قايل روحي لسة في سنار.
تحياتي للاحبة طارق جبريل... وصلاح الامين ... ومبارك جادين... علي الترحيب
سؤال؟؟
ياربي سامي الكهرباء في الشرقية قاطعة ولا شنو؟
في انتظار الريس ميسرة سيداحمد ...... الظاهر الجمعية العمومية لسة ماانتهت.
| |
|
|
|
|
|
|
|
|
 Re: ناس الزقازيق ... أجدع ناس .. (Re: جلال عثمان)
|
مرحب بالقادمين الجدد مبارك جادين و جلال عثمان و اعذرونا يا ناس الزقازيق
بسودانيز اونلاين على التقصير فعجاجة البورد بره البوست الحنين ده مرات
بتطشش عيونا و تخلي الواحد يقصر مع اجدع ناس غصبا عنه..
و يا مبارك سن سيفك و امرق لبره عشان تشوف معانا ناس السودان القديم ديل
اخرتهم شنو بالضبط
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
مرحب بالقادمين الجدد مبارك جادين و جلال عثمان و اعذرونا يا ناس الزقازيق
بسودانيز اونلاين على التقصير فعجاجة البورد بره البوست الحنين ده مرات
بتطشش عيونا و تخلي الواحد يقصر مع اجدع ناس غصبا عنه..
و يا مبارك سن سيفك و امرق لبره عشان تشوف معانا ناس السودان القديم ديل
اخرتهم شنو بالضبط
| |
|
|
|
|
|
|
|
|
 Re: ناس الزقازيق ... أجدع ناس .. (Re: عصام دهب)
|
ترحيب حار ... مع صفقة عالية ... ووقفة تحية وشوق للأخوان
جلال عثمان
النقي العزيز جدا مبارك جادين ... ولا انسي يا مبارك لما ضحكتوا علينا ونحن سناير وخريجين انت ومحمود الحوري وعملنا تنظيم المعتدلين ... ونزلتونا الانتخابات واركان النقاش آخر عمرنا...
بالرغم من عدم ظهوره حتي الآن العزيز ميسرة سيد أحمد ... والف كفارة للسرقة ... والاتصال بك واجب توقع التلفون ... بس اظهر كما عهدناك دائما بظهورك الانيق ...
ويا عصام دهب ... ان شاء الله اليااااااك الجايه حتكون لبيتك ... ولك العتبي حتي ترضي ...
وشكرنا مقدر لجهود الزميل زهير الزناتي ... ودي كلها تضاف لحسنات رمضان ... ولا عاوزها اصوات بانتخابات السودان الجاية ... 
شكلوا المنبر حيولع نار
نشوف البقية
اختفي في ظروف غامضة اخونا سامي عبد الوهاب
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
يا جلال اسفين على الترحيب المتأخر
اصلى مع ميسرة بالتلفون من الصباح
بيعمل فى البروفايل حقو
يعنى ما براك البرلوم
ما تخاف ما بقول اى حاجة ....
لو ما عندك رصيد عندك الماسنجر الداخلى
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
تحايا لأجدع ناس
وترحيب حار جدا بالبرالمة الموجودين الآن بشقة الإستقبال (السوق)
جلال عثمان ومبارك جادين
والبرولم الما زال في شقة الإستقبال بالقاهرة
ميسره سيد أحمد
والله منورين... وفرحنا بيكم كتير
وأعذرونا على التأخير في زيارتنا ليكم (رمضان دخل العضم)
وعقبال ما نشوف المزيد من الجدعان معانا هنا
لكن أول حاجة دايرين من الناس الجداد ديل ما ينقطعو ولا يوم من الكتابة عشان الناس القدام ديل بنزينم قطع خلاص
يلا شدو الهمة
| |
|
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
أحبتي اهل الزقازيق أكتب إليكم اليوم وكلي شوق وحنين صادق لأخواتي وزملائي الزقازيقيين وحالياُ أكتب لكم وكل عضلي في جسدي تتحرك وبدواخلي عواطف جياشة ومشاعر متداخله ومتضاربه وذكريات لا تُنسى ومواقف جميلة ولا أصدق نفسي بأني سوف أعود وأخاطب من أحببتهم ومن صادقتهم وعاشرتهم0
الشكر موصول للأخ العزيز جداً زهير الزناتي والأخ/ أبو بكر ويا زهير أنت موعود بإذن الله بان نلبسك وسام إبن الزقازيق البار ومعكم الشقيق عصام دهب (الشاب الدهب) وكل الأخوة والزملاء الذين ساهموا في إنجاز ونجاح هذا البوست العظيم 0
كنت من المتابعين لما يكتب بهذا البوست الرائع منذ فترة طويلة جداً وتابعت أخباركم وأفراحكم وأحزانكم (حيث غيب الموت عنا ناس أعزاء ولا حولة ولا قوة إلا بالله) ، كما تمتعت بمشاهدة كثير من صورالزملاء وعلى راسهم محمد الهادي وعابدين وصلاح الأمين ومولانا بشير علي العبيد ونهلة وأحسان وآخرين كُتر 0000 ولو ما كنتم مصدقين أسألوا أخوي عبدالدائم وعثمان الجيلي صاحب الفضل في التعرف على هذا البوست وكذلك أحي الإخوة العائدين للبوست (والعود أحمد) ،،، صلاح الأمين وصفيه وطارق ،،، وحيدر ،، وسيف النصر ،،، وعودة سامي عبدالوهاب
يا ناس الزقازيق يا أجدع ناس وأحلي ناس وأفهم ناس وأكرم ناس أحبكم جميعاً
| |
|
|
|
|
|
|
|
|
 Re: ناس الزقازيق ... أجدع ناس .. (Re: عصام دهب)
|
من منى يونس إلى ناس الزقازيق أجدع ناس ، شعار جميل وحقيقي أجدع ناس ، أحيكم يا أخوتي عبر الأثير عبر بوستنا الجميل والقوي في الحقيقة كنت أتابع بشكل يومي كتابات الأخوة الزقازيقاب (عصام دهب ، زهير الزناتي ، ياسر نجيلة الأخت/ صفية وسامي عبدالوهاب من الشرقية ومداخلات منصور من الرياض وصالح تبلدينا وصديقنا الوفي عثمان الجيلي والأخ/جمال السنوسي الذي زارنا في منزلنا كثيراً وصاحب الشمار الكبير عبدالدائم وصلاح الأمين وسيف النصر وحيدر وطارق جبريل وحتى الدخول الحديث للأخت/ سناء الصباغ والأخ/ مبارك جادين والأخ/ جلال وأخيراُ ميسرة وكمان منى يونس .
عدت للوراء وعشت مرة أخرى أيام الزقازيق والذكريات الرائعة وشارع القومية العربية ودار الاتحاد ومستشفى الشبراويشي و21أكتوبر ودار الانتفاضة وكلية آداب ولكوظ ودار المغتربات ........... كانت لنا أيام في قلبي ذكراها وما زلت أطراها .
قرأت في إحدي المرات بأن من بين الذين إختفوا شخصي وللعلم أنا موجودة بمدينة جدة متزوجة من زميلكم ميسرة ولي من الأبناء (محسنة ومنذر ومشكاة) وقد فقدت ثلاثة أولاد عند الولادة هم مهتدي ومؤمن ومروان - ، أعمل حالياً أستاذة بإحدى مدارس جدة
سوف أتواصل معكم وإعتبرونا دماء جديدة لحوش الزقازيقاب
منى أحمد يونس
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
مرحب بالريس الكبير الزميل / ميسرة سيد أحمد ..
و مرحب بحرمه المصون الزميلة / منى يونس ..
و أنا عايز أنتهز الفرصة السعيدة دي عشان أقول للريس ألف شكر ليك ياخي ، فلا زلت أذكر جيداً أنني عندما كنت برلوماً ـ كرت كرتونة ـ حضرت آخر جمعية عمومية لإتحاد تجمع قوى الإنتفاضة في نادي الشرقية و كان فيها فطاحل الفطاحلة ( ميسرة سيد أحمد ، زاهر الصادق ، صلاح جلال ، ياسين بتاع حزب الأمة صلاح على صالح ، أمين السمين ، إبراهيم هباني ، أدروب ، محمد عبد السلام ، شاويش ، د. عصام محمد عثمان ـ رحمه الله رحمة واسعة ـ عبد الصادق و ناس كبااار .. كبااار .. هذا غير الباقين من العظام الذين فات علي ذكرهم ، و أنتا يا صلاح الأمين كنت سكرتير عام ..
المهم و إنا برلوم داقس قام واحد من الأشقاء حرشني عشان آخد فرصة و أقوم أشوت في موضوع المحاضر بتاعت إجتماعات اللجنة التنفيذية و المجلس و ما كضبت والريس ميسرة كان كريم أوي ما قصر أداني فرصة و كل الناس مستغربة في البرلوم الجا ليهو يومين و عايز يتكلم في جمعية عمومية ، قمت شايت ضفاري لآمن باص الرصيرص فات ..
بعد الجمعية العمومية مشيت مع الشقيق / محمد عبد السلام حضرنا إجتماع لحاجة إسمها لام سين ( لجنة سياسية ) بتاعت التنظيمات كان فيهو ناس فطاحلة جد جد ، لكن و التجمع اليوم داك فركش و كل زول نزل بي لستة و جوا أخوانا الكيزان مسكوا الإتحاد المسكة الياها تاني ما شميناهو ..
و أظرف حاجة لما الناس قالوا كل زول ينزل الإنتخابات براهو نحنا ـ الإتحاديين ت لم يكن لدينا عضوية منتظمة عشان تكمل اللستة ، و لأنو قياداتنا كلهم كانوا عيانين أو مافيشين اليوم داك قمت أنا طوالي مدارة للفضيحة جازفت ليك بيان أعلنت فيهو إنسحاب التنظيم من الإنتخابات بسبب ما صاحب الجمعية العمومية من أحداث و إنعدام الثقة و كون الظروف غير مهيئة للعمل النقابي الملتزم و كضب كتير كدة ، و طبعاً كانت اصوات حزب الأمة و الجبهة الديمقراطية بس ـ لو إجتمعوا ـ أكتر من أصوات الإتجاه الإسلامي ..
و بعد ما الريس ميسرة أداني فرصة تاني ما شميتها في أي جمعية عمومية لأخوانا بتاعين الإتجاه الإسلامي لأنو الجمعية العمومية كانت بتبدأ بالقران الكريم و بعد شوية طوالي يطردوني ( عصام دهب أطلع برة ) و مرة عايز أعكلت ساكت كدة قاموا طردوني أبيت أطلع لأنو ( محمد عثمان ) قال لي عصام دهب أطلع برة !! قمت قلت ليهو أنا ما عصام دهب أنا عصام الدين دهب ( الدين دي ناسيها مالك ؟؟ ) واحد من زملانا الكيزان نط قال لي ( جابت ليها سب دين كمان ) !!
يا الله ياخي يا ريس كانت أيااام و كانوا ناس ما بيتكرروا ..
ـــ
مراحب بيك يا ريس و بالمدام ، و على فكرة مرة لاقيتك في محل فول في حي الصفا و سلمت عليك بس شكلك كنت مستعجل .. لكن أكيد حنتقابل ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
يا مبارك جادين مرحب بيك كتير يا راجل يا عملاق ولينا فترة طويلة نبحث عنك ونسأل عن أخبارك نحمد الله إن ربنا نجاك وعدت إلينا سالماً غانماً ونواصل مشوار التواصل عبر هذا البوست الرائع
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
يا جماعة عصام دهب ده لما جانا برلوم كان برلمون بسنونه وكان شاب فاهم ومنظم وواثق من نفسه وما كان برلوم مخموم وطيلة عملنا السياسي المشترك كان أكبر من عمره والحقيقة كنت أنا أنظر إليه نظرة إعجاب شديده وكان شقيق صلب وقوي وأجتهد كتير جداً وكان يساند الإتحادي العتيد مولانا بشير على العبيد والمرحوم دكتور عصام وكان مكسب إتحادي كبير ومكسب للحركة الطلابية وكنا في جلساتنا الخاصة نشيد به .
ونعود للواقع شكلك في البوست ليست شكل عصام بتاع الزقازيق واليوم شكلك مرتاح جداً والله أنا أتمنى أن أشاهدك وأشوفك وأجلس معك بس لا أذكر بأني شاهدتك في مكان والخوف أكون ما عرفتك ولأنه أنا ومنى كنا نرغب في الإتصال بك حتى ندخل بوستكم الرائع أتمنى أن أشوفك وأشوف أولادك لأنك كتبت عنهم بشكل مميز وأنحنا كنا نتابع كتاباتك الرائعة وما زلنا معجبين بمجهودات الجبارة منذ أن كنت طالب ولكم الود ولنا العذرُ
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
جلال عثمان مهما طال الزمن الحي لازم يلاقي بس بصراحة صورتك حلوه ولكن تغيرت كثير ولا يكون ده أخوك الكبير وأنا مازلت واضح ليك الصورة القديمة فاكر لمن كان عندكم حرامي في بيتكم بسنار وعند المطارده أطلقت الصاروخ الناري تجاه الحرامي ووقف الحرامي مرعوباً والوالد مندهشاً بس كان عندنا قبل أسبوعين حرامي وبحثت عنك وعن ألعابك النارية ولم أجدك والبركة في أخونا عبدالدائم زي ما قالت منى يونس صاحب الشمار الكثيرعمل لينا وصفة تمنع دخول الحرامية وتطرد الشيطان والله زمان يا جلال 0
سؤال بسيط جداً محمد الهادي ده مالو شكله أصبح كدي وعابدين ده إلا استعنت بالبصمات حتى تأكدت إن هذا عابدين 0
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
صاحب الضحكة البريئة والقلب الطيب والذهن الصافي سامي عبدالوهاب وصاحب أجمل صورة بالبوست بس الصورة دي كانت سنة كام
وبصراحة يا زهير الزناتي ويا ناس الزقازيق أنحنا عايزين صور حديثة مع التوضيح حتى لا تتشابه علينا الأمور 0
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
عرفناهـ أخ وصديق بشوش كان إجتماعياً طيب القلب متفاهم ومتفهم لكل ألوان الطيف السياسي ، دخل معترك العمل السياسي والنقابي بقوة خفنا عليه ومن جسده النحيل ولكنه كان صلباً مشاكساً ، التحية لأخونا صلاح الأمين سكرتير عام إتحاد الزقازيق ، وبصراحة آخر صورة شاهدناها لكم كنت محافظ جداً بس مش زي أخونا محمود الحوري ولسان حاله يقول وإشتعل الرأس شيباً 0
| |
|
|
|
|
|
|
|
|
 Re: ناس الزقازيق ... أجدع ناس .. (Re: عصام دهب)
|
..
.
ترحيب حار
بالاعزاء
مباركـ جادين
جلال عثمان
ميسرة سيداحمد
مرحبا بكم فى المنبر ومن ضمن اسرة التواصل الزقازيقي ..
انت يا زناتى عملت بوست لجادين
يعنى سامى يعمل لميسرة وجلال ولا شنو ؟؟
عندكم حركات يا ناس ....
____________
اها بعد دا انا وصفية بنسال ما عندنا فطور
ياخى ما قلنا السبت 20 رمضان واعتقد فى الملتقى المعهود
بس المهام والشيرينغ ..
دمتم
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
Quote: انت يا زناتى عملت بوست لجادين
يعنى سامى يعمل لميسرة وجلال ولا شنو ؟؟
عندكم حركات يا ناس ....
|
يا صالح نجيب للمستقلين ديل عضوية وكمان بوست ترحيب طيب ما اقدم
ليهم طلب واريح نفسي 
بعدين ميسرة دا راجل ما ساهل وكان رئيس الاتحاد يعني لازم ترحبوا بيهو كلكم
بالتضامن وتعملوا بوست إستثنائي ليهو :
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب) (Re: عصام دهب)
|
مرحبا بالاخ مبارك جادين
وترحيب حار بالاخ ميسرة والعزيزة منى يونس
ومرحب بالاخ جلال والله ياخوانا جلال دا غباني خالص ,اما يكون صغير جدا وحضر للزقازيق بعد مغادرتنا لها
ودا مستبعد من الصورة الحديثا له أو اكون قد اصبت بالزهايمر وهوالاحتمال الارجح عموما لفض الاشتباك ارجو من مسؤول
الرشيف عبد الدائم انزال صورة قديمة لجلال عشان نفهم الحاصل.
ميسرة يبدو عليه أن ذاكرته ما زات مرتبة مثله فأرجو ان يحكي لنا عن ذكريات اتحاد التحالف هذه الفترة التي غابت كثير
من تفاصيلها عن ذاكرتي.
صفية وصالح افتكر انتوا كبرتوا على الجلوس في الحدائق الناس الزيكم مفروض يتكلموا عن افطار عمل في الهيلتون
أو عشاء على هامش المؤتمر الفلاني او ورشة العمل العلانية اصلكم ما بتطوروا
التحايا لزهير رجل المهام الصعبة ولود امي صلاح الامين وسامي عبد الوهاب
يازهير بالله اجتهد مع الرشيد بابكر ومنصور ونجاة حوفي
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب) (Re: عصام دهب)
|
مرحبا بالاخ مبارك جادين
وترحيب حار بالاخ ميسرة والعزيزة منى يونس
ومرحب بالاخ جلال والله ياخوانا جلال دا غباني خالص ,اما يكون صغير جدا وحضر للزقازيق بعد مغادرتنا لها
ودا مستبعد من الصورة الحديثا له أو اكون قد اصبت بالزهايمر وهوالاحتمال الارجح عموما لفض الاشتباك ارجو من مسؤول
الرشيف عبد الدائم انزال صورة قديمة لجلال عشان نفهم الحاصل.
ميسرة يبدو عليه أن ذاكرته ما زات مرتبة مثله فأرجو ان يحكي لنا عن ذكريات اتحاد التحالف هذه الفترة التي غابت كثير
من تفاصيلها عن ذاكرتي.
صفية وصالح افتكر انتوا كبرتوا على الجلوس في الحدائق الناس الزيكم مفروض يتكلموا عن افطار عمل في الهيلتون
أو عشاء على هامش المؤتمر الفلاني او ورشة العمل العلانية اصلكم ما بتطوروا
التحايا لزهير رجل المهام الصعبة ولود امي صلاح الامين وسامي عبد الوهاب
يازهير بالله اجتهد مع الرشيد بابكر ومنصور ونجاة حوفي
| |
|
|
|
|
|
|
|
|
 Re: Re: ناس الزقازيق ... أجدع ناس .. (Re: عصام دهب) (Re: سناء الصباغ)
|
الأخت العزيزة سناء الصباغ
لك التحية
وكل عام وأنت بألف خير
| Quote: ومرحب بالاخ جلال والله ياخوانا جلال دا غباني خالص ,اما يكون صغير جدا وحضر للزقازيق بعد مغادرتنا لها |
والله يا سناء الليلة جلال كلامك دا يكون طبعو وبروزو كمان
عشان أقرب ليك الشغلة دي شوية نحن كنا ثلاثي محمد الهادي وجلال عثمان وسامي عبد الوهاب - تربية الزقازية من يناير 1986 وكنا الثلاثة م. م كنا دائما ساكنين سوا
وكان ما عرفتي بعد دا نحاول نجيب ليك صورة كدة تكون وااااااااااااضحة
عشان عامل السن وتأثيراتو على النظر والذاكرة
وكوني بخير
| |
|
|
|
|
|
|
|
|
|
Re: Re: ناس الزقازيق ... أجدع ناس .. (Re: عصام دهب) (Re: سناء الصباغ)
|
..
.
Quote: صفية وصالح افتكر انتوا كبرتوا على الجلوس في الحدائق الناس الزيكم مفروض يتكلموا عن افطار عمل في الهيلتون
أو عشاء على هامش المؤتمر الفلاني او ورشة العمل العلانية اصلكم ما بتطوروا |
سناء الصباغ ..
ازيك واخباركـ ..
ووين افطار عمل فىاالهيلتون ..
ناس السودان ديل بروتاريا وطبقة عاملة لو قلنا كدا
نبقي فى البرجوزازية والرأسمالية .. والحاجات الما بحبها زهير ديك
فلازم نقد مع كفاح قوى الشعب العاملة فى الاماكن العامة ..
__________
بالمناسبة الهيلتون باعوهو .. باريس هيلتون قالت ما دايراهو معانا
وحسي المستثمر الجديد بفتش ليهو على اسم ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
معقول يا زناتي صورة سامي دي في إستديو مصر ده أنحنا أتخمينا قوي يا جدعان وعمال منى يونس تقول لي ما شاء الله سامي ده ما بيكبر ابداً شوفو وشوف عابدين !!!!!!!!!!!!!!!!!!!!!!!!
وبصراحة يا جماعة أنحنا مؤمنين باخونا عبدالدائم وبطلوا حسد ومن أول النصائح تغيير الموقع الجغرافي – الهروب الكبير - (شقة جديدة بحي الرحاب) وبعد أيام نستلم البخور والذي منه قبل دخول عتبة الدخول والماعنده فكي قوي يفتش ليهو فكي 0
حبيبنا عبدالدائم بنقبل منك الدرس الأول والثاني وكمان الثالث وما عندنا مانع نقبل الدروس الخصوصية بدار الإتحاد بس ما تقول شقة البرالمة لأننا ما عارفين الجماعة ديلك دسوها وين 0
يغادرنا إلى أرض الوطن غداً ومصطحباً معه سيارة لاندكروزر أخونا وزميلنا ودفعتنا عثمان الجيلي ،،،، بالسلامة يا عثمان وعودة حميداً وتحياتي للأولاد وأختنا نوال البلول ويا ناس السودان ما تقصروا وما بوصيكم عثمان ده حبيبنا 0
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
عدى يا سناء من اليمين نمرة اربعة اللابس بابيونة ده انا
وبعدى جـــــلال بقميص ابيض وبنطلون رمادى بس هو معصور
عصرة قوية اوى اووووى من عبدالله جالية
صفية مساعد الصورة الخاتها دى فى استوديو مصر برضو ....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
يا ناس الزقازيق .. يااجدع ناس
انحنا مش برالمة بس يا سامي انحنا لازم نقوم بتسخينة قوية حتى نقدر نلحق الترحيب الجميل بينا
وموقفنا بتاع الزقازيق دة ياسيف النصر نتدارى منه من الكترابه المولعة بره لانه الامر كما يقولو في المسلسل المصري لايسلم تقوم تجيب ليه اعتصام ولا حاجة
يا ميسرة واله اطلالتك على قلبنا زي السكر
طبعا مرة في جمعية عمومية في نادي الشرقية يا عصام دهب الفرصة كانت مع عاطف علي طلع المسرح وهويرتدي شال بتاع كفاح الطلبة ويريد المناقشة في المكتب المالي قام محمود الحوري كورك فيهو سلمى يا ظالمة ياعاطف
الاخوات صفية وسناء الصباغ حبابكم عشرات ..وانحنا جاهزين للفطور شيارينغ وتكليفات يا صالح ومبروك ابيي
ياسر نجيلة تحياتي القلبية وبركة السمعنا صوتك الاسفيري بعد الزمن الطويل
| |
|
|
|
|
|
|
|
|
|
Re: ناس الزقازيق ... أجدع ناس .. (Re: مبارك جادين)
|
اولا التحايا اسوقها للريس ومدام مني والاولاد وان شاء الله قريبا سوف نكون بجدة ونسجل ليكم وكل زقازيقاب جدة زيارة في بيتكم العامر ان شاء الله وكفارة ياريس والجاتك في مالك سامحتك.وتشكرات لكل زقازيقاب جدة غير علي الترحيب الحار الرائع عصام الدهب والنضيف الظريف عبدالدائم - والله صورتك النزلتها لي دي انا ماعرفتها خلي الزميلة سناء الصباغ. وتحياتي كذلك للرائع عثمان الجيلي وإجازة سعيدة وتحياتي للاخت نوال البلول والاولاد
كذلك دكتور سيف والم
| |
|
|
|
|
|
|
|
|
|
Re: ناس الزقازيق ... أجدع ناس .. (Re: مبارك جادين)
|
اولا التحايا اسوقها للريس ومدام مني والاولاد وان شاء الله قريبا سوف نكون بجدة ونسجل ليكم وكل زقازيقاب جدة زيارة في بيتكم العامر ان شاء الله وكفارة ياريس والجاتك في مالك سامحتك.وتشكرات لكل زقازيقاب جدة غير علي الترحيب الحار الرائع عصام الدهب والنضيف الظريف عبدالدائم - والله صورتك النزلتها لي دي انا ماعرفتها خلي الزميلة سناء الصباغ. وتحياتي كذلك للرائع عثمان الجيلي وإجازة سعيدة وتحياتي للاخت نوال البلول والاولاد
كذلك دكتور سيف والمدام والاولاد ودكتور صلاح الامين وصالح تبلدينا ودكتورة سناء الصباغ والله انا مرجح انو يكون السبب طول الفترة الزمنية لانو أخر مرة قابلتك كان ايام عيادة مرزوق ان لم تخني الذاكرة
تحياتي لك واسرتك الكريمة وتحياتي وكذلك التحايا للاخ ياسر نجيلة وشكرا علي الترحيب الحار
ويازهير والله وسام ابن الزقازيق البار الزي اقترحه الريس دا ان شاء الله نخليه حقيقة لانك تستحق اكثر من انو الواحد يدافر ليك في صف العيش في الفرن في شارع الشهيد بعد استديو مصر!! وبالمناسبة هاك تفسير مرجعية عادل الجعلي للعيش "مرة قابل محمد الهادي شايل رغيف فينو لانو مابياكل الجينز قام قال ليهو والله يامحمد الهادي نحن رغيفك ده بنحشي بيه العيش الجنز وناكلوا"تحية يارائع وتحايا خاصة للخالة وياخوي فعلا الظاهر عليها كبرت شنو ولا مرة كدة طلت.
ياسامي ياخوي الريس بيسأل من محمد الهادي وعابدين الظاهر في إجتماع اقترح شقة ياسر السراج عشان الواحد بالمرة يسلم علي محمد شمس الدين وينو الزول ده.
والله ياجماعة ليكم وحشة ماعاديه، لكن زي ماقال عصام دهب الزكريات تجتر الزكريات فتذكروا وغنوا للزقازيق ويلا شدوا اوتار القلوب يادكتور مرة ثانية
عبدالسميع وينك يازول ياغالي اوعه يكون برضو زي سناء الصباغ ... تحياتي ليك ولمحمدخير "عضم" وينو؟
يازهير بالله اذا شفت سمؤل ولدنا او كلمتوا أسألوا لي من دفعتنا طارق عثمان عبدالهادي ود الدامر شوق شديد لكل الناس ..................
حااقيف هنا لانو الساعة الان في الرياض 5:20 والله لو ماكان الفطور قرب كان تشوفو
تدوها كم دي.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
البوست دور بالدماء الجديدة
وهذه هترشات شعرية رمضانية ترحيبا بالجميع
واخص منهم :
الريس الانيق مسيرة سيد أحمد وزوجتة المصون مني يونس ، وياريس حاولت الاتصال بك على الرقم القديم والجديد ولكن ماشغالات الاتنين - عاوزين نكفر ليكم السرقة وربنا يعوضكم - وابقو عشرة على الفكي عبد الدائم ده فكي مجرب "بس كنا عزابة"
ابن سنار العزيز جلال عثمان - زمن والله يا جلال
والكريم المبتسم دائما مبارك جادين
وبقية الكوكبة الزقازيقية
ياحلاوه العشره وكتين تبقي صح الصح
ويا حلاوه الريده وكتين تصفي تفرح
ويا حلاوة ليلا معاكم مادرنا يصبح
وياحلاوة صبحا تكون انت المصبح
وياحلاوة يوميا بدايتو عليكم بنصبح
ودي كمان واحده نشرتها عن طريق بريد سامي عبد الوهاب ووقتها لم يكن لدي عضوية بسودانيزاونلاين
لمن نحن نتلاقي عصافير الامل تصحي
تغني مع الجريد المال توشح ذاتنا بالفرحة
نقول ليكم سلام مرحب عدد ماجرت السبحة
عدد نقط المطر في الغيم وشوق الماحي للمدحة
وفاء وإخلاص وداد وحنين وبي شوفتكم تكتمل اللوحة
ودام تواصلكم يارائعين
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
الأخ العزيز ميسره سيد أحمد
الأخت العزيزة منى يونس
لكم التحية والإحترام وكل سنة وإنتو طيبين
والجاتكم في مالكم سامحتكم
وبعدين يا ميسره ما تسمع لي كلام العواجيز ناس زهير الزناتي وكل ناس (الصِلع والشعر الأبيض) شفت الصورة دي بغيرها ليكم بصورة جديييييييييييييييييييييدة... أها بعداك النشوف الناس...
آل إيه!!! آل إستوديو مصر آل
والله اليومين دي البوست لذيذ شديد
بس أنا غايتو ما لاقي لي فرقة مع الشغل وسهر رمضان دا والله مجهجه لينا اليوم جهجهة شديدة خلاص
يا زهير الزناتي ماااااا تشوف لينا ناس الرشيد ونجاة حوفي ومنصور وعادل عبد الرحمن (تجارة) وقيس جمال الدين وعثمان الخير ومحمد آدم ومجتبى والفاتح علي بشير و.. و... بقية العقد الفريد والله الناس ديل كانو متواصلين معانا كوييييييييييييس لكن فجأة إختفو من ما إنضرب موقع الزقازيق
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
أنا في انتظارك يا جلال بجدة ونتوقع الزيارة حتى ولو كانت عمرة بس لازم تجوا ولكل الزقازيقاب حبابكم عشرة بلا كشرة بمدينة جدة .
ياسر نجيلة والله الشعر عندك ونرحب بيك شاعر البوست وبطلوا حسد يا ناس فلان والزول ده من زمان عندهـ شعور وإحساس مرهف وراجل رقيق جداً، ويا ياسر في إنتظار المكالمة الهاتفية في أي لحظة ولمن تعدي على جدة بعد عصام دهب أنحنا في إنتظارك .
صورة سامي جميلة كان في إستديو مصر أو في جدة بس أنحنا عايزين نملأ البوست بالصورة الحديثة حتى لا ننسى ملاح الآخرين وشكراً يا سامي .
أختنا صفية مساعد مشكورة وما تقصري بس ما تهتمي لتلميحات أخونا عبدالدائم النضيف وما تنسونا في فطوركم مع مبارك جادين .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
يا حيدر حنين صورة صاحب الحوش دي جبتها من وين
كيف اتلمت اليابان مع جدة
لكن الشيشة والجلابية ما عندك يا عصام دهب ...
ولا انا غلطان ده ما عصام دهب ... عموما نظري بقول ده عصام ...
Quote: وفاء وإخلاص وداد وحنين
ديل كانو فى ياتو كلية
|
يا عبدالدائم وسامي
ديل كانو بقرو في كلية "مولد النبي تخصص شارع البوسته" حتي اسأل "حنين" كان خالطهم لما قلت الكلمات دي
وياريس ميسرة تشكر على دفاعك الجميل _ وهذا طبعك من زمان - وانا جايك ان شاء الله "بالسلك" وبي خشم الباب
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
طبعا الواحد اول حاجة بعملها لما ادخل سودانيزاونلاين بفتح بوست الزقازيق
وبعدها يحوم على باقي البوستات
عشان كده عرفت لاحقا بعد تعليقي السابق أعلاه
ان هذه الصورة لوجيهنا الاستاذ عصام دهب - يعني نظري ما خذلني
بافطار بورداب جده ومعه الحبيب جمال السنوسي
الجلاليب والشالات عندكم يا ناس جده
النضيف مالك ماجيت الفطور ده معاهم؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
سلام لكل أهلي الزقازيقاب و تحية خاصة للون ـ تو الرائعة من الصباح ما بين د. صفية و د. طارق ..
ـ
النضيف .. حمداً لله على سلامة النضيفة الوالدة و النضيف الوالد و مليون يا هلا و مسهلا ، و عمرة مقبولة إن شاء الله و يا بختكم وبخت النضيفة ( عناب ) .. تحياتي لهم جميعاً لحين زيارة ..
ـ
حيدر يا حنين كيفك و أشبال التاميل و صاحبي أ. الفاتح و كل اليابان ،،
بعدين يا حيدر الصورة دي ما تغشك ساكت و تقول الزول دة بقى معلم كبير ، دي حركات جيش ساكت على رأي المثل( المظاهر خداعة ) طبعاً أنا بطلت تدخين خالص من عام 2000م ، و ما برتاح لريحة السجاير خالص لكن لو شميت لي ريحة معسل ( تفاح أو كوكتيل ) كمان ما بهجد إلا لما آخد لي كم نفس كدة نظام شحتفة و تخميسة و كدة ..
ــ
ياسر يا نجيلة ..
بالله كتر لينا من الحاجات الحلوة و خفيفة دي و بعدين كلام النضيف دا كلام زول ما عندو حديدة ( شعرية ) عشان كدة ما تشتغل بيهو الشغلة ، واصل إبداعك يامان ..
ـ
د. حاتم جبارة ..
يااااك !!
ـ
د. الصادق عبد الله ..
حتى up ذاتهاخليتها ؟؟
ـ
ميسرة ، مبارك ، جلال ، منى ،
منورين و الله .. مفيش أتفضلوا دة البيت بيتكو يا جدعان ..
_
زهير ..
الله لا جاب يوم شكرك يا لزام التقيلة و إرسلت لك الإيميل المطلوب على المسنجر ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
Quote: يا عبدالدائم وسامي
ديل كانو بقرو في كلية "مولد النبي تخصص شارع البوسته" حتي اسأل "حنين" كان خالطهم لما قلت الكلمات دي |
ود نجيلة
عساك طيب
عبدالدائم وسامي مابقدرو يشوفو حسان الجنة ديل متلنا
نحن كنا بنطلع للشارع متوضيين
...
باغتتني إحداهن ذات يوم بعد أن رأت زجاجة خل فارغة فى محبسي وحسبتها ماحسبت..
ياحنين كنت فاكراك صوفي
عندها .. ماشفع تغريدي الحزين
وما رك على أيكي بلوم
المؤمن مصاب ..
هكذا واساني شيخي جالب الخل
لهن وله من الدعاء أطيبه
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
بمناسبة العضوية المشتركة لمني وميسرة ....
عصام دهب الماسنجر لم يصل حتي الآن ممكن علي الإيميل
[email protected]
ونرحب بكل الرسائل من جميع ناس الزقازيق
البادي النور إزيك ... يا بتاع سويسرا ...
طبعاً البادي جا من سويسرا قبل رمضان بأسبوع ،، رمضان كريم ما قالها لينا ، ودي إسبوعين في سويسرا يعني لو أخد 3 شهور تاني لو لاقانا في الشارع سلام الله في تلتلة ....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
أعذروني .. فاتني أن أرحب بالاخوة الأعزاء ميسرة ومبارك وجلال وده ترتيب بحسب الـ seniority
مرحبا بكم كثيرا فى حوشنا العامر بوجودكم وإن شاء الله يطيب ليكم المقام لننعم وكافة القبيلة بحكيكم
وأتمنى أن يزدان الحوش بمقدم البقية المرشحة
ورمضان كريم
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
ميسرة العريس انا عجبنى ليو
سيرتو بالخميس انا عجبنى ليو
انا من هسه حاجز حانزل ليكم صور عرس هانى وصالح بالفيديو
كاااااان ربنا سهل ...
صديق الصادق يوم عرسو الكهرباء حتقطع عشان كده ما تتوقعو صور ..
يا زهير عندى واحد من ناس الزقازيق القدام متزوج اتنين
من الزقازيقيات واحدة كوزة والتانية تجمع ، انزل ياتو صورة
فيهم ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
Quote: اصلو ما حصل سمعت لي يوم زول من لكوظ
عزم ليهو زول من المساكن فطور فى رمضان
يا ربى عشان الحركة بتكون دايما فى اتجاه
دار الاتحاد هم بيجو يفطروا عندنا... |
متين يا عبد الدائم فطرتونا
يمين كوز موية ما قاعدين تدوهو لينا
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
لا تزال الأحبار الحزينة تتوالي عليكم أبناء الزقازيق
فالبارحة فقدنا زميل عزيز إثر علة طارئة العزيز
إبراهيم جوغان وهو يستعد في إجراءات العودة لمقر عمله بالسعودية
تم دفن الجثمان البارحة في الخرطوم والعزاء بالابيض ...
إبراهيم جوغان ... خريج كلية التجارة .,,, القوام الممتد و القلب الطيب
والعلاقات الممتدة ،، والإبتسامة الدائمة ،،، إبراهيم جوغان السوداني الحقيقي ...
رحم الله رحمة واسعة ، ولكل أهله وزملاءه صادق التعازي .....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
يا الله ... يا الله
با لهذه الفاجعة
يا لهذا الخبر الأليم
أخي الأكبر وسنيري العزيز أبراهيم جوغان
وكأنه أراد أراد بأن يلحق بصديقه ورفيقه مبارك أحمد عالم
رحمه الله رحمه واسعة وأدخله فسيح جناته وألهم آله وذويه وأسرته الصغيرة الصبر
المرحوم كان يقيم بمدينة الدمام وكان لنا لقاءات مستمرة وهو والله نعم الأخ ونعم الصديق
وكان قد إتصل بي من أم درمان قبل رمضان لكي يعزيني في مبارك أحمد عالم هو والأخ عمر الفنوب
لا أدري ماذا أكتب
لكن هو أمر الله
إنا لله وإنا إليه راجعون
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
سمعت الخبر الفاجعة من الأخ/ الهميم الأمين فضل المولى خبر وفاة الزميل إبراهيم جوغان وهرعت إلى سودانيز أون لاين ووجدت صحة الخبر من إبن الزقازيق الهمام زهير الزناتي .
ومن مفارقات الزمن أن يحزن هو لموت زميلة المرحوم مبارك أحمد عالم ولا نعلم بأن القدر ينسج خيوطه بوفاة الرجل الطيب وصاحب القلب الرحيم وصاحب الإبتسامة العريضة التي لا تفارقة وقد تعرض الزميل إبراهيم جوغان وهو برلموم لحادثة إغماء نتيجة إستنشاق غاز وهو يستحم كادت أن تؤدى بحياته ولو لا عودة بعض زملاء السكن ولكن هو العمر وهو القدر والأجل المحتوم .
مات إبراهيم جوغان وهو يعد العدة للعودة إلى دمام الحزن والكآبة ،،، ألا رحم الله جوغان والهم أهله وذويه الصبر والسلوان وإنا لله وإنا إليه راجعون ، ولا حولة ولا قوة إلا بالله العلي العظيم .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
لا الله الا الله محمد رسول الله و لا حول و لا قوة إلا بالله العلي العظيم ..
و ( كل من عليها فان و يبقى وجه ربك ذو الجلال و الإكرام )
اللهم يا الله أنت الله لا إله إلا أنت
اللهم إني أسألك بأسمائك الحسنى وصفاتك العلا
و بإسمك الأعظم أن تغفر لأخانا و زميلنا / إبراهيم جوغان
اللهم إغفر له و إرحمه و عافه و اعف عنه و أكرم نزله
ووسع مدخله و أغسله بالماء و الثلج و البرد ..
و نقه من الذنوب والخطايا كما ينقى الثوب الأبيض من الدنس ..
وأبدله دارا خيرا من داره
وأهلا خيرا من أهله ..
و أدخله الجنه و أعذه من عذاب القبر ..
اللهم نزل عبدك إبراهيم مفتقرا من الزاد .. مخشوشن المهاد غنيا عما في أيدي العباد .. فقيرا إلى مافي يدك ياجواد .. وأنت يارب خير من نزل بك المرملون .. وولج بسعة رحمتك الناس أجمعون .. اللهم إجعل قرى عبدك منك رحمتك.. ومهاده جنتك ..
اللهم أنزله منازل الصديقين و الشهداء والصالحين..
اللهم أعذه من عذاب القبر ..
اللهم ارحمه تحت الأرض..
واستره ولا تخزه يوم العرض..
اللهم يمن كتابه ..
ويسر حسابه ..
وثقل بالحسنات ميزانه ..
وثبت على الصراط أقدامه
وأسكنه في أعلى الجنات في جوار نبيك ومصطفاك..
اللهم اجعل عن يمينه نوراً ..
وعن شمالهِ نوراً ..
ومن أمامهِ نوراً ..
.ومن فوقهِ نوراً ..
حتى تبعثهُ آمناً مطمئناً في نور من نورك..
اللهم أنت ربه ..
وأنت خلقته ..
وأنت قبضت روحه ..
وأنت أعلم بسره وعلانيته ..
جئنا شفعاء اليك فأغفر له ..
اللهم اجمعنا به في جنات النعيم يا حي يا قيوم ..
إن لله ما أخذ ..
و له ما أعطى ..
اللهم اغفر لحينا و ميتنا وصغيرنا و كبيرنا ..
وذكرنا وأنثانا وشاهدنا و غائبنا ..
اللهم من أحييته منا فأحيه على الإسلام ..
ومن توفيته منا فتوفه على الإيمان ..
اللهم لا تحرمنا أجره ولا تفتنا بعده ..
اللهم إن أخانا و زميلنا / إبراهيم جوغان في ذمتك ..
وحبل جوارك فقه من فتنة القبر ومن عذاب النار ..
فأنت أهل الوفاء والحق ..
فاغفر له وارحمه إنك أنت الغفور الرحيم ..
و ألهم زوجته و أبنائه و أسرته و أهله و زملائه الصبر الجميل ..
أستغفر الله العلي العظيــم وأتوب إليه ..
أحر التعازي لأسرة الفقيد الزميل / إبراهيم جوغان و للإخوة و الأخوات الزقازيقاب في هذا المصاب الأليم و الفقد الجلل .. و لا حول و لا قوة إلا بالله العلي العظيم .. و لا أراكم الله مكروهاً .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
للفقيد الرحمة و المغفرة. إنا لله و إنا إليه راجعون.
لم أعرفه شخصيا، ولكن هزني نعيك له يا حيدر، و فجيعتك فيه تعكس كم كان إنسانا.
لكم جميعا عزائي و مشاطرتي أحزانكم.
نرحب بمجموعة السناير التي إنضمت إلى البورد و زادت من إيقاع هذا البوست،
ميسرة،
مبارك جادين،
جلال،
..
و بعد كده نحن نرجع نتفرج و نشيل ليكم الإبريق.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
لا حول ولا قوة الا بالله العلي العظيم، والله صدمت للخبر الفاجعة برحيل العزيز ابراهيم جوقان رغم انني لم التقيه منذ فترة طويلة جدا، احسن الله عزاكم جميعا ونسأل الله ان يتقبله القبول الحسن وان يجعل البركة في ذريته ويلزمنا واسرته الصبر الجميل "إنا لله وإنا اليه راجعون"
شكرا،،، حنين سمؤال علي الترحيب ولي عودة بمناسبة الغياب اليومين الفاتو ديل ،،،
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
نسال الله له الرحمة ولذويه ولأخونا ياسر شبيكة الصبر
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
اصدق التعازى لدكتور ياسر شبيكة .. ولانزال نحزن لفراق ابراهيم جوغان رحمةالله عليه
اللهم ارحم ابراهيم فقد كان من المهتمين برابطة راشك وكان حلو المعشر
لم اصادفه الا هاشا باشا
اللهم اكرم نزله
اللقطة يا عبد الدائم بتاعت الكورال جميلة جدا وعرفت فيها عبد الله الزبير وراشد طبيعة وكبمباء دغتنا طبعا وشلة محي الدين وانس محجوب وعبد الوهاب وواستي (كان بيقول كدة في التعارف ونحن .طبعا سكن عبد الوهاب مع ياسر نجيلة ومعهم محمود الحوري لكن معاهم زول من تجارة ارجو من اخونا ياسر نجيلة ان يسعفنا
شكرا مرة تانية يا النطيف
الصورة بتاعت الريس ميسرة ومنى عيني باردة يا ريس الواحد حيبدا يفتش الارشيف بتاعه ؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: مبارك جادين)
|
Quote: ولانزال نحزن لفراق ابراهيم جوغان رحمةالله عليه
اللهم ارحم ابراهيم فقد كان من المهتمين برابطة راشك وكان حلو المعشر
لم اصادفه الا هاشا باشا
اللهم اكرم نزله
|
والله صدقت يا بركة
نسأل الله أن يرحمه ويدخله جناته مع الصديقين والشهداء
| |
|
|
|
|
|
|
|
|
|
Re: ناس الزقازيق ... أجدع ناس .. (Re: سامي عبد الوهاب إدريس)
|
يعنى الواحد كلما يجي يتاوق يجد الموت يتخطف الاعزاء
والله ان القلب ليحزن وان العين لتدمع ولا نقول الا مايرضي الله
انا لله وانا اليه راجعون
رحم الله مبارك احمد عالم
رحم الله الدكتور اسامة محمد عثمان
رحم الله ابراهيم جوغان
والعزاء لدكتور ياسر شبيكة و لكل الذين فقدوا احبتهم فى سطوة الموت
ولجميع الزقازيقاب
تقبل الله منا ومنكم الصيام
وكل عام وانتم بخير
والتحايا لجميع الزقازيقاب
ومرحبا بالاعزاء
سناء الصباغ
مبارك جادين
ميسرة سيد احمد والاخت منى
والاخ جلال عثمان
خالص الود
سامى الطاهر
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
يا بركة الزول الكان ساكن مع محمود الحورى وياسر نجلية
اسمو عبدالخالق ادم من اليمين الخامس وقوفا" وهو من القضارف
غرفتو اول ما تدخل فى وشك على طول
واوووووضة محمود الحورى كانت جمب الحمام .....
تبلديهم البـــري ....
وده زولك عبدالوهاب (( واوســــي )) لكين واوسى شرق ولا غرب ما بتذكر ....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
ياسامي الطاهر سلامات يابوالدبايب والله ليك وحشة وينك ياراجل والله لازالت صورتك بي بنطلون الجنز والنضارة وكسحك في شارع القومية، اكيد السرعة قلت بعد كل هذه السنين.
فاتنا ان نقول لعبدالدائم حمدا لله علي سلامة الوالد والوالدة وعمرة مباركة، والله ياعصام مابتقصر.
وبالجد يانضيف ارشيفك رائع ويااخوانا بعد الصورة دي اوع اي زول يجيب سيرة عزوبية صالح بالجد الزول ده لسةشباب يادوب وصل الثلاثين مش زي ناس... ولا شنو يازهير
كل المودة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
عبدالدائم النضيف ألف حمداً لله على سلامة الوصول للوالد والوالدة وطبعاً اليومين دي إنت مهيص والروح في العلالي بس لازم نعرف متى السفر علشان نقوم بالواجب الإجتماعي وفي إنتظاركم في العيد والفترة السابقة كنا مشغولين بنقل العفش وترتيب البيت وفقدنا dsl والإسبوع القادم نكون معاكم في الصورة .
يا جماعة من غير حسد وأمسكوا الخشب أرشيف عبدالدائم لا يعلى عليه وأنحنا عندنا أرشيف ممتاز بس معظمه في السودان والقاهرة وبالمناسبة يا عبدالدائم حبيبنا جمال السنوسي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
Safia Mohamed
حيدر حسن ميرغني
زهير الزناتي
عبد الدائم سيد أحمد
جلال عثمان
طارق جبريل
salah elamin
عصام دهب
ياسر نجيلة
سامي عبد الوهاب إدريس
ميسرة سيد أحمد
سناء الصباغ
Samau'al Abusin
فيس بوك
تويتر
انستقرام
يوتيوب
بنتيريست