|
|
 Re: ناس الزقازيق ... أجدع ناس .. (Re: زهير الزناتي)
|
ساحكى لكم اليوم عن مدى عظمة الدكتور محمد طلبه عويضه هذا الرجل الذى قدم للسودانين ماعجز عنه الاولون والاخرون حبا فى السودان
وشعب السودان لقد تخطى الدكتور رحمه الله كل القوانين على مستوى الدوله والتعليم العالى وقوانين الجامعات حبا فى السودان وشعب السودان
كان عدد من الطلبه ياتون عبر العلاقات الثقافيه كما كان هناك كشف خاص بالاتحادالاشتراكى وكشف اخر بالساده المراغنه حوالى 40 فرصه
الا ان هذه الكشوفات مجتمعه لا تساوى 20% من مجموع الطلاب الذين قبلهم دكتور طلبه عن طريق التفديم له شخصيا000فقد كان الطلاب يقفون منذ
الصباح الباكر وفى عز البرد امام ادارة الجامعه ويتدافعون الى عربه الدكتور الذى لم يحدث ان كشر فى وجه احدهم بل ياخذ الطلبات ولكم
ان تتخيلوا حدوث هذا المنظر فى مصر من رجل يشغل كل هذه المناصب0ومن كرم الدكتور طلبه على السودانيين ان احد الزملاء كتب طلبين احدهما
لكليةالطب ووضعه الجيب اليمين والاخر للصيدله ووضعه بالشمال ولكن من سماحة الدكتور ان سلم على الطالب فى يده وظل ممسكا بيده اليمنى
وهويساله وين طلبك فاضطر الى اخراج طلب الصيدله باليداليسرى من الجيب الشمال وكان ان قبل بالصيدله وبعدها تحول نصف طلاب الكليات الاخرى
الى الطب والصيدله000رحمة الله على الدكتور طلبه عويضه 0
| |
 
|
|
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
انا لله وانا اليه راجعون
صادق العزاء للاخ / عصام جلى والاسره فى فقدهم العظيم
والدعاء للمولى جلت قدرته ان يرحمه ويغفر له
وان يجعل قبره روضة من رياض الجنة ..
وان يغسله من ذنوبه بالماء والثلج والبرد
وان ينقه من الخطايا كما ينقى الثوب الابيض من الدنس
وان يجعله فى عليين .. مع الصديقين والنبيين .... آميـــن
| |
|
|
|
|
|
|
|
|
|
Re: ناس الزقازيق ... أجدع ناس .. (Re: Dr. Ahmed Amin)
|
د. طارق ..
عيدك مبارك ياخي .. والتحية لأولادك الحلوين
ربنا يحفظهم ليكم .. ويديم نعمه عليكم ..
والتحية للمدام .. وبختك يا عم بالطيبات ده
_________________________________________
ويا زينب لا حولااااااا .. محمد صديق بالغ لكن
في التشبيه بالأمجاد الأقصاده ما كملت ...
ههههههههههههه .. محمد صديق انت رباطابي ؟؟؟
لكن بالجد دفعتي بدماء جديدة في البوست ..
بعد شويييية بس حنفوت بوست الشعبية...
_______________________________________
الريس ميسرة ويييين ما مسجل حضور ؟؟
أظنه برنامج العيد عندهم كاااارب ...
______________________________________
وود الزناتي .. يدخل البوست .. كلمة كلمتين
ويتخارج .. ذي الديك الذي يلقط الحبه ....
_______________________________________
وكل الشكر لأخونا الأستاذ الكبير سعادة المستشار
وابن الزقازيق البار عصام دهب .. فلك الشكر
لهذا البوست الرائع .. وكل عام وانت والأسرة بألف خير
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
والله شايفكم ماشين بسرعة البرق ...حقو بعد كده بكري يعمل ليكم منبر خاص زي بتاع الهندسه والمعمار..
تعازينا لعصام جلي ...
عرس شنو يا جنابو محمد صديق ؟؟؟أنت لاقدر الله عرست ثاني والله شنو ؟؟ولا أنا خارج الشبكه ؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
بكل محافل الود والترحاب ....
تم استقبالنا بشقة العزيزان
رشيد القوم ونجاة حوفي
مساء ثاني ايام عيد الفطر المبارك
في زيارة ومعي الاسرة لمدينة ابوظبي ...
وكان في مخططنا ان نزور احبابنا الزقازيقاب الرشيد ونجاة ...
وكانت جلسة زقازيقية رائعة زادت نورا وضياءا بشموع نجاة
وسط صواني الشاي والخبائز والعصائر ...
وامتعها كانت صينية الشاي الحااااااااااار مع مكيفهم الباااااااااااااااااااارد
والله ياطارق جبريل لو اكلت كعك نجاة حوفي الا تنسي كل خبايز اهلك المغاربة
روعة في الضيافة ياالرشيد ونجاة ومعكم ايضا ابناءكم ....
ونشكركم انا والاولاد بشدة ...
وهذا ديدن الرقازيقاب ... اين ماكانو ومهما طال الزمن ...
جلسنا جميعا حتي زوجتي رشا واخوها وزوجته كأننا جميعا درسنا في نفس الزقازيق ...
ان شاء الله عادة ماتنقطع ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
Quote: يا ابتهاج وزهير العسل القاعد معاكم دا منو ؟
وانا اقول البوست دا فجأة نور كدا ماله؟ |
احم احم...نحن هنا يا عفاف
لكن بالجد هو مش عسل و بس...ده فايت الكبار والقدرو...ديل غايتو ما نحن
و صحي نور البوست...ان شاء الله منور البوست دايما يا حاج الركز...
قبيل كنت بقطع فيك مع زهير...قال لي حاج الركز كان معانا...قلت ليهو أكيد
بالجلابية عشان يلبس الطاقية و يدس الصلعة...و طلع حدسي في محله...كان تعمل
زي سيف الجامعة تلبس البنطلون و القميص و الكاب...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: كل عام وأنتم بخير ، أتمني أن تراجعوا إيميالاتكم
|
يديك العافية يا ابو الزوز .. وشكرا لى بكرى كتير
بكده ارتفعت قائمتنا الافريقية لدور الاربعة كتير
وكمان ناس قريب غطاء ( نجاة واخواتها ) زادو اتنين
بى كده فعلا لازم نفكر جادين فى مسالة البوست المنفصل
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
قلبت التلفزيون سماء أرض علي أجد ما هو يجبرني على البقاء أمامه فلم أجد...و لكني
بقيت متسمرا أمامه اقلب محطاته فحكمتي اليوم أن لا يأس مع الحياة...غايتو حتتنا دي
يا تعمل ليك سبحة طويلة و بعدين تغوص في كتب التفاسير لتنهل منها وتلحق الفاتك منها
أو تجيب ليك ريشه وتقعد ترسم...اللوحة تآخد منك شهر شهرين ما مهم لاحقين شنو...و لا تقعد
تالف في قصص...و على فكرة أنا قاعد أكتب قصص قصيرة..بخلت بيها على المنبر وخفت من طولها
على البوست رغم انها قصص قصيرة...
عملت لي كباية أتاي كبيرة...أصلي تاني من يوم الليلة ما حأشرب غير الأتاي عشان أنا بجهز
في نفسي من حسة لي مشية المغرب...زي ما الهلال بيتجهز للومومباشي...بس مشية المغرب دي
عايزة ليها أحذية تزحلق...تقولو لي ليه...أقول ليكم عشان طارق جبريل قال بيشيلنا فوق راسه
و دي حته بتزحلق...
أنا بشرب الأتاي ده من زمان لكن المرة دي له مزاق خاص...و يا جلا المشتهي البرابير يطير
نحن بقينا ناس رغايف و أتاي ساكت...أديني رضاك قدامي سفر...
زهير قبيل نق في مدخلاتنا أنا و زينب...حسة من ما زينب قشرت و مشت العرس زول ساكت جا حايم بي
جاي مافي...ان شاء الله زينب تجي بدري من العرس ده و تلحق ليها حنك حنكين قبل ما يصادرو
منها الDSL ...
يا ريس معتصم وينك...و دي على فكرة وينك التانية...الأولى ما هببت لي و أنا حأتلايق عليك
زي وصانا بتاع البربور جلا لحدي ما تعبرني...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: وهذا ما لا املك الأجابة عليه
انا الذى لا استطيع انزال صورة حتى الآن |
منصور .. ياخى والله اتعبتنا معاك
اهو جنابو دخل التكنولوجيا وزيـّن بروفايلو
بصورة فى رأيى انها أحلى من الهوبا بتاعت مهند الطاهر
أها عملنا ليك صورة اعملها فى بروفايلك
بس اوعى ناس حاج الركز يقولوا عليك امبريالى ..
ولا ناس تيتاوى ينادوك بنصير دول الاستكبار ..
قول ليهم .. انا طوووول عمرى زول ديمقراطى
رشيد .. ما تفتش فى الصورة كتير
دى نضيفة والله .. لا فيها شق ولا طق !!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
يا ريس والله ما ناسيك وبنسف في زيارة العيد يوم الجمعة
اللمة عند الريس معتصم في بحري يوم الجمعة العصر ، ومنها ننطلق
في زيارات زقازيقية ...يا ريس يوم الجمعة معانا ما ترتبط ،، أوعي
تقول كان تكلموني من بدري ، إنت أصلو قايل روحك الإمبراطور أحمد الصادق
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: الأعزاء
نورا كرم الله
مبارك جادين
كمال الشادي
احمد اسماعيل
عبد الحفيظ عباس
حنان مجمر
كل عام وأنتم بخير ، أتمني أن تراجعوا إيميالاتكم |
ترحيب حار بهذه الكوكبة التي سوف تكون إضافة حقيقية ومميزة للحوش
مبارك جادين مرحباً بالعودة وحانغنيها في موال يحكي عن الولف
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
عمر نملوز بسلم عليكم ...وأهداني هذه الأبيات بمناسبة المولود عمر
في خواتم الكريم أتسابقوا الاتنين
ود النور عمر وليلة القدرين
ماعارفين نبوسه ولا نرفع الايدين
*********************
عمر الكريم طل في رمضان
بالنور منزل ومحمي بالقرآن
يارب تصونه و تعلي ليه الشأن
ود آدم سراعك اكرم الحبان
اهلنا الحنان مابرضوا غير الضآن
********************
في ليلة القدر طل لينا بدر
ود النور مفرهد جابو ليه زخر
من رب العباد جيتنا انت امر
مرحب حبابك كل صباح وعصر
أحبكم و ولدي عمر زاتو بحبكم
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: يا جلا أنا ما عملت ليك مسدار قبل كده في ولدك عمر ده زاتو...أرجع لي ورا شوف
و بعدين تعال نتفاهم.... |
ما تزعل يا أبو الشباب....بس حكاية أرجع ورا دي ما أظنها حاتجيب حقها مع الناس البراييين البرااالمة
طيب أسألك سؤال أرجع كم صفحة لي ورا؟؟؟
بعدين أنا عمر نملة طالبو... لمن هجانا ثم مدحنا...عشان كدا أنا مركز معاهو
و ما بيناتنا ياخ دي عشرة سمك في ميدان الربيع و لا بتتنسي
حكاية نتفاهم ما أظنها ممكن لأنو ماشي أنوم
أحبك يا الرشيد و أحب مساديرك ...كدا ينفع؟؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: معليش يا جلا هنيتك قبيل وكنت على عجل لانشغالي وحسة قلت نعمل ليك مسدار برضو على
عجل أنا ببدأ والتكملة على الباقين...
كملنا الصيام بي همة بالتأكيد
وقرينا الكتاب لآخره بالتجويد
يوم جيت يالبخيت هلت بشائر عيد
مبروك يا جلا الليلة جاك وليد |
دي مداخلتي الاتغابيت فيها العرفة يا جلا...تطيرو النوم من عيني و تقول لي ماشي أنوم
أمشي نوم ان شاء الله القشة ما تعتر ليك...و برضو تعال نتفاهم...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
لا بد لي أن أعبر عن مدى سعادتي بتلفون الريس معتصم...قبل ما أقول ليهو وينك يا ريس
للمرة التالتة اذا به يصلني بخشم الباب عديل كده...صحي الكبير كبير...و الكبير دي
هنا ما عمر يا ريس...كبير مقام والله...
أشكرك حتى تستغيث...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: يا ريس والله ما ناسيك وبنسف في زيارة العيد يوم الجمعة
اللمة عند الريس معتصم في بحري يوم الجمعة العصر ، ومنها ننطلق
في زيارات زقازيقية ...يا ريس يوم الجمعة معانا ما ترتبط ،، أوعي
تقول كان تكلموني من بدري ، إنت أصلو قايل روحك الإمبراطور أحمد الصادق |
يا الرشيد دي الريس ما شافها ولا معناها ما تجو
| |
|
|
|
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
يا ريس الوصف فشل ،،، نحن البيت بنعرفه ، وما البيعرف بنوصفه ليهو بالتلفون
مقالك عن طلبة عويضة غاية في الجمال ، واعتقد بأنك من الذين عاصروه في الجامعة
وبالتأكيد لديك ذكريات عديده عنه ليتك تحكي عنها
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
انشاءالله يازهير وانا فى سبيل ذلك اتصلت ببعض سنايرنا!!!!!!!!! راجيا تلخيص ما لديهم عن الزقازيق مع الصور لذلك يا ريت لو بقى عندنا
البوم خاص بالصور القديمه على ان تبقى صور ما بعد الجامعه بالموقع الحالى كشى معايش
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
الهم ارحم والد عصام جلى واغفر له
فى اخر شهر رمضان فقدت مدينة الابيض احد رجالها المحسنين والمحبين ليها وهو فقد عظيم اللهم ارحم ماهر مهدى عبد المنعم واسكنة فسيح جناتك
اللهم ارحمة بقدر ما قدم واعطى
| |
|
|
|
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
يا معتصم بيتكم وصفة ساهل غايتو اى زول مارى حيغشاكم ولو فى زول جاى امدرمان بنقول ليهو انتظرنا نغشاك عند ناس معتصم
تصبحو على خير ما معروف نتلاقى متين الdsl حيغادر بكرة
حاجيب 4 مع العربية يا رشا
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
| Quote: انتو معتصم دة انا ما مالية عينو ولا شنو ماشايفنى سقد معاك ولا ما بتصافح |
والله يا زوبة دي بالغتي فيها....
المق بتاع الأتاي الشربتو ده الله لا بارك فيهو....تصورو لي ساعيتين ونص راقد بتقلب في
السرير قلت أنوم و ما قادر...من يوم الليلة تاني رغايف ساكت...الهناي ده تاني ما بقرب
منه...
قمت أتفقد حال البوست لقيت ليك زوبة كملت العرس بي هناك جات عملت ليها صبحية بي هنا
ولا دي Over night ما بعرفه...نحن زمنا غايتو زي الوقت ده بيعملو فيهو رقيص العروس وقطع
الرحط...
يا ريس والله الصور رائعة...و أجمل ما فيها صورة الزول الجميل ود الكامل...ياخي ود الكامل
يوازي في مخيلتي صلاح الأمين...ديل الاتنين الممكن تلقاهم في أي ملف في الزقازيق...و دائمي
الابتسام...و ود الكامل ده عنده ضحكة مميزة وجميلة ما زال صداها في اذني حتى الآن....
يا ريس قبل ما أمشي أحاول أنوم تاني...أمشي يا سادن...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
مادام لسه فى ناس صاحيين , تعالوا نونسكم شوية
كنتم يا ناس الخرطوم فى وداع حاج الركز مساء اليوم
وكنا نحن فى استقباله
كنا على موعد مع عفاف لزيارتها فى البيت للمعايدة
لم نكن نعلم ان موعد عودة حاج الركز ستتطابق مع موعد الزيارة
ولكن هذا التطابق غير المقصود حعلنا شهودا على حالة احتفاء
وصفتها عفاف بانها (انا قلبى بدق )
منذ ام دقينا الجرس فى ضاحية الملز جات عفاف تتجارى
ومن العادة ان يسمع الواقف خلف الأبواب فى انتظار ان تفتح
صوت الأقدام وهى تمضى نحو الباب لفتحه
الا ان الأمر مختلف فيما يبدو هذه المرة
فكل دقة جرس او خبطة باب , كنا نسمع مقابلها دقات قلب متسارعة من الجانب الآخر
حتى ملعب استاد الملز المجاور للبيت كان مضاءا وفى حالة احتفال
الغاب نارية وصواريخ ملونة وزحمة ما تديك الدرب
ولمن عفاف دى فتحت الباب ولقتنا انا وامانى ومدرارالصغيرة
البت جاءها جنس احباط
ونحن نتناول القهوة الكسلاوية , ونتجاذب اطراف الحديث
وقد هدأت دقات قليب البنية الكسلاوية
اذا بجرس الباب يدق ثانية
عدنا نسمع الدقات مرة اخرى
اقوى واوضح واعلى هذه المرة
اندلقت القهوة , وانا يهمنى
انطلقت البت عفاف الى الباب ولا كانها (جون بولت زمانها )
فى الحقيقة كان اشبه بسباق للتتابع
بين عفاف ووليداتها
ودقات القلب ما زالت تتغلب فى صوتها وقوتها على كل هذا الهرج والمرج
تشعلق على محمد عثمان حاج الركز على احد الكتفين
واخواه الآخرين على الكتف الآخر
ولم تجد عفاف مكانا تتشعلق فيه
تاملت انا فى وجه وهيئة حاج الركز وهو فى تلك الحالة
ضاقت فلجته الصغيرة حتى انعدمت
ولكانما نمت للحظة (خصلتا شعر حريرى وسبيبات ثلاثة ) فى صحراء رأس حاج الركز القاحلة
وسال من (شعره الذهب)
تدلى وما انسكب
وامتلأ المكان بصوت الحياة البديع
واختلط بألوان (قوس قزح)
ولم تفلح كاميرتى فى تصوير الموقف الآخاذ الجميل
فلجات الى الكلام , فخذلتنى المفردة
ادام الله عليكم احساس الأسرة يا رائعين
وبس
نمتوا ولا شنو ؟؟!!!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
و الله يا منص صورت المشهد أحسن من الكاميرا...رغم انك بالغت شوية في سال من شعرها الذهب
دي...لكن ليس لمساهر مثلي غالبو النوم الا ان يستمتع حتى و ان لم يصدق سبيبات حاج الركز
ديل....
انت في حاج الركز ولا أنا حسة أنوم كيف بعد المصيبة الشربتها دي...و بكرة عندي اجتماعات
حتى أذني...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
أسأل الله تعالى أن يرحم والد زميلنا و أخانا / عصام جلي و يغفر له و ينزله الفردوس الأعلى من الجنان و أن يلهم زميلنا عصام و أسره الصبر الجميل و يجعل البركة فيهم و يحفظهم من كل شر و ( كل من عليها فان ) ..
ـ
تحية و تقدير و معزة للريس معتصم و هو يجمل هذا الحوش بمداخلاته الرائعة و صوره ( التاريخية ) و نتمنى أن يستمر الريس في تواصله و مدده الجميل ..
و تحية و تهنئة بالعيد لكل الأعزاء من الزقازيقاب المتاوقين و المتواصلين/ نملوز ( هولندا ) و طارق ( ماليزيا ) و شد حيلك يا زهير عشان نشوف الناس الرائعين ديل جوة حوشهم ..
| Quote: ناس دهب قال الجاتك في حوشك سامحتك |
معقولة بس يا جلا .. و الله العظيم أنا شدة ما فرحان بهذا التواصل و الإندياح في هذا الحوش و الله لامن لقيت نفسي مشارك و متابع و مستمتع و مستمخ ..
ـ
حاج الركز حمد لله على السلامة و يا عفاف ما تغنجي بي الباسوورد ، فمن كان عنده فضل باسوورد فليتقاسمه مع الحنان خاصة إن كان زقازيقابيا مثله ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: البادي النور)
|
صباح الخير يا وجوه الخير...
ترحيب حار جدا بالأخوات عفاف علي ميرغني وزينب التجاني بالجد إضافة جميلة جدا لي أهل الحوش الإسفيري.
ما شاء الله عيني باردة بقينا في الكيلو 62 والفاتني كتير لكن إنشاء الله نتواصل ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
اللهم ارحم عمنا الراجل العلم عبدالرحمن محمد جلي
و اجلعه اللهم في الفردوس الاعلي مع الصديقين والشهداء
و حسن اولئك رفيقا ووسع اللهم مدخلة و ان تبدله دارا
خيرا من داره واهلا خيرا من اهله وان تجعل قبره روضة
من رياض الجنة.
و نساله الصبر وحسن العزاء للاخوان والاخوات .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
عوك يا اهلنا ناس الجو والبره ناس الأعراس
و الأفراح و القاعدين والمسافرين كل عام و
أنتم بخير و العيد مبروك عليكم وانشاء تمامين
ولامين زي لمتنا السمحة دي و ربنا انشاء الله
يتقبل منكم الطاعات و يجمع المغتربين باهلهم
السمحين الطيبين في الاعياد القادمة .
ناسف للانقطاع طيلة الفترة السابقة لظروف خارجة
عن الارادة و لاسباب الواحد بجد كان مفتقدها سنينا
عددا واليوم من الصباح بدري بعد صلاة الفجر مباشرة
قلنا نعيد على الاحباب الزقارقاب و نشوف البوست
ماشاء الله لقيتو في الميل 62عيني بارده عموما ما قدرت
اواكب وعملت اطلاع سريع وبعدها سوف اكون على تواصل بإذن
الله و انشاء الله جاهز لاي برنامج زقازيقي رائع يعني تحت
الاشارة.
و انشاء سوف نشد الرحال لمدني للعزاء في الفقيدين والد العزيز
عصام جلي و شقيق الاخت سعاد عبدالرحمن و جايك برواقه يا الرشيد
لانو الآن وصل الشاي بالحليب المقنن و صنية الزلابية و الماها خمج
و القعدة في الفرشة في الأرض وسط الحوش يا نجيلة و بدا البرنامج
اليومي و سوف نتواصل بعد قليل
| |
|
|
|
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
الظاهر سرعة البوست خلت الناس تشوف طشاش ... طشاش
صاح ياولدنا جلا ....
انت لما جبت الوليد ... عمو الرشيد كتب اربعة ابيات مسدار ...
وانا قمت زدت فيهم شوية "تلاتيك" خمسة ابيات ...
يعني قلنا في ولدك تسعة ابيات كاملة ...
وانت ماعبرتنا ...
ارجع الميل 58
فقال الرشيد :
Quote: كملنا الصيام بي همة بالتأكيد
وقرينا الكتاب لآخره بالتجويد
يوم جيت يالبخيت هلت بشائر عيد
مبروك يا جلا الليلة جاك وليد
ونواصل "الاهزوجة" اللذيذة لعمنا رشيد القوم ...
فرحا بقدوم "جلا" الصغير ...
وتقول ...
اعمامو الكبار فرحو بيهو اكيد
وخالتو الهمام استقبلهو بالزغاريد
زادت بهجتنا بزيادة اولادنا وليد
حامل اسمو وسام لعمو محمد عيد
ديل احفاد الزقازيق لنا ذكري وتخليد
موسي عيسي ...
يا اخوي دي ايامك "تجدع" بمهلة في الحيشان ...
واشرب كل انواع الشاي ...
دعواتنا ليك باجازة سعيدة ...
بس انت كمان ماتنسانامن صالح الدعوات ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
يا زوبة والله جنس شغل عشان كده عارف نفسى مقصر
قراية البوست اولا" وباقى الشغل فى الدرج
بالاضافة لكمية من المعتمرين والضيوف فى جده
ليلنا ونهارنا جارين ...
قالو سناء الصباغ جايه حج السنة دى ما تنسقو معاها
بدل تمشو المغرب ...................
ــــــــــــــــ
حاجيب ليكم عضو جديد ببساوردووو جاهز
اصبرو لى شوية
وحات الله انا لما اخلص من قرايه ذى 60 مداخلة كده
من شده الاستمتاع بنسى انا قريت شنو ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
Quote: ياسر نجيلة سلام وكل سنة وأنت طيب
والله أحمد ولدك دا يشبه ياسر نجيلة
الزمان أكتر من ياسر نجيله الآن ..
ربنا يخلي ليك الشباب وأنهم وتحياتنا
لهم ... |
تسلم يازهير ...
ياسر نجيلة زمان هو نفسو هسع ...
بس شيل النضارة وكتر الشعر ...
كل سنة وجميع افراد اسرتك بخير وعافية
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
تعازينا للاخ عصام جلي والاسرة في وفاة الوالد
نسال الله ايسكنه فسيح جناته مع الصديقين والشهداء وحسن اؤليك رفيقا
وان يلهمهم الصبر والسلوان
(( وإنا لله وإنا إليه راجعون ))
كما نتقدم بالتعازي للاخ زينت واهل الابيض في وفاة المغفور له بإذن الله المحسن ماهر مهدي عبدالمنعمااسكن الله فسيح جناته
| |
|
|
|
|
|
|
|
|
|
Re: ناس الزقازيق ... أجدع ناس .. (Re: مدثر أبا يزيد)
|
سلامات لجميع الاخوان والاخوات
ومشكروين على الترحيب
الله يجعل لمتكم دائمه
لمه والله تفرح القلب وتسعد العين
ونكرر الشكر للاخ (ولدنا) عصام دهب والاخ زهير
انت حكمة ولا ايه .. وانت صاحى ولا نايم .. ولا طرفك من طبعو نعسان
انا حسع براي يا عبدالدائم الشاسة والكي بورد وانا لكن اذا اخونا منصور ولا جلال كرر الفيلم في واحدي من لقاءات الرياض بنط الحيطة بتاعت الاستراحة.
يا طارق نتشرف بمعرفتك عبر البوست وبقيت الاخوان والاخوات شكلك واسمك ما غريب عليه لكن اكيد ما جمعتنا الظروف وانت حسع طلعت بالمغرب تاني نلاقاك وين. انا كنت للأسف زول اتجاه واحد الكلية السكن مناسبات الاتحاد والروابط وحقوق بورسودان دنقلا والعكس .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: مدثر أبا يزيد)
|
يا مدثر بكره بجيب ليك صورة لرابطة المهدى ( دنقلا)
صورة جماعية تحتوى اكثر من 20 نفر فى شقة ناس المرحوم
محمد صديق .... وعليك بالاسماء
اذكر انا عملت ليكم كورال فى نفس اليوم تحت اصراركم
واخترنا اغنية محمد ميرغنى لاهماك وعيد لا خشيت الزمن
اغنية ساهلة وبتتحفظ سريع وكتبت الكلمات فى كم نسخها ووزعتها للحفظ
بعد كل مقطع بعمل نقط نقط ..... بكتب فى اخر السطر ( جماعى )
تانى نقط نقط ...... فى اخر السطر بكتب ( فردى )
لما جينا ليوم الاحتفال الاغلبية ما حافظين وناس طلعت تودى الكورال
ساكت ... قمنا دبسـنا الورقة فى ظهر الجاكيت حقى ... نظام بخره
وابتدينا الكورال كويس .. الا نتفاجأ ليك بعبدالرازق و راشد
اثناء الغناء يقولو ( جماعى ) ... ( فردى ) وهم يقرو من الورقة
اتلفت اغمز ليهم اقول ليهم دى ما معانا ... برضو مواصلين
غايتو صحيح دناقلة يا رسول اللـــــــــه
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
سلامات يا ناس
عندى نصيحة تقنية لاخوانا البتصلم التكنلوجيا
بعد كبر...هسة ناس زهير يقولو انا قاصد جلا
عليكم الله هسة انا جبت سيرة جلا...
الواحد لما يخت صورة فى البروفايل بتاعو
يصغرا..عشان ما يتعدى على المساحة بتاعة
الكتابة...مثال للكلام ده الصورة بتاعة
الزول القاعد البيشبه عثمان حسين ده ولا
هو عثمان حسين ذاتو ما عارف والزول الراقد
فى السرير...يعنى صورة زى دى طوالى تأكد
ليك انو الزول المنزلا ده امى تقنيآ..ولا شنو؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
عندى حسابات بايتة كده خلونى اراجعا
واستأذن ان ابدأ بالدكاترة:
دكتور الصادق باخوى شهر العسل ده
انت شكلك نفيستك فيهو...هسة شفت ليك
زول واحد هبب الموضوع ده؟؟؟؟يا خى انا
كلمت زهير قلت ليه انا ماشى عرس ود اختى
==============================
دكتور احمد: انا ما نسيتك..لكن انت خليتنى
اتردد ...انا فى راسى احمد الامين مصطفى او
احمد البرلوم...تجى ياخ تشيل الالف واللام
وتحذف مصطفى ...دى اكتر من كاتل الجدادة
وخامى بيضا!!!!!!
دكتور طارق : كلما اقول ليك :
ساعدنى يا الله ساعدنى
تعمل اضان الحامل
اجيب ليك عضم ؟؟؟؟
==========
دكتور جلا: هسة عليكم الله فى دكتور اسمو محمد ادم النور
=====================================================
زينب التيجانى :
ولدى عمر ونحن طالعين مشوار كده وهو بيلبس
شال قاش لونو بنى ...لما بدأ يلبس فى القاش
خالدة قالت ليه يا عمر ما تليس القاش ده...
قال ليها : ليه القاش ده الليلة فى اجازة؟؟؟
بتك دى جيبيها لينا يومين خليها تاخد دروس تقوية!!!!
=================================================
عفاف على ميرغنى:
يابت هوى نحن بناتنا بنات كسلا ديل الخفة ما عندهن
يعنى الواحدة لو زوجها جا من السفر اول ما تفتح ليهو
الباب تكشر ليهو فى وشو وتقول ليهو الجابك بدرى شنو؟؟؟
====================================================
نجاة حوفى :
مشتاقين ...بى فوق الحيطة كده ارفعى لينا طعمية
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
اذيكم الواحد عشان يحصلكم بقى جاري
المساكن 00 المطبعة 00المطبعة المساكن 00
اماني ومنصور فرحونا بزيارتهم ومعاهم مدرار الصغيرة
زنوبة تعبتي من البري الكتير ولا شنو؟
رشا يا رشا منصور صور ليك احلى فيلم وتقول لي بطني 000
عالم عجاييييز
عليك الله يا محمد عيد ما تقولوا لبكري يفصلنا لحالنا 00
انا لو ما فتنا ناس الشعبية ديل ونحن معاهم في نفس المكان المغسة تقتلني00
احبكم حب عبد الدايم للكورال ابو بخرة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
Quote: دكتور طارق : كلما اقول ليك :
ساعدنى يا الله ساعدنى
تعمل اضان الحامل
اجيب ليك عضم ؟؟؟؟
|
محمد صديق
طلقني يا راجل طلقني
ياخي ما تخليني ادخل في حكاوي العتالين
لانه حا اقوم ادخل في قصص عمك جبيرين
والله بعداك يحلكم مني الفكي ابو قرون
الرشيد:
شفت الدنيا دي صغيرة كيف
بابكر سيد احمد بك
اخوه حاتم سيد احمد بك متزوج اختي سهير
شفتة كيف
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
Quote: رشا يا رشا منصور صور ليك احلى فيلم وتقول لي بطني 000
عالم عجاييييز
|
حسة عليك الله يا فافي القال بطنو واجعاهو منو...أنا قلت ما قادر أنوم...بعدين أن
أشيل و أشكر ليك في راجلك ده...و أقول لي منصور والله يا منص أحسنت التصوير بدون
كاميرا...حسه عليك الله ده ما ياهو الختا زاتو...أصبري كان ما كلمت ليك نجاة حوفي وقلت
ليها فافي قالت لي يا عجوز...حسه عليك الله العجوز أنا ولا حاج الركز ده...عليك الله
أسأليهو قولي ليهو قاعد تقيف في صف الخدمة الالزامية في المغتربين....شوفيهو حيقول
ليك شنو...
أسمعي يا فافي حركات الكديسة القالت للفار في نص البحر انت بتكتح مالك دي نحن قاعدين
نسمي سيده متلقي حجج...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: الرشيد:
شفت الدنيا دي صغيرة كيف
بابكر سيد احمد بك
اخوه حاتم سيد احمد بك متزوج اختي سهير
شفتة كيف |
و الله يا طارق صحي الدنيا ضيقة...يا زول انت ما ولدنا تب..
تعرف بمناسبة الدنيا ضيقة دي...عماد شريف بعد كم سنة معرفة طلع قريبي لزم...
وحسة في مشيتي الأخيرة دي...زينب دقت الحنك مع الحاجه طلعت كمان قريبتنا لزم..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
Quote: محمد صديق صاحبك نزل الصورة الجديدة ، شكراً ما قالها ...
الليلة هو مالو .؟ |
الليلة بس...انت ما الزول ده ما بتعرفو ولا شنو يا زهير...و يقول ليك عشرة نادي
الربيع والسمك...التقول كان هو العازمنا...عليك الله يا زهير يوم نادي الربيع الزول
ما قعد يتجرس وقعد يقول الخواجة ده بقطع لحمي حته حته...أنا لسة زعلان من مسداري
الراح شمار في مرقة....
انت كان ما سمعت الجرسة أسأل محمد صديق...لازم تكون سمعتها..اذا كان ما سمعتها كمان
نهلة قي...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
سلامات يا ناس
الجاى ده زى الشريط البجى فى النيل الازرق وهارمونى
====حكاية زقازيقية===غدآ الخميس تلايت الليل===على
مسرح ناس الزقازيق اجدع ناس===بطولة ==واحد من بيطرة
وواحد تانى من بيطرة==تأليف==واحد من تربية==اخراج
واحدتانى من تربية===برعاية شركة الزيناتى للدعاية
والاعلان===الاماكن محدودة===يرجى اصطحاب الاطفال
==============================================
شريط طويل مش؟؟؟؟؟زى سلك النضيف
| |
|
|
|
|
|
|
| |
معتصم جعفر
محمد عيد
الرشيد بابكر
جلال عثمان
ياسر نجيلة
محمد صديق
Dr.Elsadig Abdalla
زهير الزناتي
عفاف علي ميرغني
منصور عبد الرازق
طارق جبريل
محمد آدم النور
زينب التجاني
عصام دهب
موسي عيسي
عبد الدائم سيد أحمد
مدثر أبا يزيد
فيس بوك
تويتر
انستقرام
يوتيوب
بنتيريست