|
|
 Re: ناس الزقازيق ... أجدع ناس .. (Re: الرشيد بابكر)
|
الرشيد أبوي قال ليك تعال نزل معاي الهدوم من الحوش...
كانت تلك أختي الكبيرة منى...
ليه انزله معاك ما تنزليها براك...
الهدوم كتيرة بطل الثقالة بتاعتك دي تعال...
لم تطلب مني المساعدة لكثرة الهدوم..بل طلبتها لأن الدنيا ليل...
و الهدوم في الحبل الفي الحوش الخلفي...و الحوش الخلفي به حوض
للوضوء تخرج منه ماسورة تصب في فضاء واسع...
المكان منزلنا الكامن في آخر صف للبيوت في حي المصنع ببانوسة..
كنا أحيانا نسمع أصوات المرافعين تصدر من خلف الحيطة من الحوش
الخلفي...
كان لنا راكوبة في الحوش الخلفى وبها شجرة ليف نشرت أفرعها و أوراقها
حتى غطت كل الراكوبة...أصبح الليف جاهز للقطف...و جفت بعض أوراق
شجرة الليف...
بعد الحاح من أختي منى ذهبت معها لجمع الهدوم من الحبل...
دلفنا الى البرنده التي يفتح بابها الى الحوش الخلفي...
تأخرت منى خلفي...فتحت باب البرندة و خرجت الى الحوش...
تقدمت منى خطوة واحدة وبحذر الى الحوش وهي تتفقد ما حولها بنظرات خائفة...
تقدمت بخوطتين أخريين...فزادت هي خطوة أخرى...
أصبح الذي يفصل بيني و بينها ثلاث خطوات كاملة...
انتي خايفة مالك حسة في حاجة تخوف...
مافي حاجة...القال ليك أنا خايفة منو...
أطمئنينا قليلا و ذهبت أجمع الهدوم من الطرف البعيد للحبل...
ظلت منى في مكانها تجمع من أقرب طرف للحبل الى باب البرندة..
وفجأة....
سقطت قطة سمينة جدا في شجرة الليف فوق الراكوبة...
كانت الريح أبطأ من منى...و كنت أنا أسرع من منى و الريح..
رغم الخطوات التي تفصلنا الا أننا التقينا في باب البرنده فكدنا
أن نسقطة أرضا..
جرت منى لأنها سمعت صوت وقوع الكديسة في شجرة الليف...
أما أنا فجريت لأني رأيت منى تجري...
جاء أبي و خرج الى الحوش...فوجد الكديسة تبتسم....
| |
 
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
سلامات يا احلى ناس
متابعة واستمتاع لحد الكيف والكم والنوع والطعم والرائحة ...
رشيد .. الحصل ليم امس جانى الليله وما عرفت ادخل الا هســـه ..
طارق جبريل الجميل ...
والله انت فاكهة هذا البوست ياخى ...
عذرا لبعض الانشغال .. ربما آتيكم فى أواخر الليل
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
أول حاجة يا جماعة المربعات دي أنا ما سويته...أنا كتبت ريفريش بالانجليزي
طلعت كدة..عدلتها برضو طلعت مربعات...
بعدين أشهدو يا جماعة مداخلتي في أول الصفحة...حسة يجي الريس معتصم يدينا
كتف يطلعنا في سقط لقط...يا ريس المرة دي فيها دواس عديل كده...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: وليد عبد اللطيف)
|
يا وليد خلاص أديناكم العجاجة ... بس لسه فايتننا في عدد القراء
وبعدد لا يمكنه تجاوزه في وقت قريب ولكن أوعدك لو ربنا أمد في الآجال
أن نلحق بكم مع بداية ارشفة الربع الثاني من العام القادم ...
والأن تبقي أمامنا مهمة مقدسة بتجاوز قراء بوست بحري ، ودي إنشاء المولي
ستكون في الأسبوع القادم ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: يا الرشيد لمن زول يكتب كلمة خارجة يقوم الموقع
أتومتيك يشطبها ليك زي ما في مداخلتك الفوق
أعتذر بسرعة عن هذا القول زي ما أعتذرت لجلا ..
أو ارجع وأعمل مسافة لكلمة (#######) أو ضعها بين قوسين |
أها يا زهير...عامل لي فيها بيل غيتس...
وين الألفه الليلة يا زهير...أنا يتخيل لي الزول ده بقى ينتظر لحدي ما القائد
المباشر ينوم بعدين يجينا...مداخلات الساعة واحدة دي فيها ان و أخواتها...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
سلامات يا ناس
الاخ عفاف ...ازيك
يا زينب الراحة المرضية اكتر حاجة
تلاتة ايام...
يا اسامة ابتر وييييييييين انت انا
عارفك لكن الناس ديل ما فى زول سأل عنك
عملر نملة برضو غاتس...اقوم اديك واحد
هجاء ابن 60 كلب ولا تجى مارق.
ياوليد..ياود الشعبية ...ناس النهار ديل
مداخلاتم زى شراب الديك...
نحن نعزمك كبابى شاى من منصور ونخلى محمد عيد
يدخلك فى كباية ...يا عيد شوف ليهو كباية غليدة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
الرشيد...انا اليومين ديل ما رايق
وانت عارف...الموية الموية حبيبتى
الموية...وبيت الايجار وتغييرو ...
ومساسكة السماسرة...وعييييييييييييك
خلونى اروق...
انتو ما تشوفو لى بيت فى الشعبية
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
Quote: يا وليد خلاص أديناكم العجاجة ... بس لسه فايتننا في عدد القراء
وبعدد لا يمكنه تجاوزه في وقت قريب ولكن أوعدك لو ربنا أمد في الآجال |
زهير الزناتي
شي طبيعي زيادة قراء بوست الشعبية
معقول حي صغير وشعبي حوالي 1200 بيت تكون عدد الصفحات بهذا الشكل
وعندهم مركز صحي واحد
ودكتور واحد
وزاويه
واتنين عساكر
ومدرسه
وشارع زلط يادوب سفلتوه لان قالوا ناس الشعبية شوعية
وغنمايتين
وخمسون مغترب اي مشرد اي منفي
من باب الشمار لازم اي واحد يزورنا
الاخ (عفاف )الاخت فافي )
مرحب بيك في الشعبية
لكن زي المواعيد دي بكونوا ضربوا الرز باللبن زمان ونامو
وانا ودكتور عماد صاحبي الوحيدين بنساهر واسه بجيكم ناطي
_____________
تحصلونا في عددالقراء دي صعبه شويه لان الابداع في عجايزنا
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
فاتنى الترحيب باخونا عبد الحفيظ عباس
ومسكنا الخشب كويس .. ماشاء الله على البدايات
يا زول بارينا بى جاى .. الزيك ده كايسين ليهو لينا زمن
********
رشيد وجنابو وزهير وعفاف ..و ...و ...
ما داير أخرم من ود خيرى ..
لكنى اقتطف لكم زهيرات اخريات من روضة اخرى ..
تمور بالجمال والبهاء ..
والزول ده زراعى زينا وكمان قرا فى مصر لكن فى الاسكندرية
وزمان كان مشهور بقصائد كلتوم وسوزان ... هل عرفتموه ؟؟
أَحَيَّ يا وَجَعْ القَلِبْ
الحاسِّي بى نَتَحِيكْ جُوَايّْ
وراكا في أصْعَبْ دَرِبْ ..
وأنا حافي في عَتْمَةْ مَسَاى
عارف قليبي معاك تعب
ورينِّى شِنْ داير معاى ؟
* * *
لما شفتك في مشيكا
هالىِّ تِتْقَدَّلْ وجَايْ
كانت أول دُرَّه ليكا
دُرَّه ما بْتَشَبهْ غناي
والوحيده الفي عينيكا
ضُوقَا وإسْتَطْعَمْ غناي
ضُوقْ قصايد المشتهيكا
وشوفني لما أنِمْ بَرايّْ
مِسْتَغرِب إني نَظَمْتَّ ليكا
وإنت سِنَّكْ زيّْ جَنَاىّْ !!
*****
ما أظن تعرف أظِنَّكْ ..
إني شاعر من حُكَايّْ
و الحروف لو ما كَفَنَكْ
أو رفعتك فوق سماي
أصلو ما تَدِّيني حِنَّكْ
أو تساهم في هناي
في الختام أحلف بأنَكْ
إنت حَرَّكْتَ الجُواىّْ
بالله ياوجع القلب
لمتين حتنتح في جواي ؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
الرشيد مساءندي
عاطف خيري فعلا يثبت ليك معنى ان الشعر ليحس وليس ليفهم
لو لاحظت لقصايده تحس زي قعد يحجيك او بيستفز حاجات موجودة اصلا جواك
بيقول ليك يلا حسها
بالرغم من ان المفردات في قصيدته تحس مافي روابط 000 لكن يجبرك علىوضوح احساس القرب
زي ما قلت ليك00
يلا شوف معاي دي
اليابسة00فركة00مدخورةلي يوم ساير فيهو النيل
قطاع رحط الجزاير
والبنات البفتحو الباب للمطر
وانا جدولك شارف على كل الجداول الصاحية فيك
والغباشي في دمي منك
لو كسر ضلعين عذرتو
لكن نهر كل العصافير البتلعب في الوريد
وفناكي جواي زي حجر
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: نحن نكتب ما تمليه علينا مشاعرنا...فمداخلاتنا تأتي بعد مخاض للروح يرهقها ويبهجها
في آن واحد فنحتاج بعدها الى بعض الراحة..ليس بالضرورة أن يكون ذلك بالتوقف
عن الكتابة..بل يمكن أن يكون عبر الرجوع الى الزكريات و اجترارها...ثم نعود مرة
أخرى بالجديد... |
الرشيد بابكر
تعرف ياود باكر مايعجني في بوستيكم يرجعني اهم مرحله في حياتي
وهي مرحلة الجامعه وانت تعرف كويس حياة الفراعه
السنه كلها اجتماعيات وايام مفتوحه والزنقه وقت الامتحانات
اها بعد كده اخوك من معسكر كوره الى معسكر قراية مع ناس جامعة
(الخرطوم زراعه)
اها هنا تشوف الونسه الجميله والكلام الجميل شي شعر وشي سياسة
وشي دوبيت وغناء عشان كده بوستيكم بيفرض نفسه على الزوار عند
الاطلاع على اول صفحة .
زهير الزناتي
اللاعب ده ماتسجلوا لينا
ولو لياقتو كويسه يساهر معاناوشكله من مواصفات
(يوسف المفك ومنقستو وعزالدين الصبابي وشكوكو
وعابدون محمد عابدون ومصطفى كومي )
وكلهم من نجوم الشعبية بس بالاختصار
___________________
الليله الله يجمع الشمل وتمتعونا
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
مساء الخير يا زقازيقاب يا حلوين
قلنا نديكم طلة ونمسي على الناس
الحلوين وطيبين
عفاف وزهير وجلال وود أدم ادونا كشف
وردية الليل عشان المداخلات وكدا
طلوا علينا قهوتنا حاضرة وشايينا جاهز
لكم كل الود والحب والاحترام
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
يا شباب سلام
ربما اغيب لي فترة قد تطول او تقصر بس ربكم يستر
الامن المغربي قفل جريدتنا بسبب كريكاتير
وهسي ما لامي في رئيس التحرير ما عارفه في بيته ولا في السجن
غايتو الله يستر
دخلت اولادي ناموا وقاعد جنب التلفزيون وموبايلي مفتوح
دي واحدة من مساوئ الصحافة تشتغل وممكن الامن بكرة يرسلك الشارع
غايتو لو بكرة قلت ليكم الحقوني بي قروش المدارس ما تتغابوا العرفة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
جبريلا انت من جدك ياشيخ؟
الرشيد الله يسالني انت عجوز
تقول تعال نتكلم عن عاطف خيري
واجي الاقيك نمت
زكرتني جدي حسن حسين
ساي ظلمت ناس الشعبية امبارح قلت عشوكم بدري
يا خالو ما تخلوني براي
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
Quote: الرشيد الله يسالني انت عجوز
تقول تعال نتكلم عن عاطف خيري
واجي الاقيك نمت
|
عفاف انتي لو عايزه تعرفيني بنوم بتين أسألي منصور يقول ليك...أنا تعبت من
الكمبيوتر قلت أمشي أدق لي حنك حنكين مع الزلم ديل...و عوجت ليك لساني...هيك
و بدي وبدك لما طار عاطف خيري من راسي...حسه الا أقلب ليكم لي نزار قباني...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
الإخوة والأخوات
أطيب تحية لأجدع ناس
تلبية لدعوة كريمة من الأخ الكريم محمد آدم النور أزوركم زيارة خاطفة لأنقل لكم سلام ناس الشعبية ولأهنئكم بهذا البوست المتفرد وهذه الروح الرياضية العالية. لم أعرف عن هذا البوست إلا إسمه والذي صادفني كثيراً عند مروري بالمنبر العام. وقد كان خيالي في كل مرة يسرح وأتخيل أن موضوع هذا البوست هو مدرسة المشاغبين ، تدور مداخلاتها حول بهجت الأباصيري ومرسي الزناتي. ولعل ما أوحي إلي بهذا الخاطر هو إسم الأخ زهير الزناتي بجانب عبارة أجدع ناس . وبعد دخولي قبل أيام لأول مرة لبوستكم لقيته رائع ولقيتكم فعلاً أجدع ناس. لا أريد الإطالة فقد أردت أن تكون زيارة خاطفة. أشكرالأخ محمد آدم النور لدعوته الكريمة وأتمنى أن يدوم التواصل وأن تستمر المنافسة الشريفة.
ودمتم ودام بوستكم وصيفاً لبوست الشعبية.
أخوكم أمير قناوي
28.09.2009
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
Quote: ازيكم00
اجي داخلة الزقازيق القى نفسي دخلت الشعبية |
اختي عفاف الشعبية تزدان بدخولك وتزغرد البنات بوجودك
الشعبية دارك ومطرحك
مع تقديري واحترامي
Quote: الاخ (عفاف )الاخت فافي )
مرحب بيك في الشعبية
لكن زي المواعيد دي بكونوا ضربوا الرز باللبن زمان ونامو
وانا ودكتور عماد صاحبي الوحيدين بنساهر واسه بجيكم ناطي |
اخي وليد اهو جيتك ناطي افتش ليك القاك غاطس في البطاطس
وتنهل من معين الزقازيقاب لكم كل الود يا زقازيقاب
ياى وليد جماعتنا ضربوا النوم انت الرز فيهم فاليوم ولا شنو
Quote: ناس الليل وضيوفهم ...
الليلة دي ما معاكم فتكم بعافية
نتمني ليكم ونسة سمحة ودقاقة ...
ناس الشعبية وناس الزقازيق |
اوووووهـ الحبيب زهير
مساءك الله بالخير
اكان انتوا ما معانا نحن المساهرين
ليها شنو الليلة اوف ولا اجازة عارضة
لكم كل الود
| |
|
|
|
|
|
|
|
|
|
Re: ناس الزقازيق ... أجدع ناس .. (Re: وليد عبد اللطيف)
|
Quote: الرباط - قررت وزارة الداخلية متابعة جريدة (أخبار اليوم) والقيام بحجزها،بسبب نشر الجريدة في عددها المؤرخ ب` 26 و27 شتنبر الجاري،رسما كاريكاتوريا له علاقة باحتفال الأسرة الملكية بحدث له طابع خاص جدا.
وأوضحت الوزارة في بلاغ توصلت وكالة المغرب العربي للأنباء بنسخة منه اليوم الاثنين أنها،وعلى ضوء العناصر المتوفرة حول هذه القضية،قررت طبقا للقوانين المعمول بها،متابعة يومية (أخبار اليوم) والقيام بحجزها مع اتخاذ التدابير الملائمة بخصوص وسائلها ومقراتها.
وأضافت أن الرسم المذكور يشكل "مسا صارخا بالاحترام الواجب لأحد أفراد الأسرة الملكية".
واعتبرت الوزارة أنه وعلاوة على ذلك،وباللجوء إلى استعمال العلم الوطني بنية مغرضة،فإن الرسم الكاريكاتوري يشكل مسا برمز من رموز الأمة من خلال إهانة شعار المملكة.
وخلص البلاغ إلى القول إن استعمال نجمة داوود في الرسم الكاريكاتوري يثير،من جهة أخرى،تساؤلات حول تلميحات أصحابه،ويكشف عن توجهات مكشوفة لمعاداة السامية.
وعلم،من جهة أخرى،أن صاحب السمو الأمير مولاي إسماعيل قرر اللجوء إلى العدالة في إطار هذه القضية.
|
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عماد الدين عبدالله)
|
الأخوان قناوي و عماد شرفنا حضوركم...أقولها نيابة عن قبيلتي...فلم يبقى في
دكان ود البصير غيري...و كنت أهم باخراج العناقريب واغلاق الدكان ولكني وجدت
مداخلاتكم فأبيت ان أرحل قبل أن ارحب بكم...
مرحبا بكم و شاركونا جمعيتنا الأدبية غدا عن شاعرنا الزقازيقي الجميل مختار
دفع الله...و أسمحوا لي أن استأذنكم و أودعكم وفي أمان الله...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
طارق جبريل والله الموضوع شكله خطير...لكن العوجة دي ما بتجيك ان شاء الله
بقعد الليله أنده ليك شيوخي كلهم ومافي شيتا بجيك...و كان ضاقت عليك ولا
ما ضاقت تلقانا سدادين وحمالين قسية...مانا بس جبارين خواطر...و نقعد نقول
ليك الجاتك في مالك سامحتك...و الله يعوضك...لا والله...بنقيف معاك بالحيل
و نسندك لحدي ما تعدل جريدتكم طولة...و كان عدلت طوله قول ليهم الشمار
خلوهو ما دام بقى يجيب ليهو قطع أرزاق...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: الأخوان قناوي و عماد شرفنا حضوركم...أقولها نيابة عن قبيلتي...فلم يبقى في
دكان ود البصير غيري...و كنت أهم باخراج العناقريب واغلاق الدكان ولكني وجدت
مداخلاتكم فأبيت ان أرحل قبل أن ارحب بكم...
مرحبا بكم و شاركونا جمعيتنا الأدبية غدا عن شاعرنا الزقازيقي الجميل مختار
دفع الله...و أسمحوا لي أن استأذنكم و أودعكم وفي أمان الله... |
اخي الرشيد
لك كل ودنا وحبنا وارقدوا عافية
وان شاء الله نشارككم جمعيتكم الادبية
ونستودعك الله
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
العزيز جلال
تحياتي وأشواقي
وتشكراتي على مساندتك من أن كنت طاشي في حفرة محمد عادل
وترحيبك
غايتو أسال الله
الختيتني في نصهم ديل ميا يكونوا دفاع الهلال لكن من الثيرد
باك جمال السنوسي عرفتهم وقلت ياولد ما تخاف ما إنت الدافي
وهات من جوه يامحمد صديق جاي من راس الحربة للدفاع وتشاكل في السنوسي عشان تجيب الكورة من الشبكة زتلحق دائرة السنتر درون مافي
تيييييييييييت .... الحكم صفر
يكون الحكم محمد عيد ولا عصام دهب ولا جبرييلا
حبة رقم ثلاثة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الحفيظ عباس)
|
Quote: الختيتني في نصهم ديل ميا يكونوا دفاع الهلال لكن من الثيرد
باك جمال السنوسي عرفتهم وقلت ياولد ما تخاف ما إنت الدافي |
ابشـــر بالحيل عبد الحفيظ اخوى ..
واول تصويباتك القوية من خارج خط 18
الرشيد من قبيل خايف الريس يديهو كتف يطلعوا من سنتر البداية
ما شاء الله عليك جيت انت بى موزة من بره الخط دخلتوا فى الشبكة
مرحب .. مرحب .. أجــب أجيـــب ( عجب عجيب )
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
صباح الخير على وجوه الخير ..ز
اللهم يا ربي أشفي والدة أخونا موسى عيسى وألبسها ثوب الصحة والعافية .. وأشفي جميع مرضى المسلمين.
حار التعازي في وفاة شقيق شقيقتنا الرائعة / سعاد عبدالرحمن اللهم أرحمه وأسكنه فسيح جناتك.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عابدون محمد عابدون)
|
اولاد الشعبية مرحب بيكم كان بالليل ولا النهار
لان الواحد من زمن ميدان ابوجنيز كان بيأخد ليهو
وقفة كده جمب حافلاتكم ويعاين فى الحاجات النضيفة
اصلنا سامعين بقول ياناس بحرى قالو بتحبو يلا حبونا
عابدون اتخيل لي كده انت كنت مواظب عندى ايام بوست
الخرطوم القديمة بنات ،، لانى كنت الوكيل وبراقب فى
الاولاد البدخلو المدرسة من وراء المدير .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
الف كفارة ... وان شاء الله ماتشوف شر ...
نسأل الله لها الشفاء العاجل ...
والدة اخونا موسي عيسي ....
Quote: كانت الريح أبطأ من منى...و كنت أنا أسرع من منى و الريح..
رغم الخطوات التي تفصلنا الا أننا التقينا في باب البرنده فكدنا
أن نسقطة أرضا..
جرت منى لأنها سمعت صوت وقوع الكديسة في شجرة الليف...
أما أنا فجريت لأني رأيت منى تجري...
جاء أبي و خرج الى الحوش...فوجد الكديسة تبتسم....
|
قصصك من الماضي ... والله روعة يالرشيد ...
مناظر بذكر الكثيرين بحياتهم ...
والله العظيم مستمتعين ... زيدنا منها ...
Quote: دخلت اولادي ناموا وقاعد جنب التلفزيون وموبايلي مفتوح
دي واحدة من مساوئ الصحافة تشتغل وممكن الامن بكرة يرسلك الشارع
غايتو لو بكرة قلت ليكم الحقوني بي قروش المدارس ما تتغابوا العرفة
|
حبيبنا طارق جبريل ...
ربنا يجيب العواقب سليمة ...
نسأل الله ان تمر هذه الازمة بخير ...
بالله الاخبار اول باول ...
نحن معك قلبا وقالبا...
ان شاء الله قشة ماتعتر ليك
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
ازيكم 00
عبد الدايم وينك؟
نجيلة الليلة ح نوثق شوية لمختار دفع الله 000
يعني الليلة محراب الاداب
ياريت نبذة عن الجمعية دي ومين الاسسها في الزقازيق
ومدى تاثيرها والكثير من الاسئلة
وفي انتظار عيد
انا يا بلد
انا يا بلد مرسوم على خاطر الزمان والاندهاش
وانا شلت احزان الفراش
لما الرشاش
حرم الخدار ريحة الدعاش
يا بلد ساعة الشمس بي نورا
تفقع في الجروف
يتلاشى من عمقي الكلام
تدينوفي داخلي الحروف
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
ودا على سبيل التحية
(1) سامي عبد الوهاب إدريس
خريج تربية 91
قسم اللغة الإنجليزية
هاتف السعودية
00966502297598
هاتف السودان
00249916000543
[email protected]
_________________________________
(2) زهير محمد عثمان الزناتي
كلية التجارة
قسم المحاسبة
متزوج وأب لأربعة
خريج 1992م
ت : - 0919701061
[email protected]
_________________________________
(3) محمد صديق محمد احمد الحسين
تربية...انجليزى
برالمة 84-85
انا وجلا جينا فى سنة واحدة لكن انا دفعة النضيف
ت-0912162923 (منزل 0122051212)
[email protected]
_________________________________
(4) ميسرة سيدأحمد إبراهيم
المملكة العربية السعودية - جدة
هاتف منزل 6754688
جوال 0508606055
[email protected]
_________________________________
(5) محمد آدم النور حسن
تجارة الزقازيق 88
الخرطوم - 0912319724
[email protected]
_________________________________
(6) الرشيد بابكر سيدأحمد
زراعة الزقازيق 1986
الامارات العربية المتحدة
أبو ظبي
تلفون:00971508179161 -- 00971504469622
بريد اليكتروني:
[email protected]
________________________________
(7) ياسر نجيلة
الاسم: ياسر أحمد نجيلة
الامارات - دبي
محاسب بحكومة دبي
خريج تجارة الزقازيق - محاسبة
دفعة 84 - 1988م
هاتف شغال 24 ساعة : 6268806 50 971 +
ايميل:
[email protected]
________________________________
(8)
Dr.Elsadig Abdalla
0353879359144
Waterford Regional Hospital
Endocrinology and Diabetes Department
Waterford
Republic of Ireland
0 Email:[email protected]
_________________________________
(9) اسامة عثمان محمد صالح ابتر
خريج علوم 1989
كسلا دنقلا
تلفون 00249912913486 وكمان 00249912186289
[email protected]
_________________________________
(10) صالح عبدالرحمن صالح
شارع افريقيا - مبنى القبله
شركة كنار للإتصالات
إدارة التسويق
249155552515+ موبايل كنار
249912397336+ موبايل زين
299155553310+ مباشر مكتب
ايميل عام : [email protected]
ايميل عمل : [email protected]
_______________________________
(11) عصام الدين دهب علي
خريج حقوق الزقازيق 1991م
مستشار قانوني و مديرالإدارة القانونية
شركة الدار العالمية للأستشارات القانونية والمحاماة / جدة
هاتف عمل 00966920000054
هاتف جوال 00966503639124
[email protected]
_____________________________
(12) منصور عبد الرازق محمد فضل
السعودية -الرياض
الشركة الوطنية لصناعة الأسمدة الكيماوية (نافكو)
مدير المبيعات -اسمدة
تلفونات 00966504177839 موبايل
0096612652266 ext 1 or 117
0096612651327fax
e-mail:[email protected]
e-mail:[email protected]
________________________________
(13) محمد عيد ميرغني
خريج زراعة 1987
الخرطوم بحري
جدة
00966503763764
[email protected]
_________________________________
(14) جلال عثمان محمد علي عكود
تربية (90)
السعودية الرياض
منزل/ 0096614720809
عمل/ 0096614780234
فاكس/0096614789361
خلوي/ 00966505779464
[email protected]
[email protected]
_________________________________
وبعد إضافات جلا ومحمد عيد:
(15) تاج الدين الخليل بلال
تجارة 88
العنوان: سلطنة عمان
[email protected]
_________________________________
(16) عصام عبد الرحمن محمد جلي
تجارة 88
السعودية _ الرياض 0507780880
[email protected]
____________________________________
(17) عبد القادر بابكر عبد القادر " قدورة "
خريج زراعة 1984
ام درمان - الثورة - الحارة الثانية
السعودية - الرياض ـ : 0509835001
بريد الكترونى : [email protected]
_____________________________________
(18) محمد حســان سعد الدين
خريج زراعة 1988
عطبره - الدامر
بريد الكترونى: [email protected]
رقم الموبايل : 0126919898
___________________________________
ومن عندي:
(19) عزام أحمد البشرى
خريج تربية 89
بورتسودان
مقيم بالدوحة – قطر
تليفون: 009746655029
[email protected]
________________________________
(20) سموأل عوض السيد
خريج تربية 89
بربر
الخرطوم – وكالة سونا للأنباء
00249912393567
_________________________________
(21) محمد الهادي محمد الأمين
خريج تربية 91
سنار
الخرطوم
تليفون: 00249912105159
____________________________________
(22) أسامه إبراهيم فرج الله (طيارة)
خريج بيطرة 90 أو 91
أم درمان
مقيم بالدوحة – قطر
تليفون: 009745316925
[email protected]
_____________________________
(23) سر الختم محمد علي الحاج (المدعو)
خريج آداب 93
بورتسودان
مقيم بالدوحة – قطر
تليفون: 009745295220
[email protected]
_____________________________
(24) نزار محمد ابراهيم عمر الشقليني
هندسة مدنية
خريج :1994م
ت: 0912141038
[email protected]
_______________________________
(25) موسى عيسى أبكر
تجارة 1988
قسم المحاسبة
الجزيرة أبا
مقيم بالمملكة السعودية الرياض
مدير مالي
الهاتف :009662253893 الموبايل:00966560026152
الموبايل بالسودان : 00249914070652
email :[email protected]
________________________________
(26) طارق عبدالمنعم محمدعلي
خريج الزقازيق تحاليل طبيه 1990
العنوان الحالي
(UPM )Malaysia
[email protected]
[email protected]
[email protected]
mobile:0060149275130
____________________________________
(27) عبد الدائم سيد أحمد (النضيف)
خريج تربية 88
الخرطوم الصحافة
مقيم بجدة – السعودية
[email protected]
تليفون: 00966504609597
____________________________________
(28) صلاح سعد عثمان
تجارة 89
الرياض السعودية
ت 00966564242757
[email protected]
___________________________________
(29) معاوية الزبير
تربية 88
قطر الدوحة
[email protected]
_________________________________
(30) حبيب الله كدام
تربية 90
الرياض السعودية
[email protected]
_________________________________
(31) احمد عوض سيداحمد (احمد عجوز) الفنان
اداب 88
الخرطوم الصحافة
الرياض السعودية
ت 00966590086541
[email protected]
_________________________________
(32) احمد السيد عبدالعال
زراعة 93
ت 00966505618275
الشركة العربية لامات الدواجن -- جده
[email protected]
_________________________________
(33) مدثر ابايزيد سيد
خريج حقوق 1988
مواليد جزيرة ارتقاشا شمال منطقة دنقلا
الاقامة ببورسودان حي الأسكلة ثم حي الثورة مربع 10
حاليا بالسعودية الرياض
جوال: 00966554612264
[email protected]
____________________________
(34) زينب التجانى محمد على ابو رفاد
خريجة زراعة الزقازيق 1991
مواليد الابيض
العنوان امدرمان مدينة النيل
التلفون 0912560606
[email protected]
______________________________
(35) أحمد محمد إسماعيل النور
تجارة الزقازيق - محاسبة
برالمة 84 1985/
نيالا
مقيم بالسعودية مدينة الرياض
موبايل :00966501960947
ت منزل : 0096614111233
[email protected]
____________________________
(36) طارق جبريل
خريج بيطرة 1990
هاتف: 00212667445928
[email protected]
مدير الادارة الفنية لمجموعة اخبار اليوم المغربية
الرباط-المغرب
_______________________________
(37) عفاف علي ميرغني
زراعة الزقازيق92
من مواليد كسلا
الاقامة الحالية السعودية الرياض
تلفون 00966501292285
___________________________________
(38) معتصم سلمان جعفر
تجارة الزقازيق 1983
تليفون عمل 83475120
جوال 00249912304549
السكن : الخرطوم بحرى جنوب كبرى شمبات
[email protected]
------------------------------------
ونواصل...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
نرحب بالاخ العزيز عبدالحفيظ عباس .
معذرة للاخت عفاف على الخطأ المطبعي العجلة من الشيطان.
يامحمد صديق نحن زي ما قال النضيف نحن دناقلة يا رسول الله معذورين يعني ما تستغرب اذا عبدالدائم قال ليك يا إنتي . قالوا باب التسجيلات مفتوح وانا سجلوني حسب توصيات عضو الشرف الرشيد في كشوفات النادي رأس حربه اصبر علينا موسم موسمين .
بالمناسبة يا محمد صديق الصورة المقلوبة الجميلة بتذكرني بواحد بلدياتنا صاحب مزاج في زمن سابق كان الصورة في قناة الرياضية ART مقلوبه هو يحب مشاهدة الكورة قدره ما حاول ما قدر يستعدل الصورة اتصل بواحد صاحبه قال ليه الصورة في التلفزيون مقلوبه ما قادرين نشوف الكوره ، قال ليه اقلب التلفزيون ، بلدياتنا قلب التلفزيون الصورة اتعدلت ضحك ضحكه شديده قال يظهر صاحبنا الليلة سجارتو قويه.
يا جلا بشير على العبيد عشان ما يجن اكتفى ببيت ابو نواس ،، اخونا بشير عنده ضحكه احيانا تحس إنها من قلبه المشهد راسخ في الزهن من 1987م لان بشير ضحك ضحكته الجميله ديك.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
صباح الخير أيها الرائعون
نحن في إنتظار إبداعات الرشيد ، والله يا الرشيد قصصك عجيبة
رغم أن الخوف غريزة إنسانية وكل منا يمر بلحظات تمتحن فيه
شجاعته إلا أن الكثيرين يحاولون إخفاء هذا الشعور الإنساني
الحقيقي ، ويا ريت جمال فارح يجي يحكي لينا عن قصته مع الفيران
فأكثر ما يخيف فارح في هذه الدنيا الفأر .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: نجيلة الليلة ح نوثق شوية لمختار دفع الله 000
يعني الليلة محراب الاداب |
و الله يا عفاف كلامك صاح الليلة مختار دفع الله ...وكمان الزول الكان فاكنو بي نبلة زي الرشيد أخو البنات لي حدهن ما عندي مانع...لكن خلوني ...أدخل عليكم بي دي و بعدين نشوف حكاويكم الطاعمة دي
دايرين نعمل لينا مباراة بمناسبة إعتزال إجباري للريس ميسرة سيدأحمد
والتكريم سيكون و لا أجمل...و على هذا النحو...
1/ فافي مهيرة الزقازيق..نجاة حوفي البرااااية..زينب أمجاد...ابتهاج الحرية ...إنتو عليكم تنظيم وتزيين مهرجان الإعتزال وما تنسو الهدايا
2/ كلمات الشكر و التنظيم اللوجستي ...البادي...عبد الدئم ..سامي...
المبارة مع ناس الشعبية
اللستة بتاعت ناس الزقازيق
1/ حراسة المرمى..دهب ...قالو البيت محروس و ستو تكوس...عشان كدا في الإحتياطي يوجد..(غيب و تعال)...عثمان الجيلي...تبلدينا
2/ قلب دفاع (رجاااافة) ...جلال عثمان..زهير الزناتي...الإحتياطي (ديل رجاااافة زايدا الحد لكن غصبناهم) ...أسامة أبتر...د. الصادق
3/ وسط متأخر (تعبان) ...جلا...ياسر نجيلة ..الإحتياطي (ناس ما بتفرق بين الأخ و الأخت)... مدثر أبا يزيد .. أحمد اسماعيل
4/ وسط متقدم (شايت ضدنا)... معتصم جعفر...عبد الحفيظ عباس.... الإحتياطي (ما عارف المباراة التكريمية متين) ...عادل عبد الرحمن...السموأل
5/ أطراف هجوم (مشتت التفكير) ...موسى عيسى...طارق جبريل... الإحتياطي (راقدين سلطة)... سيف النصر....د. أحمد أمين
6/ هجوم (فاطي سطووور)...الرشيد...محمد صديق...الإحتياطي (ينوم يجيك بعد المبارة تنتهي)...عبد الحميد البرنس...مبارك جادين
7/ الكوتش...(قالب الليل نهار و ما عارف يلعب بي ياتو خطة ..هل خطة مشروعات و لا خطة كورة)... محمد عيد
8/ حكم وسط.(شوفو طشاش ما عارف موقع ناس الزقازيق وين) ...د. شبيكة
9/ رجل خط أول (مزازي )...منصور
10/ رجل خط ثاني (طاشي شبكة)......جمال السنوسي
11/ حكم رابع (ما قادر يفرق بين ناس الشعبية و ناس الزقازيق في مسألة تغيير اللعيبة بالرغم إنو عندو باسويرد جديد لنج)....كمال الشادي.
يا جماعة الريس ميسرة سيتم تكريمه بين الشوطين ...
إنتو ناس الشعبية ديل منسحبين و لا شنو؟؟؟
هس الجماعة يقولو جلا دا مجنون
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
| Quote: احبكم حب جلا لما يبقى مجنون |
شوفي يا فافي و يا مهيرة الزقازيق و يا بتنا الكسلاوية ...زمان لمن البوست كان زي كلية التجارة كنت قاعد أقول ليهم بحبكم...ولمن إنتو جيتو بالسلامة ...أصابنا الخجل المشاعري..فأصبحت أقول ليهم داير أبقى مجنون... وعشان إنتي بتحبي زول الزقازيق مختار دفع الله...أنا أهديك قصيدته تاني جيتك
تاني جيتك
شايل معاى ندى الحروف
بهجة عصافير الجروف
تانى جيتك كان اشوف
كل الامانى الفى الفؤاد
يا غالى بى قربك تطوف
***
تانى جيتك
بعد الضياع بعد المحن..بعد الودار
بعد السنين الخاليه من لون الخدار
انا تانى جيتك وفى الفؤاد
احساس بحن لكل دار
حنينو مرسوم فى العيون
فى كل ضحكات الصغار
***
تانى جيتك
شايل معاى طيبة الصباح
شايل معاى أمل السنين
ناسى القبيل من عمرى راح
ناسى الضياع الكان زمن
مدسوس بتاور فى الجراح
والليلة جيت بى كل ود
طالب الرضا وطالب السماح
بعد قرايك للقصيدة دي يا جنيتي يا أنا جنيت
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
جن براك يا جلا انا الجنون فارقت دربه زماااان
مختار دفع الله
رد رسالة
تاني كاتب لي خبارك؟
انت قايل انه لسه
قلبي تايه في مدارك
دي الديار خليتها ذاتها
لما ضاقت بي ديارك
والبعاد الشايفو قاسي
ما زمان كان باختيارك
انت فاكر بنسى جرحك ج
جيت تنمق في اعتذارك
لما رحت تجور علي
ورحت ابعد عن مسارك
تاني كاتب لي خبارك
ليه زكرتني رائعة ابو عركي 00لو كنت ناكر للهوى زيك 000
عليك الله يا عبد الدايم نزلها لينا 00
يا حليلك يا جبريلا الشايقي كنت جيت اتنخجت معانا شوية
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
الرشيد ساب وقيع الحفر ووقع ليكم فى الاغانى
يا عفاف اهو اسمعى واعتبريها رحلة لزراعة
ونحن جايين ضهب
بالمناسبة عادل ركس فنان الحقيبة الظريف
تصدقو انا كنت مفتكرو فى تجارة لحدى وصلنا سنة تالتة
ومره فى تعارف قال زراعة انا كنت بفتكرو بهظر
يا اخوانا الزول ده وين
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
بت أختي إزيك
يومداك إبتهاج سألتني قالت لي يتنخج يعني شنو ، بالله الألفاظ الموغلة في
المحلية دي ما تيجيبوها لينا راعوا التنوع الثقافي والإثني للبوست دا
بختك يا جلا لقيت ليك كلمة تمسكني بيها بعد الإستعلاء الذكوري ، رايك شنو
في التنوع الثقافي والإثني دي ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
يا زهير
حسن برى كان خاتى ليهو ربطة ( محريب ) فى دولاب المطبخ
يوم انا بنضف شلت الربطة ورميتها افتكرتها مقشاشة قديمة
جاء شاكلنى قال لي كيف ترمى المحريب ...
قلت ليهو باستغراب هو ده ياهو المحريب ... بسووو بيهو شنو ؟
قال بنفع فى المقص ....
احمد السنى قاعد قال ليهو الداير يلد هنا منو ....
وهاك يا ضحك ....
ــــــــ
الرشيد تعال نبرلمك ..... بالله نزل كود الحفظ للاغانى دى ؟
عفاف بدل ما قاعدة ساكت جهزى لى الاسكنر عشان تشوفى شغلك فى صوركم
الكتيرة دى ، عاوزين تنزلوها متين .... الناس مستننكم ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
Quote: دايرين نعمل لينا مباراة بمناسبة إعتزال إجباري للريس ميسرة سيدأحمد
والتكريم سيكون و لا أجمل...و على هذا النحو...
1/ فافي مهيرة الزقازيق..نجاة حوفي البرااااية..زينب أمجاد...ابتهاج الحرية ...إنتو عليكم تنظيم وتزيين مهرجان الإعتزال وما تنسو الهدايا
2/ كلمات الشكر و التنظيم اللوجستي ...البادي...عبد الدئم ..سامي...
المبارة مع ناس الشعبية
اللستة بتاعت ناس الزقازيق
1/ حراسة المرمى..دهب ...قالو البيت محروس و ستو تكوس...عشان كدا في الإحتياطي يوجد..(غيب و تعال)...عثمان الجيلي...تبلدينا
2/ قلب دفاع (رجاااافة) ...جلال عثمان..زهير الزناتي...الإحتياطي (ديل رجاااافة زايدا الحد لكن غصبناهم) ...أسامة أبتر...د. الصادق
3/ وسط متأخر (تعبان) ...جلا...ياسر نجيلة ..الإحتياطي (ناس ما بتفرق بين الأخ و الأخت)... مدثر أبا يزيد .. أحمد اسماعيل
4/ وسط متقدم (شايت ضدنا)... معتصم جعفر...عبد الحفيظ عباس.... الإحتياطي (ما عارف المباراة التكريمية متين) ...عادل عبد الرحمن...السموأل
5/ أطراف هجوم (مشتت التفكير) ...موسى عيسى...طارق جبريل... الإحتياطي (راقدين سلطة)... سيف النصر....د. أحمد أمين
6/ هجوم (فاطي سطووور)...الرشيد...محمد صديق...الإحتياطي (ينوم يجيك بعد المبارة تنتهي)...عبد الحميد البرنس...مبارك جادين
7/ الكوتش...(قالب الليل نهار و ما عارف يلعب بي ياتو خطة ..هل خطة مشروعات و لا خطة كورة)... محمد عيد
8/ حكم وسط.(شوفو طشاش ما عارف موقع ناس الزقازيق وين) ...د. شبيكة
9/ رجل خط أول (مزازي )...منصور
10/ رجل خط ثاني (طاشي شبكة)......جمال السنوسي
11/ حكم رابع (ما قادر يفرق بين ناس الشعبية و ناس الزقازيق في مسألة تغيير اللعيبة بالرغم إنو عندو باسويرد جديد لنج)....كمال الشادي.
يا جماعة الريس ميسرة سيتم تكريمه بين الشوطين ...
إنتو ناس الشعبية ديل منسحبين و لا شنو؟؟؟ |
تحياتي اخي محمد آدم
عاد كيف نبنسحب من تكريم شخصية زقازيقية
انا بكلم الفرد بتاعننا ونتقابل في الموع
لكم كل الحب
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
Quote: نجيلة الليلة ح نوثق شوية لمختار دفع الله 000
يعني الليلة محراب الاداب
|
بسم الله ... ابدأي يا عفاف التوثيق ...
لشاعر الزقازيق الكبير مختار دفع الله ...
الذي يفتخر به أي زقازيقي ...
واليك هذة المقدمة التشجيعية عن جمعية محراب الآداب والفنون ...
محراب الآداب والفنون في الأصل هو برنامج تلفزيزني كان يقدم من قناة الجزيرة في اواخر سبعينيات القرن الماضي بعد 1975م وهو فكرة الأساتذة الإجلاء عبد الحليم سر الختم وبابكر صديق (صاحب برنامج الهواة الغنائي المشهور بقناة النيل الازرق الآن ) والمرحوم طه كرار كانوا جميعاً مبدعين ولهم إسهامات فنية عظيمة من الشعر والرسم والنحت وشتي ضروب الفنون كانت تقدم في فقرات هذا البرنامج الفني، واذكر ان شعار البرنامج كان عبارة عن كلمات للوحة فنية جميلة تقول :
أيها الضارب فى عمق الشجون
أيها المثقل بالحس الحنون
تائهاً تختال فى وادى الجنون
مرهق الأعصاب مسحور العيون
أغمس الفرشاة داعب كل لون
حرك الإزميل وانحت لك كون
وتعالى نتساقى فيض هاتيك اللحون
نسترح فى هذه الواحة من لفح القرون
إنها محراب آداب ودنيا للفنون
ومن ثم اخذ الفكرة اخونا وولدنا الخلوق حافظ ابوعاقلة شاعر واديب الزقازيق الفذ, وهو من ابناء مدني ، وانطلقت او مرة جمعية محراب الاداب والفنون منتصف الثمانينات 1985م "اعتقد" وكانت الدورة الاولي برئاسته وبعدها الدورة الثانية كانت برئاسة السمؤال العربي ثم الدورة الثالثة برئاسة شخصي الضعيف ...
ومن الشخصيات التي لعبت دور فاعل لانجاح المحراب تجسدهم هذه الصورة، التي تضم الرعيل الاول لمؤسسين المحراب, وسبق تم عرض الصورة مرتين وخاصة في ذكري المرحومة الخلوقة نوال محمد على – زراعة – راجعو من الميل 19 والى بعده .....
نحول المكرفون لاخونا محمد عيد من ابرز مؤسسين جمعية المحراب .. لالقاء المزيد من الضوء على هذة الجمعية والشاعر مختار دفع الله
ضربة بداية موفقة يا جلا وعفاف ... نحن معاكم ...
الرشيد يا حبيب كل شئ جميل ورائع في هذا البوست وكلنا نعزف سيمفونية الزقازيق الجميلة ... وكلو متابع باهتمام ... واصل غناك فهو واحة استرخاء لنا ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
Quote: 2/ كلمات الشكر و التنظيم اللوجستي ...البادي...عبد الدئم ..سامي...
المبارة مع ناس الشعبية |
محمد ادم النور
يازول انت الله ماليك ولا شنو
نحن اصغر واحد مولود ليلة فيضان سته واربعين
وبضربوا الرز باللبن وبنوموا من الساعة سته
عِلا خبره
يعني لو حاوروا زهير الزناتي بقع جلال عثمان
لكن عشان التشكيله فيها ناس حبيناهم بنبيعها ليكم
على شرط صاحبي عبد الدايم يغني لينا
(من بعيد لبعيد ورينا عين جمالك لو لحظات قليله)
عشان انتو اجمل ناس
______________________
كنت عايز ارفع صور منتخب الشعبية عِلا فشلت ومع الف تحية للشاعر الزقزوقي مختار دفع الله
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
بعد التحية لأجدع ناس
كريكير
قال ليك في واحد إسمه كريكير قصير ودميم متعقد من نفسه
أمه خايفة عليه00 ماتجيه نفسيات دائما تشجعه على مخالطة
الناس فإذا سمعت باي قرية أو حلة مجاورة فيها إحتفال توفر
لكريكير كل المطلوب من ملابس ومصاريف وتدفعه وتحمسه بأن يمشي
الإحتفال ويوقف في اللعبة عشان البنات يشيلوك وتلعب وتعمل ليك
أصحاب.
يمشي كريكير ويوقف في اللعبة والبنات يختاروا كل الناس للرقص
إلا هو مايختاروه وبعد ماللعبة تنتهي يجي آخر الليل جاري عكازو
راجع محبط خالص أمه تقابلوا كريكير ناس فروا يقول نعم بنات
ولاشالوك يقول ليها ماشالوني تقول ليه معليش اللعبة الجاية
بشيلوك تديه الأمل وهو يصدق.
وبنفس الطريقة تدفعه لإحتفال آخر ويرجع بخفّي حنين وتسالو ناس
فرو؟ نعم فروا،بنات ولا شالوك؟ ولاشالوني تديه الأمل للعبة المقبلة
ثالث مرة ذهب للإحتفال حصل معاه نفس الشيء رجع جاري عكازو في قمة الإحباط
امه سألته بنات ولاشالوك قال ليها
إنتو ولدت ناس ولا ولدت ابوجعارين (إنتو خلّفت ناس ولا خلّفت ابو جعارين)
ـــــــــــــــــــــــــــــــــــــــــــــــــــــــــــــــ
قالوا في واحد عندو أرنب عايز يبيعه جاه واحد مسطول قال ليه القرد ده بكم
رد الرجل دا أرنب ماقرد
المسطول قال ليه يا ابو الشباب انا سألت الأرنب ماسألتك انت
| |
|
|
|
|
|
|
|
|
|
Re: ناس الزقازيق ... أجدع ناس .. (Re: أحمد إسماعيل)
|
| Quote: إنتو ولدت ناس ولا ولدت ابوجعارين (إنتو خلّفت ناس ولا خلّفت ابو جعارين) |
في حاجات لمن تزيد في شرحهاتفقد معناها
إذا كنت عايز إخراج للحاجات الجميلة دي أخوك فاضي...
ودا مع مراعاة التنوع الثقافي و الإثني بتاع زهير الزناتي
غايتو كريكير دا مجنون ساكت
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
الصورة بتاعت المحراب ناقصة ابتهاج يا ياسر
اها بمناسبة كريكير البشبه بهاء الدين الشين بتاع تجارة
اللى ظاهر اخر واحد جلوسا على اليسار الصورة
احكى ليكم دى
بروفات التمثيل كانت بتم فى شقتنا انا واحمد السنى بحكم اننا اصحاب
الشقة بخلونا نتفرج على البروفات بشرط ما نعلق ولا نضحك كنا بنقيف
بعيد فى باب الغرفة مطلعين وشوشنا نتفرج ونضحك عليهم
المشـهد
ابتهاج ونورا وبهاء الدين معاهم مجموعة ابطال لتمثيلية وشغالين بروفات
من ضمن السناريو بتكون ابتهاج ماشة ومعاها نورا فجأة يظهر بهاء الدين
تقوم ابتهاج تقول سـجمى الراجــل هجمــنى
صوت الضحك يتعالى جوة الغرفة يجى ياسر جارى وجايط فينا ياخوانا ما تحرجونى
معاهم ... نقول ليهو حاضر .. حاضر .. وهو طالع من الباب نناديهو يتلفت علينا
نقول ليهو .... سجمى الراجل هجمنى ...
ظلت الجملة دى ملازمنا فى الشقة لفترة طويلة كل ما نكون عاوزين نغيظ ياسر
او شفنا ابتهاج
اللذيذة كنا ملقبين نورا بيطرة بنورا الممثلة المصرية
وابتهاج باثار الحكيم
وياسر بزين العشماوى عشان طوووويل
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
حباب الأجدع ناس
الف سلامة لوالدة اخونا موسى عيسى وان شاء الله ما تشوف شر
موسى طمنا على الوالدة فى اقرب سانحة
مدثر ابا يزيد (ار اندادى بجنا )
الحتة دى يا يجاوب عليها مدثر , ولا اعملو نايمين الباقين كلكم الا عبد الدائم (يجوز)
طارق جبريل , قلوبنا معاك , الحمد لله التلفون الأنت مكجنو سجلناهو من الداتا بتاعت سامى
يعنى لو عملت رايح , بنلقاك
ياناس الشعبية لو بس عندكم معانا رابط اسمه (عواطف دفع الله ) فهذا يكفى
مختار دفع الله
علامة من علامات الزقازيق البارزات
كان يسكن فى العام 1983 تقريبا
مع مبارك محمد احمد عبد الخالق
مكى احمد حمزة
ابو قرجة
مكى لقيناهو بعدما راح مننا سنين عددا
مبارك وابو قرجة, اين هم يا ترى ؟؟!!
اتذكر ان تداول كلمة ومصطلح (منتشر) بمعناها المعروف فى اوساط الزقازيقاب
كان مختار دفع الله اول من ابتدعها
فلو رجعتوا لمعناها
فان فيها حس وجرس (شعرى)
يرفض مبدأ الألتزام والأنغلاق والأنكفاء (بمكان وزمان واحد)
ولكنها تطورت حتى اصبحت قالبا معنويا يرمز لحالة القلق والتمرد
التى تجعل من الواحد من (المنتشرين)
يملك فرش اسنان بعدد (شقق الزقازيق ) كلها
والعديد من الصور التى تنشر حاليا
تدقق فى وجوه من فى الصور
قد لا تذكرك الصورة الا بصاحبها
ولكن القمصان والسويترات وحتى البناطلين
ممكن تلقى فى كل صورة
نفسك ياها نفسك
لكن تلقى قمصان الرشيد
ملبسة الفى الصورة كلهم
والسويترات
كلهم حقات محمد عيد
الا واحد بس
هسى عليكم الله جلا ده كان جن
مش معاهو مليون حق
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
وعشان تشوفوا فائدة الصور والفعل (السحرى) البتسويهو
يا جماعة وين دكتور نور الدين
الواقف ابو نضارات فى اقصى الصورة
ابن عطبرة
منذ ان تخرجنا لم اقابل هذا الرجل
حتى اننى لم اتذكره الا عنما وجدته فى هذه الصورة
زمن يا دكتور نور الدين وزمن يا فردتك دكتور خالد محى الدين
الأعتقد انو متابع
وفى الصورة ايضا شخصية زقازيقية زراعية لا تنسى
اختنا وصديقتنا صفاء عباس حلمى حاكم
صفاء تبرعت العام الماضى بكليتها لأخوهاحاتم المقيم فى امريكا
عندها محل مدخلات زراعية فى السوق المحلى الخرطوم
آخر مرة قابلتها قبل سنتين تقريبا
صفاء من الشخصيات التى لا تنسى
والتى نرجو ان تكون من المتابعين
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
يا منصور متابع ومستمتع بس سريع كده نديك الفيها النجيطة
نور الدين عثمان محمد سعيد ،، موجود معكم في السعودية
وهو شقيق عبد الماجد عثمان الشهير بماجد والأشهر بسقراط
وكان في حقوق وهو من الشخصيات الزقازيقية الفذة . وأعتقد
أن نور الدين تزوج شقيقة صلاح الشوش وهو ايضاً من ناس عطبرة
الذين درسوا بكلية التجارة ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
| Quote: والله يا جلا ناس بكري امانا ما اتلوموا معاي انا وسطت كل القوى الحليفة والصديقة عشان ارجع الحوش بتاع ناس بكري ولكن بدون فايدة يعني الواحد كان عندو حاجة داير يقولها يموت بالحسرة ساكت ...عليك الله مباراة اعتزال الريس ميسرة دي بفوتوها!!!!! |
مبارك جادين يشكو ظلم ذوي القربى يازهير الزناتي...واظنك أنت عارف هو من علوم الزقازيق...يعني ما زراعي
دا كلو عشان نضحض مسألة عدم الإعتراف بالتنوع الثقافي و الإثني
كان قلت ليك التعالي الذكوري بدل التنوع الثقافي كان جنيت صح؟؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
Quote: قصصك من الماضي ... والله روعة يالرشيد ...
مناظر بذكر الكثيرين بحياتهم ...
والله العظيم مستمتعين ... زيدنا منها ...
|
يا جماعة والله أنا مافي زول مبرد لي بطني قدر ياسر نجيلة ده...ان شاء الله انت
يا يابا تتعلى ما تدلى لا تتشاقى لا تتذل...
Quote: الرشيد ساب وقيع الحفر ووقع ليكم فى الاغانى
الرشيد تعال نبرلمك ..... بالله نزل كود الحفظ للاغانى دى ؟
|
أما عبدالدائم ده ما برسل اي حاجه عشان كلامك الفوق ده...تبرلم منو يا ديدو..
أنا كان غلبني بتصل بي بيل غيتس بيشففني...
| Quote: الرشيد يا حبيب كل شئ جميل ورائع في هذا البوست وكلنا نعزف سيمفونية الزقازيق الجميلة ... وكلو متابع باهتمام ... واصل غناك فهو واحة استرخاء لنا ... |
ما قلت ليكم يا جماعة...ان شاء يعملوا مترو في جده زي بتاع دبي ده عشان عبدالدائم
يتعلم الكلام السمح ده...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: انا يا بلد
انا يا بلد مرسوم على خاطر الزمان والاندهاش
وانا شلت احزان الفراش
لما الرشاش
حرم الخدار ريحة الدعاش
يا بلد ساعة الشمس بي نورا
تفقع في الجروف
يتلاشى من عمقي الكلام
تدينوفي داخلي الحروف |
و أنا برلوم كنت ساكن مع المرحوم قريب الله ويسكن فوقنا محمد عمر و محمد سيد
كان مختار دفع الله يزورنا كثيرا ويقضي معنا أوقات طويله ويلجأ الى هدوء شقتنا
ليكتب أشعاره...سمعت هذه القصيده منه و التي نزلتها فافي مشكورة...طلبت منه
أن يكتبها لي بخط يده في مفكره ذات غلاف أخضر اللون...هذه المفكرة كانت مثل (مفحضة)
حاجة أمونة تحوي كل أسراري...لم يرفض مختار دفع الله و جلس يكتب كل القصيدة بخط
يده ثم كتب لي اهداءا في الآخر...فظلت هذه القصيدة محفورة في داخلي والى الآن
أحفظها عن ظهر قلب...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote:
عابدون اتخيل لي كده انت كنت مواظب عندى ايام بوست
الخرطوم القديمة بنات ،، لانى كنت الوكيل وبراقب فى
الاولاد البدخلو المدرسة من وراء المدير . |
عبد الدايم ازيك ..
آآى دا انا ذاتى كنت قاعد اجى ناطى بالحيطة فى بوست القديمة عشان اتفرج على الجكس ..
لكين بينى وبينك هسة الجكس وانا ذاتى معاهم بقينا هردبيس .. ونسة ساكت ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
يا ابو الزوز لو كمان تميت الناقصة
وجبت لينا عنوانه او تلفونه
تكون ما قصرت تب
وتانى اصلو ما اجيب سيرة شنبك
الا بالخير
لكن فى الأثناء دى
قوم قول لى ابتهاج
سجمى الراجل هجمنى
يا سلام على عواطف دفع الله يا رشيد
نعم الأخت هى والله
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
يا سلام يا عبد الدايم لمن تجي سيرة محراب الآداب والفنون ما بتقدر تصور بتكيف
قدر شنو ، لأنه في التنسيق قبل ما اقدم للجامعة كنت عايزه أخش معهد الموسيقي والمسرح
لأني بحب التمثيل شديد وما إتوفقت ، لمن جيت الزقازيق لموني علي المحراب ناس كشاح وياسر عبد الله
اولاد تربية (بالله الناس ديل وين) ، وما تتخيل كان الدور تجربة جميلة قدر شنو ، واتقصمت الدور بشكل ما عادي . وإتذكر من ضمن الناس المثلوا معانا في المسرحية سلمان ود هندسة وكشاح وفي بعص الصور رغم إنها ما نضيفة لكن بخلي زهير ينزلها ليكم ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
Quote: لأنه في التنسيق قبل ما اقدم للجامعة كنت عايزه أخش معهد الموسيقي والمسرح
لأني بحب التمثيل شديد وما إتوفقت |
و الله يا بهجه الحمد لله الما اتوفقت..كان تكوني حسة بتمثلي مع السجم ديل...و الله
كان بنكون ولا بنتفرج فيك ولا حاجه...أول ما تجي في التلفزيون في مسلسل سوداني
نقلب طوالي لقناة الجزيرة...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
صوره حديثه للكابتن هيثم سلمان مدرب الفريق القومي للناشئين والشباب من اليمين في لقاء مع الاستاذ الصحفي جمال السنوسي (منكم)
فاطرين معاي في البيت في رمضان ووضعنا ليكم خطه من بدري لليوم الزي ده .
شكوكو لاعب المورده + قيثارة ملاعب الشعبية عابدون محمد عابدون(وجاكم زياره )
من اليمين
ادمون (موني ) + عزالدين الصبابي + صلاح شكوكو
_________________________
لكن الناس ديل يا محمد ادم الان بقلبوكم ونسه بس (ليت الشباب يعود يوما )
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ابتهاج عبد الله)
|
الرشيد
وصلتنى (المحاولة الفاشلة )
حتى فيها حمزة سليمان بيغنى (من الشمال لليمين)
وحتى شعره ابيض
لمن تتلخبط مرات تقول ده حمزة
مرات تقول الماحى
هسى عليك الله حمزة
والماحى
ومعاهم ابتهاج
فى صفحة واحدة
مش يا ابتهاج كانك (دخلتى المعهد الكنتى دايراهو)
بدل متاوقة ناس عبد الدائم شيالين الحال ديل
البروفات الجاية
تعالوا سووها عندنا
سجمى الراجل هجمنى
الليلة ما لقيت فيك فرصة يا ابتهاج
تعرفى انا يا ابتهاج زمان
عشان لونى (برونزى طبعا )
كنت من سنة ثالتة لغابية سادسة ابتدائى
ماخد شخصية (عنترة بن شداد ) مقاولة
كل التمثيليات انا كنت عنترة بتاعها
لمن تلقينى شايل السيف الأكبر منى
وبكورك
يعيرون لونى بال(برونز) جهالة
ولولا (برونز) الليل ما طلع الفجر
كنتى المرة دى
بالجد جد قلتى
سجمى الراجل هجمنى
هسى عليك الله جلا ده يا زهير
كان لغاية هسى ما جن
يجن متين ؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ابتهاج عبد الله)
|
ازيكم00
الله على الصور يا ابتهاج000 ورحتو مني وين خليتوني براي في البيت
زي هديل بت اخت سامي (ياريت اكون زي هديل سممممحة)
مختار دفع الله
حائز على ليسانس اداب جامعة الزقازيق عام 1984
عمل في مجال السكرتارية بجريدة الخرطوم وكان رئيسا لقسم المنوعات
عمل متعاونا بالقسم الثقافي لجريدة القوات المسلحة
له ديوان بعنوان (انا يا بلد) اصدره عام 1977
ديوان بعنوان{
(رد الرسالة)اصدره عام 1991
اسهاماته: مثل بلاده في بعض المهرجاناتالادبية بتونس 1981
وفي بغداد 1977
رشا عليك الله جيب غنا 000 عبد الدايم دا بس يعرف للفصاحة 00
عيد وينك في؟
اها يا اخواني انا ماشة وبجيكم وردية الليل
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
ألف مرحبتين بطلتك يا إبتهاج ..
و على طاري التمثيل دي الحاجة الوحيدة اللي أنا فشلت فيها في الزقازيق ..
في المرحلة المتوسطة كان أستاذي في مدرسة الأبيض الأميرية الممثل القدير ـ عضو هذا البورد ـ د. فيصل أحمد سعد ، و قدمت معه عدة ( إسكتشات ) من بينها ( مارس اللئيم ) عن الإمتحانات ..
و في الثانوية كنت ممثل عدييل كدة و شاركت في دورة مدرسية و جبت ميداليية برونزية على مستوى السودان .. و كان من ضمن من مثلت معهم في المدرسة ـ حينما درست في الأبيض ـ الممثل المعروف / محمد المجتبى موسى ..
و على صعيد الفرق المسرحية كنت عضوا في فرقة دامبير المسرحية في الأبيض مع الممثل القدير / ميرغني كرياكو و قدمت معه مسرحية ( الحصة الأخيرة ) و مسرحية ( كلم الحيطة ) المسودنة من ( كأسك يا وطن ) لمحمد الماغوط ودريد لحام و مثلت فيها مع محمد المجتبى و د. عبد الرحمن دقق و المذيع / محمد الحافظ أحمد .. و مثلت مسرحية أطفال مع عضو هذا المنبر الأخ العزيز / هيثم الصديق ( وا شوقاً على بلدي ) و كان إسم المسرحية ( فاطنة الهندل عود الصندل ) مع المخرج المبدع / بدر الدين مصطفى .
و غير ذلك مثلت مع فرق مسرحية شبابية و طلابية عديدة في الأبيض و قدمنا عروض في مسارح مختلفة في كردفان و الخرطوم من بينها المسرح القومي ، قصر الشباب و الأطفال ، مركز ثقافة الطفل ، مدرسة الخرطوم القديمة ..
يعني ممثل محترف عدييل كدة ..
لما جينا الزقازيق ما لقينا تمثيل و لّ حاجة ..
سياسة سااااكت ..
لامن جو الناس الرائعين في معهد تجاري ( نصر الدين ، مهيدي ، محمدو و نزار ) و عملوا فرقة ، قمت برفت معاهم في كذا أسكتش كدة .. و الوكت داك كنت مسئول سياسي لرابطة الطلاب الإتحاديين ـ طبعاً دة سر ينشر لأول مرة ـ أهة الأشقاء قالوا لي ( لا يجوز ) ..
و من دييك خلاص .. إعتزلت بقرار تنظيمي ..
لكن المغسة كاتلاني لي الليلي يا قول ود جبرين ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
Quote: سلامات يا ناس
ما مستمتع لانو مافى زول ورانى
ابتهاج دى شمًت شنو.. |
أسأل الزول السلفوش الخت الصورة دي...ماله صورة ابتهاج ومعاها العيال...
لكن كمان في حاجه تانية...في ناس كده بقو لا ناس ليل ولا ناس نهار...بقو ناس
شمار....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
أبدأ الجمعية الأدبية بمواصلة القراءة في أشعار شاعر الزقازيق مختار دفع الله...
لما زارتنا الاميره
ساطعه زى شمس الظهيره
الورود زادت نضاره
وعم كل الكون عبيره
***
ولما طلت فى بشاشه
زى سحابه جميله راشه
شايلا انفاس الخمايل
ومن بديع لون الفراشه
فرهدت كل البيادر
وارتوو الناس العطاشى
والعيون لحظة حضورا
شالت اروع اندهاشه
***
وانفضح يا ناس هوايا
لما شفت خطاها جايه
صوره من عظمة الاهنا
ومن جميل ابداعه آيه
صفقت فينى الخواطر
راسمه فى الاعماق حكايه
***
وقبلما تقول لىَّ سلام
شالنى فى عيونا السلام
والعيون يا شوقى ليهن
هن بدن بينا الكلام
وابتديت بحواسى اضحك
شلت فى عيونى ابتسام
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: لكن كمان في حاجه تانية...في ناس كده بقو لا ناس ليل ولا ناس نهار...بقو ناس
شمار.... |
مدخل كويس ... عشان الزول يعرف يفرز الكيمان
ناس ليل
ناس نهار
ناس شمار
انا غايتو مصنف مع ناس الليل .... والدليل اهو ابتدينا الوردية الآن
غايتو نفسي اعرف ناس الشمار ديل منو 
---------------
عودة لبداية الصفحة....
وحسب تكتيك جلا سوف نعود بمداخلات منفصلة
وصولا للجمعية الادبية و "ولدنا" الرائع مختار دفع الله
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
| Quote: الرشيد أبوي قال ليك تعال نزل معاي الهدوم من الحوش... |
الرشيد ابداعاتك تبعث في الروح وهجا وحكاويك تحثنا على اجترار الذاكرة
واصل اخي ... فنحن في جدب وغربة وطريق ممدود يحتاج لمثل هذه ال rest houses
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
معليش يا ناس (الحقوق محفوظة)
اكثر من نقطة نظام اثيرت ولاحياة لمن تنادي
لازم كلوا موضوع يأخد حقوا ووقتوا ما تنططوا وما تفطو
والنيسان الراكبنو دا انزلوا منو خلو
مالا الامجاد ساي نقيتوا فيها كان براحة بتوصلنا
| |
|
|
|
|
|
|
| |
الرشيد بابكر
محمد عيد
زهير الزناتي
وليد عبد اللطيف
عفاف علي ميرغني
محمد صديق
عماد الدين عبدالله
طارق جبريل
أمير قناوي
عبد الحفيظ عباس
عابدون محمد عابدون
عبد الدائم سيد أحمد
ياسر نجيلة
سامي عبد الوهاب إدريس
مدثر أبا يزيد
محمد آدم النور
أحمد إسماعيل
منصور عبد الرازق
ابتهاج عبد الله
عصام دهب
جلال عثمان
فيس بوك
تويتر
انستقرام
يوتيوب
بنتيريست