|
|
 Re: ناس الزقازيق ... أجدع ناس .. (Re: الرشيد بابكر)
|
سبحان الله يالرشيد والله انا اعاني من نفس الحالة الرمضانية دي
حالة ذهللة كدة - لكن اتخيل لي الدوام ده ممكن يكسرها
على العموم كمحاولة للخروج من هذا المود
شكرا كتيرا ياشباب على ال SMS /ت والتهاني بقدوم الشهر الفضيل
ويديكم العافية كوووووولكم
| |
 
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
جعله الله ميل خير وبركة
ونفتقد بشدة الريس ونهدي له بمناسبة الميـــــ48ـــــــــــــل
اسمى وأجمل التبريكات بمناسبة الشهر الفضيل
وتقبل الله منه ومنكم ومنا الصيام والقيام ونسأل الله العتق من النار
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
جلال و الله لم يتغير الحال...و بالطريقة دي الميل 48 ده حيكون أطول ميل...أو يجي الريس
راجع بالصور ينقذنا...ولا جلا يرجع من كادقلي يعبي لينا البوست بأحبكم حب الرشيد لي عصير التشوز
ياسر نجيلة ما عندك باقي صور تحرك بيها البوست ده لحدي ما يتنهي رمضان أو يرجع الريس بالصور
الجديدة...
في الليلة الظلماء يفتقد البدر...محمد صديق أنا عارفك و شاعر بيك و عاذرك...لكن يا اخوي الحالة
استعصت علينا و بقينا نحتاج لي جهودكم...الخمسة سطور بتاعتك فرقت معانا...
طارق انت شنو حكايتك اليوم الأول ده قضيتو تشم في طرقتك...أمرق لي برة و نحن الليلة الا نشم لينا
حاجة تانية عشان نقدر نكتب...
فتكم بعافية
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
سلام يا ناس
مبروك للجميع الوصول الى الميل 48 مع تباشير الشهر الكريم
جعل الله زادكم فيه ايمانا وروحانيات
رشيد الحبيب ..
مؤكد حدثت برجــلة كاملة للساعة البيولوجية وفجأة انقلب كيانى كله
وتداخل الليل مه النهار ..
فالمعذرة من الجميع اذا حدثت اى خطرفة
وليس هناك داع لأى متربص لكى يرمى بها الى اى اسباب اخرى
بعدين يا رشيد انحنا التراويح عندنا مااااكنة ومكرّبة وبتخلص الساعة عشرة ونص
يعنى حداشر ونص عندكم .. لكن انتو تراويحكم طبعا زى التوقيع على شيك ..!!
******
فجأة كشـــرت رطوبة جده عن انيابها .. وصار الليل أكثر قساوة
من النهار .. نسأل الله ان يعين الجميع ...
اقعدوا عافية ونلاقيكم باكر الصباح
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: طارق جبريل ان شاء الله طرقة الأبري تكون لسة محتفظة بالريحة بتاعته...
|
وحاتك يا الرشيد طلعتها مع الاذان شميتها ورجعتها تاني
ودورت في عصاير المغاربة
بالمناسبة دي نديكم نبذة عن فطور المغاربة:
بعد الاذان طوالي بيختوا التمر مع حلويات مغربية اسمها الشباكية
وبيض مسلوق وعصير برتقال وشوية فطائر كدة
بعد داك بيدوه تكية لمن ياذن العشاء وبيمشوا يصلوا التراويح
بعداك بيختوا العشاء
وفي الغالب بيكون حاجة اسمها الطاجين
عبارة عن مجموعة خضر بالللحم
او جداد بالخضر
والطاجين دة اناء من الفخار التبيخ فيهو بيطلع حاجة مووووووووووووووت
زي الساعة اتناشر كدة بياكلو شوية فواكه ومعاها زبادي
وفي السحور بيشربوا لبن مع حاجة اسمها السفوفو ودة حلوة مغربية فيها
خليط من اللوز والسمسم حاجة كدة مبدعة شديد
وبتدي الزول طاقة كبيرة ممكن عادي يدبل في العرس
الله يستر من المداخلة دي
| |
|
|
|
|
|
|
|
|
 Re: ناس الزقازيق ... أجدع ناس .. (Re: الرشيد بابكر)
|
رمضان كريم يا شباب..رجعنا جده مع اول يوم في رمضان بعد رحلة طويلة و مرهقة من بلاد العم سام
و طبعا رمضان في جده غير..رمضان هنا ليهو نكهة خاصة مختلفة عن كل الدنيا ربما لارتباط جده
بمكة و موسم العمرة و كثرة الزوار و المعتمرين..بس المشكلة الرئيسية هي السهر حيث أن الليل
هنا بيتقلب نهار و النهار بيصير ليلا .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: سيف النصر محي الدين محمد أحمد)
|
بسم الله الرحمن الرحيم
كل عام و أنتم بخير
رمضان كريم
وربنا يتقبل منا و منكم صالح الأعمال و الدعوات
بالرغم من نفحات الشهر الكريم
برضوا الشوت ضفاري..
الأخ البادي
نسأل الله الكريم للوالدة الشفاء و الصحة و العافية
و أن يجزيهاعلى صبرهافي مرضهاالجنة
رشيد القوم
للأميرة عاجل الشفاء
و ربنا يحفظها من كل بلية
إذا قلت ليكم جاييكم بي رواقة...
كضبت عليكم
اللهم إلا أنني أحبكم
حبكم للشهر الفضيل
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
أخونا د. سيف النصر
حمد لله على السلامة
وكل عام وأنت والأسرة الكريمة بألف خير
والتحية لأخونا المستمتع عصام دهب
ونقول ليك حمد لله على سلامة الأخ أبوبكر
ونرجو أن تبلغه التحايا
وكل عام وأنتم بخير
ورمضان كريم
| |
|
|
|
|
|
|
|
|
|
Re: ناس الزقازيق ... أجدع ناس .. (Re: سامي عبد الوهاب إدريس)
|
Quote: و طبعا رمضان في جده غير..رمضان هنا ليهو نكهة خاصة مختلفة عن كل الدنيا ربما لارتباط جده
بمكة و موسم العمرة و كثرة الزوار و المعتمرين |
معليش يا سيف النصر لقيتك قدامي!!!!
رمضان في السودان غير ...
و كمان عندنا ليهو نكهة خاصة و مختلفة عن كل الدنيا ....
الحاجة الوحيدة و الكنا نتمناها.... و ما بإيدنا...
هو أن يكون الحرم المكي في كادقلي
و مدينة الرسول تكون منطقة الرشاد
و زي ما قالو البترول قاعد في أبيي
أما الناس القاعدة في دبي و قطر و الحلال التانية
بتكون زي
بابنوسة، المجلد، ميري، الدلنج، و أبو جبيهة
و لك أن تتخيل الجو السوداني
بي حرارتو، و زهجو، و رمضان خشا في العضم
و الأذان فضل ليهو 10 دقايق
و ما في غير العصايد و القراريص... وبس
أي واحد عندو مصران أو أي حاجة تمنعو أن يشرب الحلو مر ...
ما يجينا..... يمشي يصوم في استراليا
ياولد..... جيب الشاي...
الجبنة جات يا جماعة ...
كدي خلونا نكمل الشاي...
عليك الله ضوق من البليلة دي
آها قلت لي المريخ لاعب مع منو؟؟؟ و الهلال معسكر وين؟؟
يا جماعة التراويح جات نمشي نصلي
كب.... مع السلامة.... والله ونستكم طاعمة
نشوفكم بكرة يا شباب !!!
و الله معزومين عند ناس محمد عيد
خلاص بعد بكرة!!!!
و الله ماشين ناس الرشيد
طيب أدونا يوم!!!
و الله برامجنا مليانا...
عندنا منصور و الريس الغاطس لي هسي
موسى عيسى و ياسر نجيلة و النضيف و جلال و سامي
طبعاً في ناس في الصف
و بعدين ما خلاص نحن جيناك ما كفاية
وخت في بالك ناس الداخل لسع ما ختيناهم في البرمجة
غايتو ربنا يتقبل.....
أحبكم يا ناس
حبكم للأكل الطاعم في رمضان
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
الأخ سامي
رمضان كريم
طالما أنك متواجد ولك مدة
فهذا يعني
أن الكفيل رمضان مسخن معاهو و أخذ إجازة فرادي
أو يكون معسكر في الحرم
أو تكون قللت من الشغل ومن السفر
أو تكون ناوي تخلي الشغل و ترجع السودان
معليش الأخيرة صعبة
أحبكم يا ناس
حب محمد عيد لي شغل المحاماة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
| Quote: اشياء كثيرة حالت بيننا والتواصل معكم |
جورج
ليك وحشة
من ضمن الأشياء التي منعتك
1/ غيابي
2/ الموية
3/ قافلة معاك
4/ زهير ما قاعد يجيك
5/ يا دوبك صرفت مرتبك
6/ تيمك مغلوب
7/ في ناس في البوست كرهوك العيشة
8/ رمضان جا فجأة
9/ غياب الريس ميسرة
10/ ...........
أحبكم يا ناس
حب الرشيد لي عصيدة ناس محمد صديق
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
يا سامى انا مديك بياناتى ودافع رسوم التسجيل ومطلع الكارنيه
وين معلوماتى ،،،،،،
سيف النصر اقعد ليك فى حتة واحدة عشان نعرفك وين ورمضان كريم
جبريلا بالله فى زول بيفطر ببيض مسلوق ويمشى يصلى التراويح
ياخى انت اصلو حواء بت كنيش ، السوفوفو ده رسلو امريكيا لصاحبك
يا اخوانا ما تنسوا فى رمضان ( الشيرنيج ) بتاع الميز بكون دبل
وفيه يكثر المنتشرين بحجة انه شهر فضيل
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
Quote: يا اخوانا ما تنسوا فى رمضان ( الشيرنيج ) بتاع الميز بكون دبل
وفيه يكثر المنتشرين بحجة انه شهر فضيل |
نحن ما حا ندفع
لأنو منتشرين
1/ محمد آدم
2/ زهير الزناتي
3/ الزول الطاشي شبكة
4/ محمد صديق
5/ جلال
6/ البادي (ظروفو صعبة و الوالدة عيانة الله يديها الصحة و العافية)
منصور قال ليك حا يدفع نص
لأنو البلوتين بتاعو لسع ما سلك
أحبكم يا ناس
حب النضيف للميز السمين و القليد
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
صباحاتكم خير
ونهاركم اكثر سعادة
وصومكم انشاء الله مقبول
ولو انو فى شك فى الحكاية بعد ظهور جلا ..!!
*****
جلا الحبيب .. نورت والله
نثمّن مجهوداتكم الكبيرة واللا متناهية فى سبيل وصول المد الاسفيرى
الى سفوح جبال النوبة وكافة قيزان جنوب كردفان ...
وقد ذكر فى الاخبار تفاصيل هجومكم واقتحامكم لمكتب السيد الوالى
والتهديدات التى رميتها فى وجهه حيــال الوضع المتأزم بانعدام
التقاط اشارات البث الاسفيرى من حوش الجدعان ، وضعف كافة الشبكات الأخرى
وتابعنا الرجفة الحاصلة فى مكاتب الولاية والحركة الدائبة والاتصالات المتتالية
مع حكومة المركز من اجل تذليل العقبات وحل المعضلات التى أدت الى هذا الانقطاع
القسرى للخدمات عن المنطقة أثناء تواجد المناضل الكبير .. محمد آدم النور الشهير بـ جلا
***
***
قف .. انا ارشح جلا لرئاسة الجمهورية عن دائرة حوش الاجدع تاس .. منو البيثـنّى ؟
**
محمد صديق .. سلامات ومراحب
انا غايتو شايف سبب الغياب .. دخول رمضان
وانقطاع شيطان الشعر ...
لكن يا حبيب لا تخف ...
فهناك ملائكة الشعر ..
بل ان اجمل الشعر يأتى من او فى حــور الجنان ...
بالله ما تغيب ياخ ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
محمد عيد
التحية و التجلة و التقدير
كلامك يذكرني بالنكتة التي تقول.....
أن هناك أحد المظلومين وذهب إلى بتاع الأرضحال
ليكتب له مظلمة ...و يقدمها للقاضي
ولما إنتهى من الكتابة...
تلاها لصاحب المظلمة مع موسيقى تصويرية
ثم إلتفت إليه و وجده غارقاً في دموعه
ثم سأله مالك يا زول
قال ليهو دا كلو فيني و أنا ما جايب خبر!!!!
المهم دا كلو أنا عملتو و ما جايب خبر
حتى لو ما عملتو أنا مقتنع بيهو و عملتو
قالو ليكم محمد عيد تحول إلى كتابة المذكرات و الدفوعات القانونية
| Quote: قف .. انا ارشح جلا لرئاسة الجمهورية عن دائرة حوش الاجدع تاس .. منو البيثـنّى ؟ |
تشكرات يا عيدنا
طارق جبريل ما قلت حاجة!!!
ما عاجبنك و لا شنو؟؟
طيب ممكن أنا براي أثني ينفع؟؟؟؟
بس في ناس... حاقدة من غير ذكر أسماء زي ناس منصور ديل
أحبكم يا ناس
حب محمد عيد للبوست النهاري
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
هذا اليوم لا شك انه ليوم سعيد الجاب لينا محمد صديق و جلا و سيف النصر...و أنا في الحقيقة
بغياب جلا ومحمد صديق ديل كانت حالتي النفسية ما كويسة و ما قدرت أكتب اليومين الفاتن ديل
غير بضعة مداخلات هنا و هناك لا تتجاوز أصابع اليدين...
انت والله يا جلا بقيت بتاع ناسات أظنك...و كان ما دا نهار رمضان كان سمعتك الكلام الما سمعتو
قبل كده...انت يا جلا أنا أضرب ليك تلفون في كادقلي ديييييييييك و ألقى تلفونك طاشي شبكة
و أكتب ليك ف البوست و أقول وين جلا...أين جلا...على وزن أين مي...أين مي...هي في رياض النيل
من خمر الصبابة تشرب...وتلهو كما شاء العفاف و يرتضي المذهب...و انت في كادقلي و من كادقلي
و من غير ما تكون بتشرب ولا بتلهو...ترد لي محمد عيد...أكتب ليك أنا و ترد لي محمد عيد...هي
يا جلا بطل الحقارة بتاعتك دي...
شايفك جبت سيرة بابنوسة يا جلا انت عارف أنا قريت فيها الابتدائي...حيث كان والدي مديرا لمصنع
ألبان بابنوسة...و قضيت فيها سنوات جميلة جدا ما زالت راسخة في الذهن...أكلت فيها اعصيدة الدخن بملاح الكول...رقصت المردوم و النقارة...اكلت الدليب و القنقليز و العرديب و القضيم و الحميض
الناس كلها بتعرف كل الحاجات دي الا الحميض لا يعرفة الا من عاش في المنطقة...خرجنا في رحلات صيد
مع الوالد مشينا المجلد و بانيتو و رجل الفوله و الميرم... و أكلنا بطيخ الميرم الكبار العجيب
الأحمررررررر... كنت أشهر من خالد بن الوليد في مدرسة بابنوسة الابتدائية (ب)... و ذلك لأني كنت
سريع الغضب و لا يخلو كل طابور من عدد من التلاميذ ملفوفي الراس من اصابات تسببت بها لهم...
الغريبة انني أصبحت شخصا آخر في المرحلة المتوسطة..(الثانوي العام بتاع ناس منصور)...
شايف كبيت ليكم عمود عديل كده...الظاهر علي حأحول للنهار تاني طالما استعصت عليناالكتابة
بالليل...
فتكم بعافية
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: حلوة الشباكية يا جلال وديدو
|
انت يا طارق المصيبة دي عايسينها في أضان زول ولا شنو...ماله عامله كده زي الاضنين اضنين...
و الله يا طارق كان ده أكل المغاربة أهلك ديل و كمان في رمضان...أنا وحات الله بكلم زهير الزناتي
يخلي الجمعية تسفرك السودان عاجلا ات وبي عيالك كمان...يا زول ات الجوع ما كاتلك عديل كده...
أها النقول شميت طرقة الأبري...دي كمان بتشبع ليها زول...طارق أنا الضارب لي زهير حسة دي...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
الواحديقرر فى رمضان يقلل من الرمرمة شوية
يقعد يتزاوغ من اغراءات الفطور المدنكل
يكتفى بى شوية فول ومعلقتين عصيدة
ويعمل حظر جوى وبحرى على القراريص الطاعمة
ويتزاوغ من (الكنافات والبسابيس)
وهو جمع تكسير لى كنافة وبسبوسة
لأنهم ما بينفع معاهم (جمع المذكر السالم)
لكن طارق جبريل بيخلى ليهو زول يعمل ريجيم ؟؟
سفسوفات ومشبكات وطواجين ما تديك الدرب
لو استمريت فى عمايلك دى
لغاية العيد , حا نلقاك (خنفس ) عدييييل
وخنفس دى مقصود بيها (the opposite past partissible)
لى الصلعة والجلحات
على فكرة يا طارق
امبارح استمتعت بكتابة تحليلية تذكرك بالزمن الجميل للكتابة الصحفية
انا قريتها طبعا لى طلحة جبريل
فى الشرق الأوسط , عن موضوع صلاح قوش واقالته وتداعيات ذلك
هكذا يكون التحليل الصحفى والا فلا
عايزين نعمل فطور جماعى اسفيرى رمضان ده
نحدد سياعة الصفر للقطور حسب توقيت السودان
ونملا البوست بما لذ وطاب
ونكلم بكرى يشغل لينا (كودات ) الريحة ونشغل حاسة الشم
منها على الأقل , الناس البعاد , لو ما ضاقوا , يشموا
وشخصية اليوم , برضو شخصية زقازيقية امدرمانية عتيقة
من علايل ابوروف لى المساكن التعاونية
لم احظى بمقابلته ابدا منذ تخرجه فى العام 1984 تقريبا
لكنه مالى الدنيا وزاحم الآفاق
بقى من رواد صيدلانيات التجميل الشعبية
نشاهد اعلاناته اليومية فى وسائط الأعلام
زميلنا الزقاويقى الزراعى الرائع , سيف الدين مبارك كركساوى
وهو متزوج كذلك من زميلتنا الزقازيقية الزراعية , ايمان النصرى
اين انتما يا زملاء الزمن الجميل ؟؟!!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
| Quote: قف .. انا ارشح جلا لرئاسة الجمهورية عن دائرة حوش الاجدع تاس .. منو البيثـنّى ؟ |
أنا اثني ياعيد بس على شرط إنو يعين موسى عيسى مدير الحملة الإنتخابية
(الزول الوحيد البعرف يجيهو)
ياخ حمدلله على السلامة ياجلا وتحمد ربك مجدع في ربوع كردفان الغرة
جورج: حمدلله على السلامة وبركة بالعودة
وجودك يفرحنا
دكتور سيف الامنيات القلبية لك والاسرة الكريمة وياخ قاعد تطول مننا
وقاعدين نشتاقلك
| Quote: وإن شاء الله حتلاقوها في كل صفحة على الأقل مرة واحدة (وش ملصّق من اللَّياقة) |
سامي لكن لقيتك مواظب على موضوع الداتا وانا مقهي (اقروها زي ماعايزين) اها هاك
جلال عثمان عكود (اسم السعودية)
جلال عثمان محمد علي عكود
تربية (90)
السعودية الرياض
منزل/ 0096614720809
عمل/ 0096614780234
فاكس/0096614789361
خلوي/ 00966505779464
[email protected]
[email protected]
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
Quote: ودة السفوف يا جلال
بس ما تكتر منه |
عليك أمان الله يادكتور ريقي جرا ... يازول الخرابة دي شكلها ساكت يخليك تشبع
اها وباقي النضم بكملوا ليك بالليل ياخ ... الدنيا نص النهار في الرياض
شكيت محنك ياجبريلا ... خلينا نتم اليوم ده ياخ
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
جلال..كل ناس السعودية بيقولو جوال...جوالي و جوالك...انت بتحضر الLBC كتير ولا شنو...
و الله يا جلال نسيت أسألك من فطور أول يوم مع الخبراء الأجانب...و انت يا غتيت لبدت...ما جبت
لينا سيرة...لازم تقرير مصور يوميا...يعني 30 تقرير مصور و كان الله رحمك رمضان يطلع 29..انت
قايل التقارير المصورة دي بتاعت ناس الداخل بس...حتى ناس الخارج المعاهم خبراء أجانب يشملهم
عمل تقارير مصورة...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
Quote: جلال عثمان عكود (اسم السعودية)
جلال عثمان محمد علي عكود |
جلال عثمان محمد علي (اسم السودان)
أبو الجل عثمان (إسم مصر)
جلال الدين عثمان (إسم ليبيا)
جلال أبو عفان (إسم اليمن)
الشهرة متاعب يا أخوي
ملاحظ يا جلال حدك البلدان التعبانة دي
مرطب مع الخبراء الأجانب.....بختك!!!!
أحبكم يا ناس
حبكم لكردفان الغرة
أم خيراً جوه و برة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
يا جماعة و الله لمن غبت و جيت....
قريت الميل 47 كلو و تعبت فيهو
عشان كدا!!!
الزول البنوم بالنهار و يجي الليل
أولاً يقرا كويس.....
المتابع خلوهو في استمتاعو....
الضهبان كان جبتوهو هنا !!! حا تتعبو
أحبكم يا ناس
حب القيام بالبوست سداري
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
| Quote: انت قايل التقارير المصورة دي بتاعت ناس الداخل بس |
يا الرشيد ما تتعب نفسك
و أعمل نايم
هسي يمشي يغيب ويتغاتت و يقول ليك متابع و مستمتع
أصلو زولك أخير منو ياسر نجيلة...
في التصوير و الإخراج
خليهو يكون مشاغب و مستمتع
بعدين شايف ......سالت
أقصد لعابو سال لمن شاف صور طارق جبريل
كنت أتمنى إنو الخبراء الأجانب
يكون عندهم خبرات في مجال التقنيات الحديثة دي
على الأقل يمكن يشفعو ليهو
أحبكم يا ناس و كفى
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
يا شباب رمضان كريم .... اللهم بفضل هذا الشهر الكريم هون علي عبدك الرشيد أمر
هذا الشهر واجعله له سهلاً هيناً ، وطمن قلبه بسكينة لا تأتيها الجرسة من خلفها
أو أمامها ، أجعل له نهار رمضان بضع دقائق لا يحس بها ، اللهم آمين
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
سامي عبد الوهاب إدريس
خريج تربية 91
قسم اللغة الإنجليزية
هاتف السعودية
00966502297598
هاتف السودان
00249916000543
[email protected]
_________________________________
زهير الزناتي
00249919701061
[email protected]
_________________________________
محمد صديق محمد احمد الحسين
تربية...انجليزى
برالمة 84-85
انا وجلا جينا فى سنة واحدة لكن انا دفعة النضيف
ت-0912162923 (منزل 0122051212)
[email protected]
_________________________________
ميسرة سيدأحمد إبراهيم
المملكة العربية السعودية - جدة
هاتف منزل 6754688
جوال 0508606055
[email protected]
_________________________________
محمد آدم النور حسن
تجارة الزقازيق 88
الخرطوم - 0912319724
[email protected]
_________________________________
الرشيد بابكر سيدأحمد
زراعة الزقازيق 1986
الامارات العربية المتحدة
أبو ظبي
تلفون:00971508179161 -- 00971504469622
بريد اليكتروني:
[email protected]
________________________________
ياسر نجيلة
الاسم: ياسر أحمد نجيلة
الامارات - دبي
محاسب بحكومة دبي
خريج تجارة الزقازيق - محاسبة
دفعة 84 - 1988م
هاتف شغال 24 ساعة : 6268806 50 971 +
ايميل:
[email protected]
________________________________
Dr.Elsadig Abdalla
0353879359144
Waterford Regional Hospital
Endocrinology and Diabetes Department
Waterford
Republic of Ireland
0 Email:[email protected]
_________________________________
اسامة عثمان محمد صالح ابتر
خريج علوم 1989
كسلا دنقلا
تلفون 00249912913486 وكمان 00249912186289
[email protected]
_________________________________
شارع افريقيا - مبنى القبله
شركة كنار للإتصالات
إدارة التسويق
صالح عبدالرحمن صالح
249155552515+ موبايل كنار
249912397336+ موبايل زين
299155553310+ مباشر مكتب
ايميل عام : [email protected]
ايميل عمل : [email protected]
_______________________________
عصام الدين دهب علي
خريج حقوق الزقازيق 1991م
مستشار قانوني و مديرالإدارة القانونية
شركة الدار العالمية للأستشارات القانونية والمحاماة / جدة
هاتف عمل 00966920000054
هاتف جوال 00966503639124
[email protected]
_____________________________
منصور عبد الرازق محمد فضل
السعودية -الرياض
الشركة الوطنية لصناعة الأسمدة الكيماوية (نافكو)
مدير المبيعات -اسمدة
تلفونات 00966504177839 موبايل
0096612652266 ext 1 or 117
0096612651327fax
e-mail:[email protected]
e-mail:[email protected]
________________________________
محمد عيد ميرغني
خريج زراعة 1987
الخرطوم بحري
جدة
00966503763764
[email protected]
________________________________
عبد الدائم سيد أحمد (النضيف)
خريج 88
جـده - السعودية
ت 00966504609597
[email protected]
____________________________________
جلال عثمان محمد علي عكود
تربية (90)
السعودية الرياض
منزل/ 0096614720809
عمل/ 0096614780234
فاكس/0096614789361
خلوي/ 00966505779464
[email protected]
[email protected]
_______________________________
ونواااااااااااااصل
| |
|
|
|
|
|
|
|
|
|
Re: ناس الزقازيق ... أجدع ناس .. (Re: سامي عبد الوهاب إدريس)
|
مائــدة رمضان
وجبة اليوم بعيدة الشبه عن اكل المطعم حق ناس الرشيد
ولا حتى قربت سااى جنب صينية الخبراء المجهزة لى جلجل ..
وطبعا تبــرى ما بتشبه كوريّة السفوف اللات ود جبرين ..
وجبتنا اليوم خفيفة على المعدة
ولذيذة على الفشفاش ... ابتسموا معى
هاك يا جلا
ودى للرشيد
وود جبرين
وعشان ما تزعلوا ده انا زااااتى ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
زهير محمد عثمان الزناتي
كلية التجارة
قسم المحاسبة
متزوج وأب لأربعة
خريج 1992م
ت : - 0919701061
[email protected]
يا سامي ممكن نفتح الباب للناس من خارج البوست ، وأي زول عارف ليهو بيانات زول ممكن ينزلها بي كده ممكن يكون عندنا قاعدة بيانات ضخمة ، بعدين عليك الله رقمها عشان نتابع العدد ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: انت يا طارق المصيبة دي عايسينها في أضان زول ولا شنو...ماله عامله كده زي الاضنين اضنين...
و الله يا طارق كان ده أكل المغاربة أهلك ديل و كمان في رمضان...أنا وحات الله بكلم زهير الزناتي
يخلي الجمعية تسفرك السودان عاجلا ات وبي عيالك كمان...يا زول ات الجوع ما كاتلك عديل كده...
أها النقول شميت طرقة الأبري...دي كمان بتشبع ليها زول...طارق أنا الضارب لي زهير حسة دي...
|
والله يا الرشيد خليتني اقع علي قفاك من الضحك
لمن رئيس التحرير شبكني ليك يا ((زول)) مالك
يمين يا الرشيد المطبخ المغربي دة امتع مطبخ في الكون
طباخين لمن عورا
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
Quote: لكن طارق جبريل بيخلى ليهو زول يعمل ريجيم ؟؟
سفسوفات ومشبكات وطواجين ما تديك الدرب
لو استمريت فى عمايلك دى
لغاية العيد , حا نلقاك (خنفس ) عدييييل
وخنفس دى مقصود بيها (the opposite past partissible)
لى الصلعة والجلحات
|
يا منص بالغتة
يا حبيب وصلنا تحاياك لي طلحة
امبارح كنت معاهو في مكتبه في الربط
وهاك دي تصبيرة من فطور المغرب:
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
| Quote: يا سامي ممكن نفتح الباب للناس من خارج البوست ، وأي زول عارف ليهو بيانات زول ممكن ينزلها بي كده ممكن يكون عندنا قاعدة بيانات ضخمة ، بعدين عليك الله رقمها عشان نتابع العدد ... |
إنت تأمر أمر يا زناتي
أها كدا كيف؟
والأخوة من خارج سودانيزأون لاين ممكن يرسلو لأي واحد من الأخوان المذكورين أدناه:
(1) سامي عبد الوهاب إدريس
خريج تربية 91
قسم اللغة الإنجليزية
هاتف السعودية
00966502297598
هاتف السودان
00249916000543
[email protected]
_________________________________
(2) زهير محمد عثمان الزناتي
كلية التجارة
قسم المحاسبة
متزوج وأب لأربعة
خريج 1992م
ت : - 0919701061
[email protected]
_________________________________
(3) محمد صديق محمد احمد الحسين
تربية...انجليزى
برالمة 84-85
انا وجلا جينا فى سنة واحدة لكن انا دفعة النضيف
ت-0912162923 (منزل 0122051212)
[email protected]
_________________________________
(4) ميسرة سيدأحمد إبراهيم
المملكة العربية السعودية - جدة
هاتف منزل 6754688
جوال 0508606055
[email protected]
_________________________________
(5) محمد آدم النور حسن
تجارة الزقازيق 88
الخرطوم - 0912319724
[email protected]
_________________________________
(6) الرشيد بابكر سيدأحمد
زراعة الزقازيق 1986
الامارات العربية المتحدة
أبو ظبي
تلفون:00971508179161 -- 00971504469622
بريد اليكتروني:
[email protected]
________________________________
(7) ياسر نجيلة
الاسم: ياسر أحمد نجيلة
الامارات - دبي
محاسب بحكومة دبي
خريج تجارة الزقازيق - محاسبة
دفعة 84 - 1988م
هاتف شغال 24 ساعة : 6268806 50 971 +
ايميل:
[email protected]
________________________________
(8)
Dr.Elsadig Abdalla
0353879359144
Waterford Regional Hospital
Endocrinology and Diabetes Department
Waterford
Republic of Ireland
0 Email:[email protected]
_________________________________
(9) اسامة عثمان محمد صالح ابتر
خريج علوم 1989
كسلا دنقلا
تلفون 00249912913486 وكمان 00249912186289
[email protected]
_________________________________
(10) صالح عبدالرحمن صالح
شارع افريقيا - مبنى القبله
شركة كنار للإتصالات
إدارة التسويق
249155552515+ موبايل كنار
249912397336+ موبايل زين
299155553310+ مباشر مكتب
ايميل عام : [email protected]
ايميل عمل : [email protected]
_______________________________
(11) عصام الدين دهب علي
خريج حقوق الزقازيق 1991م
مستشار قانوني و مديرالإدارة القانونية
شركة الدار العالمية للأستشارات القانونية والمحاماة / جدة
هاتف عمل 00966920000054
هاتف جوال 00966503639124
[email protected]
_____________________________
(12) منصور عبد الرازق محمد فضل
السعودية -الرياض
الشركة الوطنية لصناعة الأسمدة الكيماوية (نافكو)
مدير المبيعات -اسمدة
تلفونات 00966504177839 موبايل
0096612652266 ext 1 or 117
0096612651327fax
e-mail:[email protected]
e-mail:[email protected]
________________________________
(13) محمد عيد ميرغني
خريج زراعة 1987
الخرطوم بحري
جدة
00966503763764
[email protected]
_________________________________
(14) جلال عثمان محمد علي عكود
تربية (90)
السعودية الرياض
منزل/ 0096614720809
عمل/ 0096614780234
فاكس/0096614789361
خلوي/ 00966505779464
[email protected]
[email protected]
_________________________________
ونواصل...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: يا طارق جبريل وحات الله في زولة قالت لي عايزه ترسل ليك حلو مر بالدي إتش إل
قلت ليها الوزن عندهم بالجرام ، يعني عايزه زي مليون جنيه كده عشان يصل
شفت الحساده دي كيف |
يا ربي ابتهاج الايام دي تركب ليك وش
والشفع يعملوا منك مجانين
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
| Quote: ياسر نجيلة لو عندك باقي صور نزلها هنا .... |
استغاثة ولدنا الرشيد بابكر مع حر رمضان وصعوبة الميل 48
نواصل باق الصور ....
الما اصور هنا زمان ... عمرو ضاع ....
مدخل شارع القومية ...
صيدلية الايمان وبجانبها - لوتذكر يا منصور - بقالة الايمان لصاحبها ابوعماد الفلسطيني
البقالة حاليا تحولت الي مخبز وحلواني شامي ... لاحظ المحل جنب الصيدلية ...
شوفو التشجير كيف في الجزيرة الوسط لشارع القومية ...
صيدلية سان مارك بجانب دار الاتحاد .... وين في رقم هاتف مكتوب على الحيطة هي دي الصيدلية ...
اللافته الحمراء ديييييييييييييك ....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
يا محمد عيد على الأقل كنت تسترني ياخي بي جلابية ولا عراقي حتى....
Quote: اللهم بفضل هذا الشهر الكريم هون علي عبدك الرشيد أمر
هذا الشهر واجعله له سهلاً هيناً ، وطمن قلبه بسكينة لا تأتيها الجرسة من خلفها
أو أمامها ، أجعل له نهار رمضان بضع دقائق لا يحس بها ، اللهم آمين
|
اللهم آآمين
زهير تعال نقدم ليك تبقى امام جامع هنا في الامارات...شايفك حافظ كويس...
Quote: يمين يا الرشيد المطبخ المغربي دة امتع مطبخ في الكون
طباخين لمن عورا
|
طارق...انت مخير يابا...أمتع أمتع...كنا عايزين نسوي فيك خير...لكن أبيت براك...
و الله عصيدة واحدة أمتع من كوم المعجنات المصورو لينا ده..
Quote: العم جبارة يتوسط الوفد الزقازيقي الذي جاء لزيارته ، وكنا نناديه أنا واسامة وعابدين
فقط (بعم جبارة) ....
|
زهير يا خطير...و الله أنا انبسطت...ما عارف حاتم جبارة ده ساكت مالو...
| Quote: الرشيد جاييك لابداعات الخبراء الاجانب رمضانياً |
جلال...أسمع كلامك أصدقك...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
الاذان فضل ليهو خمسة دقائق
هسي يا زهير كان حلو مر الزولة الظريفة دي كان اترسل
ما كان الواحد بلى ريقو بيهو
غايتو الزولة دي مشكورة شديد لكن انت ما عافي ليك
يا جلال لمن نفطر نجي نفت حتة السفوف دي
الرشيد يا حبيب
انا ما شغال بي حتة الما بتحصلو جدعو
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
نهايه شارع القومية وانت متجه الى دار الاتحاد … ملتقي شارع القومية مع الشهيد ….
لاحظ اللافتات …
الصورة دي اقيفو فيها شويه ... خاصة الناس المطششة سامع ياموسي عيسي – دي لفة دار الاتحاد
شاف محلات الطولي JOTUN لو لفيت يسار تلقي دار الاتحاد ... وقع ليكم ....
خلاص يا عبدالدئم وصف ليهم من دار الحميراء ...
يعني ده مركز الجاويش ... جلا اوع تقول لي وين "المصطبة" ...
وده دار التحاد زاتوووووووووووووووووووووو
حتي هباني والكرداوي وتبيدي ميسرة وزاهر الصادق وعادل الزاكي ودالبيه وودالجعلي وودالامين ومجدي النعيم وودجادين (ده ممثل القائمة بتاعتنا المعتدلين) والبقية مجتمعين جوه ... صح يالزناتي ...
شوفو البوابة ... مما مشينا مافي زول هبشها ولا نظفها ...
هداك السلم يلا اطلعو فوق جيبو الجوابات ....
اها المرة دي منو الرفع علامة النصر وزاع بيان بالفوز ... اي من البلكونة دي ... يا شهدت مطاحن وديه ...
نجيب ليكم المنظر من بعيد شويه ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
اها ياشباب اعزروني لو قاطعت افكار واحد منكم او مشوارة مع الزكريات ... لاني بجي خاشي تووووش ... وقديتكم ...
بس الحمدلله الصور خلصت ...
الحقيقة ماخلصت بس في جزء لايستهان به اتحذف من الكاميرا غصبا عني ... الحر والشمس ... في نص الرأس
والصور كانت خاصة بشارع الجلاء كبري المعلمين والترعة والسوق بتفاصيلة
اخونا ميسرة اكيد ماحيقصر ... وحيتم ليكم الباقي
وخاصة لكوظ وزراعة وبيطرة ...
والى لقاء في رحلة اخري
انت ياالرشيد مابتنوم ...
حاجيك بكره انا خلاص اتفرغت وخلصت الصور الكانت خانقاني دي ...
محمد عيد رمضان كريم ... بس ابداع الكاركاتيرات المدبلجة ...
طارق جبريل ... قبلت على الأكل ... النخيخ والقصص كملن ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
| Quote: جلال...أسمع كلامك أصدقك... |
لا والله يالرشيد، عارف اليوم اخوك حاسي بي صداع كده والضغط مرتفع 140/100
اها لقيتا فرصة وجليت ليك الدوام وبعد الصلاة قلت ياولد قوم على الرشيد (نحندكو) بي اكل الحاجة دي
ويادوبك فتحنا البوست وعينك ماتشوف الا النور، بابا ممكن شوية عاوزة العب game دي مريم الاخري
لالا يابابا بالله شوف لينا ناس خالو ممكن يكونو online دي مرام الشينة وكلو كوم وجر cables كوم تاني
ده محمد (تمبش) وآخر الناقصة ياسيدي هاك امسك ميار دي عشان اقوم اغسل العدة المكومة دي
فما كان من امري غير اقوم اخش في البنطلون والقميص وجري على الشغل
والله ارحم مية مرة من دلع شفع المغتربين ده .... ياخ انعل ابوهم ذاتو (وذلك بعد ان فقد المنطق)
-----------------
جبريلا بالله بسرعة كدة المقادير وطريقة عمل السفوف (ياخ البتاع ده دخل في مزاجي)
ممكن ينزل لينا الضغط ده ياخ
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
نجيلة ياخ والله رجعتنا لي زمن الزمن زين والشعر مغطي الاضنين ياقول الحاجة
عارف صورة دار الاتحاد دي وصفة ناجحة جدا للاحباط
ويمكن الزول يتعامل معاها على اساس انها (دواء) عديل كدة
ياخي والله ريحتنى راحة حسيت انو رجعت عشرين سنة لي وراء
واتخيلت نفسي نازل السلم بعد ما استلمت جواب حلو كدة
اها لفيت يمين للصالة لقيت ليك حاتم جبارة (مطقطق) حامد الحبر في البنق
والشكلة مدورة لانو نجيلة قيمو الجاي لكن عمر النملة قال ده قيمو اها قمت عايز احجز
لقيت ليك في زي عشرين واحد قدامي .... اها سقت محمد الهادي ومشينا خلطنا
فلانة .... وعلانة .... واشترينا ايس كريم من ابو عماد
نجيلة حراااااااااااااام عليك ياخ المسطبة وينا
عايزين نشوف صورنا ونحن خالطين
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
جلال ألف سلامة ليك يا أخي...ان شاء الله أجر وعافية...
ربنا يخلي ليك امبراطورية ميم...مريم..مرام..محمد و ميار...نحن والله نفتقد هذا الازعاج
وطبعا أنا بالي طويل للحد الذي تحسدني عليه نجاة حوفي...لدرجة ممكن أكون نايم و تكون
أمنية قاعدة في ظهري بتتفرج في التلفزيون...و مهند متكي على رجليني...مرات بقوم من النوم
و أعاني صعوبة في التنفس...
ربنا يخليهم ليك...و عذرك ما مقبول...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
بسم الله
و الصلاة و السلام على المصطفى
أصبحنا على فطرة الإسلام
وعلى كلمة الإخلاص
وعلى دين نبينا محمد صلى الله عليه و سلم
وعلى ملة أبينا إبراهيم حنيفاً مسلماً
وما كان من المشركين
اللهم تقبل صيامنا
وركوعنا وسجودنا
و تب علينا يا أرحم الراحمين
اللهم آمين...
اللهم آمين....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
تمشي تنوم تخلي رشيد القوم في البوست ...
تقوم من النوم بدري برضو تلقي رشيد القوم سبقك ...
اها اليوم مالكم ... ولا نفر دخل من الصباح ... انا الاول
رمضان خلاص دخل العضم ...
شايف جلا يادووب عمل الافتتاحية ...
Quote: نجيلة بتعرف نوم الديك في الحبل...ده بس نومي أنا...عليك الله يا نجيلة انت برنامج السر قدور ده
بيجي بتين...بمشي التراويح و بجي ما بلقاهو...
|
الرشيد يا اخوي ... يا تنطش التراويح وتحضر البرنامج ...
او تمشي التراويح ... وتخليهم يحكو ليك البرنامج ...
وحاتك ناس النيل الازرق قاصديننا عديل كده ... ظابطين موعد البرنامج مع مواعيد الصلاة بتوقيت ابوظبي ... يقيمو الصلاة تنبدأ الموسيقي التصويرية للبرنامج ...
الامام يقول السلام عليكم ... السر احمد قدور يختم بهناك ...
تشكر يا جلال ... يا جله على مداخلتك الجميلة عن دار الاتحاد ...
والمصطبة خلو ميسرة يلحقها ليكم ... مع الباقي
بتعرف ياجلال كلامك عن الجدال داخل صالة التنس ... احلى من الصور ذاتها
الناس القلتهم ديل كلهم بقدر اغلبهم الا في واحد عكليته كده ...
غلبو صعب شديد وهو المهندس الطيب حمدان ... تحياتي له اينما كان .. عمل لي عقدة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
شكراً يا ناس الليل
و المداخلات بتاعتكم زي دفن الليل أم كراعاً بره
موسى عيسى غيبتك طولت ليه؟؟
الكفيل يكون قطع منك النت؟؟
ولا معتكف في الحرم من هسي؟؟
| Quote: يعني ده مركز الجاويش ... جلا اوع تقول لي وين "المصطبة" ... |
أنا مركز في الساحة القاعد نلعب فيها سداسيات... يا نجيلة...
و بعدين نمشي نتشطف من الماسورة الفي الشارع
عشان نجي نحجز (game) بتاع تنس طاولة جوه الدكانين الظاهرات في الصورة
يا دوبك إنت إبداع....
إنت من ياتو ناس؟؟
ناس الليل و لا ناس النهار؟؟؟
أحبك يا نجيلة براااااااااك
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
رزق الاخ حسن ابو على صيدلة بامورة حلوة انضمنت لشقيقاتها
بلسم وايمان واختارو لها اسم هيام ،،،، قولوا ماشاء الله
الف مبروك يا ابوعلى تتربى فى عزك ومن المستورات
انا غايتو حامسك فى طرف ابوعلى والبنات سكر نبات
امس يا الرشيد طبعا انا مسمر قدام التلفزيون من المغرب منتظر سهرة البلابل
واتحققت امنيتى الاولى برجوع البلابل وعقبال ما تتحقق الامنية التانية ونرجع
الزقازيق كلنا تانى .
صورك يا دوب يا نجيلة بلت ريقى وتشكر يا ملك
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
صباح الخير على وجوه الخير..
التهاني والتبريكات لي أخونا أبوعلي وإنشاء الله الأمورة تتربى في عزكم.
يا عموالزناتي شنو الخيانات دي زيارتكم لي عم جبارة براكم وما تدونا خبر ، ما نحن رجعنا خلاص وبقينا أفيلابل... ما تنسانا إذا في أي حاجة خلال رمضان ، ونحن مشتاقين لي كل المعاك.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: البادي النور)
|
ألف مبروك للبنية يا دكتور حسن ابو على ...
تتربي في عزكم ...
امسكو طريق البنات ده كويس ... وبعدين ورونا ليهو
| Quote: أحبك يا نجيلة براااااااااك |
| Quote: صورك يا دوب يا نجيلة بلت ريقى وتشكر يا ملك |
بطلو دجل يا جلا وعبدالدائم ...
بعد ماالصور تخلص والواحد زيتو يطلع في التصوير ..
تجو تقولو الكلام ده ...
وين كلامكم ده في الاول ...
مكناتكم دي وزعوها لى غادي ... الفيكم اتعرفت ...
الاجازات جايه ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
Quote: تمشي تنوم تخلي رشيد القوم في البوست ...
تقوم من النوم بدري برضو تلقي رشيد القوم سبقك ...
|
ما قلت ليك يا نجيلة نوم الديك في الحبل...
Quote: الرشيد يا اخوي ... يا تنطش التراويح وتحضر البرنامج ...
او تمشي التراويح ... وتخليهم يحكو ليك البرنامج ...
وحاتك ناس النيل الازرق قاصديننا عديل كده ... ظابطين موعد البرنامج مع مواعيد الصلاة بتوقيت ابوظبي ... يقيمو الصلاة تنبدأ الموسيقي التصويرية للبرنامج ...
الامام يقول السلام عليكم ... السر احمد قدور يختم بهناك ..
|
و الله يا ياسرأمبارح كنت بشوف في كورة برشلونة مع بيلباو...و في نفس الوقت سهرة البلابل...
بعد شوية وأنا جيت اقفل عشان أمشي أنوم أعادو الحلقة بتاعت برنامج السر قدور...و الله اتلايقت
و حضرته للآخر و منها لصلاة الفجر مباشرة..يعني أنا تقريبا نايم ساعة و نص فقط...عليك الله ده ما
نوم الديك في الحبل...
Quote: رزق الاخ حسن ابو على صيدلة بامورة حلوة انضمنت لشقيقاتها
بلسم وايمان واختارو لها اسم هيام ،،،، قولوا ماشاء الله
|
مبروك عليكم هيام يا أبوعلي...ليجعلها ربي غرة عين لك و لوالدتها ويحفظها و أخواتها ويحفظكم
لهم...ليجعل الله هيام هائمة دوما في حب الله وطاعتة...
Quote: امس يا الرشيد طبعا انا مسمر قدام التلفزيون من المغرب منتظر سهرة البلابل
واتحققت امنيتى الاولى برجوع البلابل وعقبال ما تتحقق الامنية التانية ونرجع
الزقازيق كلنا تانى .
|
انت عارف يا ديدو أنا كنت قايلك حتقول ان أمنيتك التانية رجوعك انت للسودان...و لا انت زي عم
جلال عثمان ما بتحب الدعوات البايخة دي في الشهر الفضيل...يمكن يستجاب ليها...
بس يا اخوي حكاية رجوعنا للزقازيق ده صعب خلاص...يعني في ناس ممكن لأنهم ما اختلفو كتير
يعني زهير ممكن يرجع ياهو نفس الشنب وهو برلوم...لكن زي جمال مصطفي و عبدالرحمن مضوي ديل
الا يرجعوا يمسكوا محل عم عمر بتاع البوستة...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
| Quote: وده دار التحاد زاتوووووووووووووووووووووو |
وااااشرّى
يا لهوووووى ...!!1
نجيلة الحبيب .. بى طريقتك دى بكتل ليك زول
والله صور مباااالغة .. جمــــال بلا حدود
وكلو كوم والبلكونة دى كوم تانى ...
دى البلكونة الطلعت منها لجنة الانتخابات واظنو كان رئيسها
عادل كرداوى او محمد حامد .. ومنها تم اعلان فوز اول اتحاد تجمع
فى مصر كلها بعد انتفاضة ابريل 85 ، وتلا ذلك بقية الاتحادات
وهنا أشار زاهر الصادق بعلامة النصر وصاحت الحناجر .. بلا وانجلا
وهنا وقع الريس مسيرة مغشيا" عليه .. وتسمّر بشير على العبيد مشدوها
وكأن على رأسه الطير .. بينما انتابت الهستيريا كلا من عادل الزاكى
وعادل النمير ..
بينما انتظم ناشىء وناشئات المحراب فى كورال صاخب .. بلا وانجلا
وعما قريب الهمبريب يفتح شبابيك الحبيب .. يقود الكورال المناضل
الكبير وحبيب الزقازيقاب .. محمد جعفر
وبجواره ابو تمام الزقازيق حافظ ابو عاقلة ( موسى وين التلفون ؟ )
يا لها من ايام ...
ياسر نجيلة ... تعظيم ســـلام ..
* مبروك للاخ حسن ابو على الامورة الحلوة .. ربنا يحفظها ويسعد ابويها .
* زهير شوف ليك حــل لى غطسة محمد صديق دى ؟؟ يا اما انا عندى
تفسير تانى ..
يخيل لى ود صديق ده من النوع الما بيظبط راسو الا بعد اسبوع كده من رمضان ..
انا غايتو حــدى 3 يوم .. يعنى من بكرة بأقدكم ليل نهار
موضوع محمد صديق ده ذكرنى واحد كان زميلنا فى وزارة الزراعة بالخرطوم
لو تذكرو يا منصور اسمو : على الأمين تبار .. المهم الراجل كان عندو رمضان ده
ما محسوب ابدا فى الشغل يعنى غصبا عن عين اى مسئول لازم ياخد اجازته كاملة
فى رمضان وما بيطلع بره البيت ابدا بالنهار ..
بل انو فى يوم كنا عاملين فطور جماعى فى الوزارة حاضرو الوزير .. وضغطنا عليهو
عشان يحضروا .. وفعلا حضر لكنه شاكل الناس كلهم ..!!
غايتو يا ود صديق كان بتشاكل ارقد قبلك ونشوفك بعد العيد
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
لاشك ان صورة بلكونة دار الأتحاد
فى شارع القومية المتفرع من شارع المحافظة
النازل من شارع الشهيد
لاشك انها هى الحدث الأبرز فى الميل 48
وكما ان صورة ستوديو مصر صورة خاصة جدا
هيجت اشجانى , تماما مثلما فعلت سواقى كسلا
مع توفيق صالح جبريل
فالزقازيق هنا يا ياسر نجيلة
هى كسلا التى اشرقت بها شمس وجدى
فهى , جنة الأشراق
ستوديو مصر , هو بداية عهدى انا بالعمل المظبط والشغل المجود
كنا نتصور فى السودان فى الأستوديوهات
فيعطيك المصور نهاية الأمر
صورة , مجرد صورة , لو الأمر بأيدك , طوالى تقول لبتاع الأستوديو
دى صورة شنو , المغبرة دى
يقوم يقول ليك , وانا حا اجيب حاجة من عندى , مى ياها صورتك وخليقتك
الى ان عرفنا التصوير فى استوديو مصر
عرفناه حد ان تصيبك الخلعة لمن تمشى تستلم صورتك
نضافة لم يعهدها حتى (عبد الدائم النضيف ) فى نفسه
والغريبة تلقى بتاع الأستوديو متردد يديك الصورة لأنها ما عاجباهو
ما عاجباك كيف يا بنى آدم , هو اصلا الفى صورة ده
انت متأكد انه انا
فيفاجئك بألأجابة التى تؤذيك (فى حنانك ذاتو )
لكنك تقطعها فى جلدك
(ماهو يابيه انا معرفتش اعمل احسن من كده )
مسكين صاحب الأستوديو , مفتكر الصورة ما عجبت صاحبها
ما عارف انو سيدها , الخلعة راكباهو
ومن دربه داك , لأقرب بتاع براويز
ويا صالون جاك بلا
قال لى عبد الحى اسحق , احد الزقازيقيين القدامى , تجارة دفعة 86
وقد استلم صورته التى سببت له خلعة (لا يوم الليلة ) من استوديو مصر
الراجل قلت ليهو ادينى العفريتة , من كثر ما الصورة عجبتنى
قال عفريت لما يركبك , ولم يدرى ان عبد الحى كان يقصد (النيجاتيف)
واكمل عبد الحى بعد ذلك , انه حاول عمل نسخ من ذات النيجاتيف فى اكثر من استوديو سودانى
ولا واحدة فيهم , جات ما فيها غبار وكتاحة
ستوديو مصر موجود حتى الآن , فى نفس المكان
وناس الريس ميسرة , ناس كاميرا ارتست الفدام , من زمان قفلو وهاجروا
ستوديو مصر , هو الفرق بين بلد وبلد , بين شغل وشغل ,
ستوديو مصر الخيص عظيم فيه اجابة ’ لماذا نتأخر , ويتقدمون
رمضان كريم ياعبد الحى اسحق , خريج تجارة الزقازيق 1986
اين انت الآن ؟؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: Dr.Elsadig Abdalla)
|
Quote: يا ربي ابتهاج الايام دي تركب ليك وش
والشفع يعملوا منك مجانين |
يا طارق الوش مركب قبل الدعوة ...
Quote: الاذان فضل ليهو خمسة دقائق
هسي يا زهير كان حلو مر الزولة الظريفة دي كان اترسل
ما كان الواحد بلى ريقو بيهو
غايتو الزولة دي مشكورة شديد لكن انت ما عافي ليك
|
والله يا طارق أنا عطلت الموضوع دا عشان ما عايزين مشاكل وكدا... هاهاهاها
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
يا الصادق عبد الله مرحب بيك في السودان الشقيق وحا نعطل كل البرامج لحين حضورك الجمعة القادمة
والتحذير للمرة الثانية .... من ناس فلان عازمني وناس علان عاملين لينا وداع ... (وذم الرشيد بابكر شفتيه إمتعاضاً) ..
طيب يا الرشيد عشان ما تزعل بكره عازمنك كورة الهلال رايك شنو ... مع كمبالا سيتي ، الصادق لو ما مريخابي كان كلمت صلاح إدريس يعملها الجمعة ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
أنت يازهير جنيت ولا الصيام دخل في العضم؟؟ياخي بعد مشاهدتي للآرسنال وألمان يونايتد والمريخ السوداني ،عاوزني اجي اتفرج على الهليل التعيبان بتاعك ده!! غايتو شكرا على الدعوه..بس الفيك اتعرفت ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
| Quote: أنت يازهير جنيت ولا الصيام دخل في العضم؟؟ياخي بعد مشاهدتي للآرسنال وألمان يونايتد والمريخ السوداني ،عاوزني اجي اتفرج على الهليل التعيبان بتاعك ده!! غايتو شكرا على الدعوه..بس الفيك اتعرفت .. |
عفيـــت منك يا دكتور ....
وانشاء الله كراعك خضراء على الصفوة
ومنتظرين توثيق بهدلة الزناتى المتوقعة قريبا ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
| Quote: طيب يا الرشيد عشان ما تزعل بكره عازمنك كورة الهلال رايك شنو ... مع كمبالا سيتي ، الصادق لو ما مريخابي كان كلمت صلاح إدريس يعملها الجمعة ... |
شكرا على على الدعوة يا أبو الزوز...أنا مستعد أجيك مخصوص للكورة دي...بس عليك الله ما تحول لينا المساطب عشان تغلب كتير...
زهير انت عارف الأزرق دائما هادئ و رزين و مسامح...أوعك تدخل في مهاترات مع الجماعة ديل...و دكتور
الصادق ده اعتبره من المؤلفة قلوبهم...فأحسن اليه لعله يهتدي الى طريق الحق و الرشاد...لكن ممكن
تلغي مشوار قندهار...صعب شوية في رمضان ده...و مافي داعي لنادي الشرطة المكان بعيد عليكم...و رحلة
نيلية في نهار رمضان ده مستحيلة...و فطور في نادي الربيع ما ممكن كمان...أقول ليك حاجة...و ديهو
باباكوستا لي عبدالرحمن مضوي و خلاص...يمكن عبدو يحلف ما تدفعو..
طبعا دكتور الصادق اختار ليك ارسنال و مانشستر عشان اللون...و نسى تشيلسي و ايفرتون...ريال مدريد
في اسبانيا...انترميلان في ايطاليا...و بورتو في البرتغال...و كفاية كده..
أقول ليك حاجه يا أبو الزوز خليك مسامح...الزول ده استقبلوهو في المطار و بعدين تعالو ودعهوه بس
أهم حاجة توثقو الاستقبال و الوداع...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
زهير غايتو زى ما قال عصام دهب
عيبك الوحيد انك ازرق فى الكورة ..!!
| Quote: طيب يا الرشيد عشان ما تزعل بكره عازمنك كورة الهلال رايك شنو ... مع كمبالا سيتي |
انتو كمبالا سيتى ده مش برضو من سيكافا ..؟!
وقبيل مش قلتو انو سيكافا دى دورة السخافة ..؟؟
وانو كل فرقها حمااام ميت ...؟؟
وتييييييب ...!1
حم حم يا حمام ... شــتت لى ســـكر ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
| Quote: انتو كمبالا سيتى ده مش برضو من سيكافا ..؟! |
ده تمرين للناس الكانو مصابين عشان يرجعوا لياقتهم....
محمد عيد أنا عارف لو فتحت معاك سيرة الكورة دي ياني المتسحر مع طارق جبريل بتوقيت المغرب...
الغريبة انه الجماعة الكانو كيشة في الزقازيق حسة بقو مشجعين متعصبين...أنا حقيقة انفاجأت بيهم
جدا...زمان تتأخر ربع ساعة ولا نص ساعة من المباراة في الزقازيق وتجي تلقى مكانك فاضي...تجي من البيت تدخل تلعب طوالي...يعني الفريق ما تامي حداشر لاعب...نقيف أنا و فايز وراء و حمادة قدام و عبدالحميد و جمال مصطفى...المرحوم بكري...صفوت باك شمال...صمويل صبحي والقون كان أبوبكر
لو نسيت زول ذكرني يا محمد عيد...طبعا فلاح عوض و عيسى كانو تمامة عدد...مرات كان العدد ما كمل كنا بنحنس منصور يجي يلعب...عندو كبك كده بيشبة محمد المرتضى يجي لابسو...ما بتعرف الرجل اللفت من الرايت...
ايوه نسيت عبدالحليم..كان لعاب ممكن نحسبو مع الفريق...
أحسن مشجعات كانو صفاء عباس و حنان القطينة...يعني ديل مفروض يكونو مشجعات متعصبات حسة...صفاء
لا شك انها مريخابية على دين زوجها الأخ متوكل الاداري المتميز في مجلس ادارة المريخ الحالية...أما
حنان و عواطف دفع الله ورتيبة و نهلة نجم الدين و تماضر ديل هلالابيات ماجدة عبدالرحمن دي ساكنة جمب استاد المريخ بتكون مريخابية...أما اخلاص عمر الأمين دي بتشجع أهلى مدني وسلوى بتشجع الشمالي الصاعد
حديثا للممتاز...عائشة محمد دين بتشجع التاكا...أما ابتسام ميرغني فطلعت من قصة هلال مريخ دي
و أظنها بتشجع الخرطوم تلاتة...سهلة محمد كامل بتشجع كوبر لما كان فيهو فيصل العجب...حسة بتكون اعتزلت التشجيع...أما الجنرال اخلاص محمد أحمد بتشجع اللعبة الحلوة و الفريق القومي..
آمال خضر مستغربة لحدي حسة كيف 22 راجل بيجروا ليهم وراء كورة زي الشفع...
أما أنا بقول ليكم فتكم بعافية
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
والله يامحمد عجبتني حكاية بشير عباس دي
ياخ اتاريهو عاطف القوز ده زول مسلط
وإمعانا في إخراج الروائع من بشير عباس ده ياخ لخبطنا قصدي منصور دا
هذه دعوة لتبني (استفزاز) الموسيقار الرائع ده عشان نفوز باعذب الالحان
ويكون البوست وناسوا هم الكسبانيين
وقد كونت لجنة لهذا الاستفزاز برئاسة جلا وعضوية كل من
جلا
جلا
جلا
جلا
...
..
.
وين الريس ده
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
والله ناس حلوين ياناس الزقازيق وبوستيكم ده أروع بوست على الأطلاق ..والله أنا بعد أتجول في كل البوستات ،أرجع لاستريح وأنجمى في هذه الاستراحه الوارفه..هذا هو البوست الوحيد الخالي من النبذ والشتائم والحاجات العجيبه الثانيه ديك ...لو لم أكن زقازيقي لتمنيت أن أكون زقازيقي ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: Dr.Elsadig Abdalla)
|
Quote: اما الحبيب رشيد القوم ..
القاعد يقول انو متزوج بالنية من سنة 86
فـ خليهو ساكت الايام دى
لأنو بت الشيخ الايام دى متابعة البوست بشدة .. !! |
ما قلت ليكم محمد عيد ده كان كيشة في الكورة...يا محمد عيد لما ألعب الون ألعب التو...مش
تشوت في الآوت و ترجع علينا هجمة مرتدة كمان...
بعدين بت الشيخ دي عندها قمبور و لا اتخرجت من الأحفاد...انت حسة كان نضمت ما كان أحسن من
كلامك البجيب الزرزرة ده...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
| Quote: والله ناس حلوين ياناس الزقازيق وبوستيكم ده أروع بوست على الأطلاق ..والله أنا بعد أتجول في كل البوستات ،أرجع لاستريح وأنجمى في هذه الاستراحه الوارفه..هذا هو البوست الوحيد الخالي من النبذ والشتائم والحاجات العجيبه الثانيه ديك ...لو لم أكن زقازيقي لتمنيت أن أكون زقازيقي ... |
دكتور الصادق لأنك بتجي في وردية الليل بتاعت الناس المؤدبين...جلال و محمد عيد و أنا...ما جيت في
وردية النهار بتاعت ناس جلا وزهير الزناتي...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
غايتو حسدتكم يا ناس دفن الليل أم كراعاً بره
شدة رمضان ما مسخن في جميع دول العالم!!!
لمن الجماعة اتضايروا...
وقالو لو لو بارينا الكتابة في البوست دا بالنهار...
بنعطش و بنجرح صيامنا
و الريس قفل تلفونو و بريدو الإلكتروني ما شغال بيهو
وهو في حالة صفاء روحاني في هذا الشهر الكريم
و بعض الجماعة عملو بظريتو
لكن أقول ليهم
ما تخافو ما بنجرح صيامكم و لا حاجة
تعالو لينا...
كان شفتو حاجة كدا...و لا كدا....
قولو اللهم إننا صائمون
بعدين ما شايفين زهير الزناتي؟؟
الجماعة شهدوا له بالتقوى و الهدى و الورع
بس غير لونو الأزرق دا كل حاجة ماشة تمام
وبعدين مسألة اللون بتتعالج
زي ما قال محمد عيد
المسألة مسألة وقت
يعني بعد دا ما تخافو
أحبكم و في نفسي حبكم
يعني بزيادة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
صباح الخير يا وجوه الخير ...
قلنا نصبح بي لهجة الريس ميسرة عسى ولعل يظهر ... يا ريس أظهر وبان عليك الأمان.
دكتور الصادق رمضان كريم وتوصل بالسلامة إنشاء الله وعايزين نشوفك في السودان الشقيق بس أمسك في عمو الزناتي وكل شئ حيكون تمام التمام...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: اول شىء الرشيد ومنصور ديل كانو ضمن دفعة فيها 6 اولاد بس
ومعاهم حوالى كم واربعين زميلة .. |
طبعاً هسي المسألة إختلفت
إذا قدر إنو في بعثات سودانية لمصر
ستكون دفعتي فيها أنا و موسى عيسى و نجيلة
ومعانا 45 زميلة
أنا في قسم المحاسبة و معاي 18 زميلة
بس ما عندنا بالطو أبيض
موسى عيسى في قسم الإقتصاد
معاهو 13 زميلة
وطبعاً كجن المحاسبة
ياسر نجيلة قسم العلوم الإدارية معاهو 12 زميلة
كفاك يا نجيلة خايفين يسحروك
الكورة خليناها
الحفلات بتاعت الشماشة
ناس محمد عيد وجلال و منصور
السياسة جليناها
تحت تحت العلم زاتو فاطينو
الله يخرب مطنك يا....
أحبكم و د. الصادق متجدع معانا في البوست دا
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
زهير الزناتي قال
| Quote: يا الصادق عبد الله مرحب بيك في السودان الشقيق |
البادي قال
| Quote: دكتور الصادق رمضان كريم وتوصل بالسلامة إنشاء الله وعايزين نشوفك في السودان الشقيق |
أنا برضو بقول
دكتور الصادق تصوم و تفطر على خير و تصل بالسلامة في السودان الزميل
أحبكم يا رفقاء
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: دكتور الصادق لأنك بتجي في وردية الليل بتاعت الناس المؤدبين...جلال و محمد عيد و أنا...ما جيت في
وردية النهار بتاعت ناس جلا وزهير الزناتي... |
عليكم الله ما سمعتو بي كلام الليل يمحموه النهار
دفن الليل أم كراع بره
الليل يغطي الجبال و الكلام الفاضي
الحرامي بجي باليل
الإنقلاب العسكري بليل (دي مش ما فيها حاجة يا جماعة؟؟)
وقعدات...احم...احم الأستماع باليل
الحاجة الوحيدة و حسنة هي
قيام الليل
أحبكم يا ناس و العين تشوف العين
| |
|
|
|
|
|
|
| |
جلال عثمان
الرشيد بابكر
محمد عيد
طارق جبريل
محمد آدم النور
محمد صديق
سامي عبد الوهاب إدريس
عبد الدائم سيد أحمد
منصور عبد الرازق
زهير الزناتي
ياسر نجيلة
Dr.Elsadig Abdalla
فيس بوك
تويتر
انستقرام
يوتيوب
بنتيريست