|
|
 Re: ناس الزقازيق ... أجدع ناس .. (Re: ميسرة سيد أحمد)
|
مرحب بالرئيس و الله ليك وحشة و افتقدناك كثيرا وانت
في المهمة المنتظرة و اخص بذلك لكوظ و ما جاورها؟
و باقي العشق القديم الجديد تلك المدنية التي وجدنا
انفسنا نحبها أكثر من أهلنا المصريين وتلك حقيقة يا
ريس كنت يوم الخميس في مكتب بالرياض مع أحد الزملاء
من المنصورة و عرفنى على أخ مصري بأنه من الزقازيق
وبالتحديد شارع القومية و دار بيننا حوار عن الزقازيق
وعلي طول فتحت ليه البوست و على الصور الموثقة من الفنان
نجيلة وجدته يصرخ و يقول هذه اللافته في ملتقي القومية
مع شارع الشهيد في منزلهم و استغرب للاهتمام بذلك و اكد
لي بأنهم لم يكونوا مقتنعين بأن بلدهم في اهتمام بيها
بهذا الشكل ؟ وافاد بأنه كان يعرف طالب سوداني يسكن بالقرب
منهم يدرس كلية الطب واسمه اسامة! طبعا هو المرحوم الدكتور
الشقيق اسامة؟
| |
 
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
نرحب بالميل الكبير الميل 50
لنحتفل باليوبيل الماسي للإنجاز الجميل
بقيادة دراويش البوست ،،،، مبروك للوصول
للرقم القياسي وما في قدامكم غير بوست واحد
وتكتسحوا جميع البوستات الموجودة,,
مبرووووووووووووووووووووووووووووووووووووووووووووووووووك
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
كيف تكون الحياة لو كانت عن طريق الكمبيوتر
تخيل الحياه Windows XP
وكل حياتك بكبسات
ممكن يبقي عندك مشكله؟؟؟!
الحياه حتبقي سهله والمشاكل تنتهي
مثلا لو في ازمه المرور حدد كل السيارات
Ctrl + A
واعمل لهم Delete وحتبقي لوحدك في الشارع
اعمل لحياتك
R#######
ولغلطاتك
Delete
وللماضي
Clear History
لو حسيت انك مش متأقلم علي الحياه إعمل
Format
ودايما افتح صفحه جديده في حياتك
New Folder
ولو ضاعت منك أي شيء دور عليه
Search
ولما تلاقي نفسك ناجح اعمل
Save As
لو حسيت بالبرد خذلك حبة
Anti virus
وكل ما تحس ان رتم الحياه بطيء
Restart
ودائمًا كن مرتب أفكارك
Defragments
وأي عقبة تواجهك ما تيأسش اديها
Control + Alt + Delete
لوحسيت انك تهت في الدنيا خلي الصوره واضحه
Win + D
ودايما اعمل جوله داخل نفسك
Alt + Esc
واختار الصح من جولتك
Alt +Tab
واقفل اي صفحه في حياتك مش عجباك
Alt + F4
واذا زعلت من واحد على طول
Shift +Del
حياة حلوة،،
windows NOW is shutting down !!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
ناس الزقازيق من طرف سلام مربع
تعرف الزول لمن يجي يلقي الجماعة بربطة معلم بتلقي ليك موضوع تتكلم فيهو
لكن الليلة البوست فاضي الناس كلها مسجلة غياب ، عشان كده إنكشفنا وبان
المستور ولقينا ما عندنا موضوع ، وما عايز أقطع ليكم الكلام عن كمال الياس
وياسر لورد ، عشان نتحرك لي محطة تانية لكن إنتو ثقلاء عاملين فيها تقيلين
بعدين الناس دي رمضان دساها كده ليه ... وين عبد الدائم ، عصام دهب ، جلال
، جلا ، محمد صديق ، بيضة الديك ، أقصد البادي ، حتي طارق جبريل عامل فيها
الواد تقيل ، ياسر نجيلة ديل الناس المداومين خليك من الناس غير المداومين
المهم شوفوا لينا موضوع نتكلم فيهو وما عندنا مانع
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
مبسوط جداً و نحن نتقالد فرحا بالميل خمسين ..
و عقبال مليون ميل يستوعب علائقنا الجميلة .. أخوتنا الخالدة .. و كل حاجاتنا السمحة و حتى خستكاتنا ..
مبسوط أنا لدرجة إني بكتب و أنا واقف و ما قادر أنتظر أجيب كرسي ..
سلام كبير اوي لكل الجدعان ..
و إن شاء الله دائماً تامين و لامين و متواصلين و في حنايا القلب ساكنين ..
يا زهير و حيدر حنين و يا ميسرة و صلاح الأمين و عبد الحفيظ عباس و تبيدي و يا منصور و جلا و الرشيد و محمد عيد و طارق جبريل و نجيلة و عبد الدائم النضيف و محمد صديق و أسامة أبتر و يا جاتم جبارة و صالح تيلدينا و أكووك وول و السهيلي مجذوب و مبارك جادين و البادي و و سامي و عثمان الجيلي و جلال و موسى عيسى و حاج الركز و سيف النصر و الصادق عبد الله و يا نجاة حوفي و إبتهاج و خالدة و آمال بنجاوي و خديجة حقوق و زينب التجاني سناء و صفية و نوال البلول و منى يونس و ياسمين حاج الطاهر و حنان خطيب و عفاف و يا سمؤل و عادل عبد الرحمن و عروة وعبد الحميد البرنس و هاني برعي و محي الدين على يوسف و يا طارق يا شبيكة و يا كل من فات على ذكره يا أجدع ناس بكل مقاماتكم السامقة و حضوركم الجميل ..
يا التابعونا و يا الجونا و يا الشحتفونا ..
و الله .. و الله .. و الله إنتم نعم الإخوة و الزملاء و حقاً أجدع ناس ..
مبسوط بكم أنا و الله مبسوط للطيش ..
ما قادر اتكلم و الوقفة غلبتني ..
لكن و الله بحبكم كلكم ..
متبعكم و حقيقي مستمتع ..
يلا أنداحوا ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
يا أبو الزوز...نلنا قسطنا من الحديث عن ياسر لورد و الشيخ كمال وتركنا مساحة للآخرين
ربما لم يعرفهم الآخرون مثلما غرفناهم أنا وطارق جبريل لذلك لا نستطيع أن نطلب منهم المساهمة
بما لا يعرفونه...ربما تأتي شخصية يعرفونها ولا نعرفها فيتحدثون ونصمت متابعين ومستمتعين...
أما فيما يخص الموضوع...فكثيرا ما ندخل البوست وليس لدينا موضوع مسبق ولكن بمجرد أن تلامس أصابعنا الكيبورد...تشع فكرة ما فنكتبها دون أن نراجعها أو نصححها...هكذا أحب الكتابة...و أنا ضد أن
أحدد فكرة ما ثم أكتبها في مكان ما بالكميوتر ثم انزلها بعد ذلك...فالطريقة الأولى تناسبني تماما
أحيانا أجد نفسي عاجزا عن الكتابة فتجدني أفتح الكمبيوتر ثم أغلقة ثم أفتحة و أغلقة وهكذا
حتى تأتي...حتى هذه أكتبها ليعرف الجميع بأنني غير قادر على الكتابة...
طرحنا من قبل الكثير من المواضيع ولم تجد حظها من النقاش الجاد الموضوعي...و ما زالت تلك المواضيع
مفتوحة ولم تغلق...و لا مانع لدينا من فتح مواضيع أخرى لندلو بدلونا فيها...
أنا من أنصار التنوع في المواضيع حتى لا يصبح البوست رتيبا و طاردا...شئ من الذكريات و الصور
و الطرافة و مواضيع تهم ناس الداخل والخارج...نريد لهذا البوست أن يظل جاذبا دائما للأعضاء وللمتابعين الذين يدهشوننا بمتابعتهم لنا.....
فتكم بعافية
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
مبروك الميـ50ــــل ياشباب
وتأتي روعته بعودة أن تكون المداخلة الأولى للريس
الذي وحشنا ... وفي موسم الانتخابات هذا انصح جلا بإعادة التفكير في الامر
وماتقول لي غصباً عنك وشنو داك خصوصا بعد ان تم تعيين موسى عيسى
مديرا للحملة الانتخابية بتاعة الريس والتى سوف يكون شعارها
Yes we can بقيادة الريس الفنان
اها يازهير عليك الله النجر عاوز ليه موضوع (رمضان مسخن معاك ساكت)
بالمناسبة/ شوف لينا تبلدينا وين ماعاوزينو يغيب تاني ....
انت عارف انا خايق محمد صديق يكون دخلوا السجن عشان مشاكلو مع كنار 
شكرا محمد عيد على الابداع .... شكرا الرشيد حمّال التقيلة وحامي الحمى
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
يا ريس ..
نكتب ليك عن مربع كاى ... اشهر معالم كلية الزراعة
تسمية مربع كاى وردت أصلا فى دروس مادة الوراثة
وهى معادلة حسابية علمية تستخدم فى عمليات التهجين واستنباط الاصناف الجيدة
من المحاصيل البستانية والحقلية ...
ولما كان فى كلية الزراعة حوض زهور كبير ابعاده حوالى 30 متر × 15
وكان المتكأ الرئيسى لمعظم الطلاب فى جلساتهم اثناء البريكات بين المحاضرات والسكاشن
وكانت حواف جوانبه التى نجلس عليها مصنوعة من الرخام الناصع .. فقد اطلق عليه السودانيون
هذا الاسم تعبيرا عن ارتباطهم به وتعبيرا عن اعجابهم به كواحة وارفة تحيطها الازهار
وبالتالى كانت تكثر فيه الجلسات الجماعية احيانا ..والثنائية كثيرا ...!!
بل ان معظم الثنائيات فى زراعة ولدت فى هذا الموقع الرومانسى الرقيق
والذى اصبح رمزا لكل قصة ولكل حكاية فى زراعة .. واحيانا لضيوفنا البياطرة
وسأبحث فى اوراقى عن قصيدة قديمة كتبها احد الزراعيين وهو يتغزل فى مربع كاى ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
والله يازهير إقتراح في غاية الروعة ... الالفة الرشيد من يثني
وذكرتني حاجة حلوة ....
في سنة 2000م كنت اخطط بالذهاب للسودان للزواج
وكان لي زميل سوداني ... قررت إدارة الشركة ان يتولى اعمالي لحين عودتي
بس الزول ده كانوا خايفين منو شديد عشان كان بتأخر عن مواعيد العمل وعادي جداً
الصباح بدل يجي الثامنة بيجى الساعة تسعة ومافارقة معاهو وكان يادوبك ليهو زي سنة كدة
وابو الكا عامل فيها شفت قام قال لي الزول ده عشان ينضبط انا قررت اديهو مفاتيح المعرض
والمصنع المقابل له عشان اجبروا يجي يفتح الساعة 8ص
وقرر كذلك انو سيارتو تكون مع السواق عشان يزعجوا ويخليهو يجي بدري
اها وحاتك اليوم التاني من القرار ده الشركة والسواق وزولك وباقي الموظفين داوموا الساعة تسعة
اها الزول ده انا عاوز اعملوا ليكم الفة لي منصور 
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
محاولة للتسلل ليلاً
كنت عايز أسرق لي حاجة
لكن لقيت ناس الحوش العزاااااااااابة صاحين حتى الدقيقة 50
الحمد لله رجع الريس
ونحن تعبنا في الفترة الماضية من قلب الصفحات
المهم الحمد لله وصل واستلم رايتو
أنا بس جيت أعاين
ياسر لورد
كنا نسميه بالراجل
في أحد مباريات بيطرة وتجارة
فريق بيطرة خطر جداً
و الوحيد الذي كان بضايقنا
لكن كنا بنباصرو
الجناح حاتم جبارة
الباك محمد آدم (جلا)
الزول دا كان جرا ...معناها قون
إشتغلت معاهو...كجم...ودق في الركب
بي كورة بدون كورة
يمشي يشتكي لياسر الراجل
يجيني لورد طاير و يقول لي و الله الزول دا تهبشو
أجيك ألعب ليك جناح... أعمل حسابك
قلت ليهو براحة ... و بعدين في حكم
يقول لي خليني من الحكم
شقتكم وين؟؟؟
في وقتها هاني برعي و وليد أبو القاسم يقولو لي
جلا ما تخاف نحن معاك
معاي؟؟؟ إنتو دايرين تودوني مكسر لأهلي و لاشنو؟؟؟
موسى عيسى يقول لي
أول مرة أشوف لي عب يخاف
و الكورة إنتهت ونحن غالبين كالعادة
يجي لورد و يقول لي بطيب خاطر
ياخ إنت صدقت ياخ دي كورة
ومن ديك ياسر لورد صديق ناس تجارة
و معانا في أي حفلة في الصفوف الخلفية
الله يطراهو بالخير
أحبكم لغاية حاتم جبارة يجي البوست
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: يجيني لورد طاير و يقول لي و الله الزول دا تهبشو
أجيك ألعب ليك جناح... أعمل حسابك |
هو طبعا اصلو مابكون قالا ليك بالطريقة دي، بس لا المكان ولا الزمان
بيسمح نقول قالا ليك كيف
أنا غايتو لورد مااظن لعبت قدامو كتير لاكن اكتر اتنين كرهوني الكورة
هاني برعي - ورضا اب ردا وخصوصا في العهد الذهبي لتربية
وذلك في الاعوام 89 - 90 حيث غلبنا حتى معهد تجاري المليان نجوم
ولا شنو ياكوتش ... اشتقنالك
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
| Quote: و عقبال مليون ميل يستوعب علائقنا الجميلة .. أخوتنا الخالدة .. و كل حاجاتنا السمحة و حتى خستكاتنا .. |
سيد الحوش .... ياخ وجودك يسعدنا ونحس بالامان
نتمنى ان تنمو هذه العلائق حتى الجيل الثالث من الزقازيقين
يعني حتى جنى جنى جناكم
لكم كل الحب
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
مع السلامه يا جماعه ..ماشي المطار بعد قليل ،،،،الى اللقاء مع المستنقعات ،والبرك ،والبحيرات الطبيعيه وسط العاصمه ... احتمال الواحد يفكر يتعلم العوم ،علي الأقل ممكن يكون أمان من الغرق ،،،لكن ممكن الواحد يطلع بحاجات أزفت من الغرق ..
نشوفكم
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
توارد أخطار زقازيقي مرهف جداً
حين شاهدت الإبداع بتاع محمد عيد
عجبتني الفكرة تماماً وقلت أعمل إدن منه
ولكن بدأت أقراء ما هو مكتوب ووجدت إن افكارنا
متقاربة ولنجعلها إحتفالية غير مسبوقة بالميل خمسين
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
في الميل رقم 44 على ما أعتقد تم تنصيب أخونا جلا زعيماً عن إمبراطورية ميم
وإحتج أخونا منصور عبدالرازق لعدم ورود إسماؤنا بس ما لم ينتبه له الجميع بأن
نحن هم إمبراطورية ميم الحقيقية ولا يوجد زقازيقي آخر يتمتع بهده الخاصية أكثر مننا
* ميسرة
* منى يونس
* محسنة ميسرة
* مندر ميسرة
* مشكاة ميسرة
وقد إختار الله ثلاثة من الإمبراطورية وهم
- مؤمن ميسرة
- مهتدي ميسرة
- مروان ميسرة
المنافسة معدومة ياشباب حتى جلال عثمان ما بقدر يلحقنا
لو في موضوع عن إمبراطورية ميم لازم ترجعوا لينا علشان نديكم الإدن
- ملحوظة ضعوا نقطعة في معظم حروف الدال علشان الكمبيوتر رافض يكتب الحرف بشكل صحيح-
يا منصور كتبت عن أخونا عبدالحي إستحق المحسي خريج كلية التجارة وهو يعمل بالسعودية بمنطقة قريبه من
الرياض سوف أتحصل على تلفونه عن قريب من ناس أهله يوم أمس كنت معاهم في الدقي - وهو متزوج وله طفلان
يا جماعة عندي طلب ممكن واحد يرسل طرقة كبيرة عن رمضان الحالي بتاعة حلو مر يرسلها لأخونا طارق جبريل بدل
من شحتفت الروح ديو،،،، لازم يغير عتبت الحلو مر .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
| Quote: المنافسة معدومة ياشباب حتى جلال عثمان ما بقدر يلحقنا |
والله ياميسرة افحمتنا ...
بس تعرف نحن نقر ونعترف بانكم اصل الامبراطورية
لكن البلاط الملكي ده ياخوي مامحتاج لي وزير؟
دكتور الصادق نتمني لك رحلة آمنة لربوع الوطن وتصل بالسلامة إن شاء الله
يازهير وين الافطار بتاعكم ... والسؤال مجير لي ناس الرياض
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
Quote: يا ميسرة والله طرقة الآبري بقت زي البنقو
نشمها وندخلها |
والله ياطارق حاسي بيك تعرف اتذكرتك اليوم
كنا معزومين على الافطار عند جماعة بلدياتنا من القرير
وعندهم شافع شليق كدة كشح فوقي كباية آبري ...
اهه كانت ردة الفعل ان قلت:
وا هملة الآبري الما لاقيه طارق ده
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
وفى غمرة احتفاءنا الجميل بالوصول القياسى للميل 50
يحز فى نفسى ان يغيب عنا فى هذه الليلة الجميلة
اخونا وحبيبنا الكومندان محمد صديق ..
ولعلم الجميع .. ولما كنا فى الميل 25 او 26 ودعوت الجميع
للدفع بقوة لمنافسة البوستات الأخرى ...
كان محمد صديق هو من أطلق شرارة وشعار
الى الامام للوصول الى الميل 50 ..!!
لهذا وجدت لزاما علىّ الاشارة لهذا الامتياز المسجل باسم جنابو
****
حبيبنا محمد صديق ...
سألتك بالله ان تخرج من قوقعتك وتنداح علينا ألقا وعبقا كعادتك
واجعل عبيرك الشذى يملأ ارجاء الحوش مثل فواحة الياسمين ...
******
الله معاكم يا شباب انا بكره حأسجل غياب
لأنى حأكون باذن الله فى بيت الله الحرام ...
تقبل الله منا ومنكم واشوفكم بكره آخر الليل
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
| Quote: وا هملة الآبري الما لاقيه طارق ده |
يا جلال ياخي كان تقول للشافع دة يراعي مشاعرنا
لكن يا حبيب الليلة عندنا فطور الجالية اكيد الحلو مر حب اطرش بنتقم ليك صاح
يا محمد عيد انت وين تطير محمد صديق دة
جنه حب وشعر حُب
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
Quote: الله معاكم يا شباب انا بكره حأسجل غياب
لأنى حأكون باذن الله فى بيت الله الحرام ...
تقبل الله منا ومنكم واشوفكم بكره آخر الليل |
يا محمد عيد...انت البينك وبين بيت الله الحرام 45 كيلو...يعني جكة بتصله...قول قضيت اليوم
كله هناك...ايه المانع تجي بالليل...
ربنا يتقبل منك الطاعات و الصيام و القيام و كتبها لك في حسناتك ان شاء الله...نحملك أمانة الدعاء لنا بظهر الغيب...فادعو لنا عند المقام و عندما تلامس الحجر ان استطعت الى ذلك سبيل وفي طوافك
و في سعيك...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
عندما جئت الى مدرسة الأميرية مدني في نهاية الصف الثاني كنت قادما من مدرسة العمارات النموذجية بالخرطوم العمارات...و كنت وقتها اضع نضارات نظر سداسية الشكل...فكنت كلما يسألونني من أي مدرسة
قدمت أقول من مدرسة العمارات...مدرسة العمارات و نضارتي السداسية الشكل جعلت زملائي ينظرون الي
و كأنني هاري بوتر...الحنكوش القادم من عالم خرافي ...و هكذا...
في أحد الأيام حاول فتى ممتلئ الجسم استفزازي على حس العمارات و نظارتي السداسية الشكل وهو لم يكن
يعلم انني قبل العمارات كنت قد قضيت سبع سنوات ببانوسة...و كانت مدواساتي مشهورة جدا ولكن للأسف
لم تصل شهرتها الى مدرسة الأميرية...لم يعجبني استفزاز الفتى الممتلئ الجسم فتعاركنا وتساقطت
الأدراج و الكراسي و عمت الفوضى المكان...انتهت المعركة وعرف زملائي بل وكل طلاب المدرسة الأميرية
بأنني لست ما أوحاه مظهري الخارجي لهم...
مرت أيام ثم تصالحنا أنا و الفتى الممتلئ الجسم...ثم أصبحنا أصدفاء ثم عرفت أنه يسكن في حيينا
بحي الدرجة وقريب من منزلنا...أنه طارق عبيد حاج علي...و الذي بعدي بسنتين الى الكلية...
طارق عبيد من الشخصيات المؤدبة الللطيفة...وبحكم توجه منذ المرحلة الثانوية انتمى الى الاتجاه
الاسلامي...
لم التقي بطارق عبيد بعيد تخرجي من الزقازيق ولكن تصلني الأخبار عنه أحيانا من هنا و هناك..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: مع السلامه يا جماعه ..ماشي المطار بعد قليل ،،،،الى اللقاء مع المستنقعات ،والبرك ،والبحيرات الطبيعيه وسط العاصمه ... احتمال الواحد يفكر يتعلم العوم ،علي الأقل ممكن يكون أمان من الغرق ،،،لكن ممكن الواحد يطلع بحاجات أزفت من الغرق ..
نشوفكم |
يا ناس الداخل و خصوصا زهير و محمد صديق الزول ده كابي الجرسة قبل ما يصل...أنظر الى الكلمات
التي تحتها خط...و أنا أعذره فلقد كنت أعاني من نفس السودانوفوبيا قبل أن أحضر الى الخرطوم..
صحيح ان الوضع الآن استثنائي الا ان تمانية أيام دي ما بتكتل ليها زول...سردب ساكت و لوك الصبر
لحدي ما تتخارج ترجع...
و أنا أناشد ناس الداخل و أقول لي محمد صديق:
سألتك بالذى ركز الارض معبد
وسوى الفاس عليها مقام
سألتك بى حشا الأُمات ودمعاتنا
سألتك بى كبيداتن ودعواتنا
انك ما تقصر مع دكتور الصادق...أذا كان طلبة مدرسة الآميرية في مداخلتي السابقة كانو يعتقدون
انني هاري بوتر ...فدكتور الصادق ده هاري بوتر عديييييل كده...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
مسدار أبو السرة لليانكي...رائعة محمد طه القدال هذا جزء منها مهداة لمحمد صديق عشان يمرق بره وبقول ليهو انت استمرءت الغياب و القصة ما قصة كنار...
مسدار ابو السرة
لليانكي
اماتي القبيل بي حنهن لقني
كرفة وقلدة كيف شوف اللبن
رجنّي حزنا جاني في
ميع الصبا يلجني اطلع
مني يا جلدي المنمل جني
واطلع مني يا حزنًا بقى مكجني
خلني ابدا مسداري
واودي قفايا لي دارا بقت مي داري
جيت الجلدي بيني وبين عضايا الشحمة الا النار بقت قدامي
جلدي الليلة بيني وبين عضايا المافي
الا تراني شوال الكبس نفيخ جلاليب الورم هدانّي
في جلدي الورم قولنلي ولا صحي الورم عضاني
سفريتك مي في النية
ماها الكانت محرية
خابراك عريف زم العربان ولّا قيام الوردية
مالك تريان ومندي كاسي الكتان والهندي
قولك ككيف ترجى البيشان ولا الغربة البي زندي
برق العبدلي الوزني ما طاش يا جاب المزن
فرق ياالضيف فعل الغضبان انفر ثيران الحزن
شن القعدة يا ابو السرة شن القعدة
في ضل العمارات ام كمرتًا بره .. ضقنا الحنضل اليانكي
وبلعنا المرة كملت كوتة التمباك صقعنا الجرة
وكت اتقفلت شقيش قبل بالمرة لن
يأمرنا في بلد المعاني الحرة
الشم خوخّت بردن ليالي الحرة
والبراق برق شوف عيني الصقير بي جناحو كفت الفرة
تلقاها ام خدود الليلة مرقت برة
مرقت برة تغلي مديدة الحلبة التسمن ردفها
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
عايز أكون من سكان الليل
اللهم أهدنا و اهدي بنا
الرشيد صورتك و ابنك في البروفايل جميلة
و لكنك أخليت بما تم ألأتفاق عليه
وكذلك طارق جبريل
عارفين الطيب صالح قريبك
لكن ادينا فرصة واحتفل على طريقتنا
أحبكم و انتو جايين من البيت الحرام
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
وهذه يا الرشيد
حاج تلب مهداه للأخ العزيز محمد صديق
وحتى يعود سنشبع هذا البوست مسادير وشعر حتى مجيئه
شيخ تلب
حزينة و جوفك دمدم حزين
حزنت و قلبك الحازن خلي
تعدي الحلم الشفتيهو قديم
وتملا حارسك قلبك ملي
و كل ما هبهب قاصدك نسيم
يلهب جلدك كضباً طلي
فطمت جناك و حضنك رحيم
وحنَّك تب ما صابوالبلي
سمعت غناك و صوتك رخيم
شديد أوتارك زايد حلي
عرفت الغم الصارلك نديم
وشفت الكون بي شوفاً جلي
لقيت الكاتلك كافر زنيم
وانت وحيدك قلبك ولي
ـــــــــــ
يا شيخ تلب ازل كبكب
وارمي الحترب في الميضنة
في الباردة تعب لي الحارة تسب
عجمان وعرب في الميضنة
البس خضرب وادخل قصرب
والحس و اشرب في الميضنة
دي الدنيا تهب شقيش ما تصب
القبلي حرب
لي سيدك حب لا تخشى ضرب
لي يوسف جب في الميضنة
دقناً و شنب درويشنا يسوق
تايوتا تكب في الميضنة
يا شيخ تلب وين الزغلب
الكان تلب
ديل صبحو غرب
أم اضحو جنب
في الميضنة
ــــــــــــــ
يا شيخ تلب ازل كبكب
وارمي الحترب في الميضنة
كبس الحال علي
و الحال قبض يا سيد
غبناً فينا كج
أوتادو جنبي معيد
مو جنا تجيب
سلسل جنازرو تقيد
بلا غيبوبة البلد
النصيح ونصيد
كنا تلاتة
ود النوق و ديك وعتيد
قلنا نكمل الفرض
العلينا نشيد
جينا عليكي يالمحبوبة
شوقنا يأيد
بقينا ضهابة متل زولاً
ضرير وقليد
ود النوق دا بكور
العليهو يشفق
بقى يتباطى
في خبة مشيهو يلفق
ان جاهو العلوق
صيحة نفاقو تنفق
اصبح جدوا وكل
ما شافلو سلقة يصفق
وديك الجن
رفيق همي وغناي و فني
سوا طريقو في نخبة
وصبح متهني
ما هماهو باسط مية
سكرة يني
كل ما شافلو زفة
جديدة فوقة يغني
يا عتيد الرماد
نط الحيط بالزانة
تفضي الخانة
تلقى جنابو سيد الخانة
فارش دارو لي اسيادو
بيت كرخانة
غافل ضبحة الفجري
وجري السلخانة
يا حميد اقيف
شوف الخلوق محنانة
كفكف دمعتك
و العبرة فوت خنقانة
عسلك سال بحر
فوقو النحل ونانة
ياد ان طاق غرق
جازاك دبابير دانة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
الجزء الأول من الطمبارة و الغناي مهداه للعزيز محمد صديق بمناسبة غيابه
اهل الفرحة جينا
لا المدامع وقفتنا
و لا الحكايات الحزينة
لما درب الرايحة جابنا
جابنا في هادي المدينة
يا ولي الدروب شقاقا بحر التيه
ليك درب و لا دربين
مساك الدروب ضهاب
ليك قلب و لا بالين
سواي القلوب كضاب
ليك ضهر و لا سرجين
ركاب السروج و قاع
شق يا ولدي بحرالتيه
بتندر و تتودر
و لامن يوم علي تايتنا ديك ترسى
نعزك بالقبيل داخرينو ليك
الشوق بحر يا ولدي بحراً تيه
قت ليك العليك أدرابو لا تنغش
و لا ترضابو لا تنغش
في الزمن الزمين و الكي يسوقو خلاف
عشان الني
عليك الدور... و تصريف الليالي بدور
تشيل ما شلنا من الهم
و لا من دمعة ترمي الدمعة فوق دربك
روح يا با..
وابق قفاك لا تعاين
و لا تعاين علي موطاك
و لا تندم علي خطواً تملي مشيتو لي قدام
أحبكم يا ناس الليل
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
الله يختك يا الرشيد
فتحت لي طاقة تنسد متين ما عاف
إنشاء الله جنابو يسرع يجينا
و يواص القدال
و ابقى العاتي زي سنتطتنا زي صبراً
نلوك فوق مرو زي الزاد
لا شيتاً نزل في الجوف
و لا برجع و لا بنزاد
واركز للبجيبها الريح
تقيف انت و يشيلها الريح
وابقى العاتي و الدرب الوراك مسدود
وشيل شيلتك بقيت للنص
لا حلماً بجيب البر و لا حدود
و إن بلينا اختا الرملة ما تقع البكان الهش
دي الممطورة ما بتبالي من الرش
النعمة بتعرف عاطيها
و الجمرة بتحرق و اطيها
بالكيلة اعطانا وما لفينا
فوق جمر خطانا و ما لقينا
أحبكم يا ناس و أحب سحوركم
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
الله يخرب مطنكم يا ناس الليل
و الله محمد صديق معزتك عندنا بالدنيا
لكن سهر الجداد ما عندنا ليهو عيون لكن
نهاية الطمبارة و الغناي
يوم الوعد...
يا حليوة فيك الدنيا ما كانت شروق
إلا الأرض متكشفة و متبلمة
نعمنو من خير الخريف لا فحالها شال
يوم الوعد...
و الفرحة خضرا
فرحة دوب تتشابا لي عين الشمس
يوم الوعد...
و البت حليوة النفس بيضا كذا الحليب
و الروح مشحتفةفي البلود الفيها ريحتك
للبعود من فزعة الغربة البساسق
فوقها مو راجع و لا بالحيل قريب
الروح مشحتفة في لحبيب
القلب بكر
الدنيا ما شافت جديدو
ولا الحزن دقالو باب
لو شفتي كيف يوم الوعد
كيفنو مترامي الغمام
و القمري زغرد للبلوم
و النسمة هبت مرتين
يا حليوة يوم ديقيت بأرضك فاس خصيب
و التانية في يوم الوعد
و الإيد تسالم في الإيدين
و الأم تقالد في جناها تشمو زين
وحليوة صاحية حليوة ضاحية كذا النسيم
و الدنيا غيم وحليوة جد جد يا ولد
قول للبلد
قايل غناوي الحزن ليش
شايل مساديركمجامر دمع ليش
ليش يا بلد و الناس تريد
و الدنيا كل ما نريد تزيد
تملأ الإيدين تفرح تهش
تفرح تهش تملأ الإيدين
لو صحيح غنينا بالدمعة الحميمة
لو دموع الفرحة ما لاقت غنانا
بكرة نرجع تاني للكلمة الرحيمة
شان هنانا شان منانا
شان عيون أطفالنا ما تضوق الهزيمة
أحبكم يا ناس هوي
زهير يا دوب انا عرفتك زغت من ناس الليل ليه
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
اليوم السبت الموافق الثامن رمضان الفترة الصباحية والساعة
العاشرة بسم الله نبدأ برنامج الصباح بالتحايا للسادة اصحاب
وردية الليل و ناس الدبل ربنا يديكم العافية وفيتو و كفيتو!
و سلام هوي ناس البوادي و البندر و ناس الريف والكندر.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
مرحب بالرئيس و الله ليك وحشة و افتقدناك كثيرا وانت
في المهمة المنتظرة و اخص بذلك لكوظ و ما جاورها؟
و باقي العشق القديم الجديد تلك المدنية التي وجدنا
انفسنا نحبها أكثر من أهلنا المصريين وتلك حقيقة يا
ريس كنت يوم الخميس في مكتب بالرياض مع أحد الزملاء
من المنصورة و عرفنى على أخ مصري بأنه من الزقازيق
وبالتحديد شارع القومية و دار بيننا حوار عن الزقازيق
وعلي طول فتحت ليه البوست و على الصور الموثقة من الفنان
نجيلة وجدته يصرخ و يقول هذه اللافته في ملتقي القومية
مع شارع الشهيد في منزلهم و استغرب للاهتمام بذلك و اكد
لي بأنهم لم يكونوا مقتنعين بأن بلدهم في اهتمام بيها
بهذا الشكل ؟ وافاد بأنه كان يعرف طالب سوداني يسكن بالقرب
منهم يدرس كلية الطب واسمه اسامة! طبعا هو المرحوم الدكتور
الشقيق اسامة؟ نسأل ان يجزيه عناخير الجزاء و ان يسكنه فسيح
جناته و ان يبدله أهلاً خيرا من اهله و دار خيرا من داره .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
موسى عيسى
حمد لله بالسلامة
لو رجعت كم ميل كدا لي ورا
لوجدت دروس مجانية
في كيفية تحميل الصور للبروفايل بتاعك
أو تحميل الصور داخل المداخلة
و بعدين انت من زمن رسل لي في الإيميل!!
لو مررت المؤشر على الصورة
ستجد مجموعة خيارات
منها حفظ
ويمكنك أن تحفظها حتى و لو في جيبك
خوفاً من السرقة
على العموم نتمنى أن تنزلها في البروفايل
ونحتفي سوياً بالميل خمسون
على طريقتنا وعلى كيفنا
نرقع بوستنا أو لا نرقعه
أحبكم في الصباح الباهي لونكم
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
صابرين على غياب الكمندان
ولكنه حتماً سيعود وسنظل صابرين بي روائع القدال
صابرين
على حزن الغنا
صابرين...
من بعد الضنا
صابرين....
على وعد المنى....صابرين
ــــــ
برجاك يا وقت الحبيبة
وبلقاك في الفرحة القريبة
وبشراك يا أم السنا
ـــــ
لا ليل و لا حزن طايل
لا صد و لا دمع سايل
لا هم جاك يا ام نفايل
و النيل فاض و انحنى
نيلين و حلمك هنا
فرعين شايلين جنا
عشرات حبابك
سلامات...
يسلم شبابك
سلامات ...
شايل سحابك
سلامات...
و القبلي شايك
سلامات...
خيلك سنابك
سلامات...
وهواك هنا
صبين
عاشقين ترابك
حزنين
أحبكم يا ناس خمسون ميلاً
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
أنشودتان
من أناشيد الزنادقة الأم
للقدال يا ناس الليل ....الموجودين بالنهار في البوست
ودا كلو في شان ود صديق الغائب
1
الصحوة
صباح يا محمد يبقى الحريق
ومن تحتين المجرى التحت
تشم الطينة و يقسى الجلد
و عضمك يقوى و عزمك يلد
وتبقى بحولك ساكر ثمل
و تجي يا محمد متل البريق
لونك شفا ودربك همل
كلمتك هانت متل النعيق
و صوتك بح و صبرك كمل
و تجي يا محمد داخل الفريق
ورجعة دارك لم الشمل
عرقك نازف متل السليق
مسافر سارد صوتك سرك
تصفي حسابك منا وجديد
و تجلد تجلد لامن تفيق
تخلص حقك قبل الحريق
ضريبة الحق اان صابت تخيب
وجرحاً كاتم ما بندمل
طلبت الرفقة وزاد الطريق
لقيت الحب في بيت النمل
أحبكم في الأنشودة الأولى
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
ياالحبيب جلا صباحتك بيض و ليك وحشة .
أولا تشكر على المعلومة لكن برضو سنيرك
وثانيا والله نسيت أقول ليك بأن الاستاذ
احمد اسماعيل (باك السجن) بالسودان ليه
اسبوع بالتمام والكمال لذا نأمل البحث
وعمل اللازم و كنا عايزين نشوف جلسة سمكية
خاصة لكن رمضان و خايفك تقول لي السمك
بعطش؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
يا جلا وينك انت يوم الاربعاء فتشنا عليك كل
الأماكن الممكنه والما ممكنه خفت يكون شالك
ودمبعلو(لغير اولاد الخرطوم) أنا عارفك اليومين
دي متسحسح شويه و عامل فيها ........زمان .
بالله يا جلا اهتم بموضوع احمد اسماعيل انا حاليا
ببحث في الحصول على تلفونه بالسودان لأني علمت
أنه غدا مسافر لنيالا و كذلك الاستاذ عصام جلي
المتواجد حاليا بمدني السنى وتلفونه 0917578466
و ممكن يساعدك في الحصول على احمد اسماعيل
| |
|
|
|
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
أحبك يا موسى و إنت كدا
اتصلت على عصام جلي
واتضح أن والده طريح الفراش
نتمنى له الصحة و العافية
أحمد اسماعيل لم أتمكن من الإتصال به
ولم أجد تلفونو عند عصام جلي
المهم سأسعى للوصول اليه
احبكم يا ناس وانتو مؤجزين
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
يا الرشيد
محمد صديق...الكنار معاهو ما شغال
الله يخت محنك يا تبلدينا
ما تخارج لينا الزول دا!!!
الأنشودة الثانية للقدال
2
أغنية أخيرة للأطفال
قمر الحلة الضوا
و القنديل شن سوا
و ليشن يا ود حوا
طالق فينا العوا
ناس الحلة الغادي
سوو الجامع نادي
صوتك فوق الرادي
كلباً نابح وصادي
أولاد الحلة الفوقنا
سارقين نمة مربوقنا
من مرك يلثع ضوقنا
ومن خيرك ناشف سوقنا
أولاد الحوش التحتاني
لاعبين حرت و حرامي
نضماتك فايته أضاني
نماتك مي في لساني
أولاد الحلة أم بوره
شلناها عليهم شوره
شايفنك فوق الصورة
يا كاسر كل مجبوره
أولاد الحلة ام ناله
لاعبين كارو و عتاله
يا ساتر من ها الحاله
الفال الخير ما فالا
نحن اولاد قدامي
لاعبين عسكر و حرامي
ايدينا المطر الهامي
لاعبين عسكر و حرامي
ولسانا السهم الرمي
لاعبين عسكر و حرامي
ابدا ما فينا حرامي
لاعبين عسكر و حرامي
بس درنا اللعب السلمي
لعب العسكر و حرامي
واحدين اليبقو العسكر
واحدين اليبقو حرامي
ناس أحمد يبقو العسكر
ناس سامي اليبقو حرامي
ناس أحمد قبلو العسكر
ناس سامي القبلو حرامي
ما فرقت يا ناس أحمد
ما بتفرق يا ناس سامي
ونحن اولاد قدامي
لاعبين عسكر و حرامي
لاعبين عسكر و حرامي
أحبكم يا ناس وانتو حرامية
| |
|
|
|
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
سلامات ياناس
Quote: صابرين على غياب الكمندان
ولكنه حتماً سيعود وسنظل صابرين |
وكما تم تنفيذ اقتراح الرائع زهير .. وتجمل البوست
باحتفاءنا بالميل المعشوق ..
ولما كان ابتعاد الكومندان قد تواصل .. ربما تضامنا مع تواصل
امطار الخرطوم هذه الأيام ..
فانى اقترح ايضا ان نفتتح مداخلاتنا
بافتتاحيته المعهودة .. سلامات يا ناس ..
فعد يا ايها الفارس ممتشقا سيفك البتار ...
فارضنا الجدباء اشتاقت لمشى حوافرك فوقها ..
وأعيننا التى اضناها السهر فى توق لأحرفك التى تسكب
لنا الألق من أثداء الجمال ..
عــد الينا ايها الرجل ...
فلا يمكن ان نتجاوز هذه المحطة المهمة دون ان ترافقنا فيها ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
سلامات يا ناس
الله يسألني يا محمد عيد
قايلك ياهو
وقلت الزول دا أنا اتكلمت معاهوقبل شويه
وقلت ليهو الناس قاعد تجقلب
حتى الريس
وين انت مالك رمضان زانقك ولا شنو؟؟
قال لي ابداً و الله
شغال بي كنار و المسألة تأزمت
لكن عليك لي
أمشي محل نت كافي
إنشاء الله أقول سلامات يا ناس
وابقى مارق
محمد عيد
إنشاء الله دعيت لينا بظهر الغيب في الحرم المكي
إذا لم يكن ذلك كذلك
بالله أدعو لينا الآن
أحبكم يا ناس و سلامات
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
شوف الشغل النضيف دا الانضف من عبدالدائم!
هاك يا جلا تلفون الاستاذ احمد اسماعيل
00249907397933 الله يستر و يطلع كنار و
يقوم تبلدينا يهكروا ليه زي ما عملها في
جنابو و نقول ليه سلامات يا ناس ! والجاتك
في كنارك سامحتك الله يرجعه للميل الخمسون
بالسلامة لان الميل دا محتاج ليها لترس تقيل
و بالله يا جلا شوف صحبك عصام جلي دا جيب لينا
منو تلفون حافظ ابو عاقلة واللورد علشان
نتفك من قفلة محمد عيد الماسكني بيها كلما
اعمل مداخلة ينط لي وين تلفون ابوعاقلة؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
Quote: فعد يا ايها الفارس ممتشقا سيفك البتار ...
فارضنا الجدباء اشتاقت لمشى حوافرك فوقها ..
وأعيننا التى اضناها السهر فى توق لأحرفك التى تسكب
لنا الألق من أثداء الجمال ..
عــد الينا ايها الرجل ...
|
محمد عيد...عمرة مباركة...تقبل الله...
أنت من هناك مشيت غشيت سوق عكاظ يا زول ولا شنو...و لا الأيام دي متابع ليك مسلسل ديني....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: الرشيد صورتك و ابنك في البروفايل جميلة
و لكنك أخليت بما تم ألأتفاق عليه
|
جلا انت متلقي حجج ولا شنو...أنا بتين اتفقت معاك ولا مع زول...كان اقتراح من زهير و استجبنا
له للفتره التي نراها تناسبنا...جيت انت قلت لحدي الميل 51...ما عجبتنا الفكرة لأني أتفق
مع طارق جبريل أن توحيد البروفايل عمل لينا طشاش...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: الله يختك يا الرشيد
فتحت لي طاقة تنسد متين ما عاف
إنشاء الله جنابو يسرع يجينا |
يا جلا أنا قلت أنزل مسدار أبو السرة أجيب بيهو محمد صديق طالع بره...انت تقوم تنزل الديوان
كله...انت عايز تجيب محمد صديق ولا عايز تجيب القدال زاتو...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
Quote: ســلامات ياناس
غيابك طال *** كفاية تعال
وبس |
س: ما هي اشحتف مداخلة في البوست؟
ج:مداخلة جلال أعلاه...
س: ما هي الأسباب الموضوعية وراء الشحتفة دي؟
ج: نستبعد مراقبة الكفيل لأنه مافي كفيل في الخليج كله بيصحى في نهار رمضان...يقرفك
بالليل ممكن لكن بالنهار وفي رمضان..مستحيل...
امبراطورية ميم ....الله أعلم...لكن أيضا مستبعده...
جلال كابي الجرسة...احتمال كبير...الأيام دي درجة الحرارة تصل الخمسين...اذا الاجابة
جلال كابي الجرسة...
جلال أعمل زي العربي...أبلع ليك جقيمات موية مع الوضوء.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
سلامات يا ناس
تقبل الله من الجميع صالح الأعمال
Quote: أنت من هناك مشيت غشيت سوق عكاظ يا زول ولا شنو...
و لا الأيام دي متابع ليك مسلسل ديني.... |
رشيد ..
عارف كلما الواحد تعمق فى الايمانيات والروحانيات
تلقاهو قلبو زاد تعلقا بالشعر سواء كان موزونا او منثورا
وتخيل لما رجعت امبارح قريب الفجر ودخلت البوست .. ولقيتك انت وجلا
وهاك يا مجادعات بالمسادير وروائع المبدع .. قدال ..
تخيل قعدت أقرا فى مداخلاتكم باستمتاع ( واسـتمخاخ ) للطيش
لغاية ما قرب مدفع الامساك يضرب وانا ما اتسحرت ...
وبعدين جنابو ده ماهو زولا هين ياخى ..
انشاء الله كنار دى عيشتها تطير ياخى
محمد صديق ..
ياخى شفـــّط لكنار وضع يمينك فى يدى ..
واذهب للنت كافيه والحقنا بمداخلة ولو سريعة
قبل ما الريس يقلب الميل ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
يا الرشيد نحن قبيل شنو قلنا قلنا جلا حياكلنا؟
نحن كلمناك ما تسمع كلام جلا ما صدقت اهو يقولك
اتفاق و يقوليك انت مبصم فيه كمان، و بيني و بينك
افضى لي بسر توكيلك ليه باعمالك في السودان ؟ هنالك
تفاصيل مثيرة سوف ابعثها ليك بالإيميل ؟شغل نضيف !
يا النضيف يبدو الجرسة بتاعة زهير اصابتك في مداخلاتك
وفكاها فيك زهير طبعا اليومين دي الجو عندهم رهيب يعني
ما في جرسة ؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
سلامات يا ناس
| Quote: غايتو يا محمد عيد الناس الصورهم فى الزيرو ديل حقهم راح |
ما يهمك طالما معاك الريس في الزيرو
معناها انت الأميز
ما يهمك....طالما معاك الرشيد في الزيرو
معناها انت الأول
ما يهمك.... طالما معاك محمد صديق في الزيرو
معناها انت الأفضل
ما يهمك.... طالما معاك محمد عيد في الزيرو
معناها انت الأشطر
ما يهمك.... طالما معاك موسى عيسى في الزيرو
معناها انت الأخطر
أما إذا معاك كل من
جلا و زهير و مبارك جادين ومحمد المرتضى و جمال فارح
فيا الحوري و سامي وسيف النصر
ما تعاينو لي كلام عبد الدائم
و ما شوفو ليكم حتة تانية تقومو تسكنو فيها
أحب ناس الزيرو الكبير و الصغير
| |
|
|
|
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
يااااااااه
ده محمد عيد ده , ولاجنة ياخى
انت يا ولد متأكد قريت معانا زراعة
واقتصاد زراعى كمان
مرات لمن نشوقك فى المحاكم شايل روبك ونخلى المحاميبن يقولوا الرووووب
فى رمضان ده
نقول الزول ده كان مع ناس منو يا ربى ؟؟ مع ناس منو ؟؟
الشغلة كمان جابت ليها (آرت ويرك )
خمسين والجوكر بايظ
خمسة وجنبها صفر
والله يا ود عيد
بقيت ما زى زمان
ماشايف ليك ولا شكل صفقة , ولا ورقة نبات , (علما بان الصفقة والورقة هما نفس الشىء)
لكن خفنا على الجماعة الما بتقع ليهم صفقة
تقع ليهم ورقة
حتى الأقتصاد الزراعى , ما شامى ريحته
انا شايف وشامى بس فنون جميلة
ابدعت والله , ومبروك الميل خمسين , وان شاء الله تقطعوهو بى عرق العافية
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
لمن قبل يومين كده دردقت الرشيد وبس جبت ليهو سيرة ياسر لورد
كنت عارف الحايحصل ده
فأنا اعرف الذى بين ياسر لورد والرشيد
فكان ان نتج عن تلكم الدردقة , اندياح الرشيد الآسر ذاك
ووحوحة طارق جبريل , ثم استطراده عن المرحوم كمال الياس
ووعده الممتد بالعودة الى عالم ياسر لورد
ذهبنا الى مدنى , انا والرشيد , ذات اجازة
دفعتنا كانت ذات طابع (مدنى )
وهذا نسبة الى مدنى , حتى لا يعتقد (عساكرنا ) الغائبين
ناس محمد صديق وابتر وعمار اننا نقصد بمدنى عكس العسكرى
فى تلك الأجازة
اكلت (فولا) فى نادى الجزيرة , ما زال يأبى على اى (فول ) آخر ان يزيح طعمه من فمى
كان المطر رذاذا , والشمس تكثر من (المشاورات) , تنضم الينا فى جلستنا ؟؟
او لا تنضم
كانت تخجل حينا , وترتدى اثواب الحياء احيانا اخرى
ولمنها كذلك , كانت (تتبنى ) السفور فى احايين كثيرة
ونحن فى جلستنا (المدنية تلك)
كنا فى عالم من الزمالة والأخوة , لا يشابهها الا بوستنا (الجدع) هذا
كنا فى زيارات جميلة واثيرة تماما مثل حملة (زهير -جلا -الرشيد - محمد صديق ) الأخيرة
غشينا مها عبد الرحيم محمود , ومرينا على احسان عوض
ودلفنا الى دار زميلتنا المرحومة نور الشام عباس
واستمتعنا بصحبة على ميرغنى دافورى فى الحى 114
وصلاح التيجانى , هل هو فى القسم الأول يا رشيد ؟؟
وعماد فى الأبحاث الزراعية
الميل خمسون الذى وصلنا اليه الآن
كانت خطوته الأولى من زماااان
منذ ان قال الكابلى متسائلا
يا بنت عشرين والأيام مقبلة
ماذا تريدين من موعود خمسين
وامضى انا , وتمضون
لا اجد لكم اسما , لا اجد لكم وصفا , لا ابحث لكم عن عنوان
يقول لى وهو يهدى (البرق) مبتسما
يا انت يا ذا
وعمدا لا يسمينى
فى حب يا اخوانا اكثر من كده !!!!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
برضووووو .... سلامات يا ناس
معليش تخريـــمة ...
Quote: الخدمة الوطنية تصدر منشوراً لتسهيل الاجراءات للمغتربي
حدد القرار الفئات المحظورة من السفر والمتمثلة في دورات عزة السودان الذين لايسمح لهم باستخراج كرت سفر إلا في حالات احضار شهادة قيد للدارسين بالجامعات وبطاقة تأجيل الخدمة والقمسيون الطبي للمسافرين للعلاج والقيد الجامعي للمسافرين بغرض لدراسة والمقيمين بالخارج، فيما لا يسمح للخرجين خلال الفترة من عام 1997م وحتى العام الحالي باستخراج كرت سفر الا في حالات احضار شهادة من القمسيون الطبي للمسافرين بغرض العلاج والمقيمين بالخارج وقرار من لجنة الحالات الخاصة بالخدمة. كما الزم القرار العاملين بالمصالح المحصورة باحضار شهادة اجازة أو خطاب رسمي من المؤسسة المعنية والجواز وصورة من الاقامة للمقيم بالخارج والتأشيرة أو عقد العمل ، فيما يطلب من الحاج احضار شهادة اثبات شخصية. ودعا الرائد جعفر إلى ضررورة اخراج بعض الشرائح المستهدفة للخدمة الوطنية من مواليد (1959-1970) وتحديد صلاحية كرت السفر علي ان يكون مكتب المغتربين متكامل يشمل جميع الإجراءات. وقال إن الخدمة الوطنية لعبت دوراً كبيراً في ترسيخ مفهوم المواطنة واستطاعت أن تصل إلى غالبية افراد الشعب السوداني عبر آلياتها المتعددة. |
ســـؤال :
الناس ديل علــــوووج ولا شنو ..؟؟
اللهم انى صائم ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
| Quote: ودعا الرائد جعفر إلى ضررورة اخراج بعض الشرائح المستهدفة للخدمة الوطنية من مواليد (1959-1970) وتحديد صلاحية كرت السفر علي ان يكون مكتب المغتربين متكامل يشمل جميع الإجراءات. |
يا محمد عيد و الله شوف أنا الصعب ده أن المتكل بالشعب..ما فهمت حاجة من الكلام الفوق ده
حأقراهو بعد الفطور تاني امكن أفهم...اذا كان أنا ما فهمت...جلال ده يكون ما قدر يتم
السطر الأول...
جلال تعال نقرأ الكلام ده بعدين و نشوف حنفهم ولا ما نفهم...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
Quote: س: ما هي اشحتف مداخلة في البوست؟
ج:مداخلة جلال أعلاه... |
س: ما هي أعطش مداخلة؟
ج:مداخلة جلال أعلاه...
س: ما هي أنعس مداخلة
ج:مداخلة جلال أعلاه...
س: ما هي أقصر مداخلة؟
ج:مداخلة جلال أعلاه...
س: ما هي المداخلة غير المحتشمة؟
ج:مداخلة جلال أعلاه...
س: ما هي المداخلة البتجرح الصيام؟
ج:مداخلة جلال أعلاه...
س: من هو صاحب المداخلة أعلاه؟
الرائع جلال (بس عشان ما تزعل)
أحبكم يا ناس في وجود منصور
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
Quote: جلال كابي الجرسة...احتمال كبير...الأيام دي درجة الحرارة تصل الخمسين...اذا الاجابة
جلال كابي الجرسة... |
والله لقيتك (نقار) يالرشيد .... انت نقار دي معناها شنو؟
اول حاجة مش الحرارة براها يعني لما تقوم من النوم وتنزل ماشي الشغل
تلقى السيارة مبنشرة شعورك بكون كيف ..... لالالا ماكدة يالرشيد ياخ
تخليها في محلها وتركب تاكسى للشغل وبعد الفطور يحلها حلال
اها تقوم تجي داخل المكتب تلقي في مليون شغلانة راجياك
وماتنسى انو اليوم السبت ... that means انو في ذي 15 فاكس
خمسة منهم تمديد اعتمادات و2 من شركة التأمين و3 من البنك و2 من شركة كدة
والباقي إعلانات ... اها تقوم تشيل الورق ده كله وتختو في درج المكتب وتقول
ياخ سيبك خلي للدوام التاني اهو الواحد بجي فاطر
كدي بالله نخش على الحوش نشوف الحبايب عاملين شنو
ومع ضغطة الماوس كدة ... يجيك مديرك داخل المكتب ويسألك عن كوم الورق الدخلتو الدرج
تقوم تصر ليه يعرف انك مولع احمر ... اها يقول ليك خلاص ياستاذ خليهو بعدين ويتخارج
بس دا طبعاً بعد مايكون وصلك للحالة الانت قلت عليها دي يالرشيد.
جلال مركب مكنة منصور
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
| Quote: أنت من هناك مشيت غشيت سوق عكاظ يا زول ولا شنو...و لا الأيام دي متابع ليك مسلسل ديني.... |
غايتو يالرشيد كتلني بالضحك ... بعدين بالله عليكم براحة علينا والله بي طريقتكم دي بنصل الميل 100 بعد بكرة
محمد عيد عمرة مباركة ونسأل الله ان يتقبل الطاعات والصيام والقيام .... دعيت لينا؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
Quote: كان المطر رذاذا , والشمس تكثر من (المشاورات) , تنضم الينا فى جلستنا ؟؟
او لا تنضم
كانت تخجل حينا , وترتدى اثواب الحياء احيانا اخرى
ولمنها كذلك , كانت (تتبنى ) السفور فى احايين كثيرة
ونحن فى جلستنا (المدنية تلك)
كنا فى عالم من الزمالة والأخوة , لا يشابهها الا بوستنا (الجدع) هذا
كنا فى زيارات جميلة واثيرة تماما مثل حملة (زهير -جلا -الرشيد - محمد صديق ) الأخيرة |
طيب يابخيل بتحرمنا جنس الكلام الحلو دا مالك ....
عليك دينك عاين ده والله المفروض نربطك هنا ده
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
Quote: والله لقيتك (نقار) يالرشيد .... انت نقار دي معناها شنو؟
|
نقار معناها نقار الخشب....عشان نشرح للناس الكبار الما حضروا افلام الكرتون نقار الخشب
ده كرتون....
Quote: اول حاجة مش الحرارة براها يعني لما تقوم من النوم وتنزل ماشي الشغل
تلقى السيارة مبنشرة شعورك بكون كيف ..... لالالا ماكدة يالرشيد ياخ
تخليها في محلها وتركب تاكسى للشغل وبعد الفطور يحلها حلال |
و الله يا جلال الكج ده مقدور عليهو في كل الأوقات...لكن بيني وبينك كج رمضان ده بيطلع الواحد
من طوره...أول ما تصحى الصباح و انت ماشي الشغل يا جلال...أقرأ طلع البدر علينا...العوجة دي
ما بتجيك...
Quote: وماتنسى انو اليوم السبت ... that means انو في ذي 15 فاكس
خمسة منهم تمديد اعتمادات و2 من شركة التأمين و3 من البنك و2 من شركة كدة |
والله يا جلال THAT MEANS انه الكج بتاعك ما اعتيادي الليله...كلم الحاجة تولع بخور التيمان
و تحصنك...يا عيني يا عيني يا كافرة يا نصرانية...عين الفتى تشق الواطه وعين الحسود فيها
عود....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
| Quote: الرائع جلال (بس عشان ما تزعل) |
كان عاوزني ما ازعل شوف لي احمد اسماعيل ده وين؟
وقول ليه يا خائن مش اتفقنا نعمل المشروع ده سواء السنة الجاية
وعليك الله ما تأكلوه لا سمك لا يمشي قندهار ...
عقاباً له ...
بعدين تعال هنا ... انت زاتك مالك بتتحاوم في وردية الليل ... مساهر مالك؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
يا شباب سلام
تقبلوا تحيات الأخ محمد صديق وهو بخير ويغريكم كثير من السلام
ولكن لديه بعض الصعوبات الفنية في الدخول لموقع سودانيز أون لاين .
البارحة حاولت معه بكل الطرق الفنية وغير الفنية واستعنا بأحد الخبراء
الأجانب ، إلا أن كل محاولاتنا باءت في الفشل ، أستطعنا دخول كل المواقع
دون إستثناء عدا موقعنا هذا ، بعض الخبثاء اقترحوا علي محمد صديق
الاستعانة بفكي ... نحن في إنتظار اقتراحاتكم ......
يا جلا نعني باقتراحاتكم ، اقتراحات فنية ، مش كل زول يجي يقترح لينا فكي كارب في
الحتة الفلانية ...............
لكم الود ،،،،،،،،،،،،
يا الرشيد الليلة كورة كاربة إنتر ميلان وميلانو ديربي مدينة ميلانو في الأسبوع الثاني من الدوري الإيطالي
ما تفوتها ........ انا طبعاً من فترة طويلة بشجع إنتر ميلان ........
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
يا حبيب نحن بنشجع البرشا وعلشان خاطر ولدنا ايتو
حنشجع الانتر ، وكمان يا جنابو على طول على مايرنو
يعنى سنار طوالي و انشاء الله الجاتك في باسووردك
تبراك ، و شوف بالله حتى العساكر بتهكرو كمان!
و الله يا جلال تانى اصلك ما تخاف ليك من عسكري الجن دا
شفت الشفوت بقوا ينطوا للعساكر بالحوش و يسرقوا الباسوورد
منهم و انا متبرع من اليوم دا بالبوسوورد لجنابو؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
يا حبيب
الكوتش غير مهكر ، ولكنه لا يستطيع حتي مشاهدة الموقع ، الزول المهكر يكون متابع ومستمتع لكن ما بيقدر يكتب
يقول انا متابع ومستمتع ، اها الكوتش لا متابع لا مستمتع شفت البقت عليهو ،،، سمعت تحت تحت إنو الكوتش
ذهب لنت كافية وحينما فتح موقع سودانيز أون لاين (بقي يشوف الشاشة بتاعت الكمبيوتر زي شاشة التلفزيون زمان
لمن يقطع الإرسال تجيك نمل في نمل وزول يقول ليهو في أضانه إششششششششششششششششششششششششششششششششش
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
كدى يا جبريلا انتظر شوية لى فطوركم ده
وانت يا ابو الزوز خلى موضوع اشششششششششو ونمل × نمل
هضرب بى راحتك بكره ...
قبيل انا قلت ليك يا موسى عيسى اولا حدد
انت شايت وين وبعدين شوت .. حتى لو ضفارى ولا بالبوز ...
هسه المخليك تمشى تهابش فى الريس شنو ؟؟
يا زول انت داقس ولا شنو ؟ داير تهكر الريس ؟؟
انحنا اول امبارح قصّينا الشريط التقليدى بتاع الميل ده
والريس الما خمج كان شايل المقص بى ايدو ...
هسه الجابك فوق الصفحة شنو ؟؟
ما يكون الهكر شالك ووداك لى هناك .. هو اصلو هكر النوم
ولا يكون ده الفكى بتاع جلا بدل يهكر البوستات المنافسة
قام جانا فى ميلنا السمح وزين
لو سمحت : وووووووين تلفون ابو عاقلة ؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
Quote: يا الرشيد الليلة كورة كاربة إنتر ميلان وميلانو ديربي مدينة ميلانو في الأسبوع الثاني من الدوري الإيطالي
ما تفوتها ........ انا طبعاً من فترة طويلة بشجع إنتر ميلان ........ |
و الله يا أبو الزوز الليلة بقيت زي طارق جبريل...طارق جبريل شبعان حلو مر و قراصة و لقمة...
أنا والله شبعان كورة...بديت بمباراة تشيلسي وبعدها ليفربول و حسة فاتح مباراة مانشستر و أرسنال
و بعدين بنشوف ديربي ميلانو...دي عايزه ليهاحاجة نهضم بيها...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
من أبناء عطبرة...كان معنا في السنة الأولى و السنة الثانية ثم حضر للسنة الثالثة والأخيرة
ثم قرر أن لا يستمر وترجل عن جواده و أستقر في عطبرة و فتح مكتبة لبيع الكتب و الجرايد في
عطبرة ولم نلتقية منذ ذلك الوقت...كان هادئا جدا و مؤدبا جدا و لطيفا جدا...لا يحدثك حتى تحدثة
كان محبوبا من الجميع...لم يكن مشاغبا كمحمد العوض الطيب...
انه ماهر خضر سليمان...
لمن يعرف ماهر خضر...أين هو الآن...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: انه ماهر خضر سليمان...
لمن يعرف ماهر خضر...أين هو الآن... |
رشيد تخيل من فترة طويلة وانا باحاول اتذكر اسم ماهر خضر وما قادر
رغم ان صورته حاضرة فى ذهنى بشاربه الكثيف الذى ينافس الزناتى
وملامح وجهه التى تشابه الى حد كبير الموسيقار / الفاتح حسين
من ضمن الاسماء التى وردت فى اليومين السابقين ايضا
اخونا اللذيد .. صلاح التجانى
وهو حقا جدير بالسؤال لما لهذه الشخصية المحورية من مواقف وطرائف
لا يمكن ان تنمحى ابدا .. وحتما سيأتى يوم نسرد فيه بعضا منها
اعتقد انك يمكن ان تكون ملما ببعض اخباره فى مدنى ..
الا اذا كان باع مصنع الملح الذى كان مملوكا لاسرته وغير نشاطه ..!
وكمان ..
مبروك عليك وعلى زهير فوز الانتر .. وسبحان الله تخيل انا باشجع ميلان
ابو خطوط حمراء ...
زهير ... وجع البطن بدأ معاك بدرى الليله ..
الله يستر بكرة شكلوا اليوم رايح رايح ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
Quote: اعتقد انك يمكن ان تكون ملما ببعض اخباره فى مدنى ..
|
و الله يا محمد عيد آخر زيارة لي مدني كانت في سنة 1995 و منذ ذلك الوقت لم ازرها مرة تانية
طبعا أسرتي غادرت مدني سنة 84 ولكنني عملت بها في سنة 87 ثم داومت على زيارتهاكثيرا وكنت
عندما أزور مدني لا أجد مشكلة في أين أنزل...فكل البيوت مفتوحة وندخلها كما ندخل بيوتنا...
ليس لدي أخبار عن صلاح التجاني...و لكن كان معنا في أبوزمام أخونا أحمد المصطفى كان يقرب لي
صلاح التجاني...و عند ذهابنا للعزاء في وفاة والد أحمد المصطفى قابلنا صلاح التجاني وكان ذلك
في 1991-1992 ...و كان كما هو صلاح التجاني ...
من طرائفه أنه مرة جاء الى الكلية فلقى ليك البرلومات ديل ماليات ليك مربع كاي...فقال البنات
ماليات الحوش ده زي حلاوة ماكنتوش...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: من طرائفه أنه مرة جاء الى الكلية فلقى ليك البرلومات ديل ماليات ليك مربع كاي...فقال البنات
ماليات الحوش ده زي حلاوة ماكنتوش... |
طرائف صلاح التجانى لايمكن حصرها خصوصا تعليقاته على الزميلات بنات الكلية
ولكن تحضرنى طرفة حدثت في صلاح نفسه ...
وكنا شهودا عليها انا والعزيز على ميرغنى ومعنا الاخت نهلة نجم الدين
والراحلة المقيمة زميلتنا العزيزة .. سميره ســيد
حيث كنا فى آخر العام الدراسى وكان الجميع يجهز نفسه للسفر
والبحث كان جاريا بواسطة كل واحد للحصول على حجز
وكان صلاح فى حيرة من امره للحصول على حجز خاصة وانه كان مصرا على السفر المبكر
للحاق بمناسبة اجتماعية تخص عائلتهم ..
المهم فى الأمر انه فجأة وجد حجزا على ان يسافر فى نفس اليوم بالليل
وكانت الدنيا رمضان وكنا معزومين فى شقة سميره ونهلة
وأظهر صلاح ضيقا مبالغا فيه بسبب زنقة السفر وانه لم يجهز نفسه جيدا
بل وصاح بأعلى صوته انه لم يغسل ملابسه ..!!
وقمنا بتحويل الموقف الى فكاهة بالتندر على ملابسه التى سيحملها الى أهله دون غسيل ..!!
وعرضت عليه اخواتنا ان يقمن بمساعدته فى غسل الملابس ...
ولكنه رفض بشــدة وغادر المكان الى شقته لاكمال الغسيل والمكوه قبل السفر
وكان الموعد المحدد للحضور للمطار لا يتجاوز 3 ساعات منذ ذلك الحين ..
وقد ظننا انه يمزح وانه سيجمع ملابسه كيفما يكون فى حقيبته ويسافر ...
وفى الموعد المحدد أحضرنا البيجو المستأجر لأخذه للمطار وبه انا وعلى وسميره ونهلة
وفوجئنا ونحن نحمل الحقائب للسيارة بأن كلا منها تكاد تزن طنا" ..!!
وكانت المفاجأة بأن صلاحا بالفعل قد غسل الملابس وبدون ان تجف وضعها فى الشنط
وكانت ليلة ...
حيث ظللنا طوال الطريق للمطار نضحك فى الموقف ونتندر بما سيلاقيه فى مطارى القاهرة والخرطوم
وأذكر ان الراحلة سميره قالت له : يا صلاح فى المطار لما يشوفوا الشنطة بتنقط مويه
حيفتكروا انك كاتل زول وشايل جثته فى الشنطة ..!!
فما كان من صلاح الا واصابته هستيريا غريبة وقرر العودة وعدم السفر ..
ولم يعد عن خوفه الا قبيل اغلاق ميزان الطائرة بقليل ...
حقا اشتقنا له ،،،
طبعا له طرائف عديدة وكثيرة لمواقف كثيرة كانت تحدث بينه وبين زملاءه ..
عماد محجوب و حسين حسن حسين ( وديل كمان حكاية براهم )
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
أصبحنا و أصبح الملك لله...و الحمد لله...ولا اله الا الله...و الله أكبر
اللهم انا نسألك خير ما في هذا اليوم وخير ما في بعده....و نعوذ بك من شر ما في
هذا اليوم و شر ما في بعده...اللهم انا نعوذ من الكسل وسوء الكبر...اللهم انا نعوذ
بك من عذاب في النار و عذاب في القبر....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
والله ماشاء الله عليك يا الحبيب الرشيد وردية الليل و كمان صباحية!
فصباحية مبارك يا عريس الله يديك الصحة والعافية و يبارك لك
في يومك .
و نقول هاردلك للعزيز محمد عيد لهزيمة الميلان القاسية
والله الميلان رغم انه احمر الألوان و لكن الميول للاسد ايتو
غير كثير من القناعات لان الهوي الكروي برشاوي والعشق في
السودان أحمر حتى النخاع أما الشوت فضفاري في أي اتجاه.
و تعال يا محمد عيد نبهتني لموضوع المداخلة في أول الميل
الخمسون الحقيقة انا عملت المداخلة بعد الميل الخمسون اخذ
راحتو بمسافة وكيف المداخلة بقت في أول الميل والله ماعارف؟
طبعايا محمد عيد والله النية عندي ليها فترة أنه الميل خمسون
ما يقص شريطه إلا انا وعبدالدائم يشهد على ذلك و لكن لظروف
التجهيز للسفر حالت دون ذلك لقيت ليك الشباب ما قصروا قلت
أنتظر الميل مائة انشاء الله ، و لكن ربنا حقق هذه الأمنية ؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
سلامات يا ناس
Quote: وعليك الله ما تأكلوه لا سمك لا يمشي قندهار ...
عقاباً له ...
بعدين تعال هنا ... انت زاتك مالك بتتحاوم في وردية الليل ... مساهر مالك؟ |
سمعاً و طاعةً يا جلال
طالما هناك رمضان فأحمد اسماعيل
ما حياكل سمك و لا حيمشي قندهار
أي حاجة غير الأتنين ديل طبعاً ممكنة صح؟
تعبت معاي...
الحاجة الداير أعرفها
الليل دا يبدأ الساعة كم و ينتهي الساعة كم؟
علماً أنا كنت متحاوم لغاية الساعة الرابعة مساءً بتوقيت السودان
إنتو يا جماعة...... البحر دا.. فوقو تراب و لا كتاحة و لاعجاج!!!
أحبكم و أحب زيتكم زاتو
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
متابع .... ومستمتع
بالله عيبو لي الجملة الفلسفية دي ...
تاني ماتعيب الجملة دي يا جلا ...
لو كل الناس دي دخلت ... وكتبت منو تاني البتابع والبستمتع ...
بالله خلينا مع الجزء التاني ...
ناس المتابعة والاستمتاع ..
حسع الكورة بدون متابعين .... مابتكون مسيخة ...
اها انا مع الناس الفنانين ... ديل البخلو الكورة تسخن ..
ناس محمد صديق والنضيف ودهب وسامي وغيروووووووووووووو كتير
وبعدين برضو مجهز التلفزيون والكراسي ...
عشان اتابع ....
بس مستمتع دي خليها بعد كورة اليوم ...
حاقولها ليكم بكرة انشاء الله ...
اسأل الله ... ان نقابل اخونا محمد عيد بكرة ..... مستمتع .... وضاحك حتي نشاهد نواجزه ...
كما نتمني الاستمتاع لاخواننا التانيين ... كيف حالك يا منصور ...
انا عارف الكل خاتي كراسيهو من هسع عشان يتابع ويستمتع ...
اها كلانا الليلة متابعين وان شاء الله مستمتعين ...
غايتو قلت لبت الشيخ... فطور رمضات الليلة ساندويتشات ...
ح ابارك ليكم الميل الخمسين بكره ... عشان نلم كل المباركات في يوم واحد ...
فتكم بعافية ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
سلامات يا ناس
| Quote: اسأل الله ... ان نقابل اخونا محمد عيد بكرة ..... مستمتع .... وضاحك حتي نشاهد نواجزه ... |
الزول دا قالع الضرسين
الأول في الفك الأيمن الفوقاني
و التاني في الفك الأيسر التحتاني
هشان كدا بدل تشاهد ممكن تسمع همهمة
| Quote: غايتو قلت لبت الشيخ... فطور رمضات الليلة ساندويتشات ... |
الغريبة داير أضرب ليك
أقول ليك أنا و طارق جبريل جاين نفطر معاك
و لأنو الزول الساكن طرفات دا...
شغل السندوتشات دا ما بنفع معاهو
ما زولك انت عارفو متقريف للعصايد و القراريص
وشغل السندوتشات إلا في مكتبو
يا ود جبريل... خلاص كدي تعال نشوف ناس جلال عصيدتهم كيف؟
ما تخاف... قال ليك الخبراء الأجانب لسع ما كرتوهم!!!
أحبكم يا ناس
و انتو متلمين ليكم في عصيدة
بتاعت تلاتة أنفار بس
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
والله يا ياسر نجيلة الجرسة حاصلة من الصباح أول
طلعت الشارع حسيت أنو درجة ا لحرارة زي 200درجة
و كما الاشعة اليوم دا ما عادية والرجفه حاصلة
كلما اتذكر المباراة بحاول انساها و كانها لم
تكن و الله ماعارف دا الكبر ولا الحاصل شنو عموما
بقيت متأثر بمباريات المريخ بصورة ما طبيعية
لذلك هذا اليوم بالنسبة لي ما طبيعي نسأل الله
يدينا الفي المراد قولوا آمييييييييييييييييين
طبعا في ناس ما حيقولها خليتكم لله يا رشششاششات؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
تلقيت منذ قليل مكالمة رائعة من شخص مختلف في كل
شئ وهو الدكتور /مطيع الحوري -سلمه الله من كل بلاء
وهو موجود بالرياض منذ أشهر بمدينة الملك فهد الطبية
و رقمه هاتفه 0559661912 و يغري الجميع التحايا و
الأشواق و هو من المتابعين الجيدين للبوست بس من على
البعد ووعد بأن يكون متواصل من خلال النفاجات القديمة
أو الحديثة ، فله منا التحايا و مرحبا بيك مندوب
دائم للجمعية الطبية .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: موسي عيسي)
|
تعظيم سلام للدكتور مطيع الحوري
ونتمنى أن يكون بألف خير
جلا ... بسم الله جنيت ولا ادوك عين
ما براك ياخوي جيت ناطي اليوم داك بالليل وقلت مداخلة استثنائية
انت بقيت تفط سطر .... المهم الباقي علم والعتبى على الحر ياخ
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
| Quote: طبعا في ناس ما حيقولها خليتكم لله يا رشششاششات؟ |
إنتو يا وصيفاب الفايدة الوحيدة الممكن تعملوها تدرنوا مع الجماعة ديل
عشان تعطلوهم لفائدة اسياد البلد ... وعشان تهربوا من الموز ابو نقطة
الى الموز ابو نقطتين.
باقي المباريات ما بتطلعوا منها بشئ ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
سلامات يا ناس
Quote: تلقيت منذ قليل مكالمة رائعة من شخص مختلف في كل
شئ وهو الدكتور /مطيع الحوري -سلمه الله من كل بلاء |
ألف مرحب بالدكتور مطيع
لكن يا موسى عيسى
محمد عيد قال ليك
تلفووووون حافظ أبو عااااااقلة
بس حبيت أذكرك
وسألت الشيخ أسامة
قلت ليهو
تذكير الناس بالحاجات دي فيها حاجة؟
قال لي
لا مافيها حاجة
وتيب؟
أحبكم و انتم تستقبلون د. مطيع
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: يا ود جبريل... خلاص كدي تعال نشوف ناس جلال عصيدتهم كيف؟
ما تخاف... قال ليك الخبراء الأجانب لسع ما كرتوهم!!! |
خليني من العصيدة ....
لكن والله ياحبيب امبارح متعشي عشوة ... ماشايفني قايم بالبوست ده سداري
اها قال ليك الوالدة زهجت من الروتين وحبت تخرجنا عن المألوف ...
اها قال ليك ياحبيب قامت عملت لينا ملاح تربيقة وطبعا معظم مكونات هذا الشيئ
هي اللبن (الحليب) والبصل الغير مقطع وشوية ويكة علي ما اعتقد ؟؟؟ الحقني ياطارق جبريل
المهم الحاجة دي يا أخوان حاجة تانية خالص غير ملاح الروب (الكرارة) بضم الكاف
وهي حاجة كدة تؤكل بالكسرة (وأهم حاجة) إنها بتقوم بالزول
الشيف/ أسامة
| |
|
|
|
|
|
|
| |
موسي عيسي
ميسرة سيد أحمد
طارق جبريل
زهير الزناتي
الرشيد بابكر
محمد عيد
عصام دهب
جلال عثمان
محمد آدم النور
Dr.Elsadig Abdalla
عبد الدائم سيد أحمد
منصور عبد الرازق
ياسر نجيلة
فيس بوك
تويتر
انستقرام
يوتيوب
بنتيريست