|
Re: ناس الزقازيق ... أجدع ناس .. (Re: محمد آدم النور)
|
ألف مرحبتين حبابكم يا معتصم جعفرو الأستاذة زينب التجاني
ووجودكم بالبوسة وحده يكفي بأن ينور المنبر والحقيقة أن
بوستنا رغم كثرة الزقازيقات إلا إنه يعاني من العزوبية
و زي ما قال ليك الرشيد الميكروفون مع الزميلات في تونتي
ون و أكتوبر والمغتربات فإلي هناك ؟
يا جنابو ود الصديق مبروك للهلال و للجميع و نتمنى أن يحقق الهلال
موقع متقدم في المنافسة ،والعشاء انشاء الله قائم بس نسق مع اب شنب؟.
و يا ود الجيلي تحياتي و أنا مازلت بطرف الكفيل بالريض ألله يفكنا منه
يعني الكج جايبه المدرب ( ماسخا) المريخ كجه منه و فيه ما موسى عيسي!
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
اريتم برالمة السرور يا زهير
واهلا زينب التجانى سعيدين بانضمامك لينا وكده عيدنا بقى عيدين
اها ناس زراعة بقيتو كم ؟؟؟
اووووووعى تبقى زى بنات لكوظ تاخدى ليك كم يوم وتذوقى ....
اصلو بنات لكوظ ديل ( مفلهمات ) عشان كده كنا عشمانين فى واحدة من المساكن الكلام ما ليك يا صفية ....
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
يا ناس ... أولاً زينب التيجاني هلالابية عشان كده بتكون إختارت اليوم دا عشان تجي البوست ...
بعدين يا جماعة الليلة عندنا فطور كارب في شارع النيل علي شرف العزيز أحمد إسماعيل معليش الدعوة جات متأخره نسبة لظروف سفر أحمد إسماعيل .... كل الناس بدون فرز
اي زول نتصل بيهو ما يعمل لينا فيها الولد تقيل وكان تكلموني من بدري ... السمع يكلم الما سمع ........
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
يا جماعة الليلة عندنا فطور كارب في شارع النيل
3 جكوك عصير تبلدية ...... الشيخ سيرو 3 اصناف لحمة و شية ...... الشيخ سيرو 3 انواع تحلية و مهلبية ..... الشيخ سيرو موسى عيسى قاااااال يا ود ايفوسا ورقية حرمان ما يدخلن عليا الشيخ سيروووووو
معليش قاعد اسوى لي فى صلطة روووووووب قلت اغنى شوية
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: اووووووعى تبقى زى بنات لكوظ تاخدى ليك كم يوم وتذوقى ....
اصلو بنات لكوظ ديل ( مفلهمات ) عشان كده كنا عشمانين فى واحدة من المساكن الكلام ما ليك يا صفية .... |
الشرع أعطى الضيف ضيافة ثلاثة أيام شنو ناطي على طول للأستاذ
يا هو دي الترحيب البخلي ناس زهير يطفشوا لينا من البوست اسبوع
اسبوعين ، و ثانيا على حسب علمي أنه زينب كانت ساكنة في المساكن
فترة طويلة من الزمن في شارع المصالح الحكومية لو ما خانتني الذاكرة
| |
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
Quote: مبروك للهلالاب و إن شاء الله ما تضوقوها تاني ..
|
هوووي يا عصام دهب أخير ليك...ما تخلينا نشاكلك في حوشك ونحرض الهلالاب يمشو يعملوا انفصال ونعمل لينا بوست نسمية ناس الزقازيق...أجدع ناس...جناح الهلالاب...
ان شاء الله بنضوقها تاني و تالت ورابع حتى يتبدل الحال عندكم...و حتى عندما يتبدل الحال عندكم ستيبدل عندنا الى الأفضل فتكون الخامسة أيضا...كان عجبك عجبك وكان ما ما عجبك...حنقبلك على علاتك نعمل شنو ما ياك سيد الحوش...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: معليش قاعد اسوى لي فى صلطة روووووووب قلت اغنى شوية |
انتو حكايتكم شنو مع سلطة الروووب دي...زهير يوم الفطور (بتاع ناس ابتهاج) عمل سلطة الروب وقالو هي الحاجة الوحيدة البارت من كل الأكل...الجماعة لهطو ليك العصايد و اللحوم زهير يقول ليهم يا جماعة ما تشوفو سلطة الروب دي يقولو ليهو لا و الله الحمد لله...و لا واحد يقول ليهو لا معليش الروب ده حامض بهيج لي معدتي...و هكذا...أبتهاج بعد الفطور كانت تعبانة جدا وطبعا زهير عامل فيها بيقدم في الناس...ما قدرت على العدة الكتيرة دي خلت العدة بي أكلها في المطبخ...دخلت كديسة بالشباك بتاع المطبخ لقت سلطة الروب بتاعت زهير شمتها رجعت بالشباك تاني.... المهم يا جماعة انتو في الزقازيق دي ما اتعلمتو غير سلطة الروب ولا شنو...ان دل هذا انما يدل على ان ميزكم كان تعبان و ما فيهو أي ابدعات...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: الشرع أعطى الضيف ضيافة ثلاثة أيام |
حمد لله بالسلامة يا موسى عيسى ليك تلاتة أيام مافي انت جاي السودان يوم تلاتة وعشرين؟؟؟ وراكب شنو؟؟؟إنشاء الله بي البر بس ما تكون عربية مازدا؟؟؟؟
أحبكم و انتو في السودان
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: يا ناس ... أولاً زينب التيجاني هلالابية عشان كده بتكون إختارت اليوم دا عشان تجي البوست ... |
اولا ...مليون ترحاب بالحنينة السكرة
زنوبة بت النيل والغابة والصحراء ...
ظهورك - حتى لو كان فرحا هلاليا كما ادعى زهير - فانه جاء فى الوقت المناسب
مثل رشــــة عطر ســـاحر .. افاح على رؤوس المترنحين يمنة ويسرة
وزى ما قال رشا .. يا زهير بلاش حركات ابله وعمو وانكل دى ..
الكتوف اتلاحقت والناس الكانت ساكنة فى سفن أب هســه فى الدور الارضى
لزوم الرطوبة والروماتيزم وكده يعنى ...
زوبا مرحبتين تانى وفى انتظار الطلــــّة .. وما تلاوزى من اعمامك الشياب ديل
فى هنا ناس قدرنا كتار !!!
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
وصلني هذا الايميل من شقيق الأخ زهير علي عبد المجيد في أميركا .
Quote: الاخ دكتور الصادق تحية طيبة ورمضان كريم وكل عام وانت والاسرة بخير انا هيثم علي اخ دكتور زهير علي التقينا في مدني في احدي اجازاتكم انت وزهير عثرت علي اميلك من سودانييزاونلاين وفكرت انو اسلم عليك ولو ما عندك تواصل مع زهير ارسلك ارقام تلفوناتو حصوصا انو طريح الفراش هذه الايام نتيجة لتعرضه لحدث مرور الحمد لله ربنا قدر ولطف فيه تلفونك حيكون ليهو اثر كبير في رفع روحو المعنوية تلفون المستشفي 0012159269459 الموبايل 0021535022939 وهاردلك يا دكتور علي التلاتة تحياتي مره اخري هيثم علي |
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
بعد متابعاتي المستمرة للتلفزيون والتي تسببت لي بكثير من الملل والقرف وحراق الروح طرأت لي فكرة أظن أنها جيدة...قررت أعمل شركة دعاية و اعلان و أن أستعين بخبرات كل من زهير الزناتي و الذي له سابق خبرة في هذا المجال ويعرف من أين تؤكل الكتوف...و بي محمد عيد لما له من ابداعات في الفوتشوب والكوارل درو وشغل الكمبيوتر داك...لكن ولكي يكتمل الجهاز الفني للشركة لا بد من تبني مطربة جديدة وليه جديدة...عشان العداد بتاعه بيكون خفيف على الجيب...شرط أن تكون حافظة غناء بنات شوية وكمان اغنيتين تلاتة من أغنيات الحقيبة...و حأستعين بمخرج متخرج حديثا من كلية الفنون والدراما وبيكون ما لاقي شغل و منتظر فرصة العمر عشان ينطلق في مجال الاخراج... حنعمل معاينة سريعة للمطربة و نخليها تغني لينا اغنيتين تلاتة من غناء البنات و أغنيتين من الحقيبة...ليس شرط عندنا حلاوة الصوت ولا جلاوتة نحن ما عايزين نشارك بيها في مهرجان الأغنية العربية نحن جايبنها عشان تغني لينا أغاني الدعايات...و محمد عيد يظبط لينا الاخراج بالديجتال مع معاونة المخرج ...و زهير يجيب لينا الشغل... ما نخلي دعاية بتاعت صابون ولا شعيرية ولا اسبيرات ولا محل بتاع تياب واكسسوارات... أنا بكتب شعر الأغنيات بتاعت الدعاية ونلصق ليها لحن بتاع أغنية بنات والمطربة تبدع ومحمد عيد يظبط الصور والمخرج يخرج.... تعبنا ياخي من الغربة دي و الشغلة دي شايف مافيها مشكلة حسب الأنا شايفو في التلفزيون اعلانات ممجوجة ودعايات تافهة ما فيها أي ابداع ولا فن ولا اخراج ولا حاجة...ممكن الواحد يجي يمسك السوق براحه...
زهير و محمد عيد لو انتو جاهزين أنا جااااااااهز
| |
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
يا عبدالدايم حبه حبه على وعشانك حا اعيد القصه00000 حثنا الزقازيق مساء يوم من عام 1978 وبما ان الوقت ليلا نمنا بفندق المحطه والنوم هنا مجازا لان اعيننا لم تغمض حتى الصباح من البق0 فى الصباح ذهبنا الى كلية تجاره بلاكوز مع كليه الزرعه سكنا بالمساكن التعاونيه ومعى مجدى الزين والذى تحول لاحقا الى صيدلهوكذلك عاطف برهان والهادى الغول حقوق وابوبكر مكى والمرحوم مصطفى ابراهيم عمر وكوثر منير وعفراءسهل وفاتن فضل وعزيزه الطاهر وهشام بعشر وعبدالعزيززكريا وعفاف ابو ورقهومحمودماهر سيف الاسلام ومنصور خالد وعمار وسليمان وبالكليات الاخرى اذكر اسامه دبلوك د عاكف عبدالحميد د ازهرى حمدتو الفاتح ابوراس مرتضى الاحمر مرشد مكى د صلاح اولاد شدو طراوه ادروب خليل والباقى محتاج لحبة كركم0 سكنت مع مجدى الزين مصطفى وابراهيم عمر والهادى الغول ومن جيراننا فى العماره ضياء عدوى الرشيد زكريا عادل عبدالحمن كذلك عاصرت كالجميع الشنقيطى وعبدالملك الهديه وشيخ عشرى كان الاتحاد برثاسة ابوالسبح وتلفزيون الاتحاد بشقه محمد محجوب وهم اتحاديين ثم جاءالاسلاميين محمداحمدكرار وهبانى وودالهدى هلم جرا0 ولا انسى عمار تاج الدين وابراهيم محمد الحسن وزوجته نهله علوم ودخالدفضل وزوجته عزيزه تجارهود ياسر شبيكه وزوجته الزقازقيه ود الباسم الرجل الفنان وسعيد ابراهيم يعقوب وقدعاصرت سلوى على واحلام الحويرص وعليه رحمة الله ونهله زراعه وحضرنا افتتاح الحدث الهام وقتها وهو افتتاح كفتريا الشرقاوى ولا انسى اننا وجدنا امامنا د كمال الصبى واولادالرضى دكمال واخواته وصلاح حميده وكاشانى محمدالمهدى والتى شات الصدف ان يكون منغذى فى عمليه زايده كادت ان تنفجر اجراها بكل براعه واكاد لا ارى مكانها الان0000000ولنا عوده ان رغبت بالمزيد
| |
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
Quote: ثم جاءالاسلاميين محمداحمدكرار وهبانى وودالهدى هلم جرا0 |
عندما حضرنا الى الزقازيق كان محمد محمد أحمد كرار وهو شقيق صلاح كرار...كان في السنة الثالثة...محمد محمد أحمد كرار من الشخصيات التي أكن لها كل الود والتقدير و الاحترام أيضا...كان مهذبا ومثقفا جدا...ربطتني به علاقة طيبة ووثيقة ورغم أنه كان من قيادات الاسلاميين في الزقازيق الا أنه و طوال معرفتي به لم يحدثني عن التنظيم ولم يطلب مني الانضمام اليه ولو فعل ذلك لاعتبرت طلبه اطراءا لي...كان يتحدث في أي موضوع فتجدة ملما به غاية الالمام... كرار عمل ببنك المزارع بعد تخرجه وقابلته مرة واحدة بعد التخرج واشتغل بالصحافة أيضا وله مؤلفات عديدة أذكر منها كتابة عن ثورة اكتوبر...
شكرا معتصم جعفر على فتح المعبد و اخراج تلك الكنوز منه...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
الرشيد معااااك وبالعشـــرة
ولو ما تحميل الصور متعطل فى البوست
كنت مجهز ليك زغرودة كاااربة ...
بس ياريت تخلى ترشيح الفنانة للنضيف
لانو الوحيد الحافظ كل الاسامى والامكانات ... الصوتية طبعا !!
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
اخونا معتصم .. باقى نحن ناس كبار وبنحب الكتابة فى التاريخ
وذكريات الزمن الجميل الحضرناه والما حضرناه
محمد احمد كرار زى ما قال الرشيد من كبار الاسلاميين وتعرفت عليه
بعد الانتفاضة .. واعتقد ان له جريدة يومية الآن ...
Quote: فى الصباح ذهبنا الى كلية تجاره بلاكوز مع كليه الزرعه سكنا بالمساكن التعاونيه ومعى مجدى الزين والذى تحول لاحقا الى صيدلهوكذلك عاطف برهان |
دليل يا ناس تجارة انو الأصل فى زراعة وان تجارة اصلا انسلخت
من زراعة ام كليات جامعة الزقازيق ...
عاطف برهان ( صيدلة ) صديقنا وهو مقيم فى جدة
ومتزوج من الزراعية الرقيقة حنان مكى عبد الحليم
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
اها الليلة يوم الاستمتاع بالجد ... اندياح الريس معتصم بهذه الذكريات الجميلة وناس الزقازيق الاجدع والاروع .... البرالمة يستمتعوا بس ناس زهير ومن لف لفه
خالص الامنيات القلبية الصادقة نسوقها لدكتور زهير ونسأل الله أن يمن عليه بالصحة والعافية
1- شكرا دكتور الصادق 2- شكرا دكتور الصادق 3- شكرا دكتور الصادق
| |
|
|
|
|
|
|
Re: ناس الزقازيق ... أجدع ناس .. (Re: Dr.Elsadig Abdalla)
|
د.الصادق...نحن من أنصار الزرق الكبار وليس الصفر الكبار...الصفر الكبار ديل خليناهم ليكم...الكاس لو جاء وهو المؤمل حبابه عشرة وكان ما جاء يكفينا الوصول للمربع الذهبي عبركم...وهذا هو الموقع الطبيعي للزرق الكبار... نحن من قبيل مراعيين لمشاعر ولدنا محمد عيد..حتى فرحتنا تحفظنا فيها لكن ان عدتم عدنا...فبالله عليك ما ترمي علينا بطوب فشلكم حتى لانرميكم بحجارة نجاحناو لا تقاتلنا بسيوف العشر فسيفنا مهند ولكنه مسلول في الحق...
انشغلوا بقضاياكم الداخلية ودعوا أمر الكأس لنا...و عندما ننهزم في النهائي كما تؤملون حينها سلوا سكاكينكم وقطعوا في جسد سيد البلد...و أخرجوا في مظاهرات طوفوا بها كل أقاليم السودان عشان نعرف على الأقل عددكم كم ....يا صفوة...
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
الف سلام لي ناس الحوش...
حبابكم عشرة... والله يا اخوان دي اول مرة يجي فيها العيد من عشرين رمضان ... والله اليوم سعيد كانو عيد ( كما قال ود القرشي ـ وغني عثمان الشفيع ) والله كانو عيد ونحن سعداء بإنضمام الاخ العزيز / معتصم سلمان جعفر ..وفعلا إضافة حقيقية للبوست... وكذا الاخت العزيزة / زينب التجاني...وهي إضافة كبيرة ...وزيادة في العنصر النسائي بالحوش ...وانشاء الله ده يكون إلهاب شعور للاخوات الغائبات عن البوست...
وانشاء الله لي عودة طويلة مع ذكريات الاخ /معتصم سلمان جعفر
عثمان الجيلي
| |
|
|
|
|
|
|
Re: ناس الزقازيق ... أجدع ناس .. (Re: سامي عبد الوهاب إدريس)
|
الاخ سامى سلام الله عليك وتقبل الله صيامكم وقيامكم والله ياسامى القاثمه طويله جدا بقدامى الزقازيقاب ممكن اوصله الميل الستون0 وطالما عرفت احلام الحويرص لابد ان تعرف سلوى على او سلوى كابلى فهم ثنائى اما الشنقيطى وشيخ عشرى فقد عاشروا كل الاجيال0 الحمدلله ان ابنى البكر بثالثه طب اسنان وقولوا ماشاءالله تخرجت 1983 وتخرج معى من تجاره صديق حامد حميده ويحى محمدعبدالله وهاشم احمدحمد وعمرقرشى وكوثر منير ونجوى كمال وسيف ومحمد عبدالرحيم وطارق عبدالجليل وفاتن فضل وعفاف ابوورقه واولاد بعشر0 كانت المسكن التعاونيه شويه عمارات مبعثره معظمها تحت التشيد ولا يوجد بها شوارع اسفلت الا شارع المحافظه وكان افتتاح سوبر ماركت ابوعماد نقله لناوكان افتتاح دكان ايوب راحه للجماعه الطيبن0 من الحودث اللذيذه كان دكتور اسعدابوعكر نازل سلم العماره بخطوات كسلانه لاتسمع من شدة الفلس وكان بالعماره فلسطينين ييقششوا كويس وكان بواب العماره يتحدث للفلسطينى عن السودانين الجعانين المقطعين0000وفوجىء باسعد فحول مجرى الحديث قاثلا وادى اسعد جه الرجل الطيب الجدع ده السودانين كلهم جدعان00000وهل له الا ان يبتسم ويواصل الى كليته0
| |
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
الزميل عادل سيد احمد من ابناء تجاره وقد كان رجل اديب وقد القا هذه القصيده فى احدى احتفالات تجارة واستميحه عزرا لنشرها ولا اعرف شاعرها الاهداء لكل الناس000وكل الناس تعشق الزين عمرى ميه وقصيدتين فيك وميلادى فى اذار000وعيد ميلادى كل ما اشوف عيونك ديل واشوفك انتى جايه الدار وفايته الدار برجى الحوت واحب اللبنى فى الالوان هوايتى000القصه والموسيقى والالحان طولى شعر000وعرضى شعرولونى قصيده فى عينيك جنسى السمره فى السودان000وجنسى الهجره لواديك 00000 تاريخك انتى خريطة السودان ومجرى النيل وصحروات يسار ويمين عليها نخيل ما انتى الزاندى والعامريه والقنديل وانتى المجد واخت المجد00وسمحه وحلوة ذى شيكان وغاليه عزيزه زى ماضينا فى امدرمان انتى الجبه ام رقع والسيف000والفارس القتل غردون وانتى خلاصة الاحفاد وانتى سلالة الامجاد وانتى الدر سمح فى الجيد وانتى البركة والدعوات صباح العيد تعاويذك00سرب الخيل وخرز الدينكا والباريه وخضار النيل والودع منضوم والبخره وتلاوةالليل تعاويذك سيوف ودروع000 ودمع الخيل فى ساحات قتال مشروع تعاويذك تعاويذك نضال اجدادك السمحين وعرق اجسادم الطاهره وكتين يجوك راكبين تعاويذك صلى وتكبير فى بدر و حنين وسورة الفاتحه سبعين مره والاخلاص والصلاه وياسين 0000000000ونواصل 00000000000
| |
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
Quote: برجى الحوت واحب اللبنى فى الالوان |
معتصم جعفر الغتاتة عليك شنو...القصيدة دي ما كان تنشره أمبارح...
أذكر جيدا الأخ عادل سيدأحمد الرجل الذي يتمتع بصداقات مع كل الناس و الله الظاهر جيتك دي حترجع لينا زمن سمح وناس سمحين بالحيل... منو من ناس زراعة ربطتك بيهو علاقات صداقة في ذلك الوقت...و أهم سؤال البريزة كانت كم... لأنني اذكر عندما حضرت الى الزقازيق سكنت مع الراحل قريب الله حسن عشم الله بشارع الحمام أنا وهو فقط في شقة ثلاثة غرف و كنا ندفع خمسين جنيه فقط..
| |
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
نواصل فى قصيدة الاخ عادل 00000 شايفه الناس تعاين ليك مبهوره000وبعينيك مسحوره قلوبه تدق محل ما تسوقك الخطوات بتضحكى كيف000تعاين ليك000بتبسمى كيف000تعاين ليك وفيك معلقه النظرات000وتسلمى من عيونم ديل اصلو الناس مع عينيك معزوره 00000 صفاتك جات قبل نلقاك تنباء بيك الزهر فى الروض000صبغ اوراقو ذى وجناتك وهوم حولك الرسام وبحلم فى الخيال يلقاك تباكت حولك الاوتار ورسمو النوته بس لغناك تجلى الله باريك000تجلى جلاله فى دنياك 00000 مقايسك جيوكنده وفنون دافنشى والابداع سيمفونية الخالدين اغانى الريده والايقاع قبل عاشقين بعد فرقه وفراق وصراع ما فلم سحرى بس تماك انتى وضاع 00000 حليلو افلاطون بداء الفكره وجانا الاصل من بعدو حلم بيك وجمالك انتى ما شهدو ما انتى اتوبيا باخلاقه باحداقه بالانوار وانتى اتوبيا لزولن وصل يادوبو من اسفار واتوبيا مدينة الاخيار والطهر الغذا الاطفال000بناديك اتوبيا فى الاسحار وبشرب منك الاسرار 00000 انا الرحل مع التيار000 لبحر حسنك ما بشوف ساحل يشيلنى الموج ويجيبنى الموج ولاعب بى صدير جاهل ترا دا الحال000عزابك انتى ماساهل من هزات صدير نابض فيهو العنيد رابض بنظرات طريف كاحل يعاين لى واحس بانى جارى وراك000بقلبى الضعيف ناحل شن بتقولوا عاد يا سمحه فى دى الحال وفى زول وراك راحل بتمنى لو يملك عقود النور وسر البهجه فى الافراح000ينضموا ليك عقود وتلبسيهو وشاح ويتمنى لو يجيب ليك الزمان غناى ويجيب ليك النسيم لولاى ويجيب ليك الشذى النضاح وتدينى الامان عينيك وانا من انوار عينيك ارتاح 0000000000000نواصل0000000000000
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
ناس الزقازيق .. أجدع ناس إزيكم وأنتم بديعون ورائعون وظللت كثيراُ أدخل وأقرأكم ...
والآن دخلت لأحييكم وأرحب بالعزيزة عفاف علي ميرغني ودخولها إلى هذه البلاد العامرة وكذلك الصديق العزيز محمد عثمان .. تهنئة لهما
ولكم يا ناس الزقازيق التحايا العالية ..
نصار الحاج
| |
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
الاستاذ/ معتصم جفعر نحن والله مستمتعين غاية الاستمتاع
بالشخصيات الزقازيقية الخالدة التي ذكرتهاو اخص بذلك استاذنا
عادل سيد احمد الراجل الشايقي الاصيل و اذكر وصلنا في آخر
نوفمبر 1984 و نحن برالمة و طبعا كالعادة كان هناك امتحان
التيرم بعد شهر من وصولنا و استطاع الشاب الظريف في كل شى
عادل سيد أحمد و آخرون اذكر منهم الاخ الرائع خالد ياسين ربنا
يطراهم بالخير والحقيقة كانت المحاسبة اصعب مادة و لكن
الاخ عادل سيد الله ما قصر و عمل معانا مجهود كبير كان نتاجه
أن استطاعت مجموعة كبيرة من الدفعة أن تحرز درجة الإمتياز
فيها رغم التاخير و عدم حضور أي محاضرة مع الدكتور بالمدرج
فلك يا استاذنا عادل سيد أحمد منا كل الشكر والتقدير و لك
أيضا يا معتصم جفعر ،
الواحد فينا متكيف جدا لأن مرجعنا السابق الرشيد بقى بسأل
زينا و صار مستمتع معانا ؟
| |
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
شكرا الاعزاء عبد الدايم والرشيد وموسى على الاستقبال 000 وشكلي ح اقوم اجهز ليكم الفطور لانه الحوش ا لزقازيق بنين000 شكرا للشاعر الاستاذ نصار الحاج على الترحيب ودخلت حوش جميل وراقي 000 وعلى فكرة انطولوجبا(غابة صغيرة)تحمل نبض زقازيقي وهو زميلنا عبد الحميد البرنس 000 شكرا لك يا صديق الحروف000 واتفضل معانا الفطور
| |
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
Quote: الحالة الاجتماعية: Single |
شنو ياعفاف العبارة السابقة المكتوبة في البروفيل
دي نحن طبعا لمن الواحد يجي برلوم بنفتش البروفايل ؟
تعديليها و لا .000000. اكلم صاحبي !
ثانيا يعني ناس عطبرة ديل ليهم الله ! و الله انا منك يا
حاج الركز اخلي عطبرة و انتمي لكسلا ؟ لأنك ما من كسلا
ظهرت الكوسات بتاعت اب شنب الباسووردات لناس كسلا بس !
الجايات أحلى يا حبيب ولا يهمك
| |
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
أسال الله تعالى و نحن في العشر الأواخر المباركات أن ينعم على زميلنا الفاضل د. زهير بالصحة و العافية و أن يشفيه من آلامه و جراحه شفاءاً تاماً لا يغادر سقما و أن يمتعه بكامل الصحة و العافية و يحفظه لأسرته و يحفظهم له و يجنبهم كل شر .. و آمل من كل الزقازيقاب الأفاضل الإطمئنان هاتفياً على صحة شقيقهم د. زهير ..
ــــــــــــــ
الرشيد إزيك ياخي .. و معليش قطعت ليك إندياحك لكن كلامك دة حيجيب ليك الهوا ، صاح يا محمد عيد ؟؟ ..
Quote: هوووي يا عصام دهب أخير ليك...ما تخلينا نشاكلك في حوشك ونحرض الهلالاب يمشو يعملوا انفصال ونعمل لينا بوست نسمية ناس الزقازيق...أجدع ناس...جناح الهلالاب... |
يعني يا رشيد تغلبونا و تخلوا خشومنا ملح ملح وتمسخوا علينا العيد و عايزني أجي أبارك ليك و اٌقول ليك كمان إن شاء الله تغلبونا تاني ؟؟ بالغت .. ياخي خلينا نتفشى ساكت .. خليني أدعي عليكم و أقول ليكم إن شاء الله تاني ما تضوقوها مننا .. لكن الصراحة ياخي أي حاجة بتمشيكم ما بنقبلا ، يروح الهلال و يشتت المريخ و تبقى البينا عامرة دايماً يا حبيب و كلنا في حوشنا تامين و لامين و سالمين ..
Quote: ان شاء الله بنضوقها تاني و تالت ورابع حتى يتبدل الحال عندكم...و حتى عندما يتبدلالحال عندكم ستيبدل عندنا الى الأفضل فتكون الخامسة أيضا... |
الصراحة يا الرشيد رغم أنكم فائزين لكن صدقني الرجفة الدخلت فيكم من ( أب زرد ) لا الليلي شكلها ما مرقت يا طارق جبرين ..
Quote: كان عجبك عجبك وكان ماما عجبك...حنقبلك على علاتك نعمل شنو ما ياك سيد الحوش... |
الحوش دة حق الناس كلها يا رشيد و إنا ذاتي ( متابع و مستمتع ) ساااكت .. لكن عليك أمان الله أبو الهل دة كان جاب كويساً واحد من برة علا أسويلكم حوش و أسميهو ( ناس أبو الهل أحظظ ناس ) ..
تحياتي ليك و عليك الله واصل إندياحاتك ..
| |
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
وعندما قال القائل الفنان يا ليالى الأنس لى عودى وعندما غاب العسكرى المع ناس محمد صديق واسامة ابتر وتعلل بى نسكر نغيب من لطفه من دله الحبيب فانا اكمل ما انقطع من توارد خواطر انت يا زهير الزناتى تتجازى مفاجعاتك دى . يوم بتكتل ليها زول اكان للمريخاب ناس دكتور الصادق ومحمد عيد وطارق جبريل وياسر نجيلة هو يا ربى فى مريخابى تانى ؟؟؟ فديل نترك امر الترحيب بيهم لى اخونا جمال السنوسى عشان ينجضهم ليكم نجاض ايفوسا وعمر بخيت ولكن الأمر اكبر واكثر من ذلك القصة بقى فيها معتصم جعفر شخصيا وزينب التجانى زاتها وعفاف على ميرغنى نفسها معقولة بس ؟؟الكلام ده ما كثير على معدة زول صائم زيىىىى وكمان ممنوع من (الحلويات) ؟؟!!! جنى وجن التخمة الفى العشرة الأواخر الجو فى غاية الجمال والروعة وريحة العرقى الى انحسار ليس بفعل (اريرات ) محمد صديق المتضامنين مع قزازة عم الرشيد على شواطىء الكوة ولكن خوفا من زول طارق جبريل البيركب صندله من كريمى لغاية (ضنقلا) ولأنو السكرة دائما تتبعها (فكرة) فان هواء النيل عندما يكون (نيلا) كامل الدسم فى نواحى دنقلا وكريمى بعد ان كان مجرد (نيل ابيض حزين ) منزوع الدسم على شواطىء الكوة حتى قبل ان يرد عم الرشيد (اليه دسمه المنزوع ) بماذا ؟؟ بكتحة كتحتين تضوى الرتاين وتضيع عشاء السكرانين لذا فان الرابط العجيب يقول ان سكرة عم الرشيد فى الكوة , وصلت الى زول طارق جبريل المبحر عبر صندل النيل فى موسم الشوق الحلو فهيج رحيلها مع الغروب احساس غلبهم (يتحملوهو ) فكان الضحية (بوليس مضروب وغمران وعضامه راقدى خل ) فى يوم ما , فى شاطىء ما مرحب بيكم كثيييييير يا معتصم وزينب (المركبة مكنة زهير ) وعفاف على (الشغالة بمكنتين , عفاف فى الصباح , وحاج الركز بعد المغرب ) واسبابى كثيرة للترحيب بيكم , كلها حا اجيها بعد ما (سكرتى تفك)
| |
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
Quote: انت يا زهير الزناتى تتجازى مفاجعاتك دى . يوم بتكتل ليها زول |
وأنا من الذين أصابتهم في مقتل يامنصور حيث لم استطع الترحيب الا الآن ... وقتلتنى STC ومفاجاءات زهير بس الحمدلله دفعنا الفاتورة ومشى الحال.
الترحيب الحار ببرلومة ناس منصور والرشيد ... ورغم إنها برلومة الا انها إضافة حقيقية للبوست دا حقيقية ... لانو تاني بنجي داخلين بالرجل اليمين مش ضفاري زي زمان (رغم انو منصور فتاهو قرض) فوق لكن برضو اسباب منصور النحن كلنا راجينها بتكون سبب لانو تكون عفاف اضافة حقيقية
طيب ... حاج الركز حايكون عندو باسويرد براهو ... في هذه الحالة والله يازهير شيل شيلتك وكامل تضامننا مع: منى يونس ابتهاج عبدالله سليمان نجاة حوفي
| |
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
ياناس الحوش سلام ...حبابكم عشرة...
يا ناس جوة سلام عساكم بخير ( طبعا يا اخوان الحوش بقي فيهو حريم ماشاء الله )
ومش قلت ليكم ..ده اغرب رمضان واغرب عيد...عيد في عشرين رمضان...والله زمان...
والله كانو عيد...يلا يلا نغني ونقول اليوم سعيد وكانو عيد...
مليون الف مرحبا بالاخت العزيزة عفاف علي ميرغني بي وجودك ـ حوشنا نور وكلو زينةـ
العزيز / معتصم سلمان جعفر ...ازيك يا راجل ياعسل ...واصل في الذكريات الحلوة دي وخلينا نصل الميل 100
السؤال اولا عن شخص آخر اسمو / معتصم علي ما اعتقد كان دفعتكم او الدفعة الوراكم...وكان اخوة معنا في الزقازيق معامل اسمو بهاء الدين...لا اذكر اسمه كاملا...معتصم كان معنافي تجارة... وكذا السؤال عن اشخاص اعتقد انهم نفس الدفعة في تجارة...شطة ؟؟ والحاج نبقة ؟؟؟ لاندري اين رست بهم الدنيا؟؟؟وتاني في واحد كان لعاب في الكورة اعتقد اسمة فائز ؟؟؟وصحبو ود المقبول ؟؟؟ المهم واصل ذكرياتك يا ظريف خلينا نستمتع معك
عثمان الجيلي
| |
|
|
|
|
|
|
Re: ناس الزقازيق ... أجدع ناس .. (Re: عثمان الجيلي شيخ محمد)
|
نسوق التهاني للمتابعين و المستمتعين بقدوم الأخت الفاضلة عفاف بهذا البوست و مترقبين حضور زينب التجاني يا ترى هل سننتظر طويلاً ولكن كل الجماعة الذين رحبو بالأخت العزيزة عفاف... مدانين بمواد مختلفة و ذلك حسب ما جاء في مداخلاتهم
Quote: عملتوها ظاهرة يا ناس زراعة |
عبد الدائم مدان وذلك بالتشكيك في مقدرات الأخت عفاف في أنها جاية كووووسة
Quote: جيب لينا معاك صاحبنا العجوز ده |
الرشيد مدان بأن الأخت عفاف كبيرة في السن نسبة لأنها متزوجة حاج الركز و الذي يكبرها في السن بعامين خاصة و أن عمره يتراوح ما بين 80 -90 وهذه معلومة توديهو في ستين داهية
Quote: زينب التجاني وعفاف علي البوست شكله بقى محتل من ناس زراعة |
طارق جبريل مخطئ وذلك بإعتبار أن الأخت عفاف نازية و محتلة يعني برضو زيها زي الفرنجة
Quote: والآن دخلت لأحييكم وأرحب بالعزيزة عفاف علي ميرغني بقدوم الاستاذة |
غايتو الزول الإسمو نصار دا قدر ما فتشت لي حاجة عليهو ما لقيتها.. لكن قريت ما بين السطور إنو عايزها يستعين بيها في بوست تاني دون مشاورة ناس الحوش دا
Quote: عفاف على ميرغني فاهلا و مرحبا والبوست إزادن بكما. |
يا موسى عيسى عفاف مفرد و ليس مثنى ومعناها إنو مداخلاتها قاعد يصححها ليها حاج الركز يعني قاعد تطعن في قدراتها
Quote: أهليييييييين بالأخت عفاف |
الأخ سامي أولاً عفاف سودانية وكسلاوييييية و أنت تشبهها بالشوام ونحن لا نرضى بذلك
دي يا يتبلدينا توديك التوج
Quote: جنى وجن التخمة الفى العشرة الأواخر |
طبعاً منصور دا معروف و ممكن يدان بأي حاجة غير كلامو الكاتبو دا
Quote: طيب ... حاج الركز حايكون عندو باسويرد براهو ... |
جلال مدان كما موسى عيسى مدان
أحبكم و أحب الناس اللسع ما رحبت بي عفاف و زينب التجاني
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
طبعاًُ انا بجي لمن يكون الحوش فاضي
ترحيب حار بالبت عفاف علي ميرغني .... وأكيد هي إضافة ثرة ،،،، أي زول عايز باسويريد رسل لي إيميل حولت الطلب لبكري ،،، يعني أي زول رسل إيميل يخت في بطنه بطيخة صيفي .... واضح إنه بكري بيرسل في الباسويردات بالقطارة كل يوم لي واحد ... والعدد ما أقل من تمانية أعضاء جدد ..... ويا عبد الدائم بطل الشمارات .,.... وأكيد القادم أحلي .... بس ما أجمل وأحلي من زينب وعفاف .... وما تجي يا جلا تقول لي قاعد تتغزل في الأعضاء الجدد ، الإثنين صاحباتي ،،، وبنات الجبهة الديمقراطية .... وعمر ومحمد عثمان فردي ، يعني أطلع منها ....
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
بالنسبة لخالدة ، ابتهاج ، نجاة حوفي ، مني يونس يبدو بأنهم أتعظوا مما حدث لأزواجهم بعد وصول الباسويرد ولكن لا مانع من أن نرسل لكل من لديها الرغبة مشاركة زوجها إدمان البوست ، وربنا يستر علي أطفال هذه الأسر من التشرد بعد إدمان الوالد والوالدة لهذا البوست ...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: بكتحة كتحتين تضوى الرتاين وتضيع عشاء السكرانين لذا فان الرابط العجيب يقول ان سكرة عم الرشيد فى الكوة , وصلت الى زول طارق جبريل المبحر عبر صندل النيل فى موسم الشوق الحلو فهيج رحيلها مع الغروب احساس غلبهم (يتحملوهو ) |
يا منصور والله ختفتها من خشمي ، وعم الرشيد دا الله يجازي محنه .... والقصة طبعاً جميلة والسرد رائع يعني بقي عندنا حكايين إثنين طارق والرشيد ، ومحمد صديق بخلان علينا بحكاويه رغم إنه محترف ...
ومتابعين التاريخ يا ريس ، وفي كم نفر من الناس القلتهم ديل الزول بيعرفهم ، يا أبو الجل ما تخاف عرفتهم بعد ما جينا السودان ....
فاتن فضل متزوجة وتسكن حي الدوحة جوار الأهلية) ومتزوجة من الأستاذ محجوب ميرغني خريج عين شمس ، ولديها ثلاثة بنات ... أكبرهم علي أعتاب التخرج من كلية الطب وقد نشرت لها صورة سابقاً في هذا البوست.
سيف كركساوي لديه أعمال كركساوي لمستحضرات التجميل ، ودي البتجي إعلاناتها في النيل الأزرق يا الرشيد ....
اما خالد ياسين يا موسي عيسي فهو الآن عقيد في القوات المسلحة في الإدارة المالية ، وأعتقد بأنه قد ناقش رسالته للدكتوراة قبل رمضان بقليل ...
ونجي لباقي الناس ...
الواحد كان عايز يقول بقي براي زي الرشيد ، لكن الواضح وبحمد الله قد أسست مدرستي الخاصة في البري ...
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
اما معتصم سليمان جعفر فانا ارحب به ايما ترحيب فانا كنت افتقد -فيما افتقد من اشياء كثيرة - احساس برلمة الكبر فقد تفسح فينا هذا الزهير ومن هم على شاكلته من عينات محمد حسن البرلوم ومن لف لفهم تعرف يا زهير لمن جينا الزقازيق برالمة معتصم جعفر كان ليهو شنة ورنة الشالات فى الزقازيق عرفناها عند معتصم جعفر واحمد طراوة هو من جيل الزقازيق الأجمل الجيل الذى امتاز بالكثرة والتنوع بالحركة والدينماكية ان وجوده معنا الان يعيد الى مذاق الدهشة القديم يا ليالى الأنس لى عودى
| |
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
Quote: ومتابعين التاريخ يا ريس ، وفي كم نفر من الناس القلتهم ديل الزول بيعرفهم ، يا أبو الجل ما تخاف عرفتهم بعد ما جينا السودان .... |
ما عليك يا ابوالزوز حتى لو ماعرفتهم في السودان شنو يعني عادي بكون (امينوف) وراك صورهم
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
كل الأمنيات لسمي زهير علي عبد المجيد بالشفاء العاجل ... ودي فرصة نلقي واحد من الأسرة الطبية يكلمنا شوية عن ناس طب ،،، عشان نرتاح من الزراعيين ديل شوية ....
البارحة كان إفطارنا علي ضفاف النيل الخالد وعلي مقربة من مكتب نهلة (برضو ناس زراعة) وقد أجتمع نفر عزيز للأحتفال بالأخ أحمد إسماعيل وهو بالمناسبة يا عبد الدائم أحد الذين تقدمنا لهم بطلب لنيل عضوية المنبر ... الصور في التحميض ....
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
يا جلال ما في داعي للثقالة الرجاء حذف القصيدة أعلاه والأكتفاء بالرابط فقط لأن هذا البوست يضم الأهلة والمريخاب ومن أول يوم الرشيد قال لمحمد عيد ما عايزين سياسة في البوست دا ،،، ما يقوم كمان يمنعوا لينا الكورة كمان يحيرونا ،،، نبقي لا سياسة لا كورة ، خاصة وانو الأخ سيد الحوش من الجماعة إياهم والأرشفة قربت يقوم يحرد ويرفض إرسال رسالة لبكري لنقل البوست للربع الجديد .... يا ولدنا المسألة بقت حساباتها زي حسابات الهلال والمريخ قبل كورة أول أمبارح
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
والله يازهير شفت الجوز الفوق دا مستلميني من الصباح لحد المساء وخصوصا الصغير نكون فوق يقول باصرار تيت تيت (يعني تحت تحت) ولما نكون تحت يقول UP هسة انا بكتب بيد وشايفو ماشي يفك واحدة من وصلات الكومبيوتر لولا أمو.
تحية ومحبة للجميع هنا وهناك.
| |
|
|
|
|
|
|
Re: ناس الزقازيق ... أجدع ناس .. (Re: عبد الحميد البرنس)
|
العزيز البرنس ....
مشتاقين بلا حدود ....
أولاً خربت لينا المسابقة كنا عازين نعرف الناس الحوامين في البوستات بي بره ... أصلو اليومين ديل عندي لوثة بتاعت مسابقات .... لكن معليش ... ممكن نحول المسابقة .... لسؤال تاني ،،، من أي كلية في جامعة الزقازيق إتخرج عبد الحميد البرنس ...
والله يا الرشيد نص عمرك ضائع لأنك ما بتعرف عبد الحميد البرنس ، الزول المؤدب والمثقف ... وكان لنا شرف أن نكون سناير عليه .... ولكنه سبقنا بآلاف السنين الضوئية ,,, عبد الحميد البرنس مثقف حقيقي وأديب لا يشق لا غبار ... وزول كتاب ما فيهو كلام ... لا تملك سوي الدهشة وأنت تقرأ له ولكن لظروف عديدة إمتنع عن الكتابة في البوست والمنبر ... نتمني أن نكون من أصحاب الحظ الجميل وتزول هذه الظروف لنستمتع بكتابات عبد الحميد البرنس ... وواضح إنه البرنس يكتب علي عجلة من أمره فحتي مثل هذه البوستات الخفيفة ، كان يحولها لقطع أدبية متناثرة ... أوعي تكون كورتك فكت يا عبد الحميد وتحرجني مع الرشيد ومحمد عيد ومنصور ديل بالذات ،،، عايزك تبتسفهم لي عشان أقول ليهم دا برلومنا ،،، ما شايف منصور مستكتر علينا السنيرة دي ... عليك الله خليهو يشتهي يكون برلومنا لك ولإلهام ولمحمد وأنيس كل حبي وتحياتي ....
محمد وأنيس البرنس وصور
| |
|
|
|
|
|
|
Re: ناس الزقازيق ... أجدع ناس .. (Re: عبد الحميد البرنس)
|
Quote: يا جلال ما في داعي للثقالة الرجاء حذف القصيدة أعلاه والأكتفاء بالرابط فقط لأن هذا البوست يضم الأهلة والمريخاب ومن أول يوم الرشيد قال لمحمد عيد ما عايزين سياسة في البوست دا ،،، ما يقوم كمان يمنعوا لينا الكورة كمان يحيرونا ،،، نبقي لا سياسة لا كورة ، خاصة وانو الأخ سيد الحوش من الجماعة إياهم والأرشفة قربت يقوم يحرد ويرفض إرسال رسالة لبكري لنقل البوست للربع الجديد .... |
أيوااااااا يا ابو الزوز
فــهم صاحبك جلجل ده اسلوب اللعب المنظم
لاننا ما دايرين نظهر اللعب الضفارى ..!!
وامبارح بلعنا للرشيد هرشته وتهديده لى د. الصادق
وقلنا باكر بيجى الخريف .. واللوارى بتقيف
واصلنا قعدنا جنب الحيطة
الله يستر من الزيطة ... !
الواحد الحمد لله ما موجود فى البلد لأنو مجرد متابعة الموقع العام
والبوستات المعمولة فيهو توريك فعلا الناس دى كيف وهم ؟؟1
Quote: تلعبوا فى عمود كبت الحقيقة وزورا |
اولا يا جلال ازهرى ده مالو بقى ركيك كده .. ؟؟
شاعر مجيد و على مستوى لمن يبقى يشجع باسلوب الرشيد على عمر
وعمرابى ورمضان وجمال السنوسى .. أكيد شعره الجميل ســيمتلىء
ركاكة وفجاجة وســـماجة !!
ثم بالله قولوا لى .. بالله الحقد ده كلو على مزمل ؟؟
والله راجل ...
يعنى .. كل قبيلة بنو زرقان .. من مشجعى المساطب الشعبية
مرورا بصحفييها وشعراءها وزقازيقييها .. انتهاء بقائدها الملهم
ماسكاهم المغصة من الجعلى الراااجل .. عفيت منك والله ... عموما .. سيد الحوش راجل ديمقراطى وقانونى وصفوى ونخبوى كمان
يعنى يا ابو الزوز تخوفك ده ممكن تلقاهو عند ناس تانية ...
***********
حبيبنا .. دكتور الصادق ..
ياخى ما تتعب نفسك .. الدنيا دوارة والايام جيــّابة
بس دايرك بالله تحافظ على الاقتباس ده لاستخدامه فى الوقت المناسب
قريبا جدا .. باذن الله
Quote: يا اخوانا الوصيف فضح البلد بى عكو يدوه الورق لا بفتحو ولا يدكو كأس افريقيا وين القلت قاطع شكو |
ده طبعا من قصيدة ازهرى القدانا بيها جلال ..
فتكم بى عافية يا اخوان .. الفطور قرب امشى اشرب لى موية
انشاء الله ما أجى القاها بقت خمســة يا ترباس ؟؟!!!
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
لا يفوتنى بالطبع الترحيب الشديد
بالبلومة الكسلاوية الرقيقة عفاف .. وبالتالى اخونا حاج الركز برضو معانا
طبعا ديل ناس ديمقراطيين .ز والمسألة ما فيها اى غضاضات
ديدو امرق منها انت بس
Quote: عملتوها ظاهرة يا ناس زراعة الله فى ....... |
دودى هى شنو العملناها .. ده حالتو انت القلنا المرجع الاساسى
فى ناس الزقازيق وبالذات الزميلات والاخوات والشقيقات ..؟؟
انت ناسى ريادة زراعة من زمان ولا شنو ؟
انت عارف لولا استعدال الكفة بواسطة ناس زراعة ..
ناس القاهرة كانو بيسمونا بيت الامانة بنين ..!!
بس يا زهير يا ريت كمان لو تدخل لينا شوية كوزات
وكفحنجيــة ومــتقلات ومن حزب الهناى داك بتاع ناس الرشيد
يعنى .. عشان ما يجى زول يقول ليك لون الحوش شنو
وبوهية البرندة فوشيا .. وراس البيت زنكـــى ..!!
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
لوووووووووووووووووووول يا ناس الزقازيق .. والله كنت ناوي أشن عليكم حملة .. شنيناها قبل كده على ناس هندسة لامن فصلوهم بي منبر براهم ، بس قاموا اعتبرونا نيران صديقة 56 صفحة يامفترين كرهتونــا البلي .. لكن قامت دخلت بت أختي عفاف الحوش ... مراحب عفاف على .. منورة والله الحوش .. وقبلها الرياض .. يلا ورينا من الداساهو ومليتي بيهو الكراسات ...
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
Quote: والله يا الرشيد نص عمرك ضائع لأنك ما بتعرف عبد الحميد البرنس ، الزول المؤدب والمثقف |
و الله يا ابو الزوز كلامك صحيح...تشرفت بمعرفة البرنس من مداخلاتة في الأميال الأولى لهذا البوست...و يشرفني أن أتعرف عليه أكثر...نحمد لهذا البوست أن عرفنا وقربنا الى ناس بروعتكم جميعا...و أصبحت أجزم انني يمكنني أن اذهب الى بيت ناس جلال في السودان و ادفر الباب و أخش و ارقد في سرير ولا عنقريب مرمي في الحوش ولو جات الحاجة سألتني قالت لي انت منو...بقول ليها أنا المطرطش صاحب جلال...أنا بتاع الويكاب ما عرفتيني...تقول عرفتك يا ولدي حبابك...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: يعني يا رشيد تغلبونا و تخلوا خشومنا ملح ملح وتمسخوا علينا العيد و عايزني أجي أبارك ليك و اٌقول ليك كمان إن شاء الله تغلبونا تاني ؟؟ بالغت .. ياخي خلينا نتفشى ساكت .. خليني أدعي عليكم و أقول ليكم إن شاء الله تاني ما تضوقوها مننا .. لكن الصراحة ياخي أي حاجة بتمشيكم ما بنقبلا ، يروح الهلال و يشتت المريخ و تبقى البينا عامرة دايماً يا حبيب و كلنا في حوشنا تامين و لامين و سالمين .. |
اتفشى يا عصام دهب وان شاء الله قشة ما تعتر ليك...كان ما اتفشيت عندنا هنا تتفشى وين تاني...اتفشى وعين الله ترعاك...
أنحن الحوش ده لو عايزين نمرق منو الا ندخل لينا مصحه...أدمناهو ادمان غريب وبقينا الواحد فاتحو في البيت و في المكتب ولما تمشي أبوظبي أول ما أطلع الكمبيوتر نجاة حوفي تقول لي بررررررررر...أتاوق للكمبيوتر و أنا بلبس ماشي الشغل...تتوضأ للصلاة وتجي تتاوق تمشي تصلي وتجي تتاوق...تقول لي بتاع المطعم عليك الله جيب لي الأكل في البيت عشان ما تفارق الكمبيوتر... مرات لما أقعد براي أقول والله نجاة حوفي معاها حق...هو داب برررررررررررررر
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: وامبارح بلعنا للرشيد هرشته وتهديده لى د. الصادق
وقلنا باكر بيجى الخريف .. واللوارى بتقيف |
محمد عيد والله د.الصادق ده ولد حلتي وحبيبنا و ان شاء الله ما يكون زعل مني أنا اتخيلت نفسي قاعد جمب كشك جرايد وشغال مناكفات...فله العتبى حتى يرضى ولو شاء الله وفاز المريخ على الهلال سأكون أول المهنئين له....
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
دعيت الى تناول وجبة الغداء مع أحد أصدقائي الخليجين في منزلة فذهبت ارضاءا له...دخلت الى المنزل فوجدت به جلسة عربية أنيقة...فلزمنا الجابرة كما يقول أهلنا...يعني جلسنا على الأرض...فقدموا لنا الخضره أي الفواكه فتساءلت هل هذا هو الغداء... فأكلت ما تيسر خشية أن لا يكون هنالك طعام غيرها...دارت علينا عدة فناجين من القهوة العربية المسيخة...فحاولت أن استمتع بالفنجان الأول فلم استطع فابتلعتة دفعة واحدة...ثم دورة أخرى ففعلت به كما فعلت بالأول... طالت الجلسة ثم اذا بصديقي يدعونا للدخول الى مجلس آخر مكمل للمجلس الذي كنا به...فتح بابا منزلقا فاذا به أشاهد وعاءا ضخما ممتلئا بالرز ويرقد فوقة خروف بأكملة محمرا...تعرف الأكلة بالكبسة او المندي...قلت في سري..بس هو ياهو ده غداكم...جلست أرضا محاولا جرجرة بنطلوني الضيق حتى أرتاح في جلستي... تتصاعد الأبخرة من الرز و من الخروف...طلب مننا صديقي بالبدء في الأكل...و لكنه بادرني بالسؤال قبل ذلك...تبي خاشوقة...لم أعرف ما هي الخاشوقة... حسبتها مسندا يساعدني في جلستي على الأرض...فقلت له لا لا لا مافي داعي أنا قاعد كويس... بدأ الجميع في الأكل فصبوا الروب على الرز ثم يقطعون قطعا من اللحم ويعجنون الرز مع اللحم و مع الروب فيسيل من بين أصابعهم...يكونون كرة كبيرة ثم يلقون بها في أفواههم...حاولت تقليدهم فوجدت الرز مولع نار وكذلك اللحم...فأخذتة أصب علية الروب حتى يبرد ثم حاولت تكوين كرة من المزيج ففشلت...ذلك لأن الروب أصبح أكثر مما ينبغي... لاحظ صديقي الخليجي محاولاتي الفاشلة...فقال لي ما قلنا ليك تبي خاشوقة قلت لا... فتجرأت و سألته و ما هي الخاشوقة...ما تعرف الخاشوقة يا ريال...الخاشوقة الملعقة قلت ليهو طيب ما تقول كده من الصباح... طبعا أبي خاشوقة..انعل ابو الخاشوقة زاتو...
آل خاشوقة آل....
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
الرشيد إزيك قلنا نسلم عليك ونقول ليك عوافي شايفك تتنوس مع روحك .... ترحيب بضيوف ناس الزقازيق أجدع ناس ،،، وضيوف عفاف علي ميرغني نصار وود أهلي الهلالابي الجدع عمران ... البرلومة جايه بشلتها للمنبر ،،، يعني يا ناس كان مفروض نعمل ليها بوست ترحيب منفصل في المنبر العام .......
اها يا الرشيد بتونس معاك شوية وبتشتت ....
شركة الإعلان دي إلا تعملها في مصر ولا تجيب مصريين في السودان ... الموضة موسم الهجرة إلي الشمال ... رايك شنو يكون المقر الرئيسي في الزقازيق ،،، شارع القومية - امام صيدلية سان مارك
إنتو يا جماعة عمر نملة وين .... عليك الله يا نملة كدي راجع إيميلك
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
فطريت اليوم فطور زقازيقي إلتقيت فيه بشخصين لم أراهما منذ أيام الزقازيق سأنزل الصور غداً ،،، وعلي قناعة بأن هذه الصور سوف تجلب العديد من الناس الذي غابوا منا ردحاً من الزمان
عبد الحفيظ طبعاً ما محتاج أوصيك تفتح الإيميل لكن أوصيك الصبر الجميل ....
لكن أكيد الوصية لكمال الشادي في الرياض ومعاه مدثر أبا يزيد ونوره كرم الله وتاني منو يا ربي كدي بعد ما نشوف موضوع الجلابية مع عبد الدائم يمكن أتذكر باقي الناس المنتظرنهم ...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: شركة الإعلان دي إلا تعملها في مصر ولا تجيب مصريين في السودان ... الموضة موسم الهجرة إلي الشمال ... رايك شنو يكون المقر الرئيسي في الزقازيق ،،، شارع القومية - امام صيدلية سان مارك |
مصريين ليه يا أبو الزوز...كان لي الشكل البدر و الكريمات بقت تجيب الفرق حسة بنات النيل الأزرق ديل عيبهم لي...بعدين ما تنسى ممكن نستعين بخبرات سيف كركساوي و نتعاقد معاهو لسنة سنتين كدة..على الأقل ننفع زولنا... كان للمناظر...برج الفاتح مالو ولا العفراء مول...اللوكيشن ما فيهو مشكلة الباقي بجي بالكمبيوتر... اتخيل نفسك بتصور ليك في دعاية بتاعت صابون بدرة مثلا...الهدوم الوسخانه ما مشكلة النضيفة عشان توري الفرق بعد استعمال الصابون بنشتري جديد...الغسالات موجوده بشارع الحرية ولا في المول...الجكس بعد الكريمات ممكن تصورو باحترافية...أها الناقص شنو تاني...الباقي شغل المخرج ومحمد عيد...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
زهير ... والله الرشيد ده معاهو حق
الليله .. قلت اتابع ملاحظات رشا وأدور الموضوع فى راسى ...
تخيل اعلانات زى بتاع الزيــت اياهو ولا التانى بتاع الرز ؟؟
هاااااااايل ...!!
المعروف انو الاعلان حاليا اصبح من اربح الصناعات واكثرها تجديدا
وكل يوم شكل الاعلان بيختلف ...
واخطر وأغلى انواع الاعلان هو اعلان الميديا التلفزيونى ...
يعنى تخيل قبل رمضان عملت بحث مصغر لتطبيق حملة اعلانية للمول بتاعنا
لو تصدق تكلفة الســـبوت الاعلانى ( 30 ثانية ) ولمرة واحدة فقط
فى الفاصل الاعلانى لمسلسل باب الحارة او طاش ما طاش فى الـ mbc
التكلفة للسبوت الواحد ( 32 الف دولار ) !!
تخيل التكلفة لـ30 اعلان خلال 30 يوم فى رمضان ومرة واحدة فى اليوم كم ؟؟!
خلى موسى عيسى المدير المالى حقنا يحسبها ليك !!!
وتقول لى رز باللبن والقرفة .. وهااااايل ؟؟!!
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
تعرف يا محمد عيد كان عندي بوست عن الإعلان في السودان فتش عليهو في كل المنابر والمكتبات ولم أجده كان به نقاش ثر ومفيد ... في موضة بتاعت إنتاج الإعلانات في القاهرة لسبيين الأول : وجود الإمكانيات الفنية الهائلة والثاني : تدني تكاليف الإنتاج والمسألة ما عقدة لون وكده المسألة مصاري يا صديق .... والعايز ينجح يعمل شركته في القاهرة وإنشاء الله يجيب أسوانيين زي الإعلان بتاع ART البايخ الجابوهو قبل مباراة الهلال والمريخ ، الفاز فيها الهلال علي المريخ 3/1 وطيروا من المنافسة .
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
عليك دينكم براحة .... اليومين دي الدنيا قبايل عيد والمشاوير كترت والزوغان من الدوام يعني ما معقول الواحد يجي يلقى زي عشرمية مداخلة عاوز يرد عليها ------------------- اول شئ حذفت القصيدة الرائعة للرائع ازهري لانو زهير دا سنيري وكان بدافر لي في الفرن الفي شارع الشهيد لما محمد الهادي يرسلني اجيب العيش ثانياً حسيت من كلام محمد عيد انو زعلان لأنو قال في ركاكة في مقطع اورده ثالثاً خايف يكون دكتور الصادق زعل ورابعاً احبكم جميعاً ومابقدر على زعلكم ........ بس
غالبين تجننوا ومغلوبين تحننوا
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
Quote: و الله يا ابو الزوز كلامك صحيح...تشرفت بمعرفة البرنس من مداخلاتة في الأميال الأولى لهذا البوست...و يشرفني أن أتعرف عليه أكثر...نحمد لهذا البوست أن عرفنا وقربنا الى ناس بروعتكم جميعا...و أصبحت أجزم انني يمكنني أن اذهب الى بيت ناس جلال في السودان و ادفر الباب و أخش و ارقد في سرير ولا عنقريب مرمي في الحوش ولو جات الحاجة سألتني قالت لي انت منو...بقول ليها أنا المطرطش صاحب جلال...أنا بتاع الويكاب ما عرفتيني...تقول عرفتك يا ولدي حبابك... |
اجزم بأنني لو علقت على حديث القلب هذا سوف ينطفئ بريق هذه الدرر المنثورة ولكن يبقي مانحمله لكم في سويداء القلب
| |
|
|
|
|
|
|
Re: ناس الزقازيق ... أجدع ناس .. (Re: عثمان الجيلي شيخ محمد)
|
العزيز عثمان لك الشكر الجزيل على هذا الترحاب وبدورى ارحب بعفاف و زينب فقداستلمنا الباص وبرد فى دفعه واحده وهذا لايعنى انهم دفعه فقد سبقناهم بسنيت كثيره0فنحن عاصرنا الاخوات فوزيه الرضى ووفاء كيله والهام الخيال وعشه كروم وسهير ابوطياره ورجاء همام ووداد الشفيع و وبت الكردى و50 زراعه واصفاط ابوعكر وسلوى الصايغ وامال علوم وعفاف النور وايمان تجاره ومنى بيطره واسماعيل اليمانى وحنفى ومحاسن حسن ونهله علوم وكوثر منير التى حضرنا سماية بنت بنتها قبل مده بوجود زوجها د0محمدسكر0 ولا ننسى عفراء سهل واذكر لها هذا الموقف000 فقد دعانا الاخ عمار زميلنا بالكليه من ابناء القضارف الى اجتماع بشقته وانصب كلامه حول ضروره عدم ترك الشيوعيون يفوزون بانتخابات اسرة تجاره ولا اعرف على اى اساس اختار عفراء وهى الغارغه فى اللون الاحمر تبسمت كثيرا وهو يضع خططه امام خصمه!!!!! عند عودتى الى الشقه بعد الاجتماع وبعد مدة من الانتشار وجدت اخى وصديقى المرحوم مصطفى ابراهيم عمر وقد رفع اليه محضر الاجتماع بالكامل وهو عضو مسثول بالجبهه الديمقراطيه وماذا امامى غير نفس ابتسامة بداية الاجتماع0 ولنا عوده
| |
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
اخونا العزيز .. معتصم
اثناء اندياحك الجميل وســـردك للاسماء والاعلام القديمة
التى جاءت فى ســـياق الســـرد .. جاء ذكر اسم لا ادرى
كيف مـــر مرور الكرام - خاصة - على الزراعيين
واهتبل هذه الفرصة وأسرق من منصور ريادته وأسلط الضوء على شخصية أخونا ..
ســـهل النجيب عكاشــة
او عمدة السودانيين بكلية زراعة كما كان يسمسه معظم stafff الكلية
من العميد والدكاترة وحتى عمال المعامل ...
ســـهل من الذين عاصروا دفعات كثيرة فى زراعة وفى الزقازيق عموما
وله من النوادر والحكاوى الطريفة التى لم يخلو مجلس من مجالس زراعة من بعضها
أذكر انه كان يسكن بالسودان فى الثورة واعتقد بالحارة الرابعة
اطرح السؤال التقليدى .. ولا اعتقد اننى يمكن ان اجد اجابة الا اذا
ظهر العزيز قدورة من جديد مطلا من خلال الرشيد او اى نفاج آخر ...!!
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
صبحكم الله بالخير صحيت للسحور و الفجر كالعادة فوجدت كالعادة معتصم جعفر و محمد عيد و جلال و زهير (الترتيب حسب العمر)...أما محمد صديق فلقد كان استثناءا جميلا الليلة... معتصم جعفر أثبت بجدارة انه زول ليل و فاتنا بي غادي...كنت بلقى نفسي راس مع طارق جبريل...و كان طارق بيستفيد من فارق الوقت بين أبوظبي و الرباط...طارق اختفي بقدرة قادر...و لكنه متواجد بالمنبر يوزع في شلالات الفرح هنا و هناك... جلال دوام الليل ده حقو ترجع قروشو للكفيل ياخي...انت ما شغال ليهو بي تعريفة...بتعرف النعريفة ولا نخلي معتصم جعفر يخليها موضوع المداخله الجاية...انتو ما جيتو في زمن السجم والرماد ده بعد زمن طويل من تقاعد التعريفة...و يوم كنت انت وزهير تكابسو في الرغيف كنا نحن بنكابس في أقاليم السودان المختلفة و آخر الشهر يدوك ماهية مائتي جنية...و الماهية أف.. قولة هاك و كف...في هذا الزمن....
محمد عيد عيد...شفت دعاية نالة يا نالة...الأغنية معروفة و البنات حبسيات والجغمسة واضحة...و بتذكرني دائما بالمثل البقول رزق الهبل على المجانين...لو رجع السودان و بقى أهبل بيبقى مليونير...البلد بقت مليانة مجانين...
زهير بتذكر البوست بتاعك وتداخلت معاك كم مرة كدة فيهو...لكن فتحت لي ما رديت علي حاولت توسعة موضوع البوست ولكنك طنشتني...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
يا أبو الزوز أرجو أن تكون القائمة التي أرسلتها الى بكري أبوبكر لاستخراج عضوية أرجو أن تكون متضمنة اسم أخونا الزقازيقي الرائع عبد الحفيظ عباس ليس لأن بيني وبين الرجل ذكريات جميلة ولا لأنه زارني في البيت في السودان في اجازتي الأخيرة رغم مشغولياته...و لكن لأن الرجل يستحق ذلك وهو بلا شك سيكون اضافة ثره لهذا البوست... فعبد الحفيظ مشارك في كل الفعاليات التي نظمتها الجمعية و متابع لأخبارها و مهموم بها حتى النخاع...و هو بذلك يستحق أن يطل علينا من الباب وليس من النفاج...و ما مهم لو كان زول ليل أو نهار... أناشد عبد الحفيظ التداخل من خلال أي من النفاجات المتوفرة حاليا حتى موعد تداخلة معنا عبر الباب...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: يا أبو الزوز أرجو أن تكون القائمة التي أرسلتها الى بكري أبوبكر لاستخراج عضوية أرجو أن تكون متضمنة اسم أخونا الزقازيقي الرائع عبد الحفيظ عباس |
اثنى كلام الرشيد ..
واضيف ايضا .. عبد القادر بابكر ( قدورة ) زراعة 84
*******
رشيد ... بنفس القدر اعلانات العصائر
وخديجة الوقعت من البلكونة !!!!!!!
**********
جلال ...
وانتو برضو
غالبين تجننوا ..!!
بس خلاص كفاية ... انتو ما صدقتوا ..؟!
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
يا ابو الجل ياخي بالغت بحذف القصيدة ، نحن قلنا نطيب خاطر الجماعة ساكت بكلمتين حلوات ،،، بعدين شايفك سالك في حكاية سنيري دي ......
عندي ملاحظة عجيبة لمعتصم ،،، عفاف دفعتك دي كمان أخاف كدي قارن بين تاريخ ميلادها وتاريخ دخولك الجامعة أكيد بتلقي في أوجه شبه .....
مره في برلومة في زراعة علي ما اعتقد الأخت مزار قالت ياناس الجبهة الديمقراطية عندي جوابات لواحد زميلكم في أسكندرية أسمه محجوب ،، أتصلنا بي محجوب وقد جاء علي عجل ،،، وحين عودته من مزار كان ميتاً من الضحك ، في شنو يا محجوب ،،، قال والله العظيم مزار دي انا حاضر حفل زواج أمها وأبوها وشدة ما زول كبير كنت سكران لط .... اها يا معتصم أنا خايف تبقي عليك حكاية عمنا محجوب مع فارق السكرة...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
ما تفهمونى غللللللللللللللللط انا قاصد دفعتى فى استلام الباص ويرد و دخول البوست انا لسه ما خرفته حرام عليكم 0000اعتذارى للابنه عفاف 000الناس دى عايزه مشاكل اقروا ما كتبت جيدا خاصه انته يا زناتى
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
عبد الحميد البرنس ،، إلهام ،محمد ، أنيس
تعرف يا معتصم ومنصور ناس عبد الحميد ديل وعفاف وسمؤال أبو سن والله لولا حلقة الوصل بتاعت ناس جلال وسامي وجيل الوسط دا ،، ما كان تسمعوا بيهم سمع ....
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
يعني يا أبو الزوز نحن ناس جلال و سامي كان ما البوست ده كان سمعنا بيهم...
عندنا واحد مهندس مدني شغال معانا هنا بعدين جابو لينا واحد موديل جديد اسمو وائل...المهندس ده قال لي انت عارف وائل ده أنا كنت لما بجي بيتهم كنت بديهو قروش يمشي يشتري حلاوة من الدكان...قلت ليهو دي ما مشكلة...المشكلة بعد شوية يبقى رئيسك ويرسلك تمشي تجيب الملفات...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: يا جماعة نسيت أقول ليكم
صباح الخير يا وجوه الخير
علي طريقة الرائع ريسنا ميسرة ...... |
و الله يا زهير انت بتحير في نهار رمضان ده...تنزل مداخلة طويلة و عريضة وبعدين تجي تقول صباح الخير بعد ساعتين...انت بيحصل خلل في البرمجة بتاعتك في رمضان...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
الرشيد الزول أول مرة يجي زي المواعيد دي ...
تعرف زمان البوست دا عبد الدائم كل مرة ينزل لينا أغنية ،،، ما عارف وقف ليه ... إنشاء الله أغنية حقيبة يا عبد الدائم ولا مدحة في رمضان دا والإهداء للبرالمة الجدد ...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
قبل يومين اخونا موسي عيسي رسل صينية الفطور ... عشان المباراة دييك ... الا صينيتو رجعناها ليهو "بي صمتا" ماهبشناها ... اول ماقلنا بسم الله ... عتر لينا عضم في المرارة "ام فت فتت" والناس كمان ماريحونا في الصينية وعملو تنظيرات حتي حكاوي اخونا طارق جبريل ... خلتو يفك حبوباتو ويمسك في أعمامو وكان لي رشيد القوم ... خلتو افتح فتح في حكاوي وذكريات الكوة ... حتي عمو (اعتقد اسمو عثمان) ذو الخيالات - ووين مايمشي تترأي له الشياطين ... لحدي ما اولادنا الصغار "ناس الرشيد" قالو شجر النيم ده مسكون ...
صينية جابت لينا "الهوا" من تلاته شبابيك ... هاك صينتك دي يا موسي عيسي ... عارفك حتقول لي كمان ما جابت ليك تلاته بخشم الباب: 1- الريس / معتصم سليمان جعفر 2- زينب التجاني 3- عفاف على ميرغني طيب بنرحب بيهم وبنديهم التحلية ... ولو انو اخونا معتصم قام سداري بالجماعة وخلاهم فاتحين خشومهم ومنتظرين التحلية منو ... كلامو عسل عديل كده - اسامي بتعرفها واسامي سامعين بيها طشاش طشاش واسامي سمعناها منو هسع ...
غايتو "بوستيكم" ده ... ولو جو باقي الجاعة التانين دافرين ... القدم ليهم زهير الزناتي للباسوورد الا الواحد يقفل بيتو ... ويفتح الكمبيوتر ...
دي بشرحها ليك بعدين يا جلا ...
الف الف سلامة على اخونا الدكتور / زهير على ... ونتمني له تمام الشفاء العاجل ....
| |
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
الف حمد لله على سلامتك يا دكتور زهير و ما تشوف شر
انشاء الله .
يا ياسر نجيلة ثلاثة المريخ ديك الله لا عادها و لكن
ثلاثي البوست مرحب بيهم تامين و سالمين الهم زدنا ولا
تنقصنا و حبب الزقازيقاب لبعضهم البعض ببركة هذا
الشهر الكريم .
و التحايا للاخ العزيز عبدالحفيظ عباس و اظهر ياكوتش
و هذا تلفوني بالسودان 0914070652 خلينا نسمع صوتك
و سوف اكون في الخرطوم صباح الأربعاء انشاء الله و بالله
دور لي على تلفون يس محمد أحمد الدومة لو أمكن .
| |
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
سلامات يا ناس
اجمل حاجة الدعايات السودانية دى ..فيها كل التقنيات
المعروفة والما معروفة...والبنات البغنو ديك !!!ياسلام
عليهن اصواتن جميلة...ويتمايسن زى البانة...والبانة رويانة
لما يقولوا ليك ""_
زيتنا السودانى صباح
ريحتو عاجبانى صباح
ويا سلام لما يجيبو ليك الفولة ديك يعصروها وينقط منها الزيت
فى الكيس...وكمان العبوة الجديدة دى ما حاجة تانية...فى متناول الجميع
ويا عيد ويا الرشيد... الما عاجبو زيتنا السودانى صباح...يرجع للزيت
الفلت...انا وجلا غايتو الزيت الفلت ...خليناهو
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
نهاراتكم ندية 0000 سهل النجيب عكاشة يا محمد عيد زول تاريخي في زراعة اول حكاية زقازيقيةسمعتها 00 قالوا والعهدة على الراوي في شتاء الزقازيق اول ما يصحى الصباح وقبل ما يقوم من سريره يقيس درجة حرارة الجو بيده 000 وبعدها يقرر يمشي الكلية ولا يواصل نوم 0000 (ويا الرشيد دي قصة ما شففني ليها حاج الركز )دي قصة سمعتها من زمن البرلمة 000 دا دليل على تواصل الاجيال يعني انا ومنصور وعيد قعدنا على نفس مربع كاي وبنفس الايقاع لكن في ازمان مختلفة 000 ويا زهير ويا صالح مبسوطة كتير انو جاء زمن اكون دفعة الريس معتصم83 -93 (شوف روعة التواصل في الفارق الزمني دا ) استقبالكم لي كبرلومة ابهجني 000 بس يا النضيف وين الكورال 000 عشان نعلي صوتنا بالغنا 0000 يلا بعد اجراءات التسجيل نشوف الدفاتر شكرا عمران دخلت حوش سمح 000 حبل ود زقازيقي ممدود مزين بزهرات زراعة الجميلة 000 احبكم حب جلا للادانات الترحيبية
| |
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
آهلين و سهلين عفاف و كمان حاج الركز ( نظام تقاسم الباس وورد و كدا ) جيدن جيتو و مقامكو زين و الحوش حوشكم و سعدنا بحضوركم الجميل ..
و في الحقيقة يا عفاف حينما رحبت بمعتصم وزينب لم أكن أعلم وجودك معهما فلك العتبى ..
و بعدين ما شاء الله تبارك الله عيني باردة البوست ماشي بي نمرة ( خمسي ) بقى ما بتلحق ..
إن شاء الله دايماً تامين و لامين و بوستيكم مشتت بي سرعة مية و ستين ..
تحية لأجدع ناس و يا زهير شوف الموضوع بتاع عبد الحفيظ عباس زي ما قال ليك الرشيد ..
| |
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
كتب جنابو محمد صديق
Quote: عليهن اصواتن جميلة...ويتمايسن زى البانة...والبانة رويانة |
ده شنو ده يا جنابو؟أنت عارف حقو يجيبوا ليك بوليس النظام العام ،ويحكموا عليك بالجلد أربعين جلده لخدش الحياء والذوق العام في رمضان .
| |
|
|
|
|
|
|
Re: ناس الزقازيق ... أجدع ناس .. (Re: Dr.Elsadig Abdalla)
|
Quote: (ويا الرشيد دي قصة ما شففني ليها حاج الركز )دي قصة سمعتها من زمن البرلمة |
عليك الله يا عفاف دي مشيناها ليك صدقناك بدون تدخل حاج الركز بكرة أكتبي لي عن أبوشوك و قولي لي حاج الركز ما قال لي أي حاجة... المهم شوفي يا عفاف سيبك من حاج الركز ده...ما يقول ليك شفتي يا عفاف نمشي لي صلاح علي صالح نجيب منو الصور نعمل ليها سكان وننزله...و لا نرسل زول يجيب لينا صندوق الصور داك الخليناهو في السودان...و أقول ليك حاجة يا عفاف ده حاج الركز البقول...تعالي نشتري لينا سكانر عشان كل يوم ننزل لينا عشرين صورة كده...عشان في أسبوع نوصل البوست الصفحة 166...زي المسلسلات المكسيكية مش زي بوست ناس الشعبية الكحيان ده...
عفاف حبابك وسيبك من خطط حاج الركز دي وكلمينا عليك الله عن الزقازيق في حقبة التسعينات حقتكم دي...سنة 93 أظنو منصور كان عندو أحمد...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
العم ابو مهند 000 مساء رمضاني جميل 000 على كدا اي مداخلة لي حتفتش ملمح حاج الركز فيها 000 وحكاية سهل دي اسمها حكاية لتحضير الزاكرة عشان اربط بين جيلنا وجيلكم 000 وانتو زاكرتكم خربة و بتفتشو على الكركم وانواعه 000 من متابعتي 000 حبل ود ممدود لزهراتك الورديات نجاة وامنية
تخريمة يا معتصم 000 سنة 90 انا كنت لسه بشراباتي في زراعة
| |
|
|
|
|
|
|
|