|
|
 Re: ناس الزقازيق ... أجدع ناس .. (Re: محمد آدم النور)
|
ايها الأحباب وجوه الخير وأهل الخير
تحياتي لكل الاشقاء الزقازيقاب وكل عام وأنتم بخير وإنشاء الله تامين وماناقصين
وتحية وشكر وتقدير للبطل زهير الزيناتي وأيضاأخص بالشكر صاحب البوردالأخ بكري ابوبكر
وتحية لكل الأخوة المرابطين والمواصلين بالبوست وأرجو قبولي معكم كعضوا فاعل إن شاء
الله.
| |
 
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
يا الرشيد دي الريس ما شافها ولا معناها ما تجو
--------------------------------------------
يا قمندان زهير اتهمنى بعدم الرغبه فى استغبلكم وانا لاقيكم وين
ده سبب الترحيب وتاكد مافى زول بفوتك بلاك خربانه
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
علي اليمني هو أول من يدخل مكتبي في الصباح ليشرب قهوتة عندي
ثم يغادر مسرعا قبل أن يأتي الآخرون ليجلسوا معي جلستهم الصباحية
ثم يأتي علي آخر اليوم بعد أن يكون الآخرون منشغلون بالتجهيز للمغادرة
ليبقى معي لبعض الوقت قبل ان يغادر هو أيضا...مع علي أشعر أن أهل
اليمن هم الأقرب الينا...حتى من جيراننا المصريين...علي يبتدرني
دائما بي كيف يا زول...فدخل علي يوما وقال لي كيف يا زول...قلت
ليهو تعال هنا يا علي...يا زول دي بنقبله من اي جنسية الا انتم
و المصريين...و منكم انتو بالتحديد لأننا نعتقد نحن السودانيين
اننا من أصل يمني...و هذا ربما يفسر التقارب الذي بيننا وبينكم
أو لأنكم و لزمن قريب كنتم تنتشرون في السودان من شرقة الى غربة
و تشغلون أي ناصية في أحياء مدن السودان المختلفة...و لحدي وقت
قريب كنا بنقول فيكم النكات...و هي عادة ما تكون صالح قال لي مصلح
و هكذا...و ان أشهر نكتة متداولة عنكم هي أن اليمني تظهر له علامة
الصلاة على جانب جبهته وليس في المنتصف كالمعتاد...و السبب في
ذلك ان اليمني عندما يسجد يميل رأسة لمراقبة الدكان أثناء الصلاة
حسة بقيتو تلبسوا العقالات و بقوا المصريين يقولو ليكم يا طويل العمر
و تجو تقولو لينا نحن يا زول...يا زول أرعى بي قيدك...
يضحك علي من جو قلبه ويقول لي يا زول أحسن حكاية القرابة دي...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: مع ايقاع البوست السريع ده أصبح نوع و طريقة الكتابة يجب أن تكون مواكبة
للايقاع...فما عادت المواضيع الطويلة تجدي ولا أظنها تقرأ حتى
و ان قرأت فانها لاتعلق بالذهن الا لفترة محدودة جدا ثم تذهب أدراج
الرياح... |
في الميل 30 في إعتقادي قالها محمد عيد بالصوت العالي
إنني أشكو قلة الفئران في بيتي
الآن نبحث في كيفية التوفيق ما بين الكم و الكيف
ما تم طرحه من الزناتي متفق عليه بالإجماع و لا شك
بس الأخت عفاف مبسوطة لتأخير تنفيذ المقترح لغاية ما نخلي البوست بتاع الشعبية ورانا
لأنو ناقصة ليها زغرووودة
أحبكم و أحمد اسماعيل بادي الميل 63
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
مساديركم ما مابيها على العين و الراس...لكن لا عندي عتبى ليكم و لاحاجة
وغصباً عنكم تزغردو وتكبو مساديرك زي الترتيب....مش من زمان قاعد أقول ليكم بحبكم؟؟؟ وتيب!!
أغرب حاجة زهير سألني لاقيت منو في كسلا؟؟؟ قلت ليهو سمية بين و مصطفى محمد الحسن و طاهر موسى
وبكرة على موعد مع عثمان علي آدم و الإنسان الرقم إبراهيم سليمان
قام قال لي خلاص عليك الله سلم على عمر محمد آدم
قلت ليهو دا قرا ياتو كلية؟؟؟ ما عرفتو...ذكرني بيهو
قال لي ياخ انت بتعرف حق المعرفة....طبعاً اتجرست وقلت ليهو ياخ ذاكرتي خربتّّ!!
قال لي عمر محمد آدم هو ولدك...تقول لي انتو قلتو مسادير و أرجع لي كم ميل ورا!!!
أحبكم و ما في زول يعلق
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
هى يا رشيد معادلة ميســورة التحقيق
وليست صعبة المنال ..!
وبها يمكن تحويل البوست لما يشبه الجريده ..
وعشان عفاف ما تزعل .. نخلى زغرودتها تلعلع فى المنبر العام
لغاية ما نعدى ناس الشعبية ونصل الميل الماسى 75
والشكل الجديد ممكن يعطى المواضيع المطروحة حقها فى النقاش
من خلال ما يشبه الأعمدة اليومية ..
اضافة الى مكتبة للصور .. و باب توثيقى لاحداث الزقازيق زمان
وســجّل محدّث للاعضاء ( تطوير لسجل سامى )
وتوثيق الدفعات القديمة فالأحدث ..
واكيد جرابات الناس كلها تحمل الكثير
فليدل كل منا بدلوه .. ومنصور اقيف بعيد هســه ..!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
بيني و بين نفسي قلت لو جيت باكر بلقا الزولة بتاعت الأمجاد بالتقسيط جابت ليها mDSL وبعدين نبقى في اليلحقنا البوست
زينب التجاني تقبلي تحيات أروع أبناء كسلا ونسة وضحك و نكات و مقالب مصطفى محمد الحسن مدير برنامج منظمة أكورد و الخبير في مجال التمويل الأصغر
| Quote: ومنصور اقيف بعيد هســه ..! |
داير أعرف مالو يقيف بعيد ...بس ما يجي يوم الخميس!!!!
أحبكم وتعالو أقيفو صف بس حسب كلام محمد عيد منصور ما معانا
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
للمرور والتحية والمجاملة لكل من
محمد صديق
الرشيد
محمد عيد
جلا الجلا (دي علي وزن جمعة الجمعة)
وللسؤال عن الغائبين اليوم
طارق
منصور
الريس معتصم
زينب
عفاف
وباقي الكوكبة
متابع ومستمتع يا جلا الخلعة الدخلها فيك الهكر طلعت ولا لسه
أحبكم قدر خلعة جلا من الهكر
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
جيناكم يا حبايبنا
سبحان الله يا جلا شوف انا قاطراك كيف
واله الله شافك الامجاد فراملها قوية0000000000000 يا زول بعد ما رجعت من العرس فتشت الdsl فى العربية ما لقيتو (غتاتة رجال) فتشت الدولاب مافى برضو لقيتو فى الجزلان ودى لو الصباح سيدو ما لقاهو فى مكانو فيها شبهه جنائيه
واتقبل اى تحايا و ابادلكم الود يا ناس كسلا انتو ما فيكم بركة سيدى الحسن راجل كسلا و قمر عشرة ومليون سلام يا مصطفى
بلمناسبة النمويل الصغير ده ما فيهو بند امجاد
محمد صديق انشالله ما يفقدوك فى شينه
سلااااااااااااااااااااااام يا حيدر يا حنين من العغرب لى طوكيو و الف شكر على الرسالة الرقيقة
(فى ناس كده الله خلقا وعندها زوق وفى ناس الزوق لما يلاقيها تخلى ليهو الشارع ولله فى خلقه شئون)
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
مرحبتين زوبه .. نورت الليلة الفرايحية
بند تقسيط الامجاد حنخلى الزناتى يخليهو فى خطة العمل بتاعت
التمويل الشخصى فى شركة ناس الزقازيق ..
جلا .. منصور يقيف بعيد لمن يتعلم يكمل نقصه بدرى بدرى
يا ريس جينا نشاهر معاك وينك الليلة ..؟
اوعك تكون بتجهز لاستقبال وفد الزقازيقاب ؟
غايتو ما تكلف نفسك كتير الناس ديل بتاعين مقالب
احبكم واحب الذوق البيخلى زينب التجانى تلطش الـ dsl وتظهر فى بواكير الصباح
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
انا لله وانا اليه راجعون
نتقدم بأحر آيات العــزاء لزميلنا العزيز / عبد الحليم عباس - زراعة 87
فى وفاة خاله / النطاسى البارع الدكتور :
[ B] الهادى احمد الشيخ
اخصائى العيون المعروف وشقيق الشهيد / الشفيع احمد الشيخ
وذلك فى حادث حركة هذه الليلة بامدرمان
نكرر التعازى لعبد الحليم والاسره ونسأل الله للفقيد الرحمة والمغفرة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
الساعة السابعة واتا بستعد للحفلة رن التلفون واذا بصوت مهذب بيسال عنى و يبلغنى بانه مكلف بتوصيل امانة
وكان اروع واحلى ايس كريم 00000000000000 كيف والنكهة الكانت طاغية علية كانت نكهة منصور
منصور يا رائع يا اروع من الروعة كلها شكرا على احلى ايسكريم وربنا يحلى ايامك بناس احمد وام احمد يا ابو احمد
شكزا ليك والف شكر للشاب المهذب عبد الرازق
يا زهير ما تزعل انا منصور والرشيد ديل دلعونى اكتر من دلعك لى مجد
دة خالى منصور والخال والد
سلام لى امانى بطعم ايسكريم البقلاوة
وتحية وشكر من العيال وهم عايمين فى بحر الايسكريم ودودو بيلعب بكورة مجد
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
ازيك يا عيد والله منور
خلاص كنت حاقرش لمن لقبتك كدى نديك خشم خشمين
ما حابراك
ياعيد قاسمو النضيف دة النضيفة ما تقوم تتجنن عليهو
طبعا انا قضيت سنة فى جدة قبل الرياض وبعد 8سنوات حلوة فى الدمام كنت ساكنة الفيصلية جنب ميدات الدراجة برقم التعب والضيوف كانت اجمل فترةقابلت فيها ناس كتار ومشينا لللزملا بتاعين الزقازيق فى حتة كدة اسمها الكيلو وكان لقاء رائع د.سيف النصر كان طبيبنا الخاص الف شكر لية
طبعا اي زول ما عمر ولا حجة جا نا فى الفترة ديك ناس داخل وخارج
عمر قال لى شدى حيلك وخلى الدلع مكة دى اظن دايرين يقفلوها الناس دى كلها جاية السنة دى بعدها مشيت الرياض وسكنت فى حى الربوة واخر شهرين فى الملز اكون جارة فافى وانا ما عارفة
سلام لفافى وهى بيتها منور بى سيدو
الرشيد اليلة بدل الاتاى شرب اوفلتين ونام بدرى
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
يا عيد اظهر وبان عليك الامان
مواعيد رجوع الdsl قربت امشى اختو فى مكانو عشان عمر يفرح يقول ما لقيتو
اصلو لازم يدقسوكم
زهير
عامل لى فتح الرحمن البشير
كويس زى ما بقولو اهلنا ناس كردفان الفولة بتتملى وبقارة بتجى لو ما فاهم اسالعصام دهب اصلو بظهر لما يكون فى رفع
يا ناس سامى ولا العزا بقى ما بجيبو
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
مرحب بولدنا أحمد محمد اسماعيل
حللت اهلا ونزلت سهلا ...
رشيد القوم والله مسألة الكم والكيف ... ده الجرح اللازم ناخد فيهو وقفة
في اشياء وتعليقات ومداخلات جميلة محتاجة لوقفات ...
وخاصة خواطرك عن حبوابتكم واعمامكم انت وطارق ... وذكريات الصقور والكوة ..
ولمسات وكلمات محمد عيد الفنية ... عاوزة مليون وقفة ...
هسع شوفو ولدنا منصور لما وصف دخول حاج الركز على اسرته ...
والله الحته دي لي هسع بقرأ فيها ... وعاوز اعلق بس كيف ماعارف من دقتها وجمالها...
وزيو كتير ... وخاصة حماس الاخوات عفاف وابتهاج وزينب ونجاة اعطي بعد رابع للبوست ...
ومسادير عمر نملوز ... و ... و ... وحتي الطلات السريعة للأخوان فيها "شئ كتير" ...
وكل عام ونحنا بخير ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: مدثر أبا يزيد)
|
حار الترحيب بالأخ احمد اسماعيل ....
وسلام مربع لناس الرياض ...
تجارة وزراعة ...
وعقبال الباقين ،،، كل مره لازم نعمل التنويه دا
أي واحد من المجموعة دي لازم يورينا الباسويرد وصل
ولا لسه :
مبارك جادين (ودا بالتلفون عرفت ما وصل)
عبد الحفيظ (لثانية العيد ما وصل)
كمال الشادي
نورا كرم الله
حنان مجمر
وشدوا حيلكم يا ناس الزقازيق زكوا البوست دا لغاية ما
بكري أبو بكر يزهج يدينا منبر برانا
الصفحة دي انا متعهد بيها براي يعني لغاية ما تقلب 64 حا يكون
عندي فيها نصيب الأسد
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
خالص التعازي للأخ عبد الحليم
ولأسرة الراحل الدكتور الهادي أحمد الشيخ
طبيب العيون الأشهر في أمدرمان ،،، والإنسان
الذي لم يبخل يوماً بعلمه علي طلابه أو مرضاه
فقد كان رقماً في العمل الطوعي والخيري والإنساني والوطني
فخسارة د. الهادي أحمد الشيخ لا تعادلها خسارة
اللهم أرحمه بقدر ما قدم لوطنه ومرضاه .. وأسكنه فسيح
جناتك مع الصديقين والشهداء ...
عزاءنا موصول لأسرة الشهيد الشفيع أحمد الشيخ ...
الأستاذة فاطمة واحمد الشفيع ...
إنا لله وإنا إليه راجعون
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
اجابتك ولا جابت تعب تحميل الصورة يا مدثر
انت ما قاعد تأكل ( التمر ) ولا شنو ذاكرتك تعبانة كده
شايفك قلت ( بيطرة ) من غير اسماء ،،، ليه يعنى نسيت
طارق النور و على جميل
التحية للدكتورة امال عزالدين ..... ناس زراعة ديل ما صــفوة ياخى
شايفهم كمان بسكنو وين ( الفيصلية ) وميدان الدراجة مش الكيلو
تصدقى يا زوبة عرفت مره من محمود حسين انك جارتهم ولما نلحق نزورك
كان سافرتى
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
عبد الدائم إنت وزينب التجاني ديل ما بتتلاقوا قريب عشان كدا لو في حاجة قول لي
انا بوصلها ليها بالليل ،، أو للرشيد لأنه نحن شغالين في الورديتين ،، زينب التجاني
بقت عامله زي بتاع البقالة الناصية في تقاطع شارع المحافظة مع القومية ... والله فجأة
نسيت أسمه وعندي ليك مسابقة ممكن ،،، تزرزر في الناس الليلة الموت جاك يا ملك الموت
زي ما بتقول أمي ....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
سلامات يا ناس
فى ناس لازم تراجع الميل السابق:
دكتور احمد الامين
دكتور الصادق
دكتور جلا ..بسم الله الرحمن الرحيم
هسة جلا ده الجابو شنو..؟؟
عفاف على ميرغنى
ده ما طلب...دى تعليمات
شكرآ زينب التيجانى ..والبركة
فى عودتك الجميلة ..بس اوعك من
امجاد الغاز..براك شفتى حقة المهداوى
شكرآ دكتور طارق ونحن فى انتظار حكاوى
عمك جبرين.
انت يا زهير سلك عبدالدايم ده خبر؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
نهاراتكم سمحة0000
الليلة مالكني هوى زراعي
كان عندنا دكتور اسمه سلامة في قسم وقاية
سلامة دا حركته وايقاعه زي المبرمجين
في اول محاضرة لينا معاهو في القسم
كنا محمد فاروق وعادل وزيري وهناء وانا
سال عايز يتعرف على الاخوة السودانيين
ولما جاء الدور عند وزيري اتفاجأانو سوداني واندهش
وقال ليهو(على كدادا انت سوداني مقشر)
بقينا كل ما ندخل محاضرة د.سلامة نقعد نضحك انا وعادل ومحمد فاروق
وهناء تحمر لينا
الليلة البري علي 0000
رشا يا رشا اظهر 00 انت ولا عجوز ولا حاجة (لو جابت ليها كلام لحوفي)
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
عارف يا طارق أمي الله يديها طول العمر حافظة كمية مهولة من قصص
وشعر الشوايقية رغم إنها غادرت تنقاسي ولم يتجاوز عمرها اربع سنوات
وتنقلت مع والدها في محطات السكة حديد بشرق السودان حتي إستقروا بكسلا
قبل ضربة التليان (سنة 1940) ، من أين حفظت هذه الأشعار والقصص الله أعلم
ولا زالت ماشاء الله عليها تملك ذاكره قوية جداً رغم إنها تجاوزت الثمانين
من عمرها . فحكت لي يوم العيد عن طشمة الجماعة في تنقاسي فقالت أن النساء
في ذلك الزمان ولم تحدده كن يجتمعن في الشروكية (أي يتشاركن) ، وكل فترة
يجتمعن مع أحداهن ، ويجلبن إحدي الناس لعمل العسلية ، ويلموا الشروكية ايضاً
لشراء حمل أو (عتوت) ، وكانت إحداهن زوجة رجل مهم في القرية ، حذرها زوجها
مراراً وتكراراً من هذه الشروكية والعودة للمنزل (لط) ، ولكن يمكنهامن جمع النساء
في منزلها (يعني ما معترض علي الطشمة) ، ولكنها لم ترعوي ، في إحدي هذه الشروكيات
وقفت لمبه هي وصديقتها إلا أن وقعتا في الطريق العام ، وجئ بها محمولة للمنزل علي
الأعناق ، فما كان من الزوج إلا وأن رمي عليها يمين الطلاق ، ولكنها لم تغادر المنزل
لأجل بناتها وأولادها الصغار .. ثارت ثائرة الزوجة وأتت بفكي كارب من قرية مجاورة
وبذلت له الذبائح والعطايا والذهب ، رمت بالعمل الذي دبجه الفكي في البحر حتي لا
يستطيع فكي آخر فكه ...
نواصل بعد الفطور حسب التعليمات المشددة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
يا كوتش حبابك في الغدا .... بس بعد كلامك جا إلا تجيب معاك سندويتشات
لي وليك ...
وبعدين الحكاية دي نحنها منتظرنها من الصباح ،، وقلنا نعمل ليها
إعلان مع نزولها والتغطية المرة دي حا تكون احسن من المرة الفاتت
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
Quote: دكتور احمد: انا ما نسيتك..لكن انت خليتنى
اتردد ...انا فى راسى احمد الامين مصطفى او
احمد البرلوم...تجى ياخ تشيل الالف واللام
وتحذف مصطفى ...دى اكتر من كاتل الجدادة
وخامى بيضا!!!!!! |
يا اخوي اسوي شنو .. الموضوع مووو مني ..
صديقي الرشحني لبكري للعضوية ...
سواها كدي .. اها ما عرفنه نصلحه كيفن ...
ان شاء الله في اول حضور لي السودان أكيد حنتقابل ..
________________________________________________
والأديسه في البلوونه( الكديسة في البلكونة)
مليون تحية لك ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: Dr. Ahmed Amin)
|
نواصل الحكاية يا طارق والدنيا عيد والحرج مرفوع فقل ما لديك:
نسيت أن أذكر زواج الرجل ، إلا أن الفكي أستطاع أن يطبله ، هنا ثارت ثائرة الزواج
وشقيقه العنيف وجئ بفكي آخر من قرية بعيدة ، وبعد مجهودات خارقة ذكر لهم الفكي
بأن العمل لن يفك لانه في جوف البحر ، وعليه أن يرضي بالمقسوم ، حذر شقيق الزوج
الفكي من أن يراه في هذه المنطقة إلا والويل له ، ولا زال الفكي سادر في غيه ،،
يأتي الحلة بعد أن يغيب الرجال في المزارع والأسواق ، ومره داهمه الشقيق الشرس
ووجده متلبساً بكتابة الأعمال ، فضربه ببسطونة كاربة ضرب ما فوق المبرح ، فغادر
الفكي للبحر وهنالك إستحم وقال لي الجماعة يا جماعة انا عافي ليكم اعفو لي ..
ومات والسبب كما قالت أمي أن الضرب كان في الملاين ،،،
والمرة القادمة سأحكي لك عن حفلة المسيخة ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
سلام ناس الحوش حبابكم عشرة...
انشاء الله لامين في الخير....
حار التعازي للاخ / عبد الحليم عباس ...في وفاة خاله دكتور / الهادي احمد الشيخ..
نسأل الله ان يتقبله في الصالحين والشهداء ...
سلام الف سلام ...والف مبروك لي اخونا / احمد اسماعيل ..والله البورد زينة فوق زينة...
تعرف يا احمد اسماعيل نحن بعد كده نخلف رجل فوق رجل ونقعد نطالع فقط في البورد ونعلق من خارج الميدان
يا ولد غطي هناك ...يا جماعة الكورة باسات...والكورة وطة ... كباتن من خارج الميدان...
زينب التجاني ...نورتي ...
الرشيد بابكر ...اشواقنا تتعطر تطير...
محمد عيد ثاوث مول مازال زحمة ال جابك شنو ؟؟؟
الريس ميسرة ...مشتاقين حتي النخاع...
تبلدينا...اين انت ؟؟؟
المشتاق ليكم / عثمان الجيلي
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عثمان الجيلي شيخ محمد)
|
ناس الحوش سلام... عيني باردة ماشاء الله طايرين بسرعة الضوء الله يديكم العافية.
يا عمو الزناتي جانا العيد وإنت بعيد ... شنو مافي حاجة في السكة خليك من طشمة العجائز دي قالو القحة ولا صمة الخشم ، أي حاجة إنشاء الله حفلة للبلابل!!!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: البادي النور)
|
هل يتابع عبدالحليم عباس هذا البوست
مستمتعا او غير مستمتع ؟؟
البركة فيكم يا عبد الحليم عباس
على فكرة انا عندى تلفونك من بدرى
وسأحرب الأتصال بك بعد قليل
عارف من منو ؟؟
نحن ما طلعنا نسايب وعدايل ياخى
عارف دكتور عمر حافظ ود اخوك ؟؟
وتيب !
وقبل ان اكمل اتممت الأتصال على عبد الحليم
وللأسف هو غير متابع
ولكنه وعد بذلك من الآن فصاعدا
تلفونه للتعزية والمواصلة , خاصة لى ناس الأمارات
00971505740634
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عثمان الجيلي شيخ محمد)
|
تحية و سلام لأجدع ناس من المتداخلين و المتاوقين ..
و متابعة بإستمخاخ ..
ثم خالص التعازي للأخ الزقازيقابي الفاضل / عبد الحليم عباس ...في وفاة خاله دكتور / الهادي احمد الشيخ.. و أسأل الله تعالى أن يرحم الفقيد و يغفر له و يدخله فسيح الجنان مع الشهداء و الصديقين و أن بلهم أسرته و ذويه الصبر الجميل و يجعل البركة فيهم ..
ــ
و مراحب ألف بالزقازيقابي الفاضل الأخ / احمد اسماعيل .. حللتم أهلاً و نزلتم سهلاً و الحوش حوشكم و عقبال كل الزقازيقاب تامين و لامين ..
ـ
بالنسبة لعمل منبر مستقل على غرار منبر ( اليوم الحار ) فإن شاء الله و بإذنه تعالى سوف تسمعون خبراً أجمل خلال الأيام القادمة .. مع تأكيدي على أهمية إستمرار البوست في المنبر العام ..
Quote: بتاع البقالة الناصية في تقاطع شارع المحافظة مع القومية ... والله فجأة
نسيت أسمه |
الزول دة إسمو ( سليم ) يا زهير ..
و حقيقة كان أفضل صديق وقت الزنقة و الضيق ..
و أحسن زول بـ ( يديّن ) أو ( يسلف ) في العالم ..
و بعدو على طول ( درش ) بتاع السندوتشات ..
ياخي كم بيضة كدة + كيس عدس + زبادي ( جهينة ) مع ( طحنية ) و علبة كيلوباترا ـ أيام ما كنا ـ و الموضوع إنتهى ..
حقيقي ( سليم ) زول يستاهل التكريم ..
وبالمناسبة عصمت المكوجي بقى بزنس مان و أبهة كمان ..
الله يطراهم بالخير و يجزيهم عننا كل خير ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
وترحيب حار بطلة اخونا احمد اسماعيل من الباب المباشر
وهو دينمو محرك لفعاليات زقازيقاب الرياض
تفتقده الرياض هذه الأيام , ولكن تكسبه فعاليات شارع النيل السودانى فى اجراءات (اعارة ) مؤقتة
نحييك زهير وقد فتحت لنا طاقات (حكى) جديدة بطلتها حاجة زينب
بالمناسبة , نحن فى انتظار كمال الشادى
باعتباره شايقى (تايوان)
الا انه ملم بضروب فن كثيرة , تخصص فيها بنو شايق
من الشليخ الورا , للصفقة الورا
وحتى الرقيص الورا
من ايقاعات الطمبور الحنين , لكلام اسماعيل حسن الطاعم
وين مختار دفع الله
وكلامه عن (سماعين وحد الزين)
وانا يابلد رغم المشاوير الدائرة فى فلك الرتابة
شلت من عمرى الفرح قسمتوا للناس الغلابة
ياسر نجيلة , تقديرى الكبير وانت ترفع من معنوياتى
ما قلت ليكم نجاة حوفى (بيجى الخريف واللوارى بتقيف)
محمد صديق , هوبتك دى ان شاء الله هوبة الود مهند فى لوممباشى , قول آمين
محمد عيد انت لا تقول آمين ولا حاجة
دكتور الصادق زاته ما يقول آمين , ولا عصام دهب ولا ياسر نجيلة
ومعاهم وليد زينب التيجانى الخدورى داك المارق من (الأجماع الوطنى )
اقول ليكم يا زينب وعمر , الولد ده دخلوهو (الأصلاحية ) عشان يستعدل ويرجع (لجادة الطريق)
فى خامس ايام العيد
لما التقينا بسفح رامة وجدت بنان العامرية احمرا
قلت خضبت اليدين بعد فراقنا قالت معاذ الله ذلك ما جرى
لكننى لما رأيتك قادما بكيت دما حتى بللت به الثرى
مسحت بأطراف البنان مدامعى فصار خضابا فى اليدين كما ترى
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
جنابو التعليمات المشددة دي شنو 000 الميل السابق ماله 000
الليلة محمد صديق هكر ولا شنو00
حار العزاء للاخ عبدالحليم الزراعي من محمد عثمان ومني
احمد اسماعيل سلام مربع ومنور 00
ويا مدثر في الاول ما عرفتك 00 لكن تاني ازكرتك في لمة ناس الرياض 000
تحياتي للمدام
وعلى كدا بقى بورداب الزقازيق فرع الرياض اسم 00 عايزييييين عمل 00انجاز 00 وانا جااادة يا جلال
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
سلامات يا ناس
تذكرى يا عفاف ناس علوق الشدة الذكرناهم
فى الحكاية الزقازيقية السابقة؟؟[ ما اظنك
تكونى قريتيها لانك انتى شغالة بى علوق الشدة
اسالى حاج الركز قولى ليه علوق الشدة شنو؟؟؟
شكلك ما قاعدة تقرى المداخلات كلها..بس من آخر
مداخلة وتجى ناطة..
يلا راجعى الميل السابق
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
| Quote: و بإذنه تعالى سوف تسمعون خبراً أجمل خلال الأيام القادمة .. مع تأكيدي على أهمية إستمرار البوست في المنبر العام .. |
ده الكلام يا مولانا ... ســر وعين الله ترعاك
##############
عثمان الجيلى .. الزحمة حاصلة والسهر فى المركز لغاية الفجر
لكن كل شوية الزول بيرجع المكتب يفك الخــرمة بالاطلاع على البوست
وهنا اعتذر للعزيزة زينب .. لأأننى امس بعد مداخلتها خرجت لانهاء شىء
والعودة .. لكن الامور تطورت هناك ولم تنته الا فى السادسة صباحا
فلها العذر ..
واذا زهير جادى فى كلامك وتوليك مسئولية البوست الليلة .ز
انا معاكم من هسه لغاية الفجر .. ويا ريت الرشيد وجنابو كمان
لأنى عندى لهما مفاجأة وجدتها فى أوراقى القديمة ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامنا وأشواقنا لكل الأحباب الزقازيقاب
ونشكر كل الإخوة الذين رحبوا بنا ونقول للأخ النضيف مغششا مثلك الدارفوري وصل مش هو
(أبو دنقة من فلهمتو خلّى خشمو وبقى يعضي بعنقرتو)التفسيرللأخ الكمندان أوجلا
ثانيا أشكر أخوان بالخرطوم الأخ محمد آدم النور والأخ الكمندان محمد صديق والأخ زهير (ابو أحمد)
والأخ يوسف عبد الله خالد والأخ الهادي كتير والأخ عبد الحفيظ عباس على تكريمهم لشخصي الضعيف بأن
تناولت معهم إفطار يوم22/رمضان على ضفاف النيل الأزرق ، الجميل والمثير إننا إلتقينابعد 21سنة
مخلفةآثارها علينا إلا إننا مازلنا بنفس الجمال (الود والإخاء والتفاني والبساطةالكانت بيننا)
دائمالقاءاتنا لها طعم وشكل ولون وميزة فهنيئا لكم ايها الزقازيقاب.
نقطة مهمة هؤلاء الاخوة اعلاه أمرهم عجيب لأني سافرت السودان من غير ادي خبر لأي حد، إجازتي فقط
20يوم واصل بيها نيالا حتى أسرتي تركتها في الرياض لذلك ماحبيت أزعج الاخوة بالخرطوم رقم ذلك
كمرتهم رصدتني . نوجه السؤال للأخ جلا ( كيف تم ذلك)
| |
|
|
|
|
|
|
|
|
|
Re: ناس الزقازيق ... أجدع ناس .. (Re: أحمد إسماعيل)
|
سعدت قبل قليل فى الاتصال بالأخ / عبد الحليم عباس
بعد بادرة الاخ منصور فى انزال رقمه ..
وهو يقرى الجميع التحايا .. ويوجه شكره لكم على مشاركته بالعزاء
وقد وعد بالتواصل مع المنبر من خلال وجوده فى دبى ..
************
ناس الليل .. هبت نسائم الهوى .. فأين أنتمو ؟؟
***************
تحذيـــر هاااااااام :
يبدو ان هناك هكرا ابن هكر يهاجم الموقع خاصة عند محاولة انزال الصور
حيث حاولت انزال صورة .. فاذا بها تنزل صورة هاشم العطا فى بيان الانقلاب
وتقريبا نفس ما حدث مع صورة دودى فى الصباح .. فرجاء الانتباه
| |
|
|
|
|
|
|
|
|
|
Re: ناس الزقازيق ... أجدع ناس .. (Re: أحمد إسماعيل)
|
بمناسبة ذهابي لنيالا نذكر الإخوة بأنّ خريجي الزقازيق من نيالا هم
1/ الصادق محمد خميس بيطرة متواجد بنيالا
2/ متوكل محمد جمعة زراعة = =
3/ عثمان عبد الله محمود تربية = =
4/ عبد العزيز بركة تربية = =
5/ أبو البشر حقوق = = ضابط إداري بالمحلية
6/ مصطفى عبد الله علي معهد صحي = +
7/ عبد العادر عزالدين = = = =
8/ محمد الحسن (ياسر) معهد تجاري
9/ أحمد إبراهيم مفضل تجارة بالخرطوم كان ملحق عسكري بشاد
10/ نعمات مختار بيطرة
11/ حسن بوليس تجارة
12/ التتجاني تقاديم حقوق بالخرطوم
13/ التاج البنان تاج الاصفياء تجارة
14الحسين البشير معهد تجاري
15/ حسن إبراهيم زراعة مشتهر
| |
|
|
|
|
|
|
|
|
|
Re: ناس الزقازيق ... أجدع ناس .. (Re: أحمد إسماعيل)
|
من شدة الشوق العلى ما قدرت اكتب ليكم ولا حرف... صعب الكلام ..تناثرت الحروف وهى تتعارك وتتسابق كل كلمة لتعبر عما بداخلى من برى...الظاهر عليكم اليوم موعودون ببرية شدييييييييييييييدة منى
اعزى كل من فقد عزيز لديه وانا لله وانا اليه راجعون...
تحية حارة جدا لياسر نجيلة واسرته على العيدية الجاتنا وشرفتنا رشا والاولاد العسل وداليا وزوجها وابنها... تحية حارة جدا ذى حرارة براد الشاى العاجبك يا نجيلة على فكرة برادى ده اسمه keep it hot
رغم انه حرارة لقياكم كانت كفاية علينا...
يا منصور شنو التفرز ده امنية ومهند منتظرين الايسكريم بالdhl والا حسه بزعل انت ما عارفنا شباكات فى حاجات بعض حسه ما شايف زوبة متشبكة فى ..... ما بقدر اقول فى شنو..
يا زوبة مشتاقين والباسوورد عندى بس مشكلتى الزمن 24 ساعة ما مكفيانى شغل ومدارس وتجليد كراسات...
فافى الحمد لله الوصل سيد بيتك شجرة ضلك الله يخليكم لبعض تحياتى ليه وعندى ليكم برية شديدة عن حاج الركز.
شكرا للرجل الرائع الذهبى على المعايدة وسناء الصباغ وزوجها الظريف عمر بسلموا عليكم كلكم بس سناء قراية بعد العشرين شوية صعبةعليها..
زناتى نفسى فى شاى بلبن فى بيتكم.
طارق جبريل ما شاء الله على الامورة والولدالجميل الله يحفظهم...
يا عيد انت عيدنا كلنا سلامى للمدام والاولاد...
محمد صديق الطعمية جنب الباب( طعنية)
يا اخوانا م تزعلوا لو فى زول م كتبتب اسمه ده سلام بس لانى لى ساعة بقرا فى البرى بتاعكم لما عيونى مطششة حسة
دمتم سالمين
نجاة حوفى
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
| Quote: الرشيد بابكر ...اشواقنا تتعطر تطير... |
عثمان الجيلي...يديك العافية
اى لحظة بعيدة عنك
ضايعة من ايام زمانى
وكل يوم كان لى فى قربك
اتمنى لو احياه تانى
وروحى لو غنيتا ليك ما
تصور كم اعانى
وشوقي ابلغ من غناى
وحبى اسمى من المعانى
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: اذا كانت زوجتك براية...فاحذر أن تعيش معها كقلم رصاص
والا فانك في آخر المطاف لن تكون الا استيكة... |
ولكنها اذا لم تكن براية فاذن انت حتحتاج انها تكون مووس
طيب ولو الموس ما برى قلم الرصاص .؟؟. جنجيب سكين ...؟
ولا ســاطور ..؟!
يا زول البرايـــة احســـن ..!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
ناموسية
عندنا واحد بلدياتنا من الكوة ضخم جدا و اعتاد أن يلبس جلاليب فقط ومرفقاتها
من عراريق وسراويل طويلة...كان في واحدة فلاتية بتجي تغسل ليهم الهدوم بالدستة
فأول ما تجي تلقى الهدوم مردومه تقعد تحسب فيها كم دسته قبل ما تبدأ الغسيل
لأنه أحيانا يجي واحد يسحب ليهو حاجة من حبل الغسيل ويقوم يكويها ويمرق من غير
ما تعرف...
يوم جات الفلاتية الصباح لقت الهدوم مكومة وقعدت تحسب فيها وواقفة معاها ست
البيت...واحد عراقي اتنين عراقي...واحد سروال طويل...تلاتة عراقي...اتنين سروال
طويل................وواحد ناموسية...
أجي يا حليمة ناموسية شنو...ست البيت
ردت حليمة...و ده شنو
دي جلابية حمزة...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
سلامات يا ناس
البراية مالا عيبوها لينا
الرشيد ما عارف ليه قصة الناموسية دى
ذكرتنى قصة الفلاتى الفتح دكان وفى اول
يوم ظهر ليو مشوار قام قعد اولادو الاتنين
ووراهم الاسعار .وبعد جا راجع لقى صفيحة
الطحنية فاضية ..قال ليهم ما شاء الله بعتو
قالوا لا فطرنا.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
عيد والرشيد بما انكما الاتنين
القاعدين هسة داير اشتكى ليكم
ناس اصحابى ..مشيت ليهم قلت ليهم
اعملوا لى جبنة...عملوا ميتين...
جابوا لى شاى قالوا لى ده شاى
مقنن...وفى النهاية طلع الشاى
ياهو ذاتو الانا عارفو...ولا مقنن
ولا حاجة..
هسة انا اضطريت فى تلايت الليل دى
اخش المطبخ واظبط جبنة بت ستين لذينا
عشان اقدر اساهر واكتب الحكاية الما
اعلن عنها صاحب شركة الاعلان..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
واحد أدروب لقي خيمة بكي كاربة ، شال الفاتحة وإستني صينية الغدا
الكارب شي لحمة وشي محشي وشي شنو وشنو (زي ما بتقول بدرية) بعد
استمخ مع الشاي بالمستكة (ما مقنن) إتفرغ للونسة ،
- يا جماعة البكا دا خبر ولا جنادة ..
- والله يا أدروب المرحوم إتوفي في لندن
- يا سلام يعني راحات يعني ...
حكاية محمد صديق زي تلفون النضيف كلها طلعت خبر ساكت ...
محمد صديق عليك الله منو الثقيلين ديل القلت ليهم عايز جبنة
جابو ليك شاي وكمان ما مقنن ،، يا زول تعال كل يوم المغربية
اشرب الجبنة ما الخمج ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
فى عز الليل
ساعة النسمة ترتاح
اوعك تهاجر
زى ماقال النور الجيلانى وثناهو وامن على هجرته
عبد الكريم الكابلى
بس قوم ادخل المطبخ
لو ابو يسووا ليك الجبنة الما خمج
ولا يهمك
ولا عملوا رايحين
وجابوا ليك شاى مسيخ ولا مقنن
ولا تشتغل بيهم
ولو لقيت ليك بت شيخ براية
واضطريت تشتغل آخر عمرك استيكة
ولا تخلى عيونك ترمش
لأنك مش حاتقدر تغمض عينك
ولو القصة جابت ليها سواطير
وسكاكين سنينة ولا حتى ما سنينة
او حتى امواس ناسيت من البيستعملوها ناس فى الحلاقة
لكن فى ناس عندهم فيها مآرب اخرى
زى عصاية موسى
(هسى فى زول جاب سيرة زول رايح اسمه موسى عيسى)
عصاية موسى اللى اصلا كان بيهش بيها على غنمه
هسى نحن الوصلنا للحتة دى شنو ؟؟
ايوة اتذكرت
موس الناسيت البيحلقوا بيهو
وبيبروا بيهو اقلام الرصاص
كلام آخر الليل الذى تمحوه تباشير الصباح الباكر
يا (باريا) قلبى
النهر ظمآن (لبريك ) العذب
سألوا انشتاين ذات ليل
وماذا كنت تقصد بقولك وجدتها وجدتها اذ سقطت عليك التفاحة وانت تحت الشجرة ؟؟
قال انشتاين ضاحكا
وجدت ان العلاقة بين البرى (بالراء المفخمة) وتاء التأنيث فى (بوست الأجدع ناس)
هى علاقة نسب وتصاهر
قلنا وما دليلك يا انشتاين
قال (تاء التأنيث) الملحقة بأداة البرى (براية)
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
حكاية زقازيقية :
نقول المعلوم اول ...
مهم جدآ مافى زول يقول لى الكلام ده سنة كم
=====================================================
مدخل :
اختلاف الرأى لايفسد للود قضية.
اذا قُدر لك ان تسأل معتصم سلمان جعفر عن هذا الشارع والمناطق المحيطة
به لأخبرك دون تردد بأن المنطقة والشارع ...والى مد البصر حتى الجامعة
كلها كانت غيطان...خضراء خضراء...تتجول الجواميس فيها الى درجة انها
تتبختر فى مشيتها...
الشارع القصير الذى يبدأ من ناحية مستشفى المبرة...نزولآ الى تقاطع شارع
القومية مع الامن الغذائى او الشهيد احمد اسماعيل..وفى مواجهة صيدلية سان
مارك...هذا هو الشارع...يتراءى القادم من هناك ناحية مستشفى المبرة ..وهو
على وجه التحديد كان خارجآ من احد الازقة التى تقودك الى 21 اكتوبر او تخرجك
منها بحسب الحال...الوقت مساء والزمان برد زمهرير ...القادم من هناك مسرع
الخطى يكاد ينكفىء على وجهه من فرط سرعته...رغم ان يديه كانتا مضمومتين الى
صدره...كانما يحاول بذلك صنع مصد للريح الباردة..او كالذى يحمل شيئآ عزيزآ اليه
يضمه بكل ذلك الحنان...وجدتنى اتتبع ذلك الشبح بفضول كبير حتى اننى لم ا نتبه
للذين كانوا يمرون من امامى..وحتمآ كانوا يلقون الى بالتحية...ولسرعته المفرطة
فقد كان دنوه وشيكآ...شيئآ فشيئآ بدأت الملامح تتكشف ...بينى وبين نفسى بت اردد
هو هو ليس غيره...رويدآ رويدآ تتكشف اكثر...وعلى بعد 200 متر تأكدت انه هو....
الحذاء البنى المغبر ...بنطلون الجينز الذى ما رأى الغسيل يومآ...القميص الكاروهات
باللون البنى والاصفر الداكن الذى اهداه اليه جمال فارح بعد عودته الاخيرة من القاهرة
والشعر القصير المنكوش...يا للشعر المنكوش...سر الضمة ..تأكد لى الآن لماذا كانت
اليدان مضمومتان...انها رواية ماركيز ..الحب فى زمن الكوليرا..والتى استعارها من
محمد صديق ولم يردها اليه حتى هذا التأريخ... هو .. هو .. هو ..هو صلاح الامين.
فى لكوظ ...يتحرك الآن مصطفى محمد الحسن نحو شقة ياسر على الشفيع وخالد صالح
ومحمد عطية وعصام فرح...يعرج على عمارة ابو محمد...ينادى بصوت ممطوط يقلد به كماسرة
الميكروبص على ياسر لورد والذى ينزل مهرولآ ...يترافقان سويآ نحو الوجهة التى يعلمانها
ينعقد مجلس الهارت ...وتدور اكواب القهوة ...وتدور الضحكات ...ضحكات صافية..تخرج مباشرة
من القلوب...وكانت بنت الاسود من نصيب مصطفى فى كل الدورات...يتحرك محمد عطية بين المطبخ
والبلكونة حاملآ اكواب القهوة والشاى مطلقآ ضحكته المجلجلة الضخمة...
يأتى بغتة صوت صلاح الامين من الاسفل ...تنقطع دورة اللعب وتتطاول الاعناق من فوق البلكونة
يلقى عليهم التحية وفى عجالة يسمعهم آخر النكات...يتحرك الى الامام ثم يعود ثانية ..ويخاطبهم
=======أدونا جنيه
تتعالى الضحكات فوق البلكونة...يهرول محمد عطية الى الداخل ويأتى حاملآ الجنيه...يشبك الجنيه
على مشبك الغسيل ويقذف به الى الاسفل قائلآ :
امسك يا شيوعى يا مفلس
ينحنى صلاح ويلتقط المشبك..يخلص منه الجنيه ثم يقذف بالمشبك الى عطيه وهو يقول :
شكرآ يا رأسمالية يا طفيلية.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
الرشيد يوم الخميس ده ما بيقدر على سهركم ده يا جنابو
الراجل بيجى قاطع ليهو زى (عشرمية) كيلو كده
من غياثى لغاية ابوظبى , بيكملوا باقى لياقته العنده
والعضمة انت عارفها قدر شنو
لو انتو كنتو سندتوها بسمك ميدان الربيع داك
فالرصيد بتاعها خلص
حتى رصيد العيد بتاع الكعك
التعبت نجاة لغاية (ما شحنتوا بيهو)
فالراجل روحوا بى كباية (الأتاى) العوقوا بيها طارق جبريل
انا براى الأتلقفت الجنيه المشبوك بمشبك الغسيل
لمن جدعوهو للشيوعى المفلس صلاح ود الأمين
الجادعينوا ليهو ناس الراسمالية المشبوهة
الما راعوا توزيع الثروة والسلطة
حتى فى (بت الأسود) بتاعت الهارت
لو اليوم داك كان (حب فى زمن الكوليرا) لغارسيا ماركيز
فاليوم امر آخر
نقدر نقول ببساطة
انها انفلونزا (فى زمن الخنازير)
وفى اخر الليل
واول الصباح الباكر
انا والأشواق فى بعدك
بقينا اكثر من حبايب
اكثر من قرايب
ما بنغيب عن بعض ابدا
زى اعز اتنين قرايب
انا والأشواق
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
جنابــو الســـمح
حبابك وحباب حكاويك الســـمحه
وده باب جديد فى المنبر المنتظر ( حكاوى زقازيقية )
....
لكن خلينى انزل ليك حكاية طريفة - رغم انها قديمة -
لكنها جاتنى فى الميل من عثمان الجيلى ..
وما عارف هو ما نزلها ليه ..؟
انا عارف خوفو من بنات الشــيوخ .. لكن ناس نجاة وزينب ديل
ناس متفهمين وتقدميين كمان ..
غايتو ود الجيلى ليهو مبرراتو ..
/////////
ملاح قرع وبامية مفروكة وكسرة وصحن سلطة و(ملاحة) ... ده كان الأكل فى بيوت البكا قبل أن يصبح (البكاء ذاتو) مظهر إجتماعى ونوع من أنواع (الفشخرة) بعد أن اجتاحت البلد أعداد مهولة من (المليارديرات الجدد) أصبحت تؤثر سلوكياً على بقية الطبقات الأخرى حتى صارت (الفاتحة) هى الفرق الوحيد بين الأتراح والأفراح!
عندما توفى رجل الأعمال (حسن يورو) قامت أسرته بفتح أبواب (الفيلا) الفاخرة لأفواج المعزين علاوة على (صيوان) ضخم نصب بطول الشارع العريض مزود بعدد مهول من مكيفات الهواء تغطى أرضيته (السجاد) لزوم (عدم الغبار وكده)!
عند موعد الغداء انتشر أفراد يرتدون زياً موحداً يحملون (صوانى الأكل) النيكل الناصعة التى ترتاح بداخلها أطباق المشويات والمحمرات والمقبلات وقطع الرغيف الفاخر بينما وضعت امام كل صينية عدد من زجاجات المياه المعدنية البااااردة!
فى صالون النساء جلست سوسو (فى الأصل ست البنات قبل أن يصبح حسن يورو رجل أعمال) جلست على سرير خشبى مستورد عليه ملاية قطيفة تتلقى التعازى من جاراتها وصويحباتها اللواتى جئن وهن فى كامل زينتهن (ناقشات) الحنة الما خمج يرتدين ثياب (الشيفون) المطرزة والشباشب ذات الكعب (البلية) تمتلئ أياديهن ورقابهن بآخر صيحات سوق الدهب فى (دبى) وبقية العواصم الخليجية!
- كلمتى (عوضية ردحى)؟
همست (سوسو) لجارتها وصديقتها (نوسة) والتى مالت قريبا منها وهى تجيبها:
- والله (عوضية ردحى) دى قالو عندها مناسبة بكاء فى (مدنى) سافرت مشت ليها، قمت مشيت لى (هاجر حى ووب) قالو ليا عندها إرتباط خارجى فى (دبى) فى واحد من ناس الجالية مات هناك أها فى الأخير مشيت كلمت ليكى (حنان سكليب) لقينا ما عندها ارتباط ووقعت العقد مع مدير أعمالا! وأديتو مليون عربون مقدم.
- وشالت منك البيانات!
- أديتا ليها كووولها.. المرحوم كان شغال شنو؟ وعندو كم عمارة؟ وقاعد يتبرع لى ياتو (نادى) وإشترى ليهم كم (لاعب)؟ وعربيتو الراكبا نوعا شنو؟ وموبايلو الشايلو موديلو كم؟
انتهت مجموعات النساء من تناول طعام الغداء الفندقى (الما خمج) ثم جئن لهن بالتحلية (باسطة وبسبوسة وكنافة وعين جمل وأم على) شئ باللوز وشئ بالجوز وشئ يالما بعرفو شنو داااك وبعد أن (ضربن) بدأن فى زحزحة الكراسى (البامبو) والجلوس كيمان كيمان (للشمارات) وهن يمسكن بثرامس الشاى (المذهبة) المتشابهة (الكبيرة حقت الشاى والصغيرة للجبنة) التى تفوح من (فناجينها) رائحة (المستكا)..
وفجأة دخلت إلى الصالون شابة (آخر شياكة) ذات مظهر يطابق كثيرا مظهر مغنيات هذا الزمان يمشى خلفها ستة (شابات آخريات) من نفس الشاكلة يرتدين زياً موحداً وهن يرفعن أياديهن عاليا فى حركات متتابعة ويصحن بصوت كالجرس يشق عنان السماء:
ووووب ووووب ووووووووووووووووووووووووووووووووووووووووووووووووووب..
ثم تبدأ (حنان سكليب) فى السكلى و(الوصف) وهن يرددن خلفها:
- ووووب عليا والله ليا يا حسن يوروو يا البتدى البتدورو والما بتدورو
ووووب عليا والله يا صغير وجاهل يا البتجيب القروش بالساهل
يا ود امي.. هيء يء يء يء ..
الكورس : وووب ... وووب ...ووووووووب
الليله يا حليلك يا زين الرجال ياملك الدولار يا البتستر الحال
الليله يا حليلك يا البتشيل من البنوك وتشتت قبال ما يلحقوك
يا ود امي.. هيء يء يء يء ..
الكورس: وووب ... وووب ...ووووووووب
الليلة وينك إنتا يا الإسبليت هبوبك والهمر ركوبك
الليله وينك إنتا يا البنيت المقصورة وركبت النافورة
الليله وينك إنتا يا أب جيوب منفخة وأب عربية مصفحة
يا ود امي.. هيء يء يء يء ..
الكورس: وووب ... وووب ...ووووووووب
يا حليلك الليله يا البتفك الصعيبة ويا البتسجل اللعيبة
يا حليلك الليله يا جوكى البنوك يا التهريبك بالسنبوك
يا ود امي.. هيء يء يء يء ..
الكورس: وووب ... وووب ...ووووووووب
ثم تعدل (حنان سكليب) توبا الشفون (الترانسبيرنت) الكان واقع وتنظر للكورس خلفها نظرة الفنان الذى يود أن (يختم) الأغنية فيبدأن فى (تحرير) البكاء ويرفعن أصواتهن ويضربن بأياديهن ليبدين زينتهن (دهب دبى وكده) ... ووووووووووووب وب وب وب ووووووووب ثم يتوقفن فى لحظة واحدة بإشارة من (حنان سكليب)! التى تجلس على أقرب كرسى وتتناول علبة مناديل الورق وتخرج منديلين تمسح بهما حبات العرق التى تساقطت بفعل المجهود رغم برودة التكييف ثم تلتفت إلى النسوة اللواتى كن فى الصالون يتابعون (فاصل السكليب) قائلة:
- قبلكن وحدكن.. جنس بخلن عليكن .. أول مرة أمشى ليا (بيت بكا) ما ينقطوا ليا فيهو!!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
يا سلام علي القصة دا الفرق بين الزول الحكاي والزول الأديب
تصوير زي كاميرة الفيديو ،، يمين الله لو قريت الكلام دا وغمضت
إلا تشوف صلاح الأمين بشحمه ولحمه في شارع لكوز ،
والأهم من كده الروح السمحة التي كانت تسود بين فرقاء الزقازيق
رغم بعض التشاحنات من وقت لآخر ، إلا أن العلاقة الإنسانية كانت
لحد كبير محل إحترام وتقدير خاصة من ابناء مدينتك أو زملاء الكلية
قد تمتد لأكثر من سلام عابر أو تحية باردة ... شكراً للزقازيق التي
علمتنا كيف نختلف بمحبة ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
حاج منصور
مية مسا علي الناس الكويسة ..
تعرف أنا عندي معاك مشكلة ،،، بكون متابع المنبر العام في أمانة الله
وبعمل ####### كل مرة ولمن الاقي مداخلة جديدة بفتح البوست وبمشي
لآخر مداخلة ، إلا في مداخلات منصور أفتش ليها في التاريخ وكمان في الجغرافيا
عشان كده لازم تكون مداخلاتك آخر حاجة عشان ما تروح تحت الكرعين والناس تقراها
لأنك لمن تفتح نافذة للكتابة ،، وتمشي تتفرج علي المسلسل أو تتعشي وتجي تتم
باقيها بتلقي الجماعة كسحوا ومداخلتك بقت فوق فوق سودانا فوق ...
بالليل دا ما لقيت لي موضوع قلت افكها في منصور برلوم التكنولوجيا ...
اها صاحبك العجوز التاني ما ظهر الليلة كله كله ،،، انا خايف يكون قعدوه خبز
من اول جديد عشان ضيوفت بتوعين الزقازيق الجايين بكره ديل ... كان كدي أحسن
طعمية الرشيد بابكر ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: كل مرة ولمن الاقي مداخلة جديدة بفتح البوست وبمشي
لآخر مداخلة ، إلا في مداخلات منصور أفتش ليها في التاريخ وكمان في الجغرافيا
عشان كده لازم تكون مداخلاتك آخر حاجة عشان ما تروح تحت الكرعين والناس تقراها
لأنك لمن تفتح نافذة للكتابة ،، وتمشي تتفرج علي المسلسل أو تتعشي وتجي تتم
باقيها بتلقي الجماعة كسحوا ومداخلتك بقت فوق فوق سودانا فوق ... |
وانت الصادق يا زناتى ..
بيكون بيمشى يضوق خلطة الآيسكريم الجديده
السوتها ليهو ام احمد ..
وبعدين يرسلها لى ناس الخرطوم بالـ dhl
اصلو صاحبك بقى زى اولاد البيك بتاعين البروست فى جده
الخلطة ســرية وبتترسل للمحلات كل يوم الصباح ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
محمد عيد سلام وتحيات
الليلة الزول كان عنده مزاج في البوست دا ينزل صور وحاجات
اولاً عبد الدائم عمل نائم من السؤال ،، وكسلني من باقي الصور
وبعدين لقيت في مشكلة في إنزال الصور الملخبطة دي تنزل صورة
لموضوع عن الهلال تمشي وتجي تلقي صورة ناس في صلاة العيد ...
نقوم نمشي ننوم وصباحاته بيض ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: لقيت في مشكلة في إنزال الصور الملخبطة دي تنزل صورة
لموضوع عن الهلال تمشي وتجي تلقي صورة ناس في صلاة العيد . |
يا ريت فى الصور بس ..
هســه انحنا كنا بنتكلم مع جنابو
ونشيد بى حكاويهو ..
فجأة يرد عليك منصور ..!!
الخوف يجى ناطى لينا بى انصاص الليلى دى .. جمال السنوسى ..!!!
تصبح على خير
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
واجب على الاعتذار لى زول ما متابع
ومستمتع بس بالنقل...ووعد انو بتابع فى الفترة
الجاية ..واحتمال يكون عندو باسويرد وبى كده بيكون
مشارك...
اعتذار ليهو لانو كان متوقع حكاية بعينها وحكايتنا طلعت
واحدة غيرا...وعد منى الخميس الجاى ان شاء الله حتكون الحكاية
اللى ف بالك...
يازول ياالى حتتابع وتشارك ...تقبل تحيات دكتور احمد الامين مصطفى
| |
|
|
|
|
|
|
| |
أحمد إسماعيل
الرشيد بابكر
معتصم جعفر
طارق جبريل
محمد عيد
محمد صديق
محمد آدم النور
زهير الزناتي
زينب التجاني
ياسر نجيلة
مدثر أبا يزيد
عبد الدائم سيد أحمد
عفاف علي ميرغني
منصور عبد الرازق
عصام دهب
ابتهاج عبد الله
فيس بوك
تويتر
انستقرام
يوتيوب
بنتيريست