ناس الزقازيق ... أجدع ناس ..

Quote: سلامات يا ناس شكرآ للحبيب ...من الشعبية ..ويا جماعة بحرى دى ما كوم براها...اشهد الله اننى احب بحرى ...ما سكنت فيها ولا اشتغلت فيها... مجرد ما تكون فى بحرى يجيك احساس بالراحة النفسية... تنافسنا ده ما فى السوق ولا فى الكورة ولا اى حاجة تانية ...تعالوا كلنا نطلع اجمل ما عندنا وارجو ان نكتفى بالفات عن ما كتبه بعض حبايبنا من بحرى ...وهم ما كتبوه الا لشحذ همم عضويتهم للتواصل ..وهو امر مشروع احب بحرى ..واحب الزقازيق

Quote: وبنسبقهم بنسبقهم .... بس اليصبروا لينا لي وردية الليل

Quote: سلام للاخ عماد الدين عبدالله ... ومليون سلام لشباب "اربجي" الخلوق ونخص منهم اهلك وقرايبك تيسير والصادق الرشيد وغيرهم من ابناء اربجي نعم الشباب ومثال للالفة والاخلاق وكان ابناء اربجي لا يسكنون الا مع بعض برغم اختلاف كلياتهم وشقتهم مشهورة في الزقازيق ... تحياتنا لهم اين ماكانو ... اعتقد الصادق الرشيد في سلطنة عمان ... لكم الود والتحايا ... وسلام لبتنا "زوجتك" الزقازيقية ...

Quote: مرحب بيك يا عماد الدين الحوش حوشك .. و نزلت اهلاً و حللت سهلاً .. و مراحب بكل أقارب و أصدقاء الزقازيقاب ..

Quote: ابوالنسب عمادالدين عبدالله ياخي مرحب بيك وعلى رأي ناس الزقازيق "بيتك ومطرحك ياباشا" تحياتنا لي بتنا وبالله اديها فرقة في الباسويرد دا خليها تجي تسلم على اهلها وتحياتنا لولدنا تيسير حسن خليفة "تربية" وكل من زكرت وسلام مربع لكل جدعان الشعبية وبحري عموم

Quote: صلاح عباس فقير كيف حالك .. نحن ذاتنا ما عرفنا سر المحبة والترابط بين ناس الزقازيق ،، دي هبة إلهية .. ونهدي ليك القصة دي حكاها الأخ محمد صديق في بوست ناس الزقازيق ،يمكن شوية تفك ليك شفرة الترابط دا ويمكن تزيد المسألة غموض :

Quote: يا عماد سلامات ناس اربجى ديل اصحابى ودفعتى تيسير والصادق وانس محمد على ووداد وساميه علوم القاهرة والقائمة تطول وشقتهم كانت خلفى فى المساكن وكنت فنانهم الاول فى جميع رحلاتهم ولي معاهم ذكريات وصور كتيرة لو عندك تلفون تيسير رسلو لي بالله ضرورى

Quote: ونعتقد ان المداخلات بين الزقازيقيين وحبايبنا فى الشعبية انتهت الى نقطة توافق جميل ملخصها انه ليس فى الأمر (سباق او تنافس كمى ) ان هدف البوستين هو التواصل وعمرنا ما شفنا لينا تواصل بيقيسوهو بالكيلو اذا كان الكيلو ده (كيلومتر ولا كيلوجرام) والتواصل بين ناس الشعبية لايتأثر لا سلبا ولا ايجابا بتواصل ناس الزقازيق والعكس كمان صحيح اذن فليجتهد المتواصلون ما شاء وطاب لهم الأجتهاد كل حسب طاقته وظروفه

Quote: الأخ وليد عبد اللطيف لك التحية وبعتذر منك للحدة في الرد السابق وربنا يسامحنا جميعا كن بخير

(عدل بواسطة عبد الدائم سيد أحمد on 09-27-2009, 12:45 PM)

Quote: ولأنو القصة تواصل وجمال فخلونى احكى ليكم عن البت هديل هديل منو , ما عارف عمرها كم , برضو ما عارف فى سنة كم , والله ما عارف لكنى عارف انها ساكنة فى يثرب وكمان عارف انو سامى عبد الوهاب قالوا ليك خالها فى يوم كدى والدنيا مغارب فى البلد المابتعرف كهربتها فى ولا قاطعة دى يقوم كده الباب يدق انت قايل هديل بتخاف ابدا ما بتخاف مش عشان هى بت حديدية , ولا عشان هى كمان عارفة الجاى منو بس عشان عرفت انو الدق الباب ده , ضيف واهلها علموها انو الغريب سلام ما تسلم عليهو , وتأخذ بالها قبل ما تفتح لى زول الباب قبل ما تعرفو منو اها , السر فى تعرفو منو دى منو ما معناهافلان ود فلان ولا فلانة بت فلان بمجرد ما هديل عرفت انو الجاييها ضيف و(ضيف) دى تكفى للتعريف فى (عرف ) السودانيين ومزاجهم وحتى الزول لو لص او حرامى , واتخفى ور كلمة ضيف نسمح له بان يمارس لصوصيته تحت هذا (الستار) بعد داك , الخجلة ما بتجيهو من كونه حرامى ولا من كونه لص ولكن العار وسبة السنين تركبه ابد الآبدين من استخدامه لستار (الضيف) الآمن وسرقة البيت بعد داك عند هديل وادب اهل هديل هى جريمة اى نعم , ولكنها لا ترقى لجريمة وسبة وعار (ارجاع ضيف) طرق الباب مستأذنا فى الدخول هديل ازيك يا بت يا سودانية يا معجونة بى طينة (الأمان) يا مخبوزة بى دقيق الناس الحنان يا فاتحة ابواب الأمل ليوم جدييييد فى كل لحظة وتوقيت وآن (محاولة لتسجيل موقف هزنى لزيارة ناس الريس وابو الزوز لبيت ناس سامى فى جبرة -من غير ميعاد -وقامت هديل بدور الضيافة على اكمل وجه رغم وجودها لوحدها فى المنزل )

Quote: يا ابتهاج وين الحرية وووين الاستغلال

Quote: اسغلال

Quote: بالمناسبة موسى عيسى والدتو بصحة شوية وهو معاها لزوم المتابعة الدورية نسأل الله أن يديها الصحة و العافية يا جلال ما قلت يوسف نور الجليل عامل كيف؟؟؟ طبعاً عارفني زول غتيت زي منصور..ما ما حا أوريك

Quote: الصورة مهزوزة

Quote: شوف يا جلال...مدني مشينا ليها أنا و موسى عيسى و يوسف عبدالله خالد...هس في زول منهم من كسلا؟؟؟

Quote: انا دا من القضارف موش؟

Quote: الأخ وليد عبد اللطيف لك التحية وبعتذر منك للحدة في الرد السابق وربنا يسامحنا جميعا كن بخير

Quote: يا ولييييييد احيييي انا منك جاى خاشى تووووش زى فرفور بتاع بحرى المابعرف الغنا دا

Quote: لكن في زي دخان جنبك لونو شنو؟؟؟ أقصد ريحتو شنو؟؟؟..برضو ما عارف كدي تاني وريني كلامك دا معناهو شنو؟؟؟ وانت قاصد شنو؟؟؟

بعدين ما قاصد حاجة والله
غايتو "حسب الفي راسي" مداخلتك الاولى عن يوسف نور الجليل ممكن اكون مافهمتها
وانت قلت لي ما بوريك اها قلت ليك بوسط ناس كسلا يوروني بحكم انك من اركان كسلا "دي تديها كم؟"
هذا كل مافى الموضوع

احبك وانت فكيتا لي من راسى يا "جلللللللللللللللا"

Quote: احبك وانت فكيتا لي من راسى يا "جلللللللللللللللا"

Quote: بدل بوستات الكتاحة العمت عيونا دي وبنسبقهم بنسبقهم .... بس اليصبروا لينا لي وردية الليل

Quote: قالو الزول كان ما دارك يحمر ليك في الضلمة يا محمد عيد الحكاية شنو؟؟؟؟ الواطة لسع ما ضلمت؟؟؟ ما قلت لينا يا الرشيد ...أدونا راسنا عاطف خيري و لا فاروق جويدة

Quote: عندما اثيرت قصة البنات والبحر...لم يكن بامكاني المشاركة لانشغالي الشديد و كنت أشارك باضعف الايمان...أكشر أحيانا و أفرد وجهي أحيانا أخرى حتى ابتسمت أخيرا... كل من سبقني في هذا الموضوع افصح و أوضح وختامه كان مسكا لا شك في ذلك بمداخلة العزيز الحبيب الصديق منصور... مرحبا بناس الشعبية اخوة و أصدقاء.... اذا المرء لا يرعاك الا تكلفا....فدعه ولاتكترث عليه التأسفا ففى الناس ابدال وفى الترك راحه.... وفى القلب صبر للحبيب ولوجفا فما كل من تهواه يهواك قلبه.... ولا كل من صافيته لك قد صفا اذا لم يكن صفو الوداد طبيعة.... فلا خير فى خل يجئ تكلفا ولاخير فى خل يخون خليله .... ويلقاه من بعد المودة بالجفا وينكر عيشا قد تقادم عهده.... ويظهر سرا كان بالامس فى خفى سلام على الدنيا اذا لم يكن بها صديق .... صدوق صادق الوعد منصفا

Quote: وليد لو جيتنا بتاوق...بس تيويق يحضنك حوشنا والركوبة والتبروقة و الابريق نوضيك بي محبتنا ونصليبك صلاة العيد قبل الهلال ما يفيق و لو فتشتنا بتلقانا لو في محنة أو في ضيق و لو دايرنا بندورك ولو عاديتنا بندورك و لو درناك ياها الدنيا راضية عليك